📅 2019-yil 22-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 22 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 ноября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 22 November 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
тузилмаси
устави
ЎЗГАРТИРИШЛАР
«Нукус» эркин иқтисодий зонаси фаолиятини ташкил этиш чора-тадбирлари тўғрисида
Ўзбекистон Республикаси Президентининг «Нукус» эркин иқтисодий зонасини ташкил этиш чора-тадбирлари тўғрисида» 2019 йил 4 сентябрдаги ПФ-5809-сон Фармони ижросини таъминлаш ҳамда чет эл ва маҳаллий инвестицияларни ташкил этилган эркин иқтисодий зоналарга жалб қилиш, республика саноатини ривожлантиришга йўналтирилган юқори технологик ва замонавий инвестиция лойиҳаларини амалга оширишга кўмаклашадиган зарур транспорт, муҳандислик-коммуникация ва ишлаб чиқариш инфратузилмасини барпо этиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Нукус» эркин иқтисодий зонасини ташкил этиш чора-тадбирлари тўғрисида» 2019 йил 4 сентябрдаги ПФ-5809-сон Фармонига асосан «Нукус» эркин иқтисодий зонаси ташкил этилганлиги маълумот учун қабул қилинсин.
2. Бошқарув ходимлари сони 7 нафардан иборат бўлган «Нукус» эркин иқтисодий зонаси дирекцияси» давлат унитар корхонаси (кейинги ўринларда Дирекция деб аталади) ташкил этилсин.
3. Қуйидагилар:
«Нукус» эркин иқтисодий зонаси таркибига кирувчи ҳудудлар 1-иловага мувофиқ;
«Нукус» эркин иқтисодий зонаси дирекцияси» давлат унитар корхонасининг тузилмаси 2-иловага мувофиқ;
«Нукус» эркин иқтисодий зонаси дирекцияси» давлат унитар корхонасининг устави 3-иловага мувофиқ тасдиқлансин.
4. Қорақалпоғистон Республикаси махсус иқтисодий зоналар ва кичик саноат зоналарининг маъмурий кенгашига Ўзбекистон Республикаси Инвестициялар ва ташқи савдо вазирлиги билан келишилган ҳолда, «Нукус» махсус иқтисодий зонаси ҳудудида амалга ошириладиган лойиҳалар сонининг ортишига қараб, Дирекция тузилмаси ва ходимлари сонига ўзгартириш киритиш ҳуқуқи берилсин.
5. Қорқалпоғистон Республикаси Вазирлар Кенгаши Дирекцияни текин фойдаланиш ҳуқуқи асосида зарур хизмат хоналари билан таъминласин.
6. Ўзбекистон Республикаси Молия вазирлиги Вазирлар Маҳкамасининг захира жамғармасидан Дирекцияга келгуси йилларда ўзини ўзи молиялаштиришга ўтказиш шарти билан 2019 — 2021 йиллар даврида сақлаш харажатлари учун асосланган ҳисоб-китоблар бўйича зарур маблағлар ажратилишини таъминласин.
7. Ўзбекистон Республикаси Ҳукуматининг 4-иловага мувофиқ айрим қарорларига ўзгартиришлар киритилсин.
8. Вазирлар Маҳкамасининг «Вазирлар Маҳкамасининг «Ўзбекистон Республикаси Президентининг «Эркин иқтисодий зоналар ва кичик саноат зоналари фаолияти самарадорлигини ошириш борасидаги қўшимча чора-тадбирлар тўғрисида» 2017 йил 25 октябрдаги ПҚ-3356-сон қарорини амалга ошириш чора-тадбирлари тўғрисида» 2018 йил 16 январдаги 29-сон қарорига ўзгартириш киритиш ҳақида» 2019 йил 30 мартдаги 267-сон қарори ўз кучини йўқотган деб топилсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ганиев, Ўзбекистон Республикаси инвестициялар ва ташқи савдо вазири С.Ў. Умурзаков ва Қорақалпоғистон Республикаси Вазирлар Кенгаши Раиси Қ.Р. Сариев зиммасига юклансин.
Вазирлар Маҳкамасининг 2019 йил 22 ноябрдаги 941-сон қарорига 1-ИЛОВА
«Нукус» ЭИЗ таркибига кирувчи ҳудудлар чегараси таърифи
1-ер участкаси
1-бошланғич нуқта Нукус шаҳридаги Божхона пости иморатининг шарқий томонида, саноат зонаси ҳудудида жойлашган.
1-нуқтадан чегара Нукус шаҳрининг саноат зонаси ҳудуди бўйлаб шарқий йўналишда 122 метр масофада 2-нуқтагача давом этади.
2-нуқтадан чегара Нукус шаҳрининг саноат зонаси ҳудуди бўйлаб шарқий йўналишда 48 метр масофада 3-нуқтагача давом этади.
3-нуқтадан чегара Нукус шаҳрининг саноат зонаси ҳудуди бўйлаб жанубий йўналишда 238,5 метр масофада 4-нуқтагача давом этади.
4-нуқтадан чегара Нукус шаҳрининг саноат зонаси ҳудуди бўйлаб ғарбий йўналишда 148,5 метр масофада 5-нуқтагача давом этади.
5-нуқтадан чегара Нукус шаҳридаги Божхона пости иморати ҳудуди бўйлаб шимолий йўналишда 257,3 метр масофада 1-нуқтагача давом этади.
2-ер участкаси
1-бошланғич нуқта Нукус шаҳридаги Божхона пости иморатининг шарқий томонидан 255 метр масофада, саноат зонаси ҳудудида жойлашган.
1-нуқтадан чегара Нукус шаҳрининг саноат зонаси ҳудуди бўйлаб шарқий йўналишда 346,6 метр масофада 2-нуқтагача давом этади.
2-нуқтадан чегара Нукус шаҳрининг саноат зонаси ҳудуди бўйлаб жанубий йўналишда 330,6 метр масофада 3-нуқтагача давом этади.
3-нуқтадан чегара Нукус ун ишлаб чиқариш заводи иморати бўйлаб ғарбий йўналишда 233 метр масофада 4-нуқтагача давом этади.
4-нуқтадан чегара Нукус шаҳрининг саноат зонаси ҳудуди бўйлаб шимолий йўналишда 148 метр масофада 5-нуқтагача давом этади.
5-нуқтадан чегара Нукус шаҳрининг саноат зонаси ҳудуди бўйлаб ғарбий йўналишда 108,7 метр масофада 6-нуқтагача давом этади.
6-нуқтадан чегара Нукус шаҳрининг саноат зонаси ҳудуди бўйлаб шимолий йўналишда 242,4 метр масофада 1-нуқтагача давом этади.
3-ер участкаси
1-бошланғич нуқта Нукус шаҳридаги «Нукус текстил» МЧЖ иморатининг шарқий томонида, А-380 автомобиль йўли бўйида жойлашган.
1-нуқтадан чегара Нукус шаҳридаги давлат ўрмон хўжалигининг ҳудуди бўйлаб шарқий йўналишда 229 метр масофада 2-нуқтагача давом этади.
2-нуқтадан чегара Нукус шаҳридаги давлат ўрмон хўжалигининг ҳудуди бўйлаб жанубий йўналишда 436 метр масофада 3-нуқтагача давом этади.
3-нуқтадан чегара Нукус шаҳрининг А-380 автомобиль йўли бўйлаб ғарбий йўналишда 229 метр масофада 4-нуқтагача давом этади.
4-нуқтадан чегара Нукус шаҳридаги «Нукус текстил» МЧЖ иморатининг ҳудуди бўйлаб шимолий йўналишда 436 метр масофада 1-нуқтагача давом этади.
4-ер участкаси
1-бошланғич нуқта Нукус шаҳрининг Беруний кўчаси бўйлаб шимолий томонда 35 метр масофа узоқликда жойлашган.
1-нуқтадан чегара Нукус шаҳрининг «Нукус строй стил» МЧЖ ҳудуди бўйлаб шарқий йўналишда 123,2 метр масофада 2-нуқтагача давом этади.
2-нуқтадан чегара Нукус шаҳрининг «Аманжол автотех» МЧЖ ҳудуди бўйлаб жанубий йўналишда 120 метр масофада 3-нуқтагача давом этади.
3-нуқтадан чегара Нукус шаҳрининг Беруний кўчаси бўйлаб ғарбий йўналишда 64 метр масофада 4-нуқтагача давом этади.
4-нуқтадан чегара Нукус шаҳрининг Идора иморати ҳудуди бўйлаб шимолий йўналишда 33 метр масофада 5-нуқтагача давом этади.
5-нуқтадан чегара Нукус шаҳрининг Идора иморати ҳудуди бўйлаб ғарбий йўналишда 55,2 метр масофада 6-нуқтагача давом этади.
6-нуқтадан чегара Нукус шаҳрининг «Дауыт» хусусий фирмаси ҳудуди бўйлаб шимолий йўналишда 87 метр масофада 1-нуқтагача давом этади.
5-ер участкаси
1-бошланғич нуқта Нукус шаҳридаги «Нукус ун заводи» корхонасидан жануби-шарқий томондан 610 метр масофада, саноат зонаси ҳудудида жойлашган.
1-нуқтадан чегара Нукус шаҳрининг саноат зонаси ҳудуди бўйлаб шарқий йўналишда 589,78 метр масофада 2-нуқтагача давом этади.
2-нуқтадан чегара Нукус шаҳрининг саноат зонаси ҳудуди бўйлаб жануби-шарқий йўналишда 792,6 метр масофада 3-нуқтагача давом этади.
