📅 2019-yil 13-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 13 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 декабря 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 13 December 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Товарларнинг келиб чиқишини сертификатлашни ўтказиш тартиби тўғрисидаги низомни тасдиқлаш ҳақида
Ўзбекистон Республикасининг Божхона кодекси, Ўзбекистон Республикаси Президентининг « Ўзбекистон Республикаси Инвестициялар ва ташқи савдо вазирлиги фаолиятини ташкил этиш тўғрисида » 2019 йил 28 январдаги ПҚ-4135-сон ва « Жаҳон банки ва халқаро молия корпорациясининг «Бизнес юритиш» йиллик ҳисоботида Ўзбекистон Республикасининг рейтингини яхшилашга доир қўшимча чора-тадбирлар тўғрисида » 2019 йил 5 февралдаги ПҚ-4160-сон қарорларига мувофиқ Вазирлар Маҳкамаси қарор қилади:
1. Товарларнинг келиб чиқишини сертификатлашни ўтказиш тартиби тўғрисидаги низом иловага мувофиқ тасдиқлансин.
2. Вазирлар Маҳкамасининг «Ўзбекистон Республикасида ташқи савдо фаолиятини эркинлаштириш бўйича қўшимча чора-тадбирлар тўғрисида» 1998 йил 31 мартдаги 137-сон қарорининг 9-банди 5-хатбошисидан «шунингдек, товарлар ишлаб чиқарилган мамлакатни аниқлаш қоидаларини» сўзлари чиқариб ташлансин.
3. Ўзбекистон Республикаси Инвестициялар ва ташқи савдо вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ганиев ва Ўзбекистон Республикаси инвестициялар ва ташқи савдо вазири С.У. Умурзаков зиммасига юклансин.
Вазирлар Маҳкамасининг 2019 йил 13 декабрдаги 994-сон қарорига ИЛОВА
Товарларнинг келиб чиқишини сертификатлашни ўтказиш тартиби тўғрисида
1-боб. Асосий қоидалар
1. Мазкур Низом Ўзбекистон Республикасида товарларнинг келиб чиқишини сертификатлашни ўтказиш тартибини белгилайди.
2. Мазкур Низомда қуйидаги асосий тушунчалардан фойдаланилади:
ариза берувчи — товарларнинг келиб чиқиши тўғрисидаги сертификатни олиш учун мурожаат этувчи юридик ёки жисмоний шахс;
товарларнинг келиб чиқишини сертификатлаш (кейинги ўринларда сертификатлаш деб аталади) — Ўзбекистон Республикасидан экспорт ва реэкспорт қилинаётган товарларнинг келиб чиқиши тўғрисидаги сертификатни бериш, гувоҳлантириш орқали товарларнинг келиб чиқиш мамлакатини аниқлаш мақсадида экспертиза ўтказиш жараёни;
товарларнинг келиб чиқиши тўғрисидаги сертификат (кейинги ўринларда сертификат деб аталади) — товарларнинг келиб чиқиш мамлакати тўғрисида аниқ далолат берувчи ҳужжат, шу жумладан электрон шаклдаги ҳужжат;
ваколатли орган — «Ўзбекэкспертиза» акциядорлик жамияти;
ваколатли шахс — ваколатли органнинг сертификатни гувоҳлантириш учун масъул бўлган мансабдор шахси;
ишлаб чиқаришни экспертиза қилиш — эксперт томонидан ариза берувчининг ишлаб чиқариши мазкур Низомда белгиланган тартибда кўздан кечирилиши.
товар — божхона чегарасидан ўтувчи ҳар қандай мол-мулк, шу жумладан иссиқлик, электр, бошқа энергия турлари ва транспорт воситалари (товар ва йўловчиларни халқаро ташиш хизматларини амалга оширувчи транспорт воситаларидан ташқари);
товар туркуми — битта олувчининг манзилига битта транспорт ҳужжати бўйича келаётган ёки битта почта юк хати билан жўнатилаётган ёхуд божхона чегараси орқали ўтаётган битта жисмоний шахснинг қўл юкида ва багажида олиб ўтилаётган товар ёки унинг бир қисми;
эксперт — ваколатли органнинг зиммасига экспертиза ўтказиш, экспертиза далолатномасини ёки эксперт хулосаси ва сертификатни расмийлаштириш функцияси юклатилган вакили;
айнан бир хил товар — бир ишлаб чиқарувчи томонидан айнан бир хил технологик жараёнга асосан ишлаб чиқарилган, таркиби, номи (шу жумладан, модели, савдо белгиси, тури бўйича) ва ТИФ ТН кодлари бўйича бир хил тавсифланган, айнан бир ариза берувчи томонидан сертификатлаш учун тақдим этилган товар;
экспорт қилувчи/ариза берувчининг ариза-декларацияси — ушбу Низом 36-бандининг «г» кичик бандида кўрсатиб ўтилган мамлакатлар учун бериладиган умумий шаклдаги келиб чиқиш сертификатини бериш учун асос бўладиган ҳужжат, шу жумладан электрон шаклдаги ҳужжат;
ўз-ўзини сертификатлаш — товар олиб кирилаётган мамлакатда ўрнатилган тартибга мувофиқ, экспорт қилувчининг ҳисоб-варақ фактура ёки товарнинг бошқа кузатув ҳужжатларида товарнинг келиб чиқишини декларация орқали тасдиқлаши.
Ўзбекистон Республикасининг халқаро шартномаларида, товар олиб кирилаётган мамлакатнинг миллий қоидалари ёки Ўзбекистон Республикасининг норматив-ҳуқуқий ҳужжатларида бошқача белгиланмаган бўлса, ушбу бобда кўрсатилган тушунчалар ва уларнинг талқини қўлланилади.
3. Сертификат ваколатли орган томонидан товарнинг келиб чиқиш мамлакатини гувоҳлантириш мақсадида расмийлаштирилади ва товар олиб кириладиган мамлакатнинг қонунчилигига мувофиқ имтиёзлар олиш ёки имтиёзлар олиш билан боғлиқ бўлмаган бошқа мақсадлар учун қўлланилиши мумкин.
4. Ўзбекистон Республикасининг божхона ҳудудидан товарларни олиб чиқиб кетиш вақтида сертификат, башарти унинг зарурлиги тегишли шартномаларда, товар олиб кириладиган мамлакатнинг миллий қоидаларида қайд этилган ёки Ўзбекистон Республикасининг халқаро мажбуриятларида назарда тутилган бўлса, шунингдек, экспорт қилувчининг талаби бўйича берилади.
5. Товарларнинг келиб чиқиш мамлакатини аниқлаш тамойиллари мавжуд халқаро амалиётга асосланади. Бунда имтиёзли келиб чиқиш қоидалари Ўзбекистон Республикасининг халқаро шартномаларида, шунингдек, Бош преференциялар тизимига мувофиқ преференциялар тақдим этувчи давлатларнинг имтиёзли келиб чиқиш қоидаларига мувофиқ аниқланади.
Бошқа ҳолларда мазкур Низомнинг 2-бобига мувофиқ келиб чиқиш қоидалари қўлланилади.
6. Товарнинг келиб чиқишини экспертиза қилишни ўтказиш ва сертификат бериш мазкур Низомнинг 1-иловасига мувофиқ схема бўйича амалга оширилади.
2-боб. Товарларнинг келиб чиқиш мамлакатини аниқлаш қоидалари
7. Товарлар батамом ишлаб чиқарилган ёки етарли даражада қайта ишланган мамлакат товарнинг келиб чиқиш мамлакати ҳисобланади.
Бир гуруҳ мамлакатлар, мамлакатларнинг божхона иттифоқлари, минтақа ёки башарти, товар ишлаб чиқарилган жойни аниқлаш мақсади ажратиб кўрсатишни тақозо этса, бирор мамлакатнинг муайян қисми товар ишлаб чиқарилган мамлакат деб ҳисобланиши мумкин.
8. Қуйидаги товарлар мазкур мамлакатда батамом ишлаб чиқарилган деб ҳисобланади:
а) унинг ҳудудидан ёки ҳудудий сувларидан ёхуд континенталь шельфидан ва денгиз остидан олинган фойдали қазилмалар, агар мамлакат денгиз остини қазиш учун мутлақ ҳуқуққа эга бўлса;
б) унинг ҳудудида ўстирилган ёки йиғиб олинган ўсимлик маҳсулотлари;
в) мамлакатда туғилган ва парвариш қилинган тирик ҳайвонлар;
г) мамлакатда етиштирилган ўсимлик маҳсулотлари ва ҳайвонлардан олинган маҳсулот;
д) мамлакатда тайёрланган овчилик, балиқчилик ва денгиз ови маҳсулоти;
е) мамлакат кемаларида ёки у ижарага олган (фрахт қилинган) кемаларда жаҳон океанида овланган ва (ёки) тайёрланган денгиз ови маҳсулотлари;
ж) мамлакатдаги ишлаб чиқариш ёки бошқа операцияларнинг натижаси бўлмиш иккиламчи хом ашё ва чиқиндилар;
з) мамлакатга қарашли ёки у ижарага олган космик кемаларда очиқ космосда олинган юқори технология маҳсулотлари;
и) мамлакатда мазкур банднинг «а» — «з» кичик бандларида кўрсатиб ўтилган маҳсулотлардангина ишлаб чиқарилган товарлар.
9. Агар товарни ишлаб чиқаришда икки ёки ундан ортиқ мамлакат иштирок этаётган бўлса, товарнинг келиб чиқиши унинг «етарли даражада қайта ишланганлиги» мезонига мувофиқ аниқланади.
10. Ушбу мамлакатда товарнинг «етарлича даражада қайта ишланганлиги» мезони қуйидагилардан иборат:
товарни қайта ишлаш натижасида товар позициясининг (товари таснифловчи кодининг) ТИФ ТН бўйича дастлабки тўртта код белгисининг исталган бири даражасида ўзгариши;
мазкур ҳудуддан келиб чиққан деб ҳисоблаш учун етарли бўлган зарур ишлаб чиқариш ва технологик операцияларнинг бажарилиши;
адвалор улуш қоидаси — фойдаланилган материаллар қийматининг ёки қўшилган қийматнинг фоизлардаги улуши етказиб берилаётган товар баҳосининг қайд этилган улушига етганда, товар қийматининг ўзгариши.
11. Агар аниқ товар ёки аниқ мамлакатга (мамлакатларга) нисбатан товарнинг келиб чиқиш мезони алоҳида белгиланмаган бўлса, Ўзбекистон Республикасида «етарлича даражада қайта ишланганлиги» мезони қуйидагича аниқланади:
а) энг кўп қулайлик режимини яратган ҳолда, савдо-иқтисодий ҳамкорлик соҳасидаги битимлар имзоланган давлатлар учун (ўзаро битимларда ёки товар олиб кириладиган мамлакат миллий қонунчилигида бошқача мезон белгиланмаган ҳолларда):
товарни қайта ишлаш натижасида товар позициясининг (товарни таснифловчи кодининг) ТИФ ТН бўйича дастлабки тўртта код белгисининг исталган бири даражасида ўзгариши ёки;
ишлаб чиқаришда фойдаланилган импорт маҳсулотлар улуши товар таннархининг 50 фоизидан ошмаслиги;
б) Ўзбекистон Республикаси билан савдо-иқтисодий ҳамкорлик соҳасидаги битимлари мавжуд бўлмаган давлатлар учун ҳамда ўзаро эркин ёки имтиёзли савдо тўғрисидаги халқаро шартномалар тузилган давлатларга экспорт қилинаётган, аммо шартномада белгиланган имтиёзли келиб чиқиш қоидалари талабларига жавоб бермайдиган товарлар учун (товар олиб кириладиган мамлакат миллий қонунчилигида бошқача мезон белгиланмаган ҳолларда):
товарни қайта ишлаш натижасида товар позициясининг (товарни таснифловчи кодининг) ТИФ ТН бўйича дастлабки тўртта код белгисининг исталган бири даражасида ўзгариши ёки;
ишлаб чиқаришда фойдаланилган импорт маҳсулотлар улуши товар таннархининг 70 фоизидан ошмаслиги.
12. Етарли даражада қайта ишланганлик мезони адвалор улуш орқали ифодаланган ҳолатларда, қийматли кўрсаткичлар қуйидагича ҳисобланади:
а) импорт қилинаётган материаллар учун — олиб киришда бож олинадиган (СИФ негизида) қиймат бўйича ёки агар уларнинг келиб чиқиши номаълум бўлган ҳолда, ишлаб чиқариш амалга ошириладиган мамлакат ҳудудида белгиланган биринчи сотув баҳоси бўйича;
б) тайёр товарлар учун — франко-завод баҳоси ёки экспорт баҳоси бўйича.
13. Қуйидагилар «етарли даражада қайта ишланганлик» мезонига жавоб бермайди деб ҳисобланади:
а) сақлаш ёки транспортда ташиш вақтида товарларнинг сақланишини таъминлаш бўйича операциялар;
б) товарларни сотиш ва транспортда ташишга тайёрлаш бўйича операциялар (товар туркумини майдалаш, товарларни жўнатишни ташкил қилиш, саралаш, қайтадан ўраш);
в) оддий йиғув операциялари;
г) товарларни (таркибий қисмларни) аралаштириб ҳосил қилинган маҳсулотга унга дастлабки таркибидан жиддий фарқланадиган хусусиятларни бермаслик;
д) юқорида кўрсатилган операцияларнинг иккитаси ёки ундан ортиғини бир вақтда амалга ошириш;
е) чорва молларини сўйиш.
14. Ишлаб чиқариш ёки транспорт шароитларига кўра, товарларни битта туркум қилиб жўнатишнинг иложи бўлмаганлиги сабабли улар бўлиб-бўлиб ёки йиғилмаган ҳолда етказиб берилса, унинг келиб чиқишини аниқлаш нуқтаи назаридан импортёрнинг хоҳишига кўра, ягона предмет деб қаралиши керак.
Ушбу қоиданинг қўлланиш шарти қуйидагилардан иборат:
бўлакларга бўлинган ёки йиғилмаган товарнинг бир неча туркумга тақсимланганлигини, бундай тақсимлаш сабабларини, ҳар бир туркумга кирадиган товарларнинг ТИФ ТН бўйича кодлари, қиймати ва уларни ишлаб чиқарган мамлакатни кўрсатган ҳолда ҳар бир туркумнинг батафсил таснифини Ўзбекистон Республикаси божхона органига олдиндан маълум қилиш;
барча туркумдаги товарларнинг битта мамлакатдан битта экспорт қилувчилар орқали етказиб берилиши;
товарларнинг барча туркумларини битта божхона постида расмийлаштириш;
барча туркумдаги товарларнинг шартномада кўрсатилган муддатдан кечиктирмай етказиб берилиши.
15. Товарларнинг келиб чиқишини аниқлашда, уларни ишлаб чиқариш учун фойдаланиладиган иссиқлик ва электр энергияси, машиналар, ускуна ва асбобларнинг келиб чиқиши инобатга олинмайди.
16. Товарларнинг келиб чиқиш мамлакати «етарли даражада қайта ишланганлик» мезонига мувофиқ аниқланганда, келиб чиқиши номаълум бўлган материаллар хорижий материаллар деб ҳисобланади.
3-боб. Эркин иқтисодий зонани яратиш тўғрисида 1994 йил 15 апрелдаги битим ёки Эркин савдо ҳудуди тўғрисида 2011 йил 18 октябрдаги шартнома иштирокчи-давлатларининг товарлари учун келиб чиқиш мамлакатини аниқлашнинг ўзига хос хусусиятлари
17. Товарнинг Эркин иқтисодий зонани яратиш тўғрисида 1994 йил 15 апрелдаги битим ёки Эркин савдо ҳудуди тўғрисида 2011 йил 18 октябрдаги шартнома иштирокчи-давлатининг божхона ҳудудидан келиб чиққанлигини гувоҳлантириш учун Ўзбекистон Республикаси божхона органига битим ёки шартнома иштирокчиси бўлган келиб чиқиш мамлакатининг ваколатли органи томонидан берилган сертификат (СТ-1 шакл) тақдим этилиши лозим.
18. Ўзбекистон Республикаси 1994 йил 15 апрелдаги Эркин иқтисодий зонани яратиш тўғрисидаги битим ёки 2011 йил 18 октябрдаги Эркин савдо ҳудуди тўғрисидаги шартнома иштирокчи-давлатлари билан савдода Мустақил Давлатлар Ҳамдўстлиги (МДҲ) ҳукуматлари раҳбарлари Кенгашининг 1993 йил 24 сентябрдаги қарори билан, кейинчалик киритилган ўзгартиришлар билан бирга тасдиқланган Товарларнинг келиб чиқиш мамлакатини аниқлаш қоидаларини қўллайди.
