📅 2019-yil 2-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 2 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 декабря 2019 г. · Постановления Президента
Официальный текст. Официальный документ. Редакционные примечания не включены.
📅 2 December 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
ТУЗИЛМАСИ
РЎЙХАТИ
Ўзбекистон Миллий ахборот агентлиги фаолиятини янада такомиллаштириш чора-тадбирлари тўғрисида
Мамлакатимизда оммавий ахборот воситалари, сўз ва ахборот эркинлигини таъминлаш, фуқароларнинг ахборот олишга бўлган конституциявий ҳуқуқларини кафолатлаш борасида етарли даражада қонун ҳужжатлари қабул қилиниб, соҳанинг мустаҳкам ҳуқуқий базаси яратилди.
Шу билан бирга, матбуот, оммавий ахборот воситалари, ахборот тарқатиш, аҳолини холис ва тезкор ахборот билан таъминлаш, мамлакатимизда содир бўлаётган янгиликларни чет давлатларга, чет давлатлардаги воқеа-ҳодисаларни мамлакатимиз аҳолисига тезкорлик билан етказиш бўйича амалдаги тизим бугунги кун талабларига жавоб бермаяпти.
Ўзбекистонда амалга оширилаётган туб ислоҳотларнинг асл мазмуни ва моҳияти ҳақида холис хабарларни аҳолининг барча қатламларига ҳамда дунё ҳамжамиятига тезкорлик билан ва сифатли етказиш, миллий ахборот маконини ривожлантириш, глобал ахборот майдонида республиканинг ўрнини янада мустаҳкамлаш, шунингдек, Ўзбекистон Миллий ахборот агентлиги фаолиятини янада ривожлантириш мақсадида:
1. Ўзбекистон Миллий ахборот агентлиги (кейинги ўринларда — ЎзА) республика ҳаётига оид ижтимоий-сиёсий ахборотларни тарқатувчи расмий ахборот агентлиги эканлиги маълумот учун қабул қилинсин.
2. ЎзАнинг асосий вазифалари ва фаолиятининг устувор йўналишлари этиб қуйидагилар белгилансин:
юртимизнинг ижтимоий-сиёсий ҳаётига оид расмий маълумотларни излаш, олиш, қайта ишлаш ҳамда ахборот, ахборот-таҳлилий, таҳлилий-танқидий материаллар тайёрлаш ва тарқатиш;
Ўзбекистон Республикаси қонунлари, Ўзбекистон Республикаси Президентининг қарорлари, расмий баёнотлари ва маърузаларини, шунингдек, Ўзбекистон Республикаси Олий Мажлиси палаталари ва Ҳукуматининг қарорлари ва уларнинг фаолиятига оид ахборотларни мунтазам ёритиб бориш;
республиканинг ички ва ташқи сиёсатини, мамлакатимизда амалга оширилаётган кенг миқёсли ислоҳотларни, жамиятимизда кечаётган ижтимоий-сиёсий ва социал-иқтисодий ўзгаришлар ва янгиланишларни тезкор ёритиш;
жамоатчиликнинг катта қизиқишини уйғотаётган воқеаларнинг моҳияти бўйича фуқароларда холис фикрни шакллантириш ҳамда маълумотлардан бузғунчи ва бошқа ғайриқонуний мақсадларда фойдаланиш имкониятини бартараф этиш учун аҳолини бундай ҳодисалар ҳақида ўз вақтида хабардор қилиб бориш;
ахборот хуружлари ва мафкуравий таҳдидларнинг олдини олишга қаратилган чораларни амалга оширишда давлат органлари ва уларнинг ахборот хизматлари билан узвий ҳамкорлик қилиш ва улардан тизимли равишда статистик, таҳлилий ва бошқа турдаги маълумотларни олиш;
бошқа оммавий ахборот воситалари, жисмоний ва юридик шахслар фойдаланиши учун юртимизнинг ижтимоий, иқтисодий, сиёсий, тарихий ва маданий ривожланишига оид маълумотлар (ахборот, фото ва видеоматериаллар) базасини шакллантириш;
ўқувчилар учун қулай ва қизиқарли шаклда Ўзбекистон халқининг ўзига хос маданияти, урф-одатлари, миллий қадриятлари, мамлакатнинг кўп йиллик тарихи ва илм-фан ривожига қўшган ҳиссасини намойиш этишга қаратилган ижтимоий лойиҳаларни амалга ошириш;
юртимизда юз бераётган ўзгаришларни дунёга кенг тарқатиш, жаҳонда содир бўлаётган воқеа-ҳодисалар ҳақида мамлакатимиз аҳолисига тезкор ахборот етказиб бериш, хориждаги ахборот агентликлари ва бошқа оммавий ахборот воситалари, медиа-тузилмалар билан ҳамкорликни ривожлантириш.
3. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, ЎзА ва Ўзбекистон Журналистлари ижодий уюшмасининг республика ижтимоий-сиёсий ҳаётига оид янгиликлар бўйича фуқароларда холис фикрни шакллантириш, уларга ахборот-таҳлилий, шу жумладан, аудио ва видео ахборотлар етказиш имкониятларини янада кенгайтириш мақсадида ЎзА таркибида Медиа марказ ташкил этиш тўғрисидаги таклифига розилик берилсин.
Қуйидагилар Медиа марказнинг асосий вазифалари этиб белгилансин:
ахборот-таҳлилий ва мультимедиа материаллар, эшиттириш ва кўрсатувлар, воқеа жойидан онлайн репортажлар тайёрлаш, аудио ва видео материалларни қайта ишлаш, уларни ЎзАнинг веб-сайтига жойлаштириш ва оммавий ахборот воситаларига белгиланган тартибда етказиб бериш;
ахборотни қайта ишлаш ва тарқатишнинг замонавий усулларидан, жумладан инфографика, моушн-графика, ижтимоий ролик, 360 форматидаги видео ва бошқалардан кенг фойдаланиш;
давлат органлари мутахассисларини жалб қилган ҳолда амалга оширилаётган ислоҳотлар ва янгиланишлар, қабул қилинаётган қонун ҳужжатларининг мазмун-моҳияти ва аҳамиятини кенг жамоатчиликка етказиш.