3-нуқтадан чегара Нукус шаҳридаги «Нукус-полимер» корхонаси томонга шимолий йўналишда 430,5 метр масофада 4-нуқтагача давом этади.
4-нуқтадан чегара Нукус шаҳрининг саноат зонаси ҳудуди бўйлаб жануби-ғарбий йўналишда 1219,2 метр масофада 5-нуқтагача давом этади.
5-нуқтадан чегара Нукус шаҳрининг саноат зонаси ҳудуди бўйлаб ғарбий йўналишда 435,1 метр масофада 6-нуқтагача давом этади.
6-нуқтадан чегара Нукус шаҳрининг саноат зонаси ҳудуди бўйлаб шимолий йўналишда 862,56 метр масофада 7-нуқтагача давом этади.
7-нуқтадан чегара Нукус шаҳрининг саноат зонаси ҳудуди бўйлаб шарқий йўналишда 425,42 метр масофада 8-нуқтагача давом этади.
8-нуқтадан чегара Нукус шаҳрининг саноат зонаси ҳудуди бўйлаб шимолий йўналишда 731,13 метр масофада 1-нуқтагача давом этади.
6-ер участкаси
1-бошланғич нуқта Нукус шаҳридаги «Каракалпак дан онимлери» АЖ кархонасидан жанубий томонидан 67 метр масофада, саноат зонаси ҳудудида жойлашган.
1-нуқтадан чегара Нукус шаҳридаги «Каракалпак дан онимлери» АЖ кархонасидан шарқий йўналишда 387,6 метр масофада 2-нуқтагача давом этади.
2-нуқтадан чегара Нукус шаҳрининг саноат зонаси ҳудуди бўйлаб жанубий йўналишда 515,6 метр масофада 3-нуқтагача давом этади.
3-нуқтадан чегара Нукус шаҳрининг саноат зонаси ҳудуди бўйлаб ғарбий йўналишда 387,6 метр масофада 4-нуқтагача давом этади.
4-нуқтадан чегара Нукус шаҳрининг саноат зонаси ҳудуди бўйлаб шимолий йўналишда 515,6 метр масофада 1-нуқтагача давом этади.
7-ер участкаси
1-бошланғич нуқта Тўрткўл туманининг «Пахтачи» овул фуқаролар йиғини ҳудудидаги, «Қўнғирот-Тошкент» темир йўл линиясининг ғарб томонида, «Тўрткўл» темир йўл вокзалининг шимолий қисмидан 800 метр узоқликда жойлашган.
1-нуқтадан чегара «Қўнғирот-Тошкент» темир йўл линияси бўйлаб жанубий йўналишда 428 метр масофада 2-нуқтагача давом этади.
2-нуқтадан чегара К2 коллектори бўйлаб жанубий-ғарбий йўналишда 143 метр масофада 3-нуқтагача давом этади.
3-нуқтадан чегара К3 коллектори бўйлаб шимолий йўналишда 100 метр масофада 4-нуқтагача давом этади.
4-нуқтадан чегара К3 коллектори бўйлаб шимолий-шарқий йўналишда 358 метр масофада 1-нуқтагача давом этади.
8-ер участкаси
1-бошланғич нуқта Тўрткўл туманининг «Оққамиш» ОФЙ худудидан ўтувчи А-380 Ўзбекистон миллий автомагистрал йўлининг шимоли-ғарбидан 206 метр масофа узоқликда жойлашган.
1-нуқтадан чегара 2-нуқтагача, «Муҳаммад Юсуф Орифжон» МЧЖ биноси бўйлаб шимолий-шарқий йўналишда 109 метр масофага давом этади.
2-нуқтадан чегара 3-нуқтагача, қуруқ ер бўйлаб жанубий-шарқий йўналишда 500 метр масофага давом этади.
3-нуқтадан чегара 4-нуқтагача, қуруқ ер бўйлаб жанубий-ғарбий йўналишда 107 метр масофага давом этади.
4-нуқтадан чегара 1-нуқтагача, қуруқ ер бўйлаб шимолий-ғарбий йўналишда 499 метр масофага давом этади.
9-ер участкаси
1-бошланғич нуқта Беруний тумани, «Абай» МФЙ ҳудуди А-380 автомобиль йўли бўйидан жанубий томонда 92 метр масофа узоқликда жойлашган.
1-нуқтадан жануби-ғарбий йўналишда 211,7 метр масофада 2-нуқтагача давом этади.
2-нуқтадан А-380 автомобиль йўли бўйлаб шимоли-ғарбий йўналишда 1092 метр масофада 3-нуқтагача давом этади.
3-нуқтадан шимоли-шарқий йўналишда А-380 автомобиль йўли томонга 211,7 метр масофада 4-нуқтагача давом этади.
4-нуқтадан А-380 автомобиль йўли бўйлаб жануби-шарқий йўналишда 462 метр масофада 5-нуқтагача давом этади.
5-нуқтадан жануби-ғарбий йўналишда 114,1 метр масофада 6-нуқтагача давом этади.
6-нуқтадан жануби-шарқий йўналишда А-380 автомобиль йўли бўйлаб 84,6 метр масофада 7-нуқтагача давом этади.
7-нуқтадан шимоли-шарқий йўналишда А-380 автомобиль йўли томонга 112,0 метр масофада 8-нуқтагача давом этади.
8-нуқтадан жануби-шарқий йўналишда А-380 автомобиль йўли бўйлаб 528,0 метр масофада 1-нуқтагача давом этади.
Вазирлар Маҳкамасининг 2019 йил 22 ноябрдаги 941-сон қарорига 2-ИЛОВА
«Нукус» эркин иқтисодий зонаси дирекцияси» давлат унитар корхонасининг
Вазирлар Маҳкамасининг 2019 йил 22 ноябрдаги 941-сон қарорига 3-ИЛОВА
«Нукус» эркин иқтисодий зонаси дирекцияси» давлат унитар корхонасининг
1-боб. Умумий қоидалар
1. «Нукус» эркин иқтисодий зонаси дирекцияси» (кейинги ўринларда Дирекция деб аталади) оператив бошқарув учун ўзига берилган давлат мулки негизида давлат унитар корхонаси шаклида ташкил этилган тижорат ташкилоти ҳисобланади ва ўзига бириктирилган мулкка нисбатан қонун ҳужжатларида белгиланган доирада ўз фаолияти мақсадларига, мулкдор (ёки унинг топшириғига биноан унинг томонидан масъул этиб тайинланган давлат органи — муассис) топшириқларига мувофиқ эгалик қилиш, ундан фойдаланиш ва тасарруф этиш ҳуқуқини амалга оширади.
2. Дирекция ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, ушбу Уставга ҳамда бошқа қонун ҳужжатларига амал қилади.
3. Дирекция юридик шахс ҳисобланади, алоҳида мулкка, мустақил балансга, банкларда ҳисобрақамларига, шу жумладан валюта ҳисобрақамларига, эмблемага, штамплар ва бланкаларга, Ўзбекистон Республикаси Давлат герби тасвири туширилган, ўз номи давлат тилида ёзилган муҳрга ва бошқа реквизитларга эга бўлади.
4. Дирекциянинг расмий номи:
а) давлат тилида:
тўлиқ номи — «Нукус» erkin iqtisodiy zonasi direktsiyasi» davlat unitar korxonasi;
қисқартирилган номи — «Nukus» EIZ direktsiyasi» DUK;
б) рус тилида:
тўлиқ номи — Государственное унитарное предприятие «Дирекция свободной экономической зоны «Нукус»;
қисқартирилган номи — ГУП «Дирекция СЭЗ «Нукус»;
в) инглиз тилида:
тўлиқ номи — «Directorate of free economic zone «Nukus» State Unitary Company;
қисқартирилган номи — «Directorate of FEZ «Nukus» SUC.
5. Дирекциянинг жойлашган жойи (почта манзили): Қорақалпоғистон Республикаси, Нукус шаҳри, А. Досназаров кўчаси, 97-уй.
6. Ўзбекистон Республикаси Вазирлар Маҳкамаси Дирекциянинг муассиси (кейинги ўринларда Муассис деб аталади) ҳисобланади.
7. Дирекция ўз номидан қонун ҳужжатларида белгиланган тартибда мулкий ва шахсий номулкий ҳуқуқларни олиши ва амалга ошириши, мажбуриятлар олиши, судда даъвогар ва жавобгар бўлиши, низоларни ҳал этишда бошқа органларда вакиллик қилиши мумкин.
8. Дирекция Муассиснинг розилигига кўра тижорат ташкилотларининг, шунингдек, қонун ҳужжатларига мувофиқ юридик шахсларнинг қатнашишига йўл қўйиладиган нотижорат ташкилотларида иштирокчи (акциядор, аъзо) бўлиши мумкин.
9. Дирекция бошқа давлат корхонасининг муассиси бўлиши мумкин эмас.
2-боб. Дирекция фаолиятининг мақсади ва асосий йўналишлари
10. Дирекция фаолиятининг асосий мақсади «Нукус» эркин иқтисодий зонасини (кейинги ўринларда — «Нукус» ЭИЗ) ва «Қорақалпоқ-агро» эркин иқтисодий зонаси (кейинги ўринларда — «Қорақалпоқ-агро» ЭИЗ) ривожлантириш давлат дастурларининг тўлиқ ва ўз вақтида бажарилишини таъминлаш, шунингдек, «Нукус» ва «Қорақалпоқ-агро» ЭИЗлар ҳудудида алоҳида ҳуқуқий режимга риоя этилишини таъминлаш йўли билан оператив бошқариш, «Нукус» ва «Қорақалпоқ-агро» ЭИЗлар қатнашчиларига хизматлар кўрсатишдан ҳамда ушбу Уставда назарда тутилган бошқа ишларни (хизматларни) бажаришдан (кўрсатишдан) фойда олиш ҳисобланади.
