📅 2019-yil 16-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 16 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 октября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 16 October 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Sergeli Industrial Park» кичик саноат зонаси фаолиятини ташкил этиш чора-тадбирлари тўғрисида
Тошкент шаҳридаги кичик саноат зоналари фаолиятини фаоллаштириш, бўш турган ер майдонларидан унумли фойдаланиш, янги рақобатбардош саноат ишлаб чиқаришлари ва кичик корхоналарни ривожлантиришни янада қўллаб-қувватлаш ҳамда рағбатлантириш, саноат кооперациясини чуқурлаштириш, шу асосда Тошкент шаҳрида янги иш ўринлари яратиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Тошкент шаҳрида инвестиция иқлимини яхшилаш бўйича экспериментни амалга ошириш чора-тадбирлари тўғрисида» 2018 йил 15 августдаги ПФ-5511-сон Фармонига мувофиқ ҳамда топшириш ва қабул-қилиш далолатномалари асосида Тошкент шаҳри, Сергели тумани, Райхон кўчасида жойлашган «САР» авиакомпаниясининг бинолари, иншоотлари ва бошқа инфратузилма объектлари кейинчалик уларнинг негизида «Sergeli Industrial Park» кичик саноат зонасини ташкил этиш учун Тошкент шаҳар ҳокимлигига бепул берилганлиги маълумот учун қабул қилинсин.
2. Тошкент шаҳар ҳокимлиги хамда Ўзбекистон Республикаси Иқтисодиёт ва саноат вазирлигининг «Sergeli Industrial Park» кичик саноат зонаси ҳудудида давлат унитар корхонаси шаклида алоҳида Дирекция ташкил этиш орқали бошқарувнинг махсус тартибини жорий қилиш тўғрисидаги таклифига розилик берилсин, Дирекцияга қуйидаги вазифалар юклансин:
буюртмачининг функцияларини бажариш, «Sergeli Industrial Park» кичик саноат зонаси ҳудудидаги объектлар қурилишини мувофиқлаштириш ва назорат қилиш, шу жумладан, кичик саноат зонаси ҳудудини муҳандислик-коммуникация инфратузилмаси билан таъминлаш, кириш йўллари, автомобиль тўхташ жойлари қурилиши билан боғлиқ масалаларни ҳал этиш;
етакчи маҳаллий ва хорижий лойиҳалаш ташкилотларини жалб қилган ҳолда «Sergeli Industrial Park» кичик саноат зонасининг бош режаси ишлаб чиқилишини ташкил этиш;
ташқи бозорларда талаб юқори бўлган ва импортнинг ўрнини босадиган юқори қўшимча қийматли маҳсулотлар ишлаб чиқаришга мўлжалланган замонавий ишлаб чиқаришларни ташкил этиш мақсадида тўғридан-тўғри хорижий ва маҳаллий инвестицияларни жалб қилиш;
«Sergeli Industrial Park» кичик саноат зонаси ҳудудида объектлар курилишини лойиҳалаштиришда лойиҳалаш ташкилотлари томонидан замонавий энергияни тежайдиган технологиялар, шунингдек, юқори технологик материаллар ва буюмлардан самарали фойдаланилишини таъминлаш устидан назорат қилиш;
«Sergeli Industrial Park» кичик саноат зонаси ҳудудида умумий фойдаланиш жойлари, муҳандислик-коммуникация инфратузилмасидан фойдаланиш ва хизмат кўрсатишни ташкил этиш.
