📅 2019-yil 15-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 15 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 октября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 15 October 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ПАРАМЕТРЛАРИ
ДАСТУРИ
Ўзбекистон Республикаси Адлия вазирлигининг юридик коллежлари моддий-техник базасини мустаҳкамлаш чора-тадбирлари тўғрисида
Ўзбекистон Республикаси Адлия вазирлигининг юридик коллежлари моддий-техник базасини янада мустаҳкамлаш ва модернизация қилиш мақсадида Вазирлар Маҳкамаси қарор қилади:
1. Қуйидагилар:
Ўзбекистон Республикаси Адлия вазирлигининг юридик коллежларини реконструкция қилиш, капитал таъмирлаш ва жиҳозлаш параметрлари 1-иловага мувофиқ;
Ўзбекистон Республикаси Адлия вазирлигининг юридик коллежларида замонавий ахборот-коммуникация технологияларини жорий этиш чора-тадбирлари дастури 2-иловага мувофиқ тасдиқлансин.
2. Белгилансинки, Ўзбекистон Республикаси Адлия вазирлигининг юридик коллежлари (кейинги ўринларда объектлар деб юритилади)ни реконструкция қилиш, капитал таъмирлаш ва жиҳозлаш доирасида:
буюртмачилар — Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари ҳисобланади;
бош лойиҳа ва пудратчи ташкилотлар — қонунчиликда ўрнатилган тартибда ўтказилган танлов (тендер) савдолари натижалари бўйича аниқланади.
3. Белгилаб қўйилсинки, объектларда қурилиш ва монтаж ишлари мебель, компьютер ва бошқа оргтехника, ўқув ва лаборатория жиҳозлари, ўқув ва спорт анжомлари билан юридик коллежларни жиҳозлаш меъёрларини ҳисобга олиб «фойдаланишга тайёр ҳолда топшириш» шартларида ишлаб чиқилган лойиҳа-смета ҳужжатларига мувофиқ амалга оширилади.
4. Тошкент давлат юридик университети томонидан юридик коллежлар учун янги авлод дарсликлари нашрга тайёрланганлиги маълумот учун қабул қилинсин.
Ўзбекистон Республикаси Адлия вазирлиги ва Олий ва ўрта махсус таълим вазирлиги:
икки ой муддатда юридик коллежларнинг кутубхона фондини замонавий юридик ва бадиий, шу жумладан хорижий адабиётлар билан шакллантирилиши ва тўлдирилишини таъминласин;
юридик коллежлар учун ўқув адабиётларни нашр этиш ҳамда мунтазам янгилаб бориш юзасидан зарур чораларни кўрсин.
5. Қуйидагилар қарорда назарда тутилган тадбирларнинг молиялаштириш манбалари этиб белгилансин:
объектларни реконструкция қилиш, капитал таъмирлаш ва жиҳозлаш қисмида — Ўзбекистон Республикаси Адлия вазирлигининг бюджетдан ташқари маблағлари, халқаро молия институтлари маблағлари ва техник кўмаклашиш маблағлари (грантлар), хайрия эҳсонлари ҳамда қонун ҳужжатлари билан тақиқланмаган бошқа манбалар;
ўқув адабиётларини яратиш ва нашр этиш қисмида — бюджетдан ташқари Адлия органлари ва муассасаларини ривожлантириш жамғармаси ва Ўзбекистон Республикаси Олий ва ўрта махсус таълим вазирлигининг Олий таълим муассасаларини ривожлантириш жамғармаси маблағлари, техник кўмаклашиш маблағлари (грантлар), хайрия эҳсонлари ҳамда қонун ҳужжатлари билан тақиқланмаган бошқа манбалар;
замонавий ахборот-коммуникация технологияларини жорий этиш қисмида — Ўзбекистон Республикаси Адлия вазирлигининг бюджетдан ташқари маблағлари, халқаро молия институтлари маблағлари ва техник кўмаклашиш маблағлари (грантлар), хайрия эҳсонлари ҳамда қонун ҳужжатлари билан тақиқланмаган бошқа манбалар.
6. Ўзбекистон Республикаси Адлия вазирлиги:
объектларнинг лойиҳа-смета ҳужжатларини қурилиш-монтаж ишларини «фойдаланишга тайёр ҳолда топшириш» шартларида бажариш бўйича танлов (тендер) савдолари ўтказишни ҳисобга олган холда ўз вақтида, сифатли ишлаб чиқилишини таъминласин;
объектларнинг мебель, компьютер ва бошқа оргтехникалар, ўқув-лаборатория ускуналари, ўқув ва спорт анжомлари билан жихозлаш бўйича техник талабларни ишлаб чиқсин ва тасдиқласин ҳамда объектларнинг буюртмачиларига етказсин.
7. Белгилансинки, адлия органлари ва муассасаларининг мартаба даражаларига эга бўлган юридик коллежларнинг ходимларига узоқ муддат хизмат қилганлиги учун устамалар ва мартаба даражалари учун қўшимчалар қонунчиликда белгиланган тартибда ва миқдорларда бюджетдан ташқари Адлия органлари ва муассасаларини ривожлантириш жамғармаси ҳамда адлия органлари ва муассасаларининг бюджетдан ташқари бошқа маблағлари ҳисобидан тўланади.
