UzbekAI

Ўзбекистон Республикаси Марказий сайлов комиссиясининг

Қарори

НИЗОМ

РЎЙХАТИ

Ўзбекистон Республикаси сайловларида хорижий давлатлар ва халқаро ташкилотлардан қатнашадиган кузатувчилар тўғрисидаги низомни тасдиқлаш ҳақида

Ўзбекистон Республикаси Сайлов кодексининг 14 ва 16-моддаларига асосан Ўзбекистон Республикаси Марказий сайлов комиссияси қарор қилади:

1. Ўзбекистон Республикаси сайловларида хорижий давлатлар ва халқаро ташкилотлардан қатнашадиган кузатувчилар тўғрисидаги низом 1-иловага мувофиқ тасдиқлансин.

2. Ўзбекистон Республикаси Марказий сайлов комиссиясининг айрим қарорлари 2-иловага мувофиқ ўз кучини йўқотган деб ҳисоблансин.

3. Ушбу қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.

4. Мазкур қарорнинг ижросини назорат қилиш Ўзбекистон Республикаси Марказий сайлов комиссияси раисининг ўринбосари М. Истамов зиммасига юклансин.

Ўзбекистон Республикаси Марказий сайлов комиссиясининг 2019 йил 19 сентябрдаги 938-сон қарорига 1-ИЛОВА

Ўзбекистон Республикаси сайловларида хорижий давлатлар ва халқаро ташкилотлардан қатнашадиган кузатувчилар тўғрисида

Мазкур Низом Ўзбекистон Республикаси Сайлов кодексининг 8 ва 33-моддалари , шунингдек сайловларни ташкил этиш ва ўтказиш борасидаги халқаро ҳуқуқнинг умум эътироф этилган принциплари ва нормаларига мувофиқ ишлаб чиқилган бўлиб, Ўзбекистон Республикаси сайловларида хорижий давлатлар ва халқаро ташкилотлардан кузатувчилар фаолияти тартибини белгилайди.

I. Умумий қоидалар

1. Ўзбекистон Республикаси сайловларида хорижий давлатлар ва халқаро ташкилотлардан кузатувчиларнинг (бундан буён матнда хорижий (халқаро) кузатувчилар деб юритилади) фаолияти Ўзбекистон Республикасининг халқаро шартномалари, Ўзбекистон Республикасининг Сайлов кодекси ва бошқа қонунчилик ҳужжатлари, Ўзбекистон Республикаси Марказий сайлов комиссияси (бундан буён матнда МСК деб юритилади) қарорлари ҳамда ушбу Низом билан тартибга солинади.

2. Ўзбекистон Республикаси Сайлов кодексига мувофиқ сайловларга тайёргарлик кўриш ва уни ўтказишга доир барча тадбирларда хорижий (халқаро) кузатувчилар қатнашиш ҳуқуқига эга.

II. Хорижий (халқаро) кузатувчиларни таклиф этиш ва уларни аккредитация қилиш тартиби

3. Сайлов кампанияси бошланганлиги эълон қилинганидан сўнг МСК хорижий давлатлар сайлов органлари ва халқаро ташкилотларга Ташқи ишлар вазирлиги орқали таклифнома юборади.

Ташқи ишлар вазирлиги ўз ташаббусига кўра ёки давлат ҳокимияти органлари, вазирликлар, идоралар, илмий-тадқиқот институтлари, бошқа ташкилот ва муассасалар таклифларига кўра сайловларга хорижий (халқаро) кузатувчиларни таклиф этади.

Хорижий давлатлар ва халқаро ташкилотлар ҳам сайловларда хорижий (халқаро) кузатувчи сифатида иштирок этиш истагини изҳор этиб, Ташқи ишлар вазирлигига мурожаат этиши мумкин.

4. Сайловда хорижий (халқаро) кузатувчи сифатида иштирок этиш учун таклиф этилган, шунингдек бундай истакни изҳор этган хорижий давлатлар, халқаро ташкилотлар ўз кузатувчиларининг рўйхати, шахсини тасдиқловчи ҳужжатлари нусхалари, электрон фотосуратлари (оқ фонда, 3х4 см ўлчамда, jpeg форматда, камида 100 КВ ҳажмда, пиксел зичлиги 600dрi) ҳамда ушбу Низомнинг 1 ва 1а-иловаларига мувофиқ анкета ва декларацияларни тўлдирилган ҳолда Ташқи ишлар вазирлигига тақдим қилади.

Тақдим этилган маълумотларнинг бутлиги (тўлиқлиги) ва тўғрилигига тақдим этувчининг ўзи масъул ҳисобланади.

5. Хорижий давлатлар, халқаро ташкилотлар тегишли ҳужжатларни овоз бериш кунидан камида ўн кун олдин тақдим этиши лозим.

6. Ташқи ишлар вазирлиги тегишли хорижий давлатлар, халқаро ташкилотлар кузатувчиларининг ҳужжатларини илова қилган ҳолда МСКга тақдимнома киритади. МСК беш кунлик муддатда хорижий (халқаро) кузатувчиларни аккредитация қилиш тўғрисида қарор қабул қилади.

Аккредитация қилинган хорижий (халқаро) кузатувчиларнинг рўйхати МСК нинг расмий веб-сайтида эълон қилинади.

7. Қуйидаги ҳолларда хорижий (халқаро) кузатувчиларни аккредитация қилиш рад этилиши мумкин:

аккредитация учун тақдим этилган ҳужжатлар ушбу Низом талабларига жавоб бермаса;

ҳужжатлар ушбу Низомда белгиланган муддатдан кеч тақдим қилинса;

хорижий (халқаро) кузатувчининг ёки унинг номзодини кўрсатган ташкилотнинг фаолияти миллий қонунчиликка зид бўлса ёки Ўзбекистон Республикасининг суверенитети, хавфсизлиги ва миллий манфаатларига хавф солса.

8. МСК аккредитация қилинган хорижий (халқаро) кузатувчига ушбу Низомнинг 2-иловасидаги намунага мувофиқ мандат беради.

Мандат хорижий (халқаро) кузатувчи сайловга тайёргарлик кўриш ва уни ўтказиш даврида ўз фаолиятини амалга ошириши учун асос ҳисобланади.

8 1 . Хорижий (халқаро) кузатувчиларни аккредитациядан ўтказиш жараёнлари «E-saylov» ахборот тизими орқали амалга оширилиши мумкин.

Хорижий (халқаро) кузатувчиларга мандатлар электрон шаклда «E-saylov» ахборот тизими орқали берилганда мандат МСК раиси томонидан электрон рақамли имзо билан тасдиқланади.

