UzbekAI

Ўзбекистон Республикаси Вазирлар Маҳкамасининг

қарори

НИЗОМ

Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги фаолиятини ташкил этиш чора-тадбирлари тўғрисида

Ўзбекистон Республикаси Президентининг «Истеъмолчилар ҳуқуқларини ҳимоя қилишнинг ҳуқуқий ва институционал тизимини тубдан такомиллаштириш чора-тадбирлари тўғрисида» 2019 йил 11 сентябрдаги ПФ-5817-сон Фармонига мувофиқ Вазирлар Маҳкамаси қарор қилади:

1. Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги тўғрисидаги низом 1-иловага мувофиқ тасдиқлансин.

2. Ўзбекистон Республикаси Президентининг «Истеъмолчилар ҳуқуқларини ҳимоя қилишнинг ҳуқуқий ва институционал тизимини тубдан такомиллаштириш чора-тадбирлари тўғрисида» 2019 йил 11 сентябрдаги ПФ-5817-сон Фармонига мувофиқ, Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги (кейинги ўринларда Агентлик деб аталади) ходимларига нисбатан Ўзбекистон Республикаси Монополияга қарши курашиш қўмитаси ходимлари учун назарда тутилган меҳнатга ҳақ тўлаш шартлари ва тиббий хизмат кўрсатиш тартиби қўлланилиши белгиланганлиги маълумот учун қабул қилинсин.

Белгилансинки, Вазирлар Маҳкамасининг 2019 йил 15 майдаги 402-сон қарори билан тасдиқланган Ўзбекистон Республикаси Монополияга қарши курашиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармаси маблағларини шакллантириш ва улардан фойдаланиш тартиби тўғрисидаги низомнинг Ўзбекистон Республикаси Монополияга қарши курашиш қўмитаси ходимларини моддий рағбатлантириш ва ижтимоий таъминлашга доир қоидалари Агентлик ходимларига нисбатан ҳам татбиқ этилади ҳамда Агентлик ташкил этилган санадан эътиборан қўлланилади.

3. Ўзбекистон Республикаси Ҳукуматининг 2-иловага мувофиқ айрим қарорларига ўзгартириш ва қўшимчалар киритилсин.

4. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.

5. Ўзбекистон Республикаси Монополияга қарши курашиш қўмитаси манфаатдор вазирликлар ва идоралар билан биргаликда ўзлари томонидан қабул қилинган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ғаниев ва Ўзбекистон Республикаси Монополияга қарши курашиш қўмитаси раиси Н.Ш. Шарипов зиммасига юклансин.

Вазирлар Маҳкамасининг 2019 йил 19 декабрдаги 1015-сон қарорига 1-ИЛОВА

Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги тўғрисида

1-боб. Умумий қоидалар

1. Ушбу Низом Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлигининг (кейинги ўринларда Агентлик деб аталади) мақоми, асосий вазифалари, функциялари, ҳуқуқлари, жавобгарлигини, фаолиятини ташкил этиш ва ҳисобот бериш тартибини, шунингдек унинг раҳбарларининг функционал вазифалари ва масъулиятини белгилайди.

2. Агентлик истеъмолчилар ҳуқуқларини ҳимоя қилиш ва реклама бозорини тартибга солиш соҳасида ягона давлат сиёсатини амалга оширувчи ваколатли давлат бошқаруви органи ҳисобланади ва ўз фаолиятида бевосита Ўзбекистон Республикаси Монополияга қарши курашиш қўмитасига (кейинги ўринларда Қўмита деб аталади) бўйсунади.

3. Агентлик Қўмитанинг таркибий бўлинмаси ҳисобланади ва унинг тизимига киради.

Агентлик фаолиятини мувофиқлаштириш, унга умумий раҳбарлик қилиш ва уни назорат қилиш, моддий-техник базасини мустаҳкамлаш ва Агентлик ходимларининг малакасини оширишни ташкил этиш Қўмита томонидан амалга оширилади.

4. Агентлик ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, ушбу Низомга ва бошқа қонун ҳужжатларига, шунингдек, Қўмитанинг қарорларига амал қилади.

5. Агентликнинг ўз ваколатлари доирасида қабул қилинган қарорлари давлат бошқаруви органлари, хўжалик бирлашмалари ва маҳаллий ижро этувчи ҳокимият органлари, бошқа ташкилотлар ва уларнинг мансабдор шахслари, шу жумладан, фуқаролар томонидан бажарилиши мажбурий ҳисобланади.

6. Агентлик ўз фаолиятини Қўмитанинг ҳудудий бошқармалари орқали, шунингдек, давлат органлари, нодавлат нотижорат ва бошқа ташкилотлар билан ўзаро ҳамкорликда амалга оширади ҳамда истеъмолчилар ҳуқуқларини ҳимоя қилиш ва реклама бозорини тартибга солиш соҳасида бошқа халқаро ва минтақавий ташкилотларда Ўзбекистон Республикаси номидан вакиллик қилади.

7. Агентлик юридик шахс ҳисобланади, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ва бланкаларга, мустақил балансга, шахсий ғазна ҳисобварақларига, банк ҳисобрақамларига, шу жумладан, хорижий валютадаги банк ҳисобрақамларига эгадир.

8. Агентликнинг расмий номи:

а) давлат тилида:

тўлиқ номи — Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш Агентлиги, қисқартирилган номи — Истеъмолчилар ҳуқуқларини ҳимоя қилиш Агентлиги;

б) рус тилида:

тўлиқ номи — Агентство по защите прав потребителей при Антимонопольном комитете Республики Узбекистан, қисқартирилган номи — Агентство по защите прав потребителей.

в) инглиз тилида:

тўлиқ номи — Consumer Protection Agency under the Antimonopoly Committee of the Republic of Uzbekistan, қисқартирилган номи — Consumer Protection Agency;

9. Агентликнинг жойлашган манзили (почта манзили): 100128, Тошкент шаҳри, Лабзак кўчаси, 3.

2-боб. Агентликнинг вазифалари ва функциялари

10. Қуйидагилар Агентликнинг асосий вазифалари ҳисобланади:

истеъмолчилар ҳуқуқларини ҳимоя қилиш ва реклама бозорини тартибга солиш соҳасида ягона давлат сиёсатини ишлаб чиқиш ва амалий ижросини таъминлаш;

истеъмолчиларнинг товарлар (ишлар, хизматлар), уларнинг ишлаб чиқарувчиси, ижрочиси ва сотувчиси тўғрисидаги ҳаққоний ва тўлиқ маълумотларни, шу жумладан ахборот-коммуникация технологияларини қўллаган ҳолда олиш имкониятларини таъминлаш;

аҳолининг истеъмолчилик билими ва саводхонлигини оширишга қаратилган дастурларни ишлаб чиқиш ва амалга ошириш;

истеъмолчиларга уларнинг ҳуқуқ ва манфаатларини ҳимоя қилишда ёрдам кўрсатиш;

истеъмолчилар ҳуқуқларини ҳимоя қилиш тўғрисидаги қонун ҳужжатларига риоя этилиши устидан давлат назоратини амалга ошириш, шунингдек, товарлар (ишлар, хизматлар) хавфсизлиги ва уларнинг сифатини назорат қилиш соҳасида ҳамкорлик қилиш;

истеъмолчилар ҳуқуқи бузилиши сабабларини таҳлил қилиш, уларни бартараф этиш юзасидан таклифлар тайёрлаш ҳамда истеъмолчилар ҳуқуқи бузилиши ҳолатларининг олдини олиш;

тадбиркорлик ва истеъмолчилик маданиятини такомиллаштириш, реклама соҳасида ноҳалол рақобатга ва нотўғри рекламанинг юзага келишига йўл қўймаслик мақсадида реклама бозорини тартибга солиш;

истеъмолчилар ҳуқуқларини ҳимоя қилиш ва реклама бозорини тартибга солиш соҳасида фуқаролик жамияти институтлари ва бошқа ташкилотлар билан ҳамкорлик қилиш;

истеъмол бозорини, давлат томонидан нарх-навоси тартибга солинадиган товарлар (ишлар, хизматлар) нархларининг динамикаси ва шаклланиши механизмларини ўрганиш;

истеъмолчилар ҳуқуқларини ҳимоя қилиш ва реклама бозорини тартибга солиш масалалари бўйича хорижий ташкилотлар билан ҳамкорлик қилиш.

11. Агентлик ўзига юклатилган вазифаларга мувофиқ қуйидаги функцияларни амалга оширади:

а) истеъмолчилар ҳуқуқларини ҳимоя қилиш ва реклама бозорини тартибга солиш соҳасида ягона давлат сиёсатини ишлаб чиқиш ва амалий ижросини таъминлаш соҳасида:

истеъмолчилар ҳуқуқларини ҳимоя қилиш ва реклама бозорини тартибга солиш йўналишида ягона давлат сиёсатини ишлаб чиқади ва амалга оширилишини таъминлайди;

истеъмолчилар ҳуқуқларини ҳимоя қилиш ва реклама бозорини тартибга солиш соҳасида ваколатли давлат органлари ва ташкилотлари фаолиятини мувофиқлаштиришни амалга оширади;

вазирликлар ва идоралар иштирокида истеъмолчилар ҳуқуқларини ҳимоя қилиш ва реклама бозорини тартибга солишни янада такомиллаштиришга қаратилган норматив-ҳуқуқий ҳужжатлар лойиҳалари, стратегик дастурлар, «йўл хариталари» ва бошқа дастурий ҳужжатларни ишлаб чиқади;

истеъмолчилар ҳуқуқларини ҳимоя қилиш ва реклама бозорини тартибга солиш бўйича норматив-ҳуқуқий ҳужжатлар ва бошқа ҳужжатларнинг давлат органлари ва хўжалик юритувчи субъектлар томонидан бажарилишини ўз ваколатлари доирасида назорат қилади;

қонун ҳужжатларининг истеъмолчиларга таъсирини баҳолайди, давлат органларининг истеъмолчиларнинг ҳуқуқ ва манфаатларини бузадиган қарорлар қабул қилишига ва шундай ҳаракатларни амалга оширишига йўл қўймаслик ишларини ташкил қилади;

қонун ҳужжатларида белгиланган тартибда хўжалик юритувчи субъектларга истеъмолчилар ҳуқуқларини ҳимоя қилиш ва реклама тўғрисидаги қонун ҳужжатларига риоя қилиши борасида давлат кўмаги кўрсатилиши масалаларини кўриб чиқади;

б) истеъмолчиларнинг товарлар (ишлар, хизматлар), уларнинг ишлаб чиқарувчиси, ижрочиси ва сотувчиси тўғрисидаги ҳаққоний ва тўлиқ маълумотларни, шу жумладан ахборот-коммуникация технологияларини қўллаган ҳолда олиш имкониятларини таъминлаш соҳасида:

истеъмолчиларга товарлар (ишлар, хизматлар), уларни ишлаб чиқарувчиси, ижрочиси ва сотувчиси тўғрисида ўз вақтида зарур, тўғри ва тушунарли маълумотларни, шу жумладан ахборот-коммуникация технологияларини қўллаган ҳолда етказилишини таъминлайди;

товарлар (ишлар, хизматлар), уларни ишлаб чиқарувчиси, ижрочиси ва сотувчиси тўғрисида, товарларнинг инсон соғлиғига таъсири ва бошқалар тўғрисида маълумот берувчи тизимни ўз ичига олган электрон платформа яратади ва юритади;

инсон ҳаёти, саломатлиги, мол-мулки, атроф-муҳит учун хавфли ва сифатсиз бўлган маҳсулотлар, шунингдек уларнинг ишлаб чиқарувчиси (ижрочиси) тўғрисидаги маълумотларни истеъмолчиларга етказиб боради;

в) аҳолининг истеъмолчилик билими ва саводхонлигини оширишга қаратилган дастурларни ишлаб чиқиш ва амалга ошириш соҳасида:

аҳолининг истеъмол билими ва саводхонлигини оширишга қаратилган дастурларни ишлаб чиқади ва амалга оширилишини таъминлайди;

истеъмолчиларнинг ҳуқуқлари ва манфаатларини давлат томонидан ҳимоя қилинишини, шунингдек, аҳолининг истеъмол маданиятини ошириш бўйича маърифий ишларни амалга оширади;

Халқаро истеъмолчилар ҳуқуқларини ҳимоя қилиш кунига бағишланган «Сифат куни» марафони тадбирини ташкил қилади;

истеъмолчилар учун одатдаги ҳаётий вазиятларни ҳал қилиш, истеъмолчилар ўртасида низоларни судгача ҳал этиш имкониятлари, истеъмолчилар ҳуқуқларини ҳимоя қилиш ва реклама тўғрисидаги қонун ҳужжатлари базасини, шунингдек, қўшимча ҳуқуқий маълумотлардан фойдаланиш имконияти мавжуд бўлган тизимни (электрон платформа, онлайн форум) ўз ичига олган ягона онлайн платформа ҳамда бепул маслаҳатлар порталини яратади ва юритади;

истеъмолчилар ҳуқуқларини ҳимоя қилиш тўғрисидаги қонун ҳужжатларини қўллаш бўйича тушунтиришлар беради;

телевидение ва радиоканалларда, даврий нашрларда истеъмолчилар ҳуқуқларини ҳимоя қилиш соҳасидаги давлат ва жамоат ташкилотлари фаолиятини, ушбу соҳадаги муаммо ва камчиликларни ҳамда уларни бартараф этиш бўйича кўрилаётган чора-тадбирлар, истеъмол маданияти ва истеъмолчилар ҳуқуқларини ҳимоя қилиш анъаналарини кенг тарғиб қилиш ва тизимли равишда ёритиб борилишини таъминлайдиган махсус дастурлар (рукнлар) ташкил қилади;

истеъмолчилар ҳуқуқлари ва аҳолининг истеъмол маданиятини шакллантириш масалаларини тизимли ва таҳлилий ёритишга бағишланган теледастурлар чиқишини кенгайтиради;

истеъмолчилар ҳуқуқларини ҳимоя қилишнинг ҳуқуқий масалалари бўйича кундалик ҳаётда кўп учрайдиган савол ва жавоблар кўринишидаги махсус қўлланмалар (брошюралар) тайёрлайди ва уларни аҳоли ўртасида, биринчи навбатда умумий таълим мактабларида бепул тарқатилишини ташкил қилади;

олий ва ўрта махсус таълим муассасаларида истеъмолчилар ҳуқуқларини ҳимоя қилиш тўғрисидаги қонун ҳужжатлари ва истеъмолчилик ҳуқуқи асосларини ўрганиш бўйича махсус курсларни ташкил этади;

г) истеъмолчиларга уларнинг ҳуқуқ ва манфаатларини ҳимоя қилишда ёрдам кўрсатиш соҳасида:

истеъмолчилар ҳуқуқлари ва манфаатларини ҳимоя қилиш чора-тадбирларини амалга оширади;

истеъмолчилар ҳуқуқи бузилиши сабабларини таҳлил қилади ва уларни бартараф этиш юзасидан таклифлар тайёрлайди ҳамда истеъмолчилар ҳуқуқи бузилиши ҳолатлари бўйича огоҳлантиради;

истеъмолчилар қабулини ташкил қилади, мурожаатларни ўз вақтида ва тўлиқ кўриб чиқилишини таъминлайди, истеъмолчилар ҳуқуқларини ҳимоя қилиш масалалари бўйича қарорлар қабул қилади;

истеъмолчиларга уларнинг қонуний ҳуқуқ ва манфаатларини ҳимоя қилишда, шу жумладан истеъмолчиларнинг номуайян доираларининг қонуний ҳуқуқ ва манфаатларини судларда ҳимоя қилишни кўзлаб даъво аризалари киритиш орқали амалий ёрдам кўрсатади;

истеъмолчиларнинг номуайян доираси юзасидан уларнинг ҳуқуқлари ва қонуний манфаатларини ҳимоя қилиш, шунингдек, истеъмолчининг ҳуқуқларини бузган шахсларга нисбатан ҳуқуқий чоралар кўриш тўғрисида судга мурожаат қилади;

айрим истеъмолчилар, уларнинг гуруҳи ва истеъмолчиларнинг номуайян доиралари ҳуқуқларини ҳимоя қилиш бўйича суд амалиётини таҳлил қилади ва тегишли таклифлар ишлаб чиқади;

истеъмолчилар ҳуқуқларини судгача ҳимоя қилишнинг хорижий тажрибасини ўрганиш ва умумлаштириш орқали низоларни судгача ҳал қилиш учун онлайн хизматлар яратади ва уларнинг тизимли ишлаши бўйича таклифлар киритади;

истеъмолчилар ҳуқуқлари бузилиши билан боғлиқ ҳуқуқни қўллаш амалиёти, суддан ташқари ва судгача ҳал қилинган истеъмолчилар иштирокидаги низоларни ҳал қилишнинг қўлланиладиган механизмларини таҳлил қилади ва тегишли таклифлар ишлаб чиқади;

д) истеъмолчилар ҳуқуқларини ҳимоя қилиш тўғрисидаги қонун ҳужжатларига риоя этилиши устидан давлат назоратини амалга ошириш, шунингдек, товарлар (ишлар, хизматлар) хавфсизлиги ва уларнинг сифатини назорат қилиш юзасидан ҳамкорлик қилиш соҳасида:

истеъмолчилар ҳуқуқларини ҳимоя қилиш тўғрисидаги ва реклама тўғрисидаги қонун ҳужжатларига риоя этилиши устидан давлат назоратини амалга оширади;

истеъмолчилар ҳуқуқларини ҳимоя қилиш тўғрисидаги қонун ҳужжатларига риоя этилиши устидан давлат назоратини амалга оширишда ва ички бозорда сотиладиган истеъмол товарларининг зарур сифатда бўлишини ва хавфсизлигини таъминлаш юзасидан товарлар (ишлар, хизматлар) хавфсиз бўлишини ва уларнинг сифатини назорат қилувчи давлат бошқаруви органлари билан ҳамкорлик қилади;

инсон ҳаёти, саломатлиги, юридик ва жисмоний шахслар мол-мулки, атроф-муҳит учун хавфли ва сифатсиз бўлган маҳсулотларни аниқлашда иштирок этади;

чакана савдо ва хизмат кўрсатиш шохобчаларида товарлар ва хизматларнинг назорат харидини амалга оширади, уларни истеъмолчилар ҳуқуқларини ҳимоя қилиш тўғрисидаги қонун ҳужжатларига мослиги жиҳатидан экспертизадан (тестдан) ўтказилишини ташкил қилади;

ҳуқуқбузарликлар профилактикасини амалга оширади, ҳуқуқбузарликни келтириб чиқарадиган сабабларни ва шароитларни аниқлайди ва ўрганади, уларни бартараф этиш чораларини кўради;

истеъмолчилар ҳуқуқларини ҳимоя қилишнинг таъсирчан механизмларини яратишда давлат бошқаруви ва назорат қилувчи, фуқароларнинг ўзини ўзи бошқариш ва жамоат органлари билан биргаликда зарур чора-тадбирларни олиб боради;

истеъмолчилар ҳуқуқларини ҳимоя қилиш ва реклама тўғрисидаги қонун ҳужжатлари бузилган тақдирда, мулкчилик шаклидан қатъий назар, ташкилотларда тадбиркорлик субъектлари фаолиятида ўтказиладиган текширишларни мувофиқлаштириш бўйича ваколатли органни хабардор қилган ҳолда (молиявий-хўжалик фаолиятига аралашмасдан) текширишлар ўтказади;

ўз ваколатлари доирасида истеъмолчилар ҳуқуқларини ҳимоя қилиш ва реклама тўғрисидаги қонун ҳужжатлари бузилиши ҳолатларини бартараф этиш юзасидан давлат органларига, мулкчилик шаклидан қатъи назар ташкилот, муассаса ва корхоналарга, шунингдек, якка тартибдаги тадбиркорларга бажарилиши мажбурий бўлган кўрсатмалар киритади;

рецепт билан бериладиган дори воситалари учун белгиланган улгуржи ва чакана савдо устамаларига риоя қилиниши устидан назорат қилади;

электрон тижорат ва улар билан боғлиқ ҳисоб-китоблардаги операциялар хавфсизлигини оширишга қаратилган тавсиялар тайёрлайди;

е) истеъмолчилар ҳуқуқи бузилиши сабабларини таҳлил қилиш, уларни бартараф этиш юзасидан таклифлар тайёрлаш ҳамда истеъмолчилар ҳуқуқи бузилиши ҳолатларининг олдини олиш йўналишида:

истеъмолчилар ҳуқуқларини ҳимоя қилиш тўғрисидаги ва реклама тўғрисидаги қонун ҳужжатларини бузган хўжалик юритувчи субъектлар ва давлат органларининг реестрини юритади ва белгиланган тартибда эълон қилади;

давлат органларининг ноқонуний қарорларидан, уларнинг мансабдор шахсларининг истеъмолчилар ҳуқуқларини ҳимоя қилиш ва реклама тўғрисидаги қонун ҳужжатларини бузган ҳаракатларидан (ҳаракатсизлигидан) ўз ваколатлари доирасида ҳимоя қилишни таъминлайди;

тадбиркорлик субъектлари билан истеъмолчилар ҳуқуқларини ҳимоя қилиш ва реклама бозорини тартибга солиш соҳасида ҳуқуқбузарликлар содир этганлик учун қонунчиликда белгиланган талабларга риоя этишга ишонтириш мақсадида профилактика суҳбатларини ўтказади;

тадбиркорлик субъектларига ҳуқуқбузарликни давом этишига улар томондан йўл қўймаслик тўғрисида тушунтириш орқали расмий огоҳлантириш беради, шунингдек, ҳуқуқбузарликка мойиллиги бор тадбиркорлик субъектини, ҳуқуқбузарликни содир этганлиги учун жавобгарлиги тўғрисида огоҳлантиради;

истеъмолчилар ҳуқуқларини ҳимоя қилиш соҳасини тартибга солишда илғор халқаро амалиётни таҳлил қилган ҳолда истеъмолчилар ҳуқуқларини ҳимоя қилиш миллий тизимининг институционал, ташкилий ва ҳуқуқий асосларини такомиллаштиришга қаратилган таклифлар тайёрлайди;

истеъмолчилар ҳуқуқларини ҳимоя қилиш даражасининг ҳолати қониқарлилиги юзасидан фуқаролар ўртасида ижтимоий сўровномалар ўтказишни ташкил қилади;

ё) тадбиркорлик ва истеъмолчилик маданиятини такомиллаштириш, реклама соҳасида ноҳалол рақобатга ва нотўғри рекламанинг юзага келишига йўл қўймаслик мақсадида реклама бозорини тартибга солиш соҳасида:

тадбиркорлик ва истеъмолчилик маданиятини оширишни такомиллаштиришда иштирок этади;

тадбиркорлик субъектлари ўртасида ўтказиладиган «Ташаббус» кўрик-танлови доирасида «Йилнинг энг яхши маҳсулоти» номинациясида номзодларни танлаш жараёнида иштирок этади;

қонунда белгиланган тартибда реклама тўғрисидаги қонун ҳужжатларига риоя қилиш юзасидан назоратни амалга оширади;

реклама соҳасида ноҳалол рақобатга ва нотўғри рекламани юзага келишига йўл қўймаслик чораларини кўради;

реклама соҳасида хорижий давлатларнинг давлат органлари ва халқаро ташкилотлар билан ўзаро муносабатларни амалга оширади;

даврий нашрлар, китоблар, ҳужжатли материалларнинг телевизион ва радио дастурлари, реклама маҳсулотларини тайёрлаш, тарқатиш ва жойлаштириш учун материалларнинг бепул нусхаларини олади;

реклама тўғрисидаги қонун ҳужжатлари қўлланилиши бўйича тушунтиришлар беради;

реклама лойиҳаларининг (видео, аудио ва бошқа материаллар) реклама тўғрисидаги қонун ҳужжатларига мувофиқлиги тўғрисида хулосалар беради;

реклама тўғрисидаги қонун ҳужжатлари бузилганлиги аниқланган тақдирда реклама берувчидан, реклама ишлаб чиқарувчидан ва тарқатувчидан зарур ҳужжатларни, тушунтиришларни ва бошқа маълумотларни сўраб олади;

реклама берувчига, реклама ишлаб чиқарувчи ва тарқатувчига истеъмолчиларнинг ҳуқуқларини ҳимоя қилиш ва реклама тўғрисидаги қонун ҳужжатларини бузилганлиги юзасидан камчиликларни бартараф этиш тўғрисида кўрсатма юборади;

семинар, кўргазма, конференция, шунингдек, кўплаб тадбирлар, тақдимотлар ва реклама тадбирларини бирлаштирган ҳолда, Ўзбекистонда маркетинг ва реклама соҳасида тадбирлар ўтказади;

ташқи реклама ва ахборот объектларини (конструкцияларини) ўрнатиш чизмаси ва унга киритиладиган ўзгартиришларни олдиндан келишиб беради;

давлат ҳокимияти ва бошқаруви органлари, маданий, тарихий ва диний объектлар жойлашган жойлардаги «рекламадан ҳоли зоналар»ни аниқлашда қатнашади;

реклама жойининг паспорти мавжуд бўлмаган ер участкаларига, биноларга ҳамда иншоотларга ўрнатилган ташқи реклама ва ахборот объектларини (конструкцияларини) демонтаж қилиш тўғрисида қарор қабул қилади.

