📅 2019-yil 20-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 20 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 сентября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 20 September 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ШТАТЛАРИ
«Томоша» болалар мусиқий театр-студияси фаолиятини янада такомиллаштириш тўғрисида
Маданият ва санъатнинг халқ ҳаётидаги ўрни ва аҳамиятини ошириш, ёш авлодни миллий ва умуминсоний қадриятлар, она юртга муҳаббат ва садоқат руҳида тарбиялаш, маданият ва санъат билан яқиндан баҳраманд этишни назарда тутиб ёшларни маданият ва санъат муассасаларига кенг қамраб олиш, шунингдек, театр-студиянинг тўлақонли фаолият юритишини ташкил этиш ҳамда фаолиятини янада такомиллаштириш мақсадида Вазирлар Маҳкамаси қарор қилади:
1. Ўзбекистон Республикаси Маданият вазирлигининг «Томоша» болалар мусиқий театр-студияси» давлат муассасаси (кейинги ўринларда театр-студия деб аталади) биносида ҳомийлик хайриялари ҳисобига қурилиш-монтаж ишлари якунланганлиги маълумот учун қабул қилинсин.
2. Қуйидагилар театр-студиянинг асосий вазифалари этиб белгилансин:
болалар томонидан ижро этилган бадиий жиҳатдан юксак, халқчил асарларни саҳналаштириш, театрлаштирилган томоша ва концерт дастурларини яратиш ва намойиш этиш;
театр ва қўшиқчилик санъати орқали болаларни миллий мумтоз санъат, жаҳон классик мусиқаси, шунингдек, халқ ижодиётининг ёрқин намуналари билан таништириш ва ўргатиш;
болалар орасида театр ва томоша санъатини кенг тарғиб қилиш ҳамда иқтидорли болаларни кашф этиш, уларни рағбатлантириш мақсадида мамлакатимиз ва хорижий муассасалар билан ўзаро манфаатли ҳамкорликни амалга ошириш;
турли болалар фестиваллари, кўрик-танловлар, маданият, санъат, илм-фаннинг атоқли арбоблари билан учрашувлар, бенефис, театр спектакллари, махсус тайёрланган дастурлар, ижодий кечалар ташкил қилиш ва ўтказиш;
мамлакатда ва хорижда театр ва томоша гастроль фаолиятининг кенг кўламли дастурларини ишлаб чиқиш ва амалга ошириш.
3. Ўзбекистон Республикаси Маданият вазирлигининг «Томоша» болалар мусиқий театр-студияси» давлат муассасаси штатлари 1-иловага мувофиқ тасдиқлансин.
4. Қуйидагилар театр-студия фаолиятини молиялаштириш манбалари этиб белгилансин:
Ўзбекистон Республикаси Давлат бюджети маблағлари;
театр-студиянинг спектакль, театрлаштирилган томошалар намойиши ва гастроль фаолиятидан тушадиган маблағлар;
халқаро молия институтлари ҳамда донор ташкилотлар грантлари;
юридик ва жисмоний шахсларнинг ҳомийлик хайриялари;
қонунчиликда тақиқланмаган бошқа манбалар.
Бунда, театр-студияга Ўзбекистон Республикаси Давлат бюджетидан маблағлар унинг ўз даромадлари билан қопланмаган қисми учун ажратилади.
5. Ўзбекистон Республикаси Маданият вазирлиги:
бир ой муддатда театр-студиянинг янги таҳрирдаги уставининг белгиланган тартибда давлат рўйхатидан ўтказилишини;
театр-студиянинг фаолиятини йўлга қўйиш учун малакали мутахассислар билан тўлдирилишини таъминласин.
6. Тадбирлар самарали ўтказилишини таъминлаш учун театр-студияга бюджетдан ташқари маблағлар ҳисобига битта енгил автомобиль ва битта автобус харид қилиш ҳамда сақлаш учун лимит белгилансин.
