📅 2019-yil 24-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 24 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 24 декабря 2019 г. · Указы Президента
Официальный текст. Официальный документ. Редакционные примечания не включены.
📅 24 December 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Бирлашган Миллатлар Ташкилотининг биометрик ҳужжатига эга бўлган чет эл фуқаролари учун Ўзбекистон Республикасига киришда визасиз режимини белгилаш ва виза режимини енгиллаштириш тўғрисида
Сўнгги йилларда Ўзбекистон Республикасининг Бирлашган Миллатлар Ташкилоти (кейинги ўринларда — БМТ) билан ўзаро ҳамкорлиги доимий равишда кенгайиб, чуқурлашиб бормоқда. БМТ билан ўрнатилган олий ва юқори даражадаги алоқалар мунтазам ривожланиб бормоқда. Ўзбекистон БМТнинг Бош ассамблеяси ва бошқа ихтисослаштирилган муассасалари фаолиятидаги ўз иштирокини фаоллаштирди.
Ўзбекистон Республикасининг БМТ ва унинг тузилмалари билан барча долзарб йўналишларда ўзаро муносабатларини янада мустаҳкамлаш ва ҳар томонлама ривожлантириш, халқаро молия институтлари билан алоқаларни кенгайтириш, шунингдек, БМТ ходимларининг Ўзбекистон Республикасига ташриф буюриши учун янада қулай шарт-шароитлар яратиш мақсадида:
1. 2020 йил 1 январдан бошлаб БМТнинг биометрик ҳужжатига (қизил рангли Laissez-Passer паспорти) эга бўлган чет эл фуқаролари учун Ўзбекистон Республикаси ҳудудига кирган кундан эътиборан 30 кунлик муддатга визасиз режим белгилансин.
2. Белгилансинки:
БМТнинг биометрик ҳужжатига (мовий рангли Laissez-Passer паспорти) эга бўлган чет эл фуқаролари учун Ўзбекистон Республикасига кириш визалари Ўзбекистон Республикасидаги таклиф қилувчи томоннинг таклифнома хати асосида 2 иш куни ичида Ўзбекистон Республикаси Ташқи ишлар вазирлиги томонидан расмийлаштирилади;
БМТнинг биометрик ҳужжатларига (қизил ёки мовий рангли Laissez-Passer паспорти) эга бўлган ва Ўзбекистон Республикасига ташриф буюраётган чет эл фуқароларида бир вақтнинг ўзида амал қилиш муддати БМТнинг биометрик ҳужжатлари амал қилиш муддатидан кам бўлмаган миллий паспорти (ҳаракатланиш ҳужжати) бўлиши лозим.
3. Ўзбекистон Республикаси Ташқи ишлар вазирлиги:
бир ой муддатда мазкур Фармон қоидалари тўғрисида БМТни хабардор қилсин, шунингдек, БМТнинг биометрик ҳужжатлари (қизил ва мовий рангли Laissez-Passer паспортлари) намуналарини, бундай ҳужжатлар ва уларнинг ҳимоя элементлари батафсил тавсифини сўраб олсин;
икки ой муддатда манфаатдор вазирлик ва идоралар билан биргаликда Бирлашган Миллатлар Ташкилоти имтиёзлари ва иммунитетлари тўғрисидаги конвенциясига (Нью-Йорк, 1946 йил 13 февраль) Ўзбекистон Республикасининг қўшилиши мақсадга мувофиқлигини ўрганиб, натижаси бўйича Вазирлар Маҳкамасига асослантирилган таклифлар киритсин.
4. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 24 декабрь,
ПФ-5896-сон
Oʻzbekiston Respublikasi Prezidentining
Farmoni
Birlashgan Millatlar Tashkilotining biometrik hujjatiga ega boʻlgan chet el fuqarolari uchun Oʻzbekiston Respublikasiga kirishda vizasiz rejimini belgilash va viza rejimini yengillashtirish toʻgʻrisida
Soʻnggi yillarda Oʻzbekiston Respublikasining Birlashgan Millatlar Tashkiloti (keyingi oʻrinlarda — BMT) bilan oʻzaro hamkorligi doimiy ravishda kengayib, chuqurlashib bormoqda. BMT bilan oʻrnatilgan oliy va yuqori darajadagi aloqalar muntazam rivojlanib bormoqda. Oʻzbekiston BMTning Bosh assambleyasi va boshqa ixtisoslashtirilgan muassasalari faoliyatidagi oʻz ishtirokini faollashtirdi.
Oʻzbekiston Respublikasining BMT va uning tuzilmalari bilan barcha dolzarb yoʻnalishlarda oʻzaro munosabatlarini yanada mustahkamlash va har tomonlama rivojlantirish, xalqaro moliya institutlari bilan aloqalarni kengaytirish, shuningdek, BMT xodimlarining Oʻzbekiston Respublikasiga tashrif buyurishi uchun yanada qulay shart-sharoitlar yaratish maqsadida:
1. 2020-yil 1-yanvardan boshlab BMTning biometrik hujjatiga (qizil rangli Laissez-Passer pasporti) ega boʻlgan chet el fuqarolari uchun Oʻzbekiston Respublikasi hududiga kirgan kundan eʼtiboran 30 kunlik muddatga vizasiz rejim belgilansin.
