📅 2019-yil 7-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 7 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 ноября 2019 г. · Постановления Президента
Официальный текст. Официальный документ. Редакционные примечания не включены.
📅 7 November 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Жисмоний шахслар томонидан шахсий эҳтиёжлари учун товарларни олиб ўтиш тартибини янада такомиллаштириш тўғрисида
Ўзбекистон Республикаси Божхона кодексига мувофиқ, шунингдек, жисмоний шахслар томонидан шахсий эҳтиёжлари учун олиб ўтиладиган товарларни божхонада расмийлаштириш тартибини янада такомиллаштириш мақсадида:
1. Белгилаб қўйилсинки, 2020 йил 1 январдан:
нотижорат мақсадлар учун Ўзбекистон Республикасининг Давлат чегарасидан ўтиш пунктлари орқали қўл юкида ва кузатиб борилаётган багажида товарлар олиб кираётган жисмоний шахслар учун, шунингдек, жисмоний шахс номига халқаро почта ва курьерлик жўнатмалари орқали келадиган товарларга нисбатан қонун ҳужжатларида белгиланган божхона божи, қўшилган қиймат солиғи ва акциз солиғи ўрнига ягона божхона тўловини тўлашни назарда тутувчи божхона тўловларини ундиришнинг соддалаштирилган тартиби жорий этилади;
жисмоний шахслар томонидан шахсий эҳтиёжлари учун божхона чегараси орқали қўл юкида, кузатиб борилаётган багажида, шунингдек, почта жўнатмалари орқали олиб кириладиган ҳайвонотга мансуб озиқ-овқат маҳсулотларида ишлаб чиқариш ўровининг мажбурий мавжудлиги тўғрисидаги талаб ўрнатилади.
2. Белгилансинки, ягона божхона тўлови божхона тўловлари ундирилмайдиган товарларни жисмоний шахслар томонидан республикага олиб киришнинг чекланган меъёрларидан ортган тақдирда, Ўзбекистон Республикаси Ташқи иқтисодий фаолият товар номенклатураси кодидан ва келиб чиқиш мамлакатидан қатъи назар товарларнинг барча тоифалари бўйича божхона қийматидан келиб чиққан ҳолда, чекланган меъёрлардан ортиқ қисмига нисбатан ундирилади.
3. Қуйидагилар:
товарнинг божхона қийматидан 20 фоиз, лекин ҳар бир килограми учун 2 АҚШ долларидан кам бўлмаган миқдорда ягона божхона тўлови ставкаси;
иловага мувофиқ, Жисмоний шахслар томонидан шахсий эҳтиёжлари учун олиб кириладиган товарлар тоифасига кирмайдиган товарлар рўйхати тасдиқлансин.
4. Давлат божхона қўмитаси:
а) бир ой муддатда Ўзбекистон Республикаси Вазирлар Маҳкамасига:
жисмоний шахслар томонидан Ўзбекистон Республикаси божхона чегараси орқали олиб ўтиладиган товарларнинг белгиланган мақсадини аниқлаш тартиби тўғрисидаги низомни тегишли вазирликлар ва идоралар билан келишган ҳолда;
қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида таклифларни киритсин;
б) ушбу қарорнинг мазмун ва моҳиятини оммавий ахборот воситаларида кенг ёритиш ҳамда аҳоли эътиборига етказишни таъминласин.
5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг маслаҳатчиси Р.А. Гулямов ва Ўзбекистон Республикаси Бош вазирининг ўринбосари Э.М. Ғаниев зиммасига юклансин.
Ўзбекистон Республикаси Президентининг 2019 йил 7 ноябрдаги ПҚ-4508-сон қарорига ИЛОВА
Жисмоний шахслар томонидан шахсий эҳтиёжлари учун олиб кириладиган товарлар тоифасига кирмайдиган товарлар
1. Ички ёнув двигателлари.
2. Ўзбекистон Республикаси ТИФ ТН 8403 10 субпозициясида таснифланувчи марказий иситиш қозонлари.
