📅 2019-yil 24-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 24 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 24 декабря 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 24 December 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Илм-фан ва таълим соҳасидаги давлат ташкилотларида илмий, илмий-педагогик ва меҳнат фаолияти билан шуғулланувчи илмий даражага эга ходимларга қўшимча ҳақ тўлаш тартиби тўғрисида
Ўзбекистон Республикасининг «Илм-фан ва илмий фаолият тўғрисида»ги Қонуни ҳамда Ўзбекистон Республикаси Президентининг «2019 — 2023 йилларда Мирзо Улуғбек номидаги Ўзбекистон Миллий университетида талаб юқори бўлган малакали кадрлар тайёрлаш тизимини тубдан такомиллаштириш ва илмий салоҳиятни ривожлантириш чора-тадбирлари тўғрисида» 2019 йил 17 июндаги ПҚ-4358-сон қарорига мувофиқ, шунингдек, кадрлар салоҳиятини ошириш, илм-фан ва таълим соҳасида юқори малакали кадрларнинг билим ва тажрибаларини амалда қўллашни молиявий рағбатлантириш учун қўшимча шарт-шароитлар яратиш мақсадида Вазирлар Маҳкамаси қарор қилади:
1. Илм-фан ва таълим соҳасидаги давлат ташкилотларида (кейинги ўринларда ташкилот деб аталади) илмий-педагогик ва меҳнат фаолияти билан шуғулланувчи ходимларнинг лавозим маошига:
фан номзоди ёки фалсафа доктори (PhD) (ёки хорижий мамлакатларда уларга тенглаштирилган даражалар) (кейинги ўринларда фалсафа доктори деб аталади) илмий даражасига эга шахслар учун — лавозим маошининг 30 фоизигача;
фан доктори (Doctor of Science) (ёки хорижий мамлакатларда унга тенглаштирилган даража) (кейинги ўринларда фан доктори деб аталади) илмий даражасига эга шахслар учун — лавозим маошининг 60 фоизигача қўшимча ҳақ тўлаш тизими жорий этилсин.
2. Илм-фан ва таълим соҳасидаги давлат ташкилотларида илмий, илмий-педагогик ва меҳнат фаолияти билан шуғулланувчи илмий даражага эга ходимларга қўшимча ҳақ тўлаш тартиби тўғрисидаги низом 1-иловага мувофиқ тасдиқлансин.
3. Белгилансинки:
а) қўшимча ҳақ ушбу қарорга мувофиқ тегишли мезонларни бажарилишини баҳолаш натижалари бўйича ҳамда таркибий бўлинма раҳбарининг ишчи комиссияга тақдимномаси ва ташкилот коллегиал органи қарори асосида ҳар бир ходимнинг илмий-педагогик ва меҳнат фаолиятига қўшган аниқ ҳиссасини ҳисобга олган ҳолда белгиланади;
б) ушбу қарор билан жорий этилаётган қўшимча ойлик ва бир марталик тўловлар миқдори бир ойда — фалсафа доктори илмий даражасига эга ходимлар учун лавозим маошининг 30 фоизидан ҳамда фан доктори илмий даражасига эга ходимлар учун лавозим маошининг 60 фоизидан ошмаслиги керак;
в) Ўзбекистон Республикаси Давлат бюджетидан молиялаштириладиган илм-фан ва таълим соҳасидаги давлат ташкилотлари ходимларига ушбу қарорга мувофиқ қўшимча ҳақ белгиланиши билан боғлиқ харажатларни молиялаштириш Ўзбекистон Республикаси Давлат бюджети маблағлари ҳисобидан амалга оширилади;
г) ушбу қарорга мувофиқ қўшимча ҳақ тўлаш билан боғлиқ бўлган харажатларни молиялаштириш учун Ўзбекистон Республикаси Давлат бюджети маблағлари ҳажмини режалаштириш фалсафа доктори илмий даражасига эга ходимлар лавозим маошининг 30 фоизи миқдорида қўшимча ҳақ ва фан доктори илмий даражасига эга бўлган ходимлар лавозим маошининг 60 фоизи миқдоридаги қўшимча ҳақнинг энг кўп ҳажми илмий даражага эга бўлган ходимларнинг ҳақиқий сонидан келиб чиққан ҳолда банд бўлган штат бирлиги сони бўйича амалга оширилади;
4. Ташкилотнинг коллегиал органи (кейинги ўринларда — коллегиал орган) ушбу Низомга мувофиқ муайян мезонлар асосида ишчи комиссия мажлисининг хулосасига кўра ходимга қўшимча ҳақ миқдори ва тўлов даврини белгилаш тўғрисида қарор қабул қилади.
Бунда, коллегиал орган ходимга белгиланган қўшимча ҳақ миқдорининг тўғри белгиланишига жавобгар ҳисобланади.
5. Тизимида ташкилотлар мавжуд бўлган вазирлик ва идоралар Инновацион ривожланиш вазирлиги билан биргаликда:
ушбу қарорга мувофиқ ходимларга қўшимча ҳақ белгиланишининг асосланганлиги, шунингдек, уларни тўлаш учун ажратилган маблағлардан мақсадли фойдаланилишини доимий назорат қилиб борсин;
ҳар йили 25 декабрга қадар Ўзбекистон Республикаси Молия вазирлигига ушбу қарорга мувофиқ қўшимча ҳақ тўлаш ҳуқуқига эга бўлган ходимларнинг банд бўлган штат бирлиги сони тўғрисида, шунингдек, уларни тўлаш учун ажратилган маблағлар, шу жумладан, молия йили охирида сарф қилинмаган молия ҳажми тўғрисидаги маълумотларни тақдим этиб борсин;
бир ой муддатда манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
7. Мазкур қарорнинг бажарилишини назорат қилиш Ўзбекистон Республикаси инновацион ривожланиш вазири И.Ю. Абдураҳмонов ҳамда Вазирлар Маҳкамасининг Телекоммуникациялар, IT-технологиялар ва инновацион фаолиятни ривожлантириш, ахборот хавфсизлигини таъминлаш котибияти зиммасига юклансин.
Вазирлар Маҳкамасининг 2019 йил 24 декабрдаги 1030-сон қарорига 1-ИЛОВА
Илм-фан ва таълим соҳасидаги давлат ташкилотларида илмий, илмий-педагогик ва меҳнат фаолияти билан шуғулланувчи илмий даражага эга ходимларга қўшимча ҳақ тўлаш тартиби тўғрисида
1-боб. Умумий қоидалар
1. Ушбу Низом илм-фан, таълим ва тажриба-конструкторлик соҳасидаги давлат ташкилотларида илмий, илмий-педагогик ва меҳнат фаолияти билан шуғулланувчи илмий даражага эга ходимларга (шу жумладан ҳарбий хизматчилар ва ҳуқуқни муҳофаза қилиш органлари ҳамда давлат суд-экспертиза муассасаларининг ходимларига) қўшимча ҳақ тўлаш тартибини белгилайди.
2. Илм-фан ва таълим соҳасидаги давлат ташкилотларининг фан номзоди ёки фалсафа доктори (PhD) илмий даражасига (ёки хорижий мамлакатларнинг уларга тенглаштирилган даражасига) ёки фан доктори (DSc) илмий даражасига (ёки хорижий мамлакатларнинг унга тенглаштирилган даражасига) эга бўлган ходимларига асосий иш жойи бўйича ушбу Низомга мувофиқ қўшимча ҳақ белгиланади.
3. Низомда қуйидаги асосий тушунчалар қўлланилади:
лавозим маоши — календарь ойи учун муайян мураккабликдаги меҳнат (лавозим) вазифаларини бажариш учун ходимнинг меҳнатига ҳақ тўлашнинг қонунчилик ҳужжатларига мувофиқ белгиланган миқдори (компенсация, рағбатлантириш ва ижтимоий тўловлар, нафақалар ва бошқа қўшимча тўловларни ҳисобга олмаган ҳолда);
қўшимча ҳақ — ходимлар меҳнатининг сифати ва натижадорлигини рағбатлантириш мақсадида белгиланган лавозим маошига нисбатан фоиз ҳисобида белгиланган тўлов;
бир марталик қўшимча ҳақ — амалга оширилган муайян иш бўйича натижага эришилгани учун тўланадиган бир марталик қўшимча тўлов;
ҳар ойлик қўшимча ҳақ — амалга оширилган муайян иш бўйича натижага эришилгани учун ҳар ойда тўланадиган қўшимча тўлов;
илм-фан ва таълим соҳасидаги давлат ташкилоти (кейинги ўринларда ташкилот деб аталади) — устав асосида илмий ва таълим фаолияти билан шуғулланувчи бюджет ташкилоти ёки бюджет маблағлари олувчи ташкилот;
интеллектуал фаолият натижаси — интеллектуал мулк объекти, шу жумладан, фан, адабиёт, санъат, ижро, фонограмма, эфир ёки кабель орқали намойиш этилган кўрсатувлар, ихтиролар, фойдали моделлар, саноат намуналари, селекция ютуқлари, электрон ҳисоблаш машиналари учун дастурлар, маълумотлар базалари, ошкор қилинмаган маълумотлар, шу жумладан, ишлаб чиқариш сирлари (ноу-хау), товар белгилари, фирма номлари, товар келиб чиққан жой номлари ва қонунчилик ҳужжатларида назарда тутилган интеллектуал фаолият натижаси.
4. Ташкилотнинг коллегиал органи (кейинги ўринларда коллегиал орган деб аталади) ушбу Низомга мувофиқ муайян мезонлар асосида таркибий бўлинма раҳбарининг тавсиясига кўра ходимга қўшимча ҳақ миқдори ва тўлов даврини белгилаш тўғрисида қарор қабул қилади.
Ташкилот раҳбари учун ушбу Низомга мувофиқ қўшимча ҳақ белгилаш юқори турувчи ташкилот розилиги билан амалга оширилади.
