📅 2019-yil 25-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 25 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 25 октября 2019 г. · Постановления Президента
Официальный текст. Официальный документ. Редакционные примечания не включены.
📅 25 October 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қишлоқ хўжалигида сув тежовчи технологияларни жорий этишни рағбатлантириш механизмларини кенгайтириш чора-тадбирлари тўғрисида
Мамлакатимизда сув ресурсларидан фойдаланиш механизмларини тубдан ислоҳ қилиш, улардан оқилона ва самарали фойдаланишни таъминлаш, иқтисодиёт тармоқларида сув тежовчи технологияларни жорий этишни қўллаб-қувватлаш ва рағбатлантириш, шунингдек, суғориладиган ерларнинг мелиоратив ҳолатини яхшилаш бўйича изчил чора-тадбирлар амалга оширилмоқда.
Амалга оширилаётган чора-тадбирлар, шунингдек, давлат томонидан қўллаб-қувватлаш механизмлари 2019 йилнинг ўзида қўшимча 33,2 минг гектарда сув тежовчи суғориш технологиялари жорий этилишини таъминлаш имконини берди, бу эса шу каби технологиялар қўлланилаётган ерлар умумий майдонининг 44 фоизини ташкил этди.
Бироқ, сув тежовчи суғориш технологиялари қўлланилаётган умумий майдон атиги 75 минг гектарни ёки умумий суғориладиган ер майдонларининг 1,7 фоизини ташкил этаётганлиги қишлоқ хўжалигида сув тежовчи технологиялардан фойдаланишни кенгайтиришга ва сув ресурсларидан фойдаланиш самарадорлигини таъминлашга қаратилган чора-тадбирларни янада фаоллаштириш заруратини тақозо этмоқда.
Қишлоқ хўжалигида сув тежовчи суғориш технологияларини жорий этишни рағбатлантириш механизмларини янада кенгайтириш ва сув ресурсларидан фойдаланиш самарадорлигини ошириш, шунингдек, қишлоқ хўжалиги ерлари ҳосилдорлиги даражасини яхшилаш мақсадида:
1. Қуйидагилар:
а) Ўзбекистон Республикаси Президентининг 2019 йил 17 июндаги «Қишлоқ хўжалигида ер ва сув ресурсларидан самарали фойдаланиш чора-тадбирлари тўғрисида»ги ПФ-5742-сон Фармонига мувофиқ 2019 — 2022 йиллар давомида 253 381 гектар экин майдонида сув тежовчи технологияларни жорий қилишнинг прогноз кўрсаткичлари тасдиқланганлиги;
б) Ўзбекистон Республикаси Президентининг:
2018 йил 27 декабрдаги «Пахта хом ашёсини етиштиришда томчилатиб суғориш технологияларидан кенг фойдаланиш учун қулай шарт-шароитлар яратишга оид кечиктириб бўлмайдиган чора-тадбирлар тўғрисида»ги ПҚ-4087-сон қарорига мувофиқ пахта хом ашёси ишлаб чиқарувчиларига томчилатиб суғориш технологияларини жорий қилиш учун пахта хом ашёси экиладиган майдоннинг ҳар бир гектари учун 8 млн сўм миқдорида субсидиялар тақдим этилаётганлиги;
2019 йил 5 февралдаги «Ўзбекистон Республикаси Қишлоқ хўжалиги вазирлиги ҳузуридаги Узумчилик ва виночиликни ривожлантириш агентлиги фаолиятини ташкил этиш тўғрисида»ги ПҚ-4161-сон қарорига мувофиқ янги узум плантацияларини яратиш мақсадида томчилатиб суғориш технологияларини жорий қилишга узум экиладиган майдоннинг ҳар бир гектари учун 8 млн сўм миқдорида субсидиялар тақдим этилаётганлиги;
2019 йил 20 мартдаги «Ўзбекистон Республикасида боғдорчилик ва иссиқхона хўжалигини янада ривожлантириш чора-тадбирлари тўғрисида»ги ПҚ-4246-сон қарорига мувофиқ янги боғлар ва иссиқхона хўжаликларини яратиш мақсадида сув тежовчи суғориш технологияларини жорий қилишга экин майдонининг ҳар бир гектари учун 6 млн сўмдан ошмаган миқдорда субсидиялар тақдим этилаётганлиги маълумот учун қабул қилинсин.
Ўзбекистон Республикаси Сув хўжалиги вазирлиги, Қишлоқ хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши, Қорақалпоғистон Республикаси Вазирлар Кенгаши ва вилоятлар ҳокимликлари 2020 йилда 43 825 гектарда, шу жумладан:
24 859 гектар — пахта экин майдонларида;
11 498 гектар — мевали экин майдонларида;
4 987 гектар — узумзорларда;
2 481 гектар — бошқа экин майдонларида сув тежовчи суғориш технологияларини жорий этиш бўйича тасдиқланган прогноз кўрсаткичларининг самарали бажарилишини таъминласин.
2. 2020 йил 1 январдан сув тежовчи суғориш технологияларини жорий этишни давлат томонидан қўллаб-қувватлашнинг қуйидаги тартиби белгилансин:
бюджет маблағларини олувчилар билан тузиладиган импорт шартномаларини мажбурий экспертизадан ўтказиш ва рўйхатга олиш талаби қишлоқ хўжалиги ишлаб чиқарувчилари томонидан сув тежовчи суғориш технологияларини жорий этиш бўйича ишлар доирасида тузиладиган импорт шартномаларига татбиқ этилмайди.
