📅 2019-yil 24-oktabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 24 октябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 24 октября 2019 г. · Указы Президента
Официальный текст. Официальный документ. Редакционные примечания не включены.
📅 24 October 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида
Мамлакатимизда тадбиркорлик субъектларини ҳимоя қилишнинг ҳуқуқий механизмларини янада мустаҳкамлаш, инвестициявий ва ишбилармонлик муҳитини яхшилаш, бизнесни ривожлантириш учун бюрократик тўсиқларни бартараф этиш мақсадида:
1. Ўзбекистон Республикаси Президентининг айрим ҳужжатларига иловага мувофиқ ўзгартириш ва қўшимчалар киритилсин.
2. Ўзбекистон Республикаси Вазирлар Маҳкамаси бир ой муддатда ҳукумат қарорларига ушбу Фармондан келиб чиқадиган, шу жумладан экспорт-импорт операциялари бўйича валюта назорати тўғрисидаги қонун ҳужжатларини бузганлиги учун хўжалик юритувчи субъектлар томонидан тўланган жарима суммасини Ўзбекистон Республикасининг Давлат бюджетидан қайтариб бериш тартибини аниқлаштиришни ҳисобга олган ҳолда тегишли ўзгартириш ва қўшимчалар киритсин.
3. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2019 йил 24 октябрдаги ПФ-5856-сон Фармонига ИЛОВА
Ўзбекистон Республикаси Президентининг айрим ҳужжатларига киритиладиган ўзгартириш ва қўшимчалар
1.Ўзбекистон Республикаси Президентининг 1994 йил 20 апрелдаги ПФ-837-сон Фармони билан тасдиқланган Экспорт-импорт операциялари бўйича валюта назорати тўғрисидаги низомнинг 10-банди :
а) қуйидаги мазмундаги олтинчи — саккизинчи хатбошилар билан тўлдирилсин:
«Агар жаримани қўллаш масаласини кўриб чиқиш пайтига келиб, валюта маблағларининг келиб тушиши ёки республикага товарларни олиб кириш ҳамда «эркин муомалага чиқариш» режимида расмийлаштириш, ишларни бажариш ва хизматлар кўрсатиш таъминланган бўлса, жарима қўлланилмайди.
Агар суднинг жарима қўллаш тўғрисидаги қарорини ижро этиш пайтига келиб, валюта маблағларининг келиб тушиши ёки республикага товарларни олиб кириш ҳамда «эркин муомалага чиқариш» режимида расмийлаштириш, ишларни бажариш ва хизматлар кўрсатиш таъминланган бўлса, қўлланилган жарима тўланмайди.
Агар жарима қўлланилганидан кейин 90 кунлик муддат ичида валюта маблағларининг келиб тушиши ёки республикага товарларни олиб кириш ҳамда «эркин муомалага чиқариш» режимида расмийлаштириш, ишларни бажариш ва хизматлар кўрсатиш таъминланган бўлса, тўланган жарима Ўзбекистон Республикасининг Давлат бюджетидан қайтариб берилиши лозим.»;
б) олтинчи хатбошиси тўққизинчи хатбоши деб ҳисоблансин.
2. Ўзбекистон Республикаси Президентининг 2018 йил 30 октябрдаги «Товар бозорларида савдони янада эркинлаштириш ва рақобатни ривожлантириш чора-тадбирлари тўғрисида»ги ПФ-5564-сон Фармони 1-банди «а» кичик бандининг бешинчи хатбошиси «ташқи савдо шартномалари бўйича қарзлар бундан мустасно» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 24 октябрь,
ПФ-5856-сон
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida
Mamlakatimizda tadbirkorlik subyektlarini himoya qilishning huquqiy mexanizmlarini yanada mustahkamlash, investitsiyaviy va ishbilarmonlik muhitini yaxshilash, biznesni rivojlantirish uchun byurokratik toʻsiqlarni bartaraf etish maqsadida:
1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirish va qoʻshimchalar kiritilsin.
2. Oʻzbekiston Respublikasi Vazirlar Mahkamasi bir oy muddatda hukumat qarorlariga ushbu Farmondan kelib chiqadigan, shu jumladan eksport-import operatsiyalari boʻyicha valyuta nazorati toʻgʻrisidagi qonun hujjatlarini buzganligi uchun xoʻjalik yurituvchi subyektlar tomonidan toʻlangan jarima summasini Oʻzbekiston Respublikasining Davlat budjetidan qaytarib berish tartibini aniqlashtirishni hisobga olgan holda tegishli oʻzgartirish va qoʻshimchalar kiritsin.
