📅 2019-yil 3-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 3 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 3 октября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 3 October 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«ЛУКОЙЛ Ўзбекистон Оперейтинг Компани» МЧЖ иштирокида мактабгача таълим ташкилотларини ташкил этиш чора-тадбирлари тўғрисида
Болаларни мактабгача таълим билан қамраб олишни кенгайтириш, мактабгача таълим хизматларидан фойдаланишни янада яхшилаш, уларнинг тўлақонли ҳаёт фаолияти учун қулай шарт-шароитларни таъминлаш ва ижтимоий ҳаётга фаол жалб этиш, болалар ногиронлигининг олдини олиш ишларини кучайтириш ҳамда имкониятлари чекланган болаларга кўрсатилаётган тиббий-ижтимоий ёрдамни янада чуқурлаштириш ва кенгайтириш мақсадида, Вазирлар Маҳкамаси қарор қилади:
1. Ўзбекистон Республикаси Мактабгача таълим вазирлиги ва «ЛУКОЙЛ Ўзбекистон Оперейтинг Компани» МЧЖнинг:
Тошкент ва Қашқадарё вилоятлари ҳудудида имконияти чекланган болалар учун реабилитация марказлари бўлган 150 ўринли (ҳар бири) иккита кўп тармоқли ихтисослаштирилган мактабгача таълим ташкилотини;
Бухоро вилояти ҳудудида 250 ўринли умумий типдаги мактабгача таълим ташкилотини (кейинги ўринларда объектлар деб аталади) ташкил этиш тўғрисидаги таклифларига розилик берилсин.
2. Объектларнинг бинолари ва иншоотларини лойиҳалаштириш, қуриш, жиҳозлаш ва фойдаланишга топшириш 2021 йил 1 июлгача бўлган муддатда «ЛУКОЙЛ Ўзбекистон Оперейтинг Компани» МЧЖнинг ҳомийлик маблағлари ҳисобидан амалга оширилиши маълумот учун қабул қилинсин.
3. Бухоро ва Қашқадарё вилоятлари ҳокимликлари Ўзбекистон Республикаси Мактабгача таълим вазирлигига объектларни қуриш учун:
Бухоро шаҳри, Ғиждувон кўчасидаги «Янгиобод» маҳалла фуқаролар йиғини ҳудудида 1,5 гектар;
Қарши шаҳри, Жайҳун кўчасидаги «Рогузар» маҳалла фуқаролар йиғини ҳудудида 1,9 гектар бўлган тегишли ер участкаларининг бир ҳафта муддатда белгиланган тартибда ажратилишини таъминласин.
4. Тошкент вилояти ҳокимлиги Қибрай тумани, «Дархон» маҳалла фуқаролар йиғини, Дархон кўчаси 201-уй манзилида жойлашган «Навбаҳор» санаторийси ҳудудининг бир қисми ҳисобидан 2 гектар бўлган ер участкасининг Ўзбекистон Республикаси Мактабгача таълим вазирлигига доимий фойдаланиш ҳуқуқи билан бир ҳафта муддатда белгиланган тартибда ажратилишини таъминласин.
5. Ўзбекистон Республикаси Ер ресурслари, геодезия, картография ва давлат кадастри давлат қўмитаси мазкур қарорнинг 3 ва 4-бандларида кўрсатилган ер участкаларига бўлган ҳуқуқларни белгиланган тартибда давлат рўйхатидан ўтказсин.
6. Объектларни қуриш доирасида:
«ЛУКОЙЛ Ўзбекистон Оперейтинг Компани» МЧЖ — буюртмачи;
«SDS Proekt» МЧЖ — Қашқадарё ва Тошкент вилоятларидаги объектлар бўйича бош лойиҳа ташкилоти;
«ОʼZSНAНARSOZLIK LITI» ДУК — Бухоро вилоятидаги объект бўйича бош лойиҳа ташкилоти;
«Yuksak parvoz qurilish» МЧЖ — Қашқадарё вилоятидаги объект бўйича бош пудрат ташкилоти;
«Dong Seung Korea» МЧЖ — Тошкент ва Бухоро вилоятларидаги объект бўйича бош пудрат қурилиш ташкилоти этиб белгилансин.
7. Бош лойиҳа ва бош пудрат ташкилотларига, истисно тариқасида, қурилиш-монтаж ишларини бир вақтнинг ўзида лойиҳа-смета ҳужжатларини ишлаб чиқиш билан биргаликда амалга оширишга рухсат берилсин.
