📅 2019-yil 30-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 30 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 октября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 30 October 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
ТАВСИФИ
ТАВСИФИ
«Маънавият фидойиси» кўкрак нишонини таъсис этиш тўғрисида
Ўзбекистон Республикаси Президентининг «Маънавий-маърифий ишлар самарадорлигини ошириш бўйича қўшимча чора-тадбирлар тўғрисида» 2019 йил 3 майдаги ПҚ-4307-сон қарорига мувофиқ «Маънавият фидойиси» кўкрак нишони таъсис этилганлиги муносабати билан республикада маънавий-маърифий ишларни амалга ошириш, юксак ижтимоий-маънавий муҳитни шакллантириш борасида фидокорона меҳнат қилган ва самарали натижаларга эришган фуқароларни рағбатлантириш мақсадида Вазирлар Маҳкамаси қарор қилади:
1. Республика Маънавият ва маърифат маркази, Ўзбекистон Ёзувчилар уюшмаси ва Журналистлар ижодий уюшмасининг «Маънавият фидойиси» кўкрак нишонини Ўзбекистон Республикаси Мустақиллиги байрами арафасида топшириш тўғрисидаги таклифи маъқуллансин.
2. Белгилаб қўйилсинки, «Маънавият фидойиси» кўкрак нишони билан мукофотлаш Республика Маънавият ва маърифат марказининг қарори асосида амалга оширилади.
3. Қуйидагилар:
«Маънавият фидойиси» кўкрак нишони тўғрисида низом 1-иловага мувофиқ;
«Маънавият фидойиси» кўкрак нишони ва унинг гувоҳномасининг тавсифлари 2 ва 3-иловаларга мувофиқ тасдиқлансин.
4. «Давлат белгиси» давлат-ишлаб чиқариш бирлашмаси Республика Маънавият ва маърифат марказининг буюртмасига мувофиқ «Маънавият фидойиси» кўкрак нишони ва унинг гувоҳномаси тайёрланишини белгиланган тартибда таъминласин.
5. «Маънавият фидойиси» кўкрак нишони ва унинг гувоҳномасини тайёрлаш ҳамда мукофотланганларни тақдирлаш билан боғлиқ харажатлар Республика Маънавият ва маърифат марказининг бюджет ва бюджетдан ташқари маблағлари, қонунчилик ҳужжатларида тақиқланмаган бошқа манбалар ҳисобига қопланиши инобатга олинсин.
6. Республика Маънавият ва маърифат маркази бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
7. Мазкур қарорнинг бажарилишини назорат қилиш Вазирлар Маҳкамасининг Ёшлар сиёсати, маданият, маънавият, оммавий ахборот воситалари, ижодий ва жамоат ташкилотлари масалалари котибиятига юклансин.
Вазирлар Маҳкамасининг 2019 йил 30 октябрдаги 897-сон қарорига 1-ИЛОВА
«Маънавият фидойиси» кўкрак нишони тўғрисида
1-боб. Умумий қоидалар
1. Ушбу Низом «Маънавият фидойиси» кўкрак нишони (кейинги ўринларда кўкрак нишони деб аталади) билан тақдирлаш тартибини белгилайди.
2. Кўкрак нишони билан республикада маънавий-маърифий ишларни амалга ошириш, юксак ижтимоий-маънавий муҳитни шакллантириш борасида фидокорона меҳнат қилган ва самарали натижаларга эришган фуқаролар тақдирланади.
Кўкрак нишони билан Ўзбекистон Республикаси фуқароси бўлмаган шахслар ҳам тақдирланиши мумкин.
3. Кўкрак нишони билан тақдирлаш тартиби ушбу Низомга илова қилинган схемага мувофиқ амалга оширилади.
2-боб. Кўкрак нишони билан тақдирлаш учун ҳужжатларни тақдим этиш ва кўриб чиқиш
4. Ҳудудий давлат органлари, ташкилотлар ва жамоат бирлашмалари ҳар йили 1 июнга қадар кўкрак нишони билан тақдирлаш бўйича таклифларни тегишлича Республика Маънавият ва маърифат марказининг Қорақалпоғистон Республикаси, вилоятлар ва Тошкент шаҳар бўлимларига (кейинги ўринларда марказнинг ҳудудий бўлимлари деб аталади) тақдим этади.
