📅 2019-yil 2-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 2 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 ноября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 2 November 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Tashkent education» нодавлат таълим ташкилоти фаолиятини ташкил этиш чора-тадбирлари тўғрисида
Замонавий технологиялар ва инновацияларга асосланган нодавлат таълим хизматлари кўрсатиш фаолиятини янада ривожлантириш, давлат ва нодавлат ташкилотлари ўртасида соғлом рақобат муҳитини шакллантириш, етакчи халқаро таълим ташкилотлари билан ҳамкорлик ўрнатиш мақсадида Вазирлар Маҳкамаси қарор қилади:
1. Ўзбекистон Республикаси Мактабгача таълим вазирлиги, Халқ таълими вазирлиги, Олий ва ўрта махсус таълим вазирлиги ҳамда «Velocius Ltd» компаниясининг (Буюк Британия) (кейинги ўринларда Компания деб аталади) мактабгача, умумий ўрта ва олий таълим соҳасида таълим хизматлари кўрсатиш учун Тошкент шаҳрида «Tashkent education» нодавлат таълим ташкилотини (кейинги ўринларда Таълим ташкилоти деб аталади) ташкил этиш тўғрисидаги таклифига розилик берилсин.
2. Таълим ташкилотига белгиланган вазифаларни амалга ошириш учун «Tashkent kindergarten» нодавлат мактабгача таълим ташкилоти (кейинги ўринларда Мактабгача таълим ташкилоти деб аталади), «School of Tashkent» Халқаро умумтаълим мактаби (кейинги ўринларда Мактаб деб аталади) ҳамда «Tashkent International University» халқаро университетини (кейинги ўринларда Университет деб аталади) таъсис этишга рухсат берилсин.
3. Ўзбекистон Республикаси Мактабгача таълим вазирлиги, Олий ва ўрта махсус таълим вазирлиги бир ой муддатда қуйидаги объектлар (кейинги ўринларда объектлар деб аталади) тегишли ҳудуди билан бирга узоқ муддатли мақсадли текин фойдаланиш ҳуқуқи билан:
Мактабгача таълим муассасасини жойлаштириш учун — Тошкент шаҳар, Яккасарой тумани, Абдулла Қахҳор кўчаси, 26-уй манзилида жойлашган бино ва иншоотлар;
Мактабни жойлаштириш учун — Тошкент шаҳар, Яккасарой тумани, Восит Воҳидов кўчаси, 116-уй манзилида жойлашган Тошкент «Меҳр-Шафқат» касб-ҳунар коллежининг бино ва иншоотлари;
Университетни жойлаштириш учун — Тошкент шаҳар, Юнусобод тумани, Кичик ҳалқа йўли кўчаси, 7-уй манзилида жойлашган Тошкент молия институтининг бино ва иншоотлари Таълим ташкилотига берилишини таъминласин.
Ўзбекистон Республикаси Давлат активларини бошқариш агентлиги Мактабгача таълим вазирлиги, Олий ва ўрта махсус таълим вазирлиги билан келишилган ҳолда икки ой муддатда Таълим ташкилоти билан белгиланган тартибда тегишли битим (кейинги ўринларда Битим деб аталади) тузсин.
Белгилаб қўйилсинки:
Тошкент «Меҳр-Шафқат» касб-ҳунар коллежи ўқувчилари 2019/2020 ўқув йили якунига қадар Таълим ташкилотига берилаётган биноларда ўқишини давом эттирадилар;
Тошкент архитектура ва қурилиш институти талабалари Тошкент архитектура ва қурилиш институти янги биноси қурилиши тугаллангунга қадар, мазкур бандда кўрсатилган манзил бўйича жойлашган Тошкент молия институти биносида ўқишини давом эттирадилар.