11. Қуйидагилар Дирекция фаолиятининг асосий йўналишлари ҳисобланади:
Қорақалпоғистон Республикаси махсус иқтисодий зоналар ва кичик саноат зоналари маъмурий кенгашининг (кейинги ўринларда Маъмурий кенгаш деб аталади) қабул қилинган қарорларига мувофиқ «Нукус» ЭИЗ ва «Қорақалпоқ-агро» ЭИЗ қатнашчиларини рўйхатдан ўтказиш, шунингдек, уларнинг реестрини юритиш;
Маъмурий кенгаш қарорларига мувофиқ инвесторлар билан «Нукус» ЭИЗ ва «Қорақалпоқ-агро» ЭИЗ ҳудудида инвестиция киритиш тўғрисида битимлар, давлат мулкини «нол» харид қиймати бўйича сотиш тўғрисида «Нукус» ЭИЗ қатнашчилари билан шартномалар тузиш;
«Нукус» ЭИЗ ва «Қорақалпоқ-агро» ЭИЗ ҳудудида инвестиция лойиҳаларини амалга ошириш учун хорижий ва маҳаллий инвесторларни топиш ва жалб этиш;
«Нукус» ЭИЗ ва «Қорақалпоқ-агро» ЭИЗнинг ишлаб чиқилган бош режаси ва Маъмурий кенгаш қарори билан маъқулланган инвестиция лойиҳаларини жойлаштириш;
«Ягона дарча» тамойили асосида муҳандислик-коммуникация инфратузилмаси тармоқларига уланиш учун зарур бўлган барча рухсатномаларни беришни ташкил этиш;
белгиланган тартибда танланган инвесторларнинг ўз зиммасига олган мажбуриятларнинг зарур тарзда бажаришини тизимли назорат қилиш, кейинчалик натижаларни Маъмурий кенгашга тақдим этиш;
«Нукус» ЭИЗ ва «Қорақалпоқ-агро» ЭИЗ ҳудудида жойлашган давлат мулки бўлган кўчмас мулк объектларини ўзига берилган ваколатлар доирасида бошқариш;
«Нукус» ЭИЗ ва «Қорақалпоқ-агро» ЭИЗ ҳудудидаги лойиҳаларни ўз вақтида ишга тушириш ва ташкилотларнинг доимий фаолият юритишини таъминлаш билан боғлиқ масалаларни ҳал этишда «Нукус» ЭИЗ ва «Қорақалпоқ-агро» ЭИЗ қатнашчиларига кўмаклашиш;
«Нукус» ЭИЗ ва «Қорақалпоқ-агро» ЭИЗни ривожлантириш дастурининг амалга оширилишини таъминлаш;
экологик ҳолатнинг яхшиланиши юзасидан назоратни таъминлаш, шунингдек, «Нукус» ЭИЗ ва «Қорақалпоқ-агро» ЭИЗ ҳудудида жойлашган тарихий-маданий бойликлар асраб-авайланиши учун жавоб бериш;
«Нукус» ЭИЗ ва «Қорақалпоқ-агро» ЭИЗ фаолиятини бошқариш бўйича бошқа функцияларни амалга ошириш.
Дирекция қонун ҳужжатларида ушбу Уставда назарда тутилган тегишли фаолият турининг лицензияланиши зарурлиги белгиланган тақдирда, Дирекция фаолиятнинг ушбу турини лицензия олмасдан, тегишли лицензияловчи орган билан тузилган лицензия битими асосида амалга оширишга ҳақлидир.
12. Дирекция қонун ҳужжатларида фаолиятнинг тақиқланмаган бошқа турларини ҳам амалга ошириши мумкин.
3-боб. Дирекция фаолиятини бошқариш
13. Дирекция Муассисга ва Маъмурий кенгашга ҳисобот беради.
14. Муассис қуйидаги ҳуқуқларга эга:
Дирекция фаолиятининг мақсади ва йўналишларини белгилаш;
Дирекция Уставига ўзгартириш ва қўшимчалар киритиш;
Дирекциянинг ортиқча, фойдаланилмаётган ёхуд белгиланган мақсадда фойдаланилмаётган мулкини олиб қўйиш ва тасарруф этиш;
Дирекцияга берилган мулкдан фойдаланишдан олинган соф фойданинг бир қисмини ёки ҳаммасини олиш;
Дирекция мулки бўйича амалга оширилган битимларни ҳақиқий эмас деб ҳисоблаш ва Дирекцияга етказилган зарарларни қоплаш тўғрисида судга даъво аризаси билан мурожаат қилиш;
Дирекцияни қайта ташкил этиш ёки тугатиш тўғрисида қарор қабул қилиш, тугатиш комиссиясини тайинлаш ва оралиқ, тугатиш балансини тасдиқлаш;
меҳнатга оид қонун ҳужжатларида белгиланган тартибда Дирекция раҳбари билан меҳнат шартномасини муддатидан олдин тўхтатиш;
меҳнатга оид қонун ҳужжатларида белгиланган тартибда Дирекция раҳбари билан меҳнат шартномасини муддатидан олдин бекор қилиш.
15. Вазирлар Маҳкамаси Дирекция фаолиятига раҳбарлик қилади ва назоратни амалга оширади.
Маъмурий кенгаш «Нукус» ЭИЗ ва «Қорақалпоқ-агро» ЭИЗ мустақил бюджетининг ва «Нукус» ЭИЗ ва «Қорақалпоқ-агро» ЭИЗни ривожлантириш жамғармаси маблағларидан мақсадли фойдаланилишини назорат қилади.
16. Қуйидагилар Вазирлар Маҳкамаси ваколатларига киради:
Дирекциянинг «Нукус» ЭИЗ ва «Қорақалпоқ-агро» ЭИЗни ривожлантириш бўйича фаолияти стратегик вазифалари ва йўналишларини белгилаш;
ҳар чоракда Дирекция фаолияти ҳақидаги ҳисоботни эшитиш.
17. Маъмурий кенгаш ўзига юкланган вазифаларни бажариш учун Дирекция фаолиятига тааллуқли ҳужжатларни талаб қилиб олиш ҳуқуқига эга. Маъмурий кенгаш олинган ҳужжатлардан фақат хизмат мақсадларида фойдаланади.
18. Дирекциянинг жорий фаолиятига раҳбарликни Ўзбекистон Республикаси Вазирлар Маҳкамаси билан келишилган ҳолда Маъмурий кенгаш томонидан лавозимга тайинланадиган ва лавозимдан озод этиладиган Директор раҳбарлик қилади.
19. Директор ижро этувчи орган ҳисобланади.
20. Директор:
қонун ҳужжатлари талабларини бажаришга, Дирекция ходимларининг меҳнат шароитларини муҳофаза қилиш ва яхшилаш, атроф-муҳитни муҳофаза қилиш ва табиий ресурслардан оқилона фойдаланиш соҳасидаги норма ва қоидаларга риоя қилинишини таъминлаш тадбирларини ишлаб чиқади ва жорий этади;
«Нукус» ЭИЗ ва «Қорақалпоқ-агро» ЭИЗни ривожлантириш дастурларининг амалга оширилишини ташкил қилади;
Дирекциянинг асосий фаолиятини такомиллаштиришга, бошқаришнинг энг замонавий усулларини жорий этишга доир чора-тадбирларни амалга оширади;
Дирекция номидан ишончномасиз ҳаракат қилади, барча ташкилотларда, шу жумладан хорижий ташкилотларда унинг манфаатларини ифода этади;
ходимларни ишга қабул қилади, улар билан меҳнат шартномаларини (контрактларни) тузади, ўзгартиради ва уларнинг амал қилишини тўхтатади;
қонун ҳужжатларида белгиланган тартибда ишончномалар беради;
кадрларни тайёрлаш ва ўқитиш, уларнинг малакасини ошириш чора-тадбирларини амалга оширади;
Дирекциянинг барча ходимлари учун мажбурий бўлган буйруқлар чиқаради ва кўрсатмалар беради;
Дирекциянинг ички иш тартибини ва хўжалик фаолиятини тартибга солувчи ҳужжатларни тасдиқлайди;
Дирекция томонидан қонун ҳужжатларига риоя қилинишини ташкил этиш ва назорат қилишни таъминлайди;
Дирекцияга юкланган мақсадлар ва вазифаларни бажариш учун зарур бўлган бошқа функцияларни амалга оширади.
21. Директор Муассис ва Инвестициялар ва ташқи савдо вазирлигига Дирекция фаолияти тўғрисида белгиланган тартибда ҳисобот беради.
22. Директор ўз ҳуқуқларини амалга оширишда ва вазифаларни бажаришда Дирекция манфаатларини кўзлаган ҳолда ҳаракат қилиши лозим ҳамда бюджетга ва бюджетдан ташқари жамғармаларга тўловлар, иш ҳақининг ўз вақтида тўланиши, меҳнатга оид ҳуқуқий муносабатлардан келиб чиқувчи барча талабларнинг ва уларга тенглаштирилган тўловларнинг қондирилиши, ишлаб чиқариш фаолияти билан бевосита боғлиқ эҳтиёжларга маблағлар ўтказилмаганлиги, Дирекциянинг хатти-ҳаракатлари (ҳаракатсизлиги) билан, жумладан, Дирекцияга берилган давлат мол-мулки йўқолган тақдирда, етказилган зарар юзасидан қонун ҳужжатларида белгиланган тартибда жавоб беради.
