📅 2019-yil 24-avgust · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 24 август · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 24 августа 2019 г. · Документы Центрального банка
Официальный текст. Официальный документ. Редакционные примечания не включены.
📅 24 August 2019 · Central Bank documents
Official text. Official document. Editorial notes are not included.
Ўзбекистон Республикаси Марказий банки бошқаруви Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг
Қарори
Нобанк кредит ташкилотларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига ўзгартириш ва қўшимчалар киритиш ҳақида
Ўзбекистон Республикасининг « Ўзбекистон Республикасининг Марказий банки тўғрисида »ги, « Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида »ги қонунларига ва Ўзбекистон Республикаси Президентининг 2019 йил 21 майдаги ПФ-5723-сон «Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида»ги Фармонига ҳамда Ўзбекистон Республикаси Президентининг 2019 йил 23 июлдаги ПҚ-4400-сон «Микромолиявий хизматлар оммабоплигини ошириш чора-тадбирлари тўғрисида»ги қарорига мувофиқ Ўзбекистон Республикаси Марказий банки Бошқаруви қарор қилади:
1. Ўзбекистон Республикаси Марказий банки Бошқаруви ва Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаментининг 2017 йил 9 августдаги 344-В ва 26-сон қарори (рўйхат рақами 2925, 2017 йил 4 сентябрь) (Ўзбекистон Республикаси қонун ҳужжатлари тўплами, 2017 й., 36-сон, 968-модда) билан тасдиқланган Нобанк кредит ташкилотларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига иловага мувофиқ ўзгартириш ва қўшимчалар киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Марказий банки Бошқаруви ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг 2019 йил 24 августдаги 344-В-2, 24-сон қарорига ИЛОВА
Нобанк кредит ташкилотларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига киритилаётган ўзгартириш ва қўшимчалар
1. 2-банд қуйидаги мазмундаги хатбоши билан тўлдирилсин:
«учинчи томон — пул маблағлари ёки бошқа мол-мулк билан боғлиқ операцияларни амалга оширувчи ташкилотлар.».
2. 21-банднинг «а» кичик банди олтинчи хатбошисидаги ва «б» кичик бандидаги «энг кам ойлик иш ҳақи» деган сўзлар «базавий ҳисоблаш» деган сўзлар билан алмаштирилсин.
3. Қуйидаги мазмундаги 22 1 -банд билан тўлдирилсин:
«22 1 . Нобанк кредит ташкилотлари мазкур Қоидаларнинг 22-банди иккинчи — тўртинчи хатбошиларида назарда тутилган мижозларни лозим даражада текшириш бўйича чора-тадбирларни амалга оширган учинчи томонларнинг лозим даражада текшириш натижаларига ишонишлари мумкин. Бунда нобанк кредит ташкилотлари:
мижозларни лозим даражада текшириш бўйича чора-тадбирлар юзасидан зарур бўлган маълумотларни (электрон тизимлар орқали) кечиктирмасдан олиш имкониятига эга бўлиши;
мижозларни лозим даражада текшириш бўйича идентификациялаш маълумотлари ва бошқа тегишли ҳужжатлар нусхасини сўров асосида кечиктирмасдан олиш имкониятига эга бўлиши;
учинчи томон жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини молиялаштиришга қарши курашиш бўйича ички назорат қоидалари асосида ишлашига ишонч ҳосил қилишлари керак.
Нобанк кредит ташкилотлари мазкур банднинг иккинчи — тўртинчи хатбошиларида назарда тутилган талаблардан бирига риоя қилинмаган тақдирда, мижозларни лозим даражада текшириш бўйича чора-тадбирларни мустақил равишда амалга ошириши керак.
Нобанк кредит ташкилотлари мижоз билан иш муносабатларига киришиш тўғрисидаги қарорни ўз таваккалчиликларидан келиб чиқиб, мустақил равишда қабул қилади ҳамда мижозни лозим даражада текшириш бўйича чора-тадбирларни амалга оширишга ҳақли.
Нобанк кредит ташкилотлари шартномада ва (ёки) шартнома офертасида, мижозларни лозим даражада текшириш бўйича чора-тадбирлар нобанк кредит ташкилотлари томонидан амалга оширилиши мумкинлигини кўрсатиши лозим.».
