📅 2019-yil 20-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 20 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 ноября 2019 г. · Постановления Президента
Официальный текст. Официальный документ. Редакционные примечания не включены.
📅 20 November 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
рўйхати
ТАРКИБИ
Тошкент шаҳрида Беларусь-Ўзбекистон қўшма тармоқлараро амалий техник квалификациялар институтини ташкил этиш тўғрисида
Республика иқтисодиёти тармоқлари учун юқори малакали муҳандис-техник кадрлар тайёрлашни янада такомиллаштириш, олий таълим соҳасида халқаро ҳамкорликни кенгайтириш ҳамда 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ:
1. Беларусь Республикаси Таълим вазирлиги, Ўзбекистон Республикаси Олий ва ўрта махсус таълим вазирлиги, Беларусь миллий техника университети, Республика касб-ҳунар таълими институти (Беларусь Республикаси) ва Ислом Каримов номидаги Тошкент давлат техника университетининг Тошкент шаҳрида Беларусь-Ўзбекистон қўшма тармоқлараро амалий техник квалификациялар институтини (кейинги ўринларда — Институт) ташкил этиш тўғрисидаги таклифига розилик берилсин.
2. Институтнинг асосий фаолият йўналишлари ва вазифалари этиб қуйидагилар белгилансин:
халқаро таълим стандартларига мувофиқ, шу жумладан қўшма таълим дастурлари асосида республика саноат тармоқларининг энг муҳим илмий-ишлаб чиқариш масалаларини ҳал эта оладиган юқори малакали муҳандис-техник кадрларни бакалавриат таълим йўналишлари ва магистратура мутахассисликлари бўйича тайёрлаш;
олий ва касб-ҳунар таълимининг замонавий таълим дастурлари ва шаклларини ишлаб чиқиш ва татбиқ этиш, таълим жараёнига илғор педагогик ва ахборот технологияларини, фан ва техниканинг энг янги ютуқларини татбиқ этиш;
бакалавриат таълим йўналишлари ва магистратура мутахассисликларига мувофиқ янги ўқув дастурлари, дарсликлар, ўқув қўлланмалари яратиш орқали ўқув-услубий ишлар сифати ва даражасини ошириш;
таълим ва фаннинг узлуксизлиги ва узвийлиги ҳамда жаҳон таълим ва илмий ҳамжамиятига интеграциялашиш ҳисобига мутахассислар ва илмий-педагогик кадрларни тайёрлаш, қайта тайёрлаш ва уларнинг малакасини ошириш;
илмий-педагогик салоҳиятни ривожлантиришни қўллаб-қувватлаш, педагогик технологиялар ва таълим усулларини фаол такомиллаштириш;
ишлаб чиқариш тизимларида тежамкорлик, ишончлилик ва барқарор фаолиятни оширишга йўналтирилган, машинасозлик, механика, ишлаб чиқаришни автоматлаштириш, биотехнология, метрология ва стандартлаштириш ҳамда саноат ишлаб чиқаришнинг бошқа тармоқларида илмий тадқиқотлар ўтказиш, инновацион лойиҳаларни амалга ошириш;
таълим, фан ва ишлаб чиқаришнинг мустаҳкам интеграцияси учун шароитлар яратиш;
таълим ва илмий-техникавий соҳаларда хорижий мамлакатларнинг етакчи таълим муассасалари, илмий-тадқиқот марказлари ва бизнес ҳамжамиятлари билан узоқ муддатли муносабатларни ривожлантириш ва мустаҳкамлаш.
3. Белгилансинки:
Ислом Каримов номидаги Тошкент давлат техника университети Институтнинг таъсисчиси (кейинги ўринларда — таъсисчи), Беларусь миллий техника университети ва Республика касб-ҳунар таълими институти (Беларусь Республикаси) Институт фаолиятини ташкил этиш иштирокчилари (кейинги ўринларда — иштирокчилар) ҳисобланади;
Институт Ўзбекистон Республикаси резиденти бўлиб, юридик шахс мақомига эга бўлган давлат муассасаси шаклидаги олий таълим муассасаси ҳисобланади;
Институт олий малакали мутахассислар ва илмий-педагог кадрларни тайёрлаш, қайта тайёрлаш ва уларнинг малакасини ошириш билан шуғулланади;
Институт ўз фаолиятини Ўзбекистон Республикасининг таълим соҳасидаги қонун ҳужжатлари талабларига мувофиқ амалга оширади;
Институтнинг таълим фаолияти 2020/2021 ўқув йилидан бошланади;
Институтга абитуриентлар, тадқиқотчилар ва тингловчиларни қабул қилиш Ўзбекистон Республикаси Олий таълим, фан ва инновациялар вазирлиги ҳамда Беларусь Республикаси Таълим вазирлиги билан келишилган ҳолда таъсисчи ва иштирокчилар томонидан ўрнатилган талаблар, тартиб ва муддатларга мувофиқ амалга оширади;
Институтдаги таълим Ўзбекистон Республикаси ва Беларусь Республикаси давлат таълим стандартлари талабларига мувофиқ таъсисчи ва иштирокчилар томонидан тасдиқланган таълим дастурлари бўйича рус тилида амалга оширилади;
Институт битирувчиларига таълим якунлари бўйича Ўзбекистон Республикасида олий таълим тўғрисидаги ҳужжат сифатида тан олинадиган Беларусь миллий техника университетининг ёки Институтнинг олий таълим тўғрисида белгиланган намунадаги дипломи топширилади;
қайта тайёрлаш ва малака ошириш дастурларини ўзлаштирган тингловчиларга Ўзбекистон Республикасида тан олинадиган Беларусь Республикасининг ўрнатилган намунадаги ҳужжатлари (касб бўйича малака разряди берилганлиги тўғрисидаги гувоҳнома, олий таълим даражасида қайта тайёрлаш тўғрисидаги диплом, малака оширганлиги тўғрисида гувоҳнома) топширилади.
4. Таъсисчи ва иштирокчиларнинг қуйидагиларни таъминлашда ёрдам беришлари маълумот учун қабул қилинсин:
Институтнинг ўқув жараёнига илғор педагогик ва ахборот технологиялари, фан ва техниканинг энг сўнгги ютуқларини жорий этиш;
Ўзбекистон Республикаси олий таълим муассасалари профессор-ўқитувчиларини қайта тайёрлаш ва малакасини ошириш курсларини, стажировкаларини ташкил этиш;
Институт кутубхона фондини шакллантириш ва замонавий ўқув, ўқув-услубий ва илмий-техник адабиётлар билан тўлдириш.