Эришилган натижаларнинг мезонларга мувофиқлигини баҳолаш тақдим этилган тасдиқловчи ҳужжатларга асосан амалга оширилади.
Коллегиал орган қўшимча ҳақ белгилаш тўғрисида қабул қилинган қарорнинг холислиги учун масъул ҳисобланади.
Ташкилотнинг юқори турувчи органлари қўшимча ҳақ белгилаш бўйича коллегиал органлар ишини ташкил этиш тартибини тасдиқлайди.
5. Қўшимча ҳақ ходим томонидан мазкур Низомда кўрсатилган мезонлар бўйича бажарган ишлари учун белгиланади.
Қўшимча ҳақ тўлашда эришилган натижалар бир марта ҳисобга олинади.
Ходимнинг тегишли илмий даражага эга бўлмаган даврининг фаолият натижалари ҳисобга олинмайди.
6. Қўшимча ҳақнинг бир марталик ёки ойлик шакли жорий йилда охирги 12 ой давомидаги (календарь йил якунлари) фаолияти натижалари таҳлилига кўра белгиланади.
Қўшимча ойлик тўлов белгилашнинг энг кўп муддати 12 ойдан ошмаслиги керак.
Илм-фан ва таълим соҳасидаги давлат ташкилотларида илмий, илмий-педагогик ва меҳнат фаолияти билан шуғулланувчи илмий даражага эга ходим бошқа илм-фан ва таълим соҳасидаги давлат ташкилотига ишга ўтган тақдирда, унга қўшимча ҳақ белгилашда ушбу Низомда белгиланган талаблар асосида фаолияти натижалари ҳисобга олинади.
7. Қўшимча ҳақ ходим асосий лавозим бўйича эгаллаб турган ставкасига мутаносиб равишда ҳар ойда ҳисобланадиган базавий лавозим маошига нисбатан белгиланади, бунда ходимнинг таътил даври учун қўшимча ҳақ тўлов амалга оширилмайди.
Бунда, ушбу бандда назарда тутилган тартиб олий таълим муассасалари ва илмий ташкилотларнинг тасдиқланган штатлар жадвалида турувчи асосий иш фаолияти фақат илмий лойиҳа раҳбари ёки иштирокчиси бўлган илмий ходимлар лавозим маошига нисбатан ҳам татбиқ этилади.
2-боб. Олий таълим, кадрлар малакасини ошириш ва қайта тайёрлаш ташкилотларида қўшимча ҳақ белгилаш талаблари, миқдори ва муддатлари
9. Лавозим маошига ҳар ойлик қўшимча ҳақ ходимнинг фаолияти натижалари асосида қуйидагича ўрнатилиши мумкин:
а) олий таълим муассасаси электрон платформасига ўқув юкламасида назарда тутилганидан ташқари мустақил ишлаб чиқилган ва ўқув жараёнида фойдаланилаётган ўз ўқув услубий мажмуаларини (модул дастури, ўқув контенти, муаммоли вазият, казус тест, видео дарс) жойлаштирганлиги учун;
ҳар бир мажмуа (модул) учун ўзбек ёки рус тилида, шунингдек, чет тили мутахассисликлари бўйича лавозим маошига нисбатан 5 фоизгача;
хорижий тилда (тил мутахассислигидан ташқари) ҳар бир мажмуа (модул) учун лавозим маошига нисбатан 10 фоизгача белгиланади.
Мазкур талаб асосида умумий қўшимча ҳақ лавозим маошига нисбатан бир ойда 15 фоиздан ошмаслиги лозим;
б) ҳамкор ташкилотлар билан биргаликда илмий ёки лаборатория воситаларидан кенг фойдаланган ҳолда янги ўқув маҳсулотлари (тренинг курслари, услубий таъминотли ўйинлар, услубий қўлланмалар)ни ишлаб чиққани ва жорий этгани учун:
ўзбек ёки рус тилида, шунингдек, тил мутахассисликлари бўйича чет тилида ҳар бир маҳсулот (мажмуа) учун лавозим маошига нисбатан 10 фоизгача;
хорижий тилда (тил мутахассисликларидан ташқари) ҳар бир маҳсулот (мажмуа) учун лавозим маошига нисбатан 20 фоизгача белгиланади.
Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим;
в 1 ) ихтисослашган илмий кенгашлар ҳузуридаги ихтисосликлар бўйича (чет тили ва мутахассислик фанларидан) малакавий имтиҳон комиссияси ҳамда олий таълимдан кейинги таълимнинг барча шаклларида ўқишга талабгорларни танлов олиш учун кириш имтиҳонлар ва изланувчиларни мониторингдан ўтказиш жараёнида комиссия (ишчи гуруҳ) аъзоси бўлганлиги учун лавозим маошига нисбатан 5 фоиз миқдорида белгиланади.
Мазкур талаб асосида умумий қўшимча ҳақ лавозим маошига нисбатан бир ойда 15 фоиздан ошмаслиги лозим.
г) олий таълим муассасаларнинг биринчи мингталик (топ-1000) ёки фан йўналишлари бўйича биринчи юзталик (топ-100) халқаро (Quacquarelli Symonds World University Rankings, Times Нigher Education ёки Academic Ranking of World Universities) рейтингларга кирган олий таълим муассасаларининг онлайн таълим платформаларига киритилган ёки сайёр шаклда ўтказилган ҳар бир маъруза учун лавозим маошига нисбатан 15 фоизгача белгиланади.
Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим;
г 1 ) давлат илмий дастурлари лойиҳаларини кўриб чиқадиган илмий-техник кенгашларда ҳар бир аъзолик (иштирок этганлик) учун лавозим маошига нисбатан 15 фоизгача белгиланади.
Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим.
е) илмий даражалар берувчи хорижий илмий, экспертлик, илмий-техник кенгашларда аъзолик (иштирок этиш) учун лавозим маошига нисбатан 30 фоизгача белгиланади.
Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим;
з) Scopus, Web of Science индексацияланган маълумотлар базаларига кирган журналларда эълон қилинган мақола (монография) учун ҳар бир муаллифга лавозим маошига нисбатан қуйидагича белгиланади. Бунда:
1. биринчи квартилга (Q1) кирган журналларда эълон қилинган мақола учун ҳар бир муаллифга лавозим маошига нисбатан 30 фоизгача;
2. иккинчи квартилга (Q2) кирган журналларда эълон қилинган мақола учун ҳар бир муаллифга лавозим маошига нисбатан 20 фоизгача;
3. учинчи квартилга (Q3) кирган журналларда эълон қилинган мақола учун ҳар бир муаллифга лавозим маошига нисбатан 15 фоизгача;
4. тўртинчи квартилга (Q4) ва бошқа умумэътироф этилган индексацияланган маълумотлар базаларидаги журналларда чоп этилган мақолаларнинг ҳар бир муаллифига лавозим маошига нисбатан 5 фоизгача;
5. Scopus, Web of Science индексацияланган маълумотлар базаларда конференция материалларида эълон қилинган ҳар бир маъруза муаллифига лавозим маошига нисбатан 5 фоизгача;
6. маҳаллий илмий журналларда чоп этилган мақола учун ташкилот (бир нечта муаллиф бўлган тақдирда, тенг миқдорда тақсимланган ҳолда) лавозим маошига нисбатан 5 фоизгача;
7. республикада чоп этилган якка муаллифликдаги монография ва қўлёзма учун лавозим маошига нисбатан 10 фоизгача;
8. ноёб қўлёзмаларни илмий муомалага киритган нашр муаллифига (бир нечта муаллиф бўлган тақдирда, тенг миқдорда тақсимланган ҳолда) лавозим маошига нисбатан 10 фоизгача;
и) ўқув жараёнида амалий қўлланиладиган ёки ишлаб чиқаришга жорий қилинган интеллектуал фаолият натижаси ҳамда ўрнатилган тартибда рўйхатдан ўтказилган дарслик, ўқув қўлланма, тадқиқотни амалиётга жорий қилинганлиги ҳақида марказий давлат органлари ва давлат бошқарув органларининг далолатномаси борлиги учун лавозим маошига нисбатан 15 фоизгача миқдорида белгиланади.
Мазкур талаб асосида умумий қўшимча ҳақ лавозим маошига нисбатан бир ойда 15 фоиздан ошмаслиги лозим.
к) ҳар бир ихтиро ва/ёки фойдали моделга патент олганлик учун муаллифга (бир нечта муаллиф бўлган тақдирда, хорижий ҳаммуаллифлар ва илмий даражага эга бўлмаганлардан ташқари, фақат илмий даражалилар ўртасида тенг миқдорда тақсимланган ҳолда) лавозим маошига нисбатан белгиланади. Бунда:
ҳар бир ихтирога патент (электрон ҳисоблаш машиналари учун яратилган дастурнинг расмий рўйхатдан ўтказилганлиги тўғрисидаги гувоҳнома бундан мустасно) олганлик учун ҳар бир муаллифга лавозим маошига нисбатан 20 фоизгача;
ҳар бир фойдали моделга патент (электрон ҳисоблаш машиналари учун яратилган дастурнинг расмий рўйхатдан ўтказилганлиги тўғрисидаги гувоҳнома бундан мустасно) олганлик учун ҳар бир муаллифга лавозим маошига нисбатан 15 фоизгача.
Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим;
л) илмий, илмий-оммабоп журналлар таҳрир ҳайъати аъзолиги учун:
маҳаллий журналларда лавозим маошига нисбатан 15 фоизгача;
хорижий журналларда лавозим маошига нисбатан 30 фоизгача белгиланади.
Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим.