4. Қуйидагилар:
а) мазкур қарорнинг 2-бандида кўрсатилган таълим ташкилотлари фаолиятини молиялаштириш, шунингдек, уларни моддий-техник ва ўқув-методик база билан таъминлаш Компаниянинг ўз маблағлари, шунингдек, ўқитишдан тушадиган маблағлар, шу жумладан, тўлов-контракт бўйича, хўжалик фаолияти ва шартнома асосида хизматлар кўрсатишдан олинадиган даромадлар, жисмоний ва юридик шахсларнинг ҳомийлик хайриялари, грантлар ва Ўзбекистон Республика қонун ҳужжатларида тақиқланмаган бошқа манбалар ҳисобидан амалга оширилиши;
б) Компания қуйидагиларни таъминлаш мажбуриятини олади:
ўз маблағлари ҳисобидан объектларни реконструкция қилиш, капитал таъмирлаш, жиҳозлаш ва фойдаланишга топшириш, шунингдек, уларга тегишли ҳудудни ободонлаштириш;
ўз маблағлари ҳисобидан Тошкент шаҳар, Мирзо Улуғбек тумани, Марказ — 2, Олой мавзеси манзилида жойлашган 422-сонли давлат мактабгача таълим ташкилоти бино ва иншоотларини реконструкция қилиш ва жиҳозлаш;
таъсис этилаётган Мактабгача таълим ташкилоти, Мактаб ва Университетда, Шартноманинг амал қилиш муддати мобайнида фаолият йўналиши бўйича нодавлат таълим хизматлари кўрсатиш юзасидан фаолиятини амалга ошириш;
тарбия ва таълим фаолиятини эрта ва мактабгача ёшдаги болаларни ривожлантиришга қўйиладиган мактабгача таълим ва тарбия давлат стандарти ҳамда Ўзбекистон Республикасининг давлат таълим стандартлари асосида амалга ошириш;
Ўзбекистон Республикаси қонун ҳужжатларига мувофиқ таълим-тарбия жараёнини амалга ошириш мажбуриятларини;
тузилаётган Шартнома шартларига мувофиқ бошқа мажбуриятлар олиши маълумот учун қабул қилинсин.
Ўзбекистон Республикаси Мактабгача таълим вазирлиги келгусида Тошкент шаҳар, Мирзо Улуғбек тумани, Марказ — 2, Олой мавзеси манзилида жойлашган бино ва иншоотлардан белгиланган тартибда давлат мактабгача таълим ташкилоти сифатида фойдаланиш давом эттирилишини таъминласин.
5. Белгилаб қўйилсинки:
Таълим ташкилоти юридик шахс мақомига эга бўлган Ўзбекистон Республикаси резиденти ҳисобланади, масъулияти чекланган жамият шаклида ташкил этилади, алоҳида мол-мулкка, ўз мустақил балансига эга бўлади, ўз ихтиёридаги маблағлар ва мол-мулк билан ўз мажбуриятлари бўйича жавоб беради;
Мактабгача таълим муассасаси, Мактаб ва Университетда ўқитиш ўзбек, рус ва инглиз тилларида, Ўзбекистон Республикаси давлат таълим стандартлари талабларини инобатга олган ҳолда, Таълим ташкилоти томонидан тасдиқланадиган ўқув режалари ва дастурларига мувофиқ тўлов-контракт асосида амалга оширилади;
Университетда кадрлар тайёрлаш кундузги ва бошқа таълим шакллари, шу жумладан, давлат буюртмаси бўйича амалга оширилади;
Мактабгача таълим муассасаси, Мактаб ва Университетда таълим фаолияти 2020/2021 ўқув йилидан бошланади;
Мактабгача таълим муассасасига қабул Ўзбекистон Республикаси Мактабгача таълим вазирлиги билан келишилган ҳолда, ташкилот томонидан мустақил равишда белгиланадиган талаблар, тартиб ва муддатларга мувофиқ амалга оширилади;
Мактабга қабул Ўзбекистон Республикаси Халқ таълими вазирлиги билан келишилган ҳолда, ташкилот томонидан мустақил равишда белгиланадиган талаблар, тартиб ва муддатларга мувофиқ амалга оширилади;
Университетга қабул қилиш ва битирувчиларни аттестациядан ўтказиш Ўзбекистон Республикаси Олий ва ўрта махсус таълим вазирлиги билан келишилган ҳолда, ташкилот томонидан мустақил равишда белгиланадиган талаблар, тартиб ва муддатларга мувофиқ амалга оширилади;
Университет битирувчиларига Ўзбекистон Республикасида олий таълим тўғрисидаги ҳужжат сифатида тан олинадиган белгиланган намунадаги диплом берилади.
