📅 2019-yil 30-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 30 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 ноября 2019 г. · Постановления Президента
Официальный текст. Официальный документ. Редакционные примечания не включены.
📅 30 November 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
МАНБАЛАРИ
РЎЙХАТИ
«Ўзбекистон Республикаси Ташқи иқтисодий фаолият миллий банки» унитар корхонасини акциядорлик жамияти шаклида қайта ташкил этиш чора-тадбирлари тўғрисида
Ўзбекистон Республикаси Президентининг 2019 йил 9 октябрдаги ПҚ-4487-сон «Ўзбекистон Республикаси банк секторининг молиявий барқарорлигини оширишга оид биринчи навбатдаги чора-тадбирлар тўғрисида»ги қарорига мувофиқ «Ўзбекистон Республикаси Ташқи иқтисодий фаолият миллий банки» унитар корхонаси фаолиятида замонавий умумэътироф этилган корпоратив бошқарув тамойилларини жорий этиш мақсадида:
1. Молия вазирлиги ҳамда Давлат активларини бошқариш агентлигининг унитар корхона шаклидаги «Ўзбекистон Республикаси Ташқи иқтисодий фаолият миллий банки»ни (кейинги ўринларда — Ўзмиллийбанк) «Ўзбекистон Республикаси Ташқи иқтисодий фаолият миллий банки» акциядорлик жамияти шаклида (кейинги ўринларда — «Миллий банк» АЖ) қайта ташкил этиш тўғрисидаги таклифига розилик берилсин.
2. Белгилаб қўйилсинки:
Молия вазирлиги ва Ўзбекистон Республикаси Тикланиш ва тараққиёт жамғармаси давлат номидан «Миллий банк» АЖнинг таъсисчиси ҳисобланади;
янги ташкил этилаётган «Миллий банк» АЖ устав капитали кейинчалик қонунда белгиланган тартибда оширилган ҳолда 1-иловага мувофиқ ҳажмда ва улушларда шакллантирилади;
«Миллий банк» АЖ қайта ташкил этилаётган Ўзмиллийбанкнинг ҳуқуқлари мажбуриятлари ва шартномалари, шу жумладан, халқаро шартномалари бўйича ҳуқуқий вориси ҳисобланади.
3. Қуйидагилар «Миллий банк» АЖ фаолиятининг асосий вазифалари ва йўналишлари этиб белгилансин:
хорижий кредит линиялари, халқаро капитал бозоридаги ресурслар, хорижий инвесторлар маблағларини жалб қилиш орқали иқтисодиётнинг устувор секторларида йирик инвестицион лойиҳаларни фаол равишда кредитлаш;
хизмат кўрсатиш сифати ва тезкорлигини ошириш учун инновацион молиявий маҳсулотларни жорий этиш;
кичик бизнес ва хусусий тадбиркорлик субъектларига банк хизматларини, шунингдек, ташқи иқтисодий фаолият масалаларида молиявий маслаҳатлар бериш ва ахборот кўмагини кўрсатиш;
аҳолига чакана банк хизматлари кўрсатишни ривожлантириш, шу жумладан ахборот-коммуникация технологияларидан фойдаланган ҳолда банк хизматларининг янги турларини жорий этиш;
биринчи навбатда миллий валютадаги узоқ муддатли маблағларни сафарбар қилиш ҳисобига банк фаолиятини молиялаштириш манбаларини диверсификация қилиш;
савдо-экспорт молиялаштириш бизнеси маҳсулотларини ривожлантириш ва унинг географиясини кенгайтириш, шунингдек, республиканинг экспорт салоҳиятини ривожлантириш дастурларини қўллаб-қувватлаш, экспорт қилувчиларга консалтинг хизматларини тақдим этиш;
корпоратив мижозларга инвестицион банкинг, жумладан ички ва ташқи бозорларда қимматли қоғозларни чиқариш ва жойлаштириш хизматларини кўрсатиш.
4. Ўзбекистон Республикаси Молия вазирлиги:
«Миллий банк» АЖ билан биргаликда икки ой муддатда қайта ташкил этиладиган Ўзмиллийбанкнинг қарздор ва кредиторлари мажбуриятлари бўйича берилган давлат кафолатларини қайта расмийлаштирсин;
Кузатув кенгашининг асосий вазифалари ва функцияларини белгилаган ҳолда унинг таркибини «Миллий банк» АЖнинг акциядорлар умумий йиғилишига тасдиқлаш учун киритсин.
