📅 2019-yil 14-oktabr · Vazirlik va idoralar hujjatlari · Vazirlar Mahkamasi huzuridagi Oʻsimliklar karantini davlat inspeksiyasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 14 октябрь · Вазирлик ва идоралар ҳужжатлари · Вазирлар Маҳкамаси ҳузуридаги Ўсимликлар карантини давлат инспекцияси
Расмий матн. Расмий ҳужжат. Таҳририй изоҳлар киритилмаган.
📅 14 октября 2019 г. · Документы министерств и ведомств · Государственной инспекции по карантину растений при Кабинете Министров
Официальный текст. Официальный документ. Редакционные примечания не включены.
📅 14 October 2019 · Ministry and agency documents · Vazirlar Mahkamasi huzuridagi Oʻsimliklar karantini davlat inspeksiyasi
Official text. Official document. Editorial notes are not included.
Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекциясининг
буйруғи
НИЗОМ
Карантин остидаги маҳсулотни олиб қўйиш, қайтариб юбориш ва йўқ қилиш тартиби тўғрисидаги низомни тасдиқлаш ҳақида
Ўзбекистон Республикаси «Ўсимликлар карантини тўғрисида»ги Қонуни ҳамда Ўзбекистон Республикаси Вазирлар Маҳкамасининг 2019 йил 4 апрелдаги 278-сон «2019 йил агентликлар, қўмиталар, марказлар, давлат инспекциялари ва давлат бошқаруви бошқа органларининг фаолияти самарадорлигини ва мақсадли вазифаларга эришишларини баҳолашнинг асосий мезонлари тўғрисида»ги қарорига мувофиқ буюраман:
1. Карантин остидаги маҳсулотни олиб қўйиш, қайтариб юбориш ва йўқ қилиш тартиби тўғрисидаги низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан уч ой ўтгач кучга киради.
Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси бошлиғининг 2019 йил 14 октябрдаги 8-сон буйруғига ИЛОВА
Карантин остидаги маҳсулотни олиб қўйиш, қайтариб юбориш ва йўқ қилиш тартиби тўғрисидаги
Мазкур Низом Ўзбекистон Республикасининг «Ўсимликлар карантини тўғрисида»ги Қонуни , Ўзбекистон Республикаси Президентининг 2019 йил 29 июлдаги ПҚ-4406-сон «Қишлоқ хўжалиги маҳсулотларини чуқур қайта ишлаш ва озиқ-овқат саноатини янада ривожлантириш бўйича қўшимча чора-тадбирлар тўғрисида»ги қарори ва Вазирлар Маҳкамасининг 2018 йил 29 январдаги 65-сон «Ўзбекистон Республикаси ҳудудини ўсимликлар карантинидаги зарарли организмлардан ҳимоя қилиш ва Ўсимликлар карантини соҳасида рухсат бериш тартиб-таомилларидан ўтиш тартиби тўғрисидаги низомларни тасдиқлаш ҳақида»ги қарорига мувофиқ карантин остидаги маҳсулотларнинг тегишли ҳужжатлари мавжуд бўлмаган, ўсимликлар карантини объектлари билан зарарланган карантин остидаги маҳсулотни олиб қўйиш, қайтариб юбориш ва йўқ қилиш тартибини белгилайди.
1-боб. Умумий қоидалар
1. Мазкур Низомда қуйидаги асосий тушунчалардан фойдаланилади:
ўсимликлар карантини объекти (карантин аҳамиятига эга бўлган зарарли организм) — Ўзбекистон Республикаси ҳудудида мавжуд бўлмаган ёки чекланган тарзда мавжуд бўлган, тарқалиши катта иқтисодий зарар келтириши мумкин бўлган ва карантин аҳамиятига эга бўлган зарарли организмларга қарши курашиш объекти ҳисобланган зарарли организм;
карантин остидаги маҳсулот — ўсимликлар карантини объектларини ташувчилар бўлиши мумкин бўлган ўсимликлар, уларнинг қисмлари, экиш материаллари, қайта ишлаш маҳсулоти, бошқа маҳсулот ва юклар.
2. Ушбу Низом талаблари карантин остидаги маҳсулотни олиб кириш, олиб чиқиш, транзит тарзида олиб ўтиш, ишлаб чиқариш, тайёрлаш, сақлаш, ташиш, қайта ишлаш ва сотиш ишлари билан шуғулланувчи юридик ва жисмоний шахслар томонидан бажарилиши мажбурийдир.
2-боб. Карантин остидаги маҳсулотни олиб қўйиш
3. Қуйидаги ҳолларда карантин остидаги маҳсулотлар олиб қўйилади:
ўсимликлар карантини объектлари аниқланганда;
Ўзбекистон Республикаси ҳудудига олиб кирилиши тақиқланган экиш материаллари ва маҳсулотлар аниқланганда;
карантин остидаги маҳсулотнинг тегишли ҳужжатлари (карантин рухсатномаси талаб этиладиган ўсимликлар ва маҳсулотлар учун карантин рухсатномаси, хорижий мамлакатнинг ваколатли давлат органлари томонидан бериладиган фитосанитар сертификати ёки гувоҳномаси) мавжуд бўлмаганда.
4. Карантин остидаги маҳсулотни олиб қўйиш вақтида ўсимликлар карантини давлат инспектори томонидан мазкур Низомнинг 1-иловасига мувофиқ шаклда карантин остидаги маҳсулотни олиб қўйиш тўғрисида икки нусхада далолатнома (кейинги ўринларда олиб қўйиш далолатномаси деб аталади) тузилади.
Олиб қўйиш далолатномасининг бир нусхаси карантин остидаги маҳсулотнинг эгасига (унинг вакили ёки юкни қабул қилиб олувчи, ташувчига) берилади, иккинчи нусхаси ўсимликлар карантини давлат инспекторида қолади.
