📅 2019-yil 16-oktabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 16 октябрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 16 октября 2019 г. · Законы и кодексы
Официальный текст. Официальный документ. Редакционные примечания не включены.
📅 16 October 2019 · Laws and codes
Official text. Official document. Editorial notes are not included.
Ўзбекистон Республикасининг Қонуни
Меценатлик тўғрисида
Қонунчилик палатаси томонидан 2019 йил 14 августда қабул қилинган Сенат томонидан 2019 йил 11 октябрда маъқулланган
1-боб. Умумий қоидалар
1-модда. Ушбу Қонуннинг мақсади
Ушбу Қонуннинг мақсади меценатлик соҳасидаги муносабатларни тартибга солишдан иборат.
2-модда. Меценатлик тўғрисидаги қонунчилик
Меценатлик тўғрисидаги қонунчилик ушбу Қонун ва бошқа қонунчилик ҳужжатларидан иборатдир.
Агар Ўзбекистон Республикасининг халқаро шартномасида Ўзбекистон Республикасининг меценатлик тўғрисидаги қонунчилигида назарда тутилганидан бошқача қоидалар белгиланган бўлса, халқаро шартнома қоидалари қўлланилади.
3-модда. Ушбу Қонуннинг қўлланилиш соҳаси
Ушбу Қонун маданият ва санъатни ривожлантириш мақсадида ҳомийлик фаолиятини амалга ошириш чоғида юзага келадиган муносабатларга нисбатан татбиқ этилади.
4-модда. Асосий тушунчалар
Ушбу Қонунда қуйидаги асосий тушунчалар қўлланилади:
меценатлик (меценатлик фаолияти) — маданият ва санъат, шунингдек илм-фан, таълим, маърифат ҳамда маданият ва санъатни ривожлантириш билан боғлиқ бошқа фаолият соҳасида жисмоний ва юридик шахслар томонидан амалга ошириладиган ҳомийлик фаолияти;
меценат — меценатлик фаолиятини амалга оширувчи жисмоний ёки юридик шахс;
меценатлик кўмагини олувчи — меценатлик кўмаги ҳисобига маданият ва санъатни сақлаш ҳамда ривожлантириш билан боғлиқ фаолиятни амалга оширувчи жисмоний ёки юридик шахс.
меценатлик кўмаги — меценатлик фаолияти доирасида меценатлар томонидан беғараз ёки имтиёзли шартлар асосида меценатлик кўмагини олувчиларга бериладиган мол-мулк, шунингдек улар учун бажариладиган ишлар, кўрсатиладиган хизматлар ва қўллаб-қувватлашнинг бошқа турлари.
2-боб. Меценатлик фаолиятининг мақсадлари, принциплари ва кафолатлари
5-модда. Меценатлик фаолиятини амалга ошириш мақсадлари
Меценатлик фаолияти қуйидаги мақсадларда амалга оширилади:
Ўзбекистон Республикасининг маданий мерос объектларини сақлаш, муҳофаза қилиш ва улардан фойдаланиш учун шарт-шароитлар яратиш;
маданият ва санъат соҳасидаги касбий фаолиятни қўллаб-қувватлаш;
Ўзбекистон Республикасининг маданий мерос объектларини сақлаш, муҳофаза қилиш ва улардан фойдаланиш соҳасидаги давлат дастурларини ҳамда бошқа дастурларни, лойиҳаларни амалга оширишда иштирок этиш;
маданият ва санъат соҳасидаги ёш истеъдодларни ва арбобларни қўллаб-қувватлаш;
жисмоний ва юридик шахсларнинг маданият ва санъатни ривожлантиришда иштирок этиши учун маънавий рағбатлантириш омилларини ҳамда бошқа омилларни кенгайтириш.
Меценатлик фаолияти маданият ва санъатни ривожлантириш билан боғлиқ бошқа мақсадларда ҳам амалга оширилиши мумкин.
6-модда. Меценатлик фаолиятининг асосий принциплари
Меценатлик фаолияти қонунийлик, ихтиёрийлик, инсонпарварлик ва ҳисоботларнинг ишончлилиги принциплари асосида амалга оширилади.
Меценатлик фаолияти Ўзбекистон Республикаси Конституциясига , ушбу Қонун ва бошқа қонунчилик ҳужжатларига мувофиқ амалга оширилиши керак.
