📅 2019-yil 3-oktabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 3 октябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 3 октября 2019 г. · Указы Президента
Официальный текст. Официальный документ. Редакционные примечания не включены.
📅 3 October 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Халқаро ҳунармандчилик фестивалини ўтказиб боришга оид чора-тадбирлар тўғрисида
Кейинги йилларда мамлакатимизда қадимий ва бой тарихимиз, миллий ўзлигимиз, бетакрор қадрият ва анъаналаримиз тимсоли бўлган халқ амалий санъатини ривожлантириш, ҳунармандларни ҳар томонлама қўллаб-қувватлаш, ушбу йўналишда халқаро ҳамкорликни кенгайтириш ва шу асосда Ўзбекистоннинг бу соҳадаги улкан салоҳият ва имкониятларини дунёга намоён этиш борасида тизимли ишлар амалга оширилмоқда.
Ҳозирги вақтда ҳунармандчилик санъати халқимиз кундалик ҳаётидан тобора мустаҳкам ўрин эгалламоқда. Мамлакатимизда ҳар йили мазкур йўналишда юздан зиёд фестиваль ва ярмаркалар, савдо кўргазмалари ва бошқа тадбирлар ўтказилаётгани ҳам шундан далолат беради.
Шаҳрисабзда мақом, Термизда бахшичилик санъатига бағишланган халқаро фестиваллар, Бухоро шаҳрида «Ипак ва зираворлар», Марғилонда «Атлас байрами» анжуманлари ўтказиб келинаётгани, уларда дунёнинг кўплаб давлатларидан маданият ва санъат намояндалари, бу йўналишда ўзининг илмий ишлари, амалий фаолияти билан танилган олимлар ва мутахассислар иштирок этаётгани диққатга сазовордир.
Жорий йил 10 — 15 сентябрь кунлари Қўқон шаҳрида ЮНЕСКО шафелигида биринчи Халқаро ҳунармандчилик фестивали ўтказилгани, Жаҳон ҳунармандлар ташкилоти томонидан ушбу шаҳарга «Жаҳон ҳунармандлари шаҳри» мақоми берилгани ўзбек халқ амалий санъатининг халқаро миқёсдаги юксак эътирофи бўлди.
Жаҳон халқ амалий санъатини, унинг ажралмас қисми бўлган ўзбек миллий ҳунармандчилигини асраб-авайлаш ва ривожлантиришга қаратилган ана шундай эзгу ишлар ушбу бебаҳо бойликни келгуси авлодларга безавол етказиш, бу йўлдаги саъй-ҳаракат ва имкониятларимизни бирлаштиришда муҳим аҳамиятга эга эканини таъкидлаш лозим.
Ана шу омилларнинг барчасини эътиборга олиб ҳамда мамлакатимизда халқ амалий санъатини ривожлантириш, унинг миллий қадриятларимиз давомийлигини сақлаш, уларни кенг тарғиб этиш, ёш авлодни Ватанга муҳаббат ва садоқат руҳида тарбиялаш борасидаги ўрнини ва аҳамиятини янада ошириш мақсадида:
1. Ўзбекистон Республикаси Вазирлар Маҳкамаси, Савдо-саноат палатаси, «Ҳунарманд» уюшмаси, Маданият вазирлиги, Туризмни ривожлантириш давлат қўмитаси, Ўзбекистон Бадиий академияси ва Фарғона вилояти ҳокимлигининг ҳар икки йилда бир марта сентябрь ойида Қўқон шаҳрида Халқаро ҳунармандчилик фестивалини (кейинги ўринларда — фестиваль) ҳамда фестиваль доирасида «Ҳунармандчилик ва халқ амалий санъатини ривожлантириш истиқболлари» мавзусидаги илмий-амалий конференцияни (кейинги ўринларда — Илмий-амалий конференция) ўтказиш тўғрисидаги таклифи маъқуллансин.
