📅 2019-yil 31-avgust · Vazirlik va idoralar hujjatlari · Favqulodda vaziyatlar vazirligi Moliya vazirligi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 31 август · Вазирлик ва идоралар ҳужжатлари · Фавқулодда вазиятлар вазирлиги Молия вазирлиги
Расмий матн. Расмий ҳужжат. Таҳририй изоҳлар киритилмаган.
📅 31 августа 2019 г. · Документы министерств и ведомств · Министерства по чрезвычайным ситуациям Министерства финансов
Официальный текст. Официальный документ. Редакционные примечания не включены.
📅 31 August 2019 · Ministry and agency documents · Favqulodda vaziyatlar vazirligi Moliya vazirligi
Official text. Official document. Editorial notes are not included.
Ўзбекистон Республикаси Фавқулодда вазиятлар вазирлиги Ўзбекистон Республикаси Молия вазирлиги
Қарори
РЎЙХАТИ
Ўзбекистон Республикаси фавқулодда вазиятлар органлари ва тузилмалари томонидан юридик ва жисмоний шахсларга кўрсатиладиган пуллик хизматлар рўйхатини тасдиқлаш тўғрисида
Ўзбекистон Республикаси Президентининг 2019 йил 10 апрелдаги ПФ-5706-сон «Ўзбекистон Республикаси фавқулодда вазиятларнинг олдини олиш ва бартараф этиш ҳамда ёнғин хавфсизлигини таъминлашнинг сифат жиҳатидан янги тизимини жорий этиш тўғрисида»ги Фармони ҳамда Ўзбекистон Республикаси Президентининг 2019 йил 10 апрелдаги ПҚ-4276-сон «Фавқулодда вазиятлар тузилмаларининг фаолиятини янада такомиллаштириш бўйича ташкилий чора-тадбирлар тўғрисида»ги қарори талабларини бажариш мақсадида Ўзбекистон Республикаси Фавқулодда вазиятлар вазирлиги ва Молия вазирлиги қарор қилади:
1. Ўзбекистон Республикаси Фавқулодда вазиятлар органлари ва тузилмалари томонидан юридик ва жисмоний шахсларга кўрсатиладиган пуллик хизматлар рўйхати иловага мувофиқ тасдиқлансин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Фавқулодда вазиятлар вазирлиги ва Молия вазирлигининг 2019 йил 31 августдаги 12 ққ, 70-сон қарорига ИЛОВА
Ўзбекистон Республикаси фавқулодда вазиятлар органлари ва тузилмалари томонидан юридик ва жисмоний шахсларга кўрсатиладиган пуллик хизматларнинг
Т/р Хизматларнинг номи 1. Ёнғин хавфсизлиги чораларини қўллаш, ўзини тутиш қоидалари ва фавқулодда вазиятлардан ҳимоя қилишнинг асосий усулларини, жабрланганларга биринчи тиббий ёрдам кўрсатиш усулларини, жамоавий ва шахсий ҳимоя воситаларидан фойдаланиш қоидаларини ўргатиш. 2. Полиграфия маҳсулотларини (ўқув ва ўқув-услубий қўлланмалари, журналлар ва бошқа босма маҳсулотлар), фавқулодда вазиятлар ва ёнғиндан ҳимоя қилиш бўйича материалларни, ўқув фильмларни сотиш. 3. Сув ҳавзаларида, чўмилувчиларнинг оммавий тўпланиш жойларида (пляжларда, ҳовузларда ва бошқаларда) қутқарувчи ғаввосларнинг навбатчилик ўташи *. 4. Сув остида техник, кема кўтариш ишларини, чўкиб кетган предметларни қидириш бўйича ишларни, сув объектлари қуйи қисмини тозалаш ва ғаввослик ишларининг бошқа турларини бажариш. 5. Белгиланган тартибда хизмат итларининг кучукларини сотиш. 6. Итларни вақтинча парваришлаш (итлар учун меҳмонхона). 7. Баландликдаги ишларни бажариш (панеллараро чокларни герметизациялаш, турли хил иншоотларни монтаж ва демонтаж қилиш, баландликда ойналарни ювиш, фасадларни тозалаш ва таъмирлаш, дарахтларни олиб ташлаш ва кесиш ва бошқалар). 8. Шахсий ҳимоя воситаларини текшириш ва синовдан ўтказиш, радиацион разведка ўтказишга мўлжалланган асбобларни қиёслаш ва калибровка қилиш. 