📅 2019-yil 7-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 7 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 ноября 2019 г. · Постановления Президента
Официальный текст. Официальный документ. Редакционные примечания не включены.
📅 7 November 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг 2017 йил 11 сентябрдаги «Юқори сифатли этил спирти ва ликёр-арақ маҳсулотлари ишлаб чиқаришни ташкил этиш чора-тадбирлари тўғрисида»ги ПҚ-3263-сон қарорига ўзгартиришлар киритиш ҳақида
Этил спирти ва ликёр-арақ маҳсулотларини замонавий ишлаб чиқаришни ташкил этишни такомиллаштириш, алкоголь маҳсулотларининг экспорт салоҳиятини кўпайтириш, уларнинг сифати ва рақобатбардошлигини ошириш мақсадида:
1. Ўзбекистон Республикаси Президентининг 2017 йил 11 сентябрдаги «Юқори сифатли этил спирти ва ликёр-арақ маҳсулотлари ишлаб чиқаришни ташкил этиш чора-тадбирлари тўғрисида»ги ПҚ-3263-сон қарорига иловага мувофиқ ўзгартиришлар киритилсин.
2. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — Ўзбекистон Республикаси транспорт вазири А.Ж. Раматов зиммасига юклансин.
Ўзбекистон Республикаси Президентининг 2019 йил 7 ноябрдаги ПҚ-4511-сон қарорига ИЛОВА
Ўзбекистон Республикаси Президентининг 2017 йил 11 сентябрдаги «Юқори сифатли этил спирти ва ликёр-арақ маҳсулотлари ишлаб чиқаришни ташкил этиш чора-тадбирлари тўғрисида»ги ПҚ-3263-сон қарорига киритилаётган ўзгартиришлар
1. 2-банднинг учинчи хатбошиси қуйидаги таҳрирда баён этилсин:
«Тошкент шаҳрида янги ликёр-арақ заводининг қурилиши учун «Premium Uzbekistan» МЧЖ ҚКни Тошкент шаҳри, Яшнобод тумани, Фарғона йўли кўчаси, 23/35-уй манзили бўйича жойлаштириш».
2. 6-банднинг тўртинчи ва бешинчи хатбошилари қуйидаги таҳрирда баён этилсин:
«бош лойиҳа ташкилоти этиб — «Oʻzogʻirsanoatloyiha» instituti» АЖ;
бош пудратчи ташкилот этиб — «СК Альфа строй» МЧЖ белгилансин».
3. 7 — 9-бандлар ўз кучини йўқотган деб топилсин.
4. 14-банддаги «Ўзбекистон темир йўллари» АЖнинг» сўзлари «Premium Uzbekistan» МЧЖ ҚКнинг» сўзлари билан алмаштирилсин.
5. 15-банд қуйидаги таҳрирда баён этилсин:
«15. Ўзбекистон Республикаси Ички ишлар вазирлиги «Premium Uzbekistan» МЧЖ ҚКнинг талабномаларига кўра лойиҳани амалга оширишда қатнашадиган хорижий мутахассисларга, хорижий компаниялар ходимларига кўп марталик визаларни расмийлаштириш, бериш ва муддатини узайтириш, шунингдек, вақтинчалик яшаш жойига вақтинча прописка қилиш ва вақтинчалик прописканинг муддатини узайтиришни давлат божи ундирилмаган ҳолда амалга оширишни таъминласин».
6. 16-банд қуйидаги таҳрирда баён этилсин:
«Ўзбекистон Республикаси Бандлик ва меҳнат муносабатлари вазирлиги «Premium Uzbekistan» МЧЖ ҚКнинг талабномаларига кўра лойиҳани амалга оширишда иштирок этиш учун хорижий мутахассисларни Ўзбекистон Республикасига жалб этишга рухсатномалар бериш (муддатини узайтириш)ни, шунингдек, ушбу хорижий фуқароларга Ўзбекистон Республикаси ҳудудида меҳнат фаолиятини олиб бориш ҳуқуқини берадиган тасдиқномалар беришни (муддатини узайтириш)ни давлат божи ундирилмаган ҳолда таъминласин».
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 7 ноябрь,
ПҚ-4511-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining 2017-yil 11-sentabrdagi “Yuqori sifatli etil spirti va likyor-araq mahsulotlari ishlab chiqarishni tashkil etish chora-tadbirlari toʻgʻrisida”gi PQ-3263-son qaroriga oʻzgartirishlar kiritish haqida
Etil spirti va likyor-araq mahsulotlarini zamonaviy ishlab chiqarishni tashkil etishni takomillashtirish, alkogol mahsulotlarining eksport salohiyatini koʻpaytirish, ularning sifati va raqobatbardoshligini oshirish maqsadida:
1. Oʻzbekiston Respublikasi Prezidentining 2017-yil 11-sentabrdagi “Yuqori sifatli etil spirti va likyor-araq mahsulotlari ishlab chiqarishni tashkil etish chora-tadbirlari toʻgʻrisida”gi PQ-3263-son qaroriga ilovaga muvofiq oʻzgartirishlar kiritilsin.
2. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — Oʻzbekiston Respublikasi transport vaziri A.J. Ramatov zimmasiga yuklansin.
