📅 2019-yil 8-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 8 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 октября 2019 г. · Постановления Президента
Официальный текст. Официальный документ. Редакционные примечания не включены.
📅 8 October 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Товар-хом ашё биржалари фаолияти самарадорлигини ошириш ва биржа савдоси механизмларини янада такомиллаштириш чоралари тўғрисида
[Кўчирма]
Мамлакатимизда иқтисодиётни либераллаштириш ва маъмурий тартибга солишни қисқартириш, юқори ликвидли ва монопол маҳсулотларни реализация қилишда бозор механизмларини ҳамда биржа савдоларида шаффофлик даражасини ошириш ва соғлом рақобат муҳитини ривожлантириш учун биржа фаолиятига замонавий ахборот-коммуникация технологияларини жорий этиш бўйича изчил чоралар қабул қилинмоқда.
Шу билан бирга, юқори ликвидли ва монопол маҳсулотларга нарх шакллантиришнинг бозор механизмларини яратиш ва биржа фаолиятини янада ривожлантириш учун фақат биржа савдолари орқали сотиладиган товарлар рўйхатини кенгайтириш, биржа савдоларининг динамикасини таъминловчи янги савдо инструментларини жорий қилиш лозим.
Мулкчилик шаклидан қатъи назар, барча хўжалик юритувчи субъектлар учун юқори ликвидли ва монопол маҳсулотларни сотиб олишда тенг шароитлар яратиш ҳамда республикада биржа савдосини фаоллаштириш мақсадида:
1. 2020 йил 1 январдан бошлаб шундай тартиб белгилансинки, унга кўра:
устав фонди (капитали)да давлат улуши 50 фоиз ва ундан ортиқ бўлган юридик шахслар ёки устав фонди (капитали)нинг 50 фоизи ва ундан ортиғи 50 фоиз ва ундан ортиқ миқдорда давлат улушига эга юридик шахсга тегишли бўлган юридик шахслар (кейинги ўринларда — давлат улуши мавжуд ташкилотлар) томонидан ишлаб чиқариладиган юқори ликвидли ва монопол маҳсулотларнинг бир қисми Ўзбекистон Республикаси Инвестициялар ва ташқи савдо вазирлиги томонидан ўрнатиладиган квоталар бўйича фақат биржа савдолари орқали экспорт қилинади;
монополист корхоналар ва давлат улуши мавжуд ташкилотлар томонидан техник мой, омухта-ем, хўжалик совуни, нефть эриткичи, нефть парафини ва мис купороси ички бозорда фақат биржа савдолари орқали бозор тамойиллари асосида барча тоифадаги харидорларга биржа савдоларида қатнашиш имконияти тенг таъминланган ҳолда реализация қилинади;
маҳаллий корхоналар томонидан ишлаб чиқарилган шакар ички бозорда фақат биржа савдолари орқали бозор тамойиллари асосида барча тоифадаги харидорларга биржа савдоларида қатнашиш имконияти тенг таъминланган ҳолда реализация қилинади, республиканинг олис ва етиб бориш қийин бўлган ҳудудларида жойлашган истеъмолчиларга тўғридан-тўғри шартнома асосида ўз савдо тармоқлари орқали сотиладиган, умумий ишлаб чиқариш ҳажмининг 10 фоизидан ошмайдиган ҳажми бундан мустасно;
монополист корхоналар ва давлат улуши мавжуд ташкилотлар томонидан иситиш ёқилғиси, ёқиш мазути, суюлтирилган газ ва нефть битуми фақат биржа савдолари орқали бозор тамойиллари асосида барча тоифадаги харидорларга биржа савдоларида қатнашиш имконияти тенг таъминланган ҳолда реализация қилинади, махсус истеъмолчиларга ўрнатилган тартибда тўғридан-тўғри шартномалар орқали сотиладиган ҳажмлар бундан мустасно;
биржа савдоларига қўйилиши лозим бўлган, монополист корхоналар ва давлат улуши мавжуд ташкилотлар томонидан ички бозорда тўғридан-тўғри шартномалар орқали реализация қилинадиган юқори ликвидли ва монопол маҳсулот сотувчилар томонидан мажбурий тартибда товар-хом ашё биржаларида ҳисобга қўйилади ва ушбу маълумотлар тегишинча шартнома тузилган ва мажбуриятлар бажарилган вақтдан бошлаб уч кун муддатда биржанинг расмий веб-сайтида жойлаштирилади;
товар-хом ашё биржаларида томонларнинг келишувига мувофиқ биржа савдолари қоидалари асосида чет эл валютасида импорт битимлари тузилиши мумкин. Бунда, тузилган шартномалар бўйича маълумотлар товар-хом ашё биржалари томонидан Валюта операцияларининг ягона электрон ахборот тизимига киритилади.