2. Қуйидагилар:
а) фестивалнинг асосий вазифалари этиб белгилансин:
Ўзбекистоннинг миллий ҳунармандчилик анъаналарини давом эттириш, ҳунармандларни ҳар томонлама қўллаб-қувватлаш, бой маданий меросини дунё ҳамжамияти ўртасида тарғиб этиш ва шу орқали жаҳондаги турли миллий маданият ва қадриятларни яқинлаштириш;
миллий ҳунармандчилик ва халқ амалий санъати соҳасининг халқаро обрў-эътиборини мустаҳкамлаш, «Қўқон — Жаҳон ҳунармандчилик шаҳри» брендини кенг тарғиб этиш ҳамда мамлакатимизнинг сайёҳлик салоҳиятини ошириш;
жаҳон халқ амалий санъатини асраб-авайлаш ва ривожлантириш, ушбу бебаҳо бойликни келгуси авлодларга безавол етказиш ҳамда бу йўлдаги саъй-ҳаракат ва имкониятларни бирлаштириш;
ёшларни ҳар томонлама баркамол инсонлар этиб тарбиялаш, уларнинг замонавий билимлар билан бирга, халқ амалий санъатининг назарий ва амалий жиҳатларини пухта эгаллаши учун кенг имкониятлар яратиш;
б) илмий-амалий конференциянинг асосий вазифалари этиб белгилансин:
ҳунармандчилик соҳасидаги муаммоларни хорижий олимлар, эксперт ва мутахассислар иштирокида муҳокама қилиш ҳамда бу борада назарий ва амалий тажриба алмашиш;
ҳунармандчилик йўналишида фойдаланилмаётган имконият ва ресурсларни аниқлаб, соҳани ривожлантириш истиқболларини белгилаш;
ҳунармандчилик соҳасида маданий ва тарихий жиҳатдан чуқур изланишлар олиб бориш, илмий-амалий ҳамкорликни кенгайтириш ва амалга оширилаётган тадқиқотлар натижаларини оммалаштириш.
3. Белгилаб қўйилсинки, фестиваль ва илмий-амалий конференция ўтказиладиган йилнинг январь ойида Ўзбекистон Республикаси Савдо-саноат палатаси, «Ҳунарманд» уюшмаси, Маданият вазирлиги, Туризмни ривожлантириш давлат қўмитаси, Ўзбекистон Бадиий академияси ҳамда Фарғона вилояти ҳокимлигининг таклифлари асосида ушбу тадбирларни ўтказиш билан боғлиқ бўлган ташкилий чора-тадбирларни кўзда тутадиган Ўзбекистон Республикаси Вазирлар Маҳкамасининг қарори қабул қилинади.
4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон Республикаси Савдо-саноат палатаси ва «Ҳунарманд» уюшмаси билан биргаликда:
а) фестиваль ва илмий-амалий конференцияни ўтказиш билан боғлиқ тадбирларга муносиб тайёргарлик кўриш ва уларни ўтказиш бўйича манзилли «йўл харитаси»ни тегишли йил февраль ойида ишлаб чиқиб, амалга ошириш тизимини жорий этсин;
б) фестивалга иқтидорли ҳунармандлар ва истеъдодли ёшларни жалб этиш мақсадида «Мен Қўқонга бораман» шиори остида икки босқичдан иборат қуйидаги кўргазма ва кўрик-танловларни ташкил этсин:
биринчи босқич — туман (шаҳар)лар бўйича фестиваль ва илмий-амалий конференция ўтказиладиган йилнинг апрель ойида;
иккинчи босқич — Қорақалпоғистон Республикаси, вилоятлар ва Тошкент шаҳри бўйича фестиваль ва илмий-амалий конференция ўтказиладиган йилнинг июнь ойида.
5. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ўзбекистон Миллий Ахборот агентлиги, «Дунё» ахборот агентлиги, Ўзбекистон Миллий телерадиокомпанияси:
Савдо-саноат палатаси ва «Ҳунарманд» уюшмаси билан биргаликда фестиваль ва илмий-амалий конференция ўтказиладиган йилнинг февраль ойида ушбу тадбирларнинг мақсад ва вазифаларини маҳаллий ва хорижий оммавий ахборот воситаларида кенг ёритиш бўйича чора-тадбирларни ишлаб чиқиш ва тасдиқлашни;
тасдиқланган чора-тадбирлар асосида фестиваль ва илмий-амалий конференцияни ўтказишга тайёргарлик кўриш ва уларни ўтказиш бўйича амалга ошириладиган ишларни маҳаллий ва хорижий оммавий ахборот воситаларида мунтазам ёритиб боришни таъминласин.
