📅 2019-yil 30-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 30 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 октября 2019 г. · Постановления Президента
Официальный текст. Официальный документ. Редакционные примечания не включены.
📅 30 October 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
тузилмаси
Фуқаролик жамиятини ривожлантириш маркази фаолиятини қўллаб-қувватлаш чора-тадбирлари тўғрисида
Кучли ва адолатли фуқаролик жамиятини қуриш борасида амалга оширилаётган ислоҳотларни комплекс ўрганиш, таҳлил қилиш ва баҳолашнинг яхлит ва мустақил тизимини шакллантириш, ижтимоий шериклик ва жамоатчилик назорати механизмлари самарадорлигини ошириш, уларни янада ривожлантиришга оид таклифларни ишлаб чиқиш учун илмий-амалий майдон яратиш, шунингдек, Ўзбекистон Республикаси Президенти ҳузуридаги Фуқаролик жамиятини ривожлантириш бўйича маслаҳат кенгашининг самарали фаолиятини таъминлаш мақсадида:
1. Фуқаролик жамияти шаклланишини мониторинг қилиш мустақил институти Таъсисчилар кенгашининг институтни Фуқаролик жамиятини ривожлантириш маркази (кейинги ўринларда — Марказ) этиб қайта ташкил этиш ҳақидаги таклифига розилик берилсин.
2. Маълумот учун қабул қилинсинки, қуйидагилар Марказнинг асосий вазифалари ва фаолият йўналишлари ҳисобланади:
халқ билан мулоқот ҳолати ва ривожланишини ўрганиш, давлат органлари фаолияти очиқлигини тизимли таҳлил қилиш;
фуқаролик жамиятини ривожлантириш соҳасида илмий ва эксперт доиралар иштирокида фундаментал ва амалий тадқиқотлар ташкил этиш ва ўтказишга кўмаклашиш, уларнинг натижаларини умумлаштириш асосида ўрта ва узоқ истиқболда фуқаролик жамиятини ривожлантиришнинг миллий моделини янада такомиллаштириш ва стратегик йўналишларини белгилаш бўйича таклифлар ишлаб чиқиш;
фуқаролик жамияти ривожланишининг норматив-ҳуқуқий тартибга солиниши ҳолатини ва ушбу соҳада ҳуқуқни қўллаш амалиётини тизимли ўрганиш ва таҳлил қилишни ташкил этиш, фуқаролик жамияти институтлари фаолиятининг ташкилий-ҳуқуқий ва иқтисодий асосларини такомиллаштириш, жамоатчилик бошқарувида уларнинг иштирокини кенгайтириш учун қулай шарт-шароитлар яратиш бўйича таклифлар тайёрлаш;
ижтимоий шериклик ва жамоатчилик назоратини амалга оширишни ўрганиш ва таҳлил қилишни ташкил этиш, давлат органларининг фуқаролик жамияти институтлари билан самарали ҳамкорлиги, уларнинг фаолиятини қўллаб-қувватлаш ва рағбатлантириш чораларининг замонавий механизмларини жорий этиш юзасидан таклифлар ишлаб чиқиш;
фуқаролик жамияти ривожланишини, унинг институтларининг давлат органлари билан ҳамкорлик даражасини, шунингдек, мамлакатнинг ижтимоий-иқтисодий ривожланишига қўшган ҳиссасини баҳолаш индикаторларини ишлаб чиқиш ва жорий этишни ташкиллаштириш, улар асосида Ўзбекистонда фуқаролик жамияти ҳолати ва ривожланиш тенденциялари ҳақида даврий ва махсус илмий-таҳлилий маърузалар ҳамда бошқа материаллар тайёрлаш;
демократик ислоҳотларни чуқурлаштириш жараёнларини, аҳолининг ижтимоий кайфиятига таъсир кўрсатиши мумкин бўлган ижтимоий-сиёсий, социал-иқтисодий ва бошқа вазифаларни ҳал этишда фуқаролик жамияти институтлари иштирокини, улар томонидан жисмоний ва юридик шахсларнинг ҳуқуқ ва қонуний манфаатлари ҳимоя қилинишини ўрганиш ва тизимли таҳлил қилиш;
рақобатдош кўп партияли тизимнинг ривожланиш даражасини тизимли таҳлил қилиш, сиёсий партиялар томонидан ўз электорати манфаатлари йўлида ўтказиладиган тадбирларнинг самарадорлигини ошириш бўйича таклифлар ишлаб чиқиш;
фуқаролик жамияти институтларини ривожлантириш, фуқаролар фаоллигини ошириш, шунингдек, мамлакатни ижтимоий-иқтисодий ривожлантириш дастурларини ишлаб чиқиш ва амалга оширишда нодавлат нотижорат ташкилотлари иштирокининг муаммоларини тизимли ўрганиш;
фуқаролик жамиятини ташвишга солаётган долзарб масалалар бўйича илмий-амалий конференциялар, семинарлар ва жамоатчилик эшитувларини ўтказишни ташкил этиш, уларнинг якунларини таҳлил қилиш ва умумлаштириш, шу асосида социал-иқтисодий ва ижтимоий-сиёсий вазифаларни ҳал этишда фуқаролик жамияти институтлари иштирокини кенгайтириш юзасидан таклифлар ишлаб чиқиш;
фуқаролик жамиятини ривожлантириш соҳасидаги давлат сиёсати ва унинг амалий натижалари ҳақида жамоатчилик фикрини тизимли ўрганишни ташкил этиш, умумлаштириш ва таҳлил қилиш, тегишли ижтимоий тадқиқотлар ўтказиш;
фуқаролик жамияти институтлари вакилларига тегишли профессионал кўникмаларини шакллантиришда ва ишбилармонлик малака даражасини оширишда кўмаклашиш;
давлат ва жамият ўртасида очиқ мулоқотни ташкил этиш, фуқаролик жамияти институтларини ривожлантириш, аҳоли билан қайта алоқа механизмларини йўлга қўйиш, фуқароларнинг долзарб муаммоларини ҳал этишнинг оптимал ёндашувларини ишлаб чиқиш, халқаро ҳамкорликни ривожлантиришда фуқаролик жамияти институтларига кўмаклашиш борасида ривожланган демократик давлатлар тажрибасини ўрганиш;
Ўзбекистон Республикаси Президенти ҳузуридаги Фуқаролик жамиятини ривожлантириш бўйича маслаҳат кенгаши фаолиятини ташкилий-услубий ва ахборот жиҳатдан таъминлаш.
3. Марказ ва унинг ҳудудий бўлинмаларининг бошқарув ходимлари умумий чекланган сони 115 нафардан иборат бўлган тузилмалари 1 ва 2-иловаларга мувофиқ маъқуллансин.