3. Белгилансинки, Дирекция қуйидаги ҳуқуқларга эга:
инвесторлар томонидан ўз зиммасига олинган инвестицион ва ижтимоий мажбуриятлар зарур тарзда бажарилишини назорат қилиш;
Sergeli Industrial Park» кичик саноат зонаси иштирокчилари томонидан битимлар ва шартнома шартлари бузилган, шунингдек, улар томонидан инвестициявий ва ижтимоий мажбуриятлар бажарилмаган тақдирда, ишлаб чиқариш майдонлари ижарасининг битимлари ва шартномаларини белгиланган тартибда бекор қилиш ва тўхтатиш масалаларини Тошкент шаҳридаги эркин иқтисодий зоналар ва кичик саноат зоналари Маъмурий кенгашига (кейинги ўринларда Маъмурий кенгаш деб аталади) кўриб чиқиш учун киритиш;
манфаатдор вазирликлар ва идоралар билан биргаликда инвесторлар, ишлар (хизматлар)ни бажарувчилар, бинолар, иншоотлар ва объектлар эгалари ва фойдаланувчилари томонидан ёнғин ва техника хавфсизлиги қоидалари, қурилиш-монтаж ишлари ҳамда объектлардан фойдаланишда шаҳарсозлик нормалари ва қоидаларига риоя этилиши устидан техник назоратни амалга ошириш.
4. Белгилансинки:
«Sergeli Industrial Park» кичик саноат зонаси ҳудудида жойлаштириш учун инвестиция лойиҳаларини танлаш инвестиция лойиҳаларининг бизнес-режаларини ўз ичига олган инвесторларнинг буюртмалари асосида Маъмурий кенгаш томонидан амалга оширилади;
«Sergeli Industrial Park» кичик саноат зонасининг лойиҳа-режа ҳужжатларини ишлаб чиқиш, шу жумладан, ер участкаларини танлаш ва ажратиш бўйича материаллар тайёрлаш Дирекция томонидан Тошкент шаҳар ҳокимлигининг бюджетдан ташқари маблағлари ҳисобига таъминланади;
Дирекциянинг кичик саноат зонаси ҳудудларини тозалаш, ер ишларини амалга ошириш, муҳандислик-коммуникация объектларининг (электр энергияси, табиий газ, ичимлик ва техник сув, канализация, автомобиль йўллари) ички майдонларини қуриш, умумий фойдаланиладиган ҳудудларни ободонлаштириш, реклама кампаниялари ва тақдимот тадбирлари ҳамда Дирекциянинг самарали фаолияти учун зарур бўлган маъмурий бино, конференц-зал ва бошқа иншоотларнинг қурилишига харажатлар «Sergeli Industrial Park» кичик саноат зонасида белгиланган тартибда доимий фойдаланиш учун ер ажратиш эвазига олинган маблағлар, шунингдек, қонун ҳужжатларида тақиқланмаган бошқа манбалар ҳисобига тенг улушларда қопланади;
Дирекцияни сақлаш Тошкент шаҳар ҳокимлиги томонидан тасдиқланган харажатлар сметасига мувофиқ Дирекция томонидан шартнома асосида ишларни бажариш (хизматлар кўрсатиш)дан олинган маблағлар, шунингдек, қонун ҳужжатларида тақиқланмаган бошқа манбалар ҳисобига амалга оширилади.
5. Маъмурий кенгашга ижарага бериладиган ер участкасининг ҳар бир гектари учун тўлов миқдорини белгилаш ҳуқуқи берилсин.
6. Ўзбекистон Республикаси Энергетика вазирлиги, Уй-жой коммунал хизмат кўрсатиш вазирлиги, Транспорт вазирлиги 2020 йил 1 июлгача бўлган муддатда «Sergeli Industrial Park» кичик саноат зонаси чегарасигача мавжуд ташқи муҳандислик коммуникациялари ва инфратузилма объектларини қуриш ва модернизация қилишни «Sergeli Industrial Park» кичик саноат зонаси ҳудудида тадбиркорлик субъектларини уларнинг узлуксиз ишлашини ҳисобга олган холда жойлаштиришнинг ишлаб чикилган лойиҳаларига мувофиқ кичик саноат зонаси ҳудудида белгиланган тартибда доимий фойдаланиш учун ер участкаларини ажратишдан тушган маблағлар ҳисобига таъминласинлар.
7. Дирекция Тошкент шаҳар ҳокимлиги билан биргаликда бир ой муддатда «Sergeli Industrial Park» кичик саноат зонаси бош режаси қурилишнинг қисқа ва ўрта муддатли истиқболларини ҳамда объектларни мақбул жойлаштиришни ҳисобга олган ҳолда ишлаб чиқилиши ва тасдиқланишини таъминласин.
