📅 2019-yil 21-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 21 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 21 ноября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 21 November 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ШТАТ ЖАДВАЛИ
Бирлашган Араб Амирликларида Ўзбекистон Республикаси Инвестициялар, саноат ва савдо вазирлигининг ваколатхонасини ташкил этиш чора-тадбирлари тўғрисида
Ўзбекистон Республикаси Президентининг «Ўзбекистон Республикаси ва Бирлашган Араб Амирликлари ўртасида икки томонлама ҳамкорликни янада кенгайтириш ва мустаҳкамлаш чора-тадбирлари тўғрисида» 2019 йил 2 апрелдаги ПҚ-4256-сон қарорига мувофиқ, шунингдек, йирик корхоналар, инвестиция фондлари ва молия институтлари билан тўғридан-тўғри алоқаларни йўлга қўйиш, Ўзбекистон Республикасига Бирлашган Араб Амирликларидан (кейинги ўринларда БАА деб аталади) жалб қилинадиган тўғридан-тўғри хорижий инвестициялар оқимини кўпайтириш, маҳаллий товарлар ва хизматларни БАА бозорига экспорт қилиш ҳажмини ошириш ва таркибини диверсификациялаш, миллий сайёҳлик маҳсулотларини фаол таклиф этиш ва мамлакатга сайёҳлар оқимини кўпайтириш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ўзбекистон Республикаси ва Бирлашган Араб Амирликлари ўртасидаги икки томонлама ҳамкорликнинг янада кенгайтириш ва мустаҳкамлаш чора-тадбирлари тўғрисида» 2019 йил 2 апрелдаги ПҚ-4256-сон қарорига мувофиқ БААда Ўзбекистон Республикаси Инвестициялар ва ташқи савдо вазирлигининг «UzFDI» ваколатхонаси (кейинги ўринларда UzFDI деб аталади) ташкил этилганлиги маълумот учун қабул қилинсин.
2. UzFDIга қуйида асосий вазифалар юклансин:
олий ва юқори даражадаги ташрифлар якунлари бўйича «йўл хариталари»га киритилган БАА билан савдо-иқтисодий, инвестиция ва молиявий-техник ҳамкорлик бўйича аниқ лойиҳалар ва дастурларнинг тизимли мониторинги ва амалга оширилишини таъминлаш;
Ўзбекистон Республикаси иқтисодиёти тармоқлари ва инфратузилмасини ривожлантириш ва модернизациялаш учун БААнинг етакчи компаниялари, инвестиция фондлари ва молия институтлари томонидан тақдим этиладиган тўғридан-тўғри хорижий инвестициялар, илғор технологиялар ва молиявий-техник кўмаклашиш маблағларининг жалб этилиши, шунингдек, самарали ўзлаштирилишини таъминлаш;
маҳаллий товарлар ва хизматларни экспорт қилиш ҳажмларини ошириш, Ўзбекистон Республикаси ташкилотларининг маҳсулотлари ва хизматларини БАА бозорига узоқ муддатли экспорт қилишни ташкил этиш ҳисобидан ўзаро товар айланмаси номенклатурасини кенгайтиришга кўмаклашиш;
тадбиркорлик субъектларига салоҳиятли инвесторларни топиш, узоқ муддатли шериклик алоқаларини ўрнатиш, савдо ва инвестиция шартномалари ва битимларини тузиш, ишбилармон доирлар вакиллари иштирокида музокаралар ва бошқа тадбирларни ташкил этиш, қўшма корхоналар ташкил этиш, ҳамкорликдаги тадбиркорликнинг бошқа шаклларини ривожлантириш, шунингдек, тўғридан-тўғри хорижий инвестицияларни жалб этиш учун лойиҳа таклифлари ва бошқа зарур материаллар тайёрлашда ҳар томонлама кўмаклашиш;
ташқи савдо инфратузилмасини ривожлантириш, транзит салоҳияти даражасини ошириш, логистика ва транспорт йўлакларини такомиллаштириш, экспорт йўналишларини диверсификациялаш, Ўзбекистон Республикасининг ташқи савдо юкларини ташиш ва транзит қилишда қабул қилувчи мамлакат томонидан имтиёзли режимларни қўллаш бўйича амалий чоралар кўриш.