Марказ директори, зарур ҳолларда, Марказ ва унинг ҳудудий бўлинмалари тузилмаларига белгиланган умумий штат сони доирасида ўзгартиришлар киритиш ҳуқуқига эгалиги маълумот учун қабул қилинсин.
4. Белгилансинки:
Марказ нодавлат нотижорат ташкилоти шаклидаги юридик шахс ҳисобланади;
Марказ қайта ташкил этилаётган Фуқаролик жамияти шаклланишини мониторинг қилиш мустақил институтининг ҳуқуқ, мажбуриятлари ва шартномалари, шу жумладан халқаро шартномалари бўйича ҳуқуқий вориси ҳисобланади;
Марказ директори лавозимига кўра Ўзбекистон Республикаси Президенти ҳузуридаги Фуқаролик жамиятини ривожлантириш бўйича маслаҳат кенгаши раҳбари ўринбосари ҳисобланади;
фуқаролик жамияти институтлари ҳуқуқлари ва қонуний манфаатларига дахлдор бўлган барча норматив-ҳуқуқий ҳужжатлар лойиҳалари мажбурий тартибда Марказ билан ҳам келишилади;
Марказ ўз вазифаларини бажариши учун шартнома асосида етакчи илмий, таълим ва таҳлилий, шу жумладан хорижий муассасалар экспертларини жалб этиш ҳуқуқига эга;
давлат органлари раҳбарлари Марказга ҳар томонлама кўмаклашади, жумладан Марказ ўз вазифаларини бажариши учун унга зарур шарт-шароитлар яратади, шунингдек, сўралган маълумотларни ўз вақтида тақдим этади, Марказ томонидан ўтказилган таҳлиллар якунлари бўйича киритилган материаллар ва тавсияларни кўриб чиқади;
2019 йил 1 ноябрдан Ягона тариф сеткаси бўйича меҳнатга ҳақ тўлашнинг тасдиқланган разрядларига кўра Марказ ходимларининг лавозим маошларини белгилашда тариф коэффициентлари икки баравар оширилган миқдорда қўлланилади.
Қайд этилсинки, ушбу банднинг саккизинчи хатбошисида назарда тутилган тадбирларни молиялаштириш Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссияси томонидан субсидия шаклида ажратиладиган маблағлар ҳисобидан амалга оширилади.
5. Марказни Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағлари ҳисобидан таъминлаш тартиби сақлаб қолинсин.
Қуйидагилар Марказ фаолиятини молиялаштиришнинг қўшимча манбалари этиб белгилансин:
Ўзбекистон Республикаси Инновацион ривожланиш вазирлиги томонидан ўтказиладиган танловлар натижалари бўйича ажратиладиган грантлар;
халқаро молия ва бошқа институтлар, чет эл ташкилотлари грантлари;
жисмоний ва юридик шахсларнинг ҳомийлик хайриялари;
хўжалик фаолияти ва шартнома асосида кўрсатилган хизматлардан тушган тушумлар, шунингдек, қонун ҳужжатлари билан тақиқланмаган бошқа манбалар.
Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясига, шунингдек, Марказнинг таъсисчи — ташкилотларига ҳар йили унинг буюртманомаларига биноан Марказ фаолиятининг асосий вазифа ва йўналишлари билан боғлиқ тадбирларни молиялаштириш учун зарур маблағларни назарда тутиш тавсия этилсин.
6. Марказга:
фуқаролик жамиятини ривожлантириш масалалари бўйича семинарлар, илмий ва эксперт муҳокамаларини мунтазам ўтказиш;
Ўзбекистон Республикаси Президенти ҳузуридаги Давлат бошқаруви академияси тингловчиларини ҳамда эксперт-таҳлил йўналишида кадрлар тайёрлайдиган олий ва бошқа таълим муассасалари талабалари (тингловчилари)ни иш ўрганувчи-тадқиқотчи сифатида жалб этган ҳолда илмий-ўқув лабораторияларини ташкил этиш;
Ўзбекистон Республикаси Ташқи ишлар вазирлиги ва Ўзбекистон Республикаси Молия вазирлиги билан биргаликда бир ой муддатда Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағлари ҳамда қонун ҳужжатлари билан тақиқланмаган бошқа манбалар ҳисобидан молиялаштирган ҳолда 2020 — 2022 йилларда Марказ ходимларини фуқаролик жамиятини ривожлантиришга ихтисослашган етакчи хорижий тадқиқот ва таҳлилий институтларига иш ўрганиш учун юбориш бўйича Ўзбекистон Республикаси Вазирлар Маҳкамасига таклифлар киритиш тавсия этилсин.
7. Белгилансинки:
а) фуқаролик жамияти ривожланиши бўйича Марказ томонидан ўтказилган ўрганишлар ва таҳлилларнинг натижалари:
Ўзбекистон Республикаси Вазирлар Маҳкамаси ва унинг Раёсати йиғилишларида мунтазам муҳокама қилинади, якунлари бўйича тегишли чоралар кўрилади;
оммавий ахборот воситаларида, марказий давлат телеканалларида, матбуот нашрларида ва ушбу Марказнинг веб-сайтида доимий ёритилади.
Ўзбекистон Республикаси Олий Мажлиси палаталарига фуқаролик жамияти ривожланиши бўйича Марказ томонидан ўтказилган ўрганишлар ва таҳлилларнинг натижаларини парламент ва унинг қўмиталари (комиссиялар) мажлисларида кўриб чиқиш амалиётини жорий қилиш тавсия этилсин;
б) Марказ ҳар йили Ўзбекистонда фуқаролик жамиятининг ҳолати ва уни ривожлантириш тенденциялари тўғрисидаги маърузани Ўзбекистон Республикаси Президенти ҳузуридаги Фуқаролик жамиятини ривожлантириш бўйича маслаҳат кенгашига кўриб чиқиш учун киритади, у эса, ўз навбатида, Ўзбекистон Республикаси Президентига ахборот беради.
8. Марказга уч ой муддатда фуқаролик жамияти ривожланишини, унинг институтларининг давлат органлари ва ташкилотлари билан ўзаро ҳамкорлик даражасини, шунингдек, уларнинг мамлакатни социал-иқтисодий ва ижтимоий-сиёсий жиҳатдан ривожлантиришга, шу жумладан 2030 йилгача бўлган даврда БМТнинг Барқарор тараққиёт мақсадларини амалга ошириш доирасида қўшган ҳиссасини баҳолаш индикаторларини ишлаб чиқиш ва тасдиқлаш тавсия этилсин.
9. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
а) Марказ ҳудудий бўлинмаларининг эгаллаб турган биноларидан беғараз фойдаланиш ҳуқуқи сақланиб қолишини таъминласин;
б) Қорақалпоғистон Республикаси бюджети, вилоятлар ва Тошкент шаҳри маҳаллий бюджетларининг қўшимча манбалари маблағлари ҳисобидан:
Марказ ҳудудий бўлинмалари ўз вазифа ва функцияларини самарали бажариши учун зарур моддий-техник шароитлар яратиб берсин;
Марказ ҳудудий бўлинмалари буюртманомалари асосида бино ва хоналарни жорий таъмирлаш, уларни замонавий оргтехника, мебель ва зарур алоқа турлари билан жиҳозлаш бўйича ишларни ташкил этсин.