8. Ўзбекистон Республикаси Адлия вазирлиги:
Инвестициялар ва ташқи савдо вазирлиги билан биргаликда ушбу қарорда назарда тутилган тадбирларни амалга ошириш юзасидан халқаро молия институтлари маблағлари, техник кўмаклашиш маблағлари (грантлар) ҳамда хайрия эҳсонларини жалб этиш бўйича чоралар кўрсин;
Ўзбекистон Республикаси Қурилиш вазирлиги билан биргаликда лойиҳа-смета ҳужжатларини ваколатли экспертиза органларда белгиланган тартиб ва муддатларда кўриб чиқилиши ва келишилиши ҳамда қурилиш-монтаж ишларининг сифатли бажарилиши устидан назорат ўрнатилишини таъминласин.
9. 2025 йил 1 январга қадар объектларни реконструкция қилиш ва капитал таъмирлаш, жиҳозлаш ва фаолиятини ташкил этиш, шунингдек ТДЮУ Медиа марказининг фаолиятини ташкил этиш учун белгиланган тартибда шакллантириладиган рўйхатлар бўйича бош пудратчи ташкилот ва ТДЮУ томонидан олиб кириладиган, Ўзбекистонда ишлаб чиқарилмайдиган ускуналар, компьютер техникаси ва оргтехника, ўқитишнинг техник воситалари, адабиётлар, мультимедиа ускуналари жамланмаси, дастурий таъминотлар, инвентарь ва қурилиш материаллари божхона тўловларидан (қўшилган қиймат солиғи ва божхона расмийлаштируви йиғимларидан ташқари) озод қилинсин.
10. Мазкур қарорнинг ижросини назорат қилиш Ўзбекистон Республикаси адлия вазири Р.К. Давлетов зиммасига юклансин.
Вазирлар Маҳкамасининг 2019 йил 15 октябрдаги 873-сон қарорига 1-ИЛОВА
Ўзбекистон Республикаси Адлия вазирлигининг юридик коллежларини реконструкция қилиш, капитал таъмирлаш ва жиҳозлаш
Т/р Объектлар номи Қуввати (ўқув ўрни) Бажариш муддатлари 1. Қорақалпоғистон Республикаси юридик коллежи 540 2024 йил 2. Андижон вилояти юридик коллежи 1000 2021 йил 3. Бухоро вилояти юридик коллежи 400 2023 йил 4. Жиззах вилояти юридик коллежи 585 2020 йил 5. Қашқадарё вилояти юридик коллежи 750 2020 йил 6. Наманган вилояти юридик коллежи 1040 2021 йил 7. Навоий вилояти юридик коллежи 825 2021 йил 8. Самарқанд вилояти юридик коллежи 900 2023 йил 9. Сурхондарё вилояти юридик коллежи 600 2022 йил 10. Сирдарё вилояти юридик коллежи 720 2022 йил 11. Тошкент вилояти юридик коллежи 800 2020 йил 12. Фарғона вилояти юридик коллежи 720 2024 йил 13. Хоразм вилояти юридик коллежи 720 2022 йил 14. Тошкент шаҳар юридик коллежи 1560 2023 йил
Вазирлар Маҳкамасининг 2019 йил 15 октябрдаги 873-сон қарорига 2-ИЛОВА
Ўзбекистон Республикаси Адлия вазирлигининг юридик коллежларида замонавий ахборот-коммуникация технологияларини жорий этиш чора-тадбирлари
Т/р Тадбирлар номи Амалга ошириш механизми Бажариш муддати Харажатлар * (млн.сўм) Масъул ижрочилар 1. Юридик коллежларда таълим сифати ва бошқарув самарадорлигини ошириш, рақамли маҳсулотлар ва инновацион технологияларни қўллаган ҳолда замонавий ишчи муҳитни яратиш мақсадида ситуацион зални ташкил қилган холда видео-конференц-алоқа тизимини жорий этиш. 1. Видео-конференц-алоқани ташкил қилиш учун комплексни (техник воситалар ва дастурий таъминот) харид қилиш ва ўрнатиш. 2. Юридик коллежларнинг ҳар бир аудиториясига кузатув камераларини харид қилиш ва ўрнатиш. 2021 йил октябрь 2 000,0 Адлия вазирлиги, Ахборот технологиялари вазирлиги 2021 йил декабрь 1 700,0 2. Юридик коллежларда ўқитишнинг инновацион услублари, офлайн ва онлайн курсларини татбиқ этиш мақсадида масофавий таълимни, шу жумладан вебинар машғулотларни ташкил этиш. 1. Масофавий таълимни ташкил қилиш учун комплекс (техник воситалар ва дастурий таъминот) харид қилиш ва ўрнатиш. 2020 йил май 670,0 Адлия вазирлиги, Ахборот технологиялари вазирлиги 2. Юридик коллежларда серверларни ва ТДЮУда дата-марказни харид қилиш ва ўрнатиш. 