UzbekAI

Ўзбекистон Республикаси Вазирлар Маҳкамасининг

қарори

НИЗОМ

НИЗОМ

ТЕХНИК ТАЛАБЛАР

ТАЛАБЛАР

НИЗОМ

Онлайн назорат-касса машиналари ва виртуал касса тизими қўлланилишини таъминлаш чора-тадбирлари тўғрисида

Ўзбекистон Республикаси Президентининг «Савдо ва хизмат кўрсатиш соҳасидаги ҳисоб-китоблар тизимига замонавий ахборот технологияларини жорий қилиш ҳамда ушбу соҳада жамоатчилик назоратини кучайтириш чора-тадбирлари тўғрисида» 2019 йил 6 сентябрдаги ПФ-5813-сон Фармони ижросини таъминлаш ҳамда тадбиркорлик субъектларининг фискал модулга эга бўлган онлайн назорат-касса машиналари ва виртуал касса тизимидан фойдаланишини жорий этиш мақсадида Вазирлар Маҳкамаси қарор қилади:

1. Қуйидагилар:

Вазирлар Маҳкамасининг «Тошкент шаҳрида онлайн назорат-касса машиналарини қўллаш бўйича тажриба лойиҳасини амалга ошириш чора-тадбирлари тўғрисида» 2019 йил 21 февралдаги 150-сон қарорининг ижроси юзасидан Тошкент шаҳрида онлайн назорат-касса машиналари ва виртуал кассани қўллаш бўйича тажриба ўтказилганлиги;

Ўзбекистон Республикаси Президентининг 2019 йил 6 сентябрдаги ПФ-5813-сон Фармони билан Нақд пул тушумига эга бўлган тадбиркорлик субъектларини онлайн назорат-касса машиналари ёки виртуал кассадан фойдаланишга босқичма-босқич ўтказиш графиги (кейинги ўринларда график деб аталади) тасдиқланганлиги маълумот учун қабул қилинсин.

2. Қуйидагилар:

Аҳоли билан пулли ҳисоб-китобларни амалга оширишда онлайн назорат-касса машиналари ва виртуал касса тизимини қўллаш тартиби тўғрисидаги низом 1-иловага мувофиқ;

Аҳоли билан пулли ҳисоб-китобларни амалга оширишда электрон тўлов тизими орқали электрон фискал чек тақдим қилиш тартиби тўғрисидаги низом 1а-иловага мувофиқ;

Ўзбекистон Республикаси ҳудудида қўлланилиши рухсат этилган онлайн назорат-касса машиналари, виртуал касса ва фискал модулга қўйиладиган техник талаблар 2-иловага мувофиқ;

Онлайн назорат-касса машиналари, виртуал касса ва фискал модулга техник хизмат кўрсатиш марказларининг давлат реестрини юритиш ҳамда уларга қўйиладиган алоҳида талаблар 3-иловага мувофиқ;

Ўзбекистон Республикаси ҳудудида қўлланилиши рухсат этилган онлайн назорат-касса машиналари ва виртуал кассаларнинг давлат реестрини юритиш тартиби тўғрисидаги низом 4-иловага мувофиқ тасдиқлансин.

3. Нақд пул тушумига эга бўлган тадбиркорлик субъектлари аҳолидан нақд пулларни қабул қилишда графикда белгиланган муддатга қадар онлайн назорат-касса машиналари ёки виртуал кассадан фойдаланишга ихтиёрий, белгиланган муддат тугаганидан кейин мажбурий равишда ўтадилар. Ўзбекистон Республикаси Президентининг «Савдо ва хизмат кўрсатиш соҳасидаги ҳисоб-китоблар тизимига замонавий ахборот технологияларини жорий қилиш ҳамда ушбу соҳада жамоатчилик назоратини кучайтириш чора-тадбирлари тўғрисида» 2019 йил 6 сентябрдаги ПФ-5813-сон Фармонининг 4-банди, иккинчи хатбошида назарда тутилган ҳоллар шунингдек, савдо автоматлари орқали товарларни сотиш ва (ёки) хизматларни кўрсатиш бундан мустасно.

4. Ўзбекистон Республикаси Ҳукуматининг 5-иловага мувофиқ айрим қарорларига ўзгартириш ва қўшимчалар киритилсин.

5. Вазирлар Маҳкамасининг «Тошкент шаҳрида онлайн назорат-касса машиналарини қўллаш бўйича тажриба лойиҳасини амалга ошириш чора-тадбирлари тўғрисида» 2019 йил 21 февралдаги 150-сон қарори ўз кучини йўқотган деб ҳисоблансин.

6. Ўзбекистон Республикаси Давлат солиқ қўмитаси:

тадбиркорлик субъектлари томонидан ушбу қарор билан тасдиқланган талабларга (низомларга) риоя этилиши устидан назорат ўрнатсин;

манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

Ўзбекистон Республикаси Савдо-саноат палатаси билан биргаликда тадбиркорлик субъектлари ўртасида, шунингдек, оммавий ахборот воситаларида кенг тушунтириш ва тарғибот ишлари ўтказилишини таъминласин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси Давлат солиқ қўмитаси раиси Б.А. Мусаев зиммасига юклансин.

Вазирлар Маҳкамасининг 2019 йил 23 ноябрдаги 943-сон қарорига 1-ИЛОВА

Аҳоли билан пулли ҳисоб-китобларни амалга оширишда онлайн назорат-касса машиналари ва виртуал касса тизимини қўллаш тартиби тўғрисида

1-боб. Умумий қоидалар

1. Ушбу Низом аҳоли билан пулли ҳисоб-китобларни амалга оширадиган барча юридик шахслар, якка тартибдаги ва оилавий тадбиркорлар (кейинги ўринларда тадбиркорлик субъектлари деб аталади) томонидан фискал модулга эга бўлган онлайн назорат-касса машиналари ва виртуал кассаларни ҳамда электрон тўлов тизимларини қўллаш тартибини белгилайди.

2. Ушбу Низомда қуйидаги асосий тушунчалар қўлланилади:

онлайн назорат-касса машиналари (кейинги ўринларда онлайн-НКМ деб аталади) — фискал модулга боғланиш имкониятига эга бўлган, фискал ҳужжатларни ҳосил қилувчи, фискал ҳужжатларни фискал маълумотлар операторига реал вақт режимида узатишни таъминловчи ва қоғозга чоп этувчи ёки уларни электрон шаклда юбориш функциясига эга бўлган электрон ҳисоблаш машиналари, бошқа қурилмалар ва уларнинг комплекслари;

Маҳсулотлар (товар ва хизматлар) электрон миллий каталогининг товарлар ва хизматларнинг идентификация коди — бу маҳсулот ёки хизматларнинг маълум бир турига тайёрланган белгилар (рақамлар) тўплам кўринишдаги идентификация коди;

виртуал касса — фискал модулга боғланиш имкониятига эга бўлган, фискал ҳужжатларни ҳосил қилувчи ва ҳосил қилинган фискал ҳужжатларни фискал маълумотлар операторига реал вақт режимида узатишни таъминловчи, чекларни қоғозга чоп этиш ёки уларни электрон шаклда юбориш функциясига эга бўлган дастурий маҳсулот ва уларнинг комплекслари;

фискал маълумотлар оператори (кейинги ўринларда оператор деб аталади) — онлайн режимида фискал маълумотларни мустақил ва доимий равишда қабул қилиш, қайта ишлаш ва сақлаш ишларини бажарувчи Солиқ қўмитаси ҳузуридаги «Янги технологиялар» илмий-ахборот маркази ДУК;

фискал модул — оператор томонидан ишлаб чиқилган, махсус ҳимояланган дастурий таъминотга эга бўлган, ўзи уланган қурилманинг ҳисоблаш қуввати ва дастурий маҳсулотини ишлатмаган ҳолда фискал маълумотларнинг қонун ҳужжатларида белгиланган тартибда миллий стандартлар асосида криптографик ҳимоясини таъминловчи фискал хотира вазифасини бажарувчи ихтисослаштирилган физик қурилма;

фискал маълумотлар — ҳисоб-китоблар тўғрисидаги маълумотлар, ҳисоб-китобларни амалга оширувчи тадбиркорлик субъекти тўғрисида маълумот, ҳисоб-китобда фойдаланиладиган онлайн-НКМ, виртуал кассалар, Маркетплейс ёки оператор томонидан яратилган бошқа маълумотлар;

фискал белги — фискал маълумотларни миллий стандартлар асосида криптографик ўзгартирилиши натижасида фискал модул ёки электрон рақамли имзо орқали ҳосил қилинувчи такрорланмас белгилар тўплами;

фискал модул реестри — солиқ хизмати органларида рўйхатдан ўтган фискал модул тўғрисидаги маълумотлар тўплами;

фойдаланувчи — сотилган товарлар (бажарилган ишлар ва кўрсатилган хизматлар) учун аҳоли билан пулли ҳисоб китобларни амалга оширишда онлайн-НКМ ва (ёки) виртуал кассадан ёки Маркетплейсдан фойдаланадиган тадбиркорлик субъекти;

касса чеки (кейинги ўринларда чек деб аталади) — фойдаланувчи ва харидор (мижоз) ўртасида сотилган товарлар (бажарилган ишлар ва кўрсатилган хизматлар) учун ҳисоб-китобларни амалга оширишдаги онлайн-НКМ ёки виртуал кассада амалдаги қонун ҳужжатларига мувофиқ шакллантирилган ва электрон шаклда ёки қоғозда чоп этилган, ҳисоб-китоблар тўғрисидаги маълумотларни ўз ичига олган, уни амалга ошириш фактини тасдиқловчи бирламчи ҳисоб ҳужжати;

ҳисоб-китоб — сотилган товарлар (бажарилган ишлар ва кўрсатилган хизматлар) учун нақд пул ва (ёки) электрон тўлов воситаларидан фойдаланган ҳолда маблағларни қабул қилиш ёки тўлаш ҳақидаги маълумот;

Z-ҳисобот — фискал модулнинг оператив хотирасидаги чекларнинг асосий фискал маълумотларини бўшатиб, уларни ўчмас хотирага жойлаштирган ҳолда шаклланадиган ҳисобот шакли. Бунда Z-ҳисоботнинг очилиш ва ёпилиш вақтлари қайд этилади;

завод рақами — онлайн-НКМ ва фискал модуллар ишлаб чиқарувчилари томонидан белгиланган такрорланмас белгилар тўплами;

онлайн-НКМ ва виртуал кассалар реестри — қонун ҳужжатларида белгиланган тартибда Давлат реестрига киритилган, доимий равишда янгилаб бориладиган онлайн-НКМ моделлари ва виртуал касса дастурий маҳсулотлари тўғрисидаги маълумотлар тўплами;

техник хизмат кўрсатиш маркази — (кейинги ўринларда ТХКМ деб аталади) — онлайн-НКМ ва (ёки) виртуал кассаларга узлуксиз сервис хизмати кўрсатувчи, қонун ҳужжатларида белгиланган тартибда Давлат реестрига киритилган юридик шахслар;

махсус ахборот тизими — фискал маълумотлар оператори томонидан онлайн-НКМ, виртуал кассалар, фискал модуллар ва ТХКМни рўйхатга олиш ва уларнинг ҳисобини юритиш учун ишлаб чиқилган махсус дастурий таъминот;

товар коди — маҳсулотлар (товар ва хизматлар) ягона электрон миллий каталоги асосида юритиладиган такрорланмайдиган рақами;

шериклик асосидаги ҳамкор — ТХКМ сифатида рўйхатдан ўтмасдан, ТХКМ билан шериклик асосида шартномага мувофиқ, ТХКМ филиали сифатида фаолият юритувчи юридик шахс;

электрон тижорат — Ахборот тизимларидан фойдаланган ҳолда амалга ошириладиган, товарларни сотиш, ишларни бажариш ва хизматлар кўрсатишга доир тадбиркорлик фаолияти;

виртуал фискал модул — оператор томонидан яратиладиган уникал рақам ва унга бириктирилган электрон рақамли имзо очиқ калит сертификати.

QR-кодли тўлов («Quick Response Code» — тезкор аниқланадиган матрицали штрих-кодлар) — савдо ва хизмат кўрсатиш шохобчаларига хизмат кўрсатувчи тижорат банклари ёки тўлов ташкилотлари орқали харидорлар томонидан мобиль илова дастурларига бириктирилган банк карталари ҳисобварақлари ва электрон пул ҳамёнлардан фойдаланган ҳолда маблағларни тўлаш ҳақидаги маълумот.

3. Ўзбекистон Республикаси ҳудудида фақат белгиланган тартибда Давлат реестрига киритилган онлайн-НКМ ва виртуал кассалар ёки Маркетплейсдан фойдаланишга рухсат этилади. Бунда онлайн-НКМ, виртуал касса, Маркетплейс тушунчалари солиқ тўғрисидаги қонунчилик ҳужжатларида «назорат-касса техникаси» номи билан қўлланилади. Давлат реестрига киритилмаган, касса чекларида маҳсулотлар (товарлар ва хизматлар) ягона электрон миллий каталоги идентификациялаш кодлари акс эттирилмайдиган, шунингдек, штрих-кодлар ва рақамли маркировка белгиларини эркин ўқиш ҳамда аниқлаш қурилмаларини улаш имкониятига эга бўлмаган онлайн-НКМ ва виртуал касса ёки Маркетплейслардан фойдаланишга йўл қўйилмайди.

4. Ўзбекистон Республикаси Президентининг 2019 йил 6 сентябрдаги ПФ-5813-сон Фармони билан тасдиқланган графикда кўрсатилган муддатлар тугагандан кейин савдо (хизмат кўрсатиш) шохобчасида давлат реестрига киритилган онлайн-НКМ ва (ёки) виртуал касса билан бир вақтда бошқа турдаги (иккиламчи) фискал маълумотлар ҳисобини юритиш тизимларидан, шунингдек, умумий овқатланиш корхоналари томонидан солиқ органларининг ахборот тизимлари билан интеграция қилинмаган автоматлаштирилган ҳисобга олиш ўлчов воситалари (ахборот тизимлари, дастурий маҳсулотлари) ёки буюртмалар ҳисобини юритиш дастурий маҳсулотларидан фойдаланиш тақиқланади. Фармоннинг 4-банди иккинчи хатбошида назарда тутилган ҳоллар бундан мустасно.

Чакана савдо ва умумий овқатланиш хизматларини кўрсатувчи тадбиркорлик субъектлари томонидан фойдаланилаётган автоматлаштирилган ҳисобга олиш ўлчов воситаларини (ахборот тизимлари, дастурий маҳсулотлари) мажбурий равишда солиқ органларининг ахборот тизимлари билан интеграция қилиниши ва Давлат реестрига киритиши лозим. Бунда, ўз автоматлаштирилган ҳисоб юритиш комплексларини виртуал касса сифатида Давлат реестрига киритишда (киритгандан кейин) тадбиркорлик субъектлари ва техник хизмат кўрсатиш марказлари томонидан рўйхатга олинган виртуал касса сонидан келиб чиқиб, ваколатли органнинг депозит ҳисоб-рақамига захира суммасини қўйиш талаби татбиқ этилмайди.

Харид чекини тўлиқ миқдорда шакллантирилиши ҳамда белгиланган тартибда харидорга тақдим этилиши учун масъулият тадбиркорлик субъектлари зиммасига юклатилади.

5. Солиқ қўмитаси томонидан ишлаб чиқилган виртуал касса дастурий маҳсулотининг асос қисми (базаси) тадбиркорлик субъектларига бепул берилади. Унда маҳсулотларни кирим қилиш, касса чекини шакллантириш, фискал модул билан интеграция қилиш, чекларни онлайн режимда операторга юбориш, Z-ҳисоботни шакллантириш, фойдаланувчиларни бошқариш, оффлайн режимида ишлаш, товарлар номенклатурасини юритиш, умумий ҳисоботларни шакллантириш имкониятлари мавжуд бўлади.

6. Онлайн-НКМ ёки виртуал кассадан фойдаланишга ўтган тадбиркорлик субъектлари томонидан тўлов терминали орқали қабул қилинган тўловлар учун харидорларга тўлов терминали чеки билан бирга, шунингдек, жойларда харид қилинган маҳсулот ва хизматларга электрон тўлов тизимлари орқали амалга оширилган тўловлар учун харидорларга онлайн-НКМ ёки виртуал кассанинг фискал чеки берилиши шарт.

Давлат реестрига киритилган онлайн-НКМ ва виртуал кассалар банк карталаридан тўловларни қабул қилиш тизимларига мажбурий уланиши, шунингдек, мажбурий равишда 2D сканер қурилмаси қўлланиши шарт.

Ишлаб чиқарилган санаси ва яроқлилик муддати кўрсатилиши шартлиги қонунчиликда назарда тутилган маҳсулотларнинг ишлаб чиқарилган санаси ва яроқлилик муддати кўрсатилмаган ёки яроқлилик муддати ўтган ҳолда реализация қилиниши Ўзбекистон Республикасининг «Истеъмолчиларнинг ҳуқуқларини ҳимоя қилиш тўғрисида»ги Қонунига мувофиқ чекланади.

Бунда ишлаб чиқарилган санаси ва яроқлилик муддати кўрсатилмаган ёки яроқлилик муддати ўтган маркировкаланган товарларни сотишга уриниш пайтида 2D сканер қурилмасининг онлайн-НКМ ёки виртуал кассага юбориладиган сигнали асосида харид чекларининг чоп этилиши чеклаб қўйилади.

7. Сотилган товарлар (ишлар, хизматлар) учун харидорларга бериладиган онлайн-НКМ , виртуал касса чеклари, махсус оқ қоғозда ёзувлар қора рангда бўлиши, шунингдек, чек қоғозининг кенглиги 55 миллиметрдан ва ҳарфлар (белгилар) баландлиги 2 миллиметрдан кам бўлмаслиги лозим.

Онлайн-НКМ ва виртуал касса ёки Маркетплейс орқали шакллантириладиган чекларида қуйидаги маълумотлар бўлиши шарт:

банк картаси тури (корпоратив, шахсий ёки ижтимоий);

чекнинг тартиб рақами;

онлайн-НКМнинг завод рақами ёки виртуал кассанинг серия рақами;

тадбиркорлик субъектининг номи;

солиқ тўловчининг индентификация рақами (СТИР)/ жисмоний шахснинг шахсий индентификация рақами (ЖШШИР);

пулли ҳисоб-китоблар амалга ошириладиган манзил (харидорга етказиб бериш хизмати амалга оширилган тақдирда етказиб берувчи тадбиркорлик субъектининг юридик манзили);

Комитент (воситачи) СТИРи/(ЖШШИРи);

ижтимоий карта рақами (биринчи ва охирги тўртта рақам);

транзакциянинг уникал рақами;

товар/хизмат номи;

маркировка қилинадиган товарлар учун маркировка белгиси;

маҳсулотлар (товар ва хизматлар) ягона электрон миллий каталоги бўйича ўлчов бирлиги.

маҳсулотларнинг (товар ва хизматларнинг) штрих коди;

ўлчов бирлиги;

товар/хизмат миқдори;

товар/хизмат нархи (қиймати);

товар/хизматнинг қўшилган қиймат солиғи ставкаси;

товар/хизматнинг қўшилган қиймат солиғи суммаси;

тўлов шакли: нақд, банк карталари, QR-кодли тўлов ёки аралаш;

тўловнинг жами суммаси;

харид учун тўловнинг қўшилган қиймат солиғи жами суммаси;

тўлов санаси ва вақти;

тўлов тури (сотув, қайтариш, бўнак, бўлиб тўлаш, кредит). Бунда тўловнинг бўнак, бўлиб тўлаш, кредит турлари бўйича шакллантирилган чекларда QR-код ва фискал белги мавжуд бўлмайди;

Операторга юбориладиган чекдаги товарлар ва хизматлар кодлари (улар мавжуд бўлган ҳолларда) халқаро «GS1» ёки бошқа глобал тизимлар, шунингдек ваколатли орган томонидан шакллантирилган товарлар ва хизматлар кодлари асосида юритиладиган рақамлар билан бир хил бўлиши лозим;

«Бўлиб тўлаш» ва «Бўнак» сифатида шакллантирилган касса чекларида QR-код ва фискал белги акс эттирилмайди;

фискал модулнинг такрорланмайдиган рақами;

фискал белги;

берилган касса чекининг ҳақиқийлигини текшириш учун камида 30х30 миллиметр ўлчамдаги QR-код.

Операторга юбориладиган чекдаги товарлар ва хизматлар кодлари (улар мавжуд бўлган ҳолларда) халқаро «GS1» ёки бошқа глобал тизимлар асосида юритиладиган рақамлар билан бир хил бўлиши ҳамда товарлар ва хизматларнинг идентификация кодлари операторга юборилиши лозим;

Чекда қўшимча равишда бошқа реквизитлар ҳам кўрсатилиши мумкин.

2-боб. Онлайн-НКМ ва (ёки) виртуал кассаларга ҳизмат кўрсатиш тартиби

8. Тадбиркорлик субъектлари Давлат реестрига киритилган онлайн-НКМ ва (ёки) виртуал кассаларни мустақил сотиб олиши ҳамда ТХКМларни ихтиёрий танлаш ҳуқуқига эга.

9. Онлайн-НКМ ва (ёки) виртуал кассага кафолатли узлуксиз техник хизмат кўрсатиш ТХКМ билан тадбиркорлик субъекти ўртасида тузилган шартнома асосида амалга оширилади.

ТХКМга тўловлар фақат кўрсатилган хизматлар учун шартномада назарда тутилган шарт ва миқдорда амалга оширилади. Бунда, шартнома шартлари тадбиркорлик субъекти томонидан бажарилмаганда ҳам унга кўрсатиладиган хизматларнинг тўхтатиб қўйилишига йўл қўйилмайди ва шартномага оид низоли ҳолатлар суд тартибида ҳал этилади.

ТХКМ томонидан тадбиркорлик субъектларининг талаблари бўйича фақат кўрсатилган хизматлар учун тўлов ундирилиши лозим.

10. ТХКМ томонидан фискал модул ўрнатилган ва ишчи ҳолатга келтирилган онлайн-НКМ ёки виртуал касса мурожаат тушган кундан бошлаб бир иш куни ичида тадбиркорлик субъектига тақдим этилади.

11. ТХКМ томонидан онлайн-НКМ ёки виртуал касса носозлиги даврида йўқотилган ёки ўғирланган ҳолларда тадбиркорлик субъектининг савдо ёки хизмат кўрсатиш шаҳобчасига бир кун ичида захирадаги онлайн-НКМ ёки виртуал кассаси ўрнатиб берилади.

12. Тадбиркорлик субъекти тугатилган, шунингдек, фискал модул яроқсиз ҳолатга келган, амал қилиш муддати тугаган, хотираси маълумотлар билан тўлган, ёхуд фискал модул ўрнатилган онлайн-НКМ ёки виртуал касса рўйхатдан чиқарилган ҳолларда, ушбу фискал модуллар тадбиркорлик субъекти томонидан ТХКМга тақдим қилинади.

ТХКМ яроқсиз ҳолатга келган, амал қилиш муддати тугаган, хотираси маълумотлар билан тўлган фискал модуллар ҳолатининг мувофиқлигини текшириб, амал қилиш муддати тугаган, хотираси маълумотлар билан тўлган ёки рўйхатдан чиқарилган онлайн-НКМ ва виртуал кассадаги чек маълумотларини операторнинг маълумотлар базасига юборилмай қолган қисмини юбориши шарт.

Рўйхатдан чиқарилган онлайн-НКМ ва виртуал кассанинг фискал модулини қайта ишлатиш ёки оператор маълумотлар базасига юборилган маълумотлар мувофиқлиги текширилиши учун фискал модул тадбиркорлик субъектига қайтарилади.

13. Онлайн-НКМ ёки виртуал касса йўқотилган ёки ўғирланган ҳолларда тадбиркорлик субъекти томонидан бир иш кунидан кечикмай ТХКМ хабардор қилинади.

14. Давлат солиқ хизмати органларида тадбиркорлик субъектлари томонидан фойдаланилаётган онлайн-НКМ ва виртуал касса тўғрисидаги маълумотлар шакллантирилади.

15. Махсус ахборот тизимидаги шахсий кабинетларга фойдаланувчининг электрон рақамли имзо калити орқали кирилади. ТХКМ, унинг филиаллари ёки шериклик асосидаги ҳамкорлари махсус ахборот тизимидан ёки ТХКМнинг махсус ахборот тизимига боғланган дастурий маҳсулотидан ўзларининг шахсий электрон рақамли имзо калити орқали фойдаланадилар.

3-боб. Онлайн-НКМ ва (ёки) виртуал кассаларни давлат солиқ хизмати органларида рўйхатдан ўтказиш тартиби

16. Тадбиркорлик субъектлари томонидан аҳоли билан пулли ҳисоб-китобларни амалга оширишни бошлашдан олдин онлайн-НКМ ёки виртуал кассани давлат солиқ хизмати органларидан рўйхатдан ўтказиш учун Давлат реестрига киритилган ТХКМ ёки унинг ҳудудий филиалларига 1-иловада келтирилган шаклга мувофиқ электрон ёки ёзма равишда ариза билан мурожаат қилинади.

Кўчма савдо фаолиятини амалга оширувчи тадбиркорлик субъектлари томонидан онлайн-НКМ ёки виртуал кассалар ўзлари рўйхатдан ўтган жой бўйича туман (шаҳар) давлат солиқ инспекцияларидан ушбу низом талаблари асосида рўйхатдан ўтказилади.

Агар, тадбиркорлик субъектига тегишли турғун савдо шохобчаси фаолияти тўхтатилиб, шохобчада ўрнатилган онлайн-НКМ ёки виртуал кассани кўчма савдо объектларида қўллаш зарурати юзага келган ҳолларда тадбиркорлик субъекти бу ҳақида фаолиятини бошлашидан олдин рўйхатдан ўтган жой бўйича давлат солиқ инспекцияларини кўчма савдони амалга ошириш жойи ва муддатини кўрсатган ҳолда хабардор қилади.

Аризага қуйидаги ҳужжатлар илова қилинади:

турғун шаҳобча (кўчма савдо объекти) мавжудлигини тасдиқлайдиган ҳужжатларнинг нусхалари (бино-иншоотнинг ёки унинг қисмининг ижара шартномаси ёки кадастр ҳужжатлари);

онлайн-НКМ ва (ёки) виртуал кассага техник хизмат кўрсатиш ва уни таъмирлашга ТХКМ билан тузилган шартноманинг нусхаси;

турғун савдо (хизмат кўрсатиш) шаҳобчаси (кўчма савдо объекти) манзилининг харитадаги координатаси.

Маълумотлар базасида мавжуд ахборотлар автоматик тарзда, мавжуд бўлмаган ахборотлар тадбиркорлик субъектлари ҳужжатларининг нусхалари (бино-иншоотнинг ёки унинг бир қисмининг ижара шартномаси ёки кадастр ҳужжатлари) асосида шакллантирилади.

17. Тадбиркорлик субъектидан ушбу Низомда назарда тутилмаган ҳужжатларни талаб этишга йўл қўйилмайди.

18. ТХКМ томонидан тадбиркорлик субъекти тақдим этган маълумотлар ўрганиб чиқилади ва ҳужжатлар қабул қилинган вақтдан бошлаб 4 иш соати ичида махсус ахборот тизимида қайд этилади.

Ариза, махсус ахборот тизимида қайд этилган вақтдан бошлаб давлат солиқ хизмати органи ходими томонидан саккиз иш соати ичида кўриб чиқилади ва мазкур Низомнинг 21-банди иккинчи — тўртинчи хатбошиларида кўрсатилган ҳолатлар аниқланмаган тақдирда қабул қилинади.

Бунда, онлайн-НКМ ёки виртуал касса давлат солиқ хизмати органларида рўйхатга олинганлиги тўғрисидаги 2-иловага мувофиқ маълумотлар тадбиркорлик субъектининг шахсий кабинетига юборилади.

19. Тадбиркорлик субъектлари тақдим этган маълумотларда номутаносибликлар аниқланганда давлат солиқ хизмати органлари томонидан жойига чиққан ҳолда бир иш кунида ўрганиб чиқилади.

20. Онлайн-НКМ ва (ёки) виртуал касса рўйхатдан ўтказилганлиги учун тўлов ундирилмайди.

21. Онлайн-НКМ ёки виртуал кассани давлат рўйхатидан ўтказиш қуйидаги ҳолларда рад этилади:

онлайн-НКМ ёки виртуал кассани рўйхатдан ўтказиш учун зарур бўлган ҳужжатлар тадбиркорлик субъекти томонидан тўлиқ тақдим этилмаганда;

тадбиркорлик субъектлари тақдим этган маълумотларда номутаносибликлар аниқланиб, улар тасдиқланганда;

Давлат реестрига киритилмаган онлайн-НКМ ёки виртуал касса маълумотлари кўрсатилганда.

Бошқа асосларга кўра онлайн-НКМ ёки виртуал кассани рўйхатдан ўтказиш рад этилишига йўл қўйилмайди.

22. Онлайн-НКМ ёки виртуал кассани рўйхатдан ўтказиш рад этилган тақдирда, давлат солиқ хизмати органлари томонидан бир иш кунидан кечиктирилмасдан рад этишнинг аниқ сабаблари кўрсатилган ҳолда электрон тарзда ТХКМга ҳамда тадбиркорлик субъектининг шахсий кабинетига хабарнома юборилади.

23. Онлайн-НКМ ёки виртуал кассани рўйхатдан ўтказиш рад этилган ҳолларда тадбиркорлик субъекти камчиликларни бартараф этган ҳолда, такроран рўйхатдан ўтказиш учун мурожаат этишга ҳақли.

24. Тадбиркорлик субъекти давлат солиқ хизмати органларининг онлайн-НКМ ёки виртуал кассани рўйхатдан ўтказишни рад этиш тўғрисидаги хабарномаси, шунингдек, давлат солиқ хизмати органларининг мансабдор шахси хатти-ҳаракатлари (ҳаракатсизлиги) устидан белгиланган тартибда шикоят қилиш ҳуқуқига эга.

25. Онлайн-НКМ ва (ёки) виртуал касса рўйхатга қўйилган турғун шаҳобча манзили ўзгарган ҳолларда тадбиркорлик субъекти томонидан уч иш кунида онлайн-НКМ ёки виртуал кассани рўйхатдан ўтказиш маълумотларига тегишли ўзгаришларни киритиш учун ТХКМга бевосита ташриф буюрган ҳолда ёки электрон тарзда янги манзил бўйича турғун шаҳобча мавжудлигини тасдиқлайдиган ҳужжатлар нусхалари билан бирга ариза тақдим қилинади.

Шунингдек, ТХКМга тадбиркорлик субъектининг фаолияти тўхтатилган, фискал модул яроқсиз ҳолатга келган, амал қилиш муддати тугаган, хотираси маълумотлар билан тўлган, онлайн-НКМ ёки виртуал касса алмаштирилиши зарур бўлган ёки бошқа кўзда тутилмаган ҳолларда шу мазмундаги аризалар тақдим қилинади.

4-боб. Онлайн-НКМ ёки виртуал кассани рўйхатдан чиқариш тартиби

26. Тадбиркорлик субъекти тугатилган, онлайн-НКМ ёки виртуал касса тадбиркорлик субъектида фойдаланишдан воз кечилган ҳолларда, тадбиркорлик субъекти (унинг вакили) томонидан ТХКМга бевосита ташриф буюрган ҳолда, ушбу Низомга 3-иловага мувофиқ ариза билан мурожаат қилинади.

Тадбиркорлик субъектини топиш имкони мавжуд бўлмаган тақдирда (рўйхатдан ўтган жойида, яшаш манзилида мавжуд бўлмаса ва бошқа ҳолларда), солиқ органи маълумоти асосида рўйхатдан чиқарилиши мумкин. Бунда рўйхатдан чиқарилган онлайн-НКМ ёки виртуал касса тўғрисидаги маълумотлар солиқ органи томонидан 24 соат ичида ахборот тизими орқали ТХКМга юборилади.

27. ТХКМ томонидан олинган маълумотлар асосида бир иш кунида онлайн-НКМ ёки виртуал кассани давлат солиқ хизмати органидан рўйхатдан чиқариш учун тегишли маълумотлар махсус ахборот тизимида қайд этилади.

28. Давлат солиқ хизмати органининг мансабдор шахси томонидан олинган маълумотларнинг тўғрилиги ва ишончлилиги давлат солиқ хизмати органларида мавжуд маълумотлар асосида, зарур ҳолларда эса жойига чиққан ҳолда бир иш кунида ўрганиб чиқилади ва натижаси бўйича онлайн-НКМ ёки виртуал касса тўғрисидаги электрон маълумотлар базасига тегишли маълумотлар киритилади.

5-боб. Тадбиркорлик субъекти томонидан онлайн-НКМ ёки виртуал касса қўлланиши тартиби

29. Онлайн-НКМ ёки виртуал касса ҳар куни иш бошланишидан олдин тадбиркорлик субъектининг масъул шахси томонидан умумий техник ҳолати, созлиги ҳамда сана ва вақт аниқ кўрсатилиши юзасидан текширилади.

30. Ўзбекистон Республикаси Президентининг 2019 йил 6 сентябрдаги ПФ-5813-сон Фармони билан тасдиқланган графикда кўрсатилган муддатлар тугагандан кейин, аҳоли билан пулли ҳисоб-китоб қилувчи тадбиркорлик субъектлари томонидан харидорларга пул маблағлари қабул қилинганлигини тасдиқловчи онлайн-НКМ ёки виртуал касса чекини мажбурий тартибда берилиши лозим.

31. Онлайн-НКМ ёки виртуал кассани қўллаш жараёнида маълумотларни операторга реал вақт режимида етказиб беришнинг техник имконияти мавжуд бўлмаган тақдирда, шу жумладан, Интернет тармоғидаги вақтинча узилишлар бўлганда харидорларга (мижозларга) амалга оширилган харид учун чеклар оффлайн режимида берилиши мумкин. Бунда биринчи оффлайн режимда шаклланган чекни 48 соат ичида операторга узатилиши таъминланиши зарур.

32. Онлайн-НКМ ёки виртуал кассадан фойдаланиш жараёнида носозлик юзага келган ҳолларда, шунингдек, фаолиятини вақтинча тўхтатганда тадбиркорлик субъекти бу ҳақда ТХКМнинг сall-марказига қўнғироқ қилиши ёки бевосита ташриф буюриши ёхуд солиқ тўловчининг шахсий кабинети орқали хабардор қилиши шарт. ТХКМ маълумотлар тушган вақтдан бошлаб бир соат ичида тадбиркорлик субъектига қарашли турғун савдо (хизмат кўрсатиш) шаҳобчаси жойлашган манзил бўйича давлат солиқ хизмати органини махсус ахборот тизими орқали хабардор қилади.

33. ТХКМ захирадаги онлайн-НКМ ва (ёки) виртуал кассани ўрнатгунга қадар тадбиркорлик субъекти харидорлар билан пуллик ҳисоб-китобларни, давлат солиқ хизмати органларида рўйхатдан ўтказилган, ушбу Низомга 4-иловага мувофиқ махсус квитанция дафтари асосида амалга оширади.

Онлайн-НКМ ва (ёки) виртуал касса ТХКМ томонидан созлангандан ёки захирадаги ўрнатилгандан сўнг тадбиркорлик субъекти бир иш куни ичида махсус квитанция дафтари асосида амалга оширилган савдолар тўғрисидаги маълумотларни онлайн-НКМ ёки виртуал касса тизимига киритиши лозим.

34. Онлайн-НКМ ёки виртуал касса, шунингдек, Интернет алоқаси доимий ишчи ҳолатда бўлиши учун жавобгарлик шахсан тадбиркорлик субъектига юкланади (Интернет провайдери ёки мобиль алоқа оператори иш фаолиятида юзага келадиган айрим техник муаммоли ҳолатлар бундан мустасно).

6-боб. Онлайн-НКМ ёки виртуал кассага киритилган суммаларни қайтариш тартиби

35. Пул маблағларини қайтариш зарур бўлган ҳолларда сотувчи харидор томонидан тақдим этилган касса чеки ёхуд ушбу товарга ҳақ тўланганлигини тасдиқлайдиган чекка тенглаштирилган ҳужжат асосида харидорга пул маблағларини қайтариб бериши шарт.

36. Харидордан қайтарилган товарни қабул қилиб олиш учун юкхати расмийлаштирилади. Юкхати икки нусхада тузилади, улардан бири товар ҳисоботига тикиб қўйилади, иккинчи нусхаси харидорга топширилади ва қайтарилган товар учун пул суммасини олишга асос ҳисобланади. Қайтарилган сумма учун пул маблағларини қайтариш тўғрисида далолатнома расмийлаштирилади. Далолатнома бир нусхада тузилади, масъул шахслар томонидан имзоланади ва тадбиркорлик субъектининг раҳбари томонидан тасдиқланади. Харидор томонидан тақдим этилган касса чеклари қоғоз варағига ёпиштирилади ва далолатнома билан биргаликда бухгалтерияга топширилади.

37. Пул маблағларини қайтариш харидорнинг фамилияси, исми, отасининг исми кўрсатилган ҳолда, унинг ёзма аризаси асосида бир банк кунидан ортиқ бўлмаган вақт мобайнида ҳисоб-китоб рақамидан зарур пул маблағларини олиш йўли билан хўжалик юритувчи субъект кассасидан амалга оширилади. Тадбиркорлик субъекти кассасидан пулни қайтариш учун харидорнинг фамилияси, исми, отасининг исми мажбурий тартибда кўрсатилган ҳолда харажат касса ордери тузилади.

38. Товарлар тўлиқ ёки қисман қайтарилганда товарларни сотишдан олинган даромадга харидорларга қайтарилган пул суммасида тузатиш киритилади. Товарларни сотишдан олинган даромадга тузатиш киритиш пул маблағлари қайтарилган солиқ даврида амалга оширилади.

Бунда фойдаланувчи томонидан қайтариш касса чек шакллантирилади.

38 1 . Илгари амалга оширилган ҳисоб-китобларга ўзгартиришлар киритиш зарур бўлган ҳолларда, фойдаланувчи томонидан фискал чекка тузатиш киритилади.

Тузатувчи касса чеки фойдаланувчи томонидан илгари онлайн-НКМдан фойдаланмасдан ҳисоб-китоб қилган ҳолларда, онлайн-НКМдан фойдаланиш мажбуриятининг бажарилишини таъминлаш мақсадида ёки онлайн-НКМдан ушбу Низом талаблари бузилган ҳолда фойдаланилганда шакллантирилади.

Фискал чекка маҳсулотлар (товарлар ва хизматлар) ягона электрон миллий каталоги идентификация кодлари, маҳсулотнинг (товар, хизмат) ўлчов бирлиги, сони ва суммаси ва қўшилган қиймат солиғи суммаси бўйича тафовут аниқланган ойдаги қўшилган қиймат солиғи ёки айланмадан олинадиган солиқлар бўйича солиқ тўловчилар учун тегишинча солиқ ҳисоботларини тақдим этиш муддатларигача тузатиш киритилиши мумкин, Ўзбекистон Республикаси Солиқ кодексининг 257-моддасида назарда тутилган ҳоллар бундан мустасно.