23. «Нукус» ЭИЗ ва «Қорақалпоқ-агро» ЭИЗнинг Ўзбекистон Республикаси Молия вазирлиги билан келишган ҳолда, Маъмурий кенгаш томонидан тасдиқланадиган мустақил бюджети маблағларининг тасарруф этувчиси ҳисобланади ҳамда «Нукус» ЭИЗ ва «Қорақалпоқ-агро» ЭИЗнинг мустақил бюджети ижроси тўғрисидаги ҳисоботни белгиланган тартибда тақдим этади.
24. Директор ўз зиммасига юкланган вазифаларнинг бажарилиши, шунингдек, Дирекцияга берилган давлат мулкининг сақланиши ва ундан мақсадли фойдаланилиши юзасидан қонун ҳужжатларида белгиланган тартибда жавоб беради.
4-боб. Дирекциянинг устав фонди
25. Дирекциянинг устав фонди «Нукус» ЭИЗ ва «Қорақалпоқ-агро» ЭИЗ фаолиятини оператив бошқаришни амалга ошириш учун Муассис томонидан ўзига берилган маблағлар, мол-мулк ва бошқа активлар йиғиндисидан иборат бўлади.
26. Дирекция устав фондининг миқдори 1 млрд сўмни ташкил қилади.
5-боб. Дирекциянинг устав фондини кўпайтириш ва камайтириш тартиби
27. Дирекциянинг устав фонди қонун ҳужжатларида белгиланган тартибда Муассис қарорига биноан кўпайтирилади ёки камайтирилади.
6-боб. Дирекция мулкини тасарруф этиш
28. Муассис томонидан Дирекцияга оператив бошқарув ҳуқуқи билан берилган асосий фондлар ва айланма маблағлар Дирекция мол-мулкини ташкил қилади.
29. Дирекциянинг асосий фондлари ва айланма маблағлари бўлинмайди ва улушлар (ҳиссалар, пайлар) бўйича тақсимланиши мумкин эмас.
30. Маъмурий кенгаш Дирекцияга берилган давлат мулкидан белгиланган мақсадда фойдаланилишини ва унинг сақланишини, шунингдек, ўзгага берилишини Муассис номидан назорат қилади.
31. Директор Муассис билан келишган ҳолда, Дирекция мулкини қуйидагича тасарруф этиши мумкин:
асосий воситаларни сотиш, уларни ижарага ёки гаровга бериш;
мол-мулкни бошқа хўжалик жамиятининг устав фондига улуш сифатида киритиш;
бошқа хўжалик жамиятларининг акцияларини (улушларини) сотиб олиш ва сотиш;
мол-мулкни қонун ҳужжатларида белгиланган тартибда бошқача тарзда тасарруф этиш.
7-боб. Дирекция бюджетини шакллантириш
32. Қуйидагилар Дирекция фаолиятини молиялаштириш манбалари ҳисобланади:
давлат мулки бўлган ва «Нукус» ЭИЗ ва «Қорақалпоқ-агро» ЭИЗ ҳудудида жойлашган бинолар ва иншоотларни ижарага беришдан олинган даромадларнинг бир қисми;
хизматлар кўрсатишдан олинган даромадлар;
«Нукус» ЭИЗ ва «Қорақалпоқ-агро» ЭИЗ қатнашчиларининг ажратмалари ва «Нукус» ЭИЗ ва «Қорақалпоқ-агро» ЭИЗ қатнашчилари сифатида рўйхатдан ўтиш учун тўловлар;
Ўзбекистон Республикасининг ривожланиш давлат дастурларидаги маблағлар;
қонун ҳужжатларида тақиқланмаган бошқа маблағлар.
8-боб. Захира фондини ва бошқа фондларни шакллантириш тартиби
33. Дирекция ўз тасарруфида қоладиган соф фойда ҳисобига захира фондини, шунингдек, бошқа фондларни ташкил этиши мумкин, уларнинг миқдори ва шакллантириш тартиби Муассис томонидан тасдиқланади.
9-боб. Даромадни (фойдани) тақсимлаш ва зарарларни қоплаш тартиби
34. Ўзбекистон Республикаси Давлат бюджети маблағлари ва муассисга ажратмалар белгиланган тартибда тўлангандан сўнг қоладиган Дирекциянинг соф фойдаси Дирекция тасарруфида қолади ва ундан Муассис қарорига биноан фойдаланилади.
35. Муассис ўз қарори билан бошқа юридик ва жисмоний шахсларга хайрия мақсадлари учун йўналтириладиган маблағларнинг чекланган суммасини уларни тасарруф этиш ҳуқуқини Директорга берган ҳолда белгилайди.
36. Дирекциянинг хўжалик фаолияти натижасида кўрилган зарарлар ушбу мақсадлар учун ташкил этилган захира фонди маблағлари ҳисобидан қопланиши мумкин.
10-боб. Ҳисоботларни тақдим этиш тартиби
37. Дирекция ҳисобот даври тугагач, ваколатли органларга молия ҳисоботини ва рўйхати қонун ҳужжатларида белгиланадиган бошқа ҳужжатларни тақдим этади ҳамда ҳужжатларнинг сақланиши ва давлат томонидан сақлашга берилиши юзасидан белгиланган тартибда жавоб беради.
38. Дирекциянинг хўжалик субъекти сифатидаги фаолияти Маъмурий кенгаш томонидан, қонун ҳужжатларида белгиланган тартибда назорат қилинади.
39. Директор ҳар чоракда Дирекция фаолиятининг натижалари ва тасдиқланган ривожлантириш дастурларининг амалга оширилиши тўғрисида Вазирлар Маҳкамасига ҳисобот беради.
11-боб. Дирекциянинг жавобгарлиги
40. Дирекция ўз мажбуриятлари бўйича ўзига тегишли мулк билан жавоб беради. Муассис Дирекциянинг мулки етарли бўлмаган тақдирда, унинг мажбуриятлари бўйича субсидиар жавобгарликни амалга оширади.
41. Дирекция Муассис мажбуриятлари бўйича жавоб бермайди.
12-боб. Дирекцияни тугатиш ва қайта ташкил этиш
42. Дирекция Муассиснинг қарорига кўра, қонун ҳужжатларида назарда тутилган тартибда ёки суд қарорига биноан тугатилиши ёхуд қайта ташкил этилиши мумкин.
43. Дирекцияни тугатиш Дирекция фаолиятининг ҳуқуқ ва мажбуриятлари ҳуқуқий ворислик тартибида бошқа шахсларга ўтмаган ҳолда тўхтатилишига сабаб бўлади.
Дирекция қайта ташкил этилган тақдирда, унинг ҳуқуқ ва мажбуриятлари ҳуқуқий ворисга ўтади.
Вазирлар Маҳкамасининг 2019 йил 22 ноябрдаги 941-сон қарорига 4-ИЛОВА
Ўзбекистон Республикаси Ҳукуматининг айрим қарорларига киритилаётган
1. Вазирлар Маҳкамасининг «Нукус-фарм» эркин иқтисодий зонаси дирекцияси», «Зомин-фарм» эркин иқтисодий зонаси дирекцияси», «Косонсой-фарм» эркин иқтисодий зонаси дирекцияси», «Сирдарё» эркин иқтисодий зонаси дирекцияси», «Бойсун-фарм» эркин иқтисодий зонаси дирекцияси», «Бўстонлиқ-фарм» эркин иқтисодий зонаси дирекцияси», «Паркент-фарм» эркин иқтисодий зонаси дирекцияси» давлат унитар корхоналарининг уставларини тасдиқлаш тўғрисида» 2017 йил 25 июлдаги 542-сон қарорида :
а) номидан «Нукус-фарм» эркин иқтисодий зонаси дирекцияси» сўзлари чиқариб ташлансин;
б) 1-бандда :
биринчи хатбошидан «Нукус-фарм» эркин иқтисодий зонаси дирекцияси» сўзлари чиқариб ташлансин;
иккинчи хатбошидан «Нукус-фарм» сўзлари чиқариб ташлансин;
в) 2-банддан «Нукус-фарм» эркин иқтисодий зонаси дирекцияси» сўзлари чиқариб ташлансин;
г) 3-банддан «Қорақалпоғистон Республикаси Вазирлар Кенгаши» сўзлари чиқариб ташлансин;
д) 5-банддан «Нукус-фарм» ЭИЗ» сўзлари чиқариб ташлансин;
е) 1-илова номидан «Нукус-фарм» сўзлари чиқариб ташлансин;
ж) 2-илова ўз кучини йўқотган деб ҳисолансин.