5. Қуйидагилар:
Беларусь-Ўзбекистон қўшма тармоқлараро амалий техник квалификациялар институтида мутахассислар тайёрлаш бўйича асосий бакалавриат таълим йўналишлари (магистратура мутахассисликлари) рўйхати 1-иловага мувофиқ;
Беларусь-Ўзбекистон қўшма тармоқлараро амалий техник квалификациялар институти Васийлик кенгашининг таркиби (кейинги ўринларда — Васийлик кенгаши) 2-иловага мувофиқ тасдиқлансин.
6. Маълумот учун қабул қилинсинки, Васийлик кенгаши Институт ривожланишига кўмаклашувчи жамоатчилик бошқарувининг олий органи ҳисобланади.
Белгиласинки, Васийлик кенгаши қуйидагиларга кўмаклашади:
Институтнинг техник ривожланиши ва самарали фаолият юритишини таъминлаш учун молиявий кўмак, бюджетдан ташқари маблағларни жалб этиш;
талабаларнинг малакавий амалиётларини Беларусь Республикаси ва Ўзбекистон Республикаси ишлаб чиқариш корхоналарида ўташ;
Институт ходимлари ва талабаларининг истиқболли дастурлари ва ғояларини амалга ошириш, илмий тадқиқотлар натижаларини амалиётга самарали татбиқ этиш;
профессор-ўқитувчилар ва ёш олимларга халқаро илмий-техникавий маълумотларнинг ахборот-таҳлилий базасига киритилган журналларда, шу жумладан «Scopus» ва «Web of science» журналларида илмий мақолалар чоп этишда, шунингдек, ўқув-услубий адабиётларни ишлаб чиқаётган, илмий-тадқиқот ишларини олиб бораётган мутахассисларга, шу жумладан уларни моддий рағбатлантириш орқали;
Институтда бакалавриат таълим йўналишлари ва магистратура мутахассисликлари бўйича қўшма, шу жумладан икки босқичда амалга ошириладиган (биринчи босқич — талабаларни бутун таълим жараёнининг биринчи ярмида Институтда, иккинчи босқич — бутун таълим жараёнининг иккинчи ярмида Беларусь миллий техника университетида ўқитиш) замонавий таълим дастурлари асосида кадрларни тайёрлаш.
7. Қуйидагилар Институт фаолиятини молиялаштириш манбалари этиб белгилансин:
Институтга ўқишга қабул қилинадиган талабалар умумий сонининг 30 фоизидан ошмаган ҳолда давлат грантлари асосида талабаларнинг ўқиши учун ажратиладиган Ўзбекистон Республикаси Давлат бюджети маблағлари;
талабаларни тўлов-контракт асосида ўқитишдан тушадиган маблағлар;
юридик ва жисмоний шахсларнинг хайриялари;
давлат илмий-техник дастурларини амалга ошириш учун ажратиладиган Ўзбекистон Республикаси Давлат бюджети маблағлари;
ташқи беғараз кўмак маблағлари (грантлар, техник кўмак ва бошқалар);
қонун ҳужжатларида тақиқланмаган бошқа манбалар.
8. Белгилаб қўйилсинки:
Институтнинг қабул параметрлари ва қўшма таълим дастурлари Ўзбекистон Республикаси Олий таълим, фан ва инновациялар вазирлиги билан келишилган ҳолда таъсисчи ва иштирокчиларнинг асосланган таклифларига биноан манфаатдор вазирликлар ва идораларнинг кадрларга бўлган эҳтиёжлари асосида Васийлик кенгаши қарори билан тасдиқланади;
Институтда тўлов-контракт асосида таълим учун тўловлар миқдори Ўзбекистон Республикаси ҳудудида таъсисчи томонидан, Беларусь Республикаси ҳудудида — Беларусь миллий техника университети томонидан белгиланади;
Институтнинг давлат грантлари асосида таълим олган битирувчилари Ўзбекистон Республикаси таълим муассасалари ва ташкилотларида камида уч йил ишлаб бериш шарти билан ишга тақсимланадилар;
Институт таъминотига бюджет маблағлари 2019 йилда Ўзбекистон Республикаси Давлат бюджетининг ижтимоий соҳа бўйича тасдиқланган харажатлар параметрлари доирасида ажратилади, 2020 йилдан бошлаб эса мазкур соҳа учун ҳар йилги харажатлар параметрларида кўзда тутилади.
9. Қуйидагиларга:
Институтнинг юқори малакага эга бўлган, ўқув-услубий таъминотни ишлаб чиққан, махсус ускуналар билан ишлаш малакасига эга бўлган ходимларига Васийлик кенгаши қарори билан Институтнинг бюджетдан ташқари маблағлари ҳисобидан шахсий устама ҳақ белгилашга;
имзоланган шартномалар асосида ўрнатилган тарифлар бўйича педагогик ва илмий ишлар учун таклиф қилинган хорижий профессор ва ўқитувчиларнинг (шу жумладан, Беларусь Республикаси фуқаролари) меҳнатига ҳақ тўлаш, яшаш ва транспорт харажатларини Институт томонидан тўланишига рухсат этилсин.
10. Ўзбекистон Республикаси Олий ва ўрта махсус таълим вазирлиги уч ой муддатда Вазирлар Маҳкамасига 2021 йилда Навоий шаҳрида Институтнинг саноатнинг устувор йўналишлари, инжиниринг, технологиялар ва IT-дастурлаш бўйича юқори малакали кадрларни тайёрлашга ихтисослашган филиалини ташкил этиш бўйича таклиф киритсин.
11. Ўзбекистон Республикаси Вазирлар Маҳкамаси бир ой муддатда Институтни жойлаштиришни таъминласин.
12. Ўзбекистон Республикаси Олий ва ўрта махсус таълим вазирлиги 2020 йил 1 августга қадар дастлабки босқичда Ўзбекистон Республикаси Олий ва ўрта махсус таълим вазирлигининг Олий таълим муассасаларини ривожлантириш жамғармаси маблағлари ва Васийлик кенгаши томонидан шакллантириладиган маблағлар ҳисобидан (зарур ҳолларда) Институтнинг бино ва иншоотларини таъмирлаш-тиклаш ва жиҳозлаш ишларини амалга оширсин ҳамда уни биринчи ўқув йили учун зарур бўлган мебель, инвентарь, компьютер ва бошқа оргтехника, ўқув адабиётлари ва кутубхона фонди билан таъминласин.
13. Институтга иккита, жумладан битта шахсий бириктирилган ва битта навбатчи енгил автотранспорт воситаларини сақлаш учун лимит ажратилсин.
