📅 2019-yil 3-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 3 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 3 октября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 3 October 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
Фарғона вилоятининг туристик салоҳиятини янада ривожлантириш чора-тадбирлари тўғрисида
Фарғона вилоятининг туристик салоҳиятини янада ривожлантириш ҳамда ундан фойдаланиш самарадорлигини ошириш, ҳудудга хорижий ва маҳаллий туристларни кенг жалб қилиш учун кулай шароитлар яратиш, замонавий инфратузилмани жадал ривожлантиришни таъминлаш, кўрсатилаётган туризм, меҳмонхона ва транспорт хизматларини кенгайтириш ва уларнинг сифатини ошириш мақсадида Вазирлар Маҳкамаси қарор қилади:
1. Ўзбекистон Республикаси Туризмни ривожлантириш давлат қўмитаси, Иқтисодиёт ва саноат вазирлиги, Инвестициялар ва ташки савдо вазирлиги, Давлат активларини бошқариш агентлиги ҳамда Фарғона вилояти ҳокимлигининг Фарғона вилояти ҳокимлиги ҳузурида давлат муассасаси шаклидаги «Шохимардон» туризмни ривожлантириш дирекциясини (кейинги ўринларда Дирекция деб аталади) ташкил этиш тўғрисидаги таклифига розилик берилсин.
2. «Шохимардон» туризмни ривожлантириш дирекцияси аппаратининг бошқарув ходимлари умумий чекланган сопи 5 нафар бўлган тузилмаси иловага мувофиқ тасдиқлансин.
Фарғона вилояти ҳокимлигига, зарур ҳолларда, Дирекция тузилмасига ходимларнинг белгиланган умумий чекланган сони ва меҳнатга ҳақ тўлаш фонди доирасида ўзгартиришлар киритиш ҳуқуқи берилсин.
3. Белгилансинки, Дирекциясининг моддий техника базасини мустаҳкамлаш, ходимларининг иш ҳақи, транспорт ва бошқа харажатларни молиялаштириш манбалари тасдиқланган харажатлар сметаларига мувофиқ Фарғона вилояти маҳаллий бюджет маблағлари ва қонунчилик ҳужжатларига зид бўлмаган бошқа манбалар ҳисобланади.
4. Қуйидагилар Дирекциянинг асосий вазифалари ва фаолият йўналишлари этиб белгилансин:
Фарғона вилояти Фарғона туманидаги «Шохимардон» маҳалла фуқаролар йигини ва «Ёрдон» маҳалла фуқаролар йиғинида (кейинги ўринларда маҳалла фуқаролари йиғинлари деб аталади) туризмни ривожлантириш концепциясини ишлаб чиқиш ва амалга оширилишини таъминлаш;
маҳалла фуқаролари йиғинларида замонавий туризм инфратузилмаси объектларини яратиш бўйича лойиҳаларни амалга ошириш, шу жумладан бўш турган объектлар негизида туризм хизматларини ташкил этиш учун хорижий инвестициялар, халқаро молия институтлари ва бошқа ташкилотларнинг кредитлари ва грантларини жалб этиш;
маҳалла фуқаролари йиғинларининг экотуризм салоҳиятини инобатга олган ҳолда янги туризм йўналишларини ишлаб чиқиш;
маҳалла фуқаролари йиғинларига ташриф буюрувчи туристларнинг эҳтиёжлари ва талабларини инобатга олган ҳолда туризм хизматларини диверсификациялаш;
туристлар хавфсизлигини таъминлаш, фавқулодда ҳолатларда тез тиббий ёрдам хизматларини кўрсатиш бўйича биринчи навбатда амалга ошириладиган чора-тадбирларни ишлаб чиқиш;
маҳалла фуқаролари йиғинларида туризм намойиши объектлари ва туризм инфратузилмасининг ягона рўйхатини шакллантириш ва паспортлаштириш.
5. Фарғона вилояти ҳокимлиги:
«Шохимардон» туризмни ривожлантириш дирекциясининг уставини белгиланган тартибда тасдиқласин.