III. Хорижий (халқаро) кузатувчиларнинг ваколатлари ва фаолият кўрсатиш тартиби

9. Хорижий (халқаро) кузатувчилар ўз ваколатлари доирасида қуйидаги ҳуқуқларга эга:

сайлов комиссияларининг мажлисларида ҳозир бўлиш;

номзодлар кўрсатишга бағишланган йиғилишларда, номзодларнинг ва сиёсий партияларнинг сайловчилар билан учрашувларида иштирок этиш;

сайлов участкасида ҳозир бўлиш, тайёргарлик ишларининг боришини, яширин овоз бериш кабиналарининг ёки хоналарининг жойлаштирилишини ва сайлов қутиларининг муҳрланишини, фуқароларнинг рўйхатга олинишини, сайлов бюллетенларининг уларга берилишини кузатиш;

сайлов куни овоз бериш жараёнини кузатиш;

муддатидан олдин овоз беришни ўтказиш вақти ва жойи ҳақида хабардор бўлиш ҳамда ушбу жараённи кузатиш;

сайловчининг турган жойида унинг рухсати билан овоз бериши жараёнини кузатиш;

овозлар санаб чиқилаётганда ва сайлов комиссиясининг баённомаси тузилаётганда ҳозир бўлиш;

сайлов натижалари тўғрисидаги ҳужжатларнинг тегишли сайлов комиссияси томонидан тасдиқланган кўчирма нусхаларини сўраш ва олиш;

кузатув олиб бориш давомида ўзи ёллаган таржимон ҳамроҳлигида бўлиш;

сайлов жараёни ва овоз беришнинг яширинлигини бузмасдан фото, видео, аудио ёзувларни амалга ошириш (қамоқда сақлаш ва озодликдан маҳрум этиш жойлари, ҳарбий қисмлар, даволаш муассасалари бундан мустасно);

кузатув натижалари бўйича оммавий ахборот воситалари вакилларига мурожаат қилиш;

сайловолди ташвиқоти белгилари бўлмаган, фамилияси, исми ва отасининг исми, ўзи вакиллик қилаётган ташкилотнинг номи кўрсатилган кўкрак нишонлари тақиш;

ҳудудий, туман, шаҳар сайлов комиссияси, халқ депутатлари вилоятлар ва Тошкент шаҳар Кенгашларига сайлов ўтказиш бўйича округ сайлов комиссияси (бундан буён матнда округ сайлов комиссиялари деб юритилади) томонидан участка сайлов комиссияларидан овозларни санаб чиқиш натижалари тўғрисидаги баённомаларни қабул қилиб олиш ҳамда ҳудуд (округ) бўйича сайлов натижаларини аниқлаш жараёнида ҳозир бўлиш;

ҳарбий қисмларда, қамоқда сақлаш ва озодликдан маҳрум этиш жойларида тузилган сайлов участкаларига бориши ҳақида камида уч кун олдин тегишли участка сайлов комиссиясини белгиланган тартибда хабардор қилиш;

агар сайлов участкасида сайловга оид қонунчилик ва халқаро нормалар талаблари бузилишига йўл қўйилган деб ҳисоблаш учун асослар бўлса, ўз кузатувлари тўғрисида ушбу участка сайлов комиссияси аъзоларига уларнинг ишига аралашмаган ҳолда маълум қилиш, шунингдек юқори турувчи сайлов комиссияларига хабар бериш;

сайлов тўғрисидаги қонунчилик ҳужжатлари ҳақида ҳамда сайловга тайёргарлик кўриш ва унинг ўтказилиши бўйича ўз фикрини баён қилиш.

Хорижий (халқаро) кузатувчилар қонун ҳужжатларига мувофиқ бошқа ҳуқуқлардан ҳам фойдаланади.

10. Хорижий (халқаро) кузатувчиларнинг мажбуриятлари:

ўз фаолиятида Ўзбекистон Республикаси Конституциясига , қонунларига, жумладан Ўзбекистонда бўлиш қоидаларига, сайловни ташкил этиш ва ўтказиш борасидаги халқаро ҳуқуқнинг умум эътироф этилган нормаларига амал қилиш;

сайлов устидан халқаро кузатувни амалга ошириш борасидаги ўз вазифаларини холислик, сиёсий бетарафлик принципларига амал қилган ҳолда бажариш, сайлов комиссиялари, давлат органлари, мансабдор шахслар, сайлов жараёни иштирокчиларига нисбатан қандай бўлмасин бирон-бир тарзда афзаллик билдиришдан воз кечиш;

барча даражадаги сайлов комиссияларига, давлат ҳокимияти ва бошқарув органларига ҳамда бошқа ташкилотларга кирганида МСК томонидан берилган мандатни шахсини тасдиқловчи ҳужжат билан биргаликда кўрсатиш;

ўз хулосаларини ўтказилган кузатув ва ҳақиқий материаллар билан асослантириш.

11. Хорижий (халқаро) кузатувчиларга қуйидагилар ман этилади:

сайловчи сайлов бюллетенига ўз белгисини қўяётган пайтда яширин овоз бериш кабинасида ёки хонасида бўлиш;

фуқароларга таъсир ўтказиш, бирон бир ташвиқот материалини ёки адабиётини тарқатиш;

сайловчилардан улар қандай овоз берганлигини суриштириш ёки сайловчиларга сайлов бюллетенига белги қўйишда бирон бир тарзда ёрдам кўрсатиш;

сайлов комиссиясининг фаолиятига, шу жумладан сайлов қутиларини муҳрлаш, уларни очиш, овозларни санаб чиқиш жараёнига аралашиш;

бирон бир партия ёки номзодга тегишли рамзий тусдаги белгиларни тақиб ёки олиб юриш;

сайлов куни ва овоз бериш бошланишидан бир кун олдин жамоатчилик фикри сўровлари натижаларини, сайлов натижалари прогнозларини, ўтказилаётган сайлов билан боғлиқ бошқа тадқиқотларни эълон қилиш.

Хорижий (халқаро) кузатувчиларнинг сайловга тайёргарлик кўриш ва уни ўтказиш билан боғлиқ бўлмаган тадбирларда иштирок этиши МСК томонидан олдиндан келишилган ҳолда амалга оширилади.

12. Хорижий (халқаро) кузатувчиларнинг ваколат муддати уларга мандат берилган кундан бошланади ва сайлов якунлари расман эълон қилинган куни тугайди.

МСК томонидан такрорий овоз бериш ёки такрорий сайлов ўтказиш тўғрисида қарор қабул қилинган тақдирда хорижий (халқаро) кузатувчилар мандати тегишли муддатга узайтирилади.

IV. Хорижий (халқаро) кузатувчилар фаолиятининг кафолатлари

13. Хорижий (халқаро) кузатувчилар Ўзбекистон Республикаси ҳудудида бўлиши вақтида Ўзбекистон Республикаси ҳимояси остида бўладилар ва уларнинг қонун ҳужжатларида белгиланган ҳуқуқ ва эркинликлари таъминланади.

14. Ташқи ишлар вазирлиги, МСК, ҳудудий, туман, шаҳар, округ, участка сайлов комиссиялари ўз ваколатлари доирасида хорижий (халқаро) кузатувчилар фаолиятига кўмаклашади.

15. Сайлов комиссиялари хорижий (халқаро) кузатувчини мандати ва шахсини тасдиқловчи ҳужжатига асосан рўйхатга олгандан кейин унга ўз ваколатларини тўлақонли ҳамда тўсқинликсиз амалга ошириши учун шароит яратиб беради.

16. Хорижий (халқаро) кузатувчилар ўз фаолиятларини мустақил равишда амалга оширадилар.