14. Институтни реконструкция қилиш, капитал таъмирлаш, жиҳозлаш ва унинг фаолиятини таъминлаш учун белгиланган тартибда шакллантириладиган рўйхатлар бўйича четдан олиб кириладиган, Ўзбекистон Республикасида ишлаб чиқарилмайдиган ўқув ва илмий лаборатория ускуналари, компьютер техникаси, дастурий маҳсулотлар, ўқув ва илмий-услубий адабиётлар, инвентарь, қурилиш материаллари ва моддий-техник ресурслар 2022 йил 1 январга қадар божхона тўловларидан (божхона расмийлаштирувчи йиғимларидан ташқари) озод этилсин.
15. Ўзбекистон Республикаси Олий ва ўрта махсус таълим вазирлиги таъсисчи ва иштирокчилар билан биргаликда:
бир ой муддатда Институтнинг таъсис ҳужжатларини ишлаб чиқиш, келишиш ва белгиланган тартибда давлат рўйхатидан ўтказишни;
икки ой муддатда Институтнинг ташкилий тузилмасини Васийлик кенгашига тасдиқлаш учун киритишни;
2020 йил 1 августга қадар Институтни малакали профессор-ўқитувчилар билан танлов асосида бутлашни таъминласин.
16. Ўзбекистон Республикаси Ташқи ишлар вазирлиги Олий таълим, фан ва инновациялар вазирлигининг буюртманомасига биноан ушбу қарорни амалга ошириш доирасида жалб этиладиган хорижий профессор-ўқитувчиларга, шунингдек, уларнинг оила аъзоларига кириш визалари консуллик ва бошқа йиғимлар ундирилмасдан белгиланган тартибда расмийлаштирилишини таъминласин.
17. Ўзбекистон Республикаси Ички ишлар вазирлиги Олий таълим, фан ва инновациялар вазирлиги ҳамда Институтнинг буюртманомасига биноан хорижий профессор-ўқитувчилар ва маъмурий ходимлар, шунингдек, уларнинг оила аъзолари учун кўп марталик визалар ҳамда Ўзбекистон Республикасида турган жойи бўйича рўйхатдан ўтказиш давлат божи ундирилмасдан берилиши ва узайтирилишини таъминласин.
18. Ўзбекистон Республикаси Олий ва ўрта махсус таълим вазирлиги манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
19. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президентининг 2019 йил 20 ноябрдаги ПҚ-4524-сон қарорига 1-ИЛОВА
Беларусь-Ўзбекистон қўшма тармоқлараро амалий техник квалификациялар институтида мутахассислар тайёрлаш бўйича асосий бакалавриат таълим йўналишлари (магистратура мутахассисликлари)
1. Машинасозлик технологияси, машинасозлик ишлаб чиқаришлари ускуналари ва уларни автоматлаштириш
2. Тракторсозлик
3. Пайвандлаш ишлаб чиқариши ускуна ва технологиялари
4. Метрология, стандартлаштириш ва маҳсулот сифати менежменти
5. Интеллектуал қурилмалар, машиналар ва ишлаб чиқариш
6. Компьютер мехатроникаси
7. Саноат корхоналарининг инновацион лойиҳаларини бошқариш
8. Хизмат кўрсатиш соҳаси (автомобиллар)
9. Транспорт логистикаси
10. Бино ва иншоотларнинг иссиқлик-газ таъминоти ва вентиляцияси
11. Биотехник ва тиббий аппаратлар ва тизимлар
Ўзбекистон Республикаси Президентининг 2019 йил 20 ноябрдаги ПҚ-4524-сон қарорига 2-ИЛОВА
Беларусь-Ўзбекистон қўшма тармоқлараро амалий техник квалификациялар институти Васийлик кенгашининг
1. К.Ҳ. Каримов — Ўзбекистон Республикаси олий таълим, фан ва инновациялар вазирининг биринчи ўринбосари, Васийлик кенгаши раиси 2. С.М. Турабджанов — Ислом Каримов номидаги Тошкент давлат техника университети ректори, Васийлик кенгаши раиси ўринбосари 3. А.А. Муминов — Ўзбекистон Республикаси транспорт вазирининг ўринбосари 4. А.С. Хасанов — «Олмалиқ КМК» АЖ бош муҳандис ўринбосари 5. Ф.Р. Тураев — «Ўзавтосаноат» АК бошқаруви раиси ўринбосари 6. А.О. Муҳиддинов — «Тошкент қишлоқ хўжалиги техникаси заводи» АЖ бош директори в.б. 7. В.Д. Суцепина — «Тошкент қувур заводи» ҚК директори 8. Ш.Қ. Неъматов — Олий таълим, фан ва инновациялар вазирлиги Таълим муассасалари фаолиятини таҳлил қилиш бошқармаси бошлиғи 9. К.К. Куролов — Ислом Каримов номидаги Тошкент давлат техника университети ҳузуридаги Педагог кадрларни қайта тайёрлаш ва уларнинг малакасини ошириш тармоқ маркази директори 10. С.В. Харитончик — Беларусь миллий техника университети ректори ( Беларусь Республикаси, келишув бўйича) 11. В.Н. Голубовский — Республика касб-ҳунар таълими институти ректори ( Беларусь Республикаси, келишув бўйича ) 12. И.И. Гончеренок — Беларусь-Ўзбекистон қўшма тармоқлараро амалий техник квалификациялар институти директори ( Беларусь томонидан, келишув бўйича) 13. Н.М. Жабборов — Беларусь-Ўзбекистон қўшма тармоқлараро амалий техник квалификациялар институти ижрочи директори (Ўзбекистон томонидан) , Васийлик кенгаши котиби
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 20 ноябрь,
ПҚ-4524-сон
Oʻzbekiston Respublikasi Prezidentining
Qarori
roʻyxati
TARKIBI
Toshkent shahrida Belarus-Oʻzbekiston qoʻshma tarmoqlararo amaliy texnik kvalifikatsiyalar institutini tashkil etish toʻgʻrisida
Respublika iqtisodiyoti tarmoqlari uchun yuqori malakali muhandis-texnik kadrlar tayyorlashni yanada takomillashtirish, oliy taʼlim sohasida xalqaro hamkorlikni kengaytirish hamda 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasiga muvofiq:
1. Belarus Respublikasi Taʼlim vazirligi, Oʻzbekiston Respublikasi Oliy va oʻrta maxsus taʼlim vazirligi, Belarus milliy texnika universiteti, Respublika kasb-hunar taʼlimi instituti (Belarus Respublikasi) va Islom Karimov nomidagi Toshkent davlat texnika universitetining Toshkent shahrida Belarus-Oʻzbekiston qoʻshma tarmoqlararo amaliy texnik kvalifikatsiyalar institutini (keyingi oʻrinlarda — Institut) tashkil etish toʻgʻrisidagi taklifiga rozilik berilsin.