6. Ўзбекистон Республикаси Мактабгача таълим вазирлиги, Халқ таълими вазирлиги, Олий ва ўрта махсус таълим вазирлиги:
Таълим ташкилоти, Мактабгача таълим ташкилоти, Мактаб ва Университет уставларини тасдиқлашда, таъсис ҳужжатларини ишлаб чиқиш ҳамда Таълим ташкилоти, Мактабгача таълим ташкилоти, Мактаб ва Университетни белгиланган тартибда давлат рўйхатидан ўтказишда;
Мактабгача таълим ташкилоти, Мактаб ва Университетни танлов асосида малакали профессор-ўқитувчилар таркиби билан таъминлашда зарур ёрдам кўрсатсинлар.
7. Таълим ташкилоти ва у томонидан тузилаётган ташкилотларга ўқув ва илмий-тадқиқот ишларига жалб этилган хорижлик профессор-ўқитувчиларнинг турар жой ва транспорт харажатларини Ўзбекистон Республикаси фуқаролари учун белгиланган тарифлар бўйича, тузиладиган шартномалар асосида тўлашга рухсат берилсин.
8. Университет 2022 йил 1 январгача:
бўшаётган маблағларни Университетни замонавий таълим воситалари билан жиҳозлаш, харажат материаллари, инвентарь сотиб олиш, бино ва иншоотларни реконструкция қилиш ва капитал таъмирлаш учун мақсадли йўналтириш шарти билан барча турдаги солиқлар;
меҳнат шартномаси асосида таълим-тарбия жараёнига жалб қилинадиган хорижий ўқитувчилар ва мутахассисларнинг иш ҳақидан олинадиган ягона ижтимоий тўловдан;
белгиланган тартибда шакллантириладиган рўйхатлар бўйича жиҳозлар, шу жумладан, лаборатория, компьютер ва ташкилий техника, таълимнинг техник воситалари, адабиётлар, мультимедиа маҳсулотлари, инвентарь ва Университет томонидан қурилиш, реконструкция қилиш, жиҳозлаш ҳамда унинг фаолиятини таъминлаш учун олиб кириладиган бошқа моддий-техник ресурслар божхона тўловлари (божхона расмийлаштируви йиғимларидан ташқари) тўлашдан озод қилинсин.
9. Ўзбекистон Республикаси Ташқи ишлар вазирлиги мазкур қарорни амалга ошириш доирасида жалб этилаётган хорижлик профессор-ўқитувчилар ва маъмурий ходимларга, шунингдек, уларнинг оила аъзоларига консуллик ва бошқа йиғимлар ундирмасдан кириш визалари белгиланган тартибда расмийлаштирилишини таъминласин.
10. Ўзбекистон Республикаси Ички ишлар вазирлиги хорижлик профессор-ўқитувчилар ва маъмурий ходимларга, шунингдек, уларнинг оила аъзоларига давлат божи ундирмасдан кўп марталик визалар берилиши ва муддати узайтирилишини ҳамда Ўзбекистон Республикасида вақтинча турган жойи бўйича рўйхатга олинишини белгиланган тартибда таъминласин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов, Ўзбекистон Республикаси мактабгача таълим вазири А.В. Шин, Ўзбекистон Республикаси халқ таълими вазири Ш.Х. Шерматов ҳамда Ўзбекистон Республикаси олий ва ўрта махсус таълим вазири И.У. Маджидов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 2 ноябрь,
900-сон
Oʻzbekiston Respublikasi Vazirlar Mahkamasining
qarori
“Tashkent education” nodavlat taʼlim tashkiloti faoliyatini tashkil etish chora-tadbirlari toʻgʻrisida
Zamonaviy texnologiyalar va innovatsiyalarga asoslangan nodavlat taʼlim xizmatlari koʻrsatish faoliyatini yanada rivojlantirish, davlat va nodavlat tashkilotlari oʻrtasida sogʻlom raqobat muhitini shakllantirish, yetakchi xalqaro taʼlim tashkilotlari bilan hamkorlik oʻrnatish maqsadida Vazirlar Mahkamasi qaror qiladi:
1. Oʻzbekiston Respublikasi Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi hamda “Velocius Ltd” kompaniyasining (Buyuk Britaniya) (keyingi oʻrinlarda Kompaniya deb ataladi) maktabgacha, umumiy oʻrta va oliy taʼlim sohasida taʼlim xizmatlari koʻrsatish uchun Toshkent shahrida “Tashkent education” nodavlat taʼlim tashkilotini (keyingi oʻrinlarda Taʼlim tashkiloti deb ataladi) tashkil etish toʻgʻrisidagi taklifiga rozilik berilsin.