Ихтиёрийлик принципи меценатларга меценатлик кўмагини кўрсатиш ҳуқуқини ва меценатлик кўмагини олувчиларга учинчи шахслар томонидан мажбурий таъсир кўрсатмасдан бундай кўмакни олиш ёки олмаслик ҳуқуқини беришдан иборатдир.
Меценатлик фаолияти жамиятда инсоннинг инсонпарварлаштирилган яшаш муҳитини шакллантиришга, унинг ижодий фаолияти эркинлигини таъминлашга доир интилишга асосланади.
Меценатлар ва меценатлик кўмагини олувчилар меценатлик кўмагини бериш ҳамда ундан фойдаланиш жараёнларида ишончли ҳисобни юритиши шарт.
7-модда. Меценатлик фаолиятининг кафолатлари
Жисмоний ва юридик шахслар меценатлик фаолиятини ихтиёрийлик ҳамда бу фаолиятнинг мақсадларини эркин танлаш асосида монеликсиз амалга оширишга ҳақлидир.
Жисмоний ва юридик шахслар якка тартибда ёки бирлашган ҳолда ҳомийлик ташкилотларини ташкил этиб ёхуд ташкил этмасдан меценатлик фаолиятида эркин иштирок этишга ҳақли.
Ҳеч ким ушбу Қонунда назарда тутилган меценатлик фаолиятининг мақсадларини ва уни амалга ошириш шаклларини танлаш эркинлигини чеклашга ҳақли эмас.
3-боб. Меценатлик фаолияти
8-модда. Меценатлик фаолиятининг субъектлари
Меценатлар ва меценатлик кўмагини олувчилар меценатлик фаолиятининг субъектларидир.
Ўзбекистон Республикасининг резидентлари ва норезидентлари меценатлар бўлиши мумкин.
Ўзбекистон Республикасининг резидентлари меценатлик кўмагини олувчилар бўлиши мумкин.
9-модда. Меценатлик фаолиятида оммавий ахборот воситаларининг иштирок этиши
Оммавий ахборот воситалари:
меценатлик фаолиятини ривожлантиришга, шу жумладан маданият ва санъат соҳасида аҳолининг ахборотга оид ва ҳуқуқий маданиятини юксалтиришга қаратилган тадбирларни ёритиши;
меценатлик тўғрисидаги қонунчиликнинг ижроси устидан жамоатчилик назоратини амалга ошириши;
маданият ва санъат соҳаси органлари ҳамда ташкилотлари, шунингдек меценатлик фаолияти субъектлари билан маданият ва санъатни ривожлантириш масалалари юзасидан ҳамкорлик қилиши мумкин.
Оммавий ахборот воситалари қонунчиликка мувофиқ бошқа тадбирларда ҳам иштирок этиши мумкин.
10-модда. Меценатлик фаолиятининг ошкоралиги
Меценатлик фаолиятининг субъектлари меценатлик кўмагини кўрсатиш факти ва унинг мақсадлари тўғрисидаги ахборотни жамоатчилик эътиборига етказиш, шу жумладан оммавий ахборот воситалари ва Интернет жаҳон ахборот тармоғидаги ахборот ресурслари орқали етказиш ҳуқуқига эга. Бундай ахборот фақат меценатнинг розилиги билан тарқатилиши мумкин.
11-модда. Меценатлик кўмагини бериш тўғрисидаги шартнома
Меценатлик фаолияти меценат ва меценатлик кўмагини олувчи ўртасида тузиладиган меценатлик кўмагини бериш тўғрисидаги шартнома асосида амалга оширилади.
Меценатлик кўмагини бериш тўғрисидаги шартнома меценатлик кўмагини беришнинг мақсадлари, шакли, шартлари, муддатлари ҳамда ҳажмини, шартномавий мажбуриятлар бажарилмаганда ёки лозим даражада бажарилмаганда тарафларнинг жавобгарлигини, низоларни ҳал этиш тартибини, тарафларнинг реквизитларини, шартнома тузилган сана ва жойни, шунингдек бундай турдаги шартномалар учун қонунчиликда белгиланган ёки тарафлардан бирининг аризасига кўра келишувга эришиш лозим бўлган бошқа муҳим шартларни назарда тутиши керак.
Меценатнинг номини, персоналлаштириш воситаларини мажбуран эслатиб ўтиш талаби ва бундай эслатиш шаклининг белгиланиши меценатлик кўмагини бериш тўғрисидаги шартноманинг шарти бўлиши мумкин.
Меценатлик кўмагини бериш тўғрисидаги шартномада меценатлик кўмагидан мақсадли фойдаланилиши устидан назорат қилиш механизмлари белгиланиши мумкин.
