📅 2019-yil 28-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 28 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 28 ноября 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 28 November 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Уй-жой коммунал хизмат кўрсатиш соҳаси ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низомга ўзгартириш ва қўшимча киритиш ҳақида
Ўзбекистон Республикаси Уй-жой коммунал хизмат кўрсатиш вазирлигининг «Сув таъминоти ва канализация объектлари қурилиши бўйича инжиниринг компанияси» давлат унитар корхонаси ходимларининг меҳнатига ҳақ тўлаш шартларини янада такомиллаштириш, шунингдек, уни малакали мутахассислар билан тўлдириш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ўзбекистон Республикасида ичимлик суви таъминоти ва канализация тизимларини ривожлантириш бўйича қўшимча чора-тадбирлар тўғрисида» 2018 йил 30 ноябрдаги ПҚ-4040-сон қарорига мувофиқ Ўзбекистон Республикаси Молия вазирлиги ҳузуридаги Сув таъминоти ва канализация тизимларини ривожлантириш жамғармаси маблағлари ҳисобидан молиялаштириладиган 2019 йил ва келгуси йилларда сув таъминоти ҳамда канализация объектларини қуриш ва реконструкция қилиш бўйича манзилли дастурларнинг самарали мувофиқлаштирилиши ва ўз вақтида бажарилишини таъминлаш учун «Сув таъминоти ва канализация объектлари қурилиши бўйича инжиниринг компанияси» давлат унитар корхонасининг фаолият кўрсатаётган тўртта ҳудудлараро филиаллари негизида ҳудудий бошқармалар (Тошкент шаҳридан ташқари) ташкил этилгани маълумот учун қабул қилинсин.
2. Вазирлар Маҳкамасининг 2017 йил 22 июндаги 409-сон қарори (Ўзбекистон Республикаси ҚТ, 2017 й., 6-сон, 112-модда) билан тасдиқланган Уй-жой коммунал хизмат кўрсатиш соҳаси ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низомга иловага мувофиқ ўзгартириш ва қўшимча киритилсин.
3. Мазкур қарорнинг бажаралишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Ўзбекистон Республикаси уй-жой коммунал хизмат кўрсатиш вазири М.Х. Салиев зиммасига юклансин.
Вазирлар Маҳкамасининг 2019 йил 28 ноябрдаги 957-сон қарорига ИЛОВА
Уй-жой коммунал хизмат кўрсатиш соҳаси ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низомга киритилаётган ўзгартириш ва қўшимча
1. 5-банд қуйидаги таҳрирда баён қилинсин:
«5. Штат жадвалини шакллантиришда:
иш касблари (мутахассисликлар) бўйича малака разрядлари Вазирлар Маҳкамасининг «Хизматчиларнинг асосий лавозимлари ва ишчилар касблари классификаторини янада такомиллаштириш тўғрисида» 2017 йил 4 октябрдаги 795-сон қарорига мувофиқ ишларни сифатли бажариш учун талаб этиладиган малакадан келиб чиққан ҳолда белгиланади;
Ўзбекистон Республикаси Уй-жой коммунал хизмат кўрсатиш вазирлигининг «Сув таъминоти ва канализация объектлари қурилиши бўйича инжиниринг компанияси» давлат унитар корхонаси (кейинги ўринларда Инжиниринг компанияси деб аталади) ва унинг ҳудудий бўлинмалари ходимлари учун Меҳнатга ҳақ тўлаш бўйича ягона тариф сеткасига асосан тариф коэффициентларига ошиб борувчи коэффициентларнинг чекланган миқдорлари Вазирлар Маҳкамасининг «Объектларни марказлаштирилган манбалар ҳисобига қуришда ягона буюртмачи хизматлари ходимларининг меҳнатига ҳақ тўлаш тизимини такомиллаштириш тўғрисида» 2014 йил 16 майдаги 124-сон қарорига мувофиқ белгиланади».
2. Қуйидаги таҳрирдаги 5 1 -боб қўшилсин:
«5 1 -боб. Ўзбекистон Республикаси Уй-жой коммунал хизмат кўрсатиш вазирлигининг «Сув таъминоти ва канализация объектлари қурилиши бўйича инжиниринг компанияси» давлат унитар корхонаси ва унинг ҳудудий бўлинмалари ходимларини мукофотлаш ҳамда уларга моддий ёрдам кўрсатиш тартиби
18 1 . Инжиниринг компанияси ходимларини мукофотлаш ва уларга моддий ёрдам кўрсатиш сув таъминоти ва канализация объектларини қуриш ҳамда реконструкция қилиш лойиҳаларини амалга ошириш доирасида буюртмачини сақлаш харажатларини белгиланган тартибда назарда тутадиган Ўзбекистон Республикаси Молия вазирлиги ҳузуридаги Сув таъминоти ва канализация тизимларини ривожлантириш жамғармаси маблағлари, маҳаллий бюджетлар маблағлари ҳамда қонун ҳужжатлари билан тақиқланмаган бошқа манбалар ҳисобидан амалга оширилади.