2020 йил май 2 000,0 3. Хорижий мутахассисларни жалб қилган ҳолда ТДЮУ ва юридик коллежларнинг тегишли ходимларига масофавий таълим методикасини ўргатиш бўйича курсларни ташкил этиш. 2020 йил май — декабрь ТДЮУ 3. Ўқув жараёнига интеграциялашган ижтимоий-таълим тармоғи, ички корпоратив (интранет) портали, ТДЮУ Ахборот-ресурс маркази электрон базаларига онлайн тарзда кириш, таълим жараёнини онлайн қўллаб қувватлаш бўйича ўқувчилар учун портал (экстранет зона) ва педагогларнинг ўқувчилар билан мулоқоти ҳамда ўқувчиларнинг ўзаро мулоқотини ўз ичига олувчи ходимлар ва ўқувчилар учун ички ахборот-коммуникация восита ва реурсларини ташкил этиш мақсадида «Электрон юридик коллеж» инновацион электрон платформасини жорий этиш. 1. «Электрон юридик коллеж» инновацион электрон платформасини ишлаб чиқиш ва жорий этиш. 2021 йил сентябрь 370,0 Адлия вазирлиги, Ахборот технологиялари вазирлиги, ТДЮУ 2. Ушбу платформани ҳар бир юридик коллежга ўрнатиш ҳамда тегишли маълумотлар билан тўлдириш бўйича фаолиятни ташкил қилиш. 2021 йил сентябрь 3. Юридик коллеж ходимлари ва ўқувчиларига, шунингдек ТДЮУнинг масъул ходимларига ушбу платформадан фойдаланиш бўйича ўқув курсларини ташкил этиш. 2021 йил сентябрь — декабрь 4. Халқаро стандартларга мувофиқ юридик коллежларнинг расмий сайтларини янги версиясини ишлаб чиқиш. Амалий чоралар 2020 йил май 40,0 Адлия вазирлиги, Ахборот технологиялари вазирлиги 5. Интернетга уланиш тезлиги 100 МБ/с дан кам бўлмаган барқарор алоқани таъминловчи провайдерлар билан ва серверларга, компьютерларга антивирус дастурий таъминотини ўрнатиш бўйича тендер (конкурс) савдоларини ўтказмасдан шартномалар тузиш, кейинчалик шартномалар муддатини мустақил узайтириш. Амалий чоралар 2019 йил октябрь шартнома шартларига мувофиқ Адлия вазирлиги, Ахборот технологиялари вазирлиги, «Ўзбектелеком» АЖ 6. Юридик коллежларда электрон ҳужжат айланиш тизимини яратиш. 1. «UNICON-SOFT» МЧЖ билан «av.ijro.uz» электрон ҳужжат айланиш тизимидан фойдаланиш бўйича хизмат кўрсатиш шартномасини тузиш. 2. Юридик коллежларда ушбу тизимдан фойдаланиш бўйича ўқув семинарларини ташкил этиш. 2019 йил декабрь шартнома шартларига мувофиқ Адлия вазирлиги, Ахборот технологиялари вазирлиги 7. Мультимедиали видеомаъруза ва тақдимотлар базасини, шунингдек юридик коллежлар ўқувчиларининг ҳуқуқий саводхонлигини оширишга қаратилган ижтимоий роликлар яратиш орқали ўқув машғулотларининг сифати ва самарадорлигини ошириш. 1. Энг янги IT-технологиялар ва рақамли ускуналар билан жиҳозланган ТДЮУ Медиа марказини ташкил этиш. 2. 2025 йил 1 январга қадар ТДЮУ томонидан замонавий Медиа марказ фаолиятини ташкил этиш учун шартномаларга мувофиқ олиб кириладиган мультимедия ускуналари комплектлари, компьютер техникаси, дастурий таъминотлар ва бошқа техник воситалар божхона тўловларидан (қўшилган қиймат солиғи ва божхона расмийлаштируви йиғимларидан ташқари) озод қилиш. 3. Медиа марказга мутахассисларни (режиссёр, журналист, креатив муҳаррир, оператор, IT-мутахассис, дизайнер, видеомонтажчи, студия аппарат комплекси муҳандиси ва бошқалар) меҳнат бозорининг амалдаги конъюнктурасини ҳисобга олган ҳолда, шартнома асосида жалб этиш. 2019 — 2025 йиллар Шартнома шартларига мувофиқ Адлия вазирлиги, ДБҚ, ТДЮУ
Ўзбекистон Республикасининг Бош вазири А. АРИПОВ
Тошкент ш.,
2019 йил 15 октябрь,
873-сон
Oʻzbekiston Respublikasi Vazirlar Mahkamasining
qarori
PARAMETRLARI
DASTURI
Oʻzbekiston Respublikasi Adliya vazirligining yuridik kollejlari moddiy-texnik bazasini mustahkamlash chora-tadbirlari toʻgʻrisida
Oʻzbekiston Respublikasi Adliya vazirligining yuridik kollejlari moddiy-texnik bazasini yanada mustahkamlash va modernizatsiya qilish maqsadida Vazirlar Mahkamasi qaror qiladi:
1. Quyidagilar:
Oʻzbekiston Respublikasi Adliya vazirligining yuridik kollejlarini rekonstruksiya qilish, kapital taʼmirlash va jihozlash parametrlari 1-ilovaga muvofiq;
Oʻzbekiston Respublikasi Adliya vazirligining yuridik kollejlarida zamonaviy axborot-kommunikatsiya texnologiyalarini joriy etish chora-tadbirlari dasturi 2-ilovaga muvofiq tasdiqlansin.