8. Буюртмачи — «ЛУКОЙЛ Ўзбекистан Оперейтинг Компани» МЧЖ, бош лойиҳа ва бош пудрат ташкилотлари 2021 йил 1 июлгача бўлган муддатга ваколатли органларда мажбурий сертификатлаш тартиботларидан ўтишдан, шунингдек, объектларни қуриш ва жиҳозлаш учун белгиланган тартибда шакллантириладиган рўйхатлар бўйича олиб келинадиган ускуналар, бутловчи буюмлар, деталлар, эҳтиёт қисмлар ва материаллар бўйича божхона тўловларини тўлашдан (божхона расмийлаштируви йиғимларидан ташқари) озод этилсин.
9. Ўзбекистон Республикаси Энергетика вазирлиги, Сув хўжалиги вазирлиги, Уй-жой коммунал хизмат кўрсатиш вазирлиги, «Ўзтрансгаз» АЖ, «Ўзбектелеком» АК, «Ҳудудий электр тармоқлари» АЖ, «Ҳудудгазтаъминот» АЖ, Ўзбекистон Республикаси Транспорт вазирлиги ҳузуридаги Автомобиль йўллари қўмитаси мактабгача таълим ташкилотларини қуриш доирасида Бухоро, Қашқадарё ва Тошкент вилоятлари ҳокимликлари билан биргаликда тегишлилиги бўйича барча муҳандислик коммуникациялари тармоқларини ўз маблағлари ҳисобидан бепул асосда кўчириш, ўтказиш ва улашни, ирригация тизимларини кўчиришни, шунингдек, объектларга олиб борувчи йўллар Ўзбекистон Республикаси Транспорт вазирлиги ҳузуридаги Автомобиль йўллари қўмитаси қошидаги Республика йўл жамғармаси маблағлари ҳисобидан қурилишини таъминласин.
10. Белгилансинки, объектларни қуриш ва жиҳозлаш доирасида 2022 йил 1 сентябргача бўлган муддатда:
бош лойиҳа ва бош пудрат ташкилотлари томонидан буюртмачи — «ЛУКОЙЛ Ўзбекистон Оперейтинг Компани» МЧЖга тақдим этиладиган товарларга (ишлар, хизматларга) «ноль» ставка бўйича қўшилган қиймат солиғи солинади;
қурилиш якунлангандан сўнг Ўзбекистон Республикаси Мактабгача таълим вазирлигига бепул асосда бериладиган объектлар ва мол-мулк солиқ солинадиган объект ҳисобланмайди.
12. Ўзбекистон Республикаси Молия вазирлиги Мактабгача таълим вазирлигининг асосланган ҳисоб-китоблари бўйича 2020 йилдан бошлаб ҳар йили Ўзбекистон Республикаси Давлат бюджетининг параметрларини шакллантиришда мазкур қарорнинг 1-бандида кўрсатилган мактабгача таълим ташкилотларини сақлаш учун бюджетдан зарур маблағлар ажратилишини назарда тутсин.
13. Ўзбекистон Республикаси Қурилиш вазирлиги қурилиш-монтаж ишларини бажариш сифати бўйича тегишли давлат архитектура-қурилиш назоратини ўрнатсин.
14. Ўзбекистон Республикаси Ташқи ишлар вазирлиги Мактабгача таълим вазирлигининг буюртмасига биноан объектлар қурилиши доирасида жалб қилинадиган хорижий мутахассисларга кириш визалари консуллик йиғимлари ва ҳақиқий харажатларни қоплаш ҳисоб рақамига йиғимлар ундирмасдан расмийлаштирилишини таъминласин.
15. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов ва Ўзбекистон Республикаси мактабгача таълим вазири А.В. Шин зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 3 октябрь,
839-сон
Oʻzbekiston Respublikasi Vazirlar Mahkamasining
qarori
“LUKOYL Oʻzbekiston Opereyting Kompani” MChJ ishtirokida maktabgacha taʼlim tashkilotlarini tashkil etish chora-tadbirlari toʻgʻrisida
Bolalarni maktabgacha taʼlim bilan qamrab olishni kengaytirish, maktabgacha taʼlim xizmatlaridan foydalanishni yanada yaxshilash, ularning toʻlaqonli hayot faoliyati uchun qulay shart-sharoitlarni taʼminlash va ijtimoiy hayotga faol jalb etish, bolalar nogironligining oldini olish ishlarini kuchaytirish hamda imkoniyatlari cheklangan bolalarga koʻrsatilayotgan tibbiy-ijtimoiy yordamni yanada chuqurlashtirish va kengaytirish maqsadida, Vazirlar Mahkamasi qaror qiladi:
1. Oʻzbekiston Respublikasi Maktabgacha taʼlim vazirligi va “LUKOYL Oʻzbekiston Opereyting Kompani” MChJning:
Toshkent va Qashqadaryo viloyatlari hududida imkoniyati cheklangan bolalar uchun reabilitatsiya markazlari boʻlgan 150 oʻrinli (har biri) ikkita koʻp tarmoqli ixtisoslashtirilgan maktabgacha taʼlim tashkilotini;
Buxoro viloyati hududida 250 oʻrinli umumiy tipdagi maktabgacha taʼlim tashkilotini (keyingi oʻrinlarda obyektlar deb ataladi) tashkil etish toʻgʻrisidagi takliflariga rozilik berilsin.