4-боб. Меценатлик фаолиятини амалга оширишга давлатнинг кўмаклашиши
12-модда. Меценатлик фаолияти субъектлари ҳуқуқларининг давлат кафолатлари ва меценатлик фаолиятини давлат томонидан қўллаб-қувватлаш
Меценатлик фаолияти субъектларининг ҳуқуқлари ва қонуний манфаатлари давлат томонидан кафолатланади. Меценатнинг меценатлик фаолиятини амалга ошириш шаклларини танлаш ҳуқуқи чекланишига йўл қўйилмайди.
Давлат меценатлик фаолиятини қуйидагилар орқали қўллаб-қувватлайди:
меценатларга солиқлар ва бошқа мажбурий тўловлар ҳамда тарифлар бўйича имтиёзлар ва преференциялар бериш;
меценатларни давлат мукофотлари ёки бошқа мукофотлар билан тақдирлаш;
меценатларнинг номларини абадийлаштириш.
Давлат меценатлик фаолиятини қонунчиликка мувофиқ бошқа йўллар билан ҳам қўллаб-қувватлаши мумкин.
13-модда. Ўзбекистон Республикаси Маданият вазирлигининг меценатлик фаолияти соҳасидаги ваколатлари
Ўзбекистон Республикаси Маданият вазирлиги меценатлик фаолиятини ахборот ва ташкилий жиҳатдан қўллаб-қувватлаш, меценатлик фаолияти тўғрисида жамоатчиликнинг ижобий фикрини шакллантириш мақсадида:
меценатлик фаолияти субъектларига услубий ва маслаҳат ёрдами кўрсатилишини;
меценатлик фаолиятини қўллаб-қувватлаш ва ривожлантиришга қаратилган тадбирларнинг ташкил этилиши ҳамда ўтказилишини;
Интернет жаҳон ахборот тармоғида меценатлик фаолияти соҳасида амалга оширилаётган лойиҳалар, шунингдек меценатлик кўмагини потенциал олувчиларнинг уни олишдан манфаатдорлиги тўғрисида ахборот берувчи ихтисослаштирилган веб-сайт яратилишини ҳамда фаолият юритишини;
меценатлик фаолияти тўғрисидаги ахборотни тўплашни, таҳлил қилишни, унинг тарқатилишини;
меценатлик фаолиятининг илғор тажрибаси умумлаштирилишини ва унинг тарқатилишига кўмаклашишни;
маданият ва санъатни ривожлантиришга катта ҳисса қўшган меценатларни мукофотлаш ҳамда уларнинг номини абадийлаштириш юзасидан чора-тадбирлар амалга оширилишини таъминлайди.
Ўзбекистон Республикаси Маданият вазирлиги қонунчиликка мувофиқ бошқа ваколатларни ҳам амалга ошириши мумкин.
5-боб. Меценатлик кўмаги
14-модда. Меценатлик кўмагини кўрсатиш
Меценат меценатлик кўмагини олувчилар сифатида шахсларни, шунингдек меценатлик кўмагини кўрсатиш шаклларини ушбу Қонун талабларига мувофиқ мустақил равишда белгилайди.
15-модда. Меценатлик кўмагини кўрсатишнинг ўзига хос хусусиятлари
Меценатлик кўмаги Ўзбекистон Республикасининг Давлат бюджети маблағлари ҳисобидан амалга оширилиши мумкин эмас.
Меценатлик кўмагини олиш меценатлик кўмагини олувчининг давлат томонидан молиялаштирилишини қисқартириш учун асос бўлмайди, бундан қонунчиликда назарда тутилган ҳоллар мустасно.
6-боб. Якунловчи қоидалар
16-модда. Низоларни ҳал этиш
Меценатлик фаолияти соҳасида юзага келадиган низолар қонунчиликда белгиланган тартибда ҳал этилади.
17-модда. Меценатлик тўғрисидаги қонунчиликни бузганлик учун жавобгарлик
Меценатлик тўғрисидаги қонунчиликни бузганликда айбдор шахслар белгиланган тартибда жавобгар бўлади.
