📅 2019-yil 13-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 13 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 декабря 2019 г. · Постановления Президента
Официальный текст. Официальный документ. Редакционные примечания не включены.
📅 13 December 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТУЗИЛМАСИ
ТАРКИБИ
Ислом Каримов номидаги Тошкент давлат техника университети ҳузуридаги Ўзбекистон-Япония ёшлар инновация маркази фаолиятини янада такомиллаштириш чора-тадбирлари тўғрисида
Ўзбекистон Республикаси Президентининг 2016 йил 19 сентябрдаги «Ислом Каримов номидаги Тошкент давлат техника университети ҳузурида Ўзбекистон-Япония ёшлар инновация марказини ташкил этиш тўғрисида»ги ПҚ-2602-сон қарорида белгиланган вазифалар ижросини таъминлаш доирасида Япониянинг етакчи университетлари билан биргаликда тадқиқотларни амалга ошириш учун икки томонлама мустаҳкам ҳамкорлик алоқалари йўлга қўйилди.
2016 йилдан бошлаб Ислом Каримов номидаги Тошкент давлат техника университети ҳузуридаги Ўзбекистон-Япония ёшлар инновация марказининг (кейинги ўринларда — Марказ) 15 нафардан ортиқ ёш олимлари Япониянинг етакчи илмий ва таълим муассасаларида стажировкадан ўтиб, илмий тадқиқотларни амалга оширишнинг замонавий, илғор услублари ва технологияларини ўзлаштирди. Ҳамкорлик натижалари дунё миқёсидаги илмий ва ахборот-таҳлил нашрларига тақдим этилди ва тан олинди.
Марказда Япониянинг халқаро ҳамкорлик агентлиги (JICA) томонидан «Ўзбекистон-Япония ёшлар инновация марказининг илмий-тадқиқот салоҳиятини ошириш ҳақида»ги беғараз техник кўмак лойиҳаси амалга оширилмоқда ҳамда унинг доирасида 2019 йилда Марказнинг 6 нафар ходими саралаб олинди ва малакасини ошириш мақсадида Японияга юборилди.
Шу билан бирга, истиқболда мавжуд илмий салоҳиятни самарали ривожлантириш ва экспериментал тадқиқотларни ўтказишни жадаллаштириш учун қўшимча чораларни кўриш талаб этилмоқда.
Инновацион ривожланиш учун янада қулай шарт-шароитлар яратиш, илмий ишланмалар натижаларини амалиётга татбиқ этиш, Марказнинг мавжуд илмий-техник ва инновацион салоҳиятини сафарбар этиш, Ўзбекистон-Япония ҳамкорлигини янада кенгайтириш мақсадида:
1. Ўзбекистон Республикаси Олий ва ўрта махсус таълим вазирлиги, Инновацион ривожланиш вазирлиги ва Молия вазирлигининг:
Марказ эҳтиёжи ва инновацион лойиҳаларни амалга ошириш учун илмий асбоб-ускуналар ва жиҳозларни Ўзбекистон Республикаси Олий ва ўрта махсус таълим вазирлигининг Олий таълим муассасаларини ривожлантириш жамғармаси маблағлари, Ислом Каримов номидаги Тошкент давлат техника университетининг бюджетдан ташқари маблағлари ҳисобидан харид қилишга;
Япония томонининг тавсиясига кўра 2020 йилда Марказ учун илмий-лаборатория қурилмаларини харид қилиш учун тўғридан-тўғри шартномаларни истисно тариқасида Республика товар-хом ашё биржасининг махсус электрон порталига эълон жойлаштирмасдан, электрон савдо ва тендерларсиз тузишга, уларни рўйхатдан ўтказишга ҳамда Ўзбекистон Республикаси Молия вазирлигининг Ғазначилиги томонидан белгиланган тартибда амалга оширишга рухсат бериш тўғрисидаги таклифларига розилик берилсин.
2. Белгилаб қўйилсинки:
Марказ фаолиятини мувофиқлаштириш, шу жумладан унинг моддий-техник базасини мустаҳкамлаш, халқаро ҳамкорлигини ривожлантириш, инновацион лойиҳа ва ишланмаларини амалиётга жорий қилиш Ўзбекистон Республикаси Инновацион ривожланиш вазирлиги томонидан амалга оширилади;
Марказ директори Ўзбекистон Республикаси Инновацион ривожланиш вазирлигининг таклифига асосан Олий ва ўрта махсус таълим вазирининг буйруғи билан лавозимга тайинланади ва лавозимдан озод этилади ҳамда кейинчалик Марказ Васийлик кенгаши томонидан тасдиқланади.
Ўзбекистон Республикаси Инновацион ривожланиш вазирлиги:
Марказ фаолиятини самарали ташкил этсин, давлат органлари ва муассасалари билан ўзаро ҳамкорлик қилишда унга яқиндан амалий ёрдам кўрсатсин;
Марказнинг вазирлик тизимидаги инновация ва технология трансфери марказлари, технопарклар, лабораториялар, стартап ва бизнес акселераторлар ҳамда бошқа ташкилотлар билан ўзаро мустаҳкам ҳамкорлигини йўлга қўйсин;
Ўзбекистон Республикаси Инновацион ривожланиш вазирлиги ҳузуридаги Инновацион ривожланиш ва новаторлик ғоялари жамғармаси ҳисобидан Марказнинг фундаментал, амалий ва инновацион лойиҳаларини молиялаштиришга маблағлар ажратилишини таъминласин.