5. Олиб қўйиш далолатномаси тузилаётган вақтнинг ўзида маҳсулотга нисбатан қўлланиладиган тадбирлар амалга оширилгунга қадар, ўсимликлар карантини давлат инспектори томонидан уни сақлаб туришга доир чоралар кўрилади.
6. Олиб қўйиш далолатномаси тузилган вақтдан бошлаб 24 соат ичида Ўзбекистон Республикаси Ўсимликлар карантини бош давлат инспекторига ёзма равишда хабар берилади.
7. Ўсимликлар карантини давлат инспектори томонидан олиб қўйилган карантин остидаги маҳсулотдан намуналар олинади ва улар лаборатория экспертизасидан ўтказиш учун тегишли лабораторияга юборилади.
8. Карантин остидаги маҳсулотни тегишли ҳужжатлари мавжуд бўлмаган ҳолларда, ўсимликлар карантини давлат инспектори томонидан тузилаётган олиб қўйиш далолатномасида карантин остидаги маҳсулотнинг эгасига икки кун муддат ичида тегишли ҳужжатларни тақдим этиши кўрсатиб ўтилади.
9. Олиб қўйилган карантин остидаги маҳсулотни тегишли ҳужжатлар тақдим қилинганда ва/ёки лаборатория экспертизаси хулосасига кўра маҳсулотда ўсимликлар карантини объектлари мавжуд бўлмаган тақдирда ўсимликлар карантини давлат инспекторининг кўрсатмасига асосан юк эгасига (унинг вакили ёки юкни қабул қилиб олувчи, ташувчига) зудлик билан қайтариб берилади.
3-боб. Карантин остидаги маҳсулотни қайтариб юбориш
10. Лаборатория экспертизаси хулосасига кўра олиб қўйилган карантин остидаги маҳсулотда карантин объектлари аниқланса, ўсимликлар карантини давлат инспекторининг ёзма кўрсатмасига асосан фитосанитар ишлов берилади ва/ёки юк жўнатувчи давлатга қайтариб юборилади.
11. Қуйидаги ҳолларда карантин остидаги маҳсулот юк эгасига (унинг вакили ёки юкни қабул қилиб олувчи, ташувчига) қайтариб юборилади:
карантин остидаги маҳсулот ўсимликлар карантини объектлари аниқланганда;
Ўзбекистон Республикаси ҳудудига олиб кирилиши тақиқланган экиш материаллари ва маҳсулотлари аниқланганда;
карантин остидаги маҳсулотнинг тегишли ҳужжатлари (карантин рухсатномаси талаб этиладиган ўсимликлар ва маҳсулотлар учун карантин рухсатномаси, хорижий мамлакатнинг ваколатли давлат органлари томонидан бериладиган фитосанитар сертификати ёки гувоҳномаси) мавжуд бўлмаганда.
12. Карантин остидаги маҳсулотни қайтариб юбориш учун ўсимликлар карантини давлат инспектори томонидан мазкур Низомнинг 2-иловасига мувофиқ шаклда қайтариб юбориш тўғрисида икки нусхада далолатнома тузилади.
Қайтариб юбориш тўғрисидаги далолатноманинг бир нусхаси карантин остидаги маҳсулотнинг эгасига (унинг вакили ёки юкни қабул қилиб олувчи, ташувчига) берилади, иккинчиси нусха эса ўсимликлар карантини давлат инспекторида қолади.
4-боб. Карантин остидаги маҳсулотни йўқ қилиш
13. Карантин ва бошқа хавфли зараркунандалар, ўсимлик касалликлари ва бегона ўтлар билан зарарланган карантин остидаги маҳсулотларни зарарсизлантириш ва юк жўнатувчига қайтариб юборишнинг имконияти мавжуд бўлмаса улар йўқ қилиниши (махсус жойда ёқиб юбориш ёки чуқур қазиб кўмиб ташлаш йўли билан) лозим.
14. Ўсимликлар карантини объектлари мавжуд бўлган карантин остидаги маҳсулотни йўқ қилиш Ўзбекистон Республикасининг « Аҳолининг санитария-эпидемиологик осойишталиги тўғрисида »ги, « Экологик назорат тўғрисида »ги ҳамда « Чиқиндилар тўғрисида »ги қонунларига ва бошқа қонунчилик ҳужжатлари талабларига мувофиқ амалга оширилади.
15. Карантин остидаги маҳсулотни йўқ қилиш учун Қорақалпоғистон Республикаси Ўсимликлар карантини ва ҳимояси агентлиги, вилоятлар ва Тошкент шаҳар ўсимликлар карантини ва ҳимояси бошқармалари (кейинги ўринларда ҳудудий бошқармалар деб юритилади) бошлиқлари томонидан Ўзбекистон Республикаси Экология ва иқлим ўзгариши миллий қўмитаси ҳудудий органларининг ва Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси ҳудудий бўлинмаларининг вакилларини жалб қилган ҳолда, таркибида камида 5 кишидан иборат комиссия тузилади (кейинги ўринларда — Комиссия деб юритилади).
16. Карантин остидаги маҳсулот экспертиза текширувидан ўтказилган тақдирда, экспертиза хулосаси тегишли ҳудудий бошқармага келиб тушган ёки олиб қўйиш далолатномаси тузилган кундан эътиборан бир кун ичида ўсимликлар карантини давлат инспектори томонидан далолатнома ва экспертиза хулосаси (агарда мавжуд бўлса) илова қилинган ҳолда Комиссияга юборилади.
17. Олиб қўйиш далолатномасига ва/ёки экспертиза хулосасига (агарда мавжуд бўлса) асосан Комиссия томонидан мазкур Низомнинг 3-иловасига мувофиқ шаклда, карантин остидаги маҳсулотнинг атроф-муҳит учун зарарли эканлигини ҳисобга олган ҳолда йўқ қилиш санаси, усули ва жойини аниқлаш тўғрисида қарор қабул қилинади.
