📅 2019-yil 5-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 5 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 декабря 2019 г. · Постановления Президента
Официальный текст. Официальный документ. Редакционные примечания не включены.
📅 5 December 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«ЙЎЛ ХАРИТАСИ»
РЎЙХАТИ
Давлат харидлари тизимини янада такомиллаштириш ва давлат харидлари жараёнига тадбиркорлик субъектларини кенг жалб қилиш чора-тадбирлари тўғрисида
[Кўчирма]
Давлат харидлари тизимининг шаффофлигини таъминлаш ҳамда уни янада такомиллаштириш ҳисобига корпоратив буюртмачилар, шу жумладан стратегик аҳамиятга эга бўлган хўжалик жамиятлари ва корхоналар маблағларининг мақсадли сарфланишини таъминлаш ҳамда самарадорлигини ошириш, давлат харидлари жараёнига тадбиркорлик субъектларини кенг жалб қилиш мақсадида:
1. Белгилансинки, 2020 йил 1 январдан бошлаб Ўзбекистон Республикаси Президентининг 2018 йил 22 январдаги «Хўжалик жамиятлари ва стратегик аҳамиятга эга корхоналар фаолиятини қўллаб-қувватлаш чора-тадбирлари тўғрисида»ги ПҚ-3487-сон қарори билан тасдиқланган стратегик аҳамиятга эга бўлган хўжалик жамиятлари ва корхоналар:
энг яхши таклифларни танлаб олиш йўли орқали харидларни амалга оширишдан олдин давлат харидлари бўйича махсус ахборот порталида эълон жойлаштиради. Бунда эълонда харид комиссияси томонидан таклифларни қабул қилиб олишнинг ўн кундан кам бўлмаган сўнгги муддати ҳамда Ўзбекистон Республикасининг «Давлат харидлари тўғрисида»ги Қонунининг 52-моддасида назарда тутилган ахборот бўлиши керак;
харид комиссиясининг энг яхши таклифларни танлаб олиш бўйича баёнини у расмийлаштирилган куни давлат харидлари бўйича махсус ахборот порталида икки иш куни муддатга жамоатчилик муҳокамасига жойлаштиради;
давлат харидлари доирасида тузилган шартномалар тўғрисида маълумотларни улар тузилган санадан бошлаб уч иш кундан кечиктирмасдан белгиланган тартибда давлат буюртмачилари билан тузилган шартномалар реестрига киритади;
харидларни электрон дўкон ва бошланғич нархни пасайтириш учун ўтказиладиган аукцион орқали қонунда белгиланган мезонларга мувофиқ амалга оширишга ҳақли.
2. Танлов ва тендер савдолари орқали давлат харидларини амалга ошириш тартиб-таомилларини ахборот-коммуникация технологияларидан фойдаланган ҳолда электрон шаклга ўтказиш бўйича «йўл харитаси» 1-иловага мувофиқ тасдиқлансин.
4. Шундай тартиб ўрнатилсинки, унга кўра 2020 йил 1 январдан бошлаб давлат буюртмачиларига электрон дўконнинг қўшимча саҳифасидан фойдаланган ҳолда, давлат харидларини ҳудудлар (Қорақалпоғистон Республикаси, вилоятлар ва Тошкент шаҳри) кесимида маҳаллий ишлаб чиқарувчилар (иш бажарувчилар, хизмат кўрсатувчилар) ўртасида амалга ошириш ҳуқуқи берилади. Бунда, электрон дўконнинг қўшимча саҳифасида харид қилиш тартиб-таомили якунига кўра товар (иш, хизмат) мавжуд эмаслиги сабабли шартнома тузилмаган бўлса, давлат буюртмачиси электрон дўконнинг асосий саҳифасидан фойдаланмасдан мустақил равишда танланган етказиб берувчи билан тўғридан-тўғри шартнома тузишга ҳақли эмас.
5. Ўзбекистон Республикаси Молия вазирлиги «Ўзбекистон республика товар-хом ашё биржаси» акциядорлик жамияти билан биргаликда бир ой муддатда давлат харидлари бўйича махсус ахборот порталидаги электрон дўкон савдо майдончасида давлат буюртмачилари томонидан давлат харидларини ҳудудлар (Қорақалпоғистон Республикаси, вилоятлар ва Тошкент шаҳри) кесимида маҳаллий ишлаб чиқарувчилар (иш бажарувчилар, хизмат кўрсатувчилар) ўртасида амалга ошириш имкониятини берувчи қўшимча саҳифа яратилишини таъминласин.
6. Ўзбекистон Республикаси Молия вазирлиги 2020 йил 1 январдан бошлаб Молия органлари ва бюджет ташкилотлари молия-ҳисоб бўлинмалари ходимларини тайёрлаш ва қайта тайёрлаш ўқув маркази базасида давлат органлари ва бошқа ташкилотларнинг ходимлари учун ўқув жараёнига соҳадаги етакчи мутахассисларни кенг жалб қилган ҳолда давлат харидлари бўйича махсус курслар ташкил қилсин.
7. 2020 йил 1 апрелдан бошлаб бюджет ташкилотларининг чет эл валютасидаги маблағларига нисбатан Молия вазирлиги Ғазначилигида шахсий ғазна ҳисобварақлари очиш орқали ғазна ижроси механизми жорий этилсин.