V. Сайлов қонунчилигини ва хорижий (халқаро) кузатувчиларнинг ҳуқуқларини бузганлик учун жавобгарлик

17. Хорижий (халқаро) кузатувчилар мазкур Низомда белгиланган ўз ваколатлари доирасидан четга чиқувчи фаолиятни амалга оширишга, шунингдек сайловга тайёргарлик кўриш, уни ўтказиш ва сайлов кампаниясининг боришини кузатиш билан боғлиқ бўлмаган фаолият билан шуғулланишда ўз мақомидан фойдаланишга ҳақли эмас.

18. Агар хорижий (халқаро) кузатувчи Ўзбекистон Республикаси қонун ҳужжатларининг талабларини, халқаро ҳуқуқнинг умум эътироф этилган қоидалари ва нормаларини бузса, МСК хорижий (халқаро) кузатувчи ваколатларини муддатидан илгари тугатиши мумкин.

19. Хорижий (халқаро) кузатувчиларнинг ҳуқуқларини бузган шахслар белгиланган тартибда жавобгар бўладилар.

VI. Якуний қоида

20. Мазкур Низом Ўзбекистон Республикаси Ташқи ишлар вазирлиги билан келишилган.

Ўзбекистон Республикаси сайловларида хорижий давлатлар ва халқаро ташкилотлардан қатнашадиган кузатувчилар тўғрисидаги Низомга 1-ИЛОВА

Хорижий (халқаро) кузатувчи сифатида аккредитация қилиш учун анкета

Application form for accreditation as a foreign (international) observer

Фамилияси Last name Исми First name Отасининг исми (агар мавжуд бўлса) Middle name (If applicable) Туғилган санаси (кун, ой, йил) Date of birth (day, month, year) Туғилган жойи Place of birth Жинси Gender Male Female Фуқаролиги Nationality Паспорт рақами Passport number Амал қилиш муддати Date of expiry Яшаш манзили Нome address Телефон Mobile Электрон почта манзили E-mail Хорижий (халқаро) кузатувчилик тури Type of role as a foreign (international) observer International and intergovernmental organizations; Election Management Body NGO Other Халқаро ва ҳукуматлараро ташкилотлар номи/ Сайлов бошқарув органлари/ ННТ / бошқа ташкилотлар Name of the International and Intergovernmental Organizations Election Management Body NGO Other OSCE ODIНR, CIS, TurkPA, SCO etc. CEC of Russia, EC of India etc. A-Web, AAEA, IFES, НCCН etc. Please specify Иш жойи Represented Organization Лавозими Title/Position Иш жойи манзили Address of the Organization Иш жойи телефони Work phone Иш жойи электрон почта манзили Work E-mail Хорижий (халқаро) кузатувчилик тажрибаси, шу жумладан Ўзбекистонда (мамлакат, йил, қайси миссия таркибида) Experience from election observation, including in Uzbekistan (country, year, mission) Ўзбекистон Республикасига келиш санаси Date of Arrival in the Republic of Uzbekistan If available Ўзбекистон Республикасидан кетиш санаси Date of Departure from the Republic of Uzbekistan If available By submitting this application, I hereby consent to the collection, processing, recording and use of my personal information for the purpose and duration of the Parliamentary Elections in Uzbekistan

Ўзбекистон Республикаси сайловларида хорижий давлатлар ва халқаро ташкилотлардан қатнашадиган кузатувчилар тўғрисидаги Низомга 1а-ИЛОВА

Ўзбекистон Республикаси сайловларида хорижий давлатлар ва халқаро ташкилотлардан қатнашадиган кузатувчилар тўғрисидаги Низомга 2-ИЛОВА

Хорижий (халқаро) кузатувчи мандатининг

НАМУНАСИ ВА ТАВСИФИ

Ўзбекистон Республикаси Марказий сайлов комиссиясининг 2019 йил 19 сентябрдаги 938-сон қарорига 2-ИЛОВА

Ўзбекистон Республикаси Марказий сайлов комиссиясининг ўз кучини йўқотган деб топилаётган қарорлари

1. Ўзбекистон Республикаси Марказий сайлов комиссиясининг «Ўзбекистон Республикаси Олий Мажлиси депутатлари ва Ўзбекистон Республикаси Президенти сайловларида хорижий давлатлар ва халқаро ташкилотлар кузатувчилари ҳақида Низом» тўғрисида» 1999 йил 9 октябрдаги 35-сон қарори.

2. Ўзбекистон Республикаси Марказий сайлов комиссиясининг «Ўзбекистон Республикаси Олий Мажлиси депутатлари ва Ўзбекистон Республикаси Президенти сайловларида хорижий кузатувчиларнинг гувоҳномаси тўғрисида» 1999 йил 9 ноябрдаги 57/1-сон қарори.

3. Ўзбекистон Республикаси Марказий сайлов комиссиясининг «Ўзбекистон Республикаси Олий Мажлиси сайловини ўтказиш билан боғлиқ Марказий сайлов комиссиясининг низом ва йўриқномалари тўғрисида» 2004 йил 18 сентябрдаги 198-сон қарори 1-банди ва 1-иловаси.

4. Ўзбекистон Республикаси Марказий сайлов комиссиясининг «Марказий сайлов комиссиясининг Ўзбекистон Республикаси Олий Мажлиси сайловини ўтказиш билан боғлиқ норматив-ҳуқуқий ҳужжатлари тўғрисида» 2009 йил 17 сентябрдаги 417-сон қарори 1-банди ва 1-иловаси.

5. Ўзбекистон Республикаси Марказий сайлов комиссиясининг «Ўзбекистон Республикаси Олий Мажлисига сайлов ўтказиш билан боғлиқ норматив-ҳуқуқий ҳужжатларни тасдиқлаш тўғрисида» 2014 йил 11 сентябрдаги 618-сон қарори 1-бандининг олтинчи хатбошиси ва 5-иловаси.

6. Ўзбекистон Республикаси Марказий сайлов комиссиясининг «Ўзбекистон Республикаси Президенти сайловида қатнашадиган халқаро ва хорижий кузатувчилар тўғрисидаги низомни тасдиқлаш ҳақида» 2016 йил 15 сентябрдаги 734-сон қарори.

Раис М. АБДУСАЛОМОВ

Тошкент ш.,

2019 йил 19 сентябрь,

938-сон

lex.uz

Oʻzbekiston Respublikasi Markaziy saylov komissiyasining

Qarori

NIZOM

ROʻYXATI

Oʻzbekiston Respublikasi saylovlarida xorijiy davlatlar va xalqaro tashkilotlardan qatnashadigan kuzatuvchilar toʻgʻrisidagi nizomni tasdiqlash haqida

Oʻzbekiston Respublikasi Saylov kodeksining 14 va 16-moddalariga asosan Oʻzbekiston Respublikasi Markaziy saylov komissiyasi qaror qiladi:

1. Oʻzbekiston Respublikasi saylovlarida xorijiy davlatlar va xalqaro tashkilotlardan qatnashadigan kuzatuvchilar toʻgʻrisidagi nizom 1-ilovaga muvofiq tasdiqlansin.