Республика давлат органлари, ташкилотлар ва жамоат бирлашмалари ҳар йили 1 июнга қадар кўкрак нишони билан тақдирлаш бўйича таклифларни Республика Маънавият ва маърифат марказига (кейинги ўринларда Марказ деб аталади) тақдим этади.
Номзод бўйича тақдим этилган таклифларга илова сифатида номзод ҳақида маълумотнома, сўнгги уч йил давомида у томонидан жамиятда маънавий-маърифий ишларни амалга ошириш, юксак ижтимоий-маънавий муҳитни шакллантириш борасида амалга оширилган ишлар тақдим этилади.
5. Марказнинг ҳудудий бўлимлари томонидан номзодлар бўйича тақдим этилган ҳужжатлар белгиланган тартибда ўрганиб чиқилади ва номзодлар юзасидан хулосалар ҳар йили 25 июнга қадар Марказга тақдим этилади.
Марказнинг ҳудудий бўлимлари раҳбарлари ушбу низомнинг 4-банди биринчи хатбошида белгиланган ҳолатларни истисно қилган ҳолда ўз ташаббусига кўра ҳам номзодлар тўғрисида ҳар йили 25 июнга қадар Марказга таклиф киритиши мумкин.
6. Кўкрак нишони билан тақдирлашга оид таклифларни кўриб чиқиш бўйича Республика Маънавият ва маърифат маркази раҳбари (кейинги ўринларда Марказ раҳбари деб аталади) томонидан комиссия (кейинги ўринларда Комиссия деб аталади) ташкил этилади.
Комиссия йиғилишида номзодлар бўйича ҳужжатлар ўрганилиб, ҳар йили 25 июлга қадар энг муносиб номзодлар бўйича якуний хулоса чиқарилади.
7. Комиссия томонидан номзодларни кўкрак нишони билан тақдирлашда қуйидагилар инобатга олинади:
номзоднинг аҳоли ўртасида маънавий-маърифий ишларни юксалтиришга бағишланган оммавий ахборот воситаларидаги чиқишлари сони;
маънавий-маърифий ишларни амалга ошириш, ижтимоий-маънавий муҳитни шакллантиришга қаратилган ижтимоий аҳамиятли видеороликларнинг тайёрланганлиги;
жамиятда маънавий-маърифий ишлар ҳамда ижтимоий-маънавий муҳитни шакллантиришни тарғиб қилиш бўйича турли инновацион самарали усулларнинг ишлаб чиқилганлиги.
8. Кўкрак нишони билан тақдирлаш, истисно тариқасида, Марказ раҳбарининг буйруғига асосан алоҳида ҳолатларда ҳам амалга оширилиши мумкин.
3-боб. Кўкрак нишони билан тақдирлаш
9. Марказ раҳбарининг кўкрак нишони билан тақдирлаш тўғрисидаги буйруғи ҳар йили 25 августга қадар Комиссия хулосаси асосида чиқарилади.
10. Кўкрак нишони ва унинг гувоҳномаси ҳар йили 1 сентябрь — Мустақиллик байрами арафасида Марказ раҳбари (ёки унинг топшириғига мувофиқ бошқа масъул шахслар) томонидан тантанали вазиятда топширилади.
11. Кўкрак нишони билан тақдирланганлар рўйхати Марказнинг интернет жаҳон ахборот тармоғидаги расмий веб-сайтида ва бошқа ахборот воситаларида эълон қилинади.
12. Кўкрак нишони билан тақдирланган шахсларга базавий ҳисоблаш миқдорининг уч баравари миқдорида бирйўла тўланадиган пул мукофоти берилади.
Бирйўла тўланадиган пул мукофоти Марказнинг бюджет ва бюджетдан ташқари маблағлари ҳамда қонунчилик ҳужжатларида тақиқланмаган бошқа манбалар ҳисобига амалга оширилади.
13. Бир шахс кўкрак нишони билан бир марта тақдирланади.
14. Кўкрак нишони давлат мукофотларидан кейин кўкракнинг чап томонига тақилади.
4-боб. Якунловчи қоидалар
15. Марказ ушбу Низомга мувофиқ кўкрак нишонига тавсия этилган номзодларнинг ҳужжатлари холис кўриб чиқилиши учун бевосита масъулдир.
16. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
«Маънавият фидойиси» кўкрак нишони тўғрисидаги низомга ИЛОВА
«Маънавият фидойиси» кўкрак нишони билан тақдирлаш
Босқичлар Масъуллар Чора-тадбирлар Муддатлар 1-босқич Ҳудудий давлат органлари, ташкилотлар ва жамоат бирлашмалари Кўкрак нишони билан тақдирлаш бўйича таклифларни тегишлича Республика Маънавият ва маърифат марказининг Қорақалпоғистон Республикаси, вилоятлар ва Тошкент шаҳар бўлимларига тақдим этиш. ҳар йили 1 июнга қадар Республика давлат органлари, ташкилотлар ва жамоат бирлашмалари Кўкрак нишони билан тақдирлаш бўйича номзодларни Республика Маънавият ва маърифат марказига тақдим этиш. 2-босқич Республика Маънавият ва маърифат марказининг Қорақалпоғистон Республикаси, вилоятлар ва Тошкент шаҳар бўлимлари Номзодлар бўйича тақдим этилган ҳужжатларни белгиланган тартибда ўрганиб чиқиш ва номзодлар юзасидан хулосаларни Республика Маънавият ва маърифат марказига тақдим этиш. ҳар йили 25 июнга қадар 3-босқич Республика Маънавият ва маърифат марказининг кўкрак нишони билан тақдирлашга оид таклифларни кўриб чиқиш бўйича комиссияси Кўкрак нишони билан тақдирлаш бўйича номзодлар ҳақидаги тегишли ҳужжатларни ўрганиб чиқиш ва якуний хулоса чиқариш. ҳар йили 25 июлга қадар 4-босқич Республика Маънавият ва маърифат маркази Кўкрак нишони билан тақдирлаш тўғрисида Республика Маънавият ва маърифат марказининг буйруғини чиқариш. ҳар йили 25 августга қадар 5-босқич Республика Маънавият ва маърифат маркази «Маънавият фидойиси» кўкрак нишони билан тақдирлаш. ҳар йили 1 сентябрь — Мустақиллик байрами арафасида
Вазирлар Маҳкамасининг 2019 йил 30 октябрдаги 897-сон қарорига 2-ИЛОВА
«Маънавият фидойиси» кўкрак нишонининг
«Маънавият фидойиси» кўкрак нишони (кейинги ўринларда кўкрак нишони деб аталади) диаметри 34 миллиметрли доира шаклида бўлиб, мис қотишмасидан тайёрланади.
Кўкрак нишонининг олд томони марказида очиқ ҳолатдаги китоб фонида — Қуёш, Ер шари, Ўзбекистон Республикаси байроғининг кўк, оқ ва яшил рангдаги тасмалари тасвирланган.
Кўкрак нишонининг айланаси бўйлаб зарҳал ҳошия билан ўралган тилла ранг доирада баландлиги 6 миллиметр бўлган «MAʼNAVIYAT FIDOYISI» сўзлари ёзилган.
Кўкрак нишонининг орқа томони марказида беш қаторда ҳарфларнинг баландлиги 2 миллиметр бўлган «MAʼNAVIYAT», «SOНASIGA», «QOʻSНGAN», «MUNOSIB НISSASI», «UCНUN» сўзлари жойлашган.
Кўкрак нишонининг қалинлиги — 2,2 миллиметр. Тасвирлар ва ёзувлар қавариқдир.
Кўкрак нишони олд ва орқа томонларининг четлари қавариқ доира билан ўралган.
Кўкрак нишони ҳалқа ва илмоқчалар ёрдамида тўғри тўртбурчак шаклидаги қадағичга уланган.
Қадағичнинг эни — 26 миллиметр, бўйи — 17 миллиметрдан иборат. Қадағич эни 22 миллиметрли шойи лента билан қопланган бўлиб, лентанинг марказидан эни 8 миллиметрли кўк йўл ўтган. Унинг ҳар икки тарафидан эни 2 миллиметрли иккита яшил йўл ва эни 3 миллиметр бўлган оқ рангдаги йўллар туширилган.
Қадағичнинг орқа томонига кўкрак нишонини кийимга тақиб қўйиш учун тўғноғич кўринишидаги мослама ўрнатилган.