3. Ўзбекистон Республикаси Инвестициялар, саноат ва савдо вазирлигининг БААдаги ваколатхонаси (UzFDI) учун штат жадвали ва харажатлар сметаси 1 ва 2-иловаларга мувофиқ тасдиқлансин.
4. Белгилансинки, Ўзбекистон Республикаси Давлат бюджети маблағлари, Ўзбекистон Республикаси Инвестициялар, саноат ва савдо вазирлигининг бюджетдан ташқари маблағлари, шунингдек, қонунчилик ҳужжатларида тақиқланмаган бошқа манбалар UzFDI фаолиятини молиялаштириш манбалари ҳисобланади.
5. Ўзбекистон Республикаси Молия вазирлиги:
Ўзбекистон Республикаси Инвестициялар ва ташқи савдо вазирлигининг харажатлари сметаси доирасида 2019 йилда UzFDIни фаолиятини молиялаштириш учун 1-иловага мувофиқ тасдиқланган штат жадвалига асосан меҳнат ҳақ тўлаш ҳисобга олинган ҳолда қўшимча маблағлар ажратсин;
2020 йилдан бошлаб Ўзбекистон Республикаси Инвестициялар ва ташқи савдо вазирлигини UzFDIни сақлаш харажатлари инобатга олинган ҳолда молиялаштирсин;
UzFDIга иккита автотранспорт воситасини сақлаш учун лимит ажратсин.
5 1 . Ўзбекистон Республикаси Инвестициялар, саноат ва савдо вазирлиги томонидан, заруратга кўра, тасдиқланган бюджет доирасида UzFDIнинг харажатлар сметасига ўзгартириш ва қўшимчалар киритилиши мумкин.
6. Ўзбекистон Республикаси Инвестициялар ва ташқи савдо вазирлиги:
ўн кун муддатда UzFDI тўғрисидаги низомни ишлаб чиқсин ва белгиланган тартибда тасдиқласин, унда UzFDI директори ва ходимларининг масъулияти ва фаолиятини баҳолаш мезонлари назарда тутилсин;
бир ой муддатда UzFDIни тасдиқланган штат жадвалига биноан мутасаддилик қилинадиган йўналишлар бўйича малакали мутахассислар билан тўлдирсин;
2021 йил 31 декабрга қадар UzFDI фаолиятини молиялаштириш билан боғлиқ харажатларнинг бир қисмини бюджетдан ташқари маблағлар ҳисобидан қоплаш бўйича Ўзбекистон Республикаси Вазирлар Маҳкамасига таклиф киритсин;
Ўзбекистон Республикаси Молия вазирлиги ва Ташқи ишлар вазирлиги билан биргаликда UzFDIни Абу-Даби шаҳридаги офисга жойлаштириш ва жиҳозлашни таъминласин, шунингдек, унинг фаолиятини ташкил этиш билан боғлиқ бошқа масалаларни ҳам ҳал этсин.
7. Белгилансинки, UzFDI:
Ўзбекистон Республикаси Инвестициялар, саноат ва савдо вазирлигига ҳисобот беради ва ўз фаолиятини Ўзбекистон Республикаси инвестициялар, саноат ва савдо вазирининг умумий раҳбарлигида амалга оширади;
UZFDIни Ўзбекистон Республикаси инвестициялар, саноат ва савдо вазири томонидан лавозимга тайинланадиган ва лавозимдан озод этиладиган директор раҳбарлик қилади, бунда UzFDI директори ўзининг мақоми бўйича Ўзбекистон Республикасининг Бирлашган Араб Амирликларидаги элчихонаси маслаҳатчиси лавозимига, шунингдек, ваколатхонанинг менежерлари биринчи котиб лавозимига тенглаштирилади ва фаолиятини мазкур давлатдаги Ўзбекистон Республикасининг хорижий муассасалари билан яқиндан ҳамкорликда амалга оширади.
