📅 2019-yil 8-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 8 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 8 октября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 8 October 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Угом-Чотқол давлат миллий табиат боғининг айрим табиий ҳудудлари ва объектларидан фойдаланишни тартибга солиш тўғрисида
Угом-Чотқол давлат миллий табиат боғи ҳудудидаги экологик ва илмий жиҳатдан ноёб ҳамда қимматли бўлган «Урунғоч» табиий кўлини сақлаш мақсадида ва Ўзбекистон Республикасининг «Муҳофаза этиладиган табиий ҳудудлар тўғрисида»ги Қонунига мувофиқ Вазирлар Маҳкамаси қарор қилади:
1. Ўзбекистон Республикаси Экология ва атроф-муҳитни муҳофаза қилиш давлат қўмитаси (кейинги ўринларда Давлат экология қўмитаси деб аталади) ва Ўзбекистон экологик партиясининг «Урунғоч» кўли ва унга туташ ҳудудларни давлат гидрологик табиат ёдгорлиги деб эълон қилиш тўғрисидаги таклифига розилик берилсин.
2. Тошкент вилояти ҳокимлиги бир ой муддатда Угом-Чотқол давлат миллий табиат боғининг Бурчмулло давлат ўрмон хўжалиги ҳудудида жойлашган майдони 43 га бўлган «Урунғоч» табиий кўли ва унга туташ ҳудудларни белгиланган тартибда давлат гидрологик табиат ёдгорлиги деб эълон қилсин.
3. Белгилансинки, «Урунғоч» давлат гидрологик табиат ёдгорлиги Бурчмулло давлат ўрмон хўжалигининг бир қисми ҳисобланади ва ушбу хўжалик томонидан ерлари олиб қўйилмасдан ва объектга салбий таъсир кўрсатувчи ҳар қандай фаолиятни тақиқлаган ҳолда бошқарилади.
4. Қуйидагилар «Урунғоч» давлат гидрологик табиат ёдгорлигининг асосий вазифалари этиб белгилансин:
«Урунғоч» табиий кўли ва унга туташ ҳудудларни ўзгартиришсиз сақлаш;
тоғ экотизими ўсимлик ва ҳайвонот дунёсини қайта тиклаш ва такрор кўпайтириш;
экологик туризмни ташкил этиш;
илмий ва экологик-маърифий ишларни амалга ошириш;
аҳолининг экологик таълим ва тарбиясига кўмаклашиш.
Ўзбекистон Республикаси Ўрмон хўжалиги давлат қўмитаси (кейинги ўринларда Ўрмон хўжалиги давлат қўмитаси деб аталади) кўрсатиб ўтилган вазифаларни бажариш учун масъул орган этиб тайинлансин.
5. Ўрмон хўжалиги давлат қўмитаси икки ой муддатда:
Бурчмулло давлат ўрмон хўжалигининг штат бирликлари доирасида «Урунғоч» давлат гидрологик табиат ёдгорлигини қўриқлаш учун тегишли малака ва маълумотга эга бўлган мутахассислар бириктирилишини назарда тутсин;
Ўзбекистон Республикаси Туризмни ривожлантириш давлат қўмитаси билан биргаликда «Урунғоч» давлат гидрологик табиат ёдгорлиги ҳудудида сўқмоқ йўллар мажбурий тартибда тўсиқлар билан жиҳозланишини, ўриндиқлар, чиқинди ташлаш қутилари, ҳожатхоналар (биотуалетлар) ўрнатилишини, шунингдек, сув ҳавзасига бориш, «Урунғоч» кўли атрофи ва унга туташ ҳудудларда барча турдаги савдо ва умумий овқатланиш шохобчаларини ташкил этишни тақиқловчи чекловчи ва маълумотлар белгилари ўрнатилишини, таъминлаб туристик йўналишларни белгилаш;
«Урунғоч» давлат гидрологик табиат ёдгорлиги ҳудудида йўл қўйилиши мумкин бўлган рекреацион юклама меъёрларини (муайян вақт давомида ташриф буюрувчиларнинг рухсат этилган сони) ишлаб чиқсин;
Тошкент вилояти ҳокимлиги ва Давлат экология қўмитаси билан биргаликда давлат экологик назоратини амалга ошириш мақсадида Угом-Чотқол давлат миллий табиат боғининг Бурчмулло давлат ўрмон хўжалиги ҳудудида экологик пост ўрнатилиши жойини аниқласин ва уни жойлаштириш учун белгиланган тартибда ер участкасини бириктирсин;
6. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Давлат экология қўмитаси, Фанлар академияси ва Ўзбекистон экологик партияси билан биргаликда 2020 йил 1 мартгача давлат табиат ёдгорликлари деб эълон қилиш масаласини кўриб чиқиш ва муҳофаза қилинадиган табиий ҳудудларни давлат кадастрига киритиш учун табиий объектлар ва комплексларни, шу жумладан, ёши 100 ва ундан ошган дарахтларни хатловдан ўтказсинлар.