2. Taʼlim tashkilotiga belgilangan vazifalarni amalga oshirish uchun “Tashkent kindergarten” nodavlat maktabgacha taʼlim tashkiloti (keyingi oʻrinlarda Maktabgacha taʼlim tashkiloti deb ataladi), “School of Tashkent” Xalqaro umumtaʼlim maktabi (keyingi oʻrinlarda Maktab deb ataladi) hamda “Tashkent International University” xalqaro universitetini (keyingi oʻrinlarda Universitet deb ataladi) taʼsis etishga ruxsat berilsin.
3. Oʻzbekiston Respublikasi Maktabgacha taʼlim vazirligi, Oliy va oʻrta maxsus taʼlim vazirligi bir oy muddatda quyidagi obyektlar (keyingi oʻrinlarda obyektlar deb ataladi) tegishli hududi bilan birga uzoq muddatli maqsadli tekin foydalanish huquqi bilan:
Maktabgacha taʼlim muassasasini joylashtirish uchun — Toshkent shahar, Yakkasaroy tumani, Abdulla Qaxhor koʻchasi, 26-uy manzilida joylashgan bino va inshootlar;
Maktabni joylashtirish uchun — Toshkent shahar, Yakkasaroy tumani, Vosit Vohidov koʻchasi, 116-uy manzilida joylashgan Toshkent “Mehr-Shafqat” kasb-hunar kollejining bino va inshootlari;
Universitetni joylashtirish uchun — Toshkent shahar, Yunusobod tumani, Kichik halqa yoʻli koʻchasi, 7-uy manzilida joylashgan Toshkent moliya institutining bino va inshootlari Taʼlim tashkilotiga berilishini taʼminlasin.
Oʻzbekiston Respublikasi Davlat aktivlarini boshqarish agentligi Maktabgacha taʼlim vazirligi, Oliy va oʻrta maxsus taʼlim vazirligi bilan kelishilgan holda ikki oy muddatda Taʼlim tashkiloti bilan belgilangan tartibda tegishli bitim (keyingi oʻrinlarda Bitim deb ataladi) tuzsin.
Belgilab qoʻyilsinki:
Toshkent “Mehr-Shafqat” kasb-hunar kolleji oʻquvchilari 2019/2020 oʻquv yili yakuniga qadar Taʼlim tashkilotiga berilayotgan binolarda oʻqishini davom ettiradilar;
Toshkent arxitektura va qurilish instituti talabalari Toshkent arxitektura va qurilish instituti yangi binosi qurilishi tugallangunga qadar, mazkur bandda koʻrsatilgan manzil boʻyicha joylashgan Toshkent moliya instituti binosida oʻqishini davom ettiradilar.