2. Institutning asosiy faoliyat yoʻnalishlari va vazifalari etib quyidagilar belgilansin:
xalqaro taʼlim standartlariga muvofiq, shu jumladan qoʻshma taʼlim dasturlari asosida respublika sanoat tarmoqlarining eng muhim ilmiy-ishlab chiqarish masalalarini hal eta oladigan yuqori malakali muhandis-texnik kadrlarni bakalavriat taʼlim yoʻnalishlari va magistratura mutaxassisliklari boʻyicha tayyorlash;
oliy va kasb-hunar taʼlimining zamonaviy taʼlim dasturlari va shakllarini ishlab chiqish va tatbiq etish, taʼlim jarayoniga ilgʻor pedagogik va axborot texnologiyalarini, fan va texnikaning eng yangi yutuqlarini tatbiq etish;
bakalavriat taʼlim yoʻnalishlari va magistratura mutaxassisliklariga muvofiq yangi oʻquv dasturlari, darsliklar, oʻquv qoʻllanmalari yaratish orqali oʻquv-uslubiy ishlar sifati va darajasini oshirish;
taʼlim va fanning uzluksizligi va uzviyligi hamda jahon taʼlim va ilmiy hamjamiyatiga integratsiyalashish hisobiga mutaxassislar va ilmiy-pedagogik kadrlarni tayyorlash, qayta tayyorlash va ularning malakasini oshirish;
ilmiy-pedagogik salohiyatni rivojlantirishni qoʻllab-quvvatlash, pedagogik texnologiyalar va taʼlim usullarini faol takomillashtirish;
ishlab chiqarish tizimlarida tejamkorlik, ishonchlilik va barqaror faoliyatni oshirishga yoʻnaltirilgan, mashinasozlik, mexanika, ishlab chiqarishni avtomatlashtirish, biotexnologiya, metrologiya va standartlashtirish hamda sanoat ishlab chiqarishning boshqa tarmoqlarida ilmiy tadqiqotlar oʻtkazish, innovatsion loyihalarni amalga oshirish;
taʼlim, fan va ishlab chiqarishning mustahkam integratsiyasi uchun sharoitlar yaratish;
taʼlim va ilmiy-texnikaviy sohalarda xorijiy mamlakatlarning yetakchi taʼlim muassasalari, ilmiy-tadqiqot markazlari va biznes hamjamiyatlari bilan uzoq muddatli munosabatlarni rivojlantirish va mustahkamlash.
3. Belgilansinki:
Islom Karimov nomidagi Toshkent davlat texnika universiteti Institutning taʼsischisi (keyingi oʻrinlarda — taʼsischi), Belarus milliy texnika universiteti va Respublika kasb-hunar taʼlimi instituti (Belarus Respublikasi) Institut faoliyatini tashkil etish ishtirokchilari (keyingi oʻrinlarda — ishtirokchilar) hisoblanadi;
Institut Oʻzbekiston Respublikasi rezidenti boʻlib, yuridik shaxs maqomiga ega boʻlgan davlat muassasasi shaklidagi oliy taʼlim muassasasi hisoblanadi;
Institut oliy malakali mutaxassislar va ilmiy-pedagog kadrlarni tayyorlash, qayta tayyorlash va ularning malakasini oshirish bilan shugʻullanadi;
Institut oʻz faoliyatini Oʻzbekiston Respublikasining taʼlim sohasidagi qonun hujjatlari talablariga muvofiq amalga oshiradi;
Institutning taʼlim faoliyati 2020/2021 oʻquv yilidan boshlanadi;
Institutga abituriyentlar, tadqiqotchilar va tinglovchilarni qabul qilish Oʻzbekiston Respublikasi Oliy taʼlim, fan va innovatsiyalar vazirligi hamda Belarus Respublikasi Taʼlim vazirligi bilan kelishilgan holda taʼsischi va ishtirokchilar tomonidan oʻrnatilgan talablar, tartib va muddatlarga muvofiq amalga oshiradi;
Institutdagi taʼlim Oʻzbekiston Respublikasi va Belarus Respublikasi davlat taʼlim standartlari talablariga muvofiq taʼsischi va ishtirokchilar tomonidan tasdiqlangan taʼlim dasturlari boʻyicha rus tilida amalga oshiriladi;
Institut bitiruvchilariga taʼlim yakunlari boʻyicha Oʻzbekiston Respublikasida oliy taʼlim toʻgʻrisidagi hujjat sifatida tan olinadigan Belarus milliy texnika universitetining yoki Institutning oliy taʼlim toʻgʻrisida belgilangan namunadagi diplomi topshiriladi;
qayta tayyorlash va malaka oshirish dasturlarini oʻzlashtirgan tinglovchilarga Oʻzbekiston Respublikasida tan olinadigan Belarus Respublikasining oʻrnatilgan namunadagi hujjatlari (kasb boʻyicha malaka razryadi berilganligi toʻgʻrisidagi guvohnoma, oliy taʼlim darajasida qayta tayyorlash toʻgʻrisidagi diplom, malaka oshirganligi toʻgʻrisida guvohnoma) topshiriladi.
4. Taʼsischi va ishtirokchilarning quyidagilarni taʼminlashda yordam berishlari maʼlumot uchun qabul qilinsin:
Institutning oʻquv jarayoniga ilgʻor pedagogik va axborot texnologiyalari, fan va texnikaning eng soʻnggi yutuqlarini joriy etish;
Oʻzbekiston Respublikasi oliy taʼlim muassasalari professor-oʻqituvchilarini qayta tayyorlash va malakasini oshirish kurslarini, stajirovkalarini tashkil etish;
Institut kutubxona fondini shakllantirish va zamonaviy oʻquv, oʻquv-uslubiy va ilmiy-texnik adabiyotlar bilan toʻldirish.
5. Quyidagilar:
Belarus-Oʻzbekiston qoʻshma tarmoqlararo amaliy texnik kvalifikatsiyalar institutida mutaxassislar tayyorlash boʻyicha asosiy bakalavriat taʼlim yoʻnalishlari (magistratura mutaxassisliklari) roʻyxati 1-ilovaga muvofiq;
Belarus-Oʻzbekiston qoʻshma tarmoqlararo amaliy texnik kvalifikatsiyalar instituti Vasiylik kengashining tarkibi (keyingi oʻrinlarda — Vasiylik kengashi) 2-ilovaga muvofiq tasdiqlansin.