2. Oʻzbekiston Respublikasi Markaziy saylov komissiyasining ayrim qarorlari 2-ilovaga muvofiq oʻz kuchini yoʻqotgan deb hisoblansin.

3. Ushbu qaror Oʻzbekiston Respublikasi Markaziy saylov komissiyasining rasmiy veb-saytida eʼlon qilinsin.

4. Mazkur qarorning ijrosini nazorat qilish Oʻzbekiston Respublikasi Markaziy saylov komissiyasi raisining oʻrinbosari M. Istamov zimmasiga yuklansin.

Oʻzbekiston Respublikasi Markaziy saylov komissiyasining 2019-yil 19-sentabrdagi 938-son qaroriga 1-ILOVA

Oʻzbekiston Respublikasi saylovlarida xorijiy davlatlar va xalqaro tashkilotlardan qatnashadigan kuzatuvchilar toʻgʻrisida

Mazkur Nizom Oʻzbekiston Respublikasi Saylov kodeksining 8 va 33-moddalari , shuningdek saylovlarni tashkil etish va oʻtkazish borasidagi xalqaro huquqning umum eʼtirof etilgan prinsiplari va normalariga muvofiq ishlab chiqilgan boʻlib, Oʻzbekiston Respublikasi saylovlarida xorijiy davlatlar va xalqaro tashkilotlardan kuzatuvchilar faoliyati tartibini belgilaydi.

I. Umumiy qoidalar

1. Oʻzbekiston Respublikasi saylovlarida xorijiy davlatlar va xalqaro tashkilotlardan kuzatuvchilarning (bundan buyon matnda xorijiy (xalqaro) kuzatuvchilar deb yuritiladi) faoliyati Oʻzbekiston Respublikasining xalqaro shartnomalari, Oʻzbekiston Respublikasining Saylov kodeksi va boshqa qonunchilik hujjatlari, Oʻzbekiston Respublikasi Markaziy saylov komissiyasi (bundan buyon matnda MSK deb yuritiladi) qarorlari hamda ushbu Nizom bilan tartibga solinadi.

2. Oʻzbekiston Respublikasi Saylov kodeksiga muvofiq saylovlarga tayyorgarlik koʻrish va uni oʻtkazishga doir barcha tadbirlarda xorijiy (xalqaro) kuzatuvchilar qatnashish huquqiga ega.

II. Xorijiy (xalqaro) kuzatuvchilarni taklif etish va ularni akkreditatsiya qilish tartibi

3. Saylov kampaniyasi boshlanganligi eʼlon qilinganidan soʻng MSK xorijiy davlatlar saylov organlari va xalqaro tashkilotlarga Tashqi ishlar vazirligi orqali taklifnoma yuboradi.

Tashqi ishlar vazirligi oʻz tashabbusiga koʻra yoki davlat hokimiyati organlari, vazirliklar, idoralar, ilmiy-tadqiqot institutlari, boshqa tashkilot va muassasalar takliflariga koʻra saylovlarga xorijiy (xalqaro) kuzatuvchilarni taklif etadi.

Xorijiy davlatlar va xalqaro tashkilotlar ham saylovlarda xorijiy (xalqaro) kuzatuvchi sifatida ishtirok etish istagini izhor etib, Tashqi ishlar vazirligiga murojaat etishi mumkin.

4. Saylovda xorijiy (xalqaro) kuzatuvchi sifatida ishtirok etish uchun taklif etilgan, shuningdek bunday istakni izhor etgan xorijiy davlatlar, xalqaro tashkilotlar oʻz kuzatuvchilarining roʻyxati, shaxsini tasdiqlovchi hujjatlari nusxalari, elektron fotosuratlari (oq fonda, 3x4 sm oʻlchamda, jpeg formatda, kamida 100 KV hajmda, piksel zichligi 600dri) hamda ushbu Nizomning 1 va 1a-ilovalariga muvofiq anketa va deklaratsiyalarni toʻldirilgan holda Tashqi ishlar vazirligiga taqdim qiladi.

Taqdim etilgan maʼlumotlarning butligi (toʻliqligi) va toʻgʻriligiga taqdim etuvchining oʻzi masʼul hisoblanadi.

5. Xorijiy davlatlar, xalqaro tashkilotlar tegishli hujjatlarni ovoz berish kunidan kamida oʻn kun oldin taqdim etishi lozim.

6. Tashqi ishlar vazirligi tegishli xorijiy davlatlar, xalqaro tashkilotlar kuzatuvchilarining hujjatlarini ilova qilgan holda MSKga taqdimnoma kiritadi. MSK besh kunlik muddatda xorijiy (xalqaro) kuzatuvchilarni akkreditatsiya qilish toʻgʻrisida qaror qabul qiladi.

Akkreditatsiya qilingan xorijiy (xalqaro) kuzatuvchilarning roʻyxati MSK ning rasmiy veb-saytida eʼlon qilinadi.

7. Quyidagi hollarda xorijiy (xalqaro) kuzatuvchilarni akkreditatsiya qilish rad etilishi mumkin:

akkreditatsiya uchun taqdim etilgan hujjatlar ushbu Nizom talablariga javob bermasa;

hujjatlar ushbu Nizomda belgilangan muddatdan kech taqdim qilinsa;

xorijiy (xalqaro) kuzatuvchining yoki uning nomzodini koʻrsatgan tashkilotning faoliyati milliy qonunchilikka zid boʻlsa yoki Oʻzbekiston Respublikasining suvereniteti, xavfsizligi va milliy manfaatlariga xavf solsa.

8. MSK akkreditatsiya qilingan xorijiy (xalqaro) kuzatuvchiga ushbu Nizomning 2-ilovasidagi namunaga muvofiq mandat beradi.

Mandat xorijiy (xalqaro) kuzatuvchi saylovga tayyorgarlik koʻrish va uni oʻtkazish davrida oʻz faoliyatini amalga oshirishi uchun asos hisoblanadi.

8 1 . Xorijiy (xalqaro) kuzatuvchilarni akkreditatsiyadan oʻtkazish jarayonlari “E-saylov” axborot tizimi orqali amalga oshirilishi mumkin.

Xorijiy (xalqaro) kuzatuvchilarga mandatlar elektron shaklda “E-saylov” axborot tizimi orqali berilganda mandat MSK raisi tomonidan elektron raqamli imzo bilan tasdiqlanadi.

