📅 2019-yil 21-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 21 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 21 октября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 21 October 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш ҳақида (Ўзбекистон Республикаси Президентининг «Тадбиркорлик фаолиятини ҳимоя қилиш тизимини тубдан такомиллаштириш ва прокуратура органлари фаолиятини оптималлаштириш чора-тадбирлари тўғрисида» 2019 йил 15 мартдаги ПФ-5690-сон Фармони)
Ўзбекистон Республикаси Президентининг «Тадбиркорлик фаолиятини ҳимоя қилиш тизимини тубдан такомиллаштириш ва прокуратура органлари фаолиятини оптималлаштириш чора-тадбирлари тўғрисида» 2019 йил 15 мартдаги ПФ-5690-сон Фармонига мувофиқ Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.
2. Вазирлар Маҳкамасининг «Вилоятлар, шаҳарлар ва туманлар ҳокимликлари ҳузуридаги назорат инспекциялари тузилмасини тартибга солиш тўғрисида» 2000 йил 21 ноябрдаги 455-сон қарори ўз кучини йўқотган деб ҳисоблансин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Вазирлар Маҳкамасининг 2019 йил 21 октябрдаги 886-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг «Кичик тадбиркорликни ривожлантиришни рағбатлантириш механизмини такомиллаштириш тўғрисида» 1998 йил 27 майдаги 232-сон қарорига (Ўзбекистон Республикаси ҚТ, 1998 й., 5-сон, 20-модда) 1-илованинг 3-позицияси қуйидаги таҳрирда баён қилинсин:
« Т/р Кафолатлар мазмуни Қонун ҳужжатлари 3. Белгилаб қўйилсинки, назорат қилувчи органлар томонидан тадбиркорлик субъектлари фаолиятида ўтказиладиган барча текширувлар тадбиркорлик субъектлари фаолиятида ўтказиладиган текширувларни мувофиқлаштириш бўйича ваколатли орган билан қонун ҳужжатларида белгиланган тартибда келишилган ёки уни хабардор қилган ҳолда амалга оширилади. Ўзбекистон Республикаси Президентининг «Тадбиркорлик субъектларининг ҳуқуқлари ва қонуний манфаатларини ҳимоя қилиш тизимини янада такомиллаштириш чора-тадбирлари тўғрисида» 2018 йил 27 июлдаги ПФ-5490-сон Фармони (5-банд) ».
2. Вазирлар Маҳкамасининг «Жисмоний шахслар томонидан Ўзбекистон Республикаси ҳудудига товарлар олиб келинишини тартибга солиш тўғрисида» 2002 йил 6 майдаги 154-сон қарорининг (Ўзбекистон Республикаси ҚТ, 2002 й., 5-сон, 24-модда) 6-банди қуйидаги таҳрирда баён қилинсин:
«6. Давлат солиқ қўмитасининг мансабдор шахсларига:
а) тадбиркорлик субъектлари фаолиятида ўтказиладиган текширувларни мувофиқлаштириш бўйича ваколатли орган билан келишган ҳолда, импорт қилувчи жисмоний шахсларда тижорат фаолияти учун мўлжалланган товарларнинг Ўзбекистон Республикаси ҳудудига олиб келинишини ҳамда божхона тўловлари тўланганлигини тасдиқловчи ҳужжатлар мавжудлигини текшириш ҳуқуқи берилсин. Кўрсатиб ўтилган ҳужжатлар мавжуд бўлмаган тақдирда, товар қонун ҳужжатларида белгиланган тартибда давлат даромадига ўтказилади;
б) ишончли маълумотлар мавжуд бўлган тақдирда, тадбиркорлик субъектлари фаолиятида ўтказиладиган текширувларни мувофиқлаштириш бўйича ваколатли органни хабардор қилган ҳолда:
тегишли рухсатномаларсиз, қалбаки акциз маркаси билан ёки акциз маркасиз ишлаб чиқарилган ёки сотилаётган алкоголь ва тамаки маҳсулотларини қонун ҳужжатларида белгиланган тартибда олиб қўйиш;
тақиқланган товарларни (хизматларни) ишлаб чиқариш ва сотиш ҳолатларини бартараф этиш бўйича тезкор тадбирлар ўтказиш ҳуқуқи берилсин.
Бунда мазкур банднинг бажарилиши натижалари тўғрисида ҳар чоракда Ўзбекистон Республикаси Вазирлар Маҳкамасига ахборот тақдим этилсин».