2. Вазирлар Маҳкамасининг «Ўзбекистон Республикаси Президентининг «Эркин иқтисодий зоналар ва кичик саноат зоналари фаолияти самарадорлигини ошириш борасидаги қўшимча чора-тадбирлар тўғрисида» 2017 йил 25 октябрдаги ПҚ-3356-сон қарорини амалга ошириш чора-тадбирлари тўғрисида» 2018 йил 16 январдаги 29-сон қарорида :
а) 2-банддан «Қорақалпоғистон Республикаси Вазирлар Кенгаши» ва «Нукус-фарм» сўзлари чиқариб ташлансин;
б) 4-иловада :
номидан «Нукус-фарм» сўзлари чиқариб ташлансин;
1-банд ўз кучини йўқотган деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 22 ноябрь,
941-сон
Oʻzbekiston Respublikasi Vazirlar Mahkamasining
qarori
tuzilmasi
ustavi
OʻZGARTIRISHLAR
“Nukus” erkin iqtisodiy zonasi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining “Nukus” erkin iqtisodiy zonasini tashkil etish chora-tadbirlari toʻgʻrisida” 2019-yil 4-sentabrdagi PF-5809-son Farmoni ijrosini taʼminlash hamda chet el va mahalliy investitsiyalarni tashkil etilgan erkin iqtisodiy zonalarga jalb qilish, respublika sanoatini rivojlantirishga yoʻnaltirilgan yuqori texnologik va zamonaviy investitsiya loyihalarini amalga oshirishga koʻmaklashadigan zarur transport, muhandislik-kommunikatsiya va ishlab chiqarish infratuzilmasini barpo etish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Nukus” erkin iqtisodiy zonasini tashkil etish chora-tadbirlari toʻgʻrisida” 2019-yil 4-sentabrdagi PF-5809-son Farmoniga asosan “Nukus” erkin iqtisodiy zonasi tashkil etilganligi maʼlumot uchun qabul qilinsin.
2. Boshqaruv xodimlari soni 7 nafardan iborat boʻlgan “Nukus” erkin iqtisodiy zonasi direksiyasi” davlat unitar korxonasi (keyingi oʻrinlarda Direksiya deb ataladi) tashkil etilsin.
3. Quyidagilar:
“Nukus” erkin iqtisodiy zonasi tarkibiga kiruvchi hududlar 1-ilovaga muvofiq;
“Nukus” erkin iqtisodiy zonasi direksiyasi” davlat unitar korxonasining tuzilmasi 2-ilovaga muvofiq;
“Nukus” erkin iqtisodiy zonasi direksiyasi” davlat unitar korxonasining ustavi 3-ilovaga muvofiq tasdiqlansin.
4. Qoraqalpogʻiston Respublikasi maxsus iqtisodiy zonalar va kichik sanoat zonalarining maʼmuriy kengashiga Oʻzbekiston Respublikasi Investitsiyalar va tashqi savdo vazirligi bilan kelishilgan holda, “Nukus” maxsus iqtisodiy zonasi hududida amalga oshiriladigan loyihalar sonining ortishiga qarab, Direksiya tuzilmasi va xodimlari soniga oʻzgartirish kiritish huquqi berilsin.
5. Qorqalpogʻiston Respublikasi Vazirlar Kengashi Direksiyani tekin foydalanish huquqi asosida zarur xizmat xonalari bilan taʼminlasin.
6. Oʻzbekiston Respublikasi Moliya vazirligi Vazirlar Mahkamasining zaxira jamgʻarmasidan Direksiyaga kelgusi yillarda oʻzini oʻzi moliyalashtirishga oʻtkazish sharti bilan 2019 — 2021-yillar davrida saqlash xarajatlari uchun asoslangan hisob-kitoblar boʻyicha zarur mablagʻlar ajratilishini taʼminlasin.
7. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirishlar kiritilsin.
8. Vazirlar Mahkamasining “Vazirlar Mahkamasining “Oʻzbekiston Respublikasi Prezidentining “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida” 2017-yil 25-oktabrdagi PQ-3356-son qarorini amalga oshirish chora-tadbirlari toʻgʻrisida” 2018-yil 16-yanvardagi 29-son qaroriga oʻzgartirish kiritish haqida” 2019-yil 30-martdagi 267-son qarori oʻz kuchini yoʻqotgan deb topilsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Ganiyev, Oʻzbekiston Respublikasi investitsiyalar va tashqi savdo vaziri S.Oʻ. Umurzakov va Qoraqalpogʻiston Respublikasi Vazirlar Kengashi Raisi Q.R. Sariyev zimmasiga yuklansin.
Vazirlar Mahkamasining 2019-yil 22-noyabrdagi 941-son qaroriga 1-ILOVA
“Nukus” EIZ tarkibiga kiruvchi hududlar chegarasi taʼrifi
1-yer uchastkasi
1-boshlangʻich nuqta Nukus shahridagi Bojxona posti imoratining sharqiy tomonida, sanoat zonasi hududida joylashgan.
1-nuqtadan chegara Nukus shahrining sanoat zonasi hududi boʻylab sharqiy yoʻnalishda 122 metr masofada 2-nuqtagacha davom etadi.
2-nuqtadan chegara Nukus shahrining sanoat zonasi hududi boʻylab sharqiy yoʻnalishda 48 metr masofada 3-nuqtagacha davom etadi.
3-nuqtadan chegara Nukus shahrining sanoat zonasi hududi boʻylab janubiy yoʻnalishda 238,5 metr masofada 4-nuqtagacha davom etadi.
4-nuqtadan chegara Nukus shahrining sanoat zonasi hududi boʻylab gʻarbiy yoʻnalishda 148,5 metr masofada 5-nuqtagacha davom etadi.
5-nuqtadan chegara Nukus shahridagi Bojxona posti imorati hududi boʻylab shimoliy yoʻnalishda 257,3 metr masofada 1-nuqtagacha davom etadi.
2-yer uchastkasi
1-boshlangʻich nuqta Nukus shahridagi Bojxona posti imoratining sharqiy tomonidan 255 metr masofada, sanoat zonasi hududida joylashgan.
1-nuqtadan chegara Nukus shahrining sanoat zonasi hududi boʻylab sharqiy yoʻnalishda 346,6 metr masofada 2-nuqtagacha davom etadi.
2-nuqtadan chegara Nukus shahrining sanoat zonasi hududi boʻylab janubiy yoʻnalishda 330,6 metr masofada 3-nuqtagacha davom etadi.
3-nuqtadan chegara Nukus un ishlab chiqarish zavodi imorati boʻylab gʻarbiy yoʻnalishda 233 metr masofada 4-nuqtagacha davom etadi.
4-nuqtadan chegara Nukus shahrining sanoat zonasi hududi boʻylab shimoliy yoʻnalishda 148 metr masofada 5-nuqtagacha davom etadi.
5-nuqtadan chegara Nukus shahrining sanoat zonasi hududi boʻylab gʻarbiy yoʻnalishda 108,7 metr masofada 6-nuqtagacha davom etadi.
6-nuqtadan chegara Nukus shahrining sanoat zonasi hududi boʻylab shimoliy yoʻnalishda 242,4 metr masofada 1-nuqtagacha davom etadi.
3-yer uchastkasi
1-boshlangʻich nuqta Nukus shahridagi “Nukus tekstil” MCHJ imoratining sharqiy tomonida, A-380 avtomobil yoʻli boʻyida joylashgan.
1-nuqtadan chegara Nukus shahridagi davlat oʻrmon xoʻjaligining hududi boʻylab sharqiy yoʻnalishda 229 metr masofada 2-nuqtagacha davom etadi.
2-nuqtadan chegara Nukus shahridagi davlat oʻrmon xoʻjaligining hududi boʻylab janubiy yoʻnalishda 436 metr masofada 3-nuqtagacha davom etadi.
3-nuqtadan chegara Nukus shahrining A-380 avtomobil yoʻli boʻylab gʻarbiy yoʻnalishda 229 metr masofada 4-nuqtagacha davom etadi.
4-nuqtadan chegara Nukus shahridagi “Nukus tekstil” MCHJ imoratining hududi boʻylab shimoliy yoʻnalishda 436 metr masofada 1-nuqtagacha davom etadi.
4-yer uchastkasi
1-boshlangʻich nuqta Nukus shahrining Beruniy koʻchasi boʻylab shimoliy tomonda 35 metr masofa uzoqlikda joylashgan.
1-nuqtadan chegara Nukus shahrining “Nukus stroy stil” MCHJ hududi boʻylab sharqiy yoʻnalishda 123,2 metr masofada 2-nuqtagacha davom etadi.
2-nuqtadan chegara Nukus shahrining “Amanjol avtotex” MCHJ hududi boʻylab janubiy yoʻnalishda 120 metr masofada 3-nuqtagacha davom etadi.
3-nuqtadan chegara Nukus shahrining Beruniy koʻchasi boʻylab gʻarbiy yoʻnalishda 64 metr masofada 4-nuqtagacha davom etadi.
4-nuqtadan chegara Nukus shahrining Idora imorati hududi boʻylab shimoliy yoʻnalishda 33 metr masofada 5-nuqtagacha davom etadi.
5-nuqtadan chegara Nukus shahrining Idora imorati hududi boʻylab gʻarbiy yoʻnalishda 55,2 metr masofada 6-nuqtagacha davom etadi.
6-nuqtadan chegara Nukus shahrining “Dauit” xususiy firmasi hududi boʻylab shimoliy yoʻnalishda 87 metr masofada 1-nuqtagacha davom etadi.
5-yer uchastkasi
1-boshlangʻich nuqta Nukus shahridagi “Nukus un zavodi” korxonasidan janubi-sharqiy tomondan 610 metr masofada, sanoat zonasi hududida joylashgan.
1-nuqtadan chegara Nukus shahrining sanoat zonasi hududi boʻylab sharqiy yoʻnalishda 589,78 metr masofada 2-nuqtagacha davom etadi.
2-nuqtadan chegara Nukus shahrining sanoat zonasi hududi boʻylab janubi-sharqiy yoʻnalishda 792,6 metr masofada 3-nuqtagacha davom etadi.
3-nuqtadan chegara Nukus shahridagi “Nukus-polimer” korxonasi tomonga shimoliy yoʻnalishda 430,5 metr masofada 4-nuqtagacha davom etadi.