4. 26-банд қуйидаги таҳрирда баён этилсин:
«26. Нобанк кредит ташкилоти томонидан жисмоний шахс — мижозни идентификациялаш шахсни тасдиқловчи ҳужжат (паспорт ёки унинг ўрнини босадиган ҳужжат) ёки мижознинг биометрик маълумотлари асосида амалга оширилади. Бунда нобанк кредит ташкилоти жисмоний шахс — мижоз идентификацияси:
шахсни тасдиқловчи ҳужжат (паспорт ёки унинг ўрнини босадиган ҳужжат) асосида амалга оширилганда ушбу ҳужжатнинг асли билан танишиб чиқиши;
биометрик маълумотлар асосида амалга оширилганда ушбу маълумотларни Ўзбекистон Республикаси Ички ишлар вазирлигининг ахборот тизими билан верификация қилиши лозим.».
5. 33-банднинг иккинчи хатбошиси қуйидаги таҳрирда баён этилсин:
«мижознинг шахсан ўзи ёки унинг вакили бўлмаган ҳолларда хизмат кўрсатиш, нобанк кредит ташкилоти аввал тақдим этилган, текширув даврига ҳақиқий ва верификация қилинган ҳужжатлар асосида идентификация қилиш имконияти мавжуд бўлган ёки мижозларнинг биометрик маълумотлари асосида идентификация қилинган, шунингдек учинчи томонлар амалга оширган мижозларни лозим даражада текшириш натижаларига нобанк кредит ташкилотлари ишонган ҳолатлар бундан мустасно;».
6. 35-бандда :
1-кичик бандда «энг кам иш ҳақининг 10 баравари миқдорига» деган сўзлар «базавий ҳисоблаш миқдорининг 10 бараварига» деган сўзлар билан алмаштирилсин;
3-кичик бандда «энг кам иш ҳақининг 400 баравари миқдорига» деган сўзлар «базавий ҳисоблаш миқдорининг 400 бараварига» деган сўзлар билан алмаштирилсин.
7. 40-банднинг «ж» кичик бандида «энг кам иш ҳақининг 10 баравари миқдорига» деган сўзлар «базавий ҳисоблаш миқдорининг 10 бараварига» деган сўзлар билан алмаштирилсин.
Марказий банк раиси М. НУРМУРАТОВ
Бош прокуратура ҳузуридаги Иқтисодий жиноятларга қарши курашиш департаменти бошлиғи Д. РАХИМОВ
Тошкент ш.,
2019 йил 24 август,
Тошкент ш.,
2019 йил 24 август,
344-В-2-сон
24-сон
Oʻzbekiston Respublikasi Markaziy banki boshqaruvi Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining
Qarori
Nobank kredit tashkilotlarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga oʻzgartirish va qoʻshimchalar kiritish haqida
Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi, “ Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida ”gi qonunlariga va Oʻzbekiston Respublikasi Prezidentining 2019-yil 21-maydagi PF-5723-son “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida”gi Farmoniga hamda Oʻzbekiston Respublikasi Prezidentining 2019-yil 23-iyuldagi PQ-4400-son “Mikromoliyaviy xizmatlar ommabopligini oshirish chora-tadbirlari toʻgʻrisida”gi qaroriga muvofiq Oʻzbekiston Respublikasi Markaziy banki Boshqaruvi qaror qiladi:
1. Oʻzbekiston Respublikasi Markaziy banki Boshqaruvi va Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2017-yil 9-avgustdagi 344-V va 26-son qarori (roʻyxat raqami 2925, 2017-yil 4-sentabr) (Oʻzbekiston Respublikasi qonun hujjatlari toʻplami, 2017-y., 36-son, 968-modda) bilan tasdiqlangan Nobank kredit tashkilotlarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Markaziy banki Boshqaruvi va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining 2019-yil 24-avgustdagi 344-V-2, 24-son qaroriga ILOVA
Nobank kredit tashkilotlarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga kiritilayotgan oʻzgartirish va qoʻshimchalar
1. 2-band quyidagi mazmundagi xatboshi bilan toʻldirilsin:
“uchinchi tomon — pul mablagʻlari yoki boshqa mol-mulk bilan bogʻliq operatsiyalarni amalga oshiruvchi tashkilotlar.”.
2. 21-bandning “a” kichik bandi oltinchi xatboshisidagi va “b” kichik bandidagi “eng kam oylik ish haqi” degan soʻzlar “bazaviy hisoblash” degan soʻzlar bilan almashtirilsin.