8. Ўзбекистон Республикаси Президентининг айрим қарорларига 2-иловага мувофиқ ўзгартириш ва қўшимчалар киритилсин.
9. Ўзбекистон Республикаси Президентининг айрим қарорлари 3-иловага мувофиқ ўз кучини йўқотган деб ҳисоблансин.
10. Ўзбекистон Республикаси Молия вазирлиги манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
11. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров ва Ўзбекистон Республикаси Президентининг маслаҳатчиси Р.А. Гулямов зиммасига юклансин.
Ўзбекистон Республикаси Президентининг 2019 йил 5 декабрдаги ПҚ-4544-сон қарорига 1-ИЛОВА
Танлов ва тендер савдолари орқали давлат харидларини амалга ошириш тартиб-таомилларини ахборот-коммуникация технологияларидан фойдаланган ҳолда электрон шаклга ўтказиш бўйича
Т/р Тадбирлар номи Амалга ошириш механизми Ижро муддатлари Ижрочилар 1. Техник топшириқномани ишлаб чиқиш. Тендер (танлов) савдоларини электрон тарзда ташкил этиш юзасидан техник топшириқномани ишлаб чиқиш ва тасдиқлаш. 2020 йил январь Молия вазирлиги (О. Исаков) , манфаатдор вазирлик ва идоралар 2. Давлат харидлари махсус ахборот портали ва тегишли ахборот тизимларига ўзгартириш ва қўшимчалар киритиш. Тасдиқланган техник топшириқномага асосан давлат харидлари махсус ахборот портали ва тегишли ахборот тизимларига ўзгартириш ва қўшимчалар киритиш. 2020 йил февраль 3. Норматив-ҳуқуқий ҳужжатларга ўзгартириш ва қўшимчалар киритиш. Харид қилиш тартиб-таомилларини ташкил этиш ва ўтказиш тартиби тўғрисидаги низомга (рўйхат рақами 3016-сон, 2018 йил 26 май) ва Махсус ахборот портали операторининг давлат харидларини ташкил этиш ҳамда ўтказиш борасидаги фаолияти тўғрисидаги низомга (рўйхат рақами 3015-сон, 2018 йил 21 май) тендер (танлов) савдоларини электрон тарзда ўтказиш тартибини назарда тутувчи тегишли ўзгартириш ва қўшимчалар киритиш. 2020 йил январь Молия вазирлиги (Ж. Қўчқоров) , Адлия вазирлиги (Р. Давлетов) 4. Тизимни синовдан ўтказиш. Тендер (танлов) савдолари бўйича жорий қилинган механизмларни синовдан ўтказиш. 2020 йил март Молия вазирлиги (О. Исаков) , манфаатдор вазирлик ва идоралар 5. Давлат буюртмачилари ва иштирокчиларнинг танлов ва тендер савдоларида иштирок этишлари юзасидан ўқув семинарларини ташкил этиш. Жойларга чиқиб ўқув семинарлари ўтказилиши бўйича режа-жадвал ишлаб чиқиш ва тасдиқлаш. 6. Тендер (танлов) савдоларини электрон тарзда ўтказиш тизимини амалиётга жорий қилиш. Иқтисодиёт соҳалари ва ҳудудлар бўйича тендер (танлов) савдоларини ўтказиш тизимини босқичма-босқич жорий қилиш. 2020 йил апрель (график бўйича) Молия вазирлиги (О. Исаков) , манфаатдор вазирлик ва идоралар
Ўзбекистон Республикаси Президентининг 2019 йил 5 декабрдаги ПҚ-4544-сон қарорига 2-ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2007 йил 28 февралдаги «Давлат бюджетининг ғазна ижроси тизимини янада ривожлантириш чора-тадбирлари тўғрисида»ги ПҚ-594-сон қарорида :
а) 2-бандда :
олтинчи хатбоши «бюджет» сўзидан кейин «тизими бюджетлари» сўзлари билан тўлдирилсин;
ўн биринчи хатбошидан «ва маҳаллий кичик тадбиркорлик субъектларига ажратилаётган квоталарнинг бажарилиши» сўзлари чиқариб ташлансин;
қуйидаги мазмундаги хатбошилар билан тўлдирилсин:
«бюджет ташкилотларининг чет эл валютасидаги даромадлари ва харажатлари ҳисобини юритиш ҳамда мақсадли ишлатилишини таъминлаш;
валюта маблағлари ҳисобидан жалб қилинган халқаро молиявий институтлар ва хорижий ҳукумат молия ташкилотлари қарзлари (кредитлари)ни қайтариш ҳамда Ўзбекистон Республикаси Вазирлар Маҳкамаси қарорларига асосан Молия вазирлиги томонидан тўловлари амалга ошириладиган халқаро молиявий институтлар ва ташкилотларга аъзолик бадалларини тўлаш;
валюта маблағларини бошқариш, чет эл валютасидаги маблағларни депозитларга жойлаштириш ҳамда бюджет ссудаси ва субсидияларини ажратиш»;
б) 4-бандда :
иккинчи хатбошидаги «вазирлигининг ғазначилик» сўзлари «вазирлиги Ғазначилиги» сўзлари билан алмаштирилсин;
учинчи хатбоши чиқариб ташлансин;
тўртинчи хатбоши учинчи хатбоши деб ҳисоблансин;
в) 6-бандда :
иккинчи хатбошидаги «бюджет ташкилотларининг» ва «Давлат бюджети» сўзлари тегишли равишда «бюджет тизими бюджетлари маблағлари ҳисобидан» ва «бюджет тизими бюджетлари» сўзлари билан алмаштирилсин;
учинчи хатбошидаги «бюджетдан маблағ олувчиларнинг бюджет» сўзлари «бюджет тизими бюджетлари» сўзлари билан алмаштирилсин;
г) 9-банддаги «вазирлигининг Ғазначилиги Тошкент шаҳар, Х. Сулаймонова кўчаси» сўзлари «вазирлиги Ғазначилиги Тошкент шаҳар, Истиқлол кўчаси» сўзлари билан алмаштирилсин.
