📅 2019-yil 14-oktabr · Vazirlik va idoralar hujjatlari · Kapital bozorini rivojlantirish agentligi direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 14 октябрь · Вазирлик ва идоралар ҳужжатлари · Капитал бозорини ривожлантириш агентлиги директори
Расмий матн. Расмий ҳужжат. Таҳририй изоҳлар киритилмаган.
📅 14 октября 2019 г. · Документы министерств и ведомств · Директор Агентства по развитию рынка капитала
Официальный текст. Официальный документ. Редакционные примечания не включены.
📅 14 October 2019 · Ministry and agency documents · Kapital bozorini rivojlantirish agentligi direktori
Official text. Official document. Editorial notes are not included.
Ўзбекистон Республикаси Капитал бозорини ривожлантириш агентлиги директорининг
буйруғи
Қимматли қоғозлар бозори профессионал иштирокчисининг ички назорати тўғрисидаги низомга ўзгартиришлар ва қўшимча киритиш ҳақида
Ўзбекистон Республикасининг «Қимматли қоғозлар бозори тўғрисида»ги Қонуни ва Ўзбекистон Республикаси Вазирлар Маҳкамасининг 2019 йил 7 августдаги 650-сон «Ўзбекистон Республикаси Капитал бозорини ривожлантириш агентлиги ва Ўзбекистон Республикаси Капитал бозорини ривожлантириш агентлиги ҳузуридаги Капитал бозорини ривожлантиришга кўмаклашиш жамғармаси тўғрисидаги низомларни тасдиқлаш ҳақида»ги қарорига мувофиқ буюраман:
1. Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази Бош директорининг 2008 йил 29 ноябрдаги 2008-41-сон буйруғи (рўйхат рақами 1899, 2009 йил 6 февраль) (Ўзбекистон Республикаси қонун ҳужжатлари тўплами, 2009 й., 6-сон, 66-модда) билан тасдиқланган Қимматли қоғозлар бозори профессионал иштирокчисининг ички назорати тўғрисидаги низомга иловага мувофиқ ўзгартиришлар ва қўшимча киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Капитал бозорини ривожлантириш агентлиги директорининг 2019 йил 14 октябрдаги 2019-56-сон буйруғига ИЛОВА
Қимматли қоғозлар бозори профессионал иштирокчисининг ички назорати тўғрисидаги низомга киритилаётган ўзгартиришлар ва қўшимча
1. Муқаддимадан «(Ўзбекистон Республикаси қонун ҳужжатлари тўплами, 2008 йил, 29-30-сон, 278-модда)» ва «(Ўзбекистон Республикаси қонун ҳужжатлари тўплами, 2008 йил, 31-32-сон, 298-модда)» деган сўзлар чиқариб ташлансин.
2. 13-банднинг тўртинчи хатбошисидаги «ва терроризмни молиялаштиришга» деган сўзлар «, терроризмни молиялаштириш ва оммавий қирғин қуролини тарқатишни молиялаштиришга» деган сўзлар билан алмаштирилсин.
3. Қуйидаги мазмундаги 13 1 -банд билан тўлдирилсин:
«13 1 . I ёки II тоифали малака гувоҳномасига эга профессионал иштирокчи, фонд биржаси, бошқа биржа фонд бўлимининг назоратчиси қуйидагилардан бирига эга бўлиши лозим:
молиявий-иқтисодий, юридик, математик ёки ахборот технологиялари мутахассисликларидан бири бўйича олий маълумотга;
қимматли қоғозлар бозорида профессионал фаолиятни амалга оширувчи ташкилотлар, фонд биржалари, бошқа биржалар фонд бўлимларида ёки фаолиятнинг иқтисодий, молиявий, юридик соҳаларида, ахборот технологиялари соҳасида ёхуд кўрсатиб ўтилган йўналишлар бўйича давлат бошқарув органларидаги ишда охирги ўн йилда камида беш йиллик иш стажига.».
4. 19-банд қуйидаги таҳрирда баён этилсин:
«19. Назоратчи томонидан қимматли қоғозлар бозори тўғрисидаги қонун ҳужжатлари бузилганлиги аниқланган ҳолда, назоратчи иш кунидан кечиктирмасдан аниқланган қонунбузилиши тўғрисида профессионал иштирокчисининг раҳбарига ва қимматли қоғозлар бозорини тартибга солиш бўйича ваколатли давлат органига ёзма равишда ахборот беради.».
Директор А. НАЗИРОВ
Тошкент ш.,
2019 йил 14 октябрь,
2019-56-сон
Oʻzbekiston Respublikasi Kapital bozorini rivojlantirish agentligi direktorining
buyrugʻi
Qimmatli qogʻozlar bozori professional ishtirokchisining ichki nazorati toʻgʻrisidagi nizomga oʻzgartirishlar va qoʻshimcha kiritish haqida
Oʻzbekiston Respublikasining “Qimmatli qogʻozlar bozori toʻgʻrisida”gi Qonuni va Oʻzbekiston Respublikasi Vazirlar Mahkamasining 2019-yil 7-avgustdagi 650-son “Oʻzbekiston Respublikasi Kapital bozorini rivojlantirish agentligi va Oʻzbekiston Respublikasi Kapital bozorini rivojlantirish agentligi huzuridagi Kapital bozorini rivojlantirishga koʻmaklashish jamgʻarmasi toʻgʻrisidagi nizomlarni tasdiqlash haqida”gi qaroriga muvofiq buyuraman:
1. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi Bosh direktorining 2008-yil 29-noyabrdagi 2008-41-son buyrugʻi (roʻyxat raqami 1899, 2009-yil 6-fevral) (Oʻzbekiston Respublikasi qonun hujjatlari toʻplami, 2009-y., 6-son, 66-modda) bilan tasdiqlangan Qimmatli qogʻozlar bozori professional ishtirokchisining ichki nazorati toʻgʻrisidagi nizomga ilovaga muvofiq oʻzgartirishlar va qoʻshimcha kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Kapital bozorini rivojlantirish agentligi direktorining 2019-yil 14-oktabrdagi 2019-56-son buyrugʻiga ILOVA
Qimmatli qogʻozlar bozori professional ishtirokchisining ichki nazorati toʻgʻrisidagi nizomga kiritilayotgan oʻzgartirishlar va qoʻshimcha
1. Muqaddimadan “(Oʻzbekiston Respublikasi qonun hujjatlari toʻplami, 2008-yil, 29-30-son, 278-modda)” va “(Oʻzbekiston Respublikasi qonun hujjatlari toʻplami, 2008-yil, 31-32-son, 298-modda)” degan soʻzlar chiqarib tashlansin.