18. Ўсимликлар карантини объектлари тарқалиши ва карантин остидаги маҳсулот ўғирланиши ҳолатларининг олдини олиш мақсадида, улар ўсимликлар карантини давлат инспекторининг кўрсатмаларига биноан махсус жойларда пломба босилган ҳолда сақланади.
19. Карантин остидаги маҳсулотни йўқ қилиш маҳсулот эгаси (унинг вакили ёки юкни қабул қилиб олувчи, ташувчи) иштирокида Комиссия томонидан қарор қабул қилинган санадан бошлаб беш иш кунидан кечиктирмасдан амалга оширилади.
20. Ҳудудий бошқарма Комиссия томонидан йўқ қилиш тўғрисида қарор қабул қилинган санадан бошлаб бир иш куни ичида маҳсулот эгасига (қабул қилиб олувчи) карантин остидаги маҳсулотни йўқ қилиш санаси, усули ва жойи ҳақида хабар беради.
21. Карантин остидаги маҳсулот йўқ қилиш жараёнидан сўнг, Комиссия томонидан мазкур Низомнинг 4-иловасига мувофиқ шаклда йўқ қилиш тўғрисида тўрт нусхада далолатнома (кейинги ўринларда йўқ қилиш далолатномаси деб аталади) тузилади.
Далолатнома Комиссия аъзолари ҳамда карантин остидаги маҳсулотларнинг эгаси (унинг вакили ёки юкни қабул қилиб олувчи, ташувчи) томонидан имзоланади ва ҳудудий бошқарма муҳри билан тасдиқланади.
Агар карантин остидаги маҳсулот йўқ қилиш жойига маҳсулот эгаси (унинг вакили ёки юкни қабул қилиб олувчи, ташувчи) белгиланган вақтда келмаса, йўқ қилиш жараёни давом эттирилади ва бу ҳақда йўқ қилиш далолатномасига қайд этилади.
22. Йўқ қилиш жараёни фотосурат ёки видео ёзувга олинади.
23. Карантин остидаги маҳсулотни йўқ қилишда унинг истеъмол хусусиятлари тўлиқ йўқ қилиниши шарт.
24. Комиссиянинг қарорлари ва фотосурат (видео ёзувлар) нусхалари йўқ қилиш далолатномаси нусхаларига илова қилинган ҳолда маҳсулот эгасига (унинг вакили ёки юкни қабул қилиб олувчи, ташувчига) ҳамда Ўзбекистон Республикаси Экология ва иқлим ўзгариши миллий қўмитасининг ҳудудий органларига ва Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг ҳудудий бўлинмаларига юборилади.
25. Зарарланган ўсимликлар карантини назоратидаги маҳсулотларни фумигация, дегазация, рефрежерация қилиш ёки бошқа усулларда зарарсизлантириш (тозалаш, қайтариб юбориш ёки бошқа манзилга жўнатиш, йўқ қилиб ташлаш), юкларни, багажларни, почта жўнатмаларини очиш ёки қадоқлаш, уларни зарарсизлантириш жойларига олиб бориш ва у ердан қайтариб олиб келиш билан боғлиқ харажатлар юкни олувчилар ёки карантин остидаги маҳсулотни жўнатувчилар ҳисобидан амалга оширилади.
5-боб. Якуний қоидалар
26. Агар маҳсулот эгаси экспертиза хулосаси ёки Комиссиянинг қароридан норози бўлган тақдирда, юқори турувчи органларга ёки судга мурожаат қилиш ҳуқуқига эга.
27. Мазкур Низом талаблари бузилишида айбдор шахслар қонунчилик ҳужжатларида белгиланган тартибда жавоб берадилар.
28. Ушбу Низом Соғлиқни сақлаш вазирлиги, Давлат божхона қўмитаси, Экология ва атроф-муҳитни муҳофаза қилиш давлат қўмитаси, Ўзбекистон Республикаси Савдо-саноат палатаси, Ўзбекистон фермер, деҳқон хўжаликлари ва томорқа ер эгалари Кенгаши, Вазирлар Маҳкамаси ҳузуридаги Санитария-эпидемиология назорати давлат инспекцияси билан келишилган.
Карантин остидаги маҳсулотни олиб қўйиш, қайтариб юбориш ва йўқ қилиш тартиби тўғрисидаги низомга 1-ИЛОВА
Карантин остидаги маҳсулотни олиб қўйиш тўғрисида ______ сон ДАЛОЛАТНОМА «_____»_________20____ й. ________________________(расмийлаштириш жойи) ______________________________________________________________________ (тегишли ўсимликлар карантини ва ҳимояси агентлиги) ўсимликлар карантини давлат инспектори _____________________________________________________ (Ф.И.О.) Томонидан ________________________________________________ карантин остидаги маҳсулот олиб қўйилди. (номи ва миқдори) - импорт юкида - товарда - почта жўнатмасида - қўл юки, багажда - бошқа ____________________________________________________________________________ Жўнатувчи/Юк жўнатувчи: ________________________________________________________________ (Ф.И.О./номи, манзили) Қабул қилувчи/Юкни қабул қилувчи: ________________________________________________________ (Ф.И.О./номи, манзили) Транспорт тури: __________________________ транспорт воситасининг давлат рақами: ______________ Фитосанитар сертификати ёки гувоҳномаси ___________________________________________________ (рақам, берилган санаси) ____________________________________________________________________ томонидан берилган. (ташкилот, идора ва бошқа муассаса номи) Карантин остидаги маҳсулот қуйидаги ҳолларда олиб қўйилади: - зарарланганда; - олиб кириш тақиқланганда; - рухсат этувчи ҳужжатлар тақдим этилмаганда: ______________________________________________ Карантин остидаги маҳсулотга қуйидаги чоралар қўлланилади: - йўқ қилиш; - қайтариб юбориш; - лаборатория экспертизасига юбориш. Ўсимликлар карантини давлат инспекори _________________________(имзо) _____________________ (Ф.И.О.) Карантин остидаги маҳсулот эгаси (вакили) _________________________(имзо) _____________________ (Ф.И.О.)
