📅 2019-yil 31-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 31 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 31 октября 2019 г. · Постановления Президента
Официальный текст. Официальный документ. Редакционные примечания не включены.
📅 31 October 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Банк-молия соҳасида кадрлар тайёрлаш тизимини такомиллаштириш чора-тадбирлари тўғрисида
Кейинги йилларда мамлакатимизда амалга оширилаётган кенг миқёсли институционал ислоҳотлар доирасида молия секторининг барқарорлигини, унинг глобал молия тизимига интеграциялашувини таъминлаш, банк хизматларининг сифатини ва улардан фойдаланиш имкониятларини, биринчи навбатда хусусий бизнес ва аҳоли учун ошириш чоралари кўрилди.
Давлат улушига эга бўлган тижорат банкларида замонавий корпоратив бошқарув тамойиллари, ахборот-коммуникация технологияларини жорий этиш, фаолият самарадорлиги ва инвестициявий жозибадорлигини ошириш орқали уларнинг шаклини ўзгартириш борасидаги ишлар изчиллик билан амалга оширилмоқда.
Шу билан бирга, банк секторини ислоҳ қилиш борасида амалга оширилаётган чора-тадбирлар илғор халқаро амалиётни инобатга олган ҳолда банк соҳасидаги кадрларни тайёрлаш ва қайта тайёрлашнинг замонавий усулларини жорий этиш асосида тижорат банклари ходимларининг билими ва малакасини оширишни тақозо этмоқда.
Корпоратив бошқарув, молиявий менежмент, аудит, молиявий хатарларни бошқариш, ахборот-коммуникация технологиялари, қимматли қоғозлар бозори соҳаларида банк секторининг юқори малакали кадрларини ўқитиш тизимини янада такомиллаштириш, шунингдек, банк ходимларини баҳолаш ва рағбатлантиришнинг илғор халқаро тажрибасини жорий этиш мақсадида:
1. Қуйидагилар Ўзбекистон Республикаси банк тизими кадрлари салоҳиятини ривожлантиришнинг асосий тамойиллари этиб белгилансин:
кадрлар тайёрлашга нисбатан халқаро стандартларга ва илғор хорижий тажрибага асосланган тизимли ёндашув;
тижорат банкларининг бошқарув, ўрта ва қуйи бўғин ходимлари меҳнатига уларнинг малакаси, билими ва аниқ иш натижаларидан (KPI) келиб чиққан ҳолда ҳақ тўлашнинг бонусли тизимини жорий этиш;
кадрлар тайёрлаш, қайта тайёрлаш ва малакасини оширишнинг узлуксизлиги, ўқитиш дастурларининг замонавий тижорат банклари томонидан кенг фойдаланилаётган рақамли технологияларга мувофиқлигини таъминлаш;
тегишли лавозим учун талаб этиладиган малака ва тажрибага эга бўлган бошқарув ходимларини, инвестицион банкинг, лойиҳавий молиялаштириш, хатарларни бошқариш, ахборот-коммуникация технологиялари соҳасидаги мутахассисларни тайёрлашни таъминлаш;
ўқиётган кадрларга тактик ва стратегик истиқболдаги самарали ишлаш учун зарур билимларни бериш ва кўникмаларни шакллантириш;
бизнес юритишнинг умумий тамойилларини ва ягона корпоратив маданиятни шакллантириш;
банк мутахассислари, ўқитувчилар таркиби ва талабаларни банк ишининг аниқ йўналишлари бўйича хорижий банкларда ва таълим муассасаларида ўқитиш ҳамда стажировкадан ўтказиш.
2. Ўзбекистон Республикаси Ташқи иқтисодий фаолият миллий банки (кейинги ўринларда — Ўзмиллийбанк), Марказий банк, Молия вазирлиги, Давлат активларини бошқариш агентлиги ва Ўзбекистон Республикаси банкларининг:
Банк-молия академиясини (кейинги ўринларда — Академия) Ўзмиллийбанк тасарруфига ўтказиб, уни Академиянинг таъсисчиси этиб белгилаш;
2018 ва 2019 йилларда Академия магистратурасига қабул қилинган шахслар учун магистратура мутахассисликлари бўйича амалдаги таълим дастурларини, шунингдек, Академиянинг сарф-харажатларини магистратурада давлат гранти асосида таълим олаётган шахсларнинг ўқиши тугагунга қадар Ўзбекистон Республикаси Давлат бюджети маблағлари ҳисобидан молиялаштириш тартибини сақлаб қолиш тўғрисидаги таклифларига розилик берилсин.