5. Вазирлар Маҳкамасининг 2010 йил 3 февралдаги 11-сон қарори (Ўзбекистон Республикаси ҚТ, 2010 й., 2-сон, 4-модда) билан тасдиқланган Ишлаб чиқариш оқова сувларини қабул қилиш қоидалари ҳамда ифлослантирувчи моддаларнинг Ўзбекистон Республикаси шаҳарлари ва бошқа аҳоли пунктларининг коммунал канализация тармоқларига нормативдан ортиқча оқизилганлиги учун компенсация тўловларини ҳисоблаш тартибининг 33-бандидаги «Назорат қилувчи органлар фаолиятини мувофиқлаштириш республика кенгашининг ҳудудий комиссиялари билан махсус келишувсиз» сўзлари «тадбиркорлик субъектлари фаолиятида ўтказиладиган текширувларни мувофиқлаштириш бўйича ваколатли органни хабардор қилган ҳолда» сўзлари билан алмаштирилсин.
6. Вазирлар Маҳкамасининг 2011 йил 5 январдаги 1-сон қарори (Ўзбекистон Республикаси ҚТ, 2011 й., 1-сон, 1-модда) билан тасдиқланган Меҳнатни муҳофаза қилиш тўғрисидаги қонун ҳужжатларини бузганлик учун ташкилотлар фаолиятини тўхтатиб қўйиш тартиби тўғрисидаги низомга 2-иловадаги «жорий йил учун текширишлар режа-жадвали, назорат қилувчи органлар фаолиятини мувофиқлаштириш бўйича ваколатли органнинг ёки унинг тегишли ҳудудий бўлинмасининг режадан ташқари текшириш ўтказиш учун рухсатномаси» сўзлари «Текширувларни электрон рўйхатга олиш ягона тизимида текширувни рўйхатга олиш санаси ва рақами» сўзлари билан алмаштирилсин.
8. Вазирлар Маҳкамасининг 2014 йил 5 августдаги 216-сон қарори (Ўзбекистон Республикаси ҚТ, 2014 й., 8-сон, 80-модда) билан тасдиқланган Давлат экологик назоратини амалга ошириш тартиби тўғрисидаги низомнинг 41-банди қуйидаги таҳрирда баён қилинсин:
«41. Рейд тартибидаги экологик назоратни амалга ошириш тадбиркорлик субъектлари фаолиятида ўтказиладиган текширувларни мувофиқлаштириш бўйича ваколатли органни қонун ҳужжатларида белгиланган тартибда хабардор қилган ҳолда амалга оширилади».
9. Вазирлар Маҳкамасининг 2014 йил 27 октябрдаги 295-сон қарори (Ўзбекистон Республикаси ҚТ, 2014 й., 10-сон, 109-модда) билан тасдиқланган Чиқиндилар билан боғлиқ ишларни амалга ошириш соҳасида давлат ҳисоби ва назоратини олиб бориш тартиби тўғрисидаги низомнинг 13-бандидаги «назорат қилувчи органлар фаолиятини мувофиқлаштирувчи тузилмалар билан келишилмаган ҳолда» сўзлари «тадбиркорлик субъектлари фаолиятида ўтказиладиган текширувларни мувофиқлаштириш бўйича ваколатли органни қонун ҳужжатларида белгиланган тартибда хабардор қилган ҳолда» сўзлари билан алмаштирилсин.
10. Вазирлар Маҳкамасининг 2015 йил 24 февралдаги 32-сон қарори билан тасдиқланган «Олий таълим муассасасининг энг яхши педагоги» танлови тўғрисидаги низом 1-бандининг иккинчи хатбоши қуйидаги таҳрирда баён қилинсин:
«Мазкур Низомнинг амал қилиши Ўзбекистон Республикаси Президенти ҳузуридаги Давлат бошқаруви академиясига, Ўзбекистон Республикаси Бош прокуратураси Академиясига, Банк-молия академиясига, Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Абу Райҳон Беруний номидаги Бизнес ва бошқарув республика олий мактабига, халқаро ва чет эл олий таълим муассасаларига, шунингдек, олий ҳарбий таълим муассасаларига татбиқ этилмайди.».
11. Вазирлар Маҳкамасининг 2015 йил 2 мартдаги 36-сон қарори (Ўзбекистон Республикаси ҚТ, 2015 й., 3-сон, 12-модда) билан тасдиқланган Магистратура тўғрисидаги низом 1-бандининг учинчи хатбоши қуйидаги таҳрирда баён қилинсин:
«Ўзбекистон Республикаси Президенти ҳузуридаги Давлат бошқаруви академияси, Ўзбекистон Республикаси Бош прокуратураси Академияси, Ўзбекистон Республикаси Банк-молия академияси ҳамда Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Абу Райҳон Беруний номидаги Бизнес ва бошқарув республика олий мактабига».
