📅 2019-yil 26-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 26 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 26 сентября 2019 г. · Указы Президента
Официальный текст. Официальный документ. Редакционные примечания не включены.
📅 26 September 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикасининг солиқ сиёсатини янада такомиллаштириш чора-тадбирлари тўғрисида
Ўзбекистон Республикасининг Солиқ сиёсатини такомиллаштириш концепцияси доирасида солиқ юкини камайтириш ва тадбиркорлик субъектларини солиққа тортишдаги номутаносибликларни қисқартириш бўйича чоралар амалга оширилди.
Истеъмол бозорининг барқарорлигини таъминлаш, маҳаллий ишлаб чиқарувчиларнинг рақобатбардошлигини ошириш учун шарт-шароитларни яратиш, шунингдек, қўшилган қиймат солиғининг узлуксиз «занжири»ни шакллантириш мақсадида:
1. 2019 йил 1 октябрдан бошлаб қўшилган қиймат солиғининг ставкаси 20 фоиздан 15 фоизгача пасайтирилсин.
2. Давлат солиқ хизмати органлари томонидан солиқ тўловчиларнинг тижорат банкларидаги ҳисобварақлари бўйича операцияларни тўхтатиб туришнинг амалдаги тартиби бекор қилинсин.
Ўзбекистон Республикаси Молия вазирлиги Давлат солиқ қўмитаси билан биргаликда хорижий мамлакатларнинг илғор тажрибасидан келиб чиқиб, Ўзбекистон Республикаси Солиқ кодексининг янги таҳрири лойиҳасида давлат солиқ органлари томонидан солиқ тўловчининг тижорат банкларидаги ҳисобварақлари бўйича операцияларни «таҳлика-таҳлил» натижалари ва олдини олиш чораларини кўриш асосида 30 кундан ортиқ бўлмаган муддатга тўхтатиб туриш тартибини белгиланишини назарда тутсин.
3. Ўзбекистон Республикаси Вазирлар Маҳкамаси Ўзбекистон Республикасининг 2020 йилги Давлат бюджети лойиҳасини тайёрлашда:
давлат корхоналари, устав жамғармаси (устав капитали)да давлат улуши 50 фоиз ва ундан кўпроқ бўлган юридик шахслар, шунингдек, устав жамғармаси (устав капитали)нинг 50 фоизи ва ундан кўпроқ қисми давлат улуши 50 фоиз ва ундан кўпроқ бўлган юридик шахсларга тегишли бўлган юридик шахслар ҳамда уларнинг таркибий тузилмалари учун ягона ижтимоий тўлов ставкасининг 25 фоиздан 12 фоизгача пасайтирилишини;
дивиденд шаклидаги тўланадиган даромадларга солиқ ставкасини сақлаб қолган ҳолда, юридик шахслардан олинадиган фойда солиғи ставкасининг 15 фоиз миқдорида белгиланишини;
қўшилган қиймат солиғини ҳисоблаш ва тўлашнинг соддалаштирилган тартибининг бекор қилинишини назарда тутсин.
4. Белгилансинки, илгари Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси ҳисобига тўланган ягона солиқ тўлови суммаси 2019 йил 1 октябрдан бошлаб Қорақалпоғистон Республикаси бюджетига, вилоятлар ва Тошкент шаҳар маҳаллий бюджетларига ўтказилади.
5. Ўзбекистон Республикаси Давлат солиқ қўмитаси, Давлат божхона қўмитаси, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон Миллий телерадиокомпанияси, бошқа манфаатдор вазирлик ва идоралар билан биргаликда мазкур Фармоннинг мазмун-моҳиятининг, шу жумладан оммавий ахборот воситалари ва Интернет тармоғида кенг тушунтирилишини ташкил этсин.
6. 2019 йил 1 октябрдан бошлаб Ўзбекистон Республикаси Президентининг айрим ҳужжатларига иловага мувофиқ ўзгартириш ва қўшимчалар киритилсин.
7. Ушбу Фармоннинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.A. Қўчқоров ва Ўзбекистон Республикаси Президентининг маслаҳатчиси Р.А. Ғуломов зиммасига юклансин.