2. Ўзбекистон Республикаси Иқтисодиёт ва саноат вазирлиги Молия вазирлиги ва Монополияга қарши курашиш қўмитаси билан биргаликда 2019 йил 1 ноябрга қадар юқори ликвидли ва монопол маҳсулотларни товар-хом ашё биржаларининг биржа савдоларида, шу жумладан биржа товарларини 1 ойдан ортиқ муддатга кечиктириб етказиб бериш шарти билан олди-сотди битими (форвардлар) тузиш орқали реализация қилиш тартибини назарда тутувчи ҳукумат қарори лойиҳасини Вазирлар Маҳкамасига киритсин.
3. Белгилаб қўйилсинки, юқори ликвидли ва монопол маҳсулотларни биржа савдоларига қўйиш жадваллари монополист корхоналар ва давлат улуши мавжуд ташкилотлар томонидан товар-хом ашё биржаларининг расмий веб-сайтларига, зарур ҳолларда, ҳар ойда янгиланган тарзда жойлаштирилади.
Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси юқори ликвидли ва монопол маҳсулотларни биржа савдоларига ўрнатилган тартибда қўйиб борилиши устидан назоратни таъминласин.
4. Биржада камида 100 та сотилган (бепул тақдим этилган) брокерлик ўринлари мавжудлиги ва биржа фаолиятини амалга оширишда товар-хом ашё биржалари раҳбарлари малака талабларига мувофиқлиги тўғрисидаги шартлар ва талаблар бекор қилинсин.
6. Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасига:
Вазирлар Маҳкамаси билан келишилган ҳолда монополист корхоналар томонидан юқори ликвидли ва монопол турдаги маҳсулотларни биржа савдоларига мажбурий қўйиш бўйича қарорлар қабул қилиш;
биржа савдолари қатнашчилари доирасини чегаралаб қўйишнинг олдини олиш учун биржа савдоларига қўйиладиган юқори ликвидли ва монопол маҳсулотларнинг битта лот бўйича максимал ҳажмини қайта кўриб чиқиш юзасидан товар-хом ашё биржаларига кўрсатмалар бериш ҳуқуқи тақдим этилсин.
7. Ўзбекистон Республикаси Президентининг айрим қарорларига иловага мувофиқ ўзгартиришлар киритилсин.
8. Монополияга қарши курашиш қўмитаси бошқа манфаатдор вазирлик ва идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
9. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси Р.А. Ғуломов ва Ўзбекистон Республикаси Бош вазири ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2019 йил 8 октябрдаги ПҚ-4484-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2017 йил 14 ноябрдаги «Ёқилғи-энергетика ресурслари ҳамда бошқа юқори ликвидли маҳсулотлар билан таъминлаш борасида рақобат муҳитини такомиллаштириш, суиистеъмолчиликлар ва талон-торожликлар шароитини тугатиш, тўлов интизомини мустаҳкамлаш, дебиторлик ва кредиторлик қарзларини камайтириш чора-тадбирлари тўғрисида»ги ПҚ-3386-сон қарорида :
1-банднинг «б» кичик банди қуйидаги таҳрирда баён этилсин:
«б) Монополист корхоналар ҳамда устав фондида (капиталида) давлат улуши 50 фоиз ва ундан ортиқ бўлган юридик шахслар ёки устав фондининг (капиталининг) 50 фоизи ва ундан ортиғи 50 фоиз ва ундан ортиқ миқдорда давлат улушига эга юридик шахсга тегишли бўлган юридик шахслар томонидан ички бозорда фақат биржа савдолари орқали бозор тамойиллари асосида сотиладиган юқори ликвидли ва монопол турдаги маҳсулотлар, хом ашё ва материалларнинг рўйхатини иловага мувофиқ тасдиқлаш тўғрисидаги»;
илованинг рус тилидаги матни қуйидаги таҳрирда баён этилсин:
«ПРИЛОЖЕНИЕ к постановлению Президента Республики Узбекистан от 14 ноября 2017 года № ПП-3386
ПЕРЕЧЕНЬ высоколиквидных и монопольных видов продукции, сырья и материалов, реализуемых на внутреннем рынке предприятиями-монополистами и юридическими лицами с долей государства в уставном фонде (капитале) в размере 50 процентов и более или юридическими лицами, в уставном фонде (капитале) которых 50 процентов и более принадлежит юридическому лицу с долей государства 50 процентов и более, на основе рыночных принципов исключительно через биржевые торги
1. Бензин автомобильный
2. Бензин экстракционный
3. Дизельное топливо
4. Керосин технический
5. Полипропилен
6. Полиэтилен
7. Сера техническая
8. Уголь