4. ЎзА ҳузурида унинг фаолиятини тизимли йўлга қўйиш ҳамда давлат органлари ва нодавлат ташкилотлар билан самарали ҳамкорликни ўрнатиш бўйича маслаҳат кенгаши (кейинги ўринларда — Маслаҳат кенгаши) тузилсин.
Қуйидагилар Маслаҳат кенгашининг асосий вазифалари этиб белгилансин:
ЎзА фаолияти ҳақида кенг жамоатчилик фикрини таҳлил қилган ҳолда унинг самарадорлигини янада ошириш ҳамда агентликнинг ахборот маконидаги ўрни ва ролини кучайтириш бўйича таклифлар ишлаб чиқиш;
ЎзА фаолиятининг ривожланиш даражасини ўрганиш, агентликка методик тавсиялар бериш, унинг ишида юзага келадиган муаммо ва камчиликларни бартараф этишга кўмаклашиш;
давлат органлари ва фуқаролик жамияти институтлари, шу жумладан оммавий ахборот воситалари билан ўзаро ҳамкорлик қилиш режаларини белгилаш, тадбирларни ташкил этиш ва ўтказишда амалий ёрдам кўрсатиш;
халқаро ва хорижий ахборот агентликлари, хорижий мамлакатлар оммавий ахборот воситалари билан ҳамкорлик дастурларининг ишлаб чиқилиши ва амалга оширилишига кўмаклашиш ва улар ижросини мунтазам равишда муҳокама қилиб бориш.
5. Белгилаб қўйилсинки:
Маслаҳат кенгаши ўз фаолиятини жамоатчилик асосида олиб борадиган, доимий фаолият юритувчи коллегиал орган ҳисобланади;
Маслаҳат кенгашига ЎзА бош директори раҳбарлик қилади ҳамда унинг таркиби оммавий ахборот воситалари соҳасидаги ташкилотлар раҳбарлари ва мутахассислари, шунингдек, мустақил экспертлардан шакллантирилади;
Маслаҳат кенгаши таркибининг учдан бир қисми ҳар 2 йилда янгиланиб борилади.
ЎзА бош директори (А. Кучимов) икки ҳафта муддатда Маслаҳат кенгаши таркибини тасдиқласин.
6. Қуйидагилар:
Ўзбекистон Миллий ахборот агентлиги ходимларининг умумий чекланган сони 155 нафар, шу жумладан, бошқарув ходимларининг сони 13 нафардан иборат бўлган тузилмаси 1-иловага мувофиқ;
Ўзбекистон Миллий ахборот агентлигининг Қорақалпоғистон ахборот агентлиги (кейинги ўринларда — Қорақалпоғистон ахборот агентлиги) ходимларининг умумий чекланган сони 13 нафар, шу жумладан, бошқарув ходимларининг сони 2 нафардан иборат бўлган тузилмаси 2-иловага мувофиқ;
ЎзА томонидан 2022 йил 31 декабрга қадар четдан олиб келинганда божхона тўловларидан (қўшилган қиймат солиғи ва божхона расмийлаштируви йиғимларидан ташқари) озод этиладиган техника воситалари рўйхати 3-иловага мувофиқ тасдиқлансин.
7. Белгилаб қўйилсинки:
ЎзА бош директори ва унинг ўринбосарлари Ўзбекистон Республикаси Президенти билан келишилган ҳолда Вазирлар Маҳкамаси томонидан лавозимга тайинланади ва лавозимидан озод қилинади;
ЎзА бош директори мақоми, меҳнатга ҳақ тўлаш, моддий рағбатлантириш, тиббий ва транспорт хизмати кўрсатиш шарт-шароитларига кўра вазирга, унинг биринчи ўринбосари ва ўринбосари эса тегишлича вазирнинг биринчи ўринбосари ва вазир ўринбосарига тенглаштирилади;
Қорақалпоғистон ахборот агентлиги директори мақоми, меҳнатга ҳақ тўлаш, моддий рағбатлантириш, тиббий ва транспорт хизмати кўрсатиш шарт-шароитларига кўра ЎзА бош директори ўринбосарига тенглаштирилади.
8. Қуйидагилар ЎзА ва Қорақалпоғистон ахборот агентлиги фаолиятини молиялаштириш манбалари этиб белгилансин:
Ўзбекистон Республикаси Давлат бюджети маблағлари;
ЎзА ва Қорақалпоғистон ахборот агентлигининг бюджетдан ташқари маблағлари;
қонун ҳужжатлари билан тақиқланмаган бошқа манбалар.
Бунда, Ўзбекистон Республикаси Давлат бюджети маблағлари ҳисобидан ЎзА ва Қорақалпоғистон ахборот агентлигини сақлаш, жумладан, моддий-техник таъминот учун уларнинг ўз даромадлари билан қопланмаган харажатларини молиялаштириш тартиби сақлаб қолинсин.
9. ЎзА бош директорига:
а) ЎзА ва Қорақалпоғистон ахборот агентлиги тузилмаси штатлар сонига ходимларнинг белгиланган умумий чекланган сони ва меҳнатга ҳақ тўлаш фонди доирасида ўзгартиришлар киритиш;
б) ЎзАнинг бюджетдан ташқари маблағлари ҳисобидан:
давлат органлари, нодавлат нотижорат ташкилотлари, илмий-тадқиқот муассасалари, етакчи халқаро ташкилотлар ва хорижий компанияларнинг юқори малакали ходимларини, шунингдек, маҳаллий ва хорижий мутахассисларни маслаҳатчи сифатида жалб этиш;
ижодий танловлар ўтказиш, танлов иштирокчи ва ғолибларини мукофотлаш, шунингдек, ЎзАнинг ходими бўлмаган фаол муаллифларни рағбатлантириш;
ЎзА моддий-техника базасини мустаҳкамлаш, агентлик ходимларини моддий рағбатлантириш, шу жумладан уларга устамалар тўлаш;
зарур ҳолларда, минтақавий мухбирлик пунктларида қўшимча штат бирликларини жорий этиш ҳуқуқи берилсин.