4. Quyidagilar:
a) mazkur qarorning 2-bandida koʻrsatilgan taʼlim tashkilotlari faoliyatini moliyalashtirish, shuningdek, ularni moddiy-texnik va oʻquv-metodik baza bilan taʼminlash Kompaniyaning oʻz mablagʻlari, shuningdek, oʻqitishdan tushadigan mablagʻlar, shu jumladan, toʻlov-kontrakt boʻyicha, xoʻjalik faoliyati va shartnoma asosida xizmatlar koʻrsatishdan olinadigan daromadlar, jismoniy va yuridik shaxslarning homiylik xayriyalari, grantlar va Oʻzbekiston Respublika qonun hujjatlarida taqiqlanmagan boshqa manbalar hisobidan amalga oshirilishi;
b) Kompaniya quyidagilarni taʼminlash majburiyatini oladi:
oʻz mablagʻlari hisobidan obyektlarni rekonstruksiya qilish, kapital taʼmirlash, jihozlash va foydalanishga topshirish, shuningdek, ularga tegishli hududni obodonlashtirish;
oʻz mablagʻlari hisobidan Toshkent shahar, Mirzo Ulugʻbek tumani, Markaz — 2, Oloy mavzesi manzilida joylashgan 422-sonli davlat maktabgacha taʼlim tashkiloti bino va inshootlarini rekonstruksiya qilish va jihozlash;
taʼsis etilayotgan Maktabgacha taʼlim tashkiloti, Maktab va Universitetda, Shartnomaning amal qilish muddati mobaynida faoliyat yoʻnalishi boʻyicha nodavlat taʼlim xizmatlari koʻrsatish yuzasidan faoliyatini amalga oshirish;
tarbiya va taʼlim faoliyatini erta va maktabgacha yoshdagi bolalarni rivojlantirishga qoʻyiladigan maktabgacha taʼlim va tarbiya davlat standarti hamda Oʻzbekiston Respublikasining davlat taʼlim standartlari asosida amalga oshirish;
Oʻzbekiston Respublikasi qonun hujjatlariga muvofiq taʼlim-tarbiya jarayonini amalga oshirish majburiyatlarini;
tuzilayotgan Shartnoma shartlariga muvofiq boshqa majburiyatlar olishi maʼlumot uchun qabul qilinsin.
Oʻzbekiston Respublikasi Maktabgacha taʼlim vazirligi kelgusida Toshkent shahar, Mirzo Ulugʻbek tumani, Markaz — 2, Oloy mavzesi manzilida joylashgan bino va inshootlardan belgilangan tartibda davlat maktabgacha taʼlim tashkiloti sifatida foydalanish davom ettirilishini taʼminlasin.
5. Belgilab qoʻyilsinki:
Taʼlim tashkiloti yuridik shaxs maqomiga ega boʻlgan Oʻzbekiston Respublikasi rezidenti hisoblanadi, masʼuliyati cheklangan jamiyat shaklida tashkil etiladi, alohida mol-mulkka, oʻz mustaqil balansiga ega boʻladi, oʻz ixtiyoridagi mablagʻlar va mol-mulk bilan oʻz majburiyatlari boʻyicha javob beradi;
Maktabgacha taʼlim muassasasi, Maktab va Universitetda oʻqitish oʻzbek, rus va ingliz tillarida, Oʻzbekiston Respublikasi davlat taʼlim standartlari talablarini inobatga olgan holda, Taʼlim tashkiloti tomonidan tasdiqlanadigan oʻquv rejalari va dasturlariga muvofiq toʻlov-kontrakt asosida amalga oshiriladi;
Universitetda kadrlar tayyorlash kunduzgi va boshqa taʼlim shakllari, shu jumladan, davlat buyurtmasi boʻyicha amalga oshiriladi;
Maktabgacha taʼlim muassasasi, Maktab va Universitetda taʼlim faoliyati 2020/2021 oʻquv yilidan boshlanadi;
Maktabgacha taʼlim muassasasiga qabul Oʻzbekiston Respublikasi Maktabgacha taʼlim vazirligi bilan kelishilgan holda, tashkilot tomonidan mustaqil ravishda belgilanadigan talablar, tartib va muddatlarga muvofiq amalga oshiriladi;
Maktabga qabul Oʻzbekiston Respublikasi Xalq taʼlimi vazirligi bilan kelishilgan holda, tashkilot tomonidan mustaqil ravishda belgilanadigan talablar, tartib va muddatlarga muvofiq amalga oshiriladi;
Universitetga qabul qilish va bitiruvchilarni attestatsiyadan oʻtkazish Oʻzbekiston Respublikasi Oliy va oʻrta maxsus taʼlim vazirligi bilan kelishilgan holda, tashkilot tomonidan mustaqil ravishda belgilanadigan talablar, tartib va muddatlarga muvofiq amalga oshiriladi;
Universitet bitiruvchilariga Oʻzbekiston Respublikasida oliy taʼlim toʻgʻrisidagi hujjat sifatida tan olinadigan belgilangan namunadagi diplom beriladi.