Ўзбекистон Республикаси Президентининг 2019 йил 26 сентябрдаги ПФ-5837-сон Фармонига ИЛОВА
Ўзбекистон Республикаси Президентининг айрим ҳужжатларига 2019 йил 1 октябрдан киритиладиган ўзгартириш ва қўшимчалар
1. Ўзбекистон Республикаси Президентининг 2017 йил 18 апрелдаги «Ижтимоий-иқтисодий ислоҳотларни амалга ошириш, мамлакатни модернизация қилиш, инсон ҳуқуқ ва эркинликларининг ишончли ҳимоясини таъминлашда прокуратура органларининг ролини кучайтириш тўғрисида» ПФ-5019-сон Фармонининг 6 1 -бандидан «Бунда, бўш ётган маблағларни тижорат банкларига жойлаштиришдан олинган фоизлар кўринишидаги даромадлар солиққа тортилмайди» сўзлари чиқариб ташлансин.
2. Ўзбекистон Республикаси Президентининг 2017 йил 27 июндаги «Ўзбекистон Республикаси Молия вазирлиги ҳузурида Қишлоқ хўжалигини давлат томонидан қўллаб-қувватлаш жамғармасини ташкил этиш тўғрисида»ги ПФ-5095-сон Фармонининг 5-банди қуйидаги таҳрирда баён этилсин:
«5. Жамғарма, тўлов манбаидаги юридик шахслардан олинадиган фойда солиғидан ташқари барча солиқлардан озод қилинсин».
3. Ўзбекистон Республикаси Президентининг 2019 йил 13 майдаги «Ипотека кредити бозорини ривожлантириш ва кенгайтиришга оид қўшимча чора-тадбирлар тўғрисида»ги ПФ-5715-сон Фармонининг 13-бандидаги «2020 йилнинг 1 январига қадар» сўзларидан олдин «2019 йил 1 январдан» сўзлари билан тўлдирилсин.
4. Ўзбекистон Республикаси Президентининг 2017 йил 15 июндаги «Мажбурий ижро бюросини ривожлантириш жамғармаси фаолиятини ташкил этиш тўғрисида»ги ПҚ-3060-сон қарорининг 2-иловаси 24-банди еттинчи хатбошисидаги «Бунда Жамғарманинг вақтинча бўш маблағларини тижорат банкларида жойлаштиришдан фоизлар тарзида олинадиган даромадларига солиқ солинмайди» сўзлари чиқариб ташлансин.
5. Ўзбекистон Республикаси Президентининг 2017 йил 15 сентябрдаги «Сирдарё вилоятида замонавий пахтачилик-тўқимачилик кластерини барпо этиш чора-тадбирлари тўғрисида»ги ПҚ-3279-сон қарорининг 8-банди қуйидаги таҳрирда баён этилсин:
«8. Қуйидагилар белгилансин:
«Bek cluster» МЧЖ ҚК ўз таркибига кирувчи ташкилотларнинг сўмдаги маблағларини жамлаши ва бу маблағларни молия-хўжалик фаолиятини амалга ошириш ва ишлаб чиқаришни ривожлантириш учун улар ўртасида тақсимлаши мумкин;
«Bek cluster» МЧЖ ҚК ва ташкилотлари ҳамда ташкилотларнинг ўзлари ўртасидаги, ўзлари ишлаб чиқарган маҳсулотни сотиш бўйича айланмалар билан боғлиқ бўлмаган, олинадиган ва бериладиган пул маблағлари ва мол-мулк, шунингдек, соф фойдани тақсимлаш солиққа тортиш объекти (қўшилган қиймат солиғидан ташқари) ҳисобланмайди.
Пахта-тўқимачилик ишлаб чиқариши ташкилотчиларига 2018 йил 1 октябрдан кейин фермер хўжаликларига берилган мол-мулкни товарлар (ишлар, хизматлар) бўйича қўшилган қиймат солиғи билан ўтказишни амалга ошириш ҳуқуқи берилсин.».
6. Ўзбекистон Республикаси Президентининг 2017 йил 30 ноябрдаги «Ўзбекистон Республикаси Инновацион ривожланиш вазирлиги фаолиятини ташкил этиш тўғрисида»ги ПҚ-3416-сон қарорининг 8-банди иккинчи хатбошиси қуйидаги таҳрирда баён этилсин:
«ягона ижтимоий тўлов ва тўлов манбаидаги юридик шахслардан олинадиган фойда солиғидан ташқари барча турдаги солиқлардан;».