III. Xorijiy (xalqaro) kuzatuvchilarning vakolatlari va faoliyat koʻrsatish tartibi

9. Xorijiy (xalqaro) kuzatuvchilar oʻz vakolatlari doirasida quyidagi huquqlarga ega:

saylov komissiyalarining majlislarida hozir boʻlish;

nomzodlar koʻrsatishga bagʻishlangan yigʻilishlarda, nomzodlarning va siyosiy partiyalarning saylovchilar bilan uchrashuvlarida ishtirok etish;

saylov uchastkasida hozir boʻlish, tayyorgarlik ishlarining borishini, yashirin ovoz berish kabinalarining yoki xonalarining joylashtirilishini va saylov qutilarining muhrlanishini, fuqarolarning roʻyxatga olinishini, saylov byulletenlarining ularga berilishini kuzatish;

saylov kuni ovoz berish jarayonini kuzatish;

muddatidan oldin ovoz berishni oʻtkazish vaqti va joyi haqida xabardor boʻlish hamda ushbu jarayonni kuzatish;

saylovchining turgan joyida uning ruxsati bilan ovoz berishi jarayonini kuzatish;

ovozlar sanab chiqilayotganda va saylov komissiyasining bayonnomasi tuzilayotganda hozir boʻlish;

saylov natijalari toʻgʻrisidagi hujjatlarning tegishli saylov komissiyasi tomonidan tasdiqlangan koʻchirma nusxalarini soʻrash va olish;

kuzatuv olib borish davomida oʻzi yollagan tarjimon hamrohligida boʻlish;

saylov jarayoni va ovoz berishning yashirinligini buzmasdan foto, video, audio yozuvlarni amalga oshirish (qamoqda saqlash va ozodlikdan mahrum etish joylari, harbiy qismlar, davolash muassasalari bundan mustasno);

kuzatuv natijalari boʻyicha ommaviy axborot vositalari vakillariga murojaat qilish;

saylovoldi tashviqoti belgilari boʻlmagan, familiyasi, ismi va otasining ismi, oʻzi vakillik qilayotgan tashkilotning nomi koʻrsatilgan koʻkrak nishonlari taqish;

hududiy, tuman, shahar saylov komissiyasi, xalq deputatlari viloyatlar va Toshkent shahar Kengashlariga saylov oʻtkazish boʻyicha okrug saylov komissiyasi (bundan buyon matnda okrug saylov komissiyalari deb yuritiladi) tomonidan uchastka saylov komissiyalaridan ovozlarni sanab chiqish natijalari toʻgʻrisidagi bayonnomalarni qabul qilib olish hamda hudud (okrug) boʻyicha saylov natijalarini aniqlash jarayonida hozir boʻlish;

harbiy qismlarda, qamoqda saqlash va ozodlikdan mahrum etish joylarida tuzilgan saylov uchastkalariga borishi haqida kamida uch kun oldin tegishli uchastka saylov komissiyasini belgilangan tartibda xabardor qilish;

agar saylov uchastkasida saylovga oid qonunchilik va xalqaro normalar talablari buzilishiga yoʻl qoʻyilgan deb hisoblash uchun asoslar boʻlsa, oʻz kuzatuvlari toʻgʻrisida ushbu uchastka saylov komissiyasi aʼzolariga ularning ishiga aralashmagan holda maʼlum qilish, shuningdek yuqori turuvchi saylov komissiyalariga xabar berish;

saylov toʻgʻrisidagi qonunchilik hujjatlari haqida hamda saylovga tayyorgarlik koʻrish va uning oʻtkazilishi boʻyicha oʻz fikrini bayon qilish.

Xorijiy (xalqaro) kuzatuvchilar qonun hujjatlariga muvofiq boshqa huquqlardan ham foydalanadi.

10. Xorijiy (xalqaro) kuzatuvchilarning majburiyatlari:

oʻz faoliyatida Oʻzbekiston Respublikasi Konstitutsiyasiga , qonunlariga, jumladan Oʻzbekistonda boʻlish qoidalariga, saylovni tashkil etish va oʻtkazish borasidagi xalqaro huquqning umum eʼtirof etilgan normalariga amal qilish;

saylov ustidan xalqaro kuzatuvni amalga oshirish borasidagi oʻz vazifalarini xolislik, siyosiy betaraflik prinsiplariga amal qilgan holda bajarish, saylov komissiyalari, davlat organlari, mansabdor shaxslar, saylov jarayoni ishtirokchilariga nisbatan qanday boʻlmasin biron-bir tarzda afzallik bildirishdan voz kechish;

barcha darajadagi saylov komissiyalariga, davlat hokimiyati va boshqaruv organlariga hamda boshqa tashkilotlarga kirganida MSK tomonidan berilgan mandatni shaxsini tasdiqlovchi hujjat bilan birgalikda koʻrsatish;

oʻz xulosalarini oʻtkazilgan kuzatuv va haqiqiy materiallar bilan asoslantirish.

11. Xorijiy (xalqaro) kuzatuvchilarga quyidagilar man etiladi:

saylovchi saylov byulleteniga oʻz belgisini qoʻyayotgan paytda yashirin ovoz berish kabinasida yoki xonasida boʻlish;

fuqarolarga taʼsir oʻtkazish, biron bir tashviqot materialini yoki adabiyotini tarqatish;

saylovchilardan ular qanday ovoz berganligini surishtirish yoki saylovchilarga saylov byulleteniga belgi qoʻyishda biron bir tarzda yordam koʻrsatish;

saylov komissiyasining faoliyatiga, shu jumladan saylov qutilarini muhrlash, ularni ochish, ovozlarni sanab chiqish jarayoniga aralashish;

biron bir partiya yoki nomzodga tegishli ramziy tusdagi belgilarni taqib yoki olib yurish;

saylov kuni va ovoz berish boshlanishidan bir kun oldin jamoatchilik fikri soʻrovlari natijalarini, saylov natijalari prognozlarini, oʻtkazilayotgan saylov bilan bogʻliq boshqa tadqiqotlarni eʼlon qilish.

Xorijiy (xalqaro) kuzatuvchilarning saylovga tayyorgarlik koʻrish va uni oʻtkazish bilan bogʻliq boʻlmagan tadbirlarda ishtirok etishi MSK tomonidan oldindan kelishilgan holda amalga oshiriladi.

12. Xorijiy (xalqaro) kuzatuvchilarning vakolat muddati ularga mandat berilgan kundan boshlanadi va saylov yakunlari rasman eʼlon qilingan kuni tugaydi.

MSK tomonidan takroriy ovoz berish yoki takroriy saylov oʻtkazish toʻgʻrisida qaror qabul qilingan taqdirda xorijiy (xalqaro) kuzatuvchilar mandati tegishli muddatga uzaytiriladi.

IV. Xorijiy (xalqaro) kuzatuvchilar faoliyatining kafolatlari

13. Xorijiy (xalqaro) kuzatuvchilar Oʻzbekiston Respublikasi hududida boʻlishi vaqtida Oʻzbekiston Respublikasi himoyasi ostida boʻladilar va ularning qonun hujjatlarida belgilangan huquq va erkinliklari taʼminlanadi.

14. Tashqi ishlar vazirligi, MSK, hududiy, tuman, shahar, okrug, uchastka saylov komissiyalari oʻz vakolatlari doirasida xorijiy (xalqaro) kuzatuvchilar faoliyatiga koʻmaklashadi.

15. Saylov komissiyalari xorijiy (xalqaro) kuzatuvchini mandati va shaxsini tasdiqlovchi hujjatiga asosan roʻyxatga olgandan keyin unga oʻz vakolatlarini toʻlaqonli hamda toʻsqinliksiz amalga oshirishi uchun sharoit yaratib beradi.

