📅 2019-yil 29-oktabr · Vazirlik va idoralar hujjatlari · Favqulodda vaziyatlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 29 октябрь · Вазирлик ва идоралар ҳужжатлари · Фавқулодда вазиятлар вазири
Расмий матн. Расмий ҳужжат. Таҳририй изоҳлар киритилмаган.
📅 29 октября 2019 г. · Документы министерств и ведомств · Министр по чрезвычайным ситуациям
Официальный текст. Официальный документ. Редакционные примечания не включены.
📅 29 October 2019 · Ministry and agency documents · Favqulodda vaziyatlar vaziri
Official text. Official document. Editorial notes are not included.
Ўзбекистон Республикаси Фавқулодда вазиятлар вазирининг
буйруғи
Тадбиркорлик субъектларига тегишли бўлган объектларни ёнғин-профилактика кўригидан ўтказиш тартиби тўғрисидаги низомга ўзгартириш ва қўшимчалар киритиш ҳақида
Ўзбекистон Республикаси Президентининг 2019 йил 10 апрелдаги ПФ-5706-сон «Ўзбекистон Республикасида фавқулодда вазиятларнинг олдини олиш ва бартараф этиш ҳамда ёнғин хавфсизлигини таъминлашнинг сифат жиҳатидан янги тизимини жорий этиш тўғрисида»ги Фармони , 2019 йил 10 апрелдаги ПҚ-4276-сон «Фавқулодда вазиятлар тузилмаларининг фаолиятини янада такомиллаштириш бўйича ташкилий чора-тадбирлар тўғрисида»ги қарори ва Ўзбекистон Республикаси Вазирлар Маҳкамасининг 2013 йил 4 октябрдаги 272-сон «Давлат ёнғин назорати тўғрисидаги низомни тасдиқлаш ҳақида»ги қарорига мувофиқ буюраман:
1. Ўзбекистон Республикаси ички ишлар вазирининг 2013 йил 21 ноябрдаги 136-сон буйруғи (рўйхат рақами 2532, 2013 йил 3 декабрь) (Ўзбекистон Республикаси қонун ҳужжатлари тўплами, 2013 й., 49-сон, 637-модда) билан тасдиқланган Тадбиркорлик субъектларига тегишли бўлган объектларни ёнғин-профилактика кўригидан ўтказиш тартиби тўғрисидаги низомга иловага мувофиқ ўзгартириш ва қўшимчалар киритилсин.
2. Мазкур буйруқ расмий эълон қилинган кундан эътиборан уч ойдан кейин кучга киради.
Ўзбекистон Республикаси фавқулодда вазиятлар вазирининг 2019 йил 29 октябрдаги 546-сон буйруғига ИЛОВА
Тадбиркорлик субъектларига тегишли бўлган объектларни ёнғин-профилактика кўригидан ўтказиш тартиби тўғрисидаги низомга киритилаётган ўзгартириш ва қўшимчалар
1. 1-банднинг учинчи хатбошисидаги «Ички ишлар вазирлигининг Давлат ёнғин хавфсизлиги хизмати, Транспортдаги ички ишлар бошқармаси ва Жазони ижро этиш бош бошқармаси ҳамда уларнинг қуйи» деган сўзлар «Фавқулодда вазиятлар вазирлигининг давлат ёнғин назоратини амалга ошириш ваколатига эга» деган сўзлар билан алмаштирилсин.
2. 4-банддаги «Назорат қилувчи органлар фаолиятини мувофиқлаштирувчи Республика кенгаши (вилоятлар комиссиялари)» деган сўзлар «Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил» деган сўзлар билан алмаштирилсин.
3. 6-банд қуйидаги таҳрирда баён этилсин:
«6. Ёнғин-профилактика кўригини ўтказиш санаси, кўрик ўтказиладиган объектлар тадбиркорлик субъектига бир ҳафта олдин мазкур Низомнинг 2-иловасига мувофиқ шаклдаги билдиришномани тилхат билан топшириш орқали маълум қилинади.».
4. 7-банддаги «ўтказиш санасидан ўн кун олдин» деган сўзлар «ўтказиладиган кунга қадар» деган сўзлар билан алмаштирилсин.