6. Maʼlumot uchun qabul qilinsinki, Vasiylik kengashi Institut rivojlanishiga koʻmaklashuvchi jamoatchilik boshqaruvining oliy organi hisoblanadi.
Belgilasinki, Vasiylik kengashi quyidagilarga koʻmaklashadi:
Institutning texnik rivojlanishi va samarali faoliyat yuritishini taʼminlash uchun moliyaviy koʻmak, budjetdan tashqari mablagʻlarni jalb etish;
talabalarning malakaviy amaliyotlarini Belarus Respublikasi va Oʻzbekiston Respublikasi ishlab chiqarish korxonalarida oʻtash;
Institut xodimlari va talabalarining istiqbolli dasturlari va gʻoyalarini amalga oshirish, ilmiy tadqiqotlar natijalarini amaliyotga samarali tatbiq etish;
professor-oʻqituvchilar va yosh olimlarga xalqaro ilmiy-texnikaviy maʼlumotlarning axborot-tahliliy bazasiga kiritilgan jurnallarda, shu jumladan “Scopus” va “Web of science” jurnallarida ilmiy maqolalar chop etishda, shuningdek, oʻquv-uslubiy adabiyotlarni ishlab chiqayotgan, ilmiy-tadqiqot ishlarini olib borayotgan mutaxassislarga, shu jumladan ularni moddiy ragʻbatlantirish orqali;
Institutda bakalavriat taʼlim yoʻnalishlari va magistratura mutaxassisliklari boʻyicha qoʻshma, shu jumladan ikki bosqichda amalga oshiriladigan (birinchi bosqich — talabalarni butun taʼlim jarayonining birinchi yarmida Institutda, ikkinchi bosqich — butun taʼlim jarayonining ikkinchi yarmida Belarus milliy texnika universitetida oʻqitish) zamonaviy taʼlim dasturlari asosida kadrlarni tayyorlash.
7. Quyidagilar Institut faoliyatini moliyalashtirish manbalari etib belgilansin:
Institutga oʻqishga qabul qilinadigan talabalar umumiy sonining 30 foizidan oshmagan holda davlat grantlari asosida talabalarning oʻqishi uchun ajratiladigan Oʻzbekiston Respublikasi Davlat budjeti mablagʻlari;
talabalarni toʻlov-kontrakt asosida oʻqitishdan tushadigan mablagʻlar;
yuridik va jismoniy shaxslarning xayriyalari;
davlat ilmiy-texnik dasturlarini amalga oshirish uchun ajratiladigan Oʻzbekiston Respublikasi Davlat budjeti mablagʻlari;
tashqi begʻaraz koʻmak mablagʻlari (grantlar, texnik koʻmak va boshqalar);
qonun hujjatlarida taqiqlanmagan boshqa manbalar.
8. Belgilab qoʻyilsinki:
Institutning qabul parametrlari va qoʻshma taʼlim dasturlari Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda taʼsischi va ishtirokchilarning asoslangan takliflariga binoan manfaatdor vazirliklar va idoralarning kadrlarga boʻlgan ehtiyojlari asosida Vasiylik kengashi qarori bilan tasdiqlanadi;
Institutda toʻlov-kontrakt asosida taʼlim uchun toʻlovlar miqdori Oʻzbekiston Respublikasi hududida taʼsischi tomonidan, Belarus Respublikasi hududida — Belarus milliy texnika universiteti tomonidan belgilanadi;
Institutning davlat grantlari asosida taʼlim olgan bitiruvchilari Oʻzbekiston Respublikasi taʼlim muassasalari va tashkilotlarida kamida uch yil ishlab berish sharti bilan ishga taqsimlanadilar;
Institut taʼminotiga budjet mablagʻlari 2019-yilda Oʻzbekiston Respublikasi Davlat budjetining ijtimoiy soha boʻyicha tasdiqlangan xarajatlar parametrlari doirasida ajratiladi, 2020-yildan boshlab esa mazkur soha uchun har yilgi xarajatlar parametrlarida koʻzda tutiladi.
9. Quyidagilarga:
Institutning yuqori malakaga ega boʻlgan, oʻquv-uslubiy taʼminotni ishlab chiqqan, maxsus uskunalar bilan ishlash malakasiga ega boʻlgan xodimlariga Vasiylik kengashi qarori bilan Institutning budjetdan tashqari mablagʻlari hisobidan shaxsiy ustama haq belgilashga;
imzolangan shartnomalar asosida oʻrnatilgan tariflar boʻyicha pedagogik va ilmiy ishlar uchun taklif qilingan xorijiy professor va oʻqituvchilarning (shu jumladan, Belarus Respublikasi fuqarolari) mehnatiga haq toʻlash, yashash va transport xarajatlarini Institut tomonidan toʻlanishiga ruxsat etilsin.
10. Oʻzbekiston Respublikasi Oliy va oʻrta maxsus taʼlim vazirligi uch oy muddatda Vazirlar Mahkamasiga 2021-yilda Navoiy shahrida Institutning sanoatning ustuvor yoʻnalishlari, injiniring, texnologiyalar va IT-dasturlash boʻyicha yuqori malakali kadrlarni tayyorlashga ixtisoslashgan filialini tashkil etish boʻyicha taklif kiritsin.
11. Oʻzbekiston Respublikasi Vazirlar Mahkamasi bir oy muddatda Institutni joylashtirishni taʼminlasin.
12. Oʻzbekiston Respublikasi Oliy va oʻrta maxsus taʼlim vazirligi 2020-yil 1-avgustga qadar dastlabki bosqichda Oʻzbekiston Respublikasi Oliy va oʻrta maxsus taʼlim vazirligining Oliy taʼlim muassasalarini rivojlantirish jamgʻarmasi mablagʻlari va Vasiylik kengashi tomonidan shakllantiriladigan mablagʻlar hisobidan (zarur hollarda) Institutning bino va inshootlarini taʼmirlash-tiklash va jihozlash ishlarini amalga oshirsin hamda uni birinchi oʻquv yili uchun zarur boʻlgan mebel, inventar, kompyuter va boshqa orgtexnika, oʻquv adabiyotlari va kutubxona fondi bilan taʼminlasin.
13. Institutga ikkita, jumladan bitta shaxsiy biriktirilgan va bitta navbatchi yengil avtotransport vositalarini saqlash uchun limit ajratilsin.