5. Ўзмиллийбанк икки ой муддатда:
а) Ўзбекистон Республикаси Давлат активларини бошқариш агентлиги билан биргаликда, жумладан қуйидагиларни:
Ўзмиллийбанкни қайта ташкил этишга тайёрлаш бўйича комиссияни тузиш;
тегишли топшириш далолатномасини тайёрлаб, Ўзмиллийбанк активлари ва мажбуриятларини уларга нисбатан баҳолаш амалга оширилмаган ҳолда хатловдан ўтказишни назарда тутувчи чора-тадбирлар амалга оширилишини;
б) мол-мулкнинг мавжуд ҳужжатлари, лицензия ва рухсатномаларини қайта расмийлаштиришни;
в) МЧЖ «NBU INVEST GROUP» инвестиция компанияси негизида молиявий бозорларда, жумладан банкнинг даромади чегарасида хўжалик субъектлари устав фондида (100 фоизгача) иштирок этиш орқали инвестицион лойиҳаларни амалга оширишда иштирокини кенгайтиришни назарда тутган ҳолда «NBU INVEST GROUP» акциядорлик жамиятини ташкил этишни;
г) қуйидагиларни:
«Миллий банк» АЖнинг ташкилий тузилмаси ва Устави;
халқаро консультантларни жалб қилган ҳолда «Ўзбекистон Республикаси Ташқи иқтисодий фаолият миллий банки» АЖнинг 2020 — 2023 йилларга мўлжалланган ривожланиш стратегияси ишлаб чиқилиши ва акциядорлар умумий йиғилишида тасдиқланишини таъминласин.
6. Ўзбекистон Республикаси Марказий банки «Миллий банк» АЖ Уставининг белгиланган тартибда рўйхатдан ўтказилишини таъминласин.
7. Ўзбекистон Республикаси Давлат активларини бошқариш агентлиги ва Ўзмиллийбанкнинг:
а) Ўзмиллийбанкнинг хўжалик жамиятлари устав фондидаги акциялар ва улушлар шаклидаги айрим асосий фаолият тури билан боғлиқ бўлмаган активларини 2-иловага мувофиқ Ўзбекистон Республикаси Давлат активларини бошқариш агентлигига бериш;
б) Ўзмиллийбанк ва «NBU INVEST GROUP» АЖнинг хўжалик жамиятлари устав фондидаги акциялар ва улушлар шаклидаги бошқа асосий фаолият тури билан боғлиқ бўлмаган активларини:
баҳолаш нархини 10 фоизга босқичма-босқич камайтириш механизмини қўллаб, бироқ улар бозор нархининг 50 фоизидан пасайтирмаган ҳолда ҳамда икки ой давомида ўтказилган савдолар натижасида инвесторлар томонидан қизиқиш бўлмаган тақдирда, уларнинг номинал қийматидан пасайтирмаган ҳолда;
сотиб олиш тўловларини бирдан ёки бўлиб-бўлиб (акциялардан ташқари) 7 йилгача сотиб олиш суммасининг қолдиғи учун фоиз ҳисобламасдан, шунингдек, сотиб олиш суммаси тўлиқ тўланмагунга қадар объектни тасарруфдан чиқариш ва учинчи шахсларга (тижорат банки — сотувчи бундан мустасно) гаровга (ипотека) бериш ҳуқуқисиз амалга ошириш орқали сотиш тўғрисидаги таклифларига розилик берилсин.
8. Ўзмиллийбанк Кенгаши илгари захиралари яратилган ҳамда сўндириш манбалари мавжуд бўлмаган балансдан ташқари активларни белгиланган тартибда ҳисобдан чиқарсин.
9. Ўзбекистон Республикаси Капитал бозорини ривожлантириш агентлиги йиғимлар ундирилмасдан «Миллий банк» АЖнинг акциялари белгиланган тартибда чиқарилиши ва бирламчи чиқарилган акциялар давлат рўйхатидан ўтказилишини таъминласин.
10. Ўзбекистон Республикаси Президентининг 2017 йил 27 мартдаги «2017 — 2019 йиллар даврида деҳқон бозорларини реконструкция қилиш ва уларнинг ҳудудида замонавий савдо мажмуалари қуриш дастурини тасдиқлаш тўғрисида»ги ПҚ-2853-сон қарорининг 9-банди ўз кучини йўқотган деб ҳисоблансин.