9. Минеральные удобрения
10. Сода кальцинированная
11. Медь катодная
12. Медная катанка
13. Алюминий вторичный
14. Прокат черных металлов
15. Цинк металлический
16. Цемент
17. Цементный клинкер
18. Стекло строительное
19. Сахар
20. Пшеница
21. Ячмень
22. Хлопок-волокно
23. Хлопковый линт
24. Масло растительное (хлопковое)
25. Шелуха хлопковых семян
26. Шрот хлопковых семян
27. Технические хлопковые семена
28. Технические масла
29. Печное топливо
30. Мука пшеничная*
31. Комбикорма
32. Топочный мазут
33. Сжиженный газ
34. Хозяйственное мыло
35. Нефтяной растворитель
36. Нефтяной парафин
37. Нефтяной битум
38. Медный купорос
2. Ўзбекистон Республикаси Президентининг 2018 йил 17 январдаги «Мамлакат иқтисодиётининг тармоқларини талаб юқори бўлган маҳсулот ва хом ашё турлари билан барқарор таъминлаш чора-тадбирлари тўғрисида»ги ПҚ-3479-сон қарорида :
1-банд қуйидаги таҳрирда баён этилсин:
«1. Ўзбекистон Республикаси Президентининг 2017 йил 14 ноябрдаги «Ёқилғи-энергетика ресурслари ҳамда бошқа юқори ликвидли маҳсулотлар билан таъминлаш борасида рақобат муҳитини такомиллаштириш, суиистеъмолчиликлар ва талон-торожликлар шароитини тугатиш, тўлов интизомини мустаҳкамлаш, дебиторлик ва кредиторлик қарзларини камайтириш чора-тадбирлари тўғрисида»ги ПҚ-3386-сон қарорига мувофиқ Монополист корхоналар ҳамда устав фондида (капиталида) давлат улуши 50 фоиз ва ундан ортиқ бўлган юридик шахслар ёки устав фондининг (капиталининг) 50 фоизи ва ундан ортиғи 50 фоиз ва ундан ортиқ миқдорда давлат улушига эга юридик шахсга тегишли бўлган юридик шахслар томонидан ички бозорда фақат биржа савдолари орқали бозор тамойиллари асосида сотиладиган юқори ликвидли ва монопол турдаги маҳсулотлар, хом ашё ва материалларнинг рўйхати тасдиқланганлиги маълумот учун қабул қилинсин»;
2-банд «а» кичик бандининг учинчи хатбошиси қуйидаги таҳрирда баён этилсин:
«техник чигит — мулкчилик шаклидан қатъи назар пахта чигитини қайта ишлаш бўйича ишлаб чиқариш қувватига ва тегишли (мувофиқлик ва гигиеник) сертификатларга эга бўлган маҳаллий корхоналарга. Бунда тегишли (мувофиқлик ва гигиеник) сертификатларни олиш учун техник чигит мулкчилик шаклидан қатъи назар маҳаллий корхоналарга 5 тоннагача ҳажмда сотилади, сотиб олинган пахта чигитини қайта сотиш эса фақат биржа савдолари орқали амалга оширилади».
3. Ўзбекистон Республикаси Президентининг 2018 йил 19 январдаги «Ёғ-мой тармоғини жадал ривожлантириш чора-тадбирлари тўғрисида»ги ПҚ-3484-сон қарори 3-бандининг учинчи хатбошиси қуйидаги таҳрирда баён этилсин:
«кейинчалик саноатда қайта ишлаш учун мўлжалланган экстрактли пахта ёғи биржа савдолари орқали мулкчилик шаклидан қатъи назар экстрактли пахта ёғини қайта ишлаш бўйича ишлаб чиқариш қувватларига ва тегишли (мувофиқлик ва гигиеник) сертификатларга эга бўлган маҳаллий корхоналарга сотилиши ҳақидаги тартибни белгилаш тўғрисидаги таклифларига розилик берилсин. Бунда тегишли (мувофиқлик ва гигиеник) сертификатларни олиш учун экстрактли пахта ёғи мулкчилик шаклидан қатъи назар маҳаллий корхоналарга 1 тоннагача ҳажмда сотилади, сотиб олинган экстрактли пахта ёғини қайта сотиш эса фақат биржа савдолари орқали амалга оширилади».
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 8 октябрь,
ПҚ-4484-сон
Oʻzbekiston Respublikasi Prezidentining
Qarori
Tovar-xom ashyo birjalari faoliyati samaradorligini oshirish va birja savdosi mexanizmlarini yanada takomillashtirish choralari toʻgʻrisida
[Koʻchirma]
Mamlakatimizda iqtisodiyotni liberallashtirish va maʼmuriy tartibga solishni qisqartirish, yuqori likvidli va monopol mahsulotlarni realizatsiya qilishda bozor mexanizmlarini hamda birja savdolarida shaffoflik darajasini oshirish va sogʻlom raqobat muhitini rivojlantirish uchun birja faoliyatiga zamonaviy axborot-kommunikatsiya texnologiyalarini joriy etish boʻyicha izchil choralar qabul qilinmoqda.