ж) истеъмолчилар ҳуқуқларини ҳимоя қилиш ва реклама бозорини тартибга солиш соҳасида фуқаролик жамияти институтлари ва бошқа ташкилотлар билан ҳамкорлик қилиш соҳасида:

истеъмолчилар ҳуқуқларини ҳимоя қилиш ва реклама бозорини тартибга солиш масалаларида жамоат бирлашмалари, оммавий ахборот воситалари, бизнес вакиллари ва илмий муассасалар билан яқиндан алоқа ўрнатади;

истеъмолчилар ҳуқуқларини ҳимоя қилиш ва реклама бозорини тартибга солиш соҳасида жамоатчилик назорати фаолиятининг муҳимлигини қўллаб-қувватлаш чораларини кўради;

истеъмолчилар ҳуқуқларини ҳимоя қилиш ва реклама бўйича кўнгиллилар ҳаракатини ташкил этади ҳамда уларнинг самарадорлигини оширади ва фаолиятини кенгайтиради;

з) истеъмол бозорини, давлат томонидан нарх-навоси тартибга солинадиган товарлар (ишлар, хизматлар) нархларининг динамикаси ва нархи шаклланиши механизмларини ўрганиш бўйича:

истеъмол бозорини, ижтимоий аҳамиятга эга маҳсулотлар нархини ўзгариши ва уларга нархларни шакллантириш тартибини таҳлил қилади;

ички истеъмол бозорларида нархларни барқарорлаштириш юзасидан асослантирилган таклиф ва тавсиялар ишлаб чиқади;

товарларнинг (ишларнинг, хизматларнинг) тартибга солинадиган нархлари (тарифлари) ва устамаларига риоя этилишини таҳлил ва назорат қилишда иштирок этади;

бозорларда импорт товарларга бўлган талаб ва таклифни ўрганишда, импорт ўрнини босиш бўйича тавсиялар ишлаб чиқишда кўмаклашади;

и) истеъмолчилар ҳуқуқларини ҳимоя қилиш ва реклама бозорини тартибга солиш масалалари бўйича хорижий ташкилотлар билан ҳамкорлик қилиш соҳасида:

истеъмолчилар ҳуқуқларини ҳимоя қилиш ва реклама бозорини тартибга солиш масалалари бўйича халқаро ташкилотлар, хорижий давлатларнинг ваколатли давлат ва нодавлат ташкилотлари билан алоқа ўрнатади ҳамда ҳар тарафлама ҳамкорликни ташкил қилади;;

истеъмолчилар ҳуқуқларини ҳимоя қилиш ва реклама бозорини тартибга солиш соҳасидаги илғор халқаро тажрибани тизимли ўрганиш ва жорий этишни амалга оширади;

МДҲга аъзо давлатлар ўртасида истеъмолчилар ҳуқуқларини ҳимоя қилиш ва реклама фаолиятини тартибга солиш соҳасида ҳамкорликнинг асосий йўналишлари тўғрисидаги битимларни имзолаш бўйича тадбирларда иштирок этади.

Агентлик қонун ҳужжатларига мувофиқ бошқа функцияларни ҳам амалга оширади.

3-боб. Агентликнинг ҳуқуқлари ва жавобгарлиги

12. Агентлик ўзига юклатилган вазифалар ва функцияларни амалга ошириш учун қуйидаги ҳуқуқларга эга:

1) Ўзбекистон Республикаси Президенти Администрацияси ёки Вазирлар Маҳкамасига норматив-ҳуқуқий ҳужжатлар лойиҳаларини, шунингдек, Агентликка юклатилган вазифа ва функцияларни бажариш билан боғлиқ бўлган бошқа ҳужжатларни белгиланган тартибда киритиш;

2) вазирликлар ва идоралар билан биргаликда қўшма қарорлар ҳамда бошқа ҳужжатлар, шу жумладан норматив-ҳуқуқий ҳужжатларни қабул қилиш;

3) истеъмолчилар ҳуқуқларини ҳимоя қилиш ва реклама фаолиятини тартибга солиш соҳасида давлат бошқаруви органлари, хўжалик бирлашмалари ва маҳаллий ижро этувчи ҳокимият органлари фаолиятини мувофиқлаштириш;

4) давлат органлари ва мансабдор шахслардан Агентликка юкланган вазифалар ва функцияларни бажариш учун зарур бўлган ҳужжатлар ва ахборотларни, шу жумладан статистик маълумотларни сўраш ва бепул олиш;

5) Агентлик ваколатларига кирувчи масалалар бўйича таклифларни кўриб чиқиш учун Вазирлар Маҳкамасига, Қўмитага, давлат бошқаруви органларига, хўжалик бирлашмалари ва маҳаллий ижро этувчи ҳокимият органларига киритиш;

6) Агентлик ваколатларига кирувчи масалалар бўйича халқаро ҳамкорлик ва ўзаро алоқаларни амалга ошириш;

7) судларга даъво аризалари киритиш, ўзининг ваколатига кирадиган масалалар бўйича норматив-ҳуқуқий ҳужжатлар бузилиши билан боғлиқ ишлар кўриб чиқилиши бўйича суд жараёнларида иштирок этиш;

8) истеъмолчилар номуайян доираларининг ҳуқуқлари ва қонуний манфаатларини судларда ҳимоя қилишни кўзлаб даъво аризалари киритиш;

9) ўз ваколатларига кирадиган масалалар доирасида қонун бузилиши билан боғлиқ жиноят аломатлари аниқланганда, материалларни белгиланган тартибда тегишли органларга юбориш;

10) Агентликнинг белгиланган тартибда назорат функцияларини амалга ошириши, шунингдек, ўрганиш ўтказиши давомида ҳуқуқни бузиш белгилари мавжудлигини кўрсатувчи етарлича маълумотлар бевосита аниқланганда, давлат органлари ва бошқа ташкилотлардан тушган ахборот, жисмоний ва юридик шахсларнинг аризалари, оммавий ахборот воситаларидаги ҳуқуқ бузилиши белгилари мавжудлигини кўрсатувчи маълумотлар мавжуд бўлган хабарлар бўйича иш қўзғатиш ва (ёки) кўриб чиқиш;

10 1 ) инсон саломатлиги, юридик ва жисмоний шахсларнинг мол-мулки учун хавфлилиги ва сифатсизлиги аниқланган товарларни ишлаб чиқариш, республика ҳудудига импорт қилиш, реализация қилишни тўхтатиш, муомаладан чиқариш ва истеъмолчилардан мажбурий равишда қайтариб олиш тўғрисида ишлаб чиқарувчи ва сотувчиларга кўрсатмалар киритиш.

11) ўз ваколатлари доирасида мансабдор шахслар ва фуқароларни маъмурий жавобгарликка тортиш ҳақидаги материалларни маъмурий судларга юбориш;

12) истеъмолчилар ҳуқуқларини ҳимоя қилиш ва реклама тўғрисидаги қонун ҳужжатлари бузилганлиги тўғрисидаги ишлар бўйича, шу жумладан, хўжалик юритувчи субъектлардан истеъмолчилар ҳуқуқларини ҳимоя қилиш тўғрисидаги ва реклама тўғрисидаги қонун ҳужжатлари, рецепт билан бериладиган дори воситалари ҳамда бошқа маҳсулотлар (иш, хизматларга) нархларини шакллантириш тартиблари бузилганлиги натижасида асоссиз олинган даромадни (фойдани) ундириш ва (ёки) истеъмолчиларга қайтариш тўғрисидаги қарорларни қабул қилиш;

13) истеъмолчилар ҳуқуқларини ҳимоя қилиш ва реклама тўғрисидаги қонун ҳужжатларини бузганлик, ахборот бермаганлик ёки била туриб нотўғри ахборот берганлик, Агентлик кўрсатмаларини бажармаганлик учун хўжалик юритувчи субъектларга ва уларнинг мансабдор шахсларига нисбатан қонунчиликда белгиланган тартибда жарималар (молиявий санкциялар) қўллаш тўғрисида судларга даъво аризалари киритиш;

14) хўжалик юритувчи субъектнинг аризаси бўйича, агар маблағларни олиб қўйиш ва жарима қўллаш тўғрисидаги қарорни қонун ҳужжатларида белгиланган муддатларда ижро этиш хўжалик юритувчи субъектнинг тўловга қобилиятсизлигига олиб келиши мумкин бўлса, истеъмолчилар ҳуқуқларини ҳимоя қилиш ва реклама тўғрисидаги қонун ҳужжатлари, тартибга солинадиган нархларни (тарифларни) шакллантириш ва қўллаш тартиблари бузилганлиги учун ундирилиши керак бўлган суммани бўлиб-бўлиб тўлаш имкониятини бериш;

15) белгиланган тартибда Қўмита ҳузуридаги бюджетдан ташқари Рақобатни ривожлантиришга кўмаклашиш жамғармасининг маблағларини шакллантириш ва улардан фойдаланиш;

16) қонун ҳужжатларида белгиланган тартибда ноширлик фаолиятини амалга ошириш;

17) коворкинг марказлари ва «Истеъмолчи қабулхонаси» фаолиятини йўлга қўйиш;

18) синов лабораториялари ташкил этиш ҳамда уларни замонавий ускуналари билан жиҳозлаш учун халқаро молия институтларининг грант маблағларини жалб этиш;

19) истеъмолчилар ҳуқуқларини ҳимоя қилиш ва реклама бозорини тартибга солиш масалалари бўйича халқаро ташкилотлар, хорижий давлатларнинг ваколатли давлат ва нодавлат ташкилотлари билан алоқа ўрнатиш;

20) малакали маҳаллий ва хорижий мутахассисларни ходим ва маслаҳатчи сифатида жалб қилиш, уларга, истисно тариқасида, Қўмитанинг бюджетдан ташқари маблағлари ҳисобидан иш ҳақи ва бошқа тўловлар миқдорларини белгилаш юзасидан Қўмитага таклиф киритиш;

21) чакана савдо ва хизмат кўрсатиш шохобчаларида товарлар ва хизматларнинг назорат харидини ўтказиш, уларни истеъмолчилар ҳуқуқларини ҳимоя қилиш тўғрисидаги қонун ҳужжатларига мослиги юзасидан экспертизадан (тестдан) ўтказилишини ташкил қилиш;

22) истеъмолчилар ҳуқуқларини ҳимоя қилиш ва реклама тўғрисидаги қонун ҳужжатлари бузилган тақдирда мулкчилик шаклларидан қатъи назар ташкилотларда ўз ваколатига кирадиган масалалар бўйича тадбиркорлик субъектлари фаолиятида ўтказиладиган текширишларни мувофиқлаштириш бўйича ваколатли органни хабардор қилган ҳолда (молиявий-хўжалик фаолиятига аралашмасдан) текширишлар ўтказиш;

23) ўз ваколатлари доирасида истеъмолчилар ҳуқуқларини ҳимоя қилиш ва реклама тўғрисидаги қонун ҳужжатлари бузилиши ҳолатларини бартараф этиш юзасидан давлат органларига, мулкчилик шаклидан қатъий назар ташкилот, муассаса ва корхоналарга, шунингдек, якка тартибдаги тадбиркорларга бажарилиши мажбурий бўлган кўрсатмалар киритиш;

24) истеъмолчилар ҳуқуқларини ҳимоя қилиш ва реклама тўғрисидаги қонун ҳужжатлари бузилиши аломатлари аниқланганда материалларни тегишли фаолиятни амалга ошириш учун берилган лицензиянинг (рухсат берувчи ҳужжатларнинг) амал қилишини тўхтатиб туриш, тугатиш (бекор қилиш) тўғрисидаги масалани ҳал этиш учун ваколатли органлар ва ташкилотларга юбориш;

25) даврий босма нашрлар, китоб маҳсулотлари назорат нусхалари, теле- ва радиодастурлар эфирларида жойлаштирилган ҳужжатли материаллар, рекламани тайёрлаш, жойлаштириш ва тарқатишга оид материалларни бепул олиш.

Агентлик қонун ҳужжатларига мувофиқ бошқа ҳуқуқларга ҳам эга бўлиши мумкин.

13. Агентликка истеъмолчилар ҳуқуқларини ҳимоя қилиш ва реклама тўғрисидаги қонун ҳужжатларини бузганлик учун ишларни кўриб чиқиш бўйича ваколатлар қонун ҳужжатларида белгиланган тартибда Агентлик марказий аппарати ва Қўмитанинг ҳудудий бошқармаларида тузиладиган махсус комиссияларнинг қарорлари асосида амалга оширилади.

14. Агентлик:

истеъмолчилар ҳуқуқларини ҳимоя қилиш ва реклама бозорини тартибга солиш соҳасида давлат сиёсатининг самарали амалга оширилиши;

Агентликка юкланган вазифалар ва функцияларнинг ўз вақтида ҳамда самарали бажарилиши;

Агентлик таркибий бўлинмаларининг Агентлик фаолияти билан боғлиқ режа кўрсаткичларга эришишни таъминлаш бўйича ишларининг ташкил этилиши;

Агентлик томонидан Қўмитага кўриб чиқиш учун киритиладиган норматив-ҳуқуқий ҳужжатлар лойиҳалари, шунингдек, Агентлик қабул қиладиган буйруқларнинг сифатли тайёрланиши ва экспертизадан ўтказилиши;

истеъмолчилар ҳуқуқларини ҳимоя қилиш ва реклама бозорини тартибга солиш соҳасини ривожлантириш бўйича дастурлар, ишлар режаси, тадбирлар, «йўл харита»лари ва бошқа дастурий ҳужжатларнинг амалга оширилиши бўйича жавобгар ҳисобланади.

4-боб. Агентлик раҳбариятининг асосий функционал вазифалари

15. Қуйидагилар Агентлик директорининг асосий функционал вазифалари ҳисобланади:

1) истеъмолчилар ҳуқуқларини ҳимоя қилиш ва реклама бозорини тартибга солиш соҳасида Ўзбекистон Республикаси Конституцияси ва қонунлари, бошқа норматив-ҳуқуқий ҳужжатлар талабларига риоя қилиш;

2) Агентлик фаолиятига умумий раҳбарлик қилиш, Ўзбекистон Республикаси Президенти ҳужжатлари, Вазирлар Маҳкамасининг қарорлари ва бошқа қонун ҳужжатлари билан Агентликка юклатилган вазифалар ва функцияларнинг бажарилишини ташкил этиш;

3) Ўзбекистон Республикаси Президенти, Вазирлар Маҳкамасининг қарорлари билан тасдиқланган Агентлик фаолиятини янада такомиллаштириш бўйича концепциялар, комплекс дастурлар ва тадбирларнинг бажарилиши ҳолатини танқидий ва чуқур таҳлил қилиш;

4) Агентлик, шунингдек, Қўмитанинг ҳудудий бошқармалари фаолияти билан боғлиқ режа кўрсаткичларига сўзсиз эришишни таъминлаш бўйича амалий чора-тадбирлар ишлаб чиқилишини ташкил этиш ва амалга ошириш;

5) Ўзбекистон Республикаси Президенти Администрацияси таркибий бўлинмалари ва Вазирлар Маҳкамаси котибиятлари, шунингдек, тегишли вазирликлар ва идоралар билан Агентлик фаолияти соҳасига кирадиган масалалар бўйича ўзаро ҳамкорлик қилиш, Вазирлар Маҳкамаси ва унинг Раёсати мажлисларида масалаларни кўриб чиқишда иштирок этиш;

6) Ўзбекистон Республикаси Президенти, Ўзбекистон Республикаси Бош вазири ва унинг ўринбосарлари, Қўмита раисининг топшириқларини бажариш;

7) ўз ўринбосари ва Агентликнинг бошқа мансабдор шахсларининг ваколатларини ҳамда шахсий масъулияти даражаларини белгилаш, улар ўртасида вазифаларни тақсимлаш;

8) Агентлик фаолиятини режалаштиришни ташкил этиш, Агентлик ва ўз ўринбосарининг иш режаларини тасдиқлаш, уларнинг бажарилиши юзасидан назоратни таъминлаш;

9) Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши мақсадида Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон, шунингдек, « Давлат органлари ва ташкилотларида ижро интизомини янада мустаҳкамлаш чора-тадбирлари тўғрисида » 2018 йил 5 октябрдаги ПҚ-3962-сон қарорлари ҳамда Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ Ўзбекистон Республикаси Президенти ва Ўзбекистон Республикаси Бош вазирининг ҳужжатлари ва топшириқлари ижросини ташкил этиш, мониторинг олиб боришнинг амалий тизимини яратиш, Агентлик фаолиятида ижро интизомини мустаҳкамлаш бўйича комплекс амалий чора-тадбирларни бажариш ҳамда Қўмита ҳудудий бошқармаларининг шахсий масъулиятини ошириш чора-тадбирларини кўриш;

10) « Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва уларни Ўзбекистон Республикаси Олий Мажлиси Қонунчилик палатасига киритиш тартиби тўғрисида »ги Ўзбекистон Республикаси қонунлари, Ўзбекистон Республикаси Президенти Администрациясининг ва Вазирлар Маҳкамасининг регламентлари талабларига мувофиқ истеъмолчилар ҳуқуқларини ҳимоя қилиш ва реклама бозорини тартибга солиш соҳасидаги норматив-ҳуқуқий ҳужжатлар лойиҳалари сифатли ишлаб чиқилишини ташкил этиш, уларнинг Қўмита ва Вазирлар Маҳкамаси аппаратида пухта ишлаб чиқилишида, Вазирлар Маҳкамаси Раҳбарияти ҳузурида ҳимоя қилиниши ва Ўзбекистон Республикаси Президенти Администрациясида кўриб чиқилишида иштирок этиш;

11) Агентлик тизимида кадрларни танлаш ва жой-жойига қўйиш, уларнинг самарали фаолияти учун зарур шарт-шароитлар яратиш, Агентликнинг кадрлар захирасини шакллантириш;

12) « Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва уларни Ўзбекистон Республикаси Олий Мажлиси Қонунчилик палатасига киритиш тартиби тўғрисида »ги Ўзбекистон Республикаси қонунларига ва Вазирлар Маҳкамасининг 2016 йил 17 октябрдаги 345-сон қарори билан тасдиқланган Давлат ва хўжалик бошқаруви органлари, маҳаллий ижро этувчи ҳокимият органларининг қонун лойиҳаларига доир фаолиятининг Намунавий регламентига мувофиқ Агентликнинг қонун лойиҳаларини тайёрлаш фаолиятини ташкил этиш;

13) истеъмолчилар ҳуқуқларини ҳимоя қилиш ва реклама бозорини тартибга солиш соҳасида Агентликка тақдим этилган таклифлар ва норматив-ҳуқуқий ҳужжатлар лойиҳаларининг кўриб чиқилишини таъминлаш, уларни пухта иқтисодий, молиявий, ҳуқуқий ва бошқа экспертизадан ўтказиш, шунингдек, Ўзбекистон Республикаси Президенти Администрациясининг ва Вазирлар Маҳкамасининг регламентларида белгиланган муддатларда уларни келишилиши (виза қўйилиши) учун Қўмитага ўз вақтида киритиш;

14) Агентлик раҳбарлари ва ходимларининг хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон ва «Хорижий хизмат сафарларида бўлишнинг самарадорлиги ва хорижий делегацияларнинг Ўзбекистон Республикасига ташрифини ташкил этиш учун мансабдор шахсларнинг шахсий жавобгарлигини янада ошириш чора-тадбирлари тўғрисида» 2017 йил 3 августдаги ПҚ-3170-сон қарорлари талабларига мувофиқ ташкил этиш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш;

15) ўз ўринбосари, истеъмолчилар ҳуқуқларини ҳимоя қилиш ва реклама бозорини тартибга солиш масалалари бўйича Қўмитанинг ҳудудий бошқармалари раҳбарлари фаолияти самарадорлиги ва натижадорлигини мунтазам равишда танқидий таҳлил қилиш, Қўмита Ҳайъати мажлисларида уларнинг шахсий ҳисоботларини эшитиш, якунлари бўйича зарур чоралар кўриш;

16) Агентлик ходимларини рағбатлантириш ва интизомий жавобгарликка тортиш масалаларини ҳал қилиш, ўз ўринбосарини рағбатлантириш ва интизомий жавобгарликка тортишга доир масалаларни кўриб чиқиш тўғрисида таклифлар киритиш;