2. Belgilansinki, Oʻzbekiston Respublikasi Adliya vazirligining yuridik kollejlari (keyingi oʻrinlarda obyektlar deb yuritiladi)ni rekonstruksiya qilish, kapital taʼmirlash va jihozlash doirasida:
buyurtmachilar — Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari hisoblanadi;
bosh loyiha va pudratchi tashkilotlar — qonunchilikda oʻrnatilgan tartibda oʻtkazilgan tanlov (tender) savdolari natijalari boʻyicha aniqlanadi.
3. Belgilab qoʻyilsinki, obyektlarda qurilish va montaj ishlari mebel, kompyuter va boshqa orgtexnika, oʻquv va laboratoriya jihozlari, oʻquv va sport anjomlari bilan yuridik kollejlarni jihozlash meʼyorlarini hisobga olib “foydalanishga tayyor holda topshirish” shartlarida ishlab chiqilgan loyiha-smeta hujjatlariga muvofiq amalga oshiriladi.
4. Toshkent davlat yuridik universiteti tomonidan yuridik kollejlar uchun yangi avlod darsliklari nashrga tayyorlanganligi maʼlumot uchun qabul qilinsin.
Oʻzbekiston Respublikasi Adliya vazirligi va Oliy va oʻrta maxsus taʼlim vazirligi:
ikki oy muddatda yuridik kollejlarning kutubxona fondini zamonaviy yuridik va badiiy, shu jumladan xorijiy adabiyotlar bilan shakllantirilishi va toʻldirilishini taʼminlasin;
yuridik kollejlar uchun oʻquv adabiyotlarni nashr etish hamda muntazam yangilab borish yuzasidan zarur choralarni koʻrsin.
5. Quyidagilar qarorda nazarda tutilgan tadbirlarning moliyalashtirish manbalari etib belgilansin:
obyektlarni rekonstruksiya qilish, kapital taʼmirlash va jihozlash qismida — Oʻzbekiston Respublikasi Adliya vazirligining budjetdan tashqari mablagʻlari, xalqaro moliya institutlari mablagʻlari va texnik koʻmaklashish mablagʻlari (grantlar), xayriya ehsonlari hamda qonun hujjatlari bilan taqiqlanmagan boshqa manbalar;
oʻquv adabiyotlarini yaratish va nashr etish qismida — budjetdan tashqari Adliya organlari va muassasalarini rivojlantirish jamgʻarmasi va Oʻzbekiston Respublikasi Oliy va oʻrta maxsus taʼlim vazirligining Oliy taʼlim muassasalarini rivojlantirish jamgʻarmasi mablagʻlari, texnik koʻmaklashish mablagʻlari (grantlar), xayriya ehsonlari hamda qonun hujjatlari bilan taqiqlanmagan boshqa manbalar;
zamonaviy axborot-kommunikatsiya texnologiyalarini joriy etish qismida — Oʻzbekiston Respublikasi Adliya vazirligining budjetdan tashqari mablagʻlari, xalqaro moliya institutlari mablagʻlari va texnik koʻmaklashish mablagʻlari (grantlar), xayriya ehsonlari hamda qonun hujjatlari bilan taqiqlanmagan boshqa manbalar.
6. Oʻzbekiston Respublikasi Adliya vazirligi:
obyektlarning loyiha-smeta hujjatlarini qurilish-montaj ishlarini “foydalanishga tayyor holda topshirish” shartlarida bajarish boʻyicha tanlov (tender) savdolari oʻtkazishni hisobga olgan xolda oʻz vaqtida, sifatli ishlab chiqilishini taʼminlasin;
obyektlarning mebel, kompyuter va boshqa orgtexnikalar, oʻquv-laboratoriya uskunalari, oʻquv va sport anjomlari bilan jixozlash boʻyicha texnik talablarni ishlab chiqsin va tasdiqlasin hamda obyektlarning buyurtmachilariga yetkazsin.
7. Belgilansinki, adliya organlari va muassasalarining martaba darajalariga ega boʻlgan yuridik kollejlarning xodimlariga uzoq muddat xizmat qilganligi uchun ustamalar va martaba darajalari uchun qoʻshimchalar qonunchilikda belgilangan tartibda va miqdorlarda budjetdan tashqari Adliya organlari va muassasalarini rivojlantirish jamgʻarmasi hamda adliya organlari va muassasalarining budjetdan tashqari boshqa mablagʻlari hisobidan toʻlanadi.