19. Товар, агар у мазкур Низомнинг II бўлимида белгиланган келиб чиқиш мезонларига мувофиқ бўлса, 1994 йил 15 апрелдаги Эркин иқтисодий зонани яратиш тўғрисидаги битим ёки 2011 йил 18 октябрдаги Эркин савдо ҳудуди тўғрисидаги шартнома иштирокчи-давлатларидан бирортасининг резиденти томонидан экспорт қилинаётган бўлса ва битим ёки шартноманинг бошқа иштирокчи давлати божхона ҳудудидан ушбу битим ёки шартноманинг иштирокчи-давлати резиденти томонидан олиб кирилаётган бўлса, Эркин иқтисодий зонани яратиш тўғрисидаги битим ёки Эркин савдо ҳудуди тўғрисидаги шартнома иштирокчи-давлатининг божхона ҳудудидан келиб чиққан деб ҳисобланади. Бунда резидент деганда, ушбу давлат ҳудудида тузилган ташкилот ёки ушбу давлат ҳудудида доимий яшовчи жисмоний шахс тушунилади.
20. Товарларни МДҲ давлатларига экспорт қилишда «етарлича даражада қайта ишланганлиги» мезонини қўллаш учун кумуляция тамойилидан фойдаланиш мумкин, яъни товарларни МДҲ давлатларида бирин-кетинликда қайта ишлашда, ушбу давлатлар келиб чиқишни аниқлаш мақсадлари учун яхлит ҳудуд сифатида кўрилади.
21. 1993 йил 24 сентябрдаги Товарларнинг келиб чиқиш мамлакатини аниқлаш Қоидалари кучга киргунга қадар Шартнома иштирокчи давлатлари ҳудудларида ишлаб чиқарилган ва уларнинг божхона ҳудудига олиб кирилган (жойлаштирилган), Шартнома иштирокчи давлатлар ичида товарларни олиб ўтишда СТ-1 шаклидаги сертификат берилиши мумкин ва сертификатнинг 5-устунига «Товар (мамлакатнинг хозирги номи, ишлаб чиқарувчининг номи ва ишлаб чиқарилган йили кўрсатилади) ишлаб чиқарилган» ёзуви киритилади. Бунда 12-устунда товар ишлаб чиқарилган давлатнинг хозирги номи кўрсатилади. Товар ишлаб чиқарувчиси (унинг номи, манзили ва товар ишлаб чиқарилган йили) тўғрисидаги ҳужжатлар тақдим қилинганда, ҳар қандай шартнома иштирокчи давлатлари томонидан сертификат берилиши мумкин.
4-боб. Ўзбекистон Республикасидан экспорт (реэскпорт) қилинаётган товарларнинг келиб чиқиш мамлакатини аниқлаш бўйича экспертиза ўтказиш тартиби
22. Товарнинг келиб чиқиш мамлакатини аниқлаш мақсадида экспертиза ўтказиш ва сертификат олиш учун ариза берувчи товарни юклаш амалга оширилаётган жойдаги ваколатли органга мазкур Низомнинг 2-иловасига мувофиқ шаклда ёзма ариза тақдим этади.
Аризага ариза берувчининг имзоси билан тасдиқланган қуйидаги ҳужжатларнинг нусхалари илова қилинади:
экспорт қилинаётган товарга ҳисобварақ-фактура (инвойс);
экспорт қилинадиган товарларни ишлаб чиқаришда фойдаланиладиган хом ашё ва бутловчи қисмларни сотиб олиш бўйича шартнома ва ҳисобварақ-фактуралар ёки бошқа ҳужжатлар;
экспорт қилинаётган товарларни ишлаб чиқаришда фойдаланилган хомашё ва бутловчи қисмларнинг Ўзбекистон Республикасида ишлаб чиқарилганлигини тасдиқловчи ҳужжатлар (зарур ҳолларда);
Ўзбекистон Республикаси ҳудудида ишлаб чиқарилган товарларнинг сотиб олганлигини тасдиқловчи шартнома ва ҳисобварақ-фактура ёки бошқа ҳужжатлар (экспорт қилинаётган товарнинг ишлаб чиқарувчиси бўлиб ҳисобланмайдиган ариза берувчи мурожаат этган ҳолларда);
экспорт қилинаётган товарнинг сифат ва техник кўрсаткичларини тасдиқловчи ҳамда идентификациялаш учун зарур ҳужжатлар (ариза берувчи талабига кўра сертификатда товар ҳақида қўшимча ва аниқлаштирувчи маълумотлар, шунингдек, унинг сифати ва техник тавсифи қайд этилиши зарур ҳолларда);
экспорт қилинаётган товарларни ишлаб чиқарувчи ҳисобланмайдиган ариза берувчи мурожаат қилган ва мазкур бандда назарда тутилган ҳужжатларни ишлаб чиқарувчи томонидан берилиши рад этилган ҳолларда, товарни Ўзбекистон Республикасидан келиб чиққанлигини тасдиқловчи СТ-UZ келиб чиқиш сертификати. Бунда ушбу сертификатни бериш учун асос бўлган келиб чиқиш мезони имтиёзли келиб чиқиш қоидалари ва ушбу Низомнинг 11-банди талаблари асосида экспортга сертификат бериш учун етарли деб ҳисобланган ҳолларда келиб чиқишини тасдиқлаш мақсадида қўлланиши мумкин;
экспорт қилинаётган товарларни ишлаб чиқариш технологик жараёнининг асосий операцияларини ўз ичига олган ишлаб чиқариш технологик жараёнининг тавсифи, ўзининг ёки ижарага олинган ишлаб чиқариш объектлари ва ускуналарнинг мавжудлиги ҳақида маълумот.
Ишлаб чиқарилишида импорт қилинган қисмлар, хомашё материаллари, бутловчи ва эҳтиёт қисмлар ишлатилган товарларнинг келиб чиқиш мамлакатини аниқлаш бўйича мурожаат қилинган ҳолда, юқорида кўрсатилган ҳужжатларга қўшимча тарзда қуйидаги ҳужжатларнинг нусхалари тақдим этилади:
Ўзбекистон Республикасига хомашё ёки қисмларни олиб киришдаги юк божхона декларациялари;
товар бирлигининг фойдаланилган импорт хомашё ва материалларнинг қиймати ажратилган ҳолда нархининг ҳисоби (товарларнинг келиб чиқишини адвалор улуш қоидаси бўйича аниқлаш зарурати бўлган ҳолларда);
экспорт қилинаётган товарни ишлаб чиқаришда фойдаланилган импорт хомашёларнинг ТИФ ТН бўйича тасниф коди ҳақида маълумот (Ўзбекистон Республикасига хомашё ёки қисмларни олиб киришдаги юк божхона декларациялари тақдим қилиш имконияти мавжуд бўлмаган ҳолларда).
ишлаб чиқаришда фойдаланилган хомашё ва қисмларнинг келиб чиқиш тўғрисидаги сертификати (товарнинг келиб чиқиши кумулятив метод асосида аниқланган ҳолларда).
23. Реэкспорт қилинаётган товарнинг келиб чиқиши тўғрисидаги сертификатни олиш учун мурожаат қилинганда қуйидагилар тақдим қилиниши керак:
Ўзбекистон Республикаси ҳудудига кириб келган товарнинг келиб чиқиши тўғрисидаги сертификатнинг асл нусхаси ёки асл нусха бериш мажбурий бўлмаган мамлакатлар томонидан берилган ва Ўзбекистон Республикаси ваколатли органларидан олинган маълумотлар билан тасдиқланган электрон ҳавола орқали текшириш (тасдиқлаш) имконияти мавжуд бўлган ҳолларда электрон шаклдаги сертификат нусхаси;
товарнинг Ўзбекистон Республикаси божхона ҳудудига келиб тушганлигини тасдиқловчи ҳужжат нусхаси;
экспорт шартномаси ёки товарнинг Ўзбекистон Республикаси ҳудудидан реэкспорт қилинаётганлигини тасдиқловчи бошқа ҳужжат нусхаси.
24. Ўзбекистон Республикасида етиштирилиб экспорт қилинаётган қишлоқ хўжалик маҳсулотларига сертификат олиш бўйича мурожаат қилинганда, аризага ариза берувчининг имзоси билан тасдиқланган қуйидаги ҳужжатларнинг нусхалари илова қилинади:
экспорт қилинаётган товарга ҳисобварақ-фактура (инвойс);
экспорт қилинаётган товарнинг келиб чиқишини тасдиқлайдиган ҳужжатлар (экспорт қилувчининг ер участкасидан фойдаланиш ҳуқуқини тасдиқловчи ҳужжатлар ёки Ўзбекистон Республикаси ҳудудида етиштирилиб экспорт қилинаётган товарнинг сотиб олинганлигини тасдиқловчи бошқа ҳужжатлар).
Сертификат олиш учун мурожаат қилинган куни мазкур бандда кўрсатилган ҳужжатларни тақдим этиш имконияти бўлмаганда, ариза берувчи томонидан экспорт қилинаётган маҳсулотнинг номи, ҳажми, тайёрловчиси ва етиштирилган ҳудуди ҳақидаги маълумотларни ўз ичига олувчи хатни тақдим этишга рухсат этилади. Бунда халқаро меъёрларга мувофиқ товар олиб кирилаётган мамлакатнинг божхона ёки бошқа ваколатли органлари томонидан сўровнома келганда, шунингдек, тақдим этилаётган хатда ишончсиз маълумотлар кўрсатилган ҳолларда, ваколатли орган экспорт қилинаётган товарнинг келиб чиқиши бўйича объектив хулоса бериш учун унинг талабига кўра ариза берувчи ушбу бандда кўрсатилган ҳужжатларни тақдим этиши лозим.
25. Мазкур Низом 36-бандининг «г» кичик бандига асосан экспорт қилинаётган маҳсулотга сертификат олиш учун экспорт қилувчи ушбу Низомнинг 2а-иловасига мувофиқ шаклда расмийлаштирилган ариза-декларацияни тақдим этиши мумкин. Ариза-декларация ёзма ёки электрон шаклда ҳамда ариза берувчининг имзоси билан тасдиқланган ҳолда тақдим қилинади.
26. 22 — 25-бандларда кўрсатилган ҳужжатлар ариза берувчи томонидан ваколатли органга бевосита, почта алоқа воситаси орқали ёки электрон шаклда ахборот тизими орқали тақдим этилади. Электрон шаклда тақдим этилган ҳужжатлар ариза топшириш санасида республикада фаолият юритаётган фойдаланувчиларни идентификациялаш (аниқлаш) ягона ахборот тизимидан фойдаланган ҳолда тақдим этилади ёки ариза берувчининг электрон рақамли имзоси билан тасдиқланади.
Ариза берувчи сертификат олиш учун аризага ваколатли органни хабардор қилиш зарур деб ҳисоблайдиган қўшимча маълумот ва ҳужжатларни илова қилиши мумкин.
Тўлиқ ҳажмда тақдим этилмаган ҳужжатлар кўриб чиқиш учун қабул қилинмайди.
27. Ўзбекистон Республикасидан экспорт қилинаётган товарларнинг келиб чиқиш мамлакатини аниқлаш бўйича экспертиза ўтказиш ва экспертиза далолатномасини тузиш, ушбу Низомда назарда тутилган тартибда ариза топширилган санадан бошлаб бир иш куни мобайнида амалга оширилади.
Илгари айнан бир хил товар учун сертификат олган ариза берувчи мурожаат қилган тақдирда, товарларнинг келиб чиқишини сертификатлаш ариза топширилган вақтдан бошлаб бир иш куни мобайнида амалга оширилади, бунда ариза берувчи аризасида сертификатланаётган маҳсулот номи ва миқдоридан сўнг айнан илгари берилган сертификатнинг рақамини кўрсатади.
Мева-сабзавот маҳсулотларига сертификат олиш бўйича ариза берувчи томонидан мурожаат қилинганда, товарларнинг келиб чиқишини сертификатлаш ариза топширилган вақтдан бошлаб бир иш куни мобайнида амалга оширилади.
ТИФ ТН кодлари бўйича 84 — 89 гуруҳларда тавсифланадиган ёки йирик ассортиментлардаги (3 тадан ортиқ ишлаб чиқарувчи ва/ёки 30 турдан ортиқ) товарларни келиб чиқишини сертификатлашда экспертиза қилиш, шунингдек экспертиза далолатномасини тузиш 2 иш кунигача узайтирилиши мумкин
28. Ишлаб чиқаришни экспертиза қилиш экспорт қилинаётган товарни ишлаб чиқариш (тайёрлаш) жараёнини ўрганишдан ва товарнинг Ўзбекистон Республикасидан келиб чиқишини тасдиқлаш учун экспертиза буюртмачиси томонидан тақдим этилган ҳужжатларни таҳлил қилишдан бошланади. Эксперт қуйидагилар билан танишиб чиқиши ва ўрганиши керак:
Мазкур Низомнинг 22 , 24 , 25-бандида кўрсатилган ҳужжатларни;
экспорт қилинаётган товарни ишлаб чиқарувчиси бўлиб ҳисобланмайдиган ариза берувчи мурожаат этган ҳолларда, экспорт қилинаётган товар туркумининг мавжудлигини текширади;
экспорт қилинаётган товарни ишлаб чиқарувчиси бўлган ариза берувчи мурожаат этган ҳолларда, экспорт қилинаётган товарни ишлаб чиқариш учун объектив шароитларни текширади.
Иш жараёнида эксперт экспорт қилинаётган товар келиб чиқиш мезонларидан қайси бирига: маҳсулотнинг батамом ишлаб чиқарилганлиги ёки маҳсулотнинг етарлича қайта ишланганлигига мос келишини аниқлаши керак.
Башарти экспертиза натижасида товарнинг Ўзбекистон Республикасидан келиб чиқиши тасдиқланса ва келиб чиқиш мезони аниқланса, мазкур Низомнинг 3-иловасига мувофиқ шаклда экспертиза далолатномаси тузилади.
29. Экспертиза далолатномаси экспорт қилинаётган товарнинг шартномада кўрсатилган барча миқдорига ёки (экспорт қилувчининг ихтиёрига кўра) товар туркумига расмийлаштирилади.
Товарнинг шартномада кўрсатилган барча миқдорига экспертиза далолатномасини расмийлаштиришда, корхонанинг ушбу миқдорга мос ишлаб чиқариш қувватлари ҳамда ишлаб чиқаришда фойдаланиладиган хомашё ва бутловчи қисмларнинг мавжуд бўлиши талаб этилади.
30. Далолатнома эксперт томонидан аниқ, қисқартиришларсиз (умумий қабул қилинганлардан ташқари) ва бўялишларсиз расмийлаштирилган бўлиши керак. Тузатишларга эксперт томонидан изоҳ берилиши ва унинг имзоси билан тасдиқланган бўлиши лозим.
31. Экспертиза далолатномасида тақдим этилган ҳужжатлар тўғрисидаги барча маълумотлар, текшириш натижалари кўрсатилган бўлиши ва товарнинг келиб чиқишини аниқлашнинг аниқ асоси келтирилиши керак.
32. Экспертиза далолатномаси бир нусхада расмийлаштирилиб, ваколатли органда сақланади.
33. Ариза берувчи томонидан товарнинг келиб чиқиш мамлакатини аниқлаш мақсадида экспертиза ўтказиш ва экспертиза далолатномаси олиш (сертификат расмийлаштирилмасдан) учун мурожаат қилинган ҳолларда, ариза берувчи товар ишлаб чиқарилган ҳудуддаги ваколатли органга мазкур Низомнинг 22-бандида кўрсатилган ҳужжатларни тақдим қилади. Ушбу ҳолатда, ариза берувчи томонидан сертификат олиш учун товар ортилаётган ҳудуд ваколатли органига ўзи томонидан тасдиқланган экспертиза далолатномасининг нусхаси берилади. Бундай экспертиза далолатномаси 12 ой амал қилиш муддати билан берилади. Товарни ишлаб чиқаришнинг технологик жараёнида (шу жумладан товарнинг таркибий қисмида), экспорт қилинаётган товарни ишлаб чиқаришда фойдаланилган хом-ашё ва материалларнинг келиб чиқишида ёки товар экспорт қилинаётган мамлакат ўзгарган тақдирда, ариза берувчи янги экспертиза далолатномаси олиш учун экспертиза далолатномаси берган ваколатли органга мазкур Низомнинг 22-бандида қайд этилган зарур ҳужжатлардаги тегишли ўзгаришлари билан мурожаат қилиши лозим.
34. Агар экспертиза натижасида товарнинг Ўзбекистон Республикасида «етарли даражада қайта ишланганлик» мезонига риоя қилинмаганлиги аниқланса ёки товар ишлаб чиқарилган мамлакатни аниқлаш имкони бўлмаса, экспорт қилувчига тақдим этилган товар Ўзбекистон Республикасидан келиб чиққан товар сифатида таснифлана олмаслиги тўғрисида, сабаблари кўрсатилган ҳолда, мазкур Низомнинг 4-иловасига мувофиқ шаклда эксперт хулосаси берилади.
35. Товарларнинг Ўзбекистон Республикаси ҳудудида қайта ишлаш жараёнида келиб чиқиш мамлакати тўғрисидаги дастлабки қарор давлат божхона хизмати томонидан берилади.
