📅 2019-yil 9-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 9 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 9 декабря 2019 г. · Указы Президента
Официальный текст. Официальный документ. Редакционные примечания не включены.
📅 9 December 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси йўл хўжалиги тизимини чуқур ислоҳ қилиш чора-тадбирлари тўғрисида
Республиканинг географик жойлашувини ҳисобга олган ҳолда замонавий автомобиль йўллари тармоғини ривожлантириш мамлакатимиз иқтисодиётининг рақобатбардошлигини оширишда, республика транспорт салоҳиятини ривожлантиришда ва экспорт имкониятларини кенгайтиришда биринчи даражали вазифа ҳисобланади.
Ўтган йиллар давомида халқаро стандартларга мувофиқ йўл-транспорт инфратузилмасини яхшилаш, замонавий автомобиль йўлларини қуриш, йўл ҳаракати қулайлиги ва хавфсизлигини оширишга қаратилган қатор чора-тадбирлар амалга оширилди.
Автомобиль йўлларини қуриш ва таъмирлаш бўйича ишларни молиялаштириш сезиларли даражада кўпайтирилди, бу эса охирги йилларда бажариладиган йўл-қурилиш ва таъмирлаш ишлари ҳажмларини деярли уч баравар ошириш имконини берди.
Жаҳон банки, Европа тикланиш ва тараққиёт банки, Осиё тараққиёт банки, Ислом тараққиёт банки, Саудия тараққиёт жамғармаси ва Қувайт араб иқтисодий тараққиёт жамғармаси каби халқаро молия институтлари билан биргаликда йўл қурилиши соҳасида лойиҳалар муваффақиятли амалга оширилмоқда.
Хусусан, Европа тикланиш ва тараққиёт банки ҳамда Жаҳон банки маблағларини жалб қилган ҳолда илғор халқаро стандартларга мувофиқ тезюрар пулли автомобиль йўллари қуриш бўйича лойиҳаларни тайёрлашга киришилди.
Шу билан бирга, республика йўл хўжалигини давлат томонидан бошқариш тизимида рақобат муҳитини шакллантириш ва тармоққа инвестициялар жалб этилишига тўсқинлик қилаётган қатор муаммолар ва камчиликлар мавжуд.
Жумладан, йўл тармоғига инвестицияларни, шу жумладан давлат-хусусий шериклик шартлари асосида жалб қилиш бўйича узоқ муддатли стратегиянинг йўқлиги харажатларнинг асосий молиявий юкини Давлат бюджетига юклаган ҳолда ишларни молиялаштиришнинг муқобил манбаларидан фойдаланиш имконини бермаяпти.
Бундан ташқари, Ўзбекистон Республикаси Транспорт вазирлиги ҳузуридаги Автомобиль йўллари қўмитаси (кейинги ўринларда — Қўмита) томонидан назорат ва хўжалик функцияларининг, шу жумладан буюртмачи ва пудратчи ваколатларининг бирга олиб борилиши бошқарувнинг самарали тизимини яратиш ва йўл-қурилиш ишлари бозорида соғлом рақобат муҳитини шакллантириш имконини бермаяпти.
Йўл хўжалигини бошқаришнинг замонавий тизимини яратиш, назорат ва хўжалик функцияларини аниқ чегаралаш, монополиядан чиқариш, хусусий сектор корхоналарини жалб қилиш ва инвестицион жозибадорликни ошириш ҳисобига соғлом рақобат муҳитини шакллантириш, йўл қурилишига инновацияларни кенг жорий этиш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси вазифаларига мувофиқ:
1. Транспорт вазирлиги Иқтисодиёт ва саноат вазирлиги, Молия вазирлиги, Инвестициялар ва ташқи савдо вазирлиги билан биргаликда етакчи хорижий экспертлар ва маслаҳатчиларни жалб қилган ҳолда 2020 йил 1 сентябрга қадар Ўзбекистон Республикаси Вазирлар Маҳкамасига қуйидагиларни назарда тутувчи 2030 йилгача автомобиль йўлларини ривожлантириш стратегиясини киритсин:
халқаро аҳамиятга молик замонавий автомобиль йўллари тармоғини ва тезюрар автомагистралларни ривожлантириш, шунингдек, уларни халқаро транспорт йўлакларига интеграциялаш орқали республиканинг транзит ва логистика салоҳиятини ошириш;
инвестициялар, халқаро молия институтлари маблағларини жалб қилиш, шунингдек, давлат-хусусий шериклик шартлари асосида лойиҳаларни амалга ошириш орқали бюджетга тушадиган юкни босқичма-босқич камайтириш;
автомобиль йўлларини эксплуатация қилиш учун харажатларни 2020 йилгача босқичма-босқич камида икки баравар кўпайтириш;
йўл қурилиши соҳасидаги энг устувор лойиҳаларни танлаб олиш ва баҳолашнинг, шунингдек, уларни амалга ошириш самарадорлигини прогнозлашнинг халқаро эътироф этилган методологиясини қўллаш;
автомобиль йўллари ҳолатини мониторинг қилувчи, зарур статистика маълумотларини тўпловчи ва юритувчи, йўл активларини бошқариш бўйича янги технологиялар ва дастурларни жорий этиш;
мавжуд йўл инфратузилмасидан самарали фойдаланиш мақсадида транспорт оқимларини бошқаришнинг замонавий тизимларини қўллаш.
2. Белгилаб қўйилсинки, 2020 йил 1 январдан бошлаб:
автомобиль йўлларини лойиҳалаштириш, қуриш, реконструкция қилиш ва капитал таъмирлаш, шунингдек, йўл-қурилиш ишларини техник назорат қилиш учун янгидан бошланадиган объектлар бўйича шартномалар фақат давлат харидлари тўғрисидаги қонун ҳужжатларига мувофиқ ўтказиладиган танлов (тендер) якунлари бўйича тузилади;
йўл-қурилиш ишлари бўйича консалтинг хизматлари (техник назорат) аутсорсинг шартлари асосида халқаро амалиётга, шу жумладан FIDIC қоидаларига мувофиқ мустақил ташкилотлар томонидан амалга оширилиши мумкин;
Тошкент шаҳри кўчаларини қуриш ва таъмирлаш бўйича буюртмачининг функцияларини синов тарзида Тошкент шаҳар ҳокимлиги амалга оширади.
3. 2020 йил 1 январдан бошлаб қуйидагилар:
умумий фойдаланишдаги автомобиль йўлларини, минтақавий автомобиль йўлларини ва кўприкларни қуриш, реконструкция қилиш ва капитал таъмирлашни лойиҳалаштириш бўйича ташкилотлар фақат «Йўл лойиҳа бюроси» МЧЖ, «Боштранслойиҳа» АЖ ва «Автомобиль йўллари кўприкларини, йўл ўтказгичлар ва бошқа сунъий иншоотларни лойиҳалаш институти» ДУК ҳисобланиши;
автомобиль йўллари кўприкларини, йўл ўтказгичлар ва бошқа сунъий иншоотларни қуриш, реконструкция қилиш ҳамда капитал таъмирлаш бўйича буюртмачи фақат «Автомобиль йўллари кўприкларини, йўл ўтказгичлар ва бошқа сунъий иншоотларни қуриш ҳамда реконструкция қилиш дирекцияси» УК ҳисобланиши;
умумий фойдаланишдаги автомобиль йўлларини, минтақавий автомобиль йўлларини ва кўприкларни қуриш, реконструкция қилиш ҳамда капитал таъмирлаш бўйича пудрат ташкилотлари фақат Қўмитанинг таркибий бўлинмалари ва «Кўприкқурилиш» Трести» УК ҳисобланиши;
нефть битумининг йўлларга мўлжалланган маркаларини реализация қилиш соҳасида фаолият олиб бориш ҳуқуқи учун лицензия олиш талаб этилиши тўғрисидаги талаблар бекор қилинсин.