Shu bilan birga, yuqori likvidli va monopol mahsulotlarga narx shakllantirishning bozor mexanizmlarini yaratish va birja faoliyatini yanada rivojlantirish uchun faqat birja savdolari orqali sotiladigan tovarlar roʻyxatini kengaytirish, birja savdolarining dinamikasini taʼminlovchi yangi savdo instrumentlarini joriy qilish lozim.
Mulkchilik shaklidan qatʼi nazar, barcha xoʻjalik yurituvchi subyektlar uchun yuqori likvidli va monopol mahsulotlarni sotib olishda teng sharoitlar yaratish hamda respublikada birja savdosini faollashtirish maqsadida:
1. 2020-yil 1-yanvardan boshlab shunday tartib belgilansinki, unga koʻra:
ustav fondi (kapitali)da davlat ulushi 50 foiz va undan ortiq boʻlgan yuridik shaxslar yoki ustav fondi (kapitali)ning 50 foizi va undan ortigʻi 50 foiz va undan ortiq miqdorda davlat ulushiga ega yuridik shaxsga tegishli boʻlgan yuridik shaxslar (keyingi oʻrinlarda — davlat ulushi mavjud tashkilotlar) tomonidan ishlab chiqariladigan yuqori likvidli va monopol mahsulotlarning bir qismi Oʻzbekiston Respublikasi Investitsiyalar va tashqi savdo vazirligi tomonidan oʻrnatiladigan kvotalar boʻyicha faqat birja savdolari orqali eksport qilinadi;
monopolist korxonalar va davlat ulushi mavjud tashkilotlar tomonidan texnik moy, omuxta-yem, xoʻjalik sovuni, neft eritkichi, neft parafini va mis kuporosi ichki bozorda faqat birja savdolari orqali bozor tamoyillari asosida barcha toifadagi xaridorlarga birja savdolarida qatnashish imkoniyati teng taʼminlangan holda realizatsiya qilinadi;
mahalliy korxonalar tomonidan ishlab chiqarilgan shakar ichki bozorda faqat birja savdolari orqali bozor tamoyillari asosida barcha toifadagi xaridorlarga birja savdolarida qatnashish imkoniyati teng taʼminlangan holda realizatsiya qilinadi, respublikaning olis va yetib borish qiyin boʻlgan hududlarida joylashgan isteʼmolchilarga toʻgʻridan-toʻgʻri shartnoma asosida oʻz savdo tarmoqlari orqali sotiladigan, umumiy ishlab chiqarish hajmining 10 foizidan oshmaydigan hajmi bundan mustasno;
monopolist korxonalar va davlat ulushi mavjud tashkilotlar tomonidan isitish yoqilgʻisi, yoqish mazuti, suyultirilgan gaz va neft bitumi faqat birja savdolari orqali bozor tamoyillari asosida barcha toifadagi xaridorlarga birja savdolarida qatnashish imkoniyati teng taʼminlangan holda realizatsiya qilinadi, maxsus isteʼmolchilarga oʻrnatilgan tartibda toʻgʻridan-toʻgʻri shartnomalar orqali sotiladigan hajmlar bundan mustasno;
birja savdolariga qoʻyilishi lozim boʻlgan, monopolist korxonalar va davlat ulushi mavjud tashkilotlar tomonidan ichki bozorda toʻgʻridan-toʻgʻri shartnomalar orqali realizatsiya qilinadigan yuqori likvidli va monopol mahsulot sotuvchilar tomonidan majburiy tartibda tovar-xom ashyo birjalarida hisobga qoʻyiladi va ushbu maʼlumotlar tegishincha shartnoma tuzilgan va majburiyatlar bajarilgan vaqtdan boshlab uch kun muddatda birjaning rasmiy veb-saytida joylashtiriladi;
tovar-xom ashyo birjalarida tomonlarning kelishuviga muvofiq birja savdolari qoidalari asosida chet el valyutasida import bitimlari tuzilishi mumkin. Bunda, tuzilgan shartnomalar boʻyicha maʼlumotlar tovar-xom ashyo birjalari tomonidan Valyuta operatsiyalarining yagona elektron axborot tizimiga kiritiladi.
2. Oʻzbekiston Respublikasi Iqtisodiyot va sanoat vazirligi Moliya vazirligi va Monopoliyaga qarshi kurashish qoʻmitasi bilan birgalikda 2019-yil 1-noyabrga qadar yuqori likvidli va monopol mahsulotlarni tovar-xom ashyo birjalarining birja savdolarida, shu jumladan birja tovarlarini 1 oydan ortiq muddatga kechiktirib yetkazib berish sharti bilan oldi-sotdi bitimi (forvardlar) tuzish orqali realizatsiya qilish tartibini nazarda tutuvchi hukumat qarori loyihasini Vazirlar Mahkamasiga kiritsin.