17) Агентлик ходимлари томонидан Вазирлар Маҳкамасининг 2016 йил 2 мартдаги 62-сон қарори билан тасдиқланган Давлат бошқаруви органлари ва маҳаллий ижро этувчи ҳокимият органлари ходимларининг одоб-ахлоқ намунавий қоидалари асосида тасдиқланган Қўмита ва Агентлик ходимларининг одоб-ахлоқ қоидалари талабларига риоя этилишини таъминлаш;

18) Агентлик ходимларини тизимли равишда қайта тайёрлашни ва уларнинг малакасини оширишни ташкил этиш;

19) «Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ Агентлик тизимида коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиётини ва қонун ҳужжатларини такомиллаштиришга доир чора-тадбирларни ишлаб чиқиш ва амалга ошириш орқали уларнинг содир этилишига кўмаклашувчи сабаблар ва шарт-шароитларни аниқлаш, таҳлил қилиш, бартараф этиш;

20) Агентлик ва Қўмита ҳудудий бошқармалари ишини ташкил этишнинг замонавий шакллари жорий этилишини таъминлаш;

21) аҳоли ва тадбиркорлик субъектлари билан ҳамкорлик қилишда замонавий ахборот-коммуникация технологияларидан фойдаланиш;

22) жисмоний ва юридик шахсларнинг мурожаатларини кўриб чиқишга доир ишларни самарали ташкил этиш, аҳоли билан тўғридан-тўғри ва очиқ мулоқотни йўлга қўйиш, «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонунида белгиланган муддатларда ва тартибда жисмоний шахсларни ва юридик шахслар вакилларини мунтазам равишда шахсан қабул қилиш, шу жумладан, жойларга бориб қабул қилиш;

23) Ўзбекистон Республикаси Президентининг Халқ қабулхоналари билан самарали ҳамкорликни, уларнинг фаолиятида Агентлик ходимлари ва раҳбарларининг фаол иштирок этишини ташкил этиш, жисмоний ва юридик шахсларнинг Ўзбекистон Республикаси Президенти Виртуал қабулхонасидан тушган мурожаатлари ўз вақтида ва тўлиқ кўриб чиқилишини таъминлаш;

24) давлат органларида, судларда ва бошқа ташкилотларда, шунингдек, халқаро ташкилотлар ва хорижий мамлакатлар вакиллари иштирокида ўтказиладиган расмий тадбирларда Агентлик номидан иштирок этиш;

25) Қўмита ҳайъати мажлисларида иштирок этиш;

26) зарурият бўлганда Агентлик ташкилий тузилмаcига ўзгартиришлар киритиш, шунингдек, ҳудудий бошқармаларнинг ташкилий тузилмаларига ўзгартиришлар киритиш юзасидан Қўмитага таклиф бериш;

27) Агентлик марказий аппаратининг штатлар жадвалини, харажатлар сметасини ва таркибий бўлинмалари тўғрисидаги низомларни белгиланган тартибда тасдиқлаш;

28) Агентлик марказий аппарати ходимлари билан қонун ҳужжатларида белгиланган тартибда меҳнат шартномаларини тузиш ва бекор қилиш;

29) Қўмита ҳудудий бошқармаларининг Истеъмолчилар ҳуқуқларини ҳимоя қилиш ва реклама фаолиятини тартибга солиш бошқармаси бошлиқларини лавозимга тайинлаш ва лавозимдан озод қилиш юзасидан Қўмита раисига тақдимнома киритиш;

30) Қўмита ҳудудий бошқармаларининг Истеъмолчилар ҳуқуқларини ҳимоя қилиш ва реклама фаолиятини тартибга солиш бошқармасига ходимлар номзодларини кўриб чиқиш ва белгиланган тартибда келишиш;

31) истеъмолчилар ҳуқуқларини ҳимоя қилиш ва реклама бозорини тартибга солиш масалалари бўйича Агентлик, Қўмита ҳудудий бошқармалари мансабдор шахслари учун бажарилиши мажбурий бўлган буйруқлар чиқариш ва кўрсатмалар бериш, шунингдек, уларнинг бажарилишини белгиланган тартибда назорат қилиш;

32) истеъмолчилар ҳуқуқларини ҳимоя қилиш ва реклама бозорини тартибга солиш соҳасидаги ходимларни ва мутахассисларни уларнинг кўп йиллик ва самарали фаолияти, алоҳида хизматлари учун Ўзбекистон Республикаси давлат мукофотлари билан тақдирлаш учун белгиланган тартибда таклифлар тайёрлаш ва мукофотлашга тавсиялар бериш;

33) бюджет маблағлари, бюджетдан ташқари ва қонун ҳужжатларида тақиқланмаган бошқа маблағлар ҳисобидан ходимларни моддий рағбатлантириш ва Агентлик тизимининг моддий-техника базасини мустаҳкамлаш ҳамда ривожлантириш чора-тадбирларини кўриш;

34) давлат сирига киритилган маълумотлар ва махфий ахборот билан ишлашда қонун ҳужжатлари талабларига риоя қилиш.

16. Қуйидагилар Агентлик директори ўринбосарининг асосий функционал вазифалари ҳисобланади:

1) Ўзбекистон Республикаси Конституцияси ва қонунлари, шунингдек, норматив-ҳуқуқий ҳужжатлар талабларига риоя қилиш;

2) Агентлик директори вақтинча бўлмаганда унинг вазифаларини бажариш;

3) Агентликнинг ўзи мутасаддилик қиладиган таркибий бўлинмалари фаолиятини мувофиқлаштириш, назорат қилиш ва бевосита бошқариш, улар ходимлари ўртасида вазифаларни тақсимлаш;

4) Агентлик фаолиятининг ўзи мутасаддилик қиладиган йўналишлар бўйича Ўзбекистон Республикаси Президентининг ҳужжатлари, Вазирлар Маҳкамасининг қарорлари билан тасдиқланган Агентликнинг фаолиятини янада такомиллаштириш бўйича концепциялар, комплекс дастурлар ва тадбирларнинг бажарилишини танқидий ва чуқур таҳлил қилиш;

5) ўзи мутасаддилик қиладиган таркибий бўлинмалар томонидан режа кўрсаткичларининг сўзсиз бажарилишини таъминлаш чораларини кўриш, бўлинмалар раҳбарларининг ҳисоботларини мунтазам равишда эшитиш ва ушбу кўрсаткичларга эришиш учун уларнинг шахсий масъулиятини ошириш;

6) ўзи мутасаддилик қиладиган таркибий бўлинмалар раҳбарларининг иш режаларини тасдиқлаш, уларнинг бажарилиши юзасидан назоратни таъминлаш;

7) ўзи мутасаддилик қиладиган таркибий бўлинмалар фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, таркибий бўлинмалар раҳбарларининг шахсий масъулиятини ошириш чора-тадбирларини кўриш;

8) Қўмита ҳайъати қарорлари, Қўмита раисининг Агентлик фаолиятига тааллуқли буйруқлари, Агентлик директори буйруқлари ва топшириқларини ўз вақтида ва сифатли бажарилишини таъминлаш;

9) ўзи мутасаддилик қиладиган таркибий бўлинмаларда ходимларни танлаш ва жой-жойига қўйиш бўйича Агентлик директорига таклифлар киритиш;

10) ўзи мутасаддилик қиладиган таркибий бўлинмалар раҳбарлари фаолияти самарадорлиги ва натижадорлигини мунтазам равишда танқидий таҳлил қилиш;

11) ўзи мутасаддилик қиладиган таркибий бўлинмалар раҳбарлари ва ходимларини рағбатлантириш ва интизомий жавобгарликка тортиш бўйича Агентлик директорига таклифлар киритиш;

12) ҳуқуқни қўллаш амалиётини ва қонун ҳужжатларини такомиллаштиришга доир чора-тадбирларни ишлаб чиқиш ва амалга ошириш орқали «Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ коррупция ва бошқа ҳуқуқбузарликларнинг олдини олиш чораларини кўриш, шунингдек, уларнинг содир этилишига кўмаклашувчи сабаблар ва шарт-шароитларни аниқлаш, таҳлил қилиш, бартараф этиш;

13) «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонунида белгиланган муддатларда ва тартибда жисмоний ва юридик шахсларнинг мурожаатларини кўриб чиқиш бўйича самарали ишларни ташкил этиш, аҳоли билан тўғридан-тўғри ва очиқ мулоқотни йўлга қўйиш, жисмоний шахсларни ва юридик шахслар вакилларини мунтазам равишда шахсан қабул қилиш, шу жумладан, жойларга бориб қабул қилиш;

14) Ўзбекистон Республикаси Президентининг Халқ қабулхоналари билан самарали ҳамкорлик қилиш, уларнинг фаолиятида фаол иштирок этиш, жисмоний ва юридик шахслар вакилларининг Ўзбекистон Республикаси Президентининг Виртуал қабулхонасидан тушган мурожаатлари ўз вақтида ва тўлақонли кўриб чиқилишини таъминлаш;

15) давлат сирига киритилган маълумотлар ва махфий ахборот билан ишлашда қонун ҳужжатлари талабларига риоя қилиш.

5-боб. Агентлик раҳбарларининг жавобгарлиги

17. Агентлик директори:

Агентликка юклатилган вазифалар ва функцияларнинг бажарилиши;

Агентликнинг жавобгарлик соҳалари бўйича;

ўзининг функционал мажбуриятларини сифатли бажариш учун шахсан жавоб беради.

18. Агентлик директорининг ўринбосари:

Агентликка юклатилган вазифалар ва функцияларнинг ўзи мутасаддилик қиладиган таркибий бўлинмаларда бажарилиши;

Агентликнинг жавобгарлик соҳалари бўйича ўзи назорат қиладиган масалалар юзасидан;

ўзининг функционал мажбуриятларини сифатли бажариш учун шахсан жавоб беради.

6-боб. Агентлик фаолиятини ташкил этиш

1-§. Агентликнинг тузилмаси

19. Истеъмолчилар ҳуқуқларини ҳимоя қилиш Агентлиги тизимига Агентлик марказий аппарати киради.

Агентликнинг Қорақалпоғистон Республикаси, вилоятлар ва Тошкент шаҳридаги ҳудудий тузилмалари сифатида Қўмита ҳудудий бошқармаларининг ташкилий тузилмасидаги истеъмолчилар ҳуқуқларини ҳимоя қилиш ва реклама фаолиятини тартибга солиш бошқармалари фаолият юритади.

2-§. Агентлик раҳбарияти

20. Агентликка Қўмита раисининг тақдимномаси бўйича Ўзбекистон Республикаси Вазирлар Маҳкамаси томонидан лавозимга тайинланадиган ва лавозимидан озод этиладиган директор раҳбарлик қилади.

21. Директор Қўмита раиси томонидан лавозимга тайинланадиган ва лавозимидан озод қилинадиган бир нафар ўринбосарга эга бўлади.

22. Директор бўлмаган вақтда унинг ваколатлари директорнинг ўринбосари томонидан амалга оширилади.

23. Директор лавозими бўйича Қўмита ҳайъати таркибига киритилади.

24. Агентлик марказий аппаратининг бошқарув ходимлари ҳамда техник ва хизмат кўрсатувчи ходимлари Агентлик директори томонидан лавозимга тайинланади ва лавозимидан озод қилинади.

25. Қўмитанинг ҳудудий бошқармалари бошлиғининг ўринбосари — Истеъмолчилар ҳуқуқларини ҳимоя қилиш ва реклама фаолиятини тартибга солиш бошқармаси бошлиқлари Агентлик директорининг тақдимномаси бўйича Қўмита раиси томонидан лавозимга тайинланади ва лавозимдан озод қилинади.

26. Қўмита ҳудудий бошқармаларининг Истеъмолчилар ҳуқуқларини ҳимоя қилиш ва реклама фаолиятини тартибга солиш бошқармаси ходимлари Агентлик директори билан келишилган ҳолда тегишли ҳудудий бошқарманинг бошлиғи томонидан лавозимга тайинланади ва лавозимидан озод қилинади.

3-§. Агентликнинг Қўмита марказий аппарати, унинг ҳудудий бошқармалари ва идоравий мансуб ташкилотлари билан ўзаро ҳамкорлиги

27. Агентликнинг Қўмита марказий аппарати таркибий бўлинмалари ва унинг ҳудудий бошқармалари билан ўзаро ҳамкорлиги директор ва унинг ўринбосари томонидан таъминланади.

28. Агентлик марказий аппаратининг таркибий бўлинмалари Қўмита ва унинг ҳудудий бошқармалари билан ўзаро ҳамкорликда:

топшириқларни Қўмитанинг ҳудудий бошқармаларига етказади ҳамда уларнинг бажарилишини назорат қилади;

Қўмитанинг ҳудудий бошқармаларига таркибий бўлинмаларнинг бевосита фаолияти масалалари бўйича сўровлар юборади ҳамда уларнинг ижро этилишини назорат қилади;

Агентликка юклатилган вазифалар доирасида Қўмитанинг ҳудудий бошқармалари фаолияти амалиётини текширади ва ўрганади, натижаларини умумлаштиради, уни такомиллаштиришга қаратилган чора-тадбирларни ишлаб чиқади;

Қўмитанинг ҳудудий бошқармалари фаолиятини ташкил этиш ва фаолияти натижалари тўғрисида ҳисобот ва ахборот материаллари, статистик маълумотлар ва бошқа маълумотлар ўрганилишини ташкил қилади;

Қўмитанинг ҳудудий бошқармалари иш режаларини таҳлил қилади, уларнинг фаолиятини режалаштиришни такомиллаштиришга доир чора-тадбирларни кўради;

Қўмита ва унинг ҳудудий бошқармаларидан келиб тушган таклифларни, шу жумладан истеъмолчилар ҳуқуқларини ҳимоя қилиш ва реклама соҳасини тартибга солиш юзасидан қонун ҳужжатларини такомиллаштириш бўйича таклифларни кўриб чиқади, норматив-ҳуқуқий ҳужжатлар лойиҳаларини тайёрлашда уларнинг иштирокини ташкил этади.

29. Қўмитанинг ҳудудий бошқармалари Агентлик марказий аппаратининг таркибий бўлинмалари билан ҳамкорлик қилади, шу жумладан:

Агентлик раҳбарияти топшириқлари ижроси ҳақида ахборот беради;

фаолиятнинг белгиланган соҳасида қонун ҳужжатларини амалга ошириш бўйича фаолият натижалари тўғрисида Агентлик марказий аппаратига ахборот тақдим этади;

уларнинг фаолиятини текшириш ва ўрганиш натижасида аниқланган ишдаги камчиликларни ва қоидабузарликларни бартараф этиш натижалари тўғрисида ахборот беради;

ўз фаолияти натижалари тўғрисидаги ҳисоботларни белгиланган тартибда ва муддатларда тақдим этади.

30. Агентлик марказий аппарати таркибий бўлинмалари ҳамда Қўмита ва унинг ҳудудий бошқармаларининг ўзаро ҳамкорлиги жараёнида юзага келадиган келишмовчиликлар Қўмита раиси томонидан кўриб чиқилади.

4-§. Агентликнинг бошқа давлат бошқаруви органлари, хўжалик бирлашмалари, маҳаллий ижро этувчи ҳокимият органлари ва бошқа ташкилотлар билан ўзаро ҳамкорлиги

31. Агентлик ўз вазифалари ва функцияларини амалга оширишда бошқа давлат бошқаруви органлари, хўжалик бирлашмалари, маҳаллий ижро этувчи ҳокимият органлари ва бошқа ташкилотлар билан ҳамкорлик қилади.

32. Қўмитанинг ҳудудий бошқармалари ўз ваколатлари доирасида бошқа давлат бошқаруви органларининг ҳудудий органлари, хўжалик бирлашмалари, маҳаллий ижро этувчи ҳокимият органлари ва бошқа ташкилотлар билан ҳамкорлик қилади.

5-§. Агентликнинг маслаҳат ва эксперт органлари

33. Истеъмолчилар ҳуқуқларини ҳимоя қилиш ва реклама соҳасини тартибга солишнинг энг муҳим масалалари бўйича муаммоларни илмий таҳлил қилиш, тавсияларни кўриб чиқиш ва ишлаб чиқиш учун Агентликда юқори малакали ходимлар, шунингдек, давлат органлари ва ташкилотларининг вакиллари, соҳадаги етакчи олим ва мутахассислардан иборат эксперт кенгаши ташкил этилади.

Эксперт кенгаши низоми ва унинг шахсий таркиби Директорнинг тақдимномасига биноан Қўмита раиси томонидан тасдиқланади.

34. Агентликда бошқа кенгаш, маслаҳат ва эксперт органлари тузилиши мумкин.

Агентлик ҳузурида тузиладиган кенгаш, маслаҳат ва эксперт органлари таркиби ва улар тўғрисидаги низомлар Директор томонидан тасдиқланади, уларнинг таркиби ва низомлари Ўзбекистон Республикаси Президенти ҳужжатлари ва Ўзбекистон Республикаси Вазирлар Маҳкамаси қарорлари билан тасдиқланадиган ҳоллар бундан мустасно.

7-боб. Агентлик фаолияти самарадорлигини баҳолаш мезонлари

35. Агентлик фаолиятининг самарадорлиги ва натижадорлиги мунтазам баҳоланиб борилади.

36. Агентлик фаолияти самарадорлиги ва натижадорлигини баҳолаш тартиби ва услуби Қўмита раиси томонидан тасдиқланадиган Агентлик фаолияти самарадорлиги ва натижадорлигини баҳолаш мезонлари ва иш индикаторларига асосланади.

37. Агентлик фаолиятининг самарадорлиги ва натижадорлигини баҳолаш якунлари бўйича:

Агентлик раҳбарлари ва ходимларига нисбатан рағбатлантириш (мукофотлаш) ёки интизомий жавобгарлик чоралари;

Агентлик фаолиятида аниқланган камчиликларни бартараф этиш ва унинг фаолиятини янада такомиллаштириш чора-тадбирлари кўрилади.

38. Қўмита ҳудудий бошқармаларининг Истеъмолчилар ҳуқуқларини ҳимоя қилиш ва реклама фаолиятини тартибга солиш бошқармаси ходимлари фаолиятининг самарадорлиги ва натижадорлигини баҳолаш якунларига кўра уларни рағбатлантириш (мукофотлаш) ёки интизомий жазога тортиш юзасидан Агентлик томонидан Қўмитага таклиф киритилади.

8-боб. Агентлик фаолиятини молиялаштириш ва унинг ходимларини моддий рағбатлантириш

39. Агентлик фаолиятини молиялаштириш, ходимларининг меҳнатига ҳақ тўлаш ва уларни моддий рағбатлантириш:

Ўзбекистон Республикаси Давлат бюджети;

Монополияга қарши курашиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармаси;

қонун ҳужжатларида тақиқланмаган бошқа манбалар маблағлари ҳисобига амалга оширилади.

40. Агентлик ходимларининг иш ҳақи лавозим маоши, мукофотлар, қўшимча тўловлар, устамалар ва қонун ҳужжатларида назарда тутилган рағбатлантирувчи тўловлардан иборат бўлади.

41. Агентлик ходимларига Ўзбекистон Республикаси Давлат бюджети маблағлари ҳисобидан узоқ муддатли хизмати учун қуйидаги миқдорда ҳар ойда устама тўланади (рағбатлантириш коэффициентини ҳисобга олган ҳолда, лавозим маошига нисбатан фоиз ҳисобида):

Иш стажи бўйича гуруҳланиши Иш стажи учун устама миқдори 2 йилдан 5 йилгача 10 фоиз 5 йилдан 10 йилгача 20 фоиз 10 йилдан 15 йилгача 30 фоиз 15 йилдан 20 йилгача 40 фоиз 20 йилдан 25 йилгача 50 фоиз 25 йилдан юқори 60 фоиз

Узоқ муддат хизмати учун тўланадиган устама олиш ҳуқуқини берувчи иш стажи Агентлик томонидан тасдиқланадиган тартибга мувофиқ ҳисоблаб чиқилади.

42. Агентлик ходимлари учун аввалги иш жойида берилган ҳарбий ва махсус унвонлар учун қўшимча тўлов ва устамалар сақлаб қолинади ҳамда Монополияга қарши курашиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармаси маблағлари ҳисобига амалга оширилади.

9-боб. Агентликнинг ҳисобот бериши

43. Агентлик Қўмитага ҳамда Қўмита билан келишган ҳолда ҳар йили Ўзбекистон Республикаси Бош вазирига Агентликнинг фаолияти натижалари тўғрисида ҳисобот беради.

44. Қўмита раиси Агентлик раҳбарларининг уларга юкланган вазифаларни самарали бажариши бўйича фаолиятининг доимий мониторингини олиб боради, Агентлик фаолияти самарадорлигига холисона баҳо беради.

Мониторинг ва баҳолаш якунлари бўйича Агентликнинг алоҳида ўрнак кўрсатган раҳбарлари, мансабдор шахслари ва ходимлари рағбатлантирилади ёхуд йўл қўйилган жиддий камчиликлар учун эгаллаб турган лавозимидан озод қилишгача жавобгарликка тортилади.

10-боб. Якунловчи қоида

45. Агентликни қайта ташкил этиш ва тугатиш қонун ҳужжатларида белгиланган тартибда амалга оширилади.

Вазирлар Маҳкамасининг 2019 йил 19 декабрдаги 1015-сон қарорига 2-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Истеъмолчилар ҳуқуқларини ҳимоя қилишда жамоатчилик иштирокини кенгайтириш чора-тадбирлари тўғрисида» 2002 йил 28 ноябрдаги 414-сон қарорида (Ўзбекистон Республикаси ҚТ, 2002 й., 11-сон, 73-модда):

а) 4-банднинг иккинчи хатбошисидан «истеъмолчилар ҳуқуқларини ҳимоя қилиш тўғрисидаги қонун ҳужжатларини бузганлик учун Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси томонидан солинадиган ҳамда Ўзбекистон Республикасининг республика бюджетига ўтказиладиган жарималарнинг 50 фоизи, шунингдек» сўзлари чиқариб ташлансин;

б) 5-банд қуйидаги таҳрирда баён қилинсин:

«5. Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги ва Монополияга қарши курашиш қўмитасининг ҳудудий бошқармаларига хўжалик юритувчи субъектлар томонидан истеъмолчиларга товарларни (ишларни, хизматларни) яроқлилик муддати, сақлаш ва хизмат кўрсатиш муддатини бузган ҳолда реализация қилганлик учун жарима солишига рухсат берилсин»;

в) 6-банднинг биринчи хатбошидаги «Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Соғлиқни сақлаш вазирлиги» сўзлари «Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги, Соғлиқни сақлаш вазирлиги, Соғлиқни сақлаш вазирлиги ҳузуридаги Санитария-эпидемиологик осойишталик агентлиги, Вазирлар Маҳкамаси ҳузуридаги Санитария-эпидемиология назорати давлат инспекцияси» сўзлари билан алмаштирилсин;

г) 5-иловада :

1-банддаги «ҳамда Ўзбекистон Республикаси Вазирлар Маҳкамасининг «Истеъмолчиларнинг ҳуқуқларини ҳимоя қилиш ва реклама тўғрисидаги қонун ҳужжатлари бузилганлиги учун монополияга қарши фаолиятни амалга оширувчи давлат органи томонидан солинадиган жарималарни хўжалик юритувчи субъектларга қўллаш тартибини тасдиқлаш ҳақида» 1998 йил 26 августдаги 370-сон қарорига» сўзлари чиқариб ташлансин;

6-банд қуйидаги таҳрирда баён қилинсин:

«6. Жамғарма халқаро ташкилотларнинг, Ўзбекистон Республикасининг ҳам резидентлари, ҳам норезидентлари бўлган юридик ва жисмоний шахсларнинг ҳомийлик ҳайриялари, қонун ҳужжатларида тақиқланмаган бошқа манбалар ҳисобига шакллантирилади».