Ўзбекистон Республикаси ҳудудида қайта ишлаш жараёнида товар келиб чиқиш мамлакати тўғрисидаги дастлабки қарорни бериш тартиби ва шакли Ўзбекистон Республикаси Давлат божхона қўмитаси томонидан белгиланади.
5-боб. Сертификатни расмийлаштириш
36. Экспертиза далолатномаси ( «а» — «д» кичик бандлар ) ёки ариза-декларация ( «г» кичик банд ) асосида сертификат, экспорт қилинаётган товарнинг шартномада кўрсатилган барча миқдорига ёки товар туркумига (экспорт қилувчининг ихтиёрига кўра) қуйидаги шаклларда расмийлаштирилади:
а) Бош преференциялар тизимига мувофиқ преференциялар тақдим этувчи хорижий давлатларга экспорт қилинаётган товарларга — А шаклида;
б) Мустақил Давлатлар Ҳамдўстлиги давлатларига — СТ-1 шаклида;
в) Ўзбекистон Республикаси билан шартномалар тузган давлатларга шартномаларда белгиланган шаклларда ёки мазкур Низомнинг 5-иловасига мувофиқ шаклда рус ёки инглиз тилларида;
г) ушбу банднинг «а» — «в» кичик бандларида кўрсатилмаган мамлакатларга ва товарнинг келиб чиқиш мамлакатини тасдиқлаш шартнома (битим) шартларида ёки бундай давлатларнинг миллий қоидаларида зарурлиги назарда тутилган бўлса, мазкур Низомга 5-иловасига мувофиқ шаклда, шунингдек, экспорт қилувчининг хоҳишига кўра тан олинадиган давлатлар учун 5а-иловага мувофиқ шаклда QR-код (матрик штрихли код) қўйиш орқали электрон шаклда рус ёки инглиз тилларида;
д) товарларнинг кейинчалик экспортга чиқариш мақсадларида ички айланиши учун ушбу Низомга 7-иловага мувофиқ СТ-UZ шаклида, бунда ушбу сертификат товарнинг тайёр миқдори ва туркумига, шунингдек, аризада кўрсатилган барча миқдорига, корхонанинг ушбу миқдорга мос ишлаб чиқариш қувватлари ҳамда ишлаб чиқаришда фойдаланиладиган хомашё ва бутловчи қисмлар мавжуд бўлган тақдирда расмийлаштирилади.
Экспорт қилувчининг ихтиёрига кўра, сертификат алоҳида транспортда ташилаётган товар бирликларига берилиши мумкин.
Экспертиза далолатномаси ёки ариза-декларация асосида сертификатни расмийлаштириш бир иш куни мобайнида амалга оширилади.
37. Экспорт қилинаётган товар ишлаб чиқарилган ҳудуддан бошқа ҳудудда товарларнинг келиб чиқиш сертификатини олиш учун мурожаат қилинганда, аризага мазкур товар ишлаб чиқарилган ҳудуддаги ваколатли орган томонидан берилган экспертиза далолатномасининг ариза берувчи томонидан тасдиқланган нусхаси ва экспорт қилинаётган товарга ҳисобварақ-фактура (инвойс) илова қилинади.
38. Қоидага кўра, товарга берилган сертификат, шу товар тўғрисида қуйидаги зарур маълумотларни (ариза берувчи тақдим қилган маълумотлар асосида) ўз ичига олиши керак:
а) экспорт қилувчининг номи ва манзили;
б) импорт қилувчининг номи ва манзили;
в) транспортда ташиш воситалари ва ҳаракатланиш маршрути (қанчалик аниқлигига қараб);
г) ўринлар сони ва ўраб-жойлаш тури, товарни идентификациялаш учун зарур бўлган барча маълумотларни ўз ичига олувчи товарнинг баёни;
д) брутто ва соф оғирлиги (ушбу кўрсаткичлар бошқалар билан, масалан, товар бирликлари сони ёки ҳажми кабилар билан алмаштирилиши мумкин, башарти товарни транспортда ташишда унинг вазни сезиларли даражада ўзгарса ёки бу бирликлар товарнинг ушбу турига стандарт қўлланилса);
е) ҳисобварақ-фактуранинг рақами ва санаси.
ж) товарнинг келиб чиқиш мезонининг асоси (СТ-UZ келиб чиқиш сертификатлари учун). Бунда мезонлар қуйидагича ифодаланади:
«П» — батамом ишлаб чиқарилган деб ҳисобланганда;
«Д XXXX» — қайта ишлаш натижасида товар позициясининг (товарни таснифловчи коднинг) ТИФ ТН бўйича дастлабки тўртта код белгисининг исталган бири даражасида ўзгариш содир бўлиб, етарли даражада қайта ишланган деб топилганда, товар позициясини кўрсатган ҳолда;
«Д 50%» — ишлаб чиқаришда фойдаланилган импорт маҳсулотлар улуши товар таннархининг 50 фоизидан ошмаган ва етарли даражада қайта ишланган деб топилган ҳолда;
«Д 70%» — ишлаб чиқаришда фойдаланилган импорт маҳсулотлар улуши товар таннархининг 70 фоизидан ошмаган ва етарли даражада қайта ишланган деб топилган ҳолда.
39. Сертификат ваколатли шахс томонидан имзоланади ва ваколатли органнинг муҳри билан тасдиқланади, шунингдек,ушбу Низомнинг 36-банди «г» кичик бандига кўра сертификатлар тан олинадиган хорижий давлатлар учун QR-код (матрик штрихли код) қўйиш орқали электрон шаклда расмийлаштирилиши мумкин. Сертификатни гувоҳлантириш жойи (шаҳри) ва санаси, шунингдек, ваколатли органнинг номи ва тўлиқ манзили кўрсатилади.
40. Сертификатларни тасдиқлаш мажбурияти юклатиладиган шахслар имзоларининг намуналари ва ваколатли орган муҳрларининг босма нусхалари Ўзбекистон Республикаси Давлат божхона қўмитасига, шунингдек, бошқа давлатларнинг ваколатли органларига юборилади.
41. Сертификат бир нечта нусхада, битта асл нусха ва қолган нусхалари «копия» («нусха») белгиси билан тузилади, QR-код (матрик штрихли код) қўйилган электрон сертификат бундан мустасно.
Ариза берувчининг мурожаатига кўра сертификатнинг «банкка тақдим этиш учун» белгиси қўйилган иккинчи асл нусхаси берилиши мумкин.
42. Ҳар бир сертификат уни идентификациялаш мумкин бўлган одатий тартиб рақамига эга бўлиши керак.
43. Ариза берувчининг илтимосига кўра сертификатни товар жўнатилганидан сўнг божхона расмийлаштируви амалга оширилгандан бир йилдан кечиктирмасдан гувоҳлантиришга рухсат этилади. Бу ҳолда, мазкур Низомнинг 22 , 24-бандида санаб ўтилган ҳужжатларга ариза берувчи томонидан қўшимча равишда божхона органларининг товарнинг жўнатилганлигини тасдиқловчи белгиси қўйилган товарнинг кузатув ҳужжатлари ва юк божхона декларацияси тақдим этилади. Бундай ҳолларда сертификатнинг «Хизмат белгилари учун» устунларида «Кейинчалик берилган» ёзуви бўлиши керак.
44. Сертификат йўқолган ёки бузилган ҳолларда ариза берувчи аввал берилган сертификат расмийлаштирилган кундан бошлаб бир йил давомида аввал тақдим этилган ҳужжатлар асосида гувоҳлантириладиган дубликат олиш тўғрисида илтимоснома билан мурожаат қилиш ҳуқуқига эга. Бундай сертификатнинг дубликати, сертификат асл нусхасининг расмийлаштирилган санаси ва рақами кўрсатилган ҳолда, «дубликат» ёзувига эга бўлиши керак. Бунда дубликатга аввал берилган сертификат асл нусхасининг рўйхатга олиш рақами ва дубликат расмийлаштирилган куннинг санаси қўйилади.
QR-код (матрик штрихли код) қўйилган электрон сертификат берилганда, дубликат олиш талаб этилмайди.
45. Аввал берилган сертификатни қайта расмийлаштириш зарурати туғилганда, ариза берувчи асослантирилган ёзма мурожаат асосида аввал берилган сертификат расмийлаштирилган кундан бошлаб бир йил давомида янги сертификат олиш ҳуқуқига эга. Бунда «Хизмат белгилари учун» устунларига аввал берилган сертификатнинг рақами ва санаси кўрсатилган ҳолда, «Сертификат ўрнига берилган» ёзуви киритилади. Аввал берилган сертификатнинг ўрнига берилган сертификатга янги рўйхатга олиш рақами ва янги сертификат расмийлаштирилган куннинг санаси қўйилади.
46. Агар сертификатнинг ҳақиқийлигига ёки ундаги экспорт қилинаётган маҳсулотга тегишли бўлган маълумотларнинг аниқлигига шубҳа туғилиши муносабати билан, Европа Иттифоқининг, Мустақил Давлатлар Ҳамдўстлиги мамлакатлари ва бошқа мамлакатларнинг органлари Ўзбекистон Республикасида расмийлаштирилган сертификатни текшириш учун қайтарса ёки расмий талаб йўлласа, ваколатли орган сертификатлаш ва сертификатларни тасдиқлашнинг белгиланган тартибига риоя қилинганлигини текшириш бўйича чоралар кўради, зарур бўлганда мазкур товарнинг экспорт қилувчилари — ташкилотлар жалб этилади.
Бундай текширув натижалари бўйича импортёр-мамлакатнинг сўровнома юборган органига ахборот юборилади.
47. Катта туркумларда бўлмаган (фактура қиймати 5000 АҚШ долларигача бўлган, Европа Иттифоқи мамлакатлари учун 6000 еврогача бўлган) товарларнинг келиб чиқишини гувоҳлантиришда, экспорт қилувчилар товарнинг келиб чиқиш мамлакатини ҳисобварақ-фактурада ёки товарнинг кузатув ҳужжатларида, агарда мазкур товарлар туркуми битта шартнома доирасида етказиб берилаётган товарлар туркумининг бир қисми бўлмаса декларациялаши мумкин.
6-боб. Товарларнинг келиб чиқишида ўз-ўзини сертификатлаш тартиби (REX тизимида экспорт қилувчиларни рўйхатга олиш)
48. Европа Иттифоқи давлатларига товарлар экспорт килинган ҳолда, Европа Иттифоқи Бош преференциялар тизимининг келиб чиқиши талабларига жавоб берадиган, умумий қиймати 6000 евродан ошадиган товарларнинг келиб чиқишини декларациялаш орқали тасдиқлаш учун, экспорт қилувчи Европа Иттифоқининг Экспорт қилувчиларни рўйхатдан ўтказиш тизимида (REX) руйхатдан ўтказувчи орган томонидан ЕИ регламентларида белгиланган тартибда рўйхатдан ўтказилган бўлиши шарт.
Бу ҳолда, рўйхатдан ўтказиш учун масъул органлар (кейинги ўринларда руйхатдан ўтказувчи орган деб аталади) ваколатли орган томондан аниқланади.
Экспорт қилувчилар рўйхатдан ўтиш учун керакли бўлган маълумотларни рўйхатдан ўтказувчи органга тақдим қилади. Рўйхатдан ўтказиш экспорт қилувчининг аризаси ва экспорт қилинаётган товарнинг ЕИ регламентлари талабларига мувофиқлиги ҳақидаги экспертиза далолатномаси асосида, ўз тижорий фаолияти, манзили, ишлаб чиқарадиган ва(ёки) экспорт килаётган махсулоти ТИФ ТН кодлари ва бошқа маълумотларни илова қилган ҳолда (қоғоз кўринишида ёки электрон равишда) тақдим килгандан сўнг амалга оширилади. Рўйхатдан ўтказилган экспорт қилувчиларга REX-тизимининг индивидуал рақами берилади, бунда ушбу экспорт қилувчи ва товарларга бириктирилган REX-тизимининг индивидуал рақамини ҳисобварақ-фактурада ёки товарнинг бошқа кузатув ҳужжатларида кўрсатиб декларациялаш асосида Европа Иттифоқи божхона органлари томонидан преференциялар берилиши мумкин.
49. Экспорт қилувчи экспорт қилинаётган товарларнинг келиб чиқишини аниқлашга асос бўлган ҳужжатларни, экспорт килинган йилнинг тугашидан бошлаб уч йил муддатгача сақлаши лозим.
Маъмурий ҳамкорлик мақсадида экспорт қилувчи ҳар чоракда рўйхатдан ўтказувчи органга товарларнинг келиб чиқиши ҳақидаги декларацияни ўз ичига олган инвойснинг сканер нусхасини тақдим этади.
Экспорт қилувчининг регламент талабларига риоя этаётганлиги, жумладан келиб чиқиш тўғрисидаги декларациянинг ишончлилигини аниқлаш йилига камида бир маротаба рўйхатдан ўтказувчи орган томонидан экспертиза ўтказиб, экспертиза далолатномаси тузиш орқали амалга оширилади.
50. ЕИнинг Солиқ ва божхона ишлари Бош директорати томонидан декларацияда кўрсатилган маълумотларнинг ҳаққонийлигини тасдиқлаш тўғрисида сўровнома жўнатилган тақдирда, экспорт қилувчи ваколатли ёки рўйхатдан ўтказувчи орган томонидан хабардор қилингандан сўнг 3 кун муддатда ваколатли орган/рўйхатдан ўтказувчи органга ишлаб чиқариш ва товарнинг келиб чиқишини аниқлашга асос булган ҳужжатлар билан танишиш учун шароит яратиб бериши лозим.
51. Сўровномани кўриб чиқиш ва жавобини йўллаш ваколатли орган томонидан, экспорт қилувчи барча ҳужжатларни тақдим қилган кундан бошлаб 10 иш кунидан ошмайдиган муддатда амалга оширилади.
52. Келиб чиқиш мамлакатини аниқлашнинг тўғрилиги ва ҳисобварақ-фактура ёки товарнинг бошқа кузатув ҳужжатларида кўрсатиб ўтилган товарнинг келиб чиқиши ҳақидаги маълумотларнинг ишончлилиги учун масъулият экспорт қилувчининг зиммасига юклатилади.
7-боб. Товарларнинг келиб чиқишини сертификатлаш учун тўлов тўлаш
53. Экспертизани ўтказиш ва сертификатни расмийлаштириш харажатларини ариза берувчи тўлайди.
54. Келиб чиқиш мамлакатини аниқлаш бўйича экспертиза ўтказиш ва товарнинг келиб чиқиш сертификатини расмийлаштириш, шунингдек эксперт хулосаси расмийлаштирилган ҳолларда ариза берувчи томонидан ваколатли органга мазкур Низомнинг 6-иловасига мувофиқ миқдорда ҳақ тўланади.
8-боб. Якунловчи қоидалар
55. Эксперт ишлаб чиқаришни экспертиза қилиш жараёнида мазкур ташкилотда амал қилувчи техника хавфсизлиги қоидаларига риоя қилиши шарт.
56. Қонунчиликка мувофиқ эксперт, экспертизанинг холислиги, сифати ва ўз вақтида ўтказилишига ҳамда экспертиза далолатномаси, эксперт хулосаси ва сертификатнинг лозим даражада расмийлаштирилиши учун жавоб беради.
57. Товарнинг келиб чиқишини сертификатлаш учун тақдим этилган маълумотларнинг ишончлилиги ҳамда айнан сертификатлаш учун тақдим этилган ва экспертиза ўтказилган товарнинг экспорт қилиниши учун ариза берувчи жавобгардир.
Сертификат расмийлаштирилгандан сўнг ариза берувчи томонидан берилган маълумотлар ишончсиз эканлиги аниқланган ёки ушбу Низомнинг 24-банди учинчи хатбошисида белгиланган мажбуриятларини бажармаган ҳолларда ваколатли орган берилган сертификатларни белгиланган тартибда бекор қилиши мумкин.
58. Товарнинг Ўзбекистон Республикасидан келиб чиқиши тўғрисидаги эксперт хулосасини тасдиқловчи ҳужжатларнинг нусхалари экспертиза далолатномаси билан бирга архивда уч йилдан кам бўлмаган муддат давомида сақланади.
Махфий хусусиятга эга ёки келиб чиқиш қоидаларини қўллаш мақсадида ваколатли органга махфий равишда тақдим этилган маълумотлар ваколатли орган томонидан қатъий махфий сақланади ва бундай маълумотларни тақдим этган шахс ёки Ҳукуматнинг рухсатисиз ваколатли орган уларни ошкор қилмаслик мажбуриятини олади, суд тартибида ошкор қилиш талаб этилган ҳолатлар бундан мустасно.
59. Ваколатли орган ўзи томонидан берилган сертификатларнинг маълумотлар базасини ўз ичига олган товарларнинг келиб чиқишини сертификатлаш электрон тизимини яратади ва юритади.
Товарларнинг келиб чиқиш сертификатларининг маълумотлар базаси товар олиб кирилаётган мамлакат божхона органлари томонидан сертификатни берилиши ва унинг тўғри тўлдирилиши, божхона декларациясида кўрсатилган маълумотларнинг тўғрилигини текширишни он-лайн режимда (он-лайн текширув) амалга ошириш мақсадида олиб борилади.