18-модда. Ушбу Қонуннинг ижросини, етказилишини, моҳияти ва аҳамияти тушунтирилишини таъминлаш
Ўзбекистон Республикаси Маданият вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
19-модда. Қонунчиликни ушбу Қонунга мувофиқлаштириш
Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
20-модда. Ушбу Қонуннинг кучга кириши
Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2019 йил 16 октябрь,
ЎРҚ-571-сон
Oʻzbekiston Respublikasining Qonuni
Metsenatlik toʻgʻrisida
Qonunchilik palatasi tomonidan 2019-yil 14-avgustda qabul qilingan Senat tomonidan 2019-yil 11-oktabrda maʼqullangan
1-bob. Umumiy qoidalar
1-modda. Ushbu Qonunning maqsadi
Ushbu Qonunning maqsadi metsenatlik sohasidagi munosabatlarni tartibga solishdan iborat.
2-modda. Metsenatlik toʻgʻrisidagi qonunchilik
Metsenatlik toʻgʻrisidagi qonunchilik ushbu Qonun va boshqa qonunchilik hujjatlaridan iboratdir.
Agar Oʻzbekiston Respublikasining xalqaro shartnomasida Oʻzbekiston Respublikasining metsenatlik toʻgʻrisidagi qonunchiligida nazarda tutilganidan boshqacha qoidalar belgilangan boʻlsa, xalqaro shartnoma qoidalari qoʻllaniladi.
3-modda. Ushbu Qonunning qoʻllanilish sohasi
Ushbu Qonun madaniyat va sanʼatni rivojlantirish maqsadida homiylik faoliyatini amalga oshirish chogʻida yuzaga keladigan munosabatlarga nisbatan tatbiq etiladi.
4-modda. Asosiy tushunchalar
Ushbu Qonunda quyidagi asosiy tushunchalar qoʻllaniladi:
metsenatlik (metsenatlik faoliyati) — madaniyat va sanʼat, shuningdek ilm-fan, taʼlim, maʼrifat hamda madaniyat va sanʼatni rivojlantirish bilan bogʻliq boshqa faoliyat sohasida jismoniy va yuridik shaxslar tomonidan amalga oshiriladigan homiylik faoliyati;
metsenat — metsenatlik faoliyatini amalga oshiruvchi jismoniy yoki yuridik shaxs;
metsenatlik koʻmagini oluvchi — metsenatlik koʻmagi hisobiga madaniyat va sanʼatni saqlash hamda rivojlantirish bilan bogʻliq faoliyatni amalga oshiruvchi jismoniy yoki yuridik shaxs.
metsenatlik koʻmagi — metsenatlik faoliyati doirasida metsenatlar tomonidan begʻaraz yoki imtiyozli shartlar asosida metsenatlik koʻmagini oluvchilarga beriladigan mol-mulk, shuningdek ular uchun bajariladigan ishlar, koʻrsatiladigan xizmatlar va qoʻllab-quvvatlashning boshqa turlari.
2-bob. Metsenatlik faoliyatining maqsadlari, prinsiplari va kafolatlari
5-modda. Metsenatlik faoliyatini amalga oshirish maqsadlari
Metsenatlik faoliyati quyidagi maqsadlarda amalga oshiriladi:
Oʻzbekiston Respublikasining madaniy meros obyektlarini saqlash, muhofaza qilish va ulardan foydalanish uchun shart-sharoitlar yaratish;
madaniyat va sanʼat sohasidagi kasbiy faoliyatni qoʻllab-quvvatlash;
Oʻzbekiston Respublikasining madaniy meros obyektlarini saqlash, muhofaza qilish va ulardan foydalanish sohasidagi davlat dasturlarini hamda boshqa dasturlarni, loyihalarni amalga oshirishda ishtirok etish;
madaniyat va sanʼat sohasidagi yosh isteʼdodlarni va arboblarni qoʻllab-quvvatlash;
jismoniy va yuridik shaxslarning madaniyat va sanʼatni rivojlantirishda ishtirok etishi uchun maʼnaviy ragʻbatlantirish omillarini hamda boshqa omillarni kengaytirish.
Metsenatlik faoliyati madaniyat va sanʼatni rivojlantirish bilan bogʻliq boshqa maqsadlarda ham amalga oshirilishi mumkin.
6-modda. Metsenatlik faoliyatining asosiy prinsiplari
Metsenatlik faoliyati qonuniylik, ixtiyoriylik, insonparvarlik va hisobotlarning ishonchliligi prinsiplari asosida amalga oshiriladi.
Metsenatlik faoliyati Oʻzbekiston Respublikasi Konstitutsiyasiga , ushbu Qonun va boshqa qonunchilik hujjatlariga muvofiq amalga oshirilishi kerak.