3. Belgilab qoʻyilsinki, yuqori likvidli va monopol mahsulotlarni birja savdolariga qoʻyish jadvallari monopolist korxonalar va davlat ulushi mavjud tashkilotlar tomonidan tovar-xom ashyo birjalarining rasmiy veb-saytlariga, zarur hollarda, har oyda yangilangan tarzda joylashtiriladi.
Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi yuqori likvidli va monopol mahsulotlarni birja savdolariga oʻrnatilgan tartibda qoʻyib borilishi ustidan nazoratni taʼminlasin.
4. Birjada kamida 100 ta sotilgan (bepul taqdim etilgan) brokerlik oʻrinlari mavjudligi va birja faoliyatini amalga oshirishda tovar-xom ashyo birjalari rahbarlari malaka talablariga muvofiqligi toʻgʻrisidagi shartlar va talablar bekor qilinsin.
6. Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasiga:
Vazirlar Mahkamasi bilan kelishilgan holda monopolist korxonalar tomonidan yuqori likvidli va monopol turdagi mahsulotlarni birja savdolariga majburiy qoʻyish boʻyicha qarorlar qabul qilish;
birja savdolari qatnashchilari doirasini chegaralab qoʻyishning oldini olish uchun birja savdolariga qoʻyiladigan yuqori likvidli va monopol mahsulotlarning bitta lot boʻyicha maksimal hajmini qayta koʻrib chiqish yuzasidan tovar-xom ashyo birjalariga koʻrsatmalar berish huquqi taqdim etilsin.
7. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar kiritilsin.
8. Monopoliyaga qarshi kurashish qoʻmitasi boshqa manfaatdor vazirlik va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
9. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi R.A. Gʻulomov va Oʻzbekiston Respublikasi Bosh vaziri oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2019-yil 8-oktabrdagi PQ-4484-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2017-yil 14-noyabrdagi “Yoqilgʻi-energetika resurslari hamda boshqa yuqori likvidli mahsulotlar bilan taʼminlash borasida raqobat muhitini takomillashtirish, suiisteʼmolchiliklar va talon-torojliklar sharoitini tugatish, toʻlov intizomini mustahkamlash, debitorlik va kreditorlik qarzlarini kamaytirish chora-tadbirlari toʻgʻrisida”gi PQ-3386-son qarorida :
1-bandning “b” kichik bandi quyidagi tahrirda bayon etilsin:
“b) Monopolist korxonalar hamda ustav fondida (kapitalida) davlat ulushi 50 foiz va undan ortiq boʻlgan yuridik shaxslar yoki ustav fondining (kapitalining) 50 foizi va undan ortigʻi 50 foiz va undan ortiq miqdorda davlat ulushiga ega yuridik shaxsga tegishli boʻlgan yuridik shaxslar tomonidan ichki bozorda faqat birja savdolari orqali bozor tamoyillari asosida sotiladigan yuqori likvidli va monopol turdagi mahsulotlar, xom ashyo va materiallarning roʻyxatini ilovaga muvofiq tasdiqlash toʻgʻrisidagi”;
ilovaning rus tilidagi matni quyidagi tahrirda bayon etilsin:
“PRILOJENIYE k postanovleniyu Prezidenta Respubliki Uzbekistan ot 14-noyabrya 2017 goda № PP-3386
PERECHEN visokolikvidnix i monopolnix vidov produksii, sirya i materialov, realizuyemix na vnutrennem rinke predpriyatiyami-monopolistami i yuridicheskimi litsami s doley gosudarstva v ustavnom fonde (kapitale) v razmere 50 protsentov i boleye ili yuridicheskimi litsami, v ustavnom fonde (kapitale) kotorix 50 protsentov i boleye prinadlejit yuridicheskomu litsu s doley gosudarstva 50 protsentov i boleye, na osnove rinochnix prinsipov isklyuchitelno cherez birjevie torgi
1. Benzin avtomobilniy
2. Benzin ekstraksionniy
3. Dizelnoye toplivo
4. Kerosin texnicheskiy
5. Polipropilen
6. Polietilen
7. Sera texnicheskaya
8. Ugol
9. Mineralnie udobreniya
10. Soda kalsinirovannaya
11. Med katodnaya
12. Mednaya katanka
13. Aluminiy vtorichniy
14. Prokat chernix metallov
15. Sink metallicheskiy
16. Sement
17. Sementniy klinker
18. Steklo stroitelnoye
19. Saxar
20. Pshenitsa
21. Yachmen
22. Xlopok-volokno
23. Xlopkoviy lint
24. Maslo rastitelnoye (xlopkovoye)
25. Sheluxa xlopkovix semyan
26. Shrot xlopkovix semyan
27. Texnicheskiye xlopkovie semena
