📅 2019-yil 14-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 14 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 октября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 14 October 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Ўзбекистон ипотекани қайта молиялаштириш компанияси» акциядорлик жамиятининг фаолиятини ташкил этиш чора-тадбирлари тўғрисида
Ўзбекистон Республикаси Президентининг «Ипотека кредити бозорини ривожлантириш ва кенгайтиришга оид қўшимча чора-тадбирлар тўғрисида» 2019 йил 13 майдаги ПФ-5715-сон Фармони ижросини таъминлаш, республика ипотека бозорини бозор иқтисодиёти тамойиллари асосида қўшимча ривожлантириш ва янги молиявий воситаларни татбиқ этиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ипотека кредити бозорини ривожлантириш ва кенгайтиришга оид қўшимча чора-тадбирлар тўғрисида» 2019 йил 13 майдаги ПФ-5715-сон Фармонида республикада акциядорлик жамияти шаклидаги ипотекани қайта молиялаштириш компаниясини ташкил қилиш ва 2019 йилда унинг фаолият кўрсатишини йўлга қўйиш белгилангани маълумот учун қабул қилинсин.
2. Ўзбекистон Республикаси Молия вазирлиги, Иқтисодиёт ва саноат вазирлиги, Марказий банки ва Давлат активларини бошқариш агентлигининг бошланғич устав капитали миқдори 25,0 млрд сўм бўлган акциядорлик жамияти шаклидаги қайта молиялаштириш кредит ташкилоти — Ўзбекистон ипотекани қайта молиялаштириш компаниясини (кейинги ўринларда компания деб аталади) таъсис этиш тўғрисидаги таклифига розилик берилсин.
3. Белгилансинки:
Ўзбекистон Республикаси Молия вазирлиги компания устав капиталида давлат номидан акциядор сифатида иштирок этади;
компания устав капиталида 25 млрд сўм миқдордаги давлат улуши Ўзбекистон Республикасининг республика бюджетидан ажаратиладиган маблағлар ҳисобидан шакллантирилади.
4. Қуйидагилар компаниянинг асосий вазифалари этиб белгилансин:
маҳаллий ва халқаро капитал бозорларида молиявий ресурсларни, шу жумладан халқаро молия институтлари ва хорижий ҳукумат молия ташкилотларининг маблағларини жалб қилиш ва кейинчалик ипотека кредитларини қайта молиялаштиришга йўналтириш;
аҳолининг арзон уй-жойларга ортиб бораётган эҳтиёжини қаноатлантириш учун бозор тамойиллари асосида тижорат банкларига молиявий ресурслар тақдим этиш;
қимматли қоғозлар, шу жумладан ипотека қимматли қоғозларни чиқариш ва инвесторлар ўртасида жойлаштиришни ташкил этиш;
ипотека кредити тизимини такомиллаштиришга кўмаклашиш, ипотека бозорини ривожлантиришнинг замонавий услуб ва воситаларини татбиқ этиш, ипотека кредити ва ипотека қимматли қоғозлар бозорида ликвидлиликни ошириш ва таваккалчиликни камайтириш;
ипотека кредити ва қайта молиялаштириш соҳасидаги методологик ҳамда норматив-ҳуқуқий базани, шу жумладан хорижий эксперт ва мутахассисларни жалб қилган ҳолда ишлаб чиқишда иштирок этиш.
5. Ўзбекистон Республикаси Молия вазирлиги Марказий банк билан биргаликда икки ой муддатда:
Ўзбекистон Республикаси Адлия вазирлиги, Давлат активларини бошқариш агентлиги ва Капитал бозорини ривожлантириш агентлиги билан биргаликда компанияни давлат рўйхатидан ўтказиш, унинг корпоратив ҳужжатларини тасдиқлаш, шунингдек, бошқарув ва назорат органларини юқори малакали мутахассислар билан таъминлаш бўйича тегишли тадбирларни белгиланган тартибда амалга оширсин;
тижорат банкларига ипотека кредитларини қайта молиялаштириш тартиби, қайта молиялаштириш учун тижорат банкларини танлаш мезонлари, шунингдек, ипотека кредитларини қарзга олувчиларни танлаб олиш шартлари тўғрисидаги низомларни хорижий давлатларнинг илғор тажрибасини инобатга олган ҳолда ишлаб чиқиш ва тасдиқлашда компанияга ёрдам кўрсатсин.
6. Компания эмиссия қимматли қоғозларни чиқаришни давлат рўйхатидан ўтказиш ва қимматли қоғозларни чиқариш билан боғлиқ бўлган ҳужжатларни кўриб чиқиш учун йиғимлар тўлашдан озод этилсин.