Ixtiyoriylik prinsipi metsenatlarga metsenatlik koʻmagini koʻrsatish huquqini va metsenatlik koʻmagini oluvchilarga uchinchi shaxslar tomonidan majburiy taʼsir koʻrsatmasdan bunday koʻmakni olish yoki olmaslik huquqini berishdan iboratdir.
Metsenatlik faoliyati jamiyatda insonning insonparvarlashtirilgan yashash muhitini shakllantirishga, uning ijodiy faoliyati erkinligini taʼminlashga doir intilishga asoslanadi.
Metsenatlar va metsenatlik koʻmagini oluvchilar metsenatlik koʻmagini berish hamda undan foydalanish jarayonlarida ishonchli hisobni yuritishi shart.
7-modda. Metsenatlik faoliyatining kafolatlari
Jismoniy va yuridik shaxslar metsenatlik faoliyatini ixtiyoriylik hamda bu faoliyatning maqsadlarini erkin tanlash asosida moneliksiz amalga oshirishga haqlidir.
Jismoniy va yuridik shaxslar yakka tartibda yoki birlashgan holda homiylik tashkilotlarini tashkil etib yoxud tashkil etmasdan metsenatlik faoliyatida erkin ishtirok etishga haqli.
Hech kim ushbu Qonunda nazarda tutilgan metsenatlik faoliyatining maqsadlarini va uni amalga oshirish shakllarini tanlash erkinligini cheklashga haqli emas.
3-bob. Metsenatlik faoliyati
8-modda. Metsenatlik faoliyatining subyektlari
Metsenatlar va metsenatlik koʻmagini oluvchilar metsenatlik faoliyatining subyektlaridir.
Oʻzbekiston Respublikasining rezidentlari va norezidentlari metsenatlar boʻlishi mumkin.
Oʻzbekiston Respublikasining rezidentlari metsenatlik koʻmagini oluvchilar boʻlishi mumkin.
9-modda. Metsenatlik faoliyatida ommaviy axborot vositalarining ishtirok etishi
Ommaviy axborot vositalari:
metsenatlik faoliyatini rivojlantirishga, shu jumladan madaniyat va sanʼat sohasida aholining axborotga oid va huquqiy madaniyatini yuksaltirishga qaratilgan tadbirlarni yoritishi;
metsenatlik toʻgʻrisidagi qonunchilikning ijrosi ustidan jamoatchilik nazoratini amalga oshirishi;
madaniyat va sanʼat sohasi organlari hamda tashkilotlari, shuningdek metsenatlik faoliyati subyektlari bilan madaniyat va sanʼatni rivojlantirish masalalari yuzasidan hamkorlik qilishi mumkin.
Ommaviy axborot vositalari qonunchilikka muvofiq boshqa tadbirlarda ham ishtirok etishi mumkin.
10-modda. Metsenatlik faoliyatining oshkoraligi
Metsenatlik faoliyatining subyektlari metsenatlik koʻmagini koʻrsatish fakti va uning maqsadlari toʻgʻrisidagi axborotni jamoatchilik eʼtiboriga yetkazish, shu jumladan ommaviy axborot vositalari va Internet jahon axborot tarmogʻidagi axborot resurslari orqali yetkazish huquqiga ega. Bunday axborot faqat metsenatning roziligi bilan tarqatilishi mumkin.
11-modda. Metsenatlik koʻmagini berish toʻgʻrisidagi shartnoma
Metsenatlik faoliyati metsenat va metsenatlik koʻmagini oluvchi oʻrtasida tuziladigan metsenatlik koʻmagini berish toʻgʻrisidagi shartnoma asosida amalga oshiriladi.
Metsenatlik koʻmagini berish toʻgʻrisidagi shartnoma metsenatlik koʻmagini berishning maqsadlari, shakli, shartlari, muddatlari hamda hajmini, shartnomaviy majburiyatlar bajarilmaganda yoki lozim darajada bajarilmaganda taraflarning javobgarligini, nizolarni hal etish tartibini, taraflarning rekvizitlarini, shartnoma tuzilgan sana va joyni, shuningdek bunday turdagi shartnomalar uchun qonunchilikda belgilangan yoki taraflardan birining arizasiga koʻra kelishuvga erishish lozim boʻlgan boshqa muhim shartlarni nazarda tutishi kerak.
Metsenatning nomini, personallashtirish vositalarini majburan eslatib oʻtish talabi va bunday eslatish shaklining belgilanishi metsenatlik koʻmagini berish toʻgʻrisidagi shartnomaning sharti boʻlishi mumkin.