9. Ўзбекистон Республикаси аҳолисига реклама ва маркетинг ахборотларини узатиш учун автоматлаштирилган огоҳлантириш ва ахборот бериш тизимидан фойдаланиш. 10. Ёнғин хавфсизлиги талабларига мувофиқлигини тасдиқлаш учун ёнғин хавфсизлиги соҳасида маҳсулот ва хизматларни сертификатлаш. 11. Аҳоли ва ҳудудларни табиий ҳамда техноген хусусиятли фавқулодда вазиятлардан муҳофаза қилиш, ёнғин хавфсизлиги ва сув объектларида одамлар хавфсизлигини таъминлаш соҳасидаги мутахассисларни тайёрлаш, қайта тайёрлаш, малакасини ошириш. 12. Аҳоли ва ҳудудларни табиий ҳамда техноген хусусиятли фавқулодда вазиятлардан муҳофаза қилиш ёнғин хавфсизлиги ва сув объектларида одамлар хавфсизлигини таъминлаш соҳасидаги тадқиқотлар, илмий - техник консультация ва экспертиза ўтказиш. 13. Моддалар, материаллар, буюмлар, конструкцияларни ва ускуналарнинг ёнғин хавфсизлиги бўйича синовларини ўтказиш. 14. Қурилиш конструкцияларининг катта ўлчамли қисмларини ва уларнинг элементларини ёнғинга чидамлилиги ва ёнғин ҳавфсизлгини синовдан ўтказиш. 15. Ёнғинга қарши ҳимоя техник воситалари, ёнғин автоматикаси ва фавқулодда вазиятларни аниқлаш ва тугатишнинг бошқа техник воситалари ишлаб чиқариш ва сотиш. 16. Ёнғинга қарши ҳимоя тизимлари ва воситаларига техник хизмат кўрсатиш ва уларни таъмирлаш. 17. Ёнғинга қарши ҳимоя тизимлари ва воситаларини ишчи ҳолатини текшириш. 18. Ёнғинга қарши аслаҳа-анжомларни, ёнғинни ўчиришнинг бирламчи воситаларини таъмирлаш ва уларга хизмат кўрсатиш, оловни ўчириш моддаларининг сифатини тиклаш. 19. Ташкилотлар, аҳоли пунктлари ва бошқа ҳудудларни ёнғинлардан ҳимоя қилиш ** . 20. Ёнғин хавфсизлигини таъминлаш соҳасида эвакуация режаларини, йўриқномаларни, паспортларни ва бошқа ҳужжатларни ишлаб чиқиш (ўзгартириш ва қўшимчалар киритиш). 21. Ҳисоблашни бажариш: хоналар ва бинолардан одамларни эвакуация қилиш вақти, шунингдек ёнғиннинг энг кўп йўл қўйиладиган даражага етиш шароитидага давомийлиги; портлаш-ёнғин ва ёнғин хавфсизлиги бўйича хоналар, бинолар ва ташқи қурилмалар тоифалари; келтирилган металлнинг қалинлиги ва металл конструкцияларнинг ёнғинга чидамлилиги чегаралари; бинолар орасидаги минимал йўл қўйиладиган масофа (иссиқлик оқимининг критик зичлигини аниқлаш); турли мақсаддаги бино хоналарида ёнғин бўлиши эҳтимолида ҳарорат режими ва иссиқлик юкламаси; ёнғинларнинг олдини олиш ва ўчиришни амалга оширувчи бўлинмаларнинг ишлашини таъминлаш учун зарур бўлган кучлар ва воситалар миқдори. 22. Сунъий сув ҳавзалари, ертўлалар ва ёнига бориб бўлмайдиган жойлардан сувларни чиқариб олиш (тўлдириш). 23. Мўриларни тозалаш. 24. Авто йўлларнинг қулашига олиб келиши хавфи бор бўлган ёнбағирларидаги тош жинсларини тушириш. 25. 99951 ҳарбий қисм томонидан пудрат (муҳандислик-қурилиш) ишларини бажариш. 26. Автоном дизель генераторларидан фойдаланиш. 27. Йўловчилар ва юкларни ташиш *** . 28. Муҳандислик ва бошқа техникалардан (автокран, бульдозер, экскаватор, эвакуатор ва бошқалар) фойдаланган ҳолда ишларни бажариш 29. Томоша, спорт ва бошқа оммавий тадбирларни ўтказишда кучлар ва воситаларнинг навбатчилиги. 30. Фавқулодда вазиятлар вазирлиги ва унинг тасарруфидаги ташкилотларининг музейларида кўриш ва мавзули экскурсияларни ўтказиш. 31. Ёрдамчи хўжалик маҳсулотларини сотиш **** . 32. Кичик кемалар ҳайдовчиларини тайёрлаш, қайта тайёрлаш ва малакасини ошириш.