8. Ўзбекистон Республикаси Президентининг 2018 йил 26 декабрдаги «Ўзбекистон Республикасининг 2019 йилги асосий макроиқтисодий кўрсаткичлари прогнози ва давлат бюджети параметрлари ҳамда 2020-2021 йилларга бюджет мўлжаллари тўғрисида»ги ПҚ-4086-сон қарорининг 19-иловаси матни қуйидаги таҳрирда баён этилсин:
« Ўзбекистон Республикасида ишлаб чиқариладиган (кўрсатиладиган), акциз тўланадиган товарларга (хизматларга) акциз солиғи СТАВКАЛАРИ
Товарлар (хизматлар)нинг номи Солиқ ставкаси Акциз солиғи ва ҚҚСни ҳисобга олмаган ҳолда сотилган товарлар қийматига нисбатан фоизда ўлчов бирлигига сўмда 1. Озиқ-овқат хомашёсидан ректификацияланган этил спирти, ректификацияланган ва эфироальдегидли фракциядан техник этил спирти ва этил спиртининг бошланғич фракцияси (1 дал учун) 10 800 2. Вино (1 дал тайёр маҳсулот учун): табиий равишда ачитилган табиий винолар (этил спирти қўшилмаган ҳолда) 7 700 бошқа винолар 14 500 3. Коньяк (1 дал тайёр маҳсулот учун) 102 000* 4. Ароқ ва бошқа алкоголли маҳсулотлар (1 дал тайёр маҳсулот учун) 98 000** 5. Пиво (1 дал тайёр маҳсулот учун) 10 600 6. Фильтрли, фильтрсиз сигареталар, папирослар 141 500 сўм/1000 дона + 9,0 фоиз*** 7. Заргарлик буюмлари 25 8. Мобиль алоқа хизматлари 20 9. Кумушдан ишланган ошхона анжомлари 11 10. Нефть маҳсулотлари: Аи-80 бензини 200 000 сўм/тонна Аи-91, Аи-92, Аи-93, Аи-95 бензини 250 000 сўм/тонна дизель ёқилғиси 200 000 сўм/тонна ЭКО дизель ёқилғиси 180 000 сўм/тонна авиакеросин 180 000 сўм/тонна дизель ёки карбюратор (инжектор)ли двигателлар учун мотор мойи 250 000 сўм/тонна 11. Табиий газ, шу жумладан, экспорт 1 20 12. Ишлаб чиқарувчи корхоналар томонидан сотиладиган суюлтирилган газ («Ўзтрансгаз» АК минтақалараро унитар корхоналари орқали аҳолига сотиладиган ҳажмлар бундан мустасно), шу жумладан, экспорт 1 30 13. Полиэтилен гранулалар 30 14. Якуний истеъмолчига реализация қилинадиган 2 : бензин 285 сўм 1 литр учун / 378 480 сўм 1 тонна учун (3) дизель ёқилғиси 285 сўм 1 литр учун / 346 275 сўм 1 тонна учун (3) суюлтирилган газ 285 сўм 1 литр учун/ 540 645 сўм 1 тонна учун (3) сиқилган газ 435 сўм 1 куб. метр учун (3)
9. Ўзбекистон Республикаси Президентининг 2019 йил 4 апрелдаги «Аграр секторни қишлоқ хўжалиги техникалари билан ўз вақтида таъминлашга оид қўшимча чора-тадбирлар тўғрисида»ги ПҚ-4268-сон қарорининг 4-банди иккинчи хатбошиси «Белгилансинки,» сўзидан кейин «2019 йил 1 январдан» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 26 сентябрь,
ПФ-5837-сон
Oʻzbekiston Respublikasi Prezidentining
Farmoni
Oʻzbekiston Respublikasining soliq siyosatini yanada takomillashtirish chora-tadbirlari toʻgʻrisida
Oʻzbekiston Respublikasining Soliq siyosatini takomillashtirish konsepsiyasi doirasida soliq yukini kamaytirish va tadbirkorlik subyektlarini soliqqa tortishdagi nomutanosibliklarni qisqartirish boʻyicha choralar amalga oshirildi.