3. Ўзбекистон Республикаси Президентининг 2018 йил 27 декабрдаги «Пахта хом ашёсини етиштиришда томчилатиб суғориш технологияларидан кенг фойдаланиш учун қулай шарт-шароитлар яратишга оид кечиктириб бўлмайдиган чора-тадбирлар тўғрисида»ги ПҚ-4087-сон қарорига мувофиқ ташкил этилган сувни тежайдиган суғориш технологияларини жорий этишга кўмаклашувчи ишчи гуруҳларга қишлоқ хўжалиги экинларини ишлаб чиқаришда сув тежовчи суғориш технологияларининг барча турларини жорий этиш соҳасидаги фаолиятни амалга ошириш бўйича қўшимча вазифалар юклатилсин.
4. Белгилансинки:
а) сув тежовчи суғориш технологиялари жорий этилишини таъминлаш учун сув етказиб бериш насос станциялари ва насос агрегатлари ёрдамида, шу жумладан суғориш қудуқлари ва вертикал дренаж қудуқларидан амалга ошириладиган экин майдонлари устувор ҳисобланади;
б) 2020 йил 1 январдан ҳосилдорлиги паст бўлган ерларда давлат эҳтиёжлари учун пахта хом ашёси етиштирувчи қишлоқ хўжалиги корхоналарини Ўзбекистон Республикаси Давлат бюджети ҳисобидан молиявий қўллаб-қувватлаш тартиби бекор қилинади;
в) 2022 йил 1 январдан:
пахта хом ашёси ва бошоқли дон етиштириш учун насос агрегатлари ва суғориш қудуқлари истеъмол қилган электр энергияси қийматини Ўзбекистон Республикаси Давлат бюджетидан субсидиялар ҳисобига қоплаш тартиби фақат сув тежовчи суғориш технологияларини жорий этган қишлоқ хўжалиги ишлаб чиқарувчиларига татбиқ этилади;
қишлоқ хўжалиги ишлаб чиқарувчилари томонидан сув хўжалиги ташкилотларининг суғориш қудуқлари ва вертикал дренаж қудуқларидан қишлоқ хўжалиги экинларини суғориш учун фойдаланишга сув тежовчи суғориш технологияларини қўллаш шарти билан рухсат этилади.
г) мазкур қарорга асосан жорий этилаётган қишлоқ хўжалиги ишлаб чиқарувчиларини давлат томонидан қўллаб-қувватлаш чоралари ўрмон хўжаликлари ва ўрмон фонди ерлари ижарачиларига ҳам тўлиқ татбиқ этилади.
5. Ўзбекистон Республикаси Вазирлар Маҳкамаси 2019 йил 20 ноябрга қадар ҳудудлар ва экин майдонларини кўрсатган ҳолда қишлоқ хўжалиги экинлари ва сув тежовчи суғориш тизимлари турлари кесимида 2020 йил учун сув тежовчи суғориш технологияларини жорий этиш манзилли дастури ишлаб чиқилиши ва тасдиқланишини таъминласин.
6. Ўзбекистон Республикаси Молия вазирлиги Сув хўжалиги вазирлиги ва Қишлоқ хўжалиги вазирлиги билан биргаликда ўн кун муддатда мазкур қарорга мувофиқ қишлоқ хўжалиги ишлаб чиқарувчиларининг сув тежовчи суғориш технологияларини жорий этиш бўйича харажатларининг бир қисмини қоплаш тартибини ишлаб чиқсин ва Вазирлар Маҳкамасига киритсин.
7. Ўзбекистон Республикаси Иқтисодиёт ва саноат вазирлиги Инвестициялар ва ташқи савдо вазирлиги, Сув хўжалиги вазирлиги, «Ўзэлтехсаноат» уюшмаси ва бошқа манфаатдор вазирлик ва идоралар билан биргаликда икки ой муддатда:
сув тежовчи суғориш тизимларининг бутловчи буюмлари ва эҳтиёт қисмларини ишлаб чиқариш соҳасида саноат тармоқлари ўртасидаги ўзаро кооперацияни кенгайтириш бўйича мавжуд имкониятларни ўргансин;
сув тежовчи суғориш тизимларининг маҳаллийлаштирилиши лозим бўлган бутловчи буюмлари ва эҳтиёт қисмларининг аниқ рўйхатини мавжуд хом ашё ресурсларини инобатга олган ҳолда шакллантирсин;
2020 — 2022 йилларда сув тежовчи суғориш тизимлари ҳамда уларнинг бутловчи буюмларини ишлаб чиқаришни маҳаллийлаштириш ва унинг қувватларни кенгайтириш бўйича чора-тадбирлар дастурини Вазирлар Маҳкамасига киритсин.
8. Ўзбекистон Республикаси Ташқи ишлар вазирлиги Ўзбекистон Республикасининг Исроил Давлати, Хитой Халқ Республикаси, Корея Республикаси, Туркия Республикасидаги элчихоналари ва мамлакатнинг хориждаги бошқа дипломатик ваколатхоналари билан биргаликда:
сув тежовчи суғориш технологияларини жорий этишни кенгайтиришда, шунингдек, мамлакат ҳудудларида сув тежовчи суғориш тизимлари ҳамда уларнинг бутловчи буюмларини ишлаб чиқаришни ташкил этиш учун чет эл инвесторларини жалб қилишда давлат ва хўжалик бошқаруви органларига кўмаклашишни;
2020 йил 1 июнга қадар ушбу банд ижроси доирасида кўрилаётган чоралар тўғрисида ҳар ой Ўзбекистон Республикаси Президенти Администрацияси ва Вазирлар Маҳкамасига ахборот киритилишини таъминласин.