16. Xorijiy (xalqaro) kuzatuvchilar oʻz faoliyatlarini mustaqil ravishda amalga oshiradilar.

V. Saylov qonunchiligini va xorijiy (xalqaro) kuzatuvchilarning huquqlarini buzganlik uchun javobgarlik

17. Xorijiy (xalqaro) kuzatuvchilar mazkur Nizomda belgilangan oʻz vakolatlari doirasidan chetga chiquvchi faoliyatni amalga oshirishga, shuningdek saylovga tayyorgarlik koʻrish, uni oʻtkazish va saylov kampaniyasining borishini kuzatish bilan bogʻliq boʻlmagan faoliyat bilan shugʻullanishda oʻz maqomidan foydalanishga haqli emas.

18. Agar xorijiy (xalqaro) kuzatuvchi Oʻzbekiston Respublikasi qonun hujjatlarining talablarini, xalqaro huquqning umum eʼtirof etilgan qoidalari va normalarini buzsa, MSK xorijiy (xalqaro) kuzatuvchi vakolatlarini muddatidan ilgari tugatishi mumkin.

19. Xorijiy (xalqaro) kuzatuvchilarning huquqlarini buzgan shaxslar belgilangan tartibda javobgar boʻladilar.

VI. Yakuniy qoida

20. Mazkur Nizom Oʻzbekiston Respublikasi Tashqi ishlar vazirligi bilan kelishilgan.

Oʻzbekiston Respublikasi saylovlarida xorijiy davlatlar va xalqaro tashkilotlardan qatnashadigan kuzatuvchilar toʻgʻrisidagi Nizomga 1-ILOVA

Xorijiy (xalqaro) kuzatuvchi sifatida akkreditatsiya qilish uchun anketa

Application form for accreditation as a foreign (international) observer

Familiyasi Last name Ismi First name Otasining ismi (agar mavjud boʻlsa) Middle name (If applicable) Tugʻilgan sanasi (kun, oy, yil) Date of birth (day, month, year) Tugʻilgan joyi Place of birth Jinsi Gender Male Female Fuqaroligi Nationality Pasport raqami Passport number Amal qilish muddati Date of expiry Yashash manzili Nome address Telefon Mobile Elektron pochta manzili E-mail Xorijiy (xalqaro) kuzatuvchilik turi Type of role as a foreign (international) observer International and intergovernmental organizations; Election Management Body NGO Other Xalqaro va hukumatlararo tashkilotlar nomi/ Saylov boshqaruv organlari/ NNT / boshqa tashkilotlar Name of the International and Intergovernmental Organizations Election Management Body NGO Other OSCE ODINR, CIS, TurkPA, SCO etc. CEC of Russia, EC of India etc. A-Web, AAEA, IFES, NCCN etc. Please specify Ish joyi Represented Organization Lavozimi Title/Position Ish joyi manzili Address of the Organization Ish joyi telefoni Work phone Ish joyi elektron pochta manzili Work E-mail Xorijiy (xalqaro) kuzatuvchilik tajribasi, shu jumladan Oʻzbekistonda (mamlakat, yil, qaysi missiya tarkibida) Experience from election observation, including in Uzbekistan (country, year, mission) Oʻzbekiston Respublikasiga kelish sanasi Date of Arrival in the Republic of Uzbekistan If available Oʻzbekiston Respublikasidan ketish sanasi Date of Departure from the Republic of Uzbekistan If available By submitting this application, I hereby consent to the collection, processing, recording and use of my personal information for the purpose and duration of the Parliamentary Elections in Uzbekistan

Oʻzbekiston Respublikasi saylovlarida xorijiy davlatlar va xalqaro tashkilotlardan qatnashadigan kuzatuvchilar toʻgʻrisidagi Nizomga 1a-ILOVA

Oʻzbekiston Respublikasi saylovlarida xorijiy davlatlar va xalqaro tashkilotlardan qatnashadigan kuzatuvchilar toʻgʻrisidagi Nizomga 2-ILOVA

Xorijiy (xalqaro) kuzatuvchi mandatining

NAMUNASI VA TAVSIFI

Oʻzbekiston Respublikasi Markaziy saylov komissiyasining 2019-yil 19-sentabrdagi 938-son qaroriga 2-ILOVA

Oʻzbekiston Respublikasi Markaziy saylov komissiyasining oʻz kuchini yoʻqotgan deb topilayotgan qarorlari

1. Oʻzbekiston Respublikasi Markaziy saylov komissiyasining “Oʻzbekiston Respublikasi Oliy Majlisi deputatlari va Oʻzbekiston Respublikasi Prezidenti saylovlarida xorijiy davlatlar va xalqaro tashkilotlar kuzatuvchilari haqida Nizom” toʻgʻrisida” 1999-yil 9-oktabrdagi 35-son qarori.

2. Oʻzbekiston Respublikasi Markaziy saylov komissiyasining “Oʻzbekiston Respublikasi Oliy Majlisi deputatlari va Oʻzbekiston Respublikasi Prezidenti saylovlarida xorijiy kuzatuvchilarning guvohnomasi toʻgʻrisida” 1999-yil 9-noyabrdagi 57/1-son qarori.

3. Oʻzbekiston Respublikasi Markaziy saylov komissiyasining “Oʻzbekiston Respublikasi Oliy Majlisi saylovini oʻtkazish bilan bogʻliq Markaziy saylov komissiyasining nizom va yoʻriqnomalari toʻgʻrisida” 2004-yil 18-sentabrdagi 198-son qarori 1-bandi va 1-ilovasi.

4. Oʻzbekiston Respublikasi Markaziy saylov komissiyasining “Markaziy saylov komissiyasining Oʻzbekiston Respublikasi Oliy Majlisi saylovini oʻtkazish bilan bogʻliq normativ-huquqiy hujjatlari toʻgʻrisida” 2009-yil 17-sentabrdagi 417-son qarori 1-bandi va 1-ilovasi.

5. Oʻzbekiston Respublikasi Markaziy saylov komissiyasining “Oʻzbekiston Respublikasi Oliy Majlisiga saylov oʻtkazish bilan bogʻliq normativ-huquqiy hujjatlarni tasdiqlash toʻgʻrisida” 2014-yil 11-sentabrdagi 618-son qarori 1-bandining oltinchi xatboshisi va 5-ilovasi.

6. Oʻzbekiston Respublikasi Markaziy saylov komissiyasining “Oʻzbekiston Respublikasi Prezidenti saylovida qatnashadigan xalqaro va xorijiy kuzatuvchilar toʻgʻrisidagi nizomni tasdiqlash haqida” 2016-yil 15-sentabrdagi 734-son qarori.

Rais M. ABDUSALOMOV

Toshkent sh.,

2019-yil 19-sentabr,

938-son

lex.uz

Центральной избирательной комиссии Республики Узбекистан

Постановление

ПОЛОЖЕНИЕ

ОБРАЗЕЦ И ОПИСАНИЕ

ПЕРЕЧЕНЬ

Об утверждении Положения о наблюдателях от иностранных государств и международных организаций, участвующих на выборах Республики Узбекистан

В соответствии со статьями 14 и 16 Избирательного кодекса Республики Узбекистан Центральная избирательная комиссия Республики Узбекистан постановляет:

1. Утвердить Положение о наблюдателях от иностранных государств и международных организаций, участвующих на выборах Республики Узбекистан, согласно приложению № 1 .