Электрон сертификатлаштириш тизимига киритилган сертификатнинг электрон шаклидаги мавжуд маълумотлар таркиби ариза берувчига берилган қоғоз кўринишидаги сертификат асл нусхасидаги маълумотлар билан бир хил бўлиши ва миллий қонунчилик ҳамда халқаро стандартларда кўзда тутилган сертификатни тўлдириш тартиб ва талабларига мувофиқ бўлиши керак.
Сертификатнинг электрон шакли ваколатли орган томонидан сертификатнинг асл нусхаси гувоҳлантирилгандан кундан кейинги кундан кечиктирмай электрон сертификатлаштириш тизимига киритилади.
Эксперт ва сертификатни гувоҳлантириш учун масъул ваколатли шахс сертификатнинг тўғри ва ўз вақтида электрон тизимга киритилиши учун жавоб беради.
60. Ариза берувчи ваколатли органнинг қароридан норози бўлган ҳолларда (рад этиш, ижро этувчи орган томонидан сертификатлаш ишларини сифатсиз ўтказиш), ваколатли органга ёки белгиланган тартибда Ўзбекистон Республикаси қонунчилигига мувофиқ судга мурожаат қилишга ҳақли.
Товарларнинг келиб чиқишини сертификатлашни ўтказиш тартиби тўғрисидаги низомга 1-ИЛОВА
Товарни келиб чиқишини экспертиза қилишни ўтказиш ва сертификат бериш
Босқичлар Субъект Ҳаракат Муддати 1-босқич Ариза берувчи — экспорт қилувчи (корхона) Ёзма ёки электрон кўринишда тегишли ҳужжатларини илова қилган ҳолда ариза топшириш Ариза берувчининг хоҳишига кўра 2-босқич Ваколатли орган 1. Тақдим қилинган ҳужжатларни ўрганиб чиқиш ва ишлаб чиқариш/товар сақланаётган жойга бориб экспертиза ўтказиш. 2. Экспертиза далолатномаси тузиш (расмийлаштириш) (экспертиза натижаси салбий бўлган ҳолларда эксперт хулосаси расмийлаштириш). Бир иш куни давомида (ТИФ ТН кодлари бўйича 84 — 89 гуруҳларда тавсифланадиган товарларни сертификатлашда — икки иш кунигача) 3-босқич Ваколатли орган 1. Товарнинг келиб чиқиш сертификатини тузиш ва расмийлаштириш (экспертиза далолатномаси асосида) 2. Сертификатни электрон маълумотлар базасига киритиш Бир иш куни давомида 4-босқич Ариза берувчи — экспорт қилувчи (корхона) Сертификатни олиш Ариза берувчининг хоҳишига кўра 5-босқич Ариза берувчи — экспорт қилувчи (корхона) Аввал берилган сертификатни қайта расмийлаштириш учун ваколатли органга мурожаат қилиш зарурати туғилганда Аввал берилган сертификат расмийлаштирилган кундан бошлаб бир йил давомида 6-босқич Ваколатли орган Қайта расмийлаштириш ва сертификат бериш Бир иш куни давомида
Товарларнинг келиб чиқишини сертификатлашни ўтказиш тартиби тўғрисидаги низомга 2-ИЛОВА
АРИЗА (товарларнинг келиб чиққанлиги тўғрисидаги сертификат/экспертиза далолатномасини олиш учун) Экспорт қилувчи _____________________________________________________________ ______________________________ билан _________________________ санада тузилган ______-сонли шартнома асосида товар(лар)нинг келиб чиқиш мамлакатини аниқлаш бўйича экспертиза ўтказиш ва товар(лар)нинг келиб чиққанлиги тўғрисидаги сертификат ёки экспертиза далолатномасини расмийлаштириш учун эксперт ажратишингизни сўрайди. Товар(лар)нинг номи _________________________________________________________ Ҳажми ___________________________ оғирлиги ______________________________ кг/м ____________________________________________________________________________ Ишлаб чиқарувчи (тайёрловчи) _________________________________________________ Юк жўнатувчи _______________________________________________________________ ____________________________________________________________________________ Юк қабул қилувчи (сотиб олувчи) ва унинг манзили*_______________________________ ____________________________________________________________________________ Юк жўнатиш тури*____________________________________________________________ Жўнатилиш станцияси*:_______________________________________________________ Қабул қилиш станцияси*:______________________________________________________ Сертификатлар сони*__________________________________________________________ ТИФ ТН коди ________________________________________________________________ Тўловни кафолатлаймиз, бизнинг реквизитлар: ___________________________________ ____________________________________________________________________________ ____________________________________________________________________________ Товарларнинг келиб чиқишини сертификатлашни ўтказиш тартиби тўғрисидаги низом талаблари билан таништирилдим. Ариза берувчи __________________ __________________________ (лавозими) (имзо) (Ф.И.Ш.) Изоҳ: экспертиза далолатномаси олиш учун ариза топширилганда* билан белгиланган бандлар тўлдирилмайди.
Товарларнинг келиб чиқишини сертификатлашни ўтказиш тартиби тўғрисидаги низомга 2а-ИЛОВА
АРИЗА-ДЕКЛАРАЦИЯ (умумий шаклда товарларнинг келиб чиқиш тўғрисидаги сертификатни бериш учун) Ариза берувчи _______________________________________________________________ _________________ билан _____________________ санада тузилган _____-сонли шартнома асосида умумий шаклдаги товарларнинг келиб чиқиши тўғрисидаги сертификатни расмийлаштириш учун, эксперт ажратишингизни сўрайди. Тўловни кафолатлаймиз. Бизнинг реквизитлар ____________________________________ ____________________________________________________________________________ 1. Тузилган сана: _____________________________________________________________ 2. Тузилган жойи: ____________________________________________________________ 3. Декларация ариза берувчининг вакили: ________________________________________ ___________________________________________________________ томонидан тузилди. (корхона номи, Ф.И.О. паспорт рақами, лавозими) 4. Экспорт қилувчи (юк жўнатувчи): ____________________________________________ 5. Ишлаб чиқарувчи (тайёрловчи): ______________________________________________ 6. Сотиб олувчи (юк қабул қилувчи): ____________________________________________ 7. Ҳисобварақ-фактура (инвойс): ________________________________________________ 8. Юк жўнатиш тури ва санаси: _________________________________________________ 9. Жўнатилиш ва қабул қилиш станцияси: ________________________________________ 10. Товар номи, ТИФ ТН коди, миқдори (товар турлари кўп бўлганда, товар номини ушбу декларациянинг алоҳида қўшимча варақларида кўрсатишга рухсат этилади): ____________________________________________________________________________ 11. Ишлаб чиқариш ҳақида маълумотлар (қисқача ишлаб чиқариш технологик жараёни, ишлаб чиқариш ускуналари, бинолари ҳақида маълумотлар ва ҳ.): ____________________ ____________________________________________________________________________ 12. Ишлатилган хомашё, ярим тайёр маҳсулот, материаллар рўйхати, уларнинг олинганлигини тасдиқловчи ҳужжатлар) _________________________________________ ____________________________________________________________________________ (хомашё номи, шартномалар, хисоб-варақ фактуралар, ТИФ ТН кодларини кўрсатган ҳолда юк-божхона декларациялари) 13. Товардаги таркибида импорт хом-ашё ва материалларнинг улуши (франко завод нархи бўйича): ________ Хулоса қисми: Ушбу билан, юқоридаги маълумотлар тўғрилиги ва 10-бандда кўрсатилган товарлар ҳақиқатда Ўзбекистон Республикасидан келиб чиққанлиги декларацияланади. Тақдим қилинган барча маълумотлар учун жавобгарлик мас ъ улиятини оламиз ва кейинчалик биз экспорт қилган товар бўйича товар олиб кирилаётган мамлакат ваколатли органлари томонидан бизга ушбу ариза-декларациядаги маълумотлар асосида берилган сертификат доирасида нотўғри ёки ишончсиз маълумотлар аниқланган тақдирда товарнинг келиб чиқиш мамлакатини аниқлаш бўйича барча зарур маълумот ва ҳужжатларни тақдим қилишни ўз зиммамизга оламиз. Товарларнинг келиб чиқишини сертификатлашни ўтказиш тартиби тўғрисидаги низом талаблари билан таништирилдим. Ариза берувчи вакили (мансаби) __________________ __________________________ (имзо) (Ф.И.О.) 15. Келиб чиқиш мезони: «___________________________________» (Эксперт томонидан тўлдирилади) _________________________________________ (Ф.И.О., имзо)
Товарларнинг келиб чиқишини сертификатлашни ўтказиш тартиби тўғрисидаги низомга 3-ИЛОВА
OʼZBEKISTON RESPUBLIKASI INVESTITSIYALAR VA TASНQI SAVDO VAZIRLIGI YOKI yoki UNING TOMONIDAN VAKOLAT BERILGAN ORGAN МИНИСТЕРСТВО ИНВЕСТИЦИИ И ВНЕШНЕЙ ТОРГОВЛИ РЕСПУБЛИКИ УЗБЕКИСТАН ИЛИ ДЕЛЕГИРУЕМЫЙ ИМ ОРГАН (ваколатли орган манзили) ЭКСПЕРТИЗА ДАЛОЛАТНОМАСИ _____________-сон 1. Тузилган сана: _____________________________________________________________ 2. Тузилган жойи: ____________________________________________________________ 3. Далолатнома тузувчи эксперт: ________________________________________________ 4. Экспертиза: _______________________________________________________________ (корхона номи, корхона раҳбари (вакили) фамилияси, исми, отасининг исми) ____________________________________________________________________________ ________________________________________________________ иштирокида ўтказилди. 5. Экспорт қилувчи: ___________________________________________________________ 6. Ишлаб чиқарувчи: __________________________________________________________ 7. Сотиб олувчи: ______________________________________________________________ 8. Товар номи, миқдори: _______________________________________________________ ____________________________________________________________________________ ____________________________________________________________________________ 9. Экспертиза мақсади — товарнинг келиб чиқиш мамлакатини аниқлаш: ____________ 10. Тақдим этилган ҳужжатлар (хом ашё, материаллар, ярим тайёр маҳсулотлар ҳақида маълумотлар ва уларнинг олинганлигини тасдиқловчи ҳужжатлар): __________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ (номи, таркиби, артикул) 11. Экспертиза натижасида аниқланди: __________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ Эксперт: _____________________________ вакил: _____________________________ (имзо) (имзо) 13. Эксперт хулосаси: юқорида кўрсатилганлар асосида маҳсулотнинг ҳақиқатдан Ўзбекистон Республикасида ишлаб чиқилганлиги тасдиқланади. ТИФ ТН бўйича маҳсулот коди: _________________________________________________ ____________________________________________________________________________ ____________________________________________________________________________ Келиб чиқиш мезони: _________________________________________________________ Экспертиза бошланиши: ________________ Экспертиза якуни: _____________________ (сана) (сана) Эксперт: _________________________ (имзо) М.Ў. Далолатнома 20___ йил «___» _________ да рўйхатга олинди.
Товарларнинг келиб чиқишини сертификатлашни ўтказиш тартиби тўғрисидаги низомга 4-ИЛОВА
OʼZBEKISTON RESPUBLIKASI INVESTITSIYALAR VA TASНQI SAVDO VAZIRLIGI yoki UNING TOMONIDAN VAKOLAT BERILGAN ORGAN МИНИСТЕРСТВО ИНВЕСТИЦИЙ И ВНЕШНЕЙ ТОРГОВЛИ РЕСПУБЛИКИ УЗБЕКИСТАН или ДЕЛЕГИРУЕМЫЙ ИМ ОРГАН (ваколатли орган манзили) 20___йил «___» _________даги ___-_______-сонли ЭКСПЕРТ ХУЛОСАСИ 1. Экспертиза буюртмачиси: ___________________________________________________ 2. Эксперт: __________________________________________________________________ 3. Экспертиза мақсади: ________________________________________________________ 4. Тақдим этилган ҳужжатлар (хом ашё, материаллар, ярим тайёр маҳсулотлар ҳақида маълумотлар ва уларнинг олинганлигини тасдиқловчи ҳужжатлар): __________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ 5. Экспертиза (ўрганиш) натижаси: _____________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ Эксперт: _________________________ (имзо) М.Ў. Таркибий бўлинма бошлиғи томонидан рўйхатга олинди: __________________________ (имзо) Муҳрсиз ҳақиқий эмас.
Товарларнинг келиб чиқишини сертификатлашни ўтказиш тартиби тўғрисидаги низомга 5-ИЛОВА
Товарларнинг келиб чиқишини сертификатлашни ўтказиш тартиби тўғрисидаги низомга 5а-ИЛОВА
Товарларнинг келиб чиқишини сертификатлашни ўтказиш тартиби тўғрисидаги низомга 6-ИЛОВА
Ваколатли орган томонидан товарларнинг келиб чиқишини аниқлаш юзасидан экспертиза ўтказиш хизмати бўйича нархлар
Т/р Хизмат номи Бирлик БҲМнинг ариза берувчи мурожаат қилган кундаги миқдорида (ҚҚСни ҳисобга олмаганда) 1. ТИФ ТН коди бўйича 84 — 89 гуруҳига мансуб бўлмаган товарларнинг келиб чиқиш мамлакатини аниқлаш мақсадида экспертиза ўтказиш, сертификат расмийлаштириш 1 экспертиза далолатномаси 0,65 1 сертификат 0,35 2. ТИФ ТН коди бўйича 84 — 89 гуруҳига мансуб товарларнинг келиб чиқиш мамлакатини аниқлаш, сертификат расмийлаштириш 1 экспертиза далолатномаси 1,25 1 сертификат 0,35 3. Сертификатни расмийлаштирмасдан, экспертиза далолатномаси / эксперт хулосасини тузиш ҳамда расмийлаштириш 1 экспертиза далолатномаси / эксперт хулосаси 0,65 4. Экспертиза далолатномаси ёки экспорт қилувчининг ариза-декларацияси асосида сертификатни расмийлаштириш, аввал берилган сертификатни қайта расмийлаштириш, реэкспорт қилинаётган товарга сертификат/эксперт хулосасини расмийлаштириш 1 сертификат 0,65 5. Сертификатнинг қўшимча варағи, алоҳида транспортда ташилаётган товар бирликларига берилган сертификат 1 сертификат 0,35 6. Аввал берилган сертификатга дубликат расмийлаштириш 1 сертификат 0,1 7. Экспорт қилинаётган товарнинг шартномада кўрсатилган барча миқдори бўйича келиб чиқиш мамлакатини аниқлаш ва расмийлаштириш 1 экспертиза далолатномаси 2,0 8. Банкка тақдим қилиш учун сертификатнинг асл нусхаси 1 сертификат 0,3 9. Аввал берилган сертификатни қайта расмийлаштираётганда, унинг қўшимча варағини расмийлаштириш 1 сертификат 10. Аввал берилган сертификатни қайта расмийлаштираётганда, алоҳида транспортда ташилаётган товар бирликларига сертификат расмийлаштириш 1 сертификат 11. Сертификатнинг қўшимча варағига дубликат расмийлаштириш 1 сертификат 0,1 12. СТ-UZ келиб чиқиш сертификатини расмийлаштириш мақсадида экспертиза ўтказиш ва сертификатни расмийлаштириш товар туркумига 1,0 аризада кўрсатилган барча миқдорга 3,0
Товарларнинг келиб чиқишини сертификатлашни ўтказиш тартиби тўғрисидаги низомга 7-ИЛОВА
Ўзбекистон Республикасининг Бош вазири А. АРИПОВ
Тошкент ш.,
2019 йил 13 декабрь,
994-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Tovarlarning kelib chiqishini sertifikatlashni oʻtkazish tartibi toʻgʻrisidagi nizomni tasdiqlash haqida
Oʻzbekiston Respublikasining Bojxona kodeksi, Oʻzbekiston Respublikasi Prezidentining “ Oʻzbekiston Respublikasi Investitsiyalar va tashqi savdo vazirligi faoliyatini tashkil etish toʻgʻrisida ” 2019-yil 28-yanvardagi PQ-4135-son va “ Jahon banki va xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida ” 2019-yil 5-fevraldagi PQ-4160-son qarorlariga muvofiq Vazirlar Mahkamasi qaror qiladi:
1. Tovarlarning kelib chiqishini sertifikatlashni oʻtkazish tartibi toʻgʻrisidagi nizom ilovaga muvofiq tasdiqlansin.
2. Vazirlar Mahkamasining “Oʻzbekiston Respublikasida tashqi savdo faoliyatini erkinlashtirish boʻyicha qoʻshimcha chora-tadbirlar toʻgʻrisida” 1998-yil 31-martdagi 137-son qarorining 9-bandi 5-xatboshisidan “shuningdek, tovarlar ishlab chiqarilgan mamlakatni aniqlash qoidalarini” soʻzlari chiqarib tashlansin.
