UzbekAI

Ўзбекистон Республикаси Марказий сайлов комиссиясининг

қарори

НИЗОМ

РЎЙХАТИ

Ўзбекистон Республикаси Олий Мажлиси Қонунчилик палатаси сайловида иштирок этиш учун сиёсий партиялар томонидан имзоларни тўплаш ва имзо варақалари тўғри тўлдирилганлигини текшириш тартиби тўғрисидаги низомни тасдиқлаш ҳақида

Ўзбекистон Республикаси Сайлов кодексининг 14 ва 16-моддаларига мувофиқ Ўзбекистон Республикаси Марказий сайлов комиссияси қарор қилади:

1. Ўзбекистон Республикаси Олий Мажлиси Қонунчилик палатаси сайловида иштирок этиш учун сиёсий партиялар томонидан имзоларни тўплаш ва имзо варақалари тўғри тўлдирилганлигини текшириш тартиби тўғрисидаги низом 1-иловага мувофиқ тасдиқлансин.

2. Ўзбекистон Республикаси Марказий сайлов комиссиясининг айрим қарорлари 2-иловага мувофиқ ўз кучини йўқотган деб ҳисоблансин.

3. Ушбу қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.

4. Мазкур қарорнинг ижросини назорат қилиш Ўзбекистон Республикаси Марказий сайлов комиссияси раисининг ўринбосари М. Истамов зиммасига юклансин.

Ўзбекистон Республикаси Марказий сайлов комиссиясининг 2019 йил 11 сентябрдаги 933-сон қарорига 1-ИЛОВА

Мазкур Низом Ўзбекистон Республикаси Сайлов кодексининг (бундан буён матнда Сайлов кодекси деб юритилади) 38 ва 39-моддаларига мувофиқ (сиёсий партиялар томонидан Ўзбекистон Республикаси Олий Мажлиси Қонунчилик палатаси (бундан буён матнда Қонунчилик палатаси деб юритилади) сайловида иштирок этиш учун қўллаб-қувватловчи имзоларни тўплаш ҳамда Ўзбекистон Республикаси Марказий сайлов комиссияси (бундан буён матнда МСК деб юритилади) томонидан имзо варақаларининг тўғри тўлдирилганлигини текшириш тартибини белгилайди.

I боб. Умумий қоидалар

1. Халқ депутатлари вилоят, туман ва шаҳар Кенгашларига сайловларда иштирок этишга ижозат олиш ва депутатликка номзодлар кўрсатиш учун сиёсий партиялар томонидан сайловчиларнинг қўллаб-қувватловчи имзоларини тўплаш талаб этилмайди.

2. Сиёсий партия сайлов кампанияси бошланганлиги эълон қилинган кундан камида тўрт ой олдин Ўзбекистон Республикаси Адлия вазирлиги томонидан рўйхатга олинган ва ўзининг сайловда иштирок этишини қўллаб-қувватловчи камида қирқ минг сайловчининг имзосини тўплаган тақдирдагина депутатликка номзодлар кўрсатиши мумкин.

Битта маъмурий-ҳудудий тузилмада (Қорақалпоғистон Республикаси, вилоят, Тошкент шаҳри) сиёсий партия тегишинча имзолар умумий сонининг кўпи билан саккиз фоизини тўплаши мумкин.

II боб. Сиёсий партиялар томонидан имзолар тўплаш

3. Сайлов кампанияси бошланганлиги эълон қилингандан кейин МСК томонидан сиёсий партияларга мазкур Низомнинг иловасига мувофиқ шаклдаги имзо варақаларининг бланкалари берилади.

4. Қонунчилик палатаси сайловида сиёсий партиянинг иштирок этишини қўллаб-қувватловчи имзоларни тўплаш учун ҳар бир сиёсий партияга қирқ саккиз минг имзо тўплаш имконини берадиган (имзо варақаларини бузиб қўйилиши, тўлиқ тўлдирилмаслигини инобатга олган ҳолда ҳамда сиёсий партияларга қўшимча имконият яратиш мақсадида) имзо варақалари бланкалари берилади.

Сиёсий партиялар сўровига кўра, имзо тўплаш учун қўшимча имзо варақалари бланкалари берилиши мумкин.

5. Сайловчилар битта ёки бир нечта сиёсий партияни қўллаб-қувватлаб имзо қўйишга ҳақли.

6. Имзолар тўпланишини ташкил этиш учун сиёсий партияларнинг туман, шаҳар Кенгашлари ва ижроия қўмиталари аъзолари ёхуд партияларнинг туман, шаҳар ташкилотлари девони штатидаги ходимлари орасидан масъул шахслар тайинланади. Шунингдек, сиёсий партиялар бошланғич ташкилотлари раҳбарлари ҳам имзолар тўплашни уюштириши мумкин.

7. Имзо варақасида сайловчи ўз фамилиясини, исмини, отасининг исмини, туғилган йилини (ёши ўн саккизда бўлса, қўшимча равишда туғилган куни ва ойини), яшаш жойи манзилини, паспортининг ёки идентификация ID — картасининг серияси ва тартиб рақамини, шунингдек имзо қўйилган санани кўрсатади.

8. Имзо варақасига маълумотлар қўлда ёзиб киритилади. Имзо варақасига ўз имзосини қўядиган сайловчи тўғрисидаги маълумотлар сайловчининг илтимосига кўра имзо тўплашни амалга ошираётган шахс томонидан киритилиши мумкин. Бироқ, имзони айнан сайловчининг ўзи қўяди.

9. Имзо варақаси имзоларни тўплаган шахс томонидан ўз фамилияси, исми, отасининг исми кўрсатилган ҳолда имзоланади, шунингдек тегишли сиёсий партиянинг туман, шаҳар тузилмаси муҳри босилиб раҳбари томонидан тасдиқланади.

10. Сайловчиларнинг имзоларини тўплаш иш, хизмат, ўқиш, яшаш жойида, сайловолди тадбирларида, шунингдек ташвиқот юритиш ва имзо тўплаш Қонун билан тақиқланмаган бошқа жойларда амалга оширилади.

Имзо тўплаётган шахс томонидан сайловчиларни мажбурлаш ва ўзига оғдириб олишнинг ҳар қандай шакли қонунда белгиланган жавобгарликка сабаб бўлади.

11. Имзо тўплаш тамомланганидан сўнг сиёсий партиянинг ваколатли вакили Қорақалпоғистон Республикаси, вилоятлар ва Тошкент шаҳри бўйича алоҳида-алоҳида қилиб тикилган имзо варақаларини МСКга топширади.

III боб. Имзо варақалари тўғри тўлдирилганлигини текшириш

12. МСКга текшириш учун қирқ тўрт мингтадан кўп бўлмаган (зарур қирқ минг ва кўпи билан 10 фоиз қўшимча) имзолар тақдим этилади. Агар сиёсий партиялар томонидан қирқ тўрт мингдан кўпроқ имзолар тўпланган бўлса, қолган имзо варақалари сиёсий партияда захира сифатида қолдирилади.

13. Сиёсий партиялар тақдим этган имзо варақаларининг тўғри тўлдирилганлиги МСК томонидан беш кунлик муддатда текширилади.