Дирекцияни белгиланган тартибда давлат рўйхатидан ўтказилишини таъминласин ва туризмни ривожлантириш соҳасида етарли тажриба ва малакага эга бўлган кадрлар билан тўлдирсин;
Ўзбекистон Республикаси Ер ресурслари, геодезия, картография ва давлат кадастри давлат қўмитаси, Инвестициялар ва ташки савдо вазирлиги билан биргаликда маҳалла фуқаролари йиғинлари ҳудудидаги бўш турган объектларни хатловдан ўтказсин ва аниқланган объектларнинг фаолиятини тиклаш бўйича чора-тадбирлар режасини тасдиқласин.
6. Фарғона вилояти ҳокимлиги Ўзбекистон Республикаси Ички ишлар вазирлиги ва Фавқулодда вазиятлар вазирлиги билан биргаликда маҳалла фуқаролари йиғинлари ҳудудида қуйидагиларни назарда тутувчи:
туристлар ҳамда доимий яшовчи фуқароларнинг хавфсизлигини таъминлаш, транспорт воситаларининг йўл ҳаракати қоидаларига қатъий амал қилиши чораларини кўриш ҳамда турли хил кўнгилсизлик ва қонунбузилиши ҳолатларининг олдини олиш бўйича профилактик тадбирларни кучайтириш;
содир бўлиши мумкин бўлган фавқулодда вазиятларнинг олдини олиш, кунлик тартибда об-ҳаво маълумотларини таҳлил қилиш, юзага келиши мумкин бўлган табиий офатлардан туристлар ва маҳаллий фуқароларни хабардор қилиш, Дирекция ҳамда маҳалла фуқаролар йиғинларини огоҳлантириш бўйича чора-тадбирлар дастурини ишлаб чиқсин ва амалга оширилишини таъминласин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов, Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов ва Фарғона вилояти ҳокими Ш.М. Ғаниев зиммасига юклансин.
Вазирлар Маҳкамасининг 2019 йил 3 октябрдаги 843-сон қарорига ИЛОВА
«Шохимардон» туризмни ривожлантириш дирекцияси аппаратининг
Директор Маҳаллий ва хорижий инвесторларни жалб қилиш, лойиҳаларни ишлаб чиқиш ва туризмни ривожлантириш гуруҳи 2 Юрисконсульт Бухгалтер
Ўзбекистон Республикасининг Бош вазири А. АРИПОВ
Тошкент ш.,
2019 йил 3 октябрь,
843-сон
Oʻzbekiston Respublikasi Vazirlar Mahkamasining
qarori
TUZILMASI
Fargʻona viloyatining turistik salohiyatini yanada rivojlantirish chora-tadbirlari toʻgʻrisida
Fargʻona viloyatining turistik salohiyatini yanada rivojlantirish hamda undan foydalanish samaradorligini oshirish, hududga xorijiy va mahalliy turistlarni keng jalb qilish uchun kulay sharoitlar yaratish, zamonaviy infratuzilmani jadal rivojlantirishni taʼminlash, koʻrsatilayotgan turizm, mehmonxona va transport xizmatlarini kengaytirish va ularning sifatini oshirish maqsadida Vazirlar Mahkamasi qaror qiladi:
1. Oʻzbekiston Respublikasi Turizmni rivojlantirish davlat qoʻmitasi, Iqtisodiyot va sanoat vazirligi, Investitsiyalar va tashki savdo vazirligi, Davlat aktivlarini boshqarish agentligi hamda Fargʻona viloyati hokimligining Fargʻona viloyati hokimligi huzurida davlat muassasasi shaklidagi “Shoximardon” turizmni rivojlantirish direksiyasini (keyingi oʻrinlarda Direksiya deb ataladi) tashkil etish toʻgʻrisidagi taklifiga rozilik berilsin.
2. “Shoximardon” turizmni rivojlantirish direksiyasi apparatining boshqaruv xodimlari umumiy cheklangan sopi 5 nafar boʻlgan tuzilmasi ilovaga muvofiq tasdiqlansin.
Fargʻona viloyati hokimligiga, zarur hollarda, Direksiya tuzilmasiga xodimlarning belgilangan umumiy cheklangan soni va mehnatga haq toʻlash fondi doirasida oʻzgartirishlar kiritish huquqi berilsin.
3. Belgilansinki, Direksiyasining moddiy texnika bazasini mustahkamlash, xodimlarining ish haqi, transport va boshqa xarajatlarni moliyalashtirish manbalari tasdiqlangan xarajatlar smetalariga muvofiq Fargʻona viloyati mahalliy budjet mablagʻlari va qonunchilik hujjatlariga zid boʻlmagan boshqa manbalar hisoblanadi.