Фавқулодда вазиятлар вазири вазифасини бажарувчи Т. ХУДАЙБЕРГЕНОВ
Молия вазири Д. КУЧКАРОВ
Тошкент ш.,
2019 йил 31 август,
Тошкент ш.,
2019 йил 31 август,
12 ққ-сон
70-сон
Oʻzbekiston Respublikasi Favqulodda vaziyatlar vazirligi Oʻzbekiston Respublikasi Moliya vazirligi
Qarori
ROʻYXATI
Oʻzbekiston Respublikasi favqulodda vaziyatlar organlari va tuzilmalari tomonidan yuridik va jismoniy shaxslarga koʻrsatiladigan pullik xizmatlar roʻyxatini tasdiqlash toʻgʻrisida
Oʻzbekiston Respublikasi Prezidentining 2019-yil 10-apreldagi PF-5706-son “Oʻzbekiston Respublikasi favqulodda vaziyatlarning oldini olish va bartaraf etish hamda yongʻin xavfsizligini taʼminlashning sifat jihatidan yangi tizimini joriy etish toʻgʻrisida”gi Farmoni hamda Oʻzbekiston Respublikasi Prezidentining 2019-yil 10-apreldagi PQ-4276-son “Favqulodda vaziyatlar tuzilmalarining faoliyatini yanada takomillashtirish boʻyicha tashkiliy chora-tadbirlar toʻgʻrisida”gi qarori talablarini bajarish maqsadida Oʻzbekiston Respublikasi Favqulodda vaziyatlar vazirligi va Moliya vazirligi qaror qiladi:
1. Oʻzbekiston Respublikasi Favqulodda vaziyatlar organlari va tuzilmalari tomonidan yuridik va jismoniy shaxslarga koʻrsatiladigan pullik xizmatlar roʻyxati ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Favqulodda vaziyatlar vazirligi va Moliya vazirligining 2019-yil 31-avgustdagi 12 qq, 70-son qaroriga ILOVA
Oʻzbekiston Respublikasi favqulodda vaziyatlar organlari va tuzilmalari tomonidan yuridik va jismoniy shaxslarga koʻrsatiladigan pullik xizmatlarning
T/r Xizmatlarning nomi 1. Yongʻin xavfsizligi choralarini qoʻllash, oʻzini tutish qoidalari va favqulodda vaziyatlardan himoya qilishning asosiy usullarini, jabrlanganlarga birinchi tibbiy yordam koʻrsatish usullarini, jamoaviy va shaxsiy himoya vositalaridan foydalanish qoidalarini oʻrgatish. 2. Poligrafiya mahsulotlarini (oʻquv va oʻquv-uslubiy qoʻllanmalari, jurnallar va boshqa bosma mahsulotlar), favqulodda vaziyatlar va yongʻindan himoya qilish boʻyicha materiallarni, oʻquv filmlarni sotish. 3. Suv havzalarida, choʻmiluvchilarning ommaviy toʻplanish joylarida (plyajlarda, hovuzlarda va boshqalarda) qutqaruvchi gʻavvoslarning navbatchilik oʻtashi *. 4. Suv ostida texnik, kema koʻtarish ishlarini, choʻkib ketgan predmetlarni qidirish boʻyicha ishlarni, suv obyektlari quyi qismini tozalash va gʻavvoslik ishlarining boshqa turlarini bajarish. 5. Belgilangan tartibda xizmat itlarining kuchuklarini sotish. 6. Itlarni vaqtincha parvarishlash (itlar uchun mehmonxona). 