Вазирлар Маҳкамасининг 2019 йил 30 октябрдаги 897-сон қарорига 3-ИЛОВА
«Маънавият фидойиси» кўкрак нишони гувоҳномасининг
«Маънавият фидойиси» кўкрак нишони гувоҳномаси (кейинги ўринларда гувоҳнома деб аталади) 160х110 миллиметр ўлчамдаги китобча шаклида бўлиб, 240 г/кв.м. қалинликдаги офсет қоғоздан тайёрланади.
Гувоҳноманинг ташқи томони (биринчи ва тўртинчи бетлари) кўк рангда бўлиб, плёнка билан қопланган.
Гувоҳноманинг биринчи бети эни 7,5 миллиметрли, ички бурчаклари айлана шаклида бўлган тўқ кўк рангли ҳошия билан ўралган.
Гувоҳноманинг юқори чеккасидан (биринчи бети) 35 миллиметр пастда, марказда оралиғи 3,5 миллиметрли икки сатрдан иборат матн жойлашган. Биринчи сатрда «MAʼNAVIYAT», иккинчи сатрда «FIDOYISI» (катта ҳарфларда, «Times new Roman Bolt» шрифти, 14 кегль), учинчи сатрда «koʻkrak nishoni» («Times new Roman Bolt» шрифти, 14 кегль) сўзлари ёзилган. Ундан 6 миллиметр пастда «GUVOНNOMASI» (катта ҳарфларда, «Times new Roman Bolt» шрифти, 17 кегль) сўзи ёзилган.
Ёзувлар тўқ кўк рангда акс эттирилган.
Гувоҳноманинг ички томони (иккинчи ва учинчи бетлари) «Тангир» тасвири туширилган оч ҳаво рангда бўлиб, офсет усулида чоп этилган.
Ички томонининг чап қисмида (иккинчи бети), марказда кўкрак нишонининг аслига тенг ўлчамдаги рангли тасвири акс эттирилган.
Гувоҳноманинг ички ўнг томони (учинчи бети) юқори чеккасидан 8 миллиметр пастда, марказда «GUVOНNOMA» (катта ҳарфларда, «Times new Roman Bolt» шрифти, 10 кегль) сўзи ҳамда гувоҳноманинг тартиб рақами учун «№» белгиси ва 15 миллиметрли чизиқ жойлашган.
«GUVOНNOMA» сўзидан 11 миллиметр пастда мукофотланган шахснинг фамилияси, исми ва отасининг исмини қайд этиш учун оралиғи 8 миллиметрли учта чизиқ тортилган.
Пастки чизиқдан 6 миллиметр қуйида, марказда оралиғи 2 миллиметрли икки сатрдан иборат матн жойлашган. Биринчи сатрда «Respublika Maʼnaviyat», иккинчи сатрда «va maʼrifat markazi» («Times new Roman Bolt» шрифти, 10 кегль) сўзлари ёзилган.
Ундан 5 миллиметр пастда оралиғи 4 миллиметр бўлган икки сатрдан иборат матн жойлашган. Биринчи сатрда «20__ y. «___» ___________dagi», иккинчи сатрда «____-sonli buyrugʻiga asosan» («Times new Roman Bolt» шрифти, 10 кегль) сўзлари ёзилган.
Ундан 5 миллиметр пастда, марказда оралиғи 5 миллиметрли уч сатрдан иборат матн жойлашган. Биринчи сатрда «MAʼNAVIYAT», иккинчи сатрда «FIDOYISI» (катта ҳарфларда, «Times new Roman Bolt» шрифти, 12 кегль), учинчи сатрда «koʻkrak nishoni bilan mukofotlandi» («Times new Roman Bolt» шрифти, 10 кегль) сўзлари ёзилган.
Сўнгги сўзлардан 9 миллиметр пастда, чап томонда «Markaz rahbari» («Times new Roman Bolt» шрифти, 10 кегль) сўзлари ёзилган.