8. Oʻzbekiston Respublikasi Adliya vazirligi:
Investitsiyalar va tashqi savdo vazirligi bilan birgalikda ushbu qarorda nazarda tutilgan tadbirlarni amalga oshirish yuzasidan xalqaro moliya institutlari mablagʻlari, texnik koʻmaklashish mablagʻlari (grantlar) hamda xayriya ehsonlarini jalb etish boʻyicha choralar koʻrsin;
Oʻzbekiston Respublikasi Qurilish vazirligi bilan birgalikda loyiha-smeta hujjatlarini vakolatli ekspertiza organlarda belgilangan tartib va muddatlarda koʻrib chiqilishi va kelishilishi hamda qurilish-montaj ishlarining sifatli bajarilishi ustidan nazorat oʻrnatilishini taʼminlasin.
9. 2025-yil 1-yanvarga qadar obyektlarni rekonstruksiya qilish va kapital taʼmirlash, jihozlash va faoliyatini tashkil etish, shuningdek TDYU Media markazining faoliyatini tashkil etish uchun belgilangan tartibda shakllantiriladigan roʻyxatlar boʻyicha bosh pudratchi tashkilot va TDYU tomonidan olib kiriladigan, Oʻzbekistonda ishlab chiqarilmaydigan uskunalar, kompyuter texnikasi va orgtexnika, oʻqitishning texnik vositalari, adabiyotlar, multimedia uskunalari jamlanmasi, dasturiy taʼminotlar, inventar va qurilish materiallari bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) ozod qilinsin.
10. Mazkur qarorning ijrosini nazorat qilish Oʻzbekiston Respublikasi adliya vaziri R.K. Davletov zimmasiga yuklansin.
Vazirlar Mahkamasining 2019-yil 15-oktabrdagi 873-son qaroriga 1-ILOVA
Oʻzbekiston Respublikasi Adliya vazirligining yuridik kollejlarini rekonstruksiya qilish, kapital taʼmirlash va jihozlash
T/r Obyektlar nomi Quvvati (oʻquv oʻrni) Bajarish muddatlari 1. Qoraqalpogʻiston Respublikasi yuridik kolleji 540 2024-yil 2. Andijon viloyati yuridik kolleji 1000 2021-yil 3. Buxoro viloyati yuridik kolleji 400 2023-yil 4. Jizzax viloyati yuridik kolleji 585 2020-yil 5. Qashqadaryo viloyati yuridik kolleji 750 2020-yil 6. Namangan viloyati yuridik kolleji 1040 2021-yil 7. Navoiy viloyati yuridik kolleji 825 2021-yil 8. Samarqand viloyati yuridik kolleji 900 2023-yil 9. Surxondaryo viloyati yuridik kolleji 600 2022-yil 10. Sirdaryo viloyati yuridik kolleji 720 2022-yil 11. Toshkent viloyati yuridik kolleji 800 2020-yil 12. Fargʻona viloyati yuridik kolleji 720 2024-yil 13. Xorazm viloyati yuridik kolleji 720 2022-yil 14. Toshkent shahar yuridik kolleji 1560 2023-yil
Vazirlar Mahkamasining 2019-yil 15-oktabrdagi 873-son qaroriga 2-ILOVA
Oʻzbekiston Respublikasi Adliya vazirligining yuridik kollejlarida zamonaviy axborot-kommunikatsiya texnologiyalarini joriy etish chora-tadbirlari
T/r Tadbirlar nomi Amalga oshirish mexanizmi Bajarish muddati Xarajatlar * (mln.soʻm) Masʼul ijrochilar 1. Yuridik kollejlarda taʼlim sifati va boshqaruv samaradorligini oshirish, raqamli mahsulotlar va innovatsion texnologiyalarni qoʻllagan holda zamonaviy ishchi muhitni yaratish maqsadida situatsion zalni tashkil qilgan xolda video-konferens-aloqa tizimini joriy etish. 1. Video-konferens-aloqani tashkil qilish uchun kompleksni (texnik vositalar va dasturiy taʼminot) xarid qilish va oʻrnatish. 2. Yuridik kollejlarning har bir auditoriyasiga kuzatuv kameralarini xarid qilish va oʻrnatish. 2021-yil oktyabr 2 000,0 Adliya vazirligi, Axborot texnologiyalari vazirligi 2021-yil dekabr 1 700,0 2. Yuridik kollejlarda oʻqitishning innovatsion uslublari, oflayn va onlayn kurslarini tatbiq etish maqsadida masofaviy taʼlimni, shu jumladan vebinar mashgʻulotlarni tashkil etish. 1. Masofaviy taʼlimni tashkil qilish uchun kompleks (texnik vositalar va dasturiy taʼminot) xarid qilish va oʻrnatish. 2020-yil may 670,0 Adliya vazirligi, Axborot texnologiyalari vazirligi 2. Yuridik kollejlarda serverlarni va TDYUda data-markazni xarid qilish va oʻrnatish. 2020-yil may 2 000,0 3. Xorijiy mutaxassislarni jalb qilgan holda TDYU va yuridik kollejlarning tegishli xodimlariga masofaviy taʼlim metodikasini oʻrgatish boʻyicha kurslarni tashkil etish. 