11. Ўзбекистон Республикаси Адлия вазирлиги манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
12. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси Президентининг маслаҳатчиси Р.А. Ғуломов зиммасига юклансин.
Ўзбекистон Республикаси Президентининг 2019 йил 30 ноябрдаги ПҚ-4540-сон қарорига 1-ИЛОВА
«Ўзбекистон Республикаси Ташқи иқтисодий фаолият миллий банки» АЖнинг устав капиталини шакллантириш
Т/р Акционерлар номи Устав капитали (01.11.2019 йил ҳолатига) Устав капиталини шакллантириш учун йўналтириладиган маблағлар Шакллантирилган устав капитали млрд сўм фоизда млрд сўм млрд сўм фоизда 1. Ўзбекистон Республикаси Молия вазирлиги * 3 885,8 89,93% 922,1 4 807,9 41,51% 2. Ўзбекистон Республикаси Тикланиш ва тараққиёт жамғармаси ** 435,2 10,07% 6 338,1 6 773,3 58,49% Ҳаммаси: 4 321,0 100% 7 260,2 11 581,2 100%
Ўзбекистон Республикаси Президентининг 2019 йил 30 ноябрдаги ПҚ-4540-сон қарорига 2-ИЛОВА
Акциялар пакети (улушлари) Ўзмиллийбанкка тегишли бўлган Ўзбекистон Республикаси Давлат активларини бошқариш агентлигига ўтказилиши лозим бўлган хўжалик жамиятлари
Т/р Хўжалик жамиятининг номи Баланс нархи (экв. млн сўм) Улуш миқдори (фоиз) 1. «Тахиаташ-дон» АЖ 0,3 0,01 2. «Қурилиш лизинг» МЧЖ 290,6 5,3 3. «Ўзинтеримпэкс» АЖ 524,1 4 4. «Марказсаноатэкспорт» АЖ 550 4 5. «Ўзпроммашимпэкс» АЖ 1 232,8 3,8 6. «Ўзмарказимпэкс» АЖ 530,7 4 7. «Ўзмед-лизинг» АЖ 408,9 20 8. «Чотқол» МЧЖ 10 12,5 9. «Элсис савдо» АЖ 14,8 2,2 10. «Агротехсервис» МЧЖ 629 15 11. «Ўзавиализинг» МЧЖ 10 214,1 26,5
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 30 ноябрь,
ПҚ-4540-сон
Oʻzbekiston Respublikasi Prezidentining
Qarori
MANBALARI
ROʻYXATI
“Oʻzbekiston Respublikasi Tashqi iqtisodiy faoliyat milliy banki” unitar korxonasini aksiyadorlik jamiyati shaklida qayta tashkil etish chora-tadbirlari toʻgʻrisida
Oʻzbekiston Respublikasi Prezidentining 2019-yil 9-oktabrdagi PQ-4487-son “Oʻzbekiston Respublikasi bank sektorining moliyaviy barqarorligini oshirishga oid birinchi navbatdagi chora-tadbirlar toʻgʻrisida”gi qaroriga muvofiq “Oʻzbekiston Respublikasi Tashqi iqtisodiy faoliyat milliy banki” unitar korxonasi faoliyatida zamonaviy umumeʼtirof etilgan korporativ boshqaruv tamoyillarini joriy etish maqsadida:
1. Moliya vazirligi hamda Davlat aktivlarini boshqarish agentligining unitar korxona shaklidagi “Oʻzbekiston Respublikasi Tashqi iqtisodiy faoliyat milliy banki”ni (keyingi oʻrinlarda — Oʻzmilliybank) “Oʻzbekiston Respublikasi Tashqi iqtisodiy faoliyat milliy banki” aksiyadorlik jamiyati shaklida (keyingi oʻrinlarda — “Milliy bank” AJ) qayta tashkil etish toʻgʻrisidagi taklifiga rozilik berilsin.
2. Belgilab qoʻyilsinki:
Moliya vazirligi va Oʻzbekiston Respublikasi Tiklanish va taraqqiyot jamgʻarmasi davlat nomidan “Milliy bank” AJning taʼsischisi hisoblanadi;
yangi tashkil etilayotgan “Milliy bank” AJ ustav kapitali keyinchalik qonunda belgilangan tartibda oshirilgan holda 1-ilovaga muvofiq hajmda va ulushlarda shakllantiriladi;
“Milliy bank” AJ qayta tashkil etilayotgan Oʻzmilliybankning huquqlari majburiyatlari va shartnomalari, shu jumladan, xalqaro shartnomalari boʻyicha huquqiy vorisi hisoblanadi.