2. Ўзбекистон Республикаси Президентининг 2015 йил 30 сентябрдаги «Корпоратив бошқарув илмий-таълим марказининг фаолиятини ташкил этиш чора-тадбирлари тўғрисида»ги ПҚ-2414-сон қарорининг рус тили матнидаги 1-банднинг тўртинчи, еттинчи — тўққизинчи ва ўн биринчи хатбошиларидан ҳамда 3-банднинг тўртинчи хатбошисидан «и государственных закупок» сўзлари чиқариб ташлансин.
4. Ўзбекистон Республикаси Президентининг 2018 йил 12 майдаги «Давлат активларини бошқариш тизимини такомиллаштириш чора-тадбирлари тўғрисида»ги ПҚ-3720-сон қарорида :
а) 10-бандда :
учинчи — бешинчи хатбошилардаги «ҳамда давлат харидлари соҳаларида» сўзлари «соҳасида» сўзи билан алмаштирилсин;
олтинчи хатбошидаги «бошқаруви ҳамда давлат харидларининг» сўзлари «бошқарувининг» сўзи билан алмаштирилсин;
б) 11-банднинг учинчи хатбошисидаги «ҳамда давлат харидлари соҳалари» сўзлари «соҳаси» сўзи билан алмаштирилсин;
в) 13-банддан «ҳамда давлат харидлари» сўзлари чиқариб ташлансин.
5. Ўзбекистон Республикаси Президентининг 2018 йил 5 сентябрдаги «Корпоратив, лойиҳа бошқаруви ва давлат харидлари соҳасида кадрларни тайёрлаш, қайта тайёрлаш ва уларнинг малакасини ошириш тизимини такомиллаштириш бўйича қўшимча чора-тадбирлар тўғрисида»ги ПҚ-3930-сон қарорида :
а) номидан ва муқаддимадан «ва давлат харидлари» сўзлари чиқариб ташлансин;
б) 6-банднинг иккинчи хатбошисидаги «ва харид» сўзлари чиқариб ташлансин.
Ўзбекистон Республикаси Президентининг 2019 йил 5 декабрдаги ПҚ-4544-сон қарорига 3-ИЛОВА
Ўзбекистон Республикаси Президентининг ўз кучини йўқотган деб эътироф этилаётган қарорлари
1. Ўзбекистон Республикаси Президентининг 2007 йил 12 декабрдаги «Ўзбекистон Республикасининг 2008 йилги асосий макроиқтисодий кўрсаткичлари ва давлат бюджети параметрлари тўғрисида»ги ПҚ-744-сон қарорига 31-илованинг 7-банди .
2. Ўзбекистон Республикаси Президентининг 2008 йил 29 декабрдаги «Ўзбекистон Республикасининг 2009 йилги асосий макроиқтисодий кўрсаткичлари ва давлат бюджети параметрлари тўғрисида»ги ПҚ-1024-сон қарорига 31-илованинг 11-банди .
3. Ўзбекистон Республикаси Президентининг 2009 йил 22 декабрдаги «Ўзбекистон Республикасининг 2010 йилги асосий макроиқтисодий кўрсаткичлари ва давлат бюджети параметрлари тўғрисида»ги ПҚ-1245-сон қарорига 31-илованинг 13-банди .
4. Ўзбекистон Республикаси Президентининг 2011 йил 7 февралдаги «Давлат харидлари тизимини мақбуллаштириш ва уларга кичик бизнес субъектларини кенг жалб қилиш тўғрисида»ги ПҚ-1475-сон қарори .
5. Ўзбекистон Республикаси Президентининг 2014 йил 4 декабрдаги «Ўзбекистон Республикасининг 2015 йилги асосий макроиқтисодий кўрсаткичлари прогнози ва давлат бюджети параметрлари тўғрисида»ги ПҚ-2270-сон қарорига 36-илованинг 8-банди .
6. Ўзбекистон Республикаси Президентининг 2018 йил 20 февралдаги «Лойиҳаолди, лойиҳа, тендер ҳужжатлари ва контрактларни экспертизадан ўтказиш тартибини такомиллаштириш чора-тадбирлари тўғрисида»ги ПҚ-3550-сон қарорига 5-илованинг 8-банди .