17. Вазирлар Маҳкамасининг 2017 йил 19 сентябрдаги 744-сон қарори (Ўзбекистон Республикаси ҚТ, 2017 й., 9-сон, 216-модда) билан тасдиқланган Аҳолини ва ҳудудларни табиий ҳамда техноген хусусиятли фавқулодда вазиятлардан муҳофаза қилиш, фуқаро муҳофазаси, шунингдек кичик ҳажмли кемалардан хавфсиз фойдаланиш соҳасида давлат назоратини олиб бориш тартиби тўғрисидаги низомнинг 23-бандидаги «Назорат органлари фаолиятини мувофиқлаштириш бўйича Республика кенгаши (Кенгашнинг Қорақалпоғистон Республикаси, вилоятлар ва Тошкент шаҳри ҳудудий комиссиялари) билан қўшимча равишда келишмаган ҳолда» сўзлари «тадбиркорлик субъектлари фаолиятида ўтказиладиган текширувларни мувофиқлаштириш бўйича ваколатли органни хабардор қилган ҳолда» сўзлари билан алмаштирилсин.
18. Вазирлар Маҳкамасининг 2017 йил 12 октябрдаги 820-сон қарори (Ўзбекистон Республикаси ҚТ, 2017 й., 10-сон, 234-модда) билан тасдиқланган Қурилиш объектларининг мураккаблик (хавфлилик) даражасига кўра, қурилиш-монтаж ишларини амалга ошириш жараёнида текширишларни тайинлаш ва ўтказиш тартиби тўғрисидаги низомнинг 17-банди биринчи хатбоши қуйидаги таҳрирда баён қилинсин:
«17. Қисқа муддатли инспекторлик текширувлари тадбиркорлик субъектлари фаолиятида ўтказиладиган текширувларни мувофиқлаштириш бўйича ваколатли органни хабардор қилган ҳолда (субъектнинг молиявий-хўжалик фаолиятига аралашмасдан) қуйидаги ҳолатларда ўтказилади:».
19. Вазирлар Маҳкамасининг 2017 йил 21 декабрдаги 1009-сон қарори (Ўзбекистон Республикаси ҚҲТ, 2017 й., 12-сон, 297-модда) билан тасдиқланган Дарёлар ўзанларини тозалаш ва қирғоқларини мустаҳкамлаш ишларини амалга ошириш тартиби тўғрисидаги низомнинг 40-банди қуйидаги таҳрирда баён қилинсин:
«40. Сув оқимлари ўзанларини тозалаш ва қирғоқларини мустаҳкамлаш бўйича ишларнинг амалга оширилиши устидан назорат қилиш жараёнида Давлат экология қўмитаси, Сув хўжалиги вазирлиги, Давлат геология қўмитаси, Саноат хавфсизлиги давлат қўмитаси, Қорақалпоғистон Республикаси Вазирлар Кенгаши, вилоятлар, туманлар ва шаҳарлар ҳокимликлари томонидан ўтказиладиган тизимли текширувлар тадбиркорлик субъектлари фаолиятида ўтказиладиган текширувларни мувофиқлаштириш бўйича ваколатли органни хабардор қилган ҳолда амалга оширилади».
20. Вазирлар Маҳкамасининг 2018 йил 3 майдаги 322-сон қарори билан тасдиқланган Маъмурий ҳуқуқбузарлик содир этган шахслар ва маъмурий ҳуқуқбузарлик йўли билан маънавий, жисмоний ёки мулкий зарар етказилган шахсларни марказлаштирилган ҳисобга олиш тартиби тўғрисидаги низомга 8-иловада :
250-позициядаги «Солиқ, валютага оид жиноятларга ва жиноий даромадларни легаллаштиришга» сўзлари «Иқтисодий жиноятларга» сўзлари билан алмаштирилсин;
қуйидаги мазмундаги 382-позиция қўшилсин:
« 382. Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ва унинг девонининг ходимлари ».
23. Вазирлар Маҳкамасининг 2006 йил 26 апрелдаги 180-Ф-сон фармойишига киритилаётган ўзгартириш рус тилидаги матнда берилган.