7-боб. Онлайн-НКМ ёки виртуал касса қўлланишини назорат қилиш

39. Товарлар сотиладиган (ишлар бажариладиган ва хизматлар кўрсатиладиган) жойларда аҳоли билан онлайн-НКМ ёки виртуал касса орқали ҳисоб-китобни амалга оширишда пул маблағларининг тўлиқ ҳисобга олинишини назорат қилиш қонун ҳужжатларига мувофиқ давлат солиқ хизмати органлари томонидан амалга оширилади.

40. Онлайн-НКМ ёки виртуал касса қўлланишини назорат қилиш қуйидаги усуллар билан амалга оширилиши мумкин:

назорат тартибида харид қилиш;

онлайн-НКМ ёки виртуал кассанинг олдин шакллантирилган чекларини давлат солиқ хизмати органларига юборилган фискал маълумотлар билан солиштириш;

онлайн-НКМ ёки виртуал кассанинг ҳолатини техник талабларга мувофиқлиги юзасидан экспертизадан ўтказиш.

41. Давлат солиқ хизмати органлари амалга ошириладиган текширишлар даврида ТХКМ мутахассисларини онлайн-НКМ ёки виртуал касса бўйича техник экспертлар (маслаҳатчилар) сифатида қонун ҳужжатларига мувофиқ жалб этиш ҳуқуқига эга.

42. Техник талабларга мувофиқ бўлмаган, шу жумладан хизмат кўрсатишнинг дастурий маҳсулоти бузилган ҳолда онлайн-НКМ ёки виртуал кассадан фойдаланилганлиги тўғрисида шубҳа/белги мавжуд бўлган тақдирда давлат солиқ хизмати органининг мансабдор шахслари томонидан жойига борган ҳолда ушбу Низомга 5-иловага мувофиқ шакл бўйича баённома тузилади, айни бир вақтнинг ўзида онлайн-НКМ ёки виртуал касса дастурий маҳсулоти ўрнатилган қурилма ва фискал модул ўрганиш ва экспертизадан ўтказиш учун вақтинча олиб қўйилади.

Бунда, онлайн-НКМ ёки виртуал касса чекидаги фискал маълумот ва ваколатли органга юборилган фискал маълумот ўртасидаги тафовут шубҳа/белги сифатида тушунилади.

43. Онлайн-НКМ ёки виртуал касса дастурий маҳсулоти ўрнатилган қурилма ва фискал модул вақтинча олиб қўйилган тадбиркорлик субъектига давлат солиқ хизмати органлари томонидан эксперт хулосаси олингунга ва масала мазмунан кўриб чиқилгунга қадар тегишли ТХКМ томонидан рўйхатдан ўтказилган бошқа захирадаги онлайн-НКМ ёки виртуал касса ва фискал модул бир кун ичида берилади.

44. Давлат солиқ хизмати органлари томонидан олиб қўйилган онлайн-НКМ ёки виртуал касса дастурий маҳсулоти ўрнатилган қурилма ва фискал модул техник экспертизани амалга ошириш учун ушбу онлайн-НКМ ёки виртуал касса дастурий маҳсулотига техник хизмат кўрсатмайдиган мустақил ТХКМга берилади.

Экспертиза жараёнида онлайн-НКМ ёки виртуал касса дастурий маҳсулоти ўрнатилган қурилма ва фискал модулнинг носозлиги аниқланган тақдирда экспертиза учун хизмат ҳақи тадбиркорлик субъекти томонидан, акс ҳолда ваколатли органнинг солиқ органларини ривожлантириш фонди томонидан қопланади.

45. Онлайн-НКМ ёки виртуал касса дастурий маҳсулоти ўрнатилган қурилма ва фискал модул олинган кундан бошлаб ўн иш кунидан ортиқ бўлмаган муддатда экспертизадан ўтказилиши шарт.

Экспертиза қонун ҳужжатларида белгиланган тартибда ўтказилади.

46. Экспертиза натижасига кўра онлайн-НКМ ёки виртуал кассанинг хизмат кўрсатувчи дастури бузилмаганлиги аниқланган тақдирда онлайн-НКМ ёки виртуал касса дастурий маҳсулоти ўрнатилган қурилма ва фискал модул тадбиркорлик субъектига қайтарилади.

8-боб. Оператор фаолиятини юритиш тартиби

47. Оператор махсус техника воситалари билан жихозланган, миллий криптографик алгоритмлар базаси асосида ахборот хавфсизлигини таъминлашнинг криптографик усулларидан фойдаланган ҳолда, реал вақт режимида ахборот-телекоммуникация тармоғи орқали онлайн-НКМ ва виртуал кассаларга бириктирилган фискал модуллардан келадиган маълумотларни узлуксиз равишда қабул қилади, қайта ишлайди ва сақлайди, шунингдек, ваколатли органнинг маълумотлар базасини шакллантиради.

48. Операторнинг вазифалари ва мажбуриятлари қуйидагилардан иборат:

фискал маълумотлар хавфсизлигини таъминлаш;

фискал маълумотларни қабул қилинган вақтдан бошлаб беш йил муддатда сақлаш;

фискал маълумотларни қабул қилиб олиш жараёнида уларни ўзгартириш, блоклаш ёки йуқ қилиш имкониятини чеклаш;

фискал маълумотлар базасининг захира нусхалари юритилишини таъминлаш;

фискал модул фойдаланувчиларининг шахсий маълумотларини ҳимоя қилиш;

ўзига тегишли маълумотларни кўрсатган ҳолда Интернетда ўзининг ўз махсус ахборот тизимини ишлаб чиқиш ва мунтазам ишлашини таъминлаш;

онлайн-НКМ ва виртуал касса чекларининг ҳаққонийлигини QR-код орқали текшириш имконинини берадиган ахборот тизимлари ва мобиль иловаларни ишлаб чиқиш;

фискал модул ва онлайн-НКМ ва (ёки) виртуал касса дастурий маҳсулоти ўртасида маълумотларни алмашиш талабларини ва шаклларини ишлаб чиқиш;

фискал модулни техник жиҳатдан мос келадиган онлайн-НКМ ва виртуал кассаларнинг дастурий тизими билан интеграциялаштиришга кўмаклашиш;

сотилган маҳсулотлар (бажарилган ишлар ва кўрсатилган хизматлар) тўғрисидаги маълумотларни вилоят, шаҳар ва туманлар бўйича таҳлил қилиш, шунингдек, солиқ тўлашдан бўйин товлаш эҳтимоли бўлган ҳолатларни аниқлайдиган автоматлаштирилган таҳлил тизимларини ишлаб чиқиш;

давлат реестрига киритилган ТХКМларнинг ҳудудий филиалларини ва шериклик асосида ҳамкорларини рўйхатга киритиш;

ТХКМларнинг электрон шаклда юборилган аризасига мувофиқ малакали мутахассис сертификатига эга бўлган ходимларни рўйхатга олиш ва уларга операторнинг махсус ахборот тизимида ишлаши учун рухсат бериш;

ТХКМлар томонидан ушбу қарорга 2-иловага асосан тасдиқланган техник талабларда назарда тутилган техник ва функционал тавсифларга кўра ҳамда тегишли шартнома асосида тақдим қилинган фискал модулларга унинг харажатларини қоплаб бериш шарти билан махсус дастурий таъминот (апплет) билан жиҳозлаб ва махсус ахборот тизимида уларнинг ҳисобини юритиш. Бунда оператор махсус дастурий таъминот (апплет) билан жиҳозланган фискал модулларни ТХКМга тасдиқловчи ҳужжатларга асосан, лекин Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги «Лойиҳалар ва импорт контрактларни комплекс экспертиза қилиш маркази» ДУК хулосасида кўрсатилган нархдан ошмаган миқдорда фискал модулларнинг қийматини қоплаши лозим;

онлайн-НКМ ёки виртуал касса дастурий маҳсулотининг техник ва функционал тавсифларига мувофиқлиги юзасидан ваколатли органга хулоса тақдим этиш.

49. ТХКМлар ва уларнинг ҳудудий филиалларини ёки шериклик асосидаги ҳамкорларни рўйхати махсус ахборот тизимида юритилади.

50. Оператор ваколатли органнинг қарорига асосан ТХКМнинг, унинг филиаллари ёки шериклик асосидаги ҳамкорлар мутахассис ходимларини махсус ахборот тизимига кириш имкониятини бекор қилиши мумкин.

51. Фискал модуллар ТХКМнинг аризаси асосида оператор томонидан берилади.

52. Оператор томонидан махсус ахборот тизимида фискал модуллар, ТХКМлар ва уларнинг филиаллари, мутахассис ходимлари, онлайн НКМ ва виртуал кассалар реестри юритилади.

53. Оператор ваколатли орган билан биргаликда турғун савдо ва ҳизмат кўрсатиш шаҳобчаларида онлайн-НКМ ва (ёки) виртуал кассани тўғри ишлаши юзасидан ўрганиш ҳамда лозим ҳолларда ўрганиш учун эксперт ташкилотларни жалб қилиш ҳуқуқига эга.

54. Оператор ваколатли орган билан биргаликда ТХКМга юкланган вазифалар тўлик бажарилишини назорат қилиб боради. ТХКМга юкланган талаблар бажарилмаган тақдирда, оператор марказга нисбатан қонун ҳужжатларида белгиланган чораларни кўриш бўйича ваколатли органга таклиф киритади ҳамда ваколатли орган уни давлат реестридан чиқариш чораларини кўради.

55. Тадбиркорлик субъектларини фискал модул ёки виртуал фискал модул билан таъминлаш ва оператор томонидан кўрсатиладиган хизматлар учун тадбиркорлик субъектлари томонидан йилда бир марта базавий ҳисоблаш миқдорининг бир баравари миқдорида операторга тўлов амалга оширилади.

Бунда оператор томонидан кўрсатиладиган хизматлар учун тўловлар тадбиркорлик субъектлари томонидан нақд пулда ва нақд пулсиз кўринишда амалга оширилиши мумкин.

Тўловларни белгиланган муддатда тўлаб берилмаслик ҳолатлари тадбиркорлик субъектига кўрсатиладиган хизматларни тўхтатиб қўйишга асос бўла олмайди.

9-боб. Якунловчи қоидалар

56. Ваколатли орган оператор томонидан ушбу тартиб талабларига риоя қилиниши юзасидан назорат ўрнатади.

57. Оператор белгиланган тартибда фискал маълумотларни ваколатли органга юбормаган тақдирда ёки хато маълумотлар юборилганда, шунингдек, тартибда кўрсатилган муддатларда операторга юборилган ариза ва мурожаатларга жавоб бермаганда амалдаги конун ҳужжатларига мувофиқ жавоб беради.

58. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.

Аҳоли билан пулли ҳисоб-китобларни амалга оширишда онлайн назорат-касса машиналари ва виртуал касса тизимини қўллаш тартиби тўғрисидаги низомга 1-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ________________________________‎‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ (техник хизмат кўрсатиш маркази номи)‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎техник хизмат кўрсатиш марказига ‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ АРИЗА ‎ (Онлайн-НКМ ёки виртуал кассани турғун шохобча (кўчма савдо объекти) жойлашган жой бўйича давлат солиқ хизмати органларида рўйхатдан ўтказиш тўғрисида) ‎ ‎‎ ‎‎‎‎‎Сиздан, _____________________________________________________________________________________ ‎ ‎ ‎ ‎ ‎ ‎ ‎ ‎ ‎‎‎(шохобча (кўчма савдо объекти) манзили) ‎ ‎ ‎ ‎ ‎‎манзилида жойлашган,_________________________________________________________________________ ‎ ‎ ‎ ‎ ‎ ‎ ‎ ‎ (тадбиркорлик субъектининг номи) ‎ ‎ ‎ ‎ ‎‎(СТИР:________________)га қарашли,___________________________________________________________ ‎ ‎ ‎ ‎ ‎ ‎ ‎ ‎ ‎ ‎‎(амалга ошириладиган фаолият тури) ‎‎ ‎ ‎ ‎ ‎ ‎‎савдо шохобчасида фойдаланиш учун, ____________________________________________________ русумли, ‎ завод рақами (версияси)________________________________________________бўлган онлайн-НКМ (виртуал ‎ касса) ва __________________________________________________________серия рақамли фискал модулни, ‎ _____________________________________________________давлат солиқ инспекциясида рўйхатга қўйишда ‎амалий ёрдам беришингизни сўрайман. ‎ ‎‎ Қуйидаги ҳужжатлар илова қилинади: ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎1. Турғун шохобча (кўчма савдо объекти) мавжудлигини тасдиқлайдиган ҳужжатларнинг нусхалари (бино, иншоотнинг ёки унинг қисмининг ижара шартномаси ёки кадастр ҳужжатлари). ‎‎ ‎ ‎‎ 2. Турғун савдо (хизмат кўрсатиш) шохобчаси (кўчма савдо объекти) манзилининг харитадаги координатаси . ‎‎‎‎ __________________________ ‎ ‎ ____________‎‎ ‎ _________‎‎ ‎ (Тадбиркорлик субъекти раҳбарининг Ф.И.О.)‎‎ ‎ ‎ (имзо)‎‎ ‎ (сана) ‎‎ ‎

Аҳоли билан пулли ҳисоб-китобларни амалга оширишда онлайн-НКМ ва (ёки) виртуал касса тизимини қўллаш тартиби тўғрисидаги низомга 2-ИЛОВА

‎‎Онлайн-НКМ ёки виртуал касса давлат солиқ хизмати органларида ‎рўйхатга олинганлиги тўғрисидаги маълумотлар ‎ Ушбу рўйхатга олинганлик тўғрисидаги маълумот__________________________________________________ ‎__________________________________________________________ (СТИР: _________________________)га ‎‎‎‎(тадбиркорлик субъекти номи) ‎ ‎ ‎ ‎ ‎‎тегишли бўлган онлайн-НКМ ёки виртуал касса тизими махсус ахборот тизимида қайд этилганлиги тўғрисида берилди. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Реестр рақами‎‎ ‎‎Онлайн-НКМ ёки виртуал касса номи Завод (серия ёки лицензия) рақами‎‎ ‎‎Фискал модул серия рақами Онлайн-НКМ ёки виртуал касса жойлашган манзил‎‎ ‎‎Онлайн-НКМ ёки виртуал кассанинг ҳолати Сана‎‎ ‎ ‎‎ ‎‎ ‎‎‎ ‎‎‎ ‎‎ ‎‎ ‎‎‎ ‎‎ ‎‎‎ ‎‎ ‎‎ ‎‎ ‎‎ ‎ ‎‎ ‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________ ‎‎ (м.ў.) ‎‎ ‎‎___________ ‎ ‎‎ ____________ ‎‎(Давлат солиқ хизмати органи раҳбари Ф.И.О.) ‎ ‎ ‎‎(имзо) ‎ ‎‎(сана) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ________________________________________ ‎ ‎ ‎‎‎‎___________ ‎ ‎‎‎‎____________ ‎‎(Рўйхатдан ўтказиш бўйича масъул ходим Ф.И.О.) ‎ ‎ ‎ ‎‎‎‎(имзо) ‎ ‎‎‎‎(сана)

Аҳоли билан пулли ҳисоб-китобларни амалга оширишда онлайн назорат-касса машиналари ва виртуал касса тизимини қўллаш тартиби тўғрисидаги низомга 3-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ _________________________________‎‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ (техник хизмат кўрсатиш маркази номи)‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎‎техник хизмат кўрсатиш марказига ‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ АРИЗА ‎ (Онлайн-НКМ ёки виртуал касса тизимини турғун шохобча (кўчма савдо объекти) жойлашган жой бўйича давлат солиқ хизмати органларида рўйхатдан чиқариш тўғрисида) ‎ ‎‎ ‎‎‎‎‎Сиздан, мен фаолият юритаётган_________________________________________________________________ ‎ ‎ ‎ ‎ ‎ ‎ ‎‎‎(шохобча (кўчма савдо объекти) манзили)‎‎‎‎‎ _________________________________________________________________________‎‎манзилида жойлашган, ‎‎‎_______________________________________________________________________(СТИР:____________)га‎ ‎‎‎(тадбиркорлик субъектининг номи) ‎ ‎ ‎ ‎ ‎‎қарашли,_________________________________________________________‎‎савдо шохобчасида фойдаланиш ‎ ‎ ‎ ‎‎ ‎‎‎(шохобча (кўчма савдо объекти) манзили)‎‎‎ ‎‎учун ___________________________________________________________ русумли, завод рақами (версияси) ‎____________________________________________________________‎бўлган онлайн-НКМ (виртуал касса) ва ‎_________________________________________________________________серия рақамли фискал модулни, ‎ ___________________________________________________________________давлат солиқ инспекциясидан ‎‎ рўйхатдан чиқариш учун амалий ёрдам беришингизни сўрайман. ‎ Онлайн-НКМ (виртуал касса), __________________________________________________________________ ‎давлат солиқ инспекциясидан рўйхатдан чиқариш сабаби:_____________________________________________ ‎‎______________________________________________________________________________________________________________________________________________________________________________________ ‎ ‎ Қуйидагилар илова қилинади: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎1. Фискал модул ____ дона. ‎2. Қўшимча ҳужжатлар. ‎ ‎ __________________________ ‎ ‎ ____________‎‎ ‎ _________‎‎ ‎ (Тадбиркорлик субъекти раҳбарининг Ф.И.О.)‎‎ ‎ ‎ (имзо)‎‎ ‎ (сана) ‎

Аҳоли билан пулли ҳисоб-китобларни амалга оширишда онлайн-НКМ ва виртуал касса тизимини қўллаш тартиби тўғрисидаги низомга 4-ИЛОВА

Аҳоли билан пулли ҳисоб-китобларни амалга оширишда онлайн-НКМ ва виртуал касса тизимини қўллаш тартиби тўғрисидаги низомга 5-ИЛОВА

Онлайн-НКМ, виртуал касса ва фискал модулни олиб қўйиш ‎ (тагига чизилсин) ‎ ‎ БАЁННОМАСИ ‎‎‎ ‎‎Биз, қуйида имзо чекувчилар ___________________________________________________________________ ‎ ‎ ‎ ‎‎(текширувчиларнинг Ф.И.О., лавозими) ‎ ‎‎___________________________________________ нинг 20___ йил «___» _______________даги _______-сон ‎‎(назорат органининг номи) ‎ ‎ ‎ ‎ ‎ ‎‎буйруғига мувофиқ __________________________________________________________________________ ‎ ‎ ‎‎(хўжалик юритувчи субъект ёки якка тадбиркор мансабдор шахси Ф.И.О.) ‎‎иштирокида завод рақами _________, 20___ йил «___» _________ да ____________________ рақам билан _______________ ДСИда рўйхатдан ўтказилган, _____________________________ манзилида жойлашган, СТИР___________, ____________________________________________________________ га тегишли бўлган ‎ ‎ ‎‎(хўжалик юритувчи субъектнинг номи (Ф.И.О.) ‎ ‎ ‎‎___________________________________________ моделли (версияли) онлайн-НКМ, виртуал касса қурилмаси ва фискал модулни олиб қўйдик. ‎ ‎Олиб қўйиш вақтида қуйидагилар аниқланди: ‎Олиб қўйиш пайтида онлайн-НКМ, виртуал касса, фискал модулнинг ҳолати ______________________________ ‎ ___________________________________________________________________________________________ ‎‎(умумий ҳолати (иш ҳолати, ишламайдиган ҳолати), шунингдек, алоҳида механик нуқсонлар кўрсатилади) ‎‎Ушбу баённома 3-нусхада тузилди. ‎1-нусхаси онлайн-НКМ, виртуал касса, фискал модул эгасида қолади; ‎2-нусхаси онлайн-НКМ, виртуал касса, фискал модулни олиб қўйган органда сақланади; ‎3-нусхаси онлайн-НКМ, виртуал касса, фискал модул билан биргаликда экспертиза органига тақдим этилади. ‎ ‎Баённома 20__ йил «____» ______________да ‎‎__________________________________________________________ ‎ (давлат солиқ хизмати органи мансабдор шахсининг Ф.И.О.) ‎ ‎________________________________________________________ ‎________________________________________________________ ‎‎_____________________ ‎(имзо) ‎ ‎‎‎_____________________ ‎(имзо) ‎‎‎тадбиркорлик субъекти вакиллари иштирокида тузилади. ‎___________________________________________________________ ‎‎_____________________

Вазирлар Маҳкамасининг 2019 йил 23 ноябрдаги 943-сон қарорига 1а-ИЛОВА

Аҳоли билан пулли ҳисоб-китобларни амалга оширишда электрон тўлов ташкилоти ва (ёки) электрон тижорат платформалари (Маркетплейс) орқали электрон фискал чек тақдим қилиш тартиби тўғрисида

1-боб. Умумий қоидалар

1. Ушбу Низом аҳоли билан Маркетплейс орқали амалга оширилган пулли ҳисоб китоблар учун харидорларга электрон фискал чек тақдим қилиш тартибини белгилайди.

2. Ушбу Низом талаблари қуйидагиларга татбиқ этилади:

Маркетплейс, шу жумладан тўлов ташкилотлар орқали аҳоли билан пулли ҳисоб-китобларни амалга оширилганда харидорларга электрон фискал чек тақдим қилиш;

тадбиркорлик субъектлари томонидан харидорларга жойларда харид қилинган маҳсулот ва хизматлар учун Маркетплейс, шу жумладан тўлов ташкилотлар орқали амалга оширилган тўловлар учун онлайн-НКМ ёки виртуал касса чекларини тақдим қилиш;

жойларда, шу жумладан, банкларда генерация қилинган ягона QR-код орқали амалга оширилган тўловлар тўғрисидаги маълумотларни операторга юбориш. Бунда ягона QR-код орқали амалга оширилган тўловларга ҳам назорат-касса техникаларидан мажбурий равишда чек берилиши шарт.

3. Мазкур Низомда қуйидаги асосий тушунчалардан фойдаланилади:

фискал маълумотлар — ҳисоб-китоблар тўғрисидаги маълумотлар, ҳисоб-китобларни амалга оширувчи тадбиркорлик субъекти тўғрисида маълумот, ҳисоб-китобда фойдаланиладиган Маркетплейс орқали яратилган бошқа маълумотлар;

виртуал фискал модул — оператор томонидан яратиладиган уникал рақам ва унга бириктирилган электрон рақамли имзо очиқ калит сертификати;

Ваколатли орган — Ўзбекистон Республикаси Солиқ қўмитаси;

дастурларни дастурлаш интерфейси (Application Programming Interface) (кейинги ўринларда — API) — бир дастурий тизимнинг бошқа дастурий тизим билан ўзаро алоқада ишлаш усулларининг тавсифи;

Маркетплейс — оператор тизимига боғланиш имкониятига эга бўлган, операторга тақдим қилган чек маълумотлари асосида онлайн режимда фискал белгиларни қабул қилувчи, чекларни электрон шаклда харидорларга юбориш функциясига эга бўлган техника воситаларидан, ахборот технологияларидан ва ахборот тизимлари хизматларидан фойдаланган ҳолда электрон тўлов ҳужжатлари воситасида нақд ёки нақд пулсиз ҳисоб-китобларни амалга ошириш тизими;

Маркетплейс реестри — қонунчилик ҳужжатларида белгиланган тартибда Давлат реестрига киритилган Маркетплейслар рўйхати.

Маркетплейс фойдаланувчиси — товарлар (бажарилган ишлар ва кўрсатилган хизматлар) учун аҳоли билан пулли ҳисоб китобларни амалга оширишда фискал маълумотларни Маркетплейс сервери орқали операторга юборувчи тадбиркорлик субъекти.

4. Фискал чек маълумотларни операторга юборилиши Маркетплейснинг виртуал фискал модули билан тасдиқлаш орқали амалга оширилади.

5. Операторга юбориладиган маълумотларнинг тўғрилиги ва ишончлилиги бўйича Маркетплейс жавобгар ҳисобланади.

2-боб. Операторга электрон фискал чек маълумотларини юбориш тартиби

6. Маркетплейслар тартиб рақам билан электрон фискал чек маълумотларини операторга юборади.

7. Оператор томонидан чек маълумотларига фискал белги яратиб, QR-код билан Маркетплейсларга қайтарилади.

8. Маркетплейс орқали харид чеки электрон шаклда тақдим этилганда, оператордан олинган электрон фискал чекнинг ҳаволасини харидор кўрсатган абонент рақамига ёки электрон почта манзилига, ёхуд харидорнинг шахсий кабинетига юборишини таъминлайди.

9. Маркетплейс орқали реализация қилинган товар (хизмат) учун чек қоғоз шаклда тақдим этилган тақдирда, қоғоз чек ушбу қарорнинг 1-илова 7-банди талабларига мос равишда шаклланиши лозим.

3-боб. Маркетплейс вазифалари ва мажбуриятлари

10. Маркетплейслар харидорларга электрон фискал чек тақдим қилиш учун операторнинг махсус ахборот тизими билан интеграция қилади.

11. Маркетплейслар:

фискал чек маълумотларни шакллантириш, юбориш, қабул қилиш ва сақлаш имкониятини берадиган ахборот тизимига;

call-марказига эга бўлиши лозим.

12. Маркетплейслар ўзининг маълумотлар базасида шакллантирилган фискал чек маълумотларни камида 5 йил давомида сақланишини ва фойдаланувчиларнинг шахсий маълумотлари ҳимоя қилиниши уларнинг конфиденциаллигини таъминлаши шарт, қонунчилик ҳужжатларида белгиланган ҳолатлар бундан мустасно.

3 1 -боб. Электрон платформалар томонидан солиқ ахборот тизимларидан фойдаланиш тартиби

12 1 . Белгиланган тартибда Давлат реестрига киритилган электрон тижорат платформалари қонунчилик ҳужжатлари билан талаб этиладиган зарур маълумотлардан API орқали фойдаланиши мумкин.

12 2 . Электрон тижорат платформалар солиқ органи ахборот тизимларидаги API дан фойдаланишга рухсат олиш учун ваколатли органга шахсий кабинети орқали мурожаат қилади.

12 3 . Ваколатли орган ўн иш куни мобайнида қуйидаги талаблар бир вақтнинг ўзида бажарилганлигини текширади ва API дан фойдаланишга рухсат беради:

б) Ўзбекистон Республикаси Адлия вазирлиги ҳузуридаги Персоналлаштириш агентлиги томонидан тақдим этиладиган Шахсга доир маълумотлар базасини Шахсга доир маълумотлар базаларининг давлат реестрида рўйхатдан ўтказилганлиги тўғрисидаги гувоҳномаси мавжудлиги;

в) тизимга мурожаат қиладиган IP-манзил ҳамда маълумотларни қайта ишлайдиган техник воситаларнинг жисман Ўзбекистон Республикаси ҳудудида жойлашганлиги;

д) электрон тижорат платформалар томонидан API дан фойдаланишга рухсат олиш учун сўралаётган маълумотларнинг, электрон фискал чекларда бўлиши зарур бўлган маълумотларга мувофиқлиги.

Юқоридаги талабларга мувофиқ бўлмаган ҳолатларда ваколатли орган API орқали фойдаланишни рад этади ҳамда бу ҳақда мурожаатчига хабар юборади.

12 4 . Электрон тижорат платформаларнинг API орқали юбориладиган техник сўровлари сони секундига 1 тадан ошмаслиги шарт.

12 5 . Ваколатли орган API дан фойдаланувчи электрон тижорат платформаларнинг реестрини юритади.

12 6 . Электрон тижорат платформалар ўзининг маълумотлар базасида шахсга доир маълумотларнинг ва солиқ сирини ташкил этувчи маълумотларнинг конфиденциаллигини таъминлаши шарт.

12 7 .Электрон тижорат платформалар солиқ органи ахборот тизимларидан олинган шахсга доир маълумотларни ва солиқ сирини ташкил этувчи маълумотларни учинчи шахсларга ошкор этмаслиги ва тарқатмаслиги шарт.

4-боб. Маркетплейсларни Давлат реестрига киритиш

13. Маркетплейсларни Давлат реестрига киритилиши учун ваколатли органга иловага мувофиқ белгиланган шаклда Маркетплейслар томонидан ариза билан мурожаат қилинади.

14. Ваколатли орган томонидан ариза берувчига Маркетплейсларга Давлат реестрига киритиш тўғрисидаги қарор нусхаси ёки уни рад этиш сабаби кўрсатилган жавоб хати ҳужжатлар тақдим этилган кундан бошлаб ўн беш иш кунида электрон ёки ёзма тарзда мурожаатчига тақдим этилади.

15. Давлат реестрига киритиш рад этилганда, ариза берувчи камчиликларни бартараф этиб, ваколатли органга такроран мурожаат қилиши мумкин.

5-боб. Маркетплейсларни Давлат реестридан чиқариш

16. Маркетплейсларни қуйидаги ҳолларда Давлат реестридан чиқарилади:

Маркетплейс тугатилганда, банкрот деб эътироф этилганда;

унинг фаолиятига нисбатан қонунчилик ҳужжатлари талаблари ўзгарганда;

ваколатли органга қилган мурожаатига мувофиқ.

17. Қонунчиликда белгиланган талаблар бажарилмаган тақдирда ваколатли орган томонидан Давлат реестрига киритилган Маркетплейсни ёзма огоҳлантирилган ҳолда оператор тармоғидан вақтинчалик ёки бутунлай узиши ва Давлат реестридан чиқариши мумкин.

18. Маркетплейсни Давлат реестридан чиқариш ваколатли органнинг қарори асосида амалга оширилади.

6-боб. Фойдаланувчиларни рўйхатдан ўтказиш

19. Маркетплейс орқали аҳоли билан пулли ҳисоб китобларни амалга оширувчи тадбиркорлик субъектлари қонунчиликда белгиланган тартибда Маркетплейс билан ўзаро шартнома тузади.

20. Маркетплейс ўзаро шартнома тақдим қилган тадбиркорлик субъекти маълумотларини операторнинг махсус ахборот тизимида қайд этади.

21. Юборилган аризанинг маълумотларни нотўғри ёки белгиланган тартибда тўлдирилмаган бўлса Давлат солиқ хизмати органлари ходими томонидан рад қилинади. Маркетплейс камчиликларни бартараф қилиб 2-бандга мувофиқ қайта ариза юбориши мумкин.

7-боб. Якуний қоидалар

22. Ваколатли орган ва оператор ушбу Низом талабларига риоя этилиши юзасидан қонунчилик ҳужжатларига мувофиқ назоратни амалга оширадилар.

23. Ушбу Низом талабларини бузган шахслар қонунчилик ҳужжатларида белгиланган тартибда жавоб берадилар.

Аҳоли билан пулли ҳисоб-китобларни амалга оширишда электрон тўлов ташкилоти ва (ёки) электрон тижорат платформалари (Маркетплейс) орқали электрон фискал чек тақдим қилиш тартиби тўғрисидаги Низомга ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‏Ўзбекистон Республикаси Солиқ қўмитасига ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎АРИЗА ‎(Маркетплейсларни давлат реестрига киритиш тўғрисида) ________________________________________________________________________ (тадбиркорлик субъекти номи) СТИР: ____________ __________________________________________ манзилида ‎ ‎ ‎ ‎ ‎ ‎ (юридик манзили) ‎ ‎ ‎ жойлашган _____________________________________________________________га ‎ ‎ ‎ (мулкчилик шакли) ‎ ______________________________________________ русумли Маркетплейс(лар)нинг ________________________________ версиясини иловада келтирилган ҳужжатлар асосида Давлат реестрига киритишингизни сўрайман. Қуйидаги ҳужжатлар илова қилинади: ‎1. Маркетплейс дастурий маҳсулотининг техник ва функционал тавсифларига мувофиқлиги юзасидан фискал маълумотлар операторининг хулосаси; ‎2. Шакллантирилган электрон касса чеклари намуналари; ‎3. Маркетплейс тизимининг эталон электрон намунаси (APK и URL website); ‎4. Маркетплейснинг техник ва функционал тавсифлари батафсил кўрсатилган техник паспорт (ёки унга тенглаштирилган ҳужжат) ҳамда кафолат мажбуриятлари; ‎5. Фойдаланиш ҳужжатлари (фойдаланувчи учун қўлланма, ўрнатиш бўйича қўлланма ва солиқ инспектори йўриқномаси); ‎6. Маркетплейс дастурий маҳсулотининг муаллифлик ҳуқуқини тасдиқловчи ҳужжат (патент). Бунда ҳужжат бошқа давлатдан олинган бўлса унинг манбаси кўрсатилади; ‎Илова: ____ варақда ёки электрон кўринишда (pdf, jpg, gif, jpeg форматда). ‎____________________________ ‎ ‎ ‎__________ ‎ ‎ ‎__________ ‎ ‎ (Юридик шахс мансабдор шахсининг Ф.И.Ш.) ‎ ‎ (имзо) ‎ ‎ (сана) ‎ ‎ Телефон рақами: ____________________ Почта манзили: _______________________________________________________ . ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Вазирлар Маҳкамасининг 2019 йил 23 ноябрдаги 943-сон қарорига 2-ИЛОВА

Ўзбекистон Республикаси ҳудудида қўлланилиши рухсат этилган онлайн назорат-касса машиналари, виртуал касса ва фискал модулга қўйиладиган

1-боб. Умумий қоидалар

1. Мазкур техник талаблар маълумотларни давлат солиқ хизмати органларига фискал модул ва унинг дастурий маҳсулотларидан (версияларидан) фойдаланган ҳолда узатишни таъминлайдиган онлайн назорат касса машиналари (кейинги ўринларда онлайн-НКМ деб аталади), виртуал касса ва фискал модулнинг асосий техник ҳамда функционал хусусиятларини акс эттиради, шунингдек, Ўзбекистон Республикаси ҳудудида қўлланиши рухсат этилган онлайн-НКМ ва виртуал кассанинг Давлат реестрига киритиладиган техник талабларга мувофиқлиги юзасидан доимий татбиқ этилади.

2. Онлайн-НКМ ва виртуал касса дастурий таъминоти орқали шакллантириладиган фискал маълумотларнинг электрон тузилмаси, уларни фискал маълумотлар оператори (кейинги ўринларда оператор деб аталади)га юбориш тартиби, техник хизмат кўрсатиш маркази (кейинги ўринларда ТХКМ деб аталади) билан электрон ахборот алмашиш форматлари оператор томонидан ишлаб чиқилади ва махсус ахборот тизимига жойлаштириб борилади.

2-боб. Онлайн-НКМ учун қўйиладиган техник талаблар

3. Онлайн-НКМга қуйиладиган техник талаблар қуйидагилардан иборат:

завод рақами ва завод рақами кўрсатилган корпусга эга бўлиши;

фискал модулсиз онлайн-НКМ дастурий маҳсулотдан фойдаланиш имкони чекланганлиги;

фойдаланувчи ва харидор (мижоз) ўртасида сотилган товарлар (бажарилган ишлар ва кўрсатилган хизматлар) учун ҳисоб-китобларни амалга оширишдаги онлайн-НКМ ёки виртуал кассада амалдаги қонун ҳужжатларига мувофиқ шакллантирилган ва электрон шаклда ёки қоғозда чоп этилган, ҳисоб-китоблар тўғрисидаги маълумотларни ўз ичига олган, уни амалга ошириш фактини тасдиқловчи бирламчи ҳисоб ҳужжати (кейинги ўринларда чек деб аталади) қоғози бўлмаган ҳолда чекни шакллантириш учун буйруқ бериш имконини автоматик тарзда чеклаш;

онлайн-НКМдан рухсат этилмаган ҳолларда фойдаланишга ҳаракат қилинганда ёки маълумотлар базасига ташқи дастурлар орқали ўзгартириш киритилганда автоматик тарзда блоклаш тизимига ўтиш;

фискал модул носоз ҳолатга келганда ёки унинг хотираси тўлганда автоматик блоклаш тизимига ўтиш;

реал вақт режимида автоматлаштирилган кузатиш тизими (GPS) билан жиҳозланган бўлиши, чек маълумотлари билан жойлашган жойи бўйича геолакация (узунлик ва кенглик) маълумотларини операторга юбориш;

штрих код ўқиш қурилмасини қўллаб-қувватлаш;

чекларни чоп этиш қурилмаси корпус ичида бўлиши;

банкларда генерация қилинган ягона QR-кодни шакллантириш ахборот тизими ҳамда электрон тўлов тизимларига мажбурий уланиши;

штрих-кодлар ва рақамли маркировка кодларини тўғри ўқишни ва аниқлашни таъминловчи махсус қурилмаларга (2D-сканерлар, маълумотларни йиғувчи терминаллар ёки бошқа турдаги махсус қурилмалар) эга бўлиши;

Маҳсулотлар (товар ва хизматлар) ягона электрон миллий каталоги бўйича идентификациялаш кодлари тўғрисидаги маълумотларни реал вақт режимида қурилма хотирасига юклаш имконияти;

барча банк карталари ва QR-кодлар орқали тўловларни тўғридан-тўғри шу қурилма орқали қабул қилиш имконияти;

рақамли маркировкаланган маҳсулотларни рақамли идентификациялаш воситасининг маркировкалаш кодлари тўғри ўқилишини ва аниқланишини таъминлаши мақсадида ISO/IEC 15415 «Ахборот технологиялар. Автоматик идентификациялаш ва маълумотларни йиғиш технологиялари. Чоп этиш сифатини баҳолаш учун штрих коди рамзларини тест спецификацияси. Икки ўлчамли рамзлар» (ISO/IEC 15415:2011 «Information technology — Automatic identification and data capture techniques — Bar code print quality test specification — Two-dimensional symbols») стандартига мувофиқ махсус ускуналар, яъни маълумотларни йиғиш терминаллари, лазер сканерлари ёки бошқа штрих код ўқиш қурилмасига эга бўлиши;

рақамли маркировкаланган маҳсулотлар реализация қилинганда, ушбу маҳсулотнинг маркировка кодини мажбурий акс эттириш талабини эълон қилиш, шунингдек, маркировка коди акс эттирилмаган тақдирда, чекни шакллантириш имкониятини чеклаш механизмига эга бўлиши;

рецепт билан бериладиган дори воситалари фақат электрон рецепт расмийлаштирилган ҳолдагина реализация қилиниши, электрон рецептни расмийлаштириш орқали рецепт билан бериладиган дори воситалари реализация қилинганда, чекда электрон рецепт рақамини (рецепт ID) мажбурий акс эттириш талабини эълон қилиш, ушбу талаб бажарилмаган тақдирда чекни шакллантириш имкониятини чеклаш механизмига эга бўлиши;

касса чекида иккита бир хил маркировка кодларни (дубликатларни) акс эттириш имкониятини чеклаш механизмига эга бўлиши;

сотилган товарлар (бажарилган ишлар ва кўрсатилган хизматлар) номи, ўлчов бирлиги, миқдори тўғри акс эттирилишини таъминлаш;

фискал модул корпуснинг ичида жойлаштирилиши;

48 соат оффлайн режимида ишлагандан сўнг автоматик блоклаш тизимига ўтиш;

6 та белгидан кам бўлмаган дастурий паролга ёки бундан юқори даражадаги ҳимоя тизимига эга бўлиш;

мобиль алоқа операторининг интернет тармоғига 2G ва ундан юқори стандартлар асосида, шунингдек, СDMA ва Wi-Fi стандартлари орқали алоқа тармоғига боғланиш имкониятининг мавжудлиги;

сертификатлаш органлари томонидан берилган мувофиқлик сертификатларининг мавжудлиги;

дастурий маҳсулотнинг муаллифлик ҳуқуқини тасдиқловчи ҳужжатнинг мавжудлиги (агар у хорижий мамлакатдан олинган бўлса унинг манбаи кўрсатилади);

фойдаланиш бўйича қўлланмага (давлат тили ва бошқа тилларда) эга бўлиш;

чоп этилган чеклардаги сонлар, ҳарфлар ва рамзлар аниқ кўринишда бўлиши ва бир хил маънода ўқилиши;

Ўзбекистон Республикаси ҳудудида фойдаланиш жараёнида вақт ва санани интернет орқали UTC+05:00 вақт зонасига автоматик мослаштиришни таъминлаши ёки вақт ва санани оператор серверидан олиш имкониятининг мавжудлиги;

фискал маълумотлар бевосита фискал модул орқали тўғридан-тўғри фақат операторга узатилиши таъминланиши;

битта фискал модулдан бир вақтда фақат битта онлайн-НКМ учун фойдаланиш таъминланиши;

чек қоғозида акс этадиган маълумотлар устун равишда давлат тилида бўлиши таъминланиши;

фискал маълумотларни шакллантиришда уларга қасддан ўзгартириш киритилишидан ҳимояланганлик;

Онлайн-НКМ фискал маълумотлар алмашишда қўйиладиган талабларга зиён етказмайдиган бошқа қулайликларга ҳам эга бўлиши мумкин.