2. Вазирлар Маҳкамасининг «Ташқи рекламани жойлаштириш соҳасидаги фаолиятни янада такомиллаштириш чора-тадбирлари тўғрисида» 2018 йил 30 августдаги 702-сон қарорининг 1-бандида :

иккинчи хатбошидаги «Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳудудий бўлинмалари» сўзлари «Монополияга қарши курашиш қўмитасининг ҳудудий бошқармалари» сўзлари билан алмаштирилсин;

бешинчи хатбоши қуйидаги таҳрирда баён қилинсин:

«ташқи реклама объектларини (конструкцияларини) ер участкаларида ва давлат мулки бўлган бино ва иншоотларда жойлаштириш ҳуқуқини электрон аукцион натижалари асосида сотишдан тушган маблағларнинг 60 фоизи туманлар (шаҳарлар) бюджетига йўналтирилади»;

олтинчи хатбошидаги «ундириш тартиби» сўзлари «улар миқдорини аниқлаш тартиби» сўзлари билан алмаштирилсин;

еттинчи хатбошидаги «йиғимларнинг 90 фоизи» сўзлари «ойлик йиғимларнинг 45 фоизи» сўзлари билан алмаштирилсин;

қуйидаги таҳрирдаги саккизинчи хатбоши билан тўлдирилсин:

«Е-IJRO AUKSION» савдо майдончасида ер участкалари ва давлат мулки бўлган объектларда ташқи реклама объектларини (конструкцияларини) жойлаштириш ҳуқуқини реализация қилиш бўйича электрон савдолар ўтказиш натижасида тушадиган йиғим суммасининг 40 фоизи ва ташқи рекламани жойлаштириш ҳуқуқини бериш учун ойлик йиғим маблағларининг 45 фоизи Ўзбекистон Республикаси Монополияга қарши курашиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармасига йўналтирилади»;

саккизинчи хатбоши тўққизинчи хатбоши деб ҳисоблансин;

тўққизинчи хатбошидаги «еттинчи хатбошида» сўзлари «бешинчи ва еттинчи хатбошиларида» сўзлари билан алмаштирилсин.

3. Вазирлар Маҳкамасининг «Ўзбекистон Республикаси Монополияга қарши курашиш қўмитаси фаолиятини ташкил этиш чора-тадбирлари тўғрисида» 2019 йил 15 майдаги 402-сон қарорида :

а) 1-иловада :

9-банднинг тўртинчи хатбошисига «Истеъмолчиларнинг ҳуқуқларини ҳимоя қилиш агентлиги» сўзларидан кейин «(кейинги ўринларда Агентлик деб аталади)» сўзлари қўшилсин;

11-бандга қуйидаги мазмундаги хатбоши қўшилсин:

«Монополияга қарши курашиш қўмитаси ўзига юкланган вазифалар ва функцияларни бевосита, шунингдек, ҳудудий бошқармалар ҳамда унга идоравий мансуб тузилмалар орқали амалга оширади»;

14-бандда :

еттинчи хатбошига «рақобат муҳитини ривожлантириш» сўзларидан кейин «истеъмолчилар ҳуқуқларини ҳимоя қилиш ва реклама бозорини тартибга солиш» сўзлари қўшилсин;

саккизинчи хатбоши қуйидаги мазмундаги саккизинчи — ўн учинчи хатбошилар билан алмаштирилсин:

«монополияга қарши курашишни тартибга солиш, рақобат муҳитини ривожлантириш, истеъмолчилар ҳуқуқларини ҳимоя қилиш ва реклама бозорини тартибга солиш соҳасида ҳуқуқбузарликлар профилактикаси тадбирларини ташкил этиш;

истеъмолчилар ҳуқуқларини ҳимоя қилиш тўғрисидаги қонун ҳужжатларига риоя этилиши устидан давлат назоратини амалга ошириш;

истеъмолчиларга уларнинг ҳуқуқ ва манфаатларини ҳимоя қилишда ёрдам кўрсатиш, истеъмолчилар ҳуқуқи бузилиши сабабларини таҳлил қилиш, уларни бартараф этиш юзасидан таклифлар тайёрлаш ҳамда истеъмолчилар ҳуқуқи бузилиши ҳолатларини олдини олиш;

аҳолининг истеъмолчилик билими ва саводхонлигини оширишга қаратилган дастурларни амалга ошириш;

реклама соҳасида ноҳалол рақобатга ва нотўғри рекламанинг юзага келишига йўл қўймаслик мақсадида реклама бозорини тартибга солиш;

истеъмол бозорини, давлат томонидан нарх-навоси тартибга солинадиган товарларга (ишларга, хизматларга) нархларнинг динамикаси ва нарх шаклланиши механизмларини ўрганиш»;

15-бандда :

қуйидаги мазмундаги йигирма олтинчи — қирқ биринчи хатбошилар қўшилсин:

«вазирликлар ва идоралар иштирокида иштирокида ишлаб чиқилган истеъмолчилар ҳуқуқларини ҳимоя қилиш ва реклама ишларини янада такомиллаштиришга қаратилган стратегик дастурлар, «йўл хариталари» ва бошқа дастурий ҳужжатларни жойларда ижросини амалга оширади;

аҳолининг истеъмол билими ва саводхонлигини оширишга қаратилган дастурларни амалга оширилишини таъминлайди;

истеъмолчиларнинг ҳуқуқлари ва манфаатларини давлат томонидан ҳимоя қилинишини, шунингдек аҳолининг истеъмол маданиятини ошириш бўйича маърифий ишларни амалга оширади;

истеъмолчилар ҳуқуқлари ва манфаатларини ҳимоя қилиш чора-тадбирларини амалга оширади;

истеъмолчилар ҳуқуқи бузилиши сабабларини таҳлил қилади ва уларни бартараф этиш юзасидан таклифлар тайёрлайди ҳамда истеъмолчилар ҳуқуқи бузилиши ҳолатлари бўйича огохлантиради;

жисмоний ва юридик шахсларнинг истеъмолчилар ҳуқуқларини ҳимоя қилиш реклама масалалари бўйича мурожаатларини кўриб чиқади;

истеъмолчиларга уларнинг қонуний ҳуқуқ ва манфаатларини ҳимоя қилишда, шу жумладан истеъмолчиларнинг номуайян доираларининг қонуний ҳуқуқ ва манфаатларини судларда ҳимоя қилишни кўзлаб даъво аризалари киритиш орқали амалий ёрдам кўрсатади;

истеъмолчилар ҳуқуқларини ҳимоя қилиш тўғрисидаги қонун ҳужжатларига риоя этилиши устидан давлат назоратини амалга оширишда ва ички бозорда сотиладиган истеъмол товарларининг зарур сифатда бўлишини ва хавфсизлигини таъминлаш юзасидан товарлар (ишлар, хизматлар) хавфсиз бўлишини ва уларнинг сифатини назорат қилувчи давлат бошқаруви органлари билан ҳамкорлик қилади;

чакана савдо ва хизмат кўрсатиш шохобчаларида товарлар ва хизматларнинг назорат харидини амалга оширади, уларни истеъмолчилар ҳуқуқларини ҳимоя қилиш тўғрисидаги қонун ҳужжатларига мослиги жиҳатидан экспертизадан (тестдан) ўтказилишини ташкил қилади;

истеъмолчилар ҳуқуқларини ҳимоя қилиш ва реклама тўғрисидаги қонун ҳужжатлари бузилган тақдирда хўжалик юритувчи субъектларда (молиявий-хўжалик фаолиятига аралашмасдан) текширишлар ўтказади;

ўз ваколатлари доирасида истеъмолчилар ҳуқуқларини ҳимоя қилиш ва реклама тўғрисидаги қонун ҳужжатлари бузилиши ҳолатларини бартараф этиш юзасидан давлат органларига, мулкчилик шаклидан қатъий назар ташкилот, муассаса ва корхоналарга, шунингдек, якка тартибдаги тадбиркорларга бажарилиши мажбурий бўлган кўрсатмалар киритади;

дори воситалари ва тиббиёт буюмлари учун белгиланган улгуржи ва чакана савдо устамаларига риоя қилиниши устидан назорат қилади;

истеъмолчилар ҳуқуқларини ҳимоя қилиш даражасининг ҳолати қониқарлилиги юзасидан фуқаролар ўртасида ижтимоий сўровлар ўтказади;

қонунда белгиланган тартибда реклама тўғрисидаги қонун ҳужжатларига риоя қилиш юзасидан назоратни амалга оширади;

ташқи рекламани жойлаштиришни тартибга солиш бўйича тегишли чора-тадбирларни амалга оширади;

истеъмолчилар ҳуқуқларини ҳимоя қилиш ва реклама бозорини тартибга солиш масалаларида жамоат бирлашмалари, оммавий ахборот воситалари билан ҳамкорлик қилади ҳамда кўнгиллар ҳаракатини ривожлантиришга кўмаклашади;

йигирма олтинчи хатбоши қирқ иккинчи хатбоши деб ҳисоблансин;

қирқ иккинчи хатбошисига «ва қўмита» сўзларидан кейин «ҳамда истеъмолчилар ҳуқуқларини ҳимоя қилиш ва реклама бозорини тартибга солиш соҳасида Агентлик» сўзлари қўшилсин;

25-бандда :

учинчи хатбошисига «Монополияга қарши курашиш қўмитаси» сўзларидан кейин «ва Агентлик» сўзлари қўшилсин;

еттинчи хатбошисига «табиий монополиялар тўғрисидаги» сўзларидан кейин «истеъмолчиларнинг ҳуқуқларини ҳимоя қилиш ва реклама тўғрисидаги» сўзлари қўшилсин;

ўн биринчи хатбошиси қуйидаги таҳрирда баён қилинсин:

«рақобат тўғрисидаги, табиий монополиялар тўғрисидаги, истеъмолчиларнинг ҳуқуқларини ҳимоя қилиш ва реклама тўғрисидаги қонун ҳужжатлари бузилганлиги тўғрисидаги ишлар бўйича, шу жумладан, хўжалик юритувчи субъектлардан рақобат тўғрисидаги, табиий монополиялар тўғрисидаги, истеъмолчиларнинг ҳуқуқларини ҳимоя қилиш ва реклама тўғрисидаги қонун ҳужжатлари бузилганлиги натижасида асоссиз олинган даромадни (фойдани) ундириш ва (ёки) истеъмолчиларга қайтариш, жарима қўллаш тўғрисида қарорлар қабул қилиш;

26-бандда :

тўртинчи хатбошига «Монополияга қарши курашиш қўмитаси» сўзларидан кейин «ва Агентликка» сўзлари қўшилсин;

бешинчи ва олтинчи хатбошиларга «рақобат муҳитини ривожлантириш» сўзларидан кейин «истеъмолчилар ҳуқуқларини ҳимоя қилиш ва реклама бозорини тартибга солиш» сўзлари қўшилсин;

28-банднинг ўн биринчи хатбошиси қуйидаги таҳрирда баён этилсин:

«норматив-ҳуқуқий ҳужжатлар лойиҳаларининг мутасаддилик қилинадиган таркибий бўлинмалар томонидан сифатли ишлаб чиқилишини ташкил этиш, мутасаддилик қилинадиган таркибий бўлинмаларда тайёрланган ҳужжатлар лойиҳаларини кўриб чиқиш ва улар кейинчалик Қўмита раиси томонидан кўриб чиқилиши, имзоланиши (виза қўйилиши) учун виза қўйиш, уларнинг Ўзбекистон Республикаси Президенти Администрацияси Регламенти талабларига қатъий мувофиқ равишда Вазирлар Маҳкамасига ўз вақтида киритилишини таъминлаш, шунингдек, Вазирлар Маҳкамаси аппаратида норматив-ҳуқуқий ҳужжатлар лойиҳаларини ишлаб чиқишда Қўмита раисининг топшириғига биноан иштирок этиш»;

34-банднинг иккинчи хатбошига «Монополияга қарши курашиш қўмитаси раиси билан» сўзларидан кейин «истеъмолчилар ҳуқуқларини ҳимоя қилиш ва реклама фаолиятини тартибга солиш бошқармалари ходимлари эса, Агентлик директори билан» сўзлари қўшилсин;

9-бобнинг номи қуйидаги таҳрирда баён этилсин:

«Монополияга қарши курашиш қўмитаси марказий аппарати ва унинг ҳудудий бошқармалари фаолиятини молиялаштириш ва уларнинг ходимларини моддий рағбатлантириш»;

53-банднинг биринчи хатбошисига «Монополияга қарши курашиш қўмитаси» сўзларидан кейин «марказий аппарати ва унинг ҳудудий бошқармалари» сўзлари қўшилсин;

54-бандга «Монополияга қарши курашиш қўмитаси» сўзларидан кейин «марказий аппарати ва унинг ҳудудий бошқармалари» сўзлари қўшилсин;

55-банднинг биринчи хатбошисига «Монополияга қарши курашиш қўмитаси» сўзларидан кейин «марказий аппарати ва унинг ҳудудий бошқармалари» сўзлари қўшилсин;

56-бандга «бошқа манбалар Монополияга қарши курашиш қўмитаси» сўзларидан кейин «марказий аппарати ва унинг ҳудудий бошқармалари» сўзлари қўшилсин;

б) 2-иловада :

3-бандда :

учинчи хатбошидаги «тақдимномаларини» сўзи «кўрсатмаларини» сўзи билан алмаштирилсин;

қуйидаги мазмундаги бешинчи — тўққизинчи хатбошилар қўшилсин:

«истеъмолчилар ҳуқуқларини ҳимоя қилиш ва реклама тўғрисидаги қонунчиликни бузганлик, нархлари тартибга солиниши белгиланган товарларнинг нархларини (устама ва тарифлар) оширганлик учун ундирилган асоссиз олинган даромадлар суммасининг 100 фоизи;

истеъмолчилар ҳуқуқларини ҳимоя қилиш ва реклама тўғрисидаги қонунчиликни бузганлик, шунингдек, Агентлик тақдим этган кўрсатмаларни бажармаганлик учун Агентлик ёки Агентлик киритган даъволар бўйича суд томонидан хўжалик юритувчи субъектлардан ва уларнинг мансабдор шахсларидан қонунчиликда белгиланган тартибда ундириладиган жарима маблағларининг 100 фоизи;

ташқи рекламани жойлаштириш ҳуқуқи учун тушадиган ойлик йиғим маблағларининг 45 фоизи;

«Е-IJRO AUKSION» савдо майдончасида ер участкалари ва давлат мулки бўлган объектларда ташқи реклама объектларини (конструкцияларини) жойлаштириш ҳуқуқини реализация қилиш бўйича электрон савдолар ўтказиш натижасида тушадиган йиғим суммасининг 40 фоизи;

Ўзбекистон Республикаси Давлат активларини бошқариш агентлиги ҳузуридаги бюджетдан ташқари Давлат активларини бошқариш, трансформация ва хусусийлаштириш жамғармасига тушадиган давлат активларини сотиш суммасининг 4 фоизи»;

бешинчи — еттинчи хатбошилар тегишли равишда ўнинчи — ўн иккинчи хатбошилар деб ҳисоблансин;

6-бандда :

иккинчи хатбошига «Монополияга қарши курашиш қўмитасининг» сўзларидан кейин «марказий аппарати ва ҳудудий бошқармалари ҳамда Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги (кейинги ўринларда Агентлик деб аталади)» сўзлари қўшилсин;

учинчи хатбоши қуйидаги таҳрирда баён этилсин:

«Монополияга қарши курашиш қўмитасининг марказий аппарати ва ҳудудий бошқармалари ҳамда Агентлик ходимларини моддий рағбатлантириш ва ижтимоий таъминлаш, шунингдек, уларнинг ходимлари томонидан турар жой сотиб олинишини имтиёзли молиялаштиришга»;

тўртинчи хатбошига «Монополияга қарши курашиш қўмитаси» сўзларидан кейин «ва Агентлик» сўзлари қўшилсин;

қуйидаги мазмундаги 6 1 -банд қўшилсин:

«6 1 . Монополияга қарши курашиш қўмитаси ва Агентлик ходимларининг лавозим маошларига ҳар ойлик устамалар ва бошқа рағбатлантириш тўловлари, шунингдек, моддий рағбатлар Монополияга қарши курашиш қўмитаси раиси томонидан тасдиқланган тартибга мувофиқ тўланади»;

7-банд қуйидаги таҳрирда баён этилсин:

«7. Монополияга қарши курашиш қўмитаси ва Агентлик ходимларининг уй-жой сотиб олинишини имтиёзли молиялаштириш Монополияга қарши курашиш қўмитаси ва Агентлик ходимларига ипотека кредитларини бериш учун тижорат банкларига ресурсларни ажратиш тартиби тўғрисидаги низомга (ушбу Низомга илова) мувофиқ амалга оширилади»;

15-бандга «ҳудудий бошқармалари» сўзларидан кейин «ҳамда Агентлик» сўзлари қўшилсин;

Ўзбекистон Республикаси Монополияга қарши курашиш қўмитаси ҳузуридаги бюджетдан ташқари Рақобатни ривожлантиришга кўмаклашиш жамғармаси маблағларини шакллантириш ва улардан фойдаланиш тартиби тўғрисидаги низомнинг иловасида :

номига «Монополияга қарши курашиш қўмитаси» сўзларидан кейин «ва унинг ҳузуридаги Истеъмолчилар ҳуқуқларини ҳимоя қилиш Агентлиги» сўзлари қўшилсин;

1-бандга «Монополияга қарши курашиш қўмитаси (кейинги ўринларда Монополияга қарши курашиш қўмитаси деб аталади)» сўзларидан кейин «ва Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш Агентлиги (кейинги ўринларда Агентлик деб аталади)» сўзлари қўшилсин;

2-бандда :

учинчи хатбошига «Монополияга қарши курашиш қўмитаси» сўзларидан кейин «ва Агентлик» сўзлари қўшилсин;

тўртинчи хатбошига «ёки ҳудудий бошқармаларида» сўзларидан кейин «ёхуд Агентликда» сўзлари қўшилсин;

3-банд қуйидаги таҳрирда баён этилсин:

«3. Турар жой сотиб олиш учун Монополияга қарши курашиш қўмитаси ва Агентлик ходимларига ипотека кредитлари бериш учун тижорат банкларига ресурслар ажратиш шартлари ходимда монополияга қарши курашиш ва давлат мулкини бошқариш органларида зарур иш стажи мавжудлиги ҳисобга олиниб, шунингдек, Монополияга қарши курашиш қўмитаси марказий аппарати ёки ҳудудий бошқармаларида ёхуд Агентликда ипотека кредитини олгандан сўнг камида беш йил ишлаш шарти билан (Вазирлар Маҳкамасига, Ўзбекистон Республикаси Президенти Администрациясига, шунингдек, вазирликлар ва идораларнинг раҳбарлик лавозимларига ишга ўтиш бундан мустасно) Монополияга қарши курашиш қўмитаси томонидан белгиланади.»;

5-банддаги «қўмитасининг» сўзи «қўмитаси ва Агентликнинг» сўзлари билан алмаштирилсин.

Вазирлар Маҳкамасининг 2019 йил 19 декабрдаги 1015-сон қарорига 3-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган қарорлари

1. Вазирлар Маҳкамасининг «Реклама тўғрисида»ги Ўзбекистон Республикаси Қонунини амалга ошириш чора-тадбирлари ҳақида» 2000 йил 26 июндаги 243-сон қарори (Ўзбекистон Республикаси ҚТ, 2000 й., 6-сон, 32-модда).

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар ва қўшимчалар киритиш тўғрисида» 2000 йил 24 октябрдаги 412-сон қарорига (Ўзбекистон Республикаси ҚТ, 2000 й., 10-сон, 69-модда) илованинг 14-банди .

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2002 йил 28 августдаги 305-сон қарорига (Ўзбекистон Республикаси ҚТ, 2002 й., 15-16-сон, 125-модда) илованинг 4-банди .

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2005 йил 6 июлдаги 156-сон қарорига (Ўзбекистон Республикаси ҚТ, 2005 й., 27-сон, 191-модда) илованинг 16-банди .

5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2005 йил 12 августдаги 196-сон қарорига (Ўзбекистон Республикаси ҚТ, 2005 й., 32-33-сон, 251-модда) 2-илованинг 13-банди .

6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида» 2006 йил 10 мартдаги 41-сон қарорига (Ўзбекистон Республикаси ҚТ, 2006 й., 11-сон, 83-модда) 1-илованинг 3-банди .

7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Тадбиркорлик фаолияти юритиш учун рухсатнома турларини қисқартириш ва уларни бериш тартиб-қоидаларини соддалаштириш тўғрисида» 2005 йил 21 сентябрдаги ПҚ-186-сон қарори)» 2006 йил 22 майдаги 92-сон қарорига (Ўзбекистон Республикаси ҚТ, 2006 й., 20-21-сон, 181-модда) илованинг 7-банди .

8. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида» 2010 йил 2 августдаги 165-сон қарорига (Ўзбекистон Республикаси ҚТ, 2010 й., 31-сон, 261-модда) 1-илованинг 3-банди .

9. Вазирлар Маҳкамасининг «Вазирлар Маҳкамасининг «Реклама тўғрисида»ги Ўзбекистон Республикаси Қонунини амалга ошириш чора-тадбирлари ҳақида» 2000 йил 26 июндаги 243-сон қарорига ўзгартириш ва қўшимчалар киритиш ҳақида» 2010 йил 29 октябрдаги 240-сон қарори (Ўзбекистон Республикаси ҚТ, 2010 й., 10-сон, 54-модда).

10. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида» 2012 йил 1 ноябрдаги 313-сон қарорига (Ўзбекистон Республикаси ҚТ, 2012 й., 11-сон, 79-модда) 1-илованинг 20-банди .

11. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитасини ташкил этиш тўғрисида» 2012 йил 13 ноябрдаги ПФ-4483-сон Фармони)» 2013 йил 9 сентбрдаги 244-сон қарорига (Ўзбекистон Республикаси қонун ҳужжатлари тўплами, 2013 й., 37-сон, 485-модда) 1-илованинг 16-банди .

12. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида» 2017 йил 11 майдаги 270-сон қарорига (Ўзбекистон Республикаси ҚТ, 2017 й., 5-сон, 66-модда) 1-илованинг 13-банди .

13. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида» 2017 йил 16 августдаги 638-сон қарорига (Ўзбекистон Республикаси ҚТ, 2017 й., 33-сон, 863-модда) 1-илованинг 10-банди .

14. Вазирлар Маҳкамасининг «Иккиламчи қоғоз чиқиндиларини тўплаш, тайёрлаш ва қайта ишлаш учун етказиб бериш тизимини тартибга солиш чора-тадбирлари тўғрисида» 2009 йил 16 мартдаги 70-сон қарори (Ўзбекистон Республикаси ҚТ, 2009 й., 12-сон, 131-модда).

15. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзи қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Республика қурилиш материаллари саноатини бошқаришни ташкил этишни янада такомиллаштириш чора-тадбирлари тўғрисида» 2016 йил 25 октябрдаги ПҚ-2641-сон қарори)» 2016 йил 22 декабрдаги 412-сон қарорига (Ўзбекистон Республикаси ҚТ, 2016 й., 52-сон, 602-модда) 1-илованинг 8-банди .

16. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек. баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Идоралараро коллегиал органларни тубдан қисқартириш ва янада оптималлаштириш чора-тадбирлари тўғрисида» 2018 йил 28 августдаги ПФ-5527-сон Фармони)» 2019 йил 23 февралдаги 161-сон қарорига (Қонун ҳужжатлари маълумотлари миллий базаси, 25.02.2019 й., 09/19/161/2600-сон) 1-илованинг 28-банди .

Ўзбекистон Республикасининг Бош вазири А. АРИПОВ

Тошкент ш.,

2019 йил 19 декабрь,

1015-сон

(Қонун ҳужжатлари маълумотлари миллий базаси, 20.12.2019 й., 09/19/1015/4174-сон; Қонунчилик маълумотлари миллий базаси, 08.07.2021 й., 06/21/6258/0651-сон; 21.12.2022 й., 09/22/716/1106; 22.07.2023 й., 09/23/304/0510-сон; 03.07.2026 й., 09/26/353/0680-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi faoliyatini tashkil etish chora-tadbirlari toʻgʻrisida

Oʻzbekiston Respublikasi Prezidentining “Isteʼmolchilar huquqlarini himoya qilishning huquqiy va institutsional tizimini tubdan takomillashtirish chora-tadbirlari toʻgʻrisida” 2019-yil 11-sentabrdagi PF-5817-son Farmoniga muvofiq Vazirlar Mahkamasi qaror qiladi:

1. Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi toʻgʻrisidagi nizom 1-ilovaga muvofiq tasdiqlansin.

2. Oʻzbekiston Respublikasi Prezidentining “Isteʼmolchilar huquqlarini himoya qilishning huquqiy va institutsional tizimini tubdan takomillashtirish chora-tadbirlari toʻgʻrisida” 2019-yil 11-sentabrdagi PF-5817-son Farmoniga muvofiq, Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi (keyingi oʻrinlarda Agentlik deb ataladi) xodimlariga nisbatan Oʻzbekiston Respublikasi Monopoliyaga qarshi kurashish qoʻmitasi xodimlari uchun nazarda tutilgan mehnatga haq toʻlash shartlari va tibbiy xizmat koʻrsatish tartibi qoʻllanilishi belgilanganligi maʼlumot uchun qabul qilinsin.

Belgilansinki, Vazirlar Mahkamasining 2019-yil 15-maydagi 402-son qarori bilan tasdiqlangan Oʻzbekiston Respublikasi Monopoliyaga qarshi kurashish qoʻmitasi huzuridagi budjetdan tashqari Raqobatni rivojlantirishga koʻmaklashish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning Oʻzbekiston Respublikasi Monopoliyaga qarshi kurashish qoʻmitasi xodimlarini moddiy ragʻbatlantirish va ijtimoiy taʼminlashga doir qoidalari Agentlik xodimlariga nisbatan ham tatbiq etiladi hamda Agentlik tashkil etilgan sanadan eʼtiboran qoʻllaniladi.

3. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

4. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.

5. Oʻzbekiston Respublikasi Monopoliyaga qarshi kurashish qoʻmitasi manfaatdor vazirliklar va idoralar bilan birgalikda oʻzlari tomonidan qabul qilingan normativ-huquqiy hujjatlarni ikki oy muddatda ushbu qarorga muvofiqlashtirsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Gʻaniyev va Oʻzbekiston Respublikasi Monopoliyaga qarshi kurashish qoʻmitasi raisi N.Sh. Sharipov zimmasiga yuklansin.

Vazirlar Mahkamasining 2019-yil 19-dekabrdagi 1015-son qaroriga 1-ILOVA

Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligining (keyingi oʻrinlarda Agentlik deb ataladi) maqomi, asosiy vazifalari, funksiyalari, huquqlari, javobgarligini, faoliyatini tashkil etish va hisobot berish tartibini, shuningdek uning rahbarlarining funksional vazifalari va masʼuliyatini belgilaydi.

2. Agentlik isteʼmolchilar huquqlarini himoya qilish va reklama bozorini tartibga solish sohasida yagona davlat siyosatini amalga oshiruvchi vakolatli davlat boshqaruvi organi hisoblanadi va oʻz faoliyatida bevosita Oʻzbekiston Respublikasi Monopoliyaga qarshi kurashish qoʻmitasiga (keyingi oʻrinlarda Qoʻmita deb ataladi) boʻysunadi.

3. Agentlik Qoʻmitaning tarkibiy boʻlinmasi hisoblanadi va uning tizimiga kiradi.

Agentlik faoliyatini muvofiqlashtirish, unga umumiy rahbarlik qilish va uni nazorat qilish, moddiy-texnik bazasini mustahkamlash va Agentlik xodimlarining malakasini oshirishni tashkil etish Qoʻmita tomonidan amalga oshiriladi.

4. Agentlik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonun hujjatlariga, shuningdek, Qoʻmitaning qarorlariga amal qiladi.

5. Agentlikning oʻz vakolatlari doirasida qabul qilingan qarorlari davlat boshqaruvi organlari, xoʻjalik birlashmalari va mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shu jumladan, fuqarolar tomonidan bajarilishi majburiy hisoblanadi.

6. Agentlik oʻz faoliyatini Qoʻmitaning hududiy boshqarmalari orqali, shuningdek, davlat organlari, nodavlat notijorat va boshqa tashkilotlar bilan oʻzaro hamkorlikda amalga oshiradi hamda isteʼmolchilar huquqlarini himoya qilish va reklama bozorini tartibga solish sohasida boshqa xalqaro va mintaqaviy tashkilotlarda Oʻzbekiston Respublikasi nomidan vakillik qiladi.

7. Agentlik yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, shaxsiy gʻazna hisobvaraqlariga, bank hisobraqamlariga, shu jumladan, xorijiy valyutadagi bank hisobraqamlariga egadir.

8. Agentlikning rasmiy nomi:

a) davlat tilida:

toʻliq nomi — Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish Agentligi, qisqartirilgan nomi — Isteʼmolchilar huquqlarini himoya qilish Agentligi;

b) rus tilida:

toʻliq nomi — Agentstvo po zashite prav potrebiteley pri Antimonopolnom komitete Respubliki Uzbekistan, qisqartirilgan nomi — Agentstvo po zashite prav potrebiteley.

v) ingliz tilida:

toʻliq nomi — Consumer Protection Agency under the Antimonopoly Committee of the Republic of Uzbekistan, qisqartirilgan nomi — Consumer Protection Agency;

9. Agentlikning joylashgan manzili (pochta manzili): 100128, Toshkent shahri, Labzak koʻchasi, 3.

2-bob. Agentlikning vazifalari va funksiyalari

10. Quyidagilar Agentlikning asosiy vazifalari hisoblanadi:

isteʼmolchilar huquqlarini himoya qilish va reklama bozorini tartibga solish sohasida yagona davlat siyosatini ishlab chiqish va amaliy ijrosini taʼminlash;

isteʼmolchilarning tovarlar (ishlar, xizmatlar), ularning ishlab chiqaruvchisi, ijrochisi va sotuvchisi toʻgʻrisidagi haqqoniy va toʻliq maʼlumotlarni, shu jumladan axborot-kommunikatsiya texnologiyalarini qoʻllagan holda olish imkoniyatlarini taʼminlash;

aholining isteʼmolchilik bilimi va savodxonligini oshirishga qaratilgan dasturlarni ishlab chiqish va amalga oshirish;

isteʼmolchilarga ularning huquq va manfaatlarini himoya qilishda yordam koʻrsatish;

isteʼmolchilar huquqlarini himoya qilish toʻgʻrisidagi qonun hujjatlariga rioya etilishi ustidan davlat nazoratini amalga oshirish, shuningdek, tovarlar (ishlar, xizmatlar) xavfsizligi va ularning sifatini nazorat qilish sohasida hamkorlik qilish;

isteʼmolchilar huquqi buzilishi sabablarini tahlil qilish, ularni bartaraf etish yuzasidan takliflar tayyorlash hamda isteʼmolchilar huquqi buzilishi holatlarining oldini olish;

tadbirkorlik va isteʼmolchilik madaniyatini takomillashtirish, reklama sohasida nohalol raqobatga va notoʻgʻri reklamaning yuzaga kelishiga yoʻl qoʻymaslik maqsadida reklama bozorini tartibga solish;

isteʼmolchilar huquqlarini himoya qilish va reklama bozorini tartibga solish sohasida fuqarolik jamiyati institutlari va boshqa tashkilotlar bilan hamkorlik qilish;

isteʼmol bozorini, davlat tomonidan narx-navosi tartibga solinadigan tovarlar (ishlar, xizmatlar) narxlarining dinamikasi va shakllanishi mexanizmlarini oʻrganish;

isteʼmolchilar huquqlarini himoya qilish va reklama bozorini tartibga solish masalalari boʻyicha xorijiy tashkilotlar bilan hamkorlik qilish.

11. Agentlik oʻziga yuklatilgan vazifalarga muvofiq quyidagi funksiyalarni amalga oshiradi:

a) isteʼmolchilar huquqlarini himoya qilish va reklama bozorini tartibga solish sohasida yagona davlat siyosatini ishlab chiqish va amaliy ijrosini taʼminlash sohasida:

isteʼmolchilar huquqlarini himoya qilish va reklama bozorini tartibga solish yoʻnalishida yagona davlat siyosatini ishlab chiqadi va amalga oshirilishini taʼminlaydi;

isteʼmolchilar huquqlarini himoya qilish va reklama bozorini tartibga solish sohasida vakolatli davlat organlari va tashkilotlari faoliyatini muvofiqlashtirishni amalga oshiradi;

vazirliklar va idoralar ishtirokida isteʼmolchilar huquqlarini himoya qilish va reklama bozorini tartibga solishni yanada takomillashtirishga qaratilgan normativ-huquqiy hujjatlar loyihalari, strategik dasturlar, “yoʻl xaritalari” va boshqa dasturiy hujjatlarni ishlab chiqadi;

isteʼmolchilar huquqlarini himoya qilish va reklama bozorini tartibga solish boʻyicha normativ-huquqiy hujjatlar va boshqa hujjatlarning davlat organlari va xoʻjalik yurituvchi subyektlar tomonidan bajarilishini oʻz vakolatlari doirasida nazorat qiladi;

qonun hujjatlarining isteʼmolchilarga taʼsirini baholaydi, davlat organlarining isteʼmolchilarning huquq va manfaatlarini buzadigan qarorlar qabul qilishiga va shunday harakatlarni amalga oshirishiga yoʻl qoʻymaslik ishlarini tashkil qiladi;

qonun hujjatlarida belgilangan tartibda xoʻjalik yurituvchi subyektlarga isteʼmolchilar huquqlarini himoya qilish va reklama toʻgʻrisidagi qonun hujjatlariga rioya qilishi borasida davlat koʻmagi koʻrsatilishi masalalarini koʻrib chiqadi;

b) isteʼmolchilarning tovarlar (ishlar, xizmatlar), ularning ishlab chiqaruvchisi, ijrochisi va sotuvchisi toʻgʻrisidagi haqqoniy va toʻliq maʼlumotlarni, shu jumladan axborot-kommunikatsiya texnologiyalarini qoʻllagan holda olish imkoniyatlarini taʼminlash sohasida:

isteʼmolchilarga tovarlar (ishlar, xizmatlar), ularni ishlab chiqaruvchisi, ijrochisi va sotuvchisi toʻgʻrisida oʻz vaqtida zarur, toʻgʻri va tushunarli maʼlumotlarni, shu jumladan axborot-kommunikatsiya texnologiyalarini qoʻllagan holda yetkazilishini taʼminlaydi;

tovarlar (ishlar, xizmatlar), ularni ishlab chiqaruvchisi, ijrochisi va sotuvchisi toʻgʻrisida, tovarlarning inson sogʻligʻiga taʼsiri va boshqalar toʻgʻrisida maʼlumot beruvchi tizimni oʻz ichiga olgan elektron platforma yaratadi va yuritadi;

inson hayoti, salomatligi, mol-mulki, atrof-muhit uchun xavfli va sifatsiz boʻlgan mahsulotlar, shuningdek ularning ishlab chiqaruvchisi (ijrochisi) toʻgʻrisidagi maʼlumotlarni isteʼmolchilarga yetkazib boradi;

v) aholining isteʼmolchilik bilimi va savodxonligini oshirishga qaratilgan dasturlarni ishlab chiqish va amalga oshirish sohasida:

aholining isteʼmol bilimi va savodxonligini oshirishga qaratilgan dasturlarni ishlab chiqadi va amalga oshirilishini taʼminlaydi;

isteʼmolchilarning huquqlari va manfaatlarini davlat tomonidan himoya qilinishini, shuningdek, aholining isteʼmol madaniyatini oshirish boʻyicha maʼrifiy ishlarni amalga oshiradi;

Xalqaro isteʼmolchilar huquqlarini himoya qilish kuniga bagʻishlangan “Sifat kuni” marafoni tadbirini tashkil qiladi;

isteʼmolchilar uchun odatdagi hayotiy vaziyatlarni hal qilish, isteʼmolchilar oʻrtasida nizolarni sudgacha hal etish imkoniyatlari, isteʼmolchilar huquqlarini himoya qilish va reklama toʻgʻrisidagi qonun hujjatlari bazasini, shuningdek, qoʻshimcha huquqiy maʼlumotlardan foydalanish imkoniyati mavjud boʻlgan tizimni (elektron platforma, onlayn forum) oʻz ichiga olgan yagona onlayn platforma hamda bepul maslahatlar portalini yaratadi va yuritadi;

isteʼmolchilar huquqlarini himoya qilish toʻgʻrisidagi qonun hujjatlarini qoʻllash boʻyicha tushuntirishlar beradi;

televideniye va radiokanallarda, davriy nashrlarda isteʼmolchilar huquqlarini himoya qilish sohasidagi davlat va jamoat tashkilotlari faoliyatini, ushbu sohadagi muammo va kamchiliklarni hamda ularni bartaraf etish boʻyicha koʻrilayotgan chora-tadbirlar, isteʼmol madaniyati va isteʼmolchilar huquqlarini himoya qilish anʼanalarini keng targʻib qilish va tizimli ravishda yoritib borilishini taʼminlaydigan maxsus dasturlar (ruknlar) tashkil qiladi;

isteʼmolchilar huquqlari va aholining isteʼmol madaniyatini shakllantirish masalalarini tizimli va tahliliy yoritishga bagʻishlangan teledasturlar chiqishini kengaytiradi;

isteʼmolchilar huquqlarini himoya qilishning huquqiy masalalari boʻyicha kundalik hayotda koʻp uchraydigan savol va javoblar koʻrinishidagi maxsus qoʻllanmalar (broshyuralar) tayyorlaydi va ularni aholi oʻrtasida, birinchi navbatda umumiy taʼlim maktablarida bepul tarqatilishini tashkil qiladi;

oliy va oʻrta maxsus taʼlim muassasalarida isteʼmolchilar huquqlarini himoya qilish toʻgʻrisidagi qonun hujjatlari va isteʼmolchilik huquqi asoslarini oʻrganish boʻyicha maxsus kurslarni tashkil etadi;

g) isteʼmolchilarga ularning huquq va manfaatlarini himoya qilishda yordam koʻrsatish sohasida:

isteʼmolchilar huquqlari va manfaatlarini himoya qilish chora-tadbirlarini amalga oshiradi;

isteʼmolchilar huquqi buzilishi sabablarini tahlil qiladi va ularni bartaraf etish yuzasidan takliflar tayyorlaydi hamda isteʼmolchilar huquqi buzilishi holatlari boʻyicha ogohlantiradi;

isteʼmolchilar qabulini tashkil qiladi, murojaatlarni oʻz vaqtida va toʻliq koʻrib chiqilishini taʼminlaydi, isteʼmolchilar huquqlarini himoya qilish masalalari boʻyicha qarorlar qabul qiladi;

isteʼmolchilarga ularning qonuniy huquq va manfaatlarini himoya qilishda, shu jumladan isteʼmolchilarning nomuayyan doiralarining qonuniy huquq va manfaatlarini sudlarda himoya qilishni koʻzlab daʼvo arizalari kiritish orqali amaliy yordam koʻrsatadi;

isteʼmolchilarning nomuayyan doirasi yuzasidan ularning huquqlari va qonuniy manfaatlarini himoya qilish, shuningdek, isteʼmolchining huquqlarini buzgan shaxslarga nisbatan huquqiy choralar koʻrish toʻgʻrisida sudga murojaat qiladi;

ayrim isteʼmolchilar, ularning guruhi va isteʼmolchilarning nomuayyan doiralari huquqlarini himoya qilish boʻyicha sud amaliyotini tahlil qiladi va tegishli takliflar ishlab chiqadi;

isteʼmolchilar huquqlarini sudgacha himoya qilishning xorijiy tajribasini oʻrganish va umumlashtirish orqali nizolarni sudgacha hal qilish uchun onlayn xizmatlar yaratadi va ularning tizimli ishlashi boʻyicha takliflar kiritadi;

isteʼmolchilar huquqlari buzilishi bilan bogʻliq huquqni qoʻllash amaliyoti, suddan tashqari va sudgacha hal qilingan isteʼmolchilar ishtirokidagi nizolarni hal qilishning qoʻllaniladigan mexanizmlarini tahlil qiladi va tegishli takliflar ishlab chiqadi;

d) isteʼmolchilar huquqlarini himoya qilish toʻgʻrisidagi qonun hujjatlariga rioya etilishi ustidan davlat nazoratini amalga oshirish, shuningdek, tovarlar (ishlar, xizmatlar) xavfsizligi va ularning sifatini nazorat qilish yuzasidan hamkorlik qilish sohasida:

isteʼmolchilar huquqlarini himoya qilish toʻgʻrisidagi va reklama toʻgʻrisidagi qonun hujjatlariga rioya etilishi ustidan davlat nazoratini amalga oshiradi;

isteʼmolchilar huquqlarini himoya qilish toʻgʻrisidagi qonun hujjatlariga rioya etilishi ustidan davlat nazoratini amalga oshirishda va ichki bozorda sotiladigan isteʼmol tovarlarining zarur sifatda boʻlishini va xavfsizligini taʼminlash yuzasidan tovarlar (ishlar, xizmatlar) xavfsiz boʻlishini va ularning sifatini nazorat qiluvchi davlat boshqaruvi organlari bilan hamkorlik qiladi;

inson hayoti, salomatligi, yuridik va jismoniy shaxslar mol-mulki, atrof-muhit uchun xavfli va sifatsiz boʻlgan mahsulotlarni aniqlashda ishtirok etadi;

chakana savdo va xizmat koʻrsatish shoxobchalarida tovarlar va xizmatlarning nazorat xaridini amalga oshiradi, ularni isteʼmolchilar huquqlarini himoya qilish toʻgʻrisidagi qonun hujjatlariga mosligi jihatidan ekspertizadan (testdan) oʻtkazilishini tashkil qiladi;

huquqbuzarliklar profilaktikasini amalga oshiradi, huquqbuzarlikni keltirib chiqaradigan sabablarni va sharoitlarni aniqlaydi va oʻrganadi, ularni bartaraf etish choralarini koʻradi;

isteʼmolchilar huquqlarini himoya qilishning taʼsirchan mexanizmlarini yaratishda davlat boshqaruvi va nazorat qiluvchi, fuqarolarning oʻzini oʻzi boshqarish va jamoat organlari bilan birgalikda zarur chora-tadbirlarni olib boradi;

isteʼmolchilar huquqlarini himoya qilish va reklama toʻgʻrisidagi qonun hujjatlari buzilgan taqdirda, mulkchilik shaklidan qatʼiy nazar, tashkilotlarda tadbirkorlik subyektlari faoliyatida oʻtkaziladigan tekshirishlarni muvofiqlashtirish boʻyicha vakolatli organni xabardor qilgan holda (moliyaviy-xoʻjalik faoliyatiga aralashmasdan) tekshirishlar oʻtkazadi;

oʻz vakolatlari doirasida isteʼmolchilar huquqlarini himoya qilish va reklama toʻgʻrisidagi qonun hujjatlari buzilishi holatlarini bartaraf etish yuzasidan davlat organlariga, mulkchilik shaklidan qatʼi nazar tashkilot, muassasa va korxonalarga, shuningdek, yakka tartibdagi tadbirkorlarga bajarilishi majburiy boʻlgan koʻrsatmalar kiritadi;

retsept bilan beriladigan dori vositalari uchun belgilangan ulgurji va chakana savdo ustamalariga rioya qilinishi ustidan nazorat qiladi;

elektron tijorat va ular bilan bogʻliq hisob-kitoblardagi operatsiyalar xavfsizligini oshirishga qaratilgan tavsiyalar tayyorlaydi;

e) isteʼmolchilar huquqi buzilishi sabablarini tahlil qilish, ularni bartaraf etish yuzasidan takliflar tayyorlash hamda isteʼmolchilar huquqi buzilishi holatlarining oldini olish yoʻnalishida:

isteʼmolchilar huquqlarini himoya qilish toʻgʻrisidagi va reklama toʻgʻrisidagi qonun hujjatlarini buzgan xoʻjalik yurituvchi subyektlar va davlat organlarining reyestrini yuritadi va belgilangan tartibda eʼlon qiladi;

davlat organlarining noqonuniy qarorlaridan, ularning mansabdor shaxslarining isteʼmolchilar huquqlarini himoya qilish va reklama toʻgʻrisidagi qonun hujjatlarini buzgan harakatlaridan (harakatsizligidan) oʻz vakolatlari doirasida himoya qilishni taʼminlaydi;