4-nuqtadan chegara Nukus shahrining sanoat zonasi hududi boʻylab janubi-gʻarbiy yoʻnalishda 1219,2 metr masofada 5-nuqtagacha davom etadi.
5-nuqtadan chegara Nukus shahrining sanoat zonasi hududi boʻylab gʻarbiy yoʻnalishda 435,1 metr masofada 6-nuqtagacha davom etadi.
6-nuqtadan chegara Nukus shahrining sanoat zonasi hududi boʻylab shimoliy yoʻnalishda 862,56 metr masofada 7-nuqtagacha davom etadi.
7-nuqtadan chegara Nukus shahrining sanoat zonasi hududi boʻylab sharqiy yoʻnalishda 425,42 metr masofada 8-nuqtagacha davom etadi.
8-nuqtadan chegara Nukus shahrining sanoat zonasi hududi boʻylab shimoliy yoʻnalishda 731,13 metr masofada 1-nuqtagacha davom etadi.
6-yer uchastkasi
1-boshlangʻich nuqta Nukus shahridagi “Karakalpak dan onimleri” AJ karxonasidan janubiy tomonidan 67 metr masofada, sanoat zonasi hududida joylashgan.
1-nuqtadan chegara Nukus shahridagi “Karakalpak dan onimleri” AJ karxonasidan sharqiy yoʻnalishda 387,6 metr masofada 2-nuqtagacha davom etadi.
2-nuqtadan chegara Nukus shahrining sanoat zonasi hududi boʻylab janubiy yoʻnalishda 515,6 metr masofada 3-nuqtagacha davom etadi.
3-nuqtadan chegara Nukus shahrining sanoat zonasi hududi boʻylab gʻarbiy yoʻnalishda 387,6 metr masofada 4-nuqtagacha davom etadi.
4-nuqtadan chegara Nukus shahrining sanoat zonasi hududi boʻylab shimoliy yoʻnalishda 515,6 metr masofada 1-nuqtagacha davom etadi.
7-yer uchastkasi
1-boshlangʻich nuqta Toʻrtkoʻl tumanining “Paxtachi” ovul fuqarolar yigʻini hududidagi, “Qoʻngʻirot-Toshkent” temir yoʻl liniyasining gʻarb tomonida, “Toʻrtkoʻl” temir yoʻl vokzalining shimoliy qismidan 800 metr uzoqlikda joylashgan.
1-nuqtadan chegara “Qoʻngʻirot-Toshkent” temir yoʻl liniyasi boʻylab janubiy yoʻnalishda 428 metr masofada 2-nuqtagacha davom etadi.
2-nuqtadan chegara K2 kollektori boʻylab janubiy-gʻarbiy yoʻnalishda 143 metr masofada 3-nuqtagacha davom etadi.
3-nuqtadan chegara K3 kollektori boʻylab shimoliy yoʻnalishda 100 metr masofada 4-nuqtagacha davom etadi.
4-nuqtadan chegara K3 kollektori boʻylab shimoliy-sharqiy yoʻnalishda 358 metr masofada 1-nuqtagacha davom etadi.
8-yer uchastkasi
1-boshlangʻich nuqta Toʻrtkoʻl tumanining “Oqqamish” OFY xududidan oʻtuvchi A-380 Oʻzbekiston milliy avtomagistral yoʻlining shimoli-gʻarbidan 206 metr masofa uzoqlikda joylashgan.
1-nuqtadan chegara 2-nuqtagacha, “Muhammad Yusuf Orifjon” MCHJ binosi boʻylab shimoliy-sharqiy yoʻnalishda 109 metr masofaga davom etadi.
2-nuqtadan chegara 3-nuqtagacha, quruq yer boʻylab janubiy-sharqiy yoʻnalishda 500 metr masofaga davom etadi.
3-nuqtadan chegara 4-nuqtagacha, quruq yer boʻylab janubiy-gʻarbiy yoʻnalishda 107 metr masofaga davom etadi.
4-nuqtadan chegara 1-nuqtagacha, quruq yer boʻylab shimoliy-gʻarbiy yoʻnalishda 499 metr masofaga davom etadi.
9-yer uchastkasi
1-boshlangʻich nuqta Beruniy tumani, “Abay” MFY hududi A-380 avtomobil yoʻli boʻyidan janubiy tomonda 92 metr masofa uzoqlikda joylashgan.
1-nuqtadan janubi-gʻarbiy yoʻnalishda 211,7 metr masofada 2-nuqtagacha davom etadi.
2-nuqtadan A-380 avtomobil yoʻli boʻylab shimoli-gʻarbiy yoʻnalishda 1092 metr masofada 3-nuqtagacha davom etadi.
3-nuqtadan shimoli-sharqiy yoʻnalishda A-380 avtomobil yoʻli tomonga 211,7 metr masofada 4-nuqtagacha davom etadi.
4-nuqtadan A-380 avtomobil yoʻli boʻylab janubi-sharqiy yoʻnalishda 462 metr masofada 5-nuqtagacha davom etadi.
5-nuqtadan janubi-gʻarbiy yoʻnalishda 114,1 metr masofada 6-nuqtagacha davom etadi.
6-nuqtadan janubi-sharqiy yoʻnalishda A-380 avtomobil yoʻli boʻylab 84,6 metr masofada 7-nuqtagacha davom etadi.
7-nuqtadan shimoli-sharqiy yoʻnalishda A-380 avtomobil yoʻli tomonga 112,0 metr masofada 8-nuqtagacha davom etadi.
8-nuqtadan janubi-sharqiy yoʻnalishda A-380 avtomobil yoʻli boʻylab 528,0 metr masofada 1-nuqtagacha davom etadi.
Vazirlar Mahkamasining 2019-yil 22-noyabrdagi 941-son qaroriga 2-ILOVA
“Nukus” erkin iqtisodiy zonasi direksiyasi” davlat unitar korxonasining
Vazirlar Mahkamasining 2019-yil 22-noyabrdagi 941-son qaroriga 3-ILOVA
“Nukus” erkin iqtisodiy zonasi direksiyasi” davlat unitar korxonasining
1-bob. Umumiy qoidalar
1. “Nukus” erkin iqtisodiy zonasi direksiyasi” (keyingi oʻrinlarda Direksiya deb ataladi) operativ boshqaruv uchun oʻziga berilgan davlat mulki negizida davlat unitar korxonasi shaklida tashkil etilgan tijorat tashkiloti hisoblanadi va oʻziga biriktirilgan mulkka nisbatan qonun hujjatlarida belgilangan doirada oʻz faoliyati maqsadlariga, mulkdor (yoki uning topshirigʻiga binoan uning tomonidan masʼul etib tayinlangan davlat organi — muassis) topshiriqlariga muvofiq egalik qilish, undan foydalanish va tasarruf etish huquqini amalga oshiradi.
2. Direksiya oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Ustavga hamda boshqa qonun hujjatlariga amal qiladi.
3. Direksiya yuridik shaxs hisoblanadi, alohida mulkka, mustaqil balansga, banklarda hisobraqamlariga, shu jumladan valyuta hisobraqamlariga, emblemaga, shtamplar va blankalarga, Oʻzbekiston Respublikasi Davlat gerbi tasviri tushirilgan, oʻz nomi davlat tilida yozilgan muhrga va boshqa rekvizitlarga ega boʻladi.
4. Direksiyaning rasmiy nomi:
a) davlat tilida:
toʻliq nomi — “Nukus” erkin iqtisodiy zonasi direktsiyasi” davlat unitar korxonasi;
qisqartirilgan nomi — “Nukus” EIZ direktsiyasi” DUK;
b) rus tilida:
toʻliq nomi — Gosudarstvennoye unitarnoye predpriyatiye “Direksiya svobodnoy ekonomicheskoy zoni “Nukus”;
qisqartirilgan nomi — GUP “Direksiya SEZ “Nukus”;
v) ingliz tilida:
toʻliq nomi — “Directorate of free economic zone “Nukus” State Unitary Company;
qisqartirilgan nomi — “Directorate of FEZ “Nukus” SUC.
5. Direksiyaning joylashgan joyi (pochta manzili): Qoraqalpogʻiston Respublikasi, Nukus shahri, A. Dosnazarov koʻchasi, 97-uy.
6. Oʻzbekiston Respublikasi Vazirlar Mahkamasi Direksiyaning muassisi (keyingi oʻrinlarda Muassis deb ataladi) hisoblanadi.
7. Direksiya oʻz nomidan qonun hujjatlarida belgilangan tartibda mulkiy va shaxsiy nomulkiy huquqlarni olishi va amalga oshirishi, majburiyatlar olishi, sudda daʼvogar va javobgar boʻlishi, nizolarni hal etishda boshqa organlarda vakillik qilishi mumkin.
8. Direksiya Muassisning roziligiga koʻra tijorat tashkilotlarining, shuningdek, qonun hujjatlariga muvofiq yuridik shaxslarning qatnashishiga yoʻl qoʻyiladigan notijorat tashkilotlarida ishtirokchi (aksiyador, aʼzo) boʻlishi mumkin.