18 2 . Инжиниринг компанияси ходимларини моддий рағбатлантириш жамғармаси Инжиниринг компанияси томонидан ҳар йили назарда тутиладиган меҳнатга ҳақ тўлаш фондининг 15 фоизи миқдорида шакллантирилади.
18 3 . Инжиниринг компанияси ходимларига:
иш вақтидан бошқа вақтларда, дам олиш ва байрам кунларида, тунги вақтда ишлаганлик, шунингдек, узоқ муддат ишлаганлик учун ушбу Низомнинг 7 ва 9-бандларида назарда тутилган тартибда лавозим маошига устамалар;
расмий байрам кунлари (Халқаро хотин-қизлар куни, Наврўз, Мустақиллик куни, Рамазон ҳайити ва Қурбон ҳайити, Конституция куни, Янги йил) ва касб байрами (Уй-жой коммунал хизмат кўрсатиш ходимлари куни) бир лавозим маоши миқдорида бир марталик мукофот пули;
овқатланиш харажатларини қоплаш учун — базавий ҳисоблаш миқдорининг бир баравари миқдорида ҳар ойлик тўлов;
йўлкира харажатларини қоплаш учун — базавий ҳисоблаш миқдорининг бир баравари миқдорида ҳар ойлик тўлов, хизмат автотранспорти бириктирилган ходимлар бундан мустасно;
қишлоқ хўжалиги маҳсулотларини сотиб олиш учун — базавий ҳисоблаш миқдорининг ўн бараваридан кўп бўлмаган миқдорда бир йўла моддий ёрдам пули;
алоҳида ҳолатлар (узоқ муддат касаллик, оила аъзосининг вафоти, никоҳ тузиш ва бошқалар) муносабати билан бир лавозим маошидан ошмайдиган миқдорда бир йўла моддий ёрдам пули;
соғлиқни тиклаш (санаторийда даволаниш) учун бир йилда бир марта бир лавозим маоши миқдорида молиявий ёрдам пули тўланади.
18 4 . Мукофотлар ва устамаларнинг аниқ миқдорини белгилаш учун Инжиниринг компаниясида Инжиниринг компанияси ходимларини мукофотлаш тартибини белгилаш комиссияси (кейинги ўринларда комиссия деб аталади) ташкил этилади.
Комиссия Инжиниринг компанияси директорининг қарори билан 6 кишидан иборат таркибда тузилади ва директор (комиссия раиси), бош бухгалтер, кадрлар бўйича мутахассис, юрисконсульт, меҳнат жамоаси ва касаба уюшма қўмитаси вакилларини ўз ичига олади. Комиссия қарори кўпчилик овоз билан қабул қилинади ва тегишли баённома билан расмийлаштирилади. Овозлар тенг бўлган тақдирда, раиснинг овози ҳал қилувчи ҳисобланади.
18 5 . Инжиниринг компаниясининг айрим ташаббускор ва юқори малакали ходимларига Инжиниринг компанияси директорининг тегишли буйруғига ҳамда комиссия қарорига асосан лавозим маошига унинг 50 фоизидан ошмайдиган миқдорида ҳар ойлик шахсий устамалар белгиланиши мумкин».
Ўзбекистон Республикасининг Бош вазири А. АРИПОВ
Тошкент ш.,
2019 йил 28 ноябрь,
957-сон
Oʻzbekiston Respublikasi Vazirlar Mahkamasining
qarori
Uy-joy kommunal xizmat koʻrsatish sohasi xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizomga oʻzgartirish va qoʻshimcha kiritish haqida
Oʻzbekiston Respublikasi Uy-joy kommunal xizmat koʻrsatish vazirligining “Suv taʼminoti va kanalizatsiya obyektlari qurilishi boʻyicha injiniring kompaniyasi” davlat unitar korxonasi xodimlarining mehnatiga haq toʻlash shartlarini yanada takomillashtirish, shuningdek, uni malakali mutaxassislar bilan toʻldirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasida ichimlik suvi taʼminoti va kanalizatsiya tizimlarini rivojlantirish boʻyicha qoʻshimcha chora-tadbirlar toʻgʻrisida” 2018-yil 30-noyabrdagi PQ-4040-son qaroriga muvofiq Oʻzbekiston Respublikasi Moliya vazirligi huzuridagi Suv taʼminoti va kanalizatsiya tizimlarini rivojlantirish jamgʻarmasi mablagʻlari hisobidan moliyalashtiriladigan 2019-yil va kelgusi yillarda suv taʼminoti hamda kanalizatsiya obyektlarini qurish va rekonstruksiya qilish boʻyicha manzilli dasturlarning samarali muvofiqlashtirilishi va oʻz vaqtida bajarilishini taʼminlash uchun “Suv taʼminoti va kanalizatsiya obyektlari qurilishi boʻyicha injiniring kompaniyasi” davlat unitar korxonasining faoliyat koʻrsatayotgan toʻrtta hududlararo filiallari negizida hududiy boshqarmalar (Toshkent shahridan tashqari) tashkil etilgani maʼlumot uchun qabul qilinsin.