8. Тошкент шаҳар ҳокимлиги Ўзбекистон Республикаси Иқтисодиёт ва саноат вазирлиги билан биргаликда:
«Sergeli Industrial Park» кичик саноат зонасининг самарали фаолият кўрсатиши бўйича чора-тадбирлар амалга оширилиши устидан таъсирчан назорат ва мониторинг ўрнатсин;
«Sergeli Industrial Park» кичик саноат зонасининг фаолияти самарадорлиги ва натижадорлиги тўғрисида ҳар чоракда Ўзбекистон Республикаси Вазирлар Маҳкамасига ахборот киритсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг Инвестициялар ва ташқи иқтисодий алоқалар масалалари бўйича ўринбосари Э.М. Ганиев ва Тошкент шаҳар ҳокими Ж.А. Артикходжаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 16 октябрь,
878-сон
Oʻzbekiston Respublikasi Vazirlar Mahkamasining
qarori
“Sergeli Industrial Park” kichik sanoat zonasi faoliyatini tashkil etish chora-tadbirlari toʻgʻrisida
Toshkent shahridagi kichik sanoat zonalari faoliyatini faollashtirish, boʻsh turgan yer maydonlaridan unumli foydalanish, yangi raqobatbardosh sanoat ishlab chiqarishlari va kichik korxonalarni rivojlantirishni yanada qoʻllab-quvvatlash hamda ragʻbatlantirish, sanoat kooperatsiyasini chuqurlashtirish, shu asosda Toshkent shahrida yangi ish oʻrinlari yaratish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Toshkent shahrida investitsiya iqlimini yaxshilash boʻyicha eksperimentni amalga oshirish chora-tadbirlari toʻgʻrisida” 2018-yil 15-avgustdagi PF-5511-son Farmoniga muvofiq hamda topshirish va qabul-qilish dalolatnomalari asosida Toshkent shahri, Sergeli tumani, Rayxon koʻchasida joylashgan “SAR” aviakompaniyasining binolari, inshootlari va boshqa infratuzilma obyektlari keyinchalik ularning negizida “Sergeli Industrial Park” kichik sanoat zonasini tashkil etish uchun Toshkent shahar hokimligiga bepul berilganligi maʼlumot uchun qabul qilinsin.
2. Toshkent shahar hokimligi xamda Oʻzbekiston Respublikasi Iqtisodiyot va sanoat vazirligining “Sergeli Industrial Park” kichik sanoat zonasi hududida davlat unitar korxonasi shaklida alohida Direksiya tashkil etish orqali boshqaruvning maxsus tartibini joriy qilish toʻgʻrisidagi taklifiga rozilik berilsin, Direksiyaga quyidagi vazifalar yuklansin:
buyurtmachining funksiyalarini bajarish, “Sergeli Industrial Park” kichik sanoat zonasi hududidagi obyektlar qurilishini muvofiqlashtirish va nazorat qilish, shu jumladan, kichik sanoat zonasi hududini muhandislik-kommunikatsiya infratuzilmasi bilan taʼminlash, kirish yoʻllari, avtomobil toʻxtash joylari qurilishi bilan bogʻliq masalalarni hal etish;
yetakchi mahalliy va xorijiy loyihalash tashkilotlarini jalb qilgan holda “Sergeli Industrial Park” kichik sanoat zonasining bosh rejasi ishlab chiqilishini tashkil etish;
tashqi bozorlarda talab yuqori boʻlgan va importning oʻrnini bosadigan yuqori qoʻshimcha qiymatli mahsulotlar ishlab chiqarishga moʻljallangan zamonaviy ishlab chiqarishlarni tashkil etish maqsadida toʻgʻridan-toʻgʻri xorijiy va mahalliy investitsiyalarni jalb qilish;
“Sergeli Industrial Park” kichik sanoat zonasi hududida obyektlar kurilishini loyihalashtirishda loyihalash tashkilotlari tomonidan zamonaviy energiyani tejaydigan texnologiyalar, shuningdek, yuqori texnologik materiallar va buyumlardan samarali foydalanilishini taʼminlash ustidan nazorat qilish;
“Sergeli Industrial Park” kichik sanoat zonasi hududida umumiy foydalanish joylari, muhandislik-kommunikatsiya infratuzilmasidan foydalanish va xizmat koʻrsatishni tashkil etish.