14. МСК текшириш ўтказиладиган вақт ва жой ҳақида сиёсий партияларга олдиндан маълум қилади.

15. Сиёсий партияларнинг ваколатли вакиллари имзо варақалари тўғри тўлдирилганлигининг МСК томонидан текширилиши жараёнида иштирок этади.

16. МСК имзо варақалари тўғри тўлдирилганлигини текширувчи Эксперт гуруҳини тузиши мумкин. Эксперт гуруҳи таркибига ички ишлар органларининг, адлия органларининг хатшунос экспертлари, мутахассислари, шунингдек фуқаролик жамияти институтлари вакиллари жалб этилади.

17. Имзо варақалари танлаб олиш йўли билан ажратиб олинади. Бунда сайловчилар имзолари зарур сонининг камида 15 фоизи (6 000 таси) ва имзо варақаларига имзоларини қўйган сайловчилар тўғрисидаги тегишли маълумотлар текширилиши лозим.

18. Текшириш учун сайловчиларнинг ҳар бир сиёсий партияни қўллаб-қувватлаб берилган имзолари бир хил миқдорда, ҳар бир маъмурий-ҳудудий тузилмадан (Қорақалпоғистон Республикаси, вилоят, Тошкент шаҳридан) тенг нисбатда танлаб олинади.

19. Имзо варақаларини текширишда Эксперт гуруҳи аъзолари:

касбий одоб қоидаларига риоя қилиши;

зиммасига юклатилган вазифаларни қонун ҳужжатларида ва ички ҳужжатларда белгиланган ўз лавозим ваколатлари доирасида холисона, виждонан, сифатли бажариши;

хабарлар ва хизмат ахборотини тақдим этиш бўйича МСКда белгиланган қоидаларга риоя қилиши керак.

20. Эксперт гуруҳи аъзолари имзо варақасининг тўғри тўлдирилганлигига, тузатишларга йўл қўйилганига, ўчириб ёзилган тузатишлар борлигига, турли шахслар томонидан тўлдирилганлигига, ўхшаш имзолар борлигига, тасдиқланган тузатишлар борлигига эътибор берган ҳолда ҳар бир имзо варақасини кўздан кечиради.

21. Визуал текширувда нуқсонлар ёки шубҳали ҳолатлар аниқланган имзо варақалари пухтароқ, шу жумладан махсус асбоблар ёрдамида текшириш учун саралаб олинади.

22. Қуйидаги имзолар ҳақиқий эмас деб топилади:

сайлов кампанияси бошланганлиги эълон қилингунга қадар тўпланган имзолар;

имзо варақасига сайловчи тўғрисидаги маълумотлар тўлиқ киритилмасдан, шу жумладан санаси кўрсатилмасдан қўйилган имзолар;

сайлаш ҳуқуқига эга бўлмаган шахслар томонидан қўйилган имзолар;

бошқа шахснинг номидан қўйилган имзолар;

МСК томонидан берилган имзо варақаларидан бошқа имзо варақаларида қўйилган имзолар;

сайловчининг имзоси ва у ҳақда маълумотлар қалам ва бошқа ёзув қуроли ҳисобланмайдиган воситалар билан киритилган имзолар;

имзо варақасида кўрсатилиши лозим бўлган маълумотларга тузатишлар киритилган ҳолда қўйилган имзолар, башарти ушбу тузатишлар сайловчи ёки имзо варақасини тасдиқловчи шахслар томонидан қўшимча имзо билан тасдиқланмаган бўлса.

23. Агар МСК томонидан танлаб олинган имзо варақаларининг чорак қисмидан (1 500 таси) кўпроғини текшириш натижасида имзо варақалари қонун бузилган ҳолда тузилганлиги аниқланса:

мазкур имзо варақалари сиёсий партиянинг ваколатли вакилига қайтарилади ва унга камчиликларни бартараф этиш учун икки кунлик муддат берилади;

сиёсий партия томонидан МСКга тақдим этилган барча имзо варақалари текширилади.

24. Сиёсий партиялар томонидан имзо варақаларидаги камчиликлар икки кунлик муддатда бартараф этилмаса ёхуд қўшимча имзо варақалари тақдим этилмаса, барча топширилган имзо варақаларидан ҳақиқий деб топилганлари инобатга олинади.

25. МСКга камчиликлари бартараф этилиб (қўшимча тўпланиб), тақдим этилган имзо варақалари тўлиқ текширилади ва уларнинг ҳақиқий деб топилганлари аниқланади.

26. Мазкур Низомнинг 23 ва 25-бандларида назарда тутилган олдиндан тақдим этилган ва қўшимча тақдим этилган имзо варақаларининг ҳақиқий деб топилганлари қўшилади.

Агар қўллаб-қувватловчи сайловчиларнинг имзолари сони белгиланган энг кам миқдор (40000)дан яна оз бўлиб чиқса, МСК сиёсий партияга сайловда иштирок этиш ҳуқуқини рад этади.

27. Текширув якунлангач, сиёсий партияни ёқлаб берилган имзо варақаларини тақдим этган ҳар бир сиёсий партия бўйича Эксперт гуруҳи томонидан Имзо варақалари тўғри тўлдирилганлигини текшириш якунлари тўғрисида хулоса тузилади. Унда қуйидагилар кўрсатилади:

сайловчилар имзолари қўйилган ва тақдим этилган имзо варақалари сони;

сайловчиларнинг текширилган имзолари сони;

сайловчилар имзоларининг ҳақиқий эмас деб топилган сони.

28. Хулосанинг қаламда тўлдирилишига ва унга бирон-бир тузатишлар киритилишига йўл қўйилмайди.

29. Хулосанинг нусхаси сиёсий партиянинг ваколатли вакилига берилади.

30. Эксперт гуруҳи хулосалари МСК томонидан тегишли қарор қабул қилиниши учун асос бўлиб хизмат қилади.

31. Имзоларни такроран текшириш Қонунчилик палатаси сайловида иштирок этиш ҳуқуқини рад этиш тўғрисида МСКнинг қарори қабул қилинганидан сўнг, Ўзбекистон Республикаси Олий судининг қарори асосида амалга оширилади.

IV боб. Якуний қоидалар

32. Эксперт гуруҳининг хулосаси асосида МСК:

сиёсий партияга Қонунчилик палатаси сайловида иштирок этишга ижозат бериш;

сиёсий партия томонидан тақдим этилган ҳужжатлар қонунчилик талабларига мувофиқ келмаганлиги учун Қонунчилик палатаси сайловида иштирок этиш ҳуқуқини рад этиш тўғрисида қарор қабул қилади.

33. МСКнинг қарорлари устидан ушбу қарорлар қабул қилинган кундан эътиборан беш кун ичида Ўзбекистон Республикаси Олий судига шикоят қилиниши мумкин.