5. 9-банднинг биринчи хатбошиси қуйидаги таҳрирда баён этилсин:
«9. Умумхалқ ва диний байрамлар, халқаро ва республика спорт мусобақалари, форумлари, юқори мартабали чет эл делегацияларининг ташрифи билан боғлиқ ҳамда сиёсий тадбирларга тайёргарлик кўриш ва ташкил қилиш вақтида ушбу тадбирлар бўлиб ўтадиган объектда ва унинг 150 метр радиусида жойлашган объектларда, шунингдек мавсум бошланишидан олдин болалар ёзги дам олиш оромгоҳларида қўшимча равишда ёнғин-профилактика кўриги ўтказилиши мумкин.».
6. 11-банд қуйидаги мазмундаги хатбошилар билан тўлдирилсин:
«доимий тарзда юз нафар ва ундан кўп кишилар жойлашишига мўлжалланган даволаш ва соғломлаштириш муассасалари;
деҳқон (озиқ-овқат), ихтисослаштирилган ва буюм бозорлари, савдо-кўнгилочар мажмуалар (савдо комплекслари).».
7. 12-бандда :
учинчи хатбошидаги «нафар ва ундан кўп» деган сўзлар «нафардан юз нафаргача» деган сўзлар билан алмаштирилсин;
еттинчи хатбоши чиқариб ташлансин;
саккизинчи ва тўққизинчи хатбошилар тегишли равишда еттинчи ва саккизинчи хатбошилар деб ҳисоблансин.
8. 15-банд қуйидаги таҳрирда баён этилсин:
«15. Давлат ёнғин назорати органларининг мансабдор шахслари ўзларига бириктирилган ҳудудда жойлашган тадбиркорлик субъектларига тегишли объектларнинг ёнғин хавфлилигига кўра гуруҳларга бўлинган рўйхатини шакллантиради. Ушбу рўйхат асосида ёнғин-профилактика кўриклари ўтказиладиган объектлар давлат ёнғин назорати органи мансабдор шахси томонидан белгиланган тартибда ойлик иш режа-жадвалига киритилади.
Ёнғин-профилактика кўрикларини режалаштиришда мазкур Низомнинг 14-банди талаблари, бириктирилган ҳудудда ўтказиладиган мавсумий тадбирлар ва содир бўлган ёнғинлар инобатга олиниши лозим.
Давлат ёнғин назорати органлари томонидан ёнғин хавфсизлиги талабларига риоя қилиниши юзасидан текшириш ўтказилган тадбиркорлик субъектига тегишли объектларда бир йил давомида ёнғин-профилактика кўриги ўтказилмайди.».
9. 18-банд қуйидаги мазмундаги хатбоши билан тўлдирилсин:
«Ёнғин-профилактика кўриги ўтказилаётган тадбиркорлик субъектига тегишли объектдан ёки унинг бир қисмидан келишув (шартнома) асосида бошқа тадбиркорлик субъекти (тадбиркорлик субъектлари) фойдаланаётганлигидан қатъи назар, у тўлиқ ёнғин-профилактика кўригидан ўтказилади.».
10. 21-банд қуйидаги таҳрирда баён этилсин:
«21. Аниқланган камчиликларни бартараф этиш муддати уларнинг ёнғин хавфлилигидан келиб чиқиб, тадбиркорлик субъекти билан келишилган ҳолда белгиланади. Тадбиркорлик субъектининг камчиликларни тўлиқ бартараф этганлиги ҳақидаги мурожаати асосида давлат ёнғин назорати органи жойга чиққан ҳолда қилинган ишларни ўрганиши ва бу ҳақда маълумотнома тузиши шарт. Камчиликлар тўлиқ бартараф этилган тақдирда ушбу тадбиркорлик субъектига тегишли объектда ёнғин хавфсизлиги талабларига риоя қилинишини текшириш юзасидан таклиф киритилмайди.».
11. 2-иловадаги «кўрик ўтказиш санасидан ўн кун олдин» деган сўзлар «кўрик ўтказиладиган кунга қадар» деган сўзлар билан алмаштирилсин.
12. Мазкур ўзгартириш ва қўшимчалар Ўзбекистон Республикаси Қурилиш вазирлиги ва Ўзбекистон Республикаси Савдо-саноат палатаси билан келишилган.