6. Oʻzbekiston Respublikasi Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi:
Taʼlim tashkiloti, Maktabgacha taʼlim tashkiloti, Maktab va Universitet ustavlarini tasdiqlashda, taʼsis hujjatlarini ishlab chiqish hamda Taʼlim tashkiloti, Maktabgacha taʼlim tashkiloti, Maktab va Universitetni belgilangan tartibda davlat roʻyxatidan oʻtkazishda;
Maktabgacha taʼlim tashkiloti, Maktab va Universitetni tanlov asosida malakali professor-oʻqituvchilar tarkibi bilan taʼminlashda zarur yordam koʻrsatsinlar.
7. Taʼlim tashkiloti va u tomonidan tuzilayotgan tashkilotlarga oʻquv va ilmiy-tadqiqot ishlariga jalb etilgan xorijlik professor-oʻqituvchilarning turar joy va transport xarajatlarini Oʻzbekiston Respublikasi fuqarolari uchun belgilangan tariflar boʻyicha, tuziladigan shartnomalar asosida toʻlashga ruxsat berilsin.
8. Universitet 2022-yil 1-yanvargacha:
boʻshayotgan mablagʻlarni Universitetni zamonaviy taʼlim vositalari bilan jihozlash, xarajat materiallari, inventar sotib olish, bino va inshootlarni rekonstruksiya qilish va kapital taʼmirlash uchun maqsadli yoʻnaltirish sharti bilan barcha turdagi soliqlar;
mehnat shartnomasi asosida taʼlim-tarbiya jarayoniga jalb qilinadigan xorijiy oʻqituvchilar va mutaxassislarning ish haqidan olinadigan yagona ijtimoiy toʻlovdan;
belgilangan tartibda shakllantiriladigan roʻyxatlar boʻyicha jihozlar, shu jumladan, laboratoriya, kompyuter va tashkiliy texnika, taʼlimning texnik vositalari, adabiyotlar, multimedia mahsulotlari, inventar va Universitet tomonidan qurilish, rekonstruksiya qilish, jihozlash hamda uning faoliyatini taʼminlash uchun olib kiriladigan boshqa moddiy-texnik resurslar bojxona toʻlovlari (bojxona rasmiylashtiruvi yigʻimlaridan tashqari) toʻlashdan ozod qilinsin.
9. Oʻzbekiston Respublikasi Tashqi ishlar vazirligi mazkur qarorni amalga oshirish doirasida jalb etilayotgan xorijlik professor-oʻqituvchilar va maʼmuriy xodimlarga, shuningdek, ularning oila aʼzolariga konsullik va boshqa yigʻimlar undirmasdan kirish vizalari belgilangan tartibda rasmiylashtirilishini taʼminlasin.
10. Oʻzbekiston Respublikasi Ichki ishlar vazirligi xorijlik professor-oʻqituvchilar va maʼmuriy xodimlarga, shuningdek, ularning oila aʼzolariga davlat boji undirmasdan koʻp martalik vizalar berilishi va muddati uzaytirilishini hamda Oʻzbekiston Respublikasida vaqtincha turgan joyi boʻyicha roʻyxatga olinishini belgilangan tartibda taʼminlasin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov, Oʻzbekiston Respublikasi maktabgacha taʼlim vaziri A.V. Shin, Oʻzbekiston Respublikasi xalq taʼlimi vaziri Sh.X. Shermatov hamda Oʻzbekiston Respublikasi oliy va oʻrta maxsus taʼlim vaziri I.U. Madjidov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 2-noyabr,
900-son
Кабинета Министров Республики Узбекистан
Постановление
О мерах по организации деятельности негосударственной образовательной организации «Тashkent education»
В целях дальнейшего развития деятельности по оказанию негосударственных образовательных услуг на основе современных технологий и инноваций, формирования атмосферы здоровой конкуренции между государственными и негосударственными организациями, налаживания сотрудничества с ведущими международными образовательными организациями Кабинет Министров постановляет:
1. Согласиться с предложением Министерства дошкольного образования, Министерства народного образования, Министерства высшего и среднего специального образования Республики Узбекистан, а также компании «Velocius Ltd» (Великобритания) (далее — Компания) о создании в городе Ташкенте негосударственной образовательной организации «Tashkent education» (далее — Образовательная организация) для оказания образовательных услуг в сфере дошкольного, общего среднего и высшего образования.