Ўзбекистон Республикасининг Бош вазири А. АРИПОВ
Тошкент ш.,
2019 йил 30 октябрь,
897-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
TAVSIFI
TAVSIFI
“Maʼnaviyat fidoyisi” koʻkrak nishonini taʼsis etish toʻgʻrisida
Oʻzbekiston Respublikasi Prezidentining “Maʼnaviy-maʼrifiy ishlar samaradorligini oshirish boʻyicha qoʻshimcha chora-tadbirlar toʻgʻrisida” 2019-yil 3-maydagi PQ-4307-son qaroriga muvofiq “Maʼnaviyat fidoyisi” koʻkrak nishoni taʼsis etilganligi munosabati bilan respublikada maʼnaviy-maʼrifiy ishlarni amalga oshirish, yuksak ijtimoiy-maʼnaviy muhitni shakllantirish borasida fidokorona mehnat qilgan va samarali natijalarga erishgan fuqarolarni ragʻbatlantirish maqsadida Vazirlar Mahkamasi qaror qiladi:
1. Respublika Maʼnaviyat va maʼrifat markazi, Oʻzbekiston Yozuvchilar uyushmasi va Jurnalistlar ijodiy uyushmasining “Maʼnaviyat fidoyisi” koʻkrak nishonini Oʻzbekiston Respublikasi Mustaqilligi bayrami arafasida topshirish toʻgʻrisidagi taklifi maʼqullansin.
2. Belgilab qoʻyilsinki, “Maʼnaviyat fidoyisi” koʻkrak nishoni bilan mukofotlash Respublika Maʼnaviyat va maʼrifat markazining qarori asosida amalga oshiriladi.
3. Quyidagilar:
“Maʼnaviyat fidoyisi” koʻkrak nishoni toʻgʻrisida nizom 1-ilovaga muvofiq;
“Maʼnaviyat fidoyisi” koʻkrak nishoni va uning guvohnomasining tavsiflari 2 va 3-ilovalarga muvofiq tasdiqlansin.
4. “Davlat belgisi” davlat-ishlab chiqarish birlashmasi Respublika Maʼnaviyat va maʼrifat markazining buyurtmasiga muvofiq “Maʼnaviyat fidoyisi” koʻkrak nishoni va uning guvohnomasi tayyorlanishini belgilangan tartibda taʼminlasin.
5. “Maʼnaviyat fidoyisi” koʻkrak nishoni va uning guvohnomasini tayyorlash hamda mukofotlanganlarni taqdirlash bilan bogʻliq xarajatlar Respublika Maʼnaviyat va maʼrifat markazining budjet va budjetdan tashqari mablagʻlari, qonunchilik hujjatlarida taqiqlanmagan boshqa manbalar hisobiga qoplanishi inobatga olinsin.
6. Respublika Maʼnaviyat va maʼrifat markazi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
7. Mazkur qarorning bajarilishini nazorat qilish Vazirlar Mahkamasining Yoshlar siyosati, madaniyat, maʼnaviyat, ommaviy axborot vositalari, ijodiy va jamoat tashkilotlari masalalari kotibiyatiga yuklansin.
Vazirlar Mahkamasining 2019-yil 30-oktabrdagi 897-son qaroriga 1-ILOVA
“Maʼnaviyat fidoyisi” koʻkrak nishoni toʻgʻrisida
1-bob. Umumiy qoidalar
1. Ushbu Nizom “Maʼnaviyat fidoyisi” koʻkrak nishoni (keyingi oʻrinlarda koʻkrak nishoni deb ataladi) bilan taqdirlash tartibini belgilaydi.
2. Koʻkrak nishoni bilan respublikada maʼnaviy-maʼrifiy ishlarni amalga oshirish, yuksak ijtimoiy-maʼnaviy muhitni shakllantirish borasida fidokorona mehnat qilgan va samarali natijalarga erishgan fuqarolar taqdirlanadi.
Koʻkrak nishoni bilan Oʻzbekiston Respublikasi fuqarosi boʻlmagan shaxslar ham taqdirlanishi mumkin.
3. Koʻkrak nishoni bilan taqdirlash tartibi ushbu Nizomga ilova qilingan sxemaga muvofiq amalga oshiriladi.
2-bob. Koʻkrak nishoni bilan taqdirlash uchun hujjatlarni taqdim etish va koʻrib chiqish
4. Hududiy davlat organlari, tashkilotlar va jamoat birlashmalari har yili 1-iyunga qadar koʻkrak nishoni bilan taqdirlash boʻyicha takliflarni tegishlicha Respublika Maʼnaviyat va maʼrifat markazining Qoraqalpogʻiston Respublikasi, viloyatlar va Toshkent shahar boʻlimlariga (keyingi oʻrinlarda markazning hududiy boʻlimlari deb ataladi) taqdim etadi.