10. Ўзбекистон Республикаси Ташқи ишлар вазирлиги Марказга хорижий тадқиқот муассасалари билан яқин ҳамкорликни йўлга қўйишда, тажриба алмашиш ҳамда замонавий услуб ва ёндашувлар асосида фуқаролик жамияти ривожланишини ўрганишни ташкил этиш ва таҳлил қилиш кўникмаларини такомиллаштириш учун уларнинг малакали мутахассисларини жалб этишда кўмаклашсин.
11. Марказ:
а) Ўзбекистон Республикаси Вазирлар Маҳкамасининг 2016 йил 7 октябрдаги 336-сон қарори билан тасдиқланган Раҳбарлари ходимларни Тошкент шаҳри ва Тошкент вилоятида доимий прописка қилиш тўғрисида илтимоснома киритиши мумкин бўлган давлат ҳокимияти органлари, давлат ва хўжалик бошқаруви органлари, республика аҳамиятига молик бошқа давлат ташкилотлари рўйхатига киритилсин;
б) қуйидаги мажбурий жўнатмалар реестрига киритилсин:
Ўзбекистон Республикаси Давлат статистика қўмитаси, молия, иқтисодиёт ва саноат, бандлик ва меҳнат муносабатлари, ички ишлар вазирликлари, Давлат солиқ қўмитаси, Давлат божхона қўмитаси, Бош прокуратураси, Олий суди, бошқа вазирликлар ва идораларнинг статистик маълумотлари;
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг Оммавий коммуникациялар масалалари бўйича маркази бюллетенлари ва кунлик маълумотлари тўплами;
ижтимоий-иқтисодий соҳадаги хорижий матбуот шарҳлари ва илмий-тадқиқот институтларининг, шу жумладан Ўзбекистон Республикаси Иқтисодиёт ва саноат вазирлиги ҳузуридаги Прогнозлаштириш ва макроиқтисодий тадқиқотлар институти, Ўзбекистон Республикаси Молия вазирлиги ҳузуридаги Бюджет-солиқ тадқиқотлари институтининг таҳлилий маъруза маълумотномалари.
12. Қуйидагиларга:
Ўзбекистон Миллий телерадиокомпанияси раиси в.б. А.Ж. Хаджаев ва Ўзбекистон Миллий ахборот агентлиги бош директори А.К. Кўчимовга фуқаролик жамияти ривожланишини ўрганиш ва таҳлил қилиш натижалари оммавий ахборот воситаларида, марказий давлат телеканалларида, матбуот нашрларида доимий ёритилиши;
вазирликлар, идоралар, бошқа давлат органлари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари раҳбарларига Марказ ўз вазифаларини самарали амалга ошириши учун унга ҳар томонлама ва тўлиқ кўмаклашиш юзасидан шахсан жавобгарлиги кўрсатиб ўтилсин.
13. Ўзбекистон Республикаси Президентининг 2017 йил 27 мартдаги «Фуқаролик жамияти шаклланишини мониторинг қилиш мустақил институти фаолиятини такомиллаштириш бўйича қўшимча чора-тадбирлар тўғрисида»ги ПҚ-2851-сон қарори ўз кучини йўқотган деб ҳисоблансин.
14. Ўзбекистон Республикаси Адлия вазирлиги Марказни мазкур қарорга мувофиқ белгиланган тартибда қайта рўйхатдан ўтказишни амалга оширсин.
15. Марказ Ўзбекистон Республикаси Адлия вазирлиги ва манфаатдор идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
16. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси Р.С. Қосимов зиммасига юклансин.
Ўзбекистон Республикаси Президентининг 2019 йил 30 октябрдаги ПҚ-4501-сон қарорига 1-ИЛОВА
Фуқаролик жамиятини ривожлантириш маркази
Таъсисчилар кенгаши Директор Ёрдамчи Директор ўринбосари Директор ўринбосари Ўзбекистон Республикаси Президенти ҳузуридаги Фуқаролик жамиятини ривожлантириш бўйича маслаҳаткенгаши котибияти 3 Фуқаролик жамиятини ривожлантириш соҳасида фундаментал ва амалий тадқиқотларни мониторинг қилиш ва истиқболли инновацияларга кўмаклашиш бўлими 4 Давлат ва фуқаролик жамияти институтлари мулоқоти, ижтимоий шериклик ва жамоатчилик назоратининг самарали шаклларини ривожлантириш бўлими 4 Йиғма ахборот-таҳлил бўлими 3 Фуқаролик жамияти ривожланишининг стратегик йўналишларини шакллантириш ва амалга оширилишини мониторинг қилиш бўлими 3 Сиёсий партиялар ва фуқаролик жамиятининг бошқа институтлари томонидан фуқароларнинг манфаатлари вакиллиги ва ҳуқуқларини ҳимоя қилиш функциялари амалга оширилишининг самарадорлигини ошириш бўлими 4 Кадрлар бўлими 2 Халқаро ҳамкорлик бўлими 3 Фуқаролик жамияти институтлари фаолиятининг ташкилий-ҳуқуқий ва иқтисодий асосларини такомиллаштириш бўлими 3 Бош юрисконсульт 1 Таълим дастурларини ишлаб чиқиш ва амалга ошириш, фуқаролик жамияти институтлари ходимлари ва фаолларини тайёрлаш, қайта тайёрлаш ва малакасини оширишга кўмаклашиш бўлими 2 Жамоатчилик ва оммавий ахборот воситалари билан алоқалар бўлими 2 Фуқаролик жамияти соҳасида жамоатчилик фикрини ўрганиш бўлими 3 14 та ҳудудий бўлинмалар 70 Девонхона 1 Молия-хўжалик бўлими 3
Ўзбекистон Республикаси Президентининг 2019 йил 30 октябрдаги ПҚ-4501-сон қарорига 2-ИЛОВА
Фуқаролик жамиятини ривожлантириш маркази ҳудудий бўлинмаларининг
Раҳбар Фуқаролик жамияти ривожланишининг стратегик йўналишлари амалга оширилишини таҳлил этиш ва илмий-амалий тадбирларни мониторинг қилиш бўйича мутахассислар 2 Давлат ва фуқаролик жамияти институтлари мулоқоти, ижтимоий шериклик ва таълим дастурларини амалга ошириш, жамоатчилик назоратининг самарали шаклларини ривожлантириш масалалари бўйича мутахассислар 2
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 30 октябрь,
ПҚ-4501-сон
Oʻzbekiston Respublikasi Prezidentining
Qarori
TUZILMASI
tuzilmasi
Fuqarolik jamiyatini rivojlantirish markazi faoliyatini qoʻllab-quvvatlash chora-tadbirlari toʻgʻrisida
Kuchli va adolatli fuqarolik jamiyatini qurish borasida amalga oshirilayotgan islohotlarni kompleks oʻrganish, tahlil qilish va baholashning yaxlit va mustaqil tizimini shakllantirish, ijtimoiy sheriklik va jamoatchilik nazorati mexanizmlari samaradorligini oshirish, ularni yanada rivojlantirishga oid takliflarni ishlab chiqish uchun ilmiy-amaliy maydon yaratish, shuningdek, Oʻzbekiston Respublikasi Prezidenti huzuridagi Fuqarolik jamiyatini rivojlantirish boʻyicha maslahat kengashining samarali faoliyatini taʼminlash maqsadida:
1. Fuqarolik jamiyati shakllanishini monitoring qilish mustaqil instituti Taʼsischilar kengashining institutni Fuqarolik jamiyatini rivojlantirish markazi (keyingi oʻrinlarda — Markaz) etib qayta tashkil etish haqidagi taklifiga rozilik berilsin.