Ўзбекистон Республикасининг Бирлашган Араб Амирликларидаги хорижий муассасаларига республикага инвестициялар, молиявий-техник кўмаклашиш маблағлари ва сайёҳларни жалб қилиш, маҳаллий ишлаб чиқарувчиларнинг товарлари ва маҳсулотларини экспорт қилишга ҳар томонлама кўмаклашади.
8. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ғаниев, Бош вазир ўринбосари — молия вазири Д.А. Қўчқоров ва Ўзбекистон Республикаси инвестициялар ва ташқи савдо вазири С.У. Умурзақов зиммасига юклансин.
Вазирлар Маҳкамасининг 2019 йил 21 ноябрдаги 933-сон қарорига 1-ИЛОВА
Ўзбекистон Республикаси Инвестициялар, саноат ва савдо вазирлигининг Бирлашган Араб Амирликларидаги ваколатхонасининг
Т/р Лавозими Штат бирликлари сони Иш ҳақи (2025 йил 1 февралдан) Ойлик иш ҳақи (2025 йил 1 июлдан) Йиллик иш ҳақи тўлаш фонди* 1. Директор (Дубай ш.) 1 2 890 3 655 39 270,0 2. Сунъий интеллект ва рақамлаштириш бўйича менежер (Дубай ш.) 1 2 550 3 225 34 650,0 3. Яшил энергетика бўйича менежер (Абу-Даби ш.) 1 2 550 3 225 34 650,0 4. Давлат-хусусий шериклик бўйича менежер (Абу-Даби ш.) 1 2 550 3 225 34 650,0 5. Саноат лойиҳалари бўйича менежер (Дубай ш.) 1 2 550 3 225 34 650,0 6. Ташқи савдо бўйича менежер (Дубай ш.) 1 2 550 3 225 34 650,0 7. Бош ҳисобчи, офис менежер ва ҳайдовчи (Дубай ш.) 1 2 380 2 970 32 100,0 Жами 7 18 020 18 300,0 244 620,0
Вазирлар Маҳкамасининг 2019 йил 21 ноябрдаги 933-сон қарорига 2-ИЛОВА
Ўзбекистон Республикаси инвестициялар ва ташқи савдо вазирлигининг БАА даги ваколатхонасини (UzFDI) сақлаш учун 2019 йилги харажатлар сметаси
Т/р Харажатлар моддаларининг номи Тоифа Модда 2019 йилги харажатлар миқдори АҚШ долларида сўмда * 1. Иш ҳақи 41 10 33 150,0 2. Бошқа бадаллар ва ижтимоий эҳтиёжлар учун ажратмалар 41 21 5 500,0 3. Хизмат сафарлари учун харажатлар 42 10 2 112,0 26959,5 * 4. Коммунал хизматлар харажатлари 42 20 4 367,9 5. Сақлаш ва жорий таъмирлаш 42 30 7 487,0 6. Ижара харажатлари 42 40 85 680,0 7. Моддий айланма маблағлар захиралари харажатлари 42 50 5 027,0 8. Товарлар ва хизматлар харид қилиш учун бошқа харажатлар 42 90 33 913,1 9. Асосий фондларни харид қилиш харажатлари 43 50 215 419,8 10. Бошқа харажатлар 48 00 16 740,0 2 000,0 * Жами: 443 027,82 28 959,5 *
Ўзбекистон Республикасининг Бош вазири А. АРИПОВ
Тошкент ш.,
2019 йил 21 ноябрь,
933-сон
Oʻzbekiston Respublikasi Vazirlar Mahkamasining
qarori
SHTAT JADVALI
Birlashgan Arab Amirliklarida Oʻzbekiston Respublikasi Investitsiyalar, sanoat va savdo vazirligining vakolatxonasini tashkil etish chora-tadbirlari toʻgʻrisida