3. Марказ зиммасига қуйидаги қўшимча вазифалар юклатилсин:
инновацион фаолият натижаларининг трансфери ва тижоратлаштирилиши, стартап лойиҳаларни амалга ошириш, саноат даражасида уларни тўлақонли жорий этишда амалий ёрдам кўрсатиш йўли билан ёшлар, олимлар ва ўқитувчиларни иқтисодиёт соҳалари ва корхоналарнинг илмий-техник муаммоларини ҳал этишга жалб қилиш;
инновация ва технология трансфери марказлари, технопарклар, юқори технологияли лабораториялар, инновация лабораториялар, стартап ва бизнес акселераторлар, Ёшлар академияси билан яқиндан ўзаро ҳамкорлик қилиш;
халқаро ва маҳаллий даражада эътироф этилган компаниялар, ташкилотлар, олимлар ва мутахассислар иштирокида инновациялар соҳасида маҳорат дарслари, тренинглар ва малака ошириш курслари, шунингдек, долзарб илмий-инновацион йўналишлар бўйича илмий-амалий конференциялар ва семинарлар, танловлар ўтказиш.
4. Белгилансинки:
а) Марказ учун қурилмалар, хом ашё, бутловчи буюмлар ва эҳтиёт қисмларни харид қилиш ва ўрнатиш билан боғлиқ харажатлар қуйидаги манбалардан қопланади:
Ўзбекистон Республикаси Олий ва ўрта махсус таълим вазирлигининг Олий таълим муассасаларини ривожлантириш жамғармасидан 500 минг АҚШ доллари миқдорида;
Ўзбекистон Республикаси Инновацион ривожланиш вазирлиги ҳузуридаги Инновацион ривожланиш ва новаторлик ғоялари жамғармасидан 500 минг АҚШ доллари миқдорида;
б) мазкур бандда белгиланган маблағларни сарфлаш фақатгина Япония томони билан келишилган ҳолда амалга оширилади.
5. Қуйидагилар:
Ислом Каримов номидаги Тошкент давлат техника университети ҳузуридаги Ўзбекистон-Япония ёшлар инновация марказининг тузилмаси 1-иловага мувофиқ;
Ислом Каримов номидаги Тошкент давлат техника университети ҳузуридаги Ўзбекистон-Япония ёшлар инновация маркази Васийлик кенгашининг таркиби (кейинги ўринларда — Васийлик кенгаши) 2-иловага мувофиқ тасдиқлансин.
Васийлик кенгаши йилига камида икки марта ўтказилиши қайд этилсин.
6. Белгилаб қўйилсинки:
Васийлик кенгаши, зарур ҳолларда, Марказ тузилмасига ходимларнинг тасдиқланган чекланган умумий сони доирасида ўзгартиришлар киритиш;
Марказ директори илмий-тадқиқотлар ва конструкторлик ишларини амалга ошириш учун Марказнинг бюджетдан ташқари маблағлари ҳисобидан шартнома асосида илмий ходимларни қўшимча жалб этиш ҳуқуқига эга.
7. Ўзбекистон Республикаси Олий ва ўрта махсус таълим вазирлиги Фанлар академияси, Инновацион ривожланиш вазирлиги билан биргаликда Марказ ходимларига:
Ўзбекистон Республикаси Президентининг 2017 йил 22 мартдаги «Халқаро тараққиёт ассоциацияси иштирокида «Олий таълим муассасалари моддий-техник базасини мустаҳкамлаш» лойиҳасини амалга ошириш тўғрисида»ги ПҚ-2848-сон қарорига мувофиқ Халқаро тараққиёт ассоциациясининг имтиёзли ресурсларидан олинган кредит ҳисобидан ташкил этиладиган 7 та олий таълим муассасалариаро илмий лабораторияларидан;
Ўзбекистон Республикаси Инновацион ривожланиш вазирлиги ҳузуридаги Илғор технологиялар маркази лабораторияларидан;
Ўзбекистон Республикаси Фанлар академияси Биоорганик кимё институти ҳузуридаги Жамоавий фойдаланиш марказининг лаборатория қурилмаларидан текин фойдаланиш имкониятини яратсин.
8. Ўзбекистон Республикаси Олий ва ўрта махсус таълим вазирлиги Инновацион ривожланиш вазирлиги, Иқтисодиёт ва саноат вазирлиги ҳамда республика иқтисодиёти реал секторининг потенциал буюртмачи (истеъмолчи) ташкилотлари билан биргаликда Марказнинг тадқиқотлар йўналишлари бўйича иқтисодиёт тармоқларининг илмий-тадқиқот ҳамда инновацион ишланмаларга бўлган эҳтиёжи уч ой муддатда ўрганилишини таъминласин.
Ўрганиш натижалари бўйича Марказда Инновацион технологияларни ишлаб чиқиш ва янги материаллар яратиш бўйича мақсадли комплекс илмий-техник дастур ишлаб чиқсин ва Ўзбекистон Республикаси Вазирлар Маҳкамасига тасдиқлаш учун киритсин.
9. Ўзбекистон Республикаси Олий ва ўрта махсус таълим вазирлиги, Ислом Каримов номидаги Тошкент давлат техника университети:
Марказнинг янги таҳрирдаги Уставини икки ой муддатда тасдиқланишини ва белгиланган тартибда давлат рўйхатидан ўтказилишини таъминласин;
Ўзбекистон Республикаси Адлия вазирлиги билан биргаликда халқаро талаблар ва стандартларни инобатга олган ҳолда, Марказнинг интеллектуал мулки ҳимояси ва фаолияти хавфсизлигини таъминлаш чораларини кўрсин.
10. Ўзбекистон Республикаси Инвестициялар ва ташқи савдо вазирлиги Марказни замонавий илмий-тадқиқот лаборатория қурилмалари, жумладан зарур лаборатория мебеллари ва асбоб-ускуналари билан жиҳозлаш учун халқаро молия институтлари ҳамда ташкилотлари грантлари, техник кўмак ва бошқа ташқи беғараз кўмак маблағларини жалб қилиш чораларни кўрсин.