2. Obyektlarning binolari va inshootlarini loyihalashtirish, qurish, jihozlash va foydalanishga topshirish 2021-yil 1-iyulgacha boʻlgan muddatda “LUKOYL Oʻzbekiston Opereyting Kompani” MChJning homiylik mablagʻlari hisobidan amalga oshirilishi maʼlumot uchun qabul qilinsin.
3. Buxoro va Qashqadaryo viloyatlari hokimliklari Oʻzbekiston Respublikasi Maktabgacha taʼlim vazirligiga obyektlarni qurish uchun:
Buxoro shahri, Gʻijduvon koʻchasidagi “Yangiobod” mahalla fuqarolar yigʻini hududida 1,5 gektar;
Qarshi shahri, Jayhun koʻchasidagi “Roguzar” mahalla fuqarolar yigʻini hududida 1,9 gektar boʻlgan tegishli yer uchastkalarining bir hafta muddatda belgilangan tartibda ajratilishini taʼminlasin.
4. Toshkent viloyati hokimligi Qibray tumani, “Darxon” mahalla fuqarolar yigʻini, Darxon koʻchasi 201-uy manzilida joylashgan “Navbahor” sanatoriysi hududining bir qismi hisobidan 2 gektar boʻlgan yer uchastkasining Oʻzbekiston Respublikasi Maktabgacha taʼlim vazirligiga doimiy foydalanish huquqi bilan bir hafta muddatda belgilangan tartibda ajratilishini taʼminlasin.
5. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi mazkur qarorning 3 va 4-bandlarida koʻrsatilgan yer uchastkalariga boʻlgan huquqlarni belgilangan tartibda davlat roʻyxatidan oʻtkazsin.
6. Obyektlarni qurish doirasida:
“LUKOYL Oʻzbekiston Opereyting Kompani” MChJ — buyurtmachi;
“SDS Proekt” MChJ — Qashqadaryo va Toshkent viloyatlaridagi obyektlar boʻyicha bosh loyiha tashkiloti;
“OʼZSNANARSOZLIK LITI” DUK — Buxoro viloyatidagi obyekt boʻyicha bosh loyiha tashkiloti;
“Yuksak parvoz qurilish” MChJ — Qashqadaryo viloyatidagi obyekt boʻyicha bosh pudrat tashkiloti;
“Dong Seung Korea” MChJ — Toshkent va Buxoro viloyatlaridagi obyekt boʻyicha bosh pudrat qurilish tashkiloti etib belgilansin.
7. Bosh loyiha va bosh pudrat tashkilotlariga, istisno tariqasida, qurilish-montaj ishlarini bir vaqtning oʻzida loyiha-smeta hujjatlarini ishlab chiqish bilan birgalikda amalga oshirishga ruxsat berilsin.
8. Buyurtmachi — “LUKOYL Oʻzbekistan Opereyting Kompani” MChJ, bosh loyiha va bosh pudrat tashkilotlari 2021-yil 1-iyulgacha boʻlgan muddatga vakolatli organlarda majburiy sertifikatlash tartibotlaridan oʻtishdan, shuningdek, obyektlarni qurish va jihozlash uchun belgilangan tartibda shakllantiriladigan roʻyxatlar boʻyicha olib kelinadigan uskunalar, butlovchi buyumlar, detallar, ehtiyot qismlar va materiallar boʻyicha bojxona toʻlovlarini toʻlashdan (bojxona rasmiylashtiruvi yigʻimlaridan tashqari) ozod etilsin.