10. Лавозим маошига бир марталик қўшимча ҳақ маълум бир давр учун эришилган натижалар йиғиндисидан келиб чиққан ҳолда ёки қуйидаги зарур шартлар бажарилганда белгиланади:
б) диссертациянинг ўз вақтида ёки муддатидан олдин ҳимоя қилинишини таъминлаганлиги учун:
фалсафа докторлари (PhD) илмий раҳбарларига лавозим маошига нисбатан 30 фоизгача;
фан докторлари (DSc) илмий маслаҳатчиларига лавозим маошига нисбатан 60 фоизгача;
в) ташкилотнинг мезбон сифатида иштирок этадиган нуфузли халқаро конференцияни (симпозиум, давра суҳбати) ташкил этганлиги учун, ходимнинг қўшган ҳиссасини ҳисобга олган ҳолда лавозим маошига нисбатан 60 фоизгача;
г) хорижий мамлакатларда ташкил қилинган илмий-педагогик фаолиятга оид халқаро тадбирларда (форумлар, конференциялар, конгресслар, анжуманлар ва бошқалар) таклифга асосан маъруза билан қатнашганлигига ҳар бир иштироки учун лавозим маошига нисбатан 30 фоизгача;
д) хорижий халқаро кўргазмаларда ўзларининг илмий ютуқларини оммалаштиришда расмий иштирок этганлигига ҳар бир кўргазма учун лавозим маошига нисбатан 30 фоизгача;
е) ихтисослашган халқаро маълумотлар базасига киритилган ҳар бир илмий нашр (монография, илмий реферат, информацион реферат, услубий ишланмалар, тавсиялар, тезислар, шунингдек илмий конференция материаллари, илмий мақолалар, илмий ишлар тўпламлари) учун лавозим маошига нисбатан 30 фоизгача;
ж) давлат ҳокимияти ва бошқаруви органларининг мурожаатига асосан илмий-амалий таклифларни тайёрлаш учун қўшган ҳиссасини ҳисобга олган ҳолда, лавозим маошига нисбатан 30 фоизгача.
3-боб. Илм-фан соҳасидаги ташкилотларда қўшимча ҳақ тўлаш мезонлари, ҳажми ва муддатлари
12. Лавозим маошига ҳар ойлик қўшимча ҳақ ходимнинг фаолияти натижалари асосида қуйидагича ўрнатилиши мумкин:
б) илмий даражалар берувчи хорижий илмий, экспертлик, илмий-техник кенгашларда аъзолик (иштирок этиш) учун лавозим маошига нисбатан 30 фоизгача бўлган миқдорда белгиланади.
Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим;
г) Scopus, Web of Science индексацияланган маълумотлар базаларига кирган журналларда эълон қилинган мақола (монография) учун ҳар бир муаллифга лавозим маошига нисбатан қуйидагича белгиланади. Бунда:
1. биринчи квартилга (Q1) кирган журналларда эълон қилинган мақола учун ҳар бир муаллифга лавозим маошига нисбатан 30 фоизгача;
2. иккинчи квартилга (Q2) кирган журналларда эълон қилинган мақола учун ҳар бир муаллифга лавозим маошига нисбатан 20 фоизгача;
3. учинчи квартилга (Q3) кирган журналларда эълон қилинган мақола учун ҳар бир муаллифга лавозим маошига нисбатан 15 фоизгача;
4. тўртинчи квартилга (Q4) ва бошқа умумэътироф этилган индексацияланган маълумотлар базаларидаги журналларда чоп этилган мақолаларнинг ҳар бир муаллифига лавозим маошига нисбатан 5 фоизгача;
5. Scopus, Web of Science индексацияланган маълумотлар базаларда конференция материалларида эълон қилинган ҳар бир маъруза муаллифига лавозим маошига нисбатан 10 фоизгача;
6. маҳаллий илмий журналларда чоп этилган мақола учун ташкилот (бир нечта муаллиф бўлган тақдирда, тенг миқдорда тақсимланган ҳолда) лавозим маошига нисбатан 5 фоизгача;
7. республикада чоп этилган якка муаллифликдаги монография ва қўлёзма учун лавозим маошига нисбатан 10 фоизгача;
8. ноёб қўлёзмаларни илмий муомалага киритган нашр муаллифига (бир нечта муаллиф бўлган тақдирда, тенг миқдорда тақсимланган ҳолда) лавозим маошига нисбатан 10 фоизгача;
е) ҳар бир ихтиро ва/ёки фойдали моделга патент олганлик учун муаллифга (бир нечта муаллиф бўлган тақдирда, хорижий ҳаммуаллифлар ва илмий даражага эга бўлмаганлардан ташқари, фақат илмий даражалилар ўтасида тенг миқдорда тақсимланган ҳолда) лавозим маошига нисбатан белгиланади. Бунда:
ҳар бир ихтирога патент (электрон ҳисоблаш машиналари учун яратилган дастурнинг расмий рўйхатдан ўтказилганлиги тўғрисидаги гувоҳнома бундан мустасно) олганлик учун ҳар бир муаллифга 20 фоизгача;
ҳар бир фойдали моделга патент (электрон ҳисоблаш машиналари учун яратилган дастурнинг расмий рўйхатдан ўтказилганлиги тўғрисидаги гувоҳнома бундан мустасно) олганлик учун ҳар бир муаллифга 15 фоизгача.
Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим;
ж) илмий, илмий-оммабоп журналлар таҳрир ҳайъати аъзолиги учун:
маҳаллий журналларда лавозим маошига нисбатан 15 фоизгача;
хорижий журналларда лавозим маошига нисбатан 30 фоизгача белгиланади.
Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим;
з) хорижий илмий лойиҳаларда иштирок этганлиги учун:
тадқиқот гуруҳи аъзоси сифатида лавозим маошига нисбатан 15 фоизгача;
лойиҳа раҳбари сифатида лавозим маошига нисбатан 30 фоизгача белгиланади;
к) олий таълим муассасаларида ҳар бир жорий этилган дарсликлар ва ўқув қўлланмалар нашри учун лавозим маошига нисбатан 15 фоизгача белгиланади.
Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим;
л) янги инновацион корхона ташкил этганлиги учун лавозим маошига нисбатан 30 фоизгача белгиланади.
м) давлат илмий дастурлари лойиҳаларини кўриб чиқадиган илмий-техник кенгашларда ҳар бир аъзолик (иштирок этганлик) учун лавозим маошига нисбатан 15 фоизгача белгиланади.
Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим;
н) олий таълим ташкилотлари билан биргаликда илмий ёки лаборатория воситаларидан кенг фойдаланган ҳолда, янги ўқув маҳсулотлари (тренинг курслари, услубий таъминотли ўйинлар, услубий қўлланмалар)ни ишлаб чиқиш ва жорий этишдаги иштироки учун:
ўзбек ёки рус тилида, шунингдек, тил мутахассисликлари бўйича чет тилида ҳар бир маҳсулот (мажмуа) учун лавозим маошига нисбатан 10 фоизгача;
хорижий тилда (тил мутахассисликларидан ташқари) ҳар бир маҳсулот (мажмуа) учун лавозим маошига нисбатан 20 фоизгача белгиланади.
Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим;
о) илмий кенгашлар ҳузуридаги ихтисосликлар бўйича (чет тили ва мутахассислик фанларидан) малакавий имтиҳон комиссияси ҳамда олий таълимдан кейинги таълимнинг барча шаклларида ўқишга талабгорларни танлаб олиш учун кириш имтиҳонлари ва изланувчиларни мониторингдан ўтказиш бўйича комиссия (ишчи гуруҳ) аъзоси бўлганлиги учун лавозим маошига нисбатан 5 фоизгача миқдорда белгиланади.
Мазкур талаб асосида умумий қўшимча ҳақ лавозим маошига нисбатан бир ойда 15 фоиздан ошмаслиги лозим.
13. Лавозим маошига бир марталик қўшимча ҳақ маълум бир давр учун эришилган натижалар йиғиндисидан келиб чиққан ҳолда ёки қуйидаги зарур шартлар бажарилганда белгиланади:
б) ўз вақтида ёки муддатидан олдин илмий даража олиш учун тадқиқот ишини ҳимоя қилганда:
фалсафа доктори (PhD) илмий раҳбарига ҳимоя қилганлиги тўғрисида далил тақдим қилганида лавозим маошига нисбатан 30 фоизгача;
фан доктори (DSc) илмий раҳбарига ҳимоя қилганлиги тўғрисида далил тақдим қилганида лавозим маошига нисбатан 60 фоизгача;
г) ташкилотнинг мезбон сифатида иштирок этадиган халқаро конференцияни (симпозиум, давра суҳбати) ташкил этганлиги учун, ходимнинг қўшган ҳиссасини ҳисобга олган ҳолда лавозим маошига нисбатан 50 фоизгача олти ойда бир марта;
д) хорижий мамлакатларда ташкил қилинган халқаро илмий, илмий-техникавий ва бошқа илмий-маърифий тадбирларда (форумлар, конференциялар, конгресслар, анжуманлар, ва бошқалар) таклифга асосан маъруза билан қатнашганлигига, ҳар бир иштироки учун лавозим маошига нисбатан 30 фоизгача;
е) хорижий халқаро кўргазмаларда ўзларининг илмий ютуқларини оммалаштиришда расмий иштирок этганлигига ҳар бир кўргазма учун лавозим маошига нисбатан 50 фоизгача;
ж) нуфузли халқаро маълумотлар базасига киритилган ҳар бир тадқиқот натижаси учун лавозим маошига нисбатан 30 фоизгача;
з) давлат бошқарув органларининг мурожаатига асосан илмий-амалий таклифларни тайёрлаш учун қўшган ҳиссасини ҳисобга олган ҳолда, лавозим маошига нисбатан 30 фоизгача.