6. Қуйидаги раҳбар ва мутасаддиларга:
Ўзбекистон Республикаси Бош вазири А. Арипов — фестиваль ва илмий-амалий конференцияни ташкил этиш ҳамда ўтказиш бўйича кўзда тутилган вазифаларнинг ўз вақтида ва сифатли бажарилишини таъминлаш;
Ўзбекистон Республикаси Савдо-саноат палатаси (А. Икрамов), Маданият вазирлиги (Б. Сайфуллаев), Туризмни ривожлантириш давлат қўмитаси (А. Аккулов) — тадбирлар дастурини ишлаб чиқиш ва уларни уч ой аввал туристик ташкилотларга тақдим этиш ҳамда Интернет жаҳон ахборот тармоғи ва ижтимоий тармоқларга жойлаштириш;
Фарғона вилояти ҳокимлиги (Ш. Ғаниев) — Қўқон шаҳрида кенг кўламдаги ободонлаштириш ва кўкаламзорлаштириш ишларини амалга ошириш, фестиваль ва илмий-амалий конференция ўтказиладиган майдон ва ҳудудларни талаб даражасида тайёрлашни таъминлаш;
Ўзбекистон Республикаси Туризмни ривожлантириш давлат қўмитаси (А. Аккулов), Фарғона вилояти ҳокимлиги (Ш. Ғаниев) — фестиваль ва илмий-амалий конференция қатнашчилари ва меҳмонлар учун меҳмонхоналардан жой ажратиш чораларини кўриш;
Ўзбекистон Республикаси Маданият вазирлиги (Б. Сайфуллаев), Савдо-саноат палатаси (А. Икрамов) — тадбирларнинг тантанали очилиш маросимини ташкилий ва бадиий жиҳатдан ҳар томонлама пухта тайёрлаш учун юксак профессионал маҳорат ва тажрибага эга бўлган сценарист ва режиссёрлар, уста ҳунармандлар, саҳна рассомлари, истеъдодли ёш санъаткорларни кенг жалб этишни таъминлаш юзасидан шахсий масъулият юклансин.
7. «Ўзбеккино» миллий агентлиги Ўзбекистон Миллий телерадиокомпанияси билан биргаликда фестивални тарғиб қиладиган қисқа ва тўлиқ метражли ҳужжатли фильмларни ишлаб чиқсин ва уларнинг намойиш этилишини ташкил қилсин.
8. Ўзбекистон Республикаси Вазирлар Маҳкамаси, Қурилиш вазирлиги, Фарғона вилояти ҳокимлиги Марғилон ва Қўқон шаҳарларини 2020 — 2022 йилларда комплекс ижтимоий-иқтисодий ривожлантириш бўйича дастурда 2021 йилда фестивални юқори савияда ўтказиш билан боғлиқ бўлган барча зарур инфратузилма объектларини, шу жумладан, замонавий меҳмонхона қурилишини инобатга олсин.
9. Ўзбекистон Республикаси Савдо-саноат палатаси ҳамда «Ҳунарманд» уюшмаси ҳунармандчилик соҳасини янада ривожлантириш борасидаги ҳуқуқий базани мустаҳкамлаш мақсадида, уч ой муддатда тажрибали ҳунармандларни жалб этган ҳолда, хорижий тажрибани ўрганиб, Ўзбекистон Республикасининг «Ҳунармандчилик фаолияти тўғрисида»ги қонунини қабул қилиш бўйича аниқ таклифлар ишлаб чиқиб, Вазирлар Маҳкамасига киритсин.