2. Maʼlumot uchun qabul qilinsinki, quyidagilar Markazning asosiy vazifalari va faoliyat yoʻnalishlari hisoblanadi:
xalq bilan muloqot holati va rivojlanishini oʻrganish, davlat organlari faoliyati ochiqligini tizimli tahlil qilish;
fuqarolik jamiyatini rivojlantirish sohasida ilmiy va ekspert doiralar ishtirokida fundamental va amaliy tadqiqotlar tashkil etish va oʻtkazishga koʻmaklashish, ularning natijalarini umumlashtirish asosida oʻrta va uzoq istiqbolda fuqarolik jamiyatini rivojlantirishning milliy modelini yanada takomillashtirish va strategik yoʻnalishlarini belgilash boʻyicha takliflar ishlab chiqish;
fuqarolik jamiyati rivojlanishining normativ-huquqiy tartibga solinishi holatini va ushbu sohada huquqni qoʻllash amaliyotini tizimli oʻrganish va tahlil qilishni tashkil etish, fuqarolik jamiyati institutlari faoliyatining tashkiliy-huquqiy va iqtisodiy asoslarini takomillashtirish, jamoatchilik boshqaruvida ularning ishtirokini kengaytirish uchun qulay shart-sharoitlar yaratish boʻyicha takliflar tayyorlash;
ijtimoiy sheriklik va jamoatchilik nazoratini amalga oshirishni oʻrganish va tahlil qilishni tashkil etish, davlat organlarining fuqarolik jamiyati institutlari bilan samarali hamkorligi, ularning faoliyatini qoʻllab-quvvatlash va ragʻbatlantirish choralarining zamonaviy mexanizmlarini joriy etish yuzasidan takliflar ishlab chiqish;
fuqarolik jamiyati rivojlanishini, uning institutlarining davlat organlari bilan hamkorlik darajasini, shuningdek, mamlakatning ijtimoiy-iqtisodiy rivojlanishiga qoʻshgan hissasini baholash indikatorlarini ishlab chiqish va joriy etishni tashkillashtirish, ular asosida Oʻzbekistonda fuqarolik jamiyati holati va rivojlanish tendensiyalari haqida davriy va maxsus ilmiy-tahliliy maʼruzalar hamda boshqa materiallar tayyorlash;
demokratik islohotlarni chuqurlashtirish jarayonlarini, aholining ijtimoiy kayfiyatiga taʼsir koʻrsatishi mumkin boʻlgan ijtimoiy-siyosiy, sotsial-iqtisodiy va boshqa vazifalarni hal etishda fuqarolik jamiyati institutlari ishtirokini, ular tomonidan jismoniy va yuridik shaxslarning huquq va qonuniy manfaatlari himoya qilinishini oʻrganish va tizimli tahlil qilish;
raqobatdosh koʻp partiyali tizimning rivojlanish darajasini tizimli tahlil qilish, siyosiy partiyalar tomonidan oʻz elektorati manfaatlari yoʻlida oʻtkaziladigan tadbirlarning samaradorligini oshirish boʻyicha takliflar ishlab chiqish;
fuqarolik jamiyati institutlarini rivojlantirish, fuqarolar faolligini oshirish, shuningdek, mamlakatni ijtimoiy-iqtisodiy rivojlantirish dasturlarini ishlab chiqish va amalga oshirishda nodavlat notijorat tashkilotlari ishtirokining muammolarini tizimli oʻrganish;
fuqarolik jamiyatini tashvishga solayotgan dolzarb masalalar boʻyicha ilmiy-amaliy konferensiyalar, seminarlar va jamoatchilik eshituvlarini oʻtkazishni tashkil etish, ularning yakunlarini tahlil qilish va umumlashtirish, shu asosida sotsial-iqtisodiy va ijtimoiy-siyosiy vazifalarni hal etishda fuqarolik jamiyati institutlari ishtirokini kengaytirish yuzasidan takliflar ishlab chiqish;
fuqarolik jamiyatini rivojlantirish sohasidagi davlat siyosati va uning amaliy natijalari haqida jamoatchilik fikrini tizimli oʻrganishni tashkil etish, umumlashtirish va tahlil qilish, tegishli ijtimoiy tadqiqotlar oʻtkazish;
fuqarolik jamiyati institutlari vakillariga tegishli professional koʻnikmalarini shakllantirishda va ishbilarmonlik malaka darajasini oshirishda koʻmaklashish;
davlat va jamiyat oʻrtasida ochiq muloqotni tashkil etish, fuqarolik jamiyati institutlarini rivojlantirish, aholi bilan qayta aloqa mexanizmlarini yoʻlga qoʻyish, fuqarolarning dolzarb muammolarini hal etishning optimal yondashuvlarini ishlab chiqish, xalqaro hamkorlikni rivojlantirishda fuqarolik jamiyati institutlariga koʻmaklashish borasida rivojlangan demokratik davlatlar tajribasini oʻrganish;
Oʻzbekiston Respublikasi Prezidenti huzuridagi Fuqarolik jamiyatini rivojlantirish boʻyicha maslahat kengashi faoliyatini tashkiliy-uslubiy va axborot jihatdan taʼminlash.
3. Markaz va uning hududiy boʻlinmalarining boshqaruv xodimlari umumiy cheklangan soni 115 nafardan iborat boʻlgan tuzilmalari 1 va 2-ilovalarga muvofiq maʼqullansin.
Markaz direktori, zarur hollarda, Markaz va uning hududiy boʻlinmalari tuzilmalariga belgilangan umumiy shtat soni doirasida oʻzgartirishlar kiritish huquqiga egaligi maʼlumot uchun qabul qilinsin.