2. Разрешить Образовательной организации для реализации поставленных задач учреждение негосударственной дошкольной образовательной организации «Tashkent kindergarten» (далее — Дошкольная образовательная организация), Международной общеобразовательной школы «School of Tashkent» (далее — Школа), а также Международного университета «Tashkent International University» (далее — Университет).
3. Министерству дошкольного образования, Министерству высшего и среднего специального образования Республики Узбекистан в месячный срок обеспечить передачу Образовательной организации в долгосрочное безвозмездное целевое пользование следующих объектов (далее — объекты) с прилегающей территорией для размещения:
Дошкольной образовательной организации — зданий и сооружений, расположенных по адресу: город Ташкент, Яккасарайский район, улица Абдулла Каххора, 26;
Школы — зданий и сооружений Ташкентского профессионального колледжа «Мехр-Шафкат», расположенных по адресу: город Ташкент, Яккасарайский район, улица Восита Вохидова, 116;
Университета — зданий и сооружений Ташкентского финансового института, расположенных по адресу: город Ташкент, Юнусабадский район, улица Кичик халка йули, 7.
Агентству по управлению государственными активами Республики Узбекистан по согласованию с Министерством дошкольного образования, Министерством высшего и среднего специального образования Республики Узбекистан в двухмесячный срок в установленном порядке заключить с Образовательной организацией соответствующее соглашение (далее — Соглашение).
Установить, что:
учащиеся Ташкентского профессионального колледжа «Мехр-Шафкат», продолжат обучение в зданиях, передаваемых Образовательной организации, до окончания 2019/2020 учебного года;
студенты Ташкентского архитектурно-строительного института продолжат обучение в здании Ташкентского финансового института по адресу, указанному в настоящем пункте, до завершения осуществляемого в настоящее время строительства нового здания Ташкентского архитектурно-строительного института.
4. Принять к сведению, что:
а) финансирование деятельности образовательных организаций, указанных в пункте 2 настоящего постановления, а также обеспечение их материально-технической и учебно-методической базой осуществляются за счет собственных средств Компании, а также средств, поступающих от оплаты за обучение, в том числе на платно-контрактной основе, доходов от хозяйственной деятельности и оказания услуг на договорной основе, благотворительных пожертвований юридических и физических лиц, грантов и других источников, не запрещенных законодательством Республики Узбекистан;
б) Компания принимает на себя обязательства обеспечить:
проведение за счет собственных средств реконструкции, капитального ремонта, оснащения и ввода в эксплуатацию объектов, а также благоустройство прилегающей территории;
проведение за счет собственных средств реконструкции и оснащения зданий и сооружений государственной дошкольной образовательной организации № 422, расположенной по адресу: город Ташкент, Мирзо Улугбекский район, Ц — 2, район Алайского рынка;
осуществление в учреждаемых Дошкольной образовательной организации, Школе и Университете исключительно деятельности по оказанию негосударственных образовательных услуг по профилю деятельности, в течение срока действия Соглашения;
осуществление воспитательной и образовательной деятельности на основе государственного стандарта дошкольного образования и воспитания к развитию детей раннего и дошкольного возраста, а также государственных образовательных стандартов Республики Узбекистан;
проведение учебно-воспитательного процесса в соответствии с законодательством Республики Узбекистан;
другие обязательства в соответствии с условиями заключаемого Соглашения.
Министерству дошкольного образования Республики Узбекистан в установленном порядке обеспечить дальнейшую эксплуатацию зданий и сооружений, расположенных по адресу: город Ташкент, Мирзо Улугбекский район, Ц — 2, район Алайского рынка, в качестве государственной дошкольной образовательной организации.