Олд томон Ўзбекистон Республикаси Олий Мажлисининг ‎Қонунчилик палатасига сайлов бўйича ‎ИМЗО ВАРАҚАСИ ‎ ____________________________________________________________________________ (имзо тўплаш жойи) Биз, қуйида имзо қўювчилар, ________________________________________________нинг (сиёсий партиянинг номи) ‎Ўзбекистон Республикаси Олий Мажлиси Қонунчилик палатасига сайловда иштирок этишини қўллаб-қувватлаймиз: Т/р‎ ‎‎Сайловчининг фамилияси, исми, отасининг исми ‎‎Туғилган йили (агар 18 ёшда бўлса, туғилган ойи ва куни) ‎‎Яшаш жойи (манзили)‎ Паспорт ёки ID-карта серияси ва тартиб рақами‎ Имзо ва имзо қўйилган сана‎ 1.‎ ‎‎ ‎‎ ‎‎ ‎‎‎ ‎‎ 2.‎ ‎‎ ‎‎ ‎‎ ‎‎ ‎‎ 3.‎ ‎‎ ‎‎ ‎‎ ‎ 4.‎ ‎‎ ‎‎ ‎‎ ‎‎ ‎‎ 5.‎ ‎‎ ‎‎ ‎‎ ‎‎ 6.‎ ‎‎ ‎‎ ‎‎ ‎‎ ‎‎ 7.‎ ‎‎ ‎‎ ‎‎ ‎‎‎ ‎‎ 8.‎ ‎‎ ‎‎ ‎‎ ‎‎ ‎‎ 9.‎ ‎‎ ‎‎ ‎‎ ‎‎ ‎‎‎ 10.‎ ‎‎ ‎‎ ‎‎ ‎‎ ‎‎ 11.‎ ‎‎ ‎‎ ‎‎ ‎‎ ‎‎ 12.‎ ‎‎ ‎‎ ‎‎ ‎‎ ‎‎ 13.‎ ‎‎ ‎‎‎ ‎‎ ‎‎‎ 14.‎ ‎‎ ‎‎ ‎‎ ‎‎‎ ‎‎ 15.‎ ‎‎ ‎‎ ‎‎‎ ‎‎

Орқа томон 16 . 17.‎ ‎‎ ‎‎ ‎‎ ‎‎‎ ‎‎ 18.‎ ‎‎ ‎‎ ‎‎ ‎‎ ‎‎ 19.‎ ‎‎ ‎‎ ‎‎ ‎ 20.‎ ‎‎ ‎‎ ‎‎ ‎‎ ‎‎ 21.‎ ‎‎ ‎‎ ‎‎ ‎‎ 22.‎ ‎‎ ‎‎ ‎‎ ‎‎ ‎‎ 23.‎ ‎‎ ‎‎ ‎‎ ‎‎‎ ‎‎ 24.‎ ‎‎ ‎‎ ‎‎ ‎‎ ‎‎ 25.‎ ‎‎ ‎‎ ‎‎ ‎‎ ‎‎‎ 26.‎ ‎‎ ‎‎ ‎‎ ‎‎ ‎‎ 27.‎ ‎‎ ‎‎ ‎‎ ‎‎ ‎‎ 28.‎ ‎‎ ‎‎ ‎‎ ‎‎ ‎‎ 29.‎ ‎‎ ‎‎‎ ‎‎ ‎‎‎ 30.‎ ‎‎ ‎‎ ‎‎ ‎‎‎ ‎‎ 31.‎ ‎‎ ‎‎ ‎‎‎ ‎‎ 32.‎ ‎‎ ‎‎ ‎‎ ‎‎ ‎‎ 33 .‎ ‎‎ ‎‎ ‎‎ ‎‎ 34. ‎ ‎‎ ‎‎ ‎‎ ‎‎ ‎‎ 35.‎ ‎‎ ‎‎ ‎‎ ‎‎‎ ‎‎ 36.‎ ‎‎ ‎‎ ‎‎‎ ‎‎ 37.‎ ‎‎ ‎‎ ‎‎ ‎‎‎ ‎ 38.‎ ‎‎ ‎‎ ‎‎ ‎‎ ‎‎ 39.‎ ‎‎ ‎‎ ‎‎ ‎‎ ‎ 40.‎ ‎‎ ‎‎ ‎‎ ‎‎ ‎‎ ‎‎Тўпланган имзоларнинг умумий сони _____________ ‎‎___________________________________________________________________________ (сайловчилар имзосини тўплаган шахс Ф.И.Ш., яшаш жойи манзили, Паспорт ёки ID-картасининг серияси ва рақами, имзоси) ‎‎Имзо варақасини тасдиқлайман ________________________ М.Ў. ‎‎(сиёсий партия туман, шаҳар бўлинмаси раҳбарининг Ф.И.Ш. ва имзоси) ‎ ‎ ‎

Ўзбекистон Республикаси Марказий сайлов комиссиясининг 2019 йил 11 сентябрдаги 933-сон қарорига 2-ИЛОВА

Ўзбекистон Республикаси Марказий сайлов комиссиясининг ўз кучини йўқотган деб топилган қарорлари

1. Ўзбекистон Республикаси Марказий сайлов комиссиясининг «Ўзбекистон Республикаси Олий Мажлиси сайловини ўтказиш билан боғлиқ Марказий сайлов комиссиясининг низом ва йўриқномалари тўғрисида» 2004 йил 18 сентябрдаги 198-сон қарори 7-банди ва 7-иловаси.

2. Ўзбекистон Республикаси Марказий сайлов комиссиясининг «Марказий сайлов комиссиясининг Ўзбекистон Республикаси Олий Мажлиси сайловини ўтказиш билан боғлиқ норматив-ҳуқуқий ҳужжатлари тўғрисида» 2009 йил 17 сентябрдаги 417-сон қарори 7-банди ва 7-иловаси.

3. Ўзбекистон Республикаси Марказий сайлов комиссиясининг «Ўзбекистон Республикаси Олий Мажлисига сайлов ўтказиш билан боғлиқ норматив-ҳуқуқий ҳужжатларни тасдиқлаш тўғрисида» 2014 йил 11 сентябрдаги 618-сон қарорининг 1-банди бешинчи хатбошиси ва 4-иловаси.

Раис М. АБДУСАЛОМОВ

Тошкент ш.,

2019 йил 11 сентябрь,

933-сон

lex.uz

Oʻzbekiston Respublikasi Markaziy saylov komissiyasining

qarori

NIZOM

ROʻYXATI

Oʻzbekiston Respublikasi Oliy Majlisi Qonunchilik palatasi saylovida ishtirok etish uchun siyosiy partiyalar tomonidan imzolarni toʻplash va imzo varaqalari toʻgʻri toʻldirilganligini tekshirish tartibi toʻgʻrisidagi nizomni tasdiqlash haqida

Oʻzbekiston Respublikasi Saylov kodeksining 14 va 16-moddalariga muvofiq Oʻzbekiston Respublikasi Markaziy saylov komissiyasi qaror qiladi:

1. Oʻzbekiston Respublikasi Oliy Majlisi Qonunchilik palatasi saylovida ishtirok etish uchun siyosiy partiyalar tomonidan imzolarni toʻplash va imzo varaqalari toʻgʻri toʻldirilganligini tekshirish tartibi toʻgʻrisidagi nizom 1-ilovaga muvofiq tasdiqlansin.