Онлайн-НКМга ўрнатилган дастурий маҳсулотга ўзгартириш ва қўшимчалар киритилиши мумкин.

Фискал маълумотлар, шунингдек, уларни операторга юборишда ўзгартириш ва қўшимчалар киритилган тақдирда оператор ва киберхавфсизлик марказидан қайта хулоса олиниши шарт.

4. Техник талаблар барча турдаги онлайн-НКМ учун татбиқ этилади.

5. Онлайн-НКМдан қуйидаги ҳолларда фойдаланишга рухсат этилмайди:

унинг модели Давлат реестрига киритилмаган бўлса;

чекда мажбурий талаблардан бири ёки бир нечтаси мавжуд бўлмаса;

онлайн-НКМга қўйилган талаблардан бири ёки бир нечтаси бажарилмаса;

ТХКМ билан кафолатли ва узлуксиз хизмат кўрсатиш бўйича шартнома тузилмаганда;

тадбиркорлик субъектининг маълумотлари ўзгарганда.

3-боб. Виртуал касса учун қўйиладиган техник талаблар

6. Виртуал кассаларга қўйиладиган техник талаблар қуйидагилардан иборат:

дастурий маҳсулот версия рақами, серия ёки лицензия рақамига эга бўлиши;

фискал модулсиз виртуал касса дастурий маҳсулотидан фойдаланиш имкони чекланганлиги;

виртуал кассадан рухсат этилмаган ҳолларда фойдаланишга ҳаракат қилинганда ёки маълумотлар базасига ташқи дастурлар орқали ўзгартириш киритилганда автоматик тарзда блоклаш тизимига ўтиш;

фискал модул носоз ҳолатга келганда ёки унинг хотираси тўлганда автоматик блоклаш тизимига ўтиш;

48 соат оффлайн режимида ишлагандан сўнг автоматик блоклаш тизимига ўтиш;

штрих код ўқиш қурилмасини қўллаб-қувватлаш;

штрих-кодлар ва рақамли маркировка кодларини тўғри ўқишни ва аниқлашни таъминловчи махсус қурилмаларга (2D-сканерлар, маълумотларни йиғувчи терминаллар ёки бошқа турдаги махсус қурилмалар) эга бўлиши;

Маҳсулотлар (товар ва хизматлар) ягона электрон миллий каталоги бўйича идентификациялаш кодлари тўғрисидаги маълумотларни реал вақт режимида қурилма хотирасига юклаш имконияти;

барча банк карталари ва QR-кодлар орқали тўловларни тўғридан-тўғри шу қурилма орқали қабул қилиш имконияти;

Рақамли маркировкаланган маҳсулотларни рақамли идентификациялаш воситасининг маркировкалаш кодлари тўғри ўқилишини ва аниқланишини таъминлаши мақсадида, ISO/IEC 15415 «Ахборот технологиялар. Автоматик идентификациялаш ва маълумотларни йиғиш технологиялари. Чоп этиш сифатини баҳолаш учун штрих коди рамзларини тест спецификацияси. Икки ўлчамли рамзлар» (ISO/IEC 15415:2011 «Information technology — Automatic identification and data capture techniques — Bar code print quality test specification — Two-dimensional symbols») стандартига мувофиқ махсус ускуналар, яъни маълумотларнинг йиғиш терминаллари, лазер сканерлари ёки бошқа штрих код ўқиш қурилмасига эга бўлиши;

рақамли маркировкаланган маҳсулотлар реализация қилинганда, ушбу маҳсулотнинг маркировка кодини мажбурий акс эттириш талабини эълон қилиш, шунингдек, маркировка коди акс эттирилмаган тақдирда, чекни шакллантириш имкониятини чеклаш механизмига эга бўлиши;

рецепт билан бериладиган дори воситалари фақат электрон рецепт расмийлаштирилган ҳолдагини реализация қилиниши, электрон рецептни расмийлаштириш орқали рецепт билан бериладиган дори воситалари реализация қилинганда, чекда электрон рецепт рақамини (рецепт ID) мажбурий акс эттириш талабини эълон қилиш, шунингдек, электрон рецептнинг рақами акс эттирилмаган тақдирда, чекни шакллантириш имкониятини чеклаш механизмига эга бўлиши;

касса чекида иккита бир хил маркировка кодларни (дубликатларни) акс эттириш имкониятини чеклаш механизмига эга бўлиши;

сотилган товарлар (бажарилган ишлар ва кўрсатилган хизматлар) номи, ўлчов бирлиги, миқдори тўғри акс эттирилишини таъминлаш;

6 та белгидан кам бўлмаган дастурий паролга ёки бундан юқори даражадаги ҳимоя тизимига эга бўлиш;

сертификатлаш органлари томонидан берилган мувофиқлик сертификатларининг мавжудлиги;

дастурий маҳсулотнинг муаллифлик ҳуқуқини тасдиқловчи ҳужжатнинг мавжудлиги (агар у хорижий мамлакатдан олинган бўлса унинг манбаи кўрсатилади);

фойдаланиш бўйича қўлланмага (давлат тилида ва бошқа тилларда) эга бўлиши;

чоп этилган чеклардаги сонлар, ҳарфлар ва рамзлар аниқ кўринишда бўлиши ва бир хил маънода ўқилиши;

Ўзбекистон Республикаси ҳудудида фойдаланиш жараёнида вақт ва санани интернет орқали UTC+05:00 вақт зонасига автоматик мослаштиришни таъминлаши ёки вақт ва санани оператор серверидан олиш имкониятининг мавжудлиги;

банкларда генерация қилинган ягона QR-кодни шакллантириш ахборот тизими ҳамда электрон тўлов тизимларига мажбурий уланиши;

фискал маълумотларни бевосита фискал модул орқали тўғридан-тўғри фақат операторга узатилишини таъминланиши;

битта фискал модулдан бир вақтда фақат битта виртуал касса учун фойдаланиши таъминланиши;

чекда акс этадиган маълумотлар устун равишда давлат тилида бўлиши таъминланиши;

Виртуал касса фискал маълумотлар алмашишда қўйиладиган талабларга зиён етказмайдиган бошқа қулайликларга эга бўлиши мумкин.

Виртуал кассага ўзгартириш ва қўшимчалар киритилиши мумкин.

Фискал маълумотлар, шунингдек, уларни операторга юборишда ўзгартириш ва қўшимчалар киритилган тақдирда оператор ва киберхавфсизлик марказидан қайта хулоса олиниши шарт.

Товарларни сотиш, ишларни бажариш ва хизматларни кўрсатишни электрон тижорат орқали амалга оширувчи тадбиркорлик субъектлари фискал маълумотларни операторга узатишни Солиқ қўмитаси томонидан ишлаб чиқилган виртуал касса дастурий маҳсулоти орқали амалга ошириши мумкин.

7. Техник талаблар барча турдаги виртуал кассалар учун татбиқ этилади.

8. Виртуал кассадан қуйидаги ҳолларда фойдаланишга рухсат этилмайди:

унинг версияси (модели) Давлат реестрига киритилмаган бўлса;

чекда мажбурий талаблардан бири ёки бир нечтаси мавжуд бўлмаса;

ТХКМ билан кафолатли ва узлуксиз хизмат кўрсатиш бўйича шартнома тузилмаган бўлса;

тадбиркорлик субъектининг маълумотлари ўзгарганда.

4-боб. Фискал модулнинг физик параметрлари

9. Фискал модул сифатида смарт-карта ёки USB-калити кўринишидаги қурилмалардан фойдаланиш мумкин.

10. Фискал модул хавфсизлик контроллери билан таъминланган бўлиши лозим.

Шу жумладан, фискал модул T=0 ва T=1 алоқа протоколларини, UZDST1092-2009 ёхуд ECDSA-256 ҳамда 3DES, AES, RSA, SНA-1, SНA-224, SНA-256, ECC over GF(p) ва Random number generation криптографик алгоритмларни шифрлаш функцияларини амалга ошириш имконияти бўлиши, шунингдек Java Card 2.2.2 ёки Java Card 3.0.3, Global Platform 2.1.1 ва ундан юқори стандартларга жавоб бериши лозим.

Бундан ташқари, фискал модул криптографик алгоритмларни ишлаш тезлиги 600 миллисекунддан ошмаслиги, фискал модулнинг апплетини ишлаш тезлиги 2 сониядан ошмаслиги, фискал маълумотлар сақланиши учун ажратилган хотира ҳажми 100 килобайтдан ва фискал модулнинг оператив хотираси 8 килобайтдан кам бўлмаслиги ҳамда оператор томонидан қўшимча белгиланган техник ва функционал тавсифлари асосида бўлиши керак.

5-боб. Фискал модул дастурий таъминотига қўйиладиган функционал талаблар

11. Онлайн-НКМ ёки виртуал касса дастурий таъминотининг электрон мурожаати асосида фискал модул хотирасида чекни рўйхатга олади;

Фискал модул хотирасида «Z-ҳисобот»ларни шакллантиради ва сақлайди;

Онлайн-НКМ ва (ёки) виртуал касса орқали шаклланган маълумотларни, жумладан, умумий чек суммаси, нақд ёки банк пластик картадан тўлов суммаси, ҚҚС суммаси, операция тури (сотиш ёки қайтариш) маълумотларини фискал модулга юборади.

Маълумотлар фискал модулга муваффақиятли ўтган тақдирда:

фискал модул такрорланмас рақамини;

электрон рақамли имзо ёрдамида имзоланган ва шифрланган чек маълумотларини қайтаради.

Шифрланган чек маълумотлари оператор томонидан қабул қилиниб, тасдиқлаш маълумоти фискал модулга тушганидан сўнг ушбу шифрланган чек маълумотлари фискал модул хотирасидан ўчирилади.

6-боб. Фискал модулни ишга тушириш

12. Фискал модулни ишга туширишда ушбу илованинг 5-бобидаги амалларни бажаришни таъминловчи ихтисослаштирилган дастурий таъминот (апплет) ўрнатилган бўлиши шарт.

13. Фискал модулни биринчи марта ишга тушириш жараёнида қуйидагилар амалга оширилади:

электрон рақамли имзо калитлари яратилади;

очиқ калит операторга узатилади.

14. ТХКМларини фискал модул ва ихтисослаштирилган дастурий таъминот (апплет) билан таъминлаш оператор томонидан амалга оширилади.

7-боб. Якунловчи қоидалар

15. Тадбиркорлик субъектлари ўзига бириктирилган фискал модулга зиён етказмаслик чораларини кўриши шарт.

16. Солиқларни яшириш мақсадида онлайн-НКМ ва виртуал касса дастурий маҳсулотига, шунингдек, фискал модулга қасддан ўзгартириш киритганлик учун қонун ҳужжатларида белгиланган тартибда жазо чоралари қўлланилади.

17. Ушбу техник талабларни бузилишида айбдор бўлган шахслар қонун ҳужжатларида белгиланган тартибда жавоб берадилар.

Вазирлар Маҳкамасининг 2019 йил 23 ноябрдаги 943-сон қарорига 3-ИЛОВА

Онлайн назорат-касса машиналари, виртуал касса ва фискал модулга техник хизмат кўрсатиш марказларининг давлат реестрини юритиш ҳамда уларга қўйиладиган алоҳида

1-боб. Умумий қоидалар

1. Ушбу талаблар онлайн назорат-касса машинаси (кейинги ўринларда онлайн-НКМ деб аталади) қурилмалари ва виртуал касса дастурий маҳсулотларига техник хизмат кўрсатиш, таъмирлаш фаолияти билан шуғулланувчи, ихтисослашган, замонавий технологик ускуналар билан жиҳозланган юридик шахслар — техник хизмат кўрсатиш марказларини (кейинги ўринларда ТХКМ деб аталади) рўйхатга олиш, рўйхатдан чиқариш ва уларнинг Давлат реестрини юритиш тартибини ҳамда ушбу марказларга қўйиладиган алоҳида талабларни белгилайди.

2. ТХКМларнинг Давлат реестрига киритиш Ўзбекистон Республикаси Солиқ қўмитаси (кейинги ўринларда ваколатли орган деб аталади) томонидан амалга оширилади ва унинг расмий сайтида эълон қилиб борилади.

3. Давлат реестрига киритилган ТХКМ республиканинг исталган ҳудудида малакали мутахассислар, етарли шарт-шароитлар ва асбоб-ускуналарга эга бўлган филиалларини очиши ёки шериклик асосида ишлаши мумкин.

Бунда, ТХКМга қарашли ҳар бир филиал алоҳида рўйхатга киритилади.

Шунингдек, онлайн-НКМ ва (ёки) виртуал кассага хизмат кўрсатишга талаб бўлган ҳудудларда ҳамда онлайн-НКМ ёки виртуал кассалар сони ўттизтадан кўп бўлган туманларда ТХКМ, унинг филиали ёки шериклик асосида ҳамкорлари ушбу ҳудудда онлайн-НКМ ва виртуал кассаларга техник хизмат кўрсатиш шаҳобчаларини очишлари шарт.

ТХКМларнинг ҳудудий филиаллари ёки шериклик асосидаги ҳамкорларини (кейинги ўринларда ҳудудий филиал деб аталади) рўйхатга киритиш фискал маълумотлар оператори (кейинги ўринларда оператор деб аталади) томонидан амалга оширилади.

4. ТХКМларни Давлат реестрига киритиш ва уларнинг ҳудудий филиалларини рўйхатга киритиш учун тўлов ундирилмайди.

5. Белгиланган тартибда Давлат реестрига киритилмаган ҳолда онлайн-НКМ ва (ёки) виртуал касса дастурий маҳсулотларига техник хизмат кўрсатиш фаолияти билан шуғулланган юридик шахсларга нисбатан амалдаги қонун ҳужжатларида белгиланган тартибда жазо чоралари қўлланилади.

6. ТХКМ:

тадбиркорлик субъектларида ўрнатилган онлайн-НКМ қурилмалари ва виртуал кассаларни мажбурий тартибда бир йилда бир марта техник ва дастурий кўрикдан ўтказиш ва ўрганиш натижаларини уч иш кунида махсус ахборот тизимида қайд этади, шунингдек, солиқ тўловчининг шахсий кабинетига хабарнома юборишга;

матрицали штрихли кодни (QR-код) сканерлаш ёки чекларнинг фискал белгисини киритиш орқали солиқ органларининг махсус мобил иловасида рўйхатдан ўтказилиши мумкин бўлган онлайн-НКМ ва виртуал касса чекларининг сифатли чоп этилишини;

солиқ органларига тегишли сўровлар юбориш йўли билан кунига камида бир марта маҳсулот (товарлар ва хизматлар)нинг электрон миллий каталоги товарларнинг (хизматларнинг) идентификация кодлари реестрини уларнинг маълумотлар базаларида янгилаб боришини таъминлашга мажбур.

2-боб. ТХКМга қўйиладиган талаблар

7. ТХКМ ўз фаолиятини амалга ошириш учун у томонидан хизмат кўрсатиладиган ҳамда ваколатли органда рўйхатга олинган онлайн-НКМлар ва виртуал кассаларнинг жами сони:

мингтагача бўлганда Ўзбекистон Республикасида белгиланган базавий ҳисоблаш миқдорининг юз баравари миқдорида;

мингтадан беш мингтагача бўлганда Ўзбекистон Республикасида белгиланган базавий ҳисоблаш миқдорининг икки юз баравари миқдорида;

беш мингтадан ўн мингтагача бўлганда Ўзбекистон Республикасида белгиланган базавий ҳисоблаш миқдорининг беш юз баравари миқдорида;

ўн мингтадан кўп бўлганда Ўзбекистон Республикасида белгиланган базавий ҳисоблаш миқдорининг бир минг баравари миқдорида маблағларни ваколатли органнинг махсус ҳисоб рақамига захирага қўйиши лозим.

Захира суммаси банк ёки суғурта ташкилотлари кафолат хати асосида олти ой ичида шакллантирилиши мумкин.

Захира суммаси банк кафолат хати асосида тадбиркорлик субъектининг ўз эҳтиёжида ҳам қолдирилиши мумкин.

Банклар ва уларнинг мижозлари ўртасидаги муносабатлар қонунчиликда белгиланган тартибда шартномалар асосида амалга оширилади.

8. Махсус ҳисоб рақамига захирага қўйилган ҳамда банк кафолат хати асосида тадбиркорлик субъектининг ўз эҳтиёжида қолдирилган маблағлар ТХКМ, унинг ҳудудий филиаллари ёки шериклик асосида ҳамкорлари томонидан ўзи хизмат кўрсатаётган онлайн-НКМ ва (ёки) виртуал касса дастурий маҳсулотининг функционал хусусиятларига ишлаб чиқарувчи ёки унинг ваколатли вакилининг рухсатисиз ўзгартириш киритиш ёки бошқача тарзда онлайн-НКМ ёки виртуал кассани қўллаш тартиби бузилиши натижасида операторга, тадбиркорлик субъектига ёки солиқлар нотўғри ҳисобланиши натижасида давлат бюджетига етказилган зарарларни қоплаш учун ишлатилади.

Етказилган зарарлар экспертиза хулосаси асосида аниқланади.

Етказилган зарарлар белгиланган тартибда суд орқали ундирилади.

Захира суммаси банк кафолат хати асосида тадбиркорлик субъектининг ўз эҳтиёжида қолдирилган тақдирда, ТХКМ томонидан етказилган зарар суммаси кафолат берган банкдан ундирилади.

9. ТХКМ томонидан захирага қўйилган маблағлар суммаси 7-бандда кўрсатилган миқдордан камайган тақдирда унинг етмаётган қисмини, ваколатли органнинг хабарномаси олинган кундан эътиборан ўн иш кунида ваколатли органнинг махсус ҳисоб рақамига тушиши таъминланиши зарур.

Шунингдек, тадбиркорлик субъекти банк кафолат хатини муддатидан ўн кун олдин янгилаши ёки махсус ҳисоб рақамига белгиланган миқдорда пул маблағларини шакллантириши лозим.

ТХКМ Давлат реестридан чиқарилган, тадбиркорлик субъекти тугатилган ёки белгиланган захира суммаси учун банк томонидан кафолат хати тақдим қилинган тақдирда ( 8-бандга мувофиқ қарздорлиги мавжуд бўлмаганда), захирага қўйилган пул маблағлари ТХКМнинг ҳисоб рақамига қайтарилади.

Бунда ТХКМ томонидан захира пулининг қайтарилиши бўйича ваколатли органга ариза тақдим қилади.

Аризага қуйидаги ҳужжатлар илова қилинади:

Давлат реестридан чиқарилганлиги, тадбиркорлик субъекти тугатилганлиги тўғрисидаги ҳужжат ёки белгиланган захира суммаси учун банк томонидан берилган кафолат хати;

Оператор ва ТХКМ ўртасидаги шартномага мувофиқ юклатилган вазифалар тўлиқ бажарилганлиги тўғрисидаги операторнинг хулосаси.

Ваколатли орган олинган маълумотларни беш иш кун ичида ўрганиб чиқиб, ариза ва илова қилинган ҳужжатлар тўлиқ ва ишончли бўлган тақдирда, ТХКМнинг захирадаги пул маблағларини унинг ҳисоб рақамига қайтаради.

Ариза ёки илова қилинган ҳужжатлар тўлиқ бўлмаган тақдирда, асослантирилган камчиликлар ариза берувчига тақдим қилинади.

Ариза берувчи камчиликларни бартараф қилган ҳолда такроран мурожаат қилиши мумкин.

10. ТХКМ тадбиркорлик субъектлари билан ўзаро муносабатларни қонун ҳужжатларида белгиланган тартибда шартнома асосида амалга оширади.

11. ТХКМ оператор билан ўзаро муносабатларини қонун ҳужжатларида белгиланган тартибда шартнома асосида амалга оширади.

12. ТХКМ давлат солиқ хизмати органлари биноларида жойлаштирилишига йўл қўйилмайди. Солиқ қўмитаси ҳузуридаги «Солиқ сервис» давлат унитар корхонаси бундан мустасно.

13. ТХКМ онлайн-НКМ ва (ёки) виртуал кассани рўйхатга олиш ва давлат реестрига киритишдан олдин унинг техник ҳолатини кўрикдан ўтказиши ва зарур дастурий маҳсулот билан таъминланганлигини текшириши лозим.

14. ТХКМ ўзига тегишли расмий сайтга ва махсус ахборот тизимига боғланган дастурий маҳсулотга эга бўлиши лозим.

Расмий сайтда қуйидагилар кўрсатилади:

ваколатли орган томонидан техник хизмат кўрсатиш ҳуқуқи берилган онлайн-НКМ ва виртуал касса турлари тўғрисидаги маълумотлар;

онлайн-НКМ, виртуал касса моделлари (версиялари) бўйича сотув нархлари;

онлайн-НКМ ва виртуал кассадан фойдаланиш бўйича йўриқнома, қўлланмалар, фото ва видео материаллар;

хизмат кўрсатиш турлари;

хизмат кўрсатиш нархлари (прайс-листлар);

онлайн ёрдамчи хизмати;

ТХКМнинг филиаллари тўғрисидаги батафсил маълумотлар (манзили, жойлашган жойи, кўрсатиладиган хизмат турлари ва бошқалар);

телефон орқали тезкор боғланиш (саll-марказ) рақамлари.

15. ТХКМ ва унинг ҳудудий филиаллари онлайн-НКМ ва (ёки) виртуал кассаларни таъмирлаш ва уларга техник хизмат кўрсатиш учун қуйидагиларга эга бўлиши лозим:

тезкор хизмат кўрсатиш учун керакли моддий-техник база ва асбоб-ускуналарга;

Онлайн-НКМ моделларини, виртуал кассаларни таъмирлаш ёки алмаштириш учун кафолатли хизмат кўрсатиш бўйича шартнома тузилган онлайн-НКМ ва виртуал кассалар сонига нисбатан камида беш фоиз миқдордаги тайёр онлайн-НКМ ва виртуал кассанинг қурилмаларига.

16. ТХКМ томонидан ўзи хизмат кўрсатаётган онлайн-НКМ ва (ёки) виртуал касса дастурий маҳсулотининг функционал хусусиятларига ишлаб чиқарувчи ёки унинг ваколатли вакилининг рухсатисиз ўзгартириш киритилиши тақиқланади.

16 1 . ТХКМ ёки тадбиркорлик субъектлари томонидан солиқ органларининг ахборот тизимлари билан интеграция қилинмаган автоматлаштирилган ҳисобга олиш ўлчов воситалари (ахборот тизимлари, дастурий маҳсулотлари) ёки буюртмалар ҳисобини юритиш дастурий маҳсулотларидан фойдаланишга имконият яратиш тақиқланади.

17. ТХКМ томонидан ўз мижозларига, онлайн-НКМ ва виртуал кассадан тўғри фойдаланиш бўйича тегишли кўрсатма ва маслаҳатлар бериб борилади.

18 1. ТХКМ бир ой мобайнида ишлатилмаган фискал модуллар сонининг ишлатилаётган фискал модуллар сонига нисбатан ўттиз фоиз миқдоридан кўп бўлган қисмини операторга қайтаради.

Бунда ТХКМлар томонидан мустақил равишда харид қилинган фискал модуллар бундан мустасно. Шунингдек, операторнинг махсус ахборот тизимида ТХКМларга тақдим қилинган ва улар томонидан фойдаланувчиларга берилган (ишлатилаётган) фискал модуллар ҳисоби онлайн тарзда юритилади.

3-боб. ТХКМни Давлат реестрига киритиш

19. ТХКМ фаолияти билан шуғулланиш истагини билдирган юридик шахслар Давлат реестрига киритилиши учун ваколатли органга иловага мувофиқ белгиланган шаклда ариза билан мурожаат қилади.

Аризага қуйидаги ҳужжатлар илова қилинади:

Ўзбекистон Республикасида белгиланган базавий ҳисоблаш миқдорининг юз баравари миқдоридаги маблағ ваколатли органнинг махсус ҳисоб рақамида захира қилинганлиги ҳақидаги маълумот ёки захира суммаси олти ой ичида шакллантирилиши тўғрисида банк ёки суғурта ташкилотларининг кафолат хати ёхуд етказилган зарарларни қоплаш учун банк томонидан берилган кафолат хати (виртуал кассага техник хизмат кўрсатиш маркази бундан мустасно);

онлайн-НКМ ва (ёки) виртуал кассани ишлаб чиқарувчи ёҳуд унинг ваколатли вакили билан тузилган шартнома нусхаси;

фаолият юритиш жойи бўйича кўчмас мулкка ёки ундан фойдаланишга бўлган ҳуқуқини тасдиқловчи ҳужжат(лар);

«call-марказ»га эга эканлиги тўғрисидаги маълумот;

онлайн-НКМ қурилмаси ва (ёки) виртуал касса дастурий маҳсулотига кафолатли хизмат кўрсатиш бўйича ишлаб чиқарувчи ёки унинг ваколатли вакили томонидан берилган малака сертификатига эга бўлган мутахассис(лар) тўғрисидаги маълумотлар.

20. ТХКМ фаолияти билан шуғулланиш истагини билдирган юридик шахслар тақдим этган маълумотларда номутаносибликлар аниқланганда давлат солиқ хизмати органлари жойига чиққан ҳолда ҳужжатларнинг ишончлилиги ва қонунчиликка мувофиқлиги юзасидан бир иш кунида ўрганиб чиқишга ҳақли.

21. Кўриб чиқиш натижалари бўйича ваколатли орган ТХКМни Давлат реестрига киритиш ёки Давлат реестрига киритишни рад этиш тўғрисида қарор қабул қилади.

22. Ваколатли орган қуйидаги холларда ТХКМни Давлат реестрига киритишни рад этади:

ҳужжатлар тўлиқ тақдим этилмаганда ёки улар белгиланган тартибда расмийлаштирилмаганда;

тақдим этилган ҳужжатларда номутаносибликлар аниқланиб, улар тасдиқланганда.

23. Ваколатли орган томонидан ариза берувчига ТХКМни Давлат реестрига киритиш тўғрисидаги қарор нусхаси ёки уни рад этиш сабаби кўрсатилган жавоб хати ҳужжатлар тақдим этилган кундан бошлаб ўн беш иш кунида электрон ёки ёзма тарзда тақдим этилади.

24. Давлат реестрига киритиш рад этилганда, ариза берувчи камчиликларни бартараф этиб, ваколатли органга такроран мурожаат қилиши мумкин.

4-боб. ТХКМни Давлат реестридан чиқариш

25. ТХКМ қуйидаги ҳолларда Давлат реестридан чиқарилади:

тугатилганда, банкрот деб эътироф этилганда;

унинг фаолиятига нисбатан қонун ҳужжатлари талаблари ўзгарганда;

у томонидан ўзи хизмат кўрсатаётган онлайн-НКМ ёки виртуал кассанинг функционал хусусиятларига ишлаб чиқарувчи ёки унинг ваколатли вакилини рухсатисиз ўзгартириш киритилганлиги аниқланганда;

ваколатли органга қилган мурожаатига мувофиқ;

ТХКМ ва (ёки) унинг филиали томонидан ушбу тартиб талабларининг икки ва ундан ортиқ маротаба бузилганлиги аниқланганда.

аҳолига матрицали штрихли код (QR-код) ёки фискал хусусиятни киритиш орқали чекларнинг фискал белгисини сканерлаш орқали солиқ органларининг махсус мобил иловасида рўйхатдан ўтказилмайдиган онлайн-НКМ ва виртуал касса чеклари берилганда;

маҳсулотлар (товарлар ва хизматлар) электрон миллий каталогининг товарлар (хизматлар) идентификация кодлари реестри уларнинг маълумотлар базаларида янгиланмаганлиги ёки хизмат кўрсатилаётган мижозлар томонидан касса чекларида нотўғри акс эттирилганлиги ҳолатлари аниқланганда.

Давлат реестрига киритилган онлайн-НКТларга бошқа турдаги (иккиламчи) Давлат реестрига киритилмаган ёки киритилган ахборот тизимлари (автоматлаштирилган ҳисобга олиш ўлчов воситалари, дастурий маҳсулотлари, буюртмалар ҳисобини юритиш) QR-кодли чек чоп этиш мақсадида интеграция қилинганлиги аниқланганда;

Давлат реестрига киритилган онлайн-НКТлардан QR-кодсиз чек чоп этиш имконияти яратилганлиги аниқланганда.

26. ТХКМни Давлат реестридан чиқариш ваколатли органнинг қарори асосида амалга оширилади.

27. ТХКМни Давлат реестридан чиқариш тўғрисидаги қарор қабул қилинган кундан бошлаб уч кун муддатда ваколатли орган томонидан ТХКМга бу ҳақда хабарнома юборилади.

Шунингдек, уч кун муддатда Давлат реестридан чиқарилган ТХКМ, унинг филиали ёки шериклик асосидаги ҳамкор томонидан хизмат кўрсатилаётган тадбиркорлик субъектларининг шахсий кабинетига оператор томонидан бу ҳақда хабарнома юборилади.

28. Давлат реестридан чиқарилган ТХКМ хабарномани олган куни бу ҳақда ўз сайтида эълон қилиши шарт.

29. ТХКМ Давлат реестридан чиқарилгандан кейин беш кун муддатда ўзида мавжуд барча фискал модулларни операторга қайтариши шарт.

5-боб. ТХКМнинг ҳудудий филиалини ёки шериклик асосидаги ҳамкорларини рўйхатга киритиш

30. ТХКМ ҳудудий филиални рўйхатга киритиш учун операторга ҳудудий филиални рўйхатга киритиш тўғрисидаги мурожаатнома ҳамда ҳудудий филиалда онлайн-НКМ қурилмаси ва (ёки) виртуал кассага кафолатли хизмат кўрсатиш бўйича малака сертификатига эга бўлган мутахассис(лар) борлиги тўғрисидаги маълумотларни электрон шаклда тақдим қилади.

31. Ҳудудий филиал рўйхатга киритилганда махсус ахборот тизимидан фойдаланиш учун рухсат берилади.

32. Оператор ҳужжатлар тўлиқ тақдим этилмаганда ёки ҳужжатларда нотўғри маълумотлар кўрсатилганда ҳудудий филиални рўйхатга киритишни рад этиши мумкин.

33. Оператор томонидан ариза берувчига ҳудудий филиални рўйхатга киритганлик ёки киритишни рад этганлик тўғрисидаги жавоб хати ҳужжатлар тақдим этилган кундан бошлаб етти иш кунида электрон тарзда тақдим этилади.

34. Ҳудудий филиални рўйхатга киритиш рад этилган тақдирда, камчиликларни бартараф этган ҳолда операторга такроран мурожаат қилиниши мумкин.

6-боб. ТХКМнинг ҳудудий филиалини рўйхатдан чиқариш

35. ТХКМнинг ҳудудий филиали қуйидаги ҳолларда рўйхатдан чиқарилади:

ТХКМнинг аризасига асосан;

ТХКМ ваколатли орган томонидан давлат реестридан чиқарилган тақдирда.

36. ТХКМнинг ҳудудий филиали рўйхатдан чиқарилган кундан бошлаб уч кун муддатда оператор томонидан ТХКМга ва унинг ҳудудий филиалига бу ҳақда электрон тарзда хабарнома юборилади.

37. ТХКМнинг ҳудудий филиали рўйхатдан чиқарилганда, махсус ахборот тизимидан фойдаланиш ҳуқуқи ҳам бекор қилинади.

38. ТХКМнинг ҳудудий филиали рўйхатдан чиқарилган кундан бошлаб уч кун муддатда ҳудудий филиал хизмат кўрсатаётган тадбиркорлик субъектларининг шахсий кабинетига оператор томонидан бу ҳақда хабарнома юборилади.

39. Фискал модуллар йўқотилганлигини қайд этиш ТХКМ томонидан расмийлаштирилади.

6 1 -боб. ТХКМ ва унинг ҳудудий филиали фаолиятини тўхтатиб туриш

39 1 . ТХКМ ва (ёки) унинг филиали томонидан ушбу тартиб талабларининг бузилганлиги аниқланган тақдирда, ваколатли орган томонидан ушбу ҳолатларни ўн кун ичида бартараф этиш ҳақида ТХКМга огоҳлантириш хати юборилади.

39 2 . Ушбу тартиб талабларининг бузилиши бўйича аниқланган ҳолатлар ТХКМ ва (ёки) унинг филиали томонидан ваколатли органнинг огоҳлантириш хати юборилган санадан бошлаб ўн кун ичида бартараф этилмаганда уларнинг фаолияти ваколатли орган қарори асосида тўхтатиб турилади.

39 3 . Ушбу тартиб талабларининг бузилиши бўйича аниқланган ҳолатлар ТХКМ ва (ёки) унинг филиали томонидан бартараф этилган ҳамда етказилган зарар тўлиқ қопланганидан сўнг уларнинг фаолияти ваколатли орган қарори асосида қайта тикланади.

7-боб. Якунловчи қоидалар

41. Ваколатли орган ТХКМ томонидан ушбу тартиб талабларига риоя қилиниши юзасидан назорат ўрнатади.

43. Ушбу тартиб талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.

Онлайн-НКМ ва (ёки) виртуал кассаларга техник хизмат кўрсатиш марказларининг давлат реестрини юритиш ҳамда уларга қўйиладиган алоҳида талабларга ИЛОВА

‎ ‎ ‎ ‎ ‎ ‎ ‎ Солиқ қўмитаси ‎раиси ______________га ‎‎АРИЗА ‎ (Онлайн-НКМ ва (ёки) виртуал кассага техник хизмат кўрсатиш марказини Давлат реестрига киритиш тўғрисида) ‎‎Сиздан, ____________________________________________________________________________________ ‎ ‎ ‎ ‎ (ТХКМ жойлашган манзил)‎‎ ‎ ‎ ‎ ‎‎манзилида жойлашган _________________________________________________________________________ ‎ ‎ ‎ ‎ ‎‎(тадбиркорлик субъектининг номи) ‎ ‎ ‎ ‎‎(СТИР:____________) онлайн-НКМ, виртуал касса тизимига техник хизмат кўрсатиш марказини иловада келтирилган ҳужжатлар асосида Давлат реестрига киритишингизни сўрайман. ‎‎Қуйидаги ҳужжатлар илова қилинади: ‎ ‎ ‎ ‎ ‎‎1. Ўзбекистон Республикасида белгиланган базавий ҳисоблаш миқдорининг юз баравари миқдоридаги маблағ ваколатли органнинг махсус ҳисоб рақамида захира қилинганлиги ҳақидаги маълумот ёки захира суммаси олти ой ичида шакллантирилиши тўғрисида банк ёки суғурта ташкилотларининг кафолат хати ёхуд етказилган зарарларни қоплаш учун банк томонидан берилган кафолат хати (виртуал кассага техник хизмат кўрсатиш маркази бундан мустасно); ‎‎2. Онлайн-НКМ қурилмаси ва (ёки) виртуал касса дастурий маҳсулотининг ишлаб чиқарувчиси ёхуд унинг ваколатли вакили билан тузилган шартнома нусхаси; ‎‎3. ТХКМнинг фаолият юритиш жойи бўйича кўчмас мулкка ёки ундан фойдаланишга бўлган ҳуқуқни тасдиқловчи ҳужжат(лар); ‎‎4. «call-марказ»га эга эканлиги тўғрисидаги маълумот; ‎‎5. ТХКМда онлайн-НКМ қурилмаси ва (ёки) виртуал касса дастурий маҳсулотига кафолатли хизмат кўрсатиш бўйича малака сертификатига эга бўлган мутахассис(лар) мавжудлиги тўғрисидаги маълумотлар; ‎‎Илова: ___ варақда. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎____________________________________________ ‎ ‎‎__________ ‎ ‎‎ __________ ‎ ‎‎(Тадбиркорлик субъекти раҳбарининг Ф.И.О.) ‎ ‎‎(имзо) ‎‎(сана) ‎

Вазирлар Маҳкамасининг 2019 йил 23 ноябрдаги 943-сон қарорига 4-ИЛОВА

Ўзбекистон Республикаси ҳудудида қўлланилиши рухсат этилган онлайн назорат-касса машиналари ва виртуал кассаларнинг давлат реестрини юритиш тартиби тўғрисида

1-боб. Умумий қоидалар

1. Мазкур низом Ўзбекистон Республикаси ҳудудида қўлланиши рухсат этилган онлайн назорат-касса машиналари ва виртуал кассаларнинг Давлат реестрини (кейинги ўринларда Давлат реестри деб аталади) юритиш тартибини белгилайди.

2. Давлат реестри Ўзбекистон техник жиҳатдан тартибга солиш агентлиги ва «Ўзэлтехсаноат» уюшмаси билан келишган ҳолда Ўзбекистон Республикаси Солиқ қўмитаси (кейинги ўринларда ваколатли орган деб аталади) томонидан шакллантирилади ва ушбу Низомга 1-иловага мувофиқ шакл бўйича юритилади.

3. Давлат реестри Ўзбекистон Республикаси ҳудудида қўлланиши рухсат этилган онлайн назорат-касса машиналари (кейинги ўринларда онлайн-НКМ деб аталади) ва виртуал касса дастурий маҳсулотлари (жумладан, уларнинг моделлари ва версиялари) тўғрисидаги тўлиқ маълумотлардан иборат бўлади.