11. Ўзбекистон Республикаси Энергетика вазирлиги, Транспорт вазирлиги, «Ўзкимёсаноат» АЖ, «Навоий кон-металлургия комбинати» ДК, «Олмалиқ кон-металлургия» АЖ, «Ўзметкомбинат» АЖ, «Ўзбекнефтгаз» АЖ ва «Ўзавтосаноат» АЖ Марказ илмий тадқиқотларининг реал ишлаб чиқариш масалаларини ҳал қилишга йўналтирилишини таъминлаш учун икки ой муддатда ўз соҳаси ва корхоналарини ривожлантиришнинг илмий-техник муаммолари бўйича илмий-тадқиқот мавзулари базасини шакллантирсин ва ушбу масалаларнинг ечимини таъминлаш учун Марказнинг илмий салоҳиятини хўжалик шартномалари асосида жалб этиш чораларини кўрсин.
12. Ўзбекистон Республикаси Инновацион ривожланиш вазирлиги ҳамда Олий ва ўрта махсус таълим вазирлиги икки ой муддатда:
Марказнинг илмий-инновацион фаолиятини ташкил этиш ва моддий-техник базасини мустаҳкамлаш бўйича «Йўл харитаси»ни;
Марказ резидентларини рўйхатдан ўтказиш, истиқболли инновацион лойиҳаларни саралаш ва молиялаштириш тартиби тўғрисидаги низомни ишлаб чиқсин ва тасдиқлаш учун Васийлик кенгашга киритсин.
13. Ўзбекистон Республикаси Адлия вазирлиги Марказ билан биргаликда Марказ резидентлари ва норезидентларига ихтиролар ва бошқа интеллектуал мулк объектларига аризаларни тайёрлашда маслаҳат ёрдамини кўрсатиш бўйича Марказнинг тижоратлаштириш бўлими ишини ташкил қилсин.
14. Ўзбекистон Республикаси Олий ва ўрта махсус таълим вазирлиги Ташқи ишлар вазирлиги ҳамда Инновацион ривожланиш вазирлиги билан биргаликда етакчи хорижий давлатларнинг технопарклари, инновацион марказлари ва бошқа тузилмалари билан, шу жумладан Марказ ходимлари ва резидентларининг тажриба алмашиши, ўқиши ҳамда стажировкаларини ташкил этиш масалаларида ҳамкорликни йўлга қўйсин.
15. Ўзбекистон Республикаси Президентининг 2016 йил 19 сентябрдаги «Ислом Каримов номидаги Тошкент давлат техника университети ҳузурида Ўзбекистон-Япония ёшлар инновация марказини ташкил этиш тўғрисида»ги ПҚ-2602-сон қарорининг 4-банди , шунингдек, 1 ва 2-иловалари ўз кучини йўқотган деб ҳисоблансин.
16. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президентининг 2019 йил 13 декабрдаги ПҚ-4550-сон қарорига 1-ИЛОВА
Ислом Каримов номидаги Тошкент давлат техника университети ҳузуридаги Ўзбекистон-Япония ёшлар инновация марказининг
Ўзбекистон Республикаси Президентининг 2019 йил 13 декабрдаги ПҚ-4550-сон қарорига 2-ИЛОВА
Ислом Каримов номидаги Тошкент давлат техника университети ҳузуридаги Ўзбекистон-Япония ёшлар инновация маркази Васийлик кенгашининг
А.А. Абдуҳакимов — Ўзбекистон Республикаси Бош вазирининг ўринбосари, Васийлик кенгаши раиси И.Ю. Абдурахмонов — Ўзбекистон Республикаси инновацион ривожланиш вазири, Васийлик кенгаши раисининг ўринбосари И.У. Маджидов — Ўзбекистон Республикаси олий ва ўрта махсус таълим вазири, Васийлик кенгаши раисининг ўринбосари С.М. Турабджанов — Ислом Каримов номидаги Тошкент давлат техника университети ректори, Васийлик кенгаши раисининг ўринбосари Л.Ш. Қудратов — Ўзбекистон Республикаси инвестициялар ва ташқи савдо вазирининг биринчи ўринбосари Б.Ш. Усманов — Ўзбекистон Республикаси иқтисодиёт ва саноат вазири ўринбосари О.Ш. Темиров — «Ўзкимёсаноат» АЖ бошқаруви раиси К.С. Санакулов — «Навоий кон-металлургия комбинати» ДК бош директори А.Х. Хурсанов — «Олмалиқ кон-металлургия комбинати» АЖ бошқаруви раиси Т.Т. Азаматов — «Ўзметкомбинат» АЖ бошқаруви раиси Б.Б. Сидиков — «Ўзбекнефтгаз» АЖ бошқаруви раиси Такасака Мунео — Ўзбекистондаги Япониянинг халқаро ҳамкорлик агентлиги (JI CA ) офиси бош директори (келишув бўйича) Накахигаши Масафуми — Нагоя Университети вице-президенти (келишув бўйича) Исода Фумио — Нагоя Университетининг Осиё сателлит кампуслари институти директори (келишув бўйича) Э.Ш. Элмуродов — Нагоя университетининг Ўзбекистондаги ваколатхонаси ижрочи директори (келишув бўйича) Юкинори Янагида — Ислом Каримов номидаги Тошкент давлат техника университети ҳузуридаги Ўзбекистон-Япония ёшлар инновация марказининг лойиҳа бошқаруви эксперти (келишув бўйича) Э.Б. Халтурсунов — Ислом Каримов номидаги Тошкент давлат техника университети ҳузуридаги Ўзбекистон-Япония ёшлар инновация марказининг директори, Васийлик кенгаши котиби
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 13 декабрь,
ПҚ-4550-сон
Oʻzbekiston Respublikasi Prezidentining
qarori
TUZILMASI
TARKIBI
Islom Karimov nomidagi Toshkent davlat texnika universiteti huzuridagi Oʻzbekiston-Yaponiya yoshlar innovatsiya markazi faoliyatini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining 2016-yil 19-sentabrdagi “Islom Karimov nomidagi Toshkent davlat texnika universiteti huzurida Oʻzbekiston-Yaponiya yoshlar innovatsiya markazini tashkil etish toʻgʻrisida”gi PQ-2602-son qarorida belgilangan vazifalar ijrosini taʼminlash doirasida Yaponiyaning yetakchi universitetlari bilan birgalikda tadqiqotlarni amalga oshirish uchun ikki tomonlama mustahkam hamkorlik aloqalari yoʻlga qoʻyildi.