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 5 декабрь,
ПҚ-4544-сон
Oʻzbekiston Respublikasi Prezidentining
qarori
“YOʻL XARITASI”
ROʻYXATI
Davlat xaridlari tizimini yanada takomillashtirish va davlat xaridlari jarayoniga tadbirkorlik subyektlarini keng jalb qilish chora-tadbirlari toʻgʻrisida
[Koʻchirma]
Davlat xaridlari tizimining shaffofligini taʼminlash hamda uni yanada takomillashtirish hisobiga korporativ buyurtmachilar, shu jumladan strategik ahamiyatga ega boʻlgan xoʻjalik jamiyatlari va korxonalar mablagʻlarining maqsadli sarflanishini taʼminlash hamda samaradorligini oshirish, davlat xaridlari jarayoniga tadbirkorlik subyektlarini keng jalb qilish maqsadida:
1. Belgilansinki, 2020-yil 1-yanvardan boshlab Oʻzbekiston Respublikasi Prezidentining 2018-yil 22-yanvardagi “Xoʻjalik jamiyatlari va strategik ahamiyatga ega korxonalar faoliyatini qoʻllab-quvvatlash chora-tadbirlari toʻgʻrisida”gi PQ-3487-son qarori bilan tasdiqlangan strategik ahamiyatga ega boʻlgan xoʻjalik jamiyatlari va korxonalar:
eng yaxshi takliflarni tanlab olish yoʻli orqali xaridlarni amalga oshirishdan oldin davlat xaridlari boʻyicha maxsus axborot portalida eʼlon joylashtiradi. Bunda eʼlonda xarid komissiyasi tomonidan takliflarni qabul qilib olishning oʻn kundan kam boʻlmagan soʻnggi muddati hamda Oʻzbekiston Respublikasining “Davlat xaridlari toʻgʻrisida”gi Qonunining 52-moddasida nazarda tutilgan axborot boʻlishi kerak;
xarid komissiyasining eng yaxshi takliflarni tanlab olish boʻyicha bayonini u rasmiylashtirilgan kuni davlat xaridlari boʻyicha maxsus axborot portalida ikki ish kuni muddatga jamoatchilik muhokamasiga joylashtiradi;
davlat xaridlari doirasida tuzilgan shartnomalar toʻgʻrisida maʼlumotlarni ular tuzilgan sanadan boshlab uch ish kundan kechiktirmasdan belgilangan tartibda davlat buyurtmachilari bilan tuzilgan shartnomalar reyestriga kiritadi;
xaridlarni elektron doʻkon va boshlangʻich narxni pasaytirish uchun oʻtkaziladigan auksion orqali qonunda belgilangan mezonlarga muvofiq amalga oshirishga haqli.
2. Tanlov va tender savdolari orqali davlat xaridlarini amalga oshirish tartib-taomillarini axborot-kommunikatsiya texnologiyalaridan foydalangan holda elektron shaklga oʻtkazish boʻyicha “yoʻl xaritasi” 1-ilovaga muvofiq tasdiqlansin.
4. Shunday tartib oʻrnatilsinki, unga koʻra 2020-yil 1-yanvardan boshlab davlat buyurtmachilariga elektron doʻkonning qoʻshimcha sahifasidan foydalangan holda, davlat xaridlarini hududlar (Qoraqalpogʻiston Respublikasi, viloyatlar va Toshkent shahri) kesimida mahalliy ishlab chiqaruvchilar (ish bajaruvchilar, xizmat koʻrsatuvchilar) oʻrtasida amalga oshirish huquqi beriladi. Bunda, elektron doʻkonning qoʻshimcha sahifasida xarid qilish tartib-taomili yakuniga koʻra tovar (ish, xizmat) mavjud emasligi sababli shartnoma tuzilmagan boʻlsa, davlat buyurtmachisi elektron doʻkonning asosiy sahifasidan foydalanmasdan mustaqil ravishda tanlangan yetkazib beruvchi bilan toʻgʻridan-toʻgʻri shartnoma tuzishga haqli emas.
5. Oʻzbekiston Respublikasi Moliya vazirligi “Oʻzbekiston respublika tovar-xom ashyo birjasi” aksiyadorlik jamiyati bilan birgalikda bir oy muddatda davlat xaridlari boʻyicha maxsus axborot portalidagi elektron doʻkon savdo maydonchasida davlat buyurtmachilari tomonidan davlat xaridlarini hududlar (Qoraqalpogʻiston Respublikasi, viloyatlar va Toshkent shahri) kesimida mahalliy ishlab chiqaruvchilar (ish bajaruvchilar, xizmat koʻrsatuvchilar) oʻrtasida amalga oshirish imkoniyatini beruvchi qoʻshimcha sahifa yaratilishini taʼminlasin.
6. Oʻzbekiston Respublikasi Moliya vazirligi 2020-yil 1-yanvardan boshlab Moliya organlari va budjet tashkilotlari moliya-hisob boʻlinmalari xodimlarini tayyorlash va qayta tayyorlash oʻquv markazi bazasida davlat organlari va boshqa tashkilotlarning xodimlari uchun oʻquv jarayoniga sohadagi yetakchi mutaxassislarni keng jalb qilgan holda davlat xaridlari boʻyicha maxsus kurslar tashkil qilsin.
7. 2020-yil 1-apreldan boshlab budjet tashkilotlarining chet el valyutasidagi mablagʻlariga nisbatan Moliya vazirligi Gʻaznachiligida shaxsiy gʻazna hisobvaraqlari ochish orqali gʻazna ijrosi mexanizmi joriy etilsin.