4. Belgilansinki:
Markaz nodavlat notijorat tashkiloti shaklidagi yuridik shaxs hisoblanadi;
Markaz qayta tashkil etilayotgan Fuqarolik jamiyati shakllanishini monitoring qilish mustaqil institutining huquq, majburiyatlari va shartnomalari, shu jumladan xalqaro shartnomalari boʻyicha huquqiy vorisi hisoblanadi;
Markaz direktori lavozimiga koʻra Oʻzbekiston Respublikasi Prezidenti huzuridagi Fuqarolik jamiyatini rivojlantirish boʻyicha maslahat kengashi rahbari oʻrinbosari hisoblanadi;
fuqarolik jamiyati institutlari huquqlari va qonuniy manfaatlariga daxldor boʻlgan barcha normativ-huquqiy hujjatlar loyihalari majburiy tartibda Markaz bilan ham kelishiladi;
Markaz oʻz vazifalarini bajarishi uchun shartnoma asosida yetakchi ilmiy, taʼlim va tahliliy, shu jumladan xorijiy muassasalar ekspertlarini jalb etish huquqiga ega;
davlat organlari rahbarlari Markazga har tomonlama koʻmaklashadi, jumladan Markaz oʻz vazifalarini bajarishi uchun unga zarur shart-sharoitlar yaratadi, shuningdek, soʻralgan maʼlumotlarni oʻz vaqtida taqdim etadi, Markaz tomonidan oʻtkazilgan tahlillar yakunlari boʻyicha kiritilgan materiallar va tavsiyalarni koʻrib chiqadi;
2019-yil 1-noyabrdan Yagona tarif setkasi boʻyicha mehnatga haq toʻlashning tasdiqlangan razryadlariga koʻra Markaz xodimlarining lavozim maoshlarini belgilashda tarif koeffitsiyentlari ikki baravar oshirilgan miqdorda qoʻllaniladi.
Qayd etilsinki, ushbu bandning sakkizinchi xatboshisida nazarda tutilgan tadbirlarni moliyalashtirish Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasi tomonidan subsidiya shaklida ajratiladigan mablagʻlar hisobidan amalga oshiriladi.
5. Markazni Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlari hisobidan taʼminlash tartibi saqlab qolinsin.
Quyidagilar Markaz faoliyatini moliyalashtirishning qoʻshimcha manbalari etib belgilansin:
Oʻzbekiston Respublikasi Innovatsion rivojlanish vazirligi tomonidan oʻtkaziladigan tanlovlar natijalari boʻyicha ajratiladigan grantlar;
xalqaro moliya va boshqa institutlar, chet el tashkilotlari grantlari;
jismoniy va yuridik shaxslarning homiylik xayriyalari;
xoʻjalik faoliyati va shartnoma asosida koʻrsatilgan xizmatlardan tushgan tushumlar, shuningdek, qonun hujjatlari bilan taqiqlanmagan boshqa manbalar.
Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasiga, shuningdek, Markazning taʼsischi — tashkilotlariga har yili uning buyurtmanomalariga binoan Markaz faoliyatining asosiy vazifa va yoʻnalishlari bilan bogʻliq tadbirlarni moliyalashtirish uchun zarur mablagʻlarni nazarda tutish tavsiya etilsin.
6. Markazga:
fuqarolik jamiyatini rivojlantirish masalalari boʻyicha seminarlar, ilmiy va ekspert muhokamalarini muntazam oʻtkazish;
Oʻzbekiston Respublikasi Prezidenti huzuridagi Davlat boshqaruvi akademiyasi tinglovchilarini hamda ekspert-tahlil yoʻnalishida kadrlar tayyorlaydigan oliy va boshqa taʼlim muassasalari talabalari (tinglovchilari)ni ish oʻrganuvchi-tadqiqotchi sifatida jalb etgan holda ilmiy-oʻquv laboratoriyalarini tashkil etish;
Oʻzbekiston Respublikasi Tashqi ishlar vazirligi va Oʻzbekiston Respublikasi Moliya vazirligi bilan birgalikda bir oy muddatda Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlari hamda qonun hujjatlari bilan taqiqlanmagan boshqa manbalar hisobidan moliyalashtirgan holda 2020 — 2022-yillarda Markaz xodimlarini fuqarolik jamiyatini rivojlantirishga ixtisoslashgan yetakchi xorijiy tadqiqot va tahliliy institutlariga ish oʻrganish uchun yuborish boʻyicha Oʻzbekiston Respublikasi Vazirlar Mahkamasiga takliflar kiritish tavsiya etilsin.
7. Belgilansinki:
a) fuqarolik jamiyati rivojlanishi boʻyicha Markaz tomonidan oʻtkazilgan oʻrganishlar va tahlillarning natijalari:
Oʻzbekiston Respublikasi Vazirlar Mahkamasi va uning Rayosati yigʻilishlarida muntazam muhokama qilinadi, yakunlari boʻyicha tegishli choralar koʻriladi;
ommaviy axborot vositalarida, markaziy davlat telekanallarida, matbuot nashrlarida va ushbu Markazning veb-saytida doimiy yoritiladi.
Oʻzbekiston Respublikasi Oliy Majlisi palatalariga fuqarolik jamiyati rivojlanishi boʻyicha Markaz tomonidan oʻtkazilgan oʻrganishlar va tahlillarning natijalarini parlament va uning qoʻmitalari (komissiyalar) majlislarida koʻrib chiqish amaliyotini joriy qilish tavsiya etilsin;
b) Markaz har yili Oʻzbekistonda fuqarolik jamiyatining holati va uni rivojlantirish tendensiyalari toʻgʻrisidagi maʼruzani Oʻzbekiston Respublikasi Prezidenti huzuridagi Fuqarolik jamiyatini rivojlantirish boʻyicha maslahat kengashiga koʻrib chiqish uchun kiritadi, u esa, oʻz navbatida, Oʻzbekiston Respublikasi Prezidentiga axborot beradi.
8. Markazga uch oy muddatda fuqarolik jamiyati rivojlanishini, uning institutlarining davlat organlari va tashkilotlari bilan oʻzaro hamkorlik darajasini, shuningdek, ularning mamlakatni sotsial-iqtisodiy va ijtimoiy-siyosiy jihatdan rivojlantirishga, shu jumladan 2030-yilgacha boʻlgan davrda BMTning Barqaror taraqqiyot maqsadlarini amalga oshirish doirasida qoʻshgan hissasini baholash indikatorlarini ishlab chiqish va tasdiqlash tavsiya etilsin.
9. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
a) Markaz hududiy boʻlinmalarining egallab turgan binolaridan begʻaraz foydalanish huquqi saqlanib qolishini taʼminlasin;
b) Qoraqalpogʻiston Respublikasi budjeti, viloyatlar va Toshkent shahri mahalliy budjetlarining qoʻshimcha manbalari mablagʻlari hisobidan:
Markaz hududiy boʻlinmalari oʻz vazifa va funksiyalarini samarali bajarishi uchun zarur moddiy-texnik sharoitlar yaratib bersin;
Markaz hududiy boʻlinmalari buyurtmanomalari asosida bino va xonalarni joriy taʼmirlash, ularni zamonaviy orgtexnika, mebel va zarur aloqa turlari bilan jihozlash boʻyicha ishlarni tashkil etsin.
10. Oʻzbekiston Respublikasi Tashqi ishlar vazirligi Markazga xorijiy tadqiqot muassasalari bilan yaqin hamkorlikni yoʻlga qoʻyishda, tajriba almashish hamda zamonaviy uslub va yondashuvlar asosida fuqarolik jamiyati rivojlanishini oʻrganishni tashkil etish va tahlil qilish koʻnikmalarini takomillashtirish uchun ularning malakali mutaxassislarini jalb etishda koʻmaklashsin.
11. Markaz:
a) Oʻzbekiston Respublikasi Vazirlar Mahkamasining 2016-yil 7-oktabrdagi 336-son qarori bilan tasdiqlangan Rahbarlari xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat va xoʻjalik boshqaruvi organlari, respublika ahamiyatiga molik boshqa davlat tashkilotlari roʻyxatiga kiritilsin;
b) quyidagi majburiy joʻnatmalar reyestriga kiritilsin:
Oʻzbekiston Respublikasi Davlat statistika qoʻmitasi, moliya, iqtisodiyot va sanoat, bandlik va mehnat munosabatlari, ichki ishlar vazirliklari, Davlat soliq qoʻmitasi, Davlat bojxona qoʻmitasi, Bosh prokuraturasi, Oliy sudi, boshqa vazirliklar va idoralarning statistik maʼlumotlari;
Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligining Ommaviy kommunikatsiyalar masalalari boʻyicha markazi byulletenlari va kunlik maʼlumotlari toʻplami;
ijtimoiy-iqtisodiy sohadagi xorijiy matbuot sharhlari va ilmiy-tadqiqot institutlarining, shu jumladan Oʻzbekiston Respublikasi Iqtisodiyot va sanoat vazirligi huzuridagi Prognozlashtirish va makroiqtisodiy tadqiqotlar instituti, Oʻzbekiston Respublikasi Moliya vazirligi huzuridagi Budjet-soliq tadqiqotlari institutining tahliliy maʼruza maʼlumotnomalari.
12. Quyidagilarga:
Oʻzbekiston Milliy teleradiokompaniyasi raisi v.b. A.J. Xadjayev va Oʻzbekiston Milliy axborot agentligi bosh direktori A.K. Koʻchimovga fuqarolik jamiyati rivojlanishini oʻrganish va tahlil qilish natijalari ommaviy axborot vositalarida, markaziy davlat telekanallarida, matbuot nashrlarida doimiy yoritilishi;
vazirliklar, idoralar, boshqa davlat organlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari rahbarlariga Markaz oʻz vazifalarini samarali amalga oshirishi uchun unga har tomonlama va toʻliq koʻmaklashish yuzasidan shaxsan javobgarligi koʻrsatib oʻtilsin.
13. Oʻzbekiston Respublikasi Prezidentining 2017-yil 27-martdagi “Fuqarolik jamiyati shakllanishini monitoring qilish mustaqil instituti faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-2851-son qarori oʻz kuchini yoʻqotgan deb hisoblansin.
14. Oʻzbekiston Respublikasi Adliya vazirligi Markazni mazkur qarorga muvofiq belgilangan tartibda qayta roʻyxatdan oʻtkazishni amalga oshirsin.
15. Markaz Oʻzbekiston Respublikasi Adliya vazirligi va manfaatdor idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
16. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi R.S. Qosimov zimmasiga yuklansin.
Oʻzbekiston Respublikasi Prezidentining 2019-yil 30-oktabrdagi PQ-4501-son qaroriga 1-ILOVA
Fuqarolik jamiyatini rivojlantirish markazi
Taʼsischilar kengashi Direktor Yordamchi Direktor oʻrinbosari Direktor oʻrinbosari Oʻzbekiston Respublikasi Prezidenti huzuridagi Fuqarolik jamiyatini rivojlantirish boʻyicha maslahatkengashi kotibiyati 3 Fuqarolik jamiyatini rivojlantirish sohasida fundamental va amaliy tadqiqotlarni monitoring qilish va istiqbolli innovatsiyalarga koʻmaklashish boʻlimi 4 Davlat va fuqarolik jamiyati institutlari muloqoti, ijtimoiy sheriklik va jamoatchilik nazoratining samarali shakllarini rivojlantirish boʻlimi 4 Yigʻma axborot-tahlil boʻlimi 3 Fuqarolik jamiyati rivojlanishining strategik yoʻnalishlarini shakllantirish va amalga oshirilishini monitoring qilish boʻlimi 3 Siyosiy partiyalar va fuqarolik jamiyatining boshqa institutlari tomonidan fuqarolarning manfaatlari vakilligi va huquqlarini himoya qilish funksiyalari amalga oshirilishining samaradorligini oshirish boʻlimi 4 Kadrlar boʻlimi 2 Xalqaro hamkorlik boʻlimi 3 Fuqarolik jamiyati institutlari faoliyatining tashkiliy-huquqiy va iqtisodiy asoslarini takomillashtirish boʻlimi 3 Bosh yuriskonsult 1 Taʼlim dasturlarini ishlab chiqish va amalga oshirish, fuqarolik jamiyati institutlari xodimlari va faollarini tayyorlash, qayta tayyorlash va malakasini oshirishga koʻmaklashish boʻlimi 2 Jamoatchilik va ommaviy axborot vositalari bilan aloqalar boʻlimi 2 Fuqarolik jamiyati sohasida jamoatchilik fikrini oʻrganish boʻlimi 3 14 ta hududiy boʻlinmalar 70 Devonxona 1 Moliya-xoʻjalik boʻlimi 3
Oʻzbekiston Respublikasi Prezidentining 2019-yil 30-oktabrdagi PQ-4501-son qaroriga 2-ILOVA
Fuqarolik jamiyatini rivojlantirish markazi hududiy boʻlinmalarining
Rahbar Fuqarolik jamiyati rivojlanishining strategik yoʻnalishlari amalga oshirilishini tahlil etish va ilmiy-amaliy tadbirlarni monitoring qilish boʻyicha mutaxassislar 2 Davlat va fuqarolik jamiyati institutlari muloqoti, ijtimoiy sheriklik va taʼlim dasturlarini amalga oshirish, jamoatchilik nazoratining samarali shakllarini rivojlantirish masalalari boʻyicha mutaxassislar 2
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 30-oktabr,
PQ-4501-son
Президента Республики Узбекистан
Постановление
СТРУКТУРА
СТРУКТУРА
О мерах по поддержке деятельности Центра развития гражданского общества
В целях формирования цельной и независимой системы комплексного изучения, анализа и оценки осуществляемых реформ по построению сильного и справедливого гражданского общества, повышению эффективности механизмов социального партнерства и общественного контроля, созданию научно-практической площадки для разработки предложений по их дальнейшему развитию, а также обеспечению эффективной деятельности Консультативного совета по развитию гражданского общества при Президенте Республики Узбекистан:
1. Согласиться с предложением Совета учредителей Независимого института по мониторингу формирования гражданского общества о преобразовании института в Центр развития гражданского общества (далее — Центр).