10. ЎзА:
Ўзбекистон Республикаси Молия вазирлиги ҳамда Бандлик ва меҳнат муносабатлари вазирлиги билан келишган ҳолда бир ой муддатда ЎзА ва Қорақалпоғистон ахборот агентлиги ходимларининг меҳнатига ҳақ тўлаш бўйича разрядлари ва штатлар жадвалини тасдиқласин;
2020 йил 1 майга қадар муддатда фойдаланувчилар учун қулай, аудио ва видео ахборотларни тарқатиш, тарқатилаётган ахборотларни тижорат йўли билан юклаб олиш имкониятлари мавжуд бўлган ЎзАнинг ахборот порталини ишга туширсин.
11. Қорақалпоғистон Республикаси Вазирлар Кенгаши ва вилоятлар ҳокимликлари ЎзА билан биргаликда икки ой муддатда тегишлича:
Қорақалпоғистон ахборот агентлигини жойлаштириш учун бино ажратиш ва уни Қорақалпоғистон Республикаси бюджетининг қўшимча манбалари, қонун ҳужжатлари билан тақиқланмаган бошқа манбалар ҳисобига таъмирлаш ва жиҳозлаш;
ЎзАнинг вилоятлардаги минтақавий мухбирлик пунктларини ташкил этиш учун вилоятлар марказларидан зарур шарт-шароитларга эга бинолардан текин фойдаланиш ҳуқуқи асосида жой ажратиш, уларни белгиланган тартибда таъмирлаш ва жиҳозлаш чораларини кўрсин.
12. ЎзА:
Ўзбекистон Республикаси қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ҳамда фармойишлари, вазирликлар ва идораларнинг норматив-ҳуқуқий ҳужжатлари ҳамда расмий статистик тўпламлари, шу жумладан уларнинг электрон шакллари мажбурий равишда юборилувчи ташкилотлар рўйхатига;
Ўзбекистон Республикаси Вазирлар Маҳкамасининг 2016 йил 7 октябрдаги 336-сон қарори билан тасдиқланган Раҳбарлари ходимларни Тошкент шаҳри ва Тошкент вилоятида доимий прописка қилиш тўғрисида илтимоснома киритиши мумкин бўлган давлат ҳокимияти органлари, давлат ва хўжалик бошқаруви органлари, республика аҳамиятига молик бошқа давлат ташкилотлари рўйхатига киритилсин.
13. Ўзбекистон Республикаси Президенти ҳузуридаги Стратегик ва минтақалараро тадқиқотлар институти, Ўзбекистон Республикаси Президенти Администрацияси ҳузуридаги Иқтисодий тадқиқотлар ва ислоҳотлар маркази, Фуқаролик жамиятини ривожлантириш маркази, «Ижтимоий фикр» республика жамоатчилик фикрини ўрганиш маркази, «Тараққиёт стратегияси» маркази ва «Юксалиш» умуммиллий ҳаракатига мамлакатимизда олиб борилаётган кенг кўламли ислоҳотлар жараёнининг бориши ҳақидаги тадқиқот материалларини эълон қилиб бориш учун ЎзАга доимий равишда тақдим қилиб бориш тавсия этилсин.
14. Ўзбекистон Республикаси Ташқи ишлар вазирлиги ЎзАга жаҳондаги етакчи ахборот агентликлари ва халқаро ахборот агентликлари уюшмалари билан ахборот алмашиш бўйича ҳамкорлик ўрнатишда амалий ёрдам кўрсатсин.
15. ЎзА Ўзбекистон Республикаси Молия вазирлиги билан биргаликда уч ой муддатда илғор халқаро тажрибани ўрганган ҳолда ЎзАнинг ижодий ва техник ходимлари меҳнатига ҳақ тўлаш тизимини бозор тамойиллари асосида такомиллаштириш бўйича Вазирлар Маҳкамасига таклиф киритсин.
16. Ўзбекистон Республикаси Молия вазирлиги ушбу қарорни амалга ошириш билан боғлиқ харажатларни 2019 йилда ижтимоий соҳа бўйича тасдиқланган бюджет параметрлари доирасида ажратсин, 2020 йилдан бошлаб эса Ўзбекистон Республикаси Давлат бюджети параметрларида назарда тутсин.
17. Ўзбекистон Республикаси Вазирлар Маҳкамаси ушбу қарор мазмунидан келиб чиққан ҳолда бир ой муддатда ЎзА тўғрисидаги янгиланган низомни тасдиқласин.
18. ЎзА манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
19. Ушбу қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари ўринбосари Ф.Ш. Маҳмудов зиммасига юклансин.
Ўзбекистон Республикаси Президентининг 2019 йил 2 декабрдаги ПҚ-4541-сон қарорига 1-ИЛОВА
Ўзбекистон Миллий ахборот агентлиги
Ўзбекистон Республикаси Президентининг 2019 йил 2 декабрдаги ПҚ-4541-сон қарорига 2-ИЛОВА
Ўзбекистон Миллий ахборот агентлигининг Қорақалпоғистон ахборот агентлиги
Ўзбекистон Республикаси Президентининг 2019 йил 2 декабрдаги ПҚ-4541-сон қарорига 3-ИЛОВА
Ўзбекистон Миллий ахборот агентлиги томонидан 2022 йил 31 декабрга қадар четдан олиб келинганда божхона тўловларидан (божхона расмийлаштируви йиғимларидан ташқари) озод этиладиган техника воситалари
Т/р Номи Миқдори 1. 4 камерали АСБ телевизион студияси (мультимедиа ускуналари билан) 1 2. Тасвирга тушириш комплекти (ТЖК) 5 3. Ночизиқли монтаж комплекси (постпродакшн) 5 4. Медиа маҳсулотларни тезкор ва узоқ муддатли сақлашни ташкил этиш учун ускуна 1
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 2 декабрь,
ПҚ-4541-сон
Oʻzbekiston Respublikasi Prezidentining
Qarori
TUZILMASI
TUZILMASI
ROʻYXATI
Oʻzbekiston Milliy axborot agentligi faoliyatini yanada takomillashtirish chora-tadbirlari toʻgʻrisida
Mamlakatimizda ommaviy axborot vositalari, soʻz va axborot erkinligini taʼminlash, fuqarolarning axborot olishga boʻlgan konstitutsiyaviy huquqlarini kafolatlash borasida yetarli darajada qonun hujjatlari qabul qilinib, sohaning mustahkam huquqiy bazasi yaratildi.