4. Давлат реестри қуйидаги маълумотлар асосида онлайн-НКМ ва виртуал касса дастурий маҳсулоти бўйича шакллантирилади:

ишлаб чиқарувчи ва (ёки) унинг ваколатли вакили тўғрисидаги маълумотлар (ташкилотнинг номи, СТИР, юридик манзили, телефон рақами ва шу кабилар);

онлайн-НКМ модели унинг версияси, виртуал касса дастурий маҳсулоти версияси;

фискал маълумотларни ваколатли орган базасига узатиш имконияти яратилганлиги бўйича операторнинг ижобий хулосаси;

Ушбу қарорга «Ўзбекистон Республикаси ҳудудида қўлланилиши рухсат этилган онлайн назорат-касса машиналари, виртуал касса ва фискал модулга қўйиладиган техник талаблар» тўғрисидаги 2-иловага асосан тасдиқланган техник талабларга мувофиқлиги.

5. Ваколатли органнинг қарорига кўра Давлат реестрига онлайн-НКМ ва (ёки) виртуал касса тўғрисидаги бошқа маълумотлар ҳам киритилиши мумкин.

2-боб. Онлайн-НКМ ёки виртуал кассани Давлат реестрига киритиш тартиби

6. Ваколатли орган томонидан онлайн-НКМ ёки виртуал кассани Давлат реестрига киритиш тўғрисидаги қарорни қабул қилишда қуйидагилар ҳисобга олинади:

тақдим этилган онлайн-НКМ ёки виртуал кассанинг техник ҳужжатларга мувофиқлиги;

онлайн-НКМ ёки виртуал кассанинг техник ва функционал тавсифларини операторнинг хулосасидаги тавсиялари;

онлайн-НКМ ёки виртуал кассани давлат тилидаги ва бошқа тиллардаги фойдаланувчи йўриқномасининг мавжудлиги;

онлайн-НКМ ёки виртуал касса функционал тавсифларининг ягона техник талабларга мувофиқлиги;

онлайн-НКМ ёки виртуал кассанинг аниқ типига Ўзбекистон Республикаси ҳудудида техник хизмат кўрсатиш имкониятлари мавжудлиги.

7. Онлайн-НКМ ва (ёки) виртуал кассани ишлаб чиқарувчи юридик шахслар (агар чет эл корхонаси бўлса унинг ваколатли вакили) онлайн-НКМ ёки виртуал кассани Давлат реестрига киритиш ташаббускори бўлиши мумкин.

8. Ваколатли органда рўйхатга олинган онлайн-НКМ сони:

мингтагача бўлганда Ўзбекистон Республикасида белгиланган базавий ҳисоблаш миқдорининг юз баравари миқдорида;

мингтадан беш мингтагача бўлганда Ўзбекистон Республикасида белгиланган базавий ҳисоблаш миқдорининг беш юз баравари миқдорида;

беш мингтадан кўп бўлганда Ўзбекистон Республикасида белгиланган базавий ҳисоблаш миқдорининг бир минг баравари миқдорида маблағларни ваколатли органнинг махсус ҳисоб рақамига захирага қўйиши лозим.

Захира суммаси банк ёки суғурта ташкилотлари кафолат хати асосида олти ой ичида шакллантирилиши мумкин.

Захира суммаси банк кафолат хати асосида тадбиркорлик субъектининг ўз эҳтиёжида ҳам қолдирилиши мумкин.

Банклар ва уларнинг мижозлари ўртасидаги муносабатлар қонунчиликда белгиланган тартибда шартномалар асосида амалга оширилади.

9. Махсус ҳисоб рақамига захирага қўйилган ҳамда банк кафолат хати асосида тадбиркорлик субъектининг ўз эҳтиёжида қолдирилган маблағлар солиқлар нотўғри ҳисобланиши натижасида давлат бюджетига, операторга ва тадбиркорлик субъектларига етказилган зарарларни қоплаш учун ишлатилади.

Етказилган зарарлар ҳамда тадбиркорлик субъектлари ва операторга юборилган чеклар ўртасидаги номутаносибликлар экспертиза хулосаси асосида аниқланади.

Етказилган зарарлар белгиланган тартибда суд орқали ундирилади.

Захира суммаси банк кафолат хати асосида тадбиркорлик субъектининг ўз эҳтиёжида қолдирилган тақдирда етказилган зарар суммаси кафолат берган банкдан ундирилади.

10. Онлайн-НКМ давлат реестрига киритган тижорат ташкилоти захирага қўйилган маблағлар суммаси ушбу низомнинг 8-бандида кўрсатилган миқдордан камайган тақдирда, унинг етмаётган қисми ваколатли органнинг хабарномасини олган кундан эътиборан ўн иш кунида ваколатли органнинг махсус ҳисобварағига тушишини таъминлайди.

Онлайн-НКМ Давлат реестридан чиқарилганда, Давлат реестрига киритиш учун ариза берган тадбиркорлик субъекти тугатилганда ёки белгиланган захира суммаси учун банк томонидан кафолат хати тақдим қилинган тақдирда ( 9-бандга мувофиқ қарздорлиги мавжуд бўлмаганда), захирага қўйилган пул маблағлари Давлат реестрига киритиш учун ариза берган тадбиркорлик субъектининг ҳисоб рақамига қайтарилади.

Бунда Давлат реестрига киритиш учун ариза берган тадбиркорлик субъекти захира пулининг қайтарилиши бўйича ваколатли органга ариза тақдим қилади.

Аризага қуйидаги ҳужжатлар илова қилинади:

Давлат реестридан чиқарилганлиги, Давлат реестрига киритиш учун ариза берган тадбиркорлик субъекти тугатилганлиги тўғрисидаги ҳужжат ёки белгиланган захира суммаси учун банк томонидан берилган кафолат хати;

ТХКМлар ва ишлаб чиқарувчи ёки унинг ваколатли вакили ўртасидаги шартномага мувофиқ юклатилган вазифалар тўлиқ бажарилганлиги тўғрисидаги ТХКМларнинг хулосалари.

Ваколатли орган олинган маълумотларни беш иш кун ичида ўрганиб чиқиб, ариза ва илова қилинган ҳужжатлар тўлиқ ва ишончли бўлган тақдирда, Давлат реестрига киритиш учун ариза берган тадбиркорлик субъектининг захирадаги пул маблағларини унинг ҳисоб рақамига қайтаради.

Ариза ёки илова қилинган ҳужжатлар тўлиқ бўлмаган тақдирда, асосланган камчиликларни ариза берувчига тақдим қилади.

Ариза берувчи камчиликларни бартараф қилган ҳолда такроран мурожаат қилиши мумкин.

11. Онлайн-НКМ ёки виртуал кассани Давлат реестрига киритиш учун юридик шахс 2-иловага мувофиқ ариза билан ваколатли органга мурожаат қилади.

Аризага қуйидагилар илова қилинади:

Ўзбекистон Республикасида белгиланган базавий ҳисоблаш миқдорининг икки юз баравари миқдоридаги маблағ ваколатли органнинг махсус ҳисоб рақамига захирага қўйилганлиги ҳақидаги маълумот ёки захира суммаси олти ой ичида шакллантирилиши мумкинлиги тўғрисида банк ёки суғурта ташкилотларининг кафолат хати ёхуд етказилган зарарларни қоплаш учун банк томонидан берилган кафолат хати (виртуал касса бундан мустасно);

онлайн-НКМ ёки виртуал касса дастурий маҳсулотининг техник ва функционал тавсифларига мувофиқлиги юзасидан операторнинг хулосаси;

шакллантирилган касса чеклари намуналари;

онлайн-НКМ ёки виртуал кассанинг эталон намунаси;

онлайн-НКМ ёки виртуал кассанинг техник ва функционал тавсифлари батафсил кўрсатилган техник паспорт (ёки унга тенглаштирилган ҳужжат) ҳамда кафолат мажбуриятлари;

фойдаланиш ҳужжатлари (фойдаланувчи учун қўлланма, ўрнатиш бўйича қўлланма ва солиқ инспектори йўриқномаси);

ариза берувчининг эҳтиёт қисмлар билан таъминлаш тўғрисидаги кафолат хати;

виртуал касса ёки онлайн-НКМ дастурий маҳсулотининг муаллифлик ҳуқуқини тасдиқловчи ҳужжат (патент). Бунда ҳужжат бошқа давлатдан олинган бўлса унинг манбаси кўрсатилади;

виртуал касса ёки онлайн-НКМ дастурий маҳсулотига «Киберхавфсизлик маркази» ДУК томонидан берилган экспертиза хулосаси.

онлайн-НКМга сертификатлаштириш органи томонидан берилган мувофиқлик сертификати.

Бунда «Киберхавфсизлик маркази» давлат унитар корхонаси томонидан экспертиза хулосаси ариза келиб тушган кундан бошлаб 15 иш кунидан кечиктирмасдан тақдим этилади.

12. Оператор онлайн-НКМ ёки виртуал кассани оператор билан тўғри интеграция қилингани ёки тўлиқ интеграция қилинмагани тўғрисидаги хулосани ўн иш кунида ариза берувчига тақдим этади.

12 1 . Онлайн-НКМ ёки виртуал кассани Давлат реестрига киритиш тўғрисидаги ариза ва унга тегишли ҳужжатлар ваколатли орган томонидан Ўзбекистон техник жиҳатдан тартибга солиш агентлиги ва «Ўзэлтехсаноат» уюшмасига юборилган санадан эътиборан беш иш кунида ушбу ташкилотлар Давлат реестрига киритиш ёки киритишни рад этиш ҳақидаги хулосани ваколатли органга тақдим этади.

13. Ваколатли орган онлайн-НКМ ёки виртуал кассани Давлат реестрига киритиш тўғрисидаги ҳужжатларнинг ишончлилиги ва уларнинг қонунчиликка мувофиқлиги юзасидан текширишга ҳақли.

14. Ваколатли орган онлайн-НКМ ёки виртуал кассани Давлат реестрига киритиш ёҳуд Давлат реестрига киритишни рад этиш тўғрисида қарор қабул қилади.

15. Ваколатли орган қуйидаги холларда онлайн-НКМ ёки виртуал кассани Давлат реестрига киритишни рад этади:

ҳужжатлар тўлиқ тақдим этилмаганда ёки белгиланган тартибда расмийлаштирилмаганда;

тақдим этилган ҳужжатларда номутаносибликлар аниқланиб, улар тасдиқланганда.

16. Ваколатли орган томонидан ариза берувчига онлайн-НКМ ёки виртуал кассани Давлат реестрига киритиш тўғрисидаги қарор нусхаси ёки Давлат реестрига киритишни рад этиш сабаби кўрсатилган жавоб хати ариза тақдим этилган кундан бошлаб йигирма иш кунида электрон ёки ёзма тарзда тақдим этилади.

17. Онлайн-НКМ ёки виртуал кассани Давлат реестрига киритиш рад этилган тақдирда, ариза берувчи камчиликларни бартараф этган ҳолда ваколатли органга такроран мурожаат қилиши мумкин.

3-боб. Онлайн-НКМ ва виртуал кассани Давлат реестридан чиқариш тартиби

18. Онлайн-НКМ ёки виртуал кассани Давлат реестридан чиқариш ваколатли органнинг қарори асосида амалга оширилади.

19. Онлайн-НКМ ёки виртуал касса қуйидаги ҳолларда Давлат реестридан чиқарилади:

онлайн-НКМ ёки виртуал кассага нисбатан қонун ҳужжатлари талаблари ўзгарганда;

онлайн НКМ ва виртуал кассаларнинг техник имкониятлари уларга қўйиладиган техник талабларга мувофиқ бўлмаганда;

онлайн-НКМ ёки виртуал кассани ишлаб чиқариш тўхтатилганда ва (ёки) ички бозорда бир йил мобайнида эҳтиёт қисмлар мавжуд бўлмаганда;

онлайн-НКМ ёки виртуал кассадан фойдаланиш жараёнида фискал маълумотларни ҳосил қилишда, қоғозга чоп этишда ёки фискал маълумотларни операторга реал вақт режимида узатишда қасддан қилинган ноқонуний ҳаракатлар ваколатли орган томонидан аниқланганда;

онлайн-НКМ ёки виртуал кассани Давлат реестрига киритган ариза берувчининг ваколатли органга мурожаатига мувофиқ;

онлайн-НКМ ёки виртуал касса ёхуд Маркетплейс техник талабларга мувофиқ бўлмаган ҳолатда қўлланилганда ва ушбу ҳолатлар ваколатли орган томонидан огоҳлантирилгандан кейин ҳам бартараф этилмаганда.

20. Онлайн-НКМ ёки виртуал кассани Давлат реестридан чиқаришда қуйидаги ҳолатлар ҳисобга олинади:

онлайн-НКМ ёки виртуал кассанинг ваколатли органда рўйхатдан ўтказилган, тадбиркорлик субъектлари томонидан фойдаланилаётган қурилмалари ёки дастурий маҳсулотлари сони;

онлайн-НКМ ёки виртуал кассани алмаштириш учун зарур бўлган муддат.

20 1 . Мазкур Низомнинг 19-банди иккинчи — тўртинчи ва олтинчи хатбошиларида белгиланган асослардан бири ёки бир нечтаси мавжуд бўлганда, онлайн-НКМ ёки виртуал касса ёхуд Маркетплейс ишлаб чиқарувчи юридик шахсга (агар чет эл корхонаси бўлса унинг ваколатли вакилига) ваколатли орган томонидан ушбу ҳолатларни ўн кун ичида бартараф этиш ҳақида огоҳлантириш хати юборилади.

20 2 . Ваколатли органнинг огоҳлантириш хати юборилган санадан бошлаб ўн кун ичида унда кўрсатилган ҳолатлар бартараф этилмаганда, онлайн-НКМ ёки виртуал касса ёхуд Маркетплейсни Давлат реестридан чиқариш тўғрисида ваколатли органнинг қарори қабул қилинади.

21. Онлайн-НКМ ёки виртуал кассани Давлат реестридан чиқариш тўғрисидаги қарор қабул қилинган кундан бошлаб уч кун муддатда ваколатли орган томонидан бу ҳақда онлайн-НКМ ёки виртуал кассани Давлат реестрига киритган ариза берувчига хабарнома юборилади.

Шунингдек, уч кун муддатда Давлат реестридан чиқарилган онлайн-НКМ ёки виртуал кассадан фойдаланаётган тадбиркорлик субъектларининг шахсий кабинетига оператор томонидан бу ҳақда хабарнома юборилади.

22. Онлайн-НКМ ёки виртуал касса Давлат реестридан чиқарилган кундан бошлаб ўн беш кун муддатда тадбиркорлик субъектлари онлайн-НКМ ёки виртуал кассани алмаштиришлари лозим.

Ушбу бандда кўрсатилган муддатдан кейин Давлат реестридан чиқарилган онлайн-НКМ ёки виртуал кассадан фойдаланаётган тадбиркорлик субъектларига нисбатан қонун ҳужжатларига мувофиқ жавобгарлик чоралари қўлланилади.

4-боб. Якунловчи қоида

23. Ушбу Низом талаблари бузилишига айбдор бўлган шахслар қонун ҳужжатларида белгиланган тартибда жавоб берадилар.

Ўзбекистон Республикаси ҳудудида қўлланиши рухсат этилган онлайн назорат-касса машиналари ва виртуал кассаларнинг Давлат реестрини юритиш тартиби тўғрисидаги низомга 1-ИЛОВА

Ўзбекистон Республикаси ҳудудида қўлланиши рухсат этилган онлайн-НКМ ва виртуал кассаларнинг ДАВЛАТ РЕЕСТРИ Т/р Онлайн-НКМ ёки виртуал кассанинг номи Онлайн-НКМни ишлаб чиқарувчи ёки виртуал кассани яратувчи Онлайн-НКМнинг серия рақамлари ёки виртуал касса дастурий маҳсулотининг хеш суммаси Онлайн-НКМ ва виртуал кассанинг мувофиқлик сертификати нусхаси, виртуал касса дастурий маҳсулотни рўйхатга олиш гувоҳномаси (патент) Солиқ қўмитаси қарори Изоҳ Фискал маълумотлар операторининг ижобий хулосасидан кўчирма Онлайн-НКМни ёки виртуал кассани Давлат реестрига киритиш тўғрисидаги қарордан кўчирма Давлат реестридан чиқариш тўғрисидаги қарордан кўчирма 1. 2. 3. 4. 5.

Ўзбекистон Республикаси ҳудудида қўлланиши рухсат этилган онлайн назорат-касса машиналари ва виртуал кассаларнинг Давлат реестрини юритиш тартиби тўғрисидаги низомга 2-ИЛОВА

‎ ‎ ‎ ‎ ‎ ‎ ‎ Солиқ қўмитаси раиси ________________________га ‎‎АРИЗА ‎ (Онлайн-НКМ ва (ёки) виртуал кассаларнинг Давлат реестрига киритиш тўғрисида) ‎‎___________________________________________________________________________________________ ‎ ‎‎‎СТИР___________________________________________________________________ ‎ ‎ ‎ ‎ ‎‎(тадбиркорлик субъекти номи) ‎ ‎ ‎ ‎‎_____________________________________манзилида жойлашган _________________________________га ‎ ‎‎(юридик манзили) ‎ ‎ ‎ ‎‎(мулкчилик шакли) ‎‎______________________________________________________ русумли онлайн-НКМ ёки виртуал кассанинг ‎ ____________________ версиясини иловада келтирилган ҳужжатлар асосида Давлат реестрига киритишингизни сўрайман. ‎‎Қуйидаги ҳужжатлар илова қилинади: ‎ ‎ ‎ ‎ ‎‎‎1. Ўзбекистон Республикасида белгиланган базавий ҳисоблаш миқдорининг юз баравари миқдоридаги маблағ ваколатли органнинг махсус ҳисоб рақамига захирага қўйилганлиги ҳақидаги маълумот ёки захира суммаси олти ой ичида шакллантирилиши мумкинлиги тўғрисида банк ёки суғурта ташкилотларининг кафолат хати ёхуд етказилган зарарларни қоплаш учун банк томонидан берилган кафолат хати (виртуал касса бундан мустасно); ‎‎2. Онлайн-НКМ ёки виртуал касса дастурий маҳсулотининг техник ва функционал тавсифларига мувофиқлиги юзасидан операторнинг хулосаси; ‎‎3. Шакллантирилган касса чеклари намуналари; ‎‎4. Онлайн-НКМ ёки виртуал кассанинг эталон намунаси; ‎‎5. Онлайн-НКМ ёки виртуал кассанинг техник ва функционал тавсифлари батафсил кўрсатилган техник паспорт (ёки унга тенглаштирилган ҳужжат) ҳамда кафолат мажбуриятлари; 6. Фойдаланиш ҳужжатлари (фойдаланувчи учун қўлланма, ўрнатиш бўйича қўлланма ва солиқ инспектори йўриқномаси);‎‎ ‎‎7. Ариза берувчининг эҳтиёт қисмлар билан таъминлаш тўғрисидаги кафолат хати; ‎‎8. Виртуал касса ёки онлайн-НКМ дастурий маҳсулотининг муаллифлик ҳуқуқини тасдиқловчи ҳужжат (патент). Бунда ҳужжат бошқа давлатдан олинган бўлса унинг манбаси кўрсатилади; ‎‎9. Виртуал касса ёки онлайн-НКМ дастурий маҳсулотига «Киберхавфсизлик маркази» ДУК томонидан берилган экспертиза хулосаси; ‎‎10. Онлайн-НКМга сертификатлаштириш органи томонидан берилган мувофиқлик сертификати. Илова: __ варақда. ‎ ‎ ‎ ‎ ‎ ‎‎______________________________ ‎ ‎‎‎‎__________ ‎‎__________ ‎‎ ‎ (Юридик шахс мансабдор шахсининг Ф.И.О.) ‎‎‎ ‎ ‎‎(имзо) (сана)‎‎ ‎‎ ‎ ‎‎Телефон рақами:_____________ ‎ ‎‎Почта манзили:_____________.

Вазирлар Маҳкамасининг 2019 йил 23 ноябрдаги 943-сон қарорига 5-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Республикада савдо тушуми инкассация қилишини ва назорат-касса машиналаридан фойдаланишни тубдан яхшилаш чора-тадбирлари тўғрисида» 1997 йил 11 декабрдаги 548-сон қарорининг (Ўзбекистон Республикаси ҚТ, 1997 й., 11-12-сон, 39-модда) 1-банди қуйидаги таҳрирда баён қилинсин:

«1. Белгилансинки, нақд пул тушумига эга бўлган барча хўжалик юритувчи субъектлар нақд пул тушумини банкларга топширадилар. Бунда, базавий ҳисоблаш миқдорининг 20 бараваридан ортиқ миқдорда кунлик ўртача нақд пул тушумига эга бўлган хўжалик юритувчи субъектлар нақд пул тушумини банк кассаларига ҳар куни инкассация хизмати орқали ёки мустақил равишда топширадилар. Кўрсатилган ҳажмдан кам бўлган кунлик ўртача нақд пул тушумига эга бўлган ёки онлайн назорат-касса машиналаридан (ёхуд виртуал кассадан) фойдаланишга ўтган хўжалик юритувчи субъектлар нақд пул тушумини банк кассаларига инкассация хизматлари орқали ўзлари белгилайдиган даврларда ёки мустақил равишда топшириш ҳуқуқига эга.».

3. Вазирлар Маҳкамасининг «Нақд пул муомаласини мустаҳкамлаш ва тижорат банкларининг масъулиятини оширишга доир қўшимча чора-тадбирлар тўғрисида» 2001 йил 22 июндаги 264-сон қарори (Ўзбекистон Республикаси ҚТ, 2001 й., 6-сон, 31-модда) 3-бандининг иккинчи хатбоши қуйидаги таҳрирда баён қилинсин:

«белгиланган савдо қоидалари бузилган, назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассадан фойдаланилмаган, тўловларни пластик карточкалар бўйича қабул қилиш терминаллари билан жиҳозлаш ва тўловни пластик карточкалардан фойдаланган ҳолда қабул қилишга доир белгиланган талаблар бузилган, шунингдек, нақд пул маблағлари банк кассаларига қонунчиликда белгиланган тартибда топширилмаган ҳолларда шаҳарлар ва туманлар ҳокимликлари солиқ органларининг тақдимномасига кўра чакана савдо учун берилган рухсатномаларнинг амал қилишини ўн иш кунидан ортиқ бўлмаган муддатга тўхтатиб қўяди ёхуд ўн иш кунидан ортиқ муддатга тўхтатиб қўйиш ёки рухсатномаларни бекор қилиш тўғрисида судга мурожаат қилади».

4. Вазирлар Маҳкамасининг «Пул маблағларининг банкдан ташқари муомаласини янада қисқартириш чора-тадбирлари тўғрисида» 2002 йил 5 августдаги 280-сон қарорида («Ўзбекистон Республикаси ҚТ, 2002 й., 8-сон, 46-модда):

а) 2-банднинг биринчи хатбоши қуйидаги таҳрирда баён қилинсин:

«Давлат солиқ хизмати органларининг мансабдор шахсларига Ўзбекистон Республикаси Президенти ҳузуридаги Тадбиркорлик субъектларининг ҳуқуқлари қонуний манфаатларини ҳимоя қилиш бўйича вакил билан келишган ҳолда улгуржи ва чакана савдода, умумий овқатланиш ва пулли хизматлар кўрсатиш соҳасида савдо ва нақд тушумни топшириш қоидаларига риоя қилинишини режадан ташқари тезкор текширишларни амалга ошириш ҳуқуқи берилсин».

б) 8-банддаги «назорат-касса машиналари мавжудлигига ва нақд пул маблағлари инкассация қилинишига (банкларга топширилишига)» сўзлари «назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал касса мавжудлигига ва нақд пул маблағлари қонунчиликда белгиланган тартибда инкассация қилинишига (банкларга топширилишига)» сўзлари билан алмаштирилсин.

6. Вазирлар Маҳкамасининг 2002 йил 26 ноябрдаги 407-сон қарори билан тасдиқланган Улгуржи ва чакана савдо фаолиятини амалга ошириш тартиби тўғрисидаги низомнинг (Ўзбекистон Республикаси ҚТ, 2002 й., 11-сон, 71-модда) 19-банди бешинчи хатбоши қуйидаги таҳрирда баён қилинсин:

«Чакана савдо корхоналари (якка тартибдаги тадбиркорлар)га товарларни аҳолига ва хўжалик юритувчи субъектларга нақд пулда назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассадан фойдаланган ҳолда ва ҳисоб-китобларнинг нақд пулсиз шаклида, шу жумладан, пластик карточкалардан тўловларни қабул қилиш бўйича ҳисоб-китоб терминалларидан фойдаланган ҳолда сотишга рухсат берилади».

7. Вазирлар Маҳкамасининг «Ўзбекистон Республикасида чакана савдо қоидаларини ҳамда Ўзбекистон Республикасида умумий овқатланиш маҳсулотларини (хизматларини) ишлаб чиқариш ва сотиш қоидаларини тасдиқлаш тўғрисида» 2003 йил 13 февралдаги 75-сон қарорида (Ўзбекистон Республикаси ҚҲТ, 2003 й., 3-сон, 27-модда):

а) 1-иловада :

21-банднинг биринчи хатбоши қуйидаги таҳрирда баён этилсин:

«21. Товарлар учун харидорлар билан нақд пулли ҳисоб-китоблар назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалар қўлланилган ҳолда амалга оширилади, Ўзбекистон Республикаси қонун ҳужжатларида назарда тутилган ҳоллар бундан мустасно. Савдо объекти раҳбари сотувчи-ходимни назорат-касса машиналарида (виртуал кассада) ишлаш қоидалари билан таништириши шарт»;

57-банд ва 187 6 -бандининг биринчи хатбошидаги «фискал хотирага эга бўлган назорат-касса машиналаридан» сўзлари «фискал хотирага эга бўлган назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалардан» сўзлари билан алмаштирилсин;

58-банднинг бешинчи хатбоши ва 189-банднинг ўн иккинчи хатбошидаги «назорат-касса машиналарини» сўзлари «назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассаларни» сўзлари билан алмаштирилсин;

103-банднинг биринчи хатбоши ва 118-банднинг учинчи хатбошидаги «назорат-касса машиналари» сўзлари «назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалар» сўзлари билан алмаштирилсин;

б) 2-иловада :

13-банд қуйидаги таҳрирда баён қилинсин:

«13. Истеъмолчилар билан нақд пулли ҳисоб-китоблар назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассаларни қўллаган ҳолда амалга оширилади, Ўзбекистон Республикаси қонун ҳужжатларида назарда тутилган ҳоллар бундан мустасно. Умумий овқатланиш объекти раҳбари ходимни назорат-касса машиналарини (виртуал кассаларни) ишлатиш қоидалари билан таништириши шарт»;

14-банднинг учинчи хатбошидаги «назорат-касса машиналари» сўзлари «назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалар» сўзлари билан алмаштирилсин;

25-банднинг тўққизинчи хатбошидаги «назорат-касса машиналарини» сўзлари «назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассаларни» сўзлари билан алмаштирилсин.

9. Вазирлар Маҳкамасининг «Бозорлар ва савдо комплекслари фаолиятини тартибга солишга доир қўшимча чора-тадбирлар тўғрисида» 2012 йил 28 августдаги 253-сон қарорида (Ўзбекистон Республикаси ҚТ, 2012 й., 35-сон, 403-модда):

а) 1-иловада :

20-банд қуйидаги таҳрирда баён қилинсин:

«20. Бозор ҳудудида савдони амалга оширишда фискал хотирали назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналарини ёки виртуал кассаларни ва банк пластик карточкаларидан тўловларни қабул қилиш бўйича тўлов терминалларини қўллаш қонун ҳужжатлари билан тартибга солинади. Бир марталик йиғимлар, ижара тўловлари ва автоматлаштирилган ҳисобга олишнинг банк тизими орқали кўрсатиладиган хизматлар учун бериладиган чеклар назорат-касса машиналари ёки банк пластик карточкаларидан тўловларни қабул қилиб олиш бўйича тўлов терминалларининг чекларига тенглаштирилади.

Аҳоли билан пулли ҳисоб-китобларни амалга оширувчи хўжалик юритувчи субъектлар томонидан қўлланиладиган назорат-касса машиналари, виртуал кассалар ягона техник талабларга мувофиқ бўлиши керак ва белгиланган тартибда мажбурий сертификацияланиши зарур.

Сертификатга эга бўлмаган ёки белгиланган ягона техник талабларга жавоб бермайдиган назорат-касса машиналаридан ёки виртуал кассалардан фойдаланган ҳолда чек бериш айбдор шахсларни қонун ҳужжатларига мувофиқ жавобгарликка тортиш учун асос ҳисобланади»;

25-банднинг ўн иккинчи хатбоши , 41-банднинг учинчи хатбоши ва 42-банднинг биринчи хатбоши , 43-банд , 52-банднинг биринчи хатбошидаги «фискал хотирали назорат-касса машиналари» сўзлари «фискал хотирали назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалар» сўзлари билан алмаштирилсин;

26-банднинг олтинчи хатбошидаги «ҳар куни» сўзлари «белгиланган тартибда» сўзлари билан алмаштирилсин;

42-бандга қуйидаги мазмундаги бешинчи хатбоши қўшилсин:

«Онлайн назорат-касса машинаси ёки виртуал кассадан фойдаланишга ўтган бозорлар томонидан сотувчиларга тақдим қилинган чекда бозорнинг номи, бозорнинг солиқ тўловчи идентификация рақами (СТИР), чек берилган вақт ва сана, тўловнинг номи (бир марталик йиғим тўлови), тўлов суммаси, ўрин рақами, сотиладиган товарнинг номи, шунингдек, QR-код ва фискал белги мажбурий тартибда акс эттирилади. Ушбу маълумотлар акс эттирилмаган чеклар ҳақиқий ҳисобланмайди»;

48-банднинг учинчи ва тўртинчи хатбошилари , 68-банднинг олтинчи хатбошидаги «фискал хотирали назорат-касса машиналарини» сўзлари «фискал хотирали назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналарини ёки виртуал кассаларни» сўзлари билан алмаштирилсин;

б) 2-иловада :

17-банд қуйидаги таҳрирда баён қилинсин:

«17. Савдо комплекслари ҳудудидаги турғун савдо шаҳобчаларида савдони амалга оширишда фискал хотирали назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналарини ёки виртуал кассаларни ва тўловларни банк пластик карточкаларидан қабул қилиш бўйича тўлов терминалларини қўллаш тартиби мажбурий ҳисобланади.

Аҳоли билан пулли ҳисоб-китобларни амалга оширувчи хўжалик юритувчи субъектлар томонидан қўлланиладиган назорат-касса машиналари, виртуал кассалар ягона техник талабларга мувофиқ бўлиши ва белгиланган тартибда мажбурий сертификатланиши керак.

Сертификатга эга бўлмаган ёки белгиланган ягона техник талабларга жавоб бермайдиган назорат-касса машиналаридан ёки виртуал кассалардан фойдаланган ҳолда чек бериш айбдор шахсларни қонун ҳужжатларига мувофиқ жавобгарликка тортиш учун асос ҳисобланади»;

21-банднинг тўртинчи хатбоши қуйидаги таҳрирда баён қилинсин:

«нақд тушумни қонун ҳужжатларида белгиланган тартибда банкка инкассация қилиш (топшириш)»;

23-банднинг олтинчи хатбошидаги «фискал хотирали назорат-касса машиналарини» сўзлари «фискал хотирали назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналарини ёки виртуал кассаларни» сўзлари билан алмаштирилсин;

35-банднинг тўртинчи хатбоши , 36-банддаги «фискал хотирали назорат-касса машиналари» сўзлари «фискал хотирали назорат-касса машиналари, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалар» сўзлари билан алмаштирилсин;

43-банднинг биринчи хатбошидаги «фискал хотирали назорат-касса машиналаридан» сўзлари «фискал хотирали назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалардан» сўзлари билан алмаштирилсин.

10. Вазирлар Маҳкамасининг 2013 йил 31 июлдаги 213-сон қарори (Ўзбекистон Республикаси ҚТ, 2013 й., 7-сон, 48-модда) билан тасдиқланган Автомототранспорт воситаларини доимий ва вақтинча сақлаш жойларини ташкил этиш ва улардан фойдаланиш тартиби тўғрисидаги низомнинг 15-банди қуйидаги таҳрирда баён қилинсин:

«15. Автомототранспорт воситаларини сақлаш хизматлари кўрсатувчи юридик шахслар фискал хотирага эга бўлган назорат-касса машинасига, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассага ва пластик карточкалардан тўловларни қабул қилиш бўйича ҳисоб-китоб терминалига эга бўлишлари керак».

12. Вазирлар Маҳкамасининг 2016 йил 2 июндаги 185-сон қарори (Ўзбекистон Республикаси ҚТ, 2016 й., 23-сон, 266-модда) билан тасдиқланган Электрон тижоратни амалга ошириш қоидаларининг 48-банди биринчи ва иккинчи хатбошилари қуйидаги таҳрирда баён қилинсин:

«48. Электрон тижоратда тўловлар қуйидаги усулларда амалга оширилади:

нақд пул билан — назорат-касса машинасидан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассадан фойдаланиш орқали нақд пул маблағлари қабул қилингани тўғрисида назорат-касса машинаси ёки виртуал касса чеки ёхуд бошқа тасдиқловчи ҳужжатни мажбуран тақдим этиш, шунингдек, белгиланган тартибда инкассация қоидаларига риоя этган ҳолда, олинган пулларни хизмат кўрсатувчи банкка топширишни таъминлаш».

14. Вазирлар Маҳкамасининг 2019 йил 17 апрелдаги 320-сон қарори билан тасдиқланган Ўзбекистон Республикаси Давлат солиқ қўмитаси тўғрисидаги низомда :

а) 11-банд «д» кичик бандининг иккинчи хатбошидаги «назорат-касса машиналарини» сўзлари «назорат-касса машиналарини, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассаларни» сўзлари билан, тўртинчи хатбошидаги «назорат-касса машиналарининг» сўзлари «назорат-касса машиналарининг, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассаларнинг» сўзлари билан, «инкассация қилиниши» сўзлари «инкассация қилиниши (банкларга топширилиши)» сўзлари билан алмаштирилсин;

б) 14-бандда :

12-кичик банддаги «назорат-касса машиналаридан» сўзлари «назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалардан» сўзлари билан, «инкассация қилиш» сўзлари «инкассация қилиш (банкларга топшириш)» сўзлари билан алмаштирилсин;

13-кичик банд қуйидаги таҳрирда баён қилинсин:

«13) солиқ назоратини амалга оширишда қонун ҳужжатларида белгиланган тартибда фискал хотирали назорат-касса машинасида, онлайн назорат-касса машиналари ёки виртуал кассаларда сақланаётган маълумотлардан фойдаланиш»;

34-кичик банддаги «назорат-касса машиналаридан» сўзлари «назорат-касса машиналаридан, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассалардан» сўзлари билан, «инкассация қилиш» сўзлари «инкассация қилиш (банкларга топшириш)» сўзлари билан алмаштирилсин.

Ўзбекистон Республикасининг Бош вазири А. АРИПОВ

Тошкент ш.,

2019 йил 23 ноябрь,

943-сон

(Қонун ҳужжатлари маълумотлари миллий базаси, 23.11.2019 й., 09/19/943/4066-сон; 21.11.2020 й., 09/20/736/1529-сон; Қонунчилик маълумотлари миллий базаси, 29.04.2021 й., 09/21/249/0387; Қонунчилик маълумотлари миллий базаси, 21.05.2021 й., 09/21/322/0481-сон, 03.08.2021 й., 09/21/485/0747-сон; 22.09.2021 й., 09/21/595/0900-сон; 22.02.2022 й., 09/22/80/0154-сон; 26.02.2022 й., 09/22/88/0165-сон; 12.03.2022 й., 09/22/114/0209-сон; 14.04.2022 й., 09/22/180/0307-сон; 13.05.2022 й., 09/22/255/0412-сон; 22.08.2022 й., 09/22/471/0767-сон; 20.10.2023 й., 09/23/548/0786-сон; 10.01.2024 й., 07/24/13/0013-сон; 12.12.2024 й., 09/24/814/1019-сон; 24.12.2024 й., 09/24/847/1056-сон; 30.09.2025 й., 09/25/610/0882-сон; 23.01.2026 й., 09/26/23/0070-сон; 21.07.2026 й., 09/26/393/0764-сон; 16.09.2026 й., 06/26/191/0937-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

NIZOM

TEXNIK TALABLAR

TALABLAR

NIZOM

Onlayn nazorat-kassa mashinalari va virtual kassa tizimi qoʻllanilishini taʼminlash chora-tadbirlari toʻgʻrisida

Oʻzbekiston Respublikasi Prezidentining “Savdo va xizmat koʻrsatish sohasidagi hisob-kitoblar tizimiga zamonaviy axborot texnologiyalarini joriy qilish hamda ushbu sohada jamoatchilik nazoratini kuchaytirish chora-tadbirlari toʻgʻrisida” 2019-yil 6-sentabrdagi PF-5813-son Farmoni ijrosini taʼminlash hamda tadbirkorlik subyektlarining fiskal modulga ega boʻlgan onlayn nazorat-kassa mashinalari va virtual kassa tizimidan foydalanishini joriy etish maqsadida Vazirlar Mahkamasi qaror qiladi:

1. Quyidagilar:

Vazirlar Mahkamasining “Toshkent shahrida onlayn nazorat-kassa mashinalarini qoʻllash boʻyicha tajriba loyihasini amalga oshirish chora-tadbirlari toʻgʻrisida” 2019-yil 21-fevraldagi 150-son qarorining ijrosi yuzasidan Toshkent shahrida onlayn nazorat-kassa mashinalari va virtual kassani qoʻllash boʻyicha tajriba oʻtkazilganligi;

Oʻzbekiston Respublikasi Prezidentining 2019-yil 6-sentabrdagi PF-5813-son Farmoni bilan Naqd pul tushumiga ega boʻlgan tadbirkorlik subyektlarini onlayn nazorat-kassa mashinalari yoki virtual kassadan foydalanishga bosqichma-bosqich oʻtkazish grafigi (keyingi oʻrinlarda grafik deb ataladi) tasdiqlanganligi maʼlumot uchun qabul qilinsin.

2. Quyidagilar:

Aholi bilan pulli hisob-kitoblarni amalga oshirishda onlayn nazorat-kassa mashinalari va virtual kassa tizimini qoʻllash tartibi toʻgʻrisidagi nizom 1-ilovaga muvofiq;

Aholi bilan pulli hisob-kitoblarni amalga oshirishda elektron toʻlov tizimi orqali elektron fiskal chek taqdim qilish tartibi toʻgʻrisidagi nizom 1a-ilovaga muvofiq;

Oʻzbekiston Respublikasi hududida qoʻllanilishi ruxsat etilgan onlayn nazorat-kassa mashinalari, virtual kassa va fiskal modulga qoʻyiladigan texnik talablar 2-ilovaga muvofiq;

Onlayn nazorat-kassa mashinalari, virtual kassa va fiskal modulga texnik xizmat koʻrsatish markazlarining davlat reyestrini yuritish hamda ularga qoʻyiladigan alohida talablar 3-ilovaga muvofiq;

Oʻzbekiston Respublikasi hududida qoʻllanilishi ruxsat etilgan onlayn nazorat-kassa mashinalari va virtual kassalarning davlat reyestrini yuritish tartibi toʻgʻrisidagi nizom 4-ilovaga muvofiq tasdiqlansin.