Isteʼmol bozorining barqarorligini taʼminlash, mahalliy ishlab chiqaruvchilarning raqobatbardoshligini oshirish uchun shart-sharoitlarni yaratish, shuningdek, qoʻshilgan qiymat soligʻining uzluksiz “zanjiri”ni shakllantirish maqsadida:
1. 2019-yil 1-oktabrdan boshlab qoʻshilgan qiymat soligʻining stavkasi 20 foizdan 15 foizgacha pasaytirilsin.
2. Davlat soliq xizmati organlari tomonidan soliq toʻlovchilarning tijorat banklaridagi hisobvaraqlari boʻyicha operatsiyalarni toʻxtatib turishning amaldagi tartibi bekor qilinsin.
Oʻzbekiston Respublikasi Moliya vazirligi Davlat soliq qoʻmitasi bilan birgalikda xorijiy mamlakatlarning ilgʻor tajribasidan kelib chiqib, Oʻzbekiston Respublikasi Soliq kodeksining yangi tahriri loyihasida davlat soliq organlari tomonidan soliq toʻlovchining tijorat banklaridagi hisobvaraqlari boʻyicha operatsiyalarni “tahlika-tahlil” natijalari va oldini olish choralarini koʻrish asosida 30 kundan ortiq boʻlmagan muddatga toʻxtatib turish tartibini belgilanishini nazarda tutsin.
3. Oʻzbekiston Respublikasi Vazirlar Mahkamasi Oʻzbekiston Respublikasining 2020-yilgi Davlat budjeti loyihasini tayyorlashda:
davlat korxonalari, ustav jamgʻarmasi (ustav kapitali)da davlat ulushi 50 foiz va undan koʻproq boʻlgan yuridik shaxslar, shuningdek, ustav jamgʻarmasi (ustav kapitali)ning 50 foizi va undan koʻproq qismi davlat ulushi 50 foiz va undan koʻproq boʻlgan yuridik shaxslarga tegishli boʻlgan yuridik shaxslar hamda ularning tarkibiy tuzilmalari uchun yagona ijtimoiy toʻlov stavkasining 25 foizdan 12 foizgacha pasaytirilishini;
dividend shaklidagi toʻlanadigan daromadlarga soliq stavkasini saqlab qolgan holda, yuridik shaxslardan olinadigan foyda soligʻi stavkasining 15 foiz miqdorida belgilanishini;
qoʻshilgan qiymat soligʻini hisoblash va toʻlashning soddalashtirilgan tartibining bekor qilinishini nazarda tutsin.
4. Belgilansinki, ilgari Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi hisobiga toʻlangan yagona soliq toʻlovi summasi 2019-yil 1-oktabrdan boshlab Qoraqalpogʻiston Respublikasi budjetiga, viloyatlar va Toshkent shahar mahalliy budjetlariga oʻtkaziladi.
5. Oʻzbekiston Respublikasi Davlat soliq qoʻmitasi, Davlat bojxona qoʻmitasi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Milliy teleradiokompaniyasi, boshqa manfaatdor vazirlik va idoralar bilan birgalikda mazkur Farmonning mazmun-mohiyatining, shu jumladan ommaviy axborot vositalari va Internet tarmogʻida keng tushuntirilishini tashkil etsin.
6. 2019-yil 1-oktabrdan boshlab Oʻzbekiston Respublikasi Prezidentining ayrim hujjatlariga ilovaga muvofiq oʻzgartirish va qoʻshimchalar kiritilsin.
7. Ushbu Farmonning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi Prezidentining maslahatchisi R.A. Gʻulomov zimmasiga yuklansin.