2. Oʻzbekiston Respublikasi Markaziy saylov komissiyasining ayrim qarorlari 2-ilovaga muvofiq oʻz kuchini yoʻqotgan deb hisoblansin.

3. Ushbu qaror Oʻzbekiston Respublikasi Markaziy saylov komissiyasining rasmiy veb-saytida eʼlon qilinsin.

4. Mazkur qarorning ijrosini nazorat qilish Oʻzbekiston Respublikasi Markaziy saylov komissiyasi raisining oʻrinbosari M. Istamov zimmasiga yuklansin.

Oʻzbekiston Respublikasi Markaziy saylov komissiyasining 2019-yil 11-sentabrdagi 933-son qaroriga 1-ILOVA

Mazkur Nizom Oʻzbekiston Respublikasi Saylov kodeksining (bundan buyon matnda Saylov kodeksi deb yuritiladi) 38 va 39-moddalariga muvofiq (siyosiy partiyalar tomonidan Oʻzbekiston Respublikasi Oliy Majlisi Qonunchilik palatasi (bundan buyon matnda Qonunchilik palatasi deb yuritiladi) saylovida ishtirok etish uchun qoʻllab-quvvatlovchi imzolarni toʻplash hamda Oʻzbekiston Respublikasi Markaziy saylov komissiyasi (bundan buyon matnda MSK deb yuritiladi) tomonidan imzo varaqalarining toʻgʻri toʻldirilganligini tekshirish tartibini belgilaydi.

I bob. Umumiy qoidalar

1. Xalq deputatlari viloyat, tuman va shahar Kengashlariga saylovlarda ishtirok etishga ijozat olish va deputatlikka nomzodlar koʻrsatish uchun siyosiy partiyalar tomonidan saylovchilarning qoʻllab-quvvatlovchi imzolarini toʻplash talab etilmaydi.

2. Siyosiy partiya saylov kampaniyasi boshlanganligi eʼlon qilingan kundan kamida toʻrt oy oldin Oʻzbekiston Respublikasi Adliya vazirligi tomonidan roʻyxatga olingan va oʻzining saylovda ishtirok etishini qoʻllab-quvvatlovchi kamida qirq ming saylovchining imzosini toʻplagan taqdirdagina deputatlikka nomzodlar koʻrsatishi mumkin.

Bitta maʼmuriy-hududiy tuzilmada (Qoraqalpogʻiston Respublikasi, viloyat, Toshkent shahri) siyosiy partiya tegishincha imzolar umumiy sonining koʻpi bilan sakkiz foizini toʻplashi mumkin.

II bob. Siyosiy partiyalar tomonidan imzolar toʻplash

3. Saylov kampaniyasi boshlanganligi eʼlon qilingandan keyin MSK tomonidan siyosiy partiyalarga mazkur Nizomning ilovasiga muvofiq shakldagi imzo varaqalarining blankalari beriladi.

4. Qonunchilik palatasi saylovida siyosiy partiyaning ishtirok etishini qoʻllab-quvvatlovchi imzolarni toʻplash uchun har bir siyosiy partiyaga qirq sakkiz ming imzo toʻplash imkonini beradigan (imzo varaqalarini buzib qoʻyilishi, toʻliq toʻldirilmasligini inobatga olgan holda hamda siyosiy partiyalarga qoʻshimcha imkoniyat yaratish maqsadida) imzo varaqalari blankalari beriladi.

Siyosiy partiyalar soʻroviga koʻra, imzo toʻplash uchun qoʻshimcha imzo varaqalari blankalari berilishi mumkin.

5. Saylovchilar bitta yoki bir nechta siyosiy partiyani qoʻllab-quvvatlab imzo qoʻyishga haqli.

6. Imzolar toʻplanishini tashkil etish uchun siyosiy partiyalarning tuman, shahar Kengashlari va ijroiya qoʻmitalari aʼzolari yoxud partiyalarning tuman, shahar tashkilotlari devoni shtatidagi xodimlari orasidan masʼul shaxslar tayinlanadi. Shuningdek, siyosiy partiyalar boshlangʻich tashkilotlari rahbarlari ham imzolar toʻplashni uyushtirishi mumkin.

7. Imzo varaqasida saylovchi oʻz familiyasini, ismini, otasining ismini, tugʻilgan yilini (yoshi oʻn sakkizda boʻlsa, qoʻshimcha ravishda tugʻilgan kuni va oyini), yashash joyi manzilini, pasportining yoki identifikatsiya ID — kartasining seriyasi va tartib raqamini, shuningdek imzo qoʻyilgan sanani koʻrsatadi.

8. Imzo varaqasiga maʼlumotlar qoʻlda yozib kiritiladi. Imzo varaqasiga oʻz imzosini qoʻyadigan saylovchi toʻgʻrisidagi maʼlumotlar saylovchining iltimosiga koʻra imzo toʻplashni amalga oshirayotgan shaxs tomonidan kiritilishi mumkin. Biroq, imzoni aynan saylovchining oʻzi qoʻyadi.

9. Imzo varaqasi imzolarni toʻplagan shaxs tomonidan oʻz familiyasi, ismi, otasining ismi koʻrsatilgan holda imzolanadi, shuningdek tegishli siyosiy partiyaning tuman, shahar tuzilmasi muhri bosilib rahbari tomonidan tasdiqlanadi.

10. Saylovchilarning imzolarini toʻplash ish, xizmat, oʻqish, yashash joyida, saylovoldi tadbirlarida, shuningdek tashviqot yuritish va imzo toʻplash Qonun bilan taqiqlanmagan boshqa joylarda amalga oshiriladi.

Imzo toʻplayotgan shaxs tomonidan saylovchilarni majburlash va oʻziga ogʻdirib olishning har qanday shakli qonunda belgilangan javobgarlikka sabab boʻladi.

11. Imzo toʻplash tamomlanganidan soʻng siyosiy partiyaning vakolatli vakili Qoraqalpogʻiston Respublikasi, viloyatlar va Toshkent shahri boʻyicha alohida-alohida qilib tikilgan imzo varaqalarini MSKga topshiradi.

III bob. Imzo varaqalari toʻgʻri toʻldirilganligini tekshirish

12. MSKga tekshirish uchun qirq toʻrt mingtadan koʻp boʻlmagan (zarur qirq ming va koʻpi bilan 10 foiz qoʻshimcha) imzolar taqdim etiladi. Agar siyosiy partiyalar tomonidan qirq toʻrt mingdan koʻproq imzolar toʻplangan boʻlsa, qolgan imzo varaqalari siyosiy partiyada zaxira sifatida qoldiriladi.

13. Siyosiy partiyalar taqdim etgan imzo varaqalarining toʻgʻri toʻldirilganligi MSK tomonidan besh kunlik muddatda tekshiriladi.

14. MSK tekshirish oʻtkaziladigan vaqt va joy haqida siyosiy partiyalarga oldindan maʼlum qiladi.

15. Siyosiy partiyalarning vakolatli vakillari imzo varaqalari toʻgʻri toʻldirilganligining MSK tomonidan tekshirilishi jarayonida ishtirok etadi.

