UzbekAI

Ўзбекистон Республикаси Вазирлар Маҳкамасининг

қарори

Техник сув етказиб берилганлиги учун хизмат ҳақини ҳисоблашда 0,1 коэффициенти қўлланиладиган саноат ва энергетика ташкилотлари рўйхатига қўшимча киритиш тўғрисида

Саноат ташкилотларига техник сув етказиб бериш бўйича кўрсатилган хизматлар учун ҳақ тўлаш тартибини такомиллаштириш, «Навоий кон-металлургия комбинати» давлат корхонасида ишлаб чиқариш харажатларини қисқартириш ва маҳсулот таннархини пасайтириш мақсадида Вазирлар Маҳкамаси варор қилади:

1. Вазирлар Маҳкамасининг 2018 йил 12 декабрдаги 1008-сон қарори билан тасдиқланган Техник сув етказиб берилганлиги учун хизмат ҳақини ҳисоблашда 0,1 коэффициенти қўлланиладиган саноат ва энергетика ташкилотлари рўйхатига қуйидаги мазмундаги 9-банд қўшилсин:

«9. «Навоий кон-металлургия комбинати» давлат корхонаси (ўз эҳтиёжи учун)».

2. Ўзбекистон Республикаси Сув хўжалиги вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов ҳамда Ўзбекистон Республикаси сув хўжалиги вазири Ш.Р. Хамраев зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2019 йил 21 ноябрь,

935-сон

(Қонун ҳужжатлари маълумотлари миллий базаси, 22.11.2019 й., 09/19/935/4061-сон)

lex.uz

Oʻzbekiston Respublikasi Vazirlar Mahkamasining

qarori

Texnik suv yetkazib berilganligi uchun xizmat haqini hisoblashda 0,1 koeffitsiyenti qoʻllaniladigan sanoat va energetika tashkilotlari roʻyxatiga qoʻshimcha kiritish toʻgʻrisida

Sanoat tashkilotlariga texnik suv yetkazib berish boʻyicha koʻrsatilgan xizmatlar uchun haq toʻlash tartibini takomillashtirish, “Navoiy kon-metallurgiya kombinati” davlat korxonasida ishlab chiqarish xarajatlarini qisqartirish va mahsulot tannarxini pasaytirish maqsadida Vazirlar Mahkamasi varor qiladi:

1. Vazirlar Mahkamasining 2018-yil 12-dekabrdagi 1008-son qarori bilan tasdiqlangan Texnik suv yetkazib berilganligi uchun xizmat haqini hisoblashda 0,1 koeffitsiyenti qoʻllaniladigan sanoat va energetika tashkilotlari roʻyxatiga quyidagi mazmundagi 9-band qoʻshilsin:

“9. “Navoiy kon-metallurgiya kombinati” davlat korxonasi (oʻz ehtiyoji uchun)”.

2. Oʻzbekiston Respublikasi Suv xoʻjaligi vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaxabov hamda Oʻzbekiston Respublikasi suv xoʻjaligi vaziri Sh.R. Xamrayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 21-noyabr,

935-son

(Qonun hujjatlari maʼlumotlari milliy bazasi, 22.11.2019-y., 09/19/935/4061-son)

lex.uz