2020-yil may — dekabr TDYU 3. Oʻquv jarayoniga integratsiyalashgan ijtimoiy-taʼlim tarmogʻi, ichki korporativ (intranet) portali, TDYU Axborot-resurs markazi elektron bazalariga onlayn tarzda kirish, taʼlim jarayonini onlayn qoʻllab quvvatlash boʻyicha oʻquvchilar uchun portal (ekstranet zona) va pedagoglarning oʻquvchilar bilan muloqoti hamda oʻquvchilarning oʻzaro muloqotini oʻz ichiga oluvchi xodimlar va oʻquvchilar uchun ichki axborot-kommunikatsiya vosita va reurslarini tashkil etish maqsadida “Elektron yuridik kollej” innovatsion elektron platformasini joriy etish. 1. “Elektron yuridik kollej” innovatsion elektron platformasini ishlab chiqish va joriy etish. 2021-yil sentyabr 370,0 Adliya vazirligi, Axborot texnologiyalari vazirligi, TDYU 2. Ushbu platformani har bir yuridik kollejga oʻrnatish hamda tegishli maʼlumotlar bilan toʻldirish boʻyicha faoliyatni tashkil qilish. 2021-yil sentyabr 3. Yuridik kollej xodimlari va oʻquvchilariga, shuningdek TDYUning masʼul xodimlariga ushbu platformadan foydalanish boʻyicha oʻquv kurslarini tashkil etish. 2021-yil sentyabr — dekabr 4. Xalqaro standartlarga muvofiq yuridik kollejlarning rasmiy saytlarini yangi versiyasini ishlab chiqish. Amaliy choralar 2020-yil may 40,0 Adliya vazirligi, Axborot texnologiyalari vazirligi 5. Internetga ulanish tezligi 100 MB/s dan kam boʻlmagan barqaror aloqani taʼminlovchi provayderlar bilan va serverlarga, kompyuterlarga antivirus dasturiy taʼminotini oʻrnatish boʻyicha tender (konkurs) savdolarini oʻtkazmasdan shartn�malar tuzish, keyinchalik shartnomalar muddatini mustaqil uzaytirish. Amaliy choralar 2019-yil oktyabr shartnoma shartlariga muvofiq Adliya vazirligi, Axborot texnologiyalari vazirligi, “Oʻzbektelekom” AJ 6. Yuridik kollejlarda elektron hujjat aylanish tizimini yaratish. 1. “UNICON-SOFT” MChJ bilan “av.ijro.uz” elektron hujjat aylanish tizimidan foydalanish boʻyicha xizmat koʻrsatish shartnomasini tuzish. 2. Yuridik kollejlarda ushbu tizimdan foydalanish boʻyicha oʻquv seminarlarini tashkil etish. 2019-yil dekabr shartnoma shartlariga muvofiq Adliya vazirligi, Axborot texnologiyalari vazirligi 7. Multimediali videomaʼruza va taqdimotlar bazasini, shuningdek yuridik kollejlar oʻquvchilarining huquqiy savodxonligini oshirishga qaratilgan ijtimoiy roliklar yaratish orqali oʻquv mashgʻulotlarining sifati va samaradorligini oshirish. 1. Eng yangi IT-texnologiyalar va raqamli uskunalar bilan jihozlangan TDYU Media markazini tashkil etish. 2. 2025-yil 1-yanvarga qadar TDYU tomonidan zamonaviy Media markaz faoliyatini tashkil etish uchun shartnomalarga muvofiq olib kiriladigan multimediya uskunalari komplektlari, kompyuter texnikasi, dasturiy taʼminotlar va boshqa texnik vositalar bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) ozod qilish. 3. Media markazga mutaxassislarni (rejissor, jurnalist, kreativ muharrir, operator, IT-mutaxassis, dizayner, videomontajchi, studiya apparat kompleksi muhandisi va boshqalar) mehnat bozorining amaldagi konyunkturasini hisobga olgan holda, shartnoma asosida jalb etish. 2019 — 2025-yillar Shartnoma shartlariga muvofiq Adliya vazirligi, DBQ, TDYU
Oʻzbekiston Respublikasining Bosh vaziri A. ARIPOV
Toshkent sh.,
2019-yil 15-oktabr,
873-son
Кабинета Министров Республики Узбекистан
Постановление
ПАРАМЕТРЫ
ПРОГРАММА
О мерах по укреплению материально-технической базы юридических колледжей Министерства юстиции Республики Узбекистан
В целях дальнейшего укрепления и модернизации материально-технической базы юридических колледжей Министерства юстиции Республики Узбекистан Кабинет Министров постановляет:
1. Утвердить:
Параметры реконструкции, капитального ремонта и оснащения юридических колледжей Министерства юстиции Республики Узбекистан согласно приложению № 1 ;
Программу мер по внедрению современных информационно-коммуникационных технологий в юридических колледжах Министерства юстиции Республики Узбекистан согласно приложению № 2 .
