📅 2019-yil 21-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 21 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 21 ноября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 21 November 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
РАЗРЯДЛАРИ
«Демократлаштириш ва инсон ҳуқуқлари» журнали таҳририятининг фаолиятини қўллаб-қувватлаш тўғрисида
Ўзбекистон Республикаси Президентининг «Инсон ҳуқуқлари бўйича Ўзбекистон Республикаси Миллий маркази фаолиятини такомиллаштириш тўғрисида» 2018 йил 10 декабрдаги ПҚ-4056-сон қарори ижросини таъминлаш ҳамда «Демократлаштириш ва инсон ҳуқуқлари» журнали таҳририятининг фаолиятини самарали ташкил қилиш, унинг моддий-техника базасини мустаҳкамлаш мақсадида Вазирлар Маҳкамаси қарор қилади:
1. Қуйидагилар:
«Демократлаштириш ва инсон ҳуқуқлари» журнали таҳририяти мустақил юридик шахс мақомига эга бўлмаган, Инсон ҳуқуқлари бўйича Ўзбекистон Республикаси Миллий марказининг (кейинги ўринларда Марказ деб аталади) таркибий бўлинмаси эканлиги;
Ўзбекистон Республикаси Президентининг «Ўзбекистон Республикасида юридик журналлар тизимини янада ривожлантириш чора-тадбирлари тўғрисида» 2005 йил 18 октябрдаги ПҚ-203-сон қарори билан «Демократлаштириш ва инсон ҳуқуқлари» журналининг асосий вазифалари белгиланганлиги маълумот учун қабул қилинсин.
2. Қуйидагилар:
ходимлари умумий чекланган сони 18 нафар бўлган «Демократлаштириш ва инсон ҳуқуқлари» журнали таҳририяти тузилмаси 1-иловага мувофиқ;
«Демократлаштириш ва инсон ҳуқуқлари» журнали таҳририяти ходимлари меҳнатига ҳақ тўлаш разрядлари 2-иловага мувофиқ тасдиқлансин.
Марказ директорига, зарур ҳолларда, «Демократлаштириш ва инсон ҳуқуқлари» журнали таҳририятининг (кейинги ўринларда таҳририят деб аталади) тузилмасига ходимларнинг белгиланган умумий чекланган сони ва меҳнатга ҳақ тўлаш фонди доирасида ўзгартиришлар киритиш ҳуқуқи берилсин.
3. Марказ директорига:
йиллик меҳнатга ҳақ тўлаш фондининг 50 фоизи миқдорида таҳририят ходимларини моддий рағбатлантириш махсус фондини ташкил қилишга;
моддий рағбатлантириш махсус фонди ҳисобидан юқори касб маҳоратига эга бўлган ва таҳририят фаолиятининг самарадорлигини оширишга ҳисса қўшаётган ходимларнинг лавозим маошларига устамалар белгилаш ҳамда таҳририят ходимларига бир йўла мукофотлар тўлаш ва моддий ёрдам кўрсатишга рухсат берилсин.
4. Белгилансинки:
«Демократлаштириш ва инсон ҳуқуқлари» журналини сотиш ва рекламадан тушадиган маблағлар, Ўзбекистон Республикаси Давлат бюджети маблағлари ва қонунчилик ҳужжатлари билан тақиқланмаган бошқа манбалар таҳририят фаолиятини молиялаштириш манбалари ҳисобланади;
таҳририят фаолиятини молиялаштириш учун Ўзбекистон Республикаси Давлат бюджети маблағлари таҳририят харажатларининг ўз даромадлари билан қопланмаган қисми учун ажратилади;
2019 йил 1 декабрдан бошлаб ҳақ тўлаш разрядларига кўра таҳририят ходимлари лавозим маошини аниқлашда тариф коэффициентлари 1,7 баравар кўпайтирилган миқдорда қўлланилади.
5. Марказ Ўзбекистон Республикаси Молия вазирлиги билан биргаликда 2020 йил 1 мартга қадар Марказнинг бюджетдан ташқари маблағлари ва Ўзбекистон Республикаси Давлат бюджети маблағлари ҳисобидан таҳририятнинг моддий-техник базасини янгилаш учун зарур бўлган мебель, инвентарлар, компьютер техникаси ва бошқа асбоб-ускуналар ҳамда ахборот-коммуникация технологияларини харид қилиш чораларини кўрсин.