Ўзбекистон Республикасининг Бош вазири А. АРИПОВ
Тошкент ш.,
2019 йил 21 октябрь,
886-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash haqida (Oʻzbekiston Respublikasi Prezidentining “Tadbirkorlik faoliyatini himoya qilish tizimini tubdan takomillashtirish va prokuratura organlari faoliyatini optimallashtirish chora-tadbirlari toʻgʻrisida” 2019-yil 15-martdagi PF-5690-son Farmoni)
Oʻzbekiston Respublikasi Prezidentining “Tadbirkorlik faoliyatini himoya qilish tizimini tubdan takomillashtirish va prokuratura organlari faoliyatini optimallashtirish chora-tadbirlari toʻgʻrisida” 2019-yil 15-martdagi PF-5690-son Farmoniga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Vazirlar Mahkamasining “Viloyatlar, shaharlar va tumanlar hokimliklari huzuridagi nazorat inspeksiyalari tuzilmasini tartibga solish toʻgʻrisida” 2000-yil 21-noyabrdagi 455-son qarori oʻz kuchini yoʻqotgan deb hisoblansin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Vazirlar Mahkamasining 2019-yil 21-oktabrdagi 886-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Kichik tadbirkorlikni rivojlantirishni ragʻbatlantirish mexanizmini takomillashtirish toʻgʻrisida” 1998-yil 27-maydagi 232-son qaroriga (Oʻzbekiston Respublikasi QT, 1998-y., 5-son, 20-modda) 1-ilovaning 3-pozitsiyasi quyidagi tahrirda bayon qilinsin:
“ T/r Kafolatlar mazmuni Qonun hujjatlari 3. Belgilab qoʻyilsinki, nazorat qiluvchi organlar tomonidan tadbirkorlik subyektlari faoliyatida oʻtkaziladigan barcha tekshiruvlar tadbirkorlik subyektlari faoliyatida oʻtkaziladigan tekshiruvlarni muvofiqlashtirish boʻyicha vakolatli organ bilan qonun hujjatlarida belgilangan tartibda kelishilgan yoki uni xabardor qilgan holda amalga oshiriladi. Oʻzbekiston Respublikasi Prezidentining “Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida” 2018-yil 27-iyuldagi PF-5490-son Farmoni (5-band) ”.
2. Vazirlar Mahkamasining “Jismoniy shaxslar tomonidan Oʻzbekiston Respublikasi hududiga tovarlar olib kelinishini tartibga solish toʻgʻrisida” 2002-yil 6-maydagi 154-son qarorining (Oʻzbekiston Respublikasi QT, 2002-y., 5-son, 24-modda) 6-bandi quyidagi tahrirda bayon qilinsin:
“6. Davlat soliq qoʻmitasining mansabdor shaxslariga:
a) tadbirkorlik subyektlari faoliyatida oʻtkaziladigan tekshiruvlarni muvofiqlashtirish boʻyicha vakolatli organ bilan kelishgan holda, import qiluvchi jismoniy shaxslarda tijorat faoliyati uchun moʻljallangan tovarlarning Oʻzbekiston Respublikasi hududiga olib kelinishini hamda bojxona toʻlovlari toʻlanganligini tasdiqlovchi hujjatlar mavjudligini tekshirish huquqi berilsin. Koʻrsatib oʻtilgan hujjatlar mavjud boʻlmagan taqdirda, tovar qonun hujjatlarida belgilangan tartibda davlat daromadiga oʻtkaziladi;
b) ishonchli maʼlumotlar mavjud boʻlgan taqdirda, tadbirkorlik subyektlari faoliyatida oʻtkaziladigan tekshiruvlarni muvofiqlashtirish boʻyicha vakolatli organni xabardor qilgan holda:
tegishli ruxsatnomalarsiz, qalbaki aksiz markasi bilan yoki aksiz markasiz ishlab chiqarilgan yoki sotilayotgan alkogol va tamaki mahsulotlarini qonun hujjatlarida belgilangan tartibda olib qoʻyish;
taqiqlangan tovarlarni (xizmatlarni) ishlab chiqarish va sotish holatlarini bartaraf etish boʻyicha tezkor tadbirlar oʻtkazish huquqi berilsin.
Bunda mazkur bandning bajarilishi natijalari toʻgʻrisida har chorakda Oʻzbekiston Respublikasi Vazirlar Mahkamasiga axborot taqdim etilsin”.
5. Vazirlar Mahkamasining 2010-yil 3-fevraldagi 11-son qarori (Oʻzbekiston Respublikasi QT, 2010-y., 2-son, 4-modda) bilan tasdiqlangan Ishlab chiqarish oqova suvlarini qabul qilish qoidalari hamda ifloslantiruvchi moddalarning Oʻzbekiston Respublikasi shaharlari va boshqa aholi punktlarining kommunal kanalizatsiya tarmoqlariga normativdan ortiqcha oqizilganligi uchun kompensatsiya toʻlovlarini hisoblash tartibining 33-bandidagi “Nazorat qiluvchi organlar faoliyatini muvofiqlashtirish respublika kengashining hududiy komissiyalari bilan maxsus kelishuvsiz” soʻzlari “tadbirkorlik subyektlari faoliyatida oʻtkaziladigan tekshiruvlarni muvofiqlashtirish boʻyicha vakolatli organni xabardor qilgan holda” soʻzlari bilan almashtirilsin.