28. Texnicheskiye masla
29. Pechnoye toplivo
30. Muka pshenichnaya*
31. Kombikorma
32. Topochniy mazut
33. Sjijenniy gaz
34. Xozyaystvennoye milo
35. Neftyanoy rastvoritel
36. Neftyanoy parafin
37. Neftyanoy bitum
38. Medniy kuporos
2. Oʻzbekiston Respublikasi Prezidentining 2018-yil 17-yanvardagi “Mamlakat iqtisodiyotining tarmoqlarini talab yuqori boʻlgan mahsulot va xom ashyo turlari bilan barqaror taʼminlash chora-tadbirlari toʻgʻrisida”gi PQ-3479-son qarorida :
1-band quyidagi tahrirda bayon etilsin:
“1. Oʻzbekiston Respublikasi Prezidentining 2017-yil 14-noyabrdagi “Yoqilgʻi-energetika resurslari hamda boshqa yuqori likvidli mahsulotlar bilan taʼminlash borasida raqobat muhitini takomillashtirish, suiisteʼmolchiliklar va talon-torojliklar sharoitini tugatish, toʻlov intizomini mustahkamlash, debitorlik va kreditorlik qarzlarini kamaytirish chora-tadbirlari toʻgʻrisida”gi PQ-3386-son qaroriga muvofiq Monopolist korxonalar hamda ustav fondida (kapitalida) davlat ulushi 50 foiz va undan ortiq boʻlgan yuridik shaxslar yoki ustav fondining (kapitalining) 50 foizi va undan ortigʻi 50 foiz va undan ortiq miqdorda davlat ulushiga ega yuridik shaxsga tegishli boʻlgan yuridik shaxslar tomonidan ichki bozorda faqat birja savdolari orqali bozor tamoyillari asosida sotiladigan yuqori likvidli va monopol turdagi mahsulotlar, xom ashyo va materiallarning roʻyxati tasdiqlanganligi maʼlumot uchun qabul qilinsin”;
2-band “a” kichik bandining uchinchi xatboshisi quyidagi tahrirda bayon etilsin:
“texnik chigit — mulkchilik shaklidan qatʼi nazar paxta chigitini qayta ishlash boʻyicha ishlab chiqarish quvvatiga va tegishli (muvofiqlik va gigiyenik) sertifikatlarga ega boʻlgan mahalliy korxonalarga. Bunda tegishli (muvofiqlik va gigiyenik) sertifikatlarni olish uchun texnik chigit mulkchilik shaklidan qatʼi nazar mahalliy korxonalarga 5 tonnagacha hajmda sotiladi, sotib olingan paxta chigitini qayta sotish esa faqat birja savdolari orqali amalga oshiriladi”.
3. Oʻzbekiston Respublikasi Prezidentining 2018-yil 19-yanvardagi “Yogʻ-moy tarmogʻini jadal rivojlantirish chora-tadbirlari toʻgʻrisida”gi PQ-3484-son qarori 3-bandining uchinchi xatboshisi quyidagi tahrirda bayon etilsin:
“keyinchalik sanoatda qayta ishlash uchun moʻljallangan ekstraktli paxta yogʻi birja savdolari orqali mulkchilik shaklidan qatʼi nazar ekstraktli paxta yogʻini qayta ishlash boʻyicha ishlab chiqarish quvvatlariga va tegishli (muvofiqlik va gigiyenik) sertifikatlarga ega boʻlgan mahalliy korxonalarga sotilishi haqidagi tartibni belgilash toʻgʻrisidagi takliflariga rozilik berilsin. Bunda tegishli (muvofiqlik va gigiyenik) sertifikatlarni olish uchun ekstraktli paxta yogʻi mulkchilik shaklidan qatʼi nazar mahalliy korxonalarga 1 tonnagacha hajmda sotiladi, sotib olingan ekstraktli paxta yogʻini qayta sotish esa faqat birja savdolari orqali amalga oshiriladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 8-oktabr,
PQ-4484-son
Президента Республики Узбекистан
Постановление
О мерах по повышению эффективности деятельности товарно-сырьевых бирж и дальнейшему совершенствованию механизмов биржевой торговли
[Извлечение]
В стране принимаются последовательные меры по либерализации экономики и сокращению административного регулирования, внедрению рыночных механизмов в реализацию высоколиквидной и монопольной продукции, а также передовых информационно-коммуникационных технологий в биржевую деятельность для повышения уровня прозрачности биржевых торгов и развития здоровой конкурентной среды.
Вместе с тем для дальнейшего развития биржевой деятельности и формирования рыночных механизмов ценообразования на высоколиквидную и монопольную продукцию необходимо расширение перечня товаров, реализуемых исключительно через биржевые торги, внедрение новых инструментов торговли, обеспечивающих динамичность биржевых торгов.