Oʻzbekiston Respublikasi Prezidentining “Oʻzbekiston Respublikasi va Birlashgan Arab Amirliklari oʻrtasida ikki tomonlama hamkorlikni yanada kengaytirish va mustahkamlash chora-tadbirlari toʻgʻrisida” 2019-yil 2-apreldagi PQ-4256-son qaroriga muvofiq, shuningdek, yirik korxonalar, investitsiya fondlari va moliya institutlari bilan toʻgʻridan-toʻgʻri aloqalarni yoʻlga qoʻyish, Oʻzbekiston Respublikasiga Birlashgan Arab Amirliklaridan (keyingi oʻrinlarda BAA deb ataladi) jalb qilinadigan toʻgʻridan-toʻgʻri xorijiy investitsiyalar oqimini koʻpaytirish, mahalliy tovarlar va xizmatlarni BAA bozoriga eksport qilish hajmini oshirish va tarkibini diversifikatsiyalash, milliy sayyohlik mahsulotlarini faol taklif etish va mamlakatga sayyohlar oqimini koʻpaytirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasi va Birlashgan Arab Amirliklari oʻrtasidagi ikki tomonlama hamkorlikning yanada kengaytirish va mustahkamlash chora-tadbirlari toʻgʻrisida” 2019-yil 2-apreldagi PQ-4256-son qaroriga muvofiq BAAda Oʻzbekiston Respublikasi Investitsiyalar va tashqi savdo vazirligining “UzFDI” vakolatxonasi (keyingi oʻrinlarda UzFDI deb ataladi) tashkil etilganligi maʼlumot uchun qabul qilinsin.
2. UzFDIga quyida asosiy vazifalar yuklansin:
oliy va yuqori darajadagi tashriflar yakunlari boʻyicha “yoʻl xaritalari”ga kiritilgan BAA bilan savdo-iqtisodiy, investitsiya va moliyaviy-texnik hamkorlik boʻyicha aniq loyihalar va dasturlarning tizimli monitoringi va amalga oshirilishini taʼminlash;
Oʻzbekiston Respublikasi iqtisodiyoti tarmoqlari va infratuzilmasini rivojlantirish va modernizatsiyalash uchun BAAning yetakchi kompaniyalari, investitsiya fondlari va moliya institutlari tomonidan taqdim etiladigan toʻgʻridan-toʻgʻri xorijiy investitsiyalar, ilgʻor texnologiyalar va moliyaviy-texnik koʻmaklashish mablagʻlarining jalb etilishi, shuningdek, samarali oʻzlashtirilishini taʼminlash;
mahalliy tovarlar va xizmatlarni eksport qilish hajmlarini oshirish, Oʻzbekiston Respublikasi tashkilotlarining mahsulotlari va xizmatlarini BAA bozoriga uzoq muddatli eksport qilishni tashkil etish hisobidan oʻzaro tovar aylanmasi nomenklaturasini kengaytirishga koʻmaklashish;
tadbirkorlik subyektlariga salohiyatli investorlarni topish, uzoq muddatli sheriklik aloqalarini oʻrnatish, savdo va investitsiya shartnomalari va bitimlarini tuzish, ishbilarmon doirlar vakillari ishtirokida muzokaralar va boshqa tadbirlarni tashkil etish, qoʻshma korxonalar tashkil etish, hamkorlikdagi tadbirkorlikning boshqa shakllarini rivojlantirish, shuningdek, toʻgʻridan-toʻgʻri xorijiy investitsiyalarni jalb etish uchun loyiha takliflari va boshqa zarur materiallar tayyorlashda har tomonlama koʻmaklashish;
tashqi savdo infratuzilmasini rivojlantirish, tranzit salohiyati darajasini oshirish, logistika va transport yoʻlaklarini takomillashtirish, eksport yoʻnalishlarini diversifikatsiyalash, Oʻzbekiston Respublikasining tashqi savdo yuklarini tashish va tranzit qilishda qabul qiluvchi mamlakat tomonidan imtiyozli rejimlarni qoʻllash boʻyicha amaliy choralar koʻrish.
3. Oʻzbekiston Respublikasi Investitsiyalar, sanoat va savdo vazirligining BAAdagi vakolatxonasi (UzFDI) uchun shtat jadvali va xarajatlar smetasi 1 va 2-ilovalarga muvofiq tasdiqlansin.