9. Ўзбекистон Республикаси Энергетика вазирлиги Сув хўжалиги вазирлиги билан биргаликда 2021 йил 1 январга қадар сув хўжалиги насос станцияларида Электр энергиясини назорат қилиш ва ҳисобга олишнинг автоматлаштирилган тизимига мос келувчи ўлчов асбоблари жорий этилишини таъминласин.
10. Ўзбекистон Республикаси Сув хўжалиги вазирлиги:
а) Қишлоқ хўжалиги вазирлиги ва Инновацион ривожланиш вазирлиги билан биргаликда қишлоқ ва сув хўжалиги соҳасидаги олимлар ва экспертларни жалб қилган ҳолда 2019 йилда сув тежовчи суғориш технологияларини жорий этиш самарадорлиги юзасидан ҳар томонлама ўрганиш ва таҳлил ўтказсин, уларнинг натижалари асосида:
2019 йил 15 декабрга қадар сув тежовчи суғориш технологияларини жорий этиш натижалари ва ушбу йўналишдаги ишларнинг самарадорлигини янада ошириш бўйича чора-тадбирлар тўғрисида Ўзбекистон Республикаси Президенти Администрацияси ва Вазирлар Маҳкамасига ахборот киритсин;
2020 йил 1 февралга қадар ҳудудлар, суғориладиган далалар ва қишлоқ хўжалиги экинлари ҳамда уларнинг навлари хусусиятларидан келиб чиқиб, сув тежовчи суғориш технологияларини жорий этиш ва қўллаш бўйича услубий тавсияларни, шунингдек, улардан фойдаланиш самарадорлигини баҳолаш мезонларини ишлаб чиқсин ва тасдиқласин;
б) 2020 — 2030 йилларда сув хўжалигини ривожлантириш концепцияси лойиҳасини ишлаб чиқишда қуйидагиларни назарда тутсин:
2021 — 2025 йилларда сув тежовчи суғориш технологияларини жорий қилишнинг асосий йўналишлари ва устувор ҳудудлари, шунингдек, 2030 йилгача мақсадли мўлжалларни;
сув тежовчи суғориш технологиялари жорий этилган майдонлар ўлчамини инобатга олган ҳолда сув ресурсларидан фойдаланиш самарадорлигини босқичма-босқич ошириш ҳамда насос станцияларини бошқаришни мақбуллаштиришни;
сув тежовчи суғориш технологияларини жорий этиш тадбирларини халқаро молия институтлари ва донор мамлакатларнинг грантлари ҳамда узоқ муддатли имтиёзли кредитларини жалб қилиш ҳисобидан молиялаштириш тартибига ўтиш ва харажатларининг бир қисмини Ўзбекистон Республикаси Давлат бюджетидан қоплаш механизмларини жорий этишни;
алоҳида сув хўжалиги объектларини эксплуатация қилишни босқичма-босқич йирик қишлоқ хўжалиги ишлаб чиқарувчиларига, шу жумладан қишлоқ хўжалиги кластерларига беришни;
в) Қишлоқ хўжалиги вазирлиги, Олий ва ўрта махсус таълим вазирлиги, Ўзбекистон фермер, деҳқон хўжаликлари ва томорқа ер эгалари кенгаши билан биргаликда 2020 йил 1 январга қадар қишлоқ хўжалиги ишлаб чиқарувчиларини сув тежовчи суғориш технологияларини жорий этиш, улардан фойдаланиш ва техник хизмат кўрсатиш бўйича қисқа муддатли сайёр ўқитиш курсларини ўтказишни назарда тутувчи режа-график ва ўқув дастурини ишлаб чиқсин;
г) Қишлоқ хўжалиги вазирлиги ва Молия вазирлиги билан биргаликда 2020 йил 1 февралга қадар мазкур қарорнинг ижро этилиши ҳолати ва натижалари таҳлили асосида қишлоқ хўжалиги экинларини суғоришнинг сув тежовчи технологияларини жорий этиш прогноз кўрсаткичларини ошириш, шунингдек, ушбу тадбирларни молиялаштириш манбалари тўғрисида Вазирлар Маҳкамасига таклифлар киритсин;
д) Иқтисодиёт ва саноат вазирлиги, Қишлоқ хўжалиги вазирлиги билан биргаликда 2021 йил 1 июлга қадар қишлоқ хўжалиги ишлаб чиқарувчилари томонидан сув хўжалиги ташкилотларининг суғориш қудуқлари ва вертикал дренаж қудуқларидан қишлоқ хўжалиги экинларини суғориш учун фойдаланиш тартибини сув тежовчи суғориш технологияларини мажбурий тартибда қўллаш бўйича талаб киритилишини инобатга олган ҳолда ишлаб чиқсин ва Вазирлар Маҳкамасига киритсин.
12. Ўзбекистон Республикаси Сув хўжалиги вазирлиги манфаатдор вазирликлар ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Ўзбекистон миллий телерадиокомпанияси ва Ўзбекистон миллий ахборот агентлигига оммавий ахборот воситаларида мазкур қарорнинг мазмун-моҳияти ва вазифалари, шунингдек, жойларда сув тежовчи суғориш технологияларини жорий этиш жараёнлари ҳамда натижаларини кенг ёритиш тавсия этилсин.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси Р.А. Гулямов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 25 октябрь,
ПҚ-4499-сон
Oʻzbekiston Respublikasi Prezidentining
Qarori
Qishloq xoʻjaligida suv tejovchi texnologiyalarni joriy etishni ragʻbatlantirish mexanizmlarini kengaytirish chora-tadbirlari toʻgʻrisida
Mamlakatimizda suv resurslaridan foydalanish mexanizmlarini tubdan isloh qilish, ulardan oqilona va samarali foydalanishni taʼminlash, iqtisodiyot tarmoqlarida suv tejovchi texnologiyalarni joriy etishni qoʻllab-quvvatlash va ragʻbatlantirish, shuningdek, sugʻoriladigan yerlarning meliorativ holatini yaxshilash boʻyicha izchil chora-tadbirlar amalga oshirilmoqda.