Shu bilan birga, matbuot, ommaviy axborot vositalari, axborot tarqatish, aholini xolis va tezkor axborot bilan taʼminlash, mamlakatimizda sodir boʻlayotgan yangiliklarni chet davlatlarga, chet davlatlardagi voqea-hodisalarni mamlakatimiz aholisiga tezkorlik bilan yetkazish boʻyicha amaldagi tizim bugungi kun talablariga javob bermayapti.
Oʻzbekistonda amalga oshirilayotgan tub islohotlarning asl mazmuni va mohiyati haqida xolis xabarlarni aholining barcha qatlamlariga hamda dunyo hamjamiyatiga tezkorlik bilan va sifatli yetkazish, milliy axborot makonini rivojlantirish, global axborot maydonida respublikaning oʻrnini yanada mustahkamlash, shuningdek, Oʻzbekiston Milliy axborot agentligi faoliyatini yanada rivojlantirish maqsadida:
1. Oʻzbekiston Milliy axborot agentligi (keyingi oʻrinlarda — OʻzA) respublika hayotiga oid ijtimoiy-siyosiy axborotlarni tarqatuvchi rasmiy axborot agentligi ekanligi maʼlumot uchun qabul qilinsin.
2. OʻzAning asosiy vazifalari va faoliyatining ustuvor yoʻnalishlari etib quyidagilar belgilansin:
yurtimizning ijtimoiy-siyosiy hayotiga oid rasmiy maʼlumotlarni izlash, olish, qayta ishlash hamda axborot, axborot-tahliliy, tahliliy-tanqidiy materiallar tayyorlash va tarqatish;
Oʻzbekiston Respublikasi qonunlari, Oʻzbekiston Respublikasi Prezidentining qarorlari, rasmiy bayonotlari va maʼruzalarini, shuningdek, Oʻzbekiston Respublikasi Oliy Majlisi palatalari va Hukumatining qarorlari va ularning faoliyatiga oid axborotlarni muntazam yoritib borish;
respublikaning ichki va tashqi siyosatini, mamlakatimizda amalga oshirilayotgan keng miqyosli islohotlarni, jamiyatimizda kechayotgan ijtimoiy-siyosiy va sotsial-iqtisodiy oʻzgarishlar va yangilanishlarni tezkor yoritish;
jamoatchilikning katta qiziqishini uygʻotayotgan voqealarning mohiyati boʻyicha fuqarolarda xolis fikrni shakllantirish hamda maʼlumotlardan buzgʻunchi va boshqa gʻayriqonuniy maqsadlarda foydalanish imkoniyatini bartaraf etish uchun aholini bunday hodisalar haqida oʻz vaqtida xabardor qilib borish;
axborot xurujlari va mafkuraviy tahdidlarning oldini olishga qaratilgan choralarni amalga oshirishda davlat organlari va ularning axborot xizmatlari bilan uzviy hamkorlik qilish va ulardan tizimli ravishda statistik, tahliliy va boshqa turdagi maʼlumotlarni olish;
boshqa ommaviy axborot vositalari, jismoniy va yuridik shaxslar foydalanishi uchun yurtimizning ijtimoiy, iqtisodiy, siyosiy, tarixiy va madaniy rivojlanishiga oid maʼlumotlar (axborot, foto va videomateriallar) bazasini shakllantirish;
oʻquvchilar uchun qulay va qiziqarli shaklda Oʻzbekiston xalqining oʻziga xos madaniyati, urf-odatlari, milliy qadriyatlari, mamlakatning koʻp yillik tarixi va ilm-fan rivojiga qoʻshgan hissasini namoyish etishga qaratilgan ijtimoiy loyihalarni amalga oshirish;
yurtimizda yuz berayotgan oʻzgarishlarni dunyoga keng tarqatish, jahonda sodir boʻlayotgan voqea-hodisalar haqida mamlakatimiz aholisiga tezkor axborot yetkazib berish, xorijdagi axborot agentliklari va boshqa ommaviy axborot vositalari, media-tuzilmalar bilan hamkorlikni rivojlantirish.
3. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, OʻzA va Oʻzbekiston Jurnalistlari ijodiy uyushmasining respublika ijtimoiy-siyosiy hayotiga oid yangiliklar boʻyicha fuqarolarda xolis fikrni shakllantirish, ularga axborot-tahliliy, shu jumladan, audio va video axborotlar yetkazish imkoniyatlarini yanada kengaytirish maqsadida OʻzA tarkibida Media markaz tashkil etish toʻgʻrisidagi taklifiga rozilik berilsin.
Quyidagilar Media markazning asosiy vazifalari etib belgilansin:
axborot-tahliliy va multimedia materiallar, eshittirish va koʻrsatuvlar, voqea joyidan onlayn reportajlar tayyorlash, audio va video materiallarni qayta ishlash, ularni OʻzAning veb-saytiga joylashtirish va ommaviy axborot vositalariga belgilangan tartibda yetkazib berish;
axborotni qayta ishlash va tarqatishning zamonaviy usullaridan, jumladan infografika, moushn-grafika, ijtimoiy rolik, 360 formatidagi video va boshqalardan keng foydalanish;
davlat organlari mutaxassislarini jalb qilgan holda amalga oshirilayotgan islohotlar va yangilanishlar, qabul qilinayotgan qonun hujjatlarining mazmun-mohiyati va ahamiyatini keng jamoatchilikka yetkazish.
