📅 2019-yil 12-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 12 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 ноября 2019 г. · Постановления Президента
Официальный текст. Официальный документ. Редакционные примечания не включены.
📅 12 November 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг 2017 йил 25 сентябрдаги «Сув объектларини муҳофаза қилиш тизимини янада такомиллаштириш чора-тадбирлари тўғрисида»ги ПҚ-3286-сон қарорига ўзгартиришлар ва қўшимча киритиш ҳақида
Дарё ўзанларида қум-шағал материалларини қазиб олиш ишларини бажаришда хавфсизлик қоидаларини таъминлаш ва мазкур участкаларда қазиб олиш ишлари устидан ягона давлат назоратини ўрнатиш мақсадида:
1. Ўзбекистон Республикаси Президентининг 2017 йил 25 сентябрдаги «Сув объектларини муҳофаза қилиш тизимини янада такомиллаштириш чора-тадбирлари тўғрисида»ги ПҚ-3286-сон қарори 1-бандида :
олтинчи хатбоши қуйидаги таҳрирда баён этилсин:
«дарёлар ўзанлари ва қирғоқбўйи минтақаларида норуда фойдали қазилмаларни қазиб олиш (қум-шағал материалларини қазиб олиш бундан мустасно) тасдиқланган захиралар мавжудлиги ва сув режимига салбий таъсирга йўл қўймаслик шарти билан норуда фойдали қазилмаларни ўз ичига олган ер қаъри участкаларидан фойдаланиш ҳуқуқини берадиган лицензияга қатъий мувофиқ равишда амалга оширилади»;
қуйидаги мазмундаги саккизинчи хатбоши билан тўлдирилсин:
«дарёлар ўзанларида қум-шағал материалларини қазиб олиш фақат уларни тозалаш жараёнида Ўзбекистон Республикаси Фавқулодда вазиятлар вазирлиги ҳузуридаги «Хавфсиз дарё» давлат унитар корхонаси томонидан белгиланган тартибда шартнома асосида жалб этилган тадбиркорлик субъектлари ва бошқа ташкилотлар томонидан амалга оширилади»;
саккизинчи хатбоши тўққизинчи хатбоши деб ҳисоблансин.
2. Белгилаб қўйилсинки:
тадбиркорлик субъектлари томонидан дарёлар ўзанларида қум-шағал материалларини қазиб олиш учун олинган ер қаъри участкаларидан фойдаланиш ҳуқуқини берадиган лицензияларнинг амал қилиши уларнинг амал қилиш муддати тугагунга қадар кучда бўлади (ер қаъри участкаларидан фойдаланиш ҳуқуқини чеклаш, тўхтатиб туриш ва тугатиш ҳолатлари бундан мустасно), ушбу муддатни узайтириш ёхуд лицензияларнинг қайта расмийлаштирилишига йўл қўйилмайди;
дарё ўзанларида ва қирғоқбўйи минтақаларидаги истиқболли участкаларда геологик ўрганиш учун 2019 йил 1 июль кунига қадар лицензиялар олган тадбиркорлик субъектларига, истисно тариқасида, «Хавфсиз дарё» давлат унитар корхонаси билан қум-шағал материалларини қазиб олиш юзасидан тўғридан-тўғри шартнома тузишга рухсат берилади.
3. Ўзбекистон Республикаси Адлия вазирлиги манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
4. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 12 ноябрь,
ПҚ-4518-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining 2017-yil 25-sentabrdagi “Suv obyektlarini muhofaza qilish tizimini yanada takomillashtirish chora-tadbirlari toʻgʻrisida”gi PQ-3286-son qaroriga oʻzgartirishlar va qoʻshimcha kiritish haqida
Daryo oʻzanlarida qum-shagʻal materiallarini qazib olish ishlarini bajarishda xavfsizlik qoidalarini taʼminlash va mazkur uchastkalarda qazib olish ishlari ustidan yagona davlat nazoratini oʻrnatish maqsadida:
1. Oʻzbekiston Respublikasi Prezidentining 2017-yil 25-sentabrdagi “Suv obyektlarini muhofaza qilish tizimini yanada takomillashtirish chora-tadbirlari toʻgʻrisida”gi PQ-3286-son qarori 1-bandida :
oltinchi xatboshi quyidagi tahrirda bayon etilsin:
“daryolar oʻzanlari va qirgʻoqboʻyi mintaqalarida noruda foydali qazilmalarni qazib olish (qum-shagʻal materiallarini qazib olish bundan mustasno) tasdiqlangan zaxiralar mavjudligi va suv rejimiga salbiy taʼsirga yoʻl qoʻymaslik sharti bilan noruda foydali qazilmalarni oʻz ichiga olgan yer qaʼri uchastkalaridan foydalanish huquqini beradigan litsenziyaga qatʼiy muvofiq ravishda amalga oshiriladi”;
quyidagi mazmundagi sakkizinchi xatboshi bilan toʻldirilsin:
“daryolar oʻzanlarida qum-shagʻal materiallarini qazib olish faqat ularni tozalash jarayonida Oʻzbekiston Respublikasi Favqulodda vaziyatlar vazirligi huzuridagi “Xavfsiz daryo” davlat unitar korxonasi tomonidan belgilangan tartibda shartnoma asosida jalb etilgan tadbirkorlik subyektlari va boshqa tashkilotlar tomonidan amalga oshiriladi”;
sakkizinchi xatboshi toʻqqizinchi xatboshi deb hisoblansin.