В целях создания равных условий для доступа к высоколиквидной и монопольной продукции всех хозяйствующих субъектов, независимо от форм собственности, а также активизации биржевой торговли в республике:
1. Определить порядок, в соответствии с которым с 1 января 2020 года:
часть высоколиквидной и монопольной продукции, производимой юридическими лицами с долей государства в уставном фонде (капитале) в размере 50 процентов и более или юридическими лицами, в уставном фонде (капитале) которых 50 процентов и более принадлежит юридическому лицу с долей государства 50 процентов и более (далее — организация с долей государства), реализуется на экспорт исключительно через биржевые торги по квотам, устанавливаемым Министерством инвестиций и внешней торговли Республики Узбекистан;
технические масла, комбикорма, хозяйственное мыло, нефтяной растворитель, нефтяной парафин и медный купорос реализуются на внутреннем рынке предприятиями-монополистами и организациями с долей государства на основе рыночных принципов исключительно через биржевые торги с обеспечением равного доступа к биржевым торгам для всех категорий покупателей;
сахар, производимый отечественными предприятиями, реализуется на внутреннем рынке на основе рыночных принципов исключительно через биржевые торги с обеспечением равного доступа к биржевым торгам для всех категорий покупателей, за исключением объемов не более 10 процентов от общего объема производства, подлежащих реализации по прямым договорам через собственные торговые сети потребителям, расположенным в труднодоступных и отдаленных регионах республики;
печное топливо, топочный мазут, сжиженный газ и нефтяной битум реализуются предприятиями-монополистами и организациями с долей государства на основе рыночных принципов исключительно через биржевые торги с обеспечением равного доступа к биржевым торгам для всех категорий покупателей, за исключением объемов, подлежащих реализации по прямым договорам специальным потребителям в установленном порядке;
реализуемая на внутреннем рынке предприятиями-монополистами и организациями с долей государства по прямым договорам высоколиквидная и монопольная продукция, подлежащая выставлению на биржевые торги, в обязательном порядке ставится на учет продавцами на товарно-сырьевой бирже с размещением данных сведений на официальном веб-сайте биржи в течение трех дней соответственно с момента заключения договора и после исполнения обязательств;
импортные сделки на товарно-сырьевых биржах могут заключаться по соглашению сторон в иностранной валюте в соответствии с правилами биржевой торговли. При этом информация по заключенным контрактам вносится в Единую информационную электронную систему валютных операций товарно-сырьевыми биржами.
2. Министерству экономики и промышленности совместно с Министерством финансов и Антимонопольным комитетом Республики Узбекистан в срок до 1 ноября 2019 года внести в Кабинет Министров проект правительственного решения, предусматривающий порядок реализации высоколиквидной и монопольной продукции на биржевых торгах товарно-сырьевых бирж, в том числе путем заключения сделок купли-продажи биржевых товаров с условием их поставки с отсрочкой на срок более 1 месяца (форварды).
3. Установить, что графики выставления высоколиквидной и монопольной продукции на биржевые торги размещаются предприятиями-монополистами и организациями с долей государства на официальных веб-сайтах товарно-сырьевых бирж с обновлением, при необходимости, на ежемесячной основе.
Комитету по развитию конкуренции и защите прав потребителей Республики Узбекистан обеспечить контроль за выставлением высоколиквидной и монопольной продукции на биржевые торги в установленном порядке.
4. Отменить требования и условия о наличии на бирже не менее 100 реализованных (предоставленных безвозмездно) брокерских мест и соблюдении квалификационных требований к руководителям товарно-сырьевых бирж при осуществлении биржевой деятельности.
6. Предоставить Комитету по развитию конкуренции и защите прав потребителей Республики Узбекистан право:
принимать по согласованию с Кабинетом Министров решения об обязательном выставлении предприятиями-монополистами высоколиквидных и монопольных видов продукции на биржевые торги;
давать указания товарно-сырьевым биржам по пересмотру максимального объема одного лота, выставляемой на биржевых торгах высоколиквидной и монопольной продукции, для недопущения ограничения круга участников биржевых торгов.
7. Внести изменения в некоторые постановления Президента Республики Узбекистан согласно приложению .
8. Антимонопольному комитету совместно с другими заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
9. Контроль за исполнением настоящего постановления возложить на советника Президента Республики Узбекистан Р.А. Гулямова и заместителя Премьер-министра Республики Узбекистан Д.А. Кучкарова.