4. OʻzA huzurida uning faoliyatini tizimli yoʻlga qoʻyish hamda davlat organlari va nodavlat tashkilotlar bilan samarali hamkorlikni oʻrnatish boʻyicha maslahat kengashi (keyingi oʻrinlarda — Maslahat kengashi) tuzilsin.
Quyidagilar Maslahat kengashining asosiy vazifalari etib belgilansin:
OʻzA faoliyati haqida keng jamoatchilik fikrini tahlil qilgan holda uning samaradorligini yanada oshirish hamda agentlikning axborot makonidagi oʻrni va rolini kuchaytirish boʻyicha takliflar ishlab chiqish;
OʻzA faoliyatining rivojlanish darajasini oʻrganish, agentlikka metodik tavsiyalar berish, uning ishida yuzaga keladigan muammo va kamchiliklarni bartaraf etishga koʻmaklashish;
davlat organlari va fuqarolik jamiyati institutlari, shu jumladan ommaviy axborot vositalari bilan oʻzaro hamkorlik qilish rejalarini belgilash, tadbirlarni tashkil etish va oʻtkazishda amaliy yordam koʻrsatish;
xalqaro va xorijiy axborot agentliklari, xorijiy mamlakatlar ommaviy axborot vositalari bilan hamkorlik dasturlarining ishlab chiqilishi va amalga oshirilishiga koʻmaklashish va ular ijrosini muntazam ravishda muhokama qilib borish.
5. Belgilab qoʻyilsinki:
Maslahat kengashi oʻz faoliyatini jamoatchilik asosida olib boradigan, doimiy faoliyat yurituvchi kollegial organ hisoblanadi;
Maslahat kengashiga OʻzA bosh direktori rahbarlik qiladi hamda uning tarkibi ommaviy axborot vositalari sohasidagi tashkilotlar rahbarlari va mutaxassislari, shuningdek, mustaqil ekspertlardan shakllantiriladi;
Maslahat kengashi tarkibining uchdan bir qismi har 2 yilda yangilanib boriladi.
OʻzA bosh direktori (A. Kuchimov) ikki hafta muddatda Maslahat kengashi tarkibini tasdiqlasin.
6. Quyidagilar:
Oʻzbekiston Milliy axborot agentligi xodimlarining umumiy cheklangan soni 155 nafar, shu jumladan, boshqaruv xodimlarining soni 13 nafardan iborat boʻlgan tuzilmasi 1-ilovaga muvofiq;
Oʻzbekiston Milliy axborot agentligining Qoraqalpogʻiston axborot agentligi (keyingi oʻrinlarda — Qoraqalpogʻiston axborot agentligi) xodimlarining umumiy cheklangan soni 13 nafar, shu jumladan, boshqaruv xodimlarining soni 2 nafardan iborat boʻlgan tuzilmasi 2-ilovaga muvofiq;
OʻzA tomonidan 2022-yil 31-dekabrga qadar chetdan olib kelinganda bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) ozod etiladigan texnika vositalari roʻyxati 3-ilovaga muvofiq tasdiqlansin.
7. Belgilab qoʻyilsinki:
OʻzA bosh direktori va uning oʻrinbosarlari Oʻzbekiston Respublikasi Prezidenti bilan kelishilgan holda Vazirlar Mahkamasi tomonidan lavozimga tayinlanadi va lavozimidan ozod qilinadi;
OʻzA bosh direktori maqomi, mehnatga haq toʻlash, moddiy ragʻbatlantirish, tibbiy va transport xizmati koʻrsatish shart-sharoitlariga koʻra vazirga, uning birinchi oʻrinbosari va oʻrinbosari esa tegishlicha vazirning birinchi oʻrinbosari va vazir oʻrinbosariga tenglashtiriladi;
Qoraqalpogʻiston axborot agentligi direktori maqomi, mehnatga haq toʻlash, moddiy ragʻbatlantirish, tibbiy va transport xizmati koʻrsatish shart-sharoitlariga koʻra OʻzA bosh direktori oʻrinbosariga tenglashtiriladi.
8. Quyidagilar OʻzA va Qoraqalpogʻiston axborot agentligi faoliyatini moliyalashtirish manbalari etib belgilansin:
Oʻzbekiston Respublikasi Davlat budjeti mablagʻlari;
OʻzA va Qoraqalpogʻiston axborot agentligining budjetdan tashqari mablagʻlari;
qonun hujjatlari bilan taqiqlanmagan boshqa manbalar.
Bunda, Oʻzbekiston Respublikasi Davlat budjeti mablagʻlari hisobidan OʻzA va Qoraqalpogʻiston axborot agentligini saqlash, jumladan, moddiy-texnik taʼminot uchun ularning oʻz daromadlari bilan qoplanmagan xarajatlarini moliyalashtirish tartibi saqlab qolinsin.
9. OʻzA bosh direktoriga:
a) OʻzA va Qoraqalpogʻiston axborot agentligi tuzilmasi shtatlar soniga xodimlarning belgilangan umumiy cheklangan soni va mehnatga haq toʻlash fondi doirasida oʻzgartirishlar kiritish;
b) OʻzAning budjetdan tashqari mablagʻlari hisobidan:
davlat organlari, nodavlat notijorat tashkilotlari, ilmiy-tadqiqot muassasalari, yetakchi xalqaro tashkilotlar va xorijiy kompaniyalarning yuqori malakali xodimlarini, shuningdek, mahalliy va xorijiy mutaxassislarni maslahatchi sifatida jalb etish;
ijodiy tanlovlar oʻtkazish, tanlov ishtirokchi va gʻoliblarini mukofotlash, shuningdek, OʻzAning xodimi boʻlmagan faol mualliflarni ragʻbatlantirish;
OʻzA moddiy-texnika bazasini mustahkamlash, agentlik xodimlarini moddiy ragʻbatlantirish, shu jumladan ularga ustamalar toʻlash;
zarur hollarda, mintaqaviy muxbirlik punktlarida qoʻshimcha shtat birliklarini joriy etish huquqi berilsin.