14. Institutni rekonstruksiya qilish, kapital taʼmirlash, jihozlash va uning faoliyatini taʼminlash uchun belgilangan tartibda shakllantiriladigan roʻyxatlar boʻyicha chetdan olib kiriladigan, Oʻzbekiston Respublikasida ishlab chiqarilmaydigan oʻquv va ilmiy laboratoriya uskunalari, kompyuter texnikasi, dasturiy mahsulotlar, oʻquv va ilmiy-uslubiy adabiyotlar, inventar, qurilish materiallari va moddiy-texnik resurslar 2022-yil 1-yanvarga qadar bojxona toʻlovlaridan (bojxona rasmiylashtiruvchi yigʻimlaridan tashqari) ozod etilsin.
15. Oʻzbekiston Respublikasi Oliy va oʻrta maxsus taʼlim vazirligi taʼsischi va ishtirokchilar bilan birgalikda:
bir oy muddatda Institutning taʼsis hujjatlarini ishlab chiqish, kelishish va belgilangan tartibda davlat roʻyxatidan oʻtkazishni;
ikki oy muddatda Institutning tashkiliy tuzilmasini Vasiylik kengashiga tasdiqlash uchun kiritishni;
2020-yil 1-avgustga qadar Institutni malakali professor-oʻqituvchilar bilan tanlov asosida butlashni taʼminlasin.
16. Oʻzbekiston Respublikasi Tashqi ishlar vazirligi Oliy taʼlim, fan va innovatsiyalar vazirligining buyurtmanomasiga binoan ushbu qarorni amalga oshirish doirasida jalb etiladigan xorijiy professor-oʻqituvchilarga, shuningdek, ularning oila aʼzolariga kirish vizalari konsullik va boshqa yigʻimlar undirilmasdan belgilangan tartibda rasmiylashtirilishini taʼminlasin.
17. Oʻzbekiston Respublikasi Ichki ishlar vazirligi Oliy taʼlim, fan va innovatsiyalar vazirligi hamda Institutning buyurtmanomasiga binoan xorijiy professor-oʻqituvchilar va maʼmuriy xodimlar, shuningdek, ularning oila aʼzolari uchun koʻp martalik vizalar hamda Oʻzbekiston Respublikasida turgan joyi boʻyicha roʻyxatdan oʻtkazish davlat boji undirilmasdan berilishi va uzaytirilishini taʼminlasin.
18. Oʻzbekiston Respublikasi Oliy va oʻrta maxsus taʼlim vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
19. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidentining 2019-yil 20-noyabrdagi PQ-4524-son qaroriga 1-ILOVA
Belarus-Oʻzbekiston qoʻshma tarmoqlararo amaliy texnik kvalifikatsiyalar institutida mutaxassislar tayyorlash boʻyicha asosiy bakalavriat taʼlim yoʻnalishlari (magistratura mutaxassisliklari)
1. Mashinasozlik texnologiyasi, mashinasozlik ishlab chiqarishlari uskunalari va ularni avtomatlashtirish
2. Traktorsozlik
3. Payvandlash ishlab chiqarishi uskuna va texnologiyalari
4. Metrologiya, standartlashtirish va mahsulot sifati menejmenti
5. Intellektual qurilmalar, mashinalar va ishlab chiqarish
6. Kompyuter mexatronikasi
7. Sanoat korxonalarining innovatsion loyihalarini boshqarish
8. Xizmat koʻrsatish sohasi (avtomobillar)
9. Transport logistikasi
10. Bino va inshootlarning issiqlik-gaz taʼminoti va ventilyatsiyasi
11. Biotexnik va tibbiy apparatlar va tizimlar
Oʻzbekiston Respublikasi Prezidentining 2019-yil 20-noyabrdagi PQ-4524-son qaroriga 2-ILOVA
Belarus-Oʻzbekiston qoʻshma tarmoqlararo amaliy texnik kvalifikatsiyalar instituti Vasiylik kengashining
1. K.H. Karimov — Oʻzbekiston Respublikasi oliy taʼlim, fan va innovatsiyalar vazirining birinchi oʻrinbosari, Vasiylik kengashi raisi 2. S.M. Turabdjanov — Islom Karimov nomidagi Toshkent davlat texnika universiteti rektori, Vasiylik kengashi raisi oʻrinbosari 3. A.A. Muminov — Oʻzbekiston Respublikasi transport vazirining oʻrinbosari 4. A.S. Xasanov — “Olmaliq KMK” AJ bosh muhandis oʻrinbosari 5. F.R. Turayev — “Oʻzavtosanoat” AK boshqaruvi raisi oʻrinbosari 6. A.O. Muhiddinov — “Toshkent qishloq xoʻjaligi texnikasi zavodi” AJ bosh direktori v.b. 7. V.D. Sutsepina — “Toshkent quvur zavodi” QK direktori 8. Sh.Q. Neʼmatov — Oliy taʼlim, fan va innovatsiyalar vazirligi Taʼlim muassasalari faoliyatini tahlil qilish boshqarmasi boshligʻi 9. K.K. Kurolov — Islom Karimov nomidagi Toshkent davlat texnika universiteti huzuridagi Pedagog kadrlarni qayta tayyorlash va ularning malakasini oshirish tarmoq markazi direktori 10. S.V. Xaritonchik — Belarus milliy texnika universiteti rektori ( Belarus Respublikasi, kelishuv boʻyicha) 11. V.N. Golubovskiy — Respublika kasb-hunar taʼlimi instituti rektori ( Belarus Respublikasi, kelishuv boʻyicha ) 12. I.I. Goncherenok — Belarus-Oʻzbekiston qoʻshma tarmoqlararo amaliy texnik kvalifikatsiyalar instituti direktori ( Belarus tomonidan, kelishuv boʻyicha) 13. N.M. Jabborov — Belarus-Oʻzbekiston qoʻshma tarmoqlararo amaliy texnik kvalifikatsiyalar instituti ijrochi direktori (Oʻzbekiston tomonidan) , Vasiylik kengashi kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 20-noyabr,
PQ-4524-son
Президента Республики Узбекистан
Постановление
Перечень
СОСТАВ
О создании совместного Белорусско-Узбекского межотраслевого института прикладных технических квалификаций в городе Ташкенте
В целях дальнейшего совершенствования подготовки высококвалифицированных инженерно-технических кадров для отраслей экономики республики, расширения международного сотрудничества в области высшего образования, а также в соответствии со Стратегией действий по пяти приоритетным направлениям развития Республики Узбекистан в 2017 — 2021 годах:
1. Согласиться с предложением Министерства образования Республики Беларусь, Министерства высшего и среднего специального образования Республики Узбекистан, Белорусского национального технического университета, Республиканского института профессионального образования (Республика Беларусь) и Ташкентского государственного технического университета имени Ислама Каримова о создании в городе Ташкенте совместного Белорусско-Узбекского межотраслевого института прикладных технических квалификаций (далее — Институт).
