UzbekAI

Ўзбекистон Республикаси Вазирлар Маҳкамасининг

қарори

ТАШКИЛИЙ ТУЗИЛМАСИ

ТУЗИЛМАСИ

Шоличиликни барқарор ривожлантиришга доир қўшимча чора-тадбирлар тўғрисида

Республикада шоли етиштиришни кўпайтириш, ер ва сув ресурсларидан оқилона фойдаланиш, шолини харид қилиш, сақлаш ва қайта ишлаш соҳасида бошқарув тизимини тубдан такомиллаштириш, ички истеъмол бозорини гуруч маҳсулотлари билан барқарор таъминлаш ва экспорт салоҳиятини ошириш мақсадида Вазирлар Маҳкамаси қарор қилади:

1. Ўзбекистон Республикаси Қишлоқ хўжалиги вазирлиги, Иқтисодиёт ва саноат вазирлиги, Ўзбекистон фермер, деҳқон хўжаликлари ва томорқа ер эгалари кенгаши, Қорақалпоғистон Республикаси Вазирлар Кенгаши ҳамда вилоятлар ҳокимликларининг 2020 йил ҳосилидан бошлаб шоличилик кластерларини ташкил этиш тўғрисидаги таклифи маъқуллансин.

2. Белгилансинки, шоличилик кластерларини ташкил этиш ва уларнинг фаолиятини йўлга қўйиш қуйидаги шартлар асосида амалга оширилади:

шоличилик кластери ишлаб чиқариш (хизмат кўрсатиш)нинг замонавий инновацион технологияларидан фойдаланган ҳолда, шоли етиштириш ёки уни шартнома асосида сотиб олиш, саралаш, сақлаш, қайта ишлаш, тайёр маҳсулотни ички ва ташқи бозорга етказиб беришни таъминлайди;

шоличилик кластери, биринчи навбатда, иқтисодий жиҳатдан барқарор фаолият юритаётган, зарур инфратузилма объектлари, шунингдек, мол-мулк ва бошқа воситаларга эга бўлган салоҳиятли маҳаллий инвесторлар томонидан ташкил этилади;

Ўзбекистон Республикаси Ер кодекси талабларига мувофиқ шоличилик кластерига ер майдони юридик ва жисмоний шахсларга ажратилмаган қишлоқ хўжалиги учун мўлжалланган ерлардан, захирадаги ерлардан, қайта тикланадиган ҳамда фойдаланишга киритиладиган ер майдонларидан белгиланган тартибда эллик йилгача бўлган, лекин ўттиз йилдан кам бўлмаган муддатга ажратилади;

келгуси йил ҳосили учун шоличилик кластерини ташкил этиш бўйича таклифлар ҳар йилнинг 1 февралига қадар шакллантирилади;

шоличилик кластерининг фаолиятини ташкил этиш учун алоҳида норматив-ҳуқуқий ҳужжат қабул қилиниши талаб этилмайди, хорижий инвесторлар иштирок этаётган шоличилик кластери бундан мустасно;

шоличилик кластерига ажратилган ер майдонларидан бир йил мобайнида фойдаланмаслик, тупроқ унумдорлигининг пасайишига, кимёвий ва радиоактив ифлосланишга олиб келувчи усуллардан фойдаланиш ҳамда мазкур қарорда назарда тутилган мажбуриятларни бажармаслик, ер участкасига бўлган ҳуқуқнинг бекор қилинишига олиб келади.

3. Шоличилик кластерини давлат томонидан қўллаб-қувватлашнинг шундай тартиби белгилансинки, унга мувофиқ:

ер майдонларини фойдаланишга киритган шоличилик кластерига Ўзбекистон Республикаси Президентининг «Қишлоқ хўжалигида ер ва сув ресурсларидан самарали фойдаланиш чора-тадбирлари тўғрисида» 2019 йил 17 июндаги ПФ-5742-сон Фармонида ;

қайта тикланувчи энергия манбалари қурилмалари, энергия самарадор газ-горелкали қурилмалар ва қозонлар, шунингдек, энергия самарадор бошқа ускуналарни харид қилганларга Ўзбекистон Республикаси Президентининг «Иқтисодиёт тармоқлари ва ижтимоий соҳанинг энергия самарадорлигини ошириш, энергия тежовчи технологияларни жорий этиш ва қайта тикланувчи энергия манбаларини ривожлантиришнинг тезкор чора-тадбирлари тўғрисида» 2019 йил 22 августдаги ПҚ-4422-сон қарорида ;

қишлоқ хўжалиги техникаларини харид қилишда Ўзбекистон Республикаси Президентининг «Аграр секторни қишлоқ хўжалиги техникалари билан ўз вақтида таъминлашга оид қўшимча чора-тадбирлар тўғрисида» 2019 йил 4 апрелдаги ПҚ-4268-сон қарорида назарда тутилган имтиёзлар татбиқ этилади.

4. Белгилансинки:

а) шоличилик кластерига ер майдони Қорақалпоғистон Республикаси Вазирлар Кенгаши ва вилоятлар ҳокимликлари билан ташаббускорлар ўртасида ёзма равишда тузиладиган битим асосида белгиланган тартибда ажратилади;

б) хорижий инвесторлар иштирок этаётган шоличилик кластерига ер майдони Ўзбекистон Республикаси Қишлоқ хўжалиги вазирлиги билан тузиладиган инвестиция киритиш тўғрисидаги шартнома имзолангандан сўнг Вазирлар Маҳкамаси томонидан ажратилади.