10. OʻzA:
Oʻzbekiston Respublikasi Moliya vazirligi hamda Bandlik va mehnat munosabatlari vazirligi bilan kelishgan holda bir oy muddatda OʻzA va Qoraqalpogʻiston axborot agentligi xodimlarining mehnatiga haq toʻlash boʻyicha razryadlari va shtatlar jadvalini tasdiqlasin;
2020-yil 1-mayga qadar muddatda foydalanuvchilar uchun qulay, audio va video axborotlarni tarqatish, tarqatilayotgan axborotlarni tijorat yoʻli bilan yuklab olish imkoniyatlari mavjud boʻlgan OʻzAning axborot portalini ishga tushirsin.
11. Qoraqalpogʻiston Respublikasi Vazirlar Kengashi va viloyatlar hokimliklari OʻzA bilan birgalikda ikki oy muddatda tegishlicha:
Qoraqalpogʻiston axborot agentligini joylashtirish uchun bino ajratish va uni Qoraqalpogʻiston Respublikasi budjetining qoʻshimcha manbalari, qonun hujjatlari bilan taqiqlanmagan boshqa manbalar hisobiga taʼmirlash va jihozlash;
OʻzAning viloyatlardagi mintaqaviy muxbirlik punktlarini tashkil etish uchun viloyatlar markazlaridan zarur shart-sharoitlarga ega binolardan tekin foydalanish huquqi asosida joy ajratish, ularni belgilangan tartibda taʼmirlash va jihozlash choralarini koʻrsin.
12. OʻzA:
Oʻzbekiston Respublikasi qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari hamda farmoyishlari, vazirliklar va idoralarning normativ-huquqiy hujjatlari hamda rasmiy statistik toʻplamlari, shu jumladan ularning elektron shakllari majburiy ravishda yuboriluvchi tashkilotlar roʻyxatiga;
Oʻzbekiston Respublikasi Vazirlar Mahkamasining 2016-yil 7-oktabrdagi 336-son qarori bilan tasdiqlangan Rahbarlari xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat va xoʻjalik boshqaruvi organlari, respublika ahamiyatiga molik boshqa davlat tashkilotlari roʻyxatiga kiritilsin.
13. Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti, Oʻzbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi, Fuqarolik jamiyatini rivojlantirish markazi, “Ijtimoiy fikr” respublika jamoatchilik fikrini oʻrganish markazi, “Taraqqiyot strategiyasi” markazi va “Yuksalish” umummilliy harakatiga mamlakatimizda olib borilayotgan keng koʻlamli islohotlar jarayonining borishi haqidagi tadqiqot materiallarini eʼlon qilib borish uchun OʻzAga doimiy ravishda taqdim qilib borish tavsiya etilsin.
14. Oʻzbekiston Respublikasi Tashqi ishlar vazirligi OʻzAga jahondagi yetakchi axborot agentliklari va xalqaro axborot agentliklari uyushmalari bilan axborot almashish boʻyicha hamkorlik oʻrnatishda amaliy yordam koʻrsatsin.
15. OʻzA Oʻzbekiston Respublikasi Moliya vazirligi bilan birgalikda uch oy muddatda ilgʻor xalqaro tajribani oʻrgangan holda OʻzAning ijodiy va texnik xodimlari mehnatiga haq toʻlash tizimini bozor tamoyillari asosida takomillashtirish boʻyicha Vazirlar Mahkamasiga taklif kiritsin.
16. Oʻzbekiston Respublikasi Moliya vazirligi ushbu qarorni amalga oshirish bilan bogʻliq xarajatlarni 2019-yilda ijtimoiy soha boʻyicha tasdiqlangan budjet parametrlari doirasida ajratsin, 2020-yildan boshlab esa Oʻzbekiston Respublikasi Davlat budjeti parametrlarida nazarda tutsin.
17. Oʻzbekiston Respublikasi Vazirlar Mahkamasi ushbu qaror mazmunidan kelib chiqqan holda bir oy muddatda OʻzA toʻgʻrisidagi yangilangan nizomni tasdiqlasin.
18. OʻzA manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
19. Ushbu qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari oʻrinbosari F.Sh. Mahmudov zimmasiga yuklansin.
Oʻzbekiston Respublikasi Prezidentining 2019-yil 2-dekabrdagi PQ-4541-son qaroriga 1-ILOVA
Oʻzbekiston Milliy axborot agentligi
Oʻzbekiston Respublikasi Prezidentining 2019-yil 2-dekabrdagi PQ-4541-son qaroriga 2-ILOVA
Oʻzbekiston Milliy axborot agentligining Qoraqalpogʻiston axborot agentligi
Oʻzbekiston Respublikasi Prezidentining 2019-yil 2-dekabrdagi PQ-4541-son qaroriga 3-ILOVA
Oʻzbekiston Milliy axborot agentligi tomonidan 2022-yil 31-dekabrga qadar chetdan olib kelinganda bojxona toʻlovlaridan (bojxona rasmiylashtiruvi yigʻimlaridan tashqari) ozod etiladigan texnika vositalari
T/r Nomi Miqdori 1. 4 kamerali ASB televizion studiyasi (multimedia uskunalari bilan) 1 2. Tasvirga tushirish komplekti (TJK) 5 3. Nochiziqli montaj kompleksi (postprodakshn) 5 4. Media mahsulotlarni tezkor va uzoq muddatli saqlashni tashkil etish uchun uskuna 1
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 2-dekabr,
PQ-4541-son
Президента Республики Узбекистан
Постановление
СТРУКТУРА
СТРУКТУРА
ПЕРЕЧЕНЬ
О мерах по дальнейшему совершенствованию деятельности Национального информационного агентства Узбекистана
В стране приняты необходимые законодательные акты по обеспечению свободы средств массовой информации, слова и информации, гарантированию конституционных прав граждан на получение информации, в результате создана прочная правовая база данной сферы.