16. MSK imzo varaqalari toʻgʻri toʻldirilganligini tekshiruvchi Ekspert guruhini tuzishi mumkin. Ekspert guruhi tarkibiga ichki ishlar organlarining, adliya organlarining xatshunos ekspertlari, mutaxassislari, shuningdek fuqarolik jamiyati institutlari vakillari jalb etiladi.

17. Imzo varaqalari tanlab olish yoʻli bilan ajratib olinadi. Bunda saylovchilar imzolari zarur sonining kamida 15 foizi (6 000 tasi) va imzo varaqalariga imzolarini qoʻygan saylovchilar toʻgʻrisidagi tegishli maʼlumotlar tekshirilishi lozim.

18. Tekshirish uchun saylovchilarning har bir siyosiy partiyani qoʻllab-quvvatlab berilgan imzolari bir xil miqdorda, har bir maʼmuriy-hududiy tuzilmadan (Qoraqalpogʻiston Respublikasi, viloyat, Toshkent shahridan) teng nisbatda tanlab olinadi.

19. Imzo varaqalarini tekshirishda Ekspert guruhi aʼzolari:

kasbiy odob qoidalariga rioya qilishi;

zimmasiga yuklatilgan vazifalarni qonun hujjatlarida va ichki hujjatlarda belgilangan oʻz lavozim vakolatlari doirasida xolisona, vijdonan, sifatli bajarishi;

xabarlar va xizmat axborotini taqdim etish boʻyicha MSKda belgilangan qoidalarga rioya qilishi kerak.

20. Ekspert guruhi aʼzolari imzo varaqasining toʻgʻri toʻldirilganligiga, tuzatishlarga yoʻl qoʻyilganiga, oʻchirib yozilgan tuzatishlar borligiga, turli shaxslar tomonidan toʻldirilganligiga, oʻxshash imzolar borligiga, tasdiqlangan tuzatishlar borligiga eʼtibor bergan holda har bir imzo varaqasini koʻzdan kechiradi.

21. Vizual tekshiruvda nuqsonlar yoki shubhali holatlar aniqlangan imzo varaqalari puxtaroq, shu jumladan maxsus asboblar yordamida tekshirish uchun saralab olinadi.

22. Quyidagi imzolar haqiqiy emas deb topiladi:

saylov kampaniyasi boshlanganligi eʼlon qilingunga qadar toʻplangan imzolar;

imzo varaqasiga saylovchi toʻgʻrisidagi maʼlumotlar toʻliq kiritilmasdan, shu jumladan sanasi koʻrsatilmasdan qoʻyilgan imzolar;

saylash huquqiga ega boʻlmagan shaxslar tomonidan qoʻyilgan imzolar;

boshqa shaxsning nomidan qoʻyilgan imzolar;

MSK tomonidan berilgan imzo varaqalaridan boshqa imzo varaqalarida qoʻyilgan imzolar;

saylovchining imzosi va u haqda maʼlumotlar qalam va boshqa yozuv quroli hisoblanmaydigan vositalar bilan kiritilgan imzolar;

imzo varaqasida koʻrsatilishi lozim boʻlgan maʼlumotlarga tuzatishlar kiritilgan holda qoʻyilgan imzolar, basharti ushbu tuzatishlar saylovchi yoki imzo varaqasini tasdiqlovchi shaxslar tomonidan qoʻshimcha imzo bilan tasdiqlanmagan boʻlsa.

23. Agar MSK tomonidan tanlab olingan imzo varaqalarining chorak qismidan (1 500 tasi) koʻprogʻini tekshirish natijasida imzo varaqalari qonun buzilgan holda tuzilganligi aniqlansa:

mazkur imzo varaqalari siyosiy partiyaning vakolatli vakiliga qaytariladi va unga kamchiliklarni bartaraf etish uchun ikki kunlik muddat beriladi;

siyosiy partiya tomonidan MSKga taqdim etilgan barcha imzo varaqalari tekshiriladi.

24. Siyosiy partiyalar tomonidan imzo varaqalaridagi kamchiliklar ikki kunlik muddatda bartaraf etilmasa yoxud qoʻshimcha imzo varaqalari taqdim etilmasa, barcha topshirilgan imzo varaqalaridan haqiqiy deb topilganlari inobatga olinadi.

25. MSKga kamchiliklari bartaraf etilib (qoʻshimcha toʻplanib), taqdim etilgan imzo varaqalari toʻliq tekshiriladi va ularning haqiqiy deb topilganlari aniqlanadi.

26. Mazkur Nizomning 23 va 25-bandlarida nazarda tutilgan oldindan taqdim etilgan va qoʻshimcha taqdim etilgan imzo varaqalarining haqiqiy deb topilganlari qoʻshiladi.

Agar qoʻllab-quvvatlovchi saylovchilarning imzolari soni belgilangan eng kam miqdor (40000)dan yana oz boʻlib chiqsa, MSK siyosiy partiyaga saylovda ishtirok etish huquqini rad etadi.

27. Tekshiruv yakunlangach, siyosiy partiyani yoqlab berilgan imzo varaqalarini taqdim etgan har bir siyosiy partiya boʻyicha Ekspert guruhi tomonidan Imzo varaqalari toʻgʻri toʻldirilganligini tekshirish yakunlari toʻgʻrisida xulosa tuziladi. Unda quyidagilar koʻrsatiladi:

saylovchilar imzolari qoʻyilgan va taqdim etilgan imzo varaqalari soni;

saylovchilarning tekshirilgan imzolari soni;

saylovchilar imzolarining haqiqiy emas deb topilgan soni.

28. Xulosaning qalamda toʻldirilishiga va unga biron-bir tuzatishlar kiritilishiga yoʻl qoʻyilmaydi.

29. Xulosaning nusxasi siyosiy partiyaning vakolatli vakiliga beriladi.

30. Ekspert guruhi xulosalari MSK tomonidan tegishli qaror qabul qilinishi uchun asos boʻlib xizmat qiladi.

31. Imzolarni takroran tekshirish Qonunchilik palatasi saylovida ishtirok etish huquqini rad etish toʻgʻrisida MSKning qarori qabul qilinganidan soʻng, Oʻzbekiston Respublikasi Oliy sudining qarori asosida amalga oshiriladi.

IV bob. Yakuniy qoidalar

32. Ekspert guruhining xulosasi asosida MSK:

siyosiy partiyaga Qonunchilik palatasi saylovida ishtirok etishga ijozat berish;

siyosiy partiya tomonidan taqdim etilgan hujjatlar qonunchilik talablariga muvofiq kelmaganligi uchun Qonunchilik palatasi saylovida ishtirok etish huquqini rad etish toʻgʻrisida qaror qabul qiladi.

33. MSKning qarorlari ustidan ushbu qarorlar qabul qilingan kundan eʼtiboran besh kun ichida Oʻzbekiston Respublikasi Oliy sudiga shikoyat qilinishi mumkin.