7. Balandlikdagi ishlarni bajarish (panellararo choklarni germetizatsiyalash, turli xil inshootlarni montaj va demontaj qilish, balandlikda oynalarni yuvish, fasadlarni tozalash va taʼmirlash, daraxtlarni olib tashlash va kesish va boshqalar). 8. Shaxsiy himoya vositalarini tekshirish va sinovdan oʻtkazish, radiatsion razvedka oʻtkazishga moʻljallangan asboblarni qiyoslash va kalibrovka qilish. 9. Oʻzbekiston Respublikasi aholisiga reklama va marketing axborotlarini uzatish uchun avtomatlashtirilgan ogohlantirish va axborot berish tizimidan foydalanish. 10. Yongʻin xavfsizligi talablariga muvofiqligini tasdiqlash uchun yongʻin xavfsizligi sohasida mahsulot va xizmatlarni sertifikatlash. 11. Aholi va hududlarni tabiiy hamda texnogen xususiyatli favqulodda vaziyatlardan muhofaza qilish, yongʻin xavfsizligi va suv obyektlarida odamlar xavfsizligini taʼminlash sohasidagi mutaxassislarni tayyorlash, qayta tayyorlash, malakasini oshirish. 12. Aholi va hududlarni tabiiy hamda texnogen xususiyatli favqulodda vaziyatlardan muhofaza qilish yongʻin xavfsizligi va suv obyektlarida odamlar xavfsizligini taʼminlash sohasidagi tadqiqotlar, ilmiy - texnik konsultatsiya va ekspertiza oʻtkazish. 13. Moddalar, materiallar, buyumlar, konstruksiyalarni va uskunalarning yongʻin xavfsizligi boʻyicha sinovlarini oʻtkazish. 14. Qurilish konstruksiyalarining katta oʻlchamli qismlarini va ularning elementlarini yongʻinga chidamliligi va yongʻin havfsizlgini sinovdan oʻtkazish. 15. Yongʻinga qarshi himoya texnik vositalari, yongʻin avtomatikasi va favqulodda vaziyatlarni aniqlash va tugatishning boshqa texnik vositalari ishlab chiqarish va sotish. 16. Yongʻinga qarshi himoya tizimlari va vositalariga texnik xizmat koʻrsatish va ularni taʼmirlash. 17. Yongʻinga qarshi himoya tizimlari va vositalarini ishchi holatini tekshirish. 18. Yongʻinga qarshi aslaha-anjomlarni, yongʻinni oʻchirishning birlamchi vositalarini taʼmirlash va ularga xizmat koʻrsatish, olovni oʻchirish moddalarining sifatini tiklash. 19. Tashkilotlar, aholi punktlari va boshqa hududlarni yongʻinlardan himoya qilish ** . 20. Yongʻin xavfsizligini taʼminlash sohasida evakuatsiya rejalarini, yoʻriqnomalarni, pasportlarni va boshqa hujjatlarni ishlab chiqish (oʻzgartirish va qoʻshimchalar kiritish). 21. Hisoblashni bajarish: xonalar va binolardan odamlarni evakuatsiya qilish vaqti, shuningdek yongʻinning eng koʻp yoʻl qoʻyiladigan darajaga yetish sharoitidaga davomiyligi; portlash-yongʻin va yongʻin xavfsizligi boʻyicha xonalar, binolar va tashqi qurilmalar toifalari; keltirilgan metallning qalinligi va metall konstruksiyalarning yongʻinga chidamliligi chegaralari; binolar orasidagi minimal yoʻl qoʻyiladigan masofa (issiqlik oqimining kritik zichligini aniqlash); turli maqsaddagi bino xonalarida yongʻin boʻlishi ehtimolida harorat rejimi va issiqlik yuklamasi; yongʻinlarning oldini olish va oʻchirishni amalga oshiruvchi boʻlinmalarning ishlashini taʼminlash uchun zarur boʻlgan kuchlar va vositalar miqdori. 