Вместе с тем действующая система печати, средств массовой информации, распространения информации, оперативного обеспечения населения страны объективной информацией, своевременного информирования мировой общественности о новостях Узбекистана, ознакомления соотечественников с событиями и происшествиями в зарубежных государствах не соответствует современным требованиям.
В целях оперативного, качественного и объективного информирования всех слоев населения страны и мирового сообщества об истинной сути и содержании коренных преобразований, осуществляемых в Узбекистане, развития национального информационного пространства, укрепления позиции республики в глобальном медиапространстве, а также дальнейшего развития деятельности Национального информационного агентства Узбекистана:
1. Принять к сведению, что Национальное информационное агентство Узбекистана (далее — УзА) является официальным информационным агентством по распространению общественно-политической информации о жизни республики.
2. Определить основными задачами и приоритетными направлениями деятельности Национального информационного агентства Узбекистана:
поиск, получение и переработку официальной информации об общественно-политической жизни страны, а также подготовку и распространение информации, информационно-аналитических, аналитическо-критических материалов;
регулярное освещение законов Республики Узбекистан, постановлений, официальных заявлений и докладов Президента Республики Узбекистан, постановлений палат Олий Мажлиса и Правительства Республики Узбекистан, а также информации об их деятельности;
оперативное освещение внутренней и внешней политики республики, широкомасштабных реформ, осуществляемых в нашей стране, общественно-политических и социально-экономических изменений и преобразований, происходящих в обществе;
формирование объективного мнения граждан относительно сути событий, вызывающих повышенный интерес общественности, своевременное информирование населения о таких происшествиях с целью предупреждения использования информации в подрывных и иных противоправных целях;
тесное сотрудничество с государственными органами и их пресс-службами в целях реализации мер, направленных на предупреждение информационного воздействия и идеологических угроз, получения статистической, аналитической и иной информации на системной основе;
формирование базы данных (информационных, фото- и видеоматериалов) о социальном, экономическом, политическом, историческом и культурном развитии Узбекистана для использования всеми средствами массовой информации, физическими и юридическими лицами;
реализацию социальных проектов, направленных на раскрытие своеобразных особенностей культуры, национальных обычаев и традиций узбекского народа, его вклада в развитие многолетней истории и науки страны в удобной и познавательной для читателя форме;
широкое освещение за рубежом преобразований, осуществляемых в стране, оперативное информирование населения республики о событиях и новостях мира, развитие сотрудничества с информационными агентствами, другими средствами массовой информации и медиаструктурами зарубежных государств.
3. Согласиться с предложением Агентства информации и массовых коммуникаций при Администрации Президента Республики Узбекистан, УзА и Творческого союза журналистов Узбекистана о создании в составе Национального информационного агентства Узбекистана Медиацентра в целях формирования объективного мнения граждан об изменениях в общественно-политической жизни республики, дальнейшего расширения возможностей доведения до них информационно-аналитической, в том числе аудио- и видеоинформации.
Определить основными задачами Медиацентра:
подготовку информационно-аналитических и мультимедийных материалов, трансляций и передач, онлайн-репортажей с мест событий, переработку аудио- и видеоматериалов, размещение информации на веб-сайте УзА с передачей средствам массовой информации в установленном порядке;
широкое применение современных методов переработки и распространения информации, в том числе инфографики, моушн-графики, социальных роликов, видео в формате 360 и других;
информирование широкой общественности о сути, содержании и значении осуществляемых реформ и преобразований, а также принимаемых законодательных актов с привлечением специалистов государственных органов.
4. Создать при Национальном информационном агентстве Узбекистана Консультативный совет по налаживанию его системной деятельности и установлению эффективного сотрудничества с государственными органами и негосударственными организациями (далее — Консультативный совет).
Определить основными задачами Консультативного совета:
разработку предложений по дальнейшему повышению эффективности деятельности, усилению позиции и роли агентства в медиапространстве с проведением анализа мнения широкой общественности о деятельности УзА;
изучение уровня развития деятельности УзА, предоставление методических рекомендаций и оказание содействия в устранении проблем и недостатков, возникающих в его работе;
определение планов взаимного сотрудничества с государственными органами и институтами гражданского общества, в том числе средствами массовой информации, оказание практической помощи в организации и проведении мероприятий;
содействие в разработке и реализации совместных программ со средствами массовой информации зарубежных стран, международными и зарубежными информационными агентствами с регулярным обсуждением их исполнения.
5. Установить, что:
Консультативный совет является постоянно действующим коллегиальным органом, ведущим свою деятельность на общественных началах;
Консультативным советом руководит генеральный директор УзА, его состав формируется из руководителей и специалистов организаций в сфере средств массовой информации и независимых экспертов;
одна третья часть состава Консультативного совета обновляется каждые 2 года.
Генеральному директору УзА (А. Кучимов) в двухнедельный срок утвердить состав Консультативного совета.
6. Утвердить:
структуру Национального информационного агентства Узбекистана с общей предельной численностью работников 155 единиц, в том числе управленческого персонала — 13 единиц, согласно приложению № 1 ;
структуру Информационного агентства Каракалпакстана в составе Национального информационного агентства Узбекистана (далее — информационное агентство Каракалпакстана) с общей предельной численностью работников 13 единиц, в том числе управленческого персонала — 2 единицы, согласно приложению № 2 ;
перечень технических средств, освобождаемых от уплаты таможенных платежей (за исключением налога на добавленную стоимость и сборов за таможенное оформление), ввозимых Национальным информационным агентством Узбекистана до 31 декабря 2022 года, согласно приложению № 3 .
7. Определить, что:
генеральный директор УзА и его заместители назначаются на должность и освобождаются от должности Кабинетом Министров по согласованию с Президентом Республики Узбекистан;
генеральный директор УзА по статусу, условиям оплаты труда, материального стимулирования, медицинского и транспортного обслуживания приравнивается к министру, его первый заместитель и заместитель соответственно — к первому заместителю и заместителю министра;
директор Информационного агентства Каракалпакстана по статусу, условиям оплаты труда, материального стимулирования, медицинского и транспортного обслуживания приравнивается к заместителю генерального директора УзА.