3. Quyidagilar “Milliy bank” AJ faoliyatining asosiy vazifalari va yoʻnalishlari etib belgilansin:
xorijiy kredit liniyalari, xalqaro kapital bozoridagi resurslar, xorijiy investorlar mablagʻlarini jalb qilish orqali iqtisodiyotning ustuvor sektorlarida yirik investitsion loyihalarni faol ravishda kreditlash;
xizmat koʻrsatish sifati va tezkorligini oshirish uchun innovatsion moliyaviy mahsulotlarni joriy etish;
kichik biznes va xususiy tadbirkorlik subyektlariga bank xizmatlarini, shuningdek, tashqi iqtisodiy faoliyat masalalarida moliyaviy maslahatlar berish va axborot koʻmagini koʻrsatish;
aholiga chakana bank xizmatlari koʻrsatishni rivojlantirish, shu jumladan axborot-kommunikatsiya texnologiyalaridan foydalangan holda bank xizmatlarining yangi turlarini joriy etish;
birinchi navbatda milliy valyutadagi uzoq muddatli mablagʻlarni safarbar qilish hisobiga bank faoliyatini moliyalashtirish manbalarini diversifikatsiya qilish;
savdo-eksport moliyalashtirish biznesi mahsulotlarini rivojlantirish va uning geografiyasini kengaytirish, shuningdek, respublikaning eksport salohiyatini rivojlantirish dasturlarini qoʻllab-quvvatlash, eksport qiluvchilarga konsalting xizmatlarini taqdim etish;
korporativ mijozlarga investitsion banking, jumladan ichki va tashqi bozorlarda qimmatli qogʻozlarni chiqarish va joylashtirish xizmatlarini koʻrsatish.
4. Oʻzbekiston Respublikasi Moliya vazirligi:
“Milliy bank” AJ bilan birgalikda ikki oy muddatda qayta tashkil etiladigan Oʻzmilliybankning qarzdor va kreditorlari majburiyatlari boʻyicha berilgan davlat kafolatlarini qayta rasmiylashtirsin;
Kuzatuv kengashining asosiy vazifalari va funksiyalarini belgilagan holda uning tarkibini “Milliy bank” AJning aksiyadorlar umumiy yigʻilishiga tasdiqlash uchun kiritsin.
5. Oʻzmilliybank ikki oy muddatda:
a) Oʻzbekiston Respublikasi Davlat aktivlarini boshqarish agentligi bilan birgalikda, jumladan quyidagilarni:
Oʻzmilliybankni qayta tashkil etishga tayyorlash boʻyicha komissiyani tuzish;
tegishli topshirish dalolatnomasini tayyorlab, Oʻzmilliybank aktivlari va majburiyatlarini ularga nisbatan baholash amalga oshirilmagan holda xatlovdan oʻtkazishni nazarda tutuvchi chora-tadbirlar amalga oshirilishini;
b) mol-mulkning mavjud hujjatlari, litsenziya va ruxsatnomalarini qayta rasmiylashtirishni;
v) MCHJ “NBU INVEST GROUP” investitsiya kompaniyasi negizida moliyaviy bozorlarda, jumladan bankning daromadi chegarasida xoʻjalik subyektlari ustav fondida (100 foizgacha) ishtirok etish orqali investitsion loyihalarni amalga oshirishda ishtirokini kengaytirishni nazarda tutgan holda “NBU INVEST GROUP” aksiyadorlik jamiyatini tashkil etishni;
g) quyidagilarni:
“Milliy bank” AJning tashkiliy tuzilmasi va Ustavi;
xalqaro konsultantlarni jalb qilgan holda “Oʻzbekiston Respublikasi Tashqi iqtisodiy faoliyat milliy banki” AJning 2020 — 2023-yillarga moʻljallangan rivojlanish strategiyasi ishlab chiqilishi va aksiyadorlar umumiy yigʻilishida tasdiqlanishini taʼminlasin.
