📅 2019-yil 27-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 27 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 сентября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 27 September 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисидаги низомга ўзгартириш ва қўшимча киритиш тўғрисида
«Суд ҳужжатлари ва бошқа органлар ҳужжатларини ижро этиш тўғрисида»ги Ўзбекистон Республикаси Қонунига мувофиқ ва давлат даромадига ўтказиладиган мол-мулкни сотиш тартибини такомиллаштириш ҳамда маҳсулотларни сертификатлаштириш жараёнини соддалаштириш мақсадида Вазирлар Маҳкамаси қарор қилади:
1. Вазирлар Маҳкамасининг 2009 йил 15 июлдаги 200-сон қарори (Ўзбекистон Республикаси ҚҲТ, 2009 й., 29-сон, 335-модда) билан тасдиқланган Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисидаги низомга иловага мувофиқ ўзгартириш ва қўшимча киритилсин.
2. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов зиммасига юклансин.
Вазирлар Маҳкамасининг 2019 йил 27 сентябрдаги 819-сон қарорига ИЛОВА
Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисидаги низомга киритилаётган ўзгартириш ва қўшимча
1. 6-банднинг учинчи хатбоши қуйидаги таҳрирда баён қилинсин:
«Тез бузиладиган маҳсулотларга мувофиқлик сертификатини расмийлаштириш ва бериш барча зарур ҳужжатлар (синов баённомалари, ишлаб чиқаришни баҳолаш далолатномаси, санитария-эпидемиология, ветеринария, фитосанитария хулосалари) тақдим этилган вақтдан бошлаб бир кун мобайнида амалга оширилади. Бошқа турдаги мол-мулкларга мувофиқлик сертификатини расмийлаштириш ва бериш муддати қонун ҳужжатларида белгиланади».
2. 18-бандга қуйидаги мазмундаги иккинчи хатбоши қўшилсин:
«Давлат даромадига ўтказилган мол-мулклар сотилишини таъминлашда маҳаллий ҳокимият органлари бозор ва савдо мажмуаларда савдо ўринлари ва ярмаркалар ташкил этиш орқали савдо ташкилотларига кўмаклашади»;
иккинчи — еттинчи хатбошилар тегишинча учинчи — саккизинчи хатбошилар деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 27 сентябрь,
819-сон
Oʻzbekiston Respublikasi Vazirlar Mahkamasining
qarori
Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibi toʻgʻrisidagi nizomga oʻzgartirish va qoʻshimcha kiritish toʻgʻrisida
“Sud hujjatlari va boshqa organlar hujjatlarini ijro etish toʻgʻrisida”gi Oʻzbekiston Respublikasi Qonuniga muvofiq va davlat daromadiga oʻtkaziladigan mol-mulkni sotish tartibini takomillashtirish hamda mahsulotlarni sertifikatlashtirish jarayonini soddalashtirish maqsadida Vazirlar Mahkamasi qaror qiladi:
1. Vazirlar Mahkamasining 2009-yil 15-iyuldagi 200-son qarori (Oʻzbekiston Respublikasi QHT, 2009-y., 29-son, 335-modda) bilan tasdiqlangan Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibi toʻgʻrisidagi nizomga ilovaga muvofiq oʻzgartirish va qoʻshimcha kiritilsin.
2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov zimmasiga yuklansin.
Vazirlar Mahkamasining 2019-yil 27-sentabrdagi 819-son qaroriga ILOVA
Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibi toʻgʻrisidagi nizomga kiritilayotgan oʻzgartirish va qoʻshimcha
1. 6-bandning uchinchi xatboshi quyidagi tahrirda bayon qilinsin:
“Tez buziladigan mahsulotlarga muvofiqlik sertifikatini rasmiylashtirish va berish barcha zarur hujjatlar (sinov bayonnomalari, ishlab chiqarishni baholash dalolatnomasi, sanitariya-epidemiologiya, veterinariya, fitosanitariya xulosalari) taqdim etilgan vaqtdan boshlab bir kun mobaynida amalga oshiriladi. Boshqa turdagi mol-mulklarga muvofiqlik sertifikatini rasmiylashtirish va berish muddati qonun hujjatlarida belgilanadi”.
2. 18-bandga quyidagi mazmundagi ikkinchi xatboshi qoʻshilsin:
“Davlat daromadiga oʻtkazilgan mol-mulklar sotilishini taʼminlashda mahalliy hokimiyat organlari bozor va savdo majmualarda savdo oʻrinlari va yarmarkalar tashkil etish orqali savdo tashkilotlariga koʻmaklashadi”;
ikkinchi — yettinchi xatboshilar tegishincha uchinchi — sakkizinchi xatboshilar deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 27-sentabr,
819-son
Кабинета Министров Республики Узбекистан
Постановление
О внесении изменений и дополнения в Положение о порядке изъятия, реализации или уничтожения имущества, подлежащего обращению в доход государства
В соответствии с Законом Республики Узбекистан «Об исполнении судебных актов и актов иных органов» и в целях совершенствования порядка реализации имущества, подлежащего обращению в доход государства, а также упрощения процедур сертификации продукции Кабинет Министров постановляет:
1. Внести изменения и дополнение в Положение о порядке изъятия, реализации или уничтожения имущества, подлежащего обращению в доход государства, утвержденное постановлением Кабинета Министров от 15 июля 2009 г. № 200 (СЗ Республики Узбекистан, 2009 г., № 29, ст. 335), согласно приложению .
2. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на первого заместителя Премьер-министра Республики Узбекистан — министра транспорта А.Ж. Раматова.
ПРИЛОЖЕНИЕ к постановлению Кабинета Министров от 27 сентября 2019 года № 819
Изменения и дополнение, вносимые в Положение о порядке изъятия, реализации или уничтожения имущества, подлежащего обращению в доход государства
1. Абзац третий пункта 6 изложить в следующей редакции:
«В отношении скоропортящихся товаров оформление и выдача сертификата соответствия осуществляются в течение одного дня со дня предоставления всех необходимых документов (протокол сравнения, акты исследований, заключения санитарии-эпидемиологии, ветеринарии, фитосанитарии). Срок оформления и выдачи сертификата соответствия в отношении другого вида имущества определяется законодательством».
2. Пункт 18 дополнить абзацем вторым следующего содержания:
«Местные хокимияты содействуют торговым организациям в обеспечении реализации имущества, обращенного в доход государства, путем создания торговых точек и ярмарок на рынках и в торговых центрах»;
абзацы второй — седьмой считать абзацами третьим — восьмым, соответственно.
Премьер-министр Республики Узбекистан А. АРИПОВ
г. Ташкент,
27 сентября 2019 г.,
№ 819