6. Vazirlar Mahkamasining 2011-yil 5-yanvardagi 1-son qarori (Oʻzbekiston Respublikasi QT, 2011-y., 1-son, 1-modda) bilan tasdiqlangan Mehnatni muhofaza qilish toʻgʻrisidagi qonun hujjatlarini buzganlik uchun tashkilotlar faoliyatini toʻxtatib qoʻyish tartibi toʻgʻrisidagi nizomga 2-ilovadagi “joriy yil uchun tekshirishlar reja-jadvali, nazorat qiluvchi organlar faoliyatini muvofiqlashtirish boʻyicha vakolatli organning yoki uning tegishli hududiy boʻlinmasining rejadan tashqari tekshirish oʻtkazish uchun ruxsatnomasi” soʻzlari “Tekshiruvlarni elektron roʻyxatga olish yagona tizimida tekshiruvni roʻyxatga olish sanasi va raqami” soʻzlari bilan almashtirilsin.
8. Vazirlar Mahkamasining 2014-yil 5-avgustdagi 216-son qarori (Oʻzbekiston Respublikasi QT, 2014-y., 8-son, 80-modda) bilan tasdiqlangan Davlat ekologik nazoratini amalga oshirish tartibi toʻgʻrisidagi nizomning 41-bandi quyidagi tahrirda bayon qilinsin:
“41. Reyd tartibidagi ekologik nazoratni amalga oshirish tadbirkorlik subyektlari faoliyatida oʻtkaziladigan tekshiruvlarni muvofiqlashtirish boʻyicha vakolatli organni qonun hujjatlarida belgilangan tartibda xabardor qilgan holda amalga oshiriladi”.
9. Vazirlar Mahkamasining 2014-yil 27-oktabrdagi 295-son qarori (Oʻzbekiston Respublikasi QT, 2014-y., 10-son, 109-modda) bilan tasdiqlangan Chiqindilar bilan bogʻliq ishlarni amalga oshirish sohasida davlat hisobi va nazoratini olib borish tartibi toʻgʻrisidagi nizomning 13-bandidagi “nazorat qiluvchi organlar faoliyatini muvofiqlashtiruvchi tuzilmalar bilan kelishilmagan holda” soʻzlari “tadbirkorlik subyektlari faoliyatida oʻtkaziladigan tekshiruvlarni muvofiqlashtirish boʻyicha vakolatli organni qonun hujjatlarida belgilangan tartibda xabardor qilgan holda” soʻzlari bilan almashtirilsin.
10. Vazirlar Mahkamasining 2015-yil 24-fevraldagi 32-son qarori bilan tasdiqlangan “Oliy taʼlim muassasasining eng yaxshi pedagogi” tanlovi toʻgʻrisidagi nizom 1-bandining ikkinchi xatboshi quyidagi tahrirda bayon qilinsin:
“Mazkur Nizomning amal qilishi Oʻzbekiston Respublikasi Prezidenti huzuridagi Davlat boshqaruvi akademiyasiga, Oʻzbekiston Respublikasi Bosh prokuraturasi Akademiyasiga, Bank-moliya akademiyasiga, Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Abu Rayhon Beruniy nomidagi Biznes va boshqaruv respublika oliy maktabiga, xalqaro va chet el oliy taʼlim muassasalariga, shuningdek, oliy harbiy taʼlim muassasalariga tatbiq etilmaydi.”.
11. Vazirlar Mahkamasining 2015-yil 2-martdagi 36-son qarori (Oʻzbekiston Respublikasi QT, 2015-y., 3-son, 12-modda) bilan tasdiqlangan Magistratura toʻgʻrisidagi nizom 1-bandining uchinchi xatboshi quyidagi tahrirda bayon qilinsin:
“Oʻzbekiston Respublikasi Prezidenti huzuridagi Davlat boshqaruvi akademiyasi, Oʻzbekiston Respublikasi Bosh prokuraturasi Akademiyasi, Oʻzbekiston Respublikasi Bank-moliya akademiyasi hamda Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Abu Rayhon Beruniy nomidagi Biznes va boshqaruv respublika oliy maktabiga”.