5. Установить, что:
Образовательная организация является резидентом Республики Узбекистан со статусом юридического лица, создается в форме общества с ограниченной ответственностью, обладает обособленным имуществом, имеет самостоятельный баланс, отвечает по своим обязательствам находящимися в ее распоряжении денежными средствами и имуществом;
обучение в Дошкольной образовательной организации, Школе и Университете осуществляется на узбекском, русском и английском языках, на платно-контрактной основе, по учебным планам и программам, утверждаемым Образовательной организацией с учетом требований государственных образовательных стандартов Республики Узбекистан;
подготовка кадров в Университете осуществляется по очной и другим формам обучения, в том числе по государственному заказу;
образовательная деятельность в Дошкольной образовательной организации, Школе и Университете начинается с 2020/2021 учебного года;
прием в Дошкольную образовательную организацию осуществляется в соответствии с требованиями, порядком и сроками, определяемыми организацией самостоятельно, по согласованию с Министерством дошкольного образования Республики Узбекистан;
прием в Школу осуществляется в соответствии с требованиями, порядком и сроками, определяемыми организацией самостоятельно, по согласованию с Министерством народного образования Республики Узбекистан;
прием и аттестация выпускников в Университете осуществляются в соответствии с требованиями, порядком и сроками, определяемыми организацией самостоятельно, по согласованию с Министерством высшего и среднего специального образования Республики Узбекистан;
выпускникам Университета выдается диплом установленного образца, который признается документом о высшем образовании в Республике Узбекистан.
6. Министерству дошкольного образования, Министерству народного образования, Министерству высшего и среднего специального образования Республики Узбекистан оказать необходимое содействие в:
утверждении уставов Образовательной организации, Дошкольной образовательной организации, Школы и Университета, разработке учредительных документов и государственной регистрации Образовательной организации, Дошкольной образовательной организации, Школы и Университета в установленном порядке;
укомплектовании Дошкольной образовательной организации, Школы и Университета квалифицированным профессорско-преподавательским составом на конкурсной основе.
7. Разрешить Образовательной организации и создаваемыми ею организациями осуществлять оплату проживания и транспортных расходов зарубежных профессоров и преподавателей, привлекаемых для осуществления преподавательской и научной работы, по тарифам, установленным для граждан Республики Узбекистан, на основании заключаемых договоров.
8. Освободить сроком до 1 января 2022 года Университет от уплаты:
всех видов налогов, с целевым направлением высвобождаемых средств на оснащение Университета современными средствами обучения, приобретение расходных материалов, инвентаря, осуществление реконструкции и капитального ремонта зданий и сооружений;
единого социального платежа с заработной платы зарубежных преподавателей и специалистов, привлекаемых к образовательно-воспитательному процессу по трудовому договору;
таможенных платежей (за исключением сборов за таможенное оформление) оборудование, в том числе лабораторное, компьютерную технику и оргтехнику, технические средства обучения, литературу, мультимедийную продукцию, инвентарь и другие материально-технические ресурсы, ввозимые Университетом для строительства, реконструкции, оснащения и обеспечения его деятельности по перечням, формируемым в установленном порядке.
9. Министерству иностранных дел Республики Узбекистан обеспечить в установленном порядке оформление въездных виз иностранному профессорско-преподавательскому и административному персоналу, привлекаемому в рамках реализации настоящего постановления, а также членам их семей без взимания консульских и иных сборов.
10. Министерству внутренних дел Республики Узбекистан обеспечить в установленном порядке выдачу и продление многократных виз и регистрацию по месту временного пребывания в Республике Узбекистан иностранному профессорско-преподавательскому и административному персоналу, а также членам их семей без взимания государственной пошлины.
11. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова, министра дошкольного образования Республики Узбекистан А.В. Шин, министра народного образования Республики Узбекистан Ш.Х. Шерматова и министра высшего и среднего специального образования Республики Узбекистан И.У. Маджидова.
Премьер-министр Республики Узбекистан А. АРИПОВ
г. Ташкент,
2 ноября 2019 г.,
№ 900