tadbirkorlik subyektlari bilan isteʼmolchilar huquqlarini himoya qilish va reklama bozorini tartibga solish sohasida huquqbuzarliklar sodir etganlik uchun qonunchilikda belgilangan talablarga rioya etishga ishontirish maqsadida profilaktika suhbatlarini oʻtkazadi;

tadbirkorlik subyektlariga huquqbuzarlikni davom etishiga ular tomondan yoʻl qoʻymaslik toʻgʻrisida tushuntirish orqali rasmiy ogohlantirish beradi, shuningdek, huquqbuzarlikka moyilligi bor tadbirkorlik subyektini, huquqbuzarlikni sodir etganligi uchun javobgarligi toʻgʻrisida ogohlantiradi;

isteʼmolchilar huquqlarini himoya qilish sohasini tartibga solishda ilgʻor xalqaro amaliyotni tahlil qilgan holda isteʼmolchilar huquqlarini himoya qilish milliy tizimining institutsional, tashkiliy va huquqiy asoslarini takomillashtirishga qaratilgan takliflar tayyorlaydi;

isteʼmolchilar huquqlarini himoya qilish darajasining holati qoniqarliligi yuzasidan fuqarolar oʻrtasida ijtimoiy soʻrovnomalar oʻtkazishni tashkil qiladi;

yo) tadbirkorlik va isteʼmolchilik madaniyatini takomillashtirish, reklama sohasida nohalol raqobatga va notoʻgʻri reklamaning yuzaga kelishiga yoʻl qoʻymaslik maqsadida reklama bozorini tartibga solish sohasida:

tadbirkorlik va isteʼmolchilik madaniyatini oshirishni takomillashtirishda ishtirok etadi;

tadbirkorlik subyektlari oʻrtasida oʻtkaziladigan “Tashabbus” koʻrik-tanlovi doirasida “Yilning eng yaxshi mahsuloti” nominatsiyasida nomzodlarni tanlash jarayonida ishtirok etadi;

qonunda belgilangan tartibda reklama toʻgʻrisidagi qonun hujjatlariga rioya qilish yuzasidan nazoratni amalga oshiradi;

reklama sohasida nohalol raqobatga va notoʻgʻri reklamani yuzaga kelishiga yoʻl qoʻymaslik choralarini koʻradi;

reklama sohasida xorijiy davlatlarning davlat organlari va xalqaro tashkilotlar bilan oʻzaro munosabatlarni amalga oshiradi;

davriy nashrlar, kitoblar, hujjatli materiallarning televizion va radio dasturlari, reklama mahsulotlarini tayyorlash, tarqatish va joylashtirish uchun materiallarning bepul nusxalarini oladi;

reklama toʻgʻrisidagi qonun hujjatlari qoʻllanilishi boʻyicha tushuntirishlar beradi;

reklama loyihalarining (video, audio va boshqa materiallar) reklama toʻgʻrisidagi qonun hujjatlariga muvofiqligi toʻgʻrisida xulosalar beradi;

reklama toʻgʻrisidagi qonun hujjatlari buzilganligi aniqlangan taqdirda reklama beruvchidan, reklama ishlab chiqaruvchidan va tarqatuvchidan zarur hujjatlarni, tushuntirishlarni va boshqa maʼlumotlarni soʻrab oladi;

reklama beruvchiga, reklama ishlab chiqaruvchi va tarqatuvchiga isteʼmolchilarning huquqlarini himoya qilish va reklama toʻgʻrisidagi qonun hujjatlarini buzilganligi yuzasidan kamchiliklarni bartaraf etish toʻgʻrisida koʻrsatma yuboradi;

seminar, koʻrgazma, konferensiya, shuningdek, koʻplab tadbirlar, taqdimotlar va reklama tadbirlarini birlashtirgan holda, Oʻzbekistonda marketing va reklama sohasida tadbirlar oʻtkazadi;

tashqi reklama va axborot obyektlarini (konstruksiyalarini) oʻrnatish chizmasi va unga kiritiladigan oʻzgartirishlarni oldindan kelishib beradi;

davlat hokimiyati va boshqaruvi organlari, madaniy, tarixiy va diniy obyektlar joylashgan joylardagi “reklamadan holi zonalar”ni aniqlashda qatnashadi;

reklama joyining pasporti mavjud boʻlmagan yer uchastkalariga, binolarga hamda inshootlarga oʻrnatilgan tashqi reklama va axborot obyektlarini (konstruksiyalarini) demontaj qilish toʻgʻrisida qaror qabul qiladi.

j) isteʼmolchilar huquqlarini himoya qilish va reklama bozorini tartibga solish sohasida fuqarolik jamiyati institutlari va boshqa tashkilotlar bilan hamkorlik qilish sohasida:

isteʼmolchilar huquqlarini himoya qilish va reklama bozorini tartibga solish masalalarida jamoat birlashmalari, ommaviy axborot vositalari, biznes vakillari va ilmiy muassasalar bilan yaqindan aloqa oʻrnatadi;

isteʼmolchilar huquqlarini himoya qilish va reklama bozorini tartibga solish sohasida jamoatchilik nazorati faoliyatining muhimligini qoʻllab-quvvatlash choralarini koʻradi;

isteʼmolchilar huquqlarini himoya qilish va reklama boʻyicha koʻngillilar harakatini tashkil etadi hamda ularning samaradorligini oshiradi va faoliyatini kengaytiradi;

z) isteʼmol bozorini, davlat tomonidan narx-navosi tartibga solinadigan tovarlar (ishlar, xizmatlar) narxlarining dinamikasi va narxi shakllanishi mexanizmlarini oʻrganish boʻyicha:

isteʼmol bozorini, ijtimoiy ahamiyatga ega mahsulotlar narxini oʻzgarishi va ularga narxlarni shakllantirish tartibini tahlil qiladi;

ichki isteʼmol bozorlarida narxlarni barqarorlashtirish yuzasidan asoslantirilgan taklif va tavsiyalar ishlab chiqadi;

tovarlarning (ishlarning, xizmatlarning) tartibga solinadigan narxlari (tariflari) va ustamalariga rioya etilishini tahlil va nazorat qilishda ishtirok etadi;

bozorlarda import tovarlarga boʻlgan talab va taklifni oʻrganishda, import oʻrnini bosish boʻyicha tavsiyalar ishlab chiqishda koʻmaklashadi;

i) isteʼmolchilar huquqlarini himoya qilish va reklama bozorini tartibga solish masalalari boʻyicha xorijiy tashkilotlar bilan hamkorlik qilish sohasida:

isteʼmolchilar huquqlarini himoya qilish va reklama bozorini tartibga solish masalalari boʻyicha xalqaro tashkilotlar, xorijiy davlatlarning vakolatli davlat va nodavlat tashkilotlari bilan aloqa oʻrnatadi hamda har taraflama hamkorlikni tashkil qiladi;;

isteʼmolchilar huquqlarini himoya qilish va reklama bozorini tartibga solish sohasidagi ilgʻor xalqaro tajribani tizimli oʻrganish va joriy etishni amalga oshiradi;

MDHga aʼzo davlatlar oʻrtasida isteʼmolchilar huquqlarini himoya qilish va reklama faoliyatini tartibga solish sohasida hamkorlikning asosiy yoʻnalishlari toʻgʻrisidagi bitimlarni imzolash boʻyicha tadbirlarda ishtirok etadi.

Agentlik qonun hujjatlariga muvofiq boshqa funksiyalarni ham amalga oshiradi.

3-bob. Agentlikning huquqlari va javobgarligi

12. Agentlik oʻziga yuklatilgan vazifalar va funksiyalarni amalga oshirish uchun quyidagi huquqlarga ega:

1) Oʻzbekiston Respublikasi Prezidenti Administratsiyasi yoki Vazirlar Mahkamasiga normativ-huquqiy hujjatlar loyihalarini, shuningdek, Agentlikka yuklatilgan vazifa va funksiyalarni bajarish bilan bogʻliq boʻlgan boshqa hujjatlarni belgilangan tartibda kiritish;

2) vazirliklar va idoralar bilan birgalikda qoʻshma qarorlar hamda boshqa hujjatlar, shu jumladan normativ-huquqiy hujjatlarni qabul qilish;

3) isteʼmolchilar huquqlarini himoya qilish va reklama faoliyatini tartibga solish sohasida davlat boshqaruvi organlari, xoʻjalik birlashmalari va mahalliy ijro etuvchi hokimiyat organlari faoliyatini muvofiqlashtirish;

4) davlat organlari va mansabdor shaxslardan Agentlikka yuklangan vazifalar va funksiyalarni bajarish uchun zarur boʻlgan hujjatlar va axborotlarni, shu jumladan statistik maʼlumotlarni soʻrash va bepul olish;

5) Agentlik vakolatlariga kiruvchi masalalar boʻyicha takliflarni koʻrib chiqish uchun Vazirlar Mahkamasiga, Qoʻmitaga, davlat boshqaruvi organlariga, xoʻjalik birlashmalari va mahalliy ijro etuvchi hokimiyat organlariga kiritish;

6) Agentlik vakolatlariga kiruvchi masalalar boʻyicha xalqaro hamkorlik va oʻzaro aloqalarni amalga oshirish;

7) sudlarga daʼvo arizalari kiritish, oʻzining vakolatiga kiradigan masalalar boʻyicha normativ-huquqiy hujjatlar buzilishi bilan bogʻliq ishlar koʻrib chiqilishi boʻyicha sud jarayonlarida ishtirok etish;

8) isteʼmolchilar nomuayyan doiralarining huquqlari va qonuniy manfaatlarini sudlarda himoya qilishni koʻzlab daʼvo arizalari kiritish;

9) oʻz vakolatlariga kiradigan masalalar doirasida qonun buzilishi bilan bogʻliq jinoyat alomatlari aniqlanganda, materiallarni belgilangan tartibda tegishli organlarga yuborish;

10) Agentlikning belgilangan tartibda nazorat funksiyalarini amalga oshirishi, shuningdek, oʻrganish oʻtkazishi davomida huquqni buzish belgilari mavjudligini koʻrsatuvchi yetarlicha maʼlumotlar bevosita aniqlanganda, davlat organlari va boshqa tashkilotlardan tushgan axborot, jismoniy va yuridik shaxslarning arizalari, ommaviy axborot vositalaridagi huquq buzilishi belgilari mavjudligini koʻrsatuvchi maʼlumotlar mavjud boʻlgan xabarlar boʻyicha ish qoʻzgʻatish va (yoki) koʻrib chiqish;

10 1 ) inson salomatligi, yuridik va jismoniy shaxslarning mol-mulki uchun xavfliligi va sifatsizligi aniqlangan tovarlarni ishlab chiqarish, respublika hududiga import qilish, realizatsiya qilishni toʻxtatish, muomaladan chiqarish va isteʼmolchilardan majburiy ravishda qaytarib olish toʻgʻrisida ishlab chiqaruvchi va sotuvchilarga koʻrsatmalar kiritish.

11) oʻz vakolatlari doirasida mansabdor shaxslar va fuqarolarni maʼmuriy javobgarlikka tortish haqidagi materiallarni maʼmuriy sudlarga yuborish;

12) isteʼmolchilar huquqlarini himoya qilish va reklama toʻgʻrisidagi qonun hujjatlari buzilganligi toʻgʻrisidagi ishlar boʻyicha, shu jumladan, xoʻjalik yurituvchi subyektlardan isteʼmolchilar huquqlarini himoya qilish toʻgʻrisidagi va reklama toʻgʻrisidagi qonun hujjatlari, retsept bilan beriladigan dori vositalari hamda boshqa mahsulotlar (ish, xizmatlarga) narxlarini shakllantirish tartiblari buzilganligi natijasida asossiz olingan daromadni (foydani) undirish va (yoki) isteʼmolchilarga qaytarish toʻgʻrisidagi qarorlarni qabul qilish;

13) isteʼmolchilar huquqlarini himoya qilish va reklama toʻgʻrisidagi qonun hujjatlarini buzganlik, axborot bermaganlik yoki bila turib notoʻgʻri axborot berganlik, Agentlik koʻrsatmalarini bajarmaganlik uchun xoʻjalik yurituvchi subyektlarga va ularning mansabdor shaxslariga nisbatan qonunchilikda belgilangan tartibda jarimalar (moliyaviy sanksiyalar) qoʻllash toʻgʻrisida sudlarga daʼvo arizalari kiritish;

14) xoʻjalik yurituvchi subyektning arizasi boʻyicha, agar mablagʻlarni olib qoʻyish va jarima qoʻllash toʻgʻrisidagi qarorni qonun hujjatlarida belgilangan muddatlarda ijro etish xoʻjalik yurituvchi subyektning toʻlovga qobiliyatsizligiga olib kelishi mumkin boʻlsa, isteʼmolchilar huquqlarini himoya qilish va reklama toʻgʻrisidagi qonun hujjatlari, tartibga solinadigan narxlarni (tariflarni) shakllantirish va qoʻllash tartiblari buzilganligi uchun undirilishi kerak boʻlgan summani boʻlib-boʻlib toʻlash imkoniyatini berish;

15) belgilangan tartibda Qoʻmita huzuridagi budjetdan tashqari Raqobatni rivojlantirishga koʻmaklashish jamgʻarmasining mablagʻlarini shakllantirish va ulardan foydalanish;

16) qonun hujjatlarida belgilangan tartibda noshirlik faoliyatini amalga oshirish;

17) kovorking markazlari va “Isteʼmolchi qabulxonasi” faoliyatini yoʻlga qoʻyish;

18) sinov laboratoriyalari tashkil etish hamda ularni zamonaviy uskunalari bilan jihozlash uchun xalqaro moliya institutlarining grant mablagʻlarini jalb etish;

19) isteʼmolchilar huquqlarini himoya qilish va reklama bozorini tartibga solish masalalari boʻyicha xalqaro tashkilotlar, xorijiy davlatlarning vakolatli davlat va nodavlat tashkilotlari bilan aloqa oʻrnatish;

20) malakali mahalliy va xorijiy mutaxassislarni xodim va maslahatchi sifatida jalb qilish, ularga, istisno tariqasida, Qoʻmitaning budjetdan tashqari mablagʻlari hisobidan ish haqi va boshqa toʻlovlar miqdorlarini belgilash yuzasidan Qoʻmitaga taklif kiritish;

21) chakana savdo va xizmat koʻrsatish shoxobchalarida tovarlar va xizmatlarning nazorat xaridini oʻtkazish, ularni isteʼmolchilar huquqlarini himoya qilish toʻgʻrisidagi qonun hujjatlariga mosligi yuzasidan ekspertizadan (testdan) oʻtkazilishini tashkil qilish;

22) isteʼmolchilar huquqlarini himoya qilish va reklama toʻgʻrisidagi qonun hujjatlari buzilgan taqdirda mulkchilik shakllaridan qatʼi nazar tashkilotlarda oʻz vakolatiga kiradigan masalalar boʻyicha tadbirkorlik subyektlari faoliyatida oʻtkaziladigan tekshirishlarni muvofiqlashtirish boʻyicha vakolatli organni xabardor qilgan holda (moliyaviy-xoʻjalik faoliyatiga aralashmasdan) tekshirishlar oʻtkazish;

23) oʻz vakolatlari doirasida isteʼmolchilar huquqlarini himoya qilish va reklama toʻgʻrisidagi qonun hujjatlari buzilishi holatlarini bartaraf etish yuzasidan davlat organlariga, mulkchilik shaklidan qatʼiy nazar tashkilot, muassasa va korxonalarga, shuningdek, yakka tartibdagi tadbirkorlarga bajarilishi majburiy boʻlgan koʻrsatmalar kiritish;

24) isteʼmolchilar huquqlarini himoya qilish va reklama toʻgʻrisidagi qonun hujjatlari buzilishi alomatlari aniqlanganda materiallarni tegishli faoliyatni amalga oshirish uchun berilgan litsenziyaning (ruxsat beruvchi hujjatlarning) amal qilishini toʻxtatib turish, tugatish (bekor qilish) toʻgʻrisidagi masalani hal etish uchun vakolatli organlar va tashkilotlarga yuborish;

25) davriy bosma nashrlar, kitob mahsulotlari nazorat nusxalari, tele- va radiodasturlar efirlarida joylashtirilgan hujjatli materiallar, reklamani tayyorlash, joylashtirish va tarqatishga oid materiallarni bepul olish.

Agentlik qonun hujjatlariga muvofiq boshqa huquqlarga ham ega boʻlishi mumkin.

13. Agentlikka isteʼmolchilar huquqlarini himoya qilish va reklama toʻgʻrisidagi qonun hujjatlarini buzganlik uchun ishlarni koʻrib chiqish boʻyicha vakolatlar qonun hujjatlarida belgilangan tartibda Agentlik markaziy apparati va Qoʻmitaning hududiy boshqarmalarida tuziladigan maxsus komissiyalarning qarorlari asosida amalga oshiriladi.

14. Agentlik:

isteʼmolchilar huquqlarini himoya qilish va reklama bozorini tartibga solish sohasida davlat siyosatining samarali amalga oshirilishi;

Agentlikka yuklangan vazifalar va funksiyalarning oʻz vaqtida hamda samarali bajarilishi;

Agentlik tarkibiy boʻlinmalarining Agentlik faoliyati bilan bogʻliq reja koʻrsatkichlarga erishishni taʼminlash boʻyicha ishlarining tashkil etilishi;

Agentlik tomonidan Qoʻmitaga koʻrib chiqish uchun kiritiladigan normativ-huquqiy hujjatlar loyihalari, shuningdek, Agentlik qabul qiladigan buyruqlarning sifatli tayyorlanishi va ekspertizadan oʻtkazilishi;

isteʼmolchilar huquqlarini himoya qilish va reklama bozorini tartibga solish sohasini rivojlantirish boʻyicha dasturlar, ishlar rejasi, tadbirlar, “yoʻl xarita”lari va boshqa dasturiy hujjatlarning amalga oshirilishi boʻyicha javobgar hisoblanadi.

4-bob. Agentlik rahbariyatining asosiy funksional vazifalari

15. Quyidagilar Agentlik direktorining asosiy funksional vazifalari hisoblanadi:

1) isteʼmolchilar huquqlarini himoya qilish va reklama bozorini tartibga solish sohasida Oʻzbekiston Respublikasi Konstitutsiyasi va qonunlari, boshqa normativ-huquqiy hujjatlar talablariga rioya qilish;

2) Agentlik faoliyatiga umumiy rahbarlik qilish, Oʻzbekiston Respublikasi Prezidenti hujjatlari, Vazirlar Mahkamasining qarorlari va boshqa qonun hujjatlari bilan Agentlikka yuklatilgan vazifalar va funksiyalarning bajarilishini tashkil etish;

3) Oʻzbekiston Respublikasi Prezidenti, Vazirlar Mahkamasining qarorlari bilan tasdiqlangan Agentlik faoliyatini yanada takomillashtirish boʻyicha konsepsiyalar, kompleks dasturlar va tadbirlarning bajarilishi holatini tanqidiy va chuqur tahlil qilish;

4) Agentlik, shuningdek, Qoʻmitaning hududiy boshqarmalari faoliyati bilan bogʻliq reja koʻrsatkichlariga soʻzsiz erishishni taʼminlash boʻyicha amaliy chora-tadbirlar ishlab chiqilishini tashkil etish va amalga oshirish;

5) Oʻzbekiston Respublikasi Prezidenti Administratsiyasi tarkibiy boʻlinmalari va Vazirlar Mahkamasi kotibiyatlari, shuningdek, tegishli vazirliklar va idoralar bilan Agentlik faoliyati sohasiga kiradigan masalalar boʻyicha oʻzaro hamkorlik qilish, Vazirlar Mahkamasi va uning Rayosati majlislarida masalalarni koʻrib chiqishda ishtirok etish;

6) Oʻzbekiston Respublikasi Prezidenti, Oʻzbekiston Respublikasi Bosh vaziri va uning oʻrinbosarlari, Qoʻmita raisining topshiriqlarini bajarish;

7) oʻz oʻrinbosari va Agentlikning boshqa mansabdor shaxslarining vakolatlarini hamda shaxsiy masʼuliyati darajalarini belgilash, ular oʻrtasida vazifalarni taqsimlash;

8) Agentlik faoliyatini rejalashtirishni tashkil etish, Agentlik va oʻz oʻrinbosarining ish rejalarini tasdiqlash, ularning bajarilishi yuzasidan nazoratni taʼminlash;

9) Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi maqsadida Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son, shuningdek, “ Davlat organlari va tashkilotlarida ijro intizomini yanada mustahkamlash chora-tadbirlari toʻgʻrisida ” 2018-yil 5-oktabrdagi PQ-3962-son qarorlari hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq Oʻzbekiston Respublikasi Prezidenti va Oʻzbekiston Respublikasi Bosh vazirining hujjatlari va topshiriqlari ijrosini tashkil etish, monitoring olib borishning amaliy tizimini yaratish, Agentlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish hamda Qoʻmita hududiy boshqarmalarining shaxsiy masʼuliyatini oshirish chora-tadbirlarini koʻrish;

10) “ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida ”gi Oʻzbekiston Respublikasi qonunlari, Oʻzbekiston Respublikasi Prezidenti Administratsiyasining va Vazirlar Mahkamasining reglamentlari talablariga muvofiq isteʼmolchilar huquqlarini himoya qilish va reklama bozorini tartibga solish sohasidagi normativ-huquqiy hujjatlar loyihalari sifatli ishlab chiqilishini tashkil etish, ularning Qoʻmita va Vazirlar Mahkamasi apparatida puxta ishlab chiqilishida, Vazirlar Mahkamasi Rahbariyati huzurida himoya qilinishi va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

11) Agentlik tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Agentlikning kadrlar zaxirasini shakllantirish;

12) “ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida ”gi Oʻzbekiston Respublikasi qonunlariga va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining Namunaviy reglamentiga muvofiq Agentlikning qonun loyihalarini tayyorlash faoliyatini tashkil etish;

13) isteʼmolchilar huquqlarini himoya qilish va reklama bozorini tartibga solish sohasida Agentlikka taqdim etilgan takliflar va normativ-huquqiy hujjatlar loyihalarining koʻrib chiqilishini taʼminlash, ularni puxta iqtisodiy, moliyaviy, huquqiy va boshqa ekspertizadan oʻtkazish, shuningdek, Oʻzbekiston Respublikasi Prezidenti Administratsiyasining va Vazirlar Mahkamasining reglamentlarida belgilangan muddatlarda ularni kelishilishi (viza qoʻyilishi) uchun Qoʻmitaga oʻz vaqtida kiritish;

14) Agentlik rahbarlari va xodimlarining xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

15) oʻz oʻrinbosari, isteʼmolchilar huquqlarini himoya qilish va reklama bozorini tartibga solish masalalari boʻyicha Qoʻmitaning hududiy boshqarmalari rahbarlari faoliyati samaradorligi va natijadorligini muntazam ravishda tanqidiy tahlil qilish, Qoʻmita Hayʼati majlislarida ularning shaxsiy hisobotlarini eshitish, yakunlari boʻyicha zarur choralar koʻrish;