Бунда шоличилик кластерини ташкил этувчи ташаббускор томонидан тегишли равишда Қорақалпоғистон Республикаси Вазирлар Кенгаши ва вилоятлар ҳокимликларига ҳамда Ўзбекистон Республикаси Қишлоқ хўжалиги вазирлигига қуйидаги ҳужжатлар тақдим этилади:

шоличилик кластерини ташкил этиш бўйича ариза;

шоличилик кластери фаолиятини ташкил этишда шоли етиштирувчи хўжаликларда шоли етиштиришни молиялаштириш, шолини қуритиш, сақлаш, қайта ишлаш ҳамда сувни тежайдиган технологияларни жорий этиш бўйича инвестиция лойиҳаларини амалга ошириш юзасидан бизнес режа ёки техник-иқтисодий асоснома;

ташаббускорнинг банкдаги пул маблағлари айланмаси тўғрисидаги хизмат кўрсатувчи банк маълумотномасидан кўчирма;

шоличилик кластерининг фаолият юритиши учун зарур инфратузилма объектлари (шу жумладан, ижара асосида), шунингдек, мол-мулк ва бошқа воситаларнинг мавжудлиги ҳақида маълумотнома.

Қорақалпоғистон Республикаси Вазирлар Кенгаши раиси ва вилоятлар ҳокимлари шоличилик кластерларини ташкил этишда иқтисодий жиҳатдан барқарор фаолият юритаётган, зарур инфратузилма объектлари, шунингдек, мол-мулк ва бошқа воситаларга эга бўлган салоҳиятли юридик шахслар танланиши учун шахсан масъул ҳисобланади.

5. Шундай тартиб ўрнатилсинки, унга мувофиқ 2020 йил ҳосилидан бошлаб:

туман ҳокимлиги қарорига асосан шоли етиштирувчи хўжаликлар кесимида белгиланган шоли етиштириш ҳажмидан келиб чиқиб, шоличилик кластери билан шоли етиштирувчи хўжаликлар ўртасида шартномалар тузилади;

шоличилик кластери ўз маблағлари ва тижорат банкларининг кредитлари ҳисобидан шоли етиштирувчи хўжаликларга ўзаро тузилган шартномаларга асосан бўнак маблағлари ажратади ва ушбу маблағлар уруғлик, минерал ўғитлар, ўсимликларни ҳимоя қилиш воситалари, ёнилғи-мойлаш маҳсулотлари, механизация хизматлари учун тўловларни амалга оширишга йўналтирилади;

шоличилик кластери шоли етиштирувчи хўжаликлар билан тузилган шартномага мувофиқ етказиб бериладиган шоли учун бўнак маблағлари ёки моддий ресурслар ажратмаган тақдирда, етиштирилган шоли тўлиқ шоли етиштирувчи хўжаликлар ихтиёрида қолдирилади;

шоличилик кластери шоли етиштирувчи хўжаликлар билан тузилган шартнома бўйича етказиб бериладиган шоли ҳажмига нисбатан кам миқдорда маблағ ажратган тақдирда, шоли етиштирувчи хўжаликлар ажратилган маблағ миқдорига мутаносиб ҳажмда шоли етказиб беради;

шоличилик кластери томонидан харид қилинадиган шолининг нархи ҳақиқий харажатлардан келиб чиқиб, шоли етиштирувчи хўжаликлар билан тузиладиган шартнома асосида эркин белгиланади;

шоличилик кластери томонидан шоли етиштирувчи хўжаликлардан харид қилинадиган шоли учун якуний ҳисоб-китоблар ҳар йили 31 декабрга қадар тўлиқ амалга оширилади.

6. Шоличилик кластери қуйидаги мажбуриятларни бажаради:

тупроқ унумдорлиги, ер, сув ва бошқа ресурслардан самарали фойдаланиш, янги инновацион технологияларни жорий этиш, ҳосилдорликни ошириш борасида шоли етиштирувчи хўжаликлар раҳбарларининг билим ва кўникмалари ошириб борилишини таъминлаш;

шоли етиштирувчи хўжаликларга бўнак маблағларининг ўз вақтида ва етарли миқдорда ажратилишини ҳамда ҳосилдорликни ошириш учун қўшимча равишда минерал ўғитлар, ёнилғи-мойлаш маҳсулотлари ва ўсимликларни ҳимоя қилиш воситалари етказиб берилишини таъминлаш;

ердан белгиланган мақсадда оқилона фойдаланиш, тупроқ унумдорлигини ошириш, сувни тежайдиган ва экологияни муҳофаза қилувчи технологияларни босқичма-босқич жорий этиш ҳамда ҳудудда экологик вазиятнинг ёмонлашувига йўл қўймаслик;

шолини қайта ишлаш учун ресурс тежайдиган технологияларни жорий этиш юзасидан инвестиция лойиҳаларини амалга ошириш;

ҳудудларнинг тупроқ-иқлим шароитини ҳисобга олган ҳолда шоли селекцияси ва уруғчилигини йўлга қўйиш.

7. Шоличилик кластерига шартнома асосида шоли етиштирувчи хўжаликлар томонидан қуйидагилар амалга оширилади:

шоли етиштириш учун шоличилик кластери томонидан ажратиладиган маблағлардан мақсадли ва самарали фойдаланиш;

ҳосилдорликни ошириш чораларини кўриш ҳамда ҳар бир гектар суғориладиган ер майдонидан камида 70 центнер ҳосилдорликка эришиш;

шоличилик кластери билан тузилган шартномада кўрсатилган шолини белгиланган миқдор, сифат ва муддатда сотишни таъминлаш.