2. Vazirlar Mahkamasining 2017-yil 22-iyundagi 409-son qarori (Oʻzbekiston Respublikasi QT, 2017-y., 6-son, 112-modda) bilan tasdiqlangan Uy-joy kommunal xizmat koʻrsatish sohasi xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizomga ilovaga muvofiq oʻzgartirish va qoʻshimcha kiritilsin.
3. Mazkur qarorning bajaralishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Oʻzbekiston Respublikasi uy-joy kommunal xizmat koʻrsatish vaziri M.X. Saliyev zimmasiga yuklansin.
Vazirlar Mahkamasining 2019-yil 28-noyabrdagi 957-son qaroriga ILOVA
Uy-joy kommunal xizmat koʻrsatish sohasi xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizomga kiritilayotgan oʻzgartirish va qoʻshimcha
1. 5-band quyidagi tahrirda bayon qilinsin:
“5. Shtat jadvalini shakllantirishda:
ish kasblari (mutaxassisliklar) boʻyicha malaka razryadlari Vazirlar Mahkamasining “Xizmatchilarning asosiy lavozimlari va ishchilar kasblari klassifikatorini yanada takomillashtirish toʻgʻrisida” 2017-yil 4-oktabrdagi 795-son qaroriga muvofiq ishlarni sifatli bajarish uchun talab etiladigan malakadan kelib chiqqan holda belgilanadi;
Oʻzbekiston Respublikasi Uy-joy kommunal xizmat koʻrsatish vazirligining “Suv taʼminoti va kanalizatsiya obyektlari qurilishi boʻyicha injiniring kompaniyasi” davlat unitar korxonasi (keyingi oʻrinlarda Injiniring kompaniyasi deb ataladi) va uning hududiy boʻlinmalari xodimlari uchun Mehnatga haq toʻlash boʻyicha yagona tarif setkasiga asosan tarif koeffitsiyentlariga oshib boruvchi koeffitsiyentlarning cheklangan miqdorlari Vazirlar Mahkamasining “Obyektlarni markazlashtirilgan manbalar hisobiga qurishda yagona buyurtmachi xizmatlari xodimlarining mehnatiga haq toʻlash tizimini takomillashtirish toʻgʻrisida” 2014-yil 16-maydagi 124-son qaroriga muvofiq belgilanadi”.
2. Quyidagi tahrirdagi 5 1 -bob qoʻshilsin:
“5 1 -bob. Oʻzbekiston Respublikasi Uy-joy kommunal xizmat koʻrsatish vazirligining “Suv taʼminoti va kanalizatsiya obyektlari qurilishi boʻyicha injiniring kompaniyasi” davlat unitar korxonasi va uning hududiy boʻlinmalari xodimlarini mukofotlash hamda ularga moddiy yordam koʻrsatish tartibi
18 1 . Injiniring kompaniyasi xodimlarini mukofotlash va ularga moddiy yordam koʻrsatish suv taʼminoti va kanalizatsiya obyektlarini qurish hamda rekonstruksiya qilish loyihalarini amalga oshirish doirasida buyurtmachini saqlash xarajatlarini belgilangan tartibda nazarda tutadigan Oʻzbekiston Respublikasi Moliya vazirligi huzuridagi Suv taʼminoti va kanalizatsiya tizimlarini rivojlantirish jamgʻarmasi mablagʻlari, mahalliy budjetlar mablagʻlari hamda qonun hujjatlari bilan taqiqlanmagan boshqa manbalar hisobidan amalga oshiriladi.
18 2 . Injiniring kompaniyasi xodimlarini moddiy ragʻbatlantirish jamgʻarmasi Injiniring kompaniyasi tomonidan har yili nazarda tutiladigan mehnatga haq toʻlash fondining 15 foizi miqdorida shakllantiriladi.