7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов, Ўзбекистон Республикаси Экология ва атроф-муҳитни муҳофаза қилиш давлат қўмитаси раиси Б.Т. Қўчқоров ва Ўзбекистон Республикаси Ўрмон хўжалиги давлат қўмитаси раиси Н.Ж. Бакиров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 8 октябрь,
853-сон
Oʻzbekiston Respublikasi Vazirlar Mahkamasining
qarori
Ugom-Chotqol davlat milliy tabiat bogʻining ayrim tabiiy hududlari va obyektlaridan foydalanishni tartibga solish toʻgʻrisida
Ugom-Chotqol davlat milliy tabiat bogʻi hududidagi ekologik va ilmiy jihatdan noyob hamda qimmatli boʻlgan “Urungʻoch” tabiiy koʻlini saqlash maqsadida va Oʻzbekiston Respublikasining “Muhofaza etiladigan tabiiy hududlar toʻgʻrisida”gi Qonuniga muvofiq Vazirlar Mahkamasi qaror qiladi:
1. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi (keyingi oʻrinlarda Davlat ekologiya qoʻmitasi deb ataladi) va Oʻzbekiston ekologik partiyasining “Urungʻoch” koʻli va unga tutash hududlarni davlat gidrologik tabiat yodgorligi deb eʼlon qilish toʻgʻrisidagi taklifiga rozilik berilsin.
2. Toshkent viloyati hokimligi bir oy muddatda Ugom-Chotqol davlat milliy tabiat bogʻining Burchmullo davlat oʻrmon xoʻjaligi hududida joylashgan maydoni 43 ga boʻlgan “Urungʻoch” tabiiy koʻli va unga tutash hududlarni belgilangan tartibda davlat gidrologik tabiat yodgorligi deb eʼlon qilsin.
3. Belgilansinki, “Urungʻoch” davlat gidrologik tabiat yodgorligi Burchmullo davlat oʻrmon xoʻjaligining bir qismi hisoblanadi va ushbu xoʻjalik tomonidan yerlari olib qoʻyilmasdan va obyektga salbiy taʼsir koʻrsatuvchi har qanday faoliyatni taqiqlagan holda boshqariladi.
4. Quyidagilar “Urungʻoch” davlat gidrologik tabiat yodgorligining asosiy vazifalari etib belgilansin:
“Urungʻoch” tabiiy koʻli va unga tutash hududlarni oʻzgartirishsiz saqlash;
togʻ ekotizimi oʻsimlik va hayvonot dunyosini qayta tiklash va takror koʻpaytirish;
ekologik turizmni tashkil etish;
ilmiy va ekologik-maʼrifiy ishlarni amalga oshirish;
aholining ekologik taʼlim va tarbiyasiga koʻmaklashish.
Oʻzbekiston Respublikasi Oʻrmon xoʻjaligi davlat qoʻmitasi (keyingi oʻrinlarda Oʻrmon xoʻjaligi davlat qoʻmitasi deb ataladi) koʻrsatib oʻtilgan vazifalarni bajarish uchun masʼul organ etib tayinlansin.
5. Oʻrmon xoʻjaligi davlat qoʻmitasi ikki oy muddatda:
Burchmullo davlat oʻrmon xoʻjaligining shtat birliklari doirasida “Urungʻoch” davlat gidrologik tabiat yodgorligini qoʻriqlash uchun tegishli malaka va maʼlumotga ega boʻlgan mutaxassislar biriktirilishini nazarda tutsin;
Oʻzbekiston Respublikasi Turizmni rivojlantirish davlat qoʻmitasi bilan birgalikda “Urungʻoch” davlat gidrologik tabiat yodgorligi hududida soʻqmoq yoʻllar majburiy tartibda toʻsiqlar bilan jihozlanishini, oʻrindiqlar, chiqindi tashlash qutilari, hojatxonalar (biotualetlar) oʻrnatilishini, shuningdek, suv havzasiga borish, “Urungʻoch” koʻli atrofi va unga tutash hududlarda barcha turdagi savdo va umumiy ovqatlanish shoxobchalarini tashkil etishni taqiqlovchi cheklovchi va maʼlumotlar belgilari oʻrnatilishini, taʼminlab turistik yoʻnalishlarni belgilash;
“Urungʻoch” davlat gidrologik tabiat yodgorligi hududida yoʻl qoʻyilishi mumkin boʻlgan rekreatsion yuklama meʼyorlarini (muayyan vaqt davomida tashrif buyuruvchilarning ruxsat etilgan soni) ishlab chiqsin;
Toshkent viloyati hokimligi va Davlat ekologiya qoʻmitasi bilan birgalikda davlat ekologik nazoratini amalga oshirish maqsadida Ugom-Chotqol davlat milliy tabiat bogʻining Burchmullo davlat oʻrmon xoʻjaligi hududida ekologik post oʻrnatilishi joyini aniqlasin va uni joylashtirish uchun belgilangan tartibda yer uchastkasini biriktirsin;
6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Davlat ekologiya qoʻmitasi, Fanlar akademiyasi va Oʻzbekiston ekologik partiyasi bilan birgalikda 2020-yil 1-martgacha davlat tabiat yodgorliklari deb eʼlon qilish masalasini koʻrib chiqish va muhofaza qilinadigan tabiiy hududlarni davlat kadastriga kiritish uchun tabiiy obyektlar va komplekslarni, shu jumladan, yoshi 100 va undan oshgan daraxtlarni xatlovdan oʻtkazsinlar.