8. Ўзбекистон Республикаси Қишлоқ хўжалиги вазирлиги, Иқтисодиёт ва саноат вазирлиги, Ўзбекистон фермер, деҳқон ва томорқа ер эгалари кенгашининг «Ўзбекшоличилик» уюшмасини (кейинги ўринларда Уюшма деб аталади) ташкил этиш тўғрисидаги таклифига розилик берилсин.

9. Қуйидагилар Уюшманинг асосий вазифалари ва фаолияти йўналишлари этиб белгилансин:

юқори сифатли шоли маҳсулотлари ишлаб чиқаришни таъминлаш ва аҳолининг шоли маҳсулотларига бўлган эҳтиёжини қондириш, шоли етиштиришнинг илмий асосланган усулларини ва ресурсларни тежайдиган технологияларни кенг жорий этиш бўйича қабул қилинган дастурларнинг амалга оширилишини мувофиқлаштириш;

республика ҳудудларида шоли етиштириш ҳажмини кўпайтириш чораларини кўриш, маҳсулотни сотиш бозорларини кенгайтириш мақсадида маркетинг тадқиқотларини олиб бориш, экспорт ҳажмини кўпайтириш бўйича таклифлар ишлаб чиқиш;

Уюшма таркибига кирувчи ташкилотларга норматив-ҳуқуқий базани такомиллаштириш бўйича таклифлар ишлаб чиқиш, замонавий қайта ишлаш қувватларини ишга тушириш ва ёпиқ сиғимлар қуриш учун хорижий инвестицияларни, жумладан, халқаро молия институтларининг маблағларини жалб қилиш йўли билан давлат кўмагини олишда ҳар томонлама кўмаклашиш;

шоли етиштирувчи хўжаликлар учун соҳа олимлари ва мутахассислари иштирокида семинарлар ва тренинглар ташкил этиш орқали илғор хорижий тажрибаларни ўрганиш ва амалиётга татбиқ этиш жараёнларини жадаллаштириш.

10. Қуйидагилар:

«Ўзбекшоличилик» уюшмасининг ташкилий тузилмаси 1-иловага мувофиқ;

«Ўзбекшоличилик» уюшмасининг бошқарув ходимларининг умумий чекланган сони 20 нафар бўлган ижро этувчи аппарати тузилмаси 2-иловага мувофиқ тасдиқлансин.

Уюшма раисига, зарурат бўлганда, бошқарув ходимларининг белгиланган умумий сони доирасида ижро этувчи аппаратнинг тузилмасига ўзгартириш киритиш ҳуқуқи берилсин.

11. Белгилаб қўйилсинки, Уюшма раиси ва унинг ўринбосарлари муассисларнинг умумий йиғилиши қарори билан сайланади ҳамда Ўзбекистон Республикаси Вазирлар Маҳкамаси томонидан тасдиқланади.

12. Уюшманинг фаолиятини молиялаштириш қуйидаги манбалар ҳисобидан амалга оширилади:

Уюшмага аъзо бўлган шоличилик кластерлари, шоли етиштирувчи хўжаликлар ва шолини қайта ишлаш ташкилотларининг аъзолик бадаллари ҳамда ихтиёрий ажратмалари;

жисмоний ва юридик шахсларнинг ҳомийлик хайриялари;

халқаро грантлар ва техник кўмак маблағлари;

қонун ҳужжатларида таъқиқланмаган бошқа манбалар.

13. «Ўзбекшоличилик» уюшмаси Тошкент шаҳри, Миробод тумани, Шаҳрисабз кўчасидаги 36-уйга жойлаштирилсин.

14. Қорақалпоғистон Республикаси Вазирлар Кенгаши ва вилоят ҳокимликлари:

Ўзбекистон Республикаси Қишлоқ хўжалиги вазирлиги билан биргаликда икки ҳафта муддатда 2020 йил ҳосилидан шоличилик кластерларини ташкил этиш бўйича салоҳиятли ташаббускорларнинг манзилли рўйхатини шакллантирсин ва Вазирлар Маҳкамасига тақдим этсин;

Ўзбекистон Республикаси Қишлоқ хўжалиги вазирлиги, Сув хўжалиги вазирлиги, Ер ресурслари, геодезия, картография ва давлат кадастри давлат қўмитаси билан биргаликда ҳар йили 1 мартга қадар сув баланси прогнозидан келиб чиққан ҳолда Уюшмага аъзо бўлган шоли етиштирувчилар кесимида шоли экинининг жойлаштирилишини таъминласин.

15. Ўзбекистон Республикаси Қишлоқ хўжалиги вазирлиги Адлия вазирлиги ва Ўзбекистон фермер, деҳқон ва томорқа ер эгалари кенгаши билан биргаликда икки ҳафта муддатда:

шоличилик кластери билан шоли ишлаб чиқарувчи хўжаликлар ўртасида шоли харид қилиш бўйича тузиладиган шартноманинг намунавий лойиҳасини;

Қорақалпоғистон Республикаси Вазирлар Кенгаши, вилоят ҳокимликлари билан шоличилик кластери ўртасида ер майдони ажратиш бўйича тузиладиган битимнинг намунавий лойиҳасини ишлаб чиқсин ва жойларга етказилишини таъминласин.