Amalga oshirilayotgan chora-tadbirlar, shuningdek, davlat tomonidan qoʻllab-quvvatlash mexanizmlari 2019-yilning oʻzida qoʻshimcha 33,2 ming gektarda suv tejovchi sugʻorish texnologiyalari joriy etilishini taʼminlash imkonini berdi, bu esa shu kabi texnologiyalar qoʻllanilayotgan yerlar umumiy maydonining 44 foizini tashkil etdi.
Biroq, suv tejovchi sugʻorish texnologiyalari qoʻllanilayotgan umumiy maydon atigi 75 ming gektarni yoki umumiy sugʻoriladigan yer maydonlarining 1,7 foizini tashkil etayotganligi qishloq xoʻjaligida suv tejovchi texnologiyalardan foydalanishni kengaytirishga va suv resurslaridan foydalanish samaradorligini taʼminlashga qaratilgan chora-tadbirlarni yanada faollashtirish zaruratini taqozo etmoqda.
Qishloq xoʻjaligida suv tejovchi sugʻorish texnologiyalarini joriy etishni ragʻbatlantirish mexanizmlarini yanada kengaytirish va suv resurslaridan foydalanish samaradorligini oshirish, shuningdek, qishloq xoʻjaligi yerlari hosildorligi darajasini yaxshilash maqsadida:
1. Quyidagilar:
a) Oʻzbekiston Respublikasi Prezidentining 2019-yil 17-iyundagi “Qishloq xoʻjaligida yer va suv resurslaridan samarali foydalanish chora-tadbirlari toʻgʻrisida”gi PF-5742-son Farmoniga muvofiq 2019 — 2022-yillar davomida 253 381 gektar ekin maydonida suv tejovchi texnologiyalarni joriy qilishning prognoz koʻrsatkichlari tasdiqlanganligi;
b) Oʻzbekiston Respublikasi Prezidentining:
2018-yil 27-dekabrdagi “Paxta xom ashyosini yetishtirishda tomchilatib sugʻorish texnologiyalaridan keng foydalanish uchun qulay shart-sharoitlar yaratishga oid kechiktirib boʻlmaydigan chora-tadbirlar toʻgʻrisida”gi PQ-4087-son qaroriga muvofiq paxta xom ashyosi ishlab chiqaruvchilariga tomchilatib sugʻorish texnologiyalarini joriy qilish uchun paxta xom ashyosi ekiladigan maydonning har bir gektari uchun 8 mln soʻm miqdorida subsidiyalar taqdim etilayotganligi;
2019-yil 5-fevraldagi “Oʻzbekiston Respublikasi Qishloq xoʻjaligi vazirligi huzuridagi Uzumchilik va vinochilikni rivojlantirish agentligi faoliyatini tashkil etish toʻgʻrisida”gi PQ-4161-son qaroriga muvofiq yangi uzum plantatsiyalarini yaratish maqsadida tomchilatib sugʻorish texnologiyalarini joriy qilishga uzum ekiladigan maydonning har bir gektari uchun 8 mln soʻm miqdorida subsidiyalar taqdim etilayotganligi;
2019-yil 20-martdagi “Oʻzbekiston Respublikasida bogʻdorchilik va issiqxona xoʻjaligini yanada rivojlantirish chora-tadbirlari toʻgʻrisida”gi PQ-4246-son qaroriga muvofiq yangi bogʻlar va issiqxona xoʻjaliklarini yaratish maqsadida suv tejovchi sugʻorish texnologiyalarini joriy qilishga ekin maydonining har bir gektari uchun 6 mln soʻmdan oshmagan miqdorda subsidiyalar taqdim etilayotganligi maʼlumot uchun qabul qilinsin.
Oʻzbekiston Respublikasi Suv xoʻjaligi vazirligi, Qishloq xoʻjaligi vazirligi, Oʻzbekiston fermer, dehqon xoʻjaliklari va tomorqa yer egalari kengashi, Qoraqalpogʻiston Respublikasi Vazirlar Kengashi va viloyatlar hokimliklari 2020-yilda 43 825 gektarda, shu jumladan:
24 859 gektar — paxta ekin maydonlarida;
11 498 gektar — mevali ekin maydonlarida;
4 987 gektar — uzumzorlarda;
2 481 gektar — boshqa ekin maydonlarida suv tejovchi sugʻorish texnologiyalarini joriy etish boʻyicha tasdiqlangan prognoz koʻrsatkichlarining samarali bajarilishini taʼminlasin.
2. 2020-yil 1-yanvardan suv tejovchi sugʻorish texnologiyalarini joriy etishni davlat tomonidan qoʻllab-quvvatlashning quyidagi tartibi belgilansin:
budjet mablagʻlarini oluvchilar bilan tuziladigan import shartnomalarini majburiy ekspertizadan oʻtkazish va roʻyxatga olish talabi qishloq xoʻjaligi ishlab chiqaruvchilari tomonidan suv tejovchi sugʻorish texnologiyalarini joriy etish boʻyicha ishlar doirasida tuziladigan import shartnomalariga tatbiq etilmaydi.