8. Oʻzbekiston Respublikasi Prezidentining ayrim qarorlariga 2-ilovaga muvofiq oʻzgartirish va qoʻshimchalar kiritilsin.
9. Oʻzbekiston Respublikasi Prezidentining ayrim qarorlari 3-ilovaga muvofiq oʻz kuchini yoʻqotgan deb hisoblansin.
10. Oʻzbekiston Respublikasi Moliya vazirligi manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
11. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi Prezidentining maslahatchisi R.A. Gulyamov zimmasiga yuklansin.
Oʻzbekiston Respublikasi Prezidentining 2019-yil 5-dekabrdagi PQ-4544-son qaroriga 1-ILOVA
Tanlov va tender savdolari orqali davlat xaridlarini amalga oshirish tartib-taomillarini axborot-kommunikatsiya texnologiyalaridan foydalangan holda elektron shaklga oʻtkazish boʻyicha
T/r Tadbirlar nomi Amalga oshirish mexanizmi Ijro muddatlari Ijrochilar 1. Texnik topshiriqnomani ishlab chiqish. Tender (tanlov) savdolarini elektron tarzda tashkil etish yuzasidan texnik topshiriqnomani ishlab chiqish va tasdiqlash. 2020-yil yanvar Moliya vazirligi (O. Isakov) , manfaatdor vazirlik va idoralar 2. Davlat xaridlari maxsus axborot portali va tegishli axborot tizimlariga oʻzgartirish va qoʻshimchalar kiritish. Tasdiqlangan texnik topshiriqnomaga asosan davlat xaridlari maxsus axborot portali va tegishli axborot tizimlariga oʻzgartirish va qoʻshimchalar kiritish. 2020-yil fevral 3. Normativ-huquqiy hujjatlarga oʻzgartirish va qoʻshimchalar kiritish. Xarid qilish tartib-taomillarini tashkil etish va oʻtkazish tartibi toʻgʻrisidagi nizomga (roʻyxat raqami 3016-son, 2018-yil 26-may) va Maxsus axborot portali operatorining davlat xaridlarini tashkil etish hamda oʻtkazish borasidagi faoliyati toʻgʻrisidagi nizomga (roʻyxat raqami 3015-son, 2018-yil 21-may) tender (tanlov) savdolarini elektron tarzda oʻtkazish tartibini nazarda tutuvchi tegishli oʻzgartirish va qoʻshimchalar kiritish. 2020-yil yanvar Moliya vazirligi (J. Qoʻchqorov) , Adliya vazirligi (R. Davletov) 4. Tizimni sinovdan oʻtkazish. Tender (tanlov) savdolari boʻyicha joriy qilingan mexanizmlarni sinovdan oʻtkazish. 2020-yil mart Moliya vazirligi (O. Isakov) , manfaatdor vazirlik va idoralar 5. Davlat buyurtmachilari va ishtirokchilarning tanlov va tender savdolarida ishtirok etishlari yuzasidan oʻquv seminarlarini tashkil etish. Joylarga chiqib oʻquv seminarlari oʻtkazilishi boʻyicha reja-jadval ishlab chiqish va tasdiqlash. 6. Tender (tanlov) savdolarini elektron tarzda oʻtkazish tizimini amaliyotga joriy qilish. Iqtisodiyot sohalari va hududlar boʻyicha tender (tanlov) savdolarini oʻtkazish tizimini bosqichma-bosqich joriy qilish. 2020-yil aprel (grafik boʻyicha) Moliya vazirligi (O. Isakov) , manfaatdor vazirlik va idoralar
Oʻzbekiston Respublikasi Prezidentining 2019-yil 5-dekabrdagi PQ-4544-son qaroriga 2-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2007-yil 28-fevraldagi “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida”gi PQ-594-son qarorida :
a) 2-bandda :
oltinchi xatboshi “budjet” soʻzidan keyin “tizimi budjetlari” soʻzlari bilan toʻldirilsin;
oʻn birinchi xatboshidan “va mahalliy kichik tadbirkorlik subyektlariga ajratilayotgan kvotalarning bajarilishi” soʻzlari chiqarib tashlansin;
quyidagi mazmundagi xatboshilar bilan toʻldirilsin:
“budjet tashkilotlarining chet el valyutasidagi daromadlari va xarajatlari hisobini yuritish hamda maqsadli ishlatilishini taʼminlash;
valyuta mablagʻlari hisobidan jalb qilingan xalqaro moliyaviy institutlar va xorijiy hukumat moliya tashkilotlari qarzlari (kreditlari)ni qaytarish hamda Oʻzbekiston Respublikasi Vazirlar Mahkamasi qarorlariga asosan Moliya vazirligi tomonidan toʻlovlari amalga oshiriladigan xalqaro moliyaviy institutlar va tashkilotlarga aʼzolik badallarini toʻlash;
valyuta mablagʻlarini boshqarish, chet el valyutasidagi mablagʻlarni depozitlarga joylashtirish hamda budjet ssudasi va subsidiyalarini ajratish”;
b) 4-bandda :
ikkinchi xatboshidagi “vazirligining gʻaznachilik” soʻzlari “vazirligi Gʻaznachiligi” soʻzlari bilan almashtirilsin;
uchinchi xatboshi chiqarib tashlansin;
toʻrtinchi xatboshi uchinchi xatboshi deb hisoblansin;
v) 6-bandda :
ikkinchi xatboshidagi “budjet tashkilotlarining” va “Davlat budjeti” soʻzlari tegishli ravishda “budjet tizimi budjetlari mablagʻlari hisobidan” va “budjet tizimi budjetlari” soʻzlari bilan almashtirilsin;
uchinchi xatboshidagi “budjetdan mablagʻ oluvchilarning budjet” soʻzlari “budjet tizimi budjetlari” soʻzlari bilan almashtirilsin;
g) 9-banddagi “vazirligining Gʻaznachiligi Toshkent shahar, X. Sulaymonova koʻchasi” soʻzlari “vazirligi Gʻaznachiligi Toshkent shahar, Istiqlol koʻchasi” soʻzlari bilan almashtirilsin.