10. Мазкур Фармоннинг ижросини назорат қилиш Ўзбекистон Республикаси Бош вазири А. Арипов ва Ўзбекистон Республикаси Президентининг маслаҳатчиси Р. Гулямов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 3 октябрь,
ПФ-5841-сон
Oʻzbekiston Respublikasi Prezidentining
Farmoni
Xalqaro hunarmandchilik festivalini oʻtkazib borishga oid chora-tadbirlar toʻgʻrisida
Keyingi yillarda mamlakatimizda qadimiy va boy tariximiz, milliy oʻzligimiz, betakror qadriyat va anʼanalarimiz timsoli boʻlgan xalq amaliy sanʼatini rivojlantirish, hunarmandlarni har tomonlama qoʻllab-quvvatlash, ushbu yoʻnalishda xalqaro hamkorlikni kengaytirish va shu asosda Oʻzbekistonning bu sohadagi ulkan salohiyat va imkoniyatlarini dunyoga namoyon etish borasida tizimli ishlar amalga oshirilmoqda.
Hozirgi vaqtda hunarmandchilik sanʼati xalqimiz kundalik hayotidan tobora mustahkam oʻrin egallamoqda. Mamlakatimizda har yili mazkur yoʻnalishda yuzdan ziyod festival va yarmarkalar, savdo koʻrgazmalari va boshqa tadbirlar oʻtkazilayotgani ham shundan dalolat beradi.
Shahrisabzda maqom, Termizda baxshichilik sanʼatiga bagʻishlangan xalqaro festivallar, Buxoro shahrida “Ipak va ziravorlar”, Margʻilonda “Atlas bayrami” anjumanlari oʻtkazib kelinayotgani, ularda dunyoning koʻplab davlatlaridan madaniyat va sanʼat namoyandalari, bu yoʻnalishda oʻzining ilmiy ishlari, amaliy faoliyati bilan tanilgan olimlar va mutaxassislar ishtirok etayotgani diqqatga sazovordir.
Joriy yil 10 — 15-sentabr kunlari Qoʻqon shahrida YUNESKO shafeligida birinchi Xalqaro hunarmandchilik festivali oʻtkazilgani, Jahon hunarmandlar tashkiloti tomonidan ushbu shaharga “Jahon hunarmandlari shahri” maqomi berilgani oʻzbek xalq amaliy sanʼatining xalqaro miqyosdagi yuksak eʼtirofi boʻldi.
Jahon xalq amaliy sanʼatini, uning ajralmas qismi boʻlgan oʻzbek milliy hunarmandchiligini asrab-avaylash va rivojlantirishga qaratilgan ana shunday ezgu ishlar ushbu bebaho boylikni kelgusi avlodlarga bezavol yetkazish, bu yoʻldagi saʼy-harakat va imkoniyatlarimizni birlashtirishda muhim ahamiyatga ega ekanini taʼkidlash lozim.
Ana shu omillarning barchasini eʼtiborga olib hamda mamlakatimizda xalq amaliy sanʼatini rivojlantirish, uning milliy qadriyatlarimiz davomiyligini saqlash, ularni keng targʻib etish, yosh avlodni Vatanga muhabbat va sadoqat ruhida tarbiyalash borasidagi oʻrnini va ahamiyatini yanada oshirish maqsadida:
1. Oʻzbekiston Respublikasi Vazirlar Mahkamasi, Savdo-sanoat palatasi, “Hunarmand” uyushmasi, Madaniyat vazirligi, Turizmni rivojlantirish davlat qoʻmitasi, Oʻzbekiston Badiiy akademiyasi va Fargʻona viloyati hokimligining har ikki yilda bir marta sentyabr oyida Qoʻqon shahrida Xalqaro hunarmandchilik festivalini (keyingi oʻrinlarda — festival) hamda festival doirasida “Hunarmandchilik va xalq amaliy sanʼatini rivojlantirish istiqbollari” mavzusidagi ilmiy-amaliy konferensiyani (keyingi oʻrinlarda — Ilmiy-amaliy konferensiya) oʻtkazish toʻgʻrisidagi taklifi maʼqullansin.