6. Oʻzbekiston Respublikasi Markaziy banki “Milliy bank” AJ Ustavining belgilangan tartibda roʻyxatdan oʻtkazilishini taʼminlasin.
7. Oʻzbekiston Respublikasi Davlat aktivlarini boshqarish agentligi va Oʻzmilliybankning:
a) Oʻzmilliybankning xoʻjalik jamiyatlari ustav fondidagi aksiyalar va ulushlar shaklidagi ayrim asosiy faoliyat turi bilan bogʻliq boʻlmagan aktivlarini 2-ilovaga muvofiq Oʻzbekiston Respublikasi Davlat aktivlarini boshqarish agentligiga berish;
b) Oʻzmilliybank va “NBU INVEST GROUP” AJning xoʻjalik jamiyatlari ustav fondidagi aksiyalar va ulushlar shaklidagi boshqa asosiy faoliyat turi bilan bogʻliq boʻlmagan aktivlarini:
baholash narxini 10 foizga bosqichma-bosqich kamaytirish mexanizmini qoʻllab, biroq ular bozor narxining 50 foizidan pasaytirmagan holda hamda ikki oy davomida oʻtkazilgan savdolar natijasida investorlar tomonidan qiziqish boʻlmagan taqdirda, ularning nominal qiymatidan pasaytirmagan holda;
sotib olish toʻlovlarini birdan yoki boʻlib-boʻlib (aksiyalardan tashqari) 7 yilgacha sotib olish summasining qoldigʻi uchun foiz hisoblamasdan, shuningdek, sotib olish summasi toʻliq toʻlanmagunga qadar obyektni tasarrufdan chiqarish va uchinchi shaxslarga (tijorat banki — sotuvchi bundan mustasno) garovga (ipoteka) berish huquqisiz amalga oshirish orqali sotish toʻgʻrisidagi takliflariga rozilik berilsin.
8. Oʻzmilliybank Kengashi ilgari zaxiralari yaratilgan hamda soʻndirish manbalari mavjud boʻlmagan balansdan tashqari aktivlarni belgilangan tartibda hisobdan chiqarsin.
9. Oʻzbekiston Respublikasi Kapital bozorini rivojlantirish agentligi yigʻimlar undirilmasdan “Milliy bank” AJning aksiyalari belgilangan tartibda chiqarilishi va birlamchi chiqarilgan aksiyalar davlat roʻyxatidan oʻtkazilishini taʼminlasin.
10. Oʻzbekiston Respublikasi Prezidentining 2017-yil 27-martdagi “2017 — 2019-yillar davrida dehqon bozorlarini rekonstruksiya qilish va ularning hududida zamonaviy savdo majmualari qurish dasturini tasdiqlash toʻgʻrisida”gi PQ-2853-son qarorining 9-bandi oʻz kuchini yoʻqotgan deb hisoblansin.
11. Oʻzbekiston Respublikasi Adliya vazirligi manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
12. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi Prezidentining maslahatchisi R.A. Gʻulomov zimmasiga yuklansin.
Oʻzbekiston Respublikasi Prezidentining 2019-yil 30-noyabrdagi PQ-4540-son qaroriga 1-ILOVA
“Oʻzbekiston Respublikasi Tashqi iqtisodiy faoliyat milliy banki” AJning ustav kapitalini shakllantirish
T/r Aksionerlar nomi Ustav kapitali (01.11.2019-yil holatiga) Ustav kapitalini shakllantirish uchun yoʻnaltiriladigan mablagʻlar Shakllantirilgan ustav kapitali mlrd soʻm foizda mlrd soʻm mlrd soʻm foizda 1. Oʻzbekiston Respublikasi Moliya vazirligi * 3 885,8 89,93% 922,1 4 807,9 41,51% 2. Oʻzbekiston Respublikasi Tiklanish va taraqqiyot jamgʻarmasi ** 435,2 10,07% 6 338,1 6 773,3 58,49% Hammasi: 4 321,0 100% 7 260,2 11 581,2 100%
Oʻzbekiston Respublikasi Prezidentining 2019-yil 30-noyabrdagi PQ-4540-son qaroriga 2-ILOVA
Aksiyalar paketi (ulushlari) Oʻzmilliybankka tegishli boʻlgan Oʻzbekiston Respublikasi Davlat aktivlarini boshqarish agentligiga oʻtkazilishi lozim boʻlgan xoʻjalik jamiyatlari
T/r Xoʻjalik jamiyatining nomi Balans narxi (ekv. mln soʻm) Ulush miqdori (foiz) 1. “Taxiatash-don” AJ 0,3 0,01 2. “Qurilish lizing” MCHJ 290,6 5,3 3. “Oʻzinterimpeks” AJ 524,1 4 4. “Markazsanoateksport” AJ 550 4 5. “Oʻzprommashimpeks” AJ 1 232,8 3,8 6. “Oʻzmarkazimpeks” AJ 530,7 4 7. “Oʻzmed-lizing” AJ 408,9 20 8. “Chotqol” MCHJ 10 12,5 9. “Elsis savdo” AJ 14,8 2,2 10. “Agrotexservis” MCHJ 629 15 11. “Oʻzavializing” MCHJ 10 214,1 26,5
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 30-noyabr,
PQ-4540-son
Президента Республики Узбекистан
Постановление
Источники
ПЕРЕЧЕНЬ
О мерах по преобразованию унитарного предприятия «Национальный банк внешнеэкономической деятельности Республики Узбекистан» в акционерное общество