9. Direksiya boshqa davlat korxonasining muassisi boʻlishi mumkin emas.
2-bob. Direksiya faoliyatining maqsadi va asosiy yoʻnalishlari
10. Direksiya faoliyatining asosiy maqsadi “Nukus” erkin iqtisodiy zonasini (keyingi oʻrinlarda — “Nukus” EIZ) va “Qoraqalpoq-agro” erkin iqtisodiy zonasi (keyingi oʻrinlarda — “Qoraqalpoq-agro” EIZ) rivojlantirish davlat dasturlarining toʻliq va oʻz vaqtida bajarilishini taʼminlash, shuningdek, “Nukus” va “Qoraqalpoq-agro” EIZlar hududida alohida huquqiy rejimga rioya etilishini taʼminlash yoʻli bilan operativ boshqarish, “Nukus” va “Qoraqalpoq-agro” EIZlar qatnashchilariga xizmatlar koʻrsatishdan hamda ushbu Ustavda nazarda tutilgan boshqa ishlarni (xizmatlarni) bajarishdan (koʻrsatishdan) foyda olish hisoblanadi.
11. Quyidagilar Direksiya faoliyatining asosiy yoʻnalishlari hisoblanadi:
Qoraqalpogʻiston Respublikasi maxsus iqtisodiy zonalar va kichik sanoat zonalari maʼmuriy kengashining (keyingi oʻrinlarda Maʼmuriy kengash deb ataladi) qabul qilingan qarorlariga muvofiq “Nukus” EIZ va “Qoraqalpoq-agro” EIZ qatnashchilarini roʻyxatdan oʻtkazish, shuningdek, ularning reyestrini yuritish;
Maʼmuriy kengash qarorlariga muvofiq investorlar bilan “Nukus” EIZ va “Qoraqalpoq-agro” EIZ hududida investitsiya kiritish toʻgʻrisida bitimlar, davlat mulkini “nol” xarid qiymati boʻyicha sotish toʻgʻrisida “Nukus” EIZ qatnashchilari bilan shartnomalar tuzish;
“Nukus” EIZ va “Qoraqalpoq-agro” EIZ hududida investitsiya loyihalarini amalga oshirish uchun xorijiy va mahalliy investorlarni topish va jalb etish;
“Nukus” EIZ va “Qoraqalpoq-agro” EIZning ishlab chiqilgan bosh rejasi va Maʼmuriy kengash qarori bilan maʼqullangan investitsiya loyihalarini joylashtirish;
“Yagona darcha” tamoyili asosida muhandislik-kommunikatsiya infratuzilmasi tarmoqlariga ulanish uchun zarur boʻlgan barcha ruxsatnomalarni berishni tashkil etish;
belgilangan tartibda tanlangan investorlarning oʻz zimmasiga olgan majburiyatlarning zarur tarzda bajarishini tizimli nazorat qilish, keyinchalik natijalarni Maʼmuriy kengashga taqdim etish;
“Nukus” EIZ va “Qoraqalpoq-agro” EIZ hududida joylashgan davlat mulki boʻlgan koʻchmas mulk obyektlarini oʻziga berilgan vakolatlar doirasida boshqarish;
“Nukus” EIZ va “Qoraqalpoq-agro” EIZ hududidagi loyihalarni oʻz vaqtida ishga tushirish va tashkilotlarning doimiy faoliyat yuritishini taʼminlash bilan bogʻliq masalalarni hal etishda “Nukus” EIZ va “Qoraqalpoq-agro” EIZ qatnashchilariga koʻmaklashish;
“Nukus” EIZ va “Qoraqalpoq-agro” EIZni rivojlantirish dasturining amalga oshirilishini taʼminlash;
ekologik holatning yaxshilanishi yuzasidan nazoratni taʼminlash, shuningdek, “Nukus” EIZ va “Qoraqalpoq-agro” EIZ hududida joylashgan tarixiy-madaniy boyliklar asrab-avaylanishi uchun javob berish;
“Nukus” EIZ va “Qoraqalpoq-agro” EIZ faoliyatini boshqarish boʻyicha boshqa funksiyalarni amalga oshirish.
Direksiya qonun hujjatlarida ushbu Ustavda nazarda tutilgan tegishli faoliyat turining litsenziyalanishi zarurligi belgilangan taqdirda, Direksiya faoliyatning ushbu turini litsenziya olmasdan, tegishli litsenziyalovchi organ bilan tuzilgan litsenziya bitimi asosida amalga oshirishga haqlidir.
12. Direksiya qonun hujjatlarida faoliyatning taqiqlanmagan boshqa turlarini ham amalga oshirishi mumkin.
3-bob. Direksiya faoliyatini boshqarish
13. Direksiya Muassisga va Maʼmuriy kengashga hisobot beradi.
14. Muassis quyidagi huquqlarga ega:
Direksiya faoliyatining maqsadi va yoʻnalishlarini belgilash;
Direksiya Ustaviga oʻzgartirish va qoʻshimchalar kiritish;
Direksiyaning ortiqcha, foydalanilmayotgan yoxud belgilangan maqsadda foydalanilmayotgan mulkini olib qoʻyish va tasarruf etish;
Direksiyaga berilgan mulkdan foydalanishdan olingan sof foydaning bir qismini yoki hammasini olish;
Direksiya mulki boʻyicha amalga oshirilgan bitimlarni haqiqiy emas deb hisoblash va Direksiyaga yetkazilgan zararlarni qoplash toʻgʻrisida sudga daʼvo arizasi bilan murojaat qilish;
Direksiyani qayta tashkil etish yoki tugatish toʻgʻrisida qaror qabul qilish, tugatish komissiyasini tayinlash va oraliq, tugatish balansini tasdiqlash;
mehnatga oid qonun hujjatlarida belgilangan tartibda Direksiya rahbari bilan mehnat shartnomasini muddatidan oldin toʻxtatish;
mehnatga oid qonun hujjatlarida belgilangan tartibda Direksiya rahbari bilan mehnat shartnomasini muddatidan oldin bekor qilish.
15. Vazirlar Mahkamasi Direksiya faoliyatiga rahbarlik qiladi va nazoratni amalga oshiradi.
Maʼmuriy kengash “Nukus” EIZ va “Qoraqalpoq-agro” EIZ mustaqil budjetining va “Nukus” EIZ va “Qoraqalpoq-agro” EIZni rivojlantirish jamgʻarmasi mablagʻlaridan maqsadli foydalanilishini nazorat qiladi.
16. Quyidagilar Vazirlar Mahkamasi vakolatlariga kiradi:
Direksiyaning “Nukus” EIZ va “Qoraqalpoq-agro” EIZni rivojlantirish boʻyicha faoliyati strategik vazifalari va yoʻnalishlarini belgilash;
har chorakda Direksiya faoliyati haqidagi hisobotni eshitish.
17. Maʼmuriy kengash oʻziga yuklangan vazifalarni bajarish uchun Direksiya faoliyatiga taalluqli hujjatlarni talab qilib olish huquqiga ega. Maʼmuriy kengash olingan hujjatlardan faqat xizmat maqsadlarida foydalanadi.
18. Direksiyaning joriy faoliyatiga rahbarlikni Oʻzbekiston Respublikasi Vazirlar Mahkamasi bilan kelishilgan holda Maʼmuriy kengash tomonidan lavozimga tayinlanadigan va lavozimdan ozod etiladigan Direktor rahbarlik qiladi.
19. Direktor ijro etuvchi organ hisoblanadi.
20. Direktor:
qonun hujjatlari talablarini bajarishga, Direksiya xodimlarining mehnat sharoitlarini muhofaza qilish va yaxshilash, atrof-muhitni muhofaza qilish va tabiiy resurslardan oqilona foydalanish sohasidagi norma va qoidalarga rioya qilinishini taʼminlash tadbirlarini ishlab chiqadi va joriy etadi;
“Nukus” EIZ va “Qoraqalpoq-agro” EIZni rivojlantirish dasturlarining amalga oshirilishini tashkil qiladi;
Direksiyaning asosiy faoliyatini takomillashtirishga, boshqarishning eng zamonaviy usullarini joriy etishga doir chora-tadbirlarni amalga oshiradi;
Direksiya nomidan ishonchnomasiz harakat qiladi, barcha tashkilotlarda, shu jumladan xorijiy tashkilotlarda uning manfaatlarini ifoda etadi;
xodimlarni ishga qabul qiladi, ular bilan mehnat shartnomalarini (kontraktlarni) tuzadi, oʻzgartiradi va ularning amal qilishini toʻxtatadi;
qonun hujjatlarida belgilangan tartibda ishonchnomalar beradi;
kadrlarni tayyorlash va oʻqitish, ularning malakasini oshirish chora-tadbirlarini amalga oshiradi;
Direksiyaning barcha xodimlari uchun majburiy boʻlgan buyruqlar chiqaradi va koʻrsatmalar beradi;
Direksiyaning ichki ish tartibini va xoʻjalik faoliyatini tartibga soluvchi hujjatlarni tasdiqlaydi;
Direksiya tomonidan qonun hujjatlariga rioya qilinishini tashkil etish va nazorat qilishni taʼminlaydi;
Direksiyaga yuklangan maqsadlar va vazifalarni bajarish uchun zarur boʻlgan boshqa funksiyalarni amalga oshiradi.
21. Direktor Muassis va Investitsiyalar va tashqi savdo vazirligiga Direksiya faoliyati toʻgʻrisida belgilangan tartibda hisobot beradi.
22. Direktor oʻz huquqlarini amalga oshirishda va vazifalarni bajarishda Direksiya manfaatlarini koʻzlagan holda harakat qilishi lozim hamda budjetga va budjetdan tashqari jamgʻarmalarga toʻlovlar, ish haqining oʻz vaqtida toʻlanishi, mehnatga oid huquqiy munosabatlardan kelib chiquvchi barcha talablarning va ularga tenglashtirilgan toʻlovlarning qondirilishi, ishlab chiqarish faoliyati bilan bevosita bogʻliq ehtiyojlarga mablagʻlar oʻtkazilmaganligi, Direksiyaning xatti-harakatlari (harakatsizligi) bilan, jumladan, Direksiyaga berilgan davlat mol-mulki yoʻqolgan taqdirda, yetkazilgan zarar yuzasidan qonun hujjatlarida belgilangan tartibda javob beradi.