7. Ўзбекистон Республикаси Вазирлар Маҳкамасининг 2-иловага мувофиқ айрим қарорларига ўзгартириш ва қўшимча киритилсин.
8. Ўзбекистон Республикаси Маданият вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
9. Мазкур қарорнинг бажарилишини назорат қилиш Ўзбекистон Республикаси маданият вазири Б.С. Сайфуллаев зиммасига ҳамда Вазирлар Маҳкамасининг Ёшлар сиёсати, маданият, маънавият, оммавий ахборот воситалари, ижодий ва жамоат ташкилотлари масалалари котибиятига юклансин.
Вазирлар Маҳкамасининг 2019 йил 20 сентябрдаги 789-сон қарорига 1-ИЛОВА
Ўзбекистон Республикаси Маданият вазирлигининг «Томоша» болалар мусиқий театр-студияси» давлат муассасаси
Т/р Таркибий бўлинмалар ва лавозимларнинг номи Штат бирлигининг сони I. Маъмурий бошқарув ходимлари 1. Директор 1 2. Директор ўринбосари 1 3. Бош муҳандис 1 4. Бош администратор 1 5. Бош бухгалтер 1 6. Либосхона мудири 1 II. Бадиий бошқарув ходимлари 7. Бадиий раҳбар 1 8. Бош режиссёр 1 9. Бош балетмейстер 1 10. Бадиий саҳналаштириш бўлими мудири 1 11. Мусиқа бўлими мудири 1 12. Адабий бўлим мудири 1 13. Труппа раҳбари 1 III. Бадиий ходимлар 14. Саҳналаштирувчи режиссёр 1 15. Саҳналаштирувчи рассом 1 16. Модельер рассом 1 17. Безакчи рассом 1 18. Хормейстер 1 19. Балетмейстер 1 20. Концертмейстер 1 21. Балет репетитори 1 22. Вокал репетитори 1 23. Овоз режиссёри 2 24. Овоз оператори 1 25. Чироқ бўйича рассом 1 IV. Ижодий ходимлар 26. Артист-вокалист (солист) 10 V. Мутахассислар 27. Юрисконсульт * 1 28. Ўқитувчи 1 29. Кадрлар бўйича инспектор 1 VI. Техник ва хизмат кўрсатувчи ходимлар 30. Чироқ ёритувчи 2 31. Либосчи 1 32. Саҳна машинисти 2 33. Қоровул ** 34. Иш юритувчи 1 35. Видеомуҳандис 1
Вазирлар Маҳкамасининг 2019 йил 20 сентябрдаги 789-сон қарорига 2-ИЛОВА
Вазирлар Маҳкамасининг айрим қарорларига киритилаётган ўзгартириш ва қўшимча
1. Вазирлар Маҳкамасининг «Томоша» болалар мусиқий театр-студияси фаолиятини ташкил қилиш тўғрисида» 2010 йил 3 декабрдаги 285-сон қарорининг 2 , 5 ва 7-бандлари ўз кучини йўқотган деб ҳисоблансин.
2. Вазирлар Маҳкамасининг «Давлат театрлари ва концерт-томоша муассасалари фаолиятини янада такомиллаштириш чора-тадбирлари тўғрисида» 2019 йил 18 апрелдаги 329-сон қарори билан тасдиқланган Давлат театрлари тоифаларини белгилаш тартиби тўғрисидаги низомнинг 6-бандига қуйидаги мазмундаги хатбоши қўшилсин:
«Томоша» болалар мусиқий театр-студияси» ва «Дийдор» ёшлар экспериментал театр-студияси» давлат муассасаларининг базавий лавозим маошлари 2-гуруҳ асосида қўлланилади».