22. Sunʼiy suv havzalari, yertoʻlalar va yoniga borib boʻlmaydigan joylardan suvlarni chiqarib olish (toʻldirish). 23. Moʻrilarni tozalash. 24. Avto yoʻllarning qulashiga olib kelishi xavfi bor boʻlgan yonbagʻirlaridagi tosh jinslarini tushirish. 25. 99951 harbiy qism tomonidan pudrat (muhandislik-qurilish) ishlarini bajarish. 26. Avtonom dizel generatorlaridan foydalanish. 27. Yoʻlovchilar va yuklarni tashish *** . 28. Muhandislik va boshqa texnikalardan (avtokran, buldozer, ekskavator, evakuator va boshqalar) foydalangan holda ishlarni bajarish 29. Tomosha, sport va boshqa ommaviy tadbirlarni oʻtkazishda kuchlar va vositalarning navbatchiligi. 30. Favqulodda vaziyatlar vazirligi va uning tasarrufidagi tashkilotlarining muzeylarida koʻrish va mavzuli ekskursiyalarni oʻtkazish. 31. Yordamchi xoʻjalik mahsulotlarini sotish **** . 32. Kichik kemalar haydovchilarini tayyorlash, qayta tayyorlash va malakasini oshirish.
Favqulodda vaziyatlar vaziri vazifasini bajaruvchi T. XUDAYBERGENOV
Moliya vaziri D. KUCHKAROV
Toshkent sh.,
2019-yil 31-avgust,
Toshkent sh.,
2019-yil 31-avgust,
12 qq-son
70-son
Министерства по чрезвычайным ситуациям республики Узбекистан Министерства финансов Республики Узбекистан
Постановление
ПЕРЕЧЕНЬ
Об утверждении Перечня платных услуг, оказываемых юридическим и физическим лицам органами и подразделениями Министерства по чрезвычайным ситуациям Республики Узбекистан
В соответствии с Указом Президента Республики Узбекистан от 10 апреля 2019 года № УП-5706 «О внедрении в Республике Узбекистан качественно новой системы предупреждения и ликвидации чрезвычайных ситуаций, а также обеспечения пожарной безопасности» и во исполнение требований постановления Президента Республики Узбекистан от 10 апреля 2019 года № ПП-4276 «Об организационных мерах по дальнейшему совершенствованию деятельности подразделений по чрезвычайным ситуациям» Министерство по чрезвычайным ситуациям и Министерство финансов Республики Узбекистан постановляют:
1. Утвердить Перечень платных услуг, оказываемых юридическим и физическим лицам органами и подразделениями Министерства по чрезвычайным ситуациям Республики Узбекистан, согласно приложению .
2. Настоящее постановление вступает в силу со дня его официального опубликования.