2. Определить в рамках реконструкции, капитального ремонта и оснащения юридических колледжей Министерства юстиции Республики Узбекистан (далее — объекты):
заказчиками — Министерство юстиции Республики Каракалпакстан, управления юстиции областей и г. Ташкента;
генеральную проектную и подрядную организацию — по результатам проведения конкурсных (тендерных) торгов в порядке, установленном законодательством.
3. Установить, что выполнение строительно-монтажных работ на объектах осуществляется в соответствии с разработанной проектно-сметной документацией на условиях «под ключ», с учетом применения нормативов оснащения колледжей мебелью, компьютерной и другой оргтехникой, учебно-лабораторным оборудованием, учебным и спортивным инвентарем.
4. Принять к сведению, что Ташкентским государственным юридическим университетом подготовлены к изданию учебники нового поколения для юридических колледжей.
Министерству юстиции и Министерству высшего и среднего специального образования Республики Узбекистан:
в двухмесячный срок обеспечить формирование и пополнение библиотечного фонда юридических колледжей современной юридической и художественной литературой, в том числе зарубежной;
принять необходимые меры по изданию, а также периодическому обновлению учебной литературы для юридических колледжей.
5. Определить источниками финансирования мероприятий, предусмотренных настоящим постановлением в части:
реконструкции, капитального ремонта и оснащения объектов — внебюджетные средства Министерства юстиции Республики Узбекистан, средства международных финансовых институтов, средств технического содействия (гранты), благотворительные пожертвования, а также другие средства, не запрещенные законодательством;
создания и издания учебной литературы — средства внебюджетного Фонда развития органов и учреждений юстиции и Фонда развития высших образовательных учреждений Министерства высшего и среднего специального образования Республики Узбекистан, средства технического содействия (гранты), благотворительные пожертвования, а также другие средства, не запрещенные законодательством;
внедрения современных информационно-коммуникационных технологий — внебюджетные средства Министерства юстиции Республики Узбекистан, средства международных финансовых институтов, средства технического содействия (гранты), благотворительные пожертвования, а также другие средства, не запрещенные законодательством.
6. Министерству юстиции Республики Узбекистан:
обеспечить в установленном порядке своевременную, качественную разработку проектно-сметной документации по объектам с учетом проведения конкурсных (тендерных) торгов на выполнение строительно-монтажных работ на условиях «под ключ»;
разработать и утвердить технические требования к оснащению объектов мебелью, компьютерной и другой оргтехникой, учебно-лабораторным оборудованием, учебным и спортивным инвентарем, с последующим представлением заказчикам объектов.
7. Установить, что работникам юридических колледжей, имеющим классные чины работников органов и учреждений юстиции, выплачиваются надбавки за выслугу лет и доплаты за классные чины в порядке и размерах, предусмотренных законодательством, за счет средств внебюджетного Фонда развития органов и учреждений юстиции и других внебюджетных средств органов и учреждений юстиции.
8. Министерству юстиции Республики Узбекистан совместно с:
Министерством инвестиций и внешней торговли принять меры по привлечению к выполнению мероприятий, предусмотренных настоящим постановлением, средств международных финансовых институтов, средств технического содействия (грантов) и благотворительные пожертвования;
Министерством строительства Республики Узбекистан обеспечить в установленном порядке и в сроки рассмотрение и согласование проектно-сметной документации в уполномоченных органах экспертизы и установить контроль за качеством выполнения строительно-монтажных работ.
9. Освободить сроком до 1 января 2025 года от уплаты таможенных платежей (за исключением налога на добавленную стоимость и сборов за таможенное оформление) оборудование, компьютерную технику и оргтехнику, технические средства обучения, литературу, комплекты мультимедийного оборудования, программное обеспечение, инвентарь и строительные материалы, не производимые в Республике Узбекистан, ввозимые генеральной подрядной организацией для реконструкции и капитального ремонта, оснащения и обеспечения деятельности объектов и Ташкентским государственным юридическим университетом для создания Медиа-центра Ташкентского государственного юридического университета по перечням, формируемым в установленном порядке.
10. Контроль за исполнением настоящего постановления возложить на министра юстиции Республики Узбекистан Р.К. Давлетова.