3. Oʻzbekiston Respublikasi Prezidentining 2018-yil 27-dekabrdagi “Paxta xom ashyosini yetishtirishda tomchilatib sugʻorish texnologiyalaridan keng foydalanish uchun qulay shart-sharoitlar yaratishga oid kechiktirib boʻlmaydigan chora-tadbirlar toʻgʻrisida”gi PQ-4087-son qaroriga muvofiq tashkil etilgan suvni tejaydigan sugʻorish texnologiyalarini joriy etishga koʻmaklashuvchi ishchi guruhlarga qishloq xoʻjaligi ekinlarini ishlab chiqarishda suv tejovchi sugʻorish texnologiyalarining barcha turlarini joriy etish sohasidagi faoliyatni amalga oshirish boʻyicha qoʻshimcha vazifalar yuklatilsin.
4. Belgilansinki:
a) suv tejovchi sugʻorish texnologiyalari joriy etilishini taʼminlash uchun suv yetkazib berish nasos stansiyalari va nasos agregatlari yordamida, shu jumladan sugʻorish quduqlari va vertikal drenaj quduqlaridan amalga oshiriladigan ekin maydonlari ustuvor hisoblanadi;
b) 2020-yil 1-yanvardan hosildorligi past boʻlgan yerlarda davlat ehtiyojlari uchun paxta xom ashyosi yetishtiruvchi qishloq xoʻjaligi korxonalarini Oʻzbekiston Respublikasi Davlat budjeti hisobidan moliyaviy qoʻllab-quvvatlash tartibi bekor qilinadi;
v) 2022-yil 1-yanvardan:
paxta xom ashyosi va boshoqli don yetishtirish uchun nasos agregatlari va sugʻorish quduqlari isteʼmol qilgan elektr energiyasi qiymatini Oʻzbekiston Respublikasi Davlat budjetidan subsidiyalar hisobiga qoplash tartibi faqat suv tejovchi sugʻorish texnologiyalarini joriy etgan qishloq xoʻjaligi ishlab chiqaruvchilariga tatbiq etiladi;
qishloq xoʻjaligi ishlab chiqaruvchilari tomonidan suv xoʻjaligi tashkilotlarining sugʻorish quduqlari va vertikal drenaj quduqlaridan qishloq xoʻjaligi ekinlarini sugʻorish uchun foydalanishga suv tejovchi sugʻorish texnologiyalarini qoʻllash sharti bilan ruxsat etiladi.
g) mazkur qarorga asosan joriy etilayotgan qishloq xoʻjaligi ishlab chiqaruvchilarini davlat tomonidan qoʻllab-quvvatlash choralari oʻrmon xoʻjaliklari va oʻrmon fondi yerlari ijarachilariga ham toʻliq tatbiq etiladi.
5. Oʻzbekiston Respublikasi Vazirlar Mahkamasi 2019-yil 20-noyabrga qadar hududlar va ekin maydonlarini koʻrsatgan holda qishloq xoʻjaligi ekinlari va suv tejovchi sugʻorish tizimlari turlari kesimida 2020-yil uchun suv tejovchi sugʻorish texnologiyalarini joriy etish manzilli dasturi ishlab chiqilishi va tasdiqlanishini taʼminlasin.
6. Oʻzbekiston Respublikasi Moliya vazirligi Suv xoʻjaligi vazirligi va Qishloq xoʻjaligi vazirligi bilan birgalikda oʻn kun muddatda mazkur qarorga muvofiq qishloq xoʻjaligi ishlab chiqaruvchilarining suv tejovchi sugʻorish texnologiyalarini joriy etish boʻyicha xarajatlarining bir qismini qoplash tartibini ishlab chiqsin va Vazirlar Mahkamasiga kiritsin.
7. Oʻzbekiston Respublikasi Iqtisodiyot va sanoat vazirligi Investitsiyalar va tashqi savdo vazirligi, Suv xoʻjaligi vazirligi, “Oʻzeltexsanoat” uyushmasi va boshqa manfaatdor vazirlik va idoralar bilan birgalikda ikki oy muddatda:
suv tejovchi sugʻorish tizimlarining butlovchi buyumlari va ehtiyot qismlarini ishlab chiqarish sohasida sanoat tarmoqlari oʻrtasidagi oʻzaro kooperatsiyani kengaytirish boʻyicha mavjud imkoniyatlarni oʻrgansin;
suv tejovchi sugʻorish tizimlarining mahalliylashtirilishi lozim boʻlgan butlovchi buyumlari va ehtiyot qismlarining aniq roʻyxatini mavjud xom ashyo resurslarini inobatga olgan holda shakllantirsin;
2020 — 2022-yillarda suv tejovchi sugʻorish tizimlari hamda ularning butlovchi buyumlarini ishlab chiqarishni mahalliylashtirish va uning quvvatlarni kengaytirish boʻyicha chora-tadbirlar dasturini Vazirlar Mahkamasiga kiritsin.
8. Oʻzbekiston Respublikasi Tashqi ishlar vazirligi Oʻzbekiston Respublikasining Isroil Davlati, Xitoy Xalq Respublikasi, Koreya Respublikasi, Turkiya Respublikasidagi elchixonalari va mamlakatning xorijdagi boshqa diplomatik vakolatxonalari bilan birgalikda:
suv tejovchi sugʻorish texnologiyalarini joriy etishni kengaytirishda, shuningdek, mamlakat hududlarida suv tejovchi sugʻorish tizimlari hamda ularning butlovchi buyumlarini ishlab chiqarishni tashkil etish uchun chet el investorlarini jalb qilishda davlat va xoʻjalik boshqaruvi organlariga koʻmaklashishni;
2020-yil 1-iyunga qadar ushbu band ijrosi doirasida koʻrilayotgan choralar toʻgʻrisida har oy Oʻzbekiston Respublikasi Prezidenti Administratsiyasi va Vazirlar Mahkamasiga axborot kiritilishini taʼminlasin.