3. Belgilansinki, Direksiya quyidagi huquqlarga ega:
investorlar tomonidan oʻz zimmasiga olingan investitsion va ijtimoiy majburiyatlar zarur tarzda bajarilishini nazorat qilish;
Sergeli Industrial Park” kichik sanoat zonasi ishtirokchilari tomonidan bitimlar va shartnoma shartlari buzilgan, shuningdek, ular tomonidan investitsiyaviy va ijtimoiy majburiyatlar bajarilmagan taqdirda, ishlab chiqarish maydonlari ijarasining bitimlari va shartnomalarini belgilangan tartibda bekor qilish va toʻxtatish masalalarini Toshkent shahridagi erkin iqtisodiy zonalar va kichik sanoat zonalari Maʼmuriy kengashiga (keyingi oʻrinlarda Maʼmuriy kengash deb ataladi) koʻrib chiqish uchun kiritish;
manfaatdor vazirliklar va idoralar bilan birgalikda investorlar, ishlar (xizmatlar)ni bajaruvchilar, binolar, inshootlar va obyektlar egalari va foydalanuvchilari tomonidan yongʻin va texnika xavfsizligi qoidalari, qurilish-montaj ishlari hamda obyektlardan foydalanishda shaharsozlik normalari va qoidalariga rioya etilishi ustidan texnik nazoratni amalga oshirish.
4. Belgilansinki:
“Sergeli Industrial Park” kichik sanoat zonasi hududida joylashtirish uchun investitsiya loyihalarini tanlash investitsiya loyihalarining biznes-rejalarini oʻz ichiga olgan investorlarning buyurtmalari asosida Maʼmuriy kengash tomonidan amalga oshiriladi;
“Sergeli Industrial Park” kichik sanoat zonasining loyiha-reja hujjatlarini ishlab chiqish, shu jumladan, yer uchastkalarini tanlash va ajratish boʻyicha materiallar tayyorlash Direksiya tomonidan Toshkent shahar hokimligining budjetdan tashqari mablagʻlari hisobiga taʼminlanadi;
Direksiyaning kichik sanoat zonasi hududlarini tozalash, yer ishlarini amalga oshirish, muhandislik-kommunikatsiya obyektlarining (elektr energiyasi, tabiiy gaz, ichimlik va texnik suv, kanalizatsiya, avtomobil yoʻllari) ichki maydonlarini qurish, umumiy foydalaniladigan hududlarni obodonlashtirish, reklama kampaniyalari va taqdimot tadbirlari hamda Direksiyaning samarali faoliyati uchun zarur boʻlgan maʼmuriy bino, konferens-zal va boshqa inshootlarning qurilishiga xarajatlar “Sergeli Industrial Park” kichik sanoat zonasida belgilangan tartibda doimiy foydalanish uchun yer ajratish evaziga olingan mablagʻlar, shuningdek, qonun hujjatlarida taqiqlanmagan boshqa manbalar hisobiga teng ulushlarda qoplanadi;
Direksiyani saqlash Toshkent shahar hokimligi tomonidan tasdiqlangan xarajatlar smetasiga muvofiq Direksiya tomonidan shartnoma asosida ishlarni bajarish (xizmatlar koʻrsatish)dan olingan mablagʻlar, shuningdek, qonun hujjatlarida taqiqlanmagan boshqa manbalar hisobiga amalga oshiriladi.
5. Maʼmuriy kengashga ijaraga beriladigan yer uchastkasining har bir gektari uchun toʻlov miqdorini belgilash huquqi berilsin.
6. Oʻzbekiston Respublikasi Energetika vazirligi, Uy-joy kommunal xizmat koʻrsatish vazirligi, Transport vazirligi 2020-yil 1-iyulgacha boʻlgan muddatda “Sergeli Industrial Park” kichik sanoat zonasi chegarasigacha mavjud tashqi muhandislik kommunikatsiyalari va infratuzilma obyektlarini qurish va modernizatsiya qilishni “Sergeli Industrial Park” kichik sanoat zonasi hududida tadbirkorlik subyektlarini ularning uzluksiz ishlashini hisobga olgan xolda joylashtirishning ishlab chikilgan loyihalariga muvofiq kichik sanoat zonasi hududida belgilangan tartibda doimiy foydalanish uchun yer uchastkalarini ajratishdan tushgan mablagʻlar hisobiga taʼminlasinlar.