2. Quyidagilar:
a) festivalning asosiy vazifalari etib belgilansin:
Oʻzbekistonning milliy hunarmandchilik anʼanalarini davom ettirish, hunarmandlarni har tomonlama qoʻllab-quvvatlash, boy madaniy merosini dunyo hamjamiyati oʻrtasida targʻib etish va shu orqali jahondagi turli milliy madaniyat va qadriyatlarni yaqinlashtirish;
milliy hunarmandchilik va xalq amaliy sanʼati sohasining xalqaro obroʻ-eʼtiborini mustahkamlash, “Qoʻqon — Jahon hunarmandchilik shahri” brendini keng targʻib etish hamda mamlakatimizning sayyohlik salohiyatini oshirish;
jahon xalq amaliy sanʼatini asrab-avaylash va rivojlantirish, ushbu bebaho boylikni kelgusi avlodlarga bezavol yetkazish hamda bu yoʻldagi saʼy-harakat va imkoniyatlarni birlashtirish;
yoshlarni har tomonlama barkamol insonlar etib tarbiyalash, ularning zamonaviy bilimlar bilan birga, xalq amaliy sanʼatining nazariy va amaliy jihatlarini puxta egallashi uchun keng imkoniyatlar yaratish;
b) ilmiy-amaliy konferensiyaning asosiy vazifalari etib belgilansin:
hunarmandchilik sohasidagi muammolarni xorijiy olimlar, ekspert va mutaxassislar ishtirokida muhokama qilish hamda bu borada nazariy va amaliy tajriba almashish;
hunarmandchilik yoʻnalishida foydalanilmayotgan imkoniyat va resurslarni aniqlab, sohani rivojlantirish istiqbollarini belgilash;
hunarmandchilik sohasida madaniy va tarixiy jihatdan chuqur izlanishlar olib borish, ilmiy-amaliy hamkorlikni kengaytirish va amalga oshirilayotgan tadqiqotlar natijalarini ommalashtirish.
3. Belgilab qoʻyilsinki, festival va ilmiy-amaliy konferensiya oʻtkaziladigan yilning yanvar oyida Oʻzbekiston Respublikasi Savdo-sanoat palatasi, “Hunarmand” uyushmasi, Madaniyat vazirligi, Turizmni rivojlantirish davlat qoʻmitasi, Oʻzbekiston Badiiy akademiyasi hamda Fargʻona viloyati hokimligining takliflari asosida ushbu tadbirlarni oʻtkazish bilan bogʻliq boʻlgan tashkiliy chora-tadbirlarni koʻzda tutadigan Oʻzbekiston Respublikasi Vazirlar Mahkamasining qarori qabul qilinadi.
4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Savdo-sanoat palatasi va “Hunarmand” uyushmasi bilan birgalikda:
a) festival va ilmiy-amaliy konferensiyani oʻtkazish bilan bogʻliq tadbirlarga munosib tayyorgarlik koʻrish va ularni oʻtkazish boʻyicha manzilli “yoʻl xaritasi”ni tegishli yil fevral oyida ishlab chiqib, amalga oshirish tizimini joriy etsin;
b) festivalga iqtidorli hunarmandlar va isteʼdodli yoshlarni jalb etish maqsadida “Men Qoʻqonga boraman” shiori ostida ikki bosqichdan iborat quyidagi koʻrgazma va koʻrik-tanlovlarni tashkil etsin:
birinchi bosqich — tuman (shahar)lar boʻyicha festival va ilmiy-amaliy konferensiya oʻtkaziladigan yilning aprel oyida;
ikkinchi bosqich — Qoraqalpogʻiston Respublikasi, viloyatlar va Toshkent shahri boʻyicha festival va ilmiy-amaliy konferensiya oʻtkaziladigan yilning iyun oyida.
5. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston Milliy Axborot agentligi, “Dunyo” axborot agentligi, Oʻzbekiston Milliy teleradiokompaniyasi:
Savdo-sanoat palatasi va “Hunarmand” uyushmasi bilan birgalikda festival va ilmiy-amaliy konferensiya oʻtkaziladigan yilning fevral oyida ushbu tadbirlarning maqsad va vazifalarini mahalliy va xorijiy ommaviy axborot vositalarida keng yoritish boʻyicha chora-tadbirlarni ishlab chiqish va tasdiqlashni;
tasdiqlangan chora-tadbirlar asosida festival va ilmiy-amaliy konferensiyani oʻtkazishga tayyorgarlik koʻrish va ularni oʻtkazish boʻyicha amalga oshiriladigan ishlarni mahalliy va xorijiy ommaviy axborot vositalarida muntazam yoritib borishni taʼminlasin.