9. Oʻzbekiston Respublikasi Energetika vazirligi Suv xoʻjaligi vazirligi bilan birgalikda 2021-yil 1-yanvarga qadar suv xoʻjaligi nasos stansiyalarida Elektr energiyasini nazorat qilish va hisobga olishning avtomatlashtirilgan tizimiga mos keluvchi oʻlchov asboblari joriy etilishini taʼminlasin.
10. Oʻzbekiston Respublikasi Suv xoʻjaligi vazirligi:
a) Qishloq xoʻjaligi vazirligi va Innovatsion rivojlanish vazirligi bilan birgalikda qishloq va suv xoʻjaligi sohasidagi olimlar va ekspertlarni jalb qilgan holda 2019-yilda suv tejovchi sugʻorish texnologiyalarini joriy etish samaradorligi yuzasidan har tomonlama oʻrganish va tahlil oʻtkazsin, ularning natijalari asosida:
2019-yil 15-dekabrga qadar suv tejovchi sugʻorish texnologiyalarini joriy etish natijalari va ushbu yoʻnalishdagi ishlarning samaradorligini yanada oshirish boʻyicha chora-tadbirlar toʻgʻrisida Oʻzbekiston Respublikasi Prezidenti Administratsiyasi va Vazirlar Mahkamasiga axborot kiritsin;
2020-yil 1-fevralga qadar hududlar, sugʻoriladigan dalalar va qishloq xoʻjaligi ekinlari hamda ularning navlari xususiyatlaridan kelib chiqib, suv tejovchi sugʻorish texnologiyalarini joriy etish va qoʻllash boʻyicha uslubiy tavsiyalarni, shuningdek, ulardan foydalanish samaradorligini baholash mezonlarini ishlab chiqsin va tasdiqlasin;
b) 2020 — 2030-yillarda suv xoʻjaligini rivojlantirish konsepsiyasi loyihasini ishlab chiqishda quyidagilarni nazarda tutsin:
2021 — 2025-yillarda suv tejovchi sugʻorish texnologiyalarini joriy qilishning asosiy yoʻnalishlari va ustuvor hududlari, shuningdek, 2030-yilgacha maqsadli moʻljallarni;
suv tejovchi sugʻorish texnologiyalari joriy etilgan maydonlar oʻlchamini inobatga olgan holda suv resurslaridan foydalanish samaradorligini bosqichma-bosqich oshirish hamda nasos stansiyalarini boshqarishni maqbullashtirishni;
suv tejovchi sugʻorish texnologiyalarini joriy etish tadbirlarini xalqaro moliya institutlari va donor mamlakatlarning grantlari hamda uzoq muddatli imtiyozli kreditlarini jalb qilish hisobidan moliyalashtirish tartibiga oʻtish va xarajatlarining bir qismini Oʻzbekiston Respublikasi Davlat budjetidan qoplash mexanizmlarini joriy etishni;
alohida suv xoʻjaligi obyektlarini ekspluatatsiya qilishni bosqichma-bosqich yirik qishloq xoʻjaligi ishlab chiqaruvchilariga, shu jumladan qishloq xoʻjaligi klasterlariga berishni;
v) Qishloq xoʻjaligi vazirligi, Oliy va oʻrta maxsus taʼlim vazirligi, Oʻzbekiston fermer, dehqon xoʻjaliklari va tomorqa yer egalari kengashi bilan birgalikda 2020-yil 1-yanvarga qadar qishloq xoʻjaligi ishlab chiqaruvchilarini suv tejovchi sugʻorish texnologiyalarini joriy etish, ulardan foydalanish va texnik xizmat koʻrsatish boʻyicha qisqa muddatli sayyor oʻqitish kurslarini oʻtkazishni nazarda tutuvchi reja-grafik va oʻquv dasturini ishlab chiqsin;
g) Qishloq xoʻjaligi vazirligi va Moliya vazirligi bilan birgalikda 2020-yil 1-fevralga qadar mazkur qarorning ijro etilishi holati va natijalari tahlili asosida qishloq xoʻjaligi ekinlarini sugʻorishning suv tejovchi texnologiyalarini joriy etish prognoz koʻrsatkichlarini oshirish, shuningdek, ushbu tadbirlarni moliyalashtirish manbalari toʻgʻrisida Vazirlar Mahkamasiga takliflar kiritsin;
d) Iqtisodiyot va sanoat vazirligi, Qishloq xoʻjaligi vazirligi bilan birgalikda 2021-yil 1-iyulga qadar qishloq xoʻjaligi ishlab chiqaruvchilari tomonidan suv xoʻjaligi tashkilotlarining sugʻorish quduqlari va vertikal drenaj quduqlaridan qishloq xoʻjaligi ekinlarini sugʻorish uchun foydalanish tartibini suv tejovchi sugʻorish texnologiyalarini majburiy tartibda qoʻllash boʻyicha talab kiritilishini inobatga olgan holda ishlab chiqsin va Vazirlar Mahkamasiga kiritsin.