6. Ўзбекистон Республикаси Молия вазирлиги Марказга Ўзбекистон Республикаси Давлат бюджети маблағлари ҳисобидан «Damas» русумли 1 та автотранспорт воситасини сотиб олиш учун зарур маблағлар ажратсин ва сақлаш учун лимит белгилансин.
7. Мазкур қарорнинг бажарилишини назорат қилиш Вазирлар Маҳкамасининг Ёшлар сиёсати, маданият, маънавият, оммавий ахборот воситалари, ижодий ва жамоат ташкилотлари масалалари котибиятига юклансин.
Вазирлар Маҳкамасининг 2019 йил 21 ноябрдаги 932-сон қарорига 1-ИЛОВА
«Демократлаштириш ва инсон ҳуқуқлари» журнали таҳририяти
Бош муҳаррир Масъул котиб Бош муҳаррир ўринбосари Ахборот коммуникация технологиялари ва босма нашрларнинг электрон шакли хизмати бўлими 2 Бухгалтерия 2 Ташкилий ижодий гуруҳ 3 Кадрлар бўйича инспектор Маркетинг, реклама ва тарғибот бўлими 3 Таҳририятнинг техник гуруҳи 3 Хўжалик ишлари мудири
Вазирлар Маҳкамасининг 2019 йил 21 ноябрдаги 932-сон қарорига 2-ИЛОВА
«Демократлаштириш ва инсон ҳуқуқлари» журнали таҳририяти ходимлари меҳнатига ҳақ тўлаш
Т/р Лавозим Меҳнатга ҳақ тўлаш разрядлари 1. Бош муҳаррир 16 2. Бош муҳаррир ўринбосари 15 3. Масъул котиб 14 4. Бош ҳисобчи 13 5. Ижодий (техник) гуруҳ раҳбари 13 6. Бўлим бошлиғи 13 7. Катта таҳрирчи 11 8. Катта муҳаррир 11 9. Таржимон 11 11. Бош мутахассис 11 12. Етакчи мутахассис 10 13. Мутахассис (иқтисодчи) 9 14. Техник мутахассис 6 15. Кадрлар бўйича инспектор 4 16. Хўжалик ишлари мудири 3
Ўзбекистон Республикасининг Бош вазири А. АРИПОВ
Тошкент ш.,
2019 йил 21 ноябрь,
932-сон
Oʻzbekiston Respublikasi Vazirlar Mahkamasining
qarori
TUZILMASI
RAZRYaDLARI
“Demokratlashtirish va inson huquqlari” jurnali tahririyatining faoliyatini qoʻllab-quvvatlash toʻgʻrisida
Oʻzbekiston Respublikasi Prezidentining “Inson huquqlari boʻyicha Oʻzbekiston Respublikasi Milliy markazi faoliyatini takomillashtirish toʻgʻrisida” 2018-yil 10-dekabrdagi PQ-4056-son qarori ijrosini taʼminlash hamda “Demokratlashtirish va inson huquqlari” jurnali tahririyatining faoliyatini samarali tashkil qilish, uning moddiy-texnika bazasini mustahkamlash maqsadida Vazirlar Mahkamasi qaror qiladi:
1. Quyidagilar:
“Demokratlashtirish va inson huquqlari” jurnali tahririyati mustaqil yuridik shaxs maqomiga ega boʻlmagan, Inson huquqlari boʻyicha Oʻzbekiston Respublikasi Milliy markazining (keyingi oʻrinlarda Markaz deb ataladi) tarkibiy boʻlinmasi ekanligi;
Oʻzbekiston Respublikasi Prezidentining “Oʻzbekiston Respublikasida yuridik jurnallar tizimini yanada rivojlantirish chora-tadbirlari toʻgʻrisida” 2005-yil 18-oktabrdagi PQ-203-son qarori bilan “Demokratlashtirish va inson huquqlari” jurnalining asosiy vazifalari belgilanganligi maʼlumot uchun qabul qilinsin.
2. Quyidagilar:
xodimlari umumiy cheklangan soni 18 nafar boʻlgan “Demokratlashtirish va inson huquqlari” jurnali tahririyati tuzilmasi 1-ilovaga muvofiq;
“Demokratlashtirish va inson huquqlari” jurnali tahririyati xodimlari mehnatiga haq toʻlash razryadlari 2-ilovaga muvofiq tasdiqlansin.
Markaz direktoriga, zarur hollarda, “Demokratlashtirish va inson huquqlari” jurnali tahririyatining (keyingi oʻrinlarda tahririyat deb ataladi) tuzilmasiga xodimlarning belgilangan umumiy cheklangan soni va mehnatga haq toʻlash fondi doirasida oʻzgartirishlar kiritish huquqi berilsin.