16. Ўзбекистон Республикаси Қишлоқ хўжалиги вазирлиги, Инновацион ривожланиш вазирлиги, Иқтисодиёт ва саноат вазирлиги ҳамда Қорақалпоғистон Республикаси Вазирлар Кенгашининг шоличилик соҳасидаги илмий-тадқиқотларни янада ривожлантириш, ҳудудларнинг тупроқ ва иқлим шароитига мос, серҳосил шоли навларини яратиш ишларини жадаллаштириш мақсадида Шоличилик илмий-тадқиқот институтининг Қорақалпоғистон илмий-тажриба станцияси (кейинги ўринларда Станция деб аталади) ташкил этиш тўғрисидаги таклифи маъқуллансин.

17. Қуйидагилар Станциянинг асосий вазифалари ва фаолияти йўналишлари этиб белгилансин:

ҳудуднинг тупроқ ва иқлим шароитларига мос, эрта ва ўртапишар, серҳосил, касалликларга чидамли шоли навлари ва дурагайларини яратиш бўйича тадқиқотлар олиб бориш;

янги ва истиқболли шоли навларининг бирламчи уруғчилигини ташкил этиш;

шоли етиштиришда замонавий ресурс тежайдиган технологияларни жорий этиш;

шолининг касалликлари ва зараркунандаларига қарши атроф-муҳитнинг экологик мувозанатига таъсир этмайдиган курашиш усулларини ишлаб чиқиш;

шоличилик соҳасида етакчи бўлган хорижий илмий муассасалар билан ўзаро ҳамкорлик алоқаларини йўлга қўйиш;

интенсив равишда шоли етиштириш агротехнологиялари бўйича илмий асосланган тавсиялар ишлаб чиқиш;

юқори малакали илмий кадрларни тайёрлаш ва илмий ходимларнинг касбий билимларини доимий ошириб бориш.

18. Ўзбекистон Республикаси Қишлоқ хўжалиги вазирлиги икки ой муддатда Станциянинг устави ва ташкилий тузилмаси тасдиқланишини ва белгиланган тартибда давлат рўйхатидан ўтказилишини таъминласин.

19. Қуйидагилар:

Ўзбекистон Республикасининг Давлат бюджетидан илмий фаолиятга оид давлат дастурлари ва илмий фаолиятга оид давлат мақсадли дастурларини амалга ошириш учун ажратиладиган маблағлар;

хўжалик фаолиятидан тушадиган маблағлар;

халқаро молия институтлари ва хорижий ҳукуматлар молия ташкилотларининг грантлари;

қонун ҳужжатларида тақиқланмаган бошқа маблағлар Станциянинг молиялаштириш манбалари этиб белгилансин.

20. Ўзбекистон Республикаси Қишлоқ хўжалиги вазирлиги Қорақалпоғистон Республикаси Вазирлар Кенгаши билан биргаликда:

Дон ва дуккакли экинлар илмий-тадқиқот институтининг Қорақалпоғистон илмий-тажриба станциясининг маъмурий биносига Шоличилик илмий-тадқиқот институтининг Қорақалпоғистон илмий-тажриба станцияси маъмуриятининг жойлаштирилишини;

Дон ва дуккакли экинлар илмий-тадқиқот институтининг Қорақалпоғистон илмий-тажриба станциясининг қишлоқ хўжалиги техникаларини хатловдан ўтказсин ҳамда уларнинг бажарадиган функциясидан келиб чиққан ҳолда Дон ва дуккакли экинлар илмий-тадқиқот институтининг Қорақалпоғистон илмий-тажриба станциясига ҳамда Шоличилик илмий-тадқиқот институтининг Қорақалпоғистон илмий-тажриба станциясига белгиланган тартибда тақсимотининг амалга оширилишини таъминласин.

21. Қорақалпоғистон Республикаси Вазирлар Кенгаши Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда бир ой муддатда Станцияга илмий тажриба-синов ишларини ўтказиш учун 300 гектар суғориладиган ер майдони ажратсин.

22. Ўзбекистон Республикаси Қишлоқ хўжалиги вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.

23. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов ва Ўзбекистон Республикаси қишлоқ хўжалиги вазири Ж.А. Ходжаев зиммасига юклансин.

Вазирлар Маҳкамасининг 2019 йил 12 декабрдаги 986-сон қарорига 1-ИЛОВА

«Ўзбекшоличилик» уюшмасининг

Вазирлар Маҳкамасининг 2019 йил 12 декабрдаги 986-сон қарорига 2-ИЛОВА

«Ўзбекшоличилиги» уюшмасининг ижро этувчи аппарати

Ўзбекистон Республикасининг Бош вазири А. АРИПОВ

Тошкент ш.,

2019 йил 12 декабрь,

986-сон

(Қонун ҳужжатлари маълумотлари миллий базаси, 12.12.2019 й., 09/19/986/4139-сон; Қонунчилик маълумотлари миллий базаси, 28.08.2021 й., 09/21/545/0832-сон)

lex.uz

Oʻzbekiston Respublikasi Vazirlar Mahkamasining

qarori

TASHKILIY TUZILMASI

TUZILMASI

Sholichilikni barqaror rivojlantirishga doir qoʻshimcha chora-tadbirlar toʻgʻrisida

Respublikada sholi yetishtirishni koʻpaytirish, yer va suv resurslaridan oqilona foydalanish, sholini xarid qilish, saqlash va qayta ishlash sohasida boshqaruv tizimini tubdan takomillashtirish, ichki isteʼmol bozorini guruch mahsulotlari bilan barqaror taʼminlash va eksport salohiyatini oshirish maqsadida Vazirlar Mahkamasi qaror qiladi:

1. Oʻzbekiston Respublikasi Qishloq xoʻjaligi vazirligi, Iqtisodiyot va sanoat vazirligi, Oʻzbekiston fermer, dehqon xoʻjaliklari va tomorqa yer egalari kengashi, Qoraqalpogʻiston Respublikasi Vazirlar Kengashi hamda viloyatlar hokimliklarining 2020-yil hosilidan boshlab sholichilik klasterlarini tashkil etish toʻgʻrisidagi taklifi maʼqullansin.