2. 13-bandning toʻrtinchi xatboshisidagi “va terrorizmni moliyalashtirishga” degan soʻzlar “, terrorizmni moliyalashtirish va ommaviy qirgʻin qurolini tarqatishni moliyalashtirishga” degan soʻzlar bilan almashtirilsin.
3. Quyidagi mazmundagi 13 1 -band bilan toʻldirilsin:
“13 1 . I yoki II toifali malaka guvohnomasiga ega professional ishtirokchi, fond birjasi, boshqa birja fond boʻlimining nazoratchisi quyidagilardan biriga ega boʻlishi lozim:
moliyaviy-iqtisodiy, yuridik, matematik yoki axborot texnologiyalari mutaxassisliklaridan biri boʻyicha oliy maʼlumotga;
qimmatli qogʻozlar bozorida professional faoliyatni amalga oshiruvchi tashkilotlar, fond birjalari, boshqa birjalar fond boʻlimlarida yoki faoliyatning iqtisodiy, moliyaviy, yuridik sohalarida, axborot texnologiyalari sohasida yoxud koʻrsatib oʻtilgan yoʻnalishlar boʻyicha davlat boshqaruv organlaridagi ishda oxirgi oʻn yilda kamida besh yillik ish stajiga.”.
4. 19-band quyidagi tahrirda bayon etilsin:
“19. Nazoratchi tomonidan qimmatli qogʻozlar bozori toʻgʻrisidagi qonun hujjatlari buzilganligi aniqlangan holda, nazoratchi ish kunidan kechiktirmasdan aniqlangan qonunbuzilishi toʻgʻrisida professional ishtirokchisining rahbariga va qimmatli qogʻozlar bozorini tartibga solish boʻyicha vakolatli davlat organiga yozma ravishda axborot beradi.”.
Direktor A. NAZIROV
Toshkent sh.,
2019-yil 14-oktabr,
2019-56-son
директора Агентства по развитию рынка капитала Республики Узбекистан
Приказ
О внесении изменений и дополнения в Положение о внутреннем контроле профессионального участника рынка ценных бумаг
В соответствии с Законом Республики Узбекистан «О рынке ценных бумаг» и постановлением Кабинета Министров Республики Узбекистан от 7 августа 2019 года № 650 «Об утверждении положений об Агентстве по развитию рынка капитала Республики Узбекистан и Фонде содействия развитию рынка капитала при Агентстве по развитию рынка капитала Республики Узбекистан» приказываю:
1. Внести изменения и дополнение в Положение о внутреннем контроле профессионального участника рынка ценных бумаг, утвержденное приказом Генерального директора Центра по координации и контролю за функционированием рынка ценных бумаг при Госкомимуществе Республики Узбекистан от 29 ноября 2008 года № 2008-41 (рег. № 1899 от 6 февраля 2009 года) (Собрание законодательства Республики Узбекистан, 2009 г., № 6, ст. 66), согласно приложению .
2. Настоящий приказ вступает в силу со дня его официального опубликования.
ПРИЛОЖЕНИЕ к приказу директора Агентства по развитию рынка капитала Республики Узбекистан от 14 октября 2019 года № 2019-56
Изменения и дополнение, вносимые в Положение о внутреннем контроле профессионального участника рынка ценных бумаг
1. Из преамбулы слова «(Собрание законодательства Республики Узбекистан, 2008 г., № 29-30, ст. 278)» и «(Собрание законодательства Республики Узбекистан, 2008 г., № 31-32, ст. 298)» исключить.
2. В абзаце четвертом пункта 13 слова «и финансированию терроризма» заменить словами «финансированию терроризма и финансированию распространения оружия массового уничтожения».
3. Дополнить пунктом 13 1 следующего содержания:
«13 1 . Контролер профессионального участника, фондовой биржи, фондового отдела другой биржи, владеющий квалификационным аттестатом I или II категории, должен иметь одно из нижеследующих:
высшее образование по финансово-экономической, юридической, математической специальности либо информационным технологиям;
как минимум пятилетний стаж работы из последних десяти лет в организациях, осуществляющих профессиональную деятельность на рынке ценных бумаг, на фондовых биржах, фондовых отделах других бирж или в экономической, финансовой и юридической сферах деятельности, сфере информационных технологий либо работы в государственных органах управления по указанным направлениям.».
4. Пункт 19 изложить в следующей редакции:
«19. В случае выявления контролером нарушений законодательства о рынке ценных бумаг контролер не позднее рабочего дня письменно информирует о выявленных нарушениях руководителя профессионального участника и уполномоченный государственный орган по регулированию рынка ценных бумаг.».
Директор А. НАЗИРОВ
г. Ташкент,
14 сентября 2019 г.,
№ 2019-56