3. Oʻzbekiston Respublikasi Investitsiyalar va tashqi savdo vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Ganiyev va Oʻzbekiston Respublikasi investitsiyalar va tashqi savdo vaziri S.U. Umurzakov zimmasiga yuklansin.
Vazirlar Mahkamasining 2019-yil 13-dekabrdagi 994-son qaroriga ILOVA
Tovarlarning kelib chiqishini sertifikatlashni oʻtkazish tartibi toʻgʻrisida
1-bob. Asosiy qoidalar
1. Mazkur Nizom Oʻzbekiston Respublikasida tovarlarning kelib chiqishini sertifikatlashni oʻtkazish tartibini belgilaydi.
2. Mazkur Nizomda quyidagi asosiy tushunchalardan foydalaniladi:
ariza beruvchi — tovarlarning kelib chiqishi toʻgʻrisidagi sertifikatni olish uchun murojaat etuvchi yuridik yoki jismoniy shaxs;
tovarlarning kelib chiqishini sertifikatlash (keyingi oʻrinlarda sertifikatlash deb ataladi) — Oʻzbekiston Respublikasidan eksport va reeksport qilinayotgan tovarlarning kelib chiqishi toʻgʻrisidagi sertifikatni berish, guvohlantirish orqali tovarlarning kelib chiqish mamlakatini aniqlash maqsadida ekspertiza oʻtkazish jarayoni;
tovarlarning kelib chiqishi toʻgʻrisidagi sertifikat (keyingi oʻrinlarda sertifikat deb ataladi) — tovarlarning kelib chiqish mamlakati toʻgʻrisida aniq dalolat beruvchi hujjat, shu jumladan elektron shakldagi hujjat;
vakolatli organ — “Oʻzbekekspertiza” aksiyadorlik jamiyati;
vakolatli shaxs — vakolatli organning sertifikatni guvohlantirish uchun masʼul boʻlgan mansabdor shaxsi;
ishlab chiqarishni ekspertiza qilish — ekspert tomonidan ariza beruvchining ishlab chiqarishi mazkur Nizomda belgilangan tartibda koʻzdan kechirilishi.
tovar — bojxona chegarasidan oʻtuvchi har qanday mol-mulk, shu jumladan issiqlik, elektr, boshqa energiya turlari va transport vositalari (tovar va yoʻlovchilarni xalqaro tashish xizmatlarini amalga oshiruvchi transport vositalaridan tashqari);
tovar turkumi — bitta oluvchining manziliga bitta transport hujjati boʻyicha kelayotgan yoki bitta pochta yuk xati bilan joʻnatilayotgan yoxud bojxona chegarasi orqali oʻtayotgan bitta jismoniy shaxsning qoʻl yukida va bagajida olib oʻtilayotgan tovar yoki uning bir qismi;
ekspert — vakolatli organning zimmasiga ekspertiza oʻtkazish, ekspertiza dalolatnomasini yoki ekspert xulosasi va sertifikatni rasmiylashtirish funksiyasi yuklatilgan vakili;
aynan bir xil tovar — bir ishlab chiqaruvchi tomonidan aynan bir xil texnologik jarayonga asosan ishlab chiqarilgan, tarkibi, nomi (shu jumladan, modeli, savdo belgisi, turi boʻyicha) va TIF TN kodlari boʻyicha bir xil tavsiflangan, aynan bir ariza beruvchi tomonidan sertifikatlash uchun taqdim etilgan tovar;
eksport qiluvchi/ariza beruvchining ariza-deklaratsiyasi — ushbu Nizom 36-bandining “g” kichik bandida koʻrsatib oʻtilgan mamlakatlar uchun beriladigan umumiy shakldagi kelib chiqish sertifikatini berish uchun asos boʻladigan hujjat, shu jumladan elektron shakldagi hujjat;
oʻz-oʻzini sertifikatlash — tovar olib kirilayotgan mamlakatda oʻrnatilgan tartibga muvofiq, eksport qiluvchining hisob-varaq faktura yoki tovarning boshqa kuzatuv hujjatlarida tovarning kelib chiqishini deklaratsiya orqali tasdiqlashi.
Oʻzbekiston Respublikasining xalqaro shartnomalarida, tovar olib kirilayotgan mamlakatning milliy qoidalari yoki Oʻzbekiston Respublikasining normativ-huquqiy hujjatlarida boshqacha belgilanmagan boʻlsa, ushbu bobda koʻrsatilgan tushunchalar va ularning talqini qoʻllaniladi.
3. Sertifikat vakolatli organ tomonidan tovarning kelib chiqish mamlakatini guvohlantirish maqsadida rasmiylashtiriladi va tovar olib kiriladigan mamlakatning qonunchiligiga muvofiq imtiyozlar olish yoki imtiyozlar olish bilan bogʻliq boʻlmagan boshqa maqsadlar uchun qoʻllanilishi mumkin.
4. Oʻzbekiston Respublikasining bojxona hududidan tovarlarni olib chiqib ketish vaqtida sertifikat, basharti uning zarurligi tegishli shartnomalarda, tovar olib kiriladigan mamlakatning milliy qoidalarida qayd etilgan yoki Oʻzbekiston Respublikasining xalqaro majburiyatlarida nazarda tutilgan boʻlsa, shuningdek, eksport qiluvchining talabi boʻyicha beriladi.
5. Tovarlarning kelib chiqish mamlakatini aniqlash tamoyillari mavjud xalqaro amaliyotga asoslanadi. Bunda imtiyozli kelib chiqish qoidalari Oʻzbekiston Respublikasining xalqaro shartnomalarida, shuningdek, Bosh preferensiyalar tizimiga muvofiq preferensiyalar taqdim etuvchi davlatlarning imtiyozli kelib chiqish qoidalariga muvofiq aniqlanadi.
Boshqa hollarda mazkur Nizomning 2-bobiga muvofiq kelib chiqish qoidalari qoʻllaniladi.
6. Tovarning kelib chiqishini ekspertiza qilishni oʻtkazish va sertifikat berish mazkur Nizomning 1-ilovasiga muvofiq sxema boʻyicha amalga oshiriladi.
2-bob. Tovarlarning kelib chiqish mamlakatini aniqlash qoidalari
7. Tovarlar batamom ishlab chiqarilgan yoki yetarli darajada qayta ishlangan mamlakat tovarning kelib chiqish mamlakati hisoblanadi.
Bir guruh mamlakatlar, mamlakatlarning bojxona ittifoqlari, mintaqa yoki basharti, tovar ishlab chiqarilgan joyni aniqlash maqsadi ajratib koʻrsatishni taqozo etsa, biror mamlakatning muayyan qismi tovar ishlab chiqarilgan mamlakat deb hisoblanishi mumkin.
8. Quyidagi tovarlar mazkur mamlakatda batamom ishlab chiqarilgan deb hisoblanadi:
a) uning hududidan yoki hududiy suvlaridan yoxud kontinental shelfidan va dengiz ostidan olingan foydali qazilmalar, agar mamlakat dengiz ostini qazish uchun mutlaq huquqqa ega boʻlsa;
b) uning hududida oʻstirilgan yoki yigʻib olingan oʻsimlik mahsulotlari;
v) mamlakatda tugʻilgan va parvarish qilingan tirik hayvonlar;
g) mamlakatda yetishtirilgan oʻsimlik mahsulotlari va hayvonlardan olingan mahsulot;
d) mamlakatda tayyorlangan ovchilik, baliqchilik va dengiz ovi mahsuloti;
e) mamlakat kemalarida yoki u ijaraga olgan (fraxt qilingan) kemalarda jahon okeanida ovlangan va (yoki) tayyorlangan dengiz ovi mahsulotlari;
j) mamlakatdagi ishlab chiqarish yoki boshqa operatsiyalarning natijasi boʻlmish ikkilamchi xom ashyo va chiqindilar;
z) mamlakatga qarashli yoki u ijaraga olgan kosmik kemalarda ochiq kosmosda olingan yuqori texnologiya mahsulotlari;
i) mamlakatda mazkur bandning “a” — “z” kichik bandlarida koʻrsatib oʻtilgan mahsulotlardangina ishlab chiqarilgan tovarlar.
9. Agar tovarni ishlab chiqarishda ikki yoki undan ortiq mamlakat ishtirok etayotgan boʻlsa, tovarning kelib chiqishi uning “yetarli darajada qayta ishlanganligi” mezoniga muvofiq aniqlanadi.
10. Ushbu mamlakatda tovarning “yetarlicha darajada qayta ishlanganligi” mezoni quyidagilardan iborat:
tovarni qayta ishlash natijasida tovar pozitsiyasining (tovari tasniflovchi kodining) TIF TN boʻyicha dastlabki toʻrtta kod belgisining istalgan biri darajasida oʻzgarishi;
mazkur hududdan kelib chiqqan deb hisoblash uchun yetarli boʻlgan zarur ishlab chiqarish va texnologik operatsiyalarning bajarilishi;
advalor ulush qoidasi — foydalanilgan materiallar qiymatining yoki qoʻshilgan qiymatning foizlardagi ulushi yetkazib berilayotgan tovar bahosining qayd etilgan ulushiga yetganda, tovar qiymatining oʻzgarishi.
11. Agar aniq tovar yoki aniq mamlakatga (mamlakatlarga) nisbatan tovarning kelib chiqish mezoni alohida belgilanmagan boʻlsa, Oʻzbekiston Respublikasida “yetarlicha darajada qayta ishlanganligi” mezoni quyidagicha aniqlanadi:
a) eng koʻp qulaylik rejimini yaratgan holda, savdo-iqtisodiy hamkorlik sohasidagi bitimlar imzolangan davlatlar uchun (oʻzaro bitimlarda yoki tovar olib kiriladigan mamlakat milliy qonunchiligida boshqacha mezon belgilanmagan hollarda):
tovarni qayta ishlash natijasida tovar pozitsiyasining (tovarni tasniflovchi kodining) TIF TN boʻyicha dastlabki toʻrtta kod belgisining istalgan biri darajasida oʻzgarishi yoki;
ishlab chiqarishda foydalanilgan import mahsulotlar ulushi tovar tannarxining 50 foizidan oshmasligi;
b) Oʻzbekiston Respublikasi bilan savdo-iqtisodiy hamkorlik sohasidagi bitimlari mavjud boʻlmagan davlatlar uchun hamda oʻzaro erkin yoki imtiyozli savdo toʻgʻrisidagi xalqaro shartnomalar tuzilgan davlatlarga eksport qilinayotgan, ammo shartnomada belgilangan imtiyozli kelib chiqish qoidalari talablariga javob bermaydigan tovarlar uchun (tovar olib kiriladigan mamlakat milliy qonunchiligida boshqacha mezon belgilanmagan hollarda):
tovarni qayta ishlash natijasida tovar pozitsiyasining (tovarni tasniflovchi kodining) TIF TN boʻyicha dastlabki toʻrtta kod belgisining istalgan biri darajasida oʻzgarishi yoki;
ishlab chiqarishda foydalanilgan import mahsulotlar ulushi tovar tannarxining 70 foizidan oshmasligi.
12. Yetarli darajada qayta ishlanganlik mezoni advalor ulush orqali ifodalangan holatlarda, qiymatli koʻrsatkichlar quyidagicha hisoblanadi:
a) import qilinayotgan materiallar uchun — olib kirishda boj olinadigan (SIF negizida) qiymat boʻyicha yoki agar ularning kelib chiqishi nomaʼlum boʻlgan holda, ishlab chiqarish amalga oshiriladigan mamlakat hududida belgilangan birinchi sotuv bahosi boʻyicha;
b) tayyor tovarlar uchun — franko-zavod bahosi yoki eksport bahosi boʻyicha.
13. Quyidagilar “yetarli darajada qayta ishlanganlik” mezoniga javob bermaydi deb hisoblanadi:
a) saqlash yoki transportda tashish vaqtida tovarlarning saqlanishini taʼminlash boʻyicha operatsiyalar;
b) tovarlarni sotish va transportda tashishga tayyorlash boʻyicha operatsiyalar (tovar turkumini maydalash, tovarlarni joʻnatishni tashkil qilish, saralash, qaytadan oʻrash);
v) oddiy yigʻuv operatsiyalari;
g) tovarlarni (tarkibiy qismlarni) aralashtirib hosil qilingan mahsulotga unga dastlabki tarkibidan jiddiy farqlanadigan xususiyatlarni bermaslik;
d) yuqorida koʻrsatilgan operatsiyalarning ikkitasi yoki undan ortigʻini bir vaqtda amalga oshirish;
e) chorva mollarini soʻyish.
14. Ishlab chiqarish yoki transport sharoitlariga koʻra, tovarlarni bitta turkum qilib joʻnatishning iloji boʻlmaganligi sababli ular boʻlib-boʻlib yoki yigʻilmagan holda yetkazib berilsa, uning kelib chiqishini aniqlash nuqtai nazaridan importyorning xohishiga koʻra, yagona predmet deb qaralishi kerak.
Ushbu qoidaning qoʻllanish sharti quyidagilardan iborat:
boʻlaklarga boʻlingan yoki yigʻilmagan tovarning bir necha turkumga taqsimlanganligini, bunday taqsimlash sabablarini, har bir turkumga kiradigan tovarlarning TIF TN boʻyicha kodlari, qiymati va ularni ishlab chiqargan mamlakatni koʻrsatgan holda har bir turkumning batafsil tasnifini Oʻzbekiston Respublikasi bojxona organiga oldindan maʼlum qilish;
barcha turkumdagi tovarlarning bitta mamlakatdan bitta eksport qiluvchilar orqali yetkazib berilishi;
tovarlarning barcha turkumlarini bitta bojxona postida rasmiylashtirish;
barcha turkumdagi tovarlarning shartnomada koʻrsatilgan muddatdan kechiktirmay yetkazib berilishi.
15. Tovarlarning kelib chiqishini aniqlashda, ularni ishlab chiqarish uchun foydalaniladigan issiqlik va elektr energiyasi, mashinalar, uskuna va asboblarning kelib chiqishi inobatga olinmaydi.
16. Tovarlarning kelib chiqish mamlakati “yetarli darajada qayta ishlanganlik” mezoniga muvofiq aniqlanganda, kelib chiqishi nomaʼlum boʻlgan materiallar xorijiy materiallar deb hisoblanadi.
3-bob. Erkin iqtisodiy zonani yaratish toʻgʻrisida 1994-yil 15-apreldagi bitim yoki Erkin savdo hududi toʻgʻrisida 2011-yil 18-oktabrdagi shartnoma ishtirokchi-davlatlarining tovarlari uchun kelib chiqish mamlakatini aniqlashning oʻziga xos xususiyatlari
17. Tovarning Erkin iqtisodiy zonani yaratish toʻgʻrisida 1994-yil 15-apreldagi bitim yoki Erkin savdo hududi toʻgʻrisida 2011-yil 18-oktabrdagi shartnoma ishtirokchi-davlatining bojxona hududidan kelib chiqqanligini guvohlantirish uchun Oʻzbekiston Respublikasi bojxona organiga bitim yoki shartnoma ishtirokchisi boʻlgan kelib chiqish mamlakatining vakolatli organi tomonidan berilgan sertifikat (ST-1 shakl) taqdim etilishi lozim.
18. Oʻzbekiston Respublikasi 1994-yil 15-apreldagi Erkin iqtisodiy zonani yaratish toʻgʻrisidagi bitim yoki 2011-yil 18-oktabrdagi Erkin savdo hududi toʻgʻrisidagi shartnoma ishtirokchi-davlatlari bilan savdoda Mustaqil Davlatlar Hamdoʻstligi (MDH) hukumatlari rahbarlari Kengashining 1993-yil 24-sentabrdagi qarori bilan, keyinchalik kiritilgan oʻzgartirishlar bilan birga tasdiqlangan Tovarlarning kelib chiqish mamlakatini aniqlash qoidalarini qoʻllaydi.
19. Tovar, agar u mazkur Nizomning II boʻlimida belgilangan kelib chiqish mezonlariga muvofiq boʻlsa, 1994-yil 15-apreldagi Erkin iqtisodiy zonani yaratish toʻgʻrisidagi bitim yoki 2011-yil 18-oktabrdagi Erkin savdo hududi toʻgʻrisidagi shartnoma ishtirokchi-davlatlaridan birortasining rezidenti tomonidan eksport qilinayotgan boʻlsa va bitim yoki shartnomaning boshqa ishtirokchi davlati bojxona hududidan ushbu bitim yoki shartnomaning ishtirokchi-davlati rezidenti tomonidan olib kirilayotgan boʻlsa, Erkin iqtisodiy zonani yaratish toʻgʻrisidagi bitim yoki Erkin savdo hududi toʻgʻrisidagi shartnoma ishtirokchi-davlatining bojxona hududidan kelib chiqqan deb hisoblanadi. Bunda rezident deganda, ushbu davlat hududida tuzilgan tashkilot yoki ushbu davlat hududida doimiy yashovchi jismoniy shaxs tushuniladi.