6. Quyidagi rahbar va mutasaddilarga:
Oʻzbekiston Respublikasi Bosh vaziri A. Aripov — festival va ilmiy-amaliy konferensiyani tashkil etish hamda oʻtkazish boʻyicha koʻzda tutilgan vazifalarning oʻz vaqtida va sifatli bajarilishini taʼminlash;
Oʻzbekiston Respublikasi Savdo-sanoat palatasi (A. Ikramov), Madaniyat vazirligi (B. Sayfullayev), Turizmni rivojlantirish davlat qoʻmitasi (A. Akkulov) — tadbirlar dasturini ishlab chiqish va ularni uch oy avval turistik tashkilotlarga taqdim etish hamda Internet jahon axborot tarmogʻi va ijtimoiy tarmoqlarga joylashtirish;
Fargʻona viloyati hokimligi (Sh. Gʻaniyev) — Qoʻqon shahrida keng koʻlamdagi obodonlashtirish va koʻkalamzorlashtirish ishlarini amalga oshirish, festival va ilmiy-amaliy konferensiya oʻtkaziladigan maydon va hududlarni talab darajasida tayyorlashni taʼminlash;
Oʻzbekiston Respublikasi Turizmni rivojlantirish davlat qoʻmitasi (A. Akkulov), Fargʻona viloyati hokimligi (Sh. Gʻaniyev) — festival va ilmiy-amaliy konferensiya qatnashchilari va mehmonlar uchun mehmonxonalardan joy ajratish choralarini koʻrish;
Oʻzbekiston Respublikasi Madaniyat vazirligi (B. Sayfullayev), Savdo-sanoat palatasi (A. Ikramov) — tadbirlarning tantanali ochilish marosimini tashkiliy va badiiy jihatdan har tomonlama puxta tayyorlash uchun yuksak professional mahorat va tajribaga ega boʻlgan ssenarist va rejissorlar, usta hunarmandlar, sahna rassomlari, isteʼdodli yosh sanʼatkorlarni keng jalb etishni taʼminlash yuzasidan shaxsiy masʼuliyat yuklansin.
7. “Oʻzbekkino” milliy agentligi Oʻzbekiston Milliy teleradiokompaniyasi bilan birgalikda festivalni targʻib qiladigan qisqa va toʻliq metrajli hujjatli filmlarni ishlab chiqsin va ularning namoyish etilishini tashkil qilsin.
8. Oʻzbekiston Respublikasi Vazirlar Mahkamasi, Qurilish vazirligi, Fargʻona viloyati hokimligi Margʻilon va Qoʻqon shaharlarini 2020 — 2022-yillarda kompleks ijtimoiy-iqtisodiy rivojlantirish boʻyicha dasturda 2021-yilda festivalni yuqori saviyada oʻtkazish bilan bogʻliq boʻlgan barcha zarur infratuzilma obyektlarini, shu jumladan, zamonaviy mehmonxona qurilishini inobatga olsin.
9. Oʻzbekiston Respublikasi Savdo-sanoat palatasi hamda “Hunarmand” uyushmasi hunarmandchilik sohasini yanada rivojlantirish borasidagi huquqiy bazani mustahkamlash maqsadida, uch oy muddatda tajribali hunarmandlarni jalb etgan holda, xorijiy tajribani oʻrganib, Oʻzbekiston Respublikasining “Hunarmandchilik faoliyati toʻgʻrisida”gi qonunini qabul qilish boʻyicha aniq takliflar ishlab chiqib, Vazirlar Mahkamasiga kiritsin.
10. Mazkur Farmonning ijrosini nazorat qilish Oʻzbekiston Respublikasi Bosh vaziri A. Aripov va Oʻzbekiston Respublikasi Prezidentining maslahatchisi R. Gulyamov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 3-oktabr,
PF-5841-son
Президента Республики Узбекистан
Указ
О мерах по проведению международного фестиваля народно-прикладного искусства
В последние годы в стране проводится системная работа по развитию народно-прикладного искусства, олицетворяющего древнюю и богатую историю, наше национальное самосознание, неповторимые ценности и обычаи, всесторонней поддержке ремесленников, расширению международного сотрудничества и на этой основе демонстрации мировому сообществу огромного потенциала и возможностей Узбекистана в данной сфере.