2. Определить основными задачами и направлениями деятельности Института:
подготовку высококвалифицированных инженерно-технических кадров в соответствии с международными образовательными стандартами, способных решать важнейшие научно-производственные задачи промышленных отраслей республики, в том числе на основе совместных образовательных программ по направлениям образования бакалавриата и специальностям магистратуры;
разработку и внедрение современных образовательных программ и форм обучения высшего и профессионального образования, внедрение в учебный процесс передовых педагогических и информационных технологий, новейших достижений науки и техники;
повышение качества и уровня учебно-методической работы путем создания новых учебных программ, учебников, учебных пособий соответствующих направлений образования бакалавриата и специальностей магистратуры;
подготовку, переподготовку и повышение квалификации специалистов и научно-педагогических кадров за счет непрерывности и преемственности образования и науки, а также интеграции в мировое образовательное и научное сообщество;
поддержку развития научно-педагогического потенциала, активное совершенствование педагогических технологий и методов обучения;
проведение научных исследований, реализацию инновационных проектов в области машиностроения, механики, автоматизации производства, биотехнологии, метрологии и стандартизации, а также других отраслей промышленного производства, направленных на повышение экономичности, надежности и устойчивости функционирования производственных систем;
создание условий для тесной интеграции образования, науки и производства;
развитие и укрепление долгосрочных отношений с ведущими образовательными учреждениями, научно-исследовательскими центрами и бизнес-сообществами зарубежных стран в образовательной и научно-технической сферах.
3. Установить, что:
учредителем Института является Ташкентский государственный технический университет имени Ислама Каримова (далее — учредитель), участниками организации деятельности Института — Белорусский национальный технический университет и Республиканский институт профессионального образования (Республика Беларусь) (далее — участники);
Институт является высшим образовательным учреждением — резидентом Республики Узбекистан в форме государственного учреждения со статусом юридического лица;
Институт осуществляет подготовку, переподготовку и повышение квалификации специалистов и научно-педагогических кадров высшей квалификации;
Институт осуществляет свою деятельность в соответствии с законодательством Республики Узбекистан об образовании;
образовательная деятельность Института начинается с 2020/2021 учебного года;
прием абитуриентов, соискателей и слушателей в Институт осуществляется в соответствии с требованиями, порядком и сроками, определяемыми учредителем и участниками по согласованию с Министерством высшего образования, науки и инноваций Республики Узбекистан и Министерством образования Республики Беларусь;
обучение в Институте осуществляется на русском языке по образовательным программам, утвержденным учредителем и участниками с учетом требований государственных образовательных стандартов Республики Узбекистан и Республики Беларусь;
выпускникам Института по окончании обучения выдается диплом о высшем образовании установленного образца Белорусского национального технического университета или Института, который признается документом о высшем образовании в Республике Узбекистан;
слушателям, освоившим программы переподготовки и повышения квалификации, выдаются соответствующие документы установленного образца Республики Беларусь, которые признаются в Республике Узбекистан (свидетельство о присвоении квалификационного разряда по профессии, диплом о переподготовке на уровне высшего образования, свидетельство о повышении квалификации).
4. Принять к сведению, что учредитель и участники оказывают содействие в обеспечении:
внедрения в образовательный процесс Института передовых педагогических и информационных технологий, новейших достижений науки и техники;
организации стажировок, курсов повышения квалификации и переподготовки профессорско-преподавательского состава высших образовательных учреждений Республики Узбекистан;
формирования и пополнения библиотечного фонда Института современной учебной, учебно-методической и научно-технической литературой.
5. Утвердить:
перечень основных направлений образования бакалавриата (специальностей магистратуры) по подготовке специалистов в совместном Белорусско-Узбекском межотраслевом институте прикладных технических квалификаций согласно приложению № 1 ;
состав Попечительского совета совместного Белорусско-Узбекского межотраслевого института прикладных технических квалификаций (далее — Попечительский совет) согласно приложению № 2 .
6. Принять к сведению, что Попечительский совет является высшим органом общественного управления, способствующим развитию Института.
Установить, что Попечительский совет содействует:
привлечению финансовой помощи, внебюджетных средств для обеспечения технического развития и эффективного функционирования Института;
прохождению квалификационных практик студентами на производственных предприятиях Республики Беларусь и Республики Узбекистан;
реализации перспективных программ и идей, эффективному внедрению в практику результатов научных исследований сотрудников и студентов Института;
профессорско-преподавательскому составу и молодым ученым в публикации научных статей в журналах, входящих в международные информационно-аналитические базы данных научно-технической информации, включая «Scopus», «Web of science», а также специалистам, разрабатывающим учебно-методическую литературу, ведущим научно-исследовательскую работу, в том числе путем их материального стимулирования;
подготовке кадров на основе совместных образовательных программ по направлениям образования бакалавриата и специальностям магистратуры в Институте, в том числе реализуемых в два этапа (первый этап — обучение студентов в первой половине всего учебного периода в Институте, второй этап — обучение студентов во второй половине всего учебного периода в Белорусском национальном техническом университете).
7. Определить источниками финансирования деятельности Института:
средства Государственного бюджета Республики Узбекистан, выделяемые на обучение студентов по государственным грантам, но не более 30 процентов от общего числа студентов, принимаемых на обучение в Институт;
средства, поступающие от обучения студентов на платно-контрактной основе;
благотворительные пожертвования юридических и физических лиц;
средства Государственного бюджета Республики Узбекистан, выделяемые для реализации государственных научно-технических программ;
средства внешнего безвозмездного содействия (гранты, техническое содействие и другие);
иные источники, не запрещенные законодательством.
8. Установить, что:
параметры приема и совместные образовательные программы Института утверждаются решением Попечительского совета по обоснованным предложениям учредителя и участников, подготовленным по согласованию с Министерством высшего образования, науки и инноваций Республики Узбекистан, с учетом потребностей в кадрах заинтересованных министерств и ведомств;
размер стоимости обучения на платно-контрактной основе в Институте на территории Республики Узбекистан устанавливается учредителем, на территории Республики Беларусь — Белорусским национальным техническим университетом;
выпускники Института, обучавшиеся на основе государственных грантов, подлежат распределению на работу с условием отработки не менее трех лет в образовательных учреждениях и организациях Республики Узбекистан;
бюджетные ассигнования на содержание Института в 2019 году выделяются в пределах утвержденных параметров расходов Государственного бюджета Республики Узбекистан на социальную сферу, а с 2020 года — предусматриваются в ежегодных параметрах расходов на данную сферу.