18 3 . Injiniring kompaniyasi xodimlariga:
ish vaqtidan boshqa vaqtlarda, dam olish va bayram kunlarida, tungi vaqtda ishlaganlik, shuningdek, uzoq muddat ishlaganlik uchun ushbu Nizomning 7 va 9-bandlarida nazarda tutilgan tartibda lavozim maoshiga ustamalar;
rasmiy bayram kunlari (Xalqaro xotin-qizlar kuni, Navroʻz, Mustaqillik kuni, Ramazon hayiti va Qurbon hayiti, Konstitutsiya kuni, Yangi yil) va kasb bayrami (Uy-joy kommunal xizmat koʻrsatish xodimlari kuni) bir lavozim maoshi miqdorida bir martalik mukofot puli;
ovqatlanish xarajatlarini qoplash uchun — bazaviy hisoblash miqdorining bir baravari miqdorida har oylik toʻlov;
yoʻlkira xarajatlarini qoplash uchun — bazaviy hisoblash miqdorining bir baravari miqdorida har oylik toʻlov, xizmat avtotransporti biriktirilgan xodimlar bundan mustasno;
qishloq xoʻjaligi mahsulotlarini sotib olish uchun — bazaviy hisoblash miqdorining oʻn baravaridan koʻp boʻlmagan miqdorda bir yoʻla moddiy yordam puli;
alohida holatlar (uzoq muddat kasallik, oila aʼzosining vafoti, nikoh tuzish va boshqalar) munosabati bilan bir lavozim maoshidan oshmaydigan miqdorda bir yoʻla moddiy yordam puli;
sogʻliqni tiklash (sanatoriyda davolanish) uchun bir yilda bir marta bir lavozim maoshi miqdorida moliyaviy yordam puli toʻlanadi.
18 4 . Mukofotlar va ustamalarning aniq miqdorini belgilash uchun Injiniring kompaniyasida Injiniring kompaniyasi xodimlarini mukofotlash tartibini belgilash komissiyasi (keyingi oʻrinlarda komissiya deb ataladi) tashkil etiladi.
Komissiya Injiniring kompaniyasi direktorining qarori bilan 6 kishidan iborat tarkibda tuziladi va direktor (komissiya raisi), bosh buxgalter, kadrlar boʻyicha mutaxassis, yuriskonsult, mehnat jamoasi va kasaba uyushma qoʻmitasi vakillarini oʻz ichiga oladi. Komissiya qarori koʻpchilik ovoz bilan qabul qilinadi va tegishli bayonnoma bilan rasmiylashtiriladi. Ovozlar teng boʻlgan taqdirda, raisning ovozi hal qiluvchi hisoblanadi.
18 5 . Injiniring kompaniyasining ayrim tashabbuskor va yuqori malakali xodimlariga Injiniring kompaniyasi direktorining tegishli buyrugʻiga hamda komissiya qaroriga asosan lavozim maoshiga uning 50 foizidan oshmaydigan miqdorida har oylik shaxsiy ustamalar belgilanishi mumkin”.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 28-noyabr,
957-son
Кабинета Министров Республики Узбекистан
Постановление
О внесении изменения и дополнения в Положение о порядке оплаты труда и материального стимулирования работников системы жилищно-коммунального обслуживания
В целях обеспечения дальнейшего совершенствования условий оплаты труда работников Государственного унитарного предприятия «Инжиниринговая компания по строительству объектов водоснабжения и канализации» Министерства жилищно-коммунального обслуживания Республики Узбекистан, а также укомплектования его квалифицированными специалистами Кабинет Министров постановляет:
1. Принять к сведению, что в соответствии с постановлением Президента Республики Узбекистан от 30 ноября 2018 года № ПП-4040 «О дополнительных мерах по развитию систем питьевого водоснабжения и канализации в Республике Узбекистан» для обеспечения эффективной координации и своевременного выполнения адресных программ по строительству и реконструкции объектов водоснабжения и канализации на 2019 и последующие годы, финансируемых за счет средств Фонда развития систем водоснабжения и канализации при Министерстве финансов Республики Узбекистан, на базе действующих четырех межрегиональных филиалов Государственного унитарного предприятия «Инжиниринговая компания по строительству объектов водоснабжения и канализации» созданы территориальные управления (за исключением города Ташкента).
2. Внести изменение и дополнение в Положение о порядке оплаты труда и материального стимулирования работников системы жилищно-коммунального обслуживания, утвержденное постановлением Кабинета Министров от 22 июня 2017 г. № 409 (СП Республики Узбекистан, 2017 г., № 6, ст. 112), согласно приложению .