16) Agentlik xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarini ragʻbatlantirish va intizomiy javobgarlikka tortishga doir masalalarni koʻrib chiqish toʻgʻrisida takliflar kiritish;

17) Agentlik xodimlari tomonidan Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Qoʻmita va Agentlik xodimlarining odob-axloq qoidalari talablariga rioya etilishini taʼminlash;

18) Agentlik xodimlarini tizimli ravishda qayta tayyorlashni va ularning malakasini oshirishni tashkil etish;

19) “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

20) Agentlik va Qoʻmita hududiy boshqarmalari ishini tashkil etishning zamonaviy shakllari joriy etilishini taʼminlash;

21) aholi va tadbirkorlik subyektlari bilan hamkorlik qilishda zamonaviy axborot-kommunikatsiya texnologiyalaridan foydalanish;

22) jismoniy va yuridik shaxslarning murojaatlarini koʻrib chiqishga doir ishlarni samarali tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

23) Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Agentlik xodimlari va rahbarlarining faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan tushgan murojaatlari oʻz vaqtida va toʻliq koʻrib chiqilishini taʼminlash;

24) davlat organlarida, sudlarda va boshqa tashkilotlarda, shuningdek, xalqaro tashkilotlar va xorijiy mamlakatlar vakillari ishtirokida oʻtkaziladigan rasmiy tadbirlarda Agentlik nomidan ishtirok etish;

25) Qoʻmita hayʼati majlislarida ishtirok etish;

26) zaruriyat boʻlganda Agentlik tashkiliy tuzilmaciga oʻzgartirishlar kiritish, shuningdek, hududiy boshqarmalarning tashkiliy tuzilmalariga oʻzgartirishlar kiritish yuzasidan Qoʻmitaga taklif berish;

27) Agentlik markaziy apparatining shtatlar jadvalini, xarajatlar smetasini va tarkibiy boʻlinmalari toʻgʻrisidagi nizomlarni belgilangan tartibda tasdiqlash;

28) Agentlik markaziy apparati xodimlari bilan qonun hujjatlarida belgilangan tartibda mehnat shartnomalarini tuzish va bekor qilish;

29) Qoʻmita hududiy boshqarmalarining Isteʼmolchilar huquqlarini himoya qilish va reklama faoliyatini tartibga solish boshqarmasi boshliqlarini lavozimga tayinlash va lavozimdan ozod qilish yuzasidan Qoʻmita raisiga taqdimnoma kiritish;

30) Qoʻmita hududiy boshqarmalarining Isteʼmolchilar huquqlarini himoya qilish va reklama faoliyatini tartibga solish boshqarmasiga xodimlar nomzodlarini koʻrib chiqish va belgilangan tartibda kelishish;

31) isteʼmolchilar huquqlarini himoya qilish va reklama bozorini tartibga solish masalalari boʻyicha Agentlik, Qoʻmita hududiy boshqarmalari mansabdor shaxslari uchun bajarilishi majburiy boʻlgan buyruqlar chiqarish va koʻrsatmalar berish, shuningdek, ularning bajarilishini belgilangan tartibda nazorat qilish;

32) isteʼmolchilar huquqlarini himoya qilish va reklama bozorini tartibga solish sohasidagi xodimlarni va mutaxassislarni ularning koʻp yillik va samarali faoliyati, alohida xizmatlari uchun Oʻzbekiston Respublikasi davlat mukofotlari bilan taqdirlash uchun belgilangan tartibda takliflar tayyorlash va mukofotlashga tavsiyalar berish;

33) budjet mablagʻlari, budjetdan tashqari va qonun hujjatlarida taqiqlanmagan boshqa mablagʻlar hisobidan xodimlarni moddiy ragʻbatlantirish va Agentlik tizimining moddiy-texnika bazasini mustahkamlash hamda rivojlantirish chora-tadbirlarini koʻrish;

34) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

16. Quyidagilar Agentlik direktori oʻrinbosarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari, shuningdek, normativ-huquqiy hujjatlar talablariga rioya qilish;

2) Agentlik direktori vaqtincha boʻlmaganda uning vazifalarini bajarish;

3) Agentlikning oʻzi mutasaddilik qiladigan tarkibiy boʻlinmalari faoliyatini muvofiqlashtirish, nazorat qilish va bevosita boshqarish, ular xodimlari oʻrtasida vazifalarni taqsimlash;

4) Agentlik faoliyatining oʻzi mutasaddilik qiladigan yoʻnalishlar boʻyicha Oʻzbekiston Respublikasi Prezidentining hujjatlari, Vazirlar Mahkamasining qarorlari bilan tasdiqlangan Agentlikning faoliyatini yanada takomillashtirish boʻyicha konsepsiyalar, kompleks dasturlar va tadbirlarning bajarilishini tanqidiy va chuqur tahlil qilish;

5) oʻzi mutasaddilik qiladigan tarkibiy boʻlinmalar tomonidan reja koʻrsatkichlarining soʻzsiz bajarilishini taʼminlash choralarini koʻrish, boʻlinmalar rahbarlarining hisobotlarini muntazam ravishda eshitish va ushbu koʻrsatkichlarga erishish uchun ularning shaxsiy masʼuliyatini oshirish;

6) oʻzi mutasaddilik qiladigan tarkibiy boʻlinmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

7) oʻzi mutasaddilik qiladigan tarkibiy boʻlinmalar faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, tarkibiy boʻlinmalar rahbarlarining shaxsiy masʼuliyatini oshirish chora-tadbirlarini koʻrish;

8) Qoʻmita hayʼati qarorlari, Qoʻmita raisining Agentlik faoliyatiga taalluqli buyruqlari, Agentlik direktori buyruqlari va topshiriqlarini oʻz vaqtida va sifatli bajarilishini taʼminlash;

9) oʻzi mutasaddilik qiladigan tarkibiy boʻlinmalarda xodimlarni tanlash va joy-joyiga qoʻyish boʻyicha Agentlik direktoriga takliflar kiritish;

10) oʻzi mutasaddilik qiladigan tarkibiy boʻlinmalar rahbarlari faoliyati samaradorligi va natijadorligini muntazam ravishda tanqidiy tahlil qilish;

11) oʻzi mutasaddilik qiladigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha Agentlik direktoriga takliflar kiritish;

12) huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

13) “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy va yuridik shaxslarning murojaatlarini koʻrib chiqish boʻyicha samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

14) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslar vakillarining Oʻzbekiston Respublikasi Prezidentining Virtual qabulxonasidan tushgan murojaatlari oʻz vaqtida va toʻlaqonli koʻrib chiqilishini taʼminlash;

15) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

5-bob. Agentlik rahbarlarining javobgarligi

17. Agentlik direktori:

Agentlikka yuklatilgan vazifalar va funksiyalarning bajarilishi;

Agentlikning javobgarlik sohalari boʻyicha;

oʻzining funksional majburiyatlarini sifatli bajarish uchun shaxsan javob beradi.

18. Agentlik direktorining oʻrinbosari:

Agentlikka yuklatilgan vazifalar va funksiyalarning oʻzi mutasaddilik qiladigan tarkibiy boʻlinmalarda bajarilishi;

Agentlikning javobgarlik sohalari boʻyicha oʻzi nazorat qiladigan masalalar yuzasidan;

oʻzining funksional majburiyatlarini sifatli bajarish uchun shaxsan javob beradi.

6-bob. Agentlik faoliyatini tashkil etish

1-§. Agentlikning tuzilmasi

19. Isteʼmolchilar huquqlarini himoya qilish Agentligi tizimiga Agentlik markaziy apparati kiradi.

Agentlikning Qoraqalpogʻiston Respublikasi, viloyatlar va Toshkent shahridagi hududiy tuzilmalari sifatida Qoʻmita hududiy boshqarmalarining tashkiliy tuzilmasidagi isteʼmolchilar huquqlarini himoya qilish va reklama faoliyatini tartibga solish boshqarmalari faoliyat yuritadi.

2-§. Agentlik rahbariyati

20. Agentlikka Qoʻmita raisining taqdimnomasi boʻyicha Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimidan ozod etiladigan direktor rahbarlik qiladi.

21. Direktor Qoʻmita raisi tomonidan lavozimga tayinlanadigan va lavozimidan ozod qilinadigan bir nafar oʻrinbosarga ega boʻladi.

22. Direktor boʻlmagan vaqtda uning vakolatlari direktorning oʻrinbosari tomonidan amalga oshiriladi.

23. Direktor lavozimi boʻyicha Qoʻmita hayʼati tarkibiga kiritiladi.

24. Agentlik markaziy apparatining boshqaruv xodimlari hamda texnik va xizmat koʻrsatuvchi xodimlari Agentlik direktori tomonidan lavozimga tayinlanadi va lavozimidan ozod qilinadi.

25. Qoʻmitaning hududiy boshqarmalari boshligʻining oʻrinbosari — Isteʼmolchilar huquqlarini himoya qilish va reklama faoliyatini tartibga solish boshqarmasi boshliqlari Agentlik direktorining taqdimnomasi boʻyicha Qoʻmita raisi tomonidan lavozimga tayinlanadi va lavozimdan ozod qilinadi.

26. Qoʻmita hududiy boshqarmalarining Isteʼmolchilar huquqlarini himoya qilish va reklama faoliyatini tartibga solish boshqarmasi xodimlari Agentlik direktori bilan kelishilgan holda tegishli hududiy boshqarmaning boshligʻi tomonidan lavozimga tayinlanadi va lavozimidan ozod qilinadi.

3-§. Agentlikning Qoʻmita markaziy apparati, uning hududiy boshqarmalari va idoraviy mansub tashkilotlari bilan oʻzaro hamkorligi

27. Agentlikning Qoʻmita markaziy apparati tarkibiy boʻlinmalari va uning hududiy boshqarmalari bilan oʻzaro hamkorligi direktor va uning oʻrinbosari tomonidan taʼminlanadi.

28. Agentlik markaziy apparatining tarkibiy boʻlinmalari Qoʻmita va uning hududiy boshqarmalari bilan oʻzaro hamkorlikda:

topshiriqlarni Qoʻmitaning hududiy boshqarmalariga yetkazadi hamda ularning bajarilishini nazorat qiladi;

Qoʻmitaning hududiy boshqarmalariga tarkibiy boʻlinmalarning bevosita faoliyati masalalari boʻyicha soʻrovlar yuboradi hamda ularning ijro etilishini nazorat qiladi;

Agentlikka yuklatilgan vazifalar doirasida Qoʻmitaning hududiy boshqarmalari faoliyati amaliyotini tekshiradi va oʻrganadi, natijalarini umumlashtiradi, uni takomillashtirishga qaratilgan chora-tadbirlarni ishlab chiqadi;

Qoʻmitaning hududiy boshqarmalari faoliyatini tashkil etish va faoliyati natijalari toʻgʻrisida hisobot va axborot materiallari, statistik maʼlumotlar va boshqa maʼlumotlar oʻrganilishini tashkil qiladi;

Qoʻmitaning hududiy boshqarmalari ish rejalarini tahlil qiladi, ularning faoliyatini rejalashtirishni takomillashtirishga doir chora-tadbirlarni koʻradi;

Qoʻmita va uning hududiy boshqarmalaridan kelib tushgan takliflarni, shu jumladan isteʼmolchilar huquqlarini himoya qilish va reklama sohasini tartibga solish yuzasidan qonun hujjatlarini takomillashtirish boʻyicha takliflarni koʻrib chiqadi, normativ-huquqiy hujjatlar loyihalarini tayyorlashda ularning ishtirokini tashkil etadi.

29. Qoʻmitaning hududiy boshqarmalari Agentlik markaziy apparatining tarkibiy boʻlinmalari bilan hamkorlik qiladi, shu jumladan:

Agentlik rahbariyati topshiriqlari ijrosi haqida axborot beradi;

faoliyatning belgilangan sohasida qonun hujjatlarini amalga oshirish boʻyicha faoliyat natijalari toʻgʻrisida Agentlik markaziy apparatiga axborot taqdim etadi;

ularning faoliyatini tekshirish va oʻrganish natijasida aniqlangan ishdagi kamchiliklarni va qoidabuzarliklarni bartaraf etish natijalari toʻgʻrisida axborot beradi;

oʻz faoliyati natijalari toʻgʻrisidagi hisobotlarni belgilangan tartibda va muddatlarda taqdim etadi.

30. Agentlik markaziy apparati tarkibiy boʻlinmalari hamda Qoʻmita va uning hududiy boshqarmalarining oʻzaro hamkorligi jarayonida yuzaga keladigan kelishmovchiliklar Qoʻmita raisi tomonidan koʻrib chiqiladi.

4-§. Agentlikning boshqa davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari va boshqa tashkilotlar bilan oʻzaro hamkorligi

31. Agentlik oʻz vazifalari va funksiyalarini amalga oshirishda boshqa davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari va boshqa tashkilotlar bilan hamkorlik qiladi.

32. Qoʻmitaning hududiy boshqarmalari oʻz vakolatlari doirasida boshqa davlat boshqaruvi organlarining hududiy organlari, xoʻjalik birlashmalari, mahalliy ijro etuvchi hokimiyat organlari va boshqa tashkilotlar bilan hamkorlik qiladi.

5-§. Agentlikning maslahat va ekspert organlari

33. Isteʼmolchilar huquqlarini himoya qilish va reklama sohasini tartibga solishning eng muhim masalalari boʻyicha muammolarni ilmiy tahlil qilish, tavsiyalarni koʻrib chiqish va ishlab chiqish uchun Agentlikda yuqori malakali xodimlar, shuningdek, davlat organlari va tashkilotlarining vakillari, sohadagi yetakchi olim va mutaxassislardan iborat ekspert kengashi tashkil etiladi.

Ekspert kengashi nizomi va uning shaxsiy tarkibi Direktorning taqdimnomasiga binoan Qoʻmita raisi tomonidan tasdiqlanadi.

34. Agentlikda boshqa kengash, maslahat va ekspert organlari tuzilishi mumkin.

Agentlik huzurida tuziladigan kengash, maslahat va ekspert organlari tarkibi va ular toʻgʻrisidagi nizomlar Direktor tomonidan tasdiqlanadi, ularning tarkibi va nizomlari Oʻzbekiston Respublikasi Prezidenti hujjatlari va Oʻzbekiston Respublikasi Vazirlar Mahkamasi qarorlari bilan tasdiqlanadigan hollar bundan mustasno.

7-bob. Agentlik faoliyati samaradorligini baholash mezonlari

35. Agentlik faoliyatining samaradorligi va natijadorligi muntazam baholanib boriladi.

36. Agentlik faoliyati samaradorligi va natijadorligini baholash tartibi va uslubi Qoʻmita raisi tomonidan tasdiqlanadigan Agentlik faoliyati samaradorligi va natijadorligini baholash mezonlari va ish indikatorlariga asoslanadi.

37. Agentlik faoliyatining samaradorligi va natijadorligini baholash yakunlari boʻyicha:

Agentlik rahbarlari va xodimlariga nisbatan ragʻbatlantirish (mukofotlash) yoki intizomiy javobgarlik choralari;

Agentlik faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari koʻriladi.

38. Qoʻmita hududiy boshqarmalarining Isteʼmolchilar huquqlarini himoya qilish va reklama faoliyatini tartibga solish boshqarmasi xodimlari faoliyatining samaradorligi va natijadorligini baholash yakunlariga koʻra ularni ragʻbatlantirish (mukofotlash) yoki intizomiy jazoga tortish yuzasidan Agentlik tomonidan Qoʻmitaga taklif kiritiladi.

8-bob. Agentlik faoliyatini moliyalashtirish va uning xodimlarini moddiy ragʻbatlantirish

39. Agentlik faoliyatini moliyalashtirish, xodimlarining mehnatiga haq toʻlash va ularni moddiy ragʻbatlantirish:

Oʻzbekiston Respublikasi Davlat budjeti;

Monopoliyaga qarshi kurashish qoʻmitasi huzuridagi budjetdan tashqari Raqobatni rivojlantirishga koʻmaklashish jamgʻarmasi;

qonun hujjatlarida taqiqlanmagan boshqa manbalar mablagʻlari hisobiga amalga oshiriladi.

40. Agentlik xodimlarining ish haqi lavozim maoshi, mukofotlar, qoʻshimcha toʻlovlar, ustamalar va qonun hujjatlarida nazarda tutilgan ragʻbatlantiruvchi toʻlovlardan iborat boʻladi.

41. Agentlik xodimlariga Oʻzbekiston Respublikasi Davlat budjeti mablagʻlari hisobidan uzoq muddatli xizmati uchun quyidagi miqdorda har oyda ustama toʻlanadi (ragʻbatlantirish koeffitsiyentini hisobga olgan holda, lavozim maoshiga nisbatan foiz hisobida):

Ish staji boʻyicha guruhlanishi Ish staji uchun ustama miqdori 2 yildan 5 yilgacha 10 foiz 5 yildan 10 yilgacha 20 foiz 10 yildan 15 yilgacha 30 foiz 15 yildan 20 yilgacha 40 foiz 20 yildan 25 yilgacha 50 foiz 25 yildan yuqori 60 foiz

Uzoq muddat xizmati uchun toʻlanadigan ustama olish huquqini beruvchi ish staji Agentlik tomonidan tasdiqlanadigan tartibga muvofiq hisoblab chiqiladi.

42. Agentlik xodimlari uchun avvalgi ish joyida berilgan harbiy va maxsus unvonlar uchun qoʻshimcha toʻlov va ustamalar saqlab qolinadi hamda Monopoliyaga qarshi kurashish qoʻmitasi huzuridagi budjetdan tashqari Raqobatni rivojlantirishga koʻmaklashish jamgʻarmasi mablagʻlari hisobiga amalga oshiriladi.

9-bob. Agentlikning hisobot berishi

43. Agentlik Qoʻmitaga hamda Qoʻmita bilan kelishgan holda har yili Oʻzbekiston Respublikasi Bosh vaziriga Agentlikning faoliyati natijalari toʻgʻrisida hisobot beradi.

44. Qoʻmita raisi Agentlik rahbarlarining ularga yuklangan vazifalarni samarali bajarishi boʻyicha faoliyatining doimiy monitoringini olib boradi, Agentlik faoliyati samaradorligiga xolisona baho beradi.

Monitoring va baholash yakunlari boʻyicha Agentlikning alohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklar uchun egallab turgan lavozimidan ozod qilishgacha javobgarlikka tortiladi.

10-bob. Yakunlovchi qoida

45. Agentlikni qayta tashkil etish va tugatish qonun hujjatlarida belgilangan tartibda amalga oshiriladi.

Vazirlar Mahkamasining 2019-yil 19-dekabrdagi 1015-son qaroriga 2-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Isteʼmolchilar huquqlarini himoya qilishda jamoatchilik ishtirokini kengaytirish chora-tadbirlari toʻgʻrisida” 2002-yil 28-noyabrdagi 414-son qarorida (Oʻzbekiston Respublikasi QT, 2002-y., 11-son, 73-modda):

a) 4-bandning ikkinchi xatboshisidan “isteʼmolchilar huquqlarini himoya qilish toʻgʻrisidagi qonun hujjatlarini buzganlik uchun Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi tomonidan solinadigan hamda Oʻzbekiston Respublikasining respublika budjetiga oʻtkaziladigan jarimalarning 50 foizi, shuningdek” soʻzlari chiqarib tashlansin;

b) 5-band quyidagi tahrirda bayon qilinsin:

“5. Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi va Monopoliyaga qarshi kurashish qoʻmitasining hududiy boshqarmalariga xoʻjalik yurituvchi subyektlar tomonidan isteʼmolchilarga tovarlarni (ishlarni, xizmatlarni) yaroqlilik muddati, saqlash va xizmat koʻrsatish muddatini buzgan holda realizatsiya qilganlik uchun jarima solishiga ruxsat berilsin”;

v) 6-bandning birinchi xatboshidagi “Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Sogʻliqni saqlash vazirligi” soʻzlari “Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi, Sogʻliqni saqlash vazirligi, Sogʻliqni saqlash vazirligi huzuridagi Sanitariya-epidemiologik osoyishtalik agentligi, Vazirlar Mahkamasi huzuridagi Sanitariya-epidemiologiya nazorati davlat inspeksiyasi” soʻzlari bilan almashtirilsin;

g) 5-ilovada :

1-banddagi “hamda Oʻzbekiston Respublikasi Vazirlar Mahkamasining “Isteʼmolchilarning huquqlarini himoya qilish va reklama toʻgʻrisidagi qonun hujjatlari buzilganligi uchun monopoliyaga qarshi faoliyatni amalga oshiruvchi davlat organi tomonidan solinadigan jarimalarni xoʻjalik yurituvchi subyektlarga qoʻllash tartibini tasdiqlash haqida” 1998-yil 26-avgustdagi 370-son qaroriga” soʻzlari chiqarib tashlansin;

6-band quyidagi tahrirda bayon qilinsin:

“6. Jamgʻarma xalqaro tashkilotlarning, Oʻzbekiston Respublikasining ham rezidentlari, ham norezidentlari boʻlgan yuridik va jismoniy shaxslarning homiylik hayriyalari, qonun hujjatlarida taqiqlanmagan boshqa manbalar hisobiga shakllantiriladi”.

2. Vazirlar Mahkamasining “Tashqi reklamani joylashtirish sohasidagi faoliyatni yanada takomillashtirish chora-tadbirlari toʻgʻrisida” 2018-yil 30-avgustdagi 702-son qarorining 1-bandida :

ikkinchi xatboshidagi “Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hududiy boʻlinmalari” soʻzlari “Monopoliyaga qarshi kurashish qoʻmitasining hududiy boshqarmalari” soʻzlari bilan almashtirilsin;

beshinchi xatboshi quyidagi tahrirda bayon qilinsin:

“tashqi reklama obyektlarini (konstruksiyalarini) yer uchastkalarida va davlat mulki boʻlgan bino va inshootlarda joylashtirish huquqini elektron auksion natijalari asosida sotishdan tushgan mablagʻlarning 60 foizi tumanlar (shaharlar) budjetiga yoʻnaltiriladi”;

oltinchi xatboshidagi “undirish tartibi” soʻzlari “ular miqdorini aniqlash tartibi” soʻzlari bilan almashtirilsin;

yettinchi xatboshidagi “yigʻimlarning 90 foizi” soʻzlari “oylik yigʻimlarning 45 foizi” soʻzlari bilan almashtirilsin;

quyidagi tahrirdagi sakkizinchi xatboshi bilan toʻldirilsin:

“E-IJRO AUKSION” savdo maydonchasida yer uchastkalari va davlat mulki boʻlgan obyektlarda tashqi reklama obyektlarini (konstruksiyalarini) joylashtirish huquqini realizatsiya qilish boʻyicha elektron savdolar oʻtkazish natijasida tushadigan yigʻim summasining 40 foizi va tashqi reklamani joylashtirish huquqini berish uchun oylik yigʻim mablagʻlarining 45 foizi Oʻzbekiston Respublikasi Monopoliyaga qarshi kurashish qoʻmitasi huzuridagi budjetdan tashqari Raqobatni rivojlantirishga koʻmaklashish jamgʻarmasiga yoʻnaltiriladi”;

sakkizinchi xatboshi toʻqqizinchi xatboshi deb hisoblansin;

toʻqqizinchi xatboshidagi “yettinchi xatboshida” soʻzlari “beshinchi va yettinchi xatboshilarida” soʻzlari bilan almashtirilsin.