4-боб. Ўрта махсус, профессионал ва умумий ўрта таълим ташкилотларида белгиланадиган қўшимча ҳақ миқдори ва муддатлари
14. Лавозим маошига ҳар ойлик қўшимча ҳақ ходимнинг фаолияти натижалари асосида қуйидагича ўрнатилиши мумкин:
а) ёшларни тарбиялашга оид ҳар бир ишлаб чиқилган ва амалиётга жорий қилинган илмий-методик қўлланма, илмий-таҳлилий услуб (ёндашув)лар учун лавозим маошига нисбатан 30 фоизгача;
б) таълим ва тарбия соҳасида тегишли ташкилот билан боғлиқ илмий мақола (монография) нашр қилганлиги учун:
журналнинг даражаси ва муҳимлигидан келиб чиққан ҳолда миллий илмий журналлардаги нашр учун лавозим маошига нисбатан 15 фоизгача;
халқаро журналларда эълон қилинган ҳар бир мақола (монография) учун муаллифларга лавозим маошига нисбатан 30 фоизгача белгиланади.
Мазкур банднинг барча кичик бандлари асосида ҳар ойлик қўшимча ҳақ лавозим маошига нисбатан бир ойда фалсафа доктори (PhD)га 30 фоиз ва фан доктори (DSc)га 60 фоиздан ошмаслиги лозим.
15. Лавозим маошига бир марталик қўшимча ҳақ маълум бир давр учун эришилган натижалар йиғиндисидан келиб чиққан ҳолда ёки зарур шартлар бажарилганда белгиланади:
а) фан олимпиадалари ғолибларини тайёрлагани учун лавозим маошига нисбатан:
туман ва вилоят миқёсдаги натижалар учун 15 фоизгача;
республика миқёсдаги натижалар учун 20 фоизгача;
халқаро миқёсдаги натижалар учун 30 фоизгача;
б) замонавий ўқув-кўргазмаларни яратганлиги учун 10 фоизгача;
в) ноанъанавий йўналишдаги (робототехника, ментал арифметика ва бошқалар) ўқув машғулотларини ташкил қилганилиги учун 30 фоизгача;
г) ўқувчиларда тадбиркорлик кўникмаларини шакллантиришга қўшган ҳиссаси учун 20 фоизгача.
5-боб. Мактабгача таълим ташкилотларида белгиланадиган қўшимча ҳақ миқдори ва муддатлари
16. Лавозим маошига ҳар ойлик қўшимча ҳақ ходимнинг фаолияти натижалари асосида қуйидагича ўрнатилиши мумкин:
а) мактаб ёшигача бўлган болаларни тарбиялашга оид ҳар бир ишлаб чиқилган ва амалиётга жорий қилинган илмий-методик қўлланма, илмий-таҳлилий услуб (ёндашув)лар учун лавозим маошига нисбатан 30 фоизгача;
б) таълим ва тарбия соҳасида тегишли ташкилот билан боғлиқ илмий мақола (монография) нашр қилганлиги учун:
журналнинг даражаси ва муҳимлигидан келиб чиққан ҳолда миллий илмий журналлардаги нашр учун лавозим маошига нисбатан 15 фоизгача;
халқаро журналларда эълон қилинган ҳар бир мақола (монография) учун муаллифларга лавозим маошига нисбатан 30 фоизгача белгиланади.
Мазкур банднинг барча кичик бандлари асосида ҳар ойлик қўшимча ҳақ лавозим маошига нисбатан бир ойда фалсафа доктори (PhD)га 30 фоиз ва фан доктори (DSc)га 60 фоиздан ошмаслиги лозим.
17. Лавозим маошига бир марталик қўшимча ҳақ маълум бир давр учун эришилган натижалар йиғиндисидан келиб чиққан ҳолда ёки қуйидаги зарур шартлар бажарилганда белгиланади:
а) кўрик танловлардаги иштироки учун лавозим маошига нисбатан:
туман ва вилоят миқёсдаги натижалар учун 15 фоизгача;
республика миқёсдаги натижалар учун 20 фоизгача;
б) ўйин тамойилига асосланган замонавий машғулотларни ташкил қилганлиги учун 15 фоизгача;
в) тарбияланувчиларни илм-фанга қизиқишини оширишга қўшган ҳиссаси учун 20 фоизгача.
5 1 -боб. Ташкилотларда илмий даражага эга ходимларга қўшимча ҳақ тўлаш бўйича ишчи комиссияни ташкил этиш тартиби
17 1 . Қўшимча ҳақ олиш ҳуқуқига эга бўлган ходимларнинг аризаларини умумлаштириш ва коллегиал орган йиғилишида кўриб чиқиш учун ҳужжатларни тайёрлаш бўйича ишчи комиссия таркиби ҳар йили декабрь ойида Коллегиал орган қарори билан камида етти кишидан иборат этиб тасдиқланади.
17 2 . Ишчи комиссия таркибига олий таълим муассасалари учун илмий ва инновациялар бўйича проректор (филиал директори ўринбосари), илмий ташкилотлар учун директорнинг илм-фан бўйича ўринбосари, бундай лавозим бўлмаганида илмий котиб, ўрта махсус, касб-ҳунар ва умумий ўрта таълим ташкилотлари учун директорнинг ўқув ишлари бўйича ўринбосари, мактабгача таълим муассасалари учун бош услубчи раҳбарлик қилади.
17 3 . Ташкилотлар ишчи комиссия ҳуқуқлари ва жавобгарлиги, фаолиятини ташкил этиш тартибини тасдиқлайди.
6-боб. Қўшимча ҳақ маблағларини режалаштириш ва молиялаштириш
18. Ташкилот томонидан қўшимча ҳақ белгилаш учун бюджет маблағлари ҳажмини режалаштириш илмий даражали ходимларга штат бирлиги сонидан келиб чиқиб, қўшимча ҳақнинг энг кўп миқдорида белгиланади:
фалсафа доктори (PhD) ёки фан номзоди илмий даражаси (ёки шунга тенглаштирилган хорижий давлатлар даражаси)га эга ходимларнинг лавозим маошига нисбатан 30 фоизгача;
фан доктори (PhD) илмий даражаси (ёки шунга тенглаштирилган хорижий давлатлар даражаси)га эга ходимларнинг лавозим маошига нисбатан 60 фоизгача.
Мазкур қўшимча ҳақни молиялаштириш илмий даражали ходимларнинг ҳақиқий штат бирлиги сонидан келиб чиққан ҳолда амалга оширилади.
19. Ходимларга қўшимча ҳақни белгилаш билан боғлиқ харажатлар штат жадвалида алоҳида акс эттирилади ва ташкилотнинг харажатлар сметасида алоҳида модда билан бюджет классификацияси харажатларида назарда тутилади.
20. Ташкилот ушбу низомга мос равишда, мажбурий тартибда бюджет ташкилотларини ривожлантириш жамғармасига келиб тушадиган ва ундан сарфланадиган пул маблағларини алоҳида ҳисобини юритади.
7-боб. Якунловчи қоидалар
21. Ушбу Низом бўйича ажратиладиган пул маблағларининг мақсадли, самарали ва оқилона ишлатилиши, шунингдек, қўшимча ҳақ миқдори асосланган ва тўғри ҳисобланиши ҳамда белгиланиши учун ташкилот раҳбари шахсан жавобгар ҳисобланади.
22. Мазкур Низом талаблари асосида қўшимча ҳақ тўлаш қўшимча ҳар ойлик ва бир марталик тўловлар миқдори бир ойда фан номзоди ёки фалсафа доктори (PhD) (ёки хорижий мамлакатларда уларга тенглаштирилган) илмий даражасига эга бўлган ходимлар учун лавозим маошининг 30 фоизидан ҳамда фан доктори (DSc) (ёки хорижий мамлакатларда унга тенглаштирилган даража) илмий даражасига эга бўлган ходимлар учун лавозим маошининг 60 фоизидан ошмаслиги керак.
23. Ушбу Низом талабларини бузилишида айбдор шахслар қонунчилик ҳужжатларида белгиланган тартибда жавобгар бўладилар.
24. Тизимида ташкилотлар мавжуд бўлган вазирлик ва идоралар Инновацион ривожланиш вазирлиги билан биргаликда қонун доирасида ташкилот коллегиал органларнинг қўшимча ҳақ миқдорини ўрнатишни ташкил қилиши устидан назорат қилади.
24 1 . Ушбу Низом докторантурада таҳсил олаётган шахсларга нисбатан татбиқ этилмайди.
25. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.
26. Давлат бошқаруви органлари ва бошқа ташкилотларда фаолият юритувчи илмий даражага эга ходимларга қонунчиликда белгиланган тартибда бюджетдан ташқари маблағлар ҳисобидан қўшимча ҳақ тўланиши мумкин. Бунда қўшимча ҳақ белгилаш талаблари (мезонлари) давлат бошқаруви органлари ва бошқа ташкилотлар фаолиятининг асосий хусусиятларидан келиб чиққан ҳолда уларнинг коллегиал органи қарори билан тасдиқланади.
Академик, ташкилий-бошқарув ва молиявий мустақиллик берилган олий таълим муассасаларида илмий, илмий-педагогик ва меҳнат фаолияти билан шуғулланувчи илмий даражага эга ходимларга ушбу ташкилотларнинг бюджетдан ташқари маблағлари ҳисобидан ҳам қўшимча ҳақ тўланиши мумкин.
Бунда, қўшимча ҳақ белгилаш талаблари (мезонлари) ушбу ташкилотларнинг кузатув кенгашлари қарори билан белгиланади.