В настоящее время ремесленническое искусство занимает все более прочное место в повседневной жизни народа. Об этом свидетельствует ежегодное проведение в нашей стране более сотни фестивалей и ярмарок, торговых выставок и иных мероприятий в этом направлении.
Особого внимания заслуживает проведение международных фестивалей искусства макома в Шахрисабзе и искусства бахши в Термезе, форумов «Шелк и приправы» в городе Бухаре и «Праздника атласа» в Маргилане, участие в этих мероприятиях зарубежных деятелей культуры и искусства из многих стран мира, а также ученых и специалистов, известных своими научными трудами и практической деятельностью в сфере ремесленничества.
Проведение 10 — 15 сентября текущего года в городе Коканде первого Международного фестиваля народно-прикладного искусства под эгидой ЮНЕСКО, присвоение Международной организацией ремесленников городу Коканду статуса «Города ремесленников мира» свидетельствует о высоком признании узбекского народно-прикладного искусства на международном уровне.
Следует подчеркнуть, что такие благородные дела, направленные на сохранение и развитие мирового народно-прикладного искусства и узбекского национального ремесленничества как его неотъемлемой части, имеют важное значение для целостной передачи следующим поколениям этого бесценного богатства, объединения всех наших устремлений и возможностей на этом пути.
Принимая во внимание вышеперечисленные факторы, а также в целях развития народно-прикладного искусства в нашей стране, дальнейшего повышения его роли и значения в сохранении преемственности национальных ценностей, их широкой пропаганды, воспитания молодого поколения в духе любви и преданности Родине:
1. Одобрить предложение Кабинета Министров Республики Узбекистан, Торгово-промышленной палаты, Ассоциации «Хунарманд», Министерства культуры, Государственного комитета по развитию туризма, Академии художеств Узбекистана и хокимията Ферганской области о проведении в городе Коканде раз в два года в сентябре месяце Международного фестиваля народно-прикладного искусства (далее — Фестиваль) и в его рамках научно-практической конференции на тему «Перспективы развития ремесленничества и народно-прикладного искусства» (далее — Научно-практическая конференция).
2. Определить:
а) основными задачами Фестиваля:
сближение различных национальных культур и ценностей в мире путем преемственности традиций национального ремесленничества Узбекистана, всесторонней поддержки ремесленников, пропаганды богатого культурного наследия в мировом сообществе;
укрепление международного авторитета сферы национального ремесленничества и народно-прикладного искусства, широкую пропаганду бренда «Коканд — город ремесленников мира», повышение туристического потенциала нашей страны;
сохранение и развитие мирового народно-прикладного искусства, целостную передачу следующим поколениям такого бесценного богатства, объединение всех устремлений и возможностей на этом пути;
всестороннее воспитание молодежи в качестве гармонично развитой личности, создание широких возможностей для глубокого овладения ею наряду с современными знаниями, теоретических и практических аспектов народно-прикладного искусства;
б) основными задачами Научно-практической конференции:
обсуждение проблем в сфере ремесленничества с участием зарубежных ученых, экспертов и специалистов, обмен теоретическим и практическим опытом в этом направлении;
выявление незадействованных возможностей и ресурсов в сфере ремесленничества, определение перспектив развития данной сферы;
проведение глубоких исследований в сфере ремесленничества в культурном и историческом контексте, расширение научно-практического сотрудничества, популяризация результатов исследований.
3. Установить, что в январе месяце года проведения Фестиваля и Научно-практической конференции на основе предложений Торгово-промышленной палаты, Ассоциации «Хунарманд», Министерства культуры, Государственного комитета Республики Узбекистан по развитию туризма, Академии художеств Узбекистана и хокимията Ферганской области принимается постановление Кабинета Министров Республики Узбекистан, предусматривающее организационные меры по реализации настоящих мероприятий.
