📅 2019-yil 30-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 30 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 сентября 2019 г. · Постановления Президента
Официальный текст. Официальный документ. Редакционные примечания не включены.
📅 30 September 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Болалар мусиқа ва санъат мактаблари раҳбар, ўқитувчи ва концертмейстерлари меҳнатига ҳақ тўлаш ва уларни моддий рағбатлантириш тизимини такомиллаштириш тўғрисида
Болалар мусиқа ва санъат мактабларида таълим-тарбия бериш сифатини янги босқичга кўтариш, кўп йиллар давомида ўзининг фидокорона хизматлари билан таълим самарадорлигини оширишга ҳисса қўшиб келаётган болалар мусиқа ва санъат мактаблари раҳбар ва педагог ходимларининг ижтимоий ҳимоясини кучайтириш, уларнинг ижодий маҳорати ва меҳнатини муносиб рағбатлантириш тизимини янада такомиллаштириш мақсадида:
1. Ўзбекистон Республикаси Маданият вазирлиги, Бандлик ва меҳнат муносабатлари вазирлиги ҳамда Молия вазирлигининг болалар мусиқа ва санъат мактаблари ходимларининг базавий тариф ставкаларини 2019 йил 1 октябрдан:
директор ва директор ўринбосарлари учун — 1,5 бараварга;
ўқитувчилар ва концертмейстерлар учун — 1,25 бараварга ошириш тўғрисидаги таклифлари маъқуллансин.
2. Ўзбекистон Республикаси Маданият вазирлиги манфаатдор вазирлик ва идоралар билан биргаликда икки ой муддатда:
а) болалар мусиқа ва санъат мактабларида ўқув-тарбия жараёнини тубдан яхшилаш мақсадида илғор хорижий тажрибани ўрганиш асосида:
таълим сифатини баҳолашнинг замонавий тизимини ишлаб чиқсин ва тасдиқласин;
ахборот-коммуникация технологияларидан кенг фойдаланишни назарда тутган ҳолда ўқув режа ва дастурларни қайта кўриб чиқсин ҳамда тасдиқласин;
б) болалар мусиқа ва санъат мактаблари:
раҳбар ходимлари лавозимига номзодларни танлов асосида саралаш амалиётини жорий қилиш ва уларни рағбатлантиришни кучайтириш;
раҳбар ходимларининг масофадан туриб малакасини ошириш тизимини самарали ташкил этиш ва қамровини кенгайтириш;
ўқитувчилари ва концертмейстерларига нисбатан малака талаблари, улар фаолиятини баҳолаш тизими ҳамда таълимнинг мазмун ва сифатига қўйилган давлат талабларини такомиллаштириш чораларини кўрсин.
3. Ўзбекистон Республикаси Молия вазирлиги мазкур қарорни амалга ошириш билан боғлиқ харажатларни молиялаштириш учун талаб этиладиган зарур маблағларни 2019 йил учун ажратсин ҳамда 2020 йилдан бошлаб Ўзбекистон Республикаси Давлат бюджети харажатлари параметрларида назарда тутсин.
4. Ўзбекистон Республикаси Маданият вазирлиги манфаатдор вазирликлар ва идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 30 сентябр,
ПҚ-4468-сон
Oʻzbekiston Respublikasi Prezidentining
Qarori
Bolalar musiqa va sanʼat maktablari rahbar, oʻqituvchi va konsertmeysterlari mehnatiga haq toʻlash va ularni moddiy ragʻbatlantirish tizimini takomillashtirish toʻgʻrisida
Bolalar musiqa va sanʼat maktablarida taʼlim-tarbiya berish sifatini yangi bosqichga koʻtarish, koʻp yillar davomida oʻzining fidokorona xizmatlari bilan taʼlim samaradorligini oshirishga hissa qoʻshib kelayotgan bolalar musiqa va sanʼat maktablari rahbar va pedagog xodimlarining ijtimoiy himoyasini kuchaytirish, ularning ijodiy mahorati va mehnatini munosib ragʻbatlantirish tizimini yanada takomillashtirish maqsadida:
1. Oʻzbekiston Respublikasi Madaniyat vazirligi, Bandlik va mehnat munosabatlari vazirligi hamda Moliya vazirligining bolalar musiqa va sanʼat maktablari xodimlarining bazaviy tarif stavkalarini 2019-yil 1-oktabrdan:
direktor va direktor oʻrinbosarlari uchun — 1,5 baravarga;
oʻqituvchilar va konsertmeysterlar uchun — 1,25 baravarga oshirish toʻgʻrisidagi takliflari maʼqullansin.