4. Belgilansinki, Oʻzbekiston Respublikasi Davlat budjeti mablagʻlari, Oʻzbekiston Respublikasi Investitsiyalar, sanoat va savdo vazirligining budjetdan tashqari mablagʻlari, shuningdek, qonunchilik hujjatlarida taqiqlanmagan boshqa manbalar UzFDI faoliyatini moliyalashtirish manbalari hisoblanadi.
5. Oʻzbekiston Respublikasi Moliya vazirligi:
Oʻzbekiston Respublikasi Investitsiyalar va tashqi savdo vazirligining xarajatlari smetasi doirasida 2019-yilda UzFDIni faoliyatini moliyalashtirish uchun 1-ilovaga muvofiq tasdiqlangan shtat jadvaliga asosan mehnat haq toʻlash hisobga olingan holda qoʻshimcha mablagʻlar ajratsin;
2020-yildan boshlab Oʻzbekiston Respublikasi Investitsiyalar va tashqi savdo vazirligini UzFDIni saqlash xarajatlari inobatga olingan holda moliyalashtirsin;
UzFDIga ikkita avtotransport vositasini saqlash uchun limit ajratsin.
5 1 . Oʻzbekiston Respublikasi Investitsiyalar, sanoat va savdo vazirligi tomonidan, zaruratga koʻra, tasdiqlangan budjet doirasida UzFDIning xarajatlar smetasiga oʻzgartirish va qoʻshimchalar kiritilishi mumkin.
6. Oʻzbekiston Respublikasi Investitsiyalar va tashqi savdo vazirligi:
oʻn kun muddatda UzFDI toʻgʻrisidagi nizomni ishlab chiqsin va belgilangan tartibda tasdiqlasin, unda UzFDI direktori va xodimlarining masʼuliyati va faoliyatini baholash mezonlari nazarda tutilsin;
bir oy muddatda UzFDIni tasdiqlangan shtat jadvaliga binoan mutasaddilik qilinadigan yoʻnalishlar boʻyicha malakali mutaxassislar bilan toʻldirsin;
2021-yil 31-dekabrga qadar UzFDI faoliyatini moliyalashtirish bilan bogʻliq xarajatlarning bir qismini budjetdan tashqari mablagʻlar hisobidan qoplash boʻyicha Oʻzbekiston Respublikasi Vazirlar Mahkamasiga taklif kiritsin;
Oʻzbekiston Respublikasi Moliya vazirligi va Tashqi ishlar vazirligi bilan birgalikda UzFDIni Abu-Dabi shahridagi ofisga joylashtirish va jihozlashni taʼminlasin, shuningdek, uning faoliyatini tashkil etish bilan bogʻliq boshqa masalalarni ham hal etsin.
7. Belgilansinki, UzFDI:
Oʻzbekiston Respublikasi Investitsiyalar, sanoat va savdo vazirligiga hisobot beradi va oʻz faoliyatini Oʻzbekiston Respublikasi investitsiyalar, sanoat va savdo vazirining umumiy rahbarligida amalga oshiradi;
UZFDIni Oʻzbekiston Respublikasi investitsiyalar, sanoat va savdo vaziri tomonidan lavozimga tayinlanadigan va lavozimdan ozod etiladigan direktor rahbarlik qiladi, bunda UzFDI direktori oʻzining maqomi boʻyicha Oʻzbekiston Respublikasining Birlashgan Arab Amirliklaridagi elchixonasi maslahatchisi lavozimiga, shuningdek, vakolatxonaning menejerlari birinchi kotib lavozimiga tenglashtiriladi va faoliyatini mazkur davlatdagi Oʻzbekiston Respublikasining xorijiy muassasalari bilan yaqindan hamkorlikda amalga oshiradi.
Oʻzbekiston Respublikasining Birlashgan Arab Amirliklaridagi xorijiy muassasalariga respublikaga investitsiyalar, moliyaviy-texnik koʻmaklashish mablagʻlari va sayyohlarni jalb qilish, mahalliy ishlab chiqaruvchilarning tovarlari va mahsulotlarini eksport qilishga har tomonlama koʻmaklashadi.
8. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Gʻaniyev, Bosh vazir oʻrinbosari — moliya vaziri D.A. Qoʻchqorov va Oʻzbekiston Respublikasi investitsiyalar va tashqi savdo vaziri S.U. Umurzaqov zimmasiga yuklansin.
Vazirlar Mahkamasining 2019-yil 21-noyabrdagi 933-son qaroriga 1-ILOVA
Oʻzbekiston Respublikasi Investitsiyalar, sanoat va savdo vazirligining Birlashgan Arab Amirliklaridagi vakolatxonasining
T/r Lavozimi Shtat birliklari soni Ish haqi (2025-yil 1-fevraldan) Oylik ish haqi (2025-yil 1-iyuldan) Yillik ish haqi toʻlash fondi* 1. Direktor (Dubay sh.) 1 2 890 3 655 39 270,0 2. Sunʼiy intellekt va raqamlashtirish boʻyicha menejer (Dubay sh.) 1 2 550 3 225 34 650,0 3. Yashil energetika boʻyicha menejer (Abu-Dabi sh.) 1 2 550 3 225 34 650,0 4. Davlat-xususiy sheriklik boʻyicha menejer (Abu-Dabi sh.) 1 2 550 3 225 34 650,0 5. Sanoat loyihalari boʻyicha menejer (Dubay sh.) 1 2 550 3 225 34 650,0 6. Tashqi savdo boʻyicha menejer (Dubay sh.) 1 2 550 3 225 34 650,0 7. Bosh hisobchi, ofis menejer va haydovchi (Dubay sh.) 1 2 380 2 970 32 100,0 Jami 7 18 020 18 300,0 244 620,0
Vazirlar Mahkamasining 2019-yil 21-noyabrdagi 933-son qaroriga 2-ILOVA
Oʻzbekiston Respublikasi investitsiyalar va tashqi savdo vazirligining BAA dagi vakolatxonasini (UzFDI) saqlash uchun 2019-yilgi xarajatlar smetasi
T/r Xarajatlar moddalarining nomi Toifa Modda 2019-yilgi xarajatlar miqdori AQSH dollarida soʻmda * 1. Ish haqi 41 10 33 150,0 2. Boshqa badallar va ijtimoiy ehtiyojlar uchun ajratmalar 41 21 5 500,0 3. Xizmat safarlari uchun xarajatlar 42 10 2 112,0 26959,5 * 4. Kommunal xizmatlar xarajatlari 42 20 4 367,9 5. Saqlash va joriy taʼmirlash 42 30 7 487,0 6. Ijara xarajatlari 42 40 85 680,0 7. Moddiy aylanma mablagʻlar zaxiralari xarajatlari 42 50 5 027,0 8. Tovarlar va xizmatlar xarid qilish uchun boshqa xarajatlar 42 90 33 913,1 9. Asosiy fondlarni xarid qilish xarajatlari 43 50 215 419,8 10. Boshqa xarajatlar 48 00 16 740,0 2 000,0 * Jami: 443 027,82 28 959,5 *
Oʻzbekiston Respublikasining Bosh vaziri A. ARIPOV
Toshkent sh.,
2019-yil 21-noyabr,
933-son
Кабинета Министров Республики Узбекистан
Постановление
ШТАТНОЕ РАСПИСАНИЕ
О мерах по организации деятельности представительства Министерства инвестиций, промышленности и торговли Республики Узбекистан в Объединенных Арабских Эмиратах
В соответствии с постановлением Президента Республики Узбекистан от 2 апреля 2019 года № ПП-4256 «О мерах по дальнейшему расширению и укреплению двустороннего сотрудничества между Республикой Узбекистан и Объединенными Арабскими Эмиратами», а также в целях налаживания прямых контактов с крупными предприятиями, инвестиционными фондами и финансовыми институтами, увеличения притока прямых иностранных инвестиций, привлекаемых в Республику Узбекистан из Объединенных Арабских Эмиратов (далее — ОАЭ), содействия в наращивании объемов и диверсификации структуры экспорта отечественных товаров и услуг на рынок ОАЭ, активного продвижения национальных туристских продуктов и стимулирования туристского потока в страну Кабинет Министров постановляет:
1. Принять к сведению, что постановлением Президента Республики Узбекистан от 2 апреля 2019 года № ПП-4256 «О мерах по дальнейшему расширению и укреплению двустороннего сотрудничества между Республикой Узбекистан и Объединенными Арабскими Эмиратами» создано представительство Министерства инвестиций и внешней торговли Республики Узбекистан «UzFDI» в ОАЭ (далее — UzFDI).