4. Ўзбекистон Республикаси Транспорт вазирлиги, Молия вазирлиги, Иқтисодиёт ва саноат вазирлиги, Давлат активларини бошқариш агентлиги ва «Ўзбекистон темир йўллари» АЖнинг қуйидагилар тўғрисидаги таклифлари қабул қилинсин:
йўл-қурилиш корхоналарини масъулияти чекланган жамиятлар этиб қайта ташкил этган ҳолда Қўмита таркибидан чиқариш;
«Йўлқурилиш» АЖни ташкил этиш ва унга Қўмита таркибидан чиқариладиган корхоналар устав жамғармаларидаги давлат улушини ўтказиш;
«Ўзбекистон темир йўллари» АЖ «Кўприкқурилиш» Трести» УК корхоналари негизида «Кўприкқурилиш» АЖни ташкил этиш;
умумий фойдаланишдаги автомобиль йўлларида жойлашган «Кўприкқурилиш» Трести» УК ихтиёридаги кўприкларни (йўл ўтказгичларни) Қўмита ихтиёрига, шаҳар ва бошқа аҳоли пунктлари кўчаларидаги, хўжаликлараро қишлоқ автомобиль йўлларидаги кўприкларни (йўл ўтказгичларни) маҳаллий ижроия ҳокимияти органлари ихтиёрига ўтказиш.
5. Белгилаб қўйилсинки, Қўмита автомобиль йўллари соҳасидаги махсус ваколатли орган бўлиб, умумий фойдаланишдаги автомобиль йўлларини лойиҳалаштириш, қуриш, реконструкция қилиш, таъмирлаш ва эксплуатация қилиш бўйича ишларнинг ягона буюртмачиси ҳисобланади.
Қўмита зиммасига «Автомобиль йўллари тўғрисида»ги Ўзбекистон Республикаси Қонунида назарда тутилган вазифалар билан бир қаторда қуйидагилар бўйича чора-тадбирларни амалга ошириш юклансин:
умумий фойдаланишдаги автомобиль йўллари тармоғини тегишли ҳолатда сақлаш ва ривожлантириш, уларнинг ўтказиш қобилиятини ошириш, автомобиль йўллари фойдаланувчиларига кўрсатиладиган хизматлар сифатини яхшилаш, шунингдек, йўл ва йўл бўйи сервиси объектларини ривожлантиришни мувофиқлаштириш;
халқаро молия институтлари ва хорижий ҳукумат молия ташкилотлари иштирокида, шунингдек, донорлар маблағларини жалб қилган ҳолда йўл қурилиши соҳасида лойиҳалар ишлаб чиқиш ва амалга ошириш;
тармоққа инвестицияларни, энг аввало тўғридан-тўғри хорижий инвестицияларни жалб қилиш ва молиялаштиришнинг муқобил манбаларини, шу жумладан умумий фойдаланишдаги автомобиль йўлларини лойиҳалаштириш, қуриш, реконструкция қилиш ва таъмирлаш учун давлат-хусусий шериклик механизмларини жорий этиш орқали излаш;
замонавий менежмент тизимларини, илғор хорижий тажриба ҳамда халқаро стандартларга мувофиқ ишни ташкил этишнинг инновацион шакллари ва усулларини жорий этиш орқали тармоқни бошқаришни такомиллаштириш;
йўл қурилиши, йўл-қурилиш материаллари, буюмлар ва конструкциялар ишлаб чиқариш соҳасини техник тартибга солишда норматив ҳужжатлар ва талабларга риоя этилишини таъминлаш;
умумий фойдаланишдаги автомобиль йўлларининг ажратилган минтақаларида ер участкаларидан оқилона ва самарали фойдаланишни белгиланган тартибда ташкил этиш;
транспорт оқимларини бошқаришнинг замонавий рақамли автоматлаштирилган тизимларини жорий этиш.
Қўмита ўзи муассис бўлган ташкилотларнинг мажбуриятлари бўйича жавоб бермайди.
6. Қуйидагилар маълумот учун қабул қилинсин:
а) умумий фойдаланишдаги автомобиль йўллари Қўмита ихтиёрида, шаҳарлар ва бошқа аҳоли пунктлари кўчалари, хўжаликлараро қишлоқ автомобиль йўллари — маҳаллий ижроия ҳокимияти органлари ихтиёрида, хўжалик автомобиль йўллари тегишли ташкилотлар ва жисмоний шахслар ихтиёрида бўлади;
б) автомобиль йўлларида эксплуатация ишлари қуйидагилар томонидан амалга оширилади:
умумий фойдаланишдаги автомобиль йўлларида — Қўмита томонидан;
шаҳарлар ва бошқа аҳоли пунктлари кўчаларида, хўжаликлараро қишлоқ автомобиль йўлларида — маҳаллий ижроия ҳокимияти органлари томонидан;
ташкилотлар ва жисмоний шахсларга тегишли бўлган хўжалик автомобиль йўлларида — уларнинг ўзи томонидан.
7. Йўл инфратузилмаси сифатини ривожлантириш ва яхшилашда, минтақавий автомобиль йўллари тармоғини ва йўл инфратузилмасини ривожлантиришда маҳаллий давлат ҳокимияти органларининг ҳуқуқлари ҳамда жавобгарлигини янада кенгайтириш мақсадида шундай тартиб жорий этилсинки, унга кўра:
Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари Кенгашлари автомобилга ёнилғи ва газ қуйиш станциялари томонидан автомобиль бензини, дизель ёқилғиси, суюлтирилган ва сиқилган газни охирги истеъмолчиларга реализация қилишда ёқилғи бирлиги учун 25 сўмдан ортиқ бўлмаган миқдорда минтақавий йўлларни ривожлантиришга махсус йиғим жорий этишга ҳақли;
Туманлар (шаҳарлар) халқ депутатлари Кенгашлари транспорт воситаси двигателининг қувватидан келиб чиқиб, автотранспорт воситасига эгалик қилиш учун йиллик йиғим жорий этишга ҳақли.
Белгилансинки, мазкур бандда кўрсатиб ўтилган йиғимлар кенг жамоатчилик муҳокамалари асосида, муайян маъмурий-ҳудудий бирлик аҳолиси даромадлари даражасини ҳисобга олиб ва Ўзбекистон Республикаси Молия вазирлиги билан келишилган ҳолда киритилади.
8. Шундай тартиб жорий этилсинки, унга мувофиқ Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
йўл ҳаракатини тартибга солиш, мавжуд йўл-транспорт инфратузилмасидан оқилона фойдаланиш, шунингдек, йўл ҳаракати иштирокчилари масъулиятини ошириш мақсадида автомобиль йўллари ва кўчалар бўйлаб автомобиль сақлаш жойларидан фойдаланганлик учун тўлов белгилашга ҳақли;
транспорт воситаларини техник кўрикдан ўтказиш учун йиғимнинг базавий ставкалари миқдорларини, шунингдек, йиғимнинг базавий ставкасига транспорт воситаси двигатели қувватидан келиб чиққан ҳолда тоифаланадиган қўшимча коэффициентларни белгилайди.
9. Қуйидагилар:
лойиҳалаш, йўл-қурилиш ишларини, шунингдек, умумий фойдаланишдаги автомобиль йўлларини реконструкция қилиш, капитал ва жорий таъмирлаш ҳамда эксплуатация ишларини молиялаштириш учун йўналтириладиган маблағларни тўплаш мақсадида Ўзбекистон Республикаси Молия вазирлиги ҳузурида Автомобиль йўлларини ривожлантириш мақсадли жамғармаси;
шаҳарлар ва бошқа аҳоли пунктлари кўчаларида, хўжаликлараро қишлоқ автомобиль йўлларида (кейинги ўринларда — минтақавий йўллар) лойиҳалаш, йўл-қурилиш, таъмирлаш ва эксплуатация ишларини молиялаштириш учун йўналтириладиган маблағларни тўплаш мақсадида Қорақалпоғистон Республикаси Молия вазирлиги, вилоятлар ва Тошкент шаҳар ҳокимликлари бош молия бошқармалари ҳузурида автомобиль йўлларини ривожлантириш ҳудудий мақсадли жамғармалари ташкил этилсин.