Карантин остидаги маҳсулотни олиб қўйиш, қайтариб юбориш ва йўқ қилиш тартиби тўғрисидаги низомга 2-ИЛОВА
Карантин остидаги маҳсулотни қайтариб юбориш тўғрисида _____ сон ДАЛОЛАТНОМА «_____»__________20____ й. ________________________ (расмийлаштириш жойи) _____________________________________________________________________ (тегишли ўсимликлар карантини ва ҳимояси агентлиги) Ўсимликлар карантини давлат инспектори ____________________________________________________ (Ф.И.О.) Фитосанитар сертификати ёки гувоҳномаси ___________________________________________________ (рақам, берилган сана) ____________________________________________________________________________томонидан (ташкилот, идора ва бошқа муассаса номи) берилган, _______________________________________________________________дан олиб кирилган (юборувчининг манзили, товар-транспорт юкхатининг рақами, транспорт воситасининг давлат рақами) ______________________________________________________________________ манзилга борувчи (қабул қилувчи, юк қабул қилувчининг номи) _______________________________________________________________карантин остидаги маҳсулот (номи ва миқдори) Ўзбекистон Республикасининг Ўсимлилкар карантини тўғрисидаги қонунчилигига мувофиқ қуйидаги сабабларга кўра юк жўнатувчига қайтарилади: - ўсимликлар карантини объектлари билан зарарланганда _______________________________________ (лаборатория экспертиза гувоҳномасининг санаси ва рақами) - олиб кириш тақиқланганда______________________________________________________________ - рухсат этувчи ҳужжатлар тақдим этилмаганда: ______________________________________________ Ўсимликлар карантини давлат инспекори ________________________ (имзо) _____________________ (Ф.И.О.) Карантин остидаги маҳсулот эгаси (вакили) ________________________ (имзо) _____________________ (Ф.И.О.)
Карантин остидаги маҳсулотни олиб қўйиш, қайтариб юбориш ва йўқ қилиш тартиби тўғрисидаги низомга 3-ИЛОВА
Карантин остидаги маҳсулотни йўқ қилиш комиссиясининг ҚАРОРИ «_____»__________20____ й. ____________________ Кун тартибидаги масала: йўқ қилиш усулини аниқлаш ___________________________________________ Иштирок этдилар:_______________________________________________________________________ (Ф.И.О.) Кун тартибидаги масалани мухокама қилиш: 1. Карантин остидаги маҳсулотнинг эгаси ҳақида маълумот. 2. Лаборатория экспертизасининг хулосаси. 3. Таклифлар. Йўқ қилиш усули________________________________________________________________________ Йўқ қилиш санаси ва жойи_________________________________________________________________ Қарор қилинди:_________________________________________________________________________ (йўқ қилиш санаси, жойи ва усули) ______________________________________________________________________ ________________________________ (Ф.И.О. иш жойи, лавозими) _______________________ (имзо) ________________________________ (Ф.И.О. иш жойи, лавозими) _______________________ (имзо) ________________________________ (Ф.И.О. иш жойи, лавозими) _______________________ (имзо) ________________________________ (Ф.И.О. иш жойи, лавозими) _______________________ (имзо) ________________________________ (Ф.И.О. иш жойи, лавозими) _______________________ (имзо)
Карантин остидаги маҳсулотни олиб қўйиш, қайтариб юбориш ва йўқ қилиш тартиби тўғрисидаги низомга 4-ИЛОВА
ДАЛОЛАТНОМА Карантин остидаги маҳсулотни йўқ қилиш тўғрисида ________ cон Мазкур далолатнома «____» _____________20_____ йилда қуйидаги шахсларнинг иштирокида ___________________________________________________________________________ (карантин остидаги маҳсулот номи ва миқдори) карантин остидаги маҳсулот йўқ қилинди. Йўқ қилиш усули________________________________________________________________________ Йўқ қилиш санаси ва жойи________________________________________________________________ Йўқ қилишда иштирок этдилар: ______________________________ (Ф.И.О. иш жойи, лавозими) ______________________ (имзо) ______________________________ (Ф.И.О. иш жойи, лавозими) ______________________ (имзо) ______________________________ (Ф.И.О. иш жойи, лавозими) ______________________ (имзо) ______________________________ (Ф.И.О. иш жойи, лавозими) ______________________ (имзо) ______________________________ (Ф.И.О. иш жойи, лавозими) ______________________ (имзо) ___________________________(маҳсулотнинг эгаси Ф.И.О.) ______________________ (имзо) * ____________________________________________________________________
Бошлиқ И. ЭРГАШЕВ
Соғлиқни сақлаш вазири А. ШАДМАНОВ
Давлат божхона қўмитаси раиси М. АЗИМОВ
Экология ва атроф-муҳитни муҳофаза қилиш давлат қўмитаси раиси Б. ҚЎЧҚОРОВ
Савдо-саноат палатаси раиси А. ИКРАМОВ
Ўзбекистон фермер, деҳқон хўжаликлари ва томорқа ер эгалари Кенгаши раиси А. ХАИТОВ
Вазирлар Маҳкамаси ҳузуридаги Санитария-эпидемиология назорати давлат инспекцияси Н. АТАБЕКОВ
Тошкент ш.,
2019 йил 14 октябрь,
2019 йил 12 октябрь
2019 йил 12 октябрь
2019 йил 12 октябрь
2019 йил 12 октябрь
2019 йил 12 октябрь
2019 йил 12 октябрь
8-сон
Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasining
buyrugʻi
NIZOM
Karantin ostidagi mahsulotni olib qoʻyish, qaytarib yuborish va yoʻq qilish tartibi toʻgʻrisidagi nizomni tasdiqlash haqida
Oʻzbekiston Respublikasi “Oʻsimliklar karantini toʻgʻrisida”gi Qonuni hamda Oʻzbekiston Respublikasi Vazirlar Mahkamasining 2019-yil 4-apreldagi 278-son “2019-yil agentliklar, qoʻmitalar, markazlar, davlat inspeksiyalari va davlat boshqaruvi boshqa organlarining faoliyati samaradorligini va maqsadli vazifalarga erishishlarini baholashning asosiy mezonlari toʻgʻrisida”gi qaroriga muvofiq buyuraman:
1. Karantin ostidagi mahsulotni olib qoʻyish, qaytarib yuborish va yoʻq qilish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran uch oy oʻtgach kuchga kiradi.
Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi boshligʻining 2019-yil 14-oktabrdagi 8-son buyrugʻiga ILOVA
Karantin ostidagi mahsulotni olib qoʻyish, qaytarib yuborish va yoʻq qilish tartibi toʻgʻrisidagi
Mazkur Nizom Oʻzbekiston Respublikasining “Oʻsimliklar karantini toʻgʻrisida”gi Qonuni , Oʻzbekiston Respublikasi Prezidentining 2019-yil 29-iyuldagi PQ-4406-son “Qishloq xoʻjaligi mahsulotlarini chuqur qayta ishlash va oziq-ovqat sanoatini yanada rivojlantirish boʻyicha qoʻshimcha chora-tadbirlar toʻgʻrisida”gi qarori va Vazirlar Mahkamasining 2018-yil 29-yanvardagi 65-son “Oʻzbekiston Respublikasi hududini oʻsimliklar karantinidagi zararli organizmlardan himoya qilish va Oʻsimliklar karantini sohasida ruxsat berish tartib-taomillaridan oʻtish tartibi toʻgʻrisidagi nizomlarni tasdiqlash haqida”gi qaroriga muvofiq karantin ostidagi mahsulotlarning tegishli hujjatlari mavjud boʻlmagan, oʻsimliklar karantini obyektlari bilan zararlangan karantin ostidagi mahsulotni olib qoʻyish, qaytarib yuborish va yoʻq qilish tartibini belgilaydi.
1-bob. Umumiy qoidalar
1. Mazkur Nizomda quyidagi asosiy tushunchalardan foydalaniladi:
oʻsimliklar karantini obyekti (karantin ahamiyatiga ega boʻlgan zararli organizm) — Oʻzbekiston Respublikasi hududida mavjud boʻlmagan yoki cheklangan tarzda mavjud boʻlgan, tarqalishi katta iqtisodiy zarar keltirishi mumkin boʻlgan va karantin ahamiyatiga ega boʻlgan zararli organizmlarga qarshi kurashish obyekti hisoblangan zararli organizm;
karantin ostidagi mahsulot — oʻsimliklar karantini obyektlarini tashuvchilar boʻlishi mumkin boʻlgan oʻsimliklar, ularning qismlari, ekish materiallari, qayta ishlash mahsuloti, boshqa mahsulot va yuklar.
2. Ushbu Nizom talablari karantin ostidagi mahsulotni olib kirish, olib chiqish, tranzit tarzida olib oʻtish, ishlab chiqarish, tayyorlash, saqlash, tashish, qayta ishlash va sotish ishlari bilan shugʻullanuvchi yuridik va jismoniy shaxslar tomonidan bajarilishi majburiydir.
2-bob. Karantin ostidagi mahsulotni olib qoʻyish
3. Quyidagi hollarda karantin ostidagi mahsulotlar olib qoʻyiladi:
oʻsimliklar karantini obyektlari aniqlanganda;
Oʻzbekiston Respublikasi hududiga olib kirilishi taqiqlangan ekish materiallari va mahsulotlar aniqlanganda;
karantin ostidagi mahsulotning tegishli hujjatlari (karantin ruxsatnomasi talab etiladigan oʻsimliklar va mahsulotlar uchun karantin ruxsatnomasi, xorijiy mamlakatning vakolatli davlat organlari tomonidan beriladigan fitosanitar sertifikati yoki guvohnomasi) mavjud boʻlmaganda.
4. Karantin ostidagi mahsulotni olib qoʻyish vaqtida oʻsimliklar karantini davlat inspektori tomonidan mazkur Nizomning 1-ilovasiga muvofiq shaklda karantin ostidagi mahsulotni olib qoʻyish toʻgʻrisida ikki nusxada dalolatnoma (keyingi oʻrinlarda olib qoʻyish dalolatnomasi deb ataladi) tuziladi.
Olib qoʻyish dalolatnomasining bir nusxasi karantin ostidagi mahsulotning egasiga (uning vakili yoki yukni qabul qilib oluvchi, tashuvchiga) beriladi, ikkinchi nusxasi oʻsimliklar karantini davlat inspektorida qoladi.
5. Olib qoʻyish dalolatnomasi tuzilayotgan vaqtning oʻzida mahsulotga nisbatan qoʻllaniladigan tadbirlar amalga oshirilgunga qadar, oʻsimliklar karantini davlat inspektori tomonidan uni saqlab turishga doir choralar koʻriladi.
6. Olib qoʻyish dalolatnomasi tuzilgan vaqtdan boshlab 24 soat ichida Oʻzbekiston Respublikasi Oʻsimliklar karantini bosh davlat inspektoriga yozma ravishda xabar beriladi.
