📅 2019-yil 18-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 18 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 октября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 18 October 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Uzbekistan Airways» АЖ ваколатхоналарининг хорижда очилган ҳисобрақамларининг амал қилишини янада тартибга солиш чора-тадбирлари тўғрисида
«Uzbekistan Airways» АЖ ваколатхоналари ҳисоб-китоблари тизимининг шаффофлигини, валюта операцияларининг ўз вақтида ва тўғри ҳисобга олинишини, шунингдек, «Uzbekistan Airways» АЖнинг хориждаги ваколатхоналари фаолиятидан олинган тушумларнинг республика тижорат банкларидаги ҳисобрақамларга тушишини таъминлаш мақсадида Вазирлар Маҳкамаси қарор қилади:
1. Шундай тартиб ўрнатилсинки, унга кўра 2020 йил 1 январдан бошлаб «Uzbekistan Airways» АЖнинг хориждаги ваколатхоналарининг барча тушумлари (эксплуатация харажатлари ва ваколатхоналарни сақлаш харажатларидан ташқари) мажбурий тартибда Ўзбекистон Республикаси тижорат банкларидаги ҳисобрақамларга тушади.
2. «Uzbekistan Airways» АЖ ваколатхоналарининг эксплуатация харажатлари Ўзбекистон Республикаси Молия вазирлиги билан келишилган ҳолда белгиланади.
3. Ўзбекистон Республикаси Молия вазирлиги Марказий банк ва Транспорт вазирлиги билан биргаликда Вазирлар Маҳкамасининг «Ўзбекистон ҳаво йўллари» миллий авиакомпанияси ваколатхоналари ҳисобрақамларининг амал қилиш тартиби тўғрисида» 1999 йил 23 июлдаги 360-сон қарорига ушбу қарордан келиб чиқадиган ўзгартиришлар киритиш ҳақида бир ой муддатда Вазирлар Маҳкамасига таклифлар киритсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 18 октябрь,
882-сон
Oʻzbekiston Respublikasi Vazirlar Mahkamasining
qarori
“Uzbekistan Airways” AJ vakolatxonalarining xorijda ochilgan hisobraqamlarining amal qilishini yanada tartibga solish chora-tadbirlari toʻgʻrisida
“Uzbekistan Airways” AJ vakolatxonalari hisob-kitoblari tizimining shaffofligini, valyuta operatsiyalarining oʻz vaqtida va toʻgʻri hisobga olinishini, shuningdek, “Uzbekistan Airways” AJning xorijdagi vakolatxonalari faoliyatidan olingan tushumlarning respublika tijorat banklaridagi hisobraqamlarga tushishini taʼminlash maqsadida Vazirlar Mahkamasi qaror qiladi:
1. Shunday tartib oʻrnatilsinki, unga koʻra 2020-yil 1-yanvardan boshlab “Uzbekistan Airways” AJning xorijdagi vakolatxonalarining barcha tushumlari (ekspluatatsiya xarajatlari va vakolatxonalarni saqlash xarajatlaridan tashqari) majburiy tartibda Oʻzbekiston Respublikasi tijorat banklaridagi hisobraqamlarga tushadi.
2. “Uzbekistan Airways” AJ vakolatxonalarining ekspluatatsiya xarajatlari Oʻzbekiston Respublikasi Moliya vazirligi bilan kelishilgan holda belgilanadi.
3. Oʻzbekiston Respublikasi Moliya vazirligi Markaziy bank va Transport vazirligi bilan birgalikda Vazirlar Mahkamasining “Oʻzbekiston havo yoʻllari” milliy aviakompaniyasi vakolatxonalari hisobraqamlarining amal qilish tartibi toʻgʻrisida” 1999-yil 23-iyuldagi 360-son qaroriga ushbu qarordan kelib chiqadigan oʻzgartirishlar kiritish haqida bir oy muddatda Vazirlar Mahkamasiga takliflar kiritsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 18-oktabr,
882-son
Кабинета Министров Республики Узбекистан
Постановление
О мерах по дальнейшему упорядочению действия открытых за рубежом счетов представительств АО «Uzbekistan Airways»
В целях обеспечения прозрачности системы расчётов представительств АО «Uzbekistan Airways», своевременного и правильного учета валютных операций, а также поступления выручки от деятельности представительств АО «Uzbekistan Airways» за рубежом на счета в коммерческих банках республики Кабинет Министров постановляет:
1. Установить порядок, в соответствии с которым начиная с 1 января 2020 года вся выручка представительств AO «Uzbekistan Airways» (за исключением эксплуатационных расходов и расходов по содержанию представительств) за рубежом в обязательном порядке поступает на счета в коммерческих банках Республики Узбекистан.
2. Эксплуатационные расходы представительств АО «Uzbekistan Airways» определяются по согласованию с Министерством финансов Республики Узбекистан.
3. Министерству финансов совместно с Центральным банком и Министерством транспорта Республики Узбекистан в месячный срок внести в Кабинет Министров предложения о внесении изменений в постановление Кабинета Министров от 23 июля 1999 г. № 360 «О порядке действия счетов представительств Национальной авиакомпании «Узбекистон хаво йуллари» за рубежом», вытекающих из настоящего постановления.
4. Контроль за исполнением настоящего постановления возложить на первого заместителя Премьер-министра Республики Узбекистан-министра транспорта А.Ж. Раматова и заместителя Премьер-министра Республики Узбекистан — министра финансов Д.А. Кучкарова.
Премьер-министр Республики Узбекистан А. АРИПОВ
г. Ташкент,
18 октября 2019 г.,
№ 882