23. “Nukus” EIZ va “Qoraqalpoq-agro” EIZning Oʻzbekiston Respublikasi Moliya vazirligi bilan kelishgan holda, Maʼmuriy kengash tomonidan tasdiqlanadigan mustaqil budjeti mablagʻlarining tasarruf etuvchisi hisoblanadi hamda “Nukus” EIZ va “Qoraqalpoq-agro” EIZning mustaqil budjeti ijrosi toʻgʻrisidagi hisobotni belgilangan tartibda taqdim etadi.
24. Direktor oʻz zimmasiga yuklangan vazifalarning bajarilishi, shuningdek, Direksiyaga berilgan davlat mulkining saqlanishi va undan maqsadli foydalanilishi yuzasidan qonun hujjatlarida belgilangan tartibda javob beradi.
4-bob. Direksiyaning ustav fondi
25. Direksiyaning ustav fondi “Nukus” EIZ va “Qoraqalpoq-agro” EIZ faoliyatini operativ boshqarishni amalga oshirish uchun Muassis tomonidan oʻziga berilgan mablagʻlar, mol-mulk va boshqa aktivlar yigʻindisidan iborat boʻladi.
26. Direksiya ustav fondining miqdori 1 mlrd soʻmni tashkil qiladi.
5-bob. Direksiyaning ustav fondini koʻpaytirish va kamaytirish tartibi
27. Direksiyaning ustav fondi qonun hujjatlarida belgilangan tartibda Muassis qaroriga binoan koʻpaytiriladi yoki kamaytiriladi.
6-bob. Direksiya mulkini tasarruf etish
28. Muassis tomonidan Direksiyaga operativ boshqaruv huquqi bilan berilgan asosiy fondlar va aylanma mablagʻlar Direksiya mol-mulkini tashkil qiladi.
29. Direksiyaning asosiy fondlari va aylanma mablagʻlari boʻlinmaydi va ulushlar (hissalar, paylar) boʻyicha taqsimlanishi mumkin emas.
30. Maʼmuriy kengash Direksiyaga berilgan davlat mulkidan belgilangan maqsadda foydalanilishini va uning saqlanishini, shuningdek, oʻzgaga berilishini Muassis nomidan nazorat qiladi.
31. Direktor Muassis bilan kelishgan holda, Direksiya mulkini quyidagicha tasarruf etishi mumkin:
asosiy vositalarni sotish, ularni ijaraga yoki garovga berish;
mol-mulkni boshqa xoʻjalik jamiyatining ustav fondiga ulush sifatida kiritish;
boshqa xoʻjalik jamiyatlarining aksiyalarini (ulushlarini) sotib olish va sotish;
mol-mulkni qonun hujjatlarida belgilangan tartibda boshqacha tarzda tasarruf etish.
7-bob. Direksiya budjetini shakllantirish
32. Quyidagilar Direksiya faoliyatini moliyalashtirish manbalari hisoblanadi:
davlat mulki boʻlgan va “Nukus” EIZ va “Qoraqalpoq-agro” EIZ hududida joylashgan binolar va inshootlarni ijaraga berishdan olingan daromadlarning bir qismi;
xizmatlar koʻrsatishdan olingan daromadlar;
“Nukus” EIZ va “Qoraqalpoq-agro” EIZ qatnashchilarining ajratmalari va “Nukus” EIZ va “Qoraqalpoq-agro” EIZ qatnashchilari sifatida roʻyxatdan oʻtish uchun toʻlovlar;
Oʻzbekiston Respublikasining rivojlanish davlat dasturlaridagi mablagʻlar;
qonun hujjatlarida taqiqlanmagan boshqa mablagʻlar.
8-bob. Zaxira fondini va boshqa fondlarni shakllantirish tartibi
33. Direksiya oʻz tasarrufida qoladigan sof foyda hisobiga zaxira fondini, shuningdek, boshqa fondlarni tashkil etishi mumkin, ularning miqdori va shakllantirish tartibi Muassis tomonidan tasdiqlanadi.
9-bob. Daromadni (foydani) taqsimlash va zararlarni qoplash tartibi
34. Oʻzbekiston Respublikasi Davlat budjeti mablagʻlari va muassisga ajratmalar belgilangan tartibda toʻlangandan soʻng qoladigan Direksiyaning sof foydasi Direksiya tasarrufida qoladi va undan Muassis qaroriga binoan foydalaniladi.
35. Muassis oʻz qarori bilan boshqa yuridik va jismoniy shaxslarga xayriya maqsadlari uchun yoʻnaltiriladigan mablagʻlarning cheklangan summasini ularni tasarruf etish huquqini Direktorga bergan holda belgilaydi.
36. Direksiyaning xoʻjalik faoliyati natijasida koʻrilgan zararlar ushbu maqsadlar uchun tashkil etilgan zaxira fondi mablagʻlari hisobidan qoplanishi mumkin.
10-bob. Hisobotlarni taqdim etish tartibi
37. Direksiya hisobot davri tugagach, vakolatli organlarga moliya hisobotini va roʻyxati qonun hujjatlarida belgilanadigan boshqa hujjatlarni taqdim etadi hamda hujjatlarning saqlanishi va davlat tomonidan saqlashga berilishi yuzasidan belgilangan tartibda javob beradi.
38. Direksiyaning xoʻjalik subyekti sifatidagi faoliyati Maʼmuriy kengash tomonidan, qonun hujjatlarida belgilangan tartibda nazorat qilinadi.
39. Direktor har chorakda Direksiya faoliyatining natijalari va tasdiqlangan rivojlantirish dasturlarining amalga oshirilishi toʻgʻrisida Vazirlar Mahkamasiga hisobot beradi.
11-bob. Direksiyaning javobgarligi
40. Direksiya oʻz majburiyatlari boʻyicha oʻziga tegishli mulk bilan javob beradi. Muassis Direksiyaning mulki yetarli boʻlmagan taqdirda, uning majburiyatlari boʻyicha subsidiar javobgarlikni amalga oshiradi.
41. Direksiya Muassis majburiyatlari boʻyicha javob bermaydi.
12-bob. Direksiyani tugatish va qayta tashkil etish
42. Direksiya Muassisning qaroriga koʻra, qonun hujjatlarida nazarda tutilgan tartibda yoki sud qaroriga binoan tugatilishi yoxud qayta tashkil etilishi mumkin.
43. Direksiyani tugatish Direksiya faoliyatining huquq va majburiyatlari huquqiy vorislik tartibida boshqa shaxslarga oʻtmagan holda toʻxtatilishiga sabab boʻladi.
Direksiya qayta tashkil etilgan taqdirda, uning huquq va majburiyatlari huquqiy vorisga oʻtadi.
Vazirlar Mahkamasining 2019-yil 22-noyabrdagi 941-son qaroriga 4-ILOVA
Oʻzbekiston Respublikasi Hukumatining ayrim qarorlariga kiritilayotgan
1. Vazirlar Mahkamasining “Nukus-farm” erkin iqtisodiy zonasi direksiyasi”, “Zomin-farm” erkin iqtisodiy zonasi direksiyasi”, “Kosonsoy-farm” erkin iqtisodiy zonasi direksiyasi”, “Sirdaryo” erkin iqtisodiy zonasi direksiyasi”, “Boysun-farm” erkin iqtisodiy zonasi direksiyasi”, “Boʻstonliq-farm” erkin iqtisodiy zonasi direksiyasi”, “Parkent-farm” erkin iqtisodiy zonasi direksiyasi” davlat unitar korxonalarining ustavlarini tasdiqlash toʻgʻrisida” 2017-yil 25-iyuldagi 542-son qarorida :
a) nomidan “Nukus-farm” erkin iqtisodiy zonasi direksiyasi” soʻzlari chiqarib tashlansin;
b) 1-bandda :
birinchi xatboshidan “Nukus-farm” erkin iqtisodiy zonasi direksiyasi” soʻzlari chiqarib tashlansin;
ikkinchi xatboshidan “Nukus-farm” soʻzlari chiqarib tashlansin;
v) 2-banddan “Nukus-farm” erkin iqtisodiy zonasi direksiyasi” soʻzlari chiqarib tashlansin;
g) 3-banddan “Qoraqalpogʻiston Respublikasi Vazirlar Kengashi” soʻzlari chiqarib tashlansin;
d) 5-banddan “Nukus-farm” EIZ” soʻzlari chiqarib tashlansin;
e) 1-ilova nomidan “Nukus-farm” soʻzlari chiqarib tashlansin;
j) 2-ilova oʻz kuchini yoʻqotgan deb hisolansin.
2. Vazirlar Mahkamasining “Oʻzbekiston Respublikasi Prezidentining “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida” 2017-yil 25-oktabrdagi PQ-3356-son qarorini amalga oshirish chora-tadbirlari toʻgʻrisida” 2018-yil 16-yanvardagi 29-son qarorida :
a) 2-banddan “Qoraqalpogʻiston Respublikasi Vazirlar Kengashi” va “Nukus-farm” soʻzlari chiqarib tashlansin;
b) 4-ilovada :
nomidan “Nukus-farm” soʻzlari chiqarib tashlansin;
1-band oʻz kuchini yoʻqotgan deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 22-noyabr,
941-son