3. Markaz direktoriga:
yillik mehnatga haq toʻlash fondining 50 foizi miqdorida tahririyat xodimlarini moddiy ragʻbatlantirish maxsus fondini tashkil qilishga;
moddiy ragʻbatlantirish maxsus fondi hisobidan yuqori kasb mahoratiga ega boʻlgan va tahririyat faoliyatining samaradorligini oshirishga hissa qoʻshayotgan xodimlarning lavozim maoshlariga ustamalar belgilash hamda tahririyat xodimlariga bir yoʻla mukofotlar toʻlash va moddiy yordam koʻrsatishga ruxsat berilsin.
4. Belgilansinki:
“Demokratlashtirish va inson huquqlari” jurnalini sotish va reklamadan tushadigan mablagʻlar, Oʻzbekiston Respublikasi Davlat budjeti mablagʻlari va qonunchilik hujjatlari bilan taqiqlanmagan boshqa manbalar tahririyat faoliyatini moliyalashtirish manbalari hisoblanadi;
tahririyat faoliyatini moliyalashtirish uchun Oʻzbekiston Respublikasi Davlat budjeti mablagʻlari tahririyat xarajatlarining oʻz daromadlari bilan qoplanmagan qismi uchun ajratiladi;
2019-yil 1-dekabrdan boshlab haq toʻlash razryadlariga koʻra tahririyat xodimlari lavozim maoshini aniqlashda tarif koeffitsiyentlari 1,7 baravar koʻpaytirilgan miqdorda qoʻllaniladi.
5. Markaz Oʻzbekiston Respublikasi Moliya vazirligi bilan birgalikda 2020-yil 1-martga qadar Markazning budjetdan tashqari mablagʻlari va Oʻzbekiston Respublikasi Davlat budjeti mablagʻlari hisobidan tahririyatning moddiy-texnik bazasini yangilash uchun zarur boʻlgan mebel, inventarlar, kompyuter texnikasi va boshqa asbob-uskunalar hamda axborot-kommunikatsiya texnologiyalarini xarid qilish choralarini koʻrsin.
6. Oʻzbekiston Respublikasi Moliya vazirligi Markazga Oʻzbekiston Respublikasi Davlat budjeti mablagʻlari hisobidan “Damas” rusumli 1 ta avtotransport vositasini sotib olish uchun zarur mablagʻlar ajratsin va saqlash uchun limit belgilansin.
7. Mazkur qarorning bajarilishini nazorat qilish Vazirlar Mahkamasining Yoshlar siyosati, madaniyat, maʼnaviyat, ommaviy axborot vositalari, ijodiy va jamoat tashkilotlari masalalari kotibiyatiga yuklansin.
Vazirlar Mahkamasining 2019-yil 21-noyabrdagi 932-son qaroriga 1-ILOVA
“Demokratlashtirish va inson huquqlari” jurnali tahririyati
Bosh muharrir Masʼul kotib Bosh muharrir oʻrinbosari Axborot kommunikatsiya texnologiyalari va bosma nashrlarning elektron shakli xizmati boʻlimi 2 Buxgalteriya 2 Tashkiliy ijodiy guruh 3 Kadrlar boʻyicha inspektor Marketing, reklama va targʻibot boʻlimi 3 Tahririyatning texnik guruhi 3 Xoʻjalik ishlari mudiri
Vazirlar Mahkamasining 2019-yil 21-noyabrdagi 932-son qaroriga 2-ILOVA
“Demokratlashtirish va inson huquqlari” jurnali tahririyati xodimlari mehnatiga haq toʻlash
T/r Lavozim Mehnatga haq toʻlash razryadlari 1. Bosh muharrir 16 2. Bosh muharrir oʻrinbosari 15 3. Masʼul kotib 14 4. Bosh hisobchi 13 5. Ijodiy (texnik) guruh rahbari 13 6. Boʻlim boshligʻi 13 7. Katta tahrirchi 11 8. Katta muharrir 11 9. Tarjimon 11 11. Bosh mutaxassis 11 12. Yetakchi mutaxassis 10 13. Mutaxassis (iqtisodchi) 9 14. Texnik mutaxassis 6 15. Kadrlar boʻyicha inspektor 4 16. Xoʻjalik ishlari mudiri 3
Oʻzbekiston Respublikasining Bosh vaziri A. ARIPOV
Toshkent sh.,
2019-yil 21-noyabr,
932-son