4. Совету Министров Республики Каракалпакстан, хокимиятам областей и города Ташкента совместно с Торгово-промышленной палатой Республики Узбекистан и Ассоциацией «Хунарманд»:
а) разрабатывать в феврале месяце соответствующего года адресную «Дорожную карту» по всесторонней подготовке и реализации мероприятий, связанных с проведением Фестиваля и Научно-практической конференции, с внедрением системы их реализации;
б) организовывать с целью привлечения одаренных ремеслеников и талантливой молодежи выставки и смотры-конкурсы, состоящие из двух этапов под девизом «Я поеду в Коканд»:
первый этап — в районах (городах) в апреле месяце года проведения Фестиваля и Научно-практической конференции;
второй этап — в Республике Каракалпакстан, областях и городе Ташкенте в июне месяце года проведения Фестиваля и Научно-практической конференции.
5. Агентству информации и массовых коммуникаций при Администрации Президента Республики Узбекистан, Национальному информационному агентству Узбекистана, информационному агентству «Дунё» и Национальной телерадиокомпании Узбекистана обеспечить:
совместно с Торгово-промышленной палатой и Ассоциацией «Хунарманд» разработку и утверждение мер по широкому освещению в отечественных и зарубежных средствах массовой информации целей и задач Фестиваля и Научно-практической конференции в феврале месяце года проведения данных мероприятий;
регулярное освещение в отечественных и зарубежных средствах массовой информации осуществляемых работ по подготовке и проведению Фестиваля и Научно-практической конференции на основе утвержденных мер.
6. Возложить персональную ответственность на следующих руководителей и ответственных лиц:
Премьер-министра Республики Узбекистан Арипова А. — за обеспечение своевременного и качественного исполнения предусмотренных задач по организации и проведению Фестиваля и Научно-практической конференции;
Торгово-промышленную палату (Икрамов А.), Министерство культуры (Сайфуллаев Б.), Государственный комитет Республики Узбекистан по развитию туризма (Аккулов А.) — разработку и предоставление туристическим организациям программы мероприятий за три месяца до их начала с размещением во всемирной информационной сети Интернет и социальных сетях;
хокимият Ферганской области (Ганиев Ш.) — обеспечение проведения широкомасштабных благоустроительных и озеленительных работ в городе Коканде, подготовку на требуемом уровне площадей и территорий проведения Фестиваля и Научно-практической конференции;
Государственный комитет Республики Узбекистан по развитию туризма (Аккулов А.), хокимият Ферганской области (Ганиев Ш.) — принятие мер по бронированию в гостиницах мест для участников и гостей Фестиваля и Научно-практической конференции;
Министерство культуры (Сайфуллаев Б.), Торгово-промышленную палату Республики Узбекистан (Икрамов А.) — обеспечение широкого привлечения сценаристов, режиссеров, мастеров-ремесленников, художников-постановщиков и молодых талантливых мастеров искусств, обладающих высоким профессиональным мастерством и опытом, с целью всесторонней и тщательной подготовки церемонии торжественного открытия мероприятий на высоком организационном и художественном уровне.
7. Национальному агентству «Узбеккино» совместно с Национальной телерадиокомпанией Узбекистана разработать и организовать показ короткометражных и полнометражных документальных фильмов, пропагандирующих Фестиваль.
8. Кабинету Министров Республики Узбекистан, Министерству строительства и хокимияту Ферганской области учитывать в программе комплексного социально-экономического развития городов Маргилана и Коканда на 2020 — 2022 годы строительство всех необходимых объектов инфраструктуры, в том числе современной гостиницы, связанных с проведением на высоком уровне Фестиваля в 2021 году.
9. Торгово-промышленной палате Республики Узбекистан и Ассоциации «Хунарманд» в трехмесячный срок для укрепления правовой базы по дальнейшему развитию сферы ремесленничества разработать и внести в Кабинет Министров Республики Узбекистан конкретные предложения по принятию Закона Республики Узбекистан «О ремесленнической деятельности» с изучением зарубежного опыта и привлечением опытных ремесленников.
10. Контроль за исполнением настоящего Указа возложить на Премьер-министра Республики Узбекистан А. Арипова и советника Президента Республики Узбекистан Р. Гулямова.
Президент Республики Узбекистан Ш. МИРЗИЁЕВ
г. Ташкент,
3 октября 2019 г.,
№ УП-5841