Вазир в.б. Т. ХУДАЙБЕРГЕНОВ
Қурилиш вазири Б. ЗАКИРОВ
Ўзбекистон Савдо-саноат палатаси раиси А. ИКРАМОВ
Тошкент ш.,
2019 йил 29 октябрь,
2019 йил 25 октябрь
2019 йил 25 октябрь
546-сон
Oʻzbekiston Respublikasi Favqulodda vaziyatlar vazirining
buyrugʻi
Tadbirkorlik subyektlariga tegishli boʻlgan obyektlarni yongʻin-profilaktika koʻrigidan oʻtkazish tartibi toʻgʻrisidagi nizomga oʻzgartirish va qoʻshimchalar kiritish haqida
Oʻzbekiston Respublikasi Prezidentining 2019-yil 10-apreldagi PF-5706-son “Oʻzbekiston Respublikasida favqulodda vaziyatlarning oldini olish va bartaraf etish hamda yongʻin xavfsizligini taʼminlashning sifat jihatidan yangi tizimini joriy etish toʻgʻrisida”gi Farmoni , 2019-yil 10-apreldagi PQ-4276-son “Favqulodda vaziyatlar tuzilmalarining faoliyatini yanada takomillashtirish boʻyicha tashkiliy chora-tadbirlar toʻgʻrisida”gi qarori va Oʻzbekiston Respublikasi Vazirlar Mahkamasining 2013-yil 4-oktabrdagi 272-son “Davlat yongʻin nazorati toʻgʻrisidagi nizomni tasdiqlash haqida”gi qaroriga muvofiq buyuraman:
1. Oʻzbekiston Respublikasi ichki ishlar vazirining 2013-yil 21-noyabrdagi 136-son buyrugʻi (roʻyxat raqami 2532, 2013-yil 3-dekabr) (Oʻzbekiston Respublikasi qonun hujjatlari toʻplami, 2013-y., 49-son, 637-modda) bilan tasdiqlangan Tadbirkorlik subyektlariga tegishli boʻlgan obyektlarni yongʻin-profilaktika koʻrigidan oʻtkazish tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur buyruq rasmiy eʼlon qilingan kundan eʼtiboran uch oydan keyin kuchga kiradi.
Oʻzbekiston Respublikasi favqulodda vaziyatlar vazirining 2019-yil 29-oktabrdagi 546-son buyrugʻiga ILOVA
Tadbirkorlik subyektlariga tegishli boʻlgan obyektlarni yongʻin-profilaktika koʻrigidan oʻtkazish tartibi toʻgʻrisidagi nizomga kiritilayotgan oʻzgartirish va qoʻshimchalar
1. 1-bandning uchinchi xatboshisidagi “Ichki ishlar vazirligining Davlat yongʻin xavfsizligi xizmati, Transportdagi ichki ishlar boshqarmasi va Jazoni ijro etish bosh boshqarmasi hamda ularning quyi” degan soʻzlar “Favqulodda vaziyatlar vazirligining davlat yongʻin nazoratini amalga oshirish vakolatiga ega” degan soʻzlar bilan almashtirilsin.
2. 4-banddagi “Nazorat qiluvchi organlar faoliyatini muvofiqlashtiruvchi Respublika kengashi (viloyatlar komissiyalari)” degan soʻzlar “Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil” degan soʻzlar bilan almashtirilsin.
3. 6-band quyidagi tahrirda bayon etilsin:
“6. Yongʻin-profilaktika koʻrigini oʻtkazish sanasi, koʻrik oʻtkaziladigan obyektlar tadbirkorlik subyektiga bir hafta oldin mazkur Nizomning 2-ilovasiga muvofiq shakldagi bildirishnomani tilxat bilan topshirish orqali maʼlum qilinadi.”.
4. 7-banddagi “oʻtkazish sanasidan oʻn kun oldin” degan soʻzlar “oʻtkaziladigan kunga qadar” degan soʻzlar bilan almashtirilsin.
5. 9-bandning birinchi xatboshisi quyidagi tahrirda bayon etilsin:
“9. Umumxalq va diniy bayramlar, xalqaro va respublika sport musobaqalari, forumlari, yuqori martabali chet el delegatsiyalarining tashrifi bilan bogʻliq hamda siyosiy tadbirlarga tayyorgarlik koʻrish va tashkil qilish vaqtida ushbu tadbirlar boʻlib oʻtadigan obyektda va uning 150 metr radiusida joylashgan obyektlarda, shuningdek mavsum boshlanishidan oldin bolalar yozgi dam olish oromgohlarida qoʻshimcha ravishda yongʻin-profilaktika koʻrigi oʻtkazilishi mumkin.”.