ПРИЛОЖЕНИЕ к постановлению Министерства по чрезвычайным ситуациям и Министерства финансов Республики Узбекистан от 31 августа 2019 года №№ 12 кк, 70
платных услуг, оказываемых юридическим и физическим лицам органами по чрезвычайным ситуациям и их подразделениями Республики Узбекистан
№ Наименование услуг 1. Обучение применению мер пожарной безопасности, правилам поведения и основным способам защиты от чрезвычайных ситуаций, приемам оказания первой медицинской помощи пострадавшим, правилам пользования коллективными и индивидуальными средствами защиты 2. Реализация полиграфической продукции (учебных и учебно-методических пособий, журналов и другой печатной продукции), учебных фильмов с материалами по защите от чрезвычайных ситуаций и противопожарной защиты 3. Несение дежурств водолазов спасателей на водоемах, в местах массового сбора купающихся (на пляжах, в бассейнах и др.) * 4. Выполнение подводных технических, судоподъемных работ, работ по поиску затонувших предметов, работ по очистке дна водных объектов и других видов водолазных работ 5. Реализация в установленном порядке щенков служебных собак 6. Временное содержание собак (гостиница для собак) 7. Осуществление высотных работ (герметизация межпанельных швов, монтаж и демонтаж различных конструкций, высотная мойка окон, очистка и ремонт фасадов, удаление и обрезка деревьев и др.) 8. Проверка и испытание средств индивидуальной защиты, поверка и калибровка приборов ведения радиационной разведки 9. Использование автоматизированной системы оповещения и информирования населения Республики Узбекистан для трансляции рекламно-маркетинговой информации 10. Сертификация продукции и услуг в области пожарной безопасности для подтверждения их соответствия требованиям пожарной безопасности 11. Подготовка, переподготовка, повышение квалификации специалистов в области защиты населения и территорий от чрезвычайных ситуаций природного и техногенного характера, обеспечения пожарной безопасности и безопасности людей на водах 12. Проведение исследований, научно-технического консультирования и экспертизы в области защиты населения и территорий от чрезвычайных ситуаций природного и техногенного характера, обеспечения пожарной безопасности и безопасности людей на водах 13. Проведение испытаний веществ, материалов, изделий, конструкций и оборудования на пожарную безопасность 14. Проведение испытаний крупногабаритных фрагментов строительных конструкций и их элементов на огнестойкость и пожарную опасность 15. Производство и реализация технических средств противопожарной защиты, пожарной автоматики и других технических средств обнаружения и ликвидации чрезвычайных ситуаций 16. Техническое обслуживание и ремонт систем и средств противопожарной защиты 17. Проверка рабочего состояния систем и средств противопожарной защиты 18. Ремонт и обслуживание противопожарного снаряжения, первичных средств пожаротушения, восстановление качества огнетушащих веществ 19. Охрана организаций, населенных пунктов и иных территорий от пожаров ** 20. Разработка (внесение изменений и дополнений) планов эвакуации, инструкций, паспортов и иных документов в области обеспечения пожарной безопасности 21. Выполнение расчета: времени эвакуации людей из помещений и зданий, а также продолжительности пожара по условию достижения предельно допустимых значений; категории помещений, зданий и наружных установок по взрывопожарной и пожарной безопасности; приведенной толщины металла и пределов огнестойкости несущих металлоконструкций; минимально допустимого расстояния между строениями (определение критической плотности теплового потока); температурного режима и тепловой нагрузки при возможном пожаре в помещениях зданий различного назначения; необходимого количества сил и средств для обеспечения функционирования подразделений, осуществляющих предупреждение и тушение пожаров 22. Откачка (заполнение) воды (ой) из искусственных водоемов, подвалов и недоступных мест 23. Чистка дымоходов 24. Разгрузка каменных пород на склонах, несущих угрозу обрушения автодороги 25. Выполнение войсковой частью 99951 подрядных (инженерно-строительных) работ 26. Использование автономных дизельных генераторов 27. Перевозка пассажиров и грузов *** 28. Выполнение работ с использованием инженерной и другой техники (автокрана, бульдозера, экскаватора, эвакуатора и др.) 29. Дежурство сил и средств при проведении зрелищных, спортивных и других массовых мероприятий 30. Проведение обзорных и тематических экскурсий в музеях Министерства по чрезвычайным ситуациям и подведомственных ей организаций 31. Реализация продукции подсобного хозяйства **** 32. Подготовка, переподготовка, повышение квалификации судоводителей маломерных судов
Исполняющий обязанности Министра по чрезвычайным ситуациям Т. ХУДАЙБЕРГЕНОВ
Министр финансов Д. КУЧКАРОВ
г. Ташкент,
31 августа 2019 г.,
г. Ташкент,
31 августа 2019 г.,
№ 12 кк
№ 70