В целях внедрения современных общепринятых принципов корпоративного управления в деятельность унитарного предприятия «Национальный банк внешнеэкономической деятельности Республики Узбекистан» в соответствии с постановлением Президента Республики Узбекистан от 9 октября 2019 года № ПП-4487 «О первоочередных мерах по повышению финансовой устойчивости банковского сектора Республики Узбекистан»:
1. Согласиться с предложением Министерства финансов и Агентства по управлению государственными активами о преобразовании унитарного предприятия «Национальный банк внешнеэкономической деятельности Республики Узбекистан» (далее — Узнацбанк) в акционерное общество «Национальный банк внешнеэкономической деятельности Республики Узбекистан» (далее — АО «НБУ»).
2. Установить, что:
учредителем АО «НБУ» является государство в лице Министерства финансов и Фонда реконструкции и развития Республики Узбекистан;
уставный капитал вновь образуемого АО «НБУ» формируется в размере и долях согласно приложению № 1 с дальнейшим увеличением в порядке, установленном законодательством;
АО «НБУ» является правопреемником по правам, обязательствам и договорам, включая международные, преобразуемого Узнацбанка.
3. Определить основными задачами и направлениями деятельности АО «НБУ»:
активное кредитование крупных инвестиционных проектов в приоритетных секторах экономики с привлечением зарубежных кредитных линий, ресурсов на международных рынках капитала, средств иностранных инвесторов;
внедрение инновационных финансовых продуктов для повышения качества и скорости обслуживания;
предоставление банковских услуг субъектам малого бизнеса и частного предпринимательства, а также финансовых консультаций и информационной поддержки в вопросах внешнеэкономической деятельности;
развитие розничного банковского обслуживания населения, внедрение новых видов банковских услуг, в том числе с использованием информационно-коммуникационных технологий;
диверсификацию источников финансирования деятельности банка в первую очередь за счет мобилизации долгосрочных средств в национальной валюте;
развитие продуктов и расширение географии бизнеса торгово-экспортного финансирования, а также поддержку программ развития экспортного потенциала республики, предоставление консалтинговых услуг экспортерам;
оказание услуг инвестиционного банкинга корпоративным клиентам, в том числе по выпуску и размещению ценных бумаг на внутреннем и внешних рынках.
4. Министерству финансов Республики Узбекистан:
совместно с АО «НБУ» в двухмесячный срок переоформить выданные государственные гарантии по обязательствам заемщиков и кредиторов преобразуемого Узнацбанка;
внести на утверждение общего собрания акционеров АО «НБУ» состав Наблюдательного совета с определением его основных задач и функций.
5. Узнацбанку в двухмесячный срок обеспечить:
а) совместно с Агентством по управлению государственными активами Республики Узбекистан реализацию мероприятий, предусматривающих в том числе:
создание Комиссии по подготовке к преобразованию Узнацбанка;
инвентаризацию активов и обязательств Узнацбанка без проведения их оценки с подготовкой соответствующего передаточного акта;
б) переоформление имеющихся документов на имущество, лицензий и разрешительных документов;
в) создание на базе инвестиционной компании ООО «NBU INVEST GROUP» акционерного общества «NBU INVEST GROUP», предусмотрев расширение его участия на финансовых рынках, в реализации инвестиционных проектов, в том числе путем долевого участия в уставном фонде (до 100 процентов) хозяйствующих субъектов в пределах прибыли банка;
г) разработку и внесение на утверждение общего собрания акционеров:
организационной структуры и Устава АО «НБУ»;
с привлечением международных консультантов Стратегии развития АО «Национальный банк внешнеэкономической деятельности Республики Узбекистан на период 2020 — 2023 годов».