6. 11-band quyidagi mazmundagi xatboshilar bilan toʻldirilsin:
“doimiy tarzda yuz nafar va undan koʻp kishilar joylashishiga moʻljallangan davolash va sogʻlomlashtirish muassasalari;
dehqon (oziq-ovqat), ixtisoslashtirilgan va buyum bozorlari, savdo-koʻngilochar majmualar (savdo komplekslari).”.
7. 12-bandda :
uchinchi xatboshidagi “nafar va undan koʻp” degan soʻzlar “nafardan yuz nafargacha” degan soʻzlar bilan almashtirilsin;
yettinchi xatboshi chiqarib tashlansin;
sakkizinchi va toʻqqizinchi xatboshilar tegishli ravishda yettinchi va sakkizinchi xatboshilar deb hisoblansin.
8. 15-band quyidagi tahrirda bayon etilsin:
“15. Davlat yongʻin nazorati organlarining mansabdor shaxslari oʻzlariga biriktirilgan hududda joylashgan tadbirkorlik subyektlariga tegishli obyektlarning yongʻin xavfliligiga koʻra guruhlarga boʻlingan roʻyxatini shakllantiradi. Ushbu roʻyxat asosida yongʻin-profilaktika koʻriklari oʻtkaziladigan obyektlar davlat yongʻin nazorati organi mansabdor shaxsi tomonidan belgilangan tartibda oylik ish reja-jadvaliga kiritiladi.
Yongʻin-profilaktika koʻriklarini rejalashtirishda mazkur Nizomning 14-bandi talablari, biriktirilgan hududda oʻtkaziladigan mavsumiy tadbirlar va sodir boʻlgan yongʻinlar inobatga olinishi lozim.
Davlat yongʻin nazorati organlari tomonidan yongʻin xavfsizligi talablariga rioya qilinishi yuzasidan tekshirish oʻtkazilgan tadbirkorlik subyektiga tegishli obyektlarda bir yil davomida yongʻin-profilaktika koʻrigi oʻtkazilmaydi.”.
9. 18-band quyidagi mazmundagi xatboshi bilan toʻldirilsin:
“Yongʻin-profilaktika koʻrigi oʻtkazilayotgan tadbirkorlik subyektiga tegishli obyektdan yoki uning bir qismidan kelishuv (shartnoma) asosida boshqa tadbirkorlik subyekti (tadbirkorlik subyektlari) foydalanayotganligidan qatʼi nazar, u toʻliq yongʻin-profilaktika koʻrigidan oʻtkaziladi.”.
10. 21-band quyidagi tahrirda bayon etilsin:
“21. Aniqlangan kamchiliklarni bartaraf etish muddati ularning yongʻin xavfliligidan kelib chiqib, tadbirkorlik subyekti bilan kelishilgan holda belgilanadi. Tadbirkorlik subyektining kamchiliklarni toʻliq bartaraf etganligi haqidagi murojaati asosida davlat yongʻin nazorati organi joyga chiqqan holda qilingan ishlarni oʻrganishi va bu haqda maʼlumotnoma tuzishi shart. Kamchiliklar toʻliq bartaraf etilgan taqdirda ushbu tadbirkorlik subyektiga tegishli obyektda yongʻin xavfsizligi talablariga rioya qilinishini tekshirish yuzasidan taklif kiritilmaydi.”.
11. 2-ilovadagi “koʻrik oʻtkazish sanasidan oʻn kun oldin” degan soʻzlar “koʻrik oʻtkaziladigan kunga qadar” degan soʻzlar bilan almashtirilsin.
12. Mazkur oʻzgartirish va qoʻshimchalar Oʻzbekiston Respublikasi Qurilish vazirligi va Oʻzbekiston Respublikasi Savdo-sanoat palatasi bilan kelishilgan.
Vazir v.b. T. XUDAYBERGENOV
Qurilish vaziri B. ZAKIROV
Oʻzbekiston Savdo-sanoat palatasi raisi A. IKRAMOV
Toshkent sh.,
2019-yil 29-oktabr,
2019-yil 25-oktabr
2019-yil 25-oktabr
546-son