ПРИЛОЖЕНИЕ к постановлению Президента Республики Узбекистан от 8 октября 2019 года № ПП-4484
Изменения, вносимые в некоторые постановления Президента Республики Узбекистан
1. В постановлении Президента Республики Узбекистан от 14 ноября 2017 года № ПП-3386 «О мерах по совершенствованию конкурентной среды, искоренению условий для злоупотребления и хищений в сфере обеспечения топливно-энергетическими ресурсами и другой высоколиквидной продукцией, укреплению платежной дисциплины, сокращению дебиторской и кредиторской задолженности»:
подпункт «б» пункта 1 изложить в следующей редакции:
«б) об утверждении Перечня высоколиквидных и монопольных видов продукции, сырья и материалов, реализуемых на внутреннем рынке предприятиями-монополистами и юридическими лицами с долей государства в уставном фонде (капитале) в размере 50 процентов и более или юридическими лицами, в уставном фонде (капитале) которых 50 процентов и более принадлежит юридическому лицу с долей государства 50 процентов и более, на основе рыночных принципов исключительно через биржевые торги согласно приложению;»;
приложение изложить в следующей редакции:
«ПРИЛОЖЕНИЕ к постановлению Президента Республики Узбекистан от 14 ноября 2017 года № ПП-3386
ПЕРЕЧЕНЬ высоколиквидных и монопольных видов продукции, сырья и материалов, реализуемых на внутреннем рынке предприятиями-монополистами и юридическими лицами с долей государства в уставном фонде (капитале) в размере 50 процентов и более или юридическими лицами, в уставном фонде (капитале) которых 50 процентов и более принадлежит юридическому лицу с долей государства 50 процентов и более, на основе рыночных принципов исключительно через биржевые торги
1. Бензин автомобильный
2. Бензин экстракционный
3. Дизельное топливо
4. Керосин технический
5. Полипропилен
6. Полиэтилен
7. Сера техническая
8. Уголь
9. Минеральные удобрения
10. Сода кальцинированная
11. Медь катодная
12. Медная катанка
13. Алюминий вторичный
14. Прокат черных металлов
15. Цинк металлический
16. Цемент
17. Цементный клинкер
18. Стекло строительное
19. Сахар
20. Пшеница
21. Ячмень
22. Хлопок-волокно
23. Хлопковый линт
24. Масло растительное (хлопковое)
25. Шелуха хлопковых семян
26. Шрот хлопковых семян
27. Технические хлопковые семена
28. Технические масла
29. Печное топливо
30. Мука пшеничная*
31. Комбикорма
32. Топочный мазут
33. Сжиженный газ
34. Хозяйственное мыло
35. Нефтяной растворитель
36. Нефтяной парафин
37. Нефтяной битум
38. Медный купорос
2. В постановлении Президента Республики Узбекистан от 17 января 2018 года № ПП-3479 «О мерах по стабильному обеспечению отраслей экономики страны востребованными видами продукции и сырья»:
пункт 1 изложить в следующей редакции:
«1. Принять к сведению, что в соответствии с постановлением Президента Республики Узбекистан от 14 ноября 2017 года № ПП-3386 «О мерах по совершенствованию конкурентной среды, искоренению условий для злоупотребления и хищений в сфере обеспечения топливно-энергетическими ресурсами и другой высоколиквидной продукцией, укреплению платежной дисциплины, сокращению дебиторской и кредиторской задолженности» утвержден Перечень высоколиквидных и монопольных видов продукции, сырья и материалов, реализуемых на внутреннем рынке предприятиями-монополистами и юридическими лицами с долей государства в уставном фонде (капитале) в размере 50 процентов и более или юридическими лицами в уставном фонде (капитале) которых 50 процентов и более принадлежит юридическому лицу с долей государства 50 процентов и более на основе рыночных принципов исключительно через биржевые торги»;
абзац третий подпункта «а» пункта 2 изложить в следующей редакции:
«технические семена хлопчатника — отечественным предприятиям, независимо от формы собственности, имеющим производственные мощности по переработке семян хлопчатника и соответствующие сертификаты (соответствия и гигиенический). При этом для получения соответствующих сертификатов (соответствия и гигиенического) технические семена хлопчатника реализуются отечественным предприятиям, независимо от формы собственности, в объеме до 5 тонн, а повторная реализация закупленных семян хлопчатника осуществляется исключительно через биржевые торги».
3. Абзац третий пункта 3 постановления Президента Республики Узбекистан от 19 января 2018 года № ПП-3484 «О мерах по ускоренному развитию масложировой отрасли» изложить в следующей редакции:
«установлении порядка, согласно которому масло хлопковое экстракционное, предназначенное для дальнейшей промышленной переработки, реализуется через биржевые торги отечественным предприятиям, независимо от формы собственности, имеющим производственные мощности по переработке масла хлопкового экстракционного и соответствующие сертификаты (соответствия и гигиенический). При этом для получения соответствующих сертификатов (соответствия и гигиенического) масло хлопковое экстракционное реализуется отечественным предприятиям, независимо от формы собственности, в объеме до 1 тонны, а повторная реализация закупленного масла хлопкового экстракционного осуществляется исключительно через биржевые торги».
Президент Республики Узбекистан Ш. МИРЗИЁЕВ
г. Ташкент,
8 октября 2019 г.,
№ ПП-4484