3. Naqd pul tushumiga ega boʻlgan tadbirkorlik subyektlari aholidan naqd pullarni qabul qilishda grafikda belgilangan muddatga qadar onlayn nazorat-kassa mashinalari yoki virtual kassadan foydalanishga ixtiyoriy, belgilangan muddat tugaganidan keyin majburiy ravishda oʻtadilar. Oʻzbekiston Respublikasi Prezidentining “Savdo va xizmat koʻrsatish sohasidagi hisob-kitoblar tizimiga zamonaviy axborot texnologiyalarini joriy qilish hamda ushbu sohada jamoatchilik nazoratini kuchaytirish chora-tadbirlari toʻgʻrisida” 2019-yil 6-sentabrdagi PF-5813-son Farmonining 4-bandi, ikkinchi xatboshida nazarda tutilgan hollar shuningdek, savdo avtomatlari orqali tovarlarni sotish va (yoki) xizmatlarni koʻrsatish bundan mustasno.

4. Oʻzbekiston Respublikasi Hukumatining 5-ilovaga muvofiq ayrim qarorlariga oʻzgartirish va qoʻshimchalar kiritilsin.

5. Vazirlar Mahkamasining “Toshkent shahrida onlayn nazorat-kassa mashinalarini qoʻllash boʻyicha tajriba loyihasini amalga oshirish chora-tadbirlari toʻgʻrisida” 2019-yil 21-fevraldagi 150-son qarori oʻz kuchini yoʻqotgan deb hisoblansin.

6. Oʻzbekiston Respublikasi Davlat soliq qoʻmitasi:

tadbirkorlik subyektlari tomonidan ushbu qaror bilan tasdiqlangan talablarga (nizomlarga) rioya etilishi ustidan nazorat oʻrnatsin;

manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

Oʻzbekiston Respublikasi Savdo-sanoat palatasi bilan birgalikda tadbirkorlik subyektlari oʻrtasida, shuningdek, ommaviy axborot vositalarida keng tushuntirish va targʻibot ishlari oʻtkazilishini taʼminlasin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi Davlat soliq qoʻmitasi raisi B.A. Musayev zimmasiga yuklansin.

Vazirlar Mahkamasining 2019-yil 23-noyabrdagi 943-son qaroriga 1-ILOVA

Aholi bilan pulli hisob-kitoblarni amalga oshirishda onlayn nazorat-kassa mashinalari va virtual kassa tizimini qoʻllash tartibi toʻgʻrisida

1-bob. Umumiy qoidalar

1. Ushbu Nizom aholi bilan pulli hisob-kitoblarni amalga oshiradigan barcha yuridik shaxslar, yakka tartibdagi va oilaviy tadbirkorlar (keyingi oʻrinlarda tadbirkorlik subyektlari deb ataladi) tomonidan fiskal modulga ega boʻlgan onlayn nazorat-kassa mashinalari va virtual kassalarni hamda elektron toʻlov tizimlarini qoʻllash tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

onlayn nazorat-kassa mashinalari (keyingi oʻrinlarda onlayn-NKM deb ataladi) — fiskal modulga bogʻlanish imkoniyatiga ega boʻlgan, fiskal hujjatlarni hosil qiluvchi, fiskal hujjatlarni fiskal maʼlumotlar operatoriga real vaqt rejimida uzatishni taʼminlovchi va qogʻozga chop etuvchi yoki ularni elektron shaklda yuborish funksiyasiga ega boʻlgan elektron hisoblash mashinalari, boshqa qurilmalar va ularning komplekslari;

Mahsulotlar (tovar va xizmatlar) elektron milliy katalogining tovarlar va xizmatlarning identifikatsiya kodi — bu mahsulot yoki xizmatlarning maʼlum bir turiga tayyorlangan belgilar (raqamlar) toʻplam koʻrinishdagi identifikatsiya kodi;

virtual kassa — fiskal modulga bogʻlanish imkoniyatiga ega boʻlgan, fiskal hujjatlarni hosil qiluvchi va hosil qilingan fiskal hujjatlarni fiskal maʼlumotlar operatoriga real vaqt rejimida uzatishni taʼminlovchi, cheklarni qogʻozga chop etish yoki ularni elektron shaklda yuborish funksiyasiga ega boʻlgan dasturiy mahsulot va ularning komplekslari;

fiskal maʼlumotlar operatori (keyingi oʻrinlarda operator deb ataladi) — onlayn rejimida fiskal maʼlumotlarni mustaqil va doimiy ravishda qabul qilish, qayta ishlash va saqlash ishlarini bajaruvchi Soliq qoʻmitasi huzuridagi “Yangi texnologiyalar” ilmiy-axborot markazi DUK;

fiskal modul — operator tomonidan ishlab chiqilgan, maxsus himoyalangan dasturiy taʼminotga ega boʻlgan, oʻzi ulangan qurilmaning hisoblash quvvati va dasturiy mahsulotini ishlatmagan holda fiskal maʼlumotlarning qonun hujjatlarida belgilangan tartibda milliy standartlar asosida kriptografik himoyasini taʼminlovchi fiskal xotira vazifasini bajaruvchi ixtisoslashtirilgan fizik qurilma;

fiskal maʼlumotlar — hisob-kitoblar toʻgʻrisidagi maʼlumotlar, hisob-kitoblarni amalga oshiruvchi tadbirkorlik subyekti toʻgʻrisida maʼlumot, hisob-kitobda foydalaniladigan onlayn-NKM, virtual kassalar, Marketpleys yoki operator tomonidan yaratilgan boshqa maʼlumotlar;

fiskal belgi — fiskal maʼlumotlarni milliy standartlar asosida kriptografik oʻzgartirilishi natijasida fiskal modul yoki elektron raqamli imzo orqali hosil qilinuvchi takrorlanmas belgilar toʻplami;

fiskal modul reyestri — soliq xizmati organlarida roʻyxatdan oʻtgan fiskal modul toʻgʻrisidagi maʼlumotlar toʻplami;

foydalanuvchi — sotilgan tovarlar (bajarilgan ishlar va koʻrsatilgan xizmatlar) uchun aholi bilan pulli hisob kitoblarni amalga oshirishda onlayn-NKM va (yoki) virtual kassadan yoki Marketpleysdan foydalanadigan tadbirkorlik subyekti;

kassa cheki (keyingi oʻrinlarda chek deb ataladi) — foydalanuvchi va xaridor (mijoz) oʻrtasida sotilgan tovarlar (bajarilgan ishlar va koʻrsatilgan xizmatlar) uchun hisob-kitoblarni amalga oshirishdagi onlayn-NKM yoki virtual kassada amaldagi qonun hujjatlariga muvofiq shakllantirilgan va elektron shaklda yoki qogʻozda chop etilgan, hisob-kitoblar toʻgʻrisidagi maʼlumotlarni oʻz ichiga olgan, uni amalga oshirish faktini tasdiqlovchi birlamchi hisob hujjati;

hisob-kitob — sotilgan tovarlar (bajarilgan ishlar va koʻrsatilgan xizmatlar) uchun naqd pul va (yoki) elektron toʻlov vositalaridan foydalangan holda mablagʻlarni qabul qilish yoki toʻlash haqidagi maʼlumot;

Z-hisobot — fiskal modulning operativ xotirasidagi cheklarning asosiy fiskal maʼlumotlarini boʻshatib, ularni oʻchmas xotiraga joylashtirgan holda shakllanadigan hisobot shakli. Bunda Z-hisobotning ochilish va yopilish vaqtlari qayd etiladi;

zavod raqami — onlayn-NKM va fiskal modullar ishlab chiqaruvchilari tomonidan belgilangan takrorlanmas belgilar toʻplami;

onlayn-NKM va virtual kassalar reyestri — qonun hujjatlarida belgilangan tartibda Davlat reyestriga kiritilgan, doimiy ravishda yangilab boriladigan onlayn-NKM modellari va virtual kassa dasturiy mahsulotlari toʻgʻrisidagi maʼlumotlar toʻplami;

texnik xizmat koʻrsatish markazi — (keyingi oʻrinlarda TXKM deb ataladi) — onlayn-NKM va (yoki) virtual kassalarga uzluksiz servis xizmati koʻrsatuvchi, qonun hujjatlarida belgilangan tartibda Davlat reyestriga kiritilgan yuridik shaxslar;

maxsus axborot tizimi — fiskal maʼlumotlar operatori tomonidan onlayn-NKM, virtual kassalar, fiskal modullar va TXKMni roʻyxatga olish va ularning hisobini yuritish uchun ishlab chiqilgan maxsus dasturiy taʼminot;

tovar kodi — mahsulotlar (tovar va xizmatlar) yagona elektron milliy katalogi asosida yuritiladigan takrorlanmaydigan raqami;

sheriklik asosidagi hamkor — TXKM sifatida roʻyxatdan oʻtmasdan, TXKM bilan sheriklik asosida shartnomaga muvofiq, TXKM filiali sifatida faoliyat yurituvchi yuridik shaxs;

elektron tijorat — Axborot tizimlaridan foydalangan holda amalga oshiriladigan, tovarlarni sotish, ishlarni bajarish va xizmatlar koʻrsatishga doir tadbirkorlik faoliyati;

virtual fiskal modul — operator tomonidan yaratiladigan unikal raqam va unga biriktirilgan elektron raqamli imzo ochiq kalit sertifikati.

QR-kodli toʻlov (“Quick Response Code” — tezkor aniqlanadigan matritsali shtrix-kodlar) — savdo va xizmat koʻrsatish shoxobchalariga xizmat koʻrsatuvchi tijorat banklari yoki toʻlov tashkilotlari orqali xaridorlar tomonidan mobil ilova dasturlariga biriktirilgan bank kartalari hisobvaraqlari va elektron pul hamyonlardan foydalangan holda mablagʻlarni toʻlash haqidagi maʼlumot.

3. Oʻzbekiston Respublikasi hududida faqat belgilangan tartibda Davlat reyestriga kiritilgan onlayn-NKM va virtual kassalar yoki Marketpleysdan foydalanishga ruxsat etiladi. Bunda onlayn-NKM, virtual kassa, Marketpleys tushunchalari soliq toʻgʻrisidagi qonunchilik hujjatlarida “nazorat-kassa texnikasi” nomi bilan qoʻllaniladi. Davlat reyestriga kiritilmagan, kassa cheklarida mahsulotlar (tovarlar va xizmatlar) yagona elektron milliy katalogi identifikatsiyalash kodlari aks ettirilmaydigan, shuningdek, shtrix-kodlar va raqamli markirovka belgilarini erkin oʻqish hamda aniqlash qurilmalarini ulash imkoniyatiga ega boʻlmagan onlayn-NKM va virtual kassa yoki Marketpleyslardan foydalanishga yoʻl qoʻyilmaydi.

4. Oʻzbekiston Respublikasi Prezidentining 2019-yil 6-sentabrdagi PF-5813-son Farmoni bilan tasdiqlangan grafikda koʻrsatilgan muddatlar tugagandan keyin savdo (xizmat koʻrsatish) shoxobchasida davlat reyestriga kiritilgan onlayn-NKM va (yoki) virtual kassa bilan bir vaqtda boshqa turdagi (ikkilamchi) fiskal maʼlumotlar hisobini yuritish tizimlaridan, shuningdek, umumiy ovqatlanish korxonalari tomonidan soliq organlarining axborot tizimlari bilan integratsiya qilinmagan avtomatlashtirilgan hisobga olish oʻlchov vositalari (axborot tizimlari, dasturiy mahsulotlari) yoki buyurtmalar hisobini yuritish dasturiy mahsulotlaridan foydalanish taqiqlanadi. Farmonning 4-bandi ikkinchi xatboshida nazarda tutilgan hollar bundan mustasno.

Chakana savdo va umumiy ovqatlanish xizmatlarini koʻrsatuvchi tadbirkorlik subyektlari tomonidan foydalanilayotgan avtomatlashtirilgan hisobga olish oʻlchov vositalarini (axborot tizimlari, dasturiy mahsulotlari) majburiy ravishda soliq organlarining axborot tizimlari bilan integratsiya qilinishi va Davlat reyestriga kiritishi lozim. Bunda, oʻz avtomatlashtirilgan hisob yuritish komplekslarini virtual kassa sifatida Davlat reyestriga kiritishda (kiritgandan keyin) tadbirkorlik subyektlari va texnik xizmat koʻrsatish markazlari tomonidan roʻyxatga olingan virtual kassa sonidan kelib chiqib, vakolatli organning depozit hisob-raqamiga zaxira summasini qoʻyish talabi tatbiq etilmaydi.

Xarid chekini toʻliq miqdorda shakllantirilishi hamda belgilangan tartibda xaridorga taqdim etilishi uchun masʼuliyat tadbirkorlik subyektlari zimmasiga yuklatiladi.

5. Soliq qoʻmitasi tomonidan ishlab chiqilgan virtual kassa dasturiy mahsulotining asos qismi (bazasi) tadbirkorlik subyektlariga bepul beriladi. Unda mahsulotlarni kirim qilish, kassa chekini shakllantirish, fiskal modul bilan integratsiya qilish, cheklarni onlayn rejimda operatorga yuborish, Z-hisobotni shakllantirish, foydalanuvchilarni boshqarish, offlayn rejimida ishlash, tovarlar nomenklaturasini yuritish, umumiy hisobotlarni shakllantirish imkoniyatlari mavjud boʻladi.

6. Onlayn-NKM yoki virtual kassadan foydalanishga oʻtgan tadbirkorlik subyektlari tomonidan toʻlov terminali orqali qabul qilingan toʻlovlar uchun xaridorlarga toʻlov terminali cheki bilan birga, shuningdek, joylarda xarid qilingan mahsulot va xizmatlarga elektron toʻlov tizimlari orqali amalga oshirilgan toʻlovlar uchun xaridorlarga onlayn-NKM yoki virtual kassaning fiskal cheki berilishi shart.

Davlat reyestriga kiritilgan onlayn-NKM va virtual kassalar bank kartalaridan toʻlovlarni qabul qilish tizimlariga majburiy ulanishi, shuningdek, majburiy ravishda 2D skaner qurilmasi qoʻllanishi shart.

Ishlab chiqarilgan sanasi va yaroqlilik muddati koʻrsatilishi shartligi qonunchilikda nazarda tutilgan mahsulotlarning ishlab chiqarilgan sanasi va yaroqlilik muddati koʻrsatilmagan yoki yaroqlilik muddati oʻtgan holda realizatsiya qilinishi Oʻzbekiston Respublikasining “Isteʼmolchilarning huquqlarini himoya qilish toʻgʻrisida”gi Qonuniga muvofiq cheklanadi.

Bunda ishlab chiqarilgan sanasi va yaroqlilik muddati koʻrsatilmagan yoki yaroqlilik muddati oʻtgan markirovkalangan tovarlarni sotishga urinish paytida 2D skaner qurilmasining onlayn-NKM yoki virtual kassaga yuboriladigan signali asosida xarid cheklarining chop etilishi cheklab qoʻyiladi.

7. Sotilgan tovarlar (ishlar, xizmatlar) uchun xaridorlarga beriladigan onlayn-NKM , virtual kassa cheklari, maxsus oq qogʻozda yozuvlar qora rangda boʻlishi, shuningdek, chek qogʻozining kengligi 55 millimetrdan va harflar (belgilar) balandligi 2 millimetrdan kam boʻlmasligi lozim.

Onlayn-NKM va virtual kassa yoki Marketpleys orqali shakllantiriladigan cheklarida quyidagi maʼlumotlar boʻlishi shart:

bank kartasi turi (korporativ, shaxsiy yoki ijtimoiy);

chekning tartib raqami;

onlayn-NKMning zavod raqami yoki virtual kassaning seriya raqami;

tadbirkorlik subyektining nomi;

soliq toʻlovchining indentifikatsiya raqami (STIR)/ jismoniy shaxsning shaxsiy indentifikatsiya raqami (JSHSHIR);

pulli hisob-kitoblar amalga oshiriladigan manzil (xaridorga yetkazib berish xizmati amalga oshirilgan taqdirda yetkazib beruvchi tadbirkorlik subyektining yuridik manzili);

Komitent (vositachi) STIRi/(JSHSHIRi);

ijtimoiy karta raqami (birinchi va oxirgi toʻrtta raqam);

tranzaksiyaning unikal raqami;

tovar/xizmat nomi;

markirovka qilinadigan tovarlar uchun markirovka belgisi;

mahsulotlar (tovar va xizmatlar) yagona elektron milliy katalogi boʻyicha oʻlchov birligi.

mahsulotlarning (tovar va xizmatlarning) shtrix kodi;

oʻlchov birligi;

tovar/xizmat miqdori;

tovar/xizmat narxi (qiymati);

tovar/xizmatning qoʻshilgan qiymat soligʻi stavkasi;

tovar/xizmatning qoʻshilgan qiymat soligʻi summasi;

toʻlov shakli: naqd, bank kartalari, QR-kodli toʻlov yoki aralash;

toʻlovning jami summasi;

xarid uchun toʻlovning qoʻshilgan qiymat soligʻi jami summasi;

toʻlov sanasi va vaqti;

toʻlov turi (sotuv, qaytarish, boʻnak, boʻlib toʻlash, kredit). Bunda toʻlovning boʻnak, boʻlib toʻlash, kredit turlari boʻyicha shakllantirilgan cheklarda QR-kod va fiskal belgi mavjud boʻlmaydi;

Operatorga yuboriladigan chekdagi tovarlar va xizmatlar kodlari (ular mavjud boʻlgan hollarda) xalqaro “GS1” yoki boshqa global tizimlar, shuningdek vakolatli organ tomonidan shakllantirilgan tovarlar va xizmatlar kodlari asosida yuritiladigan raqamlar bilan bir xil boʻlishi lozim;

“Boʻlib toʻlash” va “Boʻnak” sifatida shakllantirilgan kassa cheklarida QR-kod va fiskal belgi aks ettirilmaydi;

fiskal modulning takrorlanmaydigan raqami;

fiskal belgi;

berilgan kassa chekining haqiqiyligini tekshirish uchun kamida 30x30 millimetr oʻlchamdagi QR-kod.

Operatorga yuboriladigan chekdagi tovarlar va xizmatlar kodlari (ular mavjud boʻlgan hollarda) xalqaro “GS1” yoki boshqa global tizimlar asosida yuritiladigan raqamlar bilan bir xil boʻlishi hamda tovarlar va xizmatlarning identifikatsiya kodlari operatorga yuborilishi lozim;

Chekda qoʻshimcha ravishda boshqa rekvizitlar ham koʻrsatilishi mumkin.

2-bob. Onlayn-NKM va (yoki) virtual kassalarga hizmat koʻrsatish tartibi

8. Tadbirkorlik subyektlari Davlat reyestriga kiritilgan onlayn-NKM va (yoki) virtual kassalarni mustaqil sotib olishi hamda TXKMlarni ixtiyoriy tanlash huquqiga ega.

9. Onlayn-NKM va (yoki) virtual kassaga kafolatli uzluksiz texnik xizmat koʻrsatish TXKM bilan tadbirkorlik subyekti oʻrtasida tuzilgan shartnoma asosida amalga oshiriladi.

TXKMga toʻlovlar faqat koʻrsatilgan xizmatlar uchun shartnomada nazarda tutilgan shart va miqdorda amalga oshiriladi. Bunda, shartnoma shartlari tadbirkorlik subyekti tomonidan bajarilmaganda ham unga koʻrsatiladigan xizmatlarning toʻxtatib qoʻyilishiga yoʻl qoʻyilmaydi va shartnomaga oid nizoli holatlar sud tartibida hal etiladi.

TXKM tomonidan tadbirkorlik subyektlarining talablari boʻyicha faqat koʻrsatilgan xizmatlar uchun toʻlov undirilishi lozim.

10. TXKM tomonidan fiskal modul oʻrnatilgan va ishchi holatga keltirilgan onlayn-NKM yoki virtual kassa murojaat tushgan kundan boshlab bir ish kuni ichida tadbirkorlik subyektiga taqdim etiladi.

11. TXKM tomonidan onlayn-NKM yoki virtual kassa nosozligi davrida yoʻqotilgan yoki oʻgʻirlangan hollarda tadbirkorlik subyektining savdo yoki xizmat koʻrsatish shahobchasiga bir kun ichida zaxiradagi onlayn-NKM yoki virtual kassasi oʻrnatib beriladi.

12. Tadbirkorlik subyekti tugatilgan, shuningdek, fiskal modul yaroqsiz holatga kelgan, amal qilish muddati tugagan, xotirasi maʼlumotlar bilan toʻlgan, yoxud fiskal modul oʻrnatilgan onlayn-NKM yoki virtual kassa roʻyxatdan chiqarilgan hollarda, ushbu fiskal modullar tadbirkorlik subyekti tomonidan TXKMga taqdim qilinadi.

TXKM yaroqsiz holatga kelgan, amal qilish muddati tugagan, xotirasi maʼlumotlar bilan toʻlgan fiskal modullar holatining muvofiqligini tekshirib, amal qilish muddati tugagan, xotirasi maʼlumotlar bilan toʻlgan yoki roʻyxatdan chiqarilgan onlayn-NKM va virtual kassadagi chek maʼlumotlarini operatorning maʼlumotlar bazasiga yuborilmay qolgan qismini yuborishi shart.

Roʻyxatdan chiqarilgan onlayn-NKM va virtual kassaning fiskal modulini qayta ishlatish yoki operator maʼlumotlar bazasiga yuborilgan maʼlumotlar muvofiqligi tekshirilishi uchun fiskal modul tadbirkorlik subyektiga qaytariladi.

13. Onlayn-NKM yoki virtual kassa yoʻqotilgan yoki oʻgʻirlangan hollarda tadbirkorlik subyekti tomonidan bir ish kunidan kechikmay TXKM xabardor qilinadi.

14. Davlat soliq xizmati organlarida tadbirkorlik subyektlari tomonidan foydalanilayotgan onlayn-NKM va virtual kassa toʻgʻrisidagi maʼlumotlar shakllantiriladi.

15. Maxsus axborot tizimidagi shaxsiy kabinetlarga foydalanuvchining elektron raqamli imzo kaliti orqali kiriladi. TXKM, uning filiallari yoki sheriklik asosidagi hamkorlari maxsus axborot tizimidan yoki TXKMning maxsus axborot tizimiga bogʻlangan dasturiy mahsulotidan oʻzlarining shaxsiy elektron raqamli imzo kaliti orqali foydalanadilar.

3-bob. Onlayn-NKM va (yoki) virtual kassalarni davlat soliq xizmati organlarida roʻyxatdan oʻtkazish tartibi

16. Tadbirkorlik subyektlari tomonidan aholi bilan pulli hisob-kitoblarni amalga oshirishni boshlashdan oldin onlayn-NKM yoki virtual kassani davlat soliq xizmati organlaridan roʻyxatdan oʻtkazish uchun Davlat reyestriga kiritilgan TXKM yoki uning hududiy filiallariga 1-ilovada keltirilgan shaklga muvofiq elektron yoki yozma ravishda ariza bilan murojaat qilinadi.

Koʻchma savdo faoliyatini amalga oshiruvchi tadbirkorlik subyektlari tomonidan onlayn-NKM yoki virtual kassalar oʻzlari roʻyxatdan oʻtgan joy boʻyicha tuman (shahar) davlat soliq inspeksiyalaridan ushbu nizom talablari asosida roʻyxatdan oʻtkaziladi.

Agar, tadbirkorlik subyektiga tegishli turgʻun savdo shoxobchasi faoliyati toʻxtatilib, shoxobchada oʻrnatilgan onlayn-NKM yoki virtual kassani koʻchma savdo obyektlarida qoʻllash zarurati yuzaga kelgan hollarda tadbirkorlik subyekti bu haqida faoliyatini boshlashidan oldin roʻyxatdan oʻtgan joy boʻyicha davlat soliq inspeksiyalarini koʻchma savdoni amalga oshirish joyi va muddatini koʻrsatgan holda xabardor qiladi.

Arizaga quyidagi hujjatlar ilova qilinadi:

turgʻun shahobcha (koʻchma savdo obyekti) mavjudligini tasdiqlaydigan hujjatlarning nusxalari (bino-inshootning yoki uning qismining ijara shartnomasi yoki kadastr hujjatlari);

onlayn-NKM va (yoki) virtual kassaga texnik xizmat koʻrsatish va uni taʼmirlashga TXKM bilan tuzilgan shartnomaning nusxasi;

turgʻun savdo (xizmat koʻrsatish) shahobchasi (koʻchma savdo obyekti) manzilining xaritadagi koordinatasi.

Maʼlumotlar bazasida mavjud axborotlar avtomatik tarzda, mavjud boʻlmagan axborotlar tadbirkorlik subyektlari hujjatlarining nusxalari (bino-inshootning yoki uning bir qismining ijara shartnomasi yoki kadastr hujjatlari) asosida shakllantiriladi.

17. Tadbirkorlik subyektidan ushbu Nizomda nazarda tutilmagan hujjatlarni talab etishga yoʻl qoʻyilmaydi.

18. TXKM tomonidan tadbirkorlik subyekti taqdim etgan maʼlumotlar oʻrganib chiqiladi va hujjatlar qabul qilingan vaqtdan boshlab 4 ish soati ichida maxsus axborot tizimida qayd etiladi.

Ariza, maxsus axborot tizimida qayd etilgan vaqtdan boshlab davlat soliq xizmati organi xodimi tomonidan sakkiz ish soati ichida koʻrib chiqiladi va mazkur Nizomning 21-bandi ikkinchi — toʻrtinchi xatboshilarida koʻrsatilgan holatlar aniqlanmagan taqdirda qabul qilinadi.

Bunda, onlayn-NKM yoki virtual kassa davlat soliq xizmati organlarida roʻyxatga olinganligi toʻgʻrisidagi 2-ilovaga muvofiq maʼlumotlar tadbirkorlik subyektining shaxsiy kabinetiga yuboriladi.

19. Tadbirkorlik subyektlari taqdim etgan maʼlumotlarda nomutanosibliklar aniqlanganda davlat soliq xizmati organlari tomonidan joyiga chiqqan holda bir ish kunida oʻrganib chiqiladi.

20. Onlayn-NKM va (yoki) virtual kassa roʻyxatdan oʻtkazilganligi uchun toʻlov undirilmaydi.

21. Onlayn-NKM yoki virtual kassani davlat roʻyxatidan oʻtkazish quyidagi hollarda rad etiladi:

onlayn-NKM yoki virtual kassani roʻyxatdan oʻtkazish uchun zarur boʻlgan hujjatlar tadbirkorlik subyekti tomonidan toʻliq taqdim etilmaganda;

tadbirkorlik subyektlari taqdim etgan maʼlumotlarda nomutanosibliklar aniqlanib, ular tasdiqlanganda;

Davlat reyestriga kiritilmagan onlayn-NKM yoki virtual kassa maʼlumotlari koʻrsatilganda.

Boshqa asoslarga koʻra onlayn-NKM yoki virtual kassani roʻyxatdan oʻtkazish rad etilishiga yoʻl qoʻyilmaydi.

22. Onlayn-NKM yoki virtual kassani roʻyxatdan oʻtkazish rad etilgan taqdirda, davlat soliq xizmati organlari tomonidan bir ish kunidan kechiktirilmasdan rad etishning aniq sabablari koʻrsatilgan holda elektron tarzda TXKMga hamda tadbirkorlik subyektining shaxsiy kabinetiga xabarnoma yuboriladi.

23. Onlayn-NKM yoki virtual kassani roʻyxatdan oʻtkazish rad etilgan hollarda tadbirkorlik subyekti kamchiliklarni bartaraf etgan holda, takroran roʻyxatdan oʻtkazish uchun murojaat etishga haqli.

24. Tadbirkorlik subyekti davlat soliq xizmati organlarining onlayn-NKM yoki virtual kassani roʻyxatdan oʻtkazishni rad etish toʻgʻrisidagi xabarnomasi, shuningdek, davlat soliq xizmati organlarining mansabdor shaxsi xatti-harakatlari (harakatsizligi) ustidan belgilangan tartibda shikoyat qilish huquqiga ega.

25. Onlayn-NKM va (yoki) virtual kassa roʻyxatga qoʻyilgan turgʻun shahobcha manzili oʻzgargan hollarda tadbirkorlik subyekti tomonidan uch ish kunida onlayn-NKM yoki virtual kassani roʻyxatdan oʻtkazish maʼlumotlariga tegishli oʻzgarishlarni kiritish uchun TXKMga bevosita tashrif buyurgan holda yoki elektron tarzda yangi manzil boʻyicha turgʻun shahobcha mavjudligini tasdiqlaydigan hujjatlar nusxalari bilan birga ariza taqdim qilinadi.

Shuningdek, TXKMga tadbirkorlik subyektining faoliyati toʻxtatilgan, fiskal modul yaroqsiz holatga kelgan, amal qilish muddati tugagan, xotirasi maʼlumotlar bilan toʻlgan, onlayn-NKM yoki virtual kassa almashtirilishi zarur boʻlgan yoki boshqa koʻzda tutilmagan hollarda shu mazmundagi arizalar taqdim qilinadi.

4-bob. Onlayn-NKM yoki virtual kassani roʻyxatdan chiqarish tartibi

26. Tadbirkorlik subyekti tugatilgan, onlayn-NKM yoki virtual kassa tadbirkorlik subyektida foydalanishdan voz kechilgan hollarda, tadbirkorlik subyekti (uning vakili) tomonidan TXKMga bevosita tashrif buyurgan holda, ushbu Nizomga 3-ilovaga muvofiq ariza bilan murojaat qilinadi.

Tadbirkorlik subyektini topish imkoni mavjud boʻlmagan taqdirda (roʻyxatdan oʻtgan joyida, yashash manzilida mavjud boʻlmasa va boshqa hollarda), soliq organi maʼlumoti asosida roʻyxatdan chiqarilishi mumkin. Bunda roʻyxatdan chiqarilgan onlayn-NKM yoki virtual kassa toʻgʻrisidagi maʼlumotlar soliq organi tomonidan 24 soat ichida axborot tizimi orqali TXKMga yuboriladi.

27. TXKM tomonidan olingan maʼlumotlar asosida bir ish kunida onlayn-NKM yoki virtual kassani davlat soliq xizmati organidan roʻyxatdan chiqarish uchun tegishli maʼlumotlar maxsus axborot tizimida qayd etiladi.

28. Davlat soliq xizmati organining mansabdor shaxsi tomonidan olingan maʼlumotlarning toʻgʻriligi va ishonchliligi davlat soliq xizmati organlarida mavjud maʼlumotlar asosida, zarur hollarda esa joyiga chiqqan holda bir ish kunida oʻrganib chiqiladi va natijasi boʻyicha onlayn-NKM yoki virtual kassa toʻgʻrisidagi elektron maʼlumotlar bazasiga tegishli maʼlumotlar kiritiladi.

5-bob. Tadbirkorlik subyekti tomonidan onlayn-NKM yoki virtual kassa qoʻllanishi tartibi

29. Onlayn-NKM yoki virtual kassa har kuni ish boshlanishidan oldin tadbirkorlik subyektining masʼul shaxsi tomonidan umumiy texnik holati, sozligi hamda sana va vaqt aniq koʻrsatilishi yuzasidan tekshiriladi.

30. Oʻzbekiston Respublikasi Prezidentining 2019-yil 6-sentabrdagi PF-5813-son Farmoni bilan tasdiqlangan grafikda koʻrsatilgan muddatlar tugagandan keyin, aholi bilan pulli hisob-kitob qiluvchi tadbirkorlik subyektlari tomonidan xaridorlarga pul mablagʻlari qabul qilinganligini tasdiqlovchi onlayn-NKM yoki virtual kassa chekini majburiy tartibda berilishi lozim.

31. Onlayn-NKM yoki virtual kassani qoʻllash jarayonida maʼlumotlarni operatorga real vaqt rejimida yetkazib berishning texnik imkoniyati mavjud boʻlmagan taqdirda, shu jumladan, Internet tarmogʻidagi vaqtincha uzilishlar boʻlganda xaridorlarga (mijozlarga) amalga oshirilgan xarid uchun cheklar offlayn rejimida berilishi mumkin. Bunda birinchi offlayn rejimda shakllangan chekni 48 soat ichida operatorga uzatilishi taʼminlanishi zarur.

32. Onlayn-NKM yoki virtual kassadan foydalanish jarayonida nosozlik yuzaga kelgan hollarda, shuningdek, faoliyatini vaqtincha toʻxtatganda tadbirkorlik subyekti bu haqda TXKMning sall-markaziga qoʻngʻiroq qilishi yoki bevosita tashrif buyurishi yoxud soliq toʻlovchining shaxsiy kabineti orqali xabardor qilishi shart. TXKM maʼlumotlar tushgan vaqtdan boshlab bir soat ichida tadbirkorlik subyektiga qarashli turgʻun savdo (xizmat koʻrsatish) shahobchasi joylashgan manzil boʻyicha davlat soliq xizmati organini maxsus axborot tizimi orqali xabardor qiladi.

33. TXKM zaxiradagi onlayn-NKM va (yoki) virtual kassani oʻrnatgunga qadar tadbirkorlik subyekti xaridorlar bilan pullik hisob-kitoblarni, davlat soliq xizmati organlarida roʻyxatdan oʻtkazilgan, ushbu Nizomga 4-ilovaga muvofiq maxsus kvitansiya daftari asosida amalga oshiradi.

Onlayn-NKM va (yoki) virtual kassa TXKM tomonidan sozlangandan yoki zaxiradagi oʻrnatilgandan soʻng tadbirkorlik subyekti bir ish kuni ichida maxsus kvitansiya daftari asosida amalga oshirilgan savdolar toʻgʻrisidagi maʼlumotlarni onlayn-NKM yoki virtual kassa tizimiga kiritishi lozim.

34. Onlayn-NKM yoki virtual kassa, shuningdek, Internet aloqasi doimiy ishchi holatda boʻlishi uchun javobgarlik shaxsan tadbirkorlik subyektiga yuklanadi (Internet provayderi yoki mobil aloqa operatori ish faoliyatida yuzaga keladigan ayrim texnik muammoli holatlar bundan mustasno).

6-bob. Onlayn-NKM yoki virtual kassaga kiritilgan summalarni qaytarish tartibi

35. Pul mablagʻlarini qaytarish zarur boʻlgan hollarda sotuvchi xaridor tomonidan taqdim etilgan kassa cheki yoxud ushbu tovarga haq toʻlanganligini tasdiqlaydigan chekka tenglashtirilgan hujjat asosida xaridorga pul mablagʻlarini qaytarib berishi shart.

36. Xaridordan qaytarilgan tovarni qabul qilib olish uchun yukxati rasmiylashtiriladi. Yukxati ikki nusxada tuziladi, ulardan biri tovar hisobotiga tikib qoʻyiladi, ikkinchi nusxasi xaridorga topshiriladi va qaytarilgan tovar uchun pul summasini olishga asos hisoblanadi. Qaytarilgan summa uchun pul mablagʻlarini qaytarish toʻgʻrisida dalolatnoma rasmiylashtiriladi. Dalolatnoma bir nusxada tuziladi, masʼul shaxslar tomonidan imzolanadi va tadbirkorlik subyektining rahbari tomonidan tasdiqlanadi. Xaridor tomonidan taqdim etilgan kassa cheklari qogʻoz varagʻiga yopishtiriladi va dalolatnoma bilan birgalikda buxgalteriyaga topshiriladi.

37. Pul mablagʻlarini qaytarish xaridorning familiyasi, ismi, otasining ismi koʻrsatilgan holda, uning yozma arizasi asosida bir bank kunidan ortiq boʻlmagan vaqt mobaynida hisob-kitob raqamidan zarur pul mablagʻlarini olish yoʻli bilan xoʻjalik yurituvchi subyekt kassasidan amalga oshiriladi. Tadbirkorlik subyekti kassasidan pulni qaytarish uchun xaridorning familiyasi, ismi, otasining ismi majburiy tartibda koʻrsatilgan holda xarajat kassa orderi tuziladi.

38. Tovarlar toʻliq yoki qisman qaytarilganda tovarlarni sotishdan olingan daromadga xaridorlarga qaytarilgan pul summasida tuzatish kiritiladi. Tovarlarni sotishdan olingan daromadga tuzatish kiritish pul mablagʻlari qaytarilgan soliq davrida amalga oshiriladi.

Bunda foydalanuvchi tomonidan qaytarish kassa chek shakllantiriladi.

38 1 . Ilgari amalga oshirilgan hisob-kitoblarga oʻzgartirishlar kiritish zarur boʻlgan hollarda, foydalanuvchi tomonidan fiskal chekka tuzatish kiritiladi.

Tuzatuvchi kassa cheki foydalanuvchi tomonidan ilgari onlayn-NKMdan foydalanmasdan hisob-kitob qilgan hollarda, onlayn-NKMdan foydalanish majburiyatining bajarilishini taʼminlash maqsadida yoki onlayn-NKMdan ushbu Nizom talablari buzilgan holda foydalanilganda shakllantiriladi.

Fiskal chekka mahsulotlar (tovarlar va xizmatlar) yagona elektron milliy katalogi identifikatsiya kodlari, mahsulotning (tovar, xizmat) oʻlchov birligi, soni va summasi va qoʻshilgan qiymat soligʻi summasi boʻyicha tafovut aniqlangan oydagi qoʻshilgan qiymat soligʻi yoki aylanmadan olinadigan soliqlar boʻyicha soliq toʻlovchilar uchun tegishincha soliq hisobotlarini taqdim etish muddatlarigacha tuzatish kiritilishi mumkin, Oʻzbekiston Respublikasi Soliq kodeksining 257-moddasida nazarda tutilgan hollar bundan mustasno.

7-bob. Onlayn-NKM yoki virtual kassa qoʻllanishini nazorat qilish

39. Tovarlar sotiladigan (ishlar bajariladigan va xizmatlar koʻrsatiladigan) joylarda aholi bilan onlayn-NKM yoki virtual kassa orqali hisob-kitobni amalga oshirishda pul mablagʻlarining toʻliq hisobga olinishini nazorat qilish qonun hujjatlariga muvofiq davlat soliq xizmati organlari tomonidan amalga oshiriladi.

40. Onlayn-NKM yoki virtual kassa qoʻllanishini nazorat qilish quyidagi usullar bilan amalga oshirilishi mumkin:

nazorat tartibida xarid qilish;

onlayn-NKM yoki virtual kassaning oldin shakllantirilgan cheklarini davlat soliq xizmati organlariga yuborilgan fiskal maʼlumotlar bilan solishtirish;

onlayn-NKM yoki virtual kassaning holatini texnik talablarga muvofiqligi yuzasidan ekspertizadan oʻtkazish.

41. Davlat soliq xizmati organlari amalga oshiriladigan tekshirishlar davrida TXKM mutaxassislarini onlayn-NKM yoki virtual kassa boʻyicha texnik ekspertlar (maslahatchilar) sifatida qonun hujjatlariga muvofiq jalb etish huquqiga ega.