8. Определить источниками финансирования деятельности Национального информационного агентства Узбекистана и Информационного агентства Каракалпакстана:
средства Государственного бюджета Республики Узбекистан;
внебюджетные средства УзА и Информационного агентства Каракалпакстана;
другие источники, не запрещенные законодательством.
При этом сохранить порядок финансирования расходов на содержание УзА и Информационного агентства Республики Каракалпакстан, в том числе материально-технического обеспечения, за счет Государственного бюджета Республики Узбекистан в части, не обеспеченной их собственными доходами.
9. Предоставить Генеральному директору Национального информационного агентства Узбекистана право:
а) вносить изменения в структуры УзА и Информационного агентства Каракалпакстана в пределах установленной штатной численности работников и фонда оплаты труда;
б) за счет внебюджетных средств УзА:
привлекать в качестве консультантов высококвалифицированных сотрудников государственных органов, негосударственных некоммерческих организаций, научно-исследовательских учреждений, ведущих международных организаций и зарубежных компаний, а также отечественных и зарубежных специалистов;
проводить творческие конкурсы, награждать их участников и победителей, а также поощрять активных авторов, не являющихся работниками УзА;
укреплять материально-техническую базу, материально поощрять работников УзА, в том числе выплачивать надбавки;
при необходимости вводить дополнительные штатные единицы в региональных корреспондентских пунктах.
10. Национальному информационному агентству Узбекистана:
в месячный срок по согласованию с Министерством финансов и Министерством занятости и трудовых отношений Республики Узбекистан утвердить разряды по оплате труда работников и штатные расписания УзА и Информационного агентства Каракалпакстана;
в срок до 1 мая 2020 года запустить удобный для пользователей информационный портал УзА, предоставляющий возможности распространения аудио- и видеоинформации и ее загрузки коммерческим путем.
11. Совету Министров Республики Каракалпакстан и хокимиятам областей совместно с УзА в двухмесячный срок принять меры по:
выделению здания для размещения Информационного агентства Каракалпакстана, его ремонту и оснащению за счет дополнительных источников бюджета Республики Каракалпакстан и иных источников, не запрещенных законодательством;
выделению в областных центрах зданий с необходимыми условиями для создания региональных корреспондентских пунктов УзА в областях с правом безвозмездного пользования, ремонту и оснащению данных зданий в установленном порядке.
12. Внести Национальное информационное агентство Узбекистана в:
Перечень организаций для обязательной рассылки законов Республики Узбекистан, постановлений палат Олий Мажлиса Республики Узбекистан, указов, постановлений и распоряжений Президента Республики Узбекистан, постановлений и распоряжений Кабинета Министров, нормативно-правовых актов и официальных статистических сборников министерств и ведомств, в том числе в электронной форме;
Перечень органов государственной власти, органов государственного и хозяйственного управления, других государственных организаций республиканского значения, руководители которых могут ходатайствовать о постоянной прописке работников в городе Ташкенте и Ташкентской области, утвержденный постановлением Кабинета Министров Республики Узбекистан от 7 октября 2016 года № 336.
13. Рекомендовать Институту стратегических и межрегиональных исследований при Президенте Республики Узбекистан, Центру экономических исследований и реформ при Администрации Президента Республики Узбекистан, Центру развития гражданского общества, Республиканскому центру по изучению общественного мнения «Ижтимоий фикр», Центру «Стратегия развития» и Общенациональному движению «Юксалиш» регулярно предоставлять в УзА для последующего опубликования материалы исследований о ходе широкомасштабных реформ, проводимых в нашей стране.
14. Министерству иностранных дел Республики Узбекистан оказать практическое содействие УзА в установлении сотрудничества по обмену информацией с ведущими информационными агентствами мира и ассоциациями международных информационных агентств.
15. УзА совместно с Министерством финансов в трехмесячный срок внести в Кабинет Министров Республики Узбекистан предложение по совершенствованию системы оплаты труда творческих работников и технического персонала УзА на основе рыночных принципов с изучением передового международного опыта.
16. Министерству финансов Республики Узбекистан выделить средства на расходы, связанные с реализацией данного постановления в рамках утвержденных параметров бюджета на социальную сферу в 2019 году, а начиная с 2020 года предусматривать в параметрах Государственного бюджета Республики Узбекистан.
17. Кабинету Министров Республики Узбекистан в месячный срок утвердить обновленное положение о Национальном информационном агентстве Узбекистана исходя из содержания настоящего постановления.
18. УзА совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
19. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя руководителя Администрации Президента Республики Узбекистан Ф.Ш. Махмудова.
ПРИЛОЖЕНИЕ № 1 к постановлению Президента Республики Узбекистан от 2 декабря 2019 года № ПП-4541
Национального информационного агентства Узбекистана
ПРИЛОЖЕНИЕ № 2 к постановлению Президента Республики Узбекистан от 2 декабря 2019 года № ПП-4541
Информационного агентства Каракалпакстана в составе Национального информационного агентства Узбекистана
ПРИЛОЖЕНИЕ № 3 к постановлению Президента Республики Узбекистан от 2 декабря 2019 года № ПП-4541
технических средств, освобождаемых от уплаты таможенных платежей (за исключением сборов за таможенное оформление), ввозимых Национальным информационным агентством Узбекистана до 31 декабря 2022 года
№ Наименование технических средств Количество 1. 4-камерная телевизионная студия АСБ (вместе с мультимедийным оборудованием) 1 2. Комплект для съемок 5 3. Нелинейные монтажные комплексы (постпродакшн) 5 4. Оборудование для организации оперативного и долгосрочного хранения медиапродуктов 1
Президент Республики Узбекистан Ш. МИРЗИЁЕВ
г. Ташкент,
2 декабря 2019 г.,
№ ПП-4541