6. Центральному банку Республики Узбекистан обеспечить в установленном порядке регистрацию Устава АО «НБУ».
7. Согласиться с предложениями Агентства по управлению государственными активами Республики Узбекистан и Узнацбанка о:
а) передаче Агентству по управлению государственными активами Республики Узбекистан отдельных непрофильных активов Узнацбанка в виде акций и долей в уставных фондах хозяйственных обществ согласно приложению № 2 ;
б) реализации других непрофильных активов Узнацбанка и АО «NBU INVEST GROUP» в виде акций и долей в уставных фондах хозяйственных обществ:
с применением механизма пошагового снижения оценочной стоимости на 10 процентов, но не более 50 процентов от их рыночной стоимости и не ниже их номинальной стоимости — в случае отсутствия заинтересованности со стороны инвесторов по результатам проведенных торгов в течение двух месяцев;
с осуществлением выкупных платежей единовременно или в рассрочку (кроме акций) до 7 лет без начисления процентов на остаток выкупной суммы, а также без права отчуждения и передачи объекта в залог (ипотеку) третьим лицам (за исключением коммерческого банка-продавца) до полной оплаты выкупных платежей.
8. Совету Узнацбанка списать в установленном порядке забалансовые активы банка, по которым ранее были созданы резервы и отсутствуют источники погашения.
9. Агентству по развитию рынка капитала Республики Узбекистан обеспечить в установленном порядке выпуск акций и государственную регистрацию первичного выпуска акций АО «НБУ» без взимания сборов.
10. Пункт 9 постановления Президента Республики Узбекистан от 27 марта 2017 года № ПП-2853 «Об утверждении Программы по реконструкции дехканских рынков и строительству на их территории современных торговых комплексов на период 2017 — 2019 годы» признать утратившим силу.
11. Министерству юстиции совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
12. Контроль за исполнением настоящего постановления возложить на заместителя Премьер-министра Республики Узбекистан — министра финансов Д.А. Кучкарова и советника Президента Республики Узбекистан Р.А. Гулямова.
ПРИЛОЖЕНИЕ № 1 к постановлению Президента Республики Узбекистан от 30 ноября 2019 года № ПП-4540
формирования уставного капитала АО «Национальный банк внешнеэкономической деятельности Республики Узбекистан»
№ Наименование акционеров Уставный капитал (на 01.11.2019 г.) Средства, направляемые на формирование уставного капитала Сформированный уставный капитал млрд сум. в % млрд сум. млрд сум. в % 1. Министерство финансов Республики Узбекистан * 3 885,8 89,93% 922,1 4 807,9 41,51% 2. Фонд реконструкции и развития Республики Узбекистан ** 435,2 10,07% 6 338,1 6 773,3 58,49% Итого: 4 321,0 100% 7 260,2 11 581,2 100%
ПРИЛОЖЕНИЕ № 2 к постановлению Президента Республики Узбекистан от 30 ноября 2019 года № ПП-4540
хозяйственных обществ, в которых пакеты акций (доли) Узнацбанка подлежат передаче Агентству по управлению государственными активами Республики Узбекистан
№ Наименование хозяйственного общества Балансовая стоимость (экв. млн сум.) Размер доли (%) 1. АО «Тахиаташ-дон» 0,3 0,01 2. ООО «Курилиш лизинг» 290,6 5,3 3. АО «Узинтеримпэкс» 524,1 4 4. АО «Марказсаноатэкспорт» 550 4 5. АО «Узпроммашимпэкс» 1 232,8 3,8 6. АО «Узмарказимпэкс» 530,7 4 7. АО «Узмед-лизинг» 408,9 20 8. ООО «Чоткол» 10 12,5 9. АО «Элсис савдо» 14,8 2,2 10. ООО «Агротехсервис» 629 15 11. ООО «Узавиализинг» 10 214,1 26,5
Президент Республики Узбекистан Ш. МИРЗИЁЕВ
г. Ташкент,
30 ноября 2019 г.,
№ ПП-4540