2. Belgilansinki, sholichilik klasterlarini tashkil etish va ularning faoliyatini yoʻlga qoʻyish quyidagi shartlar asosida amalga oshiriladi:

sholichilik klasteri ishlab chiqarish (xizmat koʻrsatish)ning zamonaviy innovatsion texnologiyalaridan foydalangan holda, sholi yetishtirish yoki uni shartnoma asosida sotib olish, saralash, saqlash, qayta ishlash, tayyor mahsulotni ichki va tashqi bozorga yetkazib berishni taʼminlaydi;

sholichilik klasteri, birinchi navbatda, iqtisodiy jihatdan barqaror faoliyat yuritayotgan, zarur infratuzilma obyektlari, shuningdek, mol-mulk va boshqa vositalarga ega boʻlgan salohiyatli mahalliy investorlar tomonidan tashkil etiladi;

Oʻzbekiston Respublikasi Yer kodeksi talablariga muvofiq sholichilik klasteriga yer maydoni yuridik va jismoniy shaxslarga ajratilmagan qishloq xoʻjaligi uchun moʻljallangan yerlardan, zaxiradagi yerlardan, qayta tiklanadigan hamda foydalanishga kiritiladigan yer maydonlaridan belgilangan tartibda ellik yilgacha boʻlgan, lekin oʻttiz yildan kam boʻlmagan muddatga ajratiladi;

kelgusi yil hosili uchun sholichilik klasterini tashkil etish boʻyicha takliflar har yilning 1-fevraliga qadar shakllantiriladi;

sholichilik klasterining faoliyatini tashkil etish uchun alohida normativ-huquqiy hujjat qabul qilinishi talab etilmaydi, xorijiy investorlar ishtirok etayotgan sholichilik klasteri bundan mustasno;

sholichilik klasteriga ajratilgan yer maydonlaridan bir yil mobaynida foydalanmaslik, tuproq unumdorligining pasayishiga, kimyoviy va radioaktiv ifloslanishga olib keluvchi usullardan foydalanish hamda mazkur qarorda nazarda tutilgan majburiyatlarni bajarmaslik, yer uchastkasiga boʻlgan huquqning bekor qilinishiga olib keladi.

3. Sholichilik klasterini davlat tomonidan qoʻllab-quvvatlashning shunday tartibi belgilansinki, unga muvofiq:

yer maydonlarini foydalanishga kiritgan sholichilik klasteriga Oʻzbekiston Respublikasi Prezidentining “Qishloq xoʻjaligida yer va suv resurslaridan samarali foydalanish chora-tadbirlari toʻgʻrisida” 2019-yil 17-iyundagi PF-5742-son Farmonida ;

qayta tiklanuvchi energiya manbalari qurilmalari, energiya samarador gaz-gorelkali qurilmalar va qozonlar, shuningdek, energiya samarador boshqa uskunalarni xarid qilganlarga Oʻzbekiston Respublikasi Prezidentining “Iqtisodiyot tarmoqlari va ijtimoiy sohaning energiya samaradorligini oshirish, energiya tejovchi texnologiyalarni joriy etish va qayta tiklanuvchi energiya manbalarini rivojlantirishning tezkor chora-tadbirlari toʻgʻrisida” 2019-yil 22-avgustdagi PQ-4422-son qarorida ;

qishloq xoʻjaligi texnikalarini xarid qilishda Oʻzbekiston Respublikasi Prezidentining “Agrar sektorni qishloq xoʻjaligi texnikalari bilan oʻz vaqtida taʼminlashga oid qoʻshimcha chora-tadbirlar toʻgʻrisida” 2019-yil 4-apreldagi PQ-4268-son qarorida nazarda tutilgan imtiyozlar tatbiq etiladi.

4. Belgilansinki:

a) sholichilik klasteriga yer maydoni Qoraqalpogʻiston Respublikasi Vazirlar Kengashi va viloyatlar hokimliklari bilan tashabbuskorlar oʻrtasida yozma ravishda tuziladigan bitim asosida belgilangan tartibda ajratiladi;

b) xorijiy investorlar ishtirok etayotgan sholichilik klasteriga yer maydoni Oʻzbekiston Respublikasi Qishloq xoʻjaligi vazirligi bilan tuziladigan investitsiya kiritish toʻgʻrisidagi shartnoma imzolangandan soʻng Vazirlar Mahkamasi tomonidan ajratiladi.