3. Ўзбекистон Республикаси ТИФ ТН 8426 — 8430, 8433 — 8442, 8444 00 — 8449 00 000 0, 8453 — 8464, 8465, 8466, 8468, 8474 — 8480, 8486, 8514, 8530, 8534 00, 8535, 8545, 8548, 9024, 9027, 9030 ва 9031 товар позицияларида таснифланувчи машиналар, механизмлар, ускуналар (газонлар, боғлар ёки спорт майдончалари учун косилкалар, дискли маиший арра бундан мустасно).
4. Офтобда қорайиш учун солярийлар.
5. Тиббиёт техникаси ва ускуналари (шприцлар, игналар, катетерлар, канюлялар, шунга ўхшаш асбоблар, қон босими, тана ҳароратини ўлчаш ускунаси, шунингдек, тиббий кўрсатмалар бўйича фойдаланиш учун зарур бўлган аппаратуралар бундан мустасно).
6. Тиббиёт, хирургия, стоматология ёки ветеринария мебели (тиббий кўрсатмалар бўйича фойдаланиш учун зарур бўлган механик мосламали шифохона койкалари бундан мустасно).
7. Сартарошхона креслоси ва шунга ўхшаш креслолар, уларнинг қисмлари.
8. Ўзбекистон Республикаси ТИФ ТН 9010 товар позициясида таснифланувчи фотолабораториялар учун аппаратура ва ускуналар.
9. Ўзбекистон Республикаси ТИФ ТН 9023 00 товар позициясида таснифланувчи намойиш қилиш мақсадларига мўлжалланган жиҳозлар, аппаратура ва моделлар.
10. Тангалар, банкнотлар, банк карточкалари, жетонлар ёки бошқа шунга ўхшаш тўлов воситалари билан ҳаракатга келтириладиган ўйин автоматлари.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 7 ноябрь,
ПҚ-4508-сон
Oʻzbekiston Respublikasi Prezidentining
Qarori
ROʻYXATI
Jismoniy shaxslar tomonidan shaxsiy ehtiyojlari uchun tovarlarni olib oʻtish tartibini yanada takomillashtirish toʻgʻrisida
Oʻzbekiston Respublikasi Bojxona kodeksiga muvofiq, shuningdek, jismoniy shaxslar tomonidan shaxsiy ehtiyojlari uchun olib oʻtiladigan tovarlarni bojxonada rasmiylashtirish tartibini yanada takomillashtirish maqsadida:
1. Belgilab qoʻyilsinki, 2020-yil 1-yanvardan:
notijorat maqsadlar uchun Oʻzbekiston Respublikasining Davlat chegarasidan oʻtish punktlari orqali qoʻl yukida va kuzatib borilayotgan bagajida tovarlar olib kirayotgan jismoniy shaxslar uchun, shuningdek, jismoniy shaxs nomiga xalqaro pochta va kuryerlik joʻnatmalari orqali keladigan tovarlarga nisbatan qonun hujjatlarida belgilangan bojxona boji, qoʻshilgan qiymat soligʻi va aksiz soligʻi oʻrniga yagona bojxona toʻlovini toʻlashni nazarda tutuvchi bojxona toʻlovlarini undirishning soddalashtirilgan tartibi joriy etiladi;
jismoniy shaxslar tomonidan shaxsiy ehtiyojlari uchun bojxona chegarasi orqali qoʻl yukida, kuzatib borilayotgan bagajida, shuningdek, pochta joʻnatmalari orqali olib kiriladigan hayvonotga mansub oziq-ovqat mahsulotlarida ishlab chiqarish oʻrovining majburiy mavjudligi toʻgʻrisidagi talab oʻrnatiladi.
2. Belgilansinki, yagona bojxona toʻlovi bojxona toʻlovlari undirilmaydigan tovarlarni jismoniy shaxslar tomonidan respublikaga olib kirishning cheklangan meʼyorlaridan ortgan taqdirda, Oʻzbekiston Respublikasi Tashqi iqtisodiy faoliyat tovar nomenklaturasi kodidan va kelib chiqish mamlakatidan qatʼi nazar tovarlarning barcha toifalari boʻyicha bojxona qiymatidan kelib chiqqan holda, cheklangan meʼyorlardan ortiq qismiga nisbatan undiriladi.