17. Vazirlar Mahkamasining 2017-yil 19-sentabrdagi 744-son qarori (Oʻzbekiston Respublikasi QT, 2017-y., 9-son, 216-modda) bilan tasdiqlangan Aholini va hududlarni tabiiy hamda texnogen xususiyatli favqulodda vaziyatlardan muhofaza qilish, fuqaro muhofazasi, shuningdek kichik hajmli kemalardan xavfsiz foydalanish sohasida davlat nazoratini olib borish tartibi toʻgʻrisidagi nizomning 23-bandidagi “Nazorat organlari faoliyatini muvofiqlashtirish boʻyicha Respublika kengashi (Kengashning Qoraqalpogʻiston Respublikasi, viloyatlar va Toshkent shahri hududiy komissiyalari) bilan qoʻshimcha ravishda kelishmagan holda” soʻzlari “tadbirkorlik subyektlari faoliyatida oʻtkaziladigan tekshiruvlarni muvofiqlashtirish boʻyicha vakolatli organni xabardor qilgan holda” soʻzlari bilan almashtirilsin.
18. Vazirlar Mahkamasining 2017-yil 12-oktabrdagi 820-son qarori (Oʻzbekiston Respublikasi QT, 2017-y., 10-son, 234-modda) bilan tasdiqlangan Qurilish obyektlarining murakkablik (xavflilik) darajasiga koʻra, qurilish-montaj ishlarini amalga oshirish jarayonida tekshirishlarni tayinlash va oʻtkazish tartibi toʻgʻrisidagi nizomning 17-bandi birinchi xatboshi quyidagi tahrirda bayon qilinsin:
“17. Qisqa muddatli inspektorlik tekshiruvlari tadbirkorlik subyektlari faoliyatida oʻtkaziladigan tekshiruvlarni muvofiqlashtirish boʻyicha vakolatli organni xabardor qilgan holda (subyektning moliyaviy-xoʻjalik faoliyatiga aralashmasdan) quyidagi holatlarda oʻtkaziladi:”.
19. Vazirlar Mahkamasining 2017-yil 21-dekabrdagi 1009-son qarori (Oʻzbekiston Respublikasi QHT, 2017-y., 12-son, 297-modda) bilan tasdiqlangan Daryolar oʻzanlarini tozalash va qirgʻoqlarini mustahkamlash ishlarini amalga oshirish tartibi toʻgʻrisidagi nizomning 40-bandi quyidagi tahrirda bayon qilinsin:
“40. Suv oqimlari oʻzanlarini tozalash va qirgʻoqlarini mustahkamlash boʻyicha ishlarning amalga oshirilishi ustidan nazorat qilish jarayonida Davlat ekologiya qoʻmitasi, Suv xoʻjaligi vazirligi, Davlat geologiya qoʻmitasi, Sanoat xavfsizligi davlat qoʻmitasi, Qoraqalpogʻiston Respublikasi Vazirlar Kengashi, viloyatlar, tumanlar va shaharlar hokimliklari tomonidan oʻtkaziladigan tizimli tekshiruvlar tadbirkorlik subyektlari faoliyatida oʻtkaziladigan tekshiruvlarni muvofiqlashtirish boʻyicha vakolatli organni xabardor qilgan holda amalga oshiriladi”.
20. Vazirlar Mahkamasining 2018-yil 3-maydagi 322-son qarori bilan tasdiqlangan Maʼmuriy huquqbuzarlik sodir etgan shaxslar va maʼmuriy huquqbuzarlik yoʻli bilan maʼnaviy, jismoniy yoki mulkiy zarar yetkazilgan shaxslarni markazlashtirilgan hisobga olish tartibi toʻgʻrisidagi nizomga 8-ilovada :
250-pozitsiyadagi “Soliq, valyutaga oid jinoyatlarga va jinoiy daromadlarni legallashtirishga” soʻzlari “Iqtisodiy jinoyatlarga” soʻzlari bilan almashtirilsin;
quyidagi mazmundagi 382-pozitsiya qoʻshilsin:
“ 382. Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil va uning devonining xodimlari ”.
23. Vazirlar Mahkamasining 2006-yil 26-apreldagi 180-F-son farmoyishiga kiritilayotgan oʻzgartirish rus tilidagi matnda berilgan.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 21-oktabr,
886-son
Кабинета Министров Республики Узбекистан
Постановление
О внесении изменений и дополнений в некоторые решения, а также признании утратившим силу решения Правительства Республики Узбекистан (Указ Президента Республики Узбекистан от 15 марта 2019 года № УП-5690 «О мерах по коренному совершенствованию системы защиты предпринимательской деятельности и оптимизации деятельности органов прокуратуры»)
Во исполнение Указа Президента Республики Узбекистан от 15 марта 2019 года № УП-5690 «О мерах по коренному совершенствованию системы защиты предпринимательской деятельности и оптимизации деятельности органов прокуратуры» Кабинет Министров постановляет:
1. Внести изменения и дополнения в некоторые решения Правительства Республики Узбекистан согласно приложению .