7. Ўзбекистон Республикаси Молия вазирлиги Давлат активларини бошқариш агентлиги ва Тошкент шаҳар ҳокимлиги билан биргаликда бир ой муддатда компанияни жойлаштириш чораларини кўрсин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ғаниев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 14 октябрь,
868-сон
Oʻzbekiston Respublikasi Vazirlar Mahkamasining
qarori
“Oʻzbekiston ipotekani qayta moliyalashtirish kompaniyasi” aksiyadorlik jamiyatining faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining “Ipoteka krediti bozorini rivojlantirish va kengaytirishga oid qoʻshimcha chora-tadbirlar toʻgʻrisida” 2019-yil 13-maydagi PF-5715-son Farmoni ijrosini taʼminlash, respublika ipoteka bozorini bozor iqtisodiyoti tamoyillari asosida qoʻshimcha rivojlantirish va yangi moliyaviy vositalarni tatbiq etish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Ipoteka krediti bozorini rivojlantirish va kengaytirishga oid qoʻshimcha chora-tadbirlar toʻgʻrisida” 2019-yil 13-maydagi PF-5715-son Farmonida respublikada aksiyadorlik jamiyati shaklidagi ipotekani qayta moliyalashtirish kompaniyasini tashkil qilish va 2019-yilda uning faoliyat koʻrsatishini yoʻlga qoʻyish belgilangani maʼlumot uchun qabul qilinsin.
2. Oʻzbekiston Respublikasi Moliya vazirligi, Iqtisodiyot va sanoat vazirligi, Markaziy banki va Davlat aktivlarini boshqarish agentligining boshlangʻich ustav kapitali miqdori 25,0 mlrd soʻm boʻlgan aksiyadorlik jamiyati shaklidagi qayta moliyalashtirish kredit tashkiloti — Oʻzbekiston ipotekani qayta moliyalashtirish kompaniyasini (keyingi oʻrinlarda kompaniya deb ataladi) taʼsis etish toʻgʻrisidagi taklifiga rozilik berilsin.
3. Belgilansinki:
Oʻzbekiston Respublikasi Moliya vazirligi kompaniya ustav kapitalida davlat nomidan aksiyador sifatida ishtirok etadi;
kompaniya ustav kapitalida 25 mlrd soʻm miqdordagi davlat ulushi Oʻzbekiston Respublikasining respublika budjetidan ajaratiladigan mablagʻlar hisobidan shakllantiriladi.
4. Quyidagilar kompaniyaning asosiy vazifalari etib belgilansin:
mahalliy va xalqaro kapital bozorlarida moliyaviy resurslarni, shu jumladan xalqaro moliya institutlari va xorijiy hukumat moliya tashkilotlarining mablagʻlarini jalb qilish va keyinchalik ipoteka kreditlarini qayta moliyalashtirishga yoʻnaltirish;
aholining arzon uy-joylarga ortib borayotgan ehtiyojini qanoatlantirish uchun bozor tamoyillari asosida tijorat banklariga moliyaviy resurslar taqdim etish;
qimmatli qogʻozlar, shu jumladan ipoteka qimmatli qogʻozlarni chiqarish va investorlar oʻrtasida joylashtirishni tashkil etish;
ipoteka krediti tizimini takomillashtirishga koʻmaklashish, ipoteka bozorini rivojlantirishning zamonaviy uslub va vositalarini tatbiq etish, ipoteka krediti va ipoteka qimmatli qogʻozlar bozorida likvidlilikni oshirish va tavakkalchilikni kamaytirish;
ipoteka krediti va qayta moliyalashtirish sohasidagi metodologik hamda normativ-huquqiy bazani, shu jumladan xorijiy ekspert va mutaxassislarni jalb qilgan holda ishlab chiqishda ishtirok etish.
5. Oʻzbekiston Respublikasi Moliya vazirligi Markaziy bank bilan birgalikda ikki oy muddatda:
Oʻzbekiston Respublikasi Adliya vazirligi, Davlat aktivlarini boshqarish agentligi va Kapital bozorini rivojlantirish agentligi bilan birgalikda kompaniyani davlat roʻyxatidan oʻtkazish, uning korporativ hujjatlarini tasdiqlash, shuningdek, boshqaruv va nazorat organlarini yuqori malakali mutaxassislar bilan taʼminlash boʻyicha tegishli tadbirlarni belgilangan tartibda amalga oshirsin;
tijorat banklariga ipoteka kreditlarini qayta moliyalashtirish tartibi, qayta moliyalashtirish uchun tijorat banklarini tanlash mezonlari, shuningdek, ipoteka kreditlarini qarzga oluvchilarni tanlab olish shartlari toʻgʻrisidagi nizomlarni xorijiy davlatlarning ilgʻor tajribasini inobatga olgan holda ishlab chiqish va tasdiqlashda kompaniyaga yordam koʻrsatsin.