42. Texnik talablarga muvofiq boʻlmagan, shu jumladan xizmat koʻrsatishning dasturiy mahsuloti buzilgan holda onlayn-NKM yoki virtual kassadan foydalanilganligi toʻgʻrisida shubha/belgi mavjud boʻlgan taqdirda davlat soliq xizmati organining mansabdor shaxslari tomonidan joyiga borgan holda ushbu Nizomga 5-ilovaga muvofiq shakl boʻyicha bayonnoma tuziladi, ayni bir vaqtning oʻzida onlayn-NKM yoki virtual kassa dasturiy mahsuloti oʻrnatilgan qurilma va fiskal modul oʻrganish va ekspertizadan oʻtkazish uchun vaqtincha olib qoʻyiladi.

Bunda, onlayn-NKM yoki virtual kassa chekidagi fiskal maʼlumot va vakolatli organga yuborilgan fiskal maʼlumot oʻrtasidagi tafovut shubha/belgi sifatida tushuniladi.

43. Onlayn-NKM yoki virtual kassa dasturiy mahsuloti oʻrnatilgan qurilma va fiskal modul vaqtincha olib qoʻyilgan tadbirkorlik subyektiga davlat soliq xizmati organlari tomonidan ekspert xulosasi olingunga va masala mazmunan koʻrib chiqilgunga qadar tegishli TXKM tomonidan roʻyxatdan oʻtkazilgan boshqa zaxiradagi onlayn-NKM yoki virtual kassa va fiskal modul bir kun ichida beriladi.

44. Davlat soliq xizmati organlari tomonidan olib qoʻyilgan onlayn-NKM yoki virtual kassa dasturiy mahsuloti oʻrnatilgan qurilma va fiskal modul texnik ekspertizani amalga oshirish uchun ushbu onlayn-NKM yoki virtual kassa dasturiy mahsulotiga texnik xizmat koʻrsatmaydigan mustaqil TXKMga beriladi.

Ekspertiza jarayonida onlayn-NKM yoki virtual kassa dasturiy mahsuloti oʻrnatilgan qurilma va fiskal modulning nosozligi aniqlangan taqdirda ekspertiza uchun xizmat haqi tadbirkorlik subyekti tomonidan, aks holda vakolatli organning soliq organlarini rivojlantirish fondi tomonidan qoplanadi.

45. Onlayn-NKM yoki virtual kassa dasturiy mahsuloti oʻrnatilgan qurilma va fiskal modul olingan kundan boshlab oʻn ish kunidan ortiq boʻlmagan muddatda ekspertizadan oʻtkazilishi shart.

Ekspertiza qonun hujjatlarida belgilangan tartibda oʻtkaziladi.

46. Ekspertiza natijasiga koʻra onlayn-NKM yoki virtual kassaning xizmat koʻrsatuvchi dasturi buzilmaganligi aniqlangan taqdirda onlayn-NKM yoki virtual kassa dasturiy mahsuloti oʻrnatilgan qurilma va fiskal modul tadbirkorlik subyektiga qaytariladi.

8-bob. Operator faoliyatini yuritish tartibi

47. Operator maxsus texnika vositalari bilan jixozlangan, milliy kriptografik algoritmlar bazasi asosida axborot xavfsizligini taʼminlashning kriptografik usullaridan foydalangan holda, real vaqt rejimida axborot-telekommunikatsiya tarmogʻi orqali onlayn-NKM va virtual kassalarga biriktirilgan fiskal modullardan keladigan maʼlumotlarni uzluksiz ravishda qabul qiladi, qayta ishlaydi va saqlaydi, shuningdek, vakolatli organning maʼlumotlar bazasini shakllantiradi.

48. Operatorning vazifalari va majburiyatlari quyidagilardan iborat:

fiskal maʼlumotlar xavfsizligini taʼminlash;

fiskal maʼlumotlarni qabul qilingan vaqtdan boshlab besh yil muddatda saqlash;

fiskal maʼlumotlarni qabul qilib olish jarayonida ularni oʻzgartirish, bloklash yoki yuq qilish imkoniyatini cheklash;

fiskal maʼlumotlar bazasining zaxira nusxalari yuritilishini taʼminlash;

fiskal modul foydalanuvchilarining shaxsiy maʼlumotlarini himoya qilish;

oʻziga tegishli maʼlumotlarni koʻrsatgan holda Internetda oʻzining oʻz maxsus axborot tizimini ishlab chiqish va muntazam ishlashini taʼminlash;

onlayn-NKM va virtual kassa cheklarining haqqoniyligini QR-kod orqali tekshirish imkoninini beradigan axborot tizimlari va mobil ilovalarni ishlab chiqish;

fiskal modul va onlayn-NKM va (yoki) virtual kassa dasturiy mahsuloti oʻrtasida maʼlumotlarni almashish talablarini va shakllarini ishlab chiqish;

fiskal modulni texnik jihatdan mos keladigan onlayn-NKM va virtual kassalarning dasturiy tizimi bilan integratsiyalashtirishga koʻmaklashish;

sotilgan mahsulotlar (bajarilgan ishlar va koʻrsatilgan xizmatlar) toʻgʻrisidagi maʼlumotlarni viloyat, shahar va tumanlar boʻyicha tahlil qilish, shuningdek, soliq toʻlashdan boʻyin tovlash ehtimoli boʻlgan holatlarni aniqlaydigan avtomatlashtirilgan tahlil tizimlarini ishlab chiqish;

davlat reyestriga kiritilgan TXKMlarning hududiy filiallarini va sheriklik asosida hamkorlarini roʻyxatga kiritish;

TXKMlarning elektron shaklda yuborilgan arizasiga muvofiq malakali mutaxassis sertifikatiga ega boʻlgan xodimlarni roʻyxatga olish va ularga operatorning maxsus axborot tizimida ishlashi uchun ruxsat berish;

TXKMlar tomonidan ushbu qarorga 2-ilovaga asosan tasdiqlangan texnik talablarda nazarda tutilgan texnik va funksional tavsiflarga koʻra hamda tegishli shartnoma asosida taqdim qilingan fiskal modullarga uning xarajatlarini qoplab berish sharti bilan maxsus dasturiy taʼminot (applet) bilan jihozlab va maxsus axborot tizimida ularning hisobini yuritish. Bunda operator maxsus dasturiy taʼminot (applet) bilan jihozlangan fiskal modullarni TXKMga tasdiqlovchi hujjatlarga asosan, lekin Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarni kompleks ekspertiza qilish markazi” DUK xulosasida koʻrsatilgan narxdan oshmagan miqdorda fiskal modullarning qiymatini qoplashi lozim;

onlayn-NKM yoki virtual kassa dasturiy mahsulotining texnik va funksional tavsiflariga muvofiqligi yuzasidan vakolatli organga xulosa taqdim etish.

49. TXKMlar va ularning hududiy filiallarini yoki sheriklik asosidagi hamkorlarni roʻyxati maxsus axborot tizimida yuritiladi.

50. Operator vakolatli organning qaroriga asosan TXKMning, uning filiallari yoki sheriklik asosidagi hamkorlar mutaxassis xodimlarini maxsus axborot tizimiga kirish imkoniyatini bekor qilishi mumkin.

51. Fiskal modullar TXKMning arizasi asosida operator tomonidan beriladi.

52. Operator tomonidan maxsus axborot tizimida fiskal modullar, TXKMlar va ularning filiallari, mutaxassis xodimlari, onlayn NKM va virtual kassalar reyestri yuritiladi.

53. Operator vakolatli organ bilan birgalikda turgʻun savdo va hizmat koʻrsatish shahobchalarida onlayn-NKM va (yoki) virtual kassani toʻgʻri ishlashi yuzasidan oʻrganish hamda lozim hollarda oʻrganish uchun ekspert tashkilotlarni jalb qilish huquqiga ega.

54. Operator vakolatli organ bilan birgalikda TXKMga yuklangan vazifalar toʻlik bajarilishini nazorat qilib boradi. TXKMga yuklangan talablar bajarilmagan taqdirda, operator markazga nisbatan qonun hujjatlarida belgilangan choralarni koʻrish boʻyicha vakolatli organga taklif kiritadi hamda vakolatli organ uni davlat reyestridan chiqarish choralarini koʻradi.

55. Tadbirkorlik subyektlarini fiskal modul yoki virtual fiskal modul bilan taʼminlash va operator tomonidan koʻrsatiladigan xizmatlar uchun tadbirkorlik subyektlari tomonidan yilda bir marta bazaviy hisoblash miqdorining bir baravari miqdorida operatorga toʻlov amalga oshiriladi.

Bunda operator tomonidan koʻrsatiladigan xizmatlar uchun toʻlovlar tadbirkorlik subyektlari tomonidan naqd pulda va naqd pulsiz koʻrinishda amalga oshirilishi mumkin.

Toʻlovlarni belgilangan muddatda toʻlab berilmaslik holatlari tadbirkorlik subyektiga koʻrsatiladigan xizmatlarni toʻxtatib qoʻyishga asos boʻla olmaydi.

9-bob. Yakunlovchi qoidalar

56. Vakolatli organ operator tomonidan ushbu tartib talablariga rioya qilinishi yuzasidan nazorat oʻrnatadi.

57. Operator belgilangan tartibda fiskal maʼlumotlarni vakolatli organga yubormagan taqdirda yoki xato maʼlumotlar yuborilganda, shuningdek, tartibda koʻrsatilgan muddatlarda operatorga yuborilgan ariza va murojaatlarga javob bermaganda amaldagi konun hujjatlariga muvofiq javob beradi.

58. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

Aholi bilan pulli hisob-kitoblarni amalga oshirishda onlayn nazorat-kassa mashinalari va virtual kassa tizimini qoʻllash tartibi toʻgʻrisidagi nizomga 1-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ________________________________‎‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ (texnik xizmat koʻrsatish markazi nomi)‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎texnik xizmat koʻrsatish markaziga ‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ARIZA ‎ (Onlayn-NKM yoki virtual kassani turgʻun shoxobcha (koʻchma savdo obyekti) joylashgan joy boʻyicha davlat soliq xizmati organlarida roʻyxatdan oʻtkazish toʻgʻrisida) ‎ ‎‎ ‎‎‎‎‎Sizdan, _____________________________________________________________________________________ ‎ ‎ ‎ ‎ ‎ ‎ ‎ ‎ ‎‎‎(shoxobcha (koʻchma savdo obyekti) manzili) ‎ ‎ ‎ ‎ ‎‎manzilida joylashgan,_________________________________________________________________________ ‎ ‎ ‎ ‎ ‎ ‎ ‎ ‎ (tadbirkorlik subyektining nomi) ‎ ‎ ‎ ‎ ‎‎(STIR:________________)ga qarashli,___________________________________________________________ ‎ ‎ ‎ ‎ ‎ ‎ ‎ ‎ ‎ ‎‎(amalga oshiriladigan faoliyat turi) ‎‎ ‎ ‎ ‎ ‎ ‎‎savdo shoxobchasida foydalanish uchun, ____________________________________________________ rusumli, ‎ zavod raqami (versiyasi)________________________________________________boʻlgan onlayn-NKM (virtual ‎ kassa) va __________________________________________________________seriya raqamli fiskal modulni, ‎ _____________________________________________________davlat soliq inspeksiyasida roʻyxatga qoʻyishda ‎amaliy yordam berishingizni soʻrayman. ‎ ‎‎ Quyidagi hujjatlar ilova qilinadi: ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎1. Turgʻun shoxobcha (koʻchma savdo obyekti) mavjudligini tasdiqlaydigan hujjatlarning nusxalari (bino, inshootning yoki uning qismining ijara shartnomasi yoki kadastr hujjatlari). ‎‎ ‎ ‎‎ 2. Turgʻun savdo (xizmat koʻrsatish) shoxobchasi (koʻchma savdo obyekti) manzilining xaritadagi koordinatasi . ‎‎‎‎ __________________________ ‎ ‎ ____________‎‎ ‎ _________‎‎ ‎ (Tadbirkorlik subyekti rahbarining F.I.O.)‎‎ ‎ ‎ (imzo)‎‎ ‎ (sana) ‎‎ ‎

Aholi bilan pulli hisob-kitoblarni amalga oshirishda onlayn-NKM va (yoki) virtual kassa tizimini qoʻllash tartibi toʻgʻrisidagi nizomga 2-ILOVA

‎‎Onlayn-NKM yoki virtual kassa davlat soliq xizmati organlarida ‎roʻyxatga olinganligi toʻgʻrisidagi maʼlumotlar ‎ Ushbu roʻyxatga olinganlik toʻgʻrisidagi maʼlumot__________________________________________________ ‎__________________________________________________________ (STIR: _________________________)ga ‎‎‎‎(tadbirkorlik subyekti nomi) ‎ ‎ ‎ ‎ ‎‎tegishli boʻlgan onlayn-NKM yoki virtual kassa tizimi maxsus axborot tizimida qayd etilganligi toʻgʻrisida berildi. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Reyestr raqami‎‎ ‎‎Onlayn-NKM yoki virtual kassa nomi Zavod (seriya yoki litsenziya) raqami‎‎ ‎‎Fiskal modul seriya raqami Onlayn-NKM yoki virtual kassa joylashgan manzil‎‎ ‎‎Onlayn-NKM yoki virtual kassaning holati Sana‎‎ ‎ ‎‎ ‎‎ ‎‎‎ ‎‎‎ ‎‎ ‎‎ ‎‎‎ ‎‎ ‎‎‎ ‎‎ ‎‎ ‎‎ ‎‎ ‎ ‎‎ ‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________ ‎‎ (m.oʻ.) ‎‎ ‎‎___________ ‎ ‎‎ ____________ ‎‎(Davlat soliq xizmati organi rahbari F.I.O.) ‎ ‎ ‎‎(imzo) ‎ ‎‎(sana) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ________________________________________ ‎ ‎ ‎‎‎‎___________ ‎ ‎‎‎‎____________ ‎‎(Roʻyxatdan oʻtkazish boʻyicha masʼul xodim F.I.O.) ‎ ‎ ‎ ‎‎‎‎(imzo) ‎ ‎‎‎‎(sana)

Aholi bilan pulli hisob-kitoblarni amalga oshirishda onlayn nazorat-kassa mashinalari va virtual kassa tizimini qoʻllash tartibi toʻgʻrisidagi nizomga 3-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ _________________________________‎‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ (texnik xizmat koʻrsatish markazi nomi)‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎‎texnik xizmat koʻrsatish markaziga ‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ARIZA ‎ (Onlayn-NKM yoki virtual kassa tizimini turgʻun shoxobcha (koʻchma savdo obyekti) joylashgan joy boʻyicha davlat soliq xizmati organlarida roʻyxatdan chiqarish toʻgʻrisida) ‎ ‎‎ ‎‎‎‎‎Sizdan, men faoliyat yuritayotgan_________________________________________________________________ ‎ ‎ ‎ ‎ ‎ ‎ ‎‎‎(shoxobcha (koʻchma savdo obyekti) manzili)‎‎‎‎‎ _________________________________________________________________________‎‎manzilida joylashgan, ‎‎‎_______________________________________________________________________(STIR:____________)ga‎ ‎‎‎(tadbirkorlik subyektining nomi) ‎ ‎ ‎ ‎ ‎‎qarashli,_________________________________________________________‎‎savdo shoxobchasida foydalanish ‎ ‎ ‎ ‎‎ ‎‎‎(shoxobcha (koʻchma savdo obyekti) manzili)‎‎‎ ‎‎uchun ___________________________________________________________ rusumli, zavod raqami (versiyasi) ‎____________________________________________________________‎boʻlgan onlayn-NKM (virtual kassa) va ‎_________________________________________________________________seriya raqamli fiskal modulni, ‎ ___________________________________________________________________davlat soliq inspeksiyasidan ‎‎ roʻyxatdan chiqarish uchun amaliy yordam berishingizni soʻrayman. ‎ Onlayn-NKM (virtual kassa), __________________________________________________________________ ‎davlat soliq inspeksiyasidan roʻyxatdan chiqarish sababi:_____________________________________________ ‎‎______________________________________________________________________________________________________________________________________________________________________________________ ‎ ‎ Quyidagilar ilova qilinadi: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎1. Fiskal modul ____ dona. ‎2. Qoʻshimcha hujjatlar. ‎ ‎ __________________________ ‎ ‎ ____________‎‎ ‎ _________‎‎ ‎ (Tadbirkorlik subyekti rahbarining F.I.O.)‎‎ ‎ ‎ (imzo)‎‎ ‎ (sana) ‎

Aholi bilan pulli hisob-kitoblarni amalga oshirishda onlayn-NKM va virtual kassa tizimini qoʻllash tartibi toʻgʻrisidagi nizomga 4-ILOVA

Aholi bilan pulli hisob-kitoblarni amalga oshirishda onlayn-NKM va virtual kassa tizimini qoʻllash tartibi toʻgʻrisidagi nizomga 5-ILOVA

Onlayn-NKM, virtual kassa va fiskal modulni olib qoʻyish ‎ (tagiga chizilsin) ‎ ‎ BAYONNOMASI ‎‎‎ ‎‎Biz, quyida imzo chekuvchilar ___________________________________________________________________ ‎ ‎ ‎ ‎‎(tekshiruvchilarning F.I.O., lavozimi) ‎ ‎‎___________________________________________ ning 20___ yil “___” _______________dagi _______-son ‎‎(nazorat organining nomi) ‎ ‎ ‎ ‎ ‎ ‎‎buyrugʻiga muvofiq __________________________________________________________________________ ‎ ‎ ‎‎(xoʻjalik yurituvchi subyekt yoki yakka tadbirkor mansabdor shaxsi F.I.O.) ‎‎ishtirokida zavod raqami _________, 20___ yil “___” _________ da ____________________ raqam bilan _______________ DSIda roʻyxatdan oʻtkazilgan, _____________________________ manzilida joylashgan, STIR___________, ____________________________________________________________ ga tegishli boʻlgan ‎ ‎ ‎‎(xoʻjalik yurituvchi subyektning nomi (F.I.O.) ‎ ‎ ‎‎___________________________________________ modelli (versiyali) onlayn-NKM, virtual kassa qurilmasi va fiskal modulni olib qoʻydik. ‎ ‎Olib qoʻyish vaqtida quyidagilar aniqlandi: ‎Olib qoʻyish paytida onlayn-NKM, virtual kassa, fiskal modulning holati ______________________________ ‎ ___________________________________________________________________________________________ ‎‎(umumiy holati (ish holati, ishlamaydigan holati), shuningdek, alohida mexanik nuqsonlar koʻrsatiladi) ‎‎Ushbu bayonnoma 3-nusxada tuzildi. ‎1-nusxasi onlayn-NKM, virtual kassa, fiskal modul egasida qoladi; ‎2-nusxasi onlayn-NKM, virtual kassa, fiskal modulni olib qoʻygan organda saqlanadi; ‎3-nusxasi onlayn-NKM, virtual kassa, fiskal modul bilan birgalikda ekspertiza organiga taqdim etiladi. ‎ ‎Bayonnoma 20__ yil “____” ______________da ‎‎__________________________________________________________ ‎ (davlat soliq xizmati organi mansabdor shaxsining F.I.O.) ‎ ‎________________________________________________________ ‎________________________________________________________ ‎‎_____________________ ‎(imzo) ‎ ‎‎‎_____________________ ‎(imzo) ‎‎‎tadbirkorlik subyekti vakillari ishtirokida tuziladi. ‎___________________________________________________________ ‎‎_____________________

Vazirlar Mahkamasining 2019-yil 23-noyabrdagi 943-son qaroriga 1a-ILOVA

Aholi bilan pulli hisob-kitoblarni amalga oshirishda elektron toʻlov tashkiloti va (yoki) elektron tijorat platformalari (Marketpleys) orqali elektron fiskal chek taqdim qilish tartibi toʻgʻrisida

1-bob. Umumiy qoidalar

1. Ushbu Nizom aholi bilan Marketpleys orqali amalga oshirilgan pulli hisob kitoblar uchun xaridorlarga elektron fiskal chek taqdim qilish tartibini belgilaydi.

2. Ushbu Nizom talablari quyidagilarga tatbiq etiladi:

Marketpleys, shu jumladan toʻlov tashkilotlar orqali aholi bilan pulli hisob-kitoblarni amalga oshirilganda xaridorlarga elektron fiskal chek taqdim qilish;

tadbirkorlik subyektlari tomonidan xaridorlarga joylarda xarid qilingan mahsulot va xizmatlar uchun Marketpleys, shu jumladan toʻlov tashkilotlar orqali amalga oshirilgan toʻlovlar uchun onlayn-NKM yoki virtual kassa cheklarini taqdim qilish;

joylarda, shu jumladan, banklarda generatsiya qilingan yagona QR-kod orqali amalga oshirilgan toʻlovlar toʻgʻrisidagi maʼlumotlarni operatorga yuborish. Bunda yagona QR-kod orqali amalga oshirilgan toʻlovlarga ham nazorat-kassa texnikalaridan majburiy ravishda chek berilishi shart.

3. Mazkur Nizomda quyidagi asosiy tushunchalardan foydalaniladi:

fiskal maʼlumotlar — hisob-kitoblar toʻgʻrisidagi maʼlumotlar, hisob-kitoblarni amalga oshiruvchi tadbirkorlik subyekti toʻgʻrisida maʼlumot, hisob-kitobda foydalaniladigan Marketpleys orqali yaratilgan boshqa maʼlumotlar;

virtual fiskal modul — operator tomonidan yaratiladigan unikal raqam va unga biriktirilgan elektron raqamli imzo ochiq kalit sertifikati;

Vakolatli organ — Oʻzbekiston Respublikasi Soliq qoʻmitasi;

dasturlarni dasturlash interfeysi (Application Programming Interface) (keyingi oʻrinlarda — API) — bir dasturiy tizimning boshqa dasturiy tizim bilan oʻzaro aloqada ishlash usullarining tavsifi;

Marketpleys — operator tizimiga bogʻlanish imkoniyatiga ega boʻlgan, operatorga taqdim qilgan chek maʼlumotlari asosida onlayn rejimda fiskal belgilarni qabul qiluvchi, cheklarni elektron shaklda xaridorlarga yuborish funksiyasiga ega boʻlgan texnika vositalaridan, axborot texnologiyalaridan va axborot tizimlari xizmatlaridan foydalangan holda elektron toʻlov hujjatlari vositasida naqd yoki naqd pulsiz hisob-kitoblarni amalga oshirish tizimi;

Marketpleys reyestri — qonunchilik hujjatlarida belgilangan tartibda Davlat reyestriga kiritilgan Marketpleyslar roʻyxati.

Marketpleys foydalanuvchisi — tovarlar (bajarilgan ishlar va koʻrsatilgan xizmatlar) uchun aholi bilan pulli hisob kitoblarni amalga oshirishda fiskal maʼlumotlarni Marketpleys serveri orqali operatorga yuboruvchi tadbirkorlik subyekti.

4. Fiskal chek maʼlumotlarni operatorga yuborilishi Marketpleysning virtual fiskal moduli bilan tasdiqlash orqali amalga oshiriladi.

5. Operatorga yuboriladigan maʼlumotlarning toʻgʻriligi va ishonchliligi boʻyicha Marketpleys javobgar hisoblanadi.

2-bob. Operatorga elektron fiskal chek maʼlumotlarini yuborish tartibi

6. Marketpleyslar tartib raqam bilan elektron fiskal chek maʼlumotlarini operatorga yuboradi.

7. Operator tomonidan chek maʼlumotlariga fiskal belgi yaratib, QR-kod bilan Marketpleyslarga qaytariladi.

8. Marketpleys orqali xarid cheki elektron shaklda taqdim etilganda, operatordan olingan elektron fiskal chekning havolasini xaridor koʻrsatgan abonent raqamiga yoki elektron pochta manziliga, yoxud xaridorning shaxsiy kabinetiga yuborishini taʼminlaydi.

9. Marketpleys orqali realizatsiya qilingan tovar (xizmat) uchun chek qogʻoz shaklda taqdim etilgan taqdirda, qogʻoz chek ushbu qarorning 1-ilova 7-bandi talablariga mos ravishda shakllanishi lozim.

3-bob. Marketpleys vazifalari va majburiyatlari

10. Marketpleyslar xaridorlarga elektron fiskal chek taqdim qilish uchun operatorning maxsus axborot tizimi bilan integratsiya qiladi.

11. Marketpleyslar:

fiskal chek maʼlumotlarni shakllantirish, yuborish, qabul qilish va saqlash imkoniyatini beradigan axborot tizimiga;

call-markaziga ega boʻlishi lozim.

12. Marketpleyslar oʻzining maʼlumotlar bazasida shakllantirilgan fiskal chek maʼlumotlarni kamida 5 yil davomida saqlanishini va foydalanuvchilarning shaxsiy maʼlumotlari himoya qilinishi ularning konfidensialligini taʼminlashi shart, qonunchilik hujjatlarida belgilangan holatlar bundan mustasno.

3 1 -bob. Elektron platformalar tomonidan soliq axborot tizimlaridan foydalanish tartibi

12 1 . Belgilangan tartibda Davlat reyestriga kiritilgan elektron tijorat platformalari qonunchilik hujjatlari bilan talab etiladigan zarur maʼlumotlardan API orqali foydalanishi mumkin.

12 2 . Elektron tijorat platformalar soliq organi axborot tizimlaridagi API dan foydalanishga ruxsat olish uchun vakolatli organga shaxsiy kabineti orqali murojaat qiladi.

12 3 . Vakolatli organ oʻn ish kuni mobaynida quyidagi talablar bir vaqtning oʻzida bajarilganligini tekshiradi va API dan foydalanishga ruxsat beradi:

b) Oʻzbekiston Respublikasi Adliya vazirligi huzuridagi Personallashtirish agentligi tomonidan taqdim etiladigan Shaxsga doir maʼlumotlar bazasini Shaxsga doir maʼlumotlar bazalarining davlat reyestrida roʻyxatdan oʻtkazilganligi toʻgʻrisidagi guvohnomasi mavjudligi;

v) tizimga murojaat qiladigan IP-manzil hamda maʼlumotlarni qayta ishlaydigan texnik vositalarning jisman Oʻzbekiston Respublikasi hududida joylashganligi;

d) elektron tijorat platformalar tomonidan API dan foydalanishga ruxsat olish uchun soʻralayotgan maʼlumotlarning, elektron fiskal cheklarda boʻlishi zarur boʻlgan maʼlumotlarga muvofiqligi.

Yuqoridagi talablarga muvofiq boʻlmagan holatlarda vakolatli organ API orqali foydalanishni rad etadi hamda bu haqda murojaatchiga xabar yuboradi.

12 4 . Elektron tijorat platformalarning API orqali yuboriladigan texnik soʻrovlari soni sekundiga 1 tadan oshmasligi shart.

12 5 . Vakolatli organ API dan foydalanuvchi elektron tijorat platformalarning reyestrini yuritadi.

12 6 . Elektron tijorat platformalar oʻzining maʼlumotlar bazasida shaxsga doir maʼlumotlarning va soliq sirini tashkil etuvchi maʼlumotlarning konfidensialligini taʼminlashi shart.

12 7 .Elektron tijorat platformalar soliq organi axborot tizimlaridan olingan shaxsga doir maʼlumotlarni va soliq sirini tashkil etuvchi maʼlumotlarni uchinchi shaxslarga oshkor etmasligi va tarqatmasligi shart.

4-bob. Marketpleyslarni Davlat reyestriga kiritish

13. Marketpleyslarni Davlat reyestriga kiritilishi uchun vakolatli organga ilovaga muvofiq belgilangan shaklda Marketpleyslar tomonidan ariza bilan murojaat qilinadi.

14. Vakolatli organ tomonidan ariza beruvchiga Marketpleyslarga Davlat reyestriga kiritish toʻgʻrisidagi qaror nusxasi yoki uni rad etish sababi koʻrsatilgan javob xati hujjatlar taqdim etilgan kundan boshlab oʻn besh ish kunida elektron yoki yozma tarzda murojaatchiga taqdim etiladi.

15. Davlat reyestriga kiritish rad etilganda, ariza beruvchi kamchiliklarni bartaraf etib, vakolatli organga takroran murojaat qilishi mumkin.

5-bob. Marketpleyslarni Davlat reyestridan chiqarish

16. Marketpleyslarni quyidagi hollarda Davlat reyestridan chiqariladi:

Marketpleys tugatilganda, bankrot deb eʼtirof etilganda;

uning faoliyatiga nisbatan qonunchilik hujjatlari talablari oʻzgarganda;

vakolatli organga qilgan murojaatiga muvofiq.

17. Qonunchilikda belgilangan talablar bajarilmagan taqdirda vakolatli organ tomonidan Davlat reyestriga kiritilgan Marketpleysni yozma ogohlantirilgan holda operator tarmogʻidan vaqtinchalik yoki butunlay uzishi va Davlat reyestridan chiqarishi mumkin.

18. Marketpleysni Davlat reyestridan chiqarish vakolatli organning qarori asosida amalga oshiriladi.

6-bob. Foydalanuvchilarni roʻyxatdan oʻtkazish

19. Marketpleys orqali aholi bilan pulli hisob kitoblarni amalga oshiruvchi tadbirkorlik subyektlari qonunchilikda belgilangan tartibda Marketpleys bilan oʻzaro shartnoma tuzadi.

20. Marketpleys oʻzaro shartnoma taqdim qilgan tadbirkorlik subyekti maʼlumotlarini operatorning maxsus axborot tizimida qayd etadi.

21. Yuborilgan arizaning maʼlumotlarni notoʻgʻri yoki belgilangan tartibda toʻldirilmagan boʻlsa Davlat soliq xizmati organlari xodimi tomonidan rad qilinadi. Marketpleys kamchiliklarni bartaraf qilib 2-bandga muvofiq qayta ariza yuborishi mumkin.

7-bob. Yakuniy qoidalar

22. Vakolatli organ va operator ushbu Nizom talablariga rioya etilishi yuzasidan qonunchilik hujjatlariga muvofiq nazoratni amalga oshiradilar.

23. Ushbu Nizom talablarini buzgan shaxslar qonunchilik hujjatlarida belgilangan tartibda javob beradilar.

Aholi bilan pulli hisob-kitoblarni amalga oshirishda elektron toʻlov tashkiloti va (yoki) elektron tijorat platformalari (Marketpleys) orqali elektron fiskal chek taqdim qilish tartibi toʻgʻrisidagi Nizomga ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‏Oʻzbekiston Respublikasi Soliq qoʻmitasiga ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ARIZA ‎(Marketpleyslarni davlat reyestriga kiritish toʻgʻrisida) ________________________________________________________________________ (tadbirkorlik subyekti nomi) STIR: ____________ __________________________________________ manzilida ‎ ‎ ‎ ‎ ‎ ‎ (yuridik manzili) ‎ ‎ ‎ joylashgan _____________________________________________________________ga ‎ ‎ ‎ (mulkchilik shakli) ‎ ______________________________________________ rusumli Marketpleys(lar)ning ________________________________ versiyasini ilovada keltirilgan hujjatlar asosida Davlat reyestriga kiritishingizni soʻrayman. Quyidagi hujjatlar ilova qilinadi: ‎1. Marketpleys dasturiy mahsulotining texnik va funksional tavsiflariga muvofiqligi yuzasidan fiskal maʼlumotlar operatorining xulosasi; ‎2. Shakllantirilgan elektron kassa cheklari namunalari; ‎3. Marketpleys tizimining etalon elektron namunasi (APK i URL website); ‎4. Marketpleysning texnik va funksional tavsiflari batafsil koʻrsatilgan texnik pasport (yoki unga tenglashtirilgan hujjat) hamda kafolat majburiyatlari; ‎5. Foydalanish hujjatlari (foydalanuvchi uchun qoʻllanma, oʻrnatish boʻyicha qoʻllanma va soliq inspektori yoʻriqnomasi); ‎6. Marketpleys dasturiy mahsulotining mualliflik huquqini tasdiqlovchi hujjat (patent). Bunda hujjat boshqa davlatdan olingan boʻlsa uning manbasi koʻrsatiladi; ‎Ilova: ____ varaqda yoki elektron koʻrinishda (pdf, jpg, gif, jpeg formatda). ‎____________________________ ‎ ‎ ‎__________ ‎ ‎ ‎__________ ‎ ‎ (Yuridik shaxs mansabdor shaxsining F.I.Sh.) ‎ ‎ (imzo) ‎ ‎ (sana) ‎ ‎ Telefon raqami: ____________________ Pochta manzili: _______________________________________________________ . ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Vazirlar Mahkamasining 2019-yil 23-noyabrdagi 943-son qaroriga 2-ILOVA

Oʻzbekiston Respublikasi hududida qoʻllanilishi ruxsat etilgan onlayn nazorat-kassa mashinalari, virtual kassa va fiskal modulga qoʻyiladigan

1-bob. Umumiy qoidalar

1. Mazkur texnik talablar maʼlumotlarni davlat soliq xizmati organlariga fiskal modul va uning dasturiy mahsulotlaridan (versiyalaridan) foydalangan holda uzatishni taʼminlaydigan onlayn nazorat kassa mashinalari (keyingi oʻrinlarda onlayn-NKM deb ataladi), virtual kassa va fiskal modulning asosiy texnik hamda funksional xususiyatlarini aks ettiradi, shuningdek, Oʻzbekiston Respublikasi hududida qoʻllanishi ruxsat etilgan onlayn-NKM va virtual kassaning Davlat reyestriga kiritiladigan texnik talablarga muvofiqligi yuzasidan doimiy tatbiq etiladi.

2. Onlayn-NKM va virtual kassa dasturiy taʼminoti orqali shakllantiriladigan fiskal maʼlumotlarning elektron tuzilmasi, ularni fiskal maʼlumotlar operatori (keyingi oʻrinlarda operator deb ataladi)ga yuborish tartibi, texnik xizmat koʻrsatish markazi (keyingi oʻrinlarda TXKM deb ataladi) bilan elektron axborot almashish formatlari operator tomonidan ishlab chiqiladi va maxsus axborot tizimiga joylashtirib boriladi.

2-bob. Onlayn-NKM uchun qoʻyiladigan texnik talablar

3. Onlayn-NKMga quyiladigan texnik talablar quyidagilardan iborat:

zavod raqami va zavod raqami koʻrsatilgan korpusga ega boʻlishi;

fiskal modulsiz onlayn-NKM dasturiy mahsulotdan foydalanish imkoni cheklanganligi;

foydalanuvchi va xaridor (mijoz) oʻrtasida sotilgan tovarlar (bajarilgan ishlar va koʻrsatilgan xizmatlar) uchun hisob-kitoblarni amalga oshirishdagi onlayn-NKM yoki virtual kassada amaldagi qonun hujjatlariga muvofiq shakllantirilgan va elektron shaklda yoki qogʻozda chop etilgan, hisob-kitoblar toʻgʻrisidagi maʼlumotlarni oʻz ichiga olgan, uni amalga oshirish faktini tasdiqlovchi birlamchi hisob hujjati (keyingi oʻrinlarda chek deb ataladi) qogʻozi boʻlmagan holda chekni shakllantirish uchun buyruq berish imkonini avtomatik tarzda cheklash;

onlayn-NKMdan ruxsat etilmagan hollarda foydalanishga harakat qilinganda yoki maʼlumotlar bazasiga tashqi dasturlar orqali oʻzgartirish kiritilganda avtomatik tarzda bloklash tizimiga oʻtish;

fiskal modul nosoz holatga kelganda yoki uning xotirasi toʻlganda avtomatik bloklash tizimiga oʻtish;

real vaqt rejimida avtomatlashtirilgan kuzatish tizimi (GPS) bilan jihozlangan boʻlishi, chek maʼlumotlari bilan joylashgan joyi boʻyicha geolakatsiya (uzunlik va kenglik) maʼlumotlarini operatorga yuborish;

shtrix kod oʻqish qurilmasini qoʻllab-quvvatlash;

cheklarni chop etish qurilmasi korpus ichida boʻlishi;

banklarda generatsiya qilingan yagona QR-kodni shakllantirish axborot tizimi hamda elektron toʻlov tizimlariga majburiy ulanishi;

shtrix-kodlar va raqamli markirovka kodlarini toʻgʻri oʻqishni va aniqlashni taʼminlovchi maxsus qurilmalarga (2D-skanerlar, maʼlumotlarni yigʻuvchi terminallar yoki boshqa turdagi maxsus qurilmalar) ega boʻlishi;

Mahsulotlar (tovar va xizmatlar) yagona elektron milliy katalogi boʻyicha identifikatsiyalash kodlari toʻgʻrisidagi maʼlumotlarni real vaqt rejimida qurilma xotirasiga yuklash imkoniyati;

barcha bank kartalari va QR-kodlar orqali toʻlovlarni toʻgʻridan-toʻgʻri shu qurilma orqali qabul qilish imkoniyati;

raqamli markirovkalangan mahsulotlarni raqamli identifikatsiyalash vositasining markirovkalash kodlari toʻgʻri oʻqilishini va aniqlanishini taʼminlashi maqsadida ISO/IEC 15415 “Axborot texnologiyalar. Avtomatik identifikatsiyalash va maʼlumotlarni yigʻish texnologiyalari. Chop etish sifatini baholash uchun shtrix kodi ramzlarini test spetsifikatsiyasi. Ikki oʻlchamli ramzlar” (ISO/IEC 15415:2011 “Information technology — Automatic identification and data capture techniques — Bar code print quality test specification — Two-dimensional symbols”) standartiga muvofiq maxsus uskunalar, yaʼni maʼlumotlarni yigʻish terminallari, lazer skanerlari yoki boshqa shtrix kod oʻqish qurilmasiga ega boʻlishi;

raqamli markirovkalangan mahsulotlar realizatsiya qilinganda, ushbu mahsulotning markirovka kodini majburiy aks ettirish talabini eʼlon qilish, shuningdek, markirovka kodi aks ettirilmagan taqdirda, chekni shakllantirish imkoniyatini cheklash mexanizmiga ega boʻlishi;

retsept bilan beriladigan dori vositalari faqat elektron retsept rasmiylashtirilgan holdagina realizatsiya qilinishi, elektron retseptni rasmiylashtirish orqali retsept bilan beriladigan dori vositalari realizatsiya qilinganda, chekda elektron retsept raqamini (retsept ID) majburiy aks ettirish talabini eʼlon qilish, ushbu talab bajarilmagan taqdirda chekni shakllantirish imkoniyatini cheklash mexanizmiga ega boʻlishi;

kassa chekida ikkita bir xil markirovka kodlarni (dublikatlarni) aks ettirish imkoniyatini cheklash mexanizmiga ega boʻlishi;

sotilgan tovarlar (bajarilgan ishlar va koʻrsatilgan xizmatlar) nomi, oʻlchov birligi, miqdori toʻgʻri aks ettirilishini taʼminlash;

fiskal modul korpusning ichida joylashtirilishi;

48 soat offlayn rejimida ishlagandan soʻng avtomatik bloklash tizimiga oʻtish;

6 ta belgidan kam boʻlmagan dasturiy parolga yoki bundan yuqori darajadagi himoya tizimiga ega boʻlish;

mobil aloqa operatorining internet tarmogʻiga 2G va undan yuqori standartlar asosida, shuningdek, SDMA va Wi-Fi standartlari orqali aloqa tarmogʻiga bogʻlanish imkoniyatining mavjudligi;

sertifikatlash organlari tomonidan berilgan muvofiqlik sertifikatlarining mavjudligi;

dasturiy mahsulotning mualliflik huquqini tasdiqlovchi hujjatning mavjudligi (agar u xorijiy mamlakatdan olingan boʻlsa uning manbai koʻrsatiladi);

foydalanish boʻyicha qoʻllanmaga (davlat tili va boshqa tillarda) ega boʻlish;

chop etilgan cheklardagi sonlar, harflar va ramzlar aniq koʻrinishda boʻlishi va bir xil maʼnoda oʻqilishi;

Oʻzbekiston Respublikasi hududida foydalanish jarayonida vaqt va sanani internet orqali UTC+05:00 vaqt zonasiga avtomatik moslashtirishni taʼminlashi yoki vaqt va sanani operator serveridan olish imkoniyatining mavjudligi;

fiskal maʼlumotlar bevosita fiskal modul orqali toʻgʻridan-toʻgʻri faqat operatorga uzatilishi taʼminlanishi;

bitta fiskal moduldan bir vaqtda faqat bitta onlayn-NKM uchun foydalanish taʼminlanishi;

chek qogʻozida aks etadigan maʼlumotlar ustun ravishda davlat tilida boʻlishi taʼminlanishi;

fiskal maʼlumotlarni shakllantirishda ularga qasddan oʻzgartirish kiritilishidan himoyalanganlik;

Onlayn-NKM fiskal maʼlumotlar almashishda qoʻyiladigan talablarga ziyon yetkazmaydigan boshqa qulayliklarga ham ega boʻlishi mumkin.