12. Oʻzbekiston Respublikasi Suv xoʻjaligi vazirligi manfaatdor vazirliklar va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Oʻzbekiston milliy teleradiokompaniyasi va Oʻzbekiston milliy axborot agentligiga ommaviy axborot vositalarida mazkur qarorning mazmun-mohiyati va vazifalari, shuningdek, joylarda suv tejovchi sugʻorish texnologiyalarini joriy etish jarayonlari hamda natijalarini keng yoritish tavsiya etilsin.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi R.A. Gulyamov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 25-oktabr,
PQ-4499-son
Президента Республики Узбекистан
Постановление
О мерах по расширению механизмов стимулирования внедрения водосберегающих технологий в сельском хозяйстве
В стране принимаются последовательные меры по кардинальному реформированию механизмов использования водных ресурсов, обеспечению их рационального и эффективного использования, поддержке и стимулированию внедрения водосберегающих технологий в отраслях экономики, а также улучшению мелиоративного состояния орошаемых земель.
Принимаемые меры, а также механизмы государственной поддержки только в 2019 году позволили обеспечить внедрение водосберегающих технологий орошения дополнительно на 33,2 тыс. гектарах, что составило 44 процента от общей площади земель, на которых применяются подобные технологии.
Однако общая площадь применения водосберегающих технологий орошения составляет всего 75 тыс. гектаров, или 1,7 процента от общей площади орошаемых земель, что обуславливает необходимость дальнейшей активизации мер, направленных на расширение использования водосберегающих технологий в сельском хозяйстве и обеспечение эффективности использования водных ресурсов.
В целях дальнейшего расширения механизмов стимулирования внедрения водосберегающих технологий орошения и повышения эффективности использования водных ресурсов в сельском хозяйстве, а также улучшения плодородности сельскохозяйственных земель:
1. Принять к сведению, что в соответствии с:
а) Указом Президента Республики Узбекистан от 17 июня 2019 года № УП-5742 «О мерах по эффективному использованию земельных и водных ресурсов в сельском хозяйстве» утверждены прогнозные показатели внедрения водосберегающих технологий на 253 381 гектаре посевной площади в течение 2019 — 2022 годов;
б) постановлениями Президента Республики Узбекистан:
от 27 декабря 2018 года № ПП-4087 « О неотложных мерах по созданию благоприятных условий для широкого использования технологии капельного орошения при производстве хлопка-сырца » производителям хлопка-сырца предоставляются субсидии на внедрение технологий капельного орошения в размере 8 млн сумов за один гектар посевной площади хлопка-сырца;
от 5 февраля 2019 года № ПП-4161 « Об организации деятельности Агентства по развитию виноградарства и виноделия при Министерстве сельского хозяйства Республики Узбекистан » для создания новых плантаций винограда предоставляются субсидии на внедрение технологии капельного орошения в размере 8 млн сумов за один гектар посевной площади винограда;
от 20 марта 2019 года № ПП-4246 « О мерах по дальнейшему развитию садоводства и тепличного хозяйства в Республике Узбекистан » для создания новых садов и тепличных хозяйств предоставляются субсидии на внедрение водосберегающих технологий орошения в размере не более 6 млн сумов за один гектар посевной площади.
Министерству водного хозяйства, Министерству сельского хозяйства Республики Узбекистан, Совету фермерских, дехканских хозяйств и владельцев приусадебных земель Узбекистана, Совету Министров Республики Каракалпакстан и хокимиятам областей обеспечить эффективное исполнение утвержденных прогнозных показателей по внедрению в 2020 году водосберегающих технологий орошения на 43 825 гектарах, в том числе на посевных площадях:
хлопчатника — на 24 859 гектарах;
плодовых культур — на 11 498 гектарах;
виноградников — на 4 987 гектарах;
других культур — на 2 481 гектаре.
2. Установить с 1 января 2020 года следующий порядок государственной поддержки внедрения водосберегающих технологий орошения:
на импортные контракты, заключаемые сельскохозяйственными производителями в рамках работ по внедрению водосберегающих технологий орошения, не распространяются требования по проведению обязательной экспертизы и регистрации импортных контрактов, заключаемых получателями бюджетных средств.
3. Возложить на рабочие группы по содействию внедрению водосберегающих технологий орошения, созданные в соответствии с постановлением Президента Республики Узбекистан от 27 декабря 2018 года № ПП-4087 «О неотложных мерах по созданию благоприятных условий для широкого использования технологии капельного орошения при производстве хлопка-сырца», дополнительные задачи по осуществлению деятельности в области внедрения всех видов водосберегающих технологий орошения при производстве сельскохозяйственных культур.
4. Определить, что:
а) приоритетными для обеспечения внедрения водосберегающих технологий орошения являются посевные площади, на которые подача воды осуществляется с помощью насосных станций и насосных агрегатов, в том числе из оросительных скважин и скважин вертикального дренажа;
б) с 1 января 2020 года отменяется порядок оказания за счет Государственного бюджета Республики Узбекистан финансовой поддержки сельскохозяйственным предприятиям, выращивающим хлопок-сырец для государственных нужд на низкоурожайных землях;
в) с 1 января 2022 года:
порядок покрытия за счет субсидий из Государственного бюджета Республики Узбекистан стоимости электроэнергии, потребляемой насосными агрегатами и оросительными скважинами для производства хлопка-сырца и зерновых колосовых, распространяется исключительно на сельскохозяйственных производителей, внедривших водосберегающие технологии орошения;
использование сельскохозяйственными производителями оросительных скважин и скважин вертикального дренажа организаций водного хозяйства для орошения сельскохозяйственных культур допускается при условии применения водосберегающих технологий орошения.
г) меры государственной поддержки производителей сельскохозяйственной продукции, внедряемые на основании настоящего постановления, распространяются в полном объеме также на лесные хозяйства и арендаторов земель лесного фонда.