9. Oʻzbekiston Respublikasi Energetika vazirligi, Suv xoʻjaligi vazirligi, Uy-joy kommunal xizmat koʻrsatish vazirligi, “Oʻztransgaz” AJ, “Oʻzbektelekom” AK, “Hududiy elektr tarmoqlari” AJ, “Hududgaztaʼminot” AJ, Oʻzbekiston Respublikasi Transport vazirligi huzuridagi Avtomobil yoʻllari qoʻmitasi maktabgacha taʼlim tashkilotlarini qurish doirasida Buxoro, Qashqadaryo va Toshkent viloyatlari hokimliklari bilan birgalikda tegishliligi boʻyicha barcha muhandislik kommunikatsiyalari tarmoqlarini oʻz mablagʻlari hisobidan bepul asosda koʻchirish, oʻtkazish va ulashni, irrigatsiya tizimlarini koʻchirishni, shuningdek, obyektlarga olib boruvchi yoʻllar Oʻzbekiston Respublikasi Transport vazirligi huzuridagi Avtomobil yoʻllari qoʻmitasi qoshidagi Respublika yoʻl jamgʻarmasi mablagʻlari hisobidan qurilishini taʼminlasin.
10. Belgilansinki, obyektlarni qurish va jihozlash doirasida 2022-yil 1-sentabrgacha boʻlgan muddatda:
bosh loyiha va bosh pudrat tashkilotlari tomonidan buyurtmachi — “LUKOYL Oʻzbekiston Opereyting Kompani” MChJga taqdim etiladigan tovarlarga (ishlar, xizmatlarga) “nol” stavka boʻyicha qoʻshilgan qiymat soligʻi solinadi;
qurilish yakunlangandan soʻng Oʻzbekiston Respublikasi Maktabgacha taʼlim vazirligiga bepul asosda beriladigan obyektlar va mol-mulk soliq solinadigan obyekt hisoblanmaydi.
12. Oʻzbekiston Respublikasi Moliya vazirligi Maktabgacha taʼlim vazirligining asoslangan hisob-kitoblari boʻyicha 2020-yildan boshlab har yili Oʻzbekiston Respublikasi Davlat budjetining parametrlarini shakllantirishda mazkur qarorning 1-bandida koʻrsatilgan maktabgacha taʼlim tashkilotlarini saqlash uchun budjetdan zarur mablagʻlar ajratilishini nazarda tutsin.
13. Oʻzbekiston Respublikasi Qurilish vazirligi qurilish-montaj ishlarini bajarish sifati boʻyicha tegishli davlat arxitektura-qurilish nazoratini oʻrnatsin.
14. Oʻzbekiston Respublikasi Tashqi ishlar vazirligi Maktabgacha taʼlim vazirligining buyurtmasiga binoan obyektlar qurilishi doirasida jalb qilinadigan xorijiy mutaxassislarga kirish vizalari konsullik yigʻimlari va haqiqiy xarajatlarni qoplash hisob raqamiga yigʻimlar undirmasdan rasmiylashtirilishini taʼminlasin.
15. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov va Oʻzbekiston Respublikasi maktabgacha taʼlim vaziri A.V. Shin zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 3-oktabr,
839-son
Кабинета Министров Республики Узбекистан
Постановление
О мерах по созданию дошкольных образовательных организаций с участием ООО «ЛУКОЙЛ Узбекистан Оперейтинг Компани»
В целях расширения охвата детей дошкольным образованием, улучшения доступа к качественным дошкольным образовательным услугам, обеспечения условий для их полноценной жизнедеятельности, усиления работ по предотвращению инвалидности детей, а также дальнейшего совершенствования оказания медико-социальной помощи детям с ограниченными возможностями Кабинет Министров постановляет:
1. Согласиться с предложениями Министерства дошкольного образования Республики Узбекистан и ООО «ЛУКОЙЛ Узбекистан Оперейтинг Компани» о создании:
двух многопрофильных специализированных дошкольных образовательных организаций с реабилитационными центрами для детей с ограниченными возможностями на 150 мест (каждая) на территории Ташкентской и Кашкадарьинской областей;
одной дошкольной образовательной организации общего типа на 250 мест на территории Бухарской области (далее — объекты).
2. Принять к сведению, что проектирование, строительство, оснащение и ввод в эксплуатацию зданий и сооружений объектов осуществляются за счет благотворительных пожертвований ООО «ЛУКОЙЛ Узбекистан Оперейтинг Компани» в срок до 1 июля 2021 года.
3. Хокимиятам Бухарской и Кашкадарьинской областей в недельный срок обеспечить в установленном порядке отвод Министерству дошкольного образования Республики Узбекистан соответствующих земельных участков для строительства объектов на территории:
махаллинского схода граждан «Янгиобод» по улице Гиждуван г. Бухары, площадью 1,5 гектаров;
махаллинского схода граждан «Рогузар» по улице Джайхун г. Карши, площадью 1,9 гектаров.