3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2019-yil 24-oktabrdagi PF-5856-son Farmoniga ILOVA
Oʻzbekiston Respublikasi Prezidentining ayrim hujjatlariga kiritiladigan oʻzgartirish va qoʻshimchalar
1.Oʻzbekiston Respublikasi Prezidentining 1994-yil 20-apreldagi PF-837-son Farmoni bilan tasdiqlangan Eksport-import operatsiyalari boʻyicha valyuta nazorati toʻgʻrisidagi nizomning 10-bandi :
a) quyidagi mazmundagi oltinchi — sakkizinchi xatboshilar bilan toʻldirilsin:
“Agar jarimani qoʻllash masalasini koʻrib chiqish paytiga kelib, valyuta mablagʻlarining kelib tushishi yoki respublikaga tovarlarni olib kirish hamda “erkin muomalaga chiqarish” rejimida rasmiylashtirish, ishlarni bajarish va xizmatlar koʻrsatish taʼminlangan boʻlsa, jarima qoʻllanilmaydi.
Agar sudning jarima qoʻllash toʻgʻrisidagi qarorini ijro etish paytiga kelib, valyuta mablagʻlarining kelib tushishi yoki respublikaga tovarlarni olib kirish hamda “erkin muomalaga chiqarish” rejimida rasmiylashtirish, ishlarni bajarish va xizmatlar koʻrsatish taʼminlangan boʻlsa, qoʻllanilgan jarima toʻlanmaydi.
Agar jarima qoʻllanilganidan keyin 90 kunlik muddat ichida valyuta mablagʻlarining kelib tushishi yoki respublikaga tovarlarni olib kirish hamda “erkin muomalaga chiqarish” rejimida rasmiylashtirish, ishlarni bajarish va xizmatlar koʻrsatish taʼminlangan boʻlsa, toʻlangan jarima Oʻzbekiston Respublikasining Davlat budjetidan qaytarib berilishi lozim.”;
b) oltinchi xatboshisi toʻqqizinchi xatboshi deb hisoblansin.
2. Oʻzbekiston Respublikasi Prezidentining 2018-yil 30-oktabrdagi “Tovar bozorlarida savdoni yanada erkinlashtirish va raqobatni rivojlantirish chora-tadbirlari toʻgʻrisida”gi PF-5564-son Farmoni 1-bandi “a” kichik bandining beshinchi xatboshisi “tashqi savdo shartnomalari boʻyicha qarzlar bundan mustasno” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 24-oktabr,
PF-5856-son
Президента Республики Узбекистан
Указ
О внесении изменения и дополнений в некоторые акты Президента Республики Узбекистан
В целях дальнейшего укрепления правовых механизмов защиты субъектов предпринимательства, улучшения инвестиционного климата и деловой среды в стране, устранения бюрократических преград для развития бизнеса:
1. Внести изменение и дополнения в некоторые акты Президента Республики Узбекистан согласно приложению .
2. Кабинету Министров Республики Узбекистан в месячный срок внести в правительственные решения соответствующие изменения и дополнения, вытекающие из настоящего Указа, в том числе с учетом конкретизации порядка возврата из Государственного бюджета Республики Узбекистан суммы штрафа, уплаченного хозяйствующим субъектом за нарушение законодательства о валютном контроле по экспортно-импортным операциям.
3. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 24 октября 2019 года № УП-5856
Изменение и дополнения, вносимые в некоторые акты Президента Республики Узбекистан
1. В пункте 10 Положения о валютном контроле по экспортно-импортным операциям, утвержденного Указом Президента Республики Узбекистан от 20 апреля 1994 года № УП-837:
а) дополнить абзацами шестым — восьмым следующего содержания:
«Штраф не применяется, если к моменту рассмотрения вопроса о применении штрафа обеспечены поступление валютных средств или ввоз в республику и оформление товаров в режим «выпуск для свободного обращения», выполнение работ и оказание услуг.
Примененный штраф не уплачивается, если к моменту исполнения решения суда о применении штрафа обеспечены поступление валютных средств или ввоз в республику и оформление товаров в режим «выпуск для свободного обращения», выполнение работ и оказание услуг.
Уплаченный штраф подлежит возврату из Государственного бюджета Республики Узбекистан, если в течение 90 дней после применения штрафа обеспечены поступление валютных средств или ввоз в республику и оформление товаров в режим «выпуск для свободного обращения», выполнение работ и оказание услуг.»;
б) абзац шестой считать абзацем девятым.
2. В абзаце пятом подпункта «а» пункта 1 Указа Президента Республики Узбекистан от 30 октября 2018 года № УП-5564 «О мерах по дальнейшей либерализации торговли и развитию конкуренции на товарных рынках» дополнить словами «за исключением задолженности по внешнеторговым контрактам».
Президент Республики Узбекистан Ш. МИРЗИЁЕВ
г. Ташкент,
24 октября 2019 г.,
№ УП-5856