Bunda sholichilik klasterini tashkil etuvchi tashabbuskor tomonidan tegishli ravishda Qoraqalpogʻiston Respublikasi Vazirlar Kengashi va viloyatlar hokimliklariga hamda Oʻzbekiston Respublikasi Qishloq xoʻjaligi vazirligiga quyidagi hujjatlar taqdim etiladi:

sholichilik klasterini tashkil etish boʻyicha ariza;

sholichilik klasteri faoliyatini tashkil etishda sholi yetishtiruvchi xoʻjaliklarda sholi yetishtirishni moliyalashtirish, sholini quritish, saqlash, qayta ishlash hamda suvni tejaydigan texnologiyalarni joriy etish boʻyicha investitsiya loyihalarini amalga oshirish yuzasidan biznes reja yoki texnik-iqtisodiy asosnoma;

tashabbuskorning bankdagi pul mablagʻlari aylanmasi toʻgʻrisidagi xizmat koʻrsatuvchi bank maʼlumotnomasidan koʻchirma;

sholichilik klasterining faoliyat yuritishi uchun zarur infratuzilma obyektlari (shu jumladan, ijara asosida), shuningdek, mol-mulk va boshqa vositalarning mavjudligi haqida maʼlumotnoma.

Qoraqalpogʻiston Respublikasi Vazirlar Kengashi raisi va viloyatlar hokimlari sholichilik klasterlarini tashkil etishda iqtisodiy jihatdan barqaror faoliyat yuritayotgan, zarur infratuzilma obyektlari, shuningdek, mol-mulk va boshqa vositalarga ega boʻlgan salohiyatli yuridik shaxslar tanlanishi uchun shaxsan masʼul hisoblanadi.

5. Shunday tartib oʻrnatilsinki, unga muvofiq 2020-yil hosilidan boshlab:

tuman hokimligi qaroriga asosan sholi yetishtiruvchi xoʻjaliklar kesimida belgilangan sholi yetishtirish hajmidan kelib chiqib, sholichilik klasteri bilan sholi yetishtiruvchi xoʻjaliklar oʻrtasida shartnomalar tuziladi;

sholichilik klasteri oʻz mablagʻlari va tijorat banklarining kreditlari hisobidan sholi yetishtiruvchi xoʻjaliklarga oʻzaro tuzilgan shartnomalarga asosan boʻnak mablagʻlari ajratadi va ushbu mablagʻlar urugʻlik, mineral oʻgʻitlar, oʻsimliklarni himoya qilish vositalari, yonilgʻi-moylash mahsulotlari, mexanizatsiya xizmatlari uchun toʻlovlarni amalga oshirishga yoʻnaltiriladi;

sholichilik klasteri sholi yetishtiruvchi xoʻjaliklar bilan tuzilgan shartnomaga muvofiq yetkazib beriladigan sholi uchun boʻnak mablagʻlari yoki moddiy resurslar ajratmagan taqdirda, yetishtirilgan sholi toʻliq sholi yetishtiruvchi xoʻjaliklar ixtiyorida qoldiriladi;

sholichilik klasteri sholi yetishtiruvchi xoʻjaliklar bilan tuzilgan shartnoma boʻyicha yetkazib beriladigan sholi hajmiga nisbatan kam miqdorda mablagʻ ajratgan taqdirda, sholi yetishtiruvchi xoʻjaliklar ajratilgan mablagʻ miqdoriga mutanosib hajmda sholi yetkazib beradi;

sholichilik klasteri tomonidan xarid qilinadigan sholining narxi haqiqiy xarajatlardan kelib chiqib, sholi yetishtiruvchi xoʻjaliklar bilan tuziladigan shartnoma asosida erkin belgilanadi;

sholichilik klasteri tomonidan sholi yetishtiruvchi xoʻjaliklardan xarid qilinadigan sholi uchun yakuniy hisob-kitoblar har yili 31-dekabrga qadar toʻliq amalga oshiriladi.

6. Sholichilik klasteri quyidagi majburiyatlarni bajaradi:

tuproq unumdorligi, yer, suv va boshqa resurslardan samarali foydalanish, yangi innovatsion texnologiyalarni joriy etish, hosildorlikni oshirish borasida sholi yetishtiruvchi xoʻjaliklar rahbarlarining bilim va koʻnikmalari oshirib borilishini taʼminlash;

sholi yetishtiruvchi xoʻjaliklarga boʻnak mablagʻlarining oʻz vaqtida va yetarli miqdorda ajratilishini hamda hosildorlikni oshirish uchun qoʻshimcha ravishda mineral oʻgʻitlar, yonilgʻi-moylash mahsulotlari va oʻsimliklarni himoya qilish vositalari yetkazib berilishini taʼminlash;

yerdan belgilangan maqsadda oqilona foydalanish, tuproq unumdorligini oshirish, suvni tejaydigan va ekologiyani muhofaza qiluvchi texnologiyalarni bosqichma-bosqich joriy etish hamda hududda ekologik vaziyatning yomonlashuviga yoʻl qoʻymaslik;

sholini qayta ishlash uchun resurs tejaydigan texnologiyalarni joriy etish yuzasidan investitsiya loyihalarini amalga oshirish;

hududlarning tuproq-iqlim sharoitini hisobga olgan holda sholi seleksiyasi va urugʻchiligini yoʻlga qoʻyish.

7. Sholichilik klasteriga shartnoma asosida sholi yetishtiruvchi xoʻjaliklar tomonidan quyidagilar amalga oshiriladi:

sholi yetishtirish uchun sholichilik klasteri tomonidan ajratiladigan mablagʻlardan maqsadli va samarali foydalanish;

hosildorlikni oshirish choralarini koʻrish hamda har bir gektar sugʻoriladigan yer maydonidan kamida 70 sentner hosildorlikka erishish;

sholichilik klasteri bilan tuzilgan shartnomada koʻrsatilgan sholini belgilangan miqdor, sifat va muddatda sotishni taʼminlash.