10. Қуйидагилар жамғармаларни шакллантириш манбалари этиб белгилансин:
а) Ўзбекистон Республикаси Молия вазирлиги ҳузуридаги Автомобиль йўлларини ривожлантириш мақсадли жамғармаси учун:
лойиҳалаш ва йўл-қурилиш ишларини, шунингдек, умумий фойдаланишдаги автомобиль йўлларини реконструкция қилиш ва капитал таъмирлаш бўйича ишларни молиялаштириш учун республика бюджетидан ҳар йили ажратиладиган мақсадли маблағлар;
Ўзбекистон Республикасининг Тикланиш ва тараққиёт жамғармаси маблағлари ҳисобидан 30 йил давомида узиш шарти ва 5 йиллик имтиёзли даври билан ажратиладиган фоизсиз кредитлар шаклида 2020 йилда 50 млн. АҚШ доллари ва 2021 — 2024 йилларда ҳар йили 100 млн. АҚШ доллари;
умумий фойдаланишдаги автомобиль йўлларида жорий таъмирлаш ва эксплуатация ишларини молиялаштириш учун Қорақалпоғистон Республикаси бюджети ҳамда вилоятлар ва Тошкент шаҳрининг маҳаллий бюджетларидан ҳар йили ажратиладиган мақсадли маблағлар;
қонунчиликда тақиқланмаган бошқа манбалар;
б) Қорақалпоғистон Республикаси Молия вазирлиги, вилоятлар ва Тошкент шаҳар ҳокимликлари бош молия бошқармалари ҳузуридаги автомобиль йўлларини ривожлантириш ҳудудий мақсадли жамғармалари учун:
минтақавий йўлларда йўл-қурилиш, таъмирлаш ва эксплуатация ишларини молиялаштириш учун маҳаллий бюджетлардан ҳар йили ажратиладиган мақсадли маблағлар;
минтақавий йўлларни ривожлантириш учун маҳаллий вакиллик ҳокимияти органлари томонидан жорий этиладиган йиғимлар;
автомобиль йўллари ва кўчалари бўйлаб автомобиль сақлаш жойларидан фойдаланганлик учун тўловлар;
транспорт воситаларини техник кўрикдан ўтказиш учун йиғимнинг базавий ставкасига қўшимча коэффициентларни қўллашдан тушадиган маблағлар;
Ўзбекистон Республикаси Молия вазирлиги ҳузуридаги Автомобиль йўлларини ривожлантириш мақсадли жамғармасидан трансфертлар;
қонун ҳужжатларида тақиқланмаган бошқа манбалар.
Белгилансинки, автомобилга эгалик учун йиллик йиғим туман (шаҳарлар)нинг тегишли бюджетларига йўналтирилади ҳамда ушбу туман (шаҳарлар)нинг минтақавий йўлларидаги таъмирлаш ва эксплуатация ишлари учун мақсадли сарфланади.
Умумий фойдаланишдаги йўлларда жорий таъмирлаш ва эксплуатация ишларини молиялаштириш учун Қорақалпоғистон Республикасининг республика бюджети ҳамда вилоятлар ва Тошкент шаҳрининг маҳаллий бюджетларида назарда тутилган маблағларни бошқа мақсадлар учун қайта тақсимлаш тақиқланади.
11. Ўзбекистон Республикаси Транспорт вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда республика автомобиль йўлларининг ягона электрон маълумотлар базасини шакллантириш, шунингдек, уларнинг мансублигини белгилаш ҳамда тегишли органлар ва ташкилотларга бириктириш мақсадида 2020 йил 1 мартга қадар барча автомобиль йўллари, шу жумладан кўприклар тўлиқ хатловдан ўтказилишини таъминласин.
12. Ўзбекистон Республикаси Ер ресурслари, геодезия, картография ва давлат кадастри давлат қўмитаси, Транспорт вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда 2022 йил 1 декабрга қадар автомобиль йўллари, шу жумладан кўприклар давлат кадастри геоахборот тизими яратилишини, хусусан қуйидагиларни таъминласин:
геоахборот тизими мобил иловасини қўллаган ҳолда автомобиль йўллари объектлари жойлашувини аниқлаш;
ерни масофадан туриб зондлаш асосида автомобиль йўлларининг электрон картография асосини яратиш;
республика автомобиль йўлларининг ягона электрон маълумотлар базасидан фойдаланган ҳолда автомобиль йўллари объектларини ҳисобга олиш ва рўйхатдан ўтказиш мақсадида автомобиль йўллари давлат кадастрининг веб геоахборот тизимини шакллантириш;
автомобиль йўллари давлат кадастрининг веб геоахборот тизимини Давлат кадастрлари ягона тизимига интеграция қилиш.
Белгилаб қўйилсинки, ушбу бандда назарда тутилган тадбирлар қуйидаги маблағлар ҳисобидан амалга оширилади:
умумий фойдаланишдаги автомобиль йўллари бўйича — Молия вазирлиги ҳузуридаги Автомобиль йўлларини ривожлантириш мақсадли жамғармаси;
минтақавий йўллар бўйича — Қорақалпоғистон Республикаси Молия вазирлиги, вилоятлар ва Тошкент шаҳар ҳокимликлари бош молия бошқармалари ҳузурида автомобиль йўлларини ривожлантириш ҳудудий мақсадли жамғармалари.
13. Ўзбекистон Республикаси Транспорт вазирлиги, Ички ишлар вазирлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
2020 йил 1 февралга қадар пулли автомобиль сақлаш жойлари қуриш бўйича лойиҳаларни амалга оширувчи инвесторларга имтиёзлар тақдим этишни назарда тутган ҳолда автомобиль йўллари ва кўчалар бўйлаб пулли автомобиль сақлаш жойларини ташкил этиш, шу жумладан пулли автомобиль сақлаш жойлари ташкил этиладиган автомобиль йўллари ва кўчаларни танлаш, шунингдек, автомобиль сақлаш жойларидан фойдаланиш учун тўлов ундириш тартиби тўғрисидаги ҳукумат қарори лойиҳасини киритсин;
2020 йил 1 июлга қадар, шу жумладан давлат-хусусий шериклик шартлари асосида шаҳарларда, вилоятлар ва туманлар марказларида автомобиль йўллари ва кўчалар бўйлаб пулли автомобиль сақлаш жойлари тармоғи ташкил этилишини таъминласин.
14. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2020 йил 1 мартга қадар транспорт воситаларини техник кўрикдан ўтказиш учун йиғимнинг базавий ставкалари миқдорларини, шунингдек, йиғимнинг базавий ставкасига транспорт воситаси двигатели қувватидан келиб чиққан ҳолда тоифаланадиган қўшимча коэффициентларни тасдиқласин.
15. Ўзбекистон Республикаси Вазирлар Маҳкамаси:
а) бир ой муддатда ушбу Фармон талабларига мувофиқ йўл тармоғини бошқариш тизимини янада такомиллаштиришга оид чора-тадбирлар тўғрисидаги Ўзбекистон Республикаси Президенти қарори лойиҳасини киритсин;
б) 2019 йил 31 декабрга қадар Ўзбекистон Республикаси Молия вазирлиги ҳузуридаги Автомобиль йўлларини ривожлантириш мақсадли жамғармаси, Қорақалпоғистон Республикаси Молия вазирлиги, вилоятлар ва Тошкент шаҳар ҳокимликлари бош молия бошқармалари ҳузуридаги автомобиль йўлларини ривожлантириш ҳудудий мақсадли жамғармалари фаолиятини ташкил этиш ҳамда уларнинг маблағларини шакллантириш ва сарфлаш тартибини белгилаш тўғрисидаги ҳукумат қарорини қабул қилсин ва бунда, шунингдек, қуйидагиларни назарда тутсин:
мақсадли жамғармалар маблағлари ҳисобига молиялаштириладиган йўл қурилиши соҳасидаги лойиҳаларни кенг жамоатчилик орасида муҳокама қилиш, шунингдек, мазкур лойиҳаларни амалга ошириш жараёни, шу жумладан лойиҳа ва пудрат ташкилотлари, бажариладиган ишлар қиймати тўғрисидаги ахборотни эълон қилиш;
мақсадли жамғармалар тушумлари ва харажатлари тўғрисидаги маълумотларни мунтазам эълон қилиш;
в) уч ой муддатда йўл қурилиши соҳасидаги энг устувор лойиҳаларни танлаб олиш ва баҳолаш, шунингдек, замонавий стандартларни ҳисобга олган ҳолда автомобиль йўллари ҳолатини мониторинг қилиш тартиби тўғрисидаги низомларни тасдиқласин.
16. Ушбу Фармоннинг ижросини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси Президентининг маслаҳатчиси Р.А. Гулямов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 9 декабрь,
ПФ-5890-сон
Oʻzbekiston Respublikasi Prezidentining
Farmoni
Oʻzbekiston Respublikasi yoʻl xoʻjaligi tizimini chuqur isloh qilish chora-tadbirlari toʻgʻrisida
Respublikaning geografik joylashuvini hisobga olgan holda zamonaviy avtomobil yoʻllari tarmogʻini rivojlantirish mamlakatimiz iqtisodiyotining raqobatbardoshligini oshirishda, respublika transport salohiyatini rivojlantirishda va eksport imkoniyatlarini kengaytirishda birinchi darajali vazifa hisoblanadi.