2. Возложить на UzFDI следующие основные задачи:
обеспечение системного мониторинга и продвижение конкретных проектов и программ торгово-экономического, инвестиционного и финансово-технического сотрудничества с ОАЭ, включенных в «дорожные карты» по итогам визитов на высшем и высоком уровнях;
обеспечение привлечения прямых иностранных инвестиций, передовых технологий и средств финансово-технического содействия, предоставляемых ведущими компаниями, инвестиционными фондами и финансовыми институтами ОАЭ на развитие и модернизацию отраслей экономики и инфраструктуры Республики Узбекистан, а также содействие в их эффективном освоении;
содействие в увеличении объемов экспорта отечественных товаров и услуг, расширении номенклатуры взаимного товарооборота за счет организации долгосрочных экспортных поставок продукции и услуг компаний и организаций Республики Узбекистан на рынок ОАЭ;
оказание всесторонней поддержки субъектам предпринимательства в поиске потенциальных инвесторов, установлении долгосрочных партнерских связей, заключении торговых и инвестиционных контрактов и соглашений, организации переговоров и других мероприятий с участием деловых кругов, создании совместных предприятий и развитии других форм совместного предпринимательства, а также в подготовке проектных предложений и других необходимых материалов для привлечения прямых иностранных инвестиций;
принятие действенных мер по развитию внешнеторговой инфраструктуры, повышению уровня транзитного потенциала, совершенствованию логистики и транспортных коридоров, диверсификации экспортных маршрутов, применению страной пребывания преференциальных режимов для транспортировки и транзита внешнеторговых грузов Республики Узбекистан.
3. Утвердить штатное расписание и смету расходов представительства Министерства инвестиций, промышленности и торговли Республики Узбекистан (UzFDI) в Объединенных Арабских Эмиратах согласно приложениям №№ 1 и 2 .
4. Установить, что источниками финансирования деятельности UzFDI являются средства Государственного бюджета Республики Узбекистан, внебюджетные средства Министерства инвестиций, промышленности и торговли Республики Узбекистан, а также иные источники, не запрещенные законодательством.
5. Министерству финансов Республики Узбекистан:
выделить в пределах сметы расходов Министерства инвестиций и внешней торговли Республики Узбекистан дополнительные ассигнования на финансирование деятельности UzFDI в 2019 году, с учетом оплаты труда в соответствии с утвержденным штатным расписанием согласно приложению № 1 ;
начиная с 2020 года, осуществлять финансирование Министерства инвестиций и внешней торговли Республики Узбекистан с учетом расходов на содержание UzFDI;
выделить UzFDI лимит на содержание двух единиц автотранспортных средств.
5 1 . Министерство инвестиций, промышленности и торговли Республики Узбекистан при необходимости может вносить изменения и дополнения в смету расходов UzFDI в рамках утвержденного бюджета.
6. Министерству инвестиций и внешней торговли Республики Узбекистан:
в десятидневный срок разработать и утвердить в установленном порядке положение о UzFDI, предусмотрев в нем в том числе ответственность и критерии оценки деятельности директора и работников UzFDI;
в месячный срок укомплектовать UzFDI квалифицированными специалистами по курируемым направлениям в соответствии с утвержденным штатным расписанием;
до 31 декабря 2021 года внести в Кабинет Министров Республики Узбекистан предложения по покрытию части расходов, связанных с финансированием деятельности UzFDI, за счет внебюджетных средств;
совместно с Министерством финансов и Министерством иностранных дел Республики Узбекистан обеспечить размещение и обустройство офиса UzFDI в г. Абу-Даби, а также решить другие вопросы, связанные с организацией его деятельности.