Oʻzbekiston Respublikasi Prezidentining 2019-yil 26-sentabrdagi PF-5837-son Farmoniga ILOVA
Oʻzbekiston Respublikasi Prezidentining ayrim hujjatlariga 2019-yil 1-oktabrdan kiritiladigan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 18-apreldagi “Ijtimoiy-iqtisodiy islohotlarni amalga oshirish, mamlakatni modernizatsiya qilish, inson huquq va erkinliklarining ishonchli himoyasini taʼminlashda prokuratura organlarining rolini kuchaytirish toʻgʻrisida” PF-5019-son Farmonining 6 1 -bandidan “Bunda, boʻsh yotgan mablagʻlarni tijorat banklariga joylashtirishdan olingan foizlar koʻrinishidagi daromadlar soliqqa tortilmaydi” soʻzlari chiqarib tashlansin.
2. Oʻzbekiston Respublikasi Prezidentining 2017-yil 27-iyundagi “Oʻzbekiston Respublikasi Moliya vazirligi huzurida Qishloq xoʻjaligini davlat tomonidan qoʻllab-quvvatlash jamgʻarmasini tashkil etish toʻgʻrisida”gi PF-5095-son Farmonining 5-bandi quyidagi tahrirda bayon etilsin:
“5. Jamgʻarma, toʻlov manbaidagi yuridik shaxslardan olinadigan foyda soligʻidan tashqari barcha soliqlardan ozod qilinsin”.
3. Oʻzbekiston Respublikasi Prezidentining 2019-yil 13-maydagi “Ipoteka krediti bozorini rivojlantirish va kengaytirishga oid qoʻshimcha chora-tadbirlar toʻgʻrisida”gi PF-5715-son Farmonining 13-bandidagi “2020-yilning 1-yanvariga qadar” soʻzlaridan oldin “2019-yil 1-yanvardan” soʻzlari bilan toʻldirilsin.
4. Oʻzbekiston Respublikasi Prezidentining 2017-yil 15-iyundagi “Majburiy ijro byurosini rivojlantirish jamgʻarmasi faoliyatini tashkil etish toʻgʻrisida”gi PQ-3060-son qarorining 2-ilovasi 24-bandi yettinchi xatboshisidagi “Bunda Jamgʻarmaning vaqtincha boʻsh mablagʻlarini tijorat banklarida joylashtirishdan foizlar tarzida olinadigan daromadlariga soliq solinmaydi” soʻzlari chiqarib tashlansin.
5. Oʻzbekiston Respublikasi Prezidentining 2017-yil 15-sentabrdagi “Sirdaryo viloyatida zamonaviy paxtachilik-toʻqimachilik klasterini barpo etish chora-tadbirlari toʻgʻrisida”gi PQ-3279-son qarorining 8-bandi quyidagi tahrirda bayon etilsin:
“8. Quyidagilar belgilansin:
“Bek cluster” MChJ QK oʻz tarkibiga kiruvchi tashkilotlarning soʻmdagi mablagʻlarini jamlashi va bu mablagʻlarni moliya-xoʻjalik faoliyatini amalga oshirish va ishlab chiqarishni rivojlantirish uchun ular oʻrtasida taqsimlashi mumkin;
“Bek cluster” MChJ QK va tashkilotlari hamda tashkilotlarning oʻzlari oʻrtasidagi, oʻzlari ishlab chiqargan mahsulotni sotish boʻyicha aylanmalar bilan bogʻliq boʻlmagan, olinadigan va beriladigan pul mablagʻlari va mol-mulk, shuningdek, sof foydani taqsimlash soliqqa tortish obyekti (qoʻshilgan qiymat soligʻidan tashqari) hisoblanmaydi.
Paxta-toʻqimachilik ishlab chiqarishi tashkilotchilariga 2018-yil 1-oktabrdan keyin fermer xoʻjaliklariga berilgan mol-mulkni tovarlar (ishlar, xizmatlar) boʻyicha qoʻshilgan qiymat soligʻi bilan oʻtkazishni amalga oshirish huquqi berilsin.”.
6. Oʻzbekiston Respublikasi Prezidentining 2017-yil 30-noyabrdagi “Oʻzbekiston Respublikasi Innovatsion rivojlanish vazirligi faoliyatini tashkil etish toʻgʻrisida”gi PQ-3416-son qarorining 8-bandi ikkinchi xatboshisi quyidagi tahrirda bayon etilsin:
“yagona ijtimoiy toʻlov va toʻlov manbaidagi yuridik shaxslardan olinadigan foyda soligʻidan tashqari barcha turdagi soliqlardan;”.