6. Kompaniya emissiya qimmatli qogʻozlarni chiqarishni davlat roʻyxatidan oʻtkazish va qimmatli qogʻozlarni chiqarish bilan bogʻliq boʻlgan hujjatlarni koʻrib chiqish uchun yigʻimlar toʻlashdan ozod etilsin.
7. Oʻzbekiston Respublikasi Moliya vazirligi Davlat aktivlarini boshqarish agentligi va Toshkent shahar hokimligi bilan birgalikda bir oy muddatda kompaniyani joylashtirish choralarini koʻrsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Gʻaniyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 14-oktabr,
868-son
Кабинета Министров Республики Узбекистан
Постановление
О мерах по организации деятельности акционерного общества «Компания по рефинансированию ипотеки Узбекистана»
Во исполнение Указа Президента Республики Узбекистан от 13 мая 2019 года № УП-5715 «О дополнительных мерах по развитию и расширению рынка ипотечного кредитования», в целях дополнительного развития ипотечного рынка республики на основе рыночных принципов и внедрения новых финансовых инструментов Кабинет Министров постановляет:
1. Принять к сведению, что Указом Президента Республики Узбекистан от 13 мая 2019 года № УП-5715 «О дополнительных мерах по развитию и расширению рынка ипотечного кредитования» предусмотрено создание в республике компании по рефинансированию ипотеки в форме акционерного общества с организацией ее деятельности в 2019 году.
2. Согласиться с предложением Министерства финансов, Министерства экономики и промышленности, Центрального банка и Агентства по управлению государственными активами Республики Узбекистан об учреждении рефинансирующей кредитной организации — Компании по рефинансированию ипотеки Узбекистана в форме акционерного общества (далее — компания) с первоначальным уставным капиталом в размере 25,0 млрд. сумов.
3. Установить, что:
акционером от имени государства в уставном капитале компании выступает Министерство финансов Республики Узбекистан;
государственная доля в уставном капитале компании формируется за счет средств, выделяемых из республиканского бюджета Республики Узбекистан в размере 25 млрд. сумов.
4. Определить основными задачами компании:
привлечение финансовых ресурсов на отечественном и международном рынках капитала, в том числе средств международных финансовых институтов и иностранных правительственных финансовых организаций, с последующим их направлением на рефинансирование ипотечных кредитов;
предоставление на основе рыночных принципов финансовых ресурсов коммерческим банкам для удовлетворения растущей потребности населения в доступном жилье;
организацию выпуска ценных бумаг, в том числе ипотечных, и их размещение среди инвесторов;
содействие совершенствованию системы ипотечного кредитования, внедрение современных методов и инструментов развития ипотечного рынка, повышение ликвидности и снижение рисков на рынке ипотечного кредитования и ипотечных ценных бумаг;
участие в разработке методологической и нормативно-правовой базы в сфере ипотечного кредитования и рефинансирования, в том числе путем привлечения иностранных экспертов и специалистов.
5. Министерству финансов Республики Узбекистан совместно с Центральным банком в двухмесячный срок:
Министерством юстиции, Агентством по управлению государственными активами и Агентством по развитию рынка капитала Республики Узбекистан в установленном порядке осуществить мероприятия по государственной регистрации компании, утверждению ее корпоративных документов, а также укомплектованию ее органов управления и контроля высококвалифицированными специалистами;
оказать содействие компании в разработке и утверждении положения о порядке рефинансирования коммерческим банкам ипотечных кредитов, критериев отбора коммерческих банков для рефинансирования, а также условий отбора заемщиков ипотечных кредитов, с учетом передового опыта зарубежных стран.
6. Освободить компанию от уплаты сбора за государственную регистрацию выпусков эмиссионных ценных бумаг и сбора за рассмотрение документов, связанных с выпуском ценных бумаг.
7. Министерству финансов Республики Узбекистан совместно с Агентством по управлению государственными активами Республики Узбекистан и хокимиятом города Ташкента в месячный срок принять меры по размещению компании.
8. Контроль за исполнением настоящего постановления возложить на заместителя Премьер-министра Республики Узбекистан — министра финансов Кучкарова Д.А. и заместителя Премьер-министра Республики Узбекистан по вопросам инвестиций и внешнеэкономических связей Ганиева Э.М.
Премьер-министр Республики Узбекистан А. АРИПОВ
г. Ташкент,
14 октября 2019 г.,
№ 868