7. Direksiya Toshkent shahar hokimligi bilan birgalikda bir oy muddatda “Sergeli Industrial Park” kichik sanoat zonasi bosh rejasi qurilishning qisqa va oʻrta muddatli istiqbollarini hamda obyektlarni maqbul joylashtirishni hisobga olgan holda ishlab chiqilishi va tasdiqlanishini taʼminlasin.
8. Toshkent shahar hokimligi Oʻzbekiston Respublikasi Iqtisodiyot va sanoat vazirligi bilan birgalikda:
“Sergeli Industrial Park” kichik sanoat zonasining samarali faoliyat koʻrsatishi boʻyicha chora-tadbirlar amalga oshirilishi ustidan taʼsirchan nazorat va monitoring oʻrnatsin;
“Sergeli Industrial Park” kichik sanoat zonasining faoliyati samaradorligi va natijadorligi toʻgʻrisida har chorakda Oʻzbekiston Respublikasi Vazirlar Mahkamasiga axborot kiritsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining Investitsiyalar va tashqi iqtisodiy aloqalar masalalari boʻyicha oʻrinbosari E.M. Ganiyev va Toshkent shahar hokimi J.A. Artikxodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 16-oktabr,
878-son
Кабинета Министров Республики Узбекистан
Постановление
О мерах по организации деятельности малой промышленной зоны «Индустриальный парк «Сергели»»
В целях активизации деятельности малых промышленных зон города Ташкента, оптимального использования пустующих земельных участков, дальнейшей поддержки и стимулирования развития новых конкурентоспособных промышленных производств и малых предприятий, углубления промышленной кооперации, создания на этой основе новых рабочих мест в городе Ташкенте Кабинет Министров постановляет:
1. Принять к сведению, что в соответствии с Указом Президента Республики Узбекистан от 15 августа 2018 года № УП-5511 «О мерах по реализации эксперимента по улучшению инвестиционного климата в городе Ташкенте» и на основании актов приема-передачи хокимияту города Ташкента безвозмездно переданы здания, сооружения и иные объекты инфраструктуры авиакомпании «САР», расположенные по адресу: город Ташкент, Сергелийский район, ул. Райхон, для последующего создания на их базе малой промышленной зоны «Индустриальный парк «Сергели»».
2. Согласиться с предложениями хокимията города Ташкента и Министерства экономики и промышленности Республики Узбекистан о внедрении особого порядка управления на территории малой промышленной зоны «Индустриальный парк «Сергели»» с созданием для этих целей отдельной Дирекции в форме государственного унитарного предприятия (далее — Дирекция) и возложением на нее следующих задач:
выполнение функций заказчика, координацию и контроль хода строительства объектов на территории малой промышленной зоны «Индустриальный парк «Сергели»», в том числе в вопросах обеспечения территории малой промышленной зоны инженерно-коммуникационной инфраструктурой, строительства подъездных дорог, автостоянок;
организацию разработки генерального плана малой промышленной зоны «Индустриальный парк «Сергели»» с привлечением ведущих отечественных и зарубежных проектных организаций;
привлечение прямых иностранных и отечественных инвестиций для создания современных производств по выпуску востребованных на внешних рынках видов и импортозамещающей продукции с высокой добавленной стоимостью;
осуществление контроля за обеспечением проектными организациями при проектировании строительства объектов на территории малой промышленной зоны «Индустриальный парк «Сергели»» внедрения современных энергосберегающих технологий, а также преимущественного и эффективного использования высокотехнологичных материалов и изделий;
организацию надлежащей эксплуатации и обслуживания мест общего пользования, инженерно-коммуникационной инфраструктуры на территории малой промышленной зоны «Индустриальный парк «Сергели»».