8. Oʻzbekiston Respublikasi Prezidentining 2018-yil 26-dekabrdagi “Oʻzbekiston Respublikasining 2019-yilgi asosiy makroiqtisodiy koʻrsatkichlari prognozi va davlat budjeti parametrlari hamda 2020-2021-yillarga budjet moʻljallari toʻgʻrisida”gi PQ-4086-son qarorining 19-ilovasi matni quyidagi tahrirda bayon etilsin:
“ Oʻzbekiston Respublikasida ishlab chiqariladigan (koʻrsatiladigan), aksiz toʻlanadigan tovarlarga (xizmatlarga) aksiz soligʻi STAVKALARI
Tovarlar (xizmatlar)ning nomi Soliq stavkasi Aksiz soligʻi va QQSni hisobga olmagan holda sotilgan tovarlar qiymatiga nisbatan foizda oʻlchov birligiga soʻmda 1. Oziq-ovqat xomashyosidan rektifikatsiyalangan etil spirti, rektifikatsiyalangan va efiroaldegidli fraksiyadan texnik etil spirti va etil spirtining boshlangʻich fraksiyasi (1 dal uchun) 10 800 2. Vino (1 dal tayyor mahsulot uchun): tabiiy ravishda achitilgan tabiiy vinolar (etil spirti qoʻshilmagan holda) 7 700 boshqa vinolar 14 500 3. Konyak (1 dal tayyor mahsulot uchun) 102 000* 4. Aroq va boshqa alkogolli mahsulotlar (1 dal tayyor mahsulot uchun) 98 000** 5. Pivo (1 dal tayyor mahsulot uchun) 10 600 6. Filtrli, filtrsiz sigaretalar, papiroslar 141 500 soʻm/1000 dona + 9,0 foiz*** 7. Zargarlik buyumlari 25 8. Mobil aloqa xizmatlari 20 9. Kumushdan ishlangan oshxona anjomlari 11 10. Neft mahsulotlari: Ai-80 benzini 200 000 soʻm/tonna Ai-91, Ai-92, Ai-93, Ai-95 benzini 250 000 soʻm/tonna dizel yoqilgʻisi 200 000 soʻm/tonna EKO dizel yoqilgʻisi 180 000 soʻm/tonna aviakerosin 180 000 soʻm/tonna dizel yoki karbyurator (injektor)li dvigatellar uchun motor moyi 250 000 soʻm/tonna 11. Tabiiy gaz, shu jumladan, eksport 1 20 12. Ishlab chiqaruvchi korxonalar tomonidan sotiladigan suyultirilgan gaz (“Oʻztransgaz” AK mintaqalararo unitar korxonalari orqali aholiga sotiladigan hajmlar bundan mustasno), shu jumladan, eksport 1 30 13. Polietilen granulalar 30 14. Yakuniy isteʼmolchiga realizatsiya qilinadigan 2 : benzin 285 soʻm 1 litr uchun / 378 480 soʻm 1 tonna uchun (3) dizel yoqilgʻisi 285 soʻm 1 litr uchun / 346 275 soʻm 1 tonna uchun (3) suyultirilgan gaz 285 soʻm 1 litr uchun/ 540 645 soʻm 1 tonna uchun (3) siqilgan gaz 435 soʻm 1 kub. metr uchun (3)
9. Oʻzbekiston Respublikasi Prezidentining 2019-yil 4-apreldagi “Agrar sektorni qishloq xoʻjaligi texnikalari bilan oʻz vaqtida taʼminlashga oid qoʻshimcha chora-tadbirlar toʻgʻrisida”gi PQ-4268-son qarorining 4-bandi ikkinchi xatboshisi “Belgilansinki,” soʻzidan keyin “2019-yil 1-yanvardan” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 26-sentabr,
PF-5837-son
Президента Республики Узбекистан
Указ
О мерах по дальнейшему совершенствованию налоговой политики Республики Узбекистан
В рамках Концепции совершенствования налоговой политики Республики Узбекистан реализованы меры по снижению налоговой нагрузки и сокращению диспропорций в налогообложении субъектов предпринимательства.