3. Quyidagilar:
tovarning bojxona qiymatidan 20 foiz, lekin har bir kilogrami uchun 2 AQSH dollaridan kam boʻlmagan miqdorda yagona bojxona toʻlovi stavkasi;
ilovaga muvofiq, Jismoniy shaxslar tomonidan shaxsiy ehtiyojlari uchun olib kiriladigan tovarlar toifasiga kirmaydigan tovarlar roʻyxati tasdiqlansin.
4. Davlat bojxona qoʻmitasi:
a) bir oy muddatda Oʻzbekiston Respublikasi Vazirlar Mahkamasiga:
jismoniy shaxslar tomonidan Oʻzbekiston Respublikasi bojxona chegarasi orqali olib oʻtiladigan tovarlarning belgilangan maqsadini aniqlash tartibi toʻgʻrisidagi nizomni tegishli vazirliklar va idoralar bilan kelishgan holda;
qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida takliflarni kiritsin;
b) ushbu qarorning mazmun va mohiyatini ommaviy axborot vositalarida keng yoritish hamda aholi eʼtiboriga yetkazishni taʼminlasin.
5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining maslahatchisi R.A. Gulyamov va Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin.
Oʻzbekiston Respublikasi Prezidentining 2019-yil 7-noyabrdagi PQ-4508-son qaroriga ILOVA
Jismoniy shaxslar tomonidan shaxsiy ehtiyojlari uchun olib kiriladigan tovarlar toifasiga kirmaydigan tovarlar
1. Ichki yonuv dvigatellari.
2. Oʻzbekiston Respublikasi TIF TN 8403 10 subpozitsiyasida tasniflanuvchi markaziy isitish qozonlari.
3. Oʻzbekiston Respublikasi TIF TN 8426 — 8430, 8433 — 8442, 8444 00 — 8449 00 000 0, 8453 — 8464, 8465, 8466, 8468, 8474 — 8480, 8486, 8514, 8530, 8534 00, 8535, 8545, 8548, 9024, 9027, 9030 va 9031 tovar pozitsiyalarida tasniflanuvchi mashinalar, mexanizmlar, uskunalar (gazonlar, bogʻlar yoki sport maydonchalari uchun kosilkalar, diskli maishiy arra bundan mustasno).
4. Oftobda qorayish uchun solyariylar.
5. Tibbiyot texnikasi va uskunalari (shpritslar, ignalar, kateterlar, kanyulyalar, shunga oʻxshash asboblar, qon bosimi, tana haroratini oʻlchash uskunasi, shuningdek, tibbiy koʻrsatmalar boʻyicha foydalanish uchun zarur boʻlgan apparaturalar bundan mustasno).
6. Tibbiyot, xirurgiya, stomatologiya yoki veterinariya mebeli (tibbiy koʻrsatmalar boʻyicha foydalanish uchun zarur boʻlgan mexanik moslamali shifoxona koykalari bundan mustasno).
7. Sartaroshxona kreslosi va shunga oʻxshash kreslolar, ularning qismlari.
8. Oʻzbekiston Respublikasi TIF TN 9010 tovar pozitsiyasida tasniflanuvchi fotolaboratoriyalar uchun apparatura va uskunalar.
9. Oʻzbekiston Respublikasi TIF TN 9023 00 tovar pozitsiyasida tasniflanuvchi namoyish qilish maqsadlariga moʻljallangan jihozlar, apparatura va modellar.