8. Oʻzbekiston Respublikasi Qishloq xoʻjaligi vazirligi, Iqtisodiyot va sanoat vazirligi, Oʻzbekiston fermer, dehqon va tomorqa yer egalari kengashining “Oʻzbeksholichilik” uyushmasini (keyingi oʻrinlarda Uyushma deb ataladi) tashkil etish toʻgʻrisidagi taklifiga rozilik berilsin.

9. Quyidagilar Uyushmaning asosiy vazifalari va faoliyati yoʻnalishlari etib belgilansin:

yuqori sifatli sholi mahsulotlari ishlab chiqarishni taʼminlash va aholining sholi mahsulotlariga boʻlgan ehtiyojini qondirish, sholi yetishtirishning ilmiy asoslangan usullarini va resurslarni tejaydigan texnologiyalarni keng joriy etish boʻyicha qabul qilingan dasturlarning amalga oshirilishini muvofiqlashtirish;

respublika hududlarida sholi yetishtirish hajmini koʻpaytirish choralarini koʻrish, mahsulotni sotish bozorlarini kengaytirish maqsadida marketing tadqiqotlarini olib borish, eksport hajmini koʻpaytirish boʻyicha takliflar ishlab chiqish;

Uyushma tarkibiga kiruvchi tashkilotlarga normativ-huquqiy bazani takomillashtirish boʻyicha takliflar ishlab chiqish, zamonaviy qayta ishlash quvvatlarini ishga tushirish va yopiq sigʻimlar qurish uchun xorijiy investitsiyalarni, jumladan, xalqaro moliya institutlarining mablagʻlarini jalb qilish yoʻli bilan davlat koʻmagini olishda har tomonlama koʻmaklashish;

sholi yetishtiruvchi xoʻjaliklar uchun soha olimlari va mutaxassislari ishtirokida seminarlar va treninglar tashkil etish orqali ilgʻor xorijiy tajribalarni oʻrganish va amaliyotga tatbiq etish jarayonlarini jadallashtirish.

10. Quyidagilar:

“Oʻzbeksholichilik” uyushmasining tashkiliy tuzilmasi 1-ilovaga muvofiq;

“Oʻzbeksholichilik” uyushmasining boshqaruv xodimlarining umumiy cheklangan soni 20 nafar boʻlgan ijro etuvchi apparati tuzilmasi 2-ilovaga muvofiq tasdiqlansin.

Uyushma raisiga, zarurat boʻlganda, boshqaruv xodimlarining belgilangan umumiy soni doirasida ijro etuvchi apparatning tuzilmasiga oʻzgartirish kiritish huquqi berilsin.

11. Belgilab qoʻyilsinki, Uyushma raisi va uning oʻrinbosarlari muassislarning umumiy yigʻilishi qarori bilan saylanadi hamda Oʻzbekiston Respublikasi Vazirlar Mahkamasi tomonidan tasdiqlanadi.

12. Uyushmaning faoliyatini moliyalashtirish quyidagi manbalar hisobidan amalga oshiriladi:

Uyushmaga aʼzo boʻlgan sholichilik klasterlari, sholi yetishtiruvchi xoʻjaliklar va sholini qayta ishlash tashkilotlarining aʼzolik badallari hamda ixtiyoriy ajratmalari;

jismoniy va yuridik shaxslarning homiylik xayriyalari;

xalqaro grantlar va texnik koʻmak mablagʻlari;

qonun hujjatlarida taʼqiqlanmagan boshqa manbalar.

13. “Oʻzbeksholichilik” uyushmasi Toshkent shahri, Mirobod tumani, Shahrisabz koʻchasidagi 36-uyga joylashtirilsin.

14. Qoraqalpogʻiston Respublikasi Vazirlar Kengashi va viloyat hokimliklari:

Oʻzbekiston Respublikasi Qishloq xoʻjaligi vazirligi bilan birgalikda ikki hafta muddatda 2020-yil hosilidan sholichilik klasterlarini tashkil etish boʻyicha salohiyatli tashabbuskorlarning manzilli roʻyxatini shakllantirsin va Vazirlar Mahkamasiga taqdim etsin;

Oʻzbekiston Respublikasi Qishloq xoʻjaligi vazirligi, Suv xoʻjaligi vazirligi, Yer resurslari, geodeziya, kartografiya va davlat kadastri davlat qoʻmitasi bilan birgalikda har yili 1-martga qadar suv balansi prognozidan kelib chiqqan holda Uyushmaga aʼzo boʻlgan sholi yetishtiruvchilar kesimida sholi ekinining joylashtirilishini taʼminlasin.

15. Oʻzbekiston Respublikasi Qishloq xoʻjaligi vazirligi Adliya vazirligi va Oʻzbekiston fermer, dehqon va tomorqa yer egalari kengashi bilan birgalikda ikki hafta muddatda:

sholichilik klasteri bilan sholi ishlab chiqaruvchi xoʻjaliklar oʻrtasida sholi xarid qilish boʻyicha tuziladigan shartnomaning namunaviy loyihasini;

Qoraqalpogʻiston Respublikasi Vazirlar Kengashi, viloyat hokimliklari bilan sholichilik klasteri oʻrtasida yer maydoni ajratish boʻyicha tuziladigan bitimning namunaviy loyihasini ishlab chiqsin va joylarga yetkazilishini taʼminlasin.