Old tomon Oʻzbekiston Respublikasi Oliy Majlisining ‎Qonunchilik palatasiga saylov boʻyicha ‎IMZO VARAQASI ‎ ____________________________________________________________________________ (imzo toʻplash joyi) Biz, quyida imzo qoʻyuvchilar, ________________________________________________ning (siyosiy partiyaning nomi) ‎Oʻzbekiston Respublikasi Oliy Majlisi Qonunchilik palatasiga saylovda ishtirok etishini qoʻllab-quvvatlaymiz: T/r‎ ‎‎Saylovchining familiyasi, ismi, otasining ismi ‎‎Tugʻilgan yili (agar 18 yoshda boʻlsa, tugʻilgan oyi va kuni) ‎‎Yashash joyi (manzili)‎ Pasport yoki ID-karta seriyasi va tartib raqami‎ Imzo va imzo qoʻyilgan sana‎ 1.‎ ‎‎ ‎‎ ‎‎ ‎‎‎ ‎‎ 2.‎ ‎‎ ‎‎ ‎‎ ‎‎ ‎‎ 3.‎ ‎‎ ‎‎ ‎‎ ‎ 4.‎ ‎‎ ‎‎ ‎‎ ‎‎ ‎‎ 5.‎ ‎‎ ‎‎ ‎‎ ‎‎ 6.‎ ‎‎ ‎‎ ‎‎ ‎‎ ‎‎ 7.‎ ‎‎ ‎‎ ‎‎ ‎‎‎ ‎‎ 8.‎ ‎‎ ‎‎ ‎‎ ‎‎ ‎‎ 9.‎ ‎‎ ‎‎ ‎‎ ‎‎ ‎‎‎ 10.‎ ‎‎ ‎‎ ‎‎ ‎‎ ‎‎ 11.‎ ‎‎ ‎‎ ‎‎ ‎‎ ‎‎ 12.‎ ‎‎ ‎‎ ‎‎ ‎‎ ‎‎ 13.‎ ‎‎ ‎‎‎ ‎‎ ‎‎‎ 14.‎ ‎‎ ‎‎ ‎‎ ‎‎‎ ‎‎ 15.‎ ‎‎ ‎‎ ‎‎‎ ‎‎

Orqa tomon 16 . 17.‎ ‎‎ ‎‎ ‎‎ ‎‎‎ ‎‎ 18.‎ ‎‎ ‎‎ ‎‎ ‎‎ ‎‎ 19.‎ ‎‎ ‎‎ ‎‎ ‎ 20.‎ ‎‎ ‎‎ ‎‎ ‎‎ ‎‎ 21.‎ ‎‎ ‎‎ ‎‎ ‎‎ 22.‎ ‎‎ ‎‎ ‎‎ ‎‎ ‎‎ 23.‎ ‎‎ ‎‎ ‎‎ ‎‎‎ ‎‎ 24.‎ ‎‎ ‎‎ ‎‎ ‎‎ ‎‎ 25.‎ ‎‎ ‎‎ ‎‎ ‎‎ ‎‎‎ 26.‎ ‎‎ ‎‎ ‎‎ ‎‎ ‎‎ 27.‎ ‎‎ ‎‎ ‎‎ ‎‎ ‎‎ 28.‎ ‎‎ ‎‎ ‎‎ ‎‎ ‎‎ 29.‎ ‎‎ ‎‎‎ ‎‎ ‎‎‎ 30.‎ ‎‎ ‎‎ ‎‎ ‎‎‎ ‎‎ 31.‎ ‎‎ ‎‎ ‎‎‎ ‎‎ 32.‎ ‎‎ ‎‎ ‎‎ ‎‎ ‎‎ 33 .‎ ‎‎ ‎‎ ‎‎ ‎‎ 34. ‎ ‎‎ ‎‎ ‎‎ ‎‎ ‎‎ 35.‎ ‎‎ ‎‎ ‎‎ ‎‎‎ ‎‎ 36.‎ ‎‎ ‎‎ ‎‎‎ ‎‎ 37.‎ ‎‎ ‎‎ ‎‎ ‎‎‎ ‎ 38.‎ ‎‎ ‎‎ ‎‎ ‎‎ ‎‎ 39.‎ ‎‎ ‎‎ ‎‎ ‎‎ ‎ 40.‎ ‎‎ ‎‎ ‎‎ ‎‎ ‎‎ ‎‎Toʻplangan imzolarning umumiy soni _____________ ‎‎___________________________________________________________________________ (saylovchilar imzosini toʻplagan shaxs F.I.Sh., yashash joyi manzili, Pasport yoki ID-kartasining seriyasi va raqami, imzosi) ‎‎Imzo varaqasini tasdiqlayman ________________________ M.Oʻ. ‎‎(siyosiy partiya tuman, shahar boʻlinmasi rahbarining F.I.Sh. va imzosi) ‎ ‎ ‎

Oʻzbekiston Respublikasi Markaziy saylov komissiyasining 2019-yil 11-sentabrdagi 933-son qaroriga 2-ILOVA

Oʻzbekiston Respublikasi Markaziy saylov komissiyasining oʻz kuchini yoʻqotgan deb topilgan qarorlari

1. Oʻzbekiston Respublikasi Markaziy saylov komissiyasining “Oʻzbekiston Respublikasi Oliy Majlisi saylovini oʻtkazish bilan bogʻliq Markaziy saylov komissiyasining nizom va yoʻriqnomalari toʻgʻrisida” 2004-yil 18-sentabrdagi 198-son qarori 7-bandi va 7-ilovasi.

2. Oʻzbekiston Respublikasi Markaziy saylov komissiyasining “Markaziy saylov komissiyasining Oʻzbekiston Respublikasi Oliy Majlisi saylovini oʻtkazish bilan bogʻliq normativ-huquqiy hujjatlari toʻgʻrisida” 2009-yil 17-sentabrdagi 417-son qarori 7-bandi va 7-ilovasi.

3. Oʻzbekiston Respublikasi Markaziy saylov komissiyasining “Oʻzbekiston Respublikasi Oliy Majlisiga saylov oʻtkazish bilan bogʻliq normativ-huquqiy hujjatlarni tasdiqlash toʻgʻrisida” 2014-yil 11-sentabrdagi 618-son qarorining 1-bandi beshinchi xatboshisi va 4-ilovasi.

Rais M. ABDUSALOMOV

Toshkent sh.,

2019-yil 11-sentabr,

933-son

lex.uz

Центральной избирательной комиссии Республики Узбекистан

Постановление

ПОЛОЖЕНИЕ

ПЕРЕЧЕНЬ

Об утверждении положения о порядке сбора подписей политическими партиями для участия в выборах в Законодательную палату Олий Мажлиса Республики Узбекистан и проверки правильности составления подписных листов

В соответствии со статьями 14 и 16 Избирательного кодекса Республики Узбекистан Центральная избирательная комиссия Республики Узбекистан постановляет:

1. Утвердить Положение о порядке сбора подписей политическими партиями для участия в выборах в Законодательную палату Олий Мажлиса Республики Узбекистан и проверки правильности составления подписных листов согласно приложению № 1 .

2. Признать утратившими силу некоторые постановления Центральной избирательной комиссии согласно приложению № 2 .

3. Опубликовать данное постановление на официальном веб-сайте Центральной избирательной комиссии Республики Узбекистан.