10. Tangalar, banknotlar, bank kartochkalari, jetonlar yoki boshqa shunga oʻxshash toʻlov vositalari bilan harakatga keltiriladigan oʻyin avtomatlari.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 7-noyabr,
PQ-4508-son
Президента Республики Узбекистан
Постановление
ПЕРЕЧЕНЬ
О дальнейшем совершенствовании порядка перемещения физическими лицами товаров для собственных нужд
В соответствии с Таможенным кодексом Республики Узбекистан, а также в целях дальнейшего совершенствования порядка таможенного оформления товаров, перемещаемых физическими лицами для собственных нужд:
1. Определить, что с 1 января 2020 года:
вводится упрощенный порядок взимания таможенных платежей, предусматривающий уплату единого таможенного платежа взамен таможенной пошлины, налога на добавленную стоимость и акцизного налога, установленных законодательством для физических лиц, ввозящих товары в ручной клади и сопровождаемом багаже через пункты пропуска Государственной границы Республики Узбекистан, а также в отношении товаров, поступающих в адрес физического лица в международных почтовых и курьерских отправлениях, для некоммерческих целей;
устанавливается требование об обязательном наличии производственной упаковки продовольственной продукции животного происхождения, ввозимой физическими лицами при перемещении через таможенную границу в ручной клади, сопровождаемом багаже, а также в почтовых отправлениях для личного пользования.
2. Установить, что единый таможенный платеж взимается при превышении предельных норм ввоза в республику физическим лицом товаров, не подлежащих обложению таможенными платежами, в части превышения предельных норм, исходя из таможенной стоимости товара по всем его категориям независимо от кода Товарной номенклатуры внешнеэкономической деятельности Республики Узбекистан и страны происхождения.
3. Утвердить:
ставка единой таможенной пошлины составляет 20 процентов от таможенной стоимости товара, но не менее 2 долларов США за килограмм;
Перечень товаров, не относящихся к товарам для собственных нужд при их ввозе физическими лицами, согласно приложению.
4. Государственному таможенному комитету:
а) в месячный срок внести в Кабинет Министров Республики Узбекистан:
по согласованию с соответствующими министерствами и ведомствами Положение о порядке определения предназначения товаров, перемещаемых физическими лицами через таможенную границу Республики Узбекистан;
предложения об изменениях и дополнениях в законодательство, вытекающих из настоящего постановления;
б) обеспечить широкое освещение в средствах массовой информации, а также доведение до населения сути и значения настоящего постановления.
5. Контроль за исполнением настоящего постановления возложить на Премьер-министра Республики Узбекистан Арипова А.Н., советника Президента Республики Узбекистан Гулямова Р.А. и заместителя Премьер-министра Республики Узбекистан Ганиева Э.М.
ПРИЛОЖЕНИЕ к постановлению Президента Республики Узбекистан от 7 ноября 2019 года № ПП-4508
товаров, не относящихся к товарам для собственных нужд при их ввозе физическими лицами
1. Двигатели внутреннего сгорания.
2. Котлы центрального отопления, классифицируемые в субпозиции 8403 10 ТН ВЭД Республики Узбекистан.
3. Машины, механизмы, оборудование, классифицируемые в позициях 8426 — 8430, 8433 — 8442, 8444 00 — 8449 00 000 0, 8453 — 8464, 8465, 8466, 8468, 8474 — 8480, 8486, 8514, 8530, 8534 00, 8535, 8545, 8548, 9024, 9027, 9030 и 9031 ТН ВЭД Республики Узбекистан (за исключением косилок для газонов, парков или спортплощадок, бытовой пилы дисковой).
4. Солярии для загара.
5. Медицинская техника и оборудование (за исключением шприцев, игл, катетеров, канюлей, аналогичных инструментов, оборудования для измерения кровяного давления, температуры, а также аппаратуры, необходимой для использования по медицинским показаниям).
6. Мебель медицинская, хирургическая, стоматологическая или ветеринарная (за исключением необходимой для использования по медицинским показаниям больничных коек с механическими приспособлениями).
7. Парикмахерские кресла и аналогичные кресла, их части.
8. Аппаратура и оборудование для фотолабораторий, классифицируемые в товарной позиции 9010 ТН ВЭД Республики Узбекистан.
9. Приборы, аппаратура и модели, предназначенные для демонстрационных целей, классифицируемые в товарной позиции 9023 00 ТН ВЭД Республики Узбекистан.
10. Игровые автоматы, приводимые в действие монетами, банкнотами, банковскими карточками, жетонами или аналогичными средствами оплаты.
Президент Республики Узбекистан Ш. МИРЗИЁЕВ
г. Ташкент,
7 ноября 2019 г.,
№ ПП-4508