7. Установить, что UzFDI:
Министерству инвестиций, промышленности и торговли Республики Узбекистан подотчетен и осуществляет свою деятельность под общим руководством Министра инвестиций, промышленности и торговли Республики Узбекистан;
UzFDI возглавляет директор, который назначается на должность и освобождается от должности Министром инвестиций, промышленности и торговли Республики Узбекистан, при этом директор UzFDI по своему статусу приравнивается к советнику Посольства Республики Узбекистан в Объединенных Арабских Эмиратах, а менеджеры представительства — к должности первого секретаря. Деятельность осуществляется в тесном сотрудничестве с зарубежными учреждениями Республики Узбекистан, находящимися в данном государстве.
оказывает всестороннее содействие заграничным учреждениям Республики Узбекистан в Объединенных Арабских Эмиратах в вопросах привлечения в республику инвестиций, средств финансово-технического содействия и туристического потока, продвижения товаров и продукции отечественных производителей на экспорт.
8. Контроль за исполнением настоящего постановления возложить на заместителя Премьер-министра Республики Узбекистан по вопросам инвестиций и внешнеэкономических связей Э.М. Ганиева, заместителя Премьер-министра Республики Узбекистан — министра финансов Д.А. Кучкарова и министра инвестиций и внешней торговли Республики Узбекистан С.У. Умурзакова.
ПРИЛОЖЕНИЕ № 1 к постановлению Кабинета Министров от 21 ноября 2019 года № 933
Представительства Министерства инвестиций, промышленности и торговли Республики Узбекистан в Объединенных Арабских Эмиратах
№ Должность Количество штатных единиц Оклад (с 1 февраля 2025 г.) Оклад (с 1 июля 2025 г.) Годовой фонд оплаты труда* 1. Директор (г. Дубай) 1 2 890 3 655 39 270,0 2. Менеджер по искусственному интеллекту и цифровизации (г. Дубай) 1 2 550 3 225 34 650,0 3. Менеджер по зеленой энергетике (г. Абу-Даби) 1 2 550 3 225 34 650,0 4. Менеджер по государственно-частному партнерству (г. Абу-Даби) 1 2 550 3 225 34 650,0 5. Менеджер по промышленным проектам (г. Дубай) 1 2 550 3 225 34 650,0 6. Менеджер по внешней торговле (г. Дубай) 1 2 550 3 225 34 650,0 7. Главный бухгалтер, офис-менеджер и водитель 1 2 380 2 970 32 100,0 Итого 7 18 020 18 300,0 244 620,0
ПРИЛОЖЕНИЕ № 2 к постановлению Кабинета Министров от 21 ноября 2019 года № 933
Смета расходов на содержание представительства Министерства инвестиций и внешней торговли Республики Узбекистан в Объединенных Арабских Эмиратах (UzFDI) на 2019 год
№ Наименование статей расходов Категория Статья Сумма расходов на 2019 г. в долл. США в сумах * 1 . Заработная плата 41 10 33 150,0 2 . Другие взносы и отчисления на социальные нужды 41 21 5 500,0 3 . Командировочные расходы 42 10 2 112,0 26959,5 * 4 . Расходы на коммунальные услуги 42 20 4 367,9 5 . Содержание и текущий ремонт 42 30 7 487,0 6 . Расходы по аренде 42 40 85 680,0 7 . Расходы запасов материальных оборотных средств 42 50 5 027,0 8 . Другие расходы на приобретение товаров и услуг 42 90 33 913,1 9 . Приобретение основных фондов 43 50 215 419,8 10 . Прочие расходы 48 00 16 740,0 2 000,0 * Итого: 443 027,82 28 959,5 *
Премьер-министр Республики Узбекистан А. АРИПОВ
г. Ташкент,
21 ноября 2019 г.,
№ 933