2. Oʻzbekiston Respublikasi Prezidentining 2015-yil 30-sentabrdagi “Korporativ boshqaruv ilmiy-taʼlim markazining faoliyatini tashkil etish chora-tadbirlari toʻgʻrisida”gi PQ-2414-son qarorining rus tili matnidagi 1-bandning toʻrtinchi, yettinchi — toʻqqizinchi va oʻn birinchi xatboshilaridan hamda 3-bandning toʻrtinchi xatboshisidan “i gosudarstvennix zakupok” soʻzlari chiqarib tashlansin.
4. Oʻzbekiston Respublikasi Prezidentining 2018-yil 12-maydagi “Davlat aktivlarini boshqarish tizimini takomillashtirish chora-tadbirlari toʻgʻrisida”gi PQ-3720-son qarorida :
a) 10-bandda :
uchinchi — beshinchi xatboshilardagi “hamda davlat xaridlari sohalarida” soʻzlari “sohasida” soʻzi bilan almashtirilsin;
oltinchi xatboshidagi “boshqaruvi hamda davlat xaridlarining” soʻzlari “boshqaruvining” soʻzi bilan almashtirilsin;
b) 11-bandning uchinchi xatboshisidagi “hamda davlat xaridlari sohalari” soʻzlari “sohasi” soʻzi bilan almashtirilsin;
v) 13-banddan “hamda davlat xaridlari” soʻzlari chiqarib tashlansin.
5. Oʻzbekiston Respublikasi Prezidentining 2018-yil 5-sentabrdagi “Korporativ, loyiha boshqaruvi va davlat xaridlari sohasida kadrlarni tayyorlash, qayta tayyorlash va ularning malakasini oshirish tizimini takomillashtirish boʻyicha qoʻshimcha chora-tadbirlar toʻgʻrisida”gi PQ-3930-son qarorida :
a) nomidan va muqaddimadan “va davlat xaridlari” soʻzlari chiqarib tashlansin;
b) 6-bandning ikkinchi xatboshisidagi “va xarid” soʻzlari chiqarib tashlansin.
Oʻzbekiston Respublikasi Prezidentining 2019-yil 5-dekabrdagi PQ-4544-son qaroriga 3-ILOVA
Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan qarorlari
1. Oʻzbekiston Respublikasi Prezidentining 2007-yil 12-dekabrdagi “Oʻzbekiston Respublikasining 2008-yilgi asosiy makroiqtisodiy koʻrsatkichlari va davlat budjeti parametrlari toʻgʻrisida”gi PQ-744-son qaroriga 31-ilovaning 7-bandi .
2. Oʻzbekiston Respublikasi Prezidentining 2008-yil 29-dekabrdagi “Oʻzbekiston Respublikasining 2009-yilgi asosiy makroiqtisodiy koʻrsatkichlari va davlat budjeti parametrlari toʻgʻrisida”gi PQ-1024-son qaroriga 31-ilovaning 11-bandi .
3. Oʻzbekiston Respublikasi Prezidentining 2009-yil 22-dekabrdagi “Oʻzbekiston Respublikasining 2010-yilgi asosiy makroiqtisodiy koʻrsatkichlari va davlat budjeti parametrlari toʻgʻrisida”gi PQ-1245-son qaroriga 31-ilovaning 13-bandi .
4. Oʻzbekiston Respublikasi Prezidentining 2011-yil 7-fevraldagi “Davlat xaridlari tizimini maqbullashtirish va ularga kichik biznes subyektlarini keng jalb qilish toʻgʻrisida”gi PQ-1475-son qarori .
5. Oʻzbekiston Respublikasi Prezidentining 2014-yil 4-dekabrdagi “Oʻzbekiston Respublikasining 2015-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisida”gi PQ-2270-son qaroriga 36-ilovaning 8-bandi .
6. Oʻzbekiston Respublikasi Prezidentining 2018-yil 20-fevraldagi “Loyihaoldi, loyiha, tender hujjatlari va kontraktlarni ekspertizadan oʻtkazish tartibini takomillashtirish chora-tadbirlari toʻgʻrisida”gi PQ-3550-son qaroriga 5-ilovaning 8-bandi .