16. Oʻzbekiston Respublikasi Qishloq xoʻjaligi vazirligi, Innovatsion rivojlanish vazirligi, Iqtisodiyot va sanoat vazirligi hamda Qoraqalpogʻiston Respublikasi Vazirlar Kengashining sholichilik sohasidagi ilmiy-tadqiqotlarni yanada rivojlantirish, hududlarning tuproq va iqlim sharoitiga mos, serhosil sholi navlarini yaratish ishlarini jadallashtirish maqsadida Sholichilik ilmiy-tadqiqot institutining Qoraqalpogʻiston ilmiy-tajriba stansiyasi (keyingi oʻrinlarda Stansiya deb ataladi) tashkil etish toʻgʻrisidagi taklifi maʼqullansin.

17. Quyidagilar Stansiyaning asosiy vazifalari va faoliyati yoʻnalishlari etib belgilansin:

hududning tuproq va iqlim sharoitlariga mos, erta va oʻrtapishar, serhosil, kasalliklarga chidamli sholi navlari va duragaylarini yaratish boʻyicha tadqiqotlar olib borish;

yangi va istiqbolli sholi navlarining birlamchi urugʻchiligini tashkil etish;

sholi yetishtirishda zamonaviy resurs tejaydigan texnologiyalarni joriy etish;

sholining kasalliklari va zararkunandalariga qarshi atrof-muhitning ekologik muvozanatiga taʼsir etmaydigan kurashish usullarini ishlab chiqish;

sholichilik sohasida yetakchi boʻlgan xorijiy ilmiy muassasalar bilan oʻzaro hamkorlik aloqalarini yoʻlga qoʻyish;

intensiv ravishda sholi yetishtirish agrotexnologiyalari boʻyicha ilmiy asoslangan tavsiyalar ishlab chiqish;

yuqori malakali ilmiy kadrlarni tayyorlash va ilmiy xodimlarning kasbiy bilimlarini doimiy oshirib borish.

18. Oʻzbekiston Respublikasi Qishloq xoʻjaligi vazirligi ikki oy muddatda Stansiyaning ustavi va tashkiliy tuzilmasi tasdiqlanishini va belgilangan tartibda davlat roʻyxatidan oʻtkazilishini taʼminlasin.

19. Quyidagilar:

Oʻzbekiston Respublikasining Davlat budjetidan ilmiy faoliyatga oid davlat dasturlari va ilmiy faoliyatga oid davlat maqsadli dasturlarini amalga oshirish uchun ajratiladigan mablagʻlar;

xoʻjalik faoliyatidan tushadigan mablagʻlar;

xalqaro moliya institutlari va xorijiy hukumatlar moliya tashkilotlarining grantlari;

qonun hujjatlarida taqiqlanmagan boshqa mablagʻlar Stansiyaning moliyalashtirish manbalari etib belgilansin.

20. Oʻzbekiston Respublikasi Qishloq xoʻjaligi vazirligi Qoraqalpogʻiston Respublikasi Vazirlar Kengashi bilan birgalikda:

Don va dukkakli ekinlar ilmiy-tadqiqot institutining Qoraqalpogʻiston ilmiy-tajriba stansiyasining maʼmuriy binosiga Sholichilik ilmiy-tadqiqot institutining Qoraqalpogʻiston ilmiy-tajriba stansiyasi maʼmuriyatining joylashtirilishini;

Don va dukkakli ekinlar ilmiy-tadqiqot institutining Qoraqalpogʻiston ilmiy-tajriba stansiyasining qishloq xoʻjaligi texnikalarini xatlovdan oʻtkazsin hamda ularning bajaradigan funksiyasidan kelib chiqqan holda Don va dukkakli ekinlar ilmiy-tadqiqot institutining Qoraqalpogʻiston ilmiy-tajriba stansiyasiga hamda Sholichilik ilmiy-tadqiqot institutining Qoraqalpogʻiston ilmiy-tajriba stansiyasiga belgilangan tartibda taqsimotining amalga oshirilishini taʼminlasin.

21. Qoraqalpogʻiston Respublikasi Vazirlar Kengashi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda bir oy muddatda Stansiyaga ilmiy tajriba-sinov ishlarini oʻtkazish uchun 300 gektar sugʻoriladigan yer maydoni ajratsin.

22. Oʻzbekiston Respublikasi Qishloq xoʻjaligi vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

23. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaxabov va Oʻzbekiston Respublikasi qishloq xoʻjaligi vaziri J.A. Xodjayev zimmasiga yuklansin.

Vazirlar Mahkamasining 2019-yil 12-dekabrdagi 986-son qaroriga 1-ILOVA

“Oʻzbeksholichilik” uyushmasining

Vazirlar Mahkamasining 2019-yil 12-dekabrdagi 986-son qaroriga 2-ILOVA

“Oʻzbeksholichiligi” uyushmasining ijro etuvchi apparati

Oʻzbekiston Respublikasining Bosh vaziri A. ARIPOV

Toshkent sh.,

2019-yil 12-dekabr,

986-son

(Qonun hujjatlari maʼlumotlari milliy bazasi, 12.12.2019-y., 09/19/986/4139-son; Qonunchilik maʼlumotlari milliy bazasi, 28.08.2021-y., 09/21/545/0832-son)

lex.uz