4. Контроль за исполнением данного постановления возложить на заместителя председателя Центральной избирательной комиссии Республики Узбекистан М. Истамова.

ПРИЛОЖЕНИЕ № 1 к постановлению Центральной избирательной комиссии Республики Узбекистан от 11 сентября 2019 года № 933

о порядке сбора подписей политическими партиями для участия в выборах в Законодательную палату Олий Мажлиса Республики Узбекистан и проверки правильности составления подписных листов

Настоящее Положение разработано в соответствии со статьями 38 и 39 Избирательного кодекса Республики Узбекистан (далее — Избирательный кодекс) и определяет порядок сбора подписей политическими партиями для участия в выборах в Законодательную палату Республики Узбекистан (далее — Законодательная палата) и проверки Центральной избирательной комиссией Республики Узбекистан (далее — ЦИК) правильности составления подписных листов.

Глава I. Общие положения

1. Для получения допуска к участию в выборах в областные, районные и городские Кенгаши народных депутатов и выдвижения кандидатов в депутаты не требуется сбор политическими партиями подписей избирателей в их поддержку.

2. Политическая партия может выдвигать кандидатов в депутаты при условии, что она зарегистрирована Министерством юстиции Республики Узбекистан не позднее чем за четыре месяца до дня объявления о начале избирательной кампании и собрала не менее сорока тысяч подписей избирателей, поддерживающих ее участие в выборах.

В одном административно-территориальном образовании (Республика Каракалпакстан, область, город Ташкент) политическая партия может собрать не более восьми процентов от общего числа подписей соответственно.

Глава II. Сбор подписей политическими партиями

3. После объявления о начале избирательной кампании, ЦИК выдает политическим партиям бланки подписных листов образца, установленного в соответствии с приложением к настоящему Положению .

4. Для сбора подписей в поддержку участия политической партии в выборах в Законодательную палату каждой политической партии выдаются подписные листы, позволяющие собрать сорок восемь тысяч подписей (с учетом возможной порчи, неполного составления подписных листов, а также в целях создания политическим партиям дополнительной возможности).

По запросу политических партий для сбора подписей могут быть дополнительно выданы бланки подписных листов.

5. Избиратели вправе ставить подпись в поддержку одной или нескольких политических партий.

6. Для организации сбора подписей назначаются ответственные лица из числа членов районных, городских Кенгашей и исполнительных комитетов политических партий либо штатных работников аппарата районных, городских организаций партий. Сбор подписей могут также организовать руководители первичных организаций политических партий.

7. В подписном листе избиратель указывает свою фамилию, имя, отчество, год рождения (в возрасте восемнадцати лет — дополнительно день и месяц рождения), адрес места жительства, серию и номер паспорта или идентификационной ID-карты, а также дату внесения подписи.

8. Сведения в подписной лист вносятся от руки. Сведения об избирателе, проставляющем в подписном листе свою подпись, по его просьбе могут быть внесены лицом, осуществляющим сбор подписей. Однако подпись проставляет непосредственно сам избиратель.

9. Подписной лист подписывается лицом, собиравшим подписи, с указанием своей фамилии, имени, отчества, а также заверяется руководителем районной, городской структуры соответствующей политической партии и печатью.

10. Сбор подписей избирателей проводится по месту работы, службы, учебы, жительства, на предвыборных мероприятиях, а также в других местах, где агитация и сбор подписей не запрещены законом.

Любая форма принуждения и подкупа избирателей лицом, собирающим подписи, влечет установленную законом ответственность.

11. После окончания сбора подписей уполномоченный представитель политической партии передает в ЦИК подписные листы, прошитые в отдельности по Республике Каракалпакстан, областям и городу Ташкенту.

Глава III. Проверка правильности составления подписных листов

12. Для проверки в ЦИК представляется не более сорока четырех тысяч подписей (требуемые сорок тысяч и дополнительно не более 10 процентов). Если политическими партиями собрано более сорока четырех тысяч подписей, то излишние подписные листы остаются в политической партии в качестве резерва.

13. Правильность составления подписных листов, представленных политическими партиями, проверяется ЦИК в пятидневный срок.

14. ЦИК заранее извещает политические партии о времени и месте проведения проверки.

15. В процессе проверки ЦИК правильности составления подписных листов участвуют уполномоченные представители политических партий.

16. ЦИК может создать Экспертную группу по проверке правильности составления подписных листов. В состав Экспертной группы привлекаются эксперты-почерковеды, специалисты органов внутренних дел, органов юстиции, а также представители институтов гражданского общества.

17. Подписные листы отбираются путем выборки. При этом проверке подлежат не менее 15 процентов (6 000) необходимого количества подписей избирателей и соответствующие сведения об избирателях, поставивших подписи в подписных листах.

18. Для проверки отбирается одинаковое количество подписей избирателей, собранных в поддержку каждой политической партии, в равном соотношении от каждого административно-территориального образования (Республика Каракалпакстан, область, город Ташкент).

19. При проверке подписных листов члены Экспертной группы должны:

руководствоваться правилами профессиональной этики;

объективно, добросовестно, качественно выполнять возложенные на них задачи в пределах своих должностных полномочий, определенных законодательством и внутренними документами;

соблюдать установленные в ЦИК правила представления сообщений и служебной информации.

20. Члены Экспертной группы осматривают каждый подписной лист, обращая внимание на правильность их составления, наличие допущенных исправлений, помарок, заполнение разными лицами, наличие схожих подписей, заверенных исправлений.

21. Подписные листы, на которых при визуальном осмотре обнаружены недостатки или вызывающие подозрения неточности, отбираются для более детальной проверки, в том числе при помощи специализированных устройств.

22. Признаются недействительными:

подписи избирателей, собранные политической партией до дня объявления начала избирательной кампании;

подписи, проставленные в подписном листе без полного включения сведений об избирателе, в том числе без указания даты;

подписи лицами, не обладающими избирательным правом;

подписи, проставленные от имени другого лица;

подписи в подписных листах, отличающихся от подписных листов, выданных ЦИК;

подписи избирателя и данные о нем, внесенные карандашом и другими средствами, не являющимися орудиями письма;

подписи, проставленные с исправлениями в сведениях, которые должны быть указаны в подписном листе, если эти исправления не заверены дополнительной подписью избирателя или лицами, заверяющими подписные листы.

23. В случае, если при выборочной проверке ЦИК более четверти подписных листов (1 500) будет выявлено, что подписные листы составлены с нарушениями закона:

данные подписные листы возвращаются уполномоченному представителю политической партии, и ему предоставляется двухдневный срок для устранения недостатков;

проверяются все подписные листы, представленные политической партией в ЦИК.

24. В случае, если выявленные недостатки в подписных листах политическими партиями в двухдневный срок не устранены либо не представлены дополнительные подписные листы, то будут учитываться признанные действительными из всех сданных подписных листов.

25. Устраненные недостатки (дополнительно собранные) в подписных листах, представленные в ЦИК, полностью проверяются и выявляются признанные действительными.

26. К ранее представленным и дополнительно представленным подписным листам, предусмотренным в пунктах 23 и 25 настоящего Положения, добавляются подписные листы, которые признаны действительными.