7. Oʻsimliklar karantini davlat inspektori tomonidan olib qoʻyilgan karantin ostidagi mahsulotdan namunalar olinadi va ular laboratoriya ekspertizasidan oʻtkazish uchun tegishli laboratoriyaga yuboriladi.
8. Karantin ostidagi mahsulotni tegishli hujjatlari mavjud boʻlmagan hollarda, oʻsimliklar karantini davlat inspektori tomonidan tuzilayotgan olib qoʻyish dalolatnomasida karantin ostidagi mahsulotning egasiga ikki kun muddat ichida tegishli hujjatlarni taqdim etishi koʻrsatib oʻtiladi.
9. Olib qoʻyilgan karantin ostidagi mahsulotni tegishli hujjatlar taqdim qilinganda va/yoki laboratoriya ekspertizasi xulosasiga koʻra mahsulotda oʻsimliklar karantini obyektlari mavjud boʻlmagan taqdirda oʻsimliklar karantini davlat inspektorining koʻrsatmasiga asosan yuk egasiga (uning vakili yoki yukni qabul qilib oluvchi, tashuvchiga) zudlik bilan qaytarib beriladi.
3-bob. Karantin ostidagi mahsulotni qaytarib yuborish
10. Laboratoriya ekspertizasi xulosasiga koʻra olib qoʻyilgan karantin ostidagi mahsulotda karantin obyektlari aniqlansa, oʻsimliklar karantini davlat inspektorining yozma koʻrsatmasiga asosan fitosanitar ishlov beriladi va/yoki yuk joʻnatuvchi davlatga qaytarib yuboriladi.
11. Quyidagi hollarda karantin ostidagi mahsulot yuk egasiga (uning vakili yoki yukni qabul qilib oluvchi, tashuvchiga) qaytarib yuboriladi:
karantin ostidagi mahsulot oʻsimliklar karantini obyektlari aniqlanganda;
Oʻzbekiston Respublikasi hududiga olib kirilishi taqiqlangan ekish materiallari va mahsulotlari aniqlanganda;
karantin ostidagi mahsulotning tegishli hujjatlari (karantin ruxsatnomasi talab etiladigan oʻsimliklar va mahsulotlar uchun karantin ruxsatnomasi, xorijiy mamlakatning vakolatli davlat organlari tomonidan beriladigan fitosanitar sertifikati yoki guvohnomasi) mavjud boʻlmaganda.
12. Karantin ostidagi mahsulotni qaytarib yuborish uchun oʻsimliklar karantini davlat inspektori tomonidan mazkur Nizomning 2-ilovasiga muvofiq shaklda qaytarib yuborish toʻgʻrisida ikki nusxada dalolatnoma tuziladi.
Qaytarib yuborish toʻgʻrisidagi dalolatnomaning bir nusxasi karantin ostidagi mahsulotning egasiga (uning vakili yoki yukni qabul qilib oluvchi, tashuvchiga) beriladi, ikkinchisi nusxa esa oʻsimliklar karantini davlat inspektorida qoladi.
4-bob. Karantin ostidagi mahsulotni yoʻq qilish
13. Karantin va boshqa xavfli zararkunandalar, oʻsimlik kasalliklari va begona oʻtlar bilan zararlangan karantin ostidagi mahsulotlarni zararsizlantirish va yuk joʻnatuvchiga qaytarib yuborishning imkoniyati mavjud boʻlmasa ular yoʻq qilinishi (maxsus joyda yoqib yuborish yoki chuqur qazib koʻmib tashlash yoʻli bilan) lozim.
14. Oʻsimliklar karantini obyektlari mavjud boʻlgan karantin ostidagi mahsulotni yoʻq qilish Oʻzbekiston Respublikasining “ Aholining sanitariya-epidemiologik osoyishtaligi toʻgʻrisida ”gi, “ Ekologik nazorat toʻgʻrisida ”gi hamda “ Chiqindilar toʻgʻrisida ”gi qonunlariga va boshqa qonunchilik hujjatlari talablariga muvofiq amalga oshiriladi.
15. Karantin ostidagi mahsulotni yoʻq qilish uchun Qoraqalpogʻiston Respublikasi Oʻsimliklar karantini va himoyasi agentligi, viloyatlar va Toshkent shahar oʻsimliklar karantini va himoyasi boshqarmalari (keyingi oʻrinlarda hududiy boshqarmalar deb yuritiladi) boshliqlari tomonidan Oʻzbekiston Respublikasi Ekologiya va iqlim oʻzgarishi milliy qoʻmitasi hududiy organlarining va Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi hududiy boʻlinmalarining vakillarini jalb qilgan holda, tarkibida kamida 5 kishidan iborat komissiya tuziladi (keyingi oʻrinlarda — Komissiya deb yuritiladi).
16. Karantin ostidagi mahsulot ekspertiza tekshiruvidan oʻtkazilgan taqdirda, ekspertiza xulosasi tegishli hududiy boshqarmaga kelib tushgan yoki olib qoʻyish dalolatnomasi tuzilgan kundan eʼtiboran bir kun ichida oʻsimliklar karantini davlat inspektori tomonidan dalolatnoma va ekspertiza xulosasi (agarda mavjud boʻlsa) ilova qilingan holda Komissiyaga yuboriladi.
17. Olib qoʻyish dalolatnomasiga va/yoki ekspertiza xulosasiga (agarda mavjud boʻlsa) asosan Komissiya tomonidan mazkur Nizomning 3-ilovasiga muvofiq shaklda, karantin ostidagi mahsulotning atrof-muhit uchun zararli ekanligini hisobga olgan holda yoʻq qilish sanasi, usuli va joyini aniqlash toʻgʻrisida qaror qabul qilinadi.