2016-yildan boshlab Islom Karimov nomidagi Toshkent davlat texnika universiteti huzuridagi Oʻzbekiston-Yaponiya yoshlar innovatsiya markazining (keyingi oʻrinlarda — Markaz) 15 nafardan ortiq yosh olimlari Yaponiyaning yetakchi ilmiy va taʼlim muassasalarida stajirovkadan oʻtib, ilmiy tadqiqotlarni amalga oshirishning zamonaviy, ilgʻor uslublari va texnologiyalarini oʻzlashtirdi. Hamkorlik natijalari dunyo miqyosidagi ilmiy va axborot-tahlil nashrlariga taqdim etildi va tan olindi.
Markazda Yaponiyaning xalqaro hamkorlik agentligi (JICA) tomonidan “Oʻzbekiston-Yaponiya yoshlar innovatsiya markazining ilmiy-tadqiqot salohiyatini oshirish haqida”gi begʻaraz texnik koʻmak loyihasi amalga oshirilmoqda hamda uning doirasida 2019-yilda Markazning 6 nafar xodimi saralab olindi va malakasini oshirish maqsadida Yaponiyaga yuborildi.
Shu bilan birga, istiqbolda mavjud ilmiy salohiyatni samarali rivojlantirish va eksperimental tadqiqotlarni oʻtkazishni jadallashtirish uchun qoʻshimcha choralarni koʻrish talab etilmoqda.
Innovatsion rivojlanish uchun yanada qulay shart-sharoitlar yaratish, ilmiy ishlanmalar natijalarini amaliyotga tatbiq etish, Markazning mavjud ilmiy-texnik va innovatsion salohiyatini safarbar etish, Oʻzbekiston-Yaponiya hamkorligini yanada kengaytirish maqsadida:
1. Oʻzbekiston Respublikasi Oliy va oʻrta maxsus taʼlim vazirligi, Innovatsion rivojlanish vazirligi va Moliya vazirligining:
Markaz ehtiyoji va innovatsion loyihalarni amalga oshirish uchun ilmiy asbob-uskunalar va jihozlarni Oʻzbekiston Respublikasi Oliy va oʻrta maxsus taʼlim vazirligining Oliy taʼlim muassasalarini rivojlantirish jamgʻarmasi mablagʻlari, Islom Karimov nomidagi Toshkent davlat texnika universitetining budjetdan tashqari mablagʻlari hisobidan xarid qilishga;
Yaponiya tomonining tavsiyasiga koʻra 2020-yilda Markaz uchun ilmiy-laboratoriya qurilmalarini xarid qilish uchun toʻgʻridan-toʻgʻri shartnomalarni istisno tariqasida Respublika tovar-xom ashyo birjasining maxsus elektron portaliga eʼlon joylashtirmasdan, elektron savdo va tenderlarsiz tuzishga, ularni roʻyxatdan oʻtkazishga hamda Oʻzbekiston Respublikasi Moliya vazirligining Gʻaznachiligi tomonidan belgilangan tartibda amalga oshirishga ruxsat berish toʻgʻrisidagi takliflariga rozilik berilsin.
2. Belgilab qoʻyilsinki:
Markaz faoliyatini muvofiqlashtirish, shu jumladan uning moddiy-texnik bazasini mustahkamlash, xalqaro hamkorligini rivojlantirish, innovatsion loyiha va ishlanmalarini amaliyotga joriy qilish Oʻzbekiston Respublikasi Innovatsion rivojlanish vazirligi tomonidan amalga oshiriladi;
Markaz direktori Oʻzbekiston Respublikasi Innovatsion rivojlanish vazirligining taklifiga asosan Oliy va oʻrta maxsus taʼlim vazirining buyrugʻi bilan lavozimga tayinlanadi va lavozimdan ozod etiladi hamda keyinchalik Markaz Vasiylik kengashi tomonidan tasdiqlanadi.
Oʻzbekiston Respublikasi Innovatsion rivojlanish vazirligi:
Markaz faoliyatini samarali tashkil etsin, davlat organlari va muassasalari bilan oʻzaro hamkorlik qilishda unga yaqindan amaliy yordam koʻrsatsin;
Markazning vazirlik tizimidagi innovatsiya va texnologiya transferi markazlari, texnoparklar, laboratoriyalar, startap va biznes akseleratorlar hamda boshqa tashkilotlar bilan oʻzaro mustahkam hamkorligini yoʻlga qoʻysin;
Oʻzbekiston Respublikasi Innovatsion rivojlanish vazirligi huzuridagi Innovatsion rivojlanish va novatorlik gʻoyalari jamgʻarmasi hisobidan Markazning fundamental, amaliy va innovatsion loyihalarini moliyalashtirishga mablagʻlar ajratilishini taʼminlasin.
3. Markaz zimmasiga quyidagi qoʻshimcha vazifalar yuklatilsin:
innovatsion faoliyat natijalarining transferi va tijoratlashtirilishi, startap loyihalarni amalga oshirish, sanoat darajasida ularni toʻlaqonli joriy etishda amaliy yordam koʻrsatish yoʻli bilan yoshlar, olimlar va oʻqituvchilarni iqtisodiyot sohalari va korxonalarning ilmiy-texnik muammolarini hal etishga jalb qilish;
innovatsiya va texnologiya transferi markazlari, texnoparklar, yuqori texnologiyali laboratoriyalar, innovatsiya laboratoriyalar, startap va biznes akseleratorlar, Yoshlar akademiyasi bilan yaqindan oʻzaro hamkorlik qilish;
xalqaro va mahalliy darajada eʼtirof etilgan kompaniyalar, tashkilotlar, olimlar va mutaxassislar ishtirokida innovatsiyalar sohasida mahorat darslari, treninglar va malaka oshirish kurslari, shuningdek, dolzarb ilmiy-innovatsion yoʻnalishlar boʻyicha ilmiy-amaliy konferensiyalar va seminarlar, tanlovlar oʻtkazish.