2. Признать утратившим силу постановление Кабинета Министров от 21 ноября 2000 года № 455 «Об упорядочении структуры контрольных инспекций при хокимиятах областей, городов и районов».
3. Контроль за исполнением настоящего постановления возложить на заместителя Премьер-министра Республики Узбекистан — министра финансов Д.А. Кучкарова
ПРИЛОЖЕНИЕ к постановлению Кабинета Министров от 21 октября 2019 года № 886
Изменения и дополнения, вносимые в некоторые решения Правительства Республики Узбекистан
1. Позицию 3 приложения № 1 к постановлению Кабинета Министров от 27 мая 1998 г. № 232 «О совершенствовании механизма стимулирования развития малого предпринимательства» (СП Республики Узбекистан, 1998 г., № 5, ст. 20) изложить в следующей редакции:
« №№ Содержание гарантий Акты законодательства 3. Установить, что все проверки деятельности субъектов предпринимательства, осуществляемые контролирующими органами, проводятся по согласованию с уполномоченным органом по координации проверок деятельности субъектов предпринимательства или с его уведомления в порядке, установленном законодательством. Указ Президента Республики Узбекистан от 27 июля 2018 года № УП-5490 «О мерах по дальнейшему совершенствованию системы защиты прав и законных интересов субъектов предпринимательства» (пункт 5). ».
2. Пункт 6 постановления Кабинета Министров от 6 мая 2002 г. № 154 «Об упорядочении ввоза товаров физическими лицами на территорию Республики Узбекистан» (СП Республики Узбекистан, 2002 г., № 5, ст. 24) изложить в следующей редакции:
«6. Предоставить право должностным лицам Государственного налогового комитета осуществлять:
а) по согласованию с уполномоченным органом по координации проверок деятельности субъектов предпринимательства проверки наличия у физических лиц-импортеров документов, подтверждающих ввоз ими товаров, предназначенных для коммерческой деятельности, на территорию Республики Узбекистан и уплату таможенных платежей. В случае отсутствия указанных документов товар подлежит обращению в доход государства в установленном законодательством порядке;
б) с уведомления уполномоченного органа по координации проверок деятельности субъектов предпринимательства при наличии достоверных сведений:
изъятие в установленном законодательством порядке алкогольной и табачной продукции, произведенной или реализуемой без соответствующих разрешений, с поддельной акцизной маркой или не имеющей акцизной марки;
проведение оперативных мероприятий по пресечению фактов производства и реализации запрещенных товаров (услуг).
При этом ежеквартально представлять информацию в Кабинет Министров о результатах исполнения данного пункта».
5. В пункте 33 Правил приема производственных сточных вод и порядка начисления компенсационных выплат за сверхнормативные сбросы загрязняющих веществ в коммунальные канализационные сети городов и других населенных пунктов Республики Узбекистан, утвержденных постановлением Кабинета Министров от 3 февраля 2010 г. № 11 (СП Республики Узбекистан, 2010 г., № 2, ст. 4), слова «без специального согласования с территориальными комиссиями Республиканского Совета по координации деятельности контролирующих органов» заменить словами «по уведомлению уполномоченного органа по координации проверок деятельности субъектов предпринимательства».
6. В приложении № 2 к Положению о порядке приостановления деятельности организаций за нарушение законодательства об охране труда, утвержденному постановлением Кабинетом Министров от 5 января 2011 г. № 1 (СП Республики Узбекистан, 2011 г., № 1, ст. 1), слова «план-график проверок на текущий год, разрешение уполномоченного органа по координации деятельности контролирующих органов или его соответствующего территориального подразделения на проведение внеплановой проверки» заменить словами «дата и номер регистрации проверки в Единой системе электронной регистрации проверок».
8. Пункт 41 Положения о порядке осуществления государственного экологического контроля, утвержденного постановлением Кабинета Министров от 5 августа 2014 г. № 216 (СП Республики Узбекистан, 2014 г., № 8, ст. 80), изложить в следующей редакции:
«41. Рейдовый экологический контроль осуществляется по уведомлению уполномоченного органа по координации проверок деятельности субъектов предпринимательства в порядке, установленном законодательством».