Oʻtgan yillar davomida xalqaro standartlarga muvofiq yoʻl-transport infratuzilmasini yaxshilash, zamonaviy avtomobil yoʻllarini qurish, yoʻl harakati qulayligi va xavfsizligini oshirishga qaratilgan qator chora-tadbirlar amalga oshirildi.
Avtomobil yoʻllarini qurish va taʼmirlash boʻyicha ishlarni moliyalashtirish sezilarli darajada koʻpaytirildi, bu esa oxirgi yillarda bajariladigan yoʻl-qurilish va taʼmirlash ishlari hajmlarini deyarli uch baravar oshirish imkonini berdi.
Jahon banki, Yevropa tiklanish va taraqqiyot banki, Osiyo taraqqiyot banki, Islom taraqqiyot banki, Saudiya taraqqiyot jamgʻarmasi va Quvayt arab iqtisodiy taraqqiyot jamgʻarmasi kabi xalqaro moliya institutlari bilan birgalikda yoʻl qurilishi sohasida loyihalar muvaffaqiyatli amalga oshirilmoqda.
Xususan, Yevropa tiklanish va taraqqiyot banki hamda Jahon banki mablagʻlarini jalb qilgan holda ilgʻor xalqaro standartlarga muvofiq tezyurar pulli avtomobil yoʻllari qurish boʻyicha loyihalarni tayyorlashga kirishildi.
Shu bilan birga, respublika yoʻl xoʻjaligini davlat tomonidan boshqarish tizimida raqobat muhitini shakllantirish va tarmoqqa investitsiyalar jalb etilishiga toʻsqinlik qilayotgan qator muammolar va kamchiliklar mavjud.
Jumladan, yoʻl tarmogʻiga investitsiyalarni, shu jumladan davlat-xususiy sheriklik shartlari asosida jalb qilish boʻyicha uzoq muddatli strategiyaning yoʻqligi xarajatlarning asosiy moliyaviy yukini Davlat budjetiga yuklagan holda ishlarni moliyalashtirishning muqobil manbalaridan foydalanish imkonini bermayapti.
Bundan tashqari, Oʻzbekiston Respublikasi Transport vazirligi huzuridagi Avtomobil yoʻllari qoʻmitasi (keyingi oʻrinlarda — Qoʻmita) tomonidan nazorat va xoʻjalik funksiyalarining, shu jumladan buyurtmachi va pudratchi vakolatlarining birga olib borilishi boshqaruvning samarali tizimini yaratish va yoʻl-qurilish ishlari bozorida sogʻlom raqobat muhitini shakllantirish imkonini bermayapti.
Yoʻl xoʻjaligini boshqarishning zamonaviy tizimini yaratish, nazorat va xoʻjalik funksiyalarini aniq chegaralash, monopoliyadan chiqarish, xususiy sektor korxonalarini jalb qilish va investitsion jozibadorlikni oshirish hisobiga sogʻlom raqobat muhitini shakllantirish, yoʻl qurilishiga innovatsiyalarni keng joriy etish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi vazifalariga muvofiq:
1. Transport vazirligi Iqtisodiyot va sanoat vazirligi, Moliya vazirligi, Investitsiyalar va tashqi savdo vazirligi bilan birgalikda yetakchi xorijiy ekspertlar va maslahatchilarni jalb qilgan holda 2020-yil 1-sentabrga qadar Oʻzbekiston Respublikasi Vazirlar Mahkamasiga quyidagilarni nazarda tutuvchi 2030-yilgacha avtomobil yoʻllarini rivojlantirish strategiyasini kiritsin:
xalqaro ahamiyatga molik zamonaviy avtomobil yoʻllari tarmogʻini va tezyurar avtomagistrallarni rivojlantirish, shuningdek, ularni xalqaro transport yoʻlaklariga integratsiyalash orqali respublikaning tranzit va logistika salohiyatini oshirish;
investitsiyalar, xalqaro moliya institutlari mablagʻlarini jalb qilish, shuningdek, davlat-xususiy sheriklik shartlari asosida loyihalarni amalga oshirish orqali budjetga tushadigan yukni bosqichma-bosqich kamaytirish;
avtomobil yoʻllarini ekspluatatsiya qilish uchun xarajatlarni 2020-yilgacha bosqichma-bosqich kamida ikki baravar koʻpaytirish;
yoʻl qurilishi sohasidagi eng ustuvor loyihalarni tanlab olish va baholashning, shuningdek, ularni amalga oshirish samaradorligini prognozlashning xalqaro eʼtirof etilgan metodologiyasini qoʻllash;
avtomobil yoʻllari holatini monitoring qiluvchi, zarur statistika maʼlumotlarini toʻplovchi va yurituvchi, yoʻl aktivlarini boshqarish boʻyicha yangi texnologiyalar va dasturlarni joriy etish;
mavjud yoʻl infratuzilmasidan samarali foydalanish maqsadida transport oqimlarini boshqarishning zamonaviy tizimlarini qoʻllash.
2. Belgilab qoʻyilsinki, 2020-yil 1-yanvardan boshlab:
avtomobil yoʻllarini loyihalashtirish, qurish, rekonstruksiya qilish va kapital taʼmirlash, shuningdek, yoʻl-qurilish ishlarini texnik nazorat qilish uchun yangidan boshlanadigan obyektlar boʻyicha shartnomalar faqat davlat xaridlari toʻgʻrisidagi qonun hujjatlariga muvofiq oʻtkaziladigan tanlov (tender) yakunlari boʻyicha tuziladi;
yoʻl-qurilish ishlari boʻyicha konsalting xizmatlari (texnik nazorat) autsorsing shartlari asosida xalqaro amaliyotga, shu jumladan FIDIC qoidalariga muvofiq mustaqil tashkilotlar tomonidan amalga oshirilishi mumkin;
Toshkent shahri koʻchalarini qurish va taʼmirlash boʻyicha buyurtmachining funksiyalarini sinov tarzida Toshkent shahar hokimligi amalga oshiradi.
3. 2020-yil 1-yanvardan boshlab quyidagilar:
umumiy foydalanishdagi avtomobil yoʻllarini, mintaqaviy avtomobil yoʻllarini va koʻpriklarni qurish, rekonstruksiya qilish va kapital taʼmirlashni loyihalashtirish boʻyicha tashkilotlar faqat “Yoʻl loyiha byurosi” MChJ, “Boshtransloyiha” AJ va “Avtomobil yoʻllari koʻpriklarini, yoʻl oʻtkazgichlar va boshqa sunʼiy inshootlarni loyihalash instituti” DUK hisoblanishi;
avtomobil yoʻllari koʻpriklarini, yoʻl oʻtkazgichlar va boshqa sunʼiy inshootlarni qurish, rekonstruksiya qilish hamda kapital taʼmirlash boʻyicha buyurtmachi faqat “Avtomobil yoʻllari koʻpriklarini, yoʻl oʻtkazgichlar va boshqa sunʼiy inshootlarni qurish hamda rekonstruksiya qilish direksiyasi” UK hisoblanishi;
umumiy foydalanishdagi avtomobil yoʻllarini, mintaqaviy avtomobil yoʻllarini va koʻpriklarni qurish, rekonstruksiya qilish hamda kapital taʼmirlash boʻyicha pudrat tashkilotlari faqat Qoʻmitaning tarkibiy boʻlinmalari va “Koʻprikqurilish” Tresti” UK hisoblanishi;
neft bitumining yoʻllarga moʻljallangan markalarini realizatsiya qilish sohasida faoliyat olib borish huquqi uchun litsenziya olish talab etilishi toʻgʻrisidagi talablar bekor qilinsin.
4. Oʻzbekiston Respublikasi Transport vazirligi, Moliya vazirligi, Iqtisodiyot va sanoat vazirligi, Davlat aktivlarini boshqarish agentligi va “Oʻzbekiston temir yoʻllari” AJning quyidagilar toʻgʻrisidagi takliflari qabul qilinsin:
yoʻl-qurilish korxonalarini masʼuliyati cheklangan jamiyatlar etib qayta tashkil etgan holda Qoʻmita tarkibidan chiqarish;
“Yoʻlqurilish” AJni tashkil etish va unga Qoʻmita tarkibidan chiqariladigan korxonalar ustav jamgʻarmalaridagi davlat ulushini oʻtkazish;
“Oʻzbekiston temir yoʻllari” AJ “Koʻprikqurilish” Tresti” UK korxonalari negizida “Koʻprikqurilish” AJni tashkil etish;
umumiy foydalanishdagi avtomobil yoʻllarida joylashgan “Koʻprikqurilish” Tresti” UK ixtiyoridagi koʻpriklarni (yoʻl oʻtkazgichlarni) Qoʻmita ixtiyoriga, shahar va boshqa aholi punktlari koʻchalaridagi, xoʻjaliklararo qishloq avtomobil yoʻllaridagi koʻpriklarni (yoʻl oʻtkazgichlarni) mahalliy ijroiya hokimiyati organlari ixtiyoriga oʻtkazish.