4. Belgilansinki:
a) Markaz uchun qurilmalar, xom ashyo, butlovchi buyumlar va ehtiyot qismlarni xarid qilish va oʻrnatish bilan bogʻliq xarajatlar quyidagi manbalardan qoplanadi:
Oʻzbekiston Respublikasi Oliy va oʻrta maxsus taʼlim vazirligining Oliy taʼlim muassasalarini rivojlantirish jamgʻarmasidan 500 ming AQSH dollari miqdorida;
Oʻzbekiston Respublikasi Innovatsion rivojlanish vazirligi huzuridagi Innovatsion rivojlanish va novatorlik gʻoyalari jamgʻarmasidan 500 ming AQSH dollari miqdorida;
b) mazkur bandda belgilangan mablagʻlarni sarflash faqatgina Yaponiya tomoni bilan kelishilgan holda amalga oshiriladi.
5. Quyidagilar:
Islom Karimov nomidagi Toshkent davlat texnika universiteti huzuridagi Oʻzbekiston-Yaponiya yoshlar innovatsiya markazining tuzilmasi 1-ilovaga muvofiq;
Islom Karimov nomidagi Toshkent davlat texnika universiteti huzuridagi Oʻzbekiston-Yaponiya yoshlar innovatsiya markazi Vasiylik kengashining tarkibi (keyingi oʻrinlarda — Vasiylik kengashi) 2-ilovaga muvofiq tasdiqlansin.
Vasiylik kengashi yiliga kamida ikki marta oʻtkazilishi qayd etilsin.
6. Belgilab qoʻyilsinki:
Vasiylik kengashi, zarur hollarda, Markaz tuzilmasiga xodimlarning tasdiqlangan cheklangan umumiy soni doirasida oʻzgartirishlar kiritish;
Markaz direktori ilmiy-tadqiqotlar va konstruktorlik ishlarini amalga oshirish uchun Markazning budjetdan tashqari mablagʻlari hisobidan shartnoma asosida ilmiy xodimlarni qoʻshimcha jalb etish huquqiga ega.
7. Oʻzbekiston Respublikasi Oliy va oʻrta maxsus taʼlim vazirligi Fanlar akademiyasi, Innovatsion rivojlanish vazirligi bilan birgalikda Markaz xodimlariga:
Oʻzbekiston Respublikasi Prezidentining 2017-yil 22-martdagi “Xalqaro taraqqiyot assotsiatsiyasi ishtirokida “Oliy taʼlim muassasalari moddiy-texnik bazasini mustahkamlash” loyihasini amalga oshirish toʻgʻrisida”gi PQ-2848-son qaroriga muvofiq Xalqaro taraqqiyot assotsiatsiyasining imtiyozli resurslaridan olingan kredit hisobidan tashkil etiladigan 7 ta oliy taʼlim muassasalariaro ilmiy laboratoriyalaridan;
Oʻzbekiston Respublikasi Innovatsion rivojlanish vazirligi huzuridagi Ilgʻor texnologiyalar markazi laboratoriyalaridan;
Oʻzbekiston Respublikasi Fanlar akademiyasi Bioorganik kimyo instituti huzuridagi Jamoaviy foydalanish markazining laboratoriya qurilmalaridan tekin foydalanish imkoniyatini yaratsin.
8. Oʻzbekiston Respublikasi Oliy va oʻrta maxsus taʼlim vazirligi Innovatsion rivojlanish vazirligi, Iqtisodiyot va sanoat vazirligi hamda respublika iqtisodiyoti real sektorining potensial buyurtmachi (isteʼmolchi) tashkilotlari bilan birgalikda Markazning tadqiqotlar yoʻnalishlari boʻyicha iqtisodiyot tarmoqlarining ilmiy-tadqiqot hamda innovatsion ishlanmalarga boʻlgan ehtiyoji uch oy muddatda oʻrganilishini taʼminlasin.
Oʻrganish natijalari boʻyicha Markazda Innovatsion texnologiyalarni ishlab chiqish va yangi materiallar yaratish boʻyicha maqsadli kompleks ilmiy-texnik dastur ishlab chiqsin va Oʻzbekiston Respublikasi Vazirlar Mahkamasiga tasdiqlash uchun kiritsin.
9. Oʻzbekiston Respublikasi Oliy va oʻrta maxsus taʼlim vazirligi, Islom Karimov nomidagi Toshkent davlat texnika universiteti:
Markazning yangi tahrirdagi Ustavini ikki oy muddatda tasdiqlanishini va belgilangan tartibda davlat roʻyxatidan oʻtkazilishini taʼminlasin;
Oʻzbekiston Respublikasi Adliya vazirligi bilan birgalikda xalqaro talablar va standartlarni inobatga olgan holda, Markazning intellektual mulki himoyasi va faoliyati xavfsizligini taʼminlash choralarini koʻrsin.
10. Oʻzbekiston Respublikasi Investitsiyalar va tashqi savdo vazirligi Markazni zamonaviy ilmiy-tadqiqot laboratoriya qurilmalari, jumladan zarur laboratoriya mebellari va asbob-uskunalari bilan jihozlash uchun xalqaro moliya institutlari hamda tashkilotlari grantlari, texnik koʻmak va boshqa tashqi begʻaraz koʻmak mablagʻlarini jalb qilish choralarni koʻrsin.