9. В пункте 13 Положения о порядке осуществления государственного учета и контроля в области обращения с отходами, утвержденного постановлением Кабинета Министров от 27 октября 2014 г. № 295 (СП Республики Узбекистан, 2014 г., № 10, ст. 109), слова «без согласования со структурами, координирующими деятельность контролирующих органов» заменить словами «по уведомлению уполномоченного органа по координации проверок деятельности субъектов предпринимательства в порядке, установленном законодательством».
10. Абзац второй пункта 1 Положения о конкурсе «Лучший педагог высшего образовательного учреждения», утвержденного постановлением Кабинета Министров от 24 февраля 2015 г. № 32, изложить в следующей редакции:
«Действие настоящего Положения не распространяется на Академию государственного управления при Президенте Республики Узбекистан, Академию Генеральной прокуратуры Республики Узбекистан, Банковско-финансовую академию, Республиканскую высшую школу бизнеса и управления имени Абу Райхана Беруни при Национальном агентстве проектного управления при Президенте Республики Узбекистан, международные и зарубежные высшие образовательные учреждения, а также высшие военные образовательные учреждения».
11. Абзац третий пункта 1 Положения о магистратуре, утвержденного постановлением Кабинета Министров от 2 марта 2015 г. № 36 (СП Республики Узбекистан, 2015 г., № 3, ст. 12), изложить в следующей редакции:
«Академию государственного управления при Президенте Республики Узбекистан, Академию Генеральной прокуратуры Республики Узбекистан, Банковско-финансовую академию Республики Узбекистан и Республиканскую высшую школу бизнеса и управления имени Абу Райхана Беруни при Национальном агентстве проектного управления при Президенте Республики Узбекистан».
17. В пункте 23 Положения о порядке осуществления государственного контроля в области защиты населения и территорий от чрезвычайных ситуаций природного и техногенного характера, гражданской защиты, а также безопасной эксплуатации судов, включая маломерных, утвержденного постановлением Кабинета Министров от 19 сентября 2017 г. № 744 (СП Республики Узбекистан, 2017 г., № 9, ст. 216), слова «без дополнительного согласования с Республиканским советом по координации деятельности контролирующих органов (территориальные комиссии Совета по Республике Каракалпакстан, областям и г. Ташкенту)» заменить словами «с уведомления уполномоченного органа по координации проверок деятельности субъектов предпринимательства».
18. В абзаце первом пункта 17 Положения о порядке назначения и проведения проверок в процессе производства строительно-монтажных работ по категориям сложности (риска) объектов строительства, утвержденного постановлением Кабинета Министров от 12 октября 2017 г. № 820 (СП Республики Узбекистан, 2017 г., № 10, ст. 234), слова «без согласования с территориальными комиссиями по координации деятельности контролирующих органов» заменить словами «с уведомления уполномоченного органа по координации проверок деятельности субъектов предпринимательства».
19. Пункт 40 Положения о порядке проведения работ по расчистке русел рек и укреплению их берегов, утвержденного постановлением Кабинета Министров от 21 декабря 2017 г. № 1009 (СП Республики Узбекистан, 2017 г., № 12, ст. 297), изложить в следующей редакции:
«40. Системные проверки, проводимые Госкомэкологии, Минводхозом, Госкомгеологии, Государственным комитетом промышленной безопасности Республики Узбекистан, Советом Министров Республики Каракалпакстан, хокимиятами областей, районов и городов в ходе контроля за проведением работ по расчистке русел рек и укреплению их берегов, осуществляются с уведомления уполномоченного органа по координации проверок деятельности субъектов предпринимательства в порядке, установленном законодательством».
20. В приложении № 8 к Положению о порядке централизованного учета лиц, совершивших административные правонарушения, и лиц, которым административным правонарушением причинен моральный, физический или имущественный ущерб, утвержденному постановлением Кабинета Министров от 3 мая 2018 г. № 322:
в позиции 250 слова «налоговыми, валютными преступлениями и легализацией преступных доходов» заменить словами «экономическими преступлениями»;
дополнить позицией 382 следующего содержания:
« 382. Уполномоченный при Президенте Республики Узбекистан по защите прав и законных интересов субъектов предпринимательства и работники его аппарата ».
23. Из подпункта 5.5 пункта 5 приложения к Положению о зале обслуживания официальных делегаций в аэропортах Республики Узбекистан, утвержденному распоряжением Кабинета Министров от 26 апреля 2006 г. № 180-ф, слова «начальник Инспекции по контролю за агропромышленным комплексом и обеспечением продовольственной безопасности» исключить.
Премьер-министр Республики Узбекистан А. АРИПОВ
г. Ташкент,
21 октября 2019 г.,
№ 886