2. Oʻzbekiston Respublikasi Madaniyat vazirligi manfaatdor vazirlik va idoralar bilan birgalikda ikki oy muddatda:
a) bolalar musiqa va sanʼat maktablarida oʻquv-tarbiya jarayonini tubdan yaxshilash maqsadida ilgʻor xorijiy tajribani oʻrganish asosida:
taʼlim sifatini baholashning zamonaviy tizimini ishlab chiqsin va tasdiqlasin;
axborot-kommunikatsiya texnologiyalaridan keng foydalanishni nazarda tutgan holda oʻquv reja va dasturlarni qayta koʻrib chiqsin hamda tasdiqlasin;
b) bolalar musiqa va sanʼat maktablari:
rahbar xodimlari lavozimiga nomzodlarni tanlov asosida saralash amaliyotini joriy qilish va ularni ragʻbatlantirishni kuchaytirish;
rahbar xodimlarining masofadan turib malakasini oshirish tizimini samarali tashkil etish va qamrovini kengaytirish;
oʻqituvchilari va konsertmeysterlariga nisbatan malaka talablari, ular faoliyatini baholash tizimi hamda taʼlimning mazmun va sifatiga qoʻyilgan davlat talablarini takomillashtirish choralarini koʻrsin.
3. Oʻzbekiston Respublikasi Moliya vazirligi mazkur qarorni amalga oshirish bilan bogʻliq xarajatlarni moliyalashtirish uchun talab etiladigan zarur mablagʻlarni 2019-yil uchun ajratsin hamda 2020-yildan boshlab Oʻzbekiston Respublikasi Davlat budjeti xarajatlari parametrlarida nazarda tutsin.
4. Oʻzbekiston Respublikasi Madaniyat vazirligi manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 30-sentabr,
PQ-4468-son
Президента Республики Узбекистан
Постановление
О совершенствовании системы оплаты труда и материального стимулирования руководителей, преподавателей и концертмейстеров детских школ музыки и искусства
В целях поднятия образования и воспитания в детских школах музыки и искусства на качественно новый уровень, усиления социальной защиты руководителей и педагогических работников детских школ музыки и искусства, которые на протяжении многих лет своим самоотверженным трудом вносят вклад в повышение эффективности образования, а также дальнейшего совершенствования системы достойного стимулирования их труда и творческого мастерства:
1. Одобрить предложения Министерства культуры, Министерства занятости и трудовых отношений и Министерства финансов Республики Узбекистан о повышении с 1 октября 2019 года базовых тарифных ставок работников детских школ музыки и искусства:
для директоров и заместителей директора — в 1,5 раза;
для учителей и концертмейстеров — в 1,25 раза.
2. Министерству культуры Республики Узбекистан совместно с заинтересованными министерствами и ведомствами в двухмесячный срок:
а) в целях коренного улучшения учебно-воспитательного процесса в детских школах музыки и искусства на основе изучения передового зарубежного опыта:
разработать и утвердить современную систему оценки качества образования;
пересмотреть и утвердить учебные планы и программы, предусмотрев широкое использование информационно-коммуникационных технологий;
б) принять меры по:
внедрению практики конкурсного отбора кандидатов на руководящие должности в детских школах музыки и искусства и усилению их стимулирования;
эффективной организации и расширению охвата системы дистанционного повышения квалификации руководящих работников детских школ музыки и искусства;
совершенствованию государственных требований к квалификационным требованиям и оценке деятельности преподавателей и концертмейстеров, а также содержанию и качеству образования в детских школах музыки и искусства.
3. Министерству финансов Республики Узбекистан выделить в 2019 году необходимые средства, требуемые для финансирования расходов, связанных с реализацией настоящего постановления, и начиная с 2020 года предусматривать их в параметрах расходов Государственного бюджета Республики Узбекистан.
4. Министерству культуры совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
5. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.
Президент Республики Узбекистан Ш. МИРЗИЁЕВ
г. Ташкент,
30 сентября 2019 г.,
№ ПП-4468