20. Tovarlarni MDH davlatlariga eksport qilishda “yetarlicha darajada qayta ishlanganligi” mezonini qoʻllash uchun kumulyatsiya tamoyilidan foydalanish mumkin, yaʼni tovarlarni MDH davlatlarida birin-ketinlikda qayta ishlashda, ushbu davlatlar kelib chiqishni aniqlash maqsadlari uchun yaxlit hudud sifatida koʻriladi.
21. 1993-yil 24-sentabrdagi Tovarlarning kelib chiqish mamlakatini aniqlash Qoidalari kuchga kirgunga qadar Shartnoma ishtirokchi davlatlari hududlarida ishlab chiqarilgan va ularning bojxona hududiga olib kirilgan (joylashtirilgan), Shartnoma ishtirokchi davlatlar ichida tovarlarni olib oʻtishda ST-1 shaklidagi sertifikat berilishi mumkin va sertifikatning 5-ustuniga “Tovar (mamlakatning xozirgi nomi, ishlab chiqaruvchining nomi va ishlab chiqarilgan yili koʻrsatiladi) ishlab chiqarilgan” yozuvi kiritiladi. Bunda 12-ustunda tovar ishlab chiqarilgan davlatning xozirgi nomi koʻrsatiladi. Tovar ishlab chiqaruvchisi (uning nomi, manzili va tovar ishlab chiqarilgan yili) toʻgʻrisidagi hujjatlar taqdim qilinganda, har qanday shartnoma ishtirokchi davlatlari tomonidan sertifikat berilishi mumkin.
4-bob. Oʻzbekiston Respublikasidan eksport (reeskport) qilinayotgan tovarlarning kelib chiqish mamlakatini aniqlash boʻyicha ekspertiza oʻtkazish tartibi
22. Tovarning kelib chiqish mamlakatini aniqlash maqsadida ekspertiza oʻtkazish va sertifikat olish uchun ariza beruvchi tovarni yuklash amalga oshirilayotgan joydagi vakolatli organga mazkur Nizomning 2-ilovasiga muvofiq shaklda yozma ariza taqdim etadi.
Arizaga ariza beruvchining imzosi bilan tasdiqlangan quyidagi hujjatlarning nusxalari ilova qilinadi:
eksport qilinayotgan tovarga hisobvaraq-faktura (invoys);
eksport qilinadigan tovarlarni ishlab chiqarishda foydalaniladigan xom ashyo va butlovchi qismlarni sotib olish boʻyicha shartnoma va hisobvaraq-fakturalar yoki boshqa hujjatlar;
eksport qilinayotgan tovarlarni ishlab chiqarishda foydalanilgan xomashyo va butlovchi qismlarning Oʻzbekiston Respublikasida ishlab chiqarilganligini tasdiqlovchi hujjatlar (zarur hollarda);
Oʻzbekiston Respublikasi hududida ishlab chiqarilgan tovarlarning sotib olganligini tasdiqlovchi shartnoma va hisobvaraq-faktura yoki boshqa hujjatlar (eksport qilinayotgan tovarning ishlab chiqaruvchisi boʻlib hisoblanmaydigan ariza beruvchi murojaat etgan hollarda);
eksport qilinayotgan tovarning sifat va texnik koʻrsatkichlarini tasdiqlovchi hamda identifikatsiyalash uchun zarur hujjatlar (ariza beruvchi talabiga koʻra sertifikatda tovar haqida qoʻshimcha va aniqlashtiruvchi maʼlumotlar, shuningdek, uning sifati va texnik tavsifi qayd etilishi zarur hollarda);
eksport qilinayotgan tovarlarni ishlab chiqaruvchi hisoblanmaydigan ariza beruvchi murojaat qilgan va mazkur bandda nazarda tutilgan hujjatlarni ishlab chiqaruvchi tomonidan berilishi rad etilgan hollarda, tovarni Oʻzbekiston Respublikasidan kelib chiqqanligini tasdiqlovchi ST-UZ kelib chiqish sertifikati. Bunda ushbu sertifikatni berish uchun asos boʻlgan kelib chiqish mezoni imtiyozli kelib chiqish qoidalari va ushbu Nizomning 11-bandi talablari asosida eksportga sertifikat berish uchun yetarli deb hisoblangan hollarda kelib chiqishini tasdiqlash maqsadida qoʻllanishi mumkin;
eksport qilinayotgan tovarlarni ishlab chiqarish texnologik jarayonining asosiy operatsiyalarini oʻz ichiga olgan ishlab chiqarish texnologik jarayonining tavsifi, oʻzining yoki ijaraga olingan ishlab chiqarish obyektlari va uskunalarning mavjudligi haqida maʼlumot.
Ishlab chiqarilishida import qilingan qismlar, xomashyo materiallari, butlovchi va ehtiyot qismlar ishlatilgan tovarlarning kelib chiqish mamlakatini aniqlash boʻyicha murojaat qilingan holda, yuqorida koʻrsatilgan hujjatlarga qoʻshimcha tarzda quyidagi hujjatlarning nusxalari taqdim etiladi:
Oʻzbekiston Respublikasiga xomashyo yoki qismlarni olib kirishdagi yuk bojxona deklaratsiyalari;
tovar birligining foydalanilgan import xomashyo va materiallarning qiymati ajratilgan holda narxining hisobi (tovarlarning kelib chiqishini advalor ulush qoidasi boʻyicha aniqlash zarurati boʻlgan hollarda);
eksport qilinayotgan tovarni ishlab chiqarishda foydalanilgan import xomashyolarning TIF TN boʻyicha tasnif kodi haqida maʼlumot (Oʻzbekiston Respublikasiga xomashyo yoki qismlarni olib kirishdagi yuk bojxona deklaratsiyalari taqdim qilish imkoniyati mavjud boʻlmagan hollarda).
ishlab chiqarishda foydalanilgan xomashyo va qismlarning kelib chiqish toʻgʻrisidagi sertifikati (tovarning kelib chiqishi kumulyativ metod asosida aniqlangan hollarda).
23. Reeksport qilinayotgan tovarning kelib chiqishi toʻgʻrisidagi sertifikatni olish uchun murojaat qilinganda quyidagilar taqdim qilinishi kerak:
Oʻzbekiston Respublikasi hududiga kirib kelgan tovarning kelib chiqishi toʻgʻrisidagi sertifikatning asl nusxasi yoki asl nusxa berish majburiy boʻlmagan mamlakatlar tomonidan berilgan va Oʻzbekiston Respublikasi vakolatli organlaridan olingan maʼlumotlar bilan tasdiqlangan elektron havola orqali tekshirish (tasdiqlash) imkoniyati mavjud boʻlgan hollarda elektron shakldagi sertifikat nusxasi;
tovarning Oʻzbekiston Respublikasi bojxona hududiga kelib tushganligini tasdiqlovchi hujjat nusxasi;
eksport shartnomasi yoki tovarning Oʻzbekiston Respublikasi hududidan reeksport qilinayotganligini tasdiqlovchi boshqa hujjat nusxasi.
24. Oʻzbekiston Respublikasida yetishtirilib eksport qilinayotgan qishloq xoʻjalik mahsulotlariga sertifikat olish boʻyicha murojaat qilinganda, arizaga ariza beruvchining imzosi bilan tasdiqlangan quyidagi hujjatlarning nusxalari ilova qilinadi:
eksport qilinayotgan tovarga hisobvaraq-faktura (invoys);
eksport qilinayotgan tovarning kelib chiqishini tasdiqlaydigan hujjatlar (eksport qiluvchining yer uchastkasidan foydalanish huquqini tasdiqlovchi hujjatlar yoki Oʻzbekiston Respublikasi hududida yetishtirilib eksport qilinayotgan tovarning sotib olinganligini tasdiqlovchi boshqa hujjatlar).
Sertifikat olish uchun murojaat qilingan kuni mazkur bandda koʻrsatilgan hujjatlarni taqdim etish imkoniyati boʻlmaganda, ariza beruvchi tomonidan eksport qilinayotgan mahsulotning nomi, hajmi, tayyorlovchisi va yetishtirilgan hududi haqidagi maʼlumotlarni oʻz ichiga oluvchi xatni taqdim etishga ruxsat etiladi. Bunda xalqaro meʼyorlarga muvofiq tovar olib kirilayotgan mamlakatning bojxona yoki boshqa vakolatli organlari tomonidan soʻrovnoma kelganda, shuningdek, taqdim etilayotgan xatda ishonchsiz maʼlumotlar koʻrsatilgan hollarda, vakolatli organ eksport qilinayotgan tovarning kelib chiqishi boʻyicha obyektiv xulosa berish uchun uning talabiga koʻra ariza beruvchi ushbu bandda koʻrsatilgan hujjatlarni taqdim etishi lozim.
25. Mazkur Nizom 36-bandining “g” kichik bandiga asosan eksport qilinayotgan mahsulotga sertifikat olish uchun eksport qiluvchi ushbu Nizomning 2a-ilovasiga muvofiq shaklda rasmiylashtirilgan ariza-deklaratsiyani taqdim etishi mumkin. Ariza-deklaratsiya yozma yoki elektron shaklda hamda ariza beruvchining imzosi bilan tasdiqlangan holda taqdim qilinadi.
26. 22 — 25-bandlarda koʻrsatilgan hujjatlar ariza beruvchi tomonidan vakolatli organga bevosita, pochta aloqa vositasi orqali yoki elektron shaklda axborot tizimi orqali taqdim etiladi. Elektron shaklda taqdim etilgan hujjatlar ariza topshirish sanasida respublikada faoliyat yuritayotgan foydalanuvchilarni identifikatsiyalash (aniqlash) yagona axborot tizimidan foydalangan holda taqdim etiladi yoki ariza beruvchining elektron raqamli imzosi bilan tasdiqlanadi.
Ariza beruvchi sertifikat olish uchun arizaga vakolatli organni xabardor qilish zarur deb hisoblaydigan qoʻshimcha maʼlumot va hujjatlarni ilova qilishi mumkin.
Toʻliq hajmda taqdim etilmagan hujjatlar koʻrib chiqish uchun qabul qilinmaydi.
27. Oʻzbekiston Respublikasidan eksport qilinayotgan tovarlarning kelib chiqish mamlakatini aniqlash boʻyicha ekspertiza oʻtkazish va ekspertiza dalolatnomasini tuzish, ushbu Nizomda nazarda tutilgan tartibda ariza topshirilgan sanadan boshlab bir ish kuni mobaynida amalga oshiriladi.
Ilgari aynan bir xil tovar uchun sertifikat olgan ariza beruvchi murojaat qilgan taqdirda, tovarlarning kelib chiqishini sertifikatlash ariza topshirilgan vaqtdan boshlab bir ish kuni mobaynida amalga oshiriladi, bunda ariza beruvchi arizasida sertifikatlanayotgan mahsulot nomi va miqdoridan soʻng aynan ilgari berilgan sertifikatning raqamini koʻrsatadi.
Meva-sabzavot mahsulotlariga sertifikat olish boʻyicha ariza beruvchi tomonidan murojaat qilinganda, tovarlarning kelib chiqishini sertifikatlash ariza topshirilgan vaqtdan boshlab bir ish kuni mobaynida amalga oshiriladi.
TIF TN kodlari boʻyicha 84 — 89 guruhlarda tavsiflanadigan yoki yirik assortimentlardagi (3 tadan ortiq ishlab chiqaruvchi va/yoki 30 turdan ortiq) tovarlarni kelib chiqishini sertifikatlashda ekspertiza qilish, shuningdek ekspertiza dalolatnomasini tuzish 2 ish kunigacha uzaytirilishi mumkin
28. Ishlab chiqarishni ekspertiza qilish eksport qilinayotgan tovarni ishlab chiqarish (tayyorlash) jarayonini oʻrganishdan va tovarning Oʻzbekiston Respublikasidan kelib chiqishini tasdiqlash uchun ekspertiza buyurtmachisi tomonidan taqdim etilgan hujjatlarni tahlil qilishdan boshlanadi. Ekspert quyidagilar bilan tanishib chiqishi va oʻrganishi kerak:
Mazkur Nizomning 22 , 24 , 25-bandida koʻrsatilgan hujjatlarni;
eksport qilinayotgan tovarni ishlab chiqaruvchisi boʻlib hisoblanmaydigan ariza beruvchi murojaat etgan hollarda, eksport qilinayotgan tovar turkumining mavjudligini tekshiradi;
eksport qilinayotgan tovarni ishlab chiqaruvchisi boʻlgan ariza beruvchi murojaat etgan hollarda, eksport qilinayotgan tovarni ishlab chiqarish uchun obyektiv sharoitlarni tekshiradi.
Ish jarayonida ekspert eksport qilinayotgan tovar kelib chiqish mezonlaridan qaysi biriga: mahsulotning batamom ishlab chiqarilganligi yoki mahsulotning yetarlicha qayta ishlanganligiga mos kelishini aniqlashi kerak.
Basharti ekspertiza natijasida tovarning Oʻzbekiston Respublikasidan kelib chiqishi tasdiqlansa va kelib chiqish mezoni aniqlansa, mazkur Nizomning 3-ilovasiga muvofiq shaklda ekspertiza dalolatnomasi tuziladi.
29. Ekspertiza dalolatnomasi eksport qilinayotgan tovarning shartnomada koʻrsatilgan barcha miqdoriga yoki (eksport qiluvchining ixtiyoriga koʻra) tovar turkumiga rasmiylashtiriladi.
Tovarning shartnomada koʻrsatilgan barcha miqdoriga ekspertiza dalolatnomasini rasmiylashtirishda, korxonaning ushbu miqdorga mos ishlab chiqarish quvvatlari hamda ishlab chiqarishda foydalaniladigan xomashyo va butlovchi qismlarning mavjud boʻlishi talab etiladi.
30. Dalolatnoma ekspert tomonidan aniq, qisqartirishlarsiz (umumiy qabul qilinganlardan tashqari) va boʻyalishlarsiz rasmiylashtirilgan boʻlishi kerak. Tuzatishlarga ekspert tomonidan izoh berilishi va uning imzosi bilan tasdiqlangan boʻlishi lozim.
31. Ekspertiza dalolatnomasida taqdim etilgan hujjatlar toʻgʻrisidagi barcha maʼlumotlar, tekshirish natijalari koʻrsatilgan boʻlishi va tovarning kelib chiqishini aniqlashning aniq asosi keltirilishi kerak.
32. Ekspertiza dalolatnomasi bir nusxada rasmiylashtirilib, vakolatli organda saqlanadi.
33. Ariza beruvchi tomonidan tovarning kelib chiqish mamlakatini aniqlash maqsadida ekspertiza oʻtkazish va ekspertiza dalolatnomasi olish (sertifikat rasmiylashtirilmasdan) uchun murojaat qilingan hollarda, ariza beruvchi tovar ishlab chiqarilgan hududdagi vakolatli organga mazkur Nizomning 22-bandida koʻrsatilgan hujjatlarni taqdim qiladi. Ushbu holatda, ariza beruvchi tomonidan sertifikat olish uchun tovar ortilayotgan hudud vakolatli organiga oʻzi tomonidan tasdiqlangan ekspertiza dalolatnomasining nusxasi beriladi. Bunday ekspertiza dalolatnomasi 12 oy amal qilish muddati bilan beriladi. Tovarni ishlab chiqarishning texnologik jarayonida (shu jumladan tovarning tarkibiy qismida), eksport qilinayotgan tovarni ishlab chiqarishda foydalanilgan xom-ashyo va materiallarning kelib chiqishida yoki tovar eksport qilinayotgan mamlakat oʻzgargan taqdirda, ariza beruvchi yangi ekspertiza dalolatnomasi olish uchun ekspertiza dalolatnomasi bergan vakolatli organga mazkur Nizomning 22-bandida qayd etilgan zarur hujjatlardagi tegishli oʻzgarishlari bilan murojaat qilishi lozim.
34. Agar ekspertiza natijasida tovarning Oʻzbekiston Respublikasida “yetarli darajada qayta ishlanganlik” mezoniga rioya qilinmaganligi aniqlansa yoki tovar ishlab chiqarilgan mamlakatni aniqlash imkoni boʻlmasa, eksport qiluvchiga taqdim etilgan tovar Oʻzbekiston Respublikasidan kelib chiqqan tovar sifatida tasniflana olmasligi toʻgʻrisida, sabablari koʻrsatilgan holda, mazkur Nizomning 4-ilovasiga muvofiq shaklda ekspert xulosasi beriladi.
35. Tovarlarning Oʻzbekiston Respublikasi hududida qayta ishlash jarayonida kelib chiqish mamlakati toʻgʻrisidagi dastlabki qaror davlat bojxona xizmati tomonidan beriladi.
Oʻzbekiston Respublikasi hududida qayta ishlash jarayonida tovar kelib chiqish mamlakati toʻgʻrisidagi dastlabki qarorni berish tartibi va shakli Oʻzbekiston Respublikasi Davlat bojxona qoʻmitasi tomonidan belgilanadi.