18. Oʻsimliklar karantini obyektlari tarqalishi va karantin ostidagi mahsulot oʻgʻirlanishi holatlarining oldini olish maqsadida, ular oʻsimliklar karantini davlat inspektorining koʻrsatmalariga binoan maxsus joylarda plomba bosilgan holda saqlanadi.
19. Karantin ostidagi mahsulotni yoʻq qilish mahsulot egasi (uning vakili yoki yukni qabul qilib oluvchi, tashuvchi) ishtirokida Komissiya tomonidan qaror qabul qilingan sanadan boshlab besh ish kunidan kechiktirmasdan amalga oshiriladi.
20. Hududiy boshqarma Komissiya tomonidan yoʻq qilish toʻgʻrisida qaror qabul qilingan sanadan boshlab bir ish kuni ichida mahsulot egasiga (qabul qilib oluvchi) karantin ostidagi mahsulotni yoʻq qilish sanasi, usuli va joyi haqida xabar beradi.
21. Karantin ostidagi mahsulot yoʻq qilish jarayonidan soʻng, Komissiya tomonidan mazkur Nizomning 4-ilovasiga muvofiq shaklda yoʻq qilish toʻgʻrisida toʻrt nusxada dalolatnoma (keyingi oʻrinlarda yoʻq qilish dalolatnomasi deb ataladi) tuziladi.
Dalolatnoma Komissiya aʼzolari hamda karantin ostidagi mahsulotlarning egasi (uning vakili yoki yukni qabul qilib oluvchi, tashuvchi) tomonidan imzolanadi va hududiy boshqarma muhri bilan tasdiqlanadi.
Agar karantin ostidagi mahsulot yoʻq qilish joyiga mahsulot egasi (uning vakili yoki yukni qabul qilib oluvchi, tashuvchi) belgilangan vaqtda kelmasa, yoʻq qilish jarayoni davom ettiriladi va bu haqda yoʻq qilish dalolatnomasiga qayd etiladi.
22. Yoʻq qilish jarayoni fotosurat yoki video yozuvga olinadi.
23. Karantin ostidagi mahsulotni yoʻq qilishda uning isteʼmol xususiyatlari toʻliq yoʻq qilinishi shart.
24. Komissiyaning qarorlari va fotosurat (video yozuvlar) nusxalari yoʻq qilish dalolatnomasi nusxalariga ilova qilingan holda mahsulot egasiga (uning vakili yoki yukni qabul qilib oluvchi, tashuvchiga) hamda Oʻzbekiston Respublikasi Ekologiya va iqlim oʻzgarishi milliy qoʻmitasining hududiy organlariga va Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining hududiy boʻlinmalariga yuboriladi.
25. Zararlangan oʻsimliklar karantini nazoratidagi mahsulotlarni fumigatsiya, degazatsiya, refrejeratsiya qilish yoki boshqa usullarda zararsizlantirish (tozalash, qaytarib yuborish yoki boshqa manzilga joʻnatish, yoʻq qilib tashlash), yuklarni, bagajlarni, pochta joʻnatmalarini ochish yoki qadoqlash, ularni zararsizlantirish joylariga olib borish va u yerdan qaytarib olib kelish bilan bogʻliq xarajatlar yukni oluvchilar yoki karantin ostidagi mahsulotni joʻnatuvchilar hisobidan amalga oshiriladi.
5-bob. Yakuniy qoidalar
26. Agar mahsulot egasi ekspertiza xulosasi yoki Komissiyaning qaroridan norozi boʻlgan taqdirda, yuqori turuvchi organlarga yoki sudga murojaat qilish huquqiga ega.
27. Mazkur Nizom talablari buzilishida aybdor shaxslar qonunchilik hujjatlarida belgilangan tartibda javob beradilar.
28. Ushbu Nizom Sogʻliqni saqlash vazirligi, Davlat bojxona qoʻmitasi, Ekologiya va atrof-muhitni muhofaza qilish davlat qoʻmitasi, Oʻzbekiston Respublikasi Savdo-sanoat palatasi, Oʻzbekiston fermer, dehqon xoʻjaliklari va tomorqa yer egalari Kengashi, Vazirlar Mahkamasi huzuridagi Sanitariya-epidemiologiya nazorati davlat inspeksiyasi bilan kelishilgan.
Karantin ostidagi mahsulotni olib qoʻyish, qaytarib yuborish va yoʻq qilish tartibi toʻgʻrisidagi nizomga 1-ILOVA
Karantin ostidagi mahsulotni olib qoʻyish toʻgʻrisida ______ son DALOLATNOMA “_____”_________20____ y. ________________________(rasmiylashtirish joyi) ______________________________________________________________________ (tegishli oʻsimliklar karantini va himoyasi agentligi) oʻsimliklar karantini davlat inspektori _____________________________________________________ (F.I.O.) Tomonidan ________________________________________________ karantin ostidagi mahsulot olib qoʻyildi. (nomi va miqdori) - import yukida - tovarda - pochta joʻnatmasida - qoʻl yuki, bagajda - boshqa ____________________________________________________________________________ Joʻnatuvchi/Yuk joʻnatuvchi: ________________________________________________________________ (F.I.O./nomi, manzili) Qabul qiluvchi/Yukni qabul qiluvchi: ________________________________________________________ (F.I.O./nomi, manzili) Transport turi: __________________________ transport vositasining davlat raqami: ______________ Fitosanitar sertifikati yoki guvohnomasi ___________________________________________________ (raqam, berilgan sanasi) ____________________________________________________________________ tomonidan berilgan. (tashkilot, idora va boshqa muassasa nomi) Karantin ostidagi mahsulot quyidagi hollarda olib qoʻyiladi: - zararlanganda; - olib kirish taqiqlanganda; - ruxsat etuvchi hujjatlar taqdim etilmaganda: ______________________________________________ Karantin ostidagi mahsulotga quyidagi choralar qoʻllaniladi: - yoʻq qilish; - qaytarib yuborish; - laboratoriya ekspertizasiga yuborish. Oʻsimliklar karantini davlat inspekori _________________________(imzo) _____________________ (F.I.O.) Karantin ostidagi mahsulot egasi (vakili) _________________________(imzo) _____________________ (F.I.O.)