2. Признать утратившими силу некоторые акты Центральной избирательной комиссии Республики Узбекистан, согласно приложению № 2 .

3. Опубликовать данное постановление на официальном веб-сайте Центральной избирательной комиссии Республики Узбекистан.

4. Контроль за исполнением данного постановления возложить на заместителя председателя Центральной избирательной комиссии Республики Узбекистан М. Истамова.

ПРИЛОЖЕНИЕ № 1 к Постановлению Центральной избирательной комиссии Республики Узбекистан от 19 сентября 2019 года № 938

о наблюдателях от иностранных государств и международных организаций, участвующих на выборах Республики Узбекистан

Настоящее Положение разработано в соответствии со статьями 8 и 33 Избирательного кодекса Республики Узбекистан, а также общепризнанными принципами и нормами международного права об организации и проведении выборов и определяет порядок деятельности наблюдателей от иностранных государств и международных организаций на выборах Республики Узбекистан.

I. Общие положения

1. Деятельность наблюдателей от иностранных государств и международных организаций (далее — иностранные (международные) наблюдатели) на выборах в Республике Узбекистан регулируется международными договорами Республики Узбекистан, Избирательным кодексом Республики Узбекистан и другими законодательными актами, постановлениями Центральной избирательной комиссии Республики Узбекистан (далее — ЦИК) и настоящим Положением.

2. В соответствии с Избирательным кодексом Республики Узбекистан иностранные (международные) наблюдатели имеют право участвовать во всех мероприятиях по подготовке и проведению выборов.

II. Порядок приглашения иностранных (международных) наблюдателей и их аккредитации

3. После объявления начала избирательной кампании ЦИК через Министерство иностранных дел направляет приглашения избирательным органам иностранных государств и международным организациям.

Министерство иностранных дел приглашает на выборы иностранных (международных) наблюдателей по своей инициативе либо по предложению органов государственной власти, министерств, ведомств, научно-исследовательских институтов, других организаций и учреждений.

Иностранные государства и международные организации также могут обращаться в Министерство иностранных дел, выражая свое желание участвовать в выборах в качестве иностранных (международных) наблюдателей.

4. Иностранные государства, международные организации, приглашенные в качестве иностранных (международных) наблюдателей для участия в выборах, а также изъявившие такое желание представляют в Министерство иностранных дел список своих наблюдателей, копии их документов, удостоверяющих личность, электронные фотографии (на белом фоне, размером 3х4 см, в формате jpg, не менее 100 КВ, размером 600х600px), а также анкеты и декларации заполненные, по форме согласно приложениям № 1 и 1а к настоящему Положению.

За целостность (полноту) и достоверность представленной информации отвечает отправитель.

5. Иностранные государства, международные организации должны представить соответствующие документы не позднее, чем за десять дней до дня голосования.

6. Министерство иностранных дел вносит в ЦИК ходатайство с приложением документов наблюдателей от соответствующих иностранных государств, международных организаций. ЦИК в пятидневный срок принимает постановление об аккредитации иностранных (международных) наблюдателей.

Список аккредитованных иностранных (международных) наблюдателей публикуется на официальном сайте ЦИК.

7. В аккредитации иностранных (международных) наблюдателей может быть отказано в следующих случаях:

несоответствия документов, представленных на аккредитацию, требованиям настоящего Положения;

представления документов позже срока, установленного настоящим Положением;

противоречия национальному законодательству или угрозы суверенитету, безопасности и национальным интересам Республики Узбекистан деятельности иностранного (международного) наблюдателя или представившие его кандидатуру организации.

8. ЦИК аккредитованному иностранному (международному) наблюдателю выдает мандат, в соответствии с образцом, установленным приложением № 2 к настоящему Положению.

Мандат является основанием для осуществления иностранным (международным) наблюдателям своей деятельности в период подготовки и проведения выборов.

8 1 . Процедуры аккредитации иностранных (международных) наблюдателей могут осуществляться посредством информационной системы «E-saylov».

При выдаче мандатов иностранным (международным) наблюдателям в электронном виде посредством информационной системы «E-saylov» мандат заверяется электронной цифровой подписью председателя ЦИК.

III. Полномочия и порядок деятельности иностранных (международных) наблюдателей

9. Иностранные (международные) наблюдатели в пределах своей компетенции имеют право:

присутствовать на заседаниях избирательных комиссий;

участвовать на собраниях по выдвижению кандидатов, встречах кандидатов с избирателями и политическими партиями;

присутствовать на избирательном участке, наблюдать за ходом подготовительной работы, размещением кабин или комнат для тайного голосования и опечатыванием избирательных урн, за регистрацией избирателей, выдачей им избирательных бюллетеней;

наблюдать за процессом голосования в день выборов;

быть информированным о месте и времени проведения досрочного голосования и наблюдать за этим процессом;

осуществлять наблюдение за процессом голосования по месту пребывания избирателя с его согласия;

присутствовать при подсчете голосов и составлении протокола избирательной комиссии;

запрашивать и получать заверенные соответствующей избирательной комиссией копии документов о результатах выборов;

осуществлять наблюдение в сопровождении лично нанятого переводчика;

осуществлять фото-, видеосъемку, аудиозапись, не нарушая избирательного процесса и тайны голосования (кроме мест содержания под стражей и лишения свободы, воинских частей, лечебных учреждений);

обращаться к представителям средств массовой информации по результатам наблюдения;

носить не содержащие признаков предвыборной агитации нагрудные знаки с указанием фамилии, имени и отчества, наименования организации, которую они представляют;

присутствовать при получении территориальными, районными, городскими избирательными комиссиями по выборам в областные и Ташкентский городской Кенгаши народных депутатов, окружными избирательными комиссиями (далее — окружные избирательные комиссии) протоколов от участковых избирательных комиссий о результатах подсчета голосов и в процессе определения результатов выборов по территории (округу);

извещать в установленном порядке соответствующую участковую избирательную комиссию не менее чем за три дня до прибытия на избирательные участки, образованные в воинских частях, местах содержания под стражей и лишения свободы;

сообщать о своих наблюдениях членам участковой избирательной комиссии, не вмешиваясь в их работу, а также информировать вышестоящие избирательные комиссии, если есть основания считать, что на соответствующем избирательном участке были допущены нарушения требований избирательного законодательства и международных норм;

публично излагать свое мнение об избирательном законодательстве и подготовке и проведении выборов.

Иностранные (международные) наблюдатели также пользуются другими правами в соответствии с законодательством.