Onlayn-NKMga oʻrnatilgan dasturiy mahsulotga oʻzgartirish va qoʻshimchalar kiritilishi mumkin.

Fiskal maʼlumotlar, shuningdek, ularni operatorga yuborishda oʻzgartirish va qoʻshimchalar kiritilgan taqdirda operator va kiberxavfsizlik markazidan qayta xulosa olinishi shart.

4. Texnik talablar barcha turdagi onlayn-NKM uchun tatbiq etiladi.

5. Onlayn-NKMdan quyidagi hollarda foydalanishga ruxsat etilmaydi:

uning modeli Davlat reyestriga kiritilmagan boʻlsa;

chekda majburiy talablardan biri yoki bir nechtasi mavjud boʻlmasa;

onlayn-NKMga qoʻyilgan talablardan biri yoki bir nechtasi bajarilmasa;

TXKM bilan kafolatli va uzluksiz xizmat koʻrsatish boʻyicha shartnoma tuzilmaganda;

tadbirkorlik subyektining maʼlumotlari oʻzgarganda.

3-bob. Virtual kassa uchun qoʻyiladigan texnik talablar

6. Virtual kassalarga qoʻyiladigan texnik talablar quyidagilardan iborat:

dasturiy mahsulot versiya raqami, seriya yoki litsenziya raqamiga ega boʻlishi;

fiskal modulsiz virtual kassa dasturiy mahsulotidan foydalanish imkoni cheklanganligi;

virtual kassadan ruxsat etilmagan hollarda foydalanishga harakat qilinganda yoki maʼlumotlar bazasiga tashqi dasturlar orqali oʻzgartirish kiritilganda avtomatik tarzda bloklash tizimiga oʻtish;

fiskal modul nosoz holatga kelganda yoki uning xotirasi toʻlganda avtomatik bloklash tizimiga oʻtish;

48 soat offlayn rejimida ishlagandan soʻng avtomatik bloklash tizimiga oʻtish;

shtrix kod oʻqish qurilmasini qoʻllab-quvvatlash;

shtrix-kodlar va raqamli markirovka kodlarini toʻgʻri oʻqishni va aniqlashni taʼminlovchi maxsus qurilmalarga (2D-skanerlar, maʼlumotlarni yigʻuvchi terminallar yoki boshqa turdagi maxsus qurilmalar) ega boʻlishi;

Mahsulotlar (tovar va xizmatlar) yagona elektron milliy katalogi boʻyicha identifikatsiyalash kodlari toʻgʻrisidagi maʼlumotlarni real vaqt rejimida qurilma xotirasiga yuklash imkoniyati;

barcha bank kartalari va QR-kodlar orqali toʻlovlarni toʻgʻridan-toʻgʻri shu qurilma orqali qabul qilish imkoniyati;

Raqamli markirovkalangan mahsulotlarni raqamli identifikatsiyalash vositasining markirovkalash kodlari toʻgʻri oʻqilishini va aniqlanishini taʼminlashi maqsadida, ISO/IEC 15415 “Axborot texnologiyalar. Avtomatik identifikatsiyalash va maʼlumotlarni yigʻish texnologiyalari. Chop etish sifatini baholash uchun shtrix kodi ramzlarini test spetsifikatsiyasi. Ikki oʻlchamli ramzlar” (ISO/IEC 15415:2011 “Information technology — Automatic identification and data capture techniques — Bar code print quality test specification — Two-dimensional symbols”) standartiga muvofiq maxsus uskunalar, yaʼni maʼlumotlarning yigʻish terminallari, lazer skanerlari yoki boshqa shtrix kod oʻqish qurilmasiga ega boʻlishi;

raqamli markirovkalangan mahsulotlar realizatsiya qilinganda, ushbu mahsulotning markirovka kodini majburiy aks ettirish talabini eʼlon qilish, shuningdek, markirovka kodi aks ettirilmagan taqdirda, chekni shakllantirish imkoniyatini cheklash mexanizmiga ega boʻlishi;

retsept bilan beriladigan dori vositalari faqat elektron retsept rasmiylashtirilgan holdagini realizatsiya qilinishi, elektron retseptni rasmiylashtirish orqali retsept bilan beriladigan dori vositalari realizatsiya qilinganda, chekda elektron retsept raqamini (retsept ID) majburiy aks ettirish talabini eʼlon qilish, shuningdek, elektron retseptning raqami aks ettirilmagan taqdirda, chekni shakllantirish imkoniyatini cheklash mexanizmiga ega boʻlishi;

kassa chekida ikkita bir xil markirovka kodlarni (dublikatlarni) aks ettirish imkoniyatini cheklash mexanizmiga ega boʻlishi;

sotilgan tovarlar (bajarilgan ishlar va koʻrsatilgan xizmatlar) nomi, oʻlchov birligi, miqdori toʻgʻri aks ettirilishini taʼminlash;

6 ta belgidan kam boʻlmagan dasturiy parolga yoki bundan yuqori darajadagi himoya tizimiga ega boʻlish;

sertifikatlash organlari tomonidan berilgan muvofiqlik sertifikatlarining mavjudligi;

dasturiy mahsulotning mualliflik huquqini tasdiqlovchi hujjatning mavjudligi (agar u xorijiy mamlakatdan olingan boʻlsa uning manbai koʻrsatiladi);

foydalanish boʻyicha qoʻllanmaga (davlat tilida va boshqa tillarda) ega boʻlishi;

chop etilgan cheklardagi sonlar, harflar va ramzlar aniq koʻrinishda boʻlishi va bir xil maʼnoda oʻqilishi;

Oʻzbekiston Respublikasi hududida foydalanish jarayonida vaqt va sanani internet orqali UTC+05:00 vaqt zonasiga avtomatik moslashtirishni taʼminlashi yoki vaqt va sanani operator serveridan olish imkoniyatining mavjudligi;

banklarda generatsiya qilingan yagona QR-kodni shakllantirish axborot tizimi hamda elektron toʻlov tizimlariga majburiy ulanishi;

fiskal maʼlumotlarni bevosita fiskal modul orqali toʻgʻridan-toʻgʻri faqat operatorga uzatilishini taʼminlanishi;

bitta fiskal moduldan bir vaqtda faqat bitta virtual kassa uchun foydalanishi taʼminlanishi;

chekda aks etadigan maʼlumotlar ustun ravishda davlat tilida boʻlishi taʼminlanishi;

Virtual kassa fiskal maʼlumotlar almashishda qoʻyiladigan talablarga ziyon yetkazmaydigan boshqa qulayliklarga ega boʻlishi mumkin.

Virtual kassaga oʻzgartirish va qoʻshimchalar kiritilishi mumkin.

Fiskal maʼlumotlar, shuningdek, ularni operatorga yuborishda oʻzgartirish va qoʻshimchalar kiritilgan taqdirda operator va kiberxavfsizlik markazidan qayta xulosa olinishi shart.

Tovarlarni sotish, ishlarni bajarish va xizmatlarni koʻrsatishni elektron tijorat orqali amalga oshiruvchi tadbirkorlik subyektlari fiskal maʼlumotlarni operatorga uzatishni Soliq qoʻmitasi tomonidan ishlab chiqilgan virtual kassa dasturiy mahsuloti orqali amalga oshirishi mumkin.

7. Texnik talablar barcha turdagi virtual kassalar uchun tatbiq etiladi.

8. Virtual kassadan quyidagi hollarda foydalanishga ruxsat etilmaydi:

uning versiyasi (modeli) Davlat reyestriga kiritilmagan boʻlsa;

chekda majburiy talablardan biri yoki bir nechtasi mavjud boʻlmasa;

TXKM bilan kafolatli va uzluksiz xizmat koʻrsatish boʻyicha shartnoma tuzilmagan boʻlsa;

tadbirkorlik subyektining maʼlumotlari oʻzgarganda.

4-bob. Fiskal modulning fizik parametrlari

9. Fiskal modul sifatida smart-karta yoki USB-kaliti koʻrinishidagi qurilmalardan foydalanish mumkin.

10. Fiskal modul xavfsizlik kontrolleri bilan taʼminlangan boʻlishi lozim.

Shu jumladan, fiskal modul T=0 va T=1 aloqa protokollarini, UZDST1092-2009 yoxud ECDSA-256 hamda 3DES, AES, RSA, SNA-1, SNA-224, SNA-256, ECC over GF(p) va Random number generation kriptografik algoritmlarni shifrlash funksiyalarini amalga oshirish imkoniyati boʻlishi, shuningdek Java Card 2.2.2 yoki Java Card 3.0.3, Global Platform 2.1.1 va undan yuqori standartlarga javob berishi lozim.

Bundan tashqari, fiskal modul kriptografik algoritmlarni ishlash tezligi 600 millisekunddan oshmasligi, fiskal modulning appletini ishlash tezligi 2 soniyadan oshmasligi, fiskal maʼlumotlar saqlanishi uchun ajratilgan xotira hajmi 100 kilobaytdan va fiskal modulning operativ xotirasi 8 kilobaytdan kam boʻlmasligi hamda operator tomonidan qoʻshimcha belgilangan texnik va funksional tavsiflari asosida boʻlishi kerak.

5-bob. Fiskal modul dasturiy taʼminotiga qoʻyiladigan funksional talablar

11. Onlayn-NKM yoki virtual kassa dasturiy taʼminotining elektron murojaati asosida fiskal modul xotirasida chekni roʻyxatga oladi;

Fiskal modul xotirasida “Z-hisobot”larni shakllantiradi va saqlaydi;

Onlayn-NKM va (yoki) virtual kassa orqali shakllangan maʼlumotlarni, jumladan, umumiy chek summasi, naqd yoki bank plastik kartadan toʻlov summasi, QQS summasi, operatsiya turi (sotish yoki qaytarish) maʼlumotlarini fiskal modulga yuboradi.

Maʼlumotlar fiskal modulga muvaffaqiyatli oʻtgan taqdirda:

fiskal modul takrorlanmas raqamini;

elektron raqamli imzo yordamida imzolangan va shifrlangan chek maʼlumotlarini qaytaradi.

Shifrlangan chek maʼlumotlari operator tomonidan qabul qilinib, tasdiqlash maʼlumoti fiskal modulga tushganidan soʻng ushbu shifrlangan chek maʼlumotlari fiskal modul xotirasidan oʻchiriladi.

6-bob. Fiskal modulni ishga tushirish

12. Fiskal modulni ishga tushirishda ushbu ilovaning 5-bobidagi amallarni bajarishni taʼminlovchi ixtisoslashtirilgan dasturiy taʼminot (applet) oʻrnatilgan boʻlishi shart.

13. Fiskal modulni birinchi marta ishga tushirish jarayonida quyidagilar amalga oshiriladi:

elektron raqamli imzo kalitlari yaratiladi;

ochiq kalit operatorga uzatiladi.

14. TXKMlarini fiskal modul va ixtisoslashtirilgan dasturiy taʼminot (applet) bilan taʼminlash operator tomonidan amalga oshiriladi.

7-bob. Yakunlovchi qoidalar

15. Tadbirkorlik subyektlari oʻziga biriktirilgan fiskal modulga ziyon yetkazmaslik choralarini koʻrishi shart.

16. Soliqlarni yashirish maqsadida onlayn-NKM va virtual kassa dasturiy mahsulotiga, shuningdek, fiskal modulga qasddan oʻzgartirish kiritganlik uchun qonun hujjatlarida belgilangan tartibda jazo choralari qoʻllaniladi.

17. Ushbu texnik talablarni buzilishida aybdor boʻlgan shaxslar qonun hujjatlarida belgilangan tartibda javob beradilar.

Vazirlar Mahkamasining 2019-yil 23-noyabrdagi 943-son qaroriga 3-ILOVA

Onlayn nazorat-kassa mashinalari, virtual kassa va fiskal modulga texnik xizmat koʻrsatish markazlarining davlat reyestrini yuritish hamda ularga qoʻyiladigan alohida

1-bob. Umumiy qoidalar

1. Ushbu talablar onlayn nazorat-kassa mashinasi (keyingi oʻrinlarda onlayn-NKM deb ataladi) qurilmalari va virtual kassa dasturiy mahsulotlariga texnik xizmat koʻrsatish, taʼmirlash faoliyati bilan shugʻullanuvchi, ixtisoslashgan, zamonaviy texnologik uskunalar bilan jihozlangan yuridik shaxslar — texnik xizmat koʻrsatish markazlarini (keyingi oʻrinlarda TXKM deb ataladi) roʻyxatga olish, roʻyxatdan chiqarish va ularning Davlat reyestrini yuritish tartibini hamda ushbu markazlarga qoʻyiladigan alohida talablarni belgilaydi.

2. TXKMlarning Davlat reyestriga kiritish Oʻzbekiston Respublikasi Soliq qoʻmitasi (keyingi oʻrinlarda vakolatli organ deb ataladi) tomonidan amalga oshiriladi va uning rasmiy saytida eʼlon qilib boriladi.

3. Davlat reyestriga kiritilgan TXKM respublikaning istalgan hududida malakali mutaxassislar, yetarli shart-sharoitlar va asbob-uskunalarga ega boʻlgan filiallarini ochishi yoki sheriklik asosida ishlashi mumkin.

Bunda, TXKMga qarashli har bir filial alohida roʻyxatga kiritiladi.

Shuningdek, onlayn-NKM va (yoki) virtual kassaga xizmat koʻrsatishga talab boʻlgan hududlarda hamda onlayn-NKM yoki virtual kassalar soni oʻttiztadan koʻp boʻlgan tumanlarda TXKM, uning filiali yoki sheriklik asosida hamkorlari ushbu hududda onlayn-NKM va virtual kassalarga texnik xizmat koʻrsatish shahobchalarini ochishlari shart.

TXKMlarning hududiy filiallari yoki sheriklik asosidagi hamkorlarini (keyingi oʻrinlarda hududiy filial deb ataladi) roʻyxatga kiritish fiskal maʼlumotlar operatori (keyingi oʻrinlarda operator deb ataladi) tomonidan amalga oshiriladi.

4. TXKMlarni Davlat reyestriga kiritish va ularning hududiy filiallarini roʻyxatga kiritish uchun toʻlov undirilmaydi.

5. Belgilangan tartibda Davlat reyestriga kiritilmagan holda onlayn-NKM va (yoki) virtual kassa dasturiy mahsulotlariga texnik xizmat koʻrsatish faoliyati bilan shugʻullangan yuridik shaxslarga nisbatan amaldagi qonun hujjatlarida belgilangan tartibda jazo choralari qoʻllaniladi.

6. TXKM:

tadbirkorlik subyektlarida oʻrnatilgan onlayn-NKM qurilmalari va virtual kassalarni majburiy tartibda bir yilda bir marta texnik va dasturiy koʻrikdan oʻtkazish va oʻrganish natijalarini uch ish kunida maxsus axborot tizimida qayd etadi, shuningdek, soliq toʻlovchining shaxsiy kabinetiga xabarnoma yuborishga;

matritsali shtrixli kodni (QR-kod) skanerlash yoki cheklarning fiskal belgisini kiritish orqali soliq organlarining maxsus mobil ilovasida roʻyxatdan oʻtkazilishi mumkin boʻlgan onlayn-NKM va virtual kassa cheklarining sifatli chop etilishini;

soliq organlariga tegishli soʻrovlar yuborish yoʻli bilan kuniga kamida bir marta mahsulot (tovarlar va xizmatlar)ning elektron milliy katalogi tovarlarning (xizmatlarning) identifikatsiya kodlari reyestrini ularning maʼlumotlar bazalarida yangilab borishini taʼminlashga majbur.

2-bob. TXKMga qoʻyiladigan talablar

7. TXKM oʻz faoliyatini amalga oshirish uchun u tomonidan xizmat koʻrsatiladigan hamda vakolatli organda roʻyxatga olingan onlayn-NKMlar va virtual kassalarning jami soni:

mingtagacha boʻlganda Oʻzbekiston Respublikasida belgilangan bazaviy hisoblash miqdorining yuz baravari miqdorida;

mingtadan besh mingtagacha boʻlganda Oʻzbekiston Respublikasida belgilangan bazaviy hisoblash miqdorining ikki yuz baravari miqdorida;

besh mingtadan oʻn mingtagacha boʻlganda Oʻzbekiston Respublikasida belgilangan bazaviy hisoblash miqdorining besh yuz baravari miqdorida;

oʻn mingtadan koʻp boʻlganda Oʻzbekiston Respublikasida belgilangan bazaviy hisoblash miqdorining bir ming baravari miqdorida mablagʻlarni vakolatli organning maxsus hisob raqamiga zaxiraga qoʻyishi lozim.

Zaxira summasi bank yoki sugʻurta tashkilotlari kafolat xati asosida olti oy ichida shakllantirilishi mumkin.

Zaxira summasi bank kafolat xati asosida tadbirkorlik subyektining oʻz ehtiyojida ham qoldirilishi mumkin.

Banklar va ularning mijozlari oʻrtasidagi munosabatlar qonunchilikda belgilangan tartibda shartnomalar asosida amalga oshiriladi.

8. Maxsus hisob raqamiga zaxiraga qoʻyilgan hamda bank kafolat xati asosida tadbirkorlik subyektining oʻz ehtiyojida qoldirilgan mablagʻlar TXKM, uning hududiy filiallari yoki sheriklik asosida hamkorlari tomonidan oʻzi xizmat koʻrsatayotgan onlayn-NKM va (yoki) virtual kassa dasturiy mahsulotining funksional xususiyatlariga ishlab chiqaruvchi yoki uning vakolatli vakilining ruxsatisiz oʻzgartirish kiritish yoki boshqacha tarzda onlayn-NKM yoki virtual kassani qoʻllash tartibi buzilishi natijasida operatorga, tadbirkorlik subyektiga yoki soliqlar notoʻgʻri hisoblanishi natijasida davlat budjetiga yetkazilgan zararlarni qoplash uchun ishlatiladi.

Yetkazilgan zararlar ekspertiza xulosasi asosida aniqlanadi.

Yetkazilgan zararlar belgilangan tartibda sud orqali undiriladi.

Zaxira summasi bank kafolat xati asosida tadbirkorlik subyektining oʻz ehtiyojida qoldirilgan taqdirda, TXKM tomonidan yetkazilgan zarar summasi kafolat bergan bankdan undiriladi.

9. TXKM tomonidan zaxiraga qoʻyilgan mablagʻlar summasi 7-bandda koʻrsatilgan miqdordan kamaygan taqdirda uning yetmayotgan qismini, vakolatli organning xabarnomasi olingan kundan eʼtiboran oʻn ish kunida vakolatli organning maxsus hisob raqamiga tushishi taʼminlanishi zarur.

Shuningdek, tadbirkorlik subyekti bank kafolat xatini muddatidan oʻn kun oldin yangilashi yoki maxsus hisob raqamiga belgilangan miqdorda pul mablagʻlarini shakllantirishi lozim.

TXKM Davlat reyestridan chiqarilgan, tadbirkorlik subyekti tugatilgan yoki belgilangan zaxira summasi uchun bank tomonidan kafolat xati taqdim qilingan taqdirda ( 8-bandga muvofiq qarzdorligi mavjud boʻlmaganda), zaxiraga qoʻyilgan pul mablagʻlari TXKMning hisob raqamiga qaytariladi.

Bunda TXKM tomonidan zaxira pulining qaytarilishi boʻyicha vakolatli organga ariza taqdim qiladi.

Arizaga quyidagi hujjatlar ilova qilinadi:

Davlat reyestridan chiqarilganligi, tadbirkorlik subyekti tugatilganligi toʻgʻrisidagi hujjat yoki belgilangan zaxira summasi uchun bank tomonidan berilgan kafolat xati;

Operator va TXKM oʻrtasidagi shartnomaga muvofiq yuklatilgan vazifalar toʻliq bajarilganligi toʻgʻrisidagi operatorning xulosasi.

Vakolatli organ olingan maʼlumotlarni besh ish kun ichida oʻrganib chiqib, ariza va ilova qilingan hujjatlar toʻliq va ishonchli boʻlgan taqdirda, TXKMning zaxiradagi pul mablagʻlarini uning hisob raqamiga qaytaradi.

Ariza yoki ilova qilingan hujjatlar toʻliq boʻlmagan taqdirda, asoslantirilgan kamchiliklar ariza beruvchiga taqdim qilinadi.

Ariza beruvchi kamchiliklarni bartaraf qilgan holda takroran murojaat qilishi mumkin.

10. TXKM tadbirkorlik subyektlari bilan oʻzaro munosabatlarni qonun hujjatlarida belgilangan tartibda shartnoma asosida amalga oshiradi.

11. TXKM operator bilan oʻzaro munosabatlarini qonun hujjatlarida belgilangan tartibda shartnoma asosida amalga oshiradi.

12. TXKM davlat soliq xizmati organlari binolarida joylashtirilishiga yoʻl qoʻyilmaydi. Soliq qoʻmitasi huzuridagi “Soliq servis” davlat unitar korxonasi bundan mustasno.

13. TXKM onlayn-NKM va (yoki) virtual kassani roʻyxatga olish va davlat reyestriga kiritishdan oldin uning texnik holatini koʻrikdan oʻtkazishi va zarur dasturiy mahsulot bilan taʼminlanganligini tekshirishi lozim.

14. TXKM oʻziga tegishli rasmiy saytga va maxsus axborot tizimiga bogʻlangan dasturiy mahsulotga ega boʻlishi lozim.

Rasmiy saytda quyidagilar koʻrsatiladi:

vakolatli organ tomonidan texnik xizmat koʻrsatish huquqi berilgan onlayn-NKM va virtual kassa turlari toʻgʻrisidagi maʼlumotlar;

onlayn-NKM, virtual kassa modellari (versiyalari) boʻyicha sotuv narxlari;

onlayn-NKM va virtual kassadan foydalanish boʻyicha yoʻriqnoma, qoʻllanmalar, foto va video materiallar;

xizmat koʻrsatish turlari;

xizmat koʻrsatish narxlari (prays-listlar);

onlayn yordamchi xizmati;

TXKMning filiallari toʻgʻrisidagi batafsil maʼlumotlar (manzili, joylashgan joyi, koʻrsatiladigan xizmat turlari va boshqalar);

telefon orqali tezkor bogʻlanish (sall-markaz) raqamlari.

15. TXKM va uning hududiy filiallari onlayn-NKM va (yoki) virtual kassalarni taʼmirlash va ularga texnik xizmat koʻrsatish uchun quyidagilarga ega boʻlishi lozim:

tezkor xizmat koʻrsatish uchun kerakli moddiy-texnik baza va asbob-uskunalarga;

Onlayn-NKM modellarini, virtual kassalarni taʼmirlash yoki almashtirish uchun kafolatli xizmat koʻrsatish boʻyicha shartnoma tuzilgan onlayn-NKM va virtual kassalar soniga nisbatan kamida besh foiz miqdordagi tayyor onlayn-NKM va virtual kassaning qurilmalariga.

16. TXKM tomonidan oʻzi xizmat koʻrsatayotgan onlayn-NKM va (yoki) virtual kassa dasturiy mahsulotining funksional xususiyatlariga ishlab chiqaruvchi yoki uning vakolatli vakilining ruxsatisiz oʻzgartirish kiritilishi taqiqlanadi.

16 1 . TXKM yoki tadbirkorlik subyektlari tomonidan soliq organlarining axborot tizimlari bilan integratsiya qilinmagan avtomatlashtirilgan hisobga olish oʻlchov vositalari (axborot tizimlari, dasturiy mahsulotlari) yoki buyurtmalar hisobini yuritish dasturiy mahsulotlaridan foydalanishga imkoniyat yaratish taqiqlanadi.

17. TXKM tomonidan oʻz mijozlariga, onlayn-NKM va virtual kassadan toʻgʻri foydalanish boʻyicha tegishli koʻrsatma va maslahatlar berib boriladi.

18 1. TXKM bir oy mobaynida ishlatilmagan fiskal modullar sonining ishlatilayotgan fiskal modullar soniga nisbatan oʻttiz foiz miqdoridan koʻp boʻlgan qismini operatorga qaytaradi.

Bunda TXKMlar tomonidan mustaqil ravishda xarid qilingan fiskal modullar bundan mustasno. Shuningdek, operatorning maxsus axborot tizimida TXKMlarga taqdim qilingan va ular tomonidan foydalanuvchilarga berilgan (ishlatilayotgan) fiskal modullar hisobi onlayn tarzda yuritiladi.

3-bob. TXKMni Davlat reyestriga kiritish

19. TXKM faoliyati bilan shugʻullanish istagini bildirgan yuridik shaxslar Davlat reyestriga kiritilishi uchun vakolatli organga ilovaga muvofiq belgilangan shaklda ariza bilan murojaat qiladi.

Arizaga quyidagi hujjatlar ilova qilinadi:

Oʻzbekiston Respublikasida belgilangan bazaviy hisoblash miqdorining yuz baravari miqdoridagi mablagʻ vakolatli organning maxsus hisob raqamida zaxira qilinganligi haqidagi maʼlumot yoki zaxira summasi olti oy ichida shakllantirilishi toʻgʻrisida bank yoki sugʻurta tashkilotlarining kafolat xati yoxud yetkazilgan zararlarni qoplash uchun bank tomonidan berilgan kafolat xati (virtual kassaga texnik xizmat koʻrsatish markazi bundan mustasno);

onlayn-NKM va (yoki) virtual kassani ishlab chiqaruvchi yohud uning vakolatli vakili bilan tuzilgan shartnoma nusxasi;

faoliyat yuritish joyi boʻyicha koʻchmas mulkka yoki undan foydalanishga boʻlgan huquqini tasdiqlovchi hujjat(lar);

“call-markaz”ga ega ekanligi toʻgʻrisidagi maʼlumot;

onlayn-NKM qurilmasi va (yoki) virtual kassa dasturiy mahsulotiga kafolatli xizmat koʻrsatish boʻyicha ishlab chiqaruvchi yoki uning vakolatli vakili tomonidan berilgan malaka sertifikatiga ega boʻlgan mutaxassis(lar) toʻgʻrisidagi maʼlumotlar.

20. TXKM faoliyati bilan shugʻullanish istagini bildirgan yuridik shaxslar taqdim etgan maʼlumotlarda nomutanosibliklar aniqlanganda davlat soliq xizmati organlari joyiga chiqqan holda hujjatlarning ishonchliligi va qonunchilikka muvofiqligi yuzasidan bir ish kunida oʻrganib chiqishga haqli.

21. Koʻrib chiqish natijalari boʻyicha vakolatli organ TXKMni Davlat reyestriga kiritish yoki Davlat reyestriga kiritishni rad etish toʻgʻrisida qaror qabul qiladi.

22. Vakolatli organ quyidagi xollarda TXKMni Davlat reyestriga kiritishni rad etadi:

hujjatlar toʻliq taqdim etilmaganda yoki ular belgilangan tartibda rasmiylashtirilmaganda;

taqdim etilgan hujjatlarda nomutanosibliklar aniqlanib, ular tasdiqlanganda.

23. Vakolatli organ tomonidan ariza beruvchiga TXKMni Davlat reyestriga kiritish toʻgʻrisidagi qaror nusxasi yoki uni rad etish sababi koʻrsatilgan javob xati hujjatlar taqdim etilgan kundan boshlab oʻn besh ish kunida elektron yoki yozma tarzda taqdim etiladi.

24. Davlat reyestriga kiritish rad etilganda, ariza beruvchi kamchiliklarni bartaraf etib, vakolatli organga takroran murojaat qilishi mumkin.

4-bob. TXKMni Davlat reyestridan chiqarish

25. TXKM quyidagi hollarda Davlat reyestridan chiqariladi:

tugatilganda, bankrot deb eʼtirof etilganda;

uning faoliyatiga nisbatan qonun hujjatlari talablari oʻzgarganda;

u tomonidan oʻzi xizmat koʻrsatayotgan onlayn-NKM yoki virtual kassaning funksional xususiyatlariga ishlab chiqaruvchi yoki uning vakolatli vakilini ruxsatisiz oʻzgartirish kiritilganligi aniqlanganda;

vakolatli organga qilgan murojaatiga muvofiq;

TXKM va (yoki) uning filiali tomonidan ushbu tartib talablarining ikki va undan ortiq marotaba buzilganligi aniqlanganda.

aholiga matritsali shtrixli kod (QR-kod) yoki fiskal xususiyatni kiritish orqali cheklarning fiskal belgisini skanerlash orqali soliq organlarining maxsus mobil ilovasida roʻyxatdan oʻtkazilmaydigan onlayn-NKM va virtual kassa cheklari berilganda;

mahsulotlar (tovarlar va xizmatlar) elektron milliy katalogining tovarlar (xizmatlar) identifikatsiya kodlari reyestri ularning maʼlumotlar bazalarida yangilanmaganligi yoki xizmat koʻrsatilayotgan mijozlar tomonidan kassa cheklarida notoʻgʻri aks ettirilganligi holatlari aniqlanganda.

Davlat reyestriga kiritilgan onlayn-NKTlarga boshqa turdagi (ikkilamchi) Davlat reyestriga kiritilmagan yoki kiritilgan axborot tizimlari (avtomatlashtirilgan hisobga olish oʻlchov vositalari, dasturiy mahsulotlari, buyurtmalar hisobini yuritish) QR-kodli chek chop etish maqsadida integratsiya qilinganligi aniqlanganda;

Davlat reyestriga kiritilgan onlayn-NKTlardan QR-kodsiz chek chop etish imkoniyati yaratilganligi aniqlanganda.

26. TXKMni Davlat reyestridan chiqarish vakolatli organning qarori asosida amalga oshiriladi.

27. TXKMni Davlat reyestridan chiqarish toʻgʻrisidagi qaror qabul qilingan kundan boshlab uch kun muddatda vakolatli organ tomonidan TXKMga bu haqda xabarnoma yuboriladi.

Shuningdek, uch kun muddatda Davlat reyestridan chiqarilgan TXKM, uning filiali yoki sheriklik asosidagi hamkor tomonidan xizmat koʻrsatilayotgan tadbirkorlik subyektlarining shaxsiy kabinetiga operator tomonidan bu haqda xabarnoma yuboriladi.

28. Davlat reyestridan chiqarilgan TXKM xabarnomani olgan kuni bu haqda oʻz saytida eʼlon qilishi shart.

29. TXKM Davlat reyestridan chiqarilgandan keyin besh kun muddatda oʻzida mavjud barcha fiskal modullarni operatorga qaytarishi shart.

5-bob. TXKMning hududiy filialini yoki sheriklik asosidagi hamkorlarini roʻyxatga kiritish

30. TXKM hududiy filialni roʻyxatga kiritish uchun operatorga hududiy filialni roʻyxatga kiritish toʻgʻrisidagi murojaatnoma hamda hududiy filialda onlayn-NKM qurilmasi va (yoki) virtual kassaga kafolatli xizmat koʻrsatish boʻyicha malaka sertifikatiga ega boʻlgan mutaxassis(lar) borligi toʻgʻrisidagi maʼlumotlarni elektron shaklda taqdim qiladi.

31. Hududiy filial roʻyxatga kiritilganda maxsus axborot tizimidan foydalanish uchun ruxsat beriladi.

32. Operator hujjatlar toʻliq taqdim etilmaganda yoki hujjatlarda notoʻgʻri maʼlumotlar koʻrsatilganda hududiy filialni roʻyxatga kiritishni rad etishi mumkin.

33. Operator tomonidan ariza beruvchiga hududiy filialni roʻyxatga kiritganlik yoki kiritishni rad etganlik toʻgʻrisidagi javob xati hujjatlar taqdim etilgan kundan boshlab yetti ish kunida elektron tarzda taqdim etiladi.

34. Hududiy filialni roʻyxatga kiritish rad etilgan taqdirda, kamchiliklarni bartaraf etgan holda operatorga takroran murojaat qilinishi mumkin.

6-bob. TXKMning hududiy filialini roʻyxatdan chiqarish

35. TXKMning hududiy filiali quyidagi hollarda roʻyxatdan chiqariladi:

TXKMning arizasiga asosan;

TXKM vakolatli organ tomonidan davlat reyestridan chiqarilgan taqdirda.

36. TXKMning hududiy filiali roʻyxatdan chiqarilgan kundan boshlab uch kun muddatda operator tomonidan TXKMga va uning hududiy filialiga bu haqda elektron tarzda xabarnoma yuboriladi.

37. TXKMning hududiy filiali roʻyxatdan chiqarilganda, maxsus axborot tizimidan foydalanish huquqi ham bekor qilinadi.

38. TXKMning hududiy filiali roʻyxatdan chiqarilgan kundan boshlab uch kun muddatda hududiy filial xizmat koʻrsatayotgan tadbirkorlik subyektlarining shaxsiy kabinetiga operator tomonidan bu haqda xabarnoma yuboriladi.

39. Fiskal modullar yoʻqotilganligini qayd etish TXKM tomonidan rasmiylashtiriladi.

6 1 -bob. TXKM va uning hududiy filiali faoliyatini toʻxtatib turish

39 1 . TXKM va (yoki) uning filiali tomonidan ushbu tartib talablarining buzilganligi aniqlangan taqdirda, vakolatli organ tomonidan ushbu holatlarni oʻn kun ichida bartaraf etish haqida TXKMga ogohlantirish xati yuboriladi.

39 2 . Ushbu tartib talablarining buzilishi boʻyicha aniqlangan holatlar TXKM va (yoki) uning filiali tomonidan vakolatli organning ogohlantirish xati yuborilgan sanadan boshlab oʻn kun ichida bartaraf etilmaganda ularning faoliyati vakolatli organ qarori asosida toʻxtatib turiladi.

39 3 . Ushbu tartib talablarining buzilishi boʻyicha aniqlangan holatlar TXKM va (yoki) uning filiali tomonidan bartaraf etilgan hamda yetkazilgan zarar toʻliq qoplanganidan soʻng ularning faoliyati vakolatli organ qarori asosida qayta tiklanadi.

7-bob. Yakunlovchi qoidalar

41. Vakolatli organ TXKM tomonidan ushbu tartib talablariga rioya qilinishi yuzasidan nazorat oʻrnatadi.

43. Ushbu tartib talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

Onlayn-NKM va (yoki) virtual kassalarga texnik xizmat koʻrsatish markazlarining davlat reyestrini yuritish hamda ularga qoʻyiladigan alohida talablarga ILOVA

‎ ‎ ‎ ‎ ‎ ‎ ‎ Soliq qoʻmitasi ‎raisi ______________ga ‎‎ARIZA ‎ (Onlayn-NKM va (yoki) virtual kassaga texnik xizmat koʻrsatish markazini Davlat reyestriga kiritish toʻgʻrisida) ‎‎Sizdan, ____________________________________________________________________________________ ‎ ‎ ‎ ‎ (TXKM joylashgan manzil)‎‎ ‎ ‎ ‎ ‎‎manzilida joylashgan _________________________________________________________________________ ‎ ‎ ‎ ‎ ‎‎(tadbirkorlik subyektining nomi) ‎ ‎ ‎ ‎‎(STIR:____________) onlayn-NKM, virtual kassa tizimiga texnik xizmat koʻrsatish markazini ilovada keltirilgan hujjatlar asosida Davlat reyestriga kiritishingizni soʻrayman. ‎‎Quyidagi hujjatlar ilova qilinadi: ‎ ‎ ‎ ‎ ‎‎1. Oʻzbekiston Respublikasida belgilangan bazaviy hisoblash miqdorining yuz baravari miqdoridagi mablagʻ vakolatli organning maxsus hisob raqamida zaxira qilinganligi haqidagi maʼlumot yoki zaxira summasi olti oy ichida shakllantirilishi toʻgʻrisida bank yoki sugʻurta tashkilotlarining kafolat xati yoxud yetkazilgan zararlarni qoplash uchun bank tomonidan berilgan kafolat xati (virtual kassaga texnik xizmat koʻrsatish markazi bundan mustasno); ‎‎2. Onlayn-NKM qurilmasi va (yoki) virtual kassa dasturiy mahsulotining ishlab chiqaruvchisi yoxud uning vakolatli vakili bilan tuzilgan shartnoma nusxasi; ‎‎3. TXKMning faoliyat yuritish joyi boʻyicha koʻchmas mulkka yoki undan foydalanishga boʻlgan huquqni tasdiqlovchi hujjat(lar); ‎‎4. “call-markaz”ga ega ekanligi toʻgʻrisidagi maʼlumot; ‎‎5. TXKMda onlayn-NKM qurilmasi va (yoki) virtual kassa dasturiy mahsulotiga kafolatli xizmat koʻrsatish boʻyicha malaka sertifikatiga ega boʻlgan mutaxassis(lar) mavjudligi toʻgʻrisidagi maʼlumotlar; ‎‎Ilova: ___ varaqda. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎____________________________________________ ‎ ‎‎__________ ‎ ‎‎ __________ ‎ ‎‎(Tadbirkorlik subyekti rahbarining F.I.O.) ‎ ‎‎(imzo) ‎‎(sana) ‎

Vazirlar Mahkamasining 2019-yil 23-noyabrdagi 943-son qaroriga 4-ILOVA

Oʻzbekiston Respublikasi hududida qoʻllanilishi ruxsat etilgan onlayn nazorat-kassa mashinalari va virtual kassalarning davlat reyestrini yuritish tartibi toʻgʻrisida

1-bob. Umumiy qoidalar

1. Mazkur nizom Oʻzbekiston Respublikasi hududida qoʻllanishi ruxsat etilgan onlayn nazorat-kassa mashinalari va virtual kassalarning Davlat reyestrini (keyingi oʻrinlarda Davlat reyestri deb ataladi) yuritish tartibini belgilaydi.