Ўзбекистон Республикасининг Бош вазири А. АРИПОВ
Тошкент ш.,
2019 йил 20 сентябрь,
789-сон
Oʻzbekiston Respublikasi Vazirlar Mahkamasining
qarori
ShTATLARI
“Tomosha” bolalar musiqiy teatr-studiyasi faoliyatini yanada takomillashtirish toʻgʻrisida
Madaniyat va sanʼatning xalq hayotidagi oʻrni va ahamiyatini oshirish, yosh avlodni milliy va umuminsoniy qadriyatlar, ona yurtga muhabbat va sadoqat ruhida tarbiyalash, madaniyat va sanʼat bilan yaqindan bahramand etishni nazarda tutib yoshlarni madaniyat va sanʼat muassasalariga keng qamrab olish, shuningdek, teatr-studiyaning toʻlaqonli faoliyat yuritishini tashkil etish hamda faoliyatini yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Madaniyat vazirligining “Tomosha” bolalar musiqiy teatr-studiyasi” davlat muassasasi (keyingi oʻrinlarda teatr-studiya deb ataladi) binosida homiylik xayriyalari hisobiga qurilish-montaj ishlari yakunlanganligi maʼlumot uchun qabul qilinsin.
2. Quyidagilar teatr-studiyaning asosiy vazifalari etib belgilansin:
bolalar tomonidan ijro etilgan badiiy jihatdan yuksak, xalqchil asarlarni sahnalashtirish, teatrlashtirilgan tomosha va konsert dasturlarini yaratish va namoyish etish;
teatr va qoʻshiqchilik sanʼati orqali bolalarni milliy mumtoz sanʼat, jahon klassik musiqasi, shuningdek, xalq ijodiyotining yorqin namunalari bilan tanishtirish va oʻrgatish;
bolalar orasida teatr va tomosha sanʼatini keng targʻib qilish hamda iqtidorli bolalarni kashf etish, ularni ragʻbatlantirish maqsadida mamlakatimiz va xorijiy muassasalar bilan oʻzaro manfaatli hamkorlikni amalga oshirish;
turli bolalar festivallari, koʻrik-tanlovlar, madaniyat, sanʼat, ilm-fanning atoqli arboblari bilan uchrashuvlar, benefis, teatr spektakllari, maxsus tayyorlangan dasturlar, ijodiy kechalar tashkil qilish va oʻtkazish;
mamlakatda va xorijda teatr va tomosha gastrol faoliyatining keng koʻlamli dasturlarini ishlab chiqish va amalga oshirish.
3. Oʻzbekiston Respublikasi Madaniyat vazirligining “Tomosha” bolalar musiqiy teatr-studiyasi” davlat muassasasi shtatlari 1-ilovaga muvofiq tasdiqlansin.
4. Quyidagilar teatr-studiya faoliyatini moliyalashtirish manbalari etib belgilansin:
Oʻzbekiston Respublikasi Davlat budjeti mablagʻlari;
teatr-studiyaning spektakl, teatrlashtirilgan tomoshalar namoyishi va gastrol faoliyatidan tushadigan mablagʻlar;
xalqaro moliya institutlari hamda donor tashkilotlar grantlari;
yuridik va jismoniy shaxslarning homiylik xayriyalari;
qonunchilikda taqiqlanmagan boshqa manbalar.
Bunda, teatr-studiyaga Oʻzbekiston Respublikasi Davlat budjetidan mablagʻlar uning oʻz daromadlari bilan qoplanmagan qismi uchun ajratiladi.
5. Oʻzbekiston Respublikasi Madaniyat vazirligi:
bir oy muddatda teatr-studiyaning yangi tahrirdagi ustavining belgilangan tartibda davlat roʻyxatidan oʻtkazilishini;
teatr-studiyaning faoliyatini yoʻlga qoʻyish uchun malakali mutaxassislar bilan toʻldirilishini taʼminlasin.
6. Tadbirlar samarali oʻtkazilishini taʼminlash uchun teatr-studiyaga budjetdan tashqari mablagʻlar hisobiga bitta yengil avtomobil va bitta avtobus xarid qilish hamda saqlash uchun limit belgilansin.