Metsenatlik koʻmagini berish toʻgʻrisidagi shartnomada metsenatlik koʻmagidan maqsadli foydalanilishi ustidan nazorat qilish mexanizmlari belgilanishi mumkin.
4-bob. Metsenatlik faoliyatini amalga oshirishga davlatning koʻmaklashishi
12-modda. Metsenatlik faoliyati subyektlari huquqlarining davlat kafolatlari va metsenatlik faoliyatini davlat tomonidan qoʻllab-quvvatlash
Metsenatlik faoliyati subyektlarining huquqlari va qonuniy manfaatlari davlat tomonidan kafolatlanadi. Metsenatning metsenatlik faoliyatini amalga oshirish shakllarini tanlash huquqi cheklanishiga yoʻl qoʻyilmaydi.
Davlat metsenatlik faoliyatini quyidagilar orqali qoʻllab-quvvatlaydi:
metsenatlarga soliqlar va boshqa majburiy toʻlovlar hamda tariflar boʻyicha imtiyozlar va preferensiyalar berish;
metsenatlarni davlat mukofotlari yoki boshqa mukofotlar bilan taqdirlash;
metsenatlarning nomlarini abadiylashtirish.
Davlat metsenatlik faoliyatini qonunchilikka muvofiq boshqa yoʻllar bilan ham qoʻllab-quvvatlashi mumkin.
13-modda. Oʻzbekiston Respublikasi Madaniyat vazirligining metsenatlik faoliyati sohasidagi vakolatlari
Oʻzbekiston Respublikasi Madaniyat vazirligi metsenatlik faoliyatini axborot va tashkiliy jihatdan qoʻllab-quvvatlash, metsenatlik faoliyati toʻgʻrisida jamoatchilikning ijobiy fikrini shakllantirish maqsadida:
metsenatlik faoliyati subyektlariga uslubiy va maslahat yordami koʻrsatilishini;
metsenatlik faoliyatini qoʻllab-quvvatlash va rivojlantirishga qaratilgan tadbirlarning tashkil etilishi hamda oʻtkazilishini;
Internet jahon axborot tarmogʻida metsenatlik faoliyati sohasida amalga oshirilayotgan loyihalar, shuningdek metsenatlik koʻmagini potensial oluvchilarning uni olishdan manfaatdorligi toʻgʻrisida axborot beruvchi ixtisoslashtirilgan veb-sayt yaratilishini hamda faoliyat yuritishini;
metsenatlik faoliyati toʻgʻrisidagi axborotni toʻplashni, tahlil qilishni, uning tarqatilishini;
metsenatlik faoliyatining ilgʻor tajribasi umumlashtirilishini va uning tarqatilishiga koʻmaklashishni;
madaniyat va sanʼatni rivojlantirishga katta hissa qoʻshgan metsenatlarni mukofotlash hamda ularning nomini abadiylashtirish yuzasidan chora-tadbirlar amalga oshirilishini taʼminlaydi.
Oʻzbekiston Respublikasi Madaniyat vazirligi qonunchilikka muvofiq boshqa vakolatlarni ham amalga oshirishi mumkin.
5-bob. Metsenatlik koʻmagi
14-modda. Metsenatlik koʻmagini koʻrsatish
Metsenat metsenatlik koʻmagini oluvchilar sifatida shaxslarni, shuningdek metsenatlik koʻmagini koʻrsatish shakllarini ushbu Qonun talablariga muvofiq mustaqil ravishda belgilaydi.
15-modda. Metsenatlik koʻmagini koʻrsatishning oʻziga xos xususiyatlari
Metsenatlik koʻmagi Oʻzbekiston Respublikasining Davlat budjeti mablagʻlari hisobidan amalga oshirilishi mumkin emas.
Metsenatlik koʻmagini olish metsenatlik koʻmagini oluvchining davlat tomonidan moliyalashtirilishini qisqartirish uchun asos boʻlmaydi, bundan qonunchilikda nazarda tutilgan hollar mustasno.
6-bob. Yakunlovchi qoidalar
16-modda. Nizolarni hal etish
Metsenatlik faoliyati sohasida yuzaga keladigan nizolar qonunchilikda belgilangan tartibda hal etiladi.
17-modda. Metsenatlik toʻgʻrisidagi qonunchilikni buzganlik uchun javobgarlik
Metsenatlik toʻgʻrisidagi qonunchilikni buzganlikda aybdor shaxslar belgilangan tartibda javobgar boʻladi.