Karantin ostidagi mahsulotni olib qoʻyish, qaytarib yuborish va yoʻq qilish tartibi toʻgʻrisidagi nizomga 2-ILOVA
Karantin ostidagi mahsulotni qaytarib yuborish toʻgʻrisida _____ son DALOLATNOMA “_____”__________20____ y. ________________________ (rasmiylashtirish joyi) _____________________________________________________________________ (tegishli oʻsimliklar karantini va himoyasi agentligi) Oʻsimliklar karantini davlat inspektori ____________________________________________________ (F.I.O.) Fitosanitar sertifikati yoki guvohnomasi ___________________________________________________ (raqam, berilgan sana) ____________________________________________________________________________tomonidan (tashkilot, idora va boshqa muassasa nomi) berilgan, _______________________________________________________________dan olib kirilgan (yuboruvchining manzili, tovar-transport yukxatining raqami, transport vositasining davlat raqami) ______________________________________________________________________ manzilga boruvchi (qabul qiluvchi, yuk qabul qiluvchining nomi) _______________________________________________________________karantin ostidagi mahsulot (nomi va miqdori) Oʻzbekiston Respublikasining Oʻsimlilkar karantini toʻgʻrisidagi qonunchiligiga muvofiq quyidagi sabablarga koʻra yuk joʻnatuvchiga qaytariladi: - oʻsimliklar karantini obyektlari bilan zararlanganda _______________________________________ (laboratoriya ekspertiza guvohnomasining sanasi va raqami) - olib kirish taqiqlanganda______________________________________________________________ - ruxsat etuvchi hujjatlar taqdim etilmaganda: ______________________________________________ Oʻsimliklar karantini davlat inspekori ________________________ (imzo) _____________________ (F.I.O.) Karantin ostidagi mahsulot egasi (vakili) ________________________ (imzo) _____________________ (F.I.O.)
Karantin ostidagi mahsulotni olib qoʻyish, qaytarib yuborish va yoʻq qilish tartibi toʻgʻrisidagi nizomga 3-ILOVA
Karantin ostidagi mahsulotni yoʻq qilish komissiyasining QARORI “_____”__________20____ y. ____________________ Kun tartibidagi masala: yoʻq qilish usulini aniqlash ___________________________________________ Ishtirok etdilar:_______________________________________________________________________ (F.I.O.) Kun tartibidagi masalani muxokama qilish: 1. Karantin ostidagi mahsulotning egasi haqida maʼlumot. 2. Laboratoriya ekspertizasining xulosasi. 3. Takliflar. Yoʻq qilish usuli________________________________________________________________________ Yoʻq qilish sanasi va joyi_________________________________________________________________ Qaror qilindi:_________________________________________________________________________ (yoʻq qilish sanasi, joyi va usuli) ______________________________________________________________________ ________________________________ (F.I.O. ish joyi, lavozimi) _______________________ (imzo) ________________________________ (F.I.O. ish joyi, lavozimi) _______________________ (imzo) ________________________________ (F.I.O. ish joyi, lavozimi) _______________________ (imzo) ________________________________ (F.I.O. ish joyi, lavozimi) _______________________ (imzo) ________________________________ (F.I.O. ish joyi, lavozimi) _______________________ (imzo)
Karantin ostidagi mahsulotni olib qoʻyish, qaytarib yuborish va yoʻq qilish tartibi toʻgʻrisidagi nizomga 4-ILOVA
DALOLATNOMA Karantin ostidagi mahsulotni yoʻq qilish toʻgʻrisida ________ con Mazkur dalolatnoma “____” _____________20_____ yilda quyidagi shaxslarning ishtirokida ___________________________________________________________________________ (karantin ostidagi mahsulot nomi va miqdori) karantin ostidagi mahsulot yoʻq qilindi. Yoʻq qilish usuli________________________________________________________________________ Yoʻq qilish sanasi va joyi________________________________________________________________ Yoʻq qilishda ishtirok etdilar: ______________________________ (F.I.O. ish joyi, lavozimi) ______________________ (imzo) ______________________________ (F.I.O. ish joyi, lavozimi) ______________________ (imzo) ______________________________ (F.I.O. ish joyi, lavozimi) ______________________ (imzo) ______________________________ (F.I.O. ish joyi, lavozimi) ______________________ (imzo) ______________________________ (F.I.O. ish joyi, lavozimi) ______________________ (imzo) ___________________________(mahsulotning egasi F.I.O.) ______________________ (imzo) * ____________________________________________________________________
Boshliq I. ERGASHEV
Sogʻliqni saqlash vaziri A. SHADMANOV
Davlat bojxona qoʻmitasi raisi M. AZIMOV
Ekologiya va atrof-muhitni muhofaza qilish davlat qoʻmitasi raisi B. QOʻCHQOROV
Savdo-sanoat palatasi raisi A. IKRAMOV
Oʻzbekiston fermer, dehqon xoʻjaliklari va tomorqa yer egalari Kengashi raisi A. XAITOV
Vazirlar Mahkamasi huzuridagi Sanitariya-epidemiologiya nazorati davlat inspeksiyasi N. ATABEKOV
Toshkent sh.,
2019-yil 14-oktabr,
2019-yil 12-oktabr
2019-yil 12-oktabr
2019-yil 12-oktabr
2019-yil 12-oktabr
2019-yil 12-oktabr
2019-yil 12-oktabr
8-son