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 5-dekabr,
PQ-4544-son
Президента Республики Узбекистан
Постановление
«ДОРОЖНАЯ КАРТА»
ПЕРЕЧЕНЬ
О мерах по дальнейшему совершенствованию системы государственных закупок и широкому привлечению субъектов предпринимательства к процессу государственных закупок
[Извлечение]
В целях обеспечения целевого расходования и повышения эффективности средств корпоративных заказчиков, в том числе хозяйственных обществ и предприятий стратегического значения, за счет обеспечения прозрачности системы государственных закупок и ее дальнейшего совершенствования, широкого привлечения субъектов предпринимательства к процессу государственных закупок:
1. Установить, что начиная с 1 января 2020 года хозяйственные общества и предприятия стратегического значения, утвержденные постановлением Президента Республики Узбекистан от 22 января 2018 года № ПП-3487 «О мерах по поддержке деятельности хозяйственных обществ и предприятий стратегического значения»:
размещают объявление на специальном информационном портале по государственным закупкам перед осуществлением закупок путем отбора наилучших предложений. При этом в объявлении указывается последний срок не менее десяти дней приема закупочной комиссией предложений и информация, предусмотренная в статье 52 Закона Республики Узбекистан «О государственных закупках»;
размещают на специальном информационном портале по государственным закупкам для общественного обсуждения на срок два рабочих дня протокол закупочной комиссии по отбору наилучших предложений в день его оформления;
вносят в реестр договоров, заключенных с государственными заказчиками, информацию о договорах, заключенных в рамках государственных закупок, не позднее трех рабочих дней со дня их заключения в установленном порядке;
вправе осуществлять закупки путем электронного магазина и аукциона на понижение стартовой цены в соответствии с критериями, установленными законом.
2. Утвердить «Дорожную карту» по переводу в электронную форму процедур осуществления государственных закупок путем конкурсных и тендерных торгов с использованием информационно-коммуникационных технологий согласно приложению № 1 .
4. Установить порядок, в соответствии с которым начиная с 1 января 2020 года государственным заказчикам предоставляется право осуществлять государственные закупки в разрезе регионов (Республики Каракалпакстан, областей и города Ташкента) среди отечественных производителей (исполнителей работ, поставщиков услуг) с использованием дополнительной страницы электронного магазина. При этом в случае незаключения договора по итогам закупочной процедуры на дополнительной странице электронного магазина по причине отсутствия товара (работ, услуг), государственный заказчик не вправе заключать прямые договора с самостоятельно отобранным поставщиком без использования основной страницы электронного магазина.
5. Министерству финансов Республики Узбекистан совместно с акционерным обществом «Узбекская республиканская товарно-сырьевая биржа» в месячный срок обеспечить создание на торговой площадке электронного магазина специального информационного портала по государственным закупкам дополнительной страницы, предоставляющей возможность государственным заказчикам осуществлять государственные закупки в разрезе регионов (Республики Каракалпакстан, областей и города Ташкента) среди отечественных производителей (исполнителей работ, поставщиков услуг).
6. Министерству финансов Республики Узбекистан организовать, начиная с 1 января 2020 года, на базе Учебного центра по подготовке и переподготовке работников финансовых органов и финансово-учетных подразделений бюджетных организаций специальные курсы по государственным закупкам для работников государственных органов и других организаций с широким привлечением к учебному процессу ведущих специалистов данной сферы.
7. Внедрить начиная с 1 апреля 2020 года механизм казначейского исполнения путем открытия казначейских лицевых счетов в Казначействе Министерства финансов Республики Узбекистан по отношению к средствам бюджетных организаций в иностранной валюте.
8. Внести изменения и дополнения в некоторые решения Президента Республики Узбекистан согласно приложению № 2 .
9. Признать утратившими силу некоторые решения Президента Республики Узбекистан согласно приложению № 3 .
10. Министерству финансов Республики Узбекистан совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова и советника Президента Республики Узбекистан Р.А. Гулямова.
ПРИЛОЖЕНИЕ № 1 к постановлению Президента Республики Узбекистан от 5 декабря 2019 года № ПП-4544
по переводу в электронную форму процедур осуществления государственных закупок путем конкурсных и тендерных торгов с использованием информационно-коммуникационных технологий
№ Наименования мероприятий Механизм реализации Сроки исполнения Исполнители 1. Разработка технического задания. Разработка и утверждение технического задания по организации тендерных (конкурсных) торгов в электронном виде. Январь 2020 года Министерство финансов ( О. Исаков ), заинтересованные министерства и ведомства 2. Внесение изменений и дополнений в специальный информационный портал по государственным закупкам и соответствующие информационные системы. Внесение изменений и дополнений в специальный информационный портал по государственным закупкам и соответствующие информационные системы на основе утвержденного технического задания. Февраль 2020 года 3. Внесение изменений и дополнений в нормативно-правовые акты. Внесение соответствующих изменений и дополнений, предусматривающих порядок проведения тендерных (конкурсных) торгов в электронном виде, в Положение о порядке организации и проведения закупочных процедур (рег. № 3016 от 26 мая 2018 года) и Положение о деятельности оператора специального информационного портала в отношении организации и проведения государственных закупок (рег. №3015 от 21 мая 2018 года). Январь 2020 года Министерство финансов ( Д. Кучкаров ), Министерство юстиции ( Р. Давлетов ) 4. Тестирование системы. Тестирование внедренных механизмов по тендерным (конкурсным) торгам. Март 2020 года Министерство финансов ( О. Исаков ), заинтересованные министерства и ведомства 5. Организация учебных семинаров по участию государственных заказчиков и участников в тендерных и конкурсных торгах. Разработка и утверждение план а -графика по проведению учебных семинаров с выездом на места. 