Ўзбекистон Республикасининг Бош вазири А. АРИПОВ
Тошкент ш.,
2019 йил 24 декабрь,
1030-сон
Oʻzbekiston Respublikasi Vazirlar Mahkamasining
qarori
NIZOM
Ilm-fan va taʼlim sohasidagi davlat tashkilotlarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega xodimlarga qoʻshimcha haq toʻlash tartibi toʻgʻrisida
Oʻzbekiston Respublikasining “Ilm-fan va ilmiy faoliyat toʻgʻrisida”gi Qonuni hamda Oʻzbekiston Respublikasi Prezidentining “2019 — 2023-yillarda Mirzo Ulugʻbek nomidagi Oʻzbekiston Milliy universitetida talab yuqori boʻlgan malakali kadrlar tayyorlash tizimini tubdan takomillashtirish va ilmiy salohiyatni rivojlantirish chora-tadbirlari toʻgʻrisida” 2019-yil 17-iyundagi PQ-4358-son qaroriga muvofiq, shuningdek, kadrlar salohiyatini oshirish, ilm-fan va taʼlim sohasida yuqori malakali kadrlarning bilim va tajribalarini amalda qoʻllashni moliyaviy ragʻbatlantirish uchun qoʻshimcha shart-sharoitlar yaratish maqsadida Vazirlar Mahkamasi qaror qiladi:
1. Ilm-fan va taʼlim sohasidagi davlat tashkilotlarida (keyingi oʻrinlarda tashkilot deb ataladi) ilmiy-pedagogik va mehnat faoliyati bilan shugʻullanuvchi xodimlarning lavozim maoshiga:
fan nomzodi yoki falsafa doktori (PhD) (yoki xorijiy mamlakatlarda ularga tenglashtirilgan darajalar) (keyingi oʻrinlarda falsafa doktori deb ataladi) ilmiy darajasiga ega shaxslar uchun — lavozim maoshining 30 foizigacha;
fan doktori (Doctor of Science) (yoki xorijiy mamlakatlarda unga tenglashtirilgan daraja) (keyingi oʻrinlarda fan doktori deb ataladi) ilmiy darajasiga ega shaxslar uchun — lavozim maoshining 60 foizigacha qoʻshimcha haq toʻlash tizimi joriy etilsin.
2. Ilm-fan va taʼlim sohasidagi davlat tashkilotlarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega xodimlarga qoʻshimcha haq toʻlash tartibi toʻgʻrisidagi nizom 1-ilovaga muvofiq tasdiqlansin.
3. Belgilansinki:
a) qoʻshimcha haq ushbu qarorga muvofiq tegishli mezonlarni bajarilishini baholash natijalari boʻyicha hamda tarkibiy boʻlinma rahbarining ishchi komissiyaga taqdimnomasi va tashkilot kollegial organi qarori asosida har bir xodimning ilmiy-pedagogik va mehnat faoliyatiga qoʻshgan aniq hissasini hisobga olgan holda belgilanadi;
b) ushbu qaror bilan joriy etilayotgan qoʻshimcha oylik va bir martalik toʻlovlar miqdori bir oyda — falsafa doktori ilmiy darajasiga ega xodimlar uchun lavozim maoshining 30 foizidan hamda fan doktori ilmiy darajasiga ega xodimlar uchun lavozim maoshining 60 foizidan oshmasligi kerak;
v) Oʻzbekiston Respublikasi Davlat budjetidan moliyalashtiriladigan ilm-fan va taʼlim sohasidagi davlat tashkilotlari xodimlariga ushbu qarorga muvofiq qoʻshimcha haq belgilanishi bilan bogʻliq xarajatlarni moliyalashtirish Oʻzbekiston Respublikasi Davlat budjeti mablagʻlari hisobidan amalga oshiriladi;
g) ushbu qarorga muvofiq qoʻshimcha haq toʻlash bilan bogʻliq boʻlgan xarajatlarni moliyalashtirish uchun Oʻzbekiston Respublikasi Davlat budjeti mablagʻlari hajmini rejalashtirish falsafa doktori ilmiy darajasiga ega xodimlar lavozim maoshining 30 foizi miqdorida qoʻshimcha haq va fan doktori ilmiy darajasiga ega boʻlgan xodimlar lavozim maoshining 60 foizi miqdoridagi qoʻshimcha haqning eng koʻp hajmi ilmiy darajaga ega boʻlgan xodimlarning haqiqiy sonidan kelib chiqqan holda band boʻlgan shtat birligi soni boʻyicha amalga oshiriladi;
4. Tashkilotning kollegial organi (keyingi oʻrinlarda — kollegial organ) ushbu Nizomga muvofiq muayyan mezonlar asosida ishchi komissiya majlisining xulosasiga koʻra xodimga qoʻshimcha haq miqdori va toʻlov davrini belgilash toʻgʻrisida qaror qabul qiladi.
Bunda, kollegial organ xodimga belgilangan qoʻshimcha haq miqdorining toʻgʻri belgilanishiga javobgar hisoblanadi.
5. Tizimida tashkilotlar mavjud boʻlgan vazirlik va idoralar Innovatsion rivojlanish vazirligi bilan birgalikda:
ushbu qarorga muvofiq xodimlarga qoʻshimcha haq belgilanishining asoslanganligi, shuningdek, ularni toʻlash uchun ajratilgan mablagʻlardan maqsadli foydalanilishini doimiy nazorat qilib borsin;
har yili 25-dekabrga qadar Oʻzbekiston Respublikasi Moliya vazirligiga ushbu qarorga muvofiq qoʻshimcha haq toʻlash huquqiga ega boʻlgan xodimlarning band boʻlgan shtat birligi soni toʻgʻrisida, shuningdek, ularni toʻlash uchun ajratilgan mablagʻlar, shu jumladan, moliya yili oxirida sarf qilinmagan moliya hajmi toʻgʻrisidagi maʼlumotlarni taqdim etib borsin;
bir oy muddatda manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
7. Mazkur qarorning bajarilishini nazorat qilish Oʻzbekiston Respublikasi innovatsion rivojlanish vaziri I.Yu. Abdurahmonov hamda Vazirlar Mahkamasining Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini taʼminlash kotibiyati zimmasiga yuklansin.
Vazirlar Mahkamasining 2019-yil 24-dekabrdagi 1030-son qaroriga 1-ILOVA
Ilm-fan va taʼlim sohasidagi davlat tashkilotlarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega xodimlarga qoʻshimcha haq toʻlash tartibi toʻgʻrisida
1-bob. Umumiy qoidalar
1. Ushbu Nizom ilm-fan, taʼlim va tajriba-konstruktorlik sohasidagi davlat tashkilotlarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega xodimlarga (shu jumladan harbiy xizmatchilar va huquqni muhofaza qilish organlari hamda davlat sud-ekspertiza muassasalarining xodimlariga) qoʻshimcha haq toʻlash tartibini belgilaydi.
2. Ilm-fan va taʼlim sohasidagi davlat tashkilotlarining fan nomzodi yoki falsafa doktori (PhD) ilmiy darajasiga (yoki xorijiy mamlakatlarning ularga tenglashtirilgan darajasiga) yoki fan doktori (DSc) ilmiy darajasiga (yoki xorijiy mamlakatlarning unga tenglashtirilgan darajasiga) ega boʻlgan xodimlariga asosiy ish joyi boʻyicha ushbu Nizomga muvofiq qoʻshimcha haq belgilanadi.
3. Nizomda quyidagi asosiy tushunchalar qoʻllaniladi:
lavozim maoshi — kalendar oyi uchun muayyan murakkablikdagi mehnat (lavozim) vazifalarini bajarish uchun xodimning mehnatiga haq toʻlashning qonunchilik hujjatlariga muvofiq belgilangan miqdori (kompensatsiya, ragʻbatlantirish va ijtimoiy toʻlovlar, nafaqalar va boshqa qoʻshimcha toʻlovlarni hisobga olmagan holda);
qoʻshimcha haq — xodimlar mehnatining sifati va natijadorligini ragʻbatlantirish maqsadida belgilangan lavozim maoshiga nisbatan foiz hisobida belgilangan toʻlov;
bir martalik qoʻshimcha haq — amalga oshirilgan muayyan ish boʻyicha natijaga erishilgani uchun toʻlanadigan bir martalik qoʻshimcha toʻlov;
har oylik qoʻshimcha haq — amalga oshirilgan muayyan ish boʻyicha natijaga erishilgani uchun har oyda toʻlanadigan qoʻshimcha toʻlov;
ilm-fan va taʼlim sohasidagi davlat tashkiloti (keyingi oʻrinlarda tashkilot deb ataladi) — ustav asosida ilmiy va taʼlim faoliyati bilan shugʻullanuvchi budjet tashkiloti yoki budjet mablagʻlari oluvchi tashkilot;
intellektual faoliyat natijasi — intellektual mulk obyekti, shu jumladan, fan, adabiyot, sanʼat, ijro, fonogramma, efir yoki kabel orqali namoyish etilgan koʻrsatuvlar, ixtirolar, foydali modellar, sanoat namunalari, seleksiya yutuqlari, elektron hisoblash mashinalari uchun dasturlar, maʼlumotlar bazalari, oshkor qilinmagan maʼlumotlar, shu jumladan, ishlab chiqarish sirlari (nou-xau), tovar belgilari, firma nomlari, tovar kelib chiqqan joy nomlari va qonunchilik hujjatlarida nazarda tutilgan intellektual faoliyat natijasi.
4. Tashkilotning kollegial organi (keyingi oʻrinlarda kollegial organ deb ataladi) ushbu Nizomga muvofiq muayyan mezonlar asosida tarkibiy boʻlinma rahbarining tavsiyasiga koʻra xodimga qoʻshimcha haq miqdori va toʻlov davrini belgilash toʻgʻrisida qaror qabul qiladi.
Tashkilot rahbari uchun ushbu Nizomga muvofiq qoʻshimcha haq belgilash yuqori turuvchi tashkilot roziligi bilan amalga oshiriladi.
Erishilgan natijalarning mezonlarga muvofiqligini baholash taqdim etilgan tasdiqlovchi hujjatlarga asosan amalga oshiriladi.
Kollegial organ qoʻshimcha haq belgilash toʻgʻrisida qabul qilingan qarorning xolisligi uchun masʼul hisoblanadi.