5. Belgilab qoʻyilsinki, Qoʻmita avtomobil yoʻllari sohasidagi maxsus vakolatli organ boʻlib, umumiy foydalanishdagi avtomobil yoʻllarini loyihalashtirish, qurish, rekonstruksiya qilish, taʼmirlash va ekspluatatsiya qilish boʻyicha ishlarning yagona buyurtmachisi hisoblanadi.
Qoʻmita zimmasiga “Avtomobil yoʻllari toʻgʻrisida”gi Oʻzbekiston Respublikasi Qonunida nazarda tutilgan vazifalar bilan bir qatorda quyidagilar boʻyicha chora-tadbirlarni amalga oshirish yuklansin:
umumiy foydalanishdagi avtomobil yoʻllari tarmogʻini tegishli holatda saqlash va rivojlantirish, ularning oʻtkazish qobiliyatini oshirish, avtomobil yoʻllari foydalanuvchilariga koʻrsatiladigan xizmatlar sifatini yaxshilash, shuningdek, yoʻl va yoʻl boʻyi servisi obyektlarini rivojlantirishni muvofiqlashtirish;
xalqaro moliya institutlari va xorijiy hukumat moliya tashkilotlari ishtirokida, shuningdek, donorlar mablagʻlarini jalb qilgan holda yoʻl qurilishi sohasida loyihalar ishlab chiqish va amalga oshirish;
tarmoqqa investitsiyalarni, eng avvalo toʻgʻridan-toʻgʻri xorijiy investitsiyalarni jalb qilish va moliyalashtirishning muqobil manbalarini, shu jumladan umumiy foydalanishdagi avtomobil yoʻllarini loyihalashtirish, qurish, rekonstruksiya qilish va taʼmirlash uchun davlat-xususiy sheriklik mexanizmlarini joriy etish orqali izlash;
zamonaviy menejment tizimlarini, ilgʻor xorijiy tajriba hamda xalqaro standartlarga muvofiq ishni tashkil etishning innovatsion shakllari va usullarini joriy etish orqali tarmoqni boshqarishni takomillashtirish;
yoʻl qurilishi, yoʻl-qurilish materiallari, buyumlar va konstruksiyalar ishlab chiqarish sohasini texnik tartibga solishda normativ hujjatlar va talablarga rioya etilishini taʼminlash;
umumiy foydalanishdagi avtomobil yoʻllarining ajratilgan mintaqalarida yer uchastkalaridan oqilona va samarali foydalanishni belgilangan tartibda tashkil etish;
transport oqimlarini boshqarishning zamonaviy raqamli avtomatlashtirilgan tizimlarini joriy etish.
Qoʻmita oʻzi muassis boʻlgan tashkilotlarning majburiyatlari boʻyicha javob bermaydi.
6. Quyidagilar maʼlumot uchun qabul qilinsin:
a) umumiy foydalanishdagi avtomobil yoʻllari Qoʻmita ixtiyorida, shaharlar va boshqa aholi punktlari koʻchalari, xoʻjaliklararo qishloq avtomobil yoʻllari — mahalliy ijroiya hokimiyati organlari ixtiyorida, xoʻjalik avtomobil yoʻllari tegishli tashkilotlar va jismoniy shaxslar ixtiyorida boʻladi;
b) avtomobil yoʻllarida ekspluatatsiya ishlari quyidagilar tomonidan amalga oshiriladi:
umumiy foydalanishdagi avtomobil yoʻllarida — Qoʻmita tomonidan;
shaharlar va boshqa aholi punktlari koʻchalarida, xoʻjaliklararo qishloq avtomobil yoʻllarida — mahalliy ijroiya hokimiyati organlari tomonidan;
tashkilotlar va jismoniy shaxslarga tegishli boʻlgan xoʻjalik avtomobil yoʻllarida — ularning oʻzi tomonidan.
7. Yoʻl infratuzilmasi sifatini rivojlantirish va yaxshilashda, mintaqaviy avtomobil yoʻllari tarmogʻini va yoʻl infratuzilmasini rivojlantirishda mahalliy davlat hokimiyati organlarining huquqlari hamda javobgarligini yanada kengaytirish maqsadida shunday tartib joriy etilsinki, unga koʻra:
Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari Kengashlari avtomobilga yonilgʻi va gaz quyish stansiyalari tomonidan avtomobil benzini, dizel yoqilgʻisi, suyultirilgan va siqilgan gazni oxirgi isteʼmolchilarga realizatsiya qilishda yoqilgʻi birligi uchun 25 soʻmdan ortiq boʻlmagan miqdorda mintaqaviy yoʻllarni rivojlantirishga maxsus yigʻim joriy etishga haqli;
Tumanlar (shaharlar) xalq deputatlari Kengashlari transport vositasi dvigatelining quvvatidan kelib chiqib, avtotransport vositasiga egalik qilish uchun yillik yigʻim joriy etishga haqli.
Belgilansinki, mazkur bandda koʻrsatib oʻtilgan yigʻimlar keng jamoatchilik muhokamalari asosida, muayyan maʼmuriy-hududiy birlik aholisi daromadlari darajasini hisobga olib va Oʻzbekiston Respublikasi Moliya vazirligi bilan kelishilgan holda kiritiladi.
8. Shunday tartib joriy etilsinki, unga muvofiq Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
yoʻl harakatini tartibga solish, mavjud yoʻl-transport infratuzilmasidan oqilona foydalanish, shuningdek, yoʻl harakati ishtirokchilari masʼuliyatini oshirish maqsadida avtomobil yoʻllari va koʻchalar boʻylab avtomobil saqlash joylaridan foydalanganlik uchun toʻlov belgilashga haqli;
transport vositalarini texnik koʻrikdan oʻtkazish uchun yigʻimning bazaviy stavkalari miqdorlarini, shuningdek, yigʻimning bazaviy stavkasiga transport vositasi dvigateli quvvatidan kelib chiqqan holda toifalanadigan qoʻshimcha koeffitsiyentlarni belgilaydi.
9. Quyidagilar:
loyihalash, yoʻl-qurilish ishlarini, shuningdek, umumiy foydalanishdagi avtomobil yoʻllarini rekonstruksiya qilish, kapital va joriy taʼmirlash hamda ekspluatatsiya ishlarini moliyalashtirish uchun yoʻnaltiriladigan mablagʻlarni toʻplash maqsadida Oʻzbekiston Respublikasi Moliya vazirligi huzurida Avtomobil yoʻllarini rivojlantirish maqsadli jamgʻarmasi;
shaharlar va boshqa aholi punktlari koʻchalarida, xoʻjaliklararo qishloq avtomobil yoʻllarida (keyingi oʻrinlarda — mintaqaviy yoʻllar) loyihalash, yoʻl-qurilish, taʼmirlash va ekspluatatsiya ishlarini moliyalashtirish uchun yoʻnaltiriladigan mablagʻlarni toʻplash maqsadida Qoraqalpogʻiston Respublikasi Moliya vazirligi, viloyatlar va Toshkent shahar hokimliklari bosh moliya boshqarmalari huzurida avtomobil yoʻllarini rivojlantirish hududiy maqsadli jamgʻarmalari tashkil etilsin.