5-bob. Sertifikatni rasmiylashtirish
36. Ekspertiza dalolatnomasi ( “a” — “d” kichik bandlar ) yoki ariza-deklaratsiya ( “g” kichik band ) asosida sertifikat, eksport qilinayotgan tovarning shartnomada koʻrsatilgan barcha miqdoriga yoki tovar turkumiga (eksport qiluvchining ixtiyoriga koʻra) quyidagi shakllarda rasmiylashtiriladi:
a) Bosh preferensiyalar tizimiga muvofiq preferensiyalar taqdim etuvchi xorijiy davlatlarga eksport qilinayotgan tovarlarga — A shaklida;
b) Mustaqil Davlatlar Hamdoʻstligi davlatlariga — ST-1 shaklida;
v) Oʻzbekiston Respublikasi bilan shartnomalar tuzgan davlatlarga shartnomalarda belgilangan shakllarda yoki mazkur Nizomning 5-ilovasiga muvofiq shaklda rus yoki ingliz tillarida;
g) ushbu bandning “a” — “v” kichik bandlarida koʻrsatilmagan mamlakatlarga va tovarning kelib chiqish mamlakatini tasdiqlash shartnoma (bitim) shartlarida yoki bunday davlatlarning milliy qoidalarida zarurligi nazarda tutilgan boʻlsa, mazkur Nizomga 5-ilovasiga muvofiq shaklda, shuningdek, eksport qiluvchining xohishiga koʻra tan olinadigan davlatlar uchun 5a-ilovaga muvofiq shaklda QR-kod (matrik shtrixli kod) qoʻyish orqali elektron shaklda rus yoki ingliz tillarida;
d) tovarlarning keyinchalik eksportga chiqarish maqsadlarida ichki aylanishi uchun ushbu Nizomga 7-ilovaga muvofiq ST-UZ shaklida, bunda ushbu sertifikat tovarning tayyor miqdori va turkumiga, shuningdek, arizada koʻrsatilgan barcha miqdoriga, korxonaning ushbu miqdorga mos ishlab chiqarish quvvatlari hamda ishlab chiqarishda foydalaniladigan xomashyo va butlovchi qismlar mavjud boʻlgan taqdirda rasmiylashtiriladi.
Eksport qiluvchining ixtiyoriga koʻra, sertifikat alohida transportda tashilayotgan tovar birliklariga berilishi mumkin.
Ekspertiza dalolatnomasi yoki ariza-deklaratsiya asosida sertifikatni rasmiylashtirish bir ish kuni mobaynida amalga oshiriladi.
37. Eksport qilinayotgan tovar ishlab chiqarilgan hududdan boshqa hududda tovarlarning kelib chiqish sertifikatini olish uchun murojaat qilinganda, arizaga mazkur tovar ishlab chiqarilgan hududdagi vakolatli organ tomonidan berilgan ekspertiza dalolatnomasining ariza beruvchi tomonidan tasdiqlangan nusxasi va eksport qilinayotgan tovarga hisobvaraq-faktura (invoys) ilova qilinadi.
38. Qoidaga koʻra, tovarga berilgan sertifikat, shu tovar toʻgʻrisida quyidagi zarur maʼlumotlarni (ariza beruvchi taqdim qilgan maʼlumotlar asosida) oʻz ichiga olishi kerak:
a) eksport qiluvchining nomi va manzili;
b) import qiluvchining nomi va manzili;
v) transportda tashish vositalari va harakatlanish marshruti (qanchalik aniqligiga qarab);
g) oʻrinlar soni va oʻrab-joylash turi, tovarni identifikatsiyalash uchun zarur boʻlgan barcha maʼlumotlarni oʻz ichiga oluvchi tovarning bayoni;
d) brutto va sof ogʻirligi (ushbu koʻrsatkichlar boshqalar bilan, masalan, tovar birliklari soni yoki hajmi kabilar bilan almashtirilishi mumkin, basharti tovarni transportda tashishda uning vazni sezilarli darajada oʻzgarsa yoki bu birliklar tovarning ushbu turiga standart qoʻllanilsa);
e) hisobvaraq-fakturaning raqami va sanasi.
j) tovarning kelib chiqish mezonining asosi (ST-UZ kelib chiqish sertifikatlari uchun). Bunda mezonlar quyidagicha ifodalanadi:
“P” — batamom ishlab chiqarilgan deb hisoblanganda;
“D XXXX” — qayta ishlash natijasida tovar pozitsiyasining (tovarni tasniflovchi kodning) TIF TN boʻyicha dastlabki toʻrtta kod belgisining istalgan biri darajasida oʻzgarish sodir boʻlib, yetarli darajada qayta ishlangan deb topilganda, tovar pozitsiyasini koʻrsatgan holda;
“D 50%” — ishlab chiqarishda foydalanilgan import mahsulotlar ulushi tovar tannarxining 50 foizidan oshmagan va yetarli darajada qayta ishlangan deb topilgan holda;
“D 70%” — ishlab chiqarishda foydalanilgan import mahsulotlar ulushi tovar tannarxining 70 foizidan oshmagan va yetarli darajada qayta ishlangan deb topilgan holda.
39. Sertifikat vakolatli shaxs tomonidan imzolanadi va vakolatli organning muhri bilan tasdiqlanadi, shuningdek,ushbu Nizomning 36-bandi “g” kichik bandiga koʻra sertifikatlar tan olinadigan xorijiy davlatlar uchun QR-kod (matrik shtrixli kod) qoʻyish orqali elektron shaklda rasmiylashtirilishi mumkin. Sertifikatni guvohlantirish joyi (shahri) va sanasi, shuningdek, vakolatli organning nomi va toʻliq manzili koʻrsatiladi.
40. Sertifikatlarni tasdiqlash majburiyati yuklatiladigan shaxslar imzolarining namunalari va vakolatli organ muhrlarining bosma nusxalari Oʻzbekiston Respublikasi Davlat bojxona qoʻmitasiga, shuningdek, boshqa davlatlarning vakolatli organlariga yuboriladi.
41. Sertifikat bir nechta nusxada, bitta asl nusxa va qolgan nusxalari “kopiya” (“nusxa”) belgisi bilan tuziladi, QR-kod (matrik shtrixli kod) qoʻyilgan elektron sertifikat bundan mustasno.
Ariza beruvchining murojaatiga koʻra sertifikatning “bankka taqdim etish uchun” belgisi qoʻyilgan ikkinchi asl nusxasi berilishi mumkin.
42. Har bir sertifikat uni identifikatsiyalash mumkin boʻlgan odatiy tartib raqamiga ega boʻlishi kerak.
43. Ariza beruvchining iltimosiga koʻra sertifikatni tovar joʻnatilganidan soʻng bojxona rasmiylashtiruvi amalga oshirilgandan bir yildan kechiktirmasdan guvohlantirishga ruxsat etiladi. Bu holda, mazkur Nizomning 22 , 24-bandida sanab oʻtilgan hujjatlarga ariza beruvchi tomonidan qoʻshimcha ravishda bojxona organlarining tovarning joʻnatilganligini tasdiqlovchi belgisi qoʻyilgan tovarning kuzatuv hujjatlari va yuk bojxona deklaratsiyasi taqdim etiladi. Bunday hollarda sertifikatning “Xizmat belgilari uchun” ustunlarida “Keyinchalik berilgan” yozuvi boʻlishi kerak.
44. Sertifikat yoʻqolgan yoki buzilgan hollarda ariza beruvchi avval berilgan sertifikat rasmiylashtirilgan kundan boshlab bir yil davomida avval taqdim etilgan hujjatlar asosida guvohlantiriladigan dublikat olish toʻgʻrisida iltimosnoma bilan murojaat qilish huquqiga ega. Bunday sertifikatning dublikati, sertifikat asl nusxasining rasmiylashtirilgan sanasi va raqami koʻrsatilgan holda, “dublikat” yozuviga ega boʻlishi kerak. Bunda dublikatga avval berilgan sertifikat asl nusxasining roʻyxatga olish raqami va dublikat rasmiylashtirilgan kunning sanasi qoʻyiladi.
QR-kod (matrik shtrixli kod) qoʻyilgan elektron sertifikat berilganda, dublikat olish talab etilmaydi.
45. Avval berilgan sertifikatni qayta rasmiylashtirish zarurati tugʻilganda, ariza beruvchi asoslantirilgan yozma murojaat asosida avval berilgan sertifikat rasmiylashtirilgan kundan boshlab bir yil davomida yangi sertifikat olish huquqiga ega. Bunda “Xizmat belgilari uchun” ustunlariga avval berilgan sertifikatning raqami va sanasi koʻrsatilgan holda, “Sertifikat oʻrniga berilgan” yozuvi kiritiladi. Avval berilgan sertifikatning oʻrniga berilgan sertifikatga yangi roʻyxatga olish raqami va yangi sertifikat rasmiylashtirilgan kunning sanasi qoʻyiladi.
46. Agar sertifikatning haqiqiyligiga yoki undagi eksport qilinayotgan mahsulotga tegishli boʻlgan maʼlumotlarning aniqligiga shubha tugʻilishi munosabati bilan, Yevropa Ittifoqining, Mustaqil Davlatlar Hamdoʻstligi mamlakatlari va boshqa mamlakatlarning organlari Oʻzbekiston Respublikasida rasmiylashtirilgan sertifikatni tekshirish uchun qaytarsa yoki rasmiy talab yoʻllasa, vakolatli organ sertifikatlash va sertifikatlarni tasdiqlashning belgilangan tartibiga rioya qilinganligini tekshirish boʻyicha choralar koʻradi, zarur boʻlganda mazkur tovarning eksport qiluvchilari — tashkilotlar jalb etiladi.
Bunday tekshiruv natijalari boʻyicha importyor-mamlakatning soʻrovnoma yuborgan organiga axborot yuboriladi.
47. Katta turkumlarda boʻlmagan (faktura qiymati 5000 AQSH dollarigacha boʻlgan, Yevropa Ittifoqi mamlakatlari uchun 6000 yevrogacha boʻlgan) tovarlarning kelib chiqishini guvohlantirishda, eksport qiluvchilar tovarning kelib chiqish mamlakatini hisobvaraq-fakturada yoki tovarning kuzatuv hujjatlarida, agarda mazkur tovarlar turkumi bitta shartnoma doirasida yetkazib berilayotgan tovarlar turkumining bir qismi boʻlmasa deklaratsiyalashi mumkin.
6-bob. Tovarlarning kelib chiqishida oʻz-oʻzini sertifikatlash tartibi (REX tizimida eksport qiluvchilarni roʻyxatga olish)
48. Yevropa Ittifoqi davlatlariga tovarlar eksport kilingan holda, Yevropa Ittifoqi Bosh preferensiyalar tizimining kelib chiqishi talablariga javob beradigan, umumiy qiymati 6000 yevrodan oshadigan tovarlarning kelib chiqishini deklaratsiyalash orqali tasdiqlash uchun, eksport qiluvchi Yevropa Ittifoqining Eksport qiluvchilarni roʻyxatdan oʻtkazish tizimida (REX) ruyxatdan oʻtkazuvchi organ tomonidan YEI reglamentlarida belgilangan tartibda roʻyxatdan oʻtkazilgan boʻlishi shart.
Bu holda, roʻyxatdan oʻtkazish uchun masʼul organlar (keyingi oʻrinlarda ruyxatdan oʻtkazuvchi organ deb ataladi) vakolatli organ tomondan aniqlanadi.
Eksport qiluvchilar roʻyxatdan oʻtish uchun kerakli boʻlgan maʼlumotlarni roʻyxatdan oʻtkazuvchi organga taqdim qiladi. Roʻyxatdan oʻtkazish eksport qiluvchining arizasi va eksport qilinayotgan tovarning YEI reglamentlari talablariga muvofiqligi haqidagi ekspertiza dalolatnomasi asosida, oʻz tijoriy faoliyati, manzili, ishlab chiqaradigan va(yoki) eksport kilayotgan maxsuloti TIF TN kodlari va boshqa maʼlumotlarni ilova qilgan holda (qogʻoz koʻrinishida yoki elektron ravishda) taqdim kilgandan soʻng amalga oshiriladi. Roʻyxatdan oʻtkazilgan eksport qiluvchilarga REX-tizimining individual raqami beriladi, bunda ushbu eksport qiluvchi va tovarlarga biriktirilgan REX-tizimining individual raqamini hisobvaraq-fakturada yoki tovarning boshqa kuzatuv hujjatlarida koʻrsatib deklaratsiyalash asosida Yevropa Ittifoqi bojxona organlari tomonidan preferensiyalar berilishi mumkin.
49. Eksport qiluvchi eksport qilinayotgan tovarlarning kelib chiqishini aniqlashga asos boʻlgan hujjatlarni, eksport kilingan yilning tugashidan boshlab uch yil muddatgacha saqlashi lozim.
Maʼmuriy hamkorlik maqsadida eksport qiluvchi har chorakda roʻyxatdan oʻtkazuvchi organga tovarlarning kelib chiqishi haqidagi deklaratsiyani oʻz ichiga olgan invoysning skaner nusxasini taqdim etadi.
Eksport qiluvchining reglament talablariga rioya etayotganligi, jumladan kelib chiqish toʻgʻrisidagi deklaratsiyaning ishonchliligini aniqlash yiliga kamida bir marotaba roʻyxatdan oʻtkazuvchi organ tomonidan ekspertiza oʻtkazib, ekspertiza dalolatnomasi tuzish orqali amalga oshiriladi.
50. YEIning Soliq va bojxona ishlari Bosh direktorati tomonidan deklaratsiyada koʻrsatilgan maʼlumotlarning haqqoniyligini tasdiqlash toʻgʻrisida soʻrovnoma joʻnatilgan taqdirda, eksport qiluvchi vakolatli yoki roʻyxatdan oʻtkazuvchi organ tomonidan xabardor qilingandan soʻng 3 kun muddatda vakolatli organ/roʻyxatdan oʻtkazuvchi organga ishlab chiqarish va tovarning kelib chiqishini aniqlashga asos bulgan hujjatlar bilan tanishish uchun sharoit yaratib berishi lozim.
51. Soʻrovnomani koʻrib chiqish va javobini yoʻllash vakolatli organ tomonidan, eksport qiluvchi barcha hujjatlarni taqdim qilgan kundan boshlab 10 ish kunidan oshmaydigan muddatda amalga oshiriladi.
52. Kelib chiqish mamlakatini aniqlashning toʻgʻriligi va hisobvaraq-faktura yoki tovarning boshqa kuzatuv hujjatlarida koʻrsatib oʻtilgan tovarning kelib chiqishi haqidagi maʼlumotlarning ishonchliligi uchun masʼuliyat eksport qiluvchining zimmasiga yuklatiladi.
7-bob. Tovarlarning kelib chiqishini sertifikatlash uchun toʻlov toʻlash
53. Ekspertizani oʻtkazish va sertifikatni rasmiylashtirish xarajatlarini ariza beruvchi toʻlaydi.
54. Kelib chiqish mamlakatini aniqlash boʻyicha ekspertiza oʻtkazish va tovarning kelib chiqish sertifikatini rasmiylashtirish, shuningdek ekspert xulosasi rasmiylashtirilgan hollarda ariza beruvchi tomonidan vakolatli organga mazkur Nizomning 6-ilovasiga muvofiq miqdorda haq toʻlanadi.
8-bob. Yakunlovchi qoidalar
55. Ekspert ishlab chiqarishni ekspertiza qilish jarayonida mazkur tashkilotda amal qiluvchi texnika xavfsizligi qoidalariga rioya qilishi shart.
56. Qonunchilikka muvofiq ekspert, ekspertizaning xolisligi, sifati va oʻz vaqtida oʻtkazilishiga hamda ekspertiza dalolatnomasi, ekspert xulosasi va sertifikatning lozim darajada rasmiylashtirilishi uchun javob beradi.
57. Tovarning kelib chiqishini sertifikatlash uchun taqdim etilgan maʼlumotlarning ishonchliligi hamda aynan sertifikatlash uchun taqdim etilgan va ekspertiza oʻtkazilgan tovarning eksport qilinishi uchun ariza beruvchi javobgardir.
Sertifikat rasmiylashtirilgandan soʻng ariza beruvchi tomonidan berilgan maʼlumotlar ishonchsiz ekanligi aniqlangan yoki ushbu Nizomning 24-bandi uchinchi xatboshisida belgilangan majburiyatlarini bajarmagan hollarda vakolatli organ berilgan sertifikatlarni belgilangan tartibda bekor qilishi mumkin.
58. Tovarning Oʻzbekiston Respublikasidan kelib chiqishi toʻgʻrisidagi ekspert xulosasini tasdiqlovchi hujjatlarning nusxalari ekspertiza dalolatnomasi bilan birga arxivda uch yildan kam boʻlmagan muddat davomida saqlanadi.
Maxfiy xususiyatga ega yoki kelib chiqish qoidalarini qoʻllash maqsadida vakolatli organga maxfiy ravishda taqdim etilgan maʼlumotlar vakolatli organ tomonidan qatʼiy maxfiy saqlanadi va bunday maʼlumotlarni taqdim etgan shaxs yoki Hukumatning ruxsatisiz vakolatli organ ularni oshkor qilmaslik majburiyatini oladi, sud tartibida oshkor qilish talab etilgan holatlar bundan mustasno.