11. Oʻzbekiston Respublikasi Energetika vazirligi, Transport vazirligi, “Oʻzkimyosanoat” AJ, “Navoiy kon-metallurgiya kombinati” DK, “Olmaliq kon-metallurgiya” AJ, “Oʻzmetkombinat” AJ, “Oʻzbekneftgaz” AJ va “Oʻzavtosanoat” AJ Markaz ilmiy tadqiqotlarining real ishlab chiqarish masalalarini hal qilishga yoʻnaltirilishini taʼminlash uchun ikki oy muddatda oʻz sohasi va korxonalarini rivojlantirishning ilmiy-texnik muammolari boʻyicha ilmiy-tadqiqot mavzulari bazasini shakllantirsin va ushbu masalalarning yechimini taʼminlash uchun Markazning ilmiy salohiyatini xoʻjalik shartnomalari asosida jalb etish choralarini koʻrsin.
12. Oʻzbekiston Respublikasi Innovatsion rivojlanish vazirligi hamda Oliy va oʻrta maxsus taʼlim vazirligi ikki oy muddatda:
Markazning ilmiy-innovatsion faoliyatini tashkil etish va moddiy-texnik bazasini mustahkamlash boʻyicha “Yoʻl xaritasi”ni;
Markaz rezidentlarini roʻyxatdan oʻtkazish, istiqbolli innovatsion loyihalarni saralash va moliyalashtirish tartibi toʻgʻrisidagi nizomni ishlab chiqsin va tasdiqlash uchun Vasiylik kengashga kiritsin.
13. Oʻzbekiston Respublikasi Adliya vazirligi Markaz bilan birgalikda Markaz rezidentlari va norezidentlariga ixtirolar va boshqa intellektual mulk obyektlariga arizalarni tayyorlashda maslahat yordamini koʻrsatish boʻyicha Markazning tijoratlashtirish boʻlimi ishini tashkil qilsin.
14. Oʻzbekiston Respublikasi Oliy va oʻrta maxsus taʼlim vazirligi Tashqi ishlar vazirligi hamda Innovatsion rivojlanish vazirligi bilan birgalikda yetakchi xorijiy davlatlarning texnoparklari, innovatsion markazlari va boshqa tuzilmalari bilan, shu jumladan Markaz xodimlari va rezidentlarining tajriba almashishi, oʻqishi hamda stajirovkalarini tashkil etish masalalarida hamkorlikni yoʻlga qoʻysin.
15. Oʻzbekiston Respublikasi Prezidentining 2016-yil 19-sentabrdagi “Islom Karimov nomidagi Toshkent davlat texnika universiteti huzurida Oʻzbekiston-Yaponiya yoshlar innovatsiya markazini tashkil etish toʻgʻrisida”gi PQ-2602-son qarorining 4-bandi , shuningdek, 1 va 2-ilovalari oʻz kuchini yoʻqotgan deb hisoblansin.
16. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidentining 2019-yil 13-dekabrdagi PQ-4550-son qaroriga 1-ILOVA
Islom Karimov nomidagi Toshkent davlat texnika universiteti huzuridagi Oʻzbekiston-Yaponiya yoshlar innovatsiya markazining
Oʻzbekiston Respublikasi Prezidentining 2019-yil 13-dekabrdagi PQ-4550-son qaroriga 2-ILOVA
Islom Karimov nomidagi Toshkent davlat texnika universiteti huzuridagi Oʻzbekiston-Yaponiya yoshlar innovatsiya markazi Vasiylik kengashining
A.A. Abduhakimov — Oʻzbekiston Respublikasi Bosh vazirining oʻrinbosari, Vasiylik kengashi raisi I.Yu. Abduraxmonov — Oʻzbekiston Respublikasi innovatsion rivojlanish vaziri, Vasiylik kengashi raisining oʻrinbosari I.U. Madjidov — Oʻzbekiston Respublikasi oliy va oʻrta maxsus taʼlim vaziri, Vasiylik kengashi raisining oʻrinbosari S.M. Turabdjanov — Islom Karimov nomidagi Toshkent davlat texnika universiteti rektori, Vasiylik kengashi raisining oʻrinbosari L.Sh. Qudratov — Oʻzbekiston Respublikasi investitsiyalar va tashqi savdo vazirining birinchi oʻrinbosari B.Sh. Usmanov — Oʻzbekiston Respublikasi iqtisodiyot va sanoat vaziri oʻrinbosari O.Sh. Temirov — “Oʻzkimyosanoat” AJ boshqaruvi raisi K.S. Sanakulov — “Navoiy kon-metallurgiya kombinati” DK bosh direktori A.X. Xursanov — “Olmaliq kon-metallurgiya kombinati” AJ boshqaruvi raisi T.T. Azamatov — “Oʻzmetkombinat” AJ boshqaruvi raisi B.B. Sidikov — “Oʻzbekneftgaz” AJ boshqaruvi raisi Takasaka Muneo — Oʻzbekistondagi Yaponiyaning xalqaro hamkorlik agentligi (JI CA ) ofisi bosh direktori (kelishuv boʻyicha) Nakaxigashi Masafumi — Nagoya Universiteti vitse-prezidenti (kelishuv boʻyicha) Isoda Fumio — Nagoya Universitetining Osiyo satellit kampuslari instituti direktori (kelishuv boʻyicha) E.Sh. Elmurodov — Nagoya universitetining Oʻzbekistondagi vakolatxonasi ijrochi direktori (kelishuv boʻyicha) Yukinori Yanagida — Islom Karimov nomidagi Toshkent davlat texnika universiteti huzuridagi Oʻzbekiston-Yaponiya yoshlar innovatsiya markazining loyiha boshqaruvi eksperti (kelishuv boʻyicha) E.B. Xaltursunov — Islom Karimov nomidagi Toshkent davlat texnika universiteti huzuridagi Oʻzbekiston-Yaponiya yoshlar innovatsiya markazining direktori, Vasiylik kengashi kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 13-dekabr,
PQ-4550-son
Президента Республики Узбекистан
Постановление
СТРУКТУРА
СОСТАВ
О мерах по дальнейшему совершенствованию деятельности Узбекско-Японского молодежного центра инноваций при Ташкентском государственном техническом университете имени Ислама Каримова
В рамках обеспечения исполнения задач, определенных в постановлении Президента Республики Узбекистан от 19 сентября 2016 года № ПП-2602 «О создании Узбекско-Японского молодежного центра инноваций при Ташкентском государственном техническом университете имени Ислама Каримова» налажено прочное двустороннее сотрудничество для реализации совместных исследований с ведущими университетами Японии.