3. Установить, что Дирекция имеет право:
осуществлять контроль за надлежащим выполнением инвесторами принятых на себя инвестиционных и социальных обязательств;
вносить на рассмотрение Административного совета свободных экономических зон и малых промышленных зон в городе Ташкенте (далее — Административный совет) вопросы расторжения и прекращения в установленном порядке заключенных с участниками малой промышленной зоны «Индустриальный парк «Сергели» соглашений, договоров аренды производственных площадей в случае нарушения ими условий этих соглашений и договоров, а также невыполнения принятых на себя инвестиционных и социальных обязательств;
совместно с заинтересованными министерствами и ведомствами осуществлять технический надзор за соблюдением инвесторами, исполнителями работ (услуг), собственниками и пользователями зданий, сооружений и помещений правил пожарной и технической безопасности, градостроительных норм и правил при производстве строительно-монтажных работ и эксплуатации объектов.
4. Определить, что:
отбор инвестиционных проектов для размещения на территории малой промышленной зоны «Индустриальный парк «Сергели»» осуществляется Административным советом на основании заявок инвесторов, включающих бизнес-планы инвестиционных проектов;
организация разработки проектно-планировочной документации малой промышленной зоны «Индустриальный парк «Сергели»», включая подготовку материалов по выбору и отводу земельных участков, обеспечивается Дирекцией за счет внебюджетных средств хокимията города Ташкента;
затраты Дирекции по расчистке территорий, проведению земляных работ, строительству внутриплощадочных инженерно-коммуникационных объектов (электроэнергия, природный газ, питьевая и техническая вода, канализация, автодорога), благоустройству территории общего пользования, проведению рекламных кампаний и презентационных мероприятий, а также строительству административного здания, конференц-холла и других объектов, необходимых для эффективной деятельности Дирекции, осуществляется в равных долях за счет средств, поступающих от предоставления земельных участков на территории малой промышленной зоны «Индустриальный парк «Сергели»» в постоянное пользование в установленном порядке, а также других источников, не запрещенных законодательством;
содержание Дирекции осуществляется в соответствии со сметой расходов, утверждаемой хокимиятом города Ташкента, за счет средств, поступающих от выполнения Дирекцией работ (предоставления услуг) на договорной основе, а также других источников, не запрещенных законодательством.
5. Предоставить Административному совету право устанавливать размер выплат за каждый гектар земельного участка, предоставляемого в аренду.
6. Министерству энергетики, Министерству жилищно-коммунального обслуживания и Министерству транспорта Республики Узбекистан в срок до 1 июля 2020 года организовать строительство и модернизацию существующих объектов внешних инженерных коммуникаций и инфраструктуры до границы раздела малой промышленной зоны «Индустриальный парк «Сергели»» за счет средств, поступающих от предоставления на территории малой промышленной зоны «Индустриальный парк «Сергели»» земельных участков в постоянное пользование в установленном порядке, согласно разработанным проектам размещения субъектов предпринимательства на территории малой промышленной зоны «Индустриальный парк «Сергели»», с учетом обеспечения их бесперебойного функционирования.
7. Дирекции совместно с хокимиятом города Ташкента в месячный срок обеспечить разработку и утверждение генерального плана малой промышленной зоны «Индустриальный парк «Сергели»» с учетом планирования краткосрочных и среднесрочных перспектив застройки и оптимального размещения объектов.
8. Хокимияту города Ташкента совместно с Министерством экономики и промышленности Республики Узбекистан:
установить действенный контроль и мониторинг за реализацией мероприятий по обеспечению эффективного функционирования малой промышленной зоны «Индустриальный парк «Сергели»»;
ежеквартально вносить в Кабинет Министров Республики Узбекистан информацию об эффективности деятельности малой промышленной зоны «Индустриальный парк «Сергели»».
9. Контроль за исполнением настоящего постановления возложить на заместителя Премьер-министра Республики Узбекистан по вопросам инвестиций и внешнеэкономических связей Э.М. Ганиева и хокима города Ташкента Ж.А. Артикходжаева.
Премьер-министр Республики Узбекистан А. АРИПОВ
г. Ташкент,
16 октября 2019 г.,
№ 878