18-modda. Ushbu Qonunning ijrosini, yetkazilishini, mohiyati va ahamiyati tushuntirilishini taʼminlash
Oʻzbekiston Respublikasi Madaniyat vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
19-modda. Qonunchilikni ushbu Qonunga muvofiqlashtirish
Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
20-modda. Ushbu Qonunning kuchga kirishi
Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2019-yil 16-oktabr,
OʻRQ-571-son
Закон Республики Узбекистан
О меценатстве
Принят Законодательной палатой 14 августа 2019 года Одобрен Сенатом 11 октября 2019 года
Глава 1. Общие положения
Статья 1. Цель настоящего Закона
Целью настоящего Закона является регулирование отношений в области меценатства.
Статья 2. Законодательство о меценатстве
Законодательство о меценатстве состоит из настоящего Закона и иных актов законодательства.
Если международным договором Республики Узбекистан установлены иные правила, чем те, которые предусмотрены законодательством Республики Узбекистан о меценатстве, то применяются правила международного договора.
Статья 3. Сфера применения настоящего Закона
Действие настоящего Закона распространяется на отношения, возникающие при осуществлении благотворительной деятельности в целях развития культуры и искусства.
Статья 4. Основные понятия
В настоящем Законе применяются следующие основные понятия:
меценатство (меценатская деятельность) — благотворительная деятельность, осуществляемая физическими и юридическими лицами в сфере культуры и искусства, а также науки, образования, просвещения и иной деятельности, связанной с развитием культуры и искусства;
меценат — физическое или юридическое лицо, осуществляющее меценатскую деятельность;
получатель меценатской поддержки — физическое или юридическое лицо, осуществляющее деятельность, связанную с сохранением и развитием культуры и искусства, за счет меценатской поддержки;
меценатская поддержка — передаваемое получателям меценатской поддержки имущество, а также выполняемые для них работы, оказываемые услуги и иные виды поддержки меценатами в рамках меценатской деятельности на безвозмездной основе или льготных условиях.
Глава 2. Цели, принципы и гарантии меценатской деятельности
Статья 5. Цели осуществления меценатской деятельности
Меценатская деятельность осуществляется в целях:
создания условий для сохранения, охраны и использования объектов культурного наследия Республики Узбекистан;
поддержки профессиональной деятельности в сфере культуры и искусства;
участия в реализации государственных и иных программ, проектов в области сохранения, охраны и использования объектов культурного наследия Республики Узбекистан;
поддержки молодых талантов и деятелей в сфере культуры и искусства;
расширения моральных и иных стимулов для участия физических и юридических лиц в развитии культуры и искусства.
Меценатская деятельность может осуществляться и в иных целях, связанных с развитием культуры и искусства.
Статья 6. Основные принципы меценатской деятельности
Меценатская деятельность осуществляется на основе принципов законности, добровольности, гуманизма и достоверности отчетности.
Меценатская деятельность должна осуществляться в соответствии с Конституцией Республики Узбекистан, настоящим Законом и иными актами законодательства.
Принцип добровольности заключается в предоставлении меценатам права оказывать меценатскую поддержку и получателям меценатской поддержки права получать или не получать ее без принудительного воздействия со стороны третьих лиц.
Меценатская деятельность основывается на стремлении к формированию в обществе гуманизированной среды обитания человека, обеспечению свободы его творческой деятельности.
Меценаты и получатели меценатской поддержки обязаны вести достоверный учет в процессах предоставления и использования меценатской поддержки.
Статья 7. Гарантии меценатской деятельности
Физические и юридические лица вправе беспрепятственно осуществлять меценатскую деятельность на основе добровольности и свободы выбора ее целей.
Физические и юридические лица вправе свободно участвовать в меценатской деятельности индивидуально или объединившись, с образованием или без образования благотворительных организаций.
Никто не вправе ограничивать свободу выбора установленных настоящим Законом целей меценатской деятельности и форм ее осуществления.
Глава 3. Меценатская деятельность
Статья 8. Субъекты меценатской деятельности
Субъектами меценатской деятельности являются меценаты и получатели меценатской поддержки.
Меценатами могут являться резиденты и нерезиденты Республики Узбекистан.
Получателями меценатской поддержки могут являться резиденты Республики Узбекистан.