2. Принять к сведению, что основными задачами и направлениями деятельности Центра являются:
изучение состояния и развития диалога с народом, проведение системного анализа открытости деятельности государственных органов;
содействие в организации и проведении фундаментальных и прикладных исследований с участием научных и экспертных кругов в области развития гражданского общества, разработка на основе обобщения их результатов предложений по дальнейшему совершенствованию национальной модели развития гражданского общества и определению стратегических направлений на среднесрочную и долгосрочную перспективу;
организация системного изучения и анализа состояния нормативно-правового регулирования развития гражданского общества и правоприменительной практики в данной сфере, подготовка предложений по совершенствованию организационно-правовых и экономических основ деятельности институтов гражданского общества, созданию благоприятных условий для расширения их участия в общественном управлении;
организация изучения и анализа осуществления социального партнерства и общественного контроля, разработка предложений по внедрению современных механизмов эффективного взаимодействия государственных органов с институтами гражданского общества, мер поддержки и поощрения их деятельности;
организация разработки и внедрения индикаторов оценки развития гражданского общества, уровня взаимодействия его институтов с государственными органами, а также его вклада в социально-экономическое развитие страны, подготовка на их основе периодических и специальных научно-аналитических докладов и других материалов о состоянии и тенденциях развития гражданского общества в Узбекистане;
изучение и системный анализ процессов углубления демократических реформ, участия институтов гражданского общества в решении общественно-политических, социально-экономических и иных задач, могущих влиять на социальное самочувствие населения, осуществления ими представительства и защиты прав и законных интересов физических и юридических лиц;
системный анализ уровня развития конкурентной многопартийной системы, разработка предложений по повышению эффективности мероприятий, проводимых политическими партиями в интересах своего электората;
системное изучение проблем участия негосударственных некоммерческих организаций в развитии институтов гражданского общества, повышении гражданской активности, а также разработке и реализации программ социально-экономического развития страны;
организация проведения научно-практических конференций и семинаров, общественных слушаний по актуальным вопросам, волнующим гражданское общество, анализ и обобщение их итогов, разработка на этой основе предложений по расширению участия институтов гражданского общества в решении социально-экономических и общественно-политических задач;
организация системного изучения, обобщения и анализа общественного мнения о государственной политике в области развития гражданского общества и ее практических результатах, проведение соответствующих социальных исследований;
содействие представителям институтов гражданского общества в формировании соответствующих профессиональных навыков и повышении уровня их деловой квалификации;
разработка оптимальных подходов по организации открытого диалога между государством и обществом, развитию институтов гражданского общества, налаживанию механизмов обратной связи с населением, решению актуальных проблем граждан, изучение опыта развитых демократических стран по содействию институтам гражданского общества в развитии международного сотрудничества;
организационно-методическое, информационное обеспечение деятельности Консультативного совета по развитию гражданского общества при Президенте Республики Узбекистан.
3. Одобрить структуры Центра и его региональных отделений с общей предельной численностью управленческого персонала в количестве 115 единиц согласно приложениям №№ 1 и 2 .
Принять к сведению, что директор Центра вправе вносить, при необходимости, изменения в структуры Центра и его региональных отделений в пределах установленной общей штатной численности.
4. Установить, что:
Центр является юридическим лицом в форме негосударственной некоммерческой организации;
Центр является правопреемником по правам, обязательствам и договорам, включая международные договоры, преобразуемого Независимого института по мониторингу формирования гражданского общества;
директор Центра по должности является заместителем руководителя Консультативного совета по развитию гражданского общества при Президенте Республики Узбекистан;
проекты всех нормативно-правовых актов, затрагивающие права и законные интересы институтов гражданского общества, также в обязательном порядке согласовываются с Центром;
Центр вправе привлекать на договорной основе экспертов ведущих научных, образовательных и аналитических, в том числе зарубежных учреждений, для выполнения своих задач;
руководители государственных органов оказывают Центру всемерное содействие, в том числе создают необходимые условия для выполнения Центром своих задач, а также своевременно предоставляют запрашиваемые сведения, рассматривают материалы и рекомендации, внесенные по итогам анализов, проведенных Центром;
с 1 ноября 2019 года при определении должностных окладов работников Центра согласно утвержденным разрядам по оплате труда по Единой тарифной сетке тарифные коэффициенты применяются с увеличением в два раза.
Отметить, что финансирование мероприятий, предусмотренных абзацем восьмым настоящего пункта, осуществляется в виде субсидий за счет средств, выделяемых Парламентской комиссией по управлению средствами Общественного фонда по поддержке негосударственных некоммерческих организаций и других институтов гражданского общества при Олий Мажлисе Республики Узбекистан.
5. Сохранить порядок содержания Центра за счет средств Общественного фонда по поддержке негосударственных некоммерческих организаций и других институтов гражданского общества при Олий Мажлисе Республики Узбекистан.
Определить дополнительными источниками финансирования деятельности Центра:
гранты, выделяемые по результатам конкурсов, проводимых Министерством инновационного развития Республики Узбекистан;
гранты международных финансовых и других институтов, зарубежных организаций;
благотворительные пожертвования физических и юридических лиц;
поступления, поступившие от хозяйственной деятельности и оказания услуг на договорной основе, а также иные источники, не запрещенные законодательством.
Рекомендовать Парламентской комиссии по управлению средствами Общественного фонда по поддержке негосударственных некоммерческих организаций и других институтов гражданского общества при Олий Мажлисе Республики Узбекистан, а также организациям — учредителям Центра ежегодно предусматривать необходимые средства на финансирование мероприятий, связанных с выполнением основных задач и направлений деятельности Центра на основе его заявок.