В целях обеспечения стабильности потребительского рынка, создания условий для повышения конкурентоспособности отечественных производителей, а также формирования непрерывной «цепочки» налога на добавленную стоимость:
1. Снизить с 1 октября 2019 года ставку налога на добавленную стоимость с 20 до 15 процентов.
2. Отменить действующий порядок приостановления органами государственной налоговой службы операций по счетам налогоплательщиков в коммерческих банках.
Министерству финансов совместно с Государственным налоговым комитетом Республики Узбекистан исходя из передовой зарубежной практики предусмотреть в проекте новой редакции Налогового кодекса Республики Узбекистан порядок приостановления органами государственной налоговой службы операций по счетам налогоплательщиков в коммерческих банках на срок не более 30 дней на основе результатов «риск-анализа» и проведения предупредительных мер.
3. Кабинету Министров Республики Узбекистан при подготовке проекта Государственного бюджета Республики Узбекистан на 2020 год предусмотреть:
снижение ставки единого социального платежа с 25 до 12 процентов для государственных предприятий, юридических лиц с долей государства в уставном фонде (уставном капитале) в размере 50 процентов и более, а также для юридических лиц, в уставном фонде (уставном капитале) которых 50 процентов и более принадлежит юридическому лицу с долей государства 50 процентов и более, и их структурных подразделений;
установление базовой ставки налога на прибыль юридических лиц в размере 15 процентов с сохранением ставки налога на доходы, выплачиваемые в виде дивидендов;
отмену упрощенного порядка исчисления и уплаты налога на добавленную стоимость.
4. Определить, что с 1 октября 2019 года сумма единого налогового платежа, ранее зачисляемая во внебюджетный Пенсионный фонд при Министерстве финансов Республики Узбекистан, зачисляется в бюджеты Республики Каракалпакстан, местные бюджеты областей и города Ташкента.
5. Государственному налоговому комитету, Государственному таможенному комитету, Министерству финансов Республики Узбекистан, Совету Министров Республики Каракалпакстан, хокимиятам областей и города Ташкента совместно с Национальной телерадиокомпанией Узбекистана, другими заинтересованными министерствами и ведомствами организовать широкое разъяснение сути и содержания настоящего Указа, в том числе в средствах массовой информации и сети Интернет.
6. Внести с 1 октября 2019 года изменения и дополнения в некоторые акты Президента Республики Узбекистан согласно приложению .
7. Контроль за исполнением настоящего Указа возложить на заместителя Премьер-министра — министра финансов Республики Узбекистан Д.А. Кучкарова и советника Президента Республики Узбекистан Р.А. Гулямова.
ПРИЛОЖЕНИЕ к Указу Президента Республики Узбекистан от 26 сентября 2019 года № УП-5837
Изменения и дополнения, вносимые с 1 октября 2019 года в некоторые акты Президента Республики Узбекистан
1. Из пункта 6 1 Указа Президента Республики Узбекистан от 18 апреля 2017 года № УП-5019 «Об усилении роли органов прокуратуры в реализации социально-экономических реформ и модернизации страны, обеспечении надежной защиты прав и свобод человека» слова «При этом доходы, полученные в виде процентов от размещенных в коммерческих банках свободных средств, не облагаются налогом» исключить.
2. Пункт 5 Указа Президента Республики Узбекистан от 27 июня 2017 года № УП-5095 «О создании Фонда государственной поддержки сельского хозяйства при Министерстве финансов Республики Узбекистан» изложить в следующей редакции:
«5. Освободить Фонд от уплаты всех видов налогов, за исключением налога на прибыль юридических лиц у источника выплаты.».
3. Пункт 13 Указа Президента Республики Узбекистан от 13 мая 2019 года № УП-5715 «О дополнительных мерах по развитию и расширению рынка ипотечного кредитования» слова «сроком» заменить словами «с 1 января 2019 года».
4. Из абзаца седьмого пункта 24 приложения № 2 к постановлению Президента Республики Узбекистан от 15 июня 2017 года № ПП-3060 «Об организации деятельности Фонда развития Бюро принудительного исполнения» слова «При этом доходы, полученные в виде процентов от размещенных в коммерческих банках свободных средств Фонда, не облагаются налогом» исключить.