Tashkilotning yuqori turuvchi organlari qoʻshimcha haq belgilash boʻyicha kollegial organlar ishini tashkil etish tartibini tasdiqlaydi.
5. Qoʻshimcha haq xodim tomonidan mazkur Nizomda koʻrsatilgan mezonlar boʻyicha bajargan ishlari uchun belgilanadi.
Qoʻshimcha haq toʻlashda erishilgan natijalar bir marta hisobga olinadi.
Xodimning tegishli ilmiy darajaga ega boʻlmagan davrining faoliyat natijalari hisobga olinmaydi.
6. Qoʻshimcha haqning bir martalik yoki oylik shakli joriy yilda oxirgi 12 oy davomidagi (kalendar yil yakunlari) faoliyati natijalari tahliliga koʻra belgilanadi.
Qoʻshimcha oylik toʻlov belgilashning eng koʻp muddati 12 oydan oshmasligi kerak.
Ilm-fan va taʼlim sohasidagi davlat tashkilotlarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega xodim boshqa ilm-fan va taʼlim sohasidagi davlat tashkilotiga ishga oʻtgan taqdirda, unga qoʻshimcha haq belgilashda ushbu Nizomda belgilangan talablar asosida faoliyati natijalari hisobga olinadi.
7. Qoʻshimcha haq xodim asosiy lavozim boʻyicha egallab turgan stavkasiga mutanosib ravishda har oyda hisoblanadigan bazaviy lavozim maoshiga nisbatan belgilanadi, bunda xodimning taʼtil davri uchun qoʻshimcha haq toʻlov amalga oshirilmaydi.
Bunda, ushbu bandda nazarda tutilgan tartib oliy taʼlim muassasalari va ilmiy tashkilotlarning tasdiqlangan shtatlar jadvalida turuvchi asosiy ish faoliyati faqat ilmiy loyiha rahbari yoki ishtirokchisi boʻlgan ilmiy xodimlar lavozim maoshiga nisbatan ham tatbiq etiladi.
2-bob. Oliy taʼlim, kadrlar malakasini oshirish va qayta tayyorlash tashkilotlarida qoʻshimcha haq belgilash talablari, miqdori va muddatlari
9. Lavozim maoshiga har oylik qoʻshimcha haq xodimning faoliyati natijalari asosida quyidagicha oʻrnatilishi mumkin:
a) oliy taʼlim muassasasi elektron platformasiga oʻquv yuklamasida nazarda tutilganidan tashqari mustaqil ishlab chiqilgan va oʻquv jarayonida foydalanilayotgan oʻz oʻquv uslubiy majmualarini (modul dasturi, oʻquv kontenti, muammoli vaziyat, kazus test, video dars) joylashtirganligi uchun;
har bir majmua (modul) uchun oʻzbek yoki rus tilida, shuningdek, chet tili mutaxassisliklari boʻyicha lavozim maoshiga nisbatan 5 foizgacha;
xorijiy tilda (til mutaxassisligidan tashqari) har bir majmua (modul) uchun lavozim maoshiga nisbatan 10 foizgacha belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 15 foizdan oshmasligi lozim;
b) hamkor tashkilotlar bilan birgalikda ilmiy yoki laboratoriya vositalaridan keng foydalangan holda yangi oʻquv mahsulotlari (trening kurslari, uslubiy taʼminotli oʻyinlar, uslubiy qoʻllanmalar)ni ishlab chiqqani va joriy etgani uchun:
oʻzbek yoki rus tilida, shuningdek, til mutaxassisliklari boʻyicha chet tilida har bir mahsulot (majmua) uchun lavozim maoshiga nisbatan 10 foizgacha;
xorijiy tilda (til mutaxassisliklaridan tashqari) har bir mahsulot (majmua) uchun lavozim maoshiga nisbatan 20 foizgacha belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;
v 1 ) ixtisoslashgan ilmiy kengashlar huzuridagi ixtisosliklar boʻyicha (chet tili va mutaxassislik fanlaridan) malakaviy imtihon komissiyasi hamda oliy taʼlimdan keyingi taʼlimning barcha shakllarida oʻqishga talabgorlarni tanlov olish uchun kirish imtihonlar va izlanuvchilarni monitoringdan oʻtkazish jarayonida komissiya (ishchi guruh) aʼzosi boʻlganligi uchun lavozim maoshiga nisbatan 5 foiz miqdorida belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 15 foizdan oshmasligi lozim.
g) oliy taʼlim muassasalarning birinchi mingtalik (top-1000) yoki fan yoʻnalishlari boʻyicha birinchi yuztalik (top-100) xalqaro (Quacquarelli Symonds World University Rankings, Times Nigher Education yoki Academic Ranking of World Universities) reytinglarga kirgan oliy taʼlim muassasalarining onlayn taʼlim platformalariga kiritilgan yoki sayyor shaklda oʻtkazilgan har bir maʼruza uchun lavozim maoshiga nisbatan 15 foizgacha belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;
g 1 ) davlat ilmiy dasturlari loyihalarini koʻrib chiqadigan ilmiy-texnik kengashlarda har bir aʼzolik (ishtirok etganlik) uchun lavozim maoshiga nisbatan 15 foizgacha belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim.
e) ilmiy darajalar beruvchi xorijiy ilmiy, ekspertlik, ilmiy-texnik kengashlarda aʼzolik (ishtirok etish) uchun lavozim maoshiga nisbatan 30 foizgacha belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;
z) Scopus, Web of Science indeksatsiyalangan maʼlumotlar bazalariga kirgan jurnallarda eʼlon qilingan maqola (monografiya) uchun har bir muallifga lavozim maoshiga nisbatan quyidagicha belgilanadi. Bunda:
1. birinchi kvartilga (Q1) kirgan jurnallarda eʼlon qilingan maqola uchun har bir muallifga lavozim maoshiga nisbatan 30 foizgacha;
2. ikkinchi kvartilga (Q2) kirgan jurnallarda eʼlon qilingan maqola uchun har bir muallifga lavozim maoshiga nisbatan 20 foizgacha;
3. uchinchi kvartilga (Q3) kirgan jurnallarda eʼlon qilingan maqola uchun har bir muallifga lavozim maoshiga nisbatan 15 foizgacha;
4. toʻrtinchi kvartilga (Q4) va boshqa umumeʼtirof etilgan indeksatsiyalangan maʼlumotlar bazalaridagi jurnallarda chop etilgan maqolalarning har bir muallifiga lavozim maoshiga nisbatan 5 foizgacha;
5. Scopus, Web of Science indeksatsiyalangan maʼlumotlar bazalarda konferensiya materiallarida eʼlon qilingan har bir maʼruza muallifiga lavozim maoshiga nisbatan 5 foizgacha;
6. mahalliy ilmiy jurnallarda chop etilgan maqola uchun tashkilot (bir nechta muallif boʻlgan taqdirda, teng miqdorda taqsimlangan holda) lavozim maoshiga nisbatan 5 foizgacha;
7. respublikada chop etilgan yakka mualliflikdagi monografiya va qoʻlyozma uchun lavozim maoshiga nisbatan 10 foizgacha;
8. noyob qoʻlyozmalarni ilmiy muomalaga kiritgan nashr muallifiga (bir nechta muallif boʻlgan taqdirda, teng miqdorda taqsimlangan holda) lavozim maoshiga nisbatan 10 foizgacha;
i) oʻquv jarayonida amaliy qoʻllaniladigan yoki ishlab chiqarishga joriy qilingan intellektual faoliyat natijasi hamda oʻrnatilgan tartibda roʻyxatdan oʻtkazilgan darslik, oʻquv qoʻllanma, tadqiqotni amaliyotga joriy qilinganligi haqida markaziy davlat organlari va davlat boshqaruv organlarining dalolatnomasi borligi uchun lavozim maoshiga nisbatan 15 foizgacha miqdorida belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 15 foizdan oshmasligi lozim.
k) har bir ixtiro va/yoki foydali modelga patent olganlik uchun muallifga (bir nechta muallif boʻlgan taqdirda, xorijiy hammualliflar va ilmiy darajaga ega boʻlmaganlardan tashqari, faqat ilmiy darajalilar oʻrtasida teng miqdorda taqsimlangan holda) lavozim maoshiga nisbatan belgilanadi. Bunda:
har bir ixtiroga patent (elektron hisoblash mashinalari uchun yaratilgan dasturning rasmiy roʻyxatdan oʻtkazilganligi toʻgʻrisidagi guvohnoma bundan mustasno) olganlik uchun har bir muallifga lavozim maoshiga nisbatan 20 foizgacha;
har bir foydali modelga patent (elektron hisoblash mashinalari uchun yaratilgan dasturning rasmiy roʻyxatdan oʻtkazilganligi toʻgʻrisidagi guvohnoma bundan mustasno) olganlik uchun har bir muallifga lavozim maoshiga nisbatan 15 foizgacha.
Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;
l) ilmiy, ilmiy-ommabop jurnallar tahrir hayʼati aʼzoligi uchun:
mahalliy jurnallarda lavozim maoshiga nisbatan 15 foizgacha;
xorijiy jurnallarda lavozim maoshiga nisbatan 30 foizgacha belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim.