6. Внедрение в практику системы проведения тендерных (конкурсных) торгов в электронном виде. Поэтапное внедрение системы проведения тендерных (конкурсных) торгов по отраслям экономики и регионам. Апрель 2020 года ( согласно графику ) Министерство финансов ( О. Исаков ), заинтересованные министерства и ведомства
ПРИЛОЖЕНИЕ № 2 к постановлению Президента Республики Узбекистан от 5 декабря 2019 года № ПП-4544
Изменения и дополнения, вносимые в некоторые решения Президента Республики Узбекистан
1. В постановлении Президента Республики Узбекистан от 28 февраля 2007 года № ПП-594 «О мерах по дальнейшему развитию системы казначейского исполнения Государственного бюджета»:
а) в пункте 2 :
в абзаце шестом слова «бюджетных средств» заменить словами «средств бюджетов бюджетной системы»;
из абзаца одиннадцатого слова «и выполнения квот, выделяемых для отечественных субъектов малого предпринимательства» исключить;
дополнить абзацами следующего содержания:
«обеспечение ведения учета и целевого использования доходов и расходов бюджетных организаций в иностранной валюте;
возврат долгов (кредитов) международным финансовым институтам и зарубежным правительственным финансовым организациям, привлеченным за счет валютных средств, а также оплата членских взносов международным финансовым институтам и организациям, платежи которых осуществляются Министерством финансов на основании постановлений Кабинета Министров Республики Узбекистан;
управление валютными средствами, размещение средств в иностранной валюте на депозиты и выделение бюджетных ссуд и субсидий»;
б) в пункте 4 :
в абзаце втором текста на узбекском языке слова «вазирлигининг ғазначилик» заменить словами «вазирлиги Ғазначилиги»;
абзац третий исключить;
абзац четвертый считать абзацем третьим;
в) в пункте 6 :
в абзаце втором слова «бюджетных организаций» и «Государственного бюджета» заменить соответственно словами «за счет средств бюджетов бюджетной системы» и «бюджетов бюджетной системы»;
в абзаце третьем слова «получателей бюджетных средств, заключаемых на поставку товаров (работ, услуг) за счет бюджетных средств» заменить словами «за счет средств бюджетов бюджетной системы»;
г) в пункте 9 слова «Х. Сулеймановой» заменить словами «Истиклол».
2. В постановлении Президента Республики Узбекистан от 30 сентября 2015 года № ПП-2414 «О мерах по организации деятельности Научно-образовательного центра корпоративного управления» из абзацев четвертого, седьмого — девятого и одиннадцатого пункта 1, а также из абзаца четвертого пункта 3 слова «и государственных закупок» исключить.
4. В постановлении Президента Республики Узбекистан от 12 мая 2018 года № ПП-3720 «О мерах по совершенствованию системы управления государственными активами»:
а) из абзацев третьего — шестого пункта 10, а также из пункта 13 слова «и государственных закупок» исключить;
б) из абзаца третьего пункта 11 слова «и государственным закупкам» исключить.
5. В постановлении Президента Республики Узбекистан от 5 сентября 2018 года № ПП-3930 «О дополнительных мерах по совершенствованию системы подготовки, переподготовки и повышения квалификации кадров в области корпоративного, проектного управления и государственных закупок»:
а) из названия и предисловия слова «и государственных закупок» исключить;
б) из абзаца второго пункта 6 слова «и закупочной» исключить.
ПРИЛОЖЕНИЕ № 3 к постановлению Президента Республики Узбекистан от 5 декабря 2019 года № ПП-4544
некоторых решений Президента Республики Узбекистан, признаваемых утратившими силу
1. Пункт 7 приложения № 31 к постановлению Президента Республики Узбекистан от 12 декабря 2007 года № ПП-744 «О прогнозе основных макроэкономических показателей и параметрах Государственного бюджета Республики Узбекистан на 2008 год».
2. Пункт 11 приложения № 31 к постановлению Президента Республики Узбекистан от 29 декабря 2008 года № ПП-1024 «О прогнозе основных макроэкономических показателей и параметрах Государственного бюджета Республики Узбекистан на 2009 год».
3. Пункт 13 приложения № 31 к постановлению Президента Республики Узбекистан от 22 декабря 2009 года № ПП-1245 «О прогнозе основных макроэкономических показателей и параметрах Государственного бюджета Республики Узбекистан на 2010 год».
4. Постановление Президента Республики Узбекистан от 7 февраля 2011 года № ПП-1475 «Об оптимизации системы государственных закупок и расширении привлечения к ним субъектов малого бизнеса».
5. Пункт 8 приложения № 36 к постановлению Президента Республики Узбекистан от 4 декабря 2014 года № ПП-2270 «О прогнозе основных макроэкономических показателей и параметрах Государственного бюджета Республики Узбекистан на 2015 год».
6. Пункт 8 приложения № 5 к постановлению Президента Республики Узбекистан от 20 февраля 2018 года № ПП-3550 «О мерах по совершенствованию порядка проведения экспертизы предпроектной, проектной, тендерной документации и контрактов».
Президент Республики Узбекистан Ш. МИРЗИЁЕВ
г. Ташкент,
5 декабря 2019 г.,
№ ПП-4544