59. Vakolatli organ oʻzi tomonidan berilgan sertifikatlarning maʼlumotlar bazasini oʻz ichiga olgan tovarlarning kelib chiqishini sertifikatlash elektron tizimini yaratadi va yuritadi.
Tovarlarning kelib chiqish sertifikatlarining maʼlumotlar bazasi tovar olib kirilayotgan mamlakat bojxona organlari tomonidan sertifikatni berilishi va uning toʻgʻri toʻldirilishi, bojxona deklaratsiyasida koʻrsatilgan maʼlumotlarning toʻgʻriligini tekshirishni on-layn rejimda (on-layn tekshiruv) amalga oshirish maqsadida olib boriladi.
Elektron sertifikatlashtirish tizimiga kiritilgan sertifikatning elektron shaklidagi mavjud maʼlumotlar tarkibi ariza beruvchiga berilgan qogʻoz koʻrinishidagi sertifikat asl nusxasidagi maʼlumotlar bilan bir xil boʻlishi va milliy qonunchilik hamda xalqaro standartlarda koʻzda tutilgan sertifikatni toʻldirish tartib va talablariga muvofiq boʻlishi kerak.
Sertifikatning elektron shakli vakolatli organ tomonidan sertifikatning asl nusxasi guvohlantirilgandan kundan keyingi kundan kechiktirmay elektron sertifikatlashtirish tizimiga kiritiladi.
Ekspert va sertifikatni guvohlantirish uchun masʼul vakolatli shaxs sertifikatning toʻgʻri va oʻz vaqtida elektron tizimga kiritilishi uchun javob beradi.
60. Ariza beruvchi vakolatli organning qaroridan norozi boʻlgan hollarda (rad etish, ijro etuvchi organ tomonidan sertifikatlash ishlarini sifatsiz oʻtkazish), vakolatli organga yoki belgilangan tartibda Oʻzbekiston Respublikasi qonunchiligiga muvofiq sudga murojaat qilishga haqli.
Tovarlarning kelib chiqishini sertifikatlashni oʻtkazish tartibi toʻgʻrisidagi nizomga 1-ILOVA
Tovarni kelib chiqishini ekspertiza qilishni oʻtkazish va sertifikat berish
Bosqichlar Subyekt Harakat Muddati 1-bosqich Ariza beruvchi — eksport qiluvchi (korxona) Yozma yoki elektron koʻrinishda tegishli hujjatlarini ilova qilgan holda ariza topshirish Ariza beruvchining xohishiga koʻra 2-bosqich Vakolatli organ 1. Taqdim qilingan hujjatlarni oʻrganib chiqish va ishlab chiqarish/tovar saqlanayotgan joyga borib ekspertiza oʻtkazish. 2. Ekspertiza dalolatnomasi tuzish (rasmiylashtirish) (ekspertiza natijasi salbiy boʻlgan hollarda ekspert xulosasi rasmiylashtirish). Bir ish kuni davomida (TIF TN kodlari boʻyicha 84 — 89 guruhlarda tavsiflanadigan tovarlarni sertifikatlashda — ikki ish kunigacha) 3-bosqich Vakolatli organ 1. Tovarning kelib chiqish sertifikatini tuzish va rasmiylashtirish (ekspertiza dalolatnomasi asosida) 2. Sertifikatni elektron maʼlumotlar bazasiga kiritish Bir ish kuni davomida 4-bosqich Ariza beruvchi — eksport qiluvchi (korxona) Sertifikatni olish Ariza beruvchining xohishiga koʻra 5-bosqich Ariza beruvchi — eksport qiluvchi (korxona) Avval berilgan sertifikatni qayta rasmiylashtirish uchun vakolatli organga murojaat qilish zarurati tugʻilganda Avval berilgan sertifikat rasmiylashtirilgan kundan boshlab bir yil davomida 6-bosqich Vakolatli organ Qayta rasmiylashtirish va sertifikat berish Bir ish kuni davomida
Tovarlarning kelib chiqishini sertifikatlashni oʻtkazish tartibi toʻgʻrisidagi nizomga 2-ILOVA
ARIZA (tovarlarning kelib chiqqanligi toʻgʻrisidagi sertifikat/ekspertiza dalolatnomasini olish uchun) Eksport qiluvchi _____________________________________________________________ ______________________________ bilan _________________________ sanada tuzilgan ______-sonli shartnoma asosida tovar(lar)ning kelib chiqish mamlakatini aniqlash boʻyicha ekspertiza oʻtkazish va tovar(lar)ning kelib chiqqanligi toʻgʻrisidagi sertifikat yoki ekspertiza dalolatnomasini rasmiylashtirish uchun ekspert ajratishingizni soʻraydi. Tovar(lar)ning nomi _________________________________________________________ Hajmi ___________________________ ogʻirligi ______________________________ kg/m ____________________________________________________________________________ Ishlab chiqaruvchi (tayyorlovchi) _________________________________________________ Yuk joʻnatuvchi _______________________________________________________________ ____________________________________________________________________________ Yuk qabul qiluvchi (sotib oluvchi) va uning manzili*_______________________________ ____________________________________________________________________________ Yuk joʻnatish turi*____________________________________________________________ Joʻnatilish stansiyasi*:_______________________________________________________ Qabul qilish stansiyasi*:______________________________________________________ Sertifikatlar soni*__________________________________________________________ TIF TN kodi ________________________________________________________________ Toʻlovni kafolatlaymiz, bizning rekvizitlar: ___________________________________ ____________________________________________________________________________ ____________________________________________________________________________ Tovarlarning kelib chiqishini sertifikatlashni oʻtkazish tartibi toʻgʻrisidagi nizom talablari bilan tanishtirildim. Ariza beruvchi __________________ __________________________ (lavozimi) (imzo) (F.I.Sh.) Izoh: ekspertiza dalolatnomasi olish uchun ariza topshirilganda* bilan belgilangan bandlar toʻldirilmaydi.
Tovarlarning kelib chiqishini sertifikatlashni oʻtkazish tartibi toʻgʻrisidagi nizomga 2a-ILOVA
ARIZA-DEKLARATSIYA (umumiy shaklda tovarlarning kelib chiqish toʻgʻrisidagi sertifikatni berish uchun) Ariza beruvchi _______________________________________________________________ _________________ bilan _____________________ sanada tuzilgan _____-sonli shartnoma asosida umumiy shakldagi tovarlarning kelib chiqishi toʻgʻrisidagi sertifikatni rasmiylashtirish uchun, ekspert ajratishingizni soʻraydi. Toʻlovni kafolatlaymiz. Bizning rekvizitlar ____________________________________ ____________________________________________________________________________ 1. Tuzilgan sana: _____________________________________________________________ 2. Tuzilgan joyi: ____________________________________________________________ 3. Deklaratsiya ariza beruvchining vakili: ________________________________________ ___________________________________________________________ tomonidan tuzildi. (korxona nomi, F.I.O. pasport raqami, lavozimi) 4. Eksport qiluvchi (yuk joʻnatuvchi): ____________________________________________ 5. Ishlab chiqaruvchi (tayyorlovchi): ______________________________________________ 6. Sotib oluvchi (yuk qabul qiluvchi): ____________________________________________ 7. Hisobvaraq-faktura (invoys): ________________________________________________ 8. Yuk joʻnatish turi va sanasi: _________________________________________________ 9. Joʻnatilish va qabul qilish stansiyasi: ________________________________________ 10. Tovar nomi, TIF TN kodi, miqdori (tovar turlari koʻp boʻlganda, tovar nomini ushbu deklaratsiyaning alohida qoʻshimcha varaqlarida koʻrsatishga ruxsat etiladi): ____________________________________________________________________________ 11. Ishlab chiqarish haqida maʼlumotlar (qisqacha ishlab chiqarish texnologik jarayoni, ishlab chiqarish uskunalari, binolari haqida maʼlumotlar va h.): ____________________ ____________________________________________________________________________ 12. Ishlatilgan xomashyo, yarim tayyor mahsulot, materiallar roʻyxati, ularning olinganligini tasdiqlovchi hujjatlar) _________________________________________ ____________________________________________________________________________ (xomashyo nomi, shartnomalar, xisob-varaq fakturalar, TIF TN kodlarini koʻrsatgan holda yuk-bojxona deklaratsiyalari) 13. Tovardagi tarkibida import xom-ashyo va materiallarning ulushi (franko zavod narxi boʻyicha): ________ Xulosa qismi: Ushbu bilan, yuqoridagi maʼlumotlar toʻgʻriligi va 10-bandda koʻrsatilgan tovarlar haqiqatda Oʻzbekiston Respublikasidan kelib chiqqanligi deklaratsiyalanadi. Taqdim qilingan barcha maʼlumotlar uchun javobgarlik mas ʼ uliyatini olamiz va keyinchalik biz eksport qilgan tovar boʻyicha tovar olib kirilayotgan mamlakat vakolatli organlari tomonidan bizga ushbu ariza-deklaratsiyadagi maʼlumotlar asosida berilgan sertifikat doirasida notoʻgʻri yoki ishonchsiz maʼlumotlar aniqlangan taqdirda tovarning kelib chiqish mamlakatini aniqlash boʻyicha barcha zarur maʼlumot va hujjatlarni taqdim qilishni oʻz zimmamizga olamiz. Tovarlarning kelib chiqishini sertifikatlashni oʻtkazish tartibi toʻgʻrisidagi nizom talablari bilan tanishtirildim. Ariza beruvchi vakili (mansabi) __________________ __________________________ (imzo) (F.I.O.) 15. Kelib chiqish mezoni: “___________________________________” (Ekspert tomonidan toʻldiriladi) _________________________________________ (F.I.O., imzo)
Tovarlarning kelib chiqishini sertifikatlashni oʻtkazish tartibi toʻgʻrisidagi nizomga 3-ILOVA
OʼZBEKISTON RESPUBLIKASI INVESTITSIYALAR VA TASNQI SAVDO VAZIRLIGI YOKI yoki UNING TOMONIDAN VAKOLAT BERILGAN ORGAN MINISTERSTVO INVESTITSII I VNESHNEY TORGOVLI RESPUBLIKI UZBEKISTAN ILI DELEGIRUYEMIY IM ORGAN (vakolatli organ manzili) EKSPERTIZA DALOLATNOMASI _____________-son 1. Tuzilgan sana: _____________________________________________________________ 2. Tuzilgan joyi: ____________________________________________________________ 3. Dalolatnoma tuzuvchi ekspert: ________________________________________________ 4. Ekspertiza: _______________________________________________________________ (korxona nomi, korxona rahbari (vakili) familiyasi, ismi, otasining ismi) ____________________________________________________________________________ ________________________________________________________ ishtirokida oʻtkazildi. 5. Eksport qiluvchi: ___________________________________________________________ 6. Ishlab chiqaruvchi: __________________________________________________________ 7. Sotib oluvchi: ______________________________________________________________ 8. Tovar nomi, miqdori: _______________________________________________________ ____________________________________________________________________________ ____________________________________________________________________________ 9. Ekspertiza maqsadi — tovarning kelib chiqish mamlakatini aniqlash: ____________ 10. Taqdim etilgan hujjatlar (xom ashyo, materiallar, yarim tayyor mahsulotlar haqida maʼlumotlar va ularning olinganligini tasdiqlovchi hujjatlar): __________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ (nomi, tarkibi, artikul) 11. Ekspertiza natijasida aniqlandi: __________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ Ekspert: _____________________________ vakil: _____________________________ (imzo) (imzo) 13. Ekspert xulosasi: yuqorida koʻrsatilganlar asosida mahsulotning haqiqatdan Oʻzbekiston Respublikasida ishlab chiqilganligi tasdiqlanadi. TIF TN boʻyicha mahsulot kodi: _________________________________________________ ____________________________________________________________________________ ____________________________________________________________________________ Kelib chiqish mezoni: _________________________________________________________ Ekspertiza boshlanishi: ________________ Ekspertiza yakuni: _____________________ (sana) (sana) Ekspert: _________________________ (imzo) M.Oʻ. Dalolatnoma 20___ yil “___” _________ da roʻyxatga olindi.
Tovarlarning kelib chiqishini sertifikatlashni oʻtkazish tartibi toʻgʻrisidagi nizomga 4-ILOVA
OʼZBEKISTON RESPUBLIKASI INVESTITSIYALAR VA TASNQI SAVDO VAZIRLIGI yoki UNING TOMONIDAN VAKOLAT BERILGAN ORGAN MINISTERSTVO INVESTITSIY I VNESHNEY TORGOVLI RESPUBLIKI UZBEKISTAN ili DELEGIRUYEMIY IM ORGAN (vakolatli organ manzili) 20___yil “___” _________dagi ___-_______-sonli EKSPERT XULOSASI 1. Ekspertiza buyurtmachisi: ___________________________________________________ 2. Ekspert: __________________________________________________________________ 3. Ekspertiza maqsadi: ________________________________________________________ 4. Taqdim etilgan hujjatlar (xom ashyo, materiallar, yarim tayyor mahsulotlar haqida maʼlumotlar va ularning olinganligini tasdiqlovchi hujjatlar): __________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ 5. Ekspertiza (oʻrganish) natijasi: _____________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ ____________________________________________________________________________ Ekspert: _________________________ (imzo) M.Oʻ. Tarkibiy boʻlinma boshligʻi tomonidan roʻyxatga olindi: __________________________ (imzo) Muhrsiz haqiqiy emas.
Tovarlarning kelib chiqishini sertifikatlashni oʻtkazish tartibi toʻgʻrisidagi nizomga 5-ILOVA
Tovarlarning kelib chiqishini sertifikatlashni oʻtkazish tartibi toʻgʻrisidagi nizomga 5a-ILOVA
Tovarlarning kelib chiqishini sertifikatlashni oʻtkazish tartibi toʻgʻrisidagi nizomga 6-ILOVA
Vakolatli organ tomonidan tovarlarning kelib chiqishini aniqlash yuzasidan ekspertiza oʻtkazish xizmati boʻyicha narxlar
T/r Xizmat nomi Birlik BHMning ariza beruvchi murojaat qilgan kundagi miqdorida (QQSni hisobga olmaganda) 1. TIF TN kodi boʻyicha 84 — 89 guruhiga mansub boʻlmagan tovarlarning kelib chiqish mamlakatini aniqlash maqsadida ekspertiza oʻtkazish, sertifikat rasmiylashtirish 1 ekspertiza dalolatnomasi 0,65 1 sertifikat 0,35 2. TIF TN kodi boʻyicha 84 — 89 guruhiga mansub tovarlarning kelib chiqish mamlakatini aniqlash, sertifikat rasmiylashtirish 1 ekspertiza dalolatnomasi 1,25 1 sertifikat 0,35 3. Sertifikatni rasmiylashtirmasdan, ekspertiza dalolatnomasi / ekspert xulosasini tuzish hamda rasmiylashtirish 1 ekspertiza dalolatnomasi / ekspert xulosasi 0,65 4. Ekspertiza dalolatnomasi yoki eksport qiluvchining ariza-deklaratsiyasi asosida sertifikatni rasmiylashtirish, avval berilgan sertifikatni qayta rasmiylashtirish, reeksport qilinayotgan tovarga sertifikat/ekspert xulosasini rasmiylashtirish 1 sertifikat 0,65 5. Sertifikatning qoʻshimcha varagʻi, alohida transportda tashilayotgan tovar birliklariga berilgan sertifikat 1 sertifikat 0,35 6. Avval berilgan sertifikatga dublikat rasmiylashtirish 1 sertifikat 0,1 7. Eksport qilinayotgan tovarning shartnomada koʻrsatilgan barcha miqdori boʻyicha kelib chiqish mamlakatini aniqlash va rasmiylashtirish 1 ekspertiza dalolatnomasi 2,0 8. Bankka taqdim qilish uchun sertifikatning asl nusxasi 1 sertifikat 0,3 9. Avval berilgan sertifikatni qayta rasmiylashtirayotganda, uning qoʻshimcha varagʻini rasmiylashtirish 1 sertifikat 10. Avval berilgan sertifikatni qayta rasmiylashtirayotganda, alohida transportda tashilayotgan tovar birliklariga sertifikat rasmiylashtirish 1 sertifikat 11. Sertifikatning qoʻshimcha varagʻiga dublikat rasmiylashtirish 1 sertifikat 0,1 12. ST-UZ kelib chiqish sertifikatini rasmiylashtirish maqsadida ekspertiza oʻtkazish va sertifikatni rasmiylashtirish tovar turkumiga 1,0 arizada koʻrsatilgan barcha miqdorga 3,0
Tovarlarning kelib chiqishini sertifikatlashni oʻtkazish tartibi toʻgʻrisidagi nizomga 7-ILOVA
Oʻzbekiston Respublikasining Bosh vaziri A. ARIPOV
Toshkent sh.,
2019-yil 13-dekabr,
994-son