📅 2019-yil 21-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 21 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 21 ноября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 21 November 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Чиқиндиларни кўмиш ва утилизация қилиш жойлари давлат кадастрини юритиш тартиби тўғрисида низомга қўшимча киритиш ҳақида
Ўзбекистон Республикасининг «Давлат кадастрлари тўғрисида»ги Қонунига ва Вазирлар Маҳкамасининг 2005 йил 16 февралдаги 66-сон қарори билан тасдиқланган Давлат кадастрлари ягона тизимини яратиш ва юритиш тартиби тўғрисидаги низомга мувофиқ ҳамда биологик чиқиндиларни кўмиш ва утилизация қилиш жойлари давлат кадастрини шакллантириш мақсадида Вазирлар Маҳкамаси қарор қилади:
1. Вазирлар Маҳкамасининг 2005 йил 15 ноябрдаги 250-сон қарори билан тасдиқланган Чиқиндиларни кўмиш ва утилизация қилиш жойлари давлат кадастрини юритиш тартиби тўғрисидаги низомнинг (Ўзбекистон Республикаси ҚТ, 2005 й., 11-сон, 60-модда) 4-бандига «шлам тўплаш жойлари» сўзларидан кейин «биологик чиқиндиларни кўмиш жойлари» сўзлари қўшилсин.
2. Ўзбекистон Республикаси Соғлиқни сақлаш вазирлиги, Ўзбекистон Республикаси Ветеринария ва чорвачиликни ривожлантириш давлат қўмитаси уч ой муддатда биологик чиқиндиларни кўмиш ва утилизация қилиш жойлари бўйича давлат кадастрига тегишли маълумотларни (географик ҳолати, ҳуқуқий мақоми, миқдор ва сифат тавсифлари, иқтисодий баҳоси, чиқинди билан боғлиқ ишларни амалга ошириш тўғрисидаги ҳамда уларнинг хавфлилик даражасини камайтириш чора-тадбирлари ҳақидаги янгилаб бориладиган ахборотлар тизими) Ўзбекистон Республикаси Экология ва атроф-муҳитни муҳофаза қилиши давлат қўмитасига тақдим этсин.
3. Ўзбекистон Республикаси Экология ва атроф-муҳитни муҳофаза қилиш давлат қўмитаси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Ўзбекистон Республикаси Экология ва атроф- муҳитни муҳофаза қилиш давлат қўмитаси раиси Б.Т. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 21 ноябрь,
938-сон
Oʻzbekiston Respublikasi Vazirlar Mahkamasining
qarori
Chiqindilarni koʻmish va utilizatsiya qilish joylari davlat kadastrini yuritish tartibi toʻgʻrisida nizomga qoʻshimcha kiritish haqida
Oʻzbekiston Respublikasining “Davlat kadastrlari toʻgʻrisida”gi Qonuniga va Vazirlar Mahkamasining 2005-yil 16-fevraldagi 66-son qarori bilan tasdiqlangan Davlat kadastrlari yagona tizimini yaratish va yuritish tartibi toʻgʻrisidagi nizomga muvofiq hamda biologik chiqindilarni koʻmish va utilizatsiya qilish joylari davlat kadastrini shakllantirish maqsadida Vazirlar Mahkamasi qaror qiladi:
1. Vazirlar Mahkamasining 2005-yil 15-noyabrdagi 250-son qarori bilan tasdiqlangan Chiqindilarni koʻmish va utilizatsiya qilish joylari davlat kadastrini yuritish tartibi toʻgʻrisidagi nizomning (Oʻzbekiston Respublikasi QT, 2005-y., 11-son, 60-modda) 4-bandiga “shlam toʻplash joylari” soʻzlaridan keyin “biologik chiqindilarni koʻmish joylari” soʻzlari qoʻshilsin.
2. Oʻzbekiston Respublikasi Sogʻliqni saqlash vazirligi, Oʻzbekiston Respublikasi Veterinariya va chorvachilikni rivojlantirish davlat qoʻmitasi uch oy muddatda biologik chiqindilarni koʻmish va utilizatsiya qilish joylari boʻyicha davlat kadastriga tegishli maʼlumotlarni (geografik holati, huquqiy maqomi, miqdor va sifat tavsiflari, iqtisodiy bahosi, chiqindi bilan bogʻliq ishlarni amalga oshirish toʻgʻrisidagi hamda ularning xavflilik darajasini kamaytirish chora-tadbirlari haqidagi yangilab boriladigan axborotlar tizimi) Oʻzbekiston Respublikasi Ekologiya va atrof-muhitni muhofaza qilishi davlat qoʻmitasiga taqdim etsin.
3. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Oʻzbekiston Respublikasi Ekologiya va atrof- muhitni muhofaza qilish davlat qoʻmitasi raisi B.T. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 21-noyabr,
938-son