3. Quyidagi mazmundagi 22 1 -band bilan toʻldirilsin:
“22 1 . Nobank kredit tashkilotlari mazkur Qoidalarning 22-bandi ikkinchi — toʻrtinchi xatboshilarida nazarda tutilgan mijozlarni lozim darajada tekshirish boʻyicha chora-tadbirlarni amalga oshirgan uchinchi tomonlarning lozim darajada tekshirish natijalariga ishonishlari mumkin. Bunda nobank kredit tashkilotlari:
mijozlarni lozim darajada tekshirish boʻyicha chora-tadbirlar yuzasidan zarur boʻlgan maʼlumotlarni (elektron tizimlar orqali) kechiktirmasdan olish imkoniyatiga ega boʻlishi;
mijozlarni lozim darajada tekshirish boʻyicha identifikatsiyalash maʼlumotlari va boshqa tegishli hujjatlar nusxasini soʻrov asosida kechiktirmasdan olish imkoniyatiga ega boʻlishi;
uchinchi tomon jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini moliyalashtirishga qarshi kurashish boʻyicha ichki nazorat qoidalari asosida ishlashiga ishonch hosil qilishlari kerak.
Nobank kredit tashkilotlari mazkur bandning ikkinchi — toʻrtinchi xatboshilarida nazarda tutilgan talablardan biriga rioya qilinmagan taqdirda, mijozlarni lozim darajada tekshirish boʻyicha chora-tadbirlarni mustaqil ravishda amalga oshirishi kerak.
Nobank kredit tashkilotlari mijoz bilan ish munosabatlariga kirishish toʻgʻrisidagi qarorni oʻz tavakkalchiliklaridan kelib chiqib, mustaqil ravishda qabul qiladi hamda mijozni lozim darajada tekshirish boʻyicha chora-tadbirlarni amalga oshirishga haqli.
Nobank kredit tashkilotlari shartnomada va (yoki) shartnoma ofertasida, mijozlarni lozim darajada tekshirish boʻyicha chora-tadbirlar nobank kredit tashkilotlari tomonidan amalga oshirilishi mumkinligini koʻrsatishi lozim.”.
4. 26-band quyidagi tahrirda bayon etilsin:
“26. Nobank kredit tashkiloti tomonidan jismoniy shaxs — mijozni identifikatsiyalash shaxsni tasdiqlovchi hujjat (pasport yoki uning oʻrnini bosadigan hujjat) yoki mijozning biometrik maʼlumotlari asosida amalga oshiriladi. Bunda nobank kredit tashkiloti jismoniy shaxs — mijoz identifikatsiyasi:
shaxsni tasdiqlovchi hujjat (pasport yoki uning oʻrnini bosadigan hujjat) asosida amalga oshirilganda ushbu hujjatning asli bilan tanishib chiqishi;
biometrik maʼlumotlar asosida amalga oshirilganda ushbu maʼlumotlarni Oʻzbekiston Respublikasi Ichki ishlar vazirligining axborot tizimi bilan verifikatsiya qilishi lozim.”.
5. 33-bandning ikkinchi xatboshisi quyidagi tahrirda bayon etilsin:
“mijozning shaxsan oʻzi yoki uning vakili boʻlmagan hollarda xizmat koʻrsatish, nobank kredit tashkiloti avval taqdim etilgan, tekshiruv davriga haqiqiy va verifikatsiya qilingan hujjatlar asosida identifikatsiya qilish imkoniyati mavjud boʻlgan yoki mijozlarning biometrik maʼlumotlari asosida identifikatsiya qilingan, shuningdek uchinchi tomonlar amalga oshirgan mijozlarni lozim darajada tekshirish natijalariga nobank kredit tashkilotlari ishongan holatlar bundan mustasno;”.
6. 35-bandda :
1-kichik bandda “eng kam ish haqining 10 baravari miqdoriga” degan soʻzlar “bazaviy hisoblash miqdorining 10 baravariga” degan soʻzlar bilan almashtirilsin;
3-kichik bandda “eng kam ish haqining 400 baravari miqdoriga” degan soʻzlar “bazaviy hisoblash miqdorining 400 baravariga” degan soʻzlar bilan almashtirilsin.
7. 40-bandning “j” kichik bandida “eng kam ish haqining 10 baravari miqdoriga” degan soʻzlar “bazaviy hisoblash miqdorining 10 baravariga” degan soʻzlar bilan almashtirilsin.