Oʻzbekiston Respublikasi Prezidentining 2019-yil 7-noyabrdagi PQ-4511-son qaroriga ILOVA
Oʻzbekiston Respublikasi Prezidentining 2017-yil 11-sentabrdagi “Yuqori sifatli etil spirti va likyor-araq mahsulotlari ishlab chiqarishni tashkil etish chora-tadbirlari toʻgʻrisida”gi PQ-3263-son qaroriga kiritilayotgan oʻzgartirishlar
1. 2-bandning uchinchi xatboshisi quyidagi tahrirda bayon etilsin:
“Toshkent shahrida yangi likyor-araq zavodining qurilishi uchun “Premium Uzbekistan” MChJ QKni Toshkent shahri, Yashnobod tumani, Fargʻona yoʻli koʻchasi, 23/35-uy manzili boʻyicha joylashtirish”.
2. 6-bandning toʻrtinchi va beshinchi xatboshilari quyidagi tahrirda bayon etilsin:
“bosh loyiha tashkiloti etib — “Oʻzogʻirsanoatloyiha” instituti” AJ;
bosh pudratchi tashkilot etib — “SK Alfa stroy” MChJ belgilansin”.
3. 7 — 9-bandlar oʻz kuchini yoʻqotgan deb topilsin.
4. 14-banddagi “Oʻzbekiston temir yoʻllari” AJning” soʻzlari “Premium Uzbekistan” MChJ QKning” soʻzlari bilan almashtirilsin.
5. 15-band quyidagi tahrirda bayon etilsin:
“15. Oʻzbekiston Respublikasi Ichki ishlar vazirligi “Premium Uzbekistan” MChJ QKning talabnomalariga koʻra loyihani amalga oshirishda qatnashadigan xorijiy mutaxassislarga, xorijiy kompaniyalar xodimlariga koʻp martalik vizalarni rasmiylashtirish, berish va muddatini uzaytirish, shuningdek, vaqtinchalik yashash joyiga vaqtincha propiska qilish va vaqtinchalik propiskaning muddatini uzaytirishni davlat boji undirilmagan holda amalga oshirishni taʼminlasin”.
6. 16-band quyidagi tahrirda bayon etilsin:
“Oʻzbekiston Respublikasi Bandlik va mehnat munosabatlari vazirligi “Premium Uzbekistan” MChJ QKning talabnomalariga koʻra loyihani amalga oshirishda ishtirok etish uchun xorijiy mutaxassislarni Oʻzbekiston Respublikasiga jalb etishga ruxsatnomalar berish (muddatini uzaytirish)ni, shuningdek, ushbu xorijiy fuqarolarga Oʻzbekiston Respublikasi hududida mehnat faoliyatini olib borish huquqini beradigan tasdiqnomalar berishni (muddatini uzaytirish)ni davlat boji undirilmagan holda taʼminlasin”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 7-noyabr,
PQ-4511-son
Президента Республики Узбекистан
Постановление
О внесении изменений в постановление Президента Республики Узбекистан от 11 сентября 2017 года № ПП-3263 «О мерах по организации производства высококачественного этилового спирта и ликеро-водочной продукции»
В целях совершенствования организации современного производства этилового спирта и ликеро-водочной продукции, увеличения экспортного потенциала алкогольной продукции, повышения ее качества и конкурентоспособности:
1. Внести изменения в постановление Президента Республики Узбекистан от 11 сентября 2017 года № ПП-3263 «О мерах по организации производства высококачественного этилового спирта и ликеро-водочной продукции» согласно приложению .
2. Контроль за исполнением настоящего постановления возложить на первого заместителя Премьер-министра Республики Узбекистан — министра транспорта Республики Узбекистан А.Ж. Раматова.
ПРИЛОЖЕНИЕ к постановлению Президента Республики Узбекистан от 7 ноября 2019 года № ПП-4511
Изменения, вносимые в постановление Президента Республики Узбекистан от 11 сентября 2017 года № ПП-3263 «О мерах по организации производства высококачественного этилового спирта и ликеро-водочной продукции»
1. Абзац третий пункта 2 изложить в следующей редакции:
«размещении СП ООО «Premium Uzbekistan» по адресу: г. Ташкент, Яшнабадский район, ул. Фаргона йули, 23/35 для строительства нового ликеро-водочного завода в городе Ташкенте».
2. Абзацы четвертый и пятый пункта 6 изложить в следующей редакции:
«генеральной проектной организацией — АО «Oʻzogʻirsanoatloyiha» instituti»;
генеральной подрядной организацией — ООО «СК Альфа строй».
3. Пункты 7 — 9 признать утратившими силу.
4. В пункте 14 слова «АО «Узбекистон темир йуллари» заменить словами «СП ООО «Premium Uzbekistan».
5. Пункт 15 изложить в следующей редакции:
«15. Министерству внутренних дел Республики Узбекистан по заявкам СП ООО «Premium Uzbekistan» обеспечить оформление, выдачу и продление многократных виз, а также временную прописку и продление временной прописки по месту временного проживания иностранных специалистов, персонала иностранных компаний, участвующих в реализации проекта, без взимания государственной пошлины».
6. Пункт 16 изложить в следующей редакции:
«16. Министерству занятости и трудовых отношений Республики Узбекистан обеспечивать по заявкам СП ООО «Premium Uzbekistan» выдачу (продление) разрешений на привлечение в Республику Узбекистан иностранных специалистов для участия в реализации проекта, а также выдачу (продление) указанным иностранным гражданам подтверждений на право трудовой деятельности на территории Республики Узбекистан без взимания государственной пошлины».
Президент Республики Узбекистан Ш. МИРЗИЁЕВ
г. Ташкент,
7 ноября 2019 г.,
№ ПП-4511