Статья 9. Участие средств массовой информации в меценатской деятельности
Средства массовой информации могут:
освещать мероприятия, направленные на развитие меценатской деятельности, в том числе на повышение информационной и правовой культуры населения в области культуры и искусства;
осуществлять общественный контроль за исполнением законодательства о меценатстве;
взаимодействовать с органами и организациями сферы культуры и искусства, а также субъектами меценатской деятельности по вопросам развития культуры и искусства.
Средства массовой информации могут участвовать и в иных мероприятиях в соответствии с законодательством.
Статья 10. Гласность меценатской деятельности
Субъекты меценатской деятельности имеют право доводить до сведения общественности, в том числе через средства массовой информации и информационные ресурсы во всемирной информационной сети Интернет, информацию о факте и целях оказания меценатской поддержки. Такая информация может быть распространена только с согласия мецената.
Статья 11. Договор о предоставлении меценатской поддержки
Меценатская деятельность осуществляется на основании договора о предоставлении меценатской поддержки, заключаемого между меценатом и получателем меценатской поддержки.
Договор о предоставлении меценатской поддержки должен устанавливать цели, форму, условия, сроки и объем предоставления меценатской поддержки, ответственность сторон при неисполнении или ненадлежащем исполнении договорных обязательств, порядок разрешения споров, реквизиты сторон, дату и место заключения договора, а также другие существенные условия, которые установлены законодательством для договоров данного вида или относительно которых по заявлению одной из сторон должно быть достигнуто соглашение.
Условием договора о предоставлении меценатской поддержки может являться требование обязательного упоминания имени, средств персонализации мецената и установление формы такого упоминания.
В договоре о предоставлении меценатской поддержки могут устанавливаться механизмы контроля за целевым использованием меценатской поддержки.
Глава 4. Содействие государства осуществлению меценатской деятельности
Статья 12. Государственные гарантии прав субъектов меценатской деятельности и государственная поддержка меценатской деятельности
Права и законные интересы субъектов меценатской деятельности гарантируются государством. Ограничение права мецената на выбор форм осуществления меценатской деятельности не допускается.
Государство оказывает поддержку меценатской деятельности путем:
предоставления меценатам льгот и преференций по налогам и другим обязательным платежам и тарифам;
присуждения государственных или иных наград меценатам;
увековечивания имен меценатов.
Государство может оказывать поддержку меценатской деятельности и иными путями в соответствии с законодательством.
Статья 13. Полномочия Министерства культуры Республики Узбекистан в области меценатской деятельности
Министерство культуры Республики Узбекистан в целях информационной и организационной поддержки меценатской деятельности, формирования позитивного общественного мнения о меценатской деятельности обеспечивает:
оказание методической и консультативной помощи субъектам меценатской деятельности;
организацию и проведение мероприятий, направленных на поддержку и развитие меценатской деятельности;
создание и функционирование специализированного веб-сайта во всемирной информационной сети Интернет, предоставляющего информацию о реализуемых проектах в области меценатской деятельности, а также заинтересованности потенциальных получателей меценатской поддержки в ее получении;
сбор, анализ, распространение информации о меценатской деятельности;
обобщение и содействие распространению передового опыта меценатской деятельности;
реализацию мер по награждению и увековечиванию имен меценатов, внесших большой вклад в развитие культуры и искусства.
Министерство культуры Республики Узбекистан может осуществлять и иные полномочия в соответствии с законодательством.
Глава 5. Меценатская поддержка
Статья 14. Оказание меценатской поддержки
Меценат самостоятельно определяет лиц в качестве получателей меценатской поддержки, а также формы оказания меценатской поддержки в соответствии с требованиями настоящего Закона.
Статья 15. Особенности оказания меценатской поддержки
Меценатская поддержка не может осуществляться за счет средств Государственного бюджета Республики Узбекистан.
Получение меценатской поддержки не является основанием для сокращения государственного финансирования получателя меценатской поддержки, за исключением случаев, предусмотренных законодательством.
Глава 6. Заключительные положения
Статья 16. Разрешение споров
Споры, возникающие в области меценатства, разрешаются в порядке, установленном законодательством.
Статья 17. Ответственность за нарушение законодательства о меценатстве
Лица, виновные в нарушении законодательства о меценатстве, несут ответственность в установленном порядке.
Статья 18. Обеспечение исполнения, доведения, разъяснения сути и значения настоящего Закона
Министерству культуры Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 19. Приведение законодательства в соответствие с настоящим Законом
Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 20. Вступление в силу настоящего Закона
Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
16 октября 2019 г.,
№ ЗРУ-571