Markaziy bank raisi M. NURMURATOV
Bosh prokuratura huzuridagi Iqtisodiy jinoyatlarga qarshi kurashish departamenti boshligʻi D. RAXIMOV
Toshkent sh.,
2019-yil 24-avgust,
Toshkent sh.,
2019-yil 24-avgust,
344-V-2-son
24-son
Правления Центрального банка Департамента по борьбе с экономическими преступлениями при генеральной прокуратуре Республики Узбекистан
Постановление
О внесении изменений и дополнений в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения в небанковских кредитных организациях
В соответствии с законами Республики Узбекистан « О Центральном банке Республики Узбекистан », « О противодействии легализации доходов, полученных от преступной деятельности, финансированию терроризма и финансированию распространения оружия массового уничтожения » и Указом Президента Республики Узбекистан от 21 мая 2019 года № УП-5723 «О совершенствовании порядка определения размеров оплаты труда, пенсий и иных платежей», а также постановлением Президента Республики Узбекистан от 23 июля 2019 года № ПП-4400 «О мерах по повышению доступности микрофинансовых услуг» Правление Центрального банка Республики Узбекистан и Департамент по борьбе с экономическими преступлениями при Генеральной прокуратуре Республики Узбекистан постановляют:
1. Внести изменения и дополнения в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения в небанковских кредитных организациях, утвержденные постановлением Правления Центрального банка Республики Узбекистан и Департамента по борьбе с налоговыми, валютными преступлениями и легализацией преступных доходов при Генеральной прокуратуре Республики Узбекистан от 9 августа 2017 года №№ 344-В и 26 (рег. № 2925 от 4 сентября 2017 года) (Собрание законодательства Республики Узбекистан, 2017 г., № 36, ст. 968), согласно приложению .
2. Настоящее постановление вступает в силу со дня его официального опубликования.
ПРИЛОЖЕНИЕ к постановлению Правления Центрального банка Республики Узбекистан и Департамента по борьбе с экономическими преступлениями при Генеральной прокуратуре Республики Узбекистан от 24 августа 2019 года № № 344-В-2, 24
Изменения и дополнения, вносимые в Правила внутренного контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения в небанковских кредитных организациях
1. Пункт 2 дополнить абзацем следующего содержания:
«третья сторона — организации, осуществляющие операции с денежными средствами или иным имуществом.».
2. В абзаце шестом подпункта «а» и подпункте «б» пункта 21 слова «минимального размера заработной платы» заменить словами «базовой расчетной величины».
3. Дополнить пунктом 22 1 следующего содержания:
«22 1 . Небанковские кредитные организации могут доверять результатам надлежащей проверки клиента, проведенной третьими сторонами, по мерам надлежащей проверки, указанным в абзацах втором — четвертом пункта 22 настоящих Правил. При этом небанковские кредитные организации должны удостовериться:
в возможности незамедлительного получения (посредством электронных систем) необходимой информации по надлежащей проверке клиентов;
в возможности по запросу незамедлительного получения копии идентификационных данных и других соответствующих документов по надлежащей проверке клиентов;
в том, что третьи стороны руководствуются внутренними правилами по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения.
В случае несоблюдения одного из требований, предусмотренных в абзацах втором — четвертом настоящего пункта, небанковские кредитные организации должны самостоятельно применять меры по надлежащей проверке клиентов.
Небанковские кредитные организации принимают решение о вступлении в деловые отношения с клиентом самостоятельно, исходя из риска, а также вправе принимать меры по надлежащей проверке.
Небанковские кредитные организации должны оговорить о возможности проведения мер по надлежащей проверке клиентов в договоре и (или) в договоре оферты.».
4. Пункт 26 изложить в следующей редакции:
«26. Идентификация клиента — физического лица небанковской кредитной организацией проводится на основании документа (паспорта или заменяющего его документа), удостоверяющего личность, или биометрических данных. При этом небанковская кредитная организация при идентификации клиента — физического лица:
на основании документа (паспорта или заменяющего его документа), удостоверяющего личность, должна ознакомиться с оригиналом такого документа;
на основании биометрических данных, должна провести верификацию таких данных с информационной системой Министерства внутренних дел Республики Узбекистан.».
5. Абзац второй пункта 33 изложить в следующей редакции:
«осуществлять услуги без личного присутствия клиента либо его представителя, за исключением случаев, когда небанковская кредитная организация имеет возможность провести идентификацию клиента на основании ранее представленных документов, действительных и верифицированных на дату идентификации, или биометрических данных, а также небанковская кредитная организация доверяет результатам надлежащей проверки клиентов, проведенной третьей стороной;».
6. В пункте 35 :
в подпункте 1 слова «10-кратный размер минимальной заработной платы» заменить словами «10-кратный размер базовой расчетной величины»;
в подпункте 3 слова «400-кратный размер минимальной заработной платы» заменить словами «400-кратный размер базовой расчетной величины».
7. В подпункте «ж» пункта 40 слова «минимальной заработной платы» заменить словами «базовой расчетной величины».
Председатель Центрального банка М. НУРМУРАТОВ
Начальник Департамента по борьбе с экономическими преступлениями при Генеральной прокуратуре Д. РАХИМОВ
г. Ташкент,
24 августа 2019 г.,
г. Ташкент,
24 августа 2019 г.,
№ 344-В-2
№ 24