Respublika davlat organlari, tashkilotlar va jamoat birlashmalari har yili 1-iyunga qadar koʻkrak nishoni bilan taqdirlash boʻyicha takliflarni Respublika Maʼnaviyat va maʼrifat markaziga (keyingi oʻrinlarda Markaz deb ataladi) taqdim etadi.
Nomzod boʻyicha taqdim etilgan takliflarga ilova sifatida nomzod haqida maʼlumotnoma, soʻnggi uch yil davomida u tomonidan jamiyatda maʼnaviy-maʼrifiy ishlarni amalga oshirish, yuksak ijtimoiy-maʼnaviy muhitni shakllantirish borasida amalga oshirilgan ishlar taqdim etiladi.
5. Markazning hududiy boʻlimlari tomonidan nomzodlar boʻyicha taqdim etilgan hujjatlar belgilangan tartibda oʻrganib chiqiladi va nomzodlar yuzasidan xulosalar har yili 25-iyunga qadar Markazga taqdim etiladi.
Markazning hududiy boʻlimlari rahbarlari ushbu nizomning 4-bandi birinchi xatboshida belgilangan holatlarni istisno qilgan holda oʻz tashabbusiga koʻra ham nomzodlar toʻgʻrisida har yili 25-iyunga qadar Markazga taklif kiritishi mumkin.
6. Koʻkrak nishoni bilan taqdirlashga oid takliflarni koʻrib chiqish boʻyicha Respublika Maʼnaviyat va maʼrifat markazi rahbari (keyingi oʻrinlarda Markaz rahbari deb ataladi) tomonidan komissiya (keyingi oʻrinlarda Komissiya deb ataladi) tashkil etiladi.
Komissiya yigʻilishida nomzodlar boʻyicha hujjatlar oʻrganilib, har yili 25-iyulga qadar eng munosib nomzodlar boʻyicha yakuniy xulosa chiqariladi.
7. Komissiya tomonidan nomzodlarni koʻkrak nishoni bilan taqdirlashda quyidagilar inobatga olinadi:
nomzodning aholi oʻrtasida maʼnaviy-maʼrifiy ishlarni yuksaltirishga bagʻishlangan ommaviy axborot vositalaridagi chiqishlari soni;
maʼnaviy-maʼrifiy ishlarni amalga oshirish, ijtimoiy-maʼnaviy muhitni shakllantirishga qaratilgan ijtimoiy ahamiyatli videoroliklarning tayyorlanganligi;
jamiyatda maʼnaviy-maʼrifiy ishlar hamda ijtimoiy-maʼnaviy muhitni shakllantirishni targʻib qilish boʻyicha turli innovatsion samarali usullarning ishlab chiqilganligi.
8. Koʻkrak nishoni bilan taqdirlash, istisno tariqasida, Markaz rahbarining buyrugʻiga asosan alohida holatlarda ham amalga oshirilishi mumkin.
3-bob. Koʻkrak nishoni bilan taqdirlash
9. Markaz rahbarining koʻkrak nishoni bilan taqdirlash toʻgʻrisidagi buyrugʻi har yili 25-avgustga qadar Komissiya xulosasi asosida chiqariladi.
10. Koʻkrak nishoni va uning guvohnomasi har yili 1-sentabr — Mustaqillik bayrami arafasida Markaz rahbari (yoki uning topshirigʻiga muvofiq boshqa masʼul shaxslar) tomonidan tantanali vaziyatda topshiriladi.
11. Koʻkrak nishoni bilan taqdirlanganlar roʻyxati Markazning internet jahon axborot tarmogʻidagi rasmiy veb-saytida va boshqa axborot vositalarida eʼlon qilinadi.
12. Koʻkrak nishoni bilan taqdirlangan shaxslarga bazaviy hisoblash miqdorining uch baravari miqdorida biryoʻla toʻlanadigan pul mukofoti beriladi.
Biryoʻla toʻlanadigan pul mukofoti Markazning budjet va budjetdan tashqari mablagʻlari hamda qonunchilik hujjatlarida taqiqlanmagan boshqa manbalar hisobiga amalga oshiriladi.