3. Vazirlar Mahkamasining “Oʻzbekiston Respublikasi Monopoliyaga qarshi kurashish qoʻmitasi faoliyatini tashkil etish chora-tadbirlari toʻgʻrisida” 2019-yil 15-maydagi 402-son qarorida :

a) 1-ilovada :

9-bandning toʻrtinchi xatboshisiga “Isteʼmolchilarning huquqlarini himoya qilish agentligi” soʻzlaridan keyin “(keyingi oʻrinlarda Agentlik deb ataladi)” soʻzlari qoʻshilsin;

11-bandga quyidagi mazmundagi xatboshi qoʻshilsin:

“Monopoliyaga qarshi kurashish qoʻmitasi oʻziga yuklangan vazifalar va funksiyalarni bevosita, shuningdek, hududiy boshqarmalar hamda unga idoraviy mansub tuzilmalar orqali amalga oshiradi”;

14-bandda :

yettinchi xatboshiga “raqobat muhitini rivojlantirish” soʻzlaridan keyin “isteʼmolchilar huquqlarini himoya qilish va reklama bozorini tartibga solish” soʻzlari qoʻshilsin;

sakkizinchi xatboshi quyidagi mazmundagi sakkizinchi — oʻn uchinchi xatboshilar bilan almashtirilsin:

“monopoliyaga qarshi kurashishni tartibga solish, raqobat muhitini rivojlantirish, isteʼmolchilar huquqlarini himoya qilish va reklama bozorini tartibga solish sohasida huquqbuzarliklar profilaktikasi tadbirlarini tashkil etish;

isteʼmolchilar huquqlarini himoya qilish toʻgʻrisidagi qonun hujjatlariga rioya etilishi ustidan davlat nazoratini amalga oshirish;

isteʼmolchilarga ularning huquq va manfaatlarini himoya qilishda yordam koʻrsatish, isteʼmolchilar huquqi buzilishi sabablarini tahlil qilish, ularni bartaraf etish yuzasidan takliflar tayyorlash hamda isteʼmolchilar huquqi buzilishi holatlarini oldini olish;

aholining isteʼmolchilik bilimi va savodxonligini oshirishga qaratilgan dasturlarni amalga oshirish;

reklama sohasida nohalol raqobatga va notoʻgʻri reklamaning yuzaga kelishiga yoʻl qoʻymaslik maqsadida reklama bozorini tartibga solish;

isteʼmol bozorini, davlat tomonidan narx-navosi tartibga solinadigan tovarlarga (ishlarga, xizmatlarga) narxlarning dinamikasi va narx shakllanishi mexanizmlarini oʻrganish”;

15-bandda :

quyidagi mazmundagi yigirma oltinchi — qirq birinchi xatboshilar qoʻshilsin:

“vazirliklar va idoralar ishtirokida ishtirokida ishlab chiqilgan isteʼmolchilar huquqlarini himoya qilish va reklama ishlarini yanada takomillashtirishga qaratilgan strategik dasturlar, “yoʻl xaritalari” va boshqa dasturiy hujjatlarni joylarda ijrosini amalga oshiradi;

aholining isteʼmol bilimi va savodxonligini oshirishga qaratilgan dasturlarni amalga oshirilishini taʼminlaydi;

isteʼmolchilarning huquqlari va manfaatlarini davlat tomonidan himoya qilinishini, shuningdek aholining isteʼmol madaniyatini oshirish boʻyicha maʼrifiy ishlarni amalga oshiradi;

isteʼmolchilar huquqlari va manfaatlarini himoya qilish chora-tadbirlarini amalga oshiradi;

isteʼmolchilar huquqi buzilishi sabablarini tahlil qiladi va ularni bartaraf etish yuzasidan takliflar tayyorlaydi hamda isteʼmolchilar huquqi buzilishi holatlari boʻyicha ogoxlantiradi;

jismoniy va yuridik shaxslarning isteʼmolchilar huquqlarini himoya qilish reklama masalalari boʻyicha murojaatlarini koʻrib chiqadi;

isteʼmolchilarga ularning qonuniy huquq va manfaatlarini himoya qilishda, shu jumladan isteʼmolchilarning nomuayyan doiralarining qonuniy huquq va manfaatlarini sudlarda himoya qilishni koʻzlab daʼvo arizalari kiritish orqali amaliy yordam koʻrsatadi;

isteʼmolchilar huquqlarini himoya qilish toʻgʻrisidagi qonun hujjatlariga rioya etilishi ustidan davlat nazoratini amalga oshirishda va ichki bozorda sotiladigan isteʼmol tovarlarining zarur sifatda boʻlishini va xavfsizligini taʼminlash yuzasidan tovarlar (ishlar, xizmatlar) xavfsiz boʻlishini va ularning sifatini nazorat qiluvchi davlat boshqaruvi organlari bilan hamkorlik qiladi;

chakana savdo va xizmat koʻrsatish shoxobchalarida tovarlar va xizmatlarning nazorat xaridini amalga oshiradi, ularni isteʼmolchilar huquqlarini himoya qilish toʻgʻrisidagi qonun hujjatlariga mosligi jihatidan ekspertizadan (testdan) oʻtkazilishini tashkil qiladi;

isteʼmolchilar huquqlarini himoya qilish va reklama toʻgʻrisidagi qonun hujjatlari buzilgan taqdirda xoʻjalik yurituvchi subyektlarda (moliyaviy-xoʻjalik faoliyatiga aralashmasdan) tekshirishlar oʻtkazadi;

oʻz vakolatlari doirasida isteʼmolchilar huquqlarini himoya qilish va reklama toʻgʻrisidagi qonun hujjatlari buzilishi holatlarini bartaraf etish yuzasidan davlat organlariga, mulkchilik shaklidan qatʼiy nazar tashkilot, muassasa va korxonalarga, shuningdek, yakka tartibdagi tadbirkorlarga bajarilishi majburiy boʻlgan koʻrsatmalar kiritadi;

dori vositalari va tibbiyot buyumlari uchun belgilangan ulgurji va chakana savdo ustamalariga rioya qilinishi ustidan nazorat qiladi;

isteʼmolchilar huquqlarini himoya qilish darajasining holati qoniqarliligi yuzasidan fuqarolar oʻrtasida ijtimoiy soʻrovlar oʻtkazadi;

qonunda belgilangan tartibda reklama toʻgʻrisidagi qonun hujjatlariga rioya qilish yuzasidan nazoratni amalga oshiradi;

tashqi reklamani joylashtirishni tartibga solish boʻyicha tegishli chora-tadbirlarni amalga oshiradi;

isteʼmolchilar huquqlarini himoya qilish va reklama bozorini tartibga solish masalalarida jamoat birlashmalari, ommaviy axborot vositalari bilan hamkorlik qiladi hamda koʻngillar harakatini rivojlantirishga koʻmaklashadi;

yigirma oltinchi xatboshi qirq ikkinchi xatboshi deb hisoblansin;

qirq ikkinchi xatboshisiga “va qoʻmita” soʻzlaridan keyin “hamda isteʼmolchilar huquqlarini himoya qilish va reklama bozorini tartibga solish sohasida Agentlik” soʻzlari qoʻshilsin;

25-bandda :

uchinchi xatboshisiga “Monopoliyaga qarshi kurashish qoʻmitasi” soʻzlaridan keyin “va Agentlik” soʻzlari qoʻshilsin;

yettinchi xatboshisiga “tabiiy monopoliyalar toʻgʻrisidagi” soʻzlaridan keyin “isteʼmolchilarning huquqlarini himoya qilish va reklama toʻgʻrisidagi” soʻzlari qoʻshilsin;

oʻn birinchi xatboshisi quyidagi tahrirda bayon qilinsin:

“raqobat toʻgʻrisidagi, tabiiy monopoliyalar toʻgʻrisidagi, isteʼmolchilarning huquqlarini himoya qilish va reklama toʻgʻrisidagi qonun hujjatlari buzilganligi toʻgʻrisidagi ishlar boʻyicha, shu jumladan, xoʻjalik yurituvchi subyektlardan raqobat toʻgʻrisidagi, tabiiy monopoliyalar toʻgʻrisidagi, isteʼmolchilarning huquqlarini himoya qilish va reklama toʻgʻrisidagi qonun hujjatlari buzilganligi natijasida asossiz olingan daromadni (foydani) undirish va (yoki) isteʼmolchilarga qaytarish, jarima qoʻllash toʻgʻrisida qarorlar qabul qilish;

26-bandda :

toʻrtinchi xatboshiga “Monopoliyaga qarshi kurashish qoʻmitasi” soʻzlaridan keyin “va Agentlikka” soʻzlari qoʻshilsin;

beshinchi va oltinchi xatboshilarga “raqobat muhitini rivojlantirish” soʻzlaridan keyin “isteʼmolchilar huquqlarini himoya qilish va reklama bozorini tartibga solish” soʻzlari qoʻshilsin;

28-bandning oʻn birinchi xatboshisi quyidagi tahrirda bayon etilsin:

“normativ-huquqiy hujjatlar loyihalarining mutasaddilik qilinadigan tarkibiy boʻlinmalar tomonidan sifatli ishlab chiqilishini tashkil etish, mutasaddilik qilinadigan tarkibiy boʻlinmalarda tayyorlangan hujjatlar loyihalarini koʻrib chiqish va ular keyinchalik Qoʻmita raisi tomonidan koʻrib chiqilishi, imzolanishi (viza qoʻyilishi) uchun viza qoʻyish, ularning Oʻzbekiston Respublikasi Prezidenti Administratsiyasi Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, shuningdek, Vazirlar Mahkamasi apparatida normativ-huquqiy hujjatlar loyihalarini ishlab chiqishda Qoʻmita raisining topshirigʻiga binoan ishtirok etish”;

34-bandning ikkinchi xatboshiga “Monopoliyaga qarshi kurashish qoʻmitasi raisi bilan” soʻzlaridan keyin “isteʼmolchilar huquqlarini himoya qilish va reklama faoliyatini tartibga solish boshqarmalari xodimlari esa, Agentlik direktori bilan” soʻzlari qoʻshilsin;

9-bobning nomi quyidagi tahrirda bayon etilsin:

“Monopoliyaga qarshi kurashish qoʻmitasi markaziy apparati va uning hududiy boshqarmalari faoliyatini moliyalashtirish va ularning xodimlarini moddiy ragʻbatlantirish”;

53-bandning birinchi xatboshisiga “Monopoliyaga qarshi kurashish qoʻmitasi” soʻzlaridan keyin “markaziy apparati va uning hududiy boshqarmalari” soʻzlari qoʻshilsin;

54-bandga “Monopoliyaga qarshi kurashish qoʻmitasi” soʻzlaridan keyin “markaziy apparati va uning hududiy boshqarmalari” soʻzlari qoʻshilsin;

55-bandning birinchi xatboshisiga “Monopoliyaga qarshi kurashish qoʻmitasi” soʻzlaridan keyin “markaziy apparati va uning hududiy boshqarmalari” soʻzlari qoʻshilsin;

56-bandga “boshqa manbalar Monopoliyaga qarshi kurashish qoʻmitasi” soʻzlaridan keyin “markaziy apparati va uning hududiy boshqarmalari” soʻzlari qoʻshilsin;

b) 2-ilovada :

3-bandda :

uchinchi xatboshidagi “taqdimnomalarini” soʻzi “koʻrsatmalarini” soʻzi bilan almashtirilsin;

quyidagi mazmundagi beshinchi — toʻqqizinchi xatboshilar qoʻshilsin:

“isteʼmolchilar huquqlarini himoya qilish va reklama toʻgʻrisidagi qonunchilikni buzganlik, narxlari tartibga solinishi belgilangan tovarlarning narxlarini (ustama va tariflar) oshirganlik uchun undirilgan asossiz olingan daromadlar summasining 100 foizi;

isteʼmolchilar huquqlarini himoya qilish va reklama toʻgʻrisidagi qonunchilikni buzganlik, shuningdek, Agentlik taqdim etgan koʻrsatmalarni bajarmaganlik uchun Agentlik yoki Agentlik kiritgan daʼvolar boʻyicha sud tomonidan xoʻjalik yurituvchi subyektlardan va ularning mansabdor shaxslaridan qonunchilikda belgilangan tartibda undiriladigan jarima mablagʻlarining 100 foizi;

tashqi reklamani joylashtirish huquqi uchun tushadigan oylik yigʻim mablagʻlarining 45 foizi;

“E-IJRO AUKSION” savdo maydonchasida yer uchastkalari va davlat mulki boʻlgan obyektlarda tashqi reklama obyektlarini (konstruksiyalarini) joylashtirish huquqini realizatsiya qilish boʻyicha elektron savdolar oʻtkazish natijasida tushadigan yigʻim summasining 40 foizi;

Oʻzbekiston Respublikasi Davlat aktivlarini boshqarish agentligi huzuridagi budjetdan tashqari Davlat aktivlarini boshqarish, transformatsiya va xususiylashtirish jamgʻarmasiga tushadigan davlat aktivlarini sotish summasining 4 foizi”;

beshinchi — yettinchi xatboshilar tegishli ravishda oʻninchi — oʻn ikkinchi xatboshilar deb hisoblansin;

6-bandda :

ikkinchi xatboshiga “Monopoliyaga qarshi kurashish qoʻmitasining” soʻzlaridan keyin “markaziy apparati va hududiy boshqarmalari hamda Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi (keyingi oʻrinlarda Agentlik deb ataladi)” soʻzlari qoʻshilsin;

uchinchi xatboshi quyidagi tahrirda bayon etilsin:

“Monopoliyaga qarshi kurashish qoʻmitasining markaziy apparati va hududiy boshqarmalari hamda Agentlik xodimlarini moddiy ragʻbatlantirish va ijtimoiy taʼminlash, shuningdek, ularning xodimlari tomonidan turar joy sotib olinishini imtiyozli moliyalashtirishga”;

toʻrtinchi xatboshiga “Monopoliyaga qarshi kurashish qoʻmitasi” soʻzlaridan keyin “va Agentlik” soʻzlari qoʻshilsin;

quyidagi mazmundagi 6 1 -band qoʻshilsin:

“6 1 . Monopoliyaga qarshi kurashish qoʻmitasi va Agentlik xodimlarining lavozim maoshlariga har oylik ustamalar va boshqa ragʻbatlantirish toʻlovlari, shuningdek, moddiy ragʻbatlar Monopoliyaga qarshi kurashish qoʻmitasi raisi tomonidan tasdiqlangan tartibga muvofiq toʻlanadi”;

7-band quyidagi tahrirda bayon etilsin:

“7. Monopoliyaga qarshi kurashish qoʻmitasi va Agentlik xodimlarining uy-joy sotib olinishini imtiyozli moliyalashtirish Monopoliyaga qarshi kurashish qoʻmitasi va Agentlik xodimlariga ipoteka kreditlarini berish uchun tijorat banklariga resurslarni ajratish tartibi toʻgʻrisidagi nizomga (ushbu Nizomga ilova) muvofiq amalga oshiriladi”;

15-bandga “hududiy boshqarmalari” soʻzlaridan keyin “hamda Agentlik” soʻzlari qoʻshilsin;

Oʻzbekiston Respublikasi Monopoliyaga qarshi kurashish qoʻmitasi huzuridagi budjetdan tashqari Raqobatni rivojlantirishga koʻmaklashish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning ilovasida :

nomiga “Monopoliyaga qarshi kurashish qoʻmitasi” soʻzlaridan keyin “va uning huzuridagi Isteʼmolchilar huquqlarini himoya qilish Agentligi” soʻzlari qoʻshilsin;

1-bandga “Monopoliyaga qarshi kurashish qoʻmitasi (keyingi oʻrinlarda Monopoliyaga qarshi kurashish qoʻmitasi deb ataladi)” soʻzlaridan keyin “va Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish Agentligi (keyingi oʻrinlarda Agentlik deb ataladi)” soʻzlari qoʻshilsin;

2-bandda :

uchinchi xatboshiga “Monopoliyaga qarshi kurashish qoʻmitasi” soʻzlaridan keyin “va Agentlik” soʻzlari qoʻshilsin;

toʻrtinchi xatboshiga “yoki hududiy boshqarmalarida” soʻzlaridan keyin “yoxud Agentlikda” soʻzlari qoʻshilsin;

3-band quyidagi tahrirda bayon etilsin:

“3. Turar joy sotib olish uchun Monopoliyaga qarshi kurashish qoʻmitasi va Agentlik xodimlariga ipoteka kreditlari berish uchun tijorat banklariga resurslar ajratish shartlari xodimda monopoliyaga qarshi kurashish va davlat mulkini boshqarish organlarida zarur ish staji mavjudligi hisobga olinib, shuningdek, Monopoliyaga qarshi kurashish qoʻmitasi markaziy apparati yoki hududiy boshqarmalarida yoxud Agentlikda ipoteka kreditini olgandan soʻng kamida besh yil ishlash sharti bilan (Vazirlar Mahkamasiga, Oʻzbekiston Respublikasi Prezidenti Administratsiyasiga, shuningdek, vazirliklar va idoralarning rahbarlik lavozimlariga ishga oʻtish bundan mustasno) Monopoliyaga qarshi kurashish qoʻmitasi tomonidan belgilanadi.”;

5-banddagi “qoʻmitasining” soʻzi “qoʻmitasi va Agentlikning” soʻzlari bilan almashtirilsin.

Vazirlar Mahkamasining 2019-yil 19-dekabrdagi 1015-son qaroriga 3-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan qarorlari

1. Vazirlar Mahkamasining “Reklama toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2000-yil 26-iyundagi 243-son qarori (Oʻzbekiston Respublikasi QT, 2000-y., 6-son, 32-modda).

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida” 2000-yil 24-oktabrdagi 412-son qaroriga (Oʻzbekiston Respublikasi QT, 2000-y., 10-son, 69-modda) ilovaning 14-bandi .

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2002-yil 28-avgustdagi 305-son qaroriga (Oʻzbekiston Respublikasi QT, 2002-y., 15-16-son, 125-modda) ilovaning 4-bandi .

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2005-yil 6-iyuldagi 156-son qaroriga (Oʻzbekiston Respublikasi QT, 2005-y., 27-son, 191-modda) ilovaning 16-bandi .

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2005-yil 12-avgustdagi 196-son qaroriga (Oʻzbekiston Respublikasi QT, 2005-y., 32-33-son, 251-modda) 2-ilovaning 13-bandi .

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2006-yil 10-martdagi 41-son qaroriga (Oʻzbekiston Respublikasi QT, 2006-y., 11-son, 83-modda) 1-ilovaning 3-bandi .

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Tadbirkorlik faoliyati yuritish uchun ruxsatnoma turlarini qisqartirish va ularni berish tartib-qoidalarini soddalashtirish toʻgʻrisida” 2005-yil 21-sentabrdagi PQ-186-son qarori)” 2006-yil 22-maydagi 92-son qaroriga (Oʻzbekiston Respublikasi QT, 2006-y., 20-21-son, 181-modda) ilovaning 7-bandi .

8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2010-yil 2-avgustdagi 165-son qaroriga (Oʻzbekiston Respublikasi QT, 2010-y., 31-son, 261-modda) 1-ilovaning 3-bandi .

9. Vazirlar Mahkamasining “Vazirlar Mahkamasining “Reklama toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2000-yil 26-iyundagi 243-son qaroriga oʻzgartirish va qoʻshimchalar kiritish haqida” 2010-yil 29-oktabrdagi 240-son qarori (Oʻzbekiston Respublikasi QT, 2010-y., 10-son, 54-modda).

10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2012-yil 1-noyabrdagi 313-son qaroriga (Oʻzbekiston Respublikasi QT, 2012-y., 11-son, 79-modda) 1-ilovaning 20-bandi .

11. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasini tashkil etish toʻgʻrisida” 2012-yil 13-noyabrdagi PF-4483-son Farmoni)” 2013-yil 9 sentbrdagi 244-son qaroriga (Oʻzbekiston Respublikasi qonun hujjatlari toʻplami, 2013-y., 37-son, 485-modda) 1-ilovaning 16-bandi .

12. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2017-yil 11-maydagi 270-son qaroriga (Oʻzbekiston Respublikasi QT, 2017-y., 5-son, 66-modda) 1-ilovaning 13-bandi .

13. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2017-yil 16-avgustdagi 638-son qaroriga (Oʻzbekiston Respublikasi QT, 2017-y., 33-son, 863-modda) 1-ilovaning 10-bandi .

14. Vazirlar Mahkamasining “Ikkilamchi qogʻoz chiqindilarini toʻplash, tayyorlash va qayta ishlash uchun yetkazib berish tizimini tartibga solish chora-tadbirlari toʻgʻrisida” 2009-yil 16-martdagi 70-son qarori (Oʻzbekiston Respublikasi QT, 2009-y., 12-son, 131-modda).

15. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzi qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Respublika qurilish materiallari sanoatini boshqarishni tashkil etishni yanada takomillashtirish chora-tadbirlari toʻgʻrisida” 2016-yil 25-oktabrdagi PQ-2641-son qarori)” 2016-yil 22-dekabrdagi 412-son qaroriga (Oʻzbekiston Respublikasi QT, 2016-y., 52-son, 602-modda) 1-ilovaning 8-bandi .

16. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek. baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Idoralararo kollegial organlarni tubdan qisqartirish va yanada optimallashtirish chora-tadbirlari toʻgʻrisida” 2018-yil 28-avgustdagi PF-5527-son Farmoni)” 2019-yil 23-fevraldagi 161-son qaroriga (Qonun hujjatlari maʼlumotlari milliy bazasi, 25.02.2019-y., 09/19/161/2600-son) 1-ilovaning 28-bandi .

Oʻzbekiston Respublikasining Bosh vaziri A. ARIPOV

Toshkent sh.,

2019-yil 19-dekabr,

1015-son

(Qonun hujjatlari maʼlumotlari milliy bazasi, 20.12.2019-y., 09/19/1015/4174-son; Qonunchilik maʼlumotlari milliy bazasi, 08.07.2021-y., 06/21/6258/0651-son; 21.12.2022-y., 09/22/716/1106; 22.07.2023-y., 09/23/304/0510-son; 03.07.2026-y., 09/26/353/0680-son)

lex.uz