2. Davlat reyestri Oʻzbekiston texnik jihatdan tartibga solish agentligi va “Oʻzeltexsanoat” uyushmasi bilan kelishgan holda Oʻzbekiston Respublikasi Soliq qoʻmitasi (keyingi oʻrinlarda vakolatli organ deb ataladi) tomonidan shakllantiriladi va ushbu Nizomga 1-ilovaga muvofiq shakl boʻyicha yuritiladi.

3. Davlat reyestri Oʻzbekiston Respublikasi hududida qoʻllanishi ruxsat etilgan onlayn nazorat-kassa mashinalari (keyingi oʻrinlarda onlayn-NKM deb ataladi) va virtual kassa dasturiy mahsulotlari (jumladan, ularning modellari va versiyalari) toʻgʻrisidagi toʻliq maʼlumotlardan iborat boʻladi.

4. Davlat reyestri quyidagi maʼlumotlar asosida onlayn-NKM va virtual kassa dasturiy mahsuloti boʻyicha shakllantiriladi:

ishlab chiqaruvchi va (yoki) uning vakolatli vakili toʻgʻrisidagi maʼlumotlar (tashkilotning nomi, STIR, yuridik manzili, telefon raqami va shu kabilar);

onlayn-NKM modeli uning versiyasi, virtual kassa dasturiy mahsuloti versiyasi;

fiskal maʼlumotlarni vakolatli organ bazasiga uzatish imkoniyati yaratilganligi boʻyicha operatorning ijobiy xulosasi;

Ushbu qarorga “Oʻzbekiston Respublikasi hududida qoʻllanilishi ruxsat etilgan onlayn nazorat-kassa mashinalari, virtual kassa va fiskal modulga qoʻyiladigan texnik talablar” toʻgʻrisidagi 2-ilovaga asosan tasdiqlangan texnik talablarga muvofiqligi.

5. Vakolatli organning qaroriga koʻra Davlat reyestriga onlayn-NKM va (yoki) virtual kassa toʻgʻrisidagi boshqa maʼlumotlar ham kiritilishi mumkin.

2-bob. Onlayn-NKM yoki virtual kassani Davlat reyestriga kiritish tartibi

6. Vakolatli organ tomonidan onlayn-NKM yoki virtual kassani Davlat reyestriga kiritish toʻgʻrisidagi qarorni qabul qilishda quyidagilar hisobga olinadi:

taqdim etilgan onlayn-NKM yoki virtual kassaning texnik hujjatlarga muvofiqligi;

onlayn-NKM yoki virtual kassaning texnik va funksional tavsiflarini operatorning xulosasidagi tavsiyalari;

onlayn-NKM yoki virtual kassani davlat tilidagi va boshqa tillardagi foydalanuvchi yoʻriqnomasining mavjudligi;

onlayn-NKM yoki virtual kassa funksional tavsiflarining yagona texnik talablarga muvofiqligi;

onlayn-NKM yoki virtual kassaning aniq tipiga Oʻzbekiston Respublikasi hududida texnik xizmat koʻrsatish imkoniyatlari mavjudligi.

7. Onlayn-NKM va (yoki) virtual kassani ishlab chiqaruvchi yuridik shaxslar (agar chet el korxonasi boʻlsa uning vakolatli vakili) onlayn-NKM yoki virtual kassani Davlat reyestriga kiritish tashabbuskori boʻlishi mumkin.

8. Vakolatli organda roʻyxatga olingan onlayn-NKM soni:

mingtagacha boʻlganda Oʻzbekiston Respublikasida belgilangan bazaviy hisoblash miqdorining yuz baravari miqdorida;

mingtadan besh mingtagacha boʻlganda Oʻzbekiston Respublikasida belgilangan bazaviy hisoblash miqdorining besh yuz baravari miqdorida;

besh mingtadan koʻp boʻlganda Oʻzbekiston Respublikasida belgilangan bazaviy hisoblash miqdorining bir ming baravari miqdorida mablagʻlarni vakolatli organning maxsus hisob raqamiga zaxiraga qoʻyishi lozim.

Zaxira summasi bank yoki sugʻurta tashkilotlari kafolat xati asosida olti oy ichida shakllantirilishi mumkin.

Zaxira summasi bank kafolat xati asosida tadbirkorlik subyektining oʻz ehtiyojida ham qoldirilishi mumkin.

Banklar va ularning mijozlari oʻrtasidagi munosabatlar qonunchilikda belgilangan tartibda shartnomalar asosida amalga oshiriladi.

9. Maxsus hisob raqamiga zaxiraga qoʻyilgan hamda bank kafolat xati asosida tadbirkorlik subyektining oʻz ehtiyojida qoldirilgan mablagʻlar soliqlar notoʻgʻri hisoblanishi natijasida davlat budjetiga, operatorga va tadbirkorlik subyektlariga yetkazilgan zararlarni qoplash uchun ishlatiladi.

Yetkazilgan zararlar hamda tadbirkorlik subyektlari va operatorga yuborilgan cheklar oʻrtasidagi nomutanosibliklar ekspertiza xulosasi asosida aniqlanadi.

Yetkazilgan zararlar belgilangan tartibda sud orqali undiriladi.

Zaxira summasi bank kafolat xati asosida tadbirkorlik subyektining oʻz ehtiyojida qoldirilgan taqdirda yetkazilgan zarar summasi kafolat bergan bankdan undiriladi.

10. Onlayn-NKM davlat reyestriga kiritgan tijorat tashkiloti zaxiraga qoʻyilgan mablagʻlar summasi ushbu nizomning 8-bandida koʻrsatilgan miqdordan kamaygan taqdirda, uning yetmayotgan qismi vakolatli organning xabarnomasini olgan kundan eʼtiboran oʻn ish kunida vakolatli organning maxsus hisobvaragʻiga tushishini taʼminlaydi.

Onlayn-NKM Davlat reyestridan chiqarilganda, Davlat reyestriga kiritish uchun ariza bergan tadbirkorlik subyekti tugatilganda yoki belgilangan zaxira summasi uchun bank tomonidan kafolat xati taqdim qilingan taqdirda ( 9-bandga muvofiq qarzdorligi mavjud boʻlmaganda), zaxiraga qoʻyilgan pul mablagʻlari Davlat reyestriga kiritish uchun ariza bergan tadbirkorlik subyektining hisob raqamiga qaytariladi.

Bunda Davlat reyestriga kiritish uchun ariza bergan tadbirkorlik subyekti zaxira pulining qaytarilishi boʻyicha vakolatli organga ariza taqdim qiladi.

Arizaga quyidagi hujjatlar ilova qilinadi:

Davlat reyestridan chiqarilganligi, Davlat reyestriga kiritish uchun ariza bergan tadbirkorlik subyekti tugatilganligi toʻgʻrisidagi hujjat yoki belgilangan zaxira summasi uchun bank tomonidan berilgan kafolat xati;

TXKMlar va ishlab chiqaruvchi yoki uning vakolatli vakili oʻrtasidagi shartnomaga muvofiq yuklatilgan vazifalar toʻliq bajarilganligi toʻgʻrisidagi TXKMlarning xulosalari.

Vakolatli organ olingan maʼlumotlarni besh ish kun ichida oʻrganib chiqib, ariza va ilova qilingan hujjatlar toʻliq va ishonchli boʻlgan taqdirda, Davlat reyestriga kiritish uchun ariza bergan tadbirkorlik subyektining zaxiradagi pul mablagʻlarini uning hisob raqamiga qaytaradi.

Ariza yoki ilova qilingan hujjatlar toʻliq boʻlmagan taqdirda, asoslangan kamchiliklarni ariza beruvchiga taqdim qiladi.

Ariza beruvchi kamchiliklarni bartaraf qilgan holda takroran murojaat qilishi mumkin.

11. Onlayn-NKM yoki virtual kassani Davlat reyestriga kiritish uchun yuridik shaxs 2-ilovaga muvofiq ariza bilan vakolatli organga murojaat qiladi.

Arizaga quyidagilar ilova qilinadi:

Oʻzbekiston Respublikasida belgilangan bazaviy hisoblash miqdorining ikki yuz baravari miqdoridagi mablagʻ vakolatli organning maxsus hisob raqamiga zaxiraga qoʻyilganligi haqidagi maʼlumot yoki zaxira summasi olti oy ichida shakllantirilishi mumkinligi toʻgʻrisida bank yoki sugʻurta tashkilotlarining kafolat xati yoxud yetkazilgan zararlarni qoplash uchun bank tomonidan berilgan kafolat xati (virtual kassa bundan mustasno);

onlayn-NKM yoki virtual kassa dasturiy mahsulotining texnik va funksional tavsiflariga muvofiqligi yuzasidan operatorning xulosasi;

shakllantirilgan kassa cheklari namunalari;

onlayn-NKM yoki virtual kassaning etalon namunasi;

onlayn-NKM yoki virtual kassaning texnik va funksional tavsiflari batafsil koʻrsatilgan texnik pasport (yoki unga tenglashtirilgan hujjat) hamda kafolat majburiyatlari;

foydalanish hujjatlari (foydalanuvchi uchun qoʻllanma, oʻrnatish boʻyicha qoʻllanma va soliq inspektori yoʻriqnomasi);

ariza beruvchining ehtiyot qismlar bilan taʼminlash toʻgʻrisidagi kafolat xati;

virtual kassa yoki onlayn-NKM dasturiy mahsulotining mualliflik huquqini tasdiqlovchi hujjat (patent). Bunda hujjat boshqa davlatdan olingan boʻlsa uning manbasi koʻrsatiladi;

virtual kassa yoki onlayn-NKM dasturiy mahsulotiga “Kiberxavfsizlik markazi” DUK tomonidan berilgan ekspertiza xulosasi.

onlayn-NKMga sertifikatlashtirish organi tomonidan berilgan muvofiqlik sertifikati.

Bunda “Kiberxavfsizlik markazi” davlat unitar korxonasi tomonidan ekspertiza xulosasi ariza kelib tushgan kundan boshlab 15 ish kunidan kechiktirmasdan taqdim etiladi.

12. Operator onlayn-NKM yoki virtual kassani operator bilan toʻgʻri integratsiya qilingani yoki toʻliq integratsiya qilinmagani toʻgʻrisidagi xulosani oʻn ish kunida ariza beruvchiga taqdim etadi.

12 1 . Onlayn-NKM yoki virtual kassani Davlat reyestriga kiritish toʻgʻrisidagi ariza va unga tegishli hujjatlar vakolatli organ tomonidan Oʻzbekiston texnik jihatdan tartibga solish agentligi va “Oʻzeltexsanoat” uyushmasiga yuborilgan sanadan eʼtiboran besh ish kunida ushbu tashkilotlar Davlat reyestriga kiritish yoki kiritishni rad etish haqidagi xulosani vakolatli organga taqdim etadi.

13. Vakolatli organ onlayn-NKM yoki virtual kassani Davlat reyestriga kiritish toʻgʻrisidagi hujjatlarning ishonchliligi va ularning qonunchilikka muvofiqligi yuzasidan tekshirishga haqli.

14. Vakolatli organ onlayn-NKM yoki virtual kassani Davlat reyestriga kiritish yohud Davlat reyestriga kiritishni rad etish toʻgʻrisida qaror qabul qiladi.

15. Vakolatli organ quyidagi xollarda onlayn-NKM yoki virtual kassani Davlat reyestriga kiritishni rad etadi:

hujjatlar toʻliq taqdim etilmaganda yoki belgilangan tartibda rasmiylashtirilmaganda;

taqdim etilgan hujjatlarda nomutanosibliklar aniqlanib, ular tasdiqlanganda.

16. Vakolatli organ tomonidan ariza beruvchiga onlayn-NKM yoki virtual kassani Davlat reyestriga kiritish toʻgʻrisidagi qaror nusxasi yoki Davlat reyestriga kiritishni rad etish sababi koʻrsatilgan javob xati ariza taqdim etilgan kundan boshlab yigirma ish kunida elektron yoki yozma tarzda taqdim etiladi.

17. Onlayn-NKM yoki virtual kassani Davlat reyestriga kiritish rad etilgan taqdirda, ariza beruvchi kamchiliklarni bartaraf etgan holda vakolatli organga takroran murojaat qilishi mumkin.

3-bob. Onlayn-NKM va virtual kassani Davlat reyestridan chiqarish tartibi

18. Onlayn-NKM yoki virtual kassani Davlat reyestridan chiqarish vakolatli organning qarori asosida amalga oshiriladi.

19. Onlayn-NKM yoki virtual kassa quyidagi hollarda Davlat reyestridan chiqariladi:

onlayn-NKM yoki virtual kassaga nisbatan qonun hujjatlari talablari oʻzgarganda;

onlayn NKM va virtual kassalarning texnik imkoniyatlari ularga qoʻyiladigan texnik talablarga muvofiq boʻlmaganda;

onlayn-NKM yoki virtual kassani ishlab chiqarish toʻxtatilganda va (yoki) ichki bozorda bir yil mobaynida ehtiyot qismlar mavjud boʻlmaganda;

onlayn-NKM yoki virtual kassadan foydalanish jarayonida fiskal maʼlumotlarni hosil qilishda, qogʻozga chop etishda yoki fiskal maʼlumotlarni operatorga real vaqt rejimida uzatishda qasddan qilingan noqonuniy harakatlar vakolatli organ tomonidan aniqlanganda;

onlayn-NKM yoki virtual kassani Davlat reyestriga kiritgan ariza beruvchining vakolatli organga murojaatiga muvofiq;

onlayn-NKM yoki virtual kassa yoxud Marketpleys texnik talablarga muvofiq boʻlmagan holatda qoʻllanilganda va ushbu holatlar vakolatli organ tomonidan ogohlantirilgandan keyin ham bartaraf etilmaganda.

20. Onlayn-NKM yoki virtual kassani Davlat reyestridan chiqarishda quyidagi holatlar hisobga olinadi:

onlayn-NKM yoki virtual kassaning vakolatli organda roʻyxatdan oʻtkazilgan, tadbirkorlik subyektlari tomonidan foydalanilayotgan qurilmalari yoki dasturiy mahsulotlari soni;

onlayn-NKM yoki virtual kassani almashtirish uchun zarur boʻlgan muddat.

20 1 . Mazkur Nizomning 19-bandi ikkinchi — toʻrtinchi va oltinchi xatboshilarida belgilangan asoslardan biri yoki bir nechtasi mavjud boʻlganda, onlayn-NKM yoki virtual kassa yoxud Marketpleys ishlab chiqaruvchi yuridik shaxsga (agar chet el korxonasi boʻlsa uning vakolatli vakiliga) vakolatli organ tomonidan ushbu holatlarni oʻn kun ichida bartaraf etish haqida ogohlantirish xati yuboriladi.

20 2 . Vakolatli organning ogohlantirish xati yuborilgan sanadan boshlab oʻn kun ichida unda koʻrsatilgan holatlar bartaraf etilmaganda, onlayn-NKM yoki virtual kassa yoxud Marketpleysni Davlat reyestridan chiqarish toʻgʻrisida vakolatli organning qarori qabul qilinadi.

21. Onlayn-NKM yoki virtual kassani Davlat reyestridan chiqarish toʻgʻrisidagi qaror qabul qilingan kundan boshlab uch kun muddatda vakolatli organ tomonidan bu haqda onlayn-NKM yoki virtual kassani Davlat reyestriga kiritgan ariza beruvchiga xabarnoma yuboriladi.

Shuningdek, uch kun muddatda Davlat reyestridan chiqarilgan onlayn-NKM yoki virtual kassadan foydalanayotgan tadbirkorlik subyektlarining shaxsiy kabinetiga operator tomonidan bu haqda xabarnoma yuboriladi.

22. Onlayn-NKM yoki virtual kassa Davlat reyestridan chiqarilgan kundan boshlab oʻn besh kun muddatda tadbirkorlik subyektlari onlayn-NKM yoki virtual kassani almashtirishlari lozim.

Ushbu bandda koʻrsatilgan muddatdan keyin Davlat reyestridan chiqarilgan onlayn-NKM yoki virtual kassadan foydalanayotgan tadbirkorlik subyektlariga nisbatan qonun hujjatlariga muvofiq javobgarlik choralari qoʻllaniladi.

4-bob. Yakunlovchi qoida

23. Ushbu Nizom talablari buzilishiga aybdor boʻlgan shaxslar qonun hujjatlarida belgilangan tartibda javob beradilar.

Oʻzbekiston Respublikasi hududida qoʻllanishi ruxsat etilgan onlayn nazorat-kassa mashinalari va virtual kassalarning Davlat reyestrini yuritish tartibi toʻgʻrisidagi nizomga 1-ILOVA

Oʻzbekiston Respublikasi hududida qoʻllanishi ruxsat etilgan onlayn-NKM va virtual kassalarning DAVLAT REYESTRI T/r Onlayn-NKM yoki virtual kassaning nomi Onlayn-NKMni ishlab chiqaruvchi yoki virtual kassani yaratuvchi Onlayn-NKMning seriya raqamlari yoki virtual kassa dasturiy mahsulotining xesh summasi Onlayn-NKM va virtual kassaning muvofiqlik sertifikati nusxasi, virtual kassa dasturiy mahsulotni roʻyxatga olish guvohnomasi (patent) Soliq qoʻmitasi qarori Izoh Fiskal maʼlumotlar operatorining ijobiy xulosasidan koʻchirma Onlayn-NKMni yoki virtual kassani Davlat reyestriga kiritish toʻgʻrisidagi qarordan koʻchirma Davlat reyestridan chiqarish toʻgʻrisidagi qarordan koʻchirma 1. 2. 3. 4. 5.

Oʻzbekiston Respublikasi hududida qoʻllanishi ruxsat etilgan onlayn nazorat-kassa mashinalari va virtual kassalarning Davlat reyestrini yuritish tartibi toʻgʻrisidagi nizomga 2-ILOVA

‎ ‎ ‎ ‎ ‎ ‎ ‎ Soliq qoʻmitasi raisi ________________________ga ‎‎ARIZA ‎ (Onlayn-NKM va (yoki) virtual kassalarning Davlat reyestriga kiritish toʻgʻrisida) ‎‎___________________________________________________________________________________________ ‎ ‎‎‎STIR___________________________________________________________________ ‎ ‎ ‎ ‎ ‎‎(tadbirkorlik subyekti nomi) ‎ ‎ ‎ ‎‎_____________________________________manzilida joylashgan _________________________________ga ‎ ‎‎(yuridik manzili) ‎ ‎ ‎ ‎‎(mulkchilik shakli) ‎‎______________________________________________________ rusumli onlayn-NKM yoki virtual kassaning ‎ ____________________ versiyasini ilovada keltirilgan hujjatlar asosida Davlat reyestriga kiritishingizni soʻrayman. ‎‎Quyidagi hujjatlar ilova qilinadi: ‎ ‎ ‎ ‎ ‎‎‎1. Oʻzbekiston Respublikasida belgilangan bazaviy hisoblash miqdorining yuz baravari miqdoridagi mablagʻ vakolatli organning maxsus hisob raqamiga zaxiraga qoʻyilganligi haqidagi maʼlumot yoki zaxira summasi olti oy ichida shakllantirilishi mumkinligi toʻgʻrisida bank yoki sugʻurta tashkilotlarining kafolat xati yoxud yetkazilgan zararlarni qoplash uchun bank tomonidan berilgan kafolat xati (virtual kassa bundan mustasno); ‎‎2. Onlayn-NKM yoki virtual kassa dasturiy mahsulotining texnik va funksional tavsiflariga muvofiqligi yuzasidan operatorning xulosasi; ‎‎3. Shakllantirilgan kassa cheklari namunalari; ‎‎4. Onlayn-NKM yoki virtual kassaning etalon namunasi; ‎‎5. Onlayn-NKM yoki virtual kassaning texnik va funksional tavsiflari batafsil koʻrsatilgan texnik pasport (yoki unga tenglashtirilgan hujjat) hamda kafolat majburiyatlari; 6. Foydalanish hujjatlari (foydalanuvchi uchun qoʻllanma, oʻrnatish boʻyicha qoʻllanma va soliq inspektori yoʻriqnomasi);‎‎ ‎‎7. Ariza beruvchining ehtiyot qismlar bilan taʼminlash toʻgʻrisidagi kafolat xati; ‎‎8. Virtual kassa yoki onlayn-NKM dasturiy mahsulotining mualliflik huquqini tasdiqlovchi hujjat (patent). Bunda hujjat boshqa davlatdan olingan boʻlsa uning manbasi koʻrsatiladi; ‎‎9. Virtual kassa yoki onlayn-NKM dasturiy mahsulotiga “Kiberxavfsizlik markazi” DUK tomonidan berilgan ekspertiza xulosasi; ‎‎10. Onlayn-NKMga sertifikatlashtirish organi tomonidan berilgan muvofiqlik sertifikati. Ilova: __ varaqda. ‎ ‎ ‎ ‎ ‎ ‎‎______________________________ ‎ ‎‎‎‎__________ ‎‎__________ ‎‎ ‎ (Yuridik shaxs mansabdor shaxsining F.I.O.) ‎‎‎ ‎ ‎‎(imzo) (sana)‎‎ ‎‎ ‎ ‎‎Telefon raqami:_____________ ‎ ‎‎Pochta manzili:_____________.

Vazirlar Mahkamasining 2019-yil 23-noyabrdagi 943-son qaroriga 5-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Respublikada savdo tushumi inkassatsiya qilishini va nazorat-kassa mashinalaridan foydalanishni tubdan yaxshilash chora-tadbirlari toʻgʻrisida” 1997-yil 11-dekabrdagi 548-son qarorining (Oʻzbekiston Respublikasi QT, 1997-y., 11-12-son, 39-modda) 1-bandi quyidagi tahrirda bayon qilinsin:

“1. Belgilansinki, naqd pul tushumiga ega boʻlgan barcha xoʻjalik yurituvchi subyektlar naqd pul tushumini banklarga topshiradilar. Bunda, bazaviy hisoblash miqdorining 20 baravaridan ortiq miqdorda kunlik oʻrtacha naqd pul tushumiga ega boʻlgan xoʻjalik yurituvchi subyektlar naqd pul tushumini bank kassalariga har kuni inkassatsiya xizmati orqali yoki mustaqil ravishda topshiradilar. Koʻrsatilgan hajmdan kam boʻlgan kunlik oʻrtacha naqd pul tushumiga ega boʻlgan yoki onlayn nazorat-kassa mashinalaridan (yoxud virtual kassadan) foydalanishga oʻtgan xoʻjalik yurituvchi subyektlar naqd pul tushumini bank kassalariga inkassatsiya xizmatlari orqali oʻzlari belgilaydigan davrlarda yoki mustaqil ravishda topshirish huquqiga ega.”.

3. Vazirlar Mahkamasining “Naqd pul muomalasini mustahkamlash va tijorat banklarining masʼuliyatini oshirishga doir qoʻshimcha chora-tadbirlar toʻgʻrisida” 2001-yil 22-iyundagi 264-son qarori (Oʻzbekiston Respublikasi QT, 2001-y., 6-son, 31-modda) 3-bandining ikkinchi xatboshi quyidagi tahrirda bayon qilinsin:

“belgilangan savdo qoidalari buzilgan, nazorat-kassa mashinalaridan, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassadan foydalanilmagan, toʻlovlarni plastik kartochkalar boʻyicha qabul qilish terminallari bilan jihozlash va toʻlovni plastik kartochkalardan foydalangan holda qabul qilishga doir belgilangan talablar buzilgan, shuningdek, naqd pul mablagʻlari bank kassalariga qonunchilikda belgilangan tartibda topshirilmagan hollarda shaharlar va tumanlar hokimliklari soliq organlarining taqdimnomasiga koʻra chakana savdo uchun berilgan ruxsatnomalarning amal qilishini oʻn ish kunidan ortiq boʻlmagan muddatga toʻxtatib qoʻyadi yoxud oʻn ish kunidan ortiq muddatga toʻxtatib qoʻyish yoki ruxsatnomalarni bekor qilish toʻgʻrisida sudga murojaat qiladi”.

4. Vazirlar Mahkamasining “Pul mablagʻlarining bankdan tashqari muomalasini yanada qisqartirish chora-tadbirlari toʻgʻrisida” 2002-yil 5-avgustdagi 280-son qarorida (“Oʻzbekiston Respublikasi QT, 2002-y., 8-son, 46-modda):

a) 2-bandning birinchi xatboshi quyidagi tahrirda bayon qilinsin:

“Davlat soliq xizmati organlarining mansabdor shaxslariga Oʻzbekiston Respublikasi Prezidenti huzuridagi Tadbirkorlik subyektlarining huquqlari qonuniy manfaatlarini himoya qilish boʻyicha vakil bilan kelishgan holda ulgurji va chakana savdoda, umumiy ovqatlanish va pulli xizmatlar koʻrsatish sohasida savdo va naqd tushumni topshirish qoidalariga rioya qilinishini rejadan tashqari tezkor tekshirishlarni amalga oshirish huquqi berilsin”.

b) 8-banddagi “nazorat-kassa mashinalari mavjudligiga va naqd pul mablagʻlari inkassatsiya qilinishiga (banklarga topshirilishiga)” soʻzlari “nazorat-kassa mashinalari, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassa mavjudligiga va naqd pul mablagʻlari qonunchilikda belgilangan tartibda inkassatsiya qilinishiga (banklarga topshirilishiga)” soʻzlari bilan almashtirilsin.

6. Vazirlar Mahkamasining 2002-yil 26-noyabrdagi 407-son qarori bilan tasdiqlangan Ulgurji va chakana savdo faoliyatini amalga oshirish tartibi toʻgʻrisidagi nizomning (Oʻzbekiston Respublikasi QT, 2002-y., 11-son, 71-modda) 19-bandi beshinchi xatboshi quyidagi tahrirda bayon qilinsin:

“Chakana savdo korxonalari (yakka tartibdagi tadbirkorlar)ga tovarlarni aholiga va xoʻjalik yurituvchi subyektlarga naqd pulda nazorat-kassa mashinalaridan, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassadan foydalangan holda va hisob-kitoblarning naqd pulsiz shaklida, shu jumladan, plastik kartochkalardan toʻlovlarni qabul qilish boʻyicha hisob-kitob terminallaridan foydalangan holda sotishga ruxsat beriladi”.

7. Vazirlar Mahkamasining “Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (xizmatlarini) ishlab chiqarish va sotish qoidalarini tasdiqlash toʻgʻrisida” 2003-yil 13-fevraldagi 75-son qarorida (Oʻzbekiston Respublikasi QHT, 2003-y., 3-son, 27-modda):

a) 1-ilovada :

21-bandning birinchi xatboshi quyidagi tahrirda bayon etilsin:

“21. Tovarlar uchun xaridorlar bilan naqd pulli hisob-kitoblar nazorat-kassa mashinalari, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalar qoʻllanilgan holda amalga oshiriladi, Oʻzbekiston Respublikasi qonun hujjatlarida nazarda tutilgan hollar bundan mustasno. Savdo obyekti rahbari sotuvchi-xodimni nazorat-kassa mashinalarida (virtual kassada) ishlash qoidalari bilan tanishtirishi shart”;

57-band va 187 6 -bandining birinchi xatboshidagi “fiskal xotiraga ega boʻlgan nazorat-kassa mashinalaridan” soʻzlari “fiskal xotiraga ega boʻlgan nazorat-kassa mashinalaridan, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalardan” soʻzlari bilan almashtirilsin;

58-bandning beshinchi xatboshi va 189-bandning oʻn ikkinchi xatboshidagi “nazorat-kassa mashinalarini” soʻzlari “nazorat-kassa mashinalarini, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalarni” soʻzlari bilan almashtirilsin;

103-bandning birinchi xatboshi va 118-bandning uchinchi xatboshidagi “nazorat-kassa mashinalari” soʻzlari “nazorat-kassa mashinalari, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalar” soʻzlari bilan almashtirilsin;

b) 2-ilovada :

13-band quyidagi tahrirda bayon qilinsin:

“13. Isteʼmolchilar bilan naqd pulli hisob-kitoblar nazorat-kassa mashinalarini, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalarni qoʻllagan holda amalga oshiriladi, Oʻzbekiston Respublikasi qonun hujjatlarida nazarda tutilgan hollar bundan mustasno. Umumiy ovqatlanish obyekti rahbari xodimni nazorat-kassa mashinalarini (virtual kassalarni) ishlatish qoidalari bilan tanishtirishi shart”;

14-bandning uchinchi xatboshidagi “nazorat-kassa mashinalari” soʻzlari “nazorat-kassa mashinalari, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalar” soʻzlari bilan almashtirilsin;

25-bandning toʻqqizinchi xatboshidagi “nazorat-kassa mashinalarini” soʻzlari “nazorat-kassa mashinalarini, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalarni” soʻzlari bilan almashtirilsin.

9. Vazirlar Mahkamasining “Bozorlar va savdo komplekslari faoliyatini tartibga solishga doir qoʻshimcha chora-tadbirlar toʻgʻrisida” 2012-yil 28-avgustdagi 253-son qarorida (Oʻzbekiston Respublikasi QT, 2012-y., 35-son, 403-modda):

a) 1-ilovada :

20-band quyidagi tahrirda bayon qilinsin:

“20. Bozor hududida savdoni amalga oshirishda fiskal xotirali nazorat-kassa mashinalarini, qonun hujjatlarida nazarda tutilgan hollarda esa onlayn nazorat-kassa mashinalarini yoki virtual kassalarni va bank plastik kartochkalaridan toʻlovlarni qabul qilish boʻyicha toʻlov terminallarini qoʻllash qonun hujjatlari bilan tartibga solinadi. Bir martalik yigʻimlar, ijara toʻlovlari va avtomatlashtirilgan hisobga olishning bank tizimi orqali koʻrsatiladigan xizmatlar uchun beriladigan cheklar nazorat-kassa mashinalari yoki bank plastik kartochkalaridan toʻlovlarni qabul qilib olish boʻyicha toʻlov terminallarining cheklariga tenglashtiriladi.

Aholi bilan pulli hisob-kitoblarni amalga oshiruvchi xoʻjalik yurituvchi subyektlar tomonidan qoʻllaniladigan nazorat-kassa mashinalari, virtual kassalar yagona texnik talablarga muvofiq boʻlishi kerak va belgilangan tartibda majburiy sertifikatsiyalanishi zarur.

Sertifikatga ega boʻlmagan yoki belgilangan yagona texnik talablarga javob bermaydigan nazorat-kassa mashinalaridan yoki virtual kassalardan foydalangan holda chek berish aybdor shaxslarni qonun hujjatlariga muvofiq javobgarlikka tortish uchun asos hisoblanadi”;

25-bandning oʻn ikkinchi xatboshi , 41-bandning uchinchi xatboshi va 42-bandning birinchi xatboshi , 43-band , 52-bandning birinchi xatboshidagi “fiskal xotirali nazorat-kassa mashinalari” soʻzlari “fiskal xotirali nazorat-kassa mashinalari, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalar” soʻzlari bilan almashtirilsin;

26-bandning oltinchi xatboshidagi “har kuni” soʻzlari “belgilangan tartibda” soʻzlari bilan almashtirilsin;

42-bandga quyidagi mazmundagi beshinchi xatboshi qoʻshilsin:

“Onlayn nazorat-kassa mashinasi yoki virtual kassadan foydalanishga oʻtgan bozorlar tomonidan sotuvchilarga taqdim qilingan chekda bozorning nomi, bozorning soliq toʻlovchi identifikatsiya raqami (STIR), chek berilgan vaqt va sana, toʻlovning nomi (bir martalik yigʻim toʻlovi), toʻlov summasi, oʻrin raqami, sotiladigan tovarning nomi, shuningdek, QR-kod va fiskal belgi majburiy tartibda aks ettiriladi. Ushbu maʼlumotlar aks ettirilmagan cheklar haqiqiy hisoblanmaydi”;

48-bandning uchinchi va toʻrtinchi xatboshilari , 68-bandning oltinchi xatboshidagi “fiskal xotirali nazorat-kassa mashinalarini” soʻzlari “fiskal xotirali nazorat-kassa mashinalarini, qonun hujjatlarida nazarda tutilgan hollarda esa onlayn nazorat-kassa mashinalarini yoki virtual kassalarni” soʻzlari bilan almashtirilsin;

b) 2-ilovada :

17-band quyidagi tahrirda bayon qilinsin:

“17. Savdo komplekslari hududidagi turgʻun savdo shahobchalarida savdoni amalga oshirishda fiskal xotirali nazorat-kassa mashinalarini, qonun hujjatlarida nazarda tutilgan hollarda esa onlayn nazorat-kassa mashinalarini yoki virtual kassalarni va toʻlovlarni bank plastik kartochkalaridan qabul qilish boʻyicha toʻlov terminallarini qoʻllash tartibi majburiy hisoblanadi.

Aholi bilan pulli hisob-kitoblarni amalga oshiruvchi xoʻjalik yurituvchi subyektlar tomonidan qoʻllaniladigan nazorat-kassa mashinalari, virtual kassalar yagona texnik talablarga muvofiq boʻlishi va belgilangan tartibda majburiy sertifikatlanishi kerak.

Sertifikatga ega boʻlmagan yoki belgilangan yagona texnik talablarga javob bermaydigan nazorat-kassa mashinalaridan yoki virtual kassalardan foydalangan holda chek berish aybdor shaxslarni qonun hujjatlariga muvofiq javobgarlikka tortish uchun asos hisoblanadi”;

21-bandning toʻrtinchi xatboshi quyidagi tahrirda bayon qilinsin:

“naqd tushumni qonun hujjatlarida belgilangan tartibda bankka inkassatsiya qilish (topshirish)”;

23-bandning oltinchi xatboshidagi “fiskal xotirali nazorat-kassa mashinalarini” soʻzlari “fiskal xotirali nazorat-kassa mashinalarini, qonun hujjatlarida nazarda tutilgan hollarda esa onlayn nazorat-kassa mashinalarini yoki virtual kassalarni” soʻzlari bilan almashtirilsin;

35-bandning toʻrtinchi xatboshi , 36-banddagi “fiskal xotirali nazorat-kassa mashinalari” soʻzlari “fiskal xotirali nazorat-kassa mashinalari, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalar” soʻzlari bilan almashtirilsin;

43-bandning birinchi xatboshidagi “fiskal xotirali nazorat-kassa mashinalaridan” soʻzlari “fiskal xotirali nazorat-kassa mashinalaridan, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalardan” soʻzlari bilan almashtirilsin.

10. Vazirlar Mahkamasining 2013-yil 31-iyuldagi 213-son qarori (Oʻzbekiston Respublikasi QT, 2013-y., 7-son, 48-modda) bilan tasdiqlangan Avtomototransport vositalarini doimiy va vaqtincha saqlash joylarini tashkil etish va ulardan foydalanish tartibi toʻgʻrisidagi nizomning 15-bandi quyidagi tahrirda bayon qilinsin:

“15. Avtomototransport vositalarini saqlash xizmatlari koʻrsatuvchi yuridik shaxslar fiskal xotiraga ega boʻlgan nazorat-kassa mashinasiga, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassaga va plastik kartochkalardan toʻlovlarni qabul qilish boʻyicha hisob-kitob terminaliga ega boʻlishlari kerak”.

12. Vazirlar Mahkamasining 2016-yil 2-iyundagi 185-son qarori (Oʻzbekiston Respublikasi QT, 2016-y., 23-son, 266-modda) bilan tasdiqlangan Elektron tijoratni amalga oshirish qoidalarining 48-bandi birinchi va ikkinchi xatboshilari quyidagi tahrirda bayon qilinsin:

“48. Elektron tijoratda toʻlovlar quyidagi usullarda amalga oshiriladi:

naqd pul bilan — nazorat-kassa mashinasidan, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassadan foydalanish orqali naqd pul mablagʻlari qabul qilingani toʻgʻrisida nazorat-kassa mashinasi yoki virtual kassa cheki yoxud boshqa tasdiqlovchi hujjatni majburan taqdim etish, shuningdek, belgilangan tartibda inkassatsiya qoidalariga rioya etgan holda, olingan pullarni xizmat koʻrsatuvchi bankka topshirishni taʼminlash”.

14. Vazirlar Mahkamasining 2019-yil 17-apreldagi 320-son qarori bilan tasdiqlangan Oʻzbekiston Respublikasi Davlat soliq qoʻmitasi toʻgʻrisidagi nizomda :

a) 11-band “d” kichik bandining ikkinchi xatboshidagi “nazorat-kassa mashinalarini” soʻzlari “nazorat-kassa mashinalarini, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalarni” soʻzlari bilan, toʻrtinchi xatboshidagi “nazorat-kassa mashinalarining” soʻzlari “nazorat-kassa mashinalarining, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalarning” soʻzlari bilan, “inkassatsiya qilinishi” soʻzlari “inkassatsiya qilinishi (banklarga topshirilishi)” soʻzlari bilan almashtirilsin;

b) 14-bandda :

12-kichik banddagi “nazorat-kassa mashinalaridan” soʻzlari “nazorat-kassa mashinalaridan, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalardan” soʻzlari bilan, “inkassatsiya qilish” soʻzlari “inkassatsiya qilish (banklarga topshirish)” soʻzlari bilan almashtirilsin;

13-kichik band quyidagi tahrirda bayon qilinsin:

“13) soliq nazoratini amalga oshirishda qonun hujjatlarida belgilangan tartibda fiskal xotirali nazorat-kassa mashinasida, onlayn nazorat-kassa mashinalari yoki virtual kassalarda saqlanayotgan maʼlumotlardan foydalanish”;

34-kichik banddagi “nazorat-kassa mashinalaridan” soʻzlari “nazorat-kassa mashinalaridan, qonun hujjatlarida nazarda tutilgan hollarda esa onlayn nazorat-kassa mashinalari yoki virtual kassalardan” soʻzlari bilan, “inkassatsiya qilish” soʻzlari “inkassatsiya qilish (banklarga topshirish)” soʻzlari bilan almashtirilsin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 23-noyabr,

943-son

(Qonun hujjatlari maʼlumotlari milliy bazasi, 23.11.2019-y., 09/19/943/4066-son; 21.11.2020-y., 09/20/736/1529-son; Qonunchilik maʼlumotlari milliy bazasi, 29.04.2021-y., 09/21/249/0387; Qonunchilik maʼlumotlari milliy bazasi, 21.05.2021-y., 09/21/322/0481-son, 03.08.2021-y., 09/21/485/0747-son; 22.09.2021-y., 09/21/595/0900-son; 22.02.2022-y., 09/22/80/0154-son; 26.02.2022-y., 09/22/88/0165-son; 12.03.2022-y., 09/22/114/0209-son; 14.04.2022-y., 09/22/180/0307-son; 13.05.2022-y., 09/22/255/0412-son; 22.08.2022-y., 09/22/471/0767-son; 20.10.2023-y., 09/23/548/0786-son; 10.01.2024-y., 07/24/13/0013-son; 12.12.2024-y., 09/24/814/1019-son; 24.12.2024-y., 09/24/847/1056-son; 30.09.2025-y., 09/25/610/0882-son; 23.01.2026-y., 09/26/23/0070-son; 21.07.2026-y., 09/26/393/0764-son; 16.09.2026-y., 06/26/191/0937-son)

lex.uz