13. Bir shaxs koʻkrak nishoni bilan bir marta taqdirlanadi.
14. Koʻkrak nishoni davlat mukofotlaridan keyin koʻkrakning chap tomoniga taqiladi.
4-bob. Yakunlovchi qoidalar
15. Markaz ushbu Nizomga muvofiq koʻkrak nishoniga tavsiya etilgan nomzodlarning hujjatlari xolis koʻrib chiqilishi uchun bevosita masʼuldir.
16. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
“Maʼnaviyat fidoyisi” koʻkrak nishoni toʻgʻrisidagi nizomga ILOVA
“Maʼnaviyat fidoyisi” koʻkrak nishoni bilan taqdirlash
Bosqichlar Masʼullar Chora-tadbirlar Muddatlar 1-bosqich Hududiy davlat organlari, tashkilotlar va jamoat birlashmalari Koʻkrak nishoni bilan taqdirlash boʻyicha takliflarni tegishlicha Respublika Maʼnaviyat va maʼrifat markazining Qoraqalpogʻiston Respublikasi, viloyatlar va Toshkent shahar boʻlimlariga taqdim etish. har yili 1-iyunga qadar Respublika davlat organlari, tashkilotlar va jamoat birlashmalari Koʻkrak nishoni bilan taqdirlash boʻyicha nomzodlarni Respublika Maʼnaviyat va maʼrifat markaziga taqdim etish. 2-bosqich Respublika Maʼnaviyat va maʼrifat markazining Qoraqalpogʻiston Respublikasi, viloyatlar va Toshkent shahar boʻlimlari Nomzodlar boʻyicha taqdim etilgan hujjatlarni belgilangan tartibda oʻrganib chiqish va nomzodlar yuzasidan xulosalarni Respublika Maʼnaviyat va maʼrifat markaziga taqdim etish. har yili 25-iyunga qadar 3-bosqich Respublika Maʼnaviyat va maʼrifat markazining koʻkrak nishoni bilan taqdirlashga oid takliflarni koʻrib chiqish boʻyicha komissiyasi Koʻkrak nishoni bilan taqdirlash boʻyicha nomzodlar haqidagi tegishli hujjatlarni oʻrganib chiqish va yakuniy xulosa chiqarish. har yili 25-iyulga qadar 4-bosqich Respublika Maʼnaviyat va maʼrifat markazi Koʻkrak nishoni bilan taqdirlash toʻgʻrisida Respublika Maʼnaviyat va maʼrifat markazining buyrugʻini chiqarish. har yili 25-avgustga qadar 5-bosqich Respublika Maʼnaviyat va maʼrifat markazi “Maʼnaviyat fidoyisi” koʻkrak nishoni bilan taqdirlash. har yili 1-sentabr — Mustaqillik bayrami arafasida
Vazirlar Mahkamasining 2019-yil 30-oktabrdagi 897-son qaroriga 2-ILOVA
“Maʼnaviyat fidoyisi” koʻkrak nishonining
“Maʼnaviyat fidoyisi” koʻkrak nishoni (keyingi oʻrinlarda koʻkrak nishoni deb ataladi) diametri 34 millimetrli doira shaklida boʻlib, mis qotishmasidan tayyorlanadi.
Koʻkrak nishonining old tomoni markazida ochiq holatdagi kitob fonida — Quyosh, Yer shari, Oʻzbekiston Respublikasi bayrogʻining koʻk, oq va yashil rangdagi tasmalari tasvirlangan.
Koʻkrak nishonining aylanasi boʻylab zarhal hoshiya bilan oʻralgan tilla rang doirada balandligi 6 millimetr boʻlgan “MAʼNAVIYAT FIDOYISI” soʻzlari yozilgan.
Koʻkrak nishonining orqa tomoni markazida besh qatorda harflarning balandligi 2 millimetr boʻlgan “MAʼNAVIYAT”, “SONASIGA”, “QOʻSNGAN”, “MUNOSIB NISSASI”, “UCNUN” soʻzlari joylashgan.
Koʻkrak nishonining qalinligi — 2,2 millimetr. Tasvirlar va yozuvlar qavariqdir.
Koʻkrak nishoni old va orqa tomonlarining chetlari qavariq doira bilan oʻralgan.
Koʻkrak nishoni halqa va ilmoqchalar yordamida toʻgʻri toʻrtburchak shaklidagi qadagʻichga ulangan.