6. Рекомендовать Центру:
регулярно проводить семинары, научные и экспертные обсуждения по вопросам развития гражданского общества;
создать научно-учебные лаборатории с привлечением в качестве стажеров-исследователей слушателей Академии государственного управления при Президенте Республики Узбекистан, а также студентов (слушателей) высших и других образовательных учреждений, подготавливающих кадры по экспертно-аналитическому направлению;
совместно с Министерством иностранных дел и Министерством финансов в месячный срок внести в Кабинет Министров Республики Узбекистан предложения о направлении в 2020 — 2022 годах работников Центра на стажировку в ведущие зарубежные исследовательские и аналитические институты, специализирующиеся в вопросах развития гражданского общества, с финансированием данных затрат за счет средств Общественного фонда по поддержке негосударственных некоммерческих организаций и других институтов гражданского общества при Олий Мажлисе Республики Узбекистан и других источников, не запрещенных законодательством.
7. Установить, что:
а) результаты изучений и анализов по развитию гражданского общества, проведенных Центром, подлежат:
регулярному обсуждению на заседаниях Кабинета Министров Республики Узбекистан и его Президиума, по итогам которых принимаются соответствующие меры;
регулярному освещению в средствах массовой информации, на центральных государственных телеканалах, в печатных изданиях и веб-сайте данного Центра.
Рекомендовать палатам Олий Мажлиса Республики Узбекистан внедрить практику рассмотрения на заседаниях парламента и его комитетов (комиссий) результатов изучений и анализов по развитию гражданского общества, проведенных Центром;
б) Центр ежегодно вносит доклад о состоянии и тенденциях развития гражданского общества в Узбекистане на рассмотрение Консультативного совета по развитию гражданского общества при Президенте Республики Узбекистан, который, в свою очередь, информирует Президента Республики Узбекистан.
8. Рекомендовать Центру в трехмесячный срок разработать и утвердить индикаторы оценки развития гражданского общества, уровня взаимодействия его институтов с государственными органами и организациями, а также их вклада в социально-экономическое и общественно-политическое развитие страны, в том числе в рамках реализации Целей устойчивого развития ООН на период до 2030 года.
9. Совету Министров Республики Каракалпакстан, хокимиятам областей и города Ташкента:
а) обеспечить сохранение за региональными отделениями Центра права безвозмездного пользования на занимаемые помещения;
б) за счет средств дополнительных источников бюджета Республики Каракалпакстан, местных бюджетов областей и города Ташкента:
создать необходимые материально-технические условия для эффективного выполнения региональными отделениями Центра своих задач и функций;
организовать проведение работ по текущему ремонту зданий и помещений, оснащению их современной оргтехникой, мебелью и необходимыми видами связи на основе заявок региональных отделений Центра.
10. Министерству иностранных дел Республики Узбекистан оказать содействие Центру в налаживании тесного сотрудничества с зарубежными исследовательскими учреждениями, а также в привлечении их квалифицированных специалистов для обмена опытом и совершенствования навыков по организации изучения и анализу развития гражданского общества на основе современных методов и подходов.
11. Включить Центр:
а) в Перечень органов государственной власти, органов государственного и хозяйственного управления, других государственных организаций республиканского значения, руководители которых могут ходатайствовать о постоянной прописке работников в городе Ташкенте и Ташкентской области, утвержденный постановлением Кабинета Министров Республики Узбекистан от 7 октября 2016 года № 336;
б) в реестр обязательной рассылки:
статистической информации Государственного комитета по статистике, министерств финансов, экономики и промышленности, занятости и трудовых отношений, внутренних дел, Государственного налогового комитета, Государственного таможенного комитета, Генеральной прокуратуры, Верховного суда Республики Узбекистан, других министерств и ведомств;
бюллетеней и ежедневных сводок Центра по вопросам массовых коммуникаций Агентства информации и массовых коммуникаций при Администрации Президента Республики Узбекистан;
обзоров зарубежной прессы и аналитических докладов научно-исследовательских институтов в социально-экономической сфере, в том числе Института прогнозирования и макроэкономических исследований при Министерстве экономики и промышленности, Института бюджетно-налоговых исследований при Министерстве финансов Республики Узбекистан.
12. Указать на персональную ответственность:
и.о. председателя Национальной телерадиокомпании Узбекистана А.Д. Хаджаева и генерального директора Национального информационного агентства Узбекистана А.К. Кучимова — за постоянное освещение в средствах массовой информации, на центральных государственных телеканалах и в печатных изданиях результатов изучения и анализа развития гражданского общества;
руководителей министерств, ведомств, других государственных органов, Совета Министров Республики Каракалпакстан, хокимиятов областей и города Ташкента — за оказание всестороннего и полного содействия Центру в эффективной реализации его задач.
13. Признать утратившим силу постановление Президента Республики Узбекистан от 27 марта 2017 года № ПП-2851 «О дополнительных мерах по совершенствованию деятельности Независимого института по мониторингу формирования гражданского общества».
14. Министерству юстиции Республики Узбекистан осуществить в установленном порядке перерегистрацию Центра в соответствии с настоящим постановлением.
15. Центру совместно с Министерством юстиции Республики Узбекистан и заинтересованными ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
16. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан Р.С. Касимова.
ПРИЛОЖЕНИЕ № 1 к постановлению Президента Республики Узбекистан от 30 октября 2019 года № ПП-4501
Центра развития гражданского общества
Совет учредителей Директор Помощник Заместитель директора Заместитель директора Секретариат Консультативного совета по развитию гражданского общества при Президенте Республики Узбекистан 3 Отдел мониторинга фундаментальных и прикладных исследований и содействия перспективным инновациям в сфере развития гражданского общества 4 Отдел по развитию эффективных форм диалога государства и институтов гражданского общества, социального партнерства и общественного контроля 4 Сводный информационно-аналитический отдел 3 Отдел по формированию и мониторингу реализации стратегических направлений развития гражданского общества 3 Отдел по повышению эффективности осуществления политическими партиями и другими институтами гражданского общества функций представительства интересов и защиты прав граждан 4 Отдел кадров 2 Отдел международного сотрудничества 3 Отдел по совершенствованию организационно-правовых и экономических основ деятельности институтов гражданского общества 3 Главный юрисконсульт 1 Отдел по разработке и реализации образовательных программ, содействию подготовке, переподготовке и повышению квалификации работников и активистов институтов гражданского общества 2 Отдел по связям с общественностью и средствами массовой информации 2 Отдел по изучению общественного мнения в сфере гражданского общества 3 14 региональных отделений 70 Канцелярия 1 Финансово-хозяйственный отдел 3
ПРИЛОЖЕНИЕ № 2 к постановлению Президента Республики Узбекистан от 30 октября 2019 года № ПП-4501
региональных отделений Центра развития гражданского общества
Руководитель Специалисты по анализу реализации стратегических направлений развития гражданского общества и мониторингу научно-практических мероприятий 2 Специалисты по вопросам осуществления диалога государства и институтов гражданского общества, социального партнерства и образовательных программ, развития эффективных форм общественного контроля 2
Президент Республики Узбекистан Ш. МИРЗИЁЕВ
г. Ташкент,
30 октября 2019 г.,
№ ПП-4501