3. Контроль за исполнением настоящего постановления возложить на первого заместителя Премьер-министра Республики Узбекистан — министра транспорта А.Ж. Раматова и министра жилищно-коммунального обслуживания Республики Узбекистан М.Х. Салиева.
ПРИЛОЖЕНИЕ к постановлению Кабинета Министров от 28 ноября 2019 года № 957
Изменение и дополнение, вносимые в Положение о порядке оплаты труда и материального стимулирования работников системы жилищно-коммунального обслуживания
1. Пункт 5 изложить в следующей редакции:
«5. При формировании штатного расписания:
квалификационные разряды по рабочим профессиям (специальностям) устанавливаются исходя из требуемой квалификации для качественного выполнения работы, в соответствии с постановлением Кабинета Министров от 4 октября 2017 г. № 795 «О дальнейшем совершенствовании Классификатора основных должностей служащих и профессий рабочих»;
предельные размеры повышающих коэффициентов к тарифным коэффициентам по Единой тарифной сетке по оплате труда для работников Государственного унитарного предприятия «Инжиниринговая компания по строительству объектов водоснабжения и канализации» Министерства жилищно-коммунального обслуживания Республики Узбекистан и его территориальных управлений (далее — Инжиниринговая компания) устанавливаются в соответствии с постановлением Кабинета Министров от 16 мая 2014 г. № 124 «О совершенствовании системы оплаты труда работников служб единого заказчика при строительстве объектов за счет централизованных источников».
2. Дополнить главой 5 1 следующего содержания:
«Глава 5 1 . Порядок премирования работников Государственного унитарного предприятия «Инжиниринговая компания по строительству объектов водоснабжения и канализации» Министерства жилищно-коммунального обслуживания Республики Узбекистан, его территориальных управлений и оказания им материальной помощи
18 1 . Премирование работников Инжиниринговой компании и оказание им материальной помощи производятся за счет средств Фонда развития систем водоснабжения и канализации при Министерстве финансов Республики Узбекистан, средств местных бюджетов и иных источников, не запрещенных законодательством, предусматривающих в установленном порядке затраты на содержание заказчика в рамках реализации проектов по строительству и реконструкции объектов системы водоснабжения и канализации.
18 2 . Фонд материального стимулирования работников Инжиниринговой компании образуется в размере 15 % от ежегодно предусматриваемого Инжиниринговой компании фонда оплаты труда.
18 3 . Работникам Инжиниринговой компании производятся следующие выплаты:
доплата к должностному окладу за сверхурочное время, работу в выходные и праздничные дни, в ночное время, а также за выслугу лет в порядке, предусмотренном пунктами 7 и 9 настоящего Положения;
единовременные премии в размере одного должностного оклада к официальным праздничным дням (Международный женский день, Навруз, День Независимости, Рамазан-хаит, Курбан-хаит, День Конституции, Новый год) и профессиональному празднику (День работников сферы жилищно-коммунального обслуживания);
ежемесячная выплата по возмещению расходов за питание — в размере одной базовой расчетной величины;
ежемесячная выплата по возмещению расходов за проезд — в размере одной базовой расчетной величины, за исключением работников, за которыми закреплен служебный автотранспорт;
единовременная материальная помощь на приобретение сельхозпродукции — в размере не более десяти базовых расчетных величин;
единовременная материальная помощь в связи с особыми обстоятельствами (длительная болезнь, смерть члена семьи, бракосочетание и другие) — в размере, не превышающем одного должностного оклада;
выплата один раз в год материальной помощи на восстановление здоровья (санаторное лечение) — в размере одного должностного оклада.
18 4 . Для определения конкретных размеров вознаграждений и доплат в Инжиниринговой компании создается комиссия по определению порядка премирования работников Инжиниринговой компании (далее — комиссия).
Комиссия создается решением директора Инжиниринговой компании в составе 6 человек и включает в себя: директора (председатель комиссии), главного бухгалтера, специалиста по кадрам, юрисконсульта, представителей трудового коллектива и профсоюзного комитета. Решения комиссии принимаются большинством голосов и оформляются соответствующим протоколом. При равенстве голосов решающим является голос председателя.
18 5 . Отдельным инициативным и высококвалифицированным работникам Инжиниринговой компании на основании соответствующих приказа директора Инжиниринговой компании и решения комиссии могут устанавливаться персональные ежемесячные надбавки к должностному окладу в размерах, не превышающих 50 процентов должностного оклада».
Премьер-министр Республики Узбекистан А. АРИПОВ
г. Ташкент,
28 ноября 2019 г.,
№ 957