10. Lavozim maoshiga bir martalik qoʻshimcha haq maʼlum bir davr uchun erishilgan natijalar yigʻindisidan kelib chiqqan holda yoki quyidagi zarur shartlar bajarilganda belgilanadi:
b) dissertatsiyaning oʻz vaqtida yoki muddatidan oldin himoya qilinishini taʼminlaganligi uchun:
falsafa doktorlari (PhD) ilmiy rahbarlariga lavozim maoshiga nisbatan 30 foizgacha;
fan doktorlari (DSc) ilmiy maslahatchilariga lavozim maoshiga nisbatan 60 foizgacha;
v) tashkilotning mezbon sifatida ishtirok etadigan nufuzli xalqaro konferensiyani (simpozium, davra suhbati) tashkil etganligi uchun, xodimning qoʻshgan hissasini hisobga olgan holda lavozim maoshiga nisbatan 60 foizgacha;
g) xorijiy mamlakatlarda tashkil qilingan ilmiy-pedagogik faoliyatga oid xalqaro tadbirlarda (forumlar, konferensiyalar, kongresslar, anjumanlar va boshqalar) taklifga asosan maʼruza bilan qatnashganligiga har bir ishtiroki uchun lavozim maoshiga nisbatan 30 foizgacha;
d) xorijiy xalqaro koʻrgazmalarda oʻzlarining ilmiy yutuqlarini ommalashtirishda rasmiy ishtirok etganligiga har bir koʻrgazma uchun lavozim maoshiga nisbatan 30 foizgacha;
e) ixtisoslashgan xalqaro maʼlumotlar bazasiga kiritilgan har bir ilmiy nashr (monografiya, ilmiy referat, informatsion referat, uslubiy ishlanmalar, tavsiyalar, tezislar, shuningdek ilmiy konferensiya materiallari, ilmiy maqolalar, ilmiy ishlar toʻplamlari) uchun lavozim maoshiga nisbatan 30 foizgacha;
j) davlat hokimiyati va boshqaruvi organlarining murojaatiga asosan ilmiy-amaliy takliflarni tayyorlash uchun qoʻshgan hissasini hisobga olgan holda, lavozim maoshiga nisbatan 30 foizgacha.
3-bob. Ilm-fan sohasidagi tashkilotlarda qoʻshimcha haq toʻlash mezonlari, hajmi va muddatlari
12. Lavozim maoshiga har oylik qoʻshimcha haq xodimning faoliyati natijalari asosida quyidagicha oʻrnatilishi mumkin:
b) ilmiy darajalar beruvchi xorijiy ilmiy, ekspertlik, ilmiy-texnik kengashlarda aʼzolik (ishtirok etish) uchun lavozim maoshiga nisbatan 30 foizgacha boʻlgan miqdorda belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;
g) Scopus, Web of Science indeksatsiyalangan maʼlumotlar bazalariga kirgan jurnallarda eʼlon qilingan maqola (monografiya) uchun har bir muallifga lavozim maoshiga nisbatan quyidagicha belgilanadi. Bunda:
1. birinchi kvartilga (Q1) kirgan jurnallarda eʼlon qilingan maqola uchun har bir muallifga lavozim maoshiga nisbatan 30 foizgacha;
2. ikkinchi kvartilga (Q2) kirgan jurnallarda eʼlon qilingan maqola uchun har bir muallifga lavozim maoshiga nisbatan 20 foizgacha;
3. uchinchi kvartilga (Q3) kirgan jurnallarda eʼlon qilingan maqola uchun har bir muallifga lavozim maoshiga nisbatan 15 foizgacha;
4. toʻrtinchi kvartilga (Q4) va boshqa umumeʼtirof etilgan indeksatsiyalangan maʼlumotlar bazalaridagi jurnallarda chop etilgan maqolalarning har bir muallifiga lavozim maoshiga nisbatan 5 foizgacha;
5. Scopus, Web of Science indeksatsiyalangan maʼlumotlar bazalarda konferensiya materiallarida eʼlon qilingan har bir maʼruza muallifiga lavozim maoshiga nisbatan 10 foizgacha;
6. mahalliy ilmiy jurnallarda chop etilgan maqola uchun tashkilot (bir nechta muallif boʻlgan taqdirda, teng miqdorda taqsimlangan holda) lavozim maoshiga nisbatan 5 foizgacha;
7. respublikada chop etilgan yakka mualliflikdagi monografiya va qoʻlyozma uchun lavozim maoshiga nisbatan 10 foizgacha;
8. noyob qoʻlyozmalarni ilmiy muomalaga kiritgan nashr muallifiga (bir nechta muallif boʻlgan taqdirda, teng miqdorda taqsimlangan holda) lavozim maoshiga nisbatan 10 foizgacha;
e) har bir ixtiro va/yoki foydali modelga patent olganlik uchun muallifga (bir nechta muallif boʻlgan taqdirda, xorijiy hammualliflar va ilmiy darajaga ega boʻlmaganlardan tashqari, faqat ilmiy darajalilar oʻtasida teng miqdorda taqsimlangan holda) lavozim maoshiga nisbatan belgilanadi. Bunda:
har bir ixtiroga patent (elektron hisoblash mashinalari uchun yaratilgan dasturning rasmiy roʻyxatdan oʻtkazilganligi toʻgʻrisidagi guvohnoma bundan mustasno) olganlik uchun har bir muallifga 20 foizgacha;
har bir foydali modelga patent (elektron hisoblash mashinalari uchun yaratilgan dasturning rasmiy roʻyxatdan oʻtkazilganligi toʻgʻrisidagi guvohnoma bundan mustasno) olganlik uchun har bir muallifga 15 foizgacha.
Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;
j) ilmiy, ilmiy-ommabop jurnallar tahrir hayʼati aʼzoligi uchun:
mahalliy jurnallarda lavozim maoshiga nisbatan 15 foizgacha;
xorijiy jurnallarda lavozim maoshiga nisbatan 30 foizgacha belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;
z) xorijiy ilmiy loyihalarda ishtirok etganligi uchun:
tadqiqot guruhi aʼzosi sifatida lavozim maoshiga nisbatan 15 foizgacha;
loyiha rahbari sifatida lavozim maoshiga nisbatan 30 foizgacha belgilanadi;
k) oliy taʼlim muassasalarida har bir joriy etilgan darsliklar va oʻquv qoʻllanmalar nashri uchun lavozim maoshiga nisbatan 15 foizgacha belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;
l) yangi innovatsion korxona tashkil etganligi uchun lavozim maoshiga nisbatan 30 foizgacha belgilanadi.
m) davlat ilmiy dasturlari loyihalarini koʻrib chiqadigan ilmiy-texnik kengashlarda har bir aʼzolik (ishtirok etganlik) uchun lavozim maoshiga nisbatan 15 foizgacha belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;
n) oliy taʼlim tashkilotlari bilan birgalikda ilmiy yoki laboratoriya vositalaridan keng foydalangan holda, yangi oʻquv mahsulotlari (trening kurslari, uslubiy taʼminotli oʻyinlar, uslubiy qoʻllanmalar)ni ishlab chiqish va joriy etishdagi ishtiroki uchun:
oʻzbek yoki rus tilida, shuningdek, til mutaxassisliklari boʻyicha chet tilida har bir mahsulot (majmua) uchun lavozim maoshiga nisbatan 10 foizgacha;
xorijiy tilda (til mutaxassisliklaridan tashqari) har bir mahsulot (majmua) uchun lavozim maoshiga nisbatan 20 foizgacha belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;
o) ilmiy kengashlar huzuridagi ixtisosliklar boʻyicha (chet tili va mutaxassislik fanlaridan) malakaviy imtihon komissiyasi hamda oliy taʼlimdan keyingi taʼlimning barcha shakllarida oʻqishga talabgorlarni tanlab olish uchun kirish imtihonlari va izlanuvchilarni monitoringdan oʻtkazish boʻyicha komissiya (ishchi guruh) aʼzosi boʻlganligi uchun lavozim maoshiga nisbatan 5 foizgacha miqdorda belgilanadi.
Mazkur talab asosida umumiy qoʻshimcha haq lavozim maoshiga nisbatan bir oyda 15 foizdan oshmasligi lozim.
13. Lavozim maoshiga bir martalik qoʻshimcha haq maʼlum bir davr uchun erishilgan natijalar yigʻindisidan kelib chiqqan holda yoki quyidagi zarur shartlar bajarilganda belgilanadi:
b) oʻz vaqtida yoki muddatidan oldin ilmiy daraja olish uchun tadqiqot ishini himoya qilganda:
falsafa doktori (PhD) ilmiy rahbariga himoya qilganligi toʻgʻrisida dalil taqdim qilganida lavozim maoshiga nisbatan 30 foizgacha;
fan doktori (DSc) ilmiy rahbariga himoya qilganligi toʻgʻrisida dalil taqdim qilganida lavozim maoshiga nisbatan 60 foizgacha;
g) tashkilotning mezbon sifatida ishtirok etadigan xalqaro konferensiyani (simpozium, davra suhbati) tashkil etganligi uchun, xodimning qoʻshgan hissasini hisobga olgan holda lavozim maoshiga nisbatan 50 foizgacha olti oyda bir marta;
d) xorijiy mamlakatlarda tashkil qilingan xalqaro ilmiy, ilmiy-texnikaviy va boshqa ilmiy-maʼrifiy tadbirlarda (forumlar, konferensiyalar, kongresslar, anjumanlar, va boshqalar) taklifga asosan maʼruza bilan qatnashganligiga, har bir ishtiroki uchun lavozim maoshiga nisbatan 30 foizgacha;
e) xorijiy xalqaro koʻrgazmalarda oʻzlarining ilmiy yutuqlarini ommalashtirishda rasmiy ishtirok etganligiga har bir koʻrgazma uchun lavozim maoshiga nisbatan 50 foizgacha;
j) nufuzli xalqaro maʼlumotlar bazasiga kiritilgan har bir tadqiqot natijasi uchun lavozim maoshiga nisbatan 30 foizgacha;
z) davlat boshqaruv organlarining murojaatiga asosan ilmiy-amaliy takliflarni tayyorlash uchun qoʻshgan hissasini hisobga olgan holda, lavozim maoshiga nisbatan 30 foizgacha.