Начиная с 2016 года более 15 молодых ученых Узбекско-Японского молодежного центра инноваций при Ташкентском государственном техническом университете имени Ислама Каримова (далее — Центр) прошли стажировку в ведущих научных и образовательных учреждениях Японии, освоили современные, передовые методы и технологии проведения научных исследований. Результаты сотрудничества представлены и признаны научными и информационно-аналитическими изданиями мирового уровня.
В Центре реализуется проект безвозмездного технического содействия Японского агентства международного сотрудничества (JICA) «О повышении научно-исследовательского потенциала Узбекско-Японского молодежного центра инноваций», в рамках которого в 2019 году отобраны и с целью повышения квалификации направлены в Японию 6 сотрудников Центра.
Вместе с тем для эффективного развития научного потенциала и ускорения реализации экспериментальных исследований на перспективу требуется принятие дополнительных мер.
В целях создания наиболее благоприятных условий для инновационного развития, внедрения на практике результатов научных разработок, эффективной мобилизации научно-технического и инновационного потенциала Центра, дальнейшего расширения узбекско-японского сотрудничества:
1. Согласиться с предложениями Министерства высшего и среднего специального образования, Министерства инновационного развития и Министерства финансов Республики Узбекистан о:
приобретении научного оборудования и инвентаря для нужд Центра и реализации инновационных проектов за счет средств Фонда развития высших образовательных учреждений Министерства высшего и среднего специального образования Республики Узбекистан и внебюджетных средств Ташкентского государственного технического университета имени Ислама Каримова;
разрешении в порядке исключения заключения в 2020 году прямых договоров на приобретение по рекомендации японской стороны, научно-лабораторных приборов для Центра с проведением регистрации в порядке, установленном Казначейством Министерства финансов Республики Узбекистан, без размещения объявления на специальном электронном портале Республиканской товарно-сырьевой биржи, а также проведения электронных торгов и тендеров.
2. Установить, что:
координация деятельности Центра, в том числе укрепление его материально-технической базы, развитие международного сотрудничества, внедрение на практике инновационных проектов и разработок, осуществляется Министерством инновационного развития Республики Узбекистан;
директор Центра назначается на должность и освобождается от должности приказом министра высшего и среднего специального образования на основе предложения Министерства инновационного развития Республики Узбекистан, с дальнейшим утверждением Попечительским советом Центра.
Министерству инновационного развития Республики Узбекистан обеспечить:
Эффективную организацию деятельности Центра, оказание ему непосредственной практической помощи по взаимодействию с государственными органами и учреждениями;
налаживание прочного взаимодействия Центра с инновационными центрами и центрами трансфера технологий, технопарками, лабораториями, стартап- и бизнес-акселераторами, другими организациями системы министерства;
выделение средств на финансирование фундаментальных, прикладных и инновационных проектов Центра за счет Фонда инновационного развития и новаторских идей при Министерстве инновационного развития Республики Узбекистан.
3. Возложить на Центр следующие дополнительные задачи:
осуществление трансфера и коммерциализации результатов инновационной деятельности, реализацию стартап-проектов, привлечение молодежи, ученых и преподавателей к решению научно-практических проблем отраслей экономики и предприятий путем оказания практической помощи в их полноценном внедрении на промышленном уровне;
осуществление тесного взаимодействия с инновационными центрами и центрами трансфера технологий, технопарками, лабораториями высоких технологий, инновационными лабораториями, стартап- и бизнес акселераторами, Академией молодежи;
проведение мастер-классов, тренингов и курсов повышения квалификации в области инноваций, а также научно-прикладных конференций, семинаров и конкурсов по актуальным научно-инновационным направлениям с участием компаний, организаций, ученых и специалистов, признанных на отечественном и международном уровне.
4. Установить, что:
а) расходы, связанные с приобретением и установкой оборудования, сырья, комплектующих и запасных частей для Центра, покрываются за счет следующих источников:
Фонда развития высших образовательных учреждений Министерства высшего и среднего специального образования Республики Узбекистан в размере 500 тыс. долларов США;
Фонда инновационного развития и новаторских идей при Министерстве инновационного развития Республики Узбекистан в размере 500 тыс. долларов США;
б) расходование средств, определенных в данном пункте, осуществляется исключительно по согласованию с японской стороной.
5. Утвердить:
структуру Узбекско-Японского молодежного центра инноваций при Ташкентском государственном техническом университете имени Ислама Каримова согласно приложению № 1 ;
состав Попечительского совета Узбекско-Японского молодежного центра инноваций при Ташкентском государственном техническом университете имени Ислама Каримова (далее — Попечительский совет) согласно приложению № 2 .
Отметить, что Попечительский совет созывается не менее двух раз в год.
6. Установить, что:
Попечительский совет вправе, при необходимости, вносить изменения в структуру Центра в рамках утвержденной предельной общей численности работников;
директор Центра вправе дополнительно привлекать научных работников на договорной основе для проведения научно-исследовательских и конструкторских работ за счет внебюджетных средств Центра.
7. Министерству высшего и среднего специального образования совместно с Академией наук и Министерством инновационного развития Республики Узбекистан создать работникам Центра возможность безвозмездного пользования:
7 межвузовскими научными лабораториями, создаваемыми за счет кредита, полученного из льготных ресурсов Международной ассоциации развития в соответствии с постановлением Президента Республики Узбекистан от 22 марта 2017 года № ПП-2848 «О мерах по реализации проекта «Укрепление материально-технической базы высших образовательных учреждений» с участием Международной ассоциации развития»;
лабораториями Центра передовых технологий при Министерстве инновационного развития Республики Узбекистан;
лабораторными приборами Центра коллективного пользования при Институте биоорганической химии Академии наук Республики Узбекистан.