4. Quyidagilar Direksiyaning asosiy vazifalari va faoliyat yoʻnalishlari etib belgilansin:
Fargʻona viloyati Fargʻona tumanidagi “Shoximardon” mahalla fuqarolar yigini va “Yordon” mahalla fuqarolar yigʻinida (keyingi oʻrinlarda mahalla fuqarolari yigʻinlari deb ataladi) turizmni rivojlantirish konsepsiyasini ishlab chiqish va amalga oshirilishini taʼminlash;
mahalla fuqarolari yigʻinlarida zamonaviy turizm infratuzilmasi obyektlarini yaratish boʻyicha loyihalarni amalga oshirish, shu jumladan boʻsh turgan obyektlar negizida turizm xizmatlarini tashkil etish uchun xorijiy investitsiyalar, xalqaro moliya institutlari va boshqa tashkilotlarning kreditlari va grantlarini jalb etish;
mahalla fuqarolari yigʻinlarining ekoturizm salohiyatini inobatga olgan holda yangi turizm yoʻnalishlarini ishlab chiqish;
mahalla fuqarolari yigʻinlariga tashrif buyuruvchi turistlarning ehtiyojlari va talablarini inobatga olgan holda turizm xizmatlarini diversifikatsiyalash;
turistlar xavfsizligini taʼminlash, favqulodda holatlarda tez tibbiy yordam xizmatlarini koʻrsatish boʻyicha birinchi navbatda amalga oshiriladigan chora-tadbirlarni ishlab chiqish;
mahalla fuqarolari yigʻinlarida turizm namoyishi obyektlari va turizm infratuzilmasining yagona roʻyxatini shakllantirish va pasportlashtirish.
5. Fargʻona viloyati hokimligi:
“Shoximardon” turizmni rivojlantirish direksiyasining ustavini belgilangan tartibda tasdiqlasin.
Direksiyani belgilangan tartibda davlat roʻyxatidan oʻtkazilishini taʼminlasin va turizmni rivojlantirish sohasida yetarli tajriba va malakaga ega boʻlgan kadrlar bilan toʻldirsin;
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Investitsiyalar va tashki savdo vazirligi bilan birgalikda mahalla fuqarolari yigʻinlari hududidagi boʻsh turgan obyektlarni xatlovdan oʻtkazsin va aniqlangan obyektlarning faoliyatini tiklash boʻyicha chora-tadbirlar rejasini tasdiqlasin.
6. Fargʻona viloyati hokimligi Oʻzbekiston Respublikasi Ichki ishlar vazirligi va Favqulodda vaziyatlar vazirligi bilan birgalikda mahalla fuqarolari yigʻinlari hududida quyidagilarni nazarda tutuvchi:
turistlar hamda doimiy yashovchi fuqarolarning xavfsizligini taʼminlash, transport vositalarining yoʻl harakati qoidalariga qatʼiy amal qilishi choralarini koʻrish hamda turli xil koʻngilsizlik va qonunbuzilishi holatlarining oldini olish boʻyicha profilaktik tadbirlarni kuchaytirish;
sodir boʻlishi mumkin boʻlgan favqulodda vaziyatlarning oldini olish, kunlik tartibda ob-havo maʼlumotlarini tahlil qilish, yuzaga kelishi mumkin boʻlgan tabiiy ofatlardan turistlar va mahalliy fuqarolarni xabardor qilish, Direksiya hamda mahalla fuqarolar yigʻinlarini ogohlantirish boʻyicha chora-tadbirlar dasturini ishlab chiqsin va amalga oshirilishini taʼminlasin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov, Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov va Fargʻona viloyati hokimi Sh.M. Gʻaniyev zimmasiga yuklansin.
Vazirlar Mahkamasining 2019-yil 3-oktabrdagi 843-son qaroriga ILOVA
“Shoximardon” turizmni rivojlantirish direksiyasi apparatining
Direktor Mahalliy va xorijiy investorlarni jalb qilish, loyihalarni ishlab chiqish va turizmni rivojlantirish guruhi 2 Yuriskonsult Buxgalter
Oʻzbekiston Respublikasining Bosh vaziri A. ARIPOV
Toshkent sh.,
2019-yil 3-oktabr,
843-son