9. Разрешить:
устанавливать работникам Института персональные надбавки за высокую квалификацию, разработку учебно-методического обеспечения, владение навыками работы со специализированным оборудованием за счет внебюджетных средств Института по решению Попечительского совета;
Институту осуществлять оплату труда, проживания и транспортных расходов зарубежных профессоров и преподавателей (в том числе граждан Республики Беларусь), приглашаемых для преподавательской и научной работы, по тарифам, установленным на основании заключаемых договоров.
10. Министерству высшего и среднего специального образования в трехмесячный срок внести в Кабинет Министров Республики Узбекистан предложения по созданию в 2021 году в городе Навои филиала Института, специализирующегося на подготовке высококвалифицированных кадров по приоритетным направлениям промышленности, инжиниринга, технологий и IT-программирования.
11. Кабинету Министров Республики Узбекистан в месячный срок обеспечить размещение Института.
12. Министерству высшего и среднего специального образования в срок до 1 августа 2020 года обеспечить на начальном этапе осуществление необходимых ремонтно-восстановительных работ и обустройство зданий и сооружений Института (при необходимости), а также оснащение его необходимыми для первого года обучения мебелью, инвентарем, компьютерной и другой оргтехникой, учебной литературой и библиотечным фондом за счет средств Фонда развития высших образовательных учреждений Министерства высшего и среднего специального образования Республики Узбекистан и средств, формируемых Попечительским советом.
13. Выделить Институту лимит на содержание двух легковых автотранспортных средств, в том числе одного персонального и одного дежурного.
14. Освободить сроком до 1 января 2022 года от таможенных платежей (за исключением сборов за таможенное оформление) учебное и научное лабораторное оборудование, компьютерную технику, программные продукты, учебную и научно-методическую литературу, инвентарь, строительные материалы и материально-технические ресурсы, не производимые в Республике Узбекистан, ввозимые для реконструкции, капитального ремонта, оснащения и обеспечения деятельности Института, по перечням, формируемым в установленном порядке.
15. Министерству высшего и среднего специального образования Республики Узбекистан совместно с учредителем и участниками обеспечить:
в месячный срок разработку, согласование учредительных документов, а также государственную регистрацию Института в установленном порядке;
в двухмесячный срок внесение на утверждение Попечительского совета организационной структуры Института;
в срок до 1 августа 2020 года укомплектование Института квалифицированным профессорско-преподавательским составом на конкурсной основе.
16. Министерству иностранных дел по заявкам Министерствоа высшего образования, науки и инноваций Республики Узбекистан обеспечить в установленном порядке оформление въездных виз для иностранного профессорско-преподавательского состава, привлекаемого в рамках реализации настоящего постановления, а также членов их семей без взимания консульских и иных сборов.
17. Министерству внутренних дел по заявкам Министерства высшего образования, науки и инноваций и Института обеспечить выдачу и продление многократных виз и регистрации по месту пребывания в Республике Узбекистан иностранного профессорско-преподавательского состава и административного персонала Института, а также членов их семей без взимания государственной пошлины.
18. Министерству высшего и среднего специального образования Республики Узбекистан совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
19. Контроль за исполнением настоящего постановления возложить на советника Президента Республики Узбекистан А.А. Абдувахитова и заместителя Премьер-министра Республики Узбекистан А.А. Абдухакимова.
ПРИЛОЖЕНИЕ № 1 к постановлению Президента Республики Узбекистан от 20 ноября 2019 года № ПП-4524
основных направлений образования бакалавриата (специальностей магистратуры) по подготовке специалистов в совместном Белорусско-Узбекском межотраслевом институте прикладных технических квалификаций
1. Технология машиностроения, оборудование и автоматизация машиностроительных производств
2. Тракторостроение
3. Оборудование и технологии сварочного производства
4. Метрология, стандартизация и менеджмент качества продукции
5. Интеллектуальные приборы, машины и производства
6. Компьютерная мехатроника
7. Управление инновационными проектами промышленных предприятий
8. Сфера услуг (автомобили)
9. Транспортная логистика
10. Теплогазоснабжение и вентиляция зданий и сооружений
11. Биотехнические и медицинские аппараты и системы
ПРИЛОЖЕНИЕ № 2 к постановлению Президента Республики Узбекистан от 20 ноября 2019 года № ПП-4524
Попечительского совета совместного Белорусско-Узбекского межотраслевого института прикладных технических квалификаций
1. К.Х. Каримов — первый заместитель министра высшего образования, науки и инноваций Республики Узбекистан, председатель Попечительского совета 2. С.М. Турабджанов — ректор Ташкентского государственного технического университета имени Ислама Каримова, заместитель председателя Попечительского совета 3. А.А. Муминов — заместитель министра транспорта Республики Узбекистан 4. А.С. Хасанов — заместитель главного инженера АО «Алмалыкский ГМК» 5. Ф.Р. Тураев — заместитель председателя правления АК «Узавтосаноат» 6. А.О. Мухиддинов — и.о. генерального директора АО «Ташкентский завод сельскохозяйственной техники» 7. В.Д. Суцепина — директор СП «Ташкентский трубный завод» 8. Ш.К. Неъматов — начальник Управления анализа деятельности образовательных учреждений Министерства высшего образования, науки и инноваций 9. К.К. Куролов — директор Отраслевого центра переподготовки и повышения квалификации педагогических кадров при Ташкентском государственном техническом университете имени Ислама Каримова 10. С.В. Харитончик — ректор Белорусского национального технического университета (Республика Беларусь, по согласованию) 11. В.Н. Голубовский — ректор Республиканского института профессионального образования (Республика Беларусь, по согласованию) 12. И.И. Гончеренок — директор совместного Белорусско-Узбекского межотраслевого института прикладных технических квалификаций (с белорусской стороны, по согласованию) 13. Н.М. Жабборов — исполнительный директор совместного Белорусско-Узбекского межотраслевого института прикладных технических квалификаций (с узбекской стороны), секретарь Попечительского совета
Президент Республики Узбекистан Ш. МИРЗИЁЕВ
г. Ташкент,
20 ноября 2019 г.,
№ ПП-4524