10. Quyidagilar jamgʻarmalarni shakllantirish manbalari etib belgilansin:
a) Oʻzbekiston Respublikasi Moliya vazirligi huzuridagi Avtomobil yoʻllarini rivojlantirish maqsadli jamgʻarmasi uchun:
loyihalash va yoʻl-qurilish ishlarini, shuningdek, umumiy foydalanishdagi avtomobil yoʻllarini rekonstruksiya qilish va kapital taʼmirlash boʻyicha ishlarni moliyalashtirish uchun respublika budjetidan har yili ajratiladigan maqsadli mablagʻlar;
Oʻzbekiston Respublikasining Tiklanish va taraqqiyot jamgʻarmasi mablagʻlari hisobidan 30 yil davomida uzish sharti va 5 yillik imtiyozli davri bilan ajratiladigan foizsiz kreditlar shaklida 2020-yilda 50 mln. AQSh dollari va 2021 — 2024-yillarda har yili 100 mln. AQSh dollari;
umumiy foydalanishdagi avtomobil yoʻllarida joriy taʼmirlash va ekspluatatsiya ishlarini moliyalashtirish uchun Qoraqalpogʻiston Respublikasi budjeti hamda viloyatlar va Toshkent shahrining mahalliy budjetlaridan har yili ajratiladigan maqsadli mablagʻlar;
qonunchilikda taqiqlanmagan boshqa manbalar;
b) Qoraqalpogʻiston Respublikasi Moliya vazirligi, viloyatlar va Toshkent shahar hokimliklari bosh moliya boshqarmalari huzuridagi avtomobil yoʻllarini rivojlantirish hududiy maqsadli jamgʻarmalari uchun:
mintaqaviy yoʻllarda yoʻl-qurilish, taʼmirlash va ekspluatatsiya ishlarini moliyalashtirish uchun mahalliy budjetlardan har yili ajratiladigan maqsadli mablagʻlar;
mintaqaviy yoʻllarni rivojlantirish uchun mahalliy vakillik hokimiyati organlari tomonidan joriy etiladigan yigʻimlar;
avtomobil yoʻllari va koʻchalari boʻylab avtomobil saqlash joylaridan foydalanganlik uchun toʻlovlar;
transport vositalarini texnik koʻrikdan oʻtkazish uchun yigʻimning bazaviy stavkasiga qoʻshimcha koeffitsiyentlarni qoʻllashdan tushadigan mablagʻlar;
Oʻzbekiston Respublikasi Moliya vazirligi huzuridagi Avtomobil yoʻllarini rivojlantirish maqsadli jamgʻarmasidan transfertlar;
qonun hujjatlarida taqiqlanmagan boshqa manbalar.
Belgilansinki, avtomobilga egalik uchun yillik yigʻim tuman (shaharlar)ning tegishli budjetlariga yoʻnaltiriladi hamda ushbu tuman (shaharlar)ning mintaqaviy yoʻllaridagi taʼmirlash va ekspluatatsiya ishlari uchun maqsadli sarflanadi.
Umumiy foydalanishdagi yoʻllarda joriy taʼmirlash va ekspluatatsiya ishlarini moliyalashtirish uchun Qoraqalpogʻiston Respublikasining respublika budjeti hamda viloyatlar va Toshkent shahrining mahalliy budjetlarida nazarda tutilgan mablagʻlarni boshqa maqsadlar uchun qayta taqsimlash taqiqlanadi.
11. Oʻzbekiston Respublikasi Transport vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda respublika avtomobil yoʻllarining yagona elektron maʼlumotlar bazasini shakllantirish, shuningdek, ularning mansubligini belgilash hamda tegishli organlar va tashkilotlarga biriktirish maqsadida 2020-yil 1-martga qadar barcha avtomobil yoʻllari, shu jumladan koʻpriklar toʻliq xatlovdan oʻtkazilishini taʼminlasin.
12. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Transport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2022-yil 1-dekabrga qadar avtomobil yoʻllari, shu jumladan koʻpriklar davlat kadastri geoaxborot tizimi yaratilishini, xususan quyidagilarni taʼminlasin:
geoaxborot tizimi mobil ilovasini qoʻllagan holda avtomobil yoʻllari obyektlari joylashuvini aniqlash;
erni masofadan turib zondlash asosida avtomobil yoʻllarining elektron kartografiya asosini yaratish;
respublika avtomobil yoʻllarining yagona elektron maʼlumotlar bazasidan foydalangan holda avtomobil yoʻllari obyektlarini hisobga olish va roʻyxatdan oʻtkazish maqsadida avtomobil yoʻllari davlat kadastrining veb geoaxborot tizimini shakllantirish;
avtomobil yoʻllari davlat kadastrining veb geoaxborot tizimini Davlat kadastrlari yagona tizimiga integratsiya qilish.
Belgilab qoʻyilsinki, ushbu bandda nazarda tutilgan tadbirlar quyidagi mablagʻlar hisobidan amalga oshiriladi:
umumiy foydalanishdagi avtomobil yoʻllari boʻyicha — Moliya vazirligi huzuridagi Avtomobil yoʻllarini rivojlantirish maqsadli jamgʻarmasi;
mintaqaviy yoʻllar boʻyicha — Qoraqalpogʻiston Respublikasi Moliya vazirligi, viloyatlar va Toshkent shahar hokimliklari bosh moliya boshqarmalari huzurida avtomobil yoʻllarini rivojlantirish hududiy maqsadli jamgʻarmalari.
13. Oʻzbekiston Respublikasi Transport vazirligi, Ichki ishlar vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
2020-yil 1-fevralga qadar pulli avtomobil saqlash joylari qurish boʻyicha loyihalarni amalga oshiruvchi investorlarga imtiyozlar taqdim etishni nazarda tutgan holda avtomobil yoʻllari va koʻchalar boʻylab pulli avtomobil saqlash joylarini tashkil etish, shu jumladan pulli avtomobil saqlash joylari tashkil etiladigan avtomobil yoʻllari va koʻchalarni tanlash, shuningdek, avtomobil saqlash joylaridan foydalanish uchun toʻlov undirish tartibi toʻgʻrisidagi hukumat qarori loyihasini kiritsin;
2020-yil 1-iyulga qadar, shu jumladan davlat-xususiy sheriklik shartlari asosida shaharlarda, viloyatlar va tumanlar markazlarida avtomobil yoʻllari va koʻchalar boʻylab pulli avtomobil saqlash joylari tarmogʻi tashkil etilishini taʼminlasin.
14. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2020-yil 1-martga qadar transport vositalarini texnik koʻrikdan oʻtkazish uchun yigʻimning bazaviy stavkalari miqdorlarini, shuningdek, yigʻimning bazaviy stavkasiga transport vositasi dvigateli quvvatidan kelib chiqqan holda toifalanadigan qoʻshimcha koeffitsiyentlarni tasdiqlasin.
15. Oʻzbekiston Respublikasi Vazirlar Mahkamasi:
a) bir oy muddatda ushbu Farmon talablariga muvofiq yoʻl tarmogʻini boshqarish tizimini yanada takomillashtirishga oid chora-tadbirlar toʻgʻrisidagi Oʻzbekiston Respublikasi Prezidenti qarori loyihasini kiritsin;
b) 2019-yil 31-dekabrga qadar Oʻzbekiston Respublikasi Moliya vazirligi huzuridagi Avtomobil yoʻllarini rivojlantirish maqsadli jamgʻarmasi, Qoraqalpogʻiston Respublikasi Moliya vazirligi, viloyatlar va Toshkent shahar hokimliklari bosh moliya boshqarmalari huzuridagi avtomobil yoʻllarini rivojlantirish hududiy maqsadli jamgʻarmalari faoliyatini tashkil etish hamda ularning mablagʻlarini shakllantirish va sarflash tartibini belgilash toʻgʻrisidagi hukumat qarorini qabul qilsin va bunda, shuningdek, quyidagilarni nazarda tutsin:
maqsadli jamgʻarmalar mablagʻlari hisobiga moliyalashtiriladigan yoʻl qurilishi sohasidagi loyihalarni keng jamoatchilik orasida muhokama qilish, shuningdek, mazkur loyihalarni amalga oshirish jarayoni, shu jumladan loyiha va pudrat tashkilotlari, bajariladigan ishlar qiymati toʻgʻrisidagi axborotni eʼlon qilish;
maqsadli jamgʻarmalar tushumlari va xarajatlari toʻgʻrisidagi maʼlumotlarni muntazam eʼlon qilish;
v) uch oy muddatda yoʻl qurilishi sohasidagi eng ustuvor loyihalarni tanlab olish va baholash, shuningdek, zamonaviy standartlarni hisobga olgan holda avtomobil yoʻllari holatini monitoring qilish tartibi toʻgʻrisidagi nizomlarni tasdiqlasin.