5. Кабинету Министров Республики Узбекистан до 20 ноября 2019 года обеспечить разработку и утверждение адресной программы внедрения водосберегающих технологий орошения на 2020 год в разрезе видов сельскохозяйственных культур и водосберегающих систем орошения с указанием регионов и площадей посева.
6. Министерству финансов совместно с Министерством водного хозяйства и Министерством сельского хозяйства Республики Узбекистан в десятидневный срок разработать и внести в Кабинет Министров порядок возмещения части затрат сельскохозяйственных производителей на внедрение водосберегающих технологий орошения в соответствии с настоящим постановлением.
7. Министерству экономики и промышленности совместно с Министерством инвестиций и внешней торговли, Министерством водного хозяйства Республики Узбекистан, Ассоциацией «Узэлтехсаноат» и другими заинтересованными министерствами и ведомствами в двухмесячный срок:
изучить имеющийся потенциал по расширению взаимной кооперации между отраслями промышленности в сфере производства комплектующих и запасных частей водосберегающих систем орошения;
сформировать конкретный перечень комплектующих и запасных частей водосберегающих систем орошения, подлежащих локализации, с учетом имеющихся сырьевых ресурсов;
внести в Кабинет Министров программу мер по локализации и расширению мощностей производства водосберегающих систем орошения и их комплектующих на 2020 — 2022 годы.
8. Министерству иностранных дел Республики Узбекистан совместно с посольствами Республики Узбекистан в Государстве Израиль, Китайской Народной Республике, Республике Корея, Турецкой Республике и другими дипломатическими представительствами страны за рубежом обеспечить:
содействие органам государственного и хозяйственного управления в расширении внедрения водосберегающих технологий орошения, а также привлечении иностранных инвесторов для организации производства водосберегающих систем орошения и их комплектующих в регионах страны;
до 1 июня 2020 года ежемесячное внесение в Администрацию Президента Республики Узбекистан и Кабинет Министров информации о принимаемых мерах в рамках реализации настоящего пункта.
9. Министерству энергетики совместно с Министерством водного хозяйства Республики Узбекистан до 1 января 2021 года обеспечить внедрение на насосных станциях водного хозяйства приборов учета, совместимых с Автоматизированной системой контроля и учета электрической энергии.
10. Министерству водного хозяйства Республики Узбекистан:
а) совместно с Министерством сельского хозяйства и Министерством инновационного развития с привлечением ученых и экспертов в сфере сельского и водного хозяйства провести всестороннее изучение и анализ эффективности внедрения водосберегающих технологий орошения в 2019 году и на основе их результатов:
до 15 декабря 2019 года внести в Администрацию Президента Республики Узбекистан и Кабинет Министров информацию о результатах внедрения водосберегающих технологий орошения и мерах по дальнейшему повышению эффективности работ в данном направлении;
до 1 февраля 2020 года разработать и утвердить методические рекомендации по внедрению и использованию водосберегающих технологий орошения, а также критерии оценки эффективности их использования в зависимости от специфики регионов, орошаемых полей и видов сельскохозяйственных культур и их сортов;
б) при разработке проекта Концепции развития водного хозяйства в 2020 — 2030 годах предусмотреть:
основные направления и приоритетные территории внедрения водосберегающих технологий орошения на 2021 — 2025 годы, а также целевые ориентиры до 2030 года;
поэтапное повышение эффективности использования водных ресурсов и оптимизацию управления насосными станциями с учетом размеров площадей, на которых внедрены водосберегающие технологии орошения;
переход к порядку финансирования мероприятий по внедрению водосберегающих технологий орошения за счет привлечения грантов и долгосрочных льготных кредитов международных финансовых институтов и стран-доноров с внедрением механизмов погашения части расходов из Государственного бюджета Республики Узбекистан;
поэтапную передачу эксплуатации отдельных водохозяйственных объектов крупным сельскохозяйственным производителям, в том числе сельскохозяйственным кластерам;
в) совместно с Министерством сельского хозяйства, Министерством высшего и среднего специального образования, Советом фермерских, дехканских хозяйств и владельцев приусадебных земель Узбекистана до 1 января 2020 года разработать план-график и программу обучения, предусматривающие проведение краткосрочных выездных курсов обучения сельскохозяйственных производителей по внедрению, эксплуатации и техническому обслуживанию водосберегающих систем орошения;
г) совместно с Министерством сельского хозяйства и Министерством финансов до 1 февраля 2020 года на основе анализа состояния и результатов реализации настоящего постановления внести в Кабинет Министров предложения об увеличении прогнозных показателей по внедрению водосберегающих технологий орошения сельскохозяйственных культур, а также источниках финансирования данных мероприятий;
д) совместно с Министерством экономики и промышленности, Министерством сельского хозяйства до 1 июля 2021 года разработать и внести в Кабинет Министров порядок использования сельскохозяйственными производителями оросительных скважин и скважин вертикального дренажа организаций водного хозяйства для орошения сельскохозяйственных культур с учетом введения требования по обязательному применению водосберегающих технологий орошения.
12. Министерству водного хозяйства совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
13. Рекомендовать Национальной телерадиокомпании Узбекистана и Национальному информационному агентству Узбекистана организовать в средствах массовой информации широкое освещение сути и задач настоящего постановления, а также процесса и результатов внедрения водосберегающих технологий орошения на местах.
14. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан Р.А. Гулямова.
Президент Республики Узбекистан Ш. МИРЗИЁЕВ
г. Ташкент,
25 октября 2019 г.,
№ ПП-4499