5. Пункт 8 постановления Президента Республики Узбекистан от 15 сентября 2017 года № ПП-3279 «О мерах по созданию современного хлопководческо-текстильного кластера в Сырдарьинской области» изложить в следующей редакции:
«8. Установить, что:
СП ООО «Век cluster» может аккумулировать сумовые средства организаций, входящих в его состав, и распределять их между ними для осуществления финансово-хозяйственной деятельности и развития производства;
денежные средства и имущество, получаемые и передаваемые СП ООО «Век cluster» от его организаций и между ними, не связанные с оборотами по реализации продукции собственного производства, а также распределение чистой прибыли не являются объектом налогообложения (за исключением налога на добавленную стоимость).
Предоставить право организаторам хлопково-текстильного производства осуществлять передачу фермерским хозяйствам имущества с налогом на добавленную стоимость по товарам (работам, услугам), переданным (оказанным) не ранее 1 октября 2018 года.».
6. Абзац второй пункта 8 постановления Президента Республики Узбекистан от 30 ноября 2017 года № ПП-3416 «Об организации деятельности Министерства инновационного развития Республики Узбекистан» изложить в следующей редакции:
«Фонд от всех видов налогов и платежей, кроме единого социального платежа и налога на прибыль юридических лиц у источника выплаты;».
8. Текст приложения № 19 к постановлению Президента Республики Узбекистан от 26 декабря 2018 года № ПП-4086 «О прогнозе основных макроэкономических показателей и параметрах Государственного бюджета Республики Узбекистан на 2019 год и бюджетных ориентиров на 2020-2021 годы» изложить в следующей редакции:
« СТАВКИ акцизного налога на подакцизные товары (услуги), производимые (оказываемые) в Республике Узбекистан
Наименование товаров (услуг) Налоговая ставка в процентах к стоимости реализованных товаров без учета акцизного налога и НДС в сумах на единицу измерения 1. Спирт этиловый ректификованный из пищевого сырья, спирт этиловый ректификованный технический из эфироальдегидной фракции и фракция головная этилового спирта (за 1 дал) 10 800 2. Вина (за 1 дал готовой продукции): натуральные естественного брожения (без добавления этилового спирта) 7 700 прочие вина 14 500 3. Коньяк (за 1 дал готовой продукции) 102 000* 4. Водка и прочая алкогольная продукция (за 1 дал готовой продукции) 98 000** 5. Пиво (за 1 дал готовой продукции) 10 600 6. Сигареты с фильтром, без фильтра, папиросы 141 500 сум/1000 штук + 9,0 процента*** 7. Ювелирные изделия 25 8. Услуги мобильной связи 20 9. Столовые приборы из серебра 11 10. Нефтепродукты: бензин Аи-80 200 000 сум. за тонну бензин Аи-91, Аи-92, Аи-93, Аи-95 250 000 сум. за тонну дизтопливо 200 000 сум. за тонну дизтопливо ЭКО 180 000 сум. за тонну авиакеросин 180 000 сум. за тонну моторное масло для дизельных или карбюраторных (инжекторных) двигателей 250 000 сум. за тонну 11. Газ природный, включая экспорт 1 20 12. Сжиженный газ, реализуемый предприятиями-производителями (за исключением объемов, реализуемых населению через межрегиональные унитарные предприятия АК «Узтрансгаз»), включая экспорт 1 30 13. Полиэтиленовые гранулы 30 14. Реализуемый конечному потребителю 2 : бензин 285 сум. за 1 литр / 378 480 сум. за 1 тонну (3) дизельное топливо 285 сум. за 1 литр / 346 275 сум. за 1 тонну (3) сжиженный газ 285 сум. за 1 литр/ 540 645 сум. за 1 тонну (3) сжатый газ 435 сум. за 1 куб. метр (3)
9. Абзац второй пункта 4 постановления Президента Республики Узбекистан от 4 апреля 2019 года № ПП-4268 «О дополнительных мерах по своевременному оснащению аграрного сектора сельскохозяйственной техникой» после слов «Установить, что» дополнить словами «с 1 января 2019 года».
Президент Республики Узбекистан Ш. МИРЗИЁЕВ
г. Ташкент,
26 сентября 2019 г.,
№ УП-5837