16. Ushbu Farmonning ijrosini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi Prezidentining maslahatchisi R.A. Gulyamov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 9-dekabr,
PF-5890-son
Президента Республики Узбекистан
Указ
О мерах по глубокому реформированию системы дорожного хозяйства Республики Узбекистан
Развитие современной сети автомобильных дорог, с учетом географического расположения республики, является первостепенной задачей для повышения конкурентоспособности отечественной экономики, развития транспортного потенциала республики и расширения экспортных возможностей.
За прошедшие годы реализован ряд мер, направленных на улучшение дорожно-транспортной инфраструктуры, строительство современных автомобильных дорог, повышение комфорта и безопасности дорожного движения в соответствии с международными стандартами.
Значительно возросло финансирование работ по строительству и ремонту автомобильных дорог, что позволило за последние годы увеличить объемы выполняемых дорожно-строительных и ремонтных работ почти в три раза.
Успешно реализуются проекты в сфере дорожного строительства совместно с такими международными финансовыми институтами, как Всемирный банк, Европейский банк реконструкции и развития, Азиатский банк развития, Исламский банк развития, Саудовский фонд развития и Кувейтский фонд арабского экономического развития.
В частности, начата подготовка проектов по строительству в соответствии с передовыми международными стандартами скоростных платных автомобильных дорог с привлечением средств Европейского банка реконструкции и развития и Всемирного банка.
Вместе с тем система государственного управления дорожным хозяйством республики имеет ряд проблем и недостатков, сдерживающих формирование конкурентной среды и привлечение инвестиций в отрасль.
В частности, отсутствие долгосрочной стратегии привлечения инвестиций в дорожную отрасль, в том числе на условиях государственно-частного партнерства, не позволяет использовать альтернативные источники финансирования работ, возлагая основное финансовое бремя расходов на Государственный бюджет.
Кроме того, совмещение Комитетом по автомобильным дорогам при Министерстве транспорта Республики Узбекистан (далее — Комитет) регулятивных и хозяйственных функций, в том числе полномочий заказчика и подрядчика, не позволяет создать эффективную систему управления и сформировать здоровую конкурентную среду на рынке дорожно-строительных работ.
В целях создания современной системы управления дорожным хозяйством, четкого разграничения регулятивных и хозяйственных функций, формирования здоровой конкурентной среды за счет демонополизации, привлечения предприятий частного сектора и повышения инвестиционной привлекательности, широкого внедрения инноваций в дорожное строительство, а также в соответствии с задачами Стратегии действий по пяти приоритетным направлениям развития Республики Узбекистан в 2017 — 2021 годах:
1. Министерству транспорта совместно с Министерством экономики и промышленности, Министерством финансов, Министерством инвестиций и внешней торговли с привлечением ведущих зарубежных экспертов и консультантов в срок до 1 сентября 2020 года внести в Кабинет Министров Республики Узбекистан Стратегию развития автомобильных дорог до 2030 года, в том числе предусматривающую:
повышение транзитного и логистического потенциала республики посредством развития сети современных автомобильных дорог международного значения и скоростных автомагистралей, а также их интеграции в международные транспортные коридоры;
последовательное снижение нагрузки на бюджет путем привлечения инвестиций, средств международных финансовых институтов, а также реализации проектов на условиях государственно-частного партнерства;
поэтапное увеличение к 2022 году расходов на эксплуатацию автомобильных дорог не менее чем в два раза;
применение международно-признанной методологии отбора и оценки наиболее приоритетных проектов в сфере дорожного строительства, а также прогнозирования эффективности их реализации;
внедрение новых технологий и программ по управлению дорожными активами, осуществляющих мониторинг состояния автомобильных дорог, сбор и ведение необходимых статистических данных;
применение современных систем управления транспортными потоками с целью эффективного использования имеющейся дорожной инфраструктуры.
2. Установить, что с 1 января 2020 года:
договора по вновь начинаемым объектам на проектирование, строительство, реконструкцию и капитальный ремонт автомобильных дорог, а также осуществление технического надзора в отношении дорожно-строительных работ заключаются исключительно по итогам конкурса (тендера), проводимого в соответствии с законодательством о государственных закупках;
консалтинговые услуги (технический надзор) в отношении дорожно-строительных работ могут осуществляться независимыми организациями на условиях аутсорсинга в соответствии с международной практикой, включая положения FIDIC;
функции заказчика по строительству и ремонту городских улиц г. Ташкента осуществляет, в порядке эксперимента, хокимият г. Ташкента.
3. Отменить с 1 января 2020 года требования, согласно которым:
организациями по проектированию строительства, реконструкции и капитального ремонта автомобильных дорог общего пользования, региональных автомобильных дорог и мостов являются только ООО «Йул лойиха бюроси», АО «Боштранслойиха» и ГУП «Институт по проектированию автодорожных мостов, путепроводов и других искусственных сооружений»;
заказчиком по строительству, реконструкции и капитальному ремонту автодорожных мостов, путепроводов и других искусственных сооружений является УП «Дирекция по строительству и реконструкции автодорожных мостов, путепроводов и других искусственных сооружений»;
подрядными организациями по строительству, реконструкции и капитальному ремонту автомобильных дорог общего пользования и региональных автомобильных дорог и мостов являются только структурные подразделения Комитета и УП «Трест «Куприккурилиш»;
требуется получение лицензии на право осуществления деятельности в сфере реализации нефтебитума дорожных марок.
4. Принять предложение Министерства транспорта Республики Узбекистан, Министерства финансов, Министерства экономики и промышленности, Агентства по управлению государственными активами и АО «Узбекистон темир йуллари» о:
выведении из состава Комитета дорожно-строительных предприятий с преобразованием их в общества с ограниченной ответственностью;
образовании АО «Йулкурилиш» с передачей ему государственной доли в уставных фондах предприятий, выводимых из состава Комитета;
образовании АО «Куприккурилиш» на базе предприятий УП «Трест «Куприккурилиш» АО «Узбекистон темир йуллари»;
передаче мостов (путепроводов), находящихся в ведении УП «Трест «Куприккурилиш», на автомобильных дорогах общего пользования в ведение Комитета, на улицах городов и иных населенных пунктов, межхозяйственных сельских автомобильных дорогах — органов исполнительной власти на местах.
5. Установить, что Комитет является специально уполномоченным органом в области автомобильных дорог, выступающим единым заказчиком работ по проектированию, строительству, реконструкции, ремонту и эксплуатации автомобильных дорог общего пользования.
Возложить на Комитет, наряду с задачами, предусмотренными Законом Республики Узбекистан «Об автомобильных дорогах», реализацию мер по:
поддержанию в надлежащем состоянии и развитию сети автомобильных дорог республики общего пользования, увеличению их пропускной способности, повышению качества услуг, оказываемых пользователям автомобильных дорог, а также координации развития объектов дорожного и придорожного сервиса;
проработке и реализации проектов в сфере дорожного строительства с участием международных финансовых институтов и иностранных правительственных финансовых организаций, а также с привлечением средств доноров;
привлечению инвестиций, прежде всего прямых иностранных, в отрасль и поиску альтернативных источников финансирования, в том числе посредством внедрения механизмов государственно-частного партнерства для проектирования, строительства, реконструкции и ремонта автомобильных дорог общего пользования;
совершенствованию управления отраслью путем внедрения современных систем менеджмента, инновационных форм и методов организации работы в соответствии с передовым зарубежным опытом и международными стандартами;
обеспечению соблюдения нормативных документов и требований в области технического регулирования в сфере дорожного строительства, производства дорожно-строительных материалов, изделий и конструкций;
организации в установленном порядке рационального и эффективного использования земельных участков в полосах отвода автомобильных дорог общего пользования;
внедрению современных цифровых автоматизированных систем управления транспортными потоками.
Комитет не несет ответственности по обязательствам организаций, учредителем которых он является.
6. Принять к сведению, что:
а) автомобильные дороги общего пользования находятся в ведении Комитета, улицы городов и иных населенных пунктов, межхозяйственные сельские автомобильные дороги — органов исполнительной власти на местах, хозяйственные автомобильные дороги — соответствующих организаций и физических лиц;
б) эксплуатационные работы на автомобильных дорогах осуществляются:
Комитетом — на автомобильных дорогах общего пользования;
органами исполнительной власти на местах — на улицах городов и иных населенных пунктов, межхозяйственных сельских автомобильных дорогах;
организациями и физическими лицами — на принадлежащих им хозяйственных автомобильных дорогах.