7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov, Oʻzbekiston Respublikasi Ekologiya va atrof-muhitni muhofaza qilish davlat qoʻmitasi raisi B.T. Qoʻchqorov va Oʻzbekiston Respublikasi Oʻrmon xoʻjaligi davlat qoʻmitasi raisi N.J. Bakirov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 8-oktabr,
853-son
Кабинета Министров Республики Узбекистан
Постановление
Об упорядочении использования отдельных природных территорий и объектов Угам-Чаткальского государственного национального природного парка
В целях сохранения уникального, ценного в экологическом и научном отношении природного озера «Урунгач» на территории Угам-Чаткальского государственного национального природного парка и в соответствии с Законом Республики Узбекистан «Об охраняемых природных территориях» Кабинет Министров постановляет:
1. Согласиться с предложением Государственного комитета Республики Узбекистан по экологии и охране окружающей среды (далее — Госкомэкологии) и Экологической партии Узбекистана (далее — Экопартия) об объявлении озера «Урунгач» и прилегающей к нему территории государственным гидрологическим памятником природы.
2. Хокимияту Ташкентской области в месячный срок в установленном порядке объявить природное озеро «Урунгач» и прилегающую к нему территорию площадью 43 га, расположенные в Бурчмуллинском государственном лесном хозяйстве Угам-Чаткальского государственного национального природного парка, государственным гидрологическим памятником природы.
3. Определить, что государственный гидрологической памятник природы «Урунгач» является частью территории Бурчмуллинского государственного лесного хозяйства и управляется этим хозяйством без изъятия земель, с запрещением любой деятельности, негативно влияющей на данный объект.
4. Определить основными задачами государственного гидрологического памятника природы «Урунгач»:
сохранение в неизменном виде природного озера «Урунгач» и прилегающей к нему территории;
воспроизводство и восстановление растительного и животного мира горной экосистемы;
организацию экологического туризма;
проведение научных и эколого-просветительских работ;
содействие экологическому образованию и воспитанию населения.
Определить органом, ответственным за выполнение указанных задач, Государственный комитет Республики Узбекистан по лесному хозяйству (далее — Госкомлес).
5. Госкомлесу в двухмесячный срок:
предусмотреть в пределах штатных единиц Бурчмуллинского государственного лесного хозяйства закрепление специалистов с соответствующей квалификацией и образованием для охраны государственного гидрологического памятника природы «Урунгач»;
совместно с Государственным комитетом Республики Узбекистан по развитию туризма определить на территории государственного гидрологического памятника природы «Урунгач» туристические маршруты, обеспечив при этом обязательное обустройство тропы с ограждениями, установку скамеек, урн для мусора, санитарных узлов (биотуалетов), а также ограничительных и информационных знаков допуска к водоему, запрета на организацию всех видов торговли и пунктов общественного питания вокруг озера «Урунгач» и прилегающей к нему территории;
разработать допустимые нормы рекреационной нагрузки (предельно допустимое количество посетителей за определенный период времени) на территории государственного гидрологического памятника природы «Урунгач»;
совместно с хокимиятом Ташкентской области и Госкомэкологии определить место дислокации экологического поста и закрепить в установленном порядке земельный участок для его размещения на территории Бурчмуллинского государственного лесного хозяйства Угам-Чаткальского государственного национального природного парка с целью осуществления государственного экологического контроля.
6. Совету Министров Республики Каракалпакстан, хокимиятам областей и города Ташкента совместно с Госкомэкологии, Академией наук и Экопартией в срок до 1 марта 2020 года провести инвентаризацию природных объектов и комплексов для рассмотрения вопроса объявления их государственными памятниками природы, в том числе описание деревьев в возрасте 100 лет и выше для включения в государственный кадастр охраняемых природных территорий.
7. Контроль за исполнением настоящего постановления возложить на первого заместителя Премьер-министра Республики Узбекистан — министра транспорта А.Ж. Раматова, председателя Государственного комитета Республики Узбекистан по экологии и охране окружающей среды Б.Т. Кучкарова и председателя Государственного комитета Республики Узбекистан по лесному хозяйству Н.Ж. Бакирова.
Премьер-министр Республики Узбекистан А. АРИПОВ
г. Ташкент,
8 октября 2019 г.,
№ 853