7. Oʻzbekiston Respublikasi Vazirlar Mahkamasining 2-ilovaga muvofiq ayrim qarorlariga oʻzgartirish va qoʻshimcha kiritilsin.
8. Oʻzbekiston Respublikasi Madaniyat vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
9. Mazkur qarorning bajarilishini nazorat qilish Oʻzbekiston Respublikasi madaniyat vaziri B.S. Sayfullayev zimmasiga hamda Vazirlar Mahkamasining Yoshlar siyosati, madaniyat, maʼnaviyat, ommaviy axborot vositalari, ijodiy va jamoat tashkilotlari masalalari kotibiyatiga yuklansin.
Vazirlar Mahkamasining 2019-yil 20-sentabrdagi 789-son qaroriga 1-ILOVA
Oʻzbekiston Respublikasi Madaniyat vazirligining “Tomosha” bolalar musiqiy teatr-studiyasi” davlat muassasasi
T/r Tarkibiy boʻlinmalar va lavozimlarning nomi Shtat birligining soni I. Maʼmuriy boshqaruv xodimlari 1. Direktor 1 2. Direktor oʻrinbosari 1 3. Bosh muhandis 1 4. Bosh administrator 1 5. Bosh buxgalter 1 6. Libosxona mudiri 1 II. Badiiy boshqaruv xodimlari 7. Badiiy rahbar 1 8. Bosh rejissor 1 9. Bosh baletmeyster 1 10. Badiiy sahnalashtirish boʻlimi mudiri 1 11. Musiqa boʻlimi mudiri 1 12. Adabiy boʻlim mudiri 1 13. Truppa rahbari 1 III. Badiiy xodimlar 14. Sahnalashtiruvchi rejissor 1 15. Sahnalashtiruvchi rassom 1 16. Modelyer rassom 1 17. Bezakchi rassom 1 18. Xormeyster 1 19. Baletmeyster 1 20. Konsertmeyster 1 21. Balet repetitori 1 22. Vokal repetitori 1 23. Ovoz rejissori 2 24. Ovoz operatori 1 25. Chiroq boʻyicha rassom 1 IV. Ijodiy xodimlar 26. Artist-vokalist (solist) 10 V. Mutaxassislar 27. Yuriskonsult * 1 28. Oʻqituvchi 1 29. Kadrlar boʻyicha inspektor 1 VI. Texnik va xizmat koʻrsatuvchi xodimlar 30. Chiroq yorituvchi 2 31. Liboschi 1 32. Sahna mashinisti 2 33. Qorovul ** 34. Ish yurituvchi 1 35. Videomuhandis 1
Vazirlar Mahkamasining 2019-yil 20-sentabrdagi 789-son qaroriga 2-ILOVA
Vazirlar Mahkamasining ayrim qarorlariga kiritilayotgan oʻzgartirish va qoʻshimcha
1. Vazirlar Mahkamasining “Tomosha” bolalar musiqiy teatr-studiyasi faoliyatini tashkil qilish toʻgʻrisida” 2010-yil 3-dekabrdagi 285-son qarorining 2 , 5 va 7-bandlari oʻz kuchini yoʻqotgan deb hisoblansin.
2. Vazirlar Mahkamasining “Davlat teatrlari va konsert-tomosha muassasalari faoliyatini yanada takomillashtirish chora-tadbirlari toʻgʻrisida” 2019-yil 18-apreldagi 329-son qarori bilan tasdiqlangan Davlat teatrlari toifalarini belgilash tartibi toʻgʻrisidagi nizomning 6-bandiga quyidagi mazmundagi xatboshi qoʻshilsin:
“Tomosha” bolalar musiqiy teatr-studiyasi” va “Diydor” yoshlar eksperimental teatr-studiyasi” davlat muassasalarining bazaviy lavozim maoshlari 2-guruh asosida qoʻllaniladi”.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 20-sentabr,
789-son