Если количество подписей поддерживающих избирателей вновь окажется меньше установленного минимального числа (40 000), Центральная избирательная комиссия отказывает политической партии в праве участвовать в выборах.

27. По окончании проверки по каждой политической партии, представившей подписные листы в поддержку партии, Экспертной группой составляется заключение о результатах проверки правильности составления подписных листов. В нем указываются:

количество проставленных подписей избирателей и представленных подписных листов;

количество проверенных подписей избирателей;

количество подписей избирателей, признанных недостоверными или недействительными.

28. Не допускается составление заключения карандашом и внесение в него каких-либо исправлений.

29. Копия заключения выдается уполномоченному представителю политической партии.

30. Заключения Экспертной группы служат основанием для принятия ЦИК соответствующего решения.

31. Повторная проверка подписей проводится после принятия ЦИК решения об отказе в праве участия в выборах в Законодательную палату на основании решения Верховного суда Республики Узбекистан.

Глава IV. Заключительные положения

32. На основании заключения экспертной группы ЦИК принимает решение:

о допуске политической партии к участию в выборах в Законодательную палату;

об отказе вправе участвовать в выборах политической партии в Законодательную палату, в связи с несоответствием представленных документов требованиям законодательства.

33. Решения ЦИК могут быть обжалованы в Верховный суд Республики Узбекистан в течение пяти дней после их принятия.

ПРИЛОЖЕНИЕ к Положению о порядке сбора подписей политическими партиями для участия в выборах в Законодательную палату Олий Мажлиса Республики Узбекистан и проверки правильности составления подписных листов

Передняя сторона ПОДПИСНОЙ ЛИСТ по выборам в Законодательную палату Олий Мажлиса Республики Узбекистан ____________________________________________________________________________ (место сбора подписей) Мы, нижеподписавшиеся, поддерживаем участие ___________________________________ ‎ ‎ ‎ ‎ ‎ ‎ ‎ ‎ (название политической партии) в выборах в Законодательную палату Олий Мажлиса Республики Узбекистан: № Фамилия, имя, отчество избирателя Год рождения (если 18 лет, то месяц и день рождения) Место жительства (адрес) Серия и номер паспорта или ID-карты Подпись и дата ее внесения 1.‎ ‎‎ ‎‎ ‎‎ ‎‎‎ ‎‎ 2.‎ ‎‎ ‎‎ ‎‎ ‎‎ ‎‎ 3.‎ ‎‎ ‎‎ ‎‎ ‎ 4.‎ ‎‎ ‎‎ ‎‎ ‎‎ ‎‎ 5.‎ ‎‎ ‎‎ ‎‎ ‎‎ 6.‎ ‎‎ ‎‎ ‎‎ ‎‎ ‎‎ 7.‎ ‎‎ ‎‎ ‎‎ ‎‎‎ ‎‎ 8.‎ ‎‎ ‎‎ ‎‎ ‎‎ ‎‎ 9.‎ ‎‎ ‎‎ ‎‎ ‎‎ ‎‎‎ 10.‎ ‎‎ ‎‎ ‎‎ ‎‎ ‎‎ 11.‎ ‎‎ ‎‎ ‎‎ ‎‎ ‎‎ 12.‎ ‎‎ ‎‎ ‎‎ ‎‎ ‎‎ 13.‎ ‎‎ ‎‎‎ ‎‎ ‎‎‎ 14.‎ ‎‎ ‎‎ ‎‎ ‎‎‎ ‎‎ 15.‎ ‎‎ ‎‎ ‎‎‎ ‎‎

Обратная сторона 16 . 17.‎ ‎‎ ‎‎ ‎‎ ‎‎‎ ‎‎ 18.‎ ‎‎ ‎‎ ‎‎ ‎‎ ‎‎ 19.‎ ‎‎ ‎‎ ‎‎ ‎ 20.‎ ‎‎ ‎‎ ‎‎ ‎‎ ‎‎ 21.‎ ‎‎ ‎‎ ‎‎ ‎‎ 22.‎ ‎‎ ‎‎ ‎‎ ‎‎ ‎‎ 23.‎ ‎‎ ‎‎ ‎‎ ‎‎‎ ‎‎ 24.‎ ‎‎ ‎‎ ‎‎ ‎‎ ‎‎ 25.‎ ‎‎ ‎‎ ‎‎ ‎‎ ‎‎‎ 26.‎ ‎‎ ‎‎ ‎‎ ‎‎ ‎‎ 27.‎ ‎‎ ‎‎ ‎‎ ‎‎ ‎‎ 28.‎ ‎‎ ‎‎ ‎‎ ‎‎ ‎‎ 29.‎ ‎‎ ‎‎‎ ‎‎ ‎‎‎ 30.‎ ‎‎ ‎‎ ‎‎ ‎‎‎ ‎‎ 31.‎ ‎‎ ‎‎ ‎‎‎ ‎‎ 32.‎ ‎‎ ‎‎ ‎‎ ‎‎ ‎‎ 33 .‎ ‎‎ ‎‎ ‎‎ ‎‎ 34. ‎ ‎‎ ‎‎ ‎‎ ‎‎ ‎‎ 35.‎ ‎‎ ‎‎ ‎‎ ‎‎‎ ‎‎ 36.‎ ‎‎ ‎‎ ‎‎‎ ‎‎ 37.‎ ‎‎ ‎‎ ‎‎ ‎‎‎ ‎ 38.‎ ‎‎ ‎‎ ‎‎ ‎‎ ‎‎ 39.‎ ‎‎ ‎‎ ‎‎ ‎‎ ‎ 40.‎ ‎‎ ‎‎ ‎‎ ‎‎ ‎‎ Общее количество собранных подписей____________ ‎‎___________________________________________________________________________ (ФИО, адрес проживания, серия и номер паспорта или ID-карты, подпись лица, собравшего подписи избирателей) Заверяю подписной лист _________________________________________ М.П. ‎(ФИО и подпись руководителя районного, городского отделения политической партии)

ПРИЛОЖЕНИЕ № 2 к постановлению Центральной избирательной комиссии Республики Узбекистан от 11 сентября 2019 года № 933

постановлений Центральной избирательной комиссии Республики Узбекистан, признанных утратившими силу

1. Приложение № 7 и пункт 7 постановления Центральной избирательной комиссии Республики Узбекистан от 18 сентября 2004 года № 198 «Об утверждении Положения и инструкций Центральной избирательной комиссии, связанных с проведением выборов в Олий Мажлис Республики Узбекистан».

2. Приложение № 7 и пункт 7 постановления Центральной избирательной комиссии Республики Узбекистан от 17 сентября 2009 года № 417 «Об утверждении нормативно-правовых актов, связанных с проведением выборов в Олий Мажлис Республики Узбекистан».

3. Приложение № 4 и абзац пятый пункта 1 постановления Центральной избирательной комиссии Республики Узбекистан от 11 сентября 2014 года № 618 «Об утверждении нормативно-правовых актов, связанных с проведением выборов в Олий Мажлис Республики Узбекистан».

Председатель М. АБДУСАЛОМОВ

г. Ташкент,

11 сентября 2019 г.,

№ 933

lex.uz