8. Министерству высшего и среднего специального образования совместно с Министерством инновационного развития, Министерством экономики и промышленности Республики Узбекистан и потенциальными заказчиками (потребителями) — организациями реального сектора экономики республики в трехмесячный срок обеспечить изучение потребностей отраслей экономики в научно-исследовательских и инновационных разработках по направлениям исследований Центра.
По результатам изучения разработать и внести на утверждение в Кабинет Министров Республики Узбекистан Целевую комплексную научно-техническую программу по разработке инновационных технологий и созданию новых материалов в Центре.
9. Министерству высшего и среднего специального образования Республики Узбекистан и Ташкентскому государственному техническому университету имени Ислама Каримова:
обеспечить в двухмесячный срок утверждение и государственную регистрацию в установленном порядке Устава Центра в новой редакции;
совместно с Министерством юстиции Республики Узбекистан принять меры по обеспечению защиты интеллектуальной собственности и безопасности деятельности Центра с учетом международных требований и стандартов.
10. Министерству инвестиций и внешней торговли Республики Узбекистан принять меры по привлечению грантов, средств технического и иного внешнего безвозмездного содействия международных финансовых институтов и организаций для оснащения Центра современным научно-исследовательским лабораторным оборудованием, в том числе необходимой лабораторной мебелью и приборами.
11. Министерству энергетики, Министерству транспорта Республики Узбекистан, АО «Узкимёсаноат», ГП «Навоийский горно-металлургический комбинат», АО «Алмалыкский горно-металлургический комбинат», АО «Узметкомбинат», АО «Узбекнефтегаз» и АО «Узавтосаноат» в двухмесячный срок сформировать базу научно-исследовательских тем по проблемам научно-технического развития соответствующих отраслей и подведомственных предприятий с принятием мер по привлечению научного потенциала Центра для решения данных вопросов на основе хозяйственных договоров с целью обеспечения направленности научных исследований Центра на решение вопросов реального производства.
12. Министерству инновационного развития и Министерству высшего и среднего специального образования Республики Узбекистан в двухмесячный срок разработать и внести на утверждение в Попечительский совет:
«Дорожную карту» по организации научно-инновационной деятельности и укреплению материально-технической базы Центра;
Положение о порядке проведения регистрации резидентов Центра, отбора и финансирования перспективных инновационных проектов.
13. Министерству юстиции Республики Узбекистан совместно с Центром организовать работу отдела коммерциализации Центра по оказанию консультативной помощи резидентам и нерезидентам Центра при подготовке заявок по объектам изобретений и иным объектам интеллектуальной собственности.
14. Министерству высшего и среднего специального образования совместно с Министерством иностранных дел и Министерством инновационного развития Республики Узбекистан наладить сотрудничество с технопарками, инновационными центрами и иными структурами ведущих зарубежных стран, в том числе по вопросам организации обмена опытом, обучения и прохождения стажировки работников и резидентов Центра.
15. Признать утратившими силу пункт 4 , а также приложения № 1 и № 2 к постановлению Президента Республики Узбекистан от 19 сентября 2016 года № ПП-2602 «О создании Узбекско-Японского молодежного центра инноваций при Ташкентском государственном техническом университете имени Ислама Каримова».
16. Контроль за исполнением настоящего постановления возложить на советника Президента Республики Узбекистан А.А. Абдувахитова и заместителя Премьер-министра Республики Узбекистан А.А. Абдухакимова.
ПРИЛОЖЕНИЕ № 1 к постановлению Президента Республики Узбекистан от 13 декабря 2019 года № ПП-4550
Узбекско-Японского молодежного центра инноваций при Ташкентском государственном техническом университете имени Ислама Каримова
ПРИЛОЖЕНИЕ № 2 к постановлению Президента Республики Узбекистан от 13 декабря 2019 года № ПП-4550
Попечительского совета Узбекско-Японского молодежного центра инноваций при Ташкентском государственном техническом университете имени Ислама Каримова
Абдухакимов А.А. — заместитель Премьер-министра Республики Узбекистан, председатель Попечительского совета Абдурахмонов И.Ю. — министр инновационного развития Республики Узбекистан, заместитель председателя Попечительского совета Маджидов И.У. — министр высшего и среднего специального образования Республики Узбекистан, заместитель председателя Попечительского совета Турабджанов С.М. — ректор Ташкентского государственного технического университета имени Ислама Каримова, заместитель председателя Попечительского совета Кудратов Л.Ш. — первый заместитель министра инвестиций и внешней торговли Республики Узбекистан Усманов Б.Ш. — заместитель министра экономики и промышленности Республики Узбекистан Темиров О.Ш. — председатель правления АО «Узкимёсаноат» Санакулов К.С. — генеральный директор ГП «Навоийский горно-металлургический комбинат» Хурсанов А.Х. — председатель правления АО «Алмалыкский горно-металлургический комбинат» Азаматов Т.Т. — председатель правления АО «Узметкомбинат» Сидиков Б.Б. — председатель правления АО «Узбекнефтегаз» Такасака Мунео — генеральный директор офиса Японского агентства международного сотрудничества (JI CA ) в Узбекистане (по согласованию) Накахигаши Масафуми — вице-президент Университета Нагоя (по согласованию) Исода Фумио — директор Института азиатских сателлит-кампусов Университета Нагоя (по согласованию) Элмуродов Э.Ш. — исполнительный директор представительства Университета Нагоя в Узбекистане (по согласованию) Юкинори Янагида — эксперт по управлению проектом Узбекско-Японского молодежного центра инноваций при Ташкентском государственном техническом университете имени Ислама Каримова (по согласованию) Халтурсунов Э.Б. — директор Узбекско-Японского молодежного центра инноваций при Ташкентском государственном техническом университете имени Ислама Каримова, секретарь Попечительского совета
Президент Республики Узбекистан Ш. МИРЗИЁЕВ
г. Ташкент,
13 декабря 2019 г.,
№ ПП-4550