7. В целях дальнейшего расширения прав и усиления ответственности органов государственной власти на местах в развитии и улучшении качества дорожной инфраструктуры, развитии сети региональных автомобильных дорог и дорожной инфраструктуры ввести порядок, в соответствии с которым:
Жокаргы Кенес Республики Каракалпакстан, Кенгаши народных депутатов областей и города Ташкента вправе вводить специальный сбор в размере не более 25 сумов за единицу топлива на развитие региональных дорог, взимаемый при реализации автозаправочными и газозаправочными станциями автомобильного бензина, дизельного топлива, сжиженного и сжатого газа конечным потребителям;
Кенгаши народных депутатов районов (городов) вправе вводить ежегодный сбор за владение автотранспортным средством исходя из мощности двигателя транспортного средства.
Определить, что сборы, указанные в настоящем пункте, вводятся на основе широкого общественного обсуждения с учетом уровня доходов населения конкретной административно-территориальной единицы и по согласованию с Министерством финансов Республики Узбекистан.
8. Внедрить порядок, согласно которому Совет Министров Республики Каракалпакстан, хокимияты областей и города Ташкента:
вправе устанавливать плату за пользование парковочными местами вдоль автомобильных дорог и улиц с целью упорядочения дорожного движения, рационального использования имеющейся дорожно-транспортной инфраструктуры, а также повышения ответственности участников дорожного движения;
определяют размеры базовых ставок сбора за проведение технического осмотра транспортных средств, а также дополнительных коэффициентов к базовой ставке сбора, дифференцируемых исходя из мощности двигателя транспортного средства.
9. Создать при:
Министерстве финансов Республики Узбекистан Целевой фонд развития автомобильных дорог с целью аккумулирования в нем средств, направляемых на финансирование проектных, дорожно-строительных работ, работ по реконструкции, капитальному и текущему ремонту, а также эксплуатационных работ на автомобильных дорогах общего пользования;
Министерстве финансов Республики Каракалпакстан, главных финансовых управлениях хокимиятов областей и города Ташкента территориальные целевые фонды развития автомобильных дорог с целью аккумулирования в них средств, направляемых на финансирование проектных, дорожно-строительных, ремонтных и эксплуатационных работ на улицах городов и иных населенных пунктов, межхозяйственных сельских автомобильных дорогах (далее — региональные дороги).
10. Определить источниками формирования:
а) Целевого фонда развития автомобильных дорог при Министерстве финансов Республики Узбекистан:
целевые средства, ежегодно выделяемые из республиканского бюджета на финансирование проектных и дорожно-строительных работ, а также работ по реконструкции и капитальному ремонту автомобильных дорог общего пользования;
50 млн долларов США в 2020 году и по 100 млн долларов США ежегодно в течение 2021 — 2024 годов в виде беспроцентных кредитов, выделяемых из средств Фонда реконструкции и развития Республики Узбекистан, с условием погашения в течение 30 лет и льготным периодом 5 лет;
целевые средства, ежегодно выделяемые из республиканского бюджета Республики Каракалпакстан и местных бюджетов областей и города Ташкента на финансирование текущего ремонта и эксплуатационных работ на автомобильных дорогах общего пользования;
иные источники, не запрещенные законодательством;
б) территориальных целевых фондов развития автомобильных дорог при Министерстве финансов Республики Каракалпакстан, главных финансовых управлениях хокимиятов областей и города Ташкента:
целевые средства, ежегодно выделяемые из местных бюджетов на финансирование дорожно-строительных, ремонтных и эксплуатационных работ на региональных дорогах;
сборы на развитие региональных дорог, вводимые органами представительной власти на местах;
плату за пользование парковочными местами вдоль автомобильных дорог и улиц;
средства от применения дополнительных коэффициентов к базовой ставке сбора за проведение технического осмотра транспортных средств;
трансферты из Целевого фонда развития автомобильных дорог при Министерстве финансов Республики Узбекистан;
иные источники, не запрещенные законодательством.
Установить, что ежегодный сбор за владение автотранспортным средством направляется в соответствующие бюджеты районов (городов) с целевым использованием на ремонтные и эксплуатационные работы на региональных дорогах данных районов (городов).
Запретить перераспределение на другие цели средств, предусмотренных в республиканском бюджете Республики Каракалпакстан и местных бюджетах областей и города Ташкента на финансирование текущего ремонта и эксплуатационных работ на дорогах общего пользования.
11. Министерству транспорта Республики Узбекистан совместно с Советом Министров Республики Каракалпакстан, хокимиятами областей и города Ташкента обеспечить в срок до 1 марта 2020 года проведение сплошной инвентаризации всех автомобильных дорог, в том числе мостов, с целью формирования единой электронной базы данных автомобильных дорог республики, а также определения их принадлежности и закрепления за соответствующими органами и организациями.
12. Государственному комитету Республики Узбекистан по земельным ресурсам, геодезии, картографии и государственному кадастру совместно с Министерством транспорта, Советом Министров Республики Каракалпакстан, хокимиятами областей и города Ташкента обеспечить в срок до 1 декабря 2022 года создание геоинформационной системы государственного кадастра автомобильных дорог, в том числе мостов, включая:
определение местоположения объектов автомобильных дорог с применением мобильного приложения геоинформационной системы;
создание электронной картографической основы автомобильных дорог на основе дистанционного зондирования земли;
формирование веб-геоинформационной системы государственного кадастра автомобильных дорог с целью учета и регистрации объектов автомобильных дорог с использованием единой электронной базы данных автомобильных дорог республики;
интеграцию веб-геоинформационной системы государственного кадастра автомобильных дорог с Единой системой государственных кадастров.
Определить, что реализация мероприятий, предусмотренных настоящим пунктом, осуществляется за счет средств:
Целевого фонда развития автомобильных дорог при Министерстве финансов — по автомобильным дорогам общего пользования;
территориальных целевых фондов развития автомобильных дорог при Министерстве финансов Республики Каракалпакстан, главных финансовых управлениях хокимиятов областей и города Ташкента — по региональным дорогам.
13. Министерству транспорта, Министерству внутренних дел, Министерству финансов Республики Узбекистан, Совету Министров Республики Каракалпакстан, хокимиятам областей и города Ташкента:
в срок до 1 февраля 2020 года внести проект правительственного решения о порядке организации платных парковок вдоль автомобильных дорог и улиц, в том числе выбора автомобильных дорог и улиц, вдоль которых организуются платные парковки, а также взимания платы за пользование парковкой, предусмотрев предоставление льгот инвесторам, реализующим проекты по строительству платных автомобильных парковок;
в срок до 1 июля 2020 года обеспечить организацию, в том числе на условиях государственно-частного партнерства, сети платных парковок вдоль автомобильных дорог и улиц в городах, областных и районных центрах.
14. Совету Министров Республики Каракалпакстан, хокимиятам областей и города Ташкента в срок до 1 марта 2020 года утвердить размеры базовых ставок сбора за проведение технического осмотра транспортных средств, а также дополнительные коэффициенты к базовой ставке сбора, дифференцируемые исходя из мощности двигателя транспортного средства.
15. Кабинету Министров Республики Узбекистан:
а) в месячный срок внести проект постановления Президента Республики Узбекистан о мерах по дальнейшему совершенствованию системы управления дорожной отраслью в соответствии с требованиями настоящего Указа;
б) в срок до 31 декабря 2019 года принять правительственное решение об организации деятельности Целевого фонда развития автомобильных дорог при Министерстве финансов Республики Узбекистан и территориальных целевых фондов развития автомобильных дорог при Министерстве финансов Республики Каракалпакстан, главных финансовых управлениях хокимиятов областей и города Ташкента, а также определении порядка формирования и расходования их средств, предусмотрев в числе прочего:
проведение широкого общественного обсуждения проектов в сфере дорожного строительства, финансируемых за счет средств целевых фондов, а также публикацию информации о ходе реализации данных проектов, в том числе о проектных и подрядных организациях, стоимости выполняемых работ;
регулярную публикацию сведений о поступлениях и расходах целевых фондов;
в) в трехмесячный срок утвердить положения о порядке отбора и оценки наиболее приоритетных проектов в сфере дорожного строительства, а также мониторинга состояния автомобильных дорог с учетом современных стандартов.
16. Контроль за исполнением настоящего Указа возложить на первого заместителя Премьер-министра Республики Узбекистан А.Ж. Раматова и советника Президента Республики Узбекистан Р.А. Гулямова.
Президент Республики Узбекистан Ш. МИРЗИЁЕВ
г. Ташкент,
9 декабря 2019 г.,
№ УП-5890