3. Ўзмиллийбанк:
а) 2020 йилнинг 1 февралига қадар етакчи хорижий ҳамкорларни жалб этган ҳолда қуйидагиларни назарда тутувчи 2020 — 2025 йилларда Академияни ривожлантириш концепциясини ишлаб чиқсин:
Академиянинг халқаро эътироф этилган ташкилотлар рейтингидаги олий таълим муассасалари рўйхатига киритилишини таъминлаган ҳолда унинг халқаро рейтингини босқичма-босқич ошириб бориш;
етакчи хорижий бизнес-мактаблар ва корпоратив университетларнинг айнан бир хил дастурлари асосида банк-молия соҳаси мутахассисларини ўқитиш дастурларини ишлаб чиқиш;
инвестиция фаолияти (Chartered Financial Analyst), хатарларни бошқариш (Financial Risk Manager), Молиявий ҳисоботнинг халқаро стандартлари бўйича молия ҳисоби (Association of Chartered Certified Accountants ва Chartered Public Accountant), ички аудит (Certified Internal Auditor), бошқарув ҳисоби (Certified Management Accountant) соҳаларида молия ходимларини халқаро профессионал сертификация имтиҳонларига тайёрлаш;
республика ҳудудларидаги тижорат банкларининг филиаллари учун қисқа муддатли курслар, семинарлар, тренинглар, давра суҳбатлари, стажировкалар, сайёр ўқув модуллари ва бошқа тадбирларни ташкиллаштириш ва ўтказиш;
инновацион таълим ва илмий-тадқиқот лойиҳаларини амалга ошириш, илмий-педагог кадрлар малакасини ошириш ва уларни қайта тайёрлаш доирасида хорижий шериклар билан ҳамкорлик қилиш;
ўқув жараёнига етакчи таълим муассасалари ва банк-молия секторидан юқори малакали хорижий мутахассисларни жалб этиш амалиётини жорий қилиш;
б) 2020 — 2025 йилларда Академияни ривожлантириш концепциясини тасдиқлаш тўғрисидаги ҳукумат қарори лойиҳасини 2020 йилнинг 1 мартига қадар Ўзбекистон Республикаси Вазирлар Маҳкамасига киритсин.
4. Ўзбекистон Республикаси Адлия вазирлиги манфаатдор вазирликлар ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
5. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров ва Ўзбекистон Республикаси Президентининг маслаҳатчиси Р.А. Гулямов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 31 октябрь,
ПҚ-4503-сон
Oʻzbekiston Respublikasi Prezidentining
Qarori
Bank-moliya sohasida kadrlar tayyorlash tizimini takomillashtirish chora-tadbirlari toʻgʻrisida
Keyingi yillarda mamlakatimizda amalga oshirilayotgan keng miqyosli institutsional islohotlar doirasida moliya sektorining barqarorligini, uning global moliya tizimiga integratsiyalashuvini taʼminlash, bank xizmatlarining sifatini va ulardan foydalanish imkoniyatlarini, birinchi navbatda xususiy biznes va aholi uchun oshirish choralari koʻrildi.
Davlat ulushiga ega boʻlgan tijorat banklarida zamonaviy korporativ boshqaruv tamoyillari, axborot-kommunikatsiya texnologiyalarini joriy etish, faoliyat samaradorligi va investitsiyaviy jozibadorligini oshirish orqali ularning shaklini oʻzgartirish borasidagi ishlar izchillik bilan amalga oshirilmoqda.
Shu bilan birga, bank sektorini isloh qilish borasida amalga oshirilayotgan chora-tadbirlar ilgʻor xalqaro amaliyotni inobatga olgan holda bank sohasidagi kadrlarni tayyorlash va qayta tayyorlashning zamonaviy usullarini joriy etish asosida tijorat banklari xodimlarining bilimi va malakasini oshirishni taqozo etmoqda.