Qadagʻichning eni — 26 millimetr, boʻyi — 17 millimetrdan iborat. Qadagʻich eni 22 millimetrli shoyi lenta bilan qoplangan boʻlib, lentaning markazidan eni 8 millimetrli koʻk yoʻl oʻtgan. Uning har ikki tarafidan eni 2 millimetrli ikkita yashil yoʻl va eni 3 millimetr boʻlgan oq rangdagi yoʻllar tushirilgan.
Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
Vazirlar Mahkamasining 2019-yil 30-oktabrdagi 897-son qaroriga 3-ILOVA
“Maʼnaviyat fidoyisi” koʻkrak nishoni guvohnomasining
“Maʼnaviyat fidoyisi” koʻkrak nishoni guvohnomasi (keyingi oʻrinlarda guvohnoma deb ataladi) 160x110 millimetr oʻlchamdagi kitobcha shaklida boʻlib, 240 g/kv.m. qalinlikdagi ofset qogʻozdan tayyorlanadi.
Guvohnomaning tashqi tomoni (birinchi va toʻrtinchi betlari) koʻk rangda boʻlib, plyonka bilan qoplangan.
Guvohnomaning birinchi beti eni 7,5 millimetrli, ichki burchaklari aylana shaklida boʻlgan toʻq koʻk rangli hoshiya bilan oʻralgan.
Guvohnomaning yuqori chekkasidan (birinchi beti) 35 millimetr pastda, markazda oraligʻi 3,5 millimetrli ikki satrdan iborat matn joylashgan. Birinchi satrda “MAʼNAVIYAT”, ikkinchi satrda “FIDOYISI” (katta harflarda, “Times new Roman Bolt” shrifti, 14 kegl), uchinchi satrda “koʻkrak nishoni” (“Times new Roman Bolt” shrifti, 14 kegl) soʻzlari yozilgan. Undan 6 millimetr pastda “GUVONNOMASI” (katta harflarda, “Times new Roman Bolt” shrifti, 17 kegl) soʻzi yozilgan.
Yozuvlar toʻq koʻk rangda aks ettirilgan.
Guvohnomaning ichki tomoni (ikkinchi va uchinchi betlari) “Tangir” tasviri tushirilgan och havo rangda boʻlib, ofset usulida chop etilgan.
Ichki tomonining chap qismida (ikkinchi beti), markazda koʻkrak nishonining asliga teng oʻlchamdagi rangli tasviri aks ettirilgan.
Guvohnomaning ichki oʻng tomoni (uchinchi beti) yuqori chekkasidan 8 millimetr pastda, markazda “GUVONNOMA” (katta harflarda, “Times new Roman Bolt” shrifti, 10 kegl) soʻzi hamda guvohnomaning tartib raqami uchun “№” belgisi va 15 millimetrli chiziq joylashgan.
“GUVONNOMA” soʻzidan 11 millimetr pastda mukofotlangan shaxsning familiyasi, ismi va otasining ismini qayd etish uchun oraligʻi 8 millimetrli uchta chiziq tortilgan.
Pastki chiziqdan 6 millimetr quyida, markazda oraligʻi 2 millimetrli ikki satrdan iborat matn joylashgan. Birinchi satrda “Respublika Maʼnaviyat”, ikkinchi satrda “va maʼrifat markazi” (“Times new Roman Bolt” shrifti, 10 kegl) soʻzlari yozilgan.
Undan 5 millimetr pastda oraligʻi 4 millimetr boʻlgan ikki satrdan iborat matn joylashgan. Birinchi satrda “20__ y. “___” ___________dagi”, ikkinchi satrda “____-sonli buyrugʻiga asosan” (“Times new Roman Bolt” shrifti, 10 kegl) soʻzlari yozilgan.
Undan 5 millimetr pastda, markazda oraligʻi 5 millimetrli uch satrdan iborat matn joylashgan. Birinchi satrda “MAʼNAVIYAT”, ikkinchi satrda “FIDOYISI” (katta harflarda, “Times new Roman Bolt” shrifti, 12 kegl), uchinchi satrda “koʻkrak nishoni bilan mukofotlandi” (“Times new Roman Bolt” shrifti, 10 kegl) soʻzlari yozilgan.
Soʻnggi soʻzlardan 9 millimetr pastda, chap tomonda “Markaz rahbari” (“Times new Roman Bolt” shrifti, 10 kegl) soʻzlari yozilgan.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 30-oktabr,
897-son