4. Хокимияту Ташкентской области в недельный срок обеспечить в установленном порядке отвод на праве постоянного пользования Министерству дошкольного образования Республики Узбекистан земельного участка площадью 2 гектара за счет части территории санатория «Навбахор», расположенного по адресу: Кибрайский район, махаллинский сход граждан «Дархон», ул. Дархон, 201.
5. Государственному комитету Республики Узбекистан по земельным ресурсам, геодезии, картографии и государственному кадастру в установленном порядке произвести государственную регистрацию прав на земельные участки, указанные в пунктах 3 и 4 настоящего постановления.
6. Определить в рамках строительства объектов:
заказчиком — ООО «ЛУКОЙЛ Узбекистан Оперейтинг Компани»;
генеральной проектной организацией по объектам в Кашкадарьинской и Ташкентской областях — ООО «SDS Proekt»;
генеральной проектной организацией по объекту в Бухарской области — ГУП «ОʼZSНAНARSOZLIK LITI»;
генеральной подрядной организацией по объекту в Кашкадарьинской области — ООО «Yuksak parvoz qurilish»;
генеральной подрядной строительной организацией по объекту в Ташкентской и Бухарской областях — OOO «Dong Seung Korea».
7. Разрешить генеральным проектным и генеральным подрядным организациям, в порядке исключения, осуществлять строительно-монтажные работы по объектам с параллельной разработкой проектно-сметной документации.
8. Освободить сроком до 1 июля 2021 года генеральные подрядные организации, субподрядные организации и заказчика — ООО «ЛУКОЙЛ Узбекистан Оперейтинг Компани» от процедур обязательной сертификации в уполномоченных органах, а также уплаты таможенных платежей (за исключением сборов за таможенное оформление) за ввозимые для строительства и оснащения объектов оборудование, комплектующие изделия, детали, запасные части и материалы по перечням, формируемым в установленном порядке.
9. Министерству энергетики, Министерству водного хозяйства, Министерству жилищно-коммунального обслуживания Республики Узбекистан, АО «Узтрансгаз», АК «Узбектелеком», АО «Региональные электрические сети», АО «Худудгазтаъминот», Комитету по автомобильным дорогам при Министерстве транспорта Республики Узбекистан совместно с хокимиятами Бухарской, Кашкадарьинской и Ташкентской областей в рамках строительства дошкольных образовательных организаций обеспечить, по принадлежности, перевод, подведение и подключение всех сетей инженерных коммуникаций, перенос ирригационных систем на безвозмездной основе за счет собственных средств, а также строительство дорог, ведущих к объектам — за счет средств Республиканского дорожного фонда при Комитете по автомобильным дорогам при Министерстве транспорта Республики Узбекистан.
10. Установить, что сроком до 1 сентября 2022 года в рамках строительства и оснащения объектов:
товары (работы, услуги), предоставляемые генеральными проектными и подрядными организациями заказчику — ООО «ЛУКОЙЛ Узбекистан Оперейтинг Компани», облагаются налогом на добавленную стоимость по «нулевой» ставке;
передача объектов и иного имущества по завершении строительства Министерству дошкольного образования Республики Узбекистан на безвозмездной основе не является объектом налогообложения.
12. Министерству финансов по обоснованным расчетам Министерства дошкольного образования Республики Узбекистан ежегодно начиная с 2020 года, предусматривать при формировании параметров Государственного бюджета Республики Узбекистан необходимые бюджетные ассигнования на содержание указанных в пункте 1 настоящего постановления дошкольных образовательных организаций.
13. Министерству строительства Республики Узбекистан установить надлежащий государственный архитектурно-строительный надзор за качеством выполнения строительно-монтажных работ по объектам.
14. Министерству иностранных дел обеспечить в установленном порядке по заявкам Министерства дошкольного образования Республики Узбекистан оформление въездных виз привлекаемым в рамках строительства объектов иностранным специалистам, без взимания консульских сборов и сборов в счет возмещения фактических расходов.
15. Контроль за исполнением настоящего постановления возложить на заместителя Премьер-министра Республики Узбекистан по вопросам социального развития А.А. Абдухакимова и министра дошкольного образования Республики Узбекистан А.В. Шин.
Премьер-министр Республики Узбекистан А. АРИПОВ
г. Ташкент,
3 октября 2019 г.,
№ 839