2. Belgilab qoʻyilsinki:
tadbirkorlik subyektlari tomonidan daryolar oʻzanlarida qum-shagʻal materiallarini qazib olish uchun olingan yer qaʼri uchastkalaridan foydalanish huquqini beradigan litsenziyalarning amal qilishi ularning amal qilish muddati tugagunga qadar kuchda boʻladi (yer qaʼri uchastkalaridan foydalanish huquqini cheklash, toʻxtatib turish va tugatish holatlari bundan mustasno), ushbu muddatni uzaytirish yoxud litsenziyalarning qayta rasmiylashtirilishiga yoʻl qoʻyilmaydi;
daryo oʻzanlarida va qirgʻoqboʻyi mintaqalaridagi istiqbolli uchastkalarda geologik oʻrganish uchun 2019-yil 1-iyul kuniga qadar litsenziyalar olgan tadbirkorlik subyektlariga, istisno tariqasida, “Xavfsiz daryo” davlat unitar korxonasi bilan qum-shagʻal materiallarini qazib olish yuzasidan toʻgʻridan toʻgʻri shartnoma tuzishga ruxsat beriladi.
3. Oʻzbekiston Respublikasi Adliya vazirligi manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 12-noyabr,
PQ-4518-son
Президента Республики Узбекистан
Постановление
О внесении изменений и дополнения в постановление Президента Республики Узбекистан от 25 сентября 2017 года № ПП-3286 «О мерах по дальнейшему совершенствованию системы охраны водных объектов»
В целях обеспечения правил безопасности при выполнении работ по добыче песчано-гравийных материалов в руслах рек и установления единого государственного контроля за деятельностью по добыче на данных участках:
1. В пункте 1 постановления Президента Республики Узбекистан от 25 сентября 2017 года № ПП-3286 «О мерах по дальнейшему совершенствованию системы охраны водных объектов»:
абзац шестой изложить в следующей редакции:
«добыча нерудных полезных ископаемых в руслах рек и прибрежных регионах (за исключением добычи песчано-гравийных материалов) осуществляется строго в соответствии с лицензией на право пользования участками недр, содержащими нерудные полезные ископаемые, при условии наличия утвержденных запасов и исключения негативного воздействия на водный режим»;
дополнить абзацем восьмым следующего содержания:
«добыча песчано-гравийных материалов в руслах рек осуществляется исключительно при их расчистке субъектами предпринимательства и другими организациями, привлеченными в установленном порядке на договорной основе государственным унитарным предприятием «Хавфсиз дарё» при Министерстве по чрезвычайным ситуациям Республики Узбекистан»;
абзац восьмой считать абзацем девятым.
2. Установить, что:
срок действия лицензий на право пользования участками недр, полученных субъектами предпринимательства для добычи песчано-гравийных материалов в руслах рек, действует до истечения срока действия данных лицензий (за исключением случаев ограничения, приостановления и прекращения права пользования участками недр), продление указанного срока либо переоформление лицензий не допускается;
разрешается, в порядке исключения, заключение субъектами предпринимательства, получившими до 1 июля 2019 года лицензии для геологического изучения на перспективных участках русел рек и прибрежных регионов, прямых договоров с государственным унитарным предприятием «Хавфсиз дарё» на добычу песчано-гравийных материалов.
3. Министерству юстиции совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
4. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
12 ноября 2019 г.,
№ ПП-4518