2. Belgilansinki:
BMTning biometrik hujjatiga (moviy rangli Laissez-Passer pasporti) ega boʻlgan chet el fuqarolari uchun Oʻzbekiston Respublikasiga kirish vizalari Oʻzbekiston Respublikasidagi taklif qiluvchi tomonning taklifnoma xati asosida 2 ish kuni ichida Oʻzbekiston Respublikasi Tashqi ishlar vazirligi tomonidan rasmiylashtiriladi;
BMTning biometrik hujjatlariga (qizil yoki moviy rangli Laissez-Passer pasporti) ega boʻlgan va Oʻzbekiston Respublikasiga tashrif buyurayotgan chet el fuqarolarida bir vaqtning oʻzida amal qilish muddati BMTning biometrik hujjatlari amal qilish muddatidan kam boʻlmagan milliy pasporti (harakatlanish hujjati) boʻlishi lozim.
3. Oʻzbekiston Respublikasi Tashqi ishlar vazirligi:
bir oy muddatda mazkur Farmon qoidalari toʻgʻrisida BMTni xabardor qilsin, shuningdek, BMTning biometrik hujjatlari (qizil va moviy rangli Laissez-Passer pasportlari) namunalarini, bunday hujjatlar va ularning himoya elementlari batafsil tavsifini soʻrab olsin;
ikki oy muddatda manfaatdor vazirlik va idoralar bilan birgalikda Birlashgan Millatlar Tashkiloti imtiyozlari va immunitetlari toʻgʻrisidagi konvensiyasiga (Nyu-York, 1946-yil 13-fevral) Oʻzbekiston Respublikasining qoʻshilishi maqsadga muvofiqligini oʻrganib, natijasi boʻyicha Vazirlar Mahkamasiga asoslantirilgan takliflar kiritsin.
4. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 24-dekabr,
PF-5896-son
Президента Республики Узбекистан
Указ
Об установлении безвизового режима и облегчении визового режима въезда в Республику Узбекистан для иностранных граждан, имеющих биометрические пропуска Организации Объединенных Наций
За последние годы постоянно расширяется и углубляется взаимодействие Узбекистана с Организацией Объединенных Наций (далее — ООН). Установлены и развиваются регулярные контакты с ООН на высшем и высоком уровнях. Узбекистан активизировал свое участие в деятельности Генеральной Ассамблеи и специализированных учреждений ООН.
В целях дальнейшего укрепления и всестороннего развития взаимоотношений Республики Узбекистан с ООН и ее структурами по всем актуальным направлениям, расширения связей с международными финансовыми институтами, а также создания наиболее благоприятных условий для посещения работниками ООН Республики Узбекистан:
1. Установить, что начиная с 1 января 2020 года для граждан иностранных государств, имеющих биометрический пропуск ООН (паспорт красного цвета «Laissez-Passer»), вводится безвизовый режим сроком на 30 дней со дня въезда на территорию Республики Узбекистан.
2. Определить, что:
гражданам иностранных государств, имеющим биометрический пропуск ООН (паспорт — Laissez-Passer, голубого цвета), въездные визы в Республику Узбекистан оформляются Министерством иностранных дел Республики Узбекистан в течение 2 рабочих дней на основании пригласительного письма приглашающей стороны;
граждане иностранных государств — владельцы биометрических пропусков ООН (паспорт — Laissez-Passer красного или голубого цвета), направляющиеся в Республику Узбекистан, должны при себе иметь также национальный паспорт (проездной документ), срок действия которого не должен быть меньше срока действия биометрического пропуска ООН.
3. Министерству иностранных дел Республики Узбекистан:
в месячный срок уведомить ООН о требованиях настоящего Указа, а также запросить образцы биометрических пропусков ООН (паспорта Laissez-Passer красного и голубого цвета), включая подробное описание таких документов и их защитных элементов;
совместно с заинтересованными министерствами и ведомствами в двухмесячный срок изучить целесообразность присоединения Республики Узбекистан к Конвенции о привилегиях и иммунитетах Организации Объединенных Наций (Нью-Йорк, 13 февраля 1946 года) и внести по результатам обоснованные предложения в Кабинет Министров.
4. Контроль за исполнением настоящего Указа возложить на Премьер-министра Республики Узбекистан А.Н. Арипова и Секретаря Совета безопасности при Президенте Республики Узбекистан В.В. Махмудова.
Президент Республики Узбекистан Ш. МИРЗИЁЕВ
г. Ташкент,
24 декабря 2019 г.,
№ УП-5896