Korporativ boshqaruv, moliyaviy menejment, audit, moliyaviy xatarlarni boshqarish, axborot-kommunikatsiya texnologiyalari, qimmatli qogʻozlar bozori sohalarida bank sektorining yuqori malakali kadrlarini oʻqitish tizimini yanada takomillashtirish, shuningdek, bank xodimlarini baholash va ragʻbatlantirishning ilgʻor xalqaro tajribasini joriy etish maqsadida:
1. Quyidagilar Oʻzbekiston Respublikasi bank tizimi kadrlari salohiyatini rivojlantirishning asosiy tamoyillari etib belgilansin:
kadrlar tayyorlashga nisbatan xalqaro standartlarga va ilgʻor xorijiy tajribaga asoslangan tizimli yondashuv;
tijorat banklarining boshqaruv, oʻrta va quyi boʻgʻin xodimlari mehnatiga ularning malakasi, bilimi va aniq ish natijalaridan (KPI) kelib chiqqan holda haq toʻlashning bonusli tizimini joriy etish;
kadrlar tayyorlash, qayta tayyorlash va malakasini oshirishning uzluksizligi, oʻqitish dasturlarining zamonaviy tijorat banklari tomonidan keng foydalanilayotgan raqamli texnologiyalarga muvofiqligini taʼminlash;
tegishli lavozim uchun talab etiladigan malaka va tajribaga ega boʻlgan boshqaruv xodimlarini, investitsion banking, loyihaviy moliyalashtirish, xatarlarni boshqarish, axborot-kommunikatsiya texnologiyalari sohasidagi mutaxassislarni tayyorlashni taʼminlash;
oʻqiyotgan kadrlarga taktik va strategik istiqboldagi samarali ishlash uchun zarur bilimlarni berish va koʻnikmalarni shakllantirish;
biznes yuritishning umumiy tamoyillarini va yagona korporativ madaniyatni shakllantirish;
bank mutaxassislari, oʻqituvchilar tarkibi va talabalarni bank ishining aniq yoʻnalishlari boʻyicha xorijiy banklarda va taʼlim muassasalarida oʻqitish hamda stajirovkadan oʻtkazish.
2. Oʻzbekiston Respublikasi Tashqi iqtisodiy faoliyat milliy banki (keyingi oʻrinlarda — Oʻzmilliybank), Markaziy bank, Moliya vazirligi, Davlat aktivlarini boshqarish agentligi va Oʻzbekiston Respublikasi banklarining:
Bank-moliya akademiyasini (keyingi oʻrinlarda — Akademiya) Oʻzmilliybank tasarrufiga oʻtkazib, uni Akademiyaning taʼsischisi etib belgilash;
2018 va 2019-yillarda Akademiya magistraturasiga qabul qilingan shaxslar uchun magistratura mutaxassisliklari boʻyicha amaldagi taʼlim dasturlarini, shuningdek, Akademiyaning sarf-xarajatlarini magistraturada davlat granti asosida taʼlim olayotgan shaxslarning oʻqishi tugagunga qadar Oʻzbekiston Respublikasi Davlat budjeti mablagʻlari hisobidan moliyalashtirish tartibini saqlab qolish toʻgʻrisidagi takliflariga rozilik berilsin.
3. Oʻzmilliybank:
a) 2020-yilning 1-fevraliga qadar yetakchi xorijiy hamkorlarni jalb etgan holda quyidagilarni nazarda tutuvchi 2020 — 2025-yillarda Akademiyani rivojlantirish konsepsiyasini ishlab chiqsin:
Akademiyaning xalqaro eʼtirof etilgan tashkilotlar reytingidagi oliy taʼlim muassasalari roʻyxatiga kiritilishini taʼminlagan holda uning xalqaro reytingini bosqichma-bosqich oshirib borish;
yetakchi xorijiy biznes-maktablar va korporativ universitetlarning aynan bir xil dasturlari asosida bank-moliya sohasi mutaxassislarini oʻqitish dasturlarini ishlab chiqish;
investitsiya faoliyati (Chartered Financial Analyst), xatarlarni boshqarish (Financial Risk Manager), Moliyaviy hisobotning xalqaro standartlari boʻyicha moliya hisobi (Association of Chartered Certified Accountants va Chartered Public Accountant), ichki audit (Certified Internal Auditor), boshqaruv hisobi (Certified Management Accountant) sohalarida moliya xodimlarini xalqaro professional sertifikatsiya imtihonlariga tayyorlash;
respublika hududlaridagi tijorat banklarining filiallari uchun qisqa muddatli kurslar, seminarlar, treninglar, davra suhbatlari, stajirovkalar, sayyor oʻquv modullari va boshqa tadbirlarni tashkillashtirish va oʻtkazish;
innovatsion taʼlim va ilmiy-tadqiqot loyihalarini amalga oshirish, ilmiy-pedagog kadrlar malakasini oshirish va ularni qayta tayyorlash doirasida xorijiy sheriklar bilan hamkorlik qilish;
oʻquv jarayoniga yetakchi taʼlim muassasalari va bank-moliya sektoridan yuqori malakali xorijiy mutaxassislarni jalb etish amaliyotini joriy qilish;
b) 2020 — 2025-yillarda Akademiyani rivojlantirish konsepsiyasini tasdiqlash toʻgʻrisidagi hukumat qarori loyihasini 2020-yilning 1-martiga qadar Oʻzbekiston Respublikasi Vazirlar Mahkamasiga kiritsin.
4. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
5. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi Prezidentining maslahatchisi R.A. Gulyamov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 31-oktabr,
PQ-4503-son
Президента Республики Узбекистан
Постановление
О мерах по совершенствованию системы подготовки кадров в банковско-финансовой сфере
За последние годы в рамках проводимых в стране масштабных институциональных реформ приняты меры по обеспечению устойчивости финансового сектора, его интеграции в глобальную финансовую систему, повышению качества и доступности банковских услуг, в первую очередь для частного бизнеса и населения.
Последовательно осуществляется работа по трансформации коммерческих банков с долей государства путем внедрения современных принципов корпоративного управления, информационно-коммуникационных технологий, повышения эффективности их деятельности и инвестиционной привлекательности.
Вместе с тем реализуемые меры по реформированию банковского сектора обуславливают необходимость повышения знаний и квалификации работников коммерческих банков на основе внедрения современных методов подготовки и переподготовки кадров в данной области с учетом передовой международной практики.
В целях дальнейшего совершенствования системы обучения высококвалифицированных кадров банковского сектора в области корпоративного управления, финансового менеджмента, аудита, управления финансовыми рисками, информационно-коммуникационных технологий, рынка ценных бумаг, а также внедрения передовой международной практики оценки и стимулирования банковских работников:
1. Определить основными принципами развития кадрового потенциала банковской системы Республики Узбекистан:
системный подход к подготовке кадров, основанный на международных стандартах и передовой зарубежной практике;
внедрение бонусной системы оплаты труда управленческого, среднего и низового персонала коммерческих банков исходя из их квалификации, знаний и конкретных результатов работы (KPI);
непрерывность подготовки, переподготовки и повышения квалификации кадров, обеспечение соответствия программ обучения цифровым технологиям, широко используемым современными коммерческими банками;
обеспечение подготовки управленческого персонала, специалистов в области инвестиционного банкинга, проектного финансирования, риск-менеджмента, информационно-коммуникационных технологий, имеющих квалификацию и опыт, требуемые для соответствующей должности;
предоставление обучающимся кадрам знаний и формирование навыков, необходимых для эффективной работы в тактической и стратегической перспективе;
формирование общих принципов ведения бизнеса и единой корпоративной культуры;
обучение и прохождение стажировок банковских специалистов, преподавательского состава и студентов в зарубежных банках и образовательных учреждениях по конкретным направлениям банковского дела.
2. Согласиться с предложениями Национального банка внешнеэкономической деятельности Республики Узбекистан (далее — Узнацбанк), Центрального банка, Министерства финансов, Агентства по управлению государственными активами и банков Республики Узбекистан о:
передаче Банковско-финансовой академии (далее — Академия) в ведение Узнацбанка, определив его учредителем Академии;
сохранении действующих программ обучения по специальностям магистратуры для лиц, принятых в магистратуру Академии в 2018-2019 годах, а также порядка финансирования расходов Академии за счет средств Государственного бюджета Республики Узбекистан до завершения обучения лиц, обучающихся в магистратуре на основе государственного гранта.
3. Узнацбанку:
а) в срок до 1 февраля 2020 года с привлечением ведущих зарубежных партнеров разработать Концепцию развития Академии на 2020 — 2025 годы, предусматривающую:
поэтапное повышение международного рейтинга Академии с обеспечением включения ее в перечень высших образовательных учреждений в рейтинге международно признанных организаций;
разработку программ обучения специалистов банковско-финансовой сферы на основе аналогичных программ ведущих зарубежных бизнес-школ и корпоративных университетов;
подготовку к экзаменам международной профессиональной сертификации финансовых работников в области инвестиционной деятельности (Chartered Financial Analyst), управления рисками (Financial Risk Manager), финансового учета по Международным стандартам финансовой отчетности (Association of Chartered Certified Accountants и Сertified Public Accountant), внутреннего аудита (Certified Internal Auditor), управленческого учета (Certified Management Accountant);
организацию и проведение краткосрочных курсов, семинаров, тренингов, «круглых столов», стажировок, выездных учебных модулей и иных мероприятий для филиалов коммерческих банков в регионах республики;
сотрудничество с иностранными партнерами в рамках реализации инновационных образовательных и научно-исследовательских проектов, повышения квалификации и переподготовки научно-педагогических кадров;
внедрение практики привлечения в учебный процесс высококвалифицированных зарубежных специалистов из ведущих образовательных учреждений и банковско-финансового сектора;
б) в срок до 1 марта 2020 года внести в Кабинет Министров Республики Узбекистан проект правительственного решения об утверждении Концепции развития Академии на 2020 — 2025 годы.
4. Министерству юстиции совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
5. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова и советника Президента Республики Узбекистан Р.А. Гулямова.
Президент Республики Узбекистан Ш. МИРЗИЁЕВ
г. Ташкент,
31 октября 2019 г.,
№ ПП-4503