4-bob. Oʻrta maxsus, professional va umumiy oʻrta taʼlim tashkilotlarida belgilanadigan qoʻshimcha haq miqdori va muddatlari
14. Lavozim maoshiga har oylik qoʻshimcha haq xodimning faoliyati natijalari asosida quyidagicha oʻrnatilishi mumkin:
a) yoshlarni tarbiyalashga oid har bir ishlab chiqilgan va amaliyotga joriy qilingan ilmiy-metodik qoʻllanma, ilmiy-tahliliy uslub (yondashuv)lar uchun lavozim maoshiga nisbatan 30 foizgacha;
b) taʼlim va tarbiya sohasida tegishli tashkilot bilan bogʻliq ilmiy maqola (monografiya) nashr qilganligi uchun:
jurnalning darajasi va muhimligidan kelib chiqqan holda milliy ilmiy jurnallardagi nashr uchun lavozim maoshiga nisbatan 15 foizgacha;
xalqaro jurnallarda eʼlon qilingan har bir maqola (monografiya) uchun mualliflarga lavozim maoshiga nisbatan 30 foizgacha belgilanadi.
Mazkur bandning barcha kichik bandlari asosida har oylik qoʻshimcha haq lavozim maoshiga nisbatan bir oyda falsafa doktori (PhD)ga 30 foiz va fan doktori (DSc)ga 60 foizdan oshmasligi lozim.
15. Lavozim maoshiga bir martalik qoʻshimcha haq maʼlum bir davr uchun erishilgan natijalar yigʻindisidan kelib chiqqan holda yoki zarur shartlar bajarilganda belgilanadi:
a) fan olimpiadalari gʻoliblarini tayyorlagani uchun lavozim maoshiga nisbatan:
tuman va viloyat miqyosdagi natijalar uchun 15 foizgacha;
respublika miqyosdagi natijalar uchun 20 foizgacha;
xalqaro miqyosdagi natijalar uchun 30 foizgacha;
b) zamonaviy oʻquv-koʻrgazmalarni yaratganligi uchun 10 foizgacha;
v) noanʼanaviy yoʻnalishdagi (robototexnika, mental arifmetika va boshqalar) oʻquv mashgʻulotlarini tashkil qilganiligi uchun 30 foizgacha;
g) oʻquvchilarda tadbirkorlik koʻnikmalarini shakllantirishga qoʻshgan hissasi uchun 20 foizgacha.
5-bob. Maktabgacha taʼlim tashkilotlarida belgilanadigan qoʻshimcha haq miqdori va muddatlari
16. Lavozim maoshiga har oylik qoʻshimcha haq xodimning faoliyati natijalari asosida quyidagicha oʻrnatilishi mumkin:
a) maktab yoshigacha boʻlgan bolalarni tarbiyalashga oid har bir ishlab chiqilgan va amaliyotga joriy qilingan ilmiy-metodik qoʻllanma, ilmiy-tahliliy uslub (yondashuv)lar uchun lavozim maoshiga nisbatan 30 foizgacha;
b) taʼlim va tarbiya sohasida tegishli tashkilot bilan bogʻliq ilmiy maqola (monografiya) nashr qilganligi uchun:
jurnalning darajasi va muhimligidan kelib chiqqan holda milliy ilmiy jurnallardagi nashr uchun lavozim maoshiga nisbatan 15 foizgacha;
xalqaro jurnallarda eʼlon qilingan har bir maqola (monografiya) uchun mualliflarga lavozim maoshiga nisbatan 30 foizgacha belgilanadi.
Mazkur bandning barcha kichik bandlari asosida har oylik qoʻshimcha haq lavozim maoshiga nisbatan bir oyda falsafa doktori (PhD)ga 30 foiz va fan doktori (DSc)ga 60 foizdan oshmasligi lozim.
17. Lavozim maoshiga bir martalik qoʻshimcha haq maʼlum bir davr uchun erishilgan natijalar yigʻindisidan kelib chiqqan holda yoki quyidagi zarur shartlar bajarilganda belgilanadi:
a) koʻrik tanlovlardagi ishtiroki uchun lavozim maoshiga nisbatan:
tuman va viloyat miqyosdagi natijalar uchun 15 foizgacha;
respublika miqyosdagi natijalar uchun 20 foizgacha;
b) oʻyin tamoyiliga asoslangan zamonaviy mashgʻulotlarni tashkil qilganligi uchun 15 foizgacha;
v) tarbiyalanuvchilarni ilm-fanga qiziqishini oshirishga qoʻshgan hissasi uchun 20 foizgacha.
5 1 -bob. Tashkilotlarda ilmiy darajaga ega xodimlarga qoʻshimcha haq toʻlash boʻyicha ishchi komissiyani tashkil etish tartibi
17 1 . Qoʻshimcha haq olish huquqiga ega boʻlgan xodimlarning arizalarini umumlashtirish va kollegial organ yigʻilishida koʻrib chiqish uchun hujjatlarni tayyorlash boʻyicha ishchi komissiya tarkibi har yili dekabr oyida Kollegial organ qarori bilan kamida yetti kishidan iborat etib tasdiqlanadi.
17 2 . Ishchi komissiya tarkibiga oliy taʼlim muassasalari uchun ilmiy va innovatsiyalar boʻyicha prorektor (filial direktori oʻrinbosari), ilmiy tashkilotlar uchun direktorning ilm-fan boʻyicha oʻrinbosari, bunday lavozim boʻlmaganida ilmiy kotib, oʻrta maxsus, kasb-hunar va umumiy oʻrta taʼlim tashkilotlari uchun direktorning oʻquv ishlari boʻyicha oʻrinbosari, maktabgacha taʼlim muassasalari uchun bosh uslubchi rahbarlik qiladi.
17 3 . Tashkilotlar ishchi komissiya huquqlari va javobgarligi, faoliyatini tashkil etish tartibini tasdiqlaydi.
6-bob. Qoʻshimcha haq mablagʻlarini rejalashtirish va moliyalashtirish
18. Tashkilot tomonidan qoʻshimcha haq belgilash uchun budjet mablagʻlari hajmini rejalashtirish ilmiy darajali xodimlarga shtat birligi sonidan kelib chiqib, qoʻshimcha haqning eng koʻp miqdorida belgilanadi:
falsafa doktori (PhD) yoki fan nomzodi ilmiy darajasi (yoki shunga tenglashtirilgan xorijiy davlatlar darajasi)ga ega xodimlarning lavozim maoshiga nisbatan 30 foizgacha;
fan doktori (PhD) ilmiy darajasi (yoki shunga tenglashtirilgan xorijiy davlatlar darajasi)ga ega xodimlarning lavozim maoshiga nisbatan 60 foizgacha.
Mazkur qoʻshimcha haqni moliyalashtirish ilmiy darajali xodimlarning haqiqiy shtat birligi sonidan kelib chiqqan holda amalga oshiriladi.
19. Xodimlarga qoʻshimcha haqni belgilash bilan bogʻliq xarajatlar shtat jadvalida alohida aks ettiriladi va tashkilotning xarajatlar smetasida alohida modda bilan budjet klassifikatsiyasi xarajatlarida nazarda tutiladi.
20. Tashkilot ushbu nizomga mos ravishda, majburiy tartibda budjet tashkilotlarini rivojlantirish jamgʻarmasiga kelib tushadigan va undan sarflanadigan pul mablagʻlarini alohida hisobini yuritadi.
7-bob. Yakunlovchi qoidalar
21. Ushbu Nizom boʻyicha ajratiladigan pul mablagʻlarining maqsadli, samarali va oqilona ishlatilishi, shuningdek, qoʻshimcha haq miqdori asoslangan va toʻgʻri hisoblanishi hamda belgilanishi uchun tashkilot rahbari shaxsan javobgar hisoblanadi.
22. Mazkur Nizom talablari asosida qoʻshimcha haq toʻlash qoʻshimcha har oylik va bir martalik toʻlovlar miqdori bir oyda fan nomzodi yoki falsafa doktori (PhD) (yoki xorijiy mamlakatlarda ularga tenglashtirilgan) ilmiy darajasiga ega boʻlgan xodimlar uchun lavozim maoshining 30 foizidan hamda fan doktori (DSc) (yoki xorijiy mamlakatlarda unga tenglashtirilgan daraja) ilmiy darajasiga ega boʻlgan xodimlar uchun lavozim maoshining 60 foizidan oshmasligi kerak.
23. Ushbu Nizom talablarini buzilishida aybdor shaxslar qonunchilik hujjatlarida belgilangan tartibda javobgar boʻladilar.
24. Tizimida tashkilotlar mavjud boʻlgan vazirlik va idoralar Innovatsion rivojlanish vazirligi bilan birgalikda qonun doirasida tashkilot kollegial organlarning qoʻshimcha haq miqdorini oʻrnatishni tashkil qilishi ustidan nazorat qiladi.
24 1 . Ushbu Nizom doktoranturada tahsil olayotgan shaxslarga nisbatan tatbiq etilmaydi.
25. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.
26. Davlat boshqaruvi organlari va boshqa tashkilotlarda faoliyat yurituvchi ilmiy darajaga ega xodimlarga qonunchilikda belgilangan tartibda budjetdan tashqari mablagʻlar hisobidan qoʻshimcha haq toʻlanishi mumkin. Bunda qoʻshimcha haq belgilash talablari (mezonlari) davlat boshqaruvi organlari va boshqa tashkilotlar faoliyatining asosiy xususiyatlaridan kelib chiqqan holda ularning kollegial organi qarori bilan tasdiqlanadi.
Akademik, tashkiliy-boshqaruv va moliyaviy mustaqillik berilgan oliy taʼlim muassasalarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega xodimlarga ushbu tashkilotlarning budjetdan tashqari mablagʻlari hisobidan ham qoʻshimcha haq toʻlanishi mumkin.
Bunda, qoʻshimcha haq belgilash talablari (mezonlari) ushbu tashkilotlarning kuzatuv kengashlari qarori bilan belgilanadi.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 24-dekabr,
1030-son