10. Обязанности иностранных (международных) наблюдателей:

соблюдать в своей деятельности Конституцию, законы Республики Узбекистан, в том числе правила пребывания в Узбекистане, общепризнанные нормы международного права об организации и проведении выборов;

выполнять свои обязанности по проведению международного наблюдения за выборами в соответствии с принципами беспристрастности и политического нейтралитета, отказаться от выражения каких бы то ни было предпочтений по отношению к избирательным комиссиям, государственным органам, должностным лицам, участникам выборов;

предъявлять мандат, выданный ЦИК, вместе с документом, удостоверяющим личность, при посещении избирательных комиссий всех уровней, органов государственной власти и управления и других организаций;

основывать свои заключения проведённым наблюдением и фактическим материалом;

11. Иностранным (международным) наблюдателям запрещается:

находиться в кабине или комнате для тайного голосования, когда избиратель делает свои отметки в избирательном бюллетене;

оказывать влияние на граждан, распространять какие-либо агитационные материалы или литературу;

спрашивать у избирателей как они проголосовали, или оказывать какую-либо помощь избирателям при внесении отметки в избирательный бюллетень;

вмешиваться в деятельность избирательной комиссии, в том числе в опечатывание избирательных урн, их вскрытия, подсчета голосов;

носить символические знаки какой-либо партии или кандидата;

объявлять в день выборов и за день до начала голосования результаты опросов общественного мнения, прогнозов результатов выборов и других исследований, связанных с выборами.

Участие иностранных (международных) наблюдателей в мероприятиях и процессах, не связанных с подготовкой и проведением выборов, осуществляется по предварительному согласованию с ЦИК.

12. Срок полномочий иностранных (международных) наблюдателей начинается со дня выдачи мандата и заканчивается в день официального объявления результатов выборов.

В случае принятия ЦИК решения о проведении повторного голосования или повторных выборов, мандат иностранных (международных) наблюдателей продлевается на соответствующий период.

IV. Гарантии деятельности иностранных (международных) наблюдателей

13. Во время пребывания в Республике Узбекистан иностранные (международные) наблюдатели находятся под защитой Республики Узбекистан и им обеспечивается права и свободы, установленные законодательством.

14. Министерство иностранных дел, ЦИК, территориальные, районные, городские, окружные, участковые избирательные комиссии в пределах своих полномочий оказывают содействие деятельности иностранных (международных) наблюдателей.

15. Избирательные комиссии после регистрации иностранного (международного) наблюдателя на основании его мандата и документа, удостоверяющего личность, создают условия для их полноценного и свободного осуществления своих полномочий.

16. Иностранные (международные) наблюдатели осуществляют свою деятельность независимо.

V. Ответственность за нарушение избирательного законодательства и прав иностранных (международных) наблюдателей

17. Иностранные (международные) наблюдатели не вправе осуществлять деятельность, выходящую за рамки полномочий, определенных настоящим Положением, а также использовать свой статус в осуществлении деятельности, не связанной с наблюдением подготовки, проведения выборов и хода избирательной кампании.

18. Если иностранный (международный) наблюдатель нарушит требования законодательства Республики Узбекистан, общепринятые правила и нормы международного права, ЦИК может досрочно прекратить полномочия иностранного (международного) наблюдателя.

19. Лица, нарушившие права иностранных (международных) наблюдателей, несут ответственность в установленном порядке.

VI. Заключительные положения

20. Настоящее Положение согласовано с Министерством иностранных дел Республики Узбекистан.

ПРИЛОЖЕНИЕ № 1 к Положению о наблюдателях от иностранных государств и международных организаций, участвующих на выборах Республики Узбекистан

Анкета для аккредитации в качестве иностранного (международного) наблюдателя Application form for accreditation as a foreign (international) observer

Фамилия Last name Имя First name Отчество (если есть) Middle name (If applicable) Дата рождения (день, месяц, год) Date of birth (day, month, year) Место рождения Place of birth Пол Gender Male Female Гражданство Nationality Номер паспорта Passport number Срок действия Date of expiry Место жительства Home address Телефон Mobile Электронная почта E-mail Тип иностранного (международного) наблюдения Type of role as a foreign (international) observer International and intergovernmental organizations; Election Management Body NGO Other Название международных и межправительственных организаций/ Избирательные органы / НПО / Другие организации Name of the International and Intergovernmental Organizations Election Management Body NGO Other OSCE ODIHR, CIS, TurkPA, SCO etc. CEC of Russia, EC of India etc. A-Web, AAEA, IFES, HCCH etc. Please specify Место работы Represented Organization Должность Title/Position Адрес места работы Address of the Organization рабочий телефон Work phone Электронная почта места работы Work E-mail Опыт зарубежных (международных) наблюдений, в том числе в Узбекистане (страна, год, в составе какой миссии) Experience from election observation, including in Uzbekistan (country, year, mission) Дата прибытия в Республику Узбекистан Date of Arrival in the Republic of Uzbekistan If available Дата выезда из Республики Узбекистан Date of Departure from the Republic of Uzbekistan If available By submitting this application, I hereby consent to the collection, processing, recording and use of my personal information for the purpose and duration of the Parliamentary Elections in Uzbekistan

ПРИЛОЖЕНИЕ № 1а к Положению о наблюдателях от иностранных государств и международных организаций, участвующих на выборах Республики Узбекистан

ПРИЛОЖЕНИЕ № 2 к Положению о наблюдателях от иностранных государств и международных организаций, участвующих на выборах Республики Узбекистан

мандата иностранного (международного) наблюдателя

ПРИЛОЖЕНИЕ № 2 к Постановлению Центральной избирательной комиссии Республики Узбекистан от 19 сентября 2019 года № 938

некоторых актов Центральной избирательной комиссии Республики Узбекистан, признаваемых утратившими силу

1. Постановление Центральной избирательной комиссии Республики Узбекистан от 9 октября 1999 года № 35 «Положение о наблюдателях от иностранных государств и международных организаций на выборах Президента Республики Узбекистан и депутатов Олий Мажлиса Республики Узбекистан».

2. Постановление Центральной избирательной комиссии Республики Узбекистан от 9 ноября 1999 года № 57/1 «Об удостоверении наблюдателей от иностранных государств и международных организаций на выборах Президента Республики Узбекистан и депутатов Олий Мажлиса Республики Узбекистан».

3. Пункт 1 постановления Центральной избирательной комиссии Республики Узбекистан от 18 сентября 2004 года № 198 «О положениях и инструкциях Центральной избирательной комиссии, связанных с проведением выборов в Олий Мажлис Республики Узбекистан», а также приложение № 1 к нему.

4. Пункт 1 постановления Центральной избирательной комиссии Республики Узбекистан от 17 сентября 2009 года № 417 «О нормативно-правовых актах Центральной избирательной комиссии, связанных с проведением выборов в Олий Мажлис Республики Узбекистан», а также приложение № 1 к нему.

5. Абзац шестой пункта 1 постановления Центральной избирательной комиссии Республики Узбекистан от 11 сентября 2014 года № 618 «Об утверждении нормативно-правовых актов связанных с проведением выборов в Олий Мажлис Республики Узбекистан», а также приложение № 5 к нему.

6. Постановление Центральной избирательной комиссии Республики Узбекистан от 15 сентября 2016 года № 734 «Об утверждении Положения о международных и иностранных наблюдателях, участвующих в выборах Президента Республики Узбекистан».

Председатель М. АБДУСАЛОМОВ

г. Ташкент,

19 сентября 2019 г.,

№ 938

lex.uz