📅 2019-yil 21-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 21 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 21 ноября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 21 November 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Турғун органик ифлослантирувчи моддалар ҳақидаги Стокгольм конвенциясини амалга оширишнинг ташкилий чора-тадбирлари тўғрисида
Ўзбекистон Республикаси томонидан Турғун органик ифлослантирувчи моддалар ҳақидаги Стокгольм конвенцияси ратификация қилинганлиги муносабати билан ҳамда Конвенция қоидаларидан келиб чиқадиган Ўзбекистон Республикасининг ҳуқуқларини амалга ошириш ҳамда мажбуриятлари самарали бажарилишини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Экология ва атроф-муҳитни муҳофаза қилиш давлат қўмитаси Турғун органик ифлослантирувчи моддалар ҳақидаги Стокгольм конвенцияси (кейинги ўринларда Конвенция деб аталади) амалга оширилиши учун масъул ваколатли орган этиб белгилансин.
2. Ўзбекистон Республикаси Экология ва атроф-муҳитни муҳофаза қилиш давлат қўмитасига:
Конвенция қоидалари амалга оширилишини таъминлаш бўйича вазирликлар ва идоралар, маҳаллий ижроия ҳокимияти органлари ва бошқа ташкилотларнинг фаолиятини мувофиқлаштириш;
Конвенция бўйича Ўзбекистон Республикасининг Миллий ҳаракатлар режасини ўз вақтида ишлаб чиқиш ва мунтазам равишда янгилаш;
Конвенция талабларини бажариш масалалари бўйича халқаро ва минтақавий ташкилотлар билан самарали ҳамкорлик қилишни таъминлаш юклансин.
3. Ўзбекистон Республикаси Ташқи ишлар вазирлиги Конвенция қоидаларини амалга ошириш учун масъул бўлган ваколатли орган ҳақида Конвенциянинг Котибиятига тегишли хабарнома юборсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Ўзбекистон Республикаси Экология ва атроф-муҳитни муҳофаза қилиш давлат қўмитаси раиси Б.Т. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 21 ноябрь,
939-сон
Oʻzbekiston Respublikasi Vazirlar Mahkamasining
qarori
Turgʻun organik ifloslantiruvchi moddalar haqidagi Stokgolm konvensiyasini amalga oshirishning tashkiliy chora-tadbirlari toʻgʻrisida
Oʻzbekiston Respublikasi tomonidan Turgʻun organik ifloslantiruvchi moddalar haqidagi Stokgolm konvensiyasi ratifikatsiya qilinganligi munosabati bilan hamda Konvensiya qoidalaridan kelib chiqadigan Oʻzbekiston Respublikasining huquqlarini amalga oshirish hamda majburiyatlari samarali bajarilishini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi Turgʻun organik ifloslantiruvchi moddalar haqidagi Stokgolm konvensiyasi (keyingi oʻrinlarda Konvensiya deb ataladi) amalga oshirilishi uchun masʼul vakolatli organ etib belgilansin.
2. Oʻzbekiston Respublikasi Ekologiya va atrof-muhitni muhofaza qilish davlat qoʻmitasiga:
Konvensiya qoidalari amalga oshirilishini taʼminlash boʻyicha vazirliklar va idoralar, mahalliy ijroiya hokimiyati organlari va boshqa tashkilotlarning faoliyatini muvofiqlashtirish;
Konvensiya boʻyicha Oʻzbekiston Respublikasining Milliy harakatlar rejasini oʻz vaqtida ishlab chiqish va muntazam ravishda yangilash;
Konvensiya talablarini bajarish masalalari boʻyicha xalqaro va mintaqaviy tashkilotlar bilan samarali hamkorlik qilishni taʼminlash yuklansin.
3. Oʻzbekiston Respublikasi Tashqi ishlar vazirligi Konvensiya qoidalarini amalga oshirish uchun masʼul boʻlgan vakolatli organ haqida Konvensiyaning Kotibiyatiga tegishli xabarnoma yuborsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Oʻzbekiston Respublikasi Ekologiya va atrof-muhitni muhofaza qilish davlat qoʻmitasi raisi B.T. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 21-noyabr,
939-son
Кабинета Министров Республики Узбекистан
Постановление
Об организационных мерах по реализации Стокгольмской конвенции о стойких органических загрязнителях
В связи с ратификацией Республикой Узбекистан Стокгольмской конвенции о стойких органических загрязнителях, а также в целях осуществления прав и обеспечения эффективного выполнения обязательств Республики Узбекистан, вытекающих из положений Конвенции, Кабинет Министров постановляет:
1. Определить Государственный комитет Республики Узбекистан по экологии и охране окружающей среды компетентным органом, ответственным за реализацию Стокгольмской конвенции о стойких органических загрязнителях (далее — Конвенция).
2. Возложить на Государственный комитет Республики Узбекистан по экологии и охране окружающей среды:
координацию деятельности министерств и ведомств, органов исполнительной власти на местах и других организаций по обеспечению реализации положений Конвенции;
своевременную разработку и регулярное обновление Национального плана действий Республики Узбекистан по Конвенции;
обеспечение эффективного взаимодействия с международными и региональными организациями по вопросам выполнения требований Конвенции.
3. Министерству иностранных дел Республики Узбекистан направить в Секретариат Конвенции соответствующее уведомление о компетентном органе Республики Узбекистан, ответственном за реализацию положений Конвенции.
4. Контроль за исполнением настоящего постановления возложить на первого заместителя Премьер-министра Республики Узбекистан — министра транспорта А.Ж. Раматова и председателя Государственного комитета Республики Узбекистан по экологии и охране окружающей среды Б.Т. Кучкарова.
Премьер-министр Республики Узбекистан А. АРИПОВ
г. Ташкент,
21 ноября 2019 г.,
№ 939