ПРИЛОЖЕНИЕ № 1 к постановлению Кабинета Министров от 15 октября 2019 года № 873
реконструкции, капитального ремонта и оснащения юридических колледжей Министерства юстиции Республики Узбекистан
№ Наименование объектов Мощность (уч.мест) Сроки исполнения 1 . Юридический колледж Республики Каракалпакстан 540 2024 год 2 . Юридический колледж Андижанской области 1 000 2021 год 3 . Юридический колледж Бухарской области 400 2023 год 4 . Юридический колледж Джизакской области 585 2020 год 5 . Юридический колледж Кашкадарьинской области 750 2020 год 6 . Юридический колледж Наманганской области 1 040 2021 год 7 . Юридический колледж Навоийской области 825 2021 год 8 . Юридический колледж Самаркандской области 900 2023 год 9 . Юридический колледж Сурхандарьинской области 600 2022 год 10 . Юридический колледж Сырдарьинской области 720 2022 год 11 . Юридический колледж Ташкентской области 800 2020 год 12 . Юридический колледж Ферганской области 720 2024 год 13 . Юридический колледж Хорезмской области 720 2022 год 14 . Юридический колледж города Ташкента 1 560 2023 год
ПРИЛОЖЕНИЕ № 2 к постановлению Кабинета Министров от 15 октября 2019 года № 873
мер по внедрению современных информационно-коммуникационных технологий в юридических колледжах Министерства юстиции Республики Узбекистан
№ Наименование мероприятий Механизм реализации Срок исполнения Затраты * (млн. сум.) Ответственные исполнители 1. Внедрение в юридических колледжах системы видео-конференц-связи с созданием ситуационного зала в целях повышения эффективности качества образования и управления колледжами, создания современной рабочей среды на основе применения цифровых решений и инновационных технологий. 1. Приобретение и установка комплекса для организации видео-конференц-связи (технические средства и программное обеспечение). октябрь 2021 года 2 000,0 Минюст, Мининфоком 2. Приобретение и установка камер наблюдения в каждой аудитории юридических колледжей. декабрь 2021 года 1 700,0 2. Организация дистанционного обучения в юридических колледжах, в том числе вебинарных занятий, в целях внедрения инновационных методов обучения, офлайн- и онлайн-курсов. 1. Приобретение и установка комплекса для организации дистанционного обучения (технические средства и программное обеспечение). май 2020 года 670,0 Минюст, Мининфоком 2. Приобретение и установка серверов в юридических колледжах и дата-центра в ТГЮУ. май 2020 года 2 000,0 3. Организация курсов по обучению соответствующих работников ТГЮУ и юридических колледжей методике дистанционного образования с привлечением зарубежных специалистов. май — декабрь 2020 года ТГЮУ 3. Внедрение инновационной электронной платформы «Электронный юридический колледж» в целях организации внутренней информационно-коммуникационной среды, в том числе между педагогами и учащимися, и ресурсов для работников и учащихся, включающей социально-образовательную сеть, интегрированную в учебный процесс, внутренний корпоративный (интранет) портал, доступа к электронным базам Информационного-ресурсного центра ТГЮУ, портал для учащихся (экстранет-зону) по онлайн-поддержке образовательного процесса. 1. Разработка и внедрение инновационной электронной платформы «Электронный юридический колледж». сентябрь 2021 года 370,0 Минюст, Мининфоком, ТГЮУ 2. Установка данной платформы в каждом юридическом колледже и организация деятельности по наполнению ее соответствующей информацией. сентябрь 2021 года 3. Организация курсов по обучению работников и учащихся юридических колледжей, а также соответствующих ответственных работников ТГЮУ пользования данной платформой. сентябрь — декабрь 2021 года 4. Разработка новой версии официального сайта юридических колледжей согласно международным стандартам. Практические меры май 2020 года 40,0 Минюст, Мининфоком 5. Заключение договора с провайдерами, обеспечивающими стабильное подключение к Интернету со скоростью не менее 100 МБ/с, и установка антивирусного программного обеспечения для серверов, компьютеров без проведения тендера (конкурса), с последующим самостоятельным продлением срока действия договора. Практические меры октябрь 2019 года согласно условиям договора Минюст, Мининфоком, АК «Узбектелеком» 6. Создание в юридических колледжах системы электронного документооборота. 1. Заключение договора с ООО «U N ICO N -SOFT» на оказание услуг по использованию системы электронного документооборота «av.ijro.uz». 2. Организация в юридических колледжах учебных семинаров по использованию данной системы. декабрь 2019 года согласно условиям договора Минюст, Мининфоком 7. Повышение эффективности и качества учебных занятий посредством создания базы мультимедийных видеолекций и презентаций, в том числе социальных роликов, направленных на развитие правовой грамотности учащихся. 1. Создание Медиа-центра ТГЮУ, оснащенной новейшими IТ-технологиями и цифровым оборудованием. 2. Освобождение сроком до 1 января 2025 года ТГЮУ от уплаты таможенных платежей (кроме сборов за таможенное оформление и налога на добавленную стоимость) за ввозимые в соответствии с контрактами комплекты мультимедийного оборудования, компьютерную технику, программное обеспечение и другие технические средства, необходимые для создания современного Медиа-центра. 3. Привлечение специалистов (режиссер, журналист, креативный редактор, оператор, IT-специалист, дизайнер, видеомонтажер, инженер аппаратно-студийного комплекса и других) в Медиа-центр на договорной основе, с учетом фактической конъюнктуры на рынке труда. 2019 — 2025 годы согласно условиям договора Минюст, ГТК, ТГЮУ
